The post Што во слободно време? – The Witches appeared first on Аптеки PlusPharma.

Постојат низа ригорозни супстанци кои влијаат на ендокриниот систем, поточно ја загрозуваат работата на тироидната жлезда и хормоните,зголемувајќи го потенцијалот на низа хронични болести како дијабетес и срцеви заболувања.

Неодамнешната студија на Универзитетот Џорџ Вашингтон, САД, откри 45 различни токсични супстанци во вообичаената куќна прашина од кои најмалку 10 демнат во 90 % од домовите. Благодарение на модерното домаќинство и употребата на различни формули за одржување на чистотата, луѓето несвесно создаваат небезбеден дом. Решението не подразбира само ослободување од производите за чистење, бројот на токсините во домот ќе се намали ако разумно се храните, одбирате каква вода пиете и каков воздух дишете.

Бања

Многу од козметичките производи содржат високо ниво на фталати кои имаат негативен ефект на ендокриниот систем. Најчесто треба да се наведени меѓу листата состојки, но не бидете изненадени ако не се. Некои кармини на пример, имаат премногу олово. За да не заглавите читајќи етикети, користете 2-3 производи во текот на денот за да не ја преплавите кожата со безброј токсини. Денес е уште полесно, едноставно префрлете се на природни, органски алтернативи. И не заборавајте да ја фрлите онаа маска за лице што стои во бањата од 1999-та. Ако вашата бања сѐ уште ја красат завеси, имаме лоши вести. Пластичните завеси најчесто содржат ПВЦ (поливинилхлорид) кој служи да ја омекне пластиката, но истовремено емитува токсични супстаници вклучувајќи фталати и олово. Да, количините се ниски, но кога веќе има избор, набавете од оние што не содржат ПВЦ. Во пастата за заби или течноста за плакнење уста, може да најдете антибактерска состојка наречена триклосан. Неговата структура е толку слична со тироидните хормони, така што тој лесно се врзува за тироидната жлезда целосно загрозувајќи го целиот организам. Бели заби се возможни и без токсини, потребен ви е само флуорид без триклосан.

Дневна соба

Не треба да сте научник за да забележите дека телевизорот се загрева додека работи, истото се однесува и на компјутерот и телефонот. Скоро секој уред има забавувач на топлината кој сам се активира. Токму тој  е токсичен до степен да влијае на хормонскиот баланс. Премногу е да бараме да се откажете од овие гаџети, затоа едноставно исклучете ги во текот на ноќта за целосно да се оладат. Прескокнете ја опцијатаstandby или night mode, спасот е во power off. Исклучувањето прави голема разлика во нивото на овие штетни материи кои живеат во куќната прашина и воздухот. Идејата за уживање пред камин секому звучи добро, но последниве години сфативме колку штетно може да биде. Отворениот оган емитува двојно повеќе штетен чад и ситни саѓи за разлика од затворената печка чија емисија е повеќе штетна за надвор, отколку за домот. Имајте на ум дека сувите дрва чадат помалку, а тоа значи дека се помалку штетни од влажните и скапани трупци.

Колку и да е удобна, меката гарнитура е поштетна во однос на тврдата. Но, ова важи само ако содржиперфлуорирани алкилизирани супстанци (PFA), а повеќето содржат, чија цел е да го направат креветот водоотпорен и отпорен на дамки. Но, ваквиот „паметен“ кревет може да го потисне или да го наруши имунитетот. Софата изработена од кожа или памук е посигурна варијанта. Во случај веќе да заглавивте со штетникот од погоре, редовното чистење на креветот со правосмукалка може да помогне.

Спална соба

Речиси една четвртина од животниот век човекот го поминува во кревет што не е малку во однос на тоа колку се жалиме дека сме ненаспани. Но, причината за умор и неквалитетен сон многу веројатно се должи на несоодветната постелнина и лош душек.Сериозно се исплати да инвестирате во душек од органски латекс, полнењето на јорганот да биде од волна, а чаршафите и навлаките за перници да бидат од органски памук, во спротивно се изложувате на сериозна количина токсини кои ги апсорбирате преку кожата и грлото додека спиете. Освежувачите за воздух во облик на спреј и миризливите свеќи, честопати содржат лимонен кој го обезбедува оној цитрусен мирис. Ова не звучи воопшто страшно, но кога лимоненот ќе дојде во контакт со честичките во воздухот се трансформира во формалдехид кој е канцероген. Добрата вест е тоа што одредени растенија како бршленот, лавандата, папратот и гераниумот го апсорбираат формалдехидот од воздухот во домот. Се погриживте да го освежите ентериерот менувајќи ја бојата на ѕидовите, но дали се запрашавте колку безбедна боја користевте? Бојата содржи низа штетни материи кои испаруваат во воздухот и тоа на собна температура. И малото изложување на овие материи може да предизвика главоболка, вртоглавица и гадење. Следниот пат обрнете внимание на составот, ви треба боја што не содржи фталати.

Кујна

Сигурно се гордеете што вашата исхрана се темели на заленчук и овошје, но што ако ви кажеме дека истата може да биде поштетна и понечиста од месото купено во кебапчилница? Плодовите растат со помош на пестициди кои завршуваат во мијалникот, а оттаму лесно пак стасуваат до вас. Инаку, виновни се за остеопороза, хормонски дебаланс и клеточно оштетување. Немате доволно буџет за да купувате исклучиво органско? Обрнете внимание на 12-те плодови кои најмногу задржуваат пестициди: јагоди, спанаќ, нектарина, јаболка, праски, круши, цреши, грозје, целер, домат, сите видови пиперки и компири. За темелно да ги дезинфицирате, потопете ги во раствор од сода бикарбона и оцет, а потоа уште еднаш темелно измијте ги со чиста вода. Голем дел од храната спакована во плстична амбалажа или конзервираната, содржи високи дози на бисфенол А, состојка која ја поврзуваат со покачен ризик од гојазност, болести како дијабетес, а го забрзува и стареењето. Јадете почесто свежа храна, а она што ќе остане складирајте го во стаклени садови или пластика што не содржи BPA.

The post Дали вашиот дом е токсичен? appeared first on Аптеки PlusPharma.

The post Што во слободно време? ДОКУМЕНТАРНА ТВ СЕРИЈА – Tiger King: Murder, Mayhem and Madness appeared first on Аптеки PlusPharma.

Добрата книга го поттикнува интелектуалниот развој, го подобрува говорот и го збогатува речникот. Ги развива детската фантазија и креативното мислење и води кон усвојување повисоки морални вредности и хумани пораки.
Иако живееме во т.н. дигитално време, со пристап до секаков вид содржини и литератури, читањето книга во нејзината примарна форма е уживање за сите сетила.

Кога да се зпочне?

Книгата како верен животен сопатник

Дали ќе го засака читањето или не – зависи од многу фактори. Како и кон сè друго, и љубовта кон книгата треба да се развие. Ако, како родители, на правилен начин ја подотвориме вратата, на детето му отвораме еден магичен свет на знаење, можности и имагинација. Дали и во колкава мера книгата ќе биде животен сопатник – зависи и од тоа во колкава мера и на каков начин како родители ќе му помогнете на детето да ги создаде првите навики за читање.

Избор на вистинска книга

Од изборот на книгата зависи и во колкава мера детето ќе ужива. На малите деца им се потребни книги кои им го привлекуваат вниманието и со коj може да манипулираат. За нив се идеални тврди сликовници, водоотпорни книги, со живи бои, со јасни и крупни фигури. За малку повозрасните (некаде околу втората-третата година), најблиски им се книгите со кратки и лесни раскази кои ќе ја поттикнат нивната фантазија и ќе ги идентификуваат на ниво и самите да станат учесници во некоја од бајките коишто подоцна ќе ги интерпретираат. Дозволете му на детето и прашајте го која книга или сказна сака да му ја читате. Следете го неговиот интерес и, како резултат на тоа, одлучувајте на кој начин ќе ја дополнувате неговата библиотека.
Важно е децата да имаат своја библиотека каде ќе можат и самостојно да контактираат со своите книги и сликовници.

Ритуалот на читање

Најдобро е ако читањето прерасне во задолжителен и многу важен дел од вашиот ден. Одењето в кревет и вечерните часови се чини дека се идеални за читање. Ова е период кога детето има потреба за помирни активности. Во овој период читајте лесни и смирени теми. Читајте полека и дозволете му на детето да ги следи содржините и сликите и да има време да ја разбере и да ја запомни содржината. Читањето не мора да е во точно утврден термин. Бидете на располагање секогаш кога детето ќе пројави желба за читање. Убаво е кога детето само ќе почне да бара да му се чита.
Многу е важно во текот на читањето и вие да се идентификувате со ликовите и со ситуацијата. Драматизирајте ја целата приказна. Доближете му ја на детето. Имитирајте разни гласови и карактери, дури и ако тоа се гласови на животни, возила и сл. Едноставно, уживајте во оваа улога.

Читајте заедно

Во текот на читањето дозволете детето да биде активно. Повторувајте ги речениците заедни и прераскажувајте ги сцените. Преку илустрациите бодрете го да ја продолжи приказната, иако можеби сè уште не знае да чита. Дозволете да креира свој тек на приказната. Со прстот следете го текстот што го читате. Преку сликите учете ги боите, животните и предметите.  Некогаш намерно згрешете го текстот или погрешно претставете некоја слика. Очекувајте ја неговата реакција. Ќе забележите дека по некое време ќе ги лови сите ваши грешки и ќе ве коригира.  Сето ова е дел од процесот на наведување на детето да учествува и да го доживува читањето со своја глава.

Доследен пример

Најубавиот подарок

Користете ја секоја прилика подарокот да биде во форма на книга. Роденденскиот подарок на другарчињата надополнете го со убава и весела книга којашто заедно ќе ја одберете.

Не правете ништо насила

The post ДЕЦАТА И КНИГИТЕ – Од мали палавковци до верни читатели? appeared first on Аптеки PlusPharma.

The post Што во слободно време? – АНИМИРАН ФИЛМ The Croods: New Age appeared first on Аптеки PlusPharma.

The post Што во слободно време? – ПОГЛЕДНЕТЕ ЈА ТВ-СЕРИЈАТА „The Queen’s Gambit“ appeared first on Аптеки PlusPharma.

The post Што во слободно време? – ПОГЛЕДНЕТЕ ГО ФИЛМОТ „Dolittle“ appeared first on Аптеки PlusPharma.

The post ПРОЧИТАЈТЕ ЈА „КАКВИ ШТО ТИ СЕ МИСЛИТЕ ТАКОВ ТИ Е ЖИВОТОТ“ ОД ЏЕЈМС АЛЕН appeared first on Аптеки PlusPharma.

The post Што во слободно време? – ПОГЛЕДНЕТЕ ГО ФИЛМОТ EMMA appeared first on Аптеки PlusPharma.

1. На YouTube, побарајте некое од видеата на #thedadlab – интересни се и поучни, особено експериментите со вода. Вклучете го детето во процесот на изработка.
2. Додека сте на прошетка со децата или внуците, дајте им задача да собираат суви листови. Погрижете се тие да бидат од некоја чиста лединка или едноставно измијте ги дома. Искористете ги листовите за да изработите различни животинки.
3. Научете ги најмалите дека рачните изработки имаат непроценлива вредност, особено кога се изработени со природни материјали. Шишарките се одличен мотив за да изработите новогодишни украси, зарем не? 

The post Што во слободно време? – ВРЕМЕ ЗА НАЈМАЛИТЕ appeared first on Аптеки PlusPharma.

А, зошто не и двата? Но, ако ве интересира кој предничи во однос на нутритивните вредности, тогаш слаткиот е во мала предност. Подеднакви се кога станува збор за витаминот Б6 и железото, според анализите на Џо Холингтон– диететичар и основач на „Нутришн ми“ (Nutrition Me). Обичниот компир е во предност во однос на витаминот Ц и бројот на калории (146 калории во 170 г во однос на 130 калории), но слаткиот содржи плус витамин А. Влакненцата во лушпата на слаткиот компир се доказ дека има понизок гликемиски индекс, што го прави одличен снабдувач на бавно-ослободувачка енергија. Ова важи без разлика колку и како го готвите.

Дали навистина ми треба и дневен и ноќен крем?

Да, бидејќи кожата има потреба од различни активни состојки навечер и преку ден. Дневната крема треба да содржи СПФ и антиоксиданти кои ќе војуваат со загадувачите и ќе го контролираат црвенилото. Ноќната крема треба да работи на проблемите со кои се соочува кожата, како сувост, темни дамки, знаци на стареење.

Зошто во зима ми се јаде висококалорична храна?

Виновни се хормоните! Тие се под силно влијание на сончевата светлина, па штом почне порано да се стемнува, нивото на серотонин (хормонот одговорен за среќата) почнува да опаѓа. Консумирањето храна богата со јаглехидрати го поттикнува неговото лачење. Поточно, јаглехидратите го поттикнуваат лачењето на инсулинот, кој, пак, ја конвертира аминокиселината триптофан во серотонин. Од овие причини, човекот несвесно преку храната се обидува да се расположи. А сега кога веќе знаете, одбирајте јаглехидрати со цело зрно, а оризот нека биде кафеав – потребно е подолго време за да се дигестираат, додека лачењето на глукоза во крвта се одвива порамномерно. На овој начин, нема да се соочите со нагло покачување на шеќерот во крвта, а ќе имате корист од бавното ослободување енергија.

Дали преморот е реален?

Едно е сигурно – преморот може да ве остави без сон! Исцрпеноста се случува кога телото и умот не се синхронизирани: ментално сте истрошени, но, физички, телото не е доволно уморно за да потоне во сон. Вежбањето може да помогне, бидејќи на тој начин телото ќе се ослободи од адреналинот насобран во текот на стресниот ден лачејќи аденозин. На овој начин, всушност, ќе му помогнете на мелатонинот (хормонот одговорен за спиење) да биде поефикасен. Заборавете на идејата за чаша вино, алкохолот го компромитира длабокиот сон.

Црвена, кафеава или зелена леќа?

Која ви е највкусна – таа, само да е леќа. Новите истражувања велат дека доволно е половина чинија ориз да замените со леќа, за да го намалите шеќерот во крвта за 20 %. Овој зеленчук кој е екстремно богат со влакна и протеини, ја забавува дигестијата и ослободувањето на шеќерот, правејќи ве сити подолго време и намалувајќи го ризикот од дијабетес.

Ладен туш или топла бања – што е подобро по вежбање?

Зависи што сте вежбале! Ако сте изведувале вежби за издржливост, да речеме маратон, парната бања е одлична за истрошените мускули експресно да си ја вратат силата. Ако имате слаби точки кои ве изневеруваат во текот на тренингот, на пример, тетивите или половината, топла облога би ја подобрила циркулацијата. Но, за итна превенција од болки, бодежи, треперење во слабите точки, ставете кеса со лед за да спречите отекување или здрвување – особено на колената, колковите, зглобовите. Само што завршивте со кросфит-тренинг или трчавте спринт? Појдете под ладен туш. При интензивни и краткотрајни тренинзи, студената вода е во функција да ја насочи крвта во центарот на телото и на тој начин да ги стопли органите. Штом излезете од туш, крвта екстра брзо ќе се врати кон екстремитетите за да ги лекува и да ги опушти. За ладен туш се резервирани максимум 15 минути, поделени во интервали од по 3 минути.

The post Интересни прашања – Научни одговори appeared first on Аптеки PlusPharma.

Кога се чувствувате НЕРВОЗНО

Лекот е: ДЛАБИНСКО ЧИСТЕЊЕ
„Ако некоја ситуација ве иритира, фрлете се на рибање подови, када, рерна. Гледањето во блескавиот ефект делува смирувачки и поттикнува чувство на рамнодушност“, тврди Мелиса Мејкер, автор на „Clean My Space“.Плус, рибањето несомнено резултира со лачење ендорфин.

Олеснете си: НАБАВЕТЕ СООДВЕТНИ ПРОИЗВОДИ
За тврдокорните дамки ви требаат агресивни формули, можеби нешто на база на цитрусна киселина или екстракт од брезова кора кои се темелни, а, сепак, нема да ви ги уништат дланките. Тврдоглавата дамка може уште толку да ве направи нервозни, затоа погрижете се да ја победите.

Применете: КРИВУЛЕСТИ ПОТЕЗИ
Најчесто рибаме правејќи кружни движења, а така, нечистотијата од една точка ја враќаме назад на чистата точка. Затоа рибајте со цик-цак потег или кривулести потези, небаре пишувате латинично „S“.

Кога се чувствувате АНКСИОЗНО

Лекот е: РЕОРГАНИЗАЦИЈА

Хаосот дома поттикнува стрес поради неможноста да го најдете брзо она што ви треба, од друга страна, глетката премногу го стимулира мозокот кој се обидува да го процесира шаренилото. Со воведување ред во домот, ќе воведете и ред во главата, сортирајќи ги мислите и ослободувајќи се од непотребните.

Олеснете си: ПРИФАТЕТЕ ГО НЕРЕДОТ

Некои работи едноставно се создадени да бидат хаотични, како фиоката во кујна во која трупате сѐ и сешто. Не трудете се тука да правите ред, бидејќи ќе потфрлите. Договорете се со себе и со другите во домот, дека таа фиока е дом за сите предмети кои немаат свој.

Применете: АМАТЕРСКИ ПЛАН

Ако ви тргне работата, голема е веројатноста да станете перфекционисти. Вашиот дом не е аптека!Од вас се бара ред кој ќе ви овозможи непречено функционирање. Ако фармерките спружени на стол (спремни за наредниот ден) ви создаваат несоница, бидејќи не спијат во плакар, тогаш сте претерале.

 Кога се чувствувате ИЗГУБЕНО

Преземете: ЧИСТКА!
„Креирањето физички простор делува трансформирачки“, вели Гречен Рубин,автор на „Outer Order, Inner Calm“. „Ослободувањето од предметите кои повеќе не ви користат, ќе ве преплави со чувство на леснотија. Освежениот дом ќе ви даде елан за нов почеток.“

Олеснете си: ЗАКЛУЧЕТЕ КАКОВ СОБИРАЧ СТЕ
Дали нередот во домот е резултат на вашата спремност за во иднина – чувате кутија со копчиња? Или сте заробени во минатото – го чувате фустанот од матура? Замислете реална ситуација во која навистина имате потреба од овие нешта, ако шансите се 50% или помалку, прогласете ги за непотребни.

Применете: 3 ПАТИ ПОМИСЛИ, ЕДНАШ ФРЛИ
Не е чудно ако ви е тешко да се ослободите од нештата, можеби проблемот лежи во несигурноста дали некогаш ќе ви притребаат. Ако мислата „За што ми е ова?“ ја помислите трипати за одредена работа, тогаш време е за збогување.

The post Чист дом – чист ум appeared first on Аптеки PlusPharma.

Депресијата е почеста кај момчињата под 10 години

Како да ја препознаете детската депресија?

Симптомите се различни меѓу децата и честопати се протнуваат под радарот на родителите, бидејќи се доживуваат како нормални промени. Детската депресија доаѓа во маскирана форма и нештата стануваат јасни дури кога детето ќе почне да покажува агресија. Депресијата кај децата стартува исто како и кај возрасните, со тага, чувство на безнадежност и променливо расположение.

СИМПТОМИ:

• Иритабилност или гнев
• Постојано чувство на тага и безнадежност
• Социјална изолација
• Чувствителност од одбивање
• Промени во апетитот – намален или зголемен
• Промени во спиењето – несоници или сонливост
• Плачење
• Слаба концентрација
• Умор и недостиг на енергија
• Физички поплаки (стомачни тегоби или главоболка) кои не реагираат на третман
• Намалена способност за нормално функционирање при различни настани и случувања дома, во училиште, избегнување на хоби
• Чувство на безвредност или вина
• Самоубиствени мисли

Не сите деца ги имаат сите овие симптоми. Повеќето манифестираат различни симптоми во различно време и при различни околности. Иако некои деца функционираат нормално во структуирана околина, поголемиот број страдаат од забележливи промени во однос на социјалните активности, намален интерес кон училиштето, слаби оцени и промени во физичкиот изглед.

По 16-тата година, ризикот за депресија се зголемува кај девојчињата

Кога да побарате стручна помош?

Ако симптомите на депресија кај детето траат најмалку две недели, неопходно е да појдете кај матичниот лекар со цел тој да утврди далиможеби зад нив се крие физички фактор, па потоа да ве упати кај специјалист.

Нека не ве изненади барањето на матичниот лекар или специјалистот да поразговара со вашето дете насамо. Не постојат конкретни тестови за да се утврди депресијата, но прашалниците во кои е вклучено целото семејство и сите споделени лични информации ја олеснуваат евалуацијата. Третманот е ист како и кај возрасните, психотерапија пропратена со антидепресиви по потреба.

Што плус можете да сторите како родители?

Да се погрижите за здравиот животен стил на детето со цел побрзо да ја надмине депресијата. Да ве потсетиме, зборуваме за болест, а не за минливо чувство или фаза.

• Исхрана која изобилува со овошје, зеленчук, зрнеста храна (грав, леќа, грашок), семиња, јаткасти плодови и чисти протеини
• Физичка активност најмалку 60 минути дневно, секој ден
• Спиење според препорачаните часови соодветни за возраста
• Практикување техники за релаксација

Зошто токму децата?

Да, нивниот живот треба да е безгрижен и честопати не е јасно што ја поттикнува депресијата. Многу фактори можат да влијаат, почнувајќи од самата биологија и темперамент на детето. Траума, стрес, понижување, малтретирање (физичко и психичко), отфрлање од средината, наследна депресија од родителите – се дел од можните причинители.

Девојчињата се посклони да извршат обид за самоубиство, но момчињата најчесто одат до крај

The post Детска депресија appeared first on Аптеки PlusPharma.

ИЗБЕГНУВАЈТЕ ГИ:Ако имате сериозна повреда на колената или на половината.

ФИТНЕС-ПРЕПОРАКА: Трикот на вежбата не е да се трудите да чучнете што пониско, туку да ја постигнете вистинската позиција – колената треба да бидат во линија со средните прсти на стапалата, а задникот треба да биде испапчен нанадвор и надолу.

ЗНАЦИ ДЕКА ГИ ПРАВИТЕ ПОГРЕШНО:

• Колената ви се навнатре. Тоа носи голем ризик од повреда на лигаментите. Работете на тоа да ги зајакнете мускулите на бутините за да не ви се случува ова.
• Ве боли половината. Обидете се да ја насочите сопствената тежина на нозете и на задникот наместо на половината.
• Ги поткревате петите. Држете ги стапалата цврсто на земја за да можете лесно да се враќате во стартната позиција, во спротивно, можно е да го загубите центарот на гравитација.

Карактеристично за овој тип вежба е тоа што на луѓето им дава лажна перцепција дека е лесна за изведување. Ваквото уверување паѓа во вода по 5-6 повторувања. Според Марк Крамер, предавач по биомеханика и физиологија на вежбањето на универзитетот „Нелсон Мандела Метрополитен“ во Јужна Африка, најверојатно ја изведувате погрешно. „Она што го прави чучнувањето комплицираное тоа што малкумина можат да се потпрат на мускулите на задникот, па целиот товар паѓа на нозете“, објаснува тој. Проверете дали има право со овој мал тест: застанете исправено со нозете раширени во линија на рамената и стегнете го задникот колку што можете посилно. Следно, спуштете се надолу во седечка позиција. Ретко кој може да продолжи да го стега задникот, што значи дека мускулите на бутовите ја завршуваат целата работа. Се препознавте? Обидете се да чучнете колку што можете пониско, не заборавајте да ги стегнете мускулите на задникот и целете на 1 или 2 сета со по 10 до 15 повторувања и пауза од 60 секунди помеѓу. Подготвени сте?

The post Чучнувања appeared first on Аптеки PlusPharma.

Кога ние возрасните, ќе го најдеме далечинското во фиоката од ладилникот, ваквата расеаност ќе ја препишеме на недостигот на сон и на преголемиот број обврски. Но, ваквите инциденти за многумина претставуваат начин на живот кој до пред некоја година психијатарите го дијагностицираа како анксиозност, биполарно растројство, депресија, а всушност станува збор за Синдром на невнимание и хиперактивност (ADHD). Илјадници возрасни се соочуваат со синдромот кој обично им се препишува на децата и на адолесцентите и тоа е главната причина заради која проблемот се продлабочува.

Во последнава декада, менталното здравје постојано ни е во фокус. Луѓето нагло ја подобрија свесноста за себеси –„60 до 70 проценти можат да ги препознаат клучните симптоми на депресијата, а речиси половина од нив знаат да препознаат анксиозност штом ја почувствуваат“, се вели во последните истражувања. Но, кога ќе се спомене ADHD(или доволно е само хиперактивност), повеќето од нас замислуваат дечиња кои трчаат како муви без глава мавајќи си ја главата од ѕид. Ваквиот стереотип е толку тешко да се избегне, што најчесто води до погрешна дијагноза. Најмногу изложени на ризик? Жените! Некои институти за ментално здравје во светот веќе работат на тоа да ги унапредат насоките кон пациентите и, пред сѐ,докторите да размислат одново пред да ги дијагностицираат вообичаените ментални состојби.

ПОГРЕШЕН МАРКЕТИНГ
„Синдромот на невнимание и хиперактивност го карактеризираат три основни однесувања: хиперактивност, импулсивност и невнимание, со тоа што страдалниците искусуваат или предоминантни симптоми на невнимание или комбинација од трите“, објаснува д-р Роб Баскинд, консултант психијатар и експерт за ADHDкај возрасни. „Станува збор за невронска состојба или нарушување на системот одговорен за контрола на концентрацијата и транспорт на одредени невротрансмитери.“ Вообичаена е за момчињата и, секако, многу од децата ја надраснуваат, но се верува дека 65 % од децата со ADHDсѐуште се соочуваат барем со некои од симптомите додека наполнат 25 години, а некои остануваат заглавени со нив со декади.

ADHDкако состојба меѓу возрасните беше препознаена во 2008-ма и оттогаш на луѓето чии симптоми значително влијаат врз најмалку еден домен од нивното секојдневие, им се препорачува да појдат кај специјалист со цел да добијат соодветен третман –рецепт за метилфенидат (риталин) или курс по когнитивна бихејвиорална терапија. И сето ова звучи многу едноставно, но од старт имаме проблем со свесноста меѓу луѓето, па дури и докторите.
Возможно е да ги имате симптомите и пак да не успеете да ги поврзете со болеста, а со оглед на преклопувањето на симптомите својствени за други состојби, очигледно е дека и докторите ја губат загатката. И додека децата изведуваат тантруми, возрасните ги потиснуваат емоциите од причина што трескањето од земја станува општествено неприфатливо. Во превод, тие не манифестираат никакви симптоми, а тоа ја усложнува дијагнозата.
Ревизијата на болеста од 2014-та меѓу девојчињата и жените го потврди следното: Поради начинот на кој жените ги манифестираат симптомите, тие најчесто спаѓаат во категоријата на невнимателни отколку хиперактивни;тие отпаѓаат од групата пациенти кои се соочуваат со трите основни симптоми истовремено;честопати не им бил дијагностициран ниту еден симптом. Затоа, нагласете колку често ви се случува да ја оставите рерната вклучена, да ги изгубите клучевите од дома, да ги заборавите документите на шалтер.

Синдромот на невнимание и хиперактивност го карактеризираат три основни однесувања: хиперактивност, импулсивност и невнимание.

ПОГОДЕНА ДИЈАГНОЗА
Студијата од Норвешка епрва која го испитуваше опсегот на останатите ментални состојби меѓу жените со ADHD. Потпирајќи се на податоците собрани од 40.000 Норвежани со ADHDи 1.6 милиони без, истражувачите открија дека кај жените кои страдаат од синдромот, анксиозноста, депресијата, биполарните нарушувања и растројствата на личноста, се поопсежни. Но, дали животот без дијагностициран ADHDможе да предизвика развој на други ментални состојби? „Ако сте едни од ретките луѓе кај кои синдромот е присутен и во возрасното доба, тогаш голема е веројатноста да се соочувате со жестока состојба и нагласени симптоми, за разлика од другите чии симптоми стивнуваат после адолесценцијата“, вели д-р Ашок Рој, водечки психијатар по интелектуален хендикеп во Ројал колеџот за психијатари. „Колку подолго живеете без дијагноза, толку е поголема веројатноста да развиете секундарни состојби како директни резултати. И токму тука ќе паднете во магична замка, ако ги третирате секундарните состојби без да препознаете дека ги поттикнува синдромот, тогаш несомнено имате борба без крај.“

Поткревањето на свеста на сите фронтови (пациенти и лекари) може да направи најголема разлика. „Синдромот има неверојатна дарежлива особина, бидејќи штом го утврдите и почнете да работите на него, несомнено ќе почувствувате разлика. Не подразбира комплексен психолошки третман, одговорот на третманот обично е брз, а кај некои луѓе лекарствата прават разлика за неколку дена“, објаснува д-р Рој.

Додека децата изведуваат тантруми, возрасните ги потиснуваат емоциите од причина што трескањето од земја станува општествено неприфатливо и затоа проблемот останува маскиран.

ДЕФИНИРАЈТЕ СЛУЧАЈ
Како да направите разлика помеѓу чудниот расеан момент и менталната состојба со која можеби живеете цел живот? За почеток заборавете на стереотипите. Синдромот обично стартува со невнимание –ви паѓа концентрацијата сред читање, постојано скокате од една на друга задача, редовно губите предмети. На врвот на овие особини можно е и хиперактивно или импулсивно однесување – менување планови во последна минута, владеење со вниманието во просторијата и непрекинато и брзо зборување.
Ако мислите дека си имате работа со синдромот, појдете кај матичниот доктор и посочете му го да ве упати кај специјалист. Дојдете подготвени и наведете ги сите симптоми, бидејќи ретко кој ќе ве ислуша повеќе од 3 минути. Пожелно е да нагласите КАКО симптомите влијаат на вашиот живот. Ако го имате синдромот, симптомите ќе ги чувствувате многу често, најверојатно секојдневно и истите ќе влијаат на неколку аспекти од вашиот живот. Опасен возач, неможност да задржите работно место, тешкотии во формирањето пријателства, се примери за значително влијание на симптомите. Со оглед на развојната природа на синдромот, размислете дали истите симптоми ги имавте и како дете. Ако ви биде дијагностициран ADHD, третманот подразбира лекарства, терапија или комбинација од двете. Најдоброто од сѐе тоа што не постои опција за неуспех.

ADHD (Attention Deficit Hyperactivity Disorder) е состојба која е својствена за момчињата и за возрасните жени.

The post ADHD – Анксиозни? Депресивни? Хиперактивни? Дефокусирани? appeared first on Аптеки PlusPharma.

Возраст: 6+

The post Што во слободно време? – ДОКУМЕНТАРЕН ФИЛМ ЗА ДЕЦА Wings Of Life appeared first on Аптеки PlusPharma.

The post Што во слободно време? – ПОГЛЕДНЕТЕ го ФИЛМОТ Little Women appeared first on Аптеки PlusPharma.

The post Што во слободно време? – ПРОЧИТАЈТЕ appeared first on Аптеки PlusPharma.

12 Мај – Интернационален ден на медицинските сестри
Кренете чаша високо горе во име на сите оние кои неуморно и пожртвувано му го чуваат грбот на светот.

ПРОЧИТАЈТЕ

„Волшебниот Април“ од Елизабет фон АРМИН
Во лондонскиот Тајмс се појавува оглас дека еден мал италијански средновековен замок е слободен за изнајмување во април. Четири жени, со различни карактери, се јавуваат на огласот, за да избегаат од тмурниот Лондон и да уживаат на италијанското сонце. Дозволете си убавината на Италија да ве маѓепса читајќи го овој интересен и волшебен роман

ПОГЛЕДНЕТЕ

Филмот Incendies 
Филм што ќе ве освои уште од првата сцена, текот на настаните е невозможно да го предвидите, а крајот е маестрален. Ова е еден од оние филмови кои долго се паметат. Приказната се врти околу Jeanne и Simon, кои за да ја исполнат посмртната желба на мајка си, ќе мора да отпатуваат во нејзиниот роден град некаде во Средниот Исток. Таму ќе дознаат за нејзиното тажно минато и ќе откријат вознемирувачка тајна која ќе им го смени животот засекогаш.

ПРЕЗЕМЕТЕ

Мобилна апликација MyFitnessPal
Ако темата за масти на стр. 8 ве поттикна да обрнете внимание што точно консумирате, тогаш оваа апликација ќе ви биде од помош. Дизајнирана е да го брои калорискиот внес, да пресмета колку калории сте согориле и да ве мотивира со вежби. Штотуку си најдовте партнер за спортување, па што чекате?

The post ШТО ВО СЛОБОДНО ВРЕМЕ? appeared first on Аптеки PlusPharma.

Фитнес инструкторите препорачуваат: Овој тип на стомачни вежби да се прават откако добро ќе ги загреете и, уште поважно, ќе ги истегнете мускулите на целото тело. Најубаво е да се прават на крајот од тренинг сесијата.

Избегнувајте ги: Ако сте бремени, имате слаб рбетен столб или хронични болки во грбот.

Иако имате тешка задача пред себе, на крајот од денот жртвата ќе ви се исплати, бидејќи оваа вежба истовремено го затегнува задникот, задниот дел од нозете (склони на целулит особено кај жените) и грбот. Што се однесува до бројот на повторувања на вежбата, важи правилото: помалку е повеќе. Што значи ова? Вежбата брзо ги троши мускулите и залудно ќе се трудите да ја повторите во што поголем бројкога заморот ќе ве спречи правилно да ја изведете. За почеток доволен е сет од 5 репризи, а постепено потрудете се да стасате до 10.

Знак дека ги правите погрешно!

ВЕ БОЛИ ВРАТОТ: Не потпирајте се на вратот кога правите стомачни! Не кревајте се влечејќи сила од вратот, туку од мускулите на трупот. Изморениот врат пропратен со болка ќе ги забави разултатите, ако веќе претходно не се откажавте од целата идеја за стомачни мускули благодарение на напнатоста што ја почувствувавте. Работете на тоа да ги вклучите мускулите на рбетот за да го олабавите притисокот кај вратот и нема да имате проблем.

•  Кај грбот, долу: Долниот дел од грбот држете го на подот, бидејќи не изведувате свеќа, туку правите стомачни.
•  Кај стомакот или папокот: Вовлечете го папокот кон рбетниот столб.
•  Кај колената: Благо свиткајте ги нозете во колената, особено ако сте почетници.
•  Кај брадата или лицето: Погрижете се да ја приберете брадата навнатре, а не да висите со главата надолу.
• Кај рацете: Држете ги рацете строго исправени пред себе.

The post Стомачни со раце и нозе во вис appeared first on Аптеки PlusPharma.

Ако ја научивте лекцијата дека СПФ 50 е задолжителен, дури и во зима, тогаш време е да скокнете на ниво плус кое подразбира подлабинска заштита на кожата од сонце. За вистински да ја заштитите кожата, а со тоа и да ја продолжите нејзината младост, обрнете внимание на два клучни фактори: УВ зраци и продукцијата на слободни радикали кои го уништуваат колагенот и еластичноста на кожата. И тука на сцена настапуваат антиоксидансите.

1 чекор
Одберете го борецот

Постојат низа моќни антиоксиданси како витамин Е, зелен чај, ресвератрол присутен во грозјето. Но, дерматолозите се едногласни дека витаминот Ц котира на врвот на листата како докажано најефикасен антиоксиданс. Она што го издвојува витаминот Ц во однос на другите антиоксиданси, покрај капацитетот да се бори со слободните радикали, е неговата моќ да ја поттикнува продукцијата на природен колаген и да го редуцира настанувањето на темни сончеви дамки по кожата.
Совет плус: Избегнувајте ги серумите кои комбинираат витамин Ц и СПФ фактор, бидејќи најчесто ваквиот состав не подразбира високо концентрирани антиоксиданси. Витаминскиот серум нека биде првиот чекор во режимот за нега на кожата, што значи со него стартувајте го утрото.

2 чекор
Одберете го штитот

Ова е едноставно, сѐ што во треба е СПФ фактор! Стартувајте со фактор 30, но на плажа задолжително понесете 50. При изборот, не робувајте на брендот и цената, најважно е производот да обезбедува тројна заштита од УВА, УВБ и инфрацрвени зраци.

The post Комбинирајте СПФ со антиоксиданси! appeared first on Аптеки PlusPharma.

Простете си за лошите мисли

Не сте лоши луѓе ако мислите дека вам ви е најтешко. „Сите емоции и реакции се нормални, вклучувајќи ги и оние кои делуваат себично, а  во поглед на нив, луѓето речиси и да не се разликуваат“ вели Elena Welsh клинички психолог од Лос Анџелес. Адаптирањето на промената поттикнува чувство  на нервоза и лутина, затоа потсетувајте се дека не сте сами во ова и ќе се почувствувате подобро.
Не му правите услуга на менталното здравје со тоа што се критикувате себеси за слабостите. „Постои силна корелација помеѓу критицизмот и депресијата, но и помеѓу сочувството и доброто расположение,“ вели Welsh. Ако си судите, само ќе се чувствувате полошо, а тоа не ви е потребно во моментов.
Пробајте да се уловите себеси кога ќе ве нападнат лоши мисли и документирајте ги. „Запишете ја иницијалната мисла, а потоа заменете ја со логична,“ советува Elena Welsh. На пример: „Се нервирам што мојот пријател ја пропушти работата во Лондон; навистина се радував што и јас ќе го видев градот.“ Јасно идентификувајте зошто одредена промена на плановите и условите предизвикале да се чувствувате разочарано, тоа ќе ви помогне да ја видите поголемата слика.
Кога би ви се јавил некој близок да ви се жали, сигурно би го бомбардирале со совети и утешни зборови. Ајде сега истото сторете го за себеси. „Сите покажуваме поголема доза сочувство и разбирање за другите, а сме престроги кон себеси,“ се сложува и Welsh.

Зошто се чувствувам вака?

Понекогаш одговорот е многу едноставен: Бидејќи требаше да откажете патување што едвај го организиравте. Зарем има логика да се нервирате кога ништо не можете да смените?
Пример за помалку јасен мотив за емоциите? Тажни сте што ги прекинавте часовите по вежбање, а само што стекнавте рутина. Спортувањето е изводливо и дома, можеби ви недостасува социјализација? Дали копнеете по новостекнатите пријателства, а не по вежбањето само по себе? Во вакви ситуации, технологијата може да ви послужи за добро, затоа практикувајте видео повици со блиските.

Фокусирајте се на други

Како пријателите кои очекуваат бебе, оние што останаа без работа или баба и дедо. „Фокусирањето на други луѓе е одлично за да ги пренасочите мислите,“ вели Welsh. „Ваквата пракса ќе ви помогне да се чувствувате помалку анксиозно и депресивно.“ Ние би додале: Ова е одличен начин да сторите некому добро, макар и со збор.
Студијата објавена во Journal of Clinical Psychology во која биле набљудувани 47 луѓе кои се бореле со клиничка анксиозност и/или депресија, покажала дека овие пациенти имале помалку симптоми поврзани со нивната состојба во периодите кога некому биле од помош.
Со почитувањето на препораките вие делувате за општото добро, но ако тоа не ви е доволно за да се нахраните, тогаш преземете чекор плус. Бидете им поддршка на луѓето што ги сакате или пријавете се за добротворна работа. Бидете сигурни дека заедно со светската криза, ќе си замине и вашата депресија.

Изразете благодарност

Сега е вистинско време за ментална задача од овој тип, бидејќи благодарноста е тесно поврзана со позитивните емоции. На дневна база, набројувајте ги нештата поради кои сте благодарни како фактот што имате стабилна работа, додека другите не, па сѐ до ситници како кикотењето на децата. Не мора да ги запишувате овие работи, кажете ги на глас или во себе. Уште подобро, вклучете го целото семејство и претворете ја вежбата во игра.

Надевајте се на подобро утре

Често мислите на искуствата и миговите што ги пропуштивте, а тоа е тешко да се проголта. Но, животот ќе се врати во нормала и морате редовно да се потсетувате на тој факт. И покрај сериозноста на ситуацијата, круцијално е да си дозволите моменти на радост. Имате потполно право да се смеете, да му се радувате на животот, всушност правете го тоа што почесто. Но, ако ви доаѓа да плачете – сторете го тоа! Почитувајте го својот начин на процесирање на ситуацијата. Во меѓувреме, грижете се за себеси, така ќе станете помалку ранливи за сѐ што треба да дојде.

The post Кога светот е разочаран, вие… БИДЕТЕ УТЕХА appeared first on Аптеки PlusPharma.

Некои помалку, некои повеќе, но сите го допираме лицето колку и да веруваме дека не е така. Студиите велат дека луѓето го допираат лицето 23 пати во рок од еден час – ова е голем проблем со оглед на пандемијата од Ковид-19.

Очите, носот и устата се главните порти за влез на кој било вирус, вклучувајќи го и Ковид-19. Од овие причини, здравствените авторитети советуваат да се воздржуваме од допири. И сега, како за инает ве чешаат очите или носот. На што се должи ова?
Некои допири се рефлексни, како кога ќе нѐ почеша или ќе нѐ здоболи нешто па сакаме да го допреме местото, бидејќи така ја намалуваме непријатната сензација. Трудете се да го контролирате овој инстинктивен одговор и наместо со прсти, почешајте се со рамото.
Допирањето на лицето за некои е навика слична како грицкање нокти, за некои тоа е начин преку кој ги контролираат емоциите како срам или страв, а има и такви кои се обидуваат да пратат невербална порака. Без глед на мотивот, треба да престанете веднаш!

Стоп совети

>       Наместо „не допирај го лицето,“ обидете се со фразата „ќе внимавам да не се допирам.“ Ако погрешите, тоа нека биде причина да ги измиете рацете и да почнете одново.

>      Окупирајте ги рацете на пример, вежбајте со топче или седнете врз дланките кога желбата ви е особено нагласена.

>       Соберете ја косата за да не биде изговор дека бевте принудени да се допрете. Носете очила за сонце за полесно да им одолеете на очите.

The post Како да престанам да го допирам лицето? appeared first on Аптеки PlusPharma.

Мијте ги рацете со млака вода, бидејќи и со ладна и со жешка ризикувате да ги пресушите.

Подалеку од тврд сапун
Тврдиот сапун заменете го со хидратантен антибактериски течен сапун, особено ако страдате од егзема или дерматит. На овој начин истовремено ќе ги уништите бактериите и ќе се погрижите кожата да остане мека и мазна. Подеднакво добра алтернатива се и сапуните кои содржат состојки како шеа путер, алое вера, глицерин и ланолин. Ако течниот сапун не ви дава ефект на чисто, тогаш барем купувајте кремасти тврди сапуни.

Загрејте малку маслиново масло, не директно на оган, туку во сад што ќе го ставите во жешка вода. Со млакото масло масирајте ги дланките.

Кремот за раце е задолжителен 
Создадете пракса после после миење или гел за дезинфекција, да нанесувате крем за раце и тоа во подебел слој. Лосионите не се опција поради големото количество вода во составот, а бидејќи водата делува како магнет и ја привлекува онаа вода која се наоѓа во длабоките слоеви на кожата, логично е дека лосионот нема да делува како блокатор. Значи при користење лосион, водата лесно бега на површината на кожата од каде што испарува предизвикувајќи дополнителна сувост.

Носете ракавици од 2 до 3 часа
Ракавиците се особено пожелни кога го чистите домот, бидејќи така ќе ја поштедите кожата од агресивните хемикалии присутни во средствата за чистење. Но, имајте на ум дека предолгото носење гумени ракавици несомнено ќе ја влоши состојбата со кожата. Оневозможена да дише, кожата ќе се поти, а потта ќе ја потенцира иритацијата.

Темелно сушете ги рацете
Несоодветното бришење на рацете го забрзува сушењето на кожата, бидејќи при процесот на испарување на водата се одземаат и природните масла. Темелното сушење е клучно и за да се спречи трансферот на бактерии и вируси, бидејќи мокрите дланки го зголемуваат таквиот ризик. Најбезбедни за бришење се хартиените шамичиња за една употреба. Дома можете да се потпрете на памучните пешкири кои ќе ги менувате на 3 дена и ќе ги користите исклучиво вие.

Меки дланки преку ноќ
Пред да си легнете, нанесете подебел слој вазелин и замотајте ги дланките со најлонска фолија, а потоа облечете волнени ракавици.

Природна маска 
Промешајте малку овес со топло млеко и додајте маслиново масло, распоредете ја смесата на дланките, облечете гумени ракавици и дозволете им на состојките да делуваат 20 мин.

The post Збогум суви дланки appeared first on Аптеки PlusPharma.

Не секој алкохол има моќ да дезинфицира!

Ракијата не е доволно концентрирана за да ги убие бактериите, но други типови на алкохол (како етил алкохол, изопропил, етанол) имаат моќ да дезинфицираат при концентрација од 70%. Ако го растворите со вода – две третини алкохол и една третина вода – ќе добиете комплетно и ефикасно средство за дезинфекција. Но, ова сѐ уште не е идеално решение за чистење на големите површини во домот, бидејќи високата концентрација на алкохол значи и екстремно брзо испарување. Алкохолот е добар за пребришување ситни предмети како мобилен, далечинско, кваки.

Што е со оцетот и лимоновиот сок?

Иако имаат антибактерски својства, сепак не се признати дезинфектанти. Нивните компоненти, oцетната и лимонската киселина, се користат како активни состојки во готовите средства. Но, разликата е во концентрацијата и pH вредноста – никој не цеди свежи лимони во производството. Зошто киселините се ефикасни? Дезинфектантите на база на киселина ја менуваат pH средината на микроорганизимите, ги кршат врските на нуклеинските киселини и влијаат на протеините.

Пареата е природен ефикасен дезинфектант!

Всушност и болниците ја користат за дезинфекција и стерилизација. Пареата ги уништува микроорганизмите, ензимите и протеините. Не пеглајте по потреба, задолжително пеглајте на пареа ако ги сушите алиштата надвор. Не мијте на рака ако имате машина за садови!

Соодветна употреба за 100% ефикасност

Можете да се наоружате со сите моќни состојки, но залудно ако не ги користите според упатството. Генерално, тврдите површини треба да бидат исчистени со регуларно средство и вода пред да нанесете дезинфектант. Обрнете внимание колку треба да отстои средството, на потребната количина и дали треба да се плакне или не. Никако не користете ги средствата во комбинација, бидејќи се изложувате на опасни и отровни гасови.

The post Дали природните дезинфектанти се ефикасни? appeared first on Аптеки PlusPharma.

Во карантин или не, домот е местото на кое со задоволство му се враќаме. Тоа е катче кое треба да нѐ ослободи од стресот што го акумулираме однадвор. Но, за да ви ги наполни батериите со позитивна енергија, погрижете се да не е токсичен.

Загубете се меѓу зборови
Истражувањето на University of Sussex откри дека читањето го намалува нивото на стрес за неверојатни 68% – исто така го забавува срцевиот ритам, олабавувајќи ја тензијата во мускулите.  Затоа, одберете агол од која било просторија во домот и претворете ја во катче за читање. Сместете фотелја, фрлете едно кебенце во неутрален тон, ставете ваза со сушена лаванда и наредете неколку книги на подот.

Самата реорганизација на книгите, понекогаш е доволна за да креирате атмосфера што повикува на читање.

Поканете ја природата во домот 
Длабоката врска помеѓу луѓето и природата која е клучна за човековиот опстанок и благосостојба е и повеќе од легитимна. Затоа, актуелен е биофилија дизајнот или дизајн која ја имитира природата. Опкружување во кое се интегрирани екстериерот и ентериерот. Ваквиот дизајн особено се применува во канцелариите со цел да се зголеми продуктивноста и да се намали стресот меѓу вработените. Уште не ви е јасно! Канцеларија со вистинско дрво на средина или зелен ѕид креиран од вистински растенија. За почеток, претворете го балконот во мини џунгла.

Сте чуле ли за Воздушни цвеќиња? Потребен им е само воздух за да преживеат, а одлично ќе ги украсат челните ѕидови во дневната.

Технологијата зад врата
Психотерапевтот Nancy Colier во својата книга The Power Of Off, вели дека начинот на кој луѓето ја користат технологијата подразбира мозок оптоварен со безброј мисли, но минимум размислување. Во превод, рационалното и продуктивно размислување е сведено на минимум. Решението? Не толку „паметни домови“. Приклучете го телефонот да се полни во ходник и тетирајте го како да е фиксен; лаптопот сместете го на маса како да е десктоп компјутер. Идејата е да ја сместите технологијата на места кои ќе ве принудат свесно да одлучите дали ќе ја користите. Нејзината употреба нека ви стане избор, а не навика.

Прочистете го воздухот природно
Истражувањето на Imperial College London откри дека загадувањето на воздухот ги брише сите придобивки стекнати преку спортување, особено оние што се однесуваат на белите дробови и срцето. Не залажувајте се дека сте безбедни дома – хемикалиите, гасовите и бактериите се заглавуваат по ходниците, најмногу во зградите, а тоа значи дека воздухот може да биде 5 пати позагаден во споредба со оној надвор, тврди СЗО. И тука на сцена настапуваат цвеќињата кои го прочистуваат воздухот. Алое вера, продуцира кислород во текот на ноќта; Ѓаволскиот бршлен го отстранува формалдехидот и бензенот во воздухот.

27% се зголемиле пребарувањата, на Pinterest, за растенија кои го прочистуваат воздухот

The post Вашиот дом – Нов велнес центар appeared first on Аптеки PlusPharma.

Дечињата на возраст од 1 до 3 год. се вистински предизвик – љубопитни се и расположени да ги тестираат нервите на авторитетите. Бидејќи не доаѓаат со упатство за употреба, не е грев ако грешиме при воспитувањето. Родителството се учи и истото може да биде забавно доколку ги воочите своите слабости.

Не сте константни

Децата се непогрешливи кога знаат точно што ги очекува – кога е време за бањање, за спиење, за играње или со кои последици ќе се соочат доколку не се послушни. Колку правилата на игра се постојани и предвидливи, толку е полесно да ги контролирате и да се договарате со нив.

• Стратегија 1: Трудете се да наметнете рутина во домот. Ова не е лесно, бидејќи кога го напуштате домот на сцена настапуваат баба, дедо или дадилката, а со нив и нови правила. Тековно договарајте се за секоја нова ситуација на пример, како да постапите ако детето фрла храна на подот и погрижете се сите да држат до договорот. Бабите важат за попустливи, но одлично воспоставуваат ред. Угледајте се на нив и заборавете на кафето со пријателите кога е време малото да спие, така нема да имате проблем со дисциплината.

Премногу часови за семејството

Забавно е кога сите се на куп, но некои родители, особено мајките, претеруваат форсирајќи заеднички активности. Клиничкиот психолог Thomas Phelan, автор на „1-2-3 Magic“, вели: „Децата го ценат времето поминато само со едниот родител.“ Тој истакнува: „Дружењето еден на еден им годи и на родителите, бидејќи тогаш престанува несвесниот натпревар што го водат еден со друг.“

Стратегија 2: Не е потребна којзнае каква организација за да поминете квалитетно време со детето, едноставно седнете на под и поиграјте си. Уште подобро е да си ги поделите активностите како родители, едниот нека биде задолжен за спорт, друг за читање приказни пред легнување – на овој начин детето ќе создаде уникатна врска со секој од вас.

Нудите премногу помош

Скокнувате во истата секунда кога вашето малечко ќе се соочи со потешкотија да изведе нешто? Пред да укажете помош, размислете дали можеби ќе му испратите порака дека не може само. „Со преголемо помаѓање го саботирате капацитетот на детето да стане самостојно,“ вели Betsy Brown Braun, автор на „You’re Not the Boss of Me“.

Стратегија 3: „Неопходно е да ги научите децата да бидат толерантни, особено кога водат битка со себеси,“ вели Braun. Но, ова не значи дека е забрането да ги охрабрите и да ги бодрите да не се откажуваат и да ги наградите со аплауз отпосле.

Премногу зборувате

Влеговте во дискусија со своето 2 годишно дете дека не смее да јаде колачи пред ручек и тоа заврши вака: зборување-убедување-карање-викање-удирање?! Ова е шемата во која најчесто запаѓаат родителите во 90% од случаите. Децата не се возрасни заробени во мало тело, тие не размислуваат логично и вашите објаснувања не им го задржуваат вниманието.

• Стратегија 4: Штом упатите наредба до детето, не дискутирајте понатаму и избегнувајте контакт со очи. Ако детето не ве послуша, упатете кратко вербално предупредување или избројте до три. Ако детето повторно одбива послушност, пратете го во ќош или казнете го по ваше. Без објаснување, а удирање нека не ви паѓа на памет!

The post 4 стартни воспитни стратегии appeared first on Аптеки PlusPharma.

ПРОЧИТАЈТЕ

Кога оние меѓу нас кои живеат во нехармоничност би го избрале патот на љубовта, макар и за кратко, никогаш повеќе не би биле предизвикани да се вра­ тат на стариот начин на живот. Зошто да не пробате? Со години сте измачувани од грижи, страв, омраза и лоша волја; зошто не му свртите грб на сето ова и не го изберете патот на љубовта? Поминете ги високите огради, прегрнете ги најважните нешта на светот и чекорете по патот на љубовта!

ПРЕЗЕМЕТЕ
Мобилна апликација „Headspace: Meditation and Sleep“

На страница 20, ве учиме дека преку медитација ќе ја пребродите мигрената, затоа ви ја предлагаме оваа бесплатна апликација која им се најде на многу пациенти ширум светот. Апликацијата ќе ви помогне да го регулирате сонот, да научите да погледнете во себе и ги вклучува основните алатки за медитација.

ПОГЛЕДНЕТЕ
Драмата „Capernaum“

Тој има само 12 години, а веќе е осуден на затворска казна во траење од 5 години. Поради тоа, момчето ги тужи своите родители за негрижа. Овој либански филм од 2018 година има една номинација за Оскар и многу награди зад себе. Тој ќе ви побуди измешани емоции и ќе ве поттикне да размислувате на кој начин ги воспитувате своите деца или внуци. 

ПРОСЛАВЕТЕ
8. Март

Им го честитаме празникот на жените порачувајќи им да излезат со пријателките, да појдат во спа-центар или, едноставно, да си наполнат када и да уживаат. Знаеме дека звучи клише, но, да ве прашаме: кога последен пат направивте нешто за себе? 8-ми е денот! 

ПОСВЕТЕТЕ
им внимание на децата

Април е месец посветен на борбата со перници. Затоа, соберете ги децата и внуците на куп и борбата може да започне!

The post Што во слободно време? appeared first on Аптеки PlusPharma.

Кога бевме деца, родителите нѐ караа да не го чепкаме носот, заради бактерии, болести, а во очај знаеа да кажат и „да не ти стане како бабура“. Кога ни се појавија првите знаци на стареење, пријателите нѐ опоменуваа да не претеруваме со фацијалните експресии, бидејќи ќе ги потенцираме брчките. Да, сите овие фази се нормални, некој ги доживеал, некој доправа ќе ги доживее. Но, има една фацијална експресија за која психолозите велат дека е пожелно да ја практикуваме, а која за жал, голема е веројатноста новите генерации да ја избришат благодарение на паметните телефони. 

Лице кренато нагоре, очи широко отворени и усни што формираат совршено „О“ – токму за оваа фацијална експресија зборуваме. Ваков израз направивте кога за првпат видовте тиркизно море, се качивте на врв планина, а од таму видовте зајдисонце кое ви го одзема здивот, летавте меѓу мали бели облаци додека сонцето ве галеше преку стаклото. Измешани се емоциите што ја следат оваа експресија, луѓето истовремено чувствуваат восхит, радост, возбуда, па дури и доза страв. Токму затоа и не постои еден конкретен термин за да се опише оваа појава, но едно е сигурно, таа кај луѓето поттикнува креативност, продуктивност и општо подобрување на менталното здравје. 

Неодамнешните истражувања покажуваат дека експресијата може да ги редуцира симптомите на анксиозност и депресија, па дури и на воспаленија како настинки. Децата имаат природен инстинкт да ја доживуваат оваа сензација дури и на дневна база, бидејќи го откриваат светот, додека за возрасните претставува предизвик. Не сте завршиле работа со тоа што ќе отпатувате на некоја егзотична локација или ако со сила ја изведувате експресијата, неопходно е навистина да се соживеете со моментот и природата што ве опкружува. Но, ако го извадите телефонот пред таа волшебна глетка, тогаш сметајте дека сте расипале сѐ! 

Психолошките симптоми за оваа несекојдневна сензација се јасни, нешто слично како љубовта, ја препознавате штом ја почувствувате затоа што ја чувствувате. Биолошките симптоми пак, започнуваат во автономниот нервен систем, обиколката продолжува кај симпатичниот и парасимпатичниот нервен систем, па доаѓа до регулација на срцевиот ритам и крвниот притисок, за на крај да ги оконча и стрес-реакциите. Кога се активира симпатичниот нервен систем, срцето почнува забрзано да чука, а кортизолот (стрес-хормон) е на највисоко ниво; кога на сцена настапува парасимпатичниот нервен систем, телото, вклучувајќи го и срцето, влегуваат во зен фаза. Ова всушност е потврда колку е интересна целата оваа сензација, активирајќи ги двата нервни системи истовремено, таа всушност предизвикува интензивно чувство на задоволство, а некаде помеѓу и длабоко чувство на возбуда. Интригантно, но уште едно искуство кое има моќ да ги активира двата нервни системи, е сексуалниот чин поточно оргазмот. 

Со цел да се потврди позитивниот ефект што оваа сензација го има врз менталното здравје, била изведена магнетна резонанца врз испитаници кои биле пратени на седум дневно патување во спиритуален комплекс. Било потврдено дека, покрај намалувањето на физиолошките знаци на стрес, сензацијата буквално го менува мозокот. Биле забележани промени во нивото на допамин и серотонин – невротрансмитери одговорни за чувството на блаженство. Овие откритија по сѐ изгледа се потврда за трансформативната моќ што ја има медитацијата, иако, ваквата сензација е достапна за сите, не само за спиритуално ориентираните. 

Ајде да ја тргнеме малку наукава настрана, и да ве израдуваме со фактот дека ваквата сензација ги подобрува и социјалните вештини кај луѓето, потенцирајќи го чувството и потребата за припадност во група, би додале, нешто што е пожелно во оваа ера на интернет-изолација. 

Ако на крајот од статијава заклучивте дека немате доволно пари и поради тоа не сте привилегирани за оваа емоција, тогаш не сте разбрале ништо. Не ви се потребни Малдивите, и Охрид ќе заврши работа, ако научите не само да гледате, туку и да чувствувате. За некои луѓе  Пирамидите се само камења, за други се мистични, неверојатни, возбудливи. Соживејте се со природата, вклучете ги сетилата и сензацијата ќе ве преплави и на Водно. И да, не заборавајте да заборавите на телефонот!

Одете во природа, пијте кафе покрај река, искачувајте ги планините и потоа одново сѐ  – ова е рецептот за здрав живот во секоја смисла!

The post Сонце што тоне во море… appeared first on Аптеки PlusPharma.

„Eco Friendly“

При изработка на овие парчиња облека и чевли, е направена минимална штета кон животната средина – употребени се материјали кои не содржат хемикалии, бојадисувањето се врши со безбедни бои кои немаат токсични супстанци во составот, при изработка на моделите се потрошило 99% помалку вода од вообичаено (за споредба, за да се изработи само една маичка потребни се 2.720 лити вода), ткаенините се изработуваат од рециклирани материјали или строго природни (од пулпите на дрвjата) без да им се загрози животниот век. 

„Biodegradable“

Свилата, ленот, волната и материјалите изработени од растителни влакна, лесно се разградуваат во природни елементи. Одлична вест за оние кои не се ослободија од навиката да ја фрлаат износената  облеката каде ќе стигнат.

„Fair trade“

Ова значи дека вашето ново здолниште што сите го пофалија, го изработиле работници кои живеат во неразвиени земји како Бангладеш; истите биле платени доволно за си ги покријат своите и потребите на нивните семејства.

„Organic“

Интересно, истата етикета што важи и за храната (органски јаболка, органски пиперки) важи и за модата. Ова значи дека материјалот, најчесто памукот, растел на строго контролирана органска фарма без употреба на какви било хемикалии.

„Recycled“

Чевлите, фустанот, костимот, модните додатоци што веќе можеби ги носите, се изработени од веќе искористени материјали како пластика, гума, метал. Се прашувам колку колекции ќе се изработеа доколку се искористеа сите гуми што неодамна ги извадија од реката Вардар?

„Vegan“

Нула животински производи како кожа, крзно, па дури и свила, се вклучени при изработка на колекцијата. За овие змиски капути или тигарски чизми, не се убиени ниту питони, а уште помалку некој бил на лов во Африка.

„Upcycled“

Кога ѓубрето или поблаго кажано, материјалите кои ја надживеале својата употреба, добиваат нов сјај во дизајнерските куќи. На пример, бикини изработено од стари мрежи за ловење.

„Ethical“

Термин кој потврдува дека секоја индивидуа која на каков било начин учествувала во процесот на изработка на производот, добила фер третман, плата и заштита. Купувајќи облека со ваква етикета, вие застанувате на страната на работникот и дополнително, ги држите малолетниците далеку од фабриките. 

„Sustainable“

Комбинација од  две етикети: еко-пријателски и етички. Во превод: модната куќа која го изработила џемперот што ви стана втора кожа, била одговорна спрема природата и водела сметка за нејзините вработени. Полн погодок!

The post Купивте облека со етикета „Fair Trade“ – што всушност направивте? appeared first on Аптеки PlusPharma.

Традиционалните бродови за ловење риба ќе ве дочекаат на пристаништето, а ако решите да станете порано ќе успеете да купите свежо фатена риба или да направите една тура низ најексклузивните јахти – уште една потврда дека Фискардо е мирот што го бараат и познатите.

Фискардо навечер и преку ден се две потполно различни места. Светлата на градот, старите згради во комбинација со таверните, создаваат вистинска медитеранска атмосфера. Ако сте повеќе дневна птица, тогаш препуштете им се на боите. Тргнувајќи од разнобојните цвеќиња и природа кои се заштитени со закон, па сѐдо куќите со жолти, сини и розови фасади, ќе се расположите со една прошетка.

КАДЕ ДА ПРЕСТОЈУВАТЕ?

Со цел да се заштити уникатниот изглед (читај: со цел да не се прочуе за ова прибежиште на џет сетот), Фискардо не располага со којзнае какви хотели. Но, тоа не значи дека нема апартмани, вили или студио за двајца уредени во класичен грчки стил.

Il Veliero

Располага со апартмани и студија за 2,3 и 4 лица, со можност за дополнителен кревет. Нуди неверојатен поглед на зајдисонцето и токму затоа важи за една од омилените вили на туристите од Италија.

*За повеќе вили погледнете на www.fiscardo.com/accom.htm

Alaties Beach

Тука нема да најдете песок, но ќе најдете прекрасна проѕирна вода и зајдисонце како од филмовите. Малечка, интимна, оддалечена само 20 минути од Фискардо. Нема да погрешите ако ги истражите карпите, бидејќи меѓу нив има голем број базени кои во минатото служеле за вадење сол. Природно солено џакузи, со поглед на Јонското море!

Ресторан Veggera

Гиро, суфлаки или кој било друг тип на брза храна, се наоѓа на секој чекор. Овде особено добро се пречекани вегетаријанците, но ако сте расположени за нешто поинакво, тогаш на 15 минути возење со автомобил, ќе стигнете до Veggera. Вистинско место за гурмани на кои не им се брза.

The post Дестинација – Фискардо – Ново место за одмор во соседството appeared first on Аптеки PlusPharma.

Праќањето на детето во ќош е дисциплинска мерка која до ден-денес ја применуваат и родителите и воспитувачите во градинките. Во теорија, оваа мерка звучи брилијантно: детето е немирно, го праќате во ќош за да остане само и за да се смири и, ете, одново е соработливо. Но, практиката тврди нешто друго: детето одбива да остане само, плаче додека е под казна и е уште повознемирено отпосле. Според неодамнешното истражување на Универзитетот за здравје и наука „Орегон“ во Портланд, 85 проценти од родителите кои го користат овој метод прават клучни грешки кои ја намалуваат неговата делотворност. На пример: разговараат со децата додека се во ќош, им дозволуваат да си понесат играчка со себе додека се под казна, пречесто ја користат мерката. 

Праќањето на детето во ќош не е комплетно безопасна мерка. Кога детето доживува тантрум или се соочува со голем наплив на нервоза поради неможноста да излезе на крај со сопствените емоции, праќањето во ќош може да биде контрапродуктивно. Во овие ситуации, на вашето малечко му е потребна утеха, всушност, нему сте му потребни кога му е најтешко, па неговото праќање во ќош може да делува како да сте го напуштиле. Да, одењето во ќош може да биде делотворно сѐ додека се користи во вистински ситуации, на соодветен начин кај деца над три години, не помали. 

> Само едно предупредување во однос на мерката може да ги редуцира седењата во ќош за 74%, ако детето не почне да соработува по 5 секунди, применете ја!

ВООБИЧАЕНИ ГРЕШКИ

> Пречесто ја користите мерката

Одењето во ќош не треба да биде со цел да го натерате детето да учи преку лошите дела што ги направило, примарната функција на оваа тактика е да спречи нештата да ескалираат. Никогаш, ама баш никогаш во историјата не се случило некое дете да појде во соба и навистина да размисли што лошо направило. Напротив, додека е под казна, детето размислува за тоа колку се сурови неговите родители. Имајте на ум дека едукативниот процес започнува по завршување на казната, тогаш детето е смирено и е спремно за разговор. Ќошот е мерка за смирување, едукативнот дел, пак, ви останува вам како задача.

> Му обрнувате внимание на детето додека е под казна

Детето е неопходно да почувствува блага последица по заминувањето во ќош, во спротивно ништо не сте постигнале. Поголемиот дел од времето детето пати за вниманието на родителите, па е спремно тоа да го предизвика и преку лоши дела. Бидете внимателни, тактизирајте, бидејќи ако му дадете преголемо значење на лошото однесување, тоа може да донесе уште полошо однесување. Детето го добило посакуваното внимание и сега му останува само да го повторува она што ги натера мама и тато да го караат. Праќањето во ќош воопшто не мора да го поврзувате со столче или агол во собата, доволно е да му го скратите вниманието на детето на краток временски период. Неопходно е детето да заклучи дека со неговото однесување предизвикало да го изгуби она што најмногу му значи. 

> Ја користите мерката за погрешна цел

Истражувањето на Државниот универзитет во Оклахома „Стилвотер“, откри дека тајмаутот најдобро делува кај малите деца кои обожаваат да контрираат, се однесувaат пакосно удирајќи или намерно го прават споротивното од она што ќе го побарате, но само ако прво пробате со поблаги мерки. Ако детето го ставите во ќош за различни типови проблеми или ако пречесто се користи мерката, однесувањето може да се влоши. Малите деца кои „кенкаат“ за чоколада или плачат за да играат на мобилен, подобро реагираат на други мерки. 

> Не користете фрази како: „Стопати те предупредив!“ – и тоа се смета за обрнување внимание.

Кој го смислил седењето во ќош?

Оваа воспитна техника датира од 60-тите години како похумана алтернатива на строгите мерки кои биле вообичаени за тоа време. Благодарение на д-р Артур Стаатс, просветните работници престанаа да ги удираат децата со линијар, а родителите заборавија на ременот, стапот и  чешелот. Денес, ваквите мерки се назамисливи и строго забранети!!! Цели декади посветени на истражувања покажаа дека децата кои редовно се тепани, е поверојатно да станат агресивни или да се соочат со депресија и анксиозност понатаму во животот. 

> Колку време да седи во ќош? Една минута за секоја година од возраста на детето. 

The post Ваш психолог – Оди во ќош! appeared first on Аптеки PlusPharma.

Ваш аптекар: Со оглед на тоа што секојдневието го живеете во Хрватска, дали сте свесни дека „Јелена од Драчево“ стана секоја втора девојка во Македонија? Низ нашите улици чекорат многу забавни, борбени жени чие присуство е посакувано од сите, но кога светлата ќе се изгаснат, тие се осамени души кои веруваат дека среќа ќе најдат само ако се иселат одовде. 

Јелена Јованова: Некому му е доволна една улица, друг, пак, се гуши во тесноста на глобусот. „Јелена од Драчево“ е само една од оние што посакува карта во еден правец за надвор од својата улица за да го освои глобусот. Се разбира дека таквата потреба, кога живееш во држава на неисполнети ветувања, каде е јасно за кого таа е мајка, а за кого маќеа, станува уште повеќе разбирлива и неопходна. Живеам на релација Загреб-Скопје веќе 7 години. Не мислам дека тревата во Хрватска е позелена, но сигурно е поуредена. Посакувам и се надевам дека ќе дојде време кога системот ќе работи за нас и кога нештата кои функционираат нема да се инцидент. 

„Јелена од Драчево ја наследи мојата приватна насмевка и ме радува моментот кога лично ќе посведочам колку знае да е заразна“.

Ваш аптекар: Оние што ја погледнале македонската театарска верзија на познатиот мјузикл „Чикаго“, биле дел од толпата луѓе кои посведочиле дека Македонија има стопати подобра актерка од Рене Зелвигер и Кетрин Зета Џонс заедно. Јелена, свесни ли сте за големината на својот талент? Дали тој е доволно ценет и вреднуван кај нас дома? Кому му давате ронка предност, на театарот или на филмот? 

Јелена Јованова: Уф! Не знам како би го продолжила одговорот на ова, по такво споделено мислење! Ви благодарам! Ми значи! Да ја нема публиката, нема да ме има и мене како актерка. Верувам во нејзините очи и срце. Чинот дека досега сум била прифатена, подобро отколку што сум посакувала, го потврдува фактот дека сум на вистинското место и дека творам во моето време! За тоа сум вечно и неизмерно благодарна. Сѐ уште учам и сакам да го учам овој занает. Се радувам на секоја доверена улога и пробувам во секоја да го дадам својот максимум. Камерниот театар отсекогаш ми лежел повеќе, па така некако успеав полесно да се поврзам со камерата. Предност во изборот има самиот проект и дали и колку тој ќе ме испровоцира за поместување на моите граници. Без разлика дали е театарски или филмски. Задоволна сум со сѐ она што сум го постигнала досега. Миговно се чувствувам зрело за многу поголеми предизвици. Овде сум ако некој има храброст за тоа и истото тоа го препознава кај мене. 

Ваш аптекар: Поседувате несекојдневна убавина, но дали планирате да остарите како Мерил Стрип? Возможно ли е да ја видиме Јелена со воочливо ботоксирано лице? Верувате ли во она дека штом почнете со една корекција – нема да има крај? 

Јелена Јованова: Благодарам на комплиментот! Секојдневно учам да го прегрнам она што ми е дадено и да го негувам природно. Бев заробена во идејата дека естетската хирургија е неопходна дури не нурнав длабоко во сето она што природата и духот го нудат како решение за секој проблем. Би сакала мудро да стареам и да прифатам дека времето остава траги, но дека тие може да се сведоштво на сопственото постоење кое е благослов, а не товар. Кое, да – може и треба да се негува природно, но не и да се негира!

Ваш аптекар: Колку успевате да стигнете да се храните здраво? Дали можеби се водите по некоја програма или се однесувате по свои правила? Готвите ли? 

Јелена Јованова: По вокација сум човек кој се занимава со емоции, обожава да набљудува, да слуша и соодветно на приложеното а реагира. Веројатно тоа ми го олеснува моментот на „слушни го својот организам и дај му го она што му треба“! Никогаш не сум се лишела од нешто ниту, пак, фала му на Бога, не сум имала потреба за тоа. По природа сум гурман иако можеби мојата видлива тежина не остава таков впечаток. Сакам да готвам и да испробувам различни рецепти и уживам во богатството на различните кујни и нивната синтеза. Секојдневни на менито се овошјето и зеленчукот, рибата барем еднаш неделно, исто како и месото. Денот ми почнува со топла вода со лимон и мед, овошје и тост од авокадо или зобна каша. Ужината е секогаш посветена на јаткастите плодови, ручекот е разновиден со свежа салата, а за вечера знам и да се почестам со чаша вино, добро сирење и пршут. Кефирот и ротквиците исто знаат да се изборат за вечера. Клучот за здрава линија е во правилното комбинирање на храната и верувам барем тоа е нешто што секој може да го научи. Загреб сѐ уште е магичен за мене и сакам да шетам некогаш со часови. На тој начин, се одржувам и физички активна, ако тој ден не сум чувствувала дека е ден за џогирање или за јога.

„Би сакала мудро да стареам и да прифатам дека времето остава траги, но дека тие може да се сведоштво на сопственото постоење кое е благослов, а не товар“.

Ваш аптекар: Го оставате ли некогаш телефонот на „нечујно“? На кој начин се исклучувате од сѐ?

Јелена Јованова: Со Стјепан научив барем во недела да го исклучам телефонот и тој ден да е многу повеќе наш. Ја обожавам неговата леснотија во одлуката да си го земе времето само за себе и ме радува дека во тоа сѐ повеќе се подобрувам и јас. Кога сме на годишен одмор, секогаш носиме стар „Нокиа“ телефон со нов број што го знаат само домашните за итни ситуации. На тој начин, не слушаме нотификации од мејлови и од социјални мрежи. Денот има свој ритам кој не е диктиран од виртуелната контрола и опседнатост. Не робуваме на моментот дека секој треба да знае и да види каде сме и како сме. Добра книга и музика знаат да те исклучат од светот на непотребни информации и да те однесат на место каде ќе уживаш во своите мечти и себеспознавањето!

Ваш аптекар: Што може да се најде во Вашата домашна аптека од природни препарати и суплементи? 

Јелена Јованова: Алое вера, смил, природни етерични масла од кајсија, авокадо и бадем. Кога снимам подолго време, имам потреба од додатен витамин Ц, а во зима за здрава и еластична кожа, ако почувствувам потреба, додатно земам и витамин Е. 

Ваш аптекар: Јелена и спорт – колку гледате и колку практикувате да спортувате? 

Јелена Јованова: Следам фудбал и тенис. На тоа се навлеков како мала со татко ми со кој до ден-денес знаеме да размениме мислење за спорт. Трчањето ми станува сѐ поголем предизвик и уживање и би сакала да се испробам во мартонски трки. 

Ваш аптекар: „Јелена од Преспав“ има една неодоливо заразна насмевка, дали ја поседувате истата насмевка и во реалниот живот? Што најлесно може да ве насмее? 

Јелена Јованова: „Јелена од Драчево“ ја наследи мојата приватна насмевка и ме радува моментот кога лично ќе посведочам колку знае да е заразна. Најлесно се смеам на сопствените глупости. На тој начин и полесно ги решавам. 

Ваш аптекар: Која е Вашата формула за добро здравје и ведар дух што би ја споделиле со читателите? 

Јелена Јованова: Да се прифатиме себеси и да работиме на подобро „јас“. Да го прифатиме другиот и да го разбереме, да не судиме, да растеме духовно со нештата кои нѐ прават среќни и ни раѓаат здрави аспирации. Да се смееме почесто од срце, да бидеме хумани и солидарни. Да ја негуваме емпатијата и да ја храниме вистината. Ако сме опкружени со сопствената вистина, многу полесно ќе го носиме сопствениот крст и ќе веруваме. Верба за почеток и крај!

The post ИНТЕРВЈУ – Јелена Јованова appeared first on Аптеки PlusPharma.

Адаптабилноста на човековиот организам не може и не смее да биде оправдување за живот во средина со висока загаденост, која за жал веќе ни претставува секојдневие. Главниот град на државата –Скопје, како и многу други градови во Македонија, традиционално секоја година, се присутни на листата на топ 10 најзагадени градови во светот. Да, да, во светот! Тоа,секако претставува сериозно загрижувачки податок. Од направените анализи за тоа од каде потекнува загадувањето, утврдено е дека во најголема мера тоа се должи на греењето со несоодветен материјал за огрев, односно тој фактор е застапен со 34 отсто од вкупното загадување. На непопуларното второ место е сообраќајот, кој придонесува со 20 отсто за вкупното загадување на воздухот. Потоа, со свој „придонес“ во загадувањето од 19 отсто, доаѓа правот кој се создава од градежните активности, правта на улиците како и онаа од неуредените површини. Учеството на индустријата во севкупното загадување изнесува сѐ уште високи 18 отсто. Сите овие фактори влијаат првенствено за загадување на воздухот, но и на целата животна средина.

Што сѐ можеме да примениме за да се заштитиме од загадувањето? Дали воопшто може да се заштитиме?

Прво,мора да се потенцира дека загадувањето е присутно во текот на целата година. Највисокиот степен на загаденост (т.н. пик), односно најголемите измерени количини вообичаено се во време на грејната сезона, односно во периодот од месецот октомври до март. Во тој период,препораките за децата, старите лица и бремените жени –да не се изложуваат многу на надворешната средина, односно да избегнуваат движење на отворено –речиси се со постојана важност. Сепак, таквите препораки не се целосно решение со кое може да се елиминира влијанието на загадувањето, па и покрај тоа се препорачува носење заштитна маска што содржи филтер кој може да ги врзе штетните честички. Најефикасни се оние маски кои во филтерот содржат и слој со јаглен, за кој е познато дека има својство да ги врзува штетните честички.

Што се всушност штетните честички?

Фамозните ПМ-честички се наречени по кратенката PM која значи particulate matter (или particle pollution), а всушност претставуваат смеса од цврсти честички и течни капки кои се присутни во воздухот. Некои честички,како што се правта, нечистотоијата, саѓите или чадот,се доволно големи и темно обоени така што се видливи со голо око. Но други честички се толку мали што можат да бидат детектирани само со електронски микроскоп. Најпознатите се ПМ 10 и ПМ 2,5, односно честички со дијаметар од 10 односно 2,5 микрометри. Само за споредба, влакната на косата имаат дијаметар од 50-150 микрометри.

Извори на ПМ-честички

Овие честички можат да бидат со најразлични форми и големини и се составени од различни хемиски соединенија. Некои директно се емитуваат од градежните места, неасфалтираните патишта, полињата, депониите или од места зафатени со пожар. Повеќето честички се формираат во атмосферата како реултат на комплексни хемиски реакции помеѓу сулфур диоксидот и азотните оксиди, полутанти (загадувачи) кои потекнуваат од централите, индустриите и автомобилите. Овие честички се толку мали што може да бидат вдишани и да предизвикаат сериозни здравствени проблеми. Честичките со дијаметар од 2,5 микрометри се исклучително минијатурнииуспеваат да стигнат длабоко во белите дробови, па дури и во крвотокот.

Што да се преземе за заштита од штетните честички ?

1. Користење аеромаска –На пазарот се присутни голем број видови маски за коиво декларацијата стои дека заштитуваат од загадувањето. Во зависност од материјалот на изработка, филтерот како и можноста за приспособување на лицето, маските се ефикасни само во филтрирање на возхудот, односно не дозволуваат штетните честички да стигнат до нашите дишни патишта. Принципот на заштита е формирање механичка бариера меѓу водухот и нашите дишни органи, носот и устата. Сите маски содржат филтри кои повеќе или помалку ги задржуваат штетните честички од воздухот, не дозволувајќи им да стигнат до нашите дишни органи. На повеќето маски ја има ознаката N95, што значи дека таа маска не дозволува поминување низ филтерот на минимум 95% од сите честички во воздухот кои се поголеми од 0,3 микрометри. За оптимална заштита,доволен е овој филтер, но за многу чуствителни луѓе се препорачува маска со ознака N99. Филтерот на повеќето маски е збогатен и со слој од карбонски влакна кои имаат својство на врзување на штетните честички од воздухот.

2. Избегнување движење на отворено во периоди кога е најголемо загадувањето, обично од 11 до 19 часот. Препорачливо е да ги организирате своите дневни обврски, така што ќе имате многу малку активности во овој период од денот. За домашниот простор може да се користипрочистувач на воздух. На пазарот се достапни голем број прочистувачи кои гарантираат околу 99 отсто филтрирање на честичките. Најчесто користени се прочистувачите кои имаат ХЕПА-филтри кои отстрануваат дури 99,97% од честичките со големина од 0,3 микрометри.

3. Во овој годишен период на големо аерозагадување, препорачливо е сопственото возило да се користи само кога е најнеопходно. Возилата се третите по ред причинители на аерозагадувањето, па во тој контекст сите треба да се потрудиме да покажеме свесност за проблемот и да го минимизираме користењето барем на нашето возило.Споделувајте едно возило со колегите од работа. Оваа мерка е позитивна од повеќе аспекти. Намалувајќи го загадувањето, истовремено штедите за гориво со тоа што го делите своето возило со колегите од работа, но и неформално се дружите надвор од работното место.

4. Искористете го секој слободен ден или викенд за прошетка во природа, нанекоја планина или на езеро. Македонија изобилува со локалитети каде има недопрена природа, далку од градската средина и загадените области. Одвојте време барем еднаш неделно да излезете од градовите и да поминете малку повеќе време на некоја планина, ритче, езеро, река и слично.

The post СВЕСНОСТА ЗА ЗАГАДУВАЊЕТО НАЈГОЛЕМА ПРЕВЕНЦИЈА! appeared first on Аптеки PlusPharma.

БАМБУС – ПАЛМА

БРШЛЕН

ФИКУС

СВЕКРВИН ЈАЗИК ИЛИ САБЈА

ГЕРБЕР

ДРАЦЕНА

The post ЦВЕЌИЊАТА ВО ДОМОТ СОНЧЕВИНА ВО ЧЕТИРИ ЅИДА appeared first on Аптеки PlusPharma.

Бременоста може да биде многу возбудлив период кај повеќето жени. Но, исто така, некои се чувствуваат загрижени за тоа што треба (или не треба) да направат за сопственото и за здравјето на своето бебе. Поаѓајќи од аксиомата дека секоја жена е различна, таквата различност особено доаѓа до израз во оваа чувствителна состојба за секоја жена. За некои жени, бременоста не го менува значително нивниот животен стил, но кај други животот се менува од корен. И на таквата различност се надоврзуваат прашањата: што е дозволено, и што не смее да се прави во текот на бременоста? Кои правила треба задолжително да се следат, а кои не?
Повеќето навики, за жал, се само во служба на нарушување на некои функции, ткива или органски системи во нашето тело. Од истата причина, бременоста треба да биде време кога жената се преиспитува колку овие навики се потенцијално штетни и за нејзиниот организам, како и за бебето. Старите навики, во бременоста стануваат лоши навики кои треба да се прекинат дури и „преку ноќ“. Совети за бременост може да се најдат на многу места, но треба внимателно да се применуваат. Затоа ги истакнавме клучните совети за бремени жени и ги поделивме во неколку важни категории.

Исхрана во бременоста

Дали е дозволено сè да се јаде во бременоста? Тоа е едно од првите прашања што ги поставуваат идните мајки, иако е јасно дека одговорот е – не. Советите за исхраната на бремени жени мора да започнат со кршење на митот дека жените во оваа состојба „мора да јадат за двајца“. Ова не е докажано, а прејадувањето е лошо и за идната мајка и за нејзиното бебе. Според некои истражувања, потребни се само дополнителни 300 до 500 калории на ден. Бремените жени може да добијат на тежина од 8 до 12 килограми, најмногу до 15 килограми. Вкупната тежина која се губи при раѓање е 5000-6000 грама.

 Што треба да избегнува од храна во текот на бременоста

–  Суши, односно каква било сурова риба или сурово месо, зашто постои опасност за присуство на бактерии.
–  Морска храна која содржи жива како туната.
–  Јајца кои не се добро сварени
– Млади сирења.
– Внесувањето на кофеин и алкохол треба да се избегнува по секоја цена, дури и во мали количини.
– Пушењето е исто така строго забрането за време на бременоста.

Што треба да се јаде во текот на бременоста

Она што се јаде за време на бременоста влијае на енергија и благосостојбата на трудницата. Но, исто така, исхраната на мајката може директно да влијае на здравјето и развојот на нејзиното бебе. Бидејќи потребите на калории и хранливи материи се зголемуваат, многу е важно да се избере здрава храна богата со хранливи материи.
Зголемувањето тежина во текот на бременоста е нормално, но важно е тоа да биде на здрав начин. Тоа е корисно за мајката, за бебето и за здравјето на мајката по бременоста.

– Храна базирана на скроб (леб, житарки, компири, ориз и тестенини).

– Многу растителни влакна, кои можат да се најдат во лебот од интегрални житарки, како и во овошјето и во зеленчукот.

– Протеинска храна: месо, риба, пилешко месо.

– Млечни производи: јогурт, млеко и сирење.

– Мешунки: леќа, грашок, грав, наут, соја и кикиритки.
Мешунките се одлични растителни извори на растителни влакна, протеини, железо, фолат (Б9) и калциум – кои му се потребни на телото, дополнително во текот на бременоста.

– Слатките компири се богати со бета-каротин, растително соединение кое се претвора во витамин А во телото. Витаминот А е неопходен за раст и диференцијација на повеќето клетки и ткива. Тоа е многу важно за здрав развој на фетусот.

– Лосос – богат со есенцијални омега-3 масни киселини.

– Вода. За време на бременоста, волуменот на крвта се зголемува за 1,5 литри. Затоа, важно е да се задржи правилната хидратација. Фетусот обично добива сè што е потребно, но ако не внимавате на внесот на вода, може да се случи трудницата да дехидрира.

Хигиена и козметика во текот на бременоста

Покрај исхраната, потребни се совети за бремени жени во врска со хигиената и козметиката. Постојат голем број нерешени дилеми во оваа област. Но, совет заснован на повеќе искуства е дека не е безбедно бремените жени да се капат во премногу топла вода. Во втората половина на бременоста, капењето во затворена када или базен не е дозволено поради зголемена можност од инфекција или предвремено прснување на водењакот.

Во одговорот на прашањето „што може да се прави во бременоста“ вклучено е бојосувањето на косата. Иако боите за коса содржат одредено ниво на хемикалии, тие не се штетни за бебето.Треба добро да се провери составот на кремите што се користат. Ако содржат салицилна киселина во сооднос повеќе од 2 проценти, најдобро е да се избегнуваат овие производи.

Сексуален живот

Односот не мора да биде незгоден, но нормално е дека со партнерот ќе треба да се прилагодите на некои пози. Треба да се потенцира дека фетусот е многу добро заштитен и сексуалните односи во најголем број случаи немаат никаков ефект врз бебето. Сепак, не е лошо да се изврши консултација со лекар пред одлуката да се одржуваат сексуални односи за време на бременоста.

The post Бременост – Исхрана и животен стил appeared first on Аптеки PlusPharma.

Национален парк„Пелистер“

Синонимза градот Битола е врвотПелистер, којчесто го „заменува“ и целата планина Баба. На пределите кај Пелистер можат да се пронајдат повеќеод 20 различни видови лековити растенија и шумски плодови, какои петнаесетина декоративнивидови. Растителниот свет во Националниотпарк„Пелистер“е мошне разнообразен, па оттаму и неговото специфично ботаничко значење. Главниот феномен на паркот претставува петиглестиотбор – молика (PinusPeuce Gris), реликтод терциерот, откриена во 1839 година,од големиот европски ботаничар Август Гризебах. Во својот природен ареал, моликата расте на високи планини од 700 до 2.200 метри надморска височина.
Моликата е автохтон вид на петиглестбор со терциерна старост, којшто расте само на неколку планини на Балканскиот Полуостров, а на планината Пелистер го достигнува својот еколошки оптимум во развојот. Имено, моликата на Пелистер расте од 35-40 метри во височина, и со пречник на трупот од 1.5 метри.
Во високиот планински дел на паркот се среќава половина од вкупната планинска вегетација во Македонија. Најзначајни ендемични растенија се: пелистерска качунка (Crocus peristericus), полегнатиот каранфил (Dianthus myrtinervius), пази-куќа (Sempervivumoctopodes) и пелистерска небесна роса (Alchemillapelisterica).

Два вида растенија– на ридот Маркови Кули кај Прилеп

Маркови Кули кај Прилеп – споменик на природата и споменик на културата од исклучително значење има повеќе природни и културни обележја, преку кои го препознаваме.

Бреслинка
Едното од двете растенија, кои припаѓаат на родот на сливите, со латинско име Prunus, жителите на Варош го нарекуваатбреслинка. Расте и додесетина и повеќе метри височина, често и со широко разгранета крошна. Цвета рано напролет и има мали топчести плодови, поголемиот дел е тврда материја – коска, со тенок месест слој, а по зреењето има кафеава боја, со сладок вкус.
Ова дрво расте, по целата површина на Маркови Кули, особено на јужната и југоисточната страна, што укажува на фактот дека ова растение има потреба од сончева светлина. Тоа се закоренува во карпестите процепи по ридот.

Пршлинка
Вториотвид, којжителитенаВарош го нарекуваат пршлинка, е мошне сличен со првиот. Присутно е на сите простори, на кои расте и бреслинката.
Овие два вида се најраспространети на ридот Маркови Кули и двата вида се најраспространетите растенија, а Марковите Кули е едно од ретките места кадештотие успеваат.

Хераклеа Линкестис – античкиот град покрај Битола

Хераклеа Линкестис е еден од позначајните антички градови во Македонија. Градот егзистирал повеќе од еден милениум. Формиран е во средината на IV век п.н.е. од страна на Филип II Македонски како важен стратешки пункт.

Хераклеја Линкестис се наоѓа на јужната периферија на градот Битола, во подножјето на планината Баба. Името го носи според Херакле, митскиот јунак и родоначалник на македонската кралска династија Аргеади. Епитетот Линкестиссо значење „линкеститска”, доаѓа од називот на регионот Линкестида во кој се наоѓал градот, а во кој живеело древното македонско племе Линкестиди. Сместена во плодна рамнина, од север заштитена од планината Баба, односно ридот Тумбе Кафе и реката Сива Вода на југ.                    

Основан од македонскиот крал Филип II Македонски, градот бил развиен воено-стратешки центар на северозападната граница на тогашната македонска област Линкестида (денешно Битолско Поле). Градот бил граден, доградуван, уриван, одново граден и надградуван уште од времето на неговото создавање во доцната бронзена ера, а потоа во хеленистичката епоха, римската, па сѐдо рановизантиската епоха… Имал статус на град со висок степен на цивилизација. Во периодот на II век п.н.е., кога Македонија станува римска провинција, Хераклеа станува силен економско-политички центар, со свој постојан римски намесник и со римска војска.

Археолошкиот локалитет Хераклеа Линкестис во Битола е прогласен за културно наследство од големо значење. Споменичката целина претставува сведоштво со релевантно значење за археологијата и воопшто културата од античкиот период.

Маркови Кули – средновекониот град-тврдина кај Прилеп

Северозападно од градот Прилеп, на северниот дел над Варош, се издига месноста Маркови Кули, еден од најживописните средновековни градови-тврдини во Македонија. Прилеп секогаш претставувал упориште на македонските владетели, тоа е град кој е посветен на својата култура и традиција, на своите легенди и херои. Локацијата позната меѓу локалното население како Маркукуле, е полна со изненадувања, прифаќањето на предизвикот да се посети е како патување низ времето. Марукуле, како вечен чувар и заштитник, се издигнува над градот Прилеп, тврдината Маркови Кули всушност е некогашниот средновековен град на легендарниот владетел Крале Марко, син на кралот Волкашин. Тој е последниот крал кој владеел со поголем дел од Македонија пред вековната власт од Османлиите. 

Тврдината се наоѓа на рид од вулканско потекло, со височина од 120 до 180 метри, кој изобилува со многу необични карпи, од кои секоја според својот облик добила и свое име кај жителите. Локалитетот датира од раноантичката населба Керамија (старото име на Прилеп). Еден од највпечатливите делови на Марковите Кули е т.н.Слон, всушност составен од две природно споени карпи. Слонот е висок 8 метри и од него Прилеп се гледа како на дланка. Марковите кули се ремек- дело на природата. Марковите Кули кријат уште многу тајни и мистерии, кои допрва ќе треба да се откријат и да го направат ова место уште поатрактивно и уште повпечатливо. Од Маркови Кули може да се слушне, да се види, да се почувствува и да се доживее македонската цивилизациска и културна историја.

The post Автохтоните молика и бреслинка – растителни уникати на Пелагонија appeared first on Аптеки PlusPharma.

Цитати на познатите за Нова година:

– Постојат многу подобри работи пред нас, отколку оние што ги оставаме зад себе. ( Ч. С. Луис)

– Старата година фрлете ја во минатото. Оставете ја, зашто била несовршена и заблагодарете се на Бога што можете да ја оставите. (Брукс Аткинсон)

– Сите добиваме 365 дена. Единствената разлика е што ќе направиме со нив. (Хилари Де Пјано)

– Се надевам дека сите соништа ќе ги имате при рака и до крајот на годината. (Фаиз Израили)

– Ние сме автори на нашите судбини. Никој не ја гледа визијата појасно, верува во неа и напорно работи за да ја оствари, повеќе од визионерот. (Најл Капбел – Фатоки).

– Мислам на денот на одлуките, а не на годината. ( Хенри Мур)

– Вашите грижи нека траат толку долго како и новогодишните одлуки. (Џои Адамс)

– Кога сѐ ќе почне да пропаѓа, држете се за својата внатрешна сила и денешните предизвици закопајте ги со утрешната слобода. (Аниекл Точукву)

– Лошата вест е дека времето лета. Добрата вест е дека вие сте пилотот. ( Мајкл Алтшулер)

– Крајот на годината не е ни крај, ни почеток, туку продолжение со сета мудрост на искуството во нас. (Хал Борланд)

– Тешко е да се живее во сегашноста, лудост е да се живее во иднината, а невозможно е да се живее во минатото. Ништо не е толку далеку, како претходната минута. (Џим Бишоп)

– Единствената одлука што сум ја донел и до која се обидувам да се придржувам е да се издигнам над малите нешта. (Џон Бурогс)

– Учете од вчерашниот ден, живејте за денес, надевајте се на утрешниот ден. (Алберт Ајнштајн)

– Да живееме за Новата година и новата шанса да ја на направиме вистинската работа. (Опра Винфри)

– Ден по Новата година… Сега е време да направите добри годишни одлуки. Наредната седмица можете да почнете да го поплочувате патот до пеколот, како и обично. (Марк Твен)

– Ако ме прашувате за мојата новогодишна одлука, таа беше да откријам кој сум. (Сирил Кјузак)

– Ова е Нова година. Нов почеток. Сѐ ќе се промени. (Тејлор Свифт)

– Славете ги краевите, зашто тие носат нови почетоци. (Џонатан Локвуд Хјул)

The post Новогодишни честитки и одлуки – не е важна формата, туку желбата appeared first on Аптеки PlusPharma.

Што навистина се смени?
Како за почеток, плескањето по газе или раче, влечењето за уши или кратко кажано физичкото дисциплинирање се забрани, особено да се прави во јавност барем во големите европски држави и во повеќе држави низ САД. Сега постојат и научни докази. Педесетгодишна студија во која биле вклучени повеќе од 160.000 деца, спроведена од професори на универзитетите во Остин, Тексас и Мичиген, вели дека популарно кажано ќотекот, всушност не е соодветна алатка за дисциплинирање на децата. Едноставно, агресијата раѓа агресија. Па така, и ќотекот резултира со ненамерни штетни исходи и деца агресори со антисоцијално однесување и психички проблеми. И тука се појави првиот проблем за новата генерација. Денешните млади родители, тогаш воспитувани со по некој ќотек, сега треба да најдат нови начини да се здобијат со почит од сопствените деца, нови методи за да бидат слушнати, што може да биде многу тешко понекогаш.
Порано постоеше книга „1000 зошто, 1000 затоа“. Денес постои Google. Повеќе не можеме да ги „лажеме“ децата, да се правиме дека не знаеме, да го криеме знаењето или пак да се правиме дека знаеме повеќе само затоа што сме родители. Денес едноставно сѐ е достапно на интернет. На крајот, сепак децата сами ќе ја откријат вистината, или барем тоа што мислат дека е вистина.

Комбинацијата на отсутни родители од дома и релативно лесно достапни паметни играчки, за жал создава мрзливи деца

Порано постоеја радио, ТВ, касети, ЦД-а и тетрис, а сега постојат паметни телефони и таблети со неограничен интернет достапни за многумина. Секоја генерација ќе има нешто за што ќе се приврзе. Разликата е во тоа колку таа техника ја буди или успива нивната креативност и како влијае на развојот на генерациите. Комбинацијата на отсутни родители од дома и релативно лесно достапни паметни играчки, за жал, создава мрзливи деца. Родителите покрај тоа што немаат доволно време за да поминат со децата, и не се толку интересни како најновото видео на YouTube на девојката или дечкото кои ги следат. И ние имавме идоли, лепевме постери на ѕидовите и сонувавме некогаш да ги видиме во живо, но најчесто сонувавме.

Во времето кога растевме, ние играчките што ги поседувавме се броеја на прстите на рацете, а денес секое дете има сопствена продавница за играчки дома. Порано помалку се купуваше, повеќе се ценеше тоа што се има, а многу често и се поправаа работите, наместо само да се фрли скршената и да се потрча во продавница по новата играчка.

Пред да дојдеме на свет, нашите мајки можеби и имале прочитано по некоја книга за тоа што да очекуваат после породувањето, а поверојатно им кажале нивните мајки и баби од сопственото искуство, и тоа било „закон“. Сега е натпревар која идна мајка повеќе прочитала или знае, која книга или веб-страница нуди „најточни“ и најнови информации. Информациите се лесно достапни, но прашање е дали се сите точни.
Порано со душа се исчекуваше бебето за да се ужива во него, во неговото едноставно постоење сега и тука. Сега, уште пред да се роди, веќе е запишано во најдобрата градинка, се знае кој спорт ќе го тренира, колку јазици ќе научи итн… Овие ситуации може да се разгледаат и поинаку. Сега, родителите знаат многу повеќе за развојот на децата од кога било, за сите нивни скокови во развојот, како и кога да им помогнат. Ако ова се искористи правилно, всушност, да се биде родител и не е така тешка работа.

Технолошки гледано е полесно. Денес постојат секакви „гаџети“ што го олеснуваат патувањето со мали деца, секојдневното хранење и капење, и најважното, нивната едукација. Со мобилните телефони и најразличните апликации, сите се лесно достапни, родители, учителки во градинка, професори во училиште, па дури и децата. Родителот може да добие информација за своето дете во секој момент од денот, па дури и видео во живо.

Времето на бабите и дедовците како да изминува…

Во нашето општество е нормално двајцата родители да работат. Меѓутоа, нашите баби не работеа, па имаше кој да нѐ чува и беше нормално децата да растат во присуство на баби. Денес, идните баби сѐ уште работат, внучињата доаѓаат на свет сѐ подоцна, а родителите го ставаат под знак прашалник влијанието на бабите и дедовците врз развојот на децата.  Направени се многу истражувања, и сите велат дека дружбата со бабите и дедовците влијае позитивно на сите учесници.

Кај децата развива чувство на припадност на генерации и генерации наназад, а бабите и дедовците, народски кажано, се „подмладуваат“. Бабите не брзаат никаде, цел ден е пред нив, смирени се, а тоа влијае позитивно на темпераментот на децата.

Не постоеше потреба да се договараат дружби со други деца, во игротека каде што мајките пијат кафе и муабетат, а децата си играат. Едноставно, ако времето беше убаво, бабите се собираа на клупите, а децата околу нив играа ластик, криенка, плочка итн. Денес речиси и да не се слуша детската смеа надвор, децата се дружат исклучиво по игротеки каде што се безбедни, и тоа кога родителите имаат време, а за жал, најчесто немаат.

Направени се низа истражувања кои потврдуваат дека дружењето и воспитувањето на децата од страна на бабите и дедовците има обострано позитивно влијание како врз децата, така и врз бабите и дедовците.

На крајот, се сведува на тоа дека секоја генерација на родители смета дека генерацијата на која припаѓаат била подобрата генерација од таа што ја воспитуваат сега. А тоа како дилема најверојатно ќе остане да ја прогонува секоја генерација. Она што е поважно е дека секоја генерација се соочува со предизвици. Реално, на сите ќе ни биде полесно ако се потрудиме да ги искористиме позитивните промени, наместо само да се жалиме на недостатоците и негативните работи.

The post Воспитување на децата – тогаш и сега appeared first on Аптеки PlusPharma.

Психологијата денес идентификува 4 стилови на воспитување на децата. Секој има свои, посебни карактеристики и резултира со различни реакции и ефекти кај децата. Од друга страна, пак, секој однос родител-дете е различен, поради што и реално не е можно во секоја ситуација и кај секоја индивидуа да се применува само еден стил секогаш.

Авторитарен (диктаторски) стил на воспитување

Моќта е главната карактеристика за овој стил на вршење на улогата на родител. Авторитарните родители веруваат дека децата треба да ги почитуваат нивните правила без исклучок и без изговор. Овој вид родители се познати по изјавата „Ќе биде како што јас ќе кажам!“ бидејќи единствено што ги интересира е послушност кај децата, и во никој случај преговарање. Постојано бараат, но никогаш не даваат. Не им дозволуваат на децата да се вклучат во решавање на проблемот или во надминување на пречките. Наместо тоа, поставуваат правила и ги наметнуваат последиците, без разлика на мислењето на детето. Употребуваат казни наместо дисциплина, што би значело дека наместо да ги научат децата како да носат правилни одлуки, сметаат дека децата треба да зажалат за своите грешки. Децата на овие родители следат правила и понатаму во текот на животот како возрасни личности. Но, кај нив е зголемен ризикот за појава на проблеми со самодовербата, затоа што во детството нивното мислење никогаш не било важно и вреднувано.

Овие деца може да станат агресивни или непријателски расположени кон средината. Најчесто се фокусираат на гневот што го чувствуваат кон своите родители, наместо на својата иднина и на тоа како да ги направат работите подобро. Многу често стануваат и одлични лажговци со цел да избегнат казни.

Авторитативен (демократски) стил на воспитување

–      Дали денот на вашите деца е испланиран однапред, со точно време на заспивање и со други домашни правила?
–      Дали следуваат казни доколку не се почитуваат правилата?
–      Дали децата разбираат што очекувате од нив?
–      Дали децата се чувствуваат слободни да разговараат со вас за сè, без страв од осуда, негативен коментар или казна?
–      Многу се трудите да создадете и да одржите позитивна врска со децата полна со љубов и со разбирање.
–      На децата им ги објаснувате причините што се во заднина на вашите правила.
–      Наметнувате правила и последици, но ги земате предвид чувствата и мислењата на децата.

Овој стил на воспитување ги признава и ги вреднува мислењата на децата, но истовремено им става до знаење на децата дека возрасните се главни во ситуацијата.

Авторитативните родители учат од секоја ситуација и работат на превенирање на проблеми во однесувањето уште пред да се случат. Употребуваат стратегија на позитивна дисциплина (како пофалба и награда) за да поттикнат добро однесување. Овој вид родители имаат високи очекувања од своите деца, но и трпение, разбирање и поддршка за децата.  Децата на авторитативните родители најчесто се среќни и успешни и, како возрасни личности, се одговорни, способни да носат добри одлуки и да проценат ризици, и слободни во изразувањето на сопствените чувства и ставови.

Попустлив стил на воспитување

–      Поставувате правила, но најчесто ни вие (родителите) не се придржувате кон нив, ниту ги поттикнувате децата да ги почитуваат.
–      Не наметнувате последици или казни често.
–      Сметате дека децата најдобро ќе научат доколку родителите влијаат што помалку врз нив.

Попустливите родители се умерени, благи во реакциите, најчесто се вклучуваат само кога се работи за некој сериозен проблем.
Овие родители секогаш даваат, никогаш не бараат од децата и се трудат да избегнат соочување или судир со децата. Полни се со љубов и со грижа за децата, но тоа не е доволно, а во овој случај и помалку вредно од негативните ефекти што ги постигнуваат со избегнувањето на казните и со немањето правила во домот.

За овие родители „децата ќе бидат деца“ и затоа секогаш простуваат, а кога ќе се одлучат за казна, најчесто и не се истрајни во нејзиното спроведување. Овој стил на воспитување, родителите ги прави повеќе другари со децата отколку родители. Како и најдобриот другар, тука се за да ги ислушаат децата и нивните проблеми, но не и за да ги охрабрат и за да ги одвлечат од лошото однесување или од лошите избори што можат да ги направат. Децата на овие родители најчесто не напредуваат академски, не признаваат авторитет и правила, поради што често имаат проблеми во однесувањето кон останатите. Многу често се тажни и речиси без самодоверба. Здравите навики на кои треба родителите да ги научат децата се од психичка и физичка природа. Покрај проблемите во однесувањето, овие деца како возрасни личности страдаат и од преголема телесна тежина, затоа што многу често брзата храна им била храна од избор, а родителите не ги ограничиле ниту ги едуцирале за влијанието на тој вид храна врз здравјето.

Незаинтересиран стил на воспитување

–      Не ги прашуваат децата за денот поминат во училиште или за домашните задачи.
–       Најчесто не знаат каде им се децата и со кого се дружат.
–       Не поминуваат многу време со децата.

Незаинтересираните родители очекуваат децата сами да се воспитаат. Не им даваат насоки, не ги негуваат, ниту создаваат или развиваат некаков однос со децата. Ова е најлошиот стил на воспитување.  Иако ваквиот однос кон децата не смее да биде оправдан со какви било изговори, сепак треба да се каже дека има најразлични ситуации кои доведуваат до незаинтересирани родители. Некогаш се здравствени причини, родители кај кои одеднаш се  појавила одредена ментална болест или станале зависници од дроги. Некогаш им недостасува знаење за детскиот развој, а некогаш се обземени со други проблеми како работа (пр. често патуваат), сметки или водење на домаќинството.

Децата на незаинтересираните родители секогаш имаат проблем со самодовербата, лоши ученици се, најчесто професионално не напредуваат и се мачат со егзистенцијата и, на крајот, најчесто страдаат од депресија. Секојдневната практика покажува дека родителите не спаѓааат само во една категорија, туку во зависност од ситуацијата, на пример, еднаш се попустливи, друг пат се авторитативни. Многу често авторитарните родители одат од една во друга крајност, кога ќе претераат со казните, тогаш се премногу попустливи и дозволуваат сè, како надомест за преголемата строгост, што ги збунува децата уште повеќе.

Секој дом е универзитет, и секој родител е професор. – Махатма Ганди

The post РОДИТЕЛСКИ СТИЛОВИ НА ВОСПИТУВАЊЕ – Kакви родители сме? appeared first on Аптеки PlusPharma.

Имуниот одговор, пак, е различен кај различните групи. Особено чувствителни се децата, повозрасните и хронично болните. Есенско-зимскиот период се карактеризира со настинки, вирусни и бактериски инфекции. Не треба да се заборават и алергиските реакции како резултат на зголемената загаденост на воздухот во овој период од годината. Инфекциите лесно се пренесуваат со кивање, кашлање и преку непосреден контакт со инфицираните површини. Вирусите и бактериите најчесто напаѓаат преку носот, носната шуплина, устата, очите и ушите. Особено подложни на инфекција се малите деца, па затоа потребно е да се внимава децата редовно да одржуваат хигиена на овие делови, но и на целото тело. И покрај сè што знаеме, инфекциите се сè позачестени особено кај децата кои престојуваат во градинките или одат на училиште. Поизложени на ризик од инфекција се луѓето кои посетуваат масовни собири, војниците и сите кои живеат или престојуваат во група. За да се спречи пренесувањето на инфекциите, потребно е редовно проветрување на просториите, да се избегнува престој во затворен простор со многу луѓе, особено за време на грип или други вирусни инфекции. Секако, многу е важно да се избере соодветна облека во зависност од временските услови и соодветно да се затоплуваат просториите во кои се престојува.
Потребно е да се истакне дека влажното и релативно топло време во овој период од годината може да биде предуслов за размножување и пренесување и на бактериските инфекции кои кај некои лица, можат да доведат и до компликации. Затоа, при секоја промена или појава на симптом, потребна е консултација со избраниот лекар, кој по извршениот преглед ќе ве советува кои испитувања да ги направите: анализа на крвта, CRP, брис од грлото, и брис од очите. На крајот, немаме поголемо богатство од здравјето и секој од нас треба да е целосно посветен во грижата за своето здравје.

За да се спречи пренесувањето на инфекциите, потребно е редовно проветрување на просториите, да се избегнува престој во затворен простор со многу луѓе, особено за време на грип или други вирусни инфекции.

The post ЕСЕН И ЗИМА ДОБА НА НАСТИНКИ И ГРИП appeared first on Аптеки PlusPharma.

Причини за повраќање

Повраќањето е секогаш знак дека нешто се случува со организмот. Причините за овие симптоми можат да бидат различни, а најчесто се работи за вирусни, поретко бактериски инфекции (салмонела и стафилокок), хемиска или друга интоксикација. Може да е поврзано со други здравствени состојби, како што се главоболки, абдоминални процеси, настинки, гушоболка. Повраќањето често,  речиси секогаш, го следи пролив, а честопати и висока телесна температура.
Вирусни предизвикувачи на гастроентерити 

За развојот на норовирусните (Noro-virus) инфекции потребно е многу мал број вирусни честички, Toj e познат по предизвикување на епидемии на гастроентеритиси. Иако најчесто вирусите кои се одговорни за појава на вирусни гастроентерити се почести во зимскиот период, во текот на летото најчесто се појавуваат инфекции со Норовируси од семејството Caliciviridae, за кои се смета дека предизвикуваат дури 50 проценти од гастроинтериите инфекции предизвикани од храна. Норовирусите ги зафаќаат сите лица, независно од животниот век, кои се пренесуваат со фекално контаминирана храна и вода, преку непосреден контакт со заразениот човек или капков пренос на вирусот и последична контаминација на разни површини.

Во вирусните гастроентерити често се присутни  инфекции  и со Адено-вирус и Рота-вирус, иако нивната застапеност е пониска во споредба со Норо-вирусите во лето.

Клиничка слика и лекување

Норо-вирусите предизвикуваат симптоми како што се: мачнина, повраќање, грчеви во стомакот, температура, болки во мускулите и исцрпеност. Болеста започнува ненадејно, 24 до 48 часа по влезот на вирусот во организмот, иако симптомите можат да се појават веќе 12 часа по експозицијата. Траењето на гастроентеритот е кратко, неколку дена, но вирусот е активен во столицата уште месеци, а со тоа може да претставува опасност за зараза на околината. Епидемиолошките и клиничките искуства укажуваат на тоа дека децата многу почесто повраќаат од  возрасните лица.

Ентеровирусите најчесто предизвикуваат инфекциии на местата на умерена клима, и тоа вообичаено кон крајот од летото и почетокот на есента. Разликуваме седумдесет видови на ентеровируси кои предизвикуваат голем број заболувања, чии симптоми се рангираат од мали до животно загрозувачки. Најчести жртвите на ентеровирусите се деца во возраст од 4 до 12 години. Заразата најчесто се шири преку нечисти раце, но не може и да се прошири и преку заразена вода или застојна вода како базен.

Симптоми на ентеровирозата се: зголемена телесна температура која трае неколку дена, повраќање и пролив, појава на болни афти или ранички по мекото непце, а може да се појават и мали меурчиња на рацете и нозете. Потешките форми дури може да бидат проследени со развој на вирусен менингитис, плеуродинија, сè до развој на енцефалит.

Основата  на лекување на гастроентеритисот е надоместување на загубените течности и електролитите и консумирање на поедноставна, лесно сварлива храна. Масна, тешка, пржена и слатка храна треба да се избегнува, како и сите производи од млеко, со исклучок на пробиотички производи. На лицата кои не можат да примаат течност на уста заради мачнина, чести повраќања (особено мали деца), им треба медицинска грижа и надоместување на течности преку интравенски пат. Антибиотска терапија кај вирусните инфекциите, но и кај лесен облик на инфекција со салмонела не се препорачува, бидејќи може да ја продолжи болеста и да предизвика хронична состојба, а кај вирусни гастроентеритиси таа нема никакво влијание.
Бактериски предизвикувачи на гастроентерити  

Високите температури претставуваат погодно милје за размножување на бактерии во храната, а некои видови на храна се исклучително соодветни за нивно ширење. За разлика од причинителите на гастроентеритисот во зима, во текот на целата година, најчести предизвикувачи се бактериите.  Првенствено се однесува на бактериите од родот салмонела кои ги откриваме низ целиот свет кај луѓето, животните и околината. Тој микроорганизам влегува во организмот преку дигестивниот систем, а за развој на болести кај здрави лица потребен е голем број колонии, па затоа инфекцијата обично настанува како резултат на големиот внес на храна каде што бактеријата е во големи концентрации. Производи на млечна база, кремасти колачи и друга храна која содржи недоволно термички обработувани јајца, потоа шлаг, недоволно измиено овошје и зеленчук, како и термички необработено пилешко и мелено месо може да се контаминирани со салмонела. Уште еден важен предизвикувач на бактериска контаминација на храната во текот на летото е златниот стафилокок, т.е. Staphylococcus aureus. Во храната навлегува преку контакт со кожа или слузница на колонизирани лица при подготовката на храната, а неговиот  ентеротоксин е отпорен на загревање и кратка термичка обработка.

Важни совети за спречување на инфекции

Контаминираната храна најчесто има нормален изглед, мирис и вкус. Поради тоа, клучот на превенцијата е да се спречат бактериите да влегуваат во храната и да се размножуваат  за да се спречи инфекција. Најважниот чекор во превенција е хигиената на рацете.

Добро треба да се одмива овошјето и зеленчукот, треба да се исчистат и работните површини и додатоците за јадење. Преработените продукти од, месо и јајца треба добро да се обработат, а рибата треба да се подготви свежо. Храната треба да се подготви за готвење пред консумирањето и  да не се чува надвор од ладилникот. Вода од непознато потекло треба да се избегнува, Соодветна  хигиена и сите наведени постапки и понатаму се главни средства за борба против инфекции во текот на летото и раната есен.

Постапки со болно дете

Често и обилно повраќање, особено ако по него следи пролив и температура, брзо доведува до губење на течност или дехидрација.  Децата во овие состојби одбиваат храна и течности. Потребно е да се  надомести губитокот на течностите, што подразбира внесување на која било течност којашто детето ја прифаќа, со давање на мали количини на течност, на кратки временски интервали. Пожелно е да му се понуди и цврста храна, односно она што го сака детето. Треба да знаете дека земањето храна не ја загрозува здравствената состојба на децата, тие не е потребно да се ставаат на ригорозни диети. 

The post ЦРЕВНИ ИНФЕКЦИИ appeared first on Аптеки PlusPharma.

Многу често се случува заради оптовареност со обврски да не ви остане време за себе, а уште помалку за партнерот. Во секојдневната преокупација од обрски, се случува да заборавите дека пред да станете родители, сте биле љубовници, и тогаш основна цел ви била како да го направите партнерот среќен и задоволен, а со тоа и двајцата да бидете среќни.
Доколку заради премногу обврски кои ги носи родителството сте заборавиле на себе и партнерот, првиот чекор кон враќање во нормала е да ја прифатите реалната ситуација во која се наоѓате и да се потсетите каков ви бил заедничкиот живот пред да се приклучат децата. Емоциите сигурно се некаде длабоко во вас, едноставно  треба да ги разбудите.
Како се однесувате кон партнерот и кои емоции ги покажувате, влијае и врз развојот на децата и како тие понатаму ќе ги искажуваат своите емоции кон своите животни партнери.

Отворена комуникација – клучен фактор

Многу е важно да комуницирате отворено, дури и за најмалите детали, затоа што ако нешто е неважно за вас, можеби е важно за партнерот и обратно. Општо е познато дека со зголемување на бројот на членови во семејството, се зголемува и бројот на обврски за партнерите. И кога обврските не се рамномерно поделени или се потценува нечија работа, тогаш се зголемува и бројот на кавги и конфликтни ситуации во домот. Во отворен разговор со партнерот, кога и двајцата сте релаксирани и без итни обврски што ви тежат над главата, пробајте да се договорите и да ги поделите соодветно обврските околу децата и домот. Подобро се работи на романтиката кога знаете дека ги имате поддршката и разбирањето од партнерот.

15-годишна студија направена во САД открива дека клучот за задоволство и среќа во бракот е заедничкото носење на одлуки. Кавги има во секое семејство, но дали бракот ќе се одржи или разниша зависи од способноста на партнерите за соработка и почит.

Сигурно секој од вас има по еден пар пријатели кои зборуваат само за децата на секоја дружба. Најверојатно и меѓусебно само за тоа разговараат. Што јаделе децата, што направиле во градинка или училиште, колку се добри во спорт итн… И сигурно не сакате да бидете еден од тие парови. Да комуницирате меѓусебно, значи да си одвоите по неколку минути во текот на денот да се прашате меѓусебно како сте, како го поминавте денот на работа, да се потсетите на омилената песна или филм и на тоа дека постои и живот надвор од тој што го диктира грижата за децата.
Пробајте барем еднаш месечно да организирате романтичен состанок само за вас двајца. За чување на децата договорете баба, дедо, тетка или изнајмете бебиситерка на неколку часа. А вие изберете ресторан, некој спа центар или, пак, мирна вечера дома. Во прилог на заедничката дружба е да имате и заедничко хоби.

Одвојте слободно време
Добра идеја е повремено да го разгалите партнерот, на што таа/тој треба да ви врати со иста мера. Дајте и/му слободен ден од родителските обврски, ден што ќе може да си го посвети само на себе, додека вие тој ден ќе ги завршите и нејзините/неговите обврски. Сигурно ќе ви биде малку тешко, ама нека ве води мислата дека и вашиот ден ќе дојде набрзо.
Покрај заедничкиот одмор со децата, добро е да имате барем еден викенд за себе, без деца. Изберете некоја блиска локација со набиен распоред за уживање, а децата оставете ги кај баба и дедо. Најверојатно ќе ве гризе совеста првите неколку часа или првиот ден, но дома ќе се вратите релаксирани со полни батерии за справување со родителските одговорности.

Делете комплименти

Ако порано комплиментите се однесувале повеќе на физичкиот изглед, сега потрудете се да не ги изоставите тие, но обрнете повеќе внимание на тоа како партнерот се справува со грижата за бебето, но внимава и на останатите членови на семејството. Пожелно е да го опсипувате партнерот со комплименти секојдневно.

Одржувајте здрав сексуален живот.

Да, постојано сте исцрпени, немате време, низ глава ви поминуваат разни ситуации на кои треба да одговорите, но сето тоа се само изговори за да избегнете да бидете интимни со партнерот. Ова најмногу се менува како приоритет кај жените. Точно, тешко е да се вратите на тоа веднаш по породувањето, кога и самите не можете да се препознаете ни физички ни психички, а врз тоа треба да се прифатите и во новата улога на мајка. Но, тоа не значи дека и после неколку месеци сèуште треба да го избегнувате партнерот. Сексот е и ваша биолошка потреба, а не само барање од партнерот. За многу жени, сексот е рефлексија на моменталната фаза во која се наоѓа врската меѓу партнерите. Ако се чувствуваат неразбрани или повредени, влијае на тоа како го доживуваат партнерот и како мислат дека партнерот ги доживува нив.

Вашата љубов и хармонија е важна за развојот на вашите деца

Децата веднаш насетуваат кога нешто не е во ред, како на пример доколку нивните родители не се среќни во бракот, иако пред нив никогаш не избувнале еден спрема друг или имале расправија. И за децата е добро да видат дека родителите се блиски и дека споделуваат нежности, како гушкање додека се гледа филм, некое попатно милување или бакнеж. Така и децата учат дека одредени емоции треба да се покажат во јавност, а од друга страна, тоа ќе ве опушти вас како родители и полесен ќе биде транзитот кон нешто поинтимно што треба да се одвива зад затворени врати. И бидете снаодливи, украдете по некоја минута во текот на денот, не мора тоа секогаш да биде доцна навечер откако ќе заспијат децата, кога и вие сте на половина пат до длабок сон.

Семејството е силно колку што е силен бракот, едното без другото не може да опстане. Гледајте на бракот и семејството како на тим, простувајте си, не бидете злопамтила и фокусирајте се на љубовта!

The post Како да се одржи страста меѓу родителите appeared first on Аптеки PlusPharma.

По зимскиот период, кога кожата беше изложена на негативни надворешни влијанија (студ, ветар, сув загреан воздух во просториите…), потребна е нејзина подготовка пред изложување на сончевите зраци. Средствата за заштита на кожата од сонце штитат од оштетување на кожата и нејзино стареење. Сепак, секогаш треба да се има предвид дека правилната исхрана претставува многу важен дел од подготовката на нашата кожа пред нејзино изложување на сонце.

The post СО ПРАВИЛНА ИСХРАНА ДО УБАВ И ЗДРАВ ЛЕТЕН ТЕН appeared first on Аптеки PlusPharma.

Како последица од развојот на прехранбената технологија и потребата одредено количество храна да се сочува подолг период, како и поради зголемените барања на потрошувачите, прехранбената индустријапостојано се приспособуваше нудејќи храна со нови сензорни својства, нов изглед, подолги рокови на траење, нови вкусови и сл.

За да се постигне подобар вкус, поубав изглед, мирис, поголема трајност во подготовката на храната, отсекогаш се користеле адитиви за таа намена. Тоа е дел од прехранбената култура. Изборот на додатоците бил плод на искуството, традицијата, фантазијата и начинот на соработка со природата. Значајна улога во тие креации имаа, а сè повеќе и денес имаат разни додатоци на храната кои ги нарекуваме адитиви. Денес, додатоците во храната се идентификувани преку е-броеви, а прехранбената индустрија го презеде монополот над дефиницијата што се прехранбени адитиви.

Што се адитиви?

Адитиви се супстанции со познат хемиски состав кои самостојно не се консумираат, не се типична состојка на храната, по правило се без нутритивни вредности, но се додаваат во храната со цел да се подобрат технолошките и сензорните својства. Адитивите се додаваат во храната, во технолошката постапка при производството, при подготовката, обработката, преработката, формирањето на пакувањето, транспортот и чувањето. Поради тоа што не се природна состојка на храната, носат одредени здравствени ризици доколку се надмине дозволеното дневно внесување. Адитивите го изедначуваат квалитетот на производот, овозможуваат консумирање на сезонска храна во текот на целата година, го продолжуваат рокот на траење. Адитивите овозможуваат некоја намирница да добие особини, вкус и квалитет кои не и се својствени. Со адитивите, на пример: чипсот добива вкус на кечап или арома на дим, обичната вода станува газирана напивка , мешавината од растителни масти и скроб станува топено сирење, лебот и белите печива со додавање адитиви за растење на тестото стануваат „воздушести“, белиот леб станува „црн“, месото на полиците на фрижидерот има убава црвена боја и свеж изглед – а вакви примери има многу. Покрај синтетички добиените адитиви, постојат и адитиви од природно потекло, како што се природни бои, витамини, растителни влакна, ензими. Познати се околу 300 адитиви и преку 3500 нивни соединенија.

Е-броеви

Со оглед дека се наоѓаме во шума од информации, препознавањето на адитивите се одвива преку е-броеви кои претставуваат општо прифатена ознака низ целиот свет.
Е-броевите овозможуваат полесно означување и препознавање, како и потврда за токсиколошката евалуација и класификација на адитивите.
Бидејќи адитивите се поделени во неколку групи, постојат одредени правила за нумерирање кои ви ги претставуваме:

·   бои – 100-181;
·   конзерванси – 200-285 и 1105;
·   антиоксиданти – 300-340;
·   регулатори на киселоста – се означуваат со различни броеви;
·   згуснувачи/емулгатори – 322, 400-499 i 1400-1451;
·   супстанции за спречување на згрутчување – 550-572;
·   засилувачи на вкус – 600-650;
·   супстанции за полирање – 900-910;
·   супстанции за засладување – 420, 421, 950-970.

Прехранбени адитиви – додаток или недостаток во исхраната

Адитивите во исхраната не може во целост да се избегнат, но може де се ограничи нивното внесување. Треба почесто да се употребуваат свежи намирници без адитиви (овошје, зеленчук, житарки, леќа, грав, сосови кои сами ги приготвувате), а употребата на хемиски и индустриски процесирана храна полна со адитиви да се сведе на минимум. Индустриското производство на храна без адитиви не е возможно, дури ги има и во еколошки произведената храна. Иако адитивите денес ни овозможуваат поголема сигурност на производот во технолошка смисла, некои од нив не ги следи добар глас и може да му наштетат на човековото здравје. Токму поради тоа, потрошувачите сè повеќе се информираат за тоа што внесуваат со исхраната, особено оние кои имаат одредени здравствени проблеми.

Адитивите се нужно „зло“, кои ги подобруваат изгледот и вкусот на храната, но не го подобруваат нејзиниот квалитет.

Зошто треба да се обрне внимание на етикетата на производот?

Единствениот начин да контролирате и донекаде да балансирате што внесувате во вашиот организам, е внимателно да ја читате декларацијата за составот на производот. На тој начин, ќе можете да видите колку адитиви има и кои се тие адитиви, за да можете да ги избегнете оние кои се непотребни, кои би предизвикале несакани реакции (алергени) или да одберете производи кои содржат минимално количество адитиви. За жал, на потрошувачот, поради неправилно или непотполно декларирање на состојките во производот, често напишано со многу ситни букви, му се скратува правото на вистинска информација за тоа што купува и што консумира.  Секако, не очекуваме да носите попис на е-броевите во паричникот, но, сепак, обрнете внимание при следната посета на маркетот.

Адитиви во детската чинија

Кога станува збор за децата и намирниците кои ги консумираат, доаѓаме до заклучок дека е тешко да ги изолираме од потрошувачката пропаганда и во целост да ги заштитиме од штетните состојки на одредени намирници. Нереално е да очекуваме сите слатки да ги замените со овошје и секојдневно да правите домашни колачи од проверени состојки. На децата најпривлечна им е храната со изразени специфични вкус и мирис, со живописни бои и со интересни неприродни форми, главно, храна полна со адитиви и со вештачки додатоци. Од друга страна, консумирањето на таква храна има голема енергетска вредност, изобилува со шеќери и масти, што најчесто доведува до дебелина, затоа што внесувањето калории е во дисбаланс со потрошената енергија. Затоа, родителите треба да посветат внимание при купувањето намирници за деца, задолжително да ги читаат декларациите, составот и хранливата вредност. Конзервираната храна и намирниците со продолжен рок на траење или намирниците за кои знаеме дека содржат голем број адитиви, треба да ги избегнувате, а ова особено важи кога станува збор за децата. Посебно внимание посветете на намирниците кои никако не се препорачуваат за деца и кои може да го нарушат нивниот кревок имун систем. Вие, како родители, имате избор. Затоа, изберете мудро. Важно е секогаш да имате на ум дека на децата им формирате навики за исхраната кои ќе важат за цел живот. Научете ги вашите деца да се хранат здраво, но исто така научете ги и дека здраво, не значи и невкусно. Користењето свежо овошје и зеленчук, готвењето дома, избегнувањето готова или полуготова (конзервирана) храна и едукацијата на децата од најрани денови дека нема потреба за често консумирање индустриски слатки и „грицки“, се добри мерки за заштита на здравјето на децата.

Освен децата, посебно чувствителни се и старите луѓе чиј имун систем нема толку сила да се избори со сите насобрани адитиви во телото. Јасно е дека адитивите денес во прехранбената индустрија се неизбежни. Тие ја прават храната примамлива, долготрајна и предизвикуваат кај нас исклучителна желба за нејзино внесување. Незамисливо е на кои сè намирници би морале да заборавиме ако во нив ги нема адитивите. Адитивите не можеме да ги избегнеме во целост. Она што можеме, е да се едуцираме за тие кои се најштетни и да пробаме да ги избегнеме кога е возможно.

The post АДИТИВИ ВО ХРАНАТА appeared first on Аптеки PlusPharma.

Секој од нас доживува стрес секојдневно, без разлика дали е вработен или не, дали е на раководна позиција или не. Ден за ден, стресот станува хроничен и тогаш веќе почнува да влијае на имунитетот, на сонот, на здравјето… Затоа, одморот, дури и еднаш годишно, ни е потребен на сите нас. Особено кога одморот станува и елемент за заедничко дружење со семејството.

Семејна вредност

Покрај период за релаксација и оттргнување од секојдневните обврски, одморот станува и време за семејно поврзување. Со оглед на стресното секојдневие што го живееме, и статистичките податоци од истражувањата ширум светот, покажуваат дека семејниот одмор  (и тоа пожелно повеќе пати од еднаш годишно) е неопходен за идни физички и психички здрави генерации:
·       две третини од разговорите помеѓу родител и дете се однесуваат само на дневната рутина;
·       65% од родителите велат дека само повремено играат со децата;
·       1 на секои 6 татковци вели дека не знае како да игра со сопственото дете, а третина од татковците едноставно немаат време да играат со децата;
·       само четвртина од децата разговараат со родителите повеќе од еднаш неделно за нешто важно.
Најчестата грижа на родителите е физичкото здравјена децата, но подеднакво внимание треба да се посвети и на односите помеѓу родителите и децата и како тоа влијае на менталното здравје на децата.

Важен за когнитивен и ментален развој на децата

Многу невролози и детски психолози и психијатри повикуваат на активни семејни одмори заради ефектот што го имаат тие врз развојот на мозокот на децата. Активните семејни одмори се оние во кои децата и родителите заедно играат и истражуваат. Средината во која го поминувате одморот, било да е плажа или планина, овозможува услови за активација и за развој на делови од мозокотшто од раѓање ги имаме, но секојдневната рутина не ни дозволува да ги развиваме.Затоа, правете замоци од песок, скокајте на бранови, истражувајте ја плажата за школки или шумата за најразлични растенија. Навидум банални игри, но овие искуства кај вас и кај вашите деца предизвикуваат излачување хормони и невротрансмитери што го намалуваат стресот и создаваат чувство на топлина и сигурност. Со овие активности го вежбате мозокот и ја развивате социјалната интелигенција, за во иднина, детските игри да се заменат со игра со идеи и истражување, што од вашите деца може да направи успешни претприемачи или раководители.

Играта во природа ги подобрува концентрацијата и вниманието кај децата. Опкружувањето со зелена средина делува подобро и од лековите кај децата со АДХД (нарушување со намалување на вниманието и хиперактивност). Имајќи го ова предвид, во некои од скандинавските земји има и отворени градинки (градинки во природа) во кои децата скоро и да не поминуваат време во затворен простор.

Прошетката во природа е добра и за родителите и за бабите и дедовците. Го смирува телото, го намалува притисокот, па дури и холестеролот. Јапонија уште во далечната 1982 година го вовела „капењето во шума“ како терапија во националната програма за здравје. Некои истражувања одат дотаму што тврдат дека активниот одмор со децата го зголемува и нивниот IQ коефициент, како резултат на активацијата на гореспоменатите делови од мозокот што вообичаено во секојдневието дома не ги развиваме. Студии покажуваат дека децата кои патуваат имаат повисоки оценки во училиште од оние кои не патуваат. На ова, сигурно многу влијае и потребата да се организира и искористи времето за учење подобро и поефикасно.

Забава за сите

Семејниот одмор може да биде многу забавен и без стрес за родителите, доколку:

– Планирате однапред – разгледајте повеќе локации за одмор, дајте им задача и на децата да истражуваат и заеднички донесете ја одлуката каде ќе се оди на одмор, потоа истражете го местото каде што ќе престојувате уште додека сте дома и заеднички договорете се што ќе посетите и кои забавни активности ќе ги имате. Така, нема да имате преговори и негодувања секое утро, што воедно е и губење време од и онака малкуте денови за одмор.

– Не чувствувајте грижа на совест затоа што можете да си дозволите одмор, а вашиот колега или пријател не може, или, пак, затоа што сакате да ја проверите електронската пошта. За некои луѓе, подобро е да ја проверуваат редовно поштата отколку првиот ден на работа по одморот да започне со огромно ниво на стрес поради стотиците непрочитани пораки.

– Направете го одморот авантура – излезете од комфорната зона и истражувајте, така ќе создадете искуства што се паметат долго потоа и се прераскажуваат. Ова е особено важно за децата, за развивање на нивната љубопитност и затоа што тие учат преку тоа што самите ќе го направат или лично ќе го доживеат. За децата е особено важно да запознаат нови култури, јазици, храна, дека постои и поинаков свет од нивниот, и преку новите активности да ги тестираат своите граници и подобро да се запознаат себеси.

– Фотографирајте се – и тоа многу, затоа што само преку фотографиите ќе можете да ја освежите меморијата повремено, а со тоа да предизвикате пријатни чувства кај себе и кај своето семејство, особено кога сте тажни или кога сте изложени на стрес.

За добар одмор, најчесто не е важна локацијата, колку е скап и ексклузивен одморот и колку денови трае, туку спомените што заеднички ќе ги создадете во текот на одморот.

The post СЕМЕЈНИОТ ОДМОР – ВАЖНА АЛКА ЗА ФИЗИЧКОТО И МЕНТАЛНОТО ЗДРАВЈЕ НА ЦЕЛОТО СЕМЕЈСТВО appeared first on Аптеки PlusPharma.

Симптоми на патувачка дијареја

Убаво е да се патува,но тоа често води допоголемризик од патувачка дијарејa.Ризиците од патувачкадијареја се најголеми при патување во Јужна Азија, Екваторијална Африка и поголем дел од Јужна Америка.Најчестите и најтешките симптоми доаѓаат при инфекција со инвазивните бактерии и преносот на инфекцијата најчесто епреку: внесувањезагадена храна и вода, директно преку аерокапков пат, преку загадени раце или предмети.Најчести симптоми кои се појавуваат при патувачката дијареја се:
–       Висока температура, особено при инфекција со Salmonella;
–       Повраќање и стомачна болка;
–       Kрвави столици при инфекција со Salmonella, Shigella и Escherichia coli;
–       Тешки водени столици при инфекција со вируси.
Доенчињата и малите деца имаат мала телесна тежина,и честитетечни проливиимаат поголем ризик од сериозни нарушувања во водено-електролитнатарамнотежа,односно дехидритацијата. 

Превенција и третман на патувачката дијареја

Основно во превенцијатана патувачкатадијареја,е избегнувањетоконтакт со заболени лица. Особено важно е одржувањетона личната хигиена,што подразбира често и редовно миење раце со сапун и со топла вода, и користење средства за дезинфекција. Темелно миење на зеленчукот и овошјето пред консумирање, термичка обработка на местото. Чистење и дезинфекција на површините,особено детските играчки, користење флаширана и превриена вода.
Во третманот на патувачкатадијареја,примарно е рехидратација и користење пробиотици, кои помагаат брзо и ефикасно да се регулира цревната микрофлора.

Хигиено-диететски режим

За време на летниот период, треба да се консумира полесна храна. Кога детето има дијареја,  не треба да му се даваат овошни сокови и засладени чаеви,поради големата содржина на шеќер штојазголемува дијарејатаи го пролонгира нејзинототраење. Покрај симптоматскиот третман со пробиотици, се препорачува:
-Kаша од гриз, банана, ориз и морков, варен компир, леб и пилешко месо;
-Храна со висока нутритивна и енергетска вредност (тестенини, пченкарен гриз, житарки, сирење, мали количествапутер).

The post ПАТУВАЧКА ДИЈАРЕЈА appeared first on Аптеки PlusPharma.

Воведувањето на нови прехранбени производи во бебешкото мени за многумина е многу збунувачки, стресен и заморен период, бидејќи родителите се соочуваат со контрадикторни информации. Тие не се сигурни кога треба да почнат со дохраната, како да ја спремат храната, да направат кашичка, колку бебето треба да се јаде, како да се комбинираат млечни каши. Ги мачат различни долеми од типот дали да се понуди домашно направена кашичка од здраво овошје и зеленчук или подобро да понудат купени, веќе приготвени оброци.  Прашања има безброј, така што не е изненадување што понекогаш се прават и грешки.

Што се подразбира под комплементарна исхрана?

Комплементарна исхрана/дохрана се дефинира како периодот во кој мајчиното млеко почнува да не е доволно за да ги подмири нутритивните потреби на доенчињата, така што е потребно да се воведе во исхраната/дохраната друга храна или течности, заедно со мајчиното млеко. Комплементарната исхрана/дохана е неопходна заради нутритивните потреби, но и заради потребите на развојниот процес. Тоа е една многу важна фаза во транзицијата помеѓу исхраната со екслузивно мајчино млеко и преминувањето на општата исхрана. Ова е период кога децата многу брзо растат и се развиваат и кога се многу чуствителни на нутритивни дефицити и екцеси, време кога се воведува нова храна, нови вкусови и се здобиваат првите искуства на хранењето на своите деца.

Што вели стручната фела во однос на овие дилеми, кои се упатствата за воведување на комплементаран дохрана?

Постои релативно ограничената база на научни докази, а ова се рефлектира во значителни варијации во препораки за воведување на комплементарна исхрана. Различните земји, нации и култури имаат различни секојдневни практики во однос на комплементарната дохрана. Некои почнуваат со овошје, други пак со зеленчук, трети со житарки. Ниту еден пристап не е подобар ниту полош, се е во функција на културата, навиките и традицијата.

Гастроинтестиналните и бубрежните функции кај децата се доволно зрели, за приближно од 4 месец (17 недели, почетокот на 5-тиот месец)  да им се овозможат на доенчињата ја ја обработат комплментарната исхрана.   Овие функции на возраст од 4 до 6 месеци (26 недели, почетокот на 7-тиот месец)  се веќе стекнати, а со нив и се достигнуваат потребните моторни вештини за безбедно консумирање на комплементарната храна. Многу е важно, заради специфичниот развој на децата, како и од нутриционистички причини да се даде храна соодветна на возраста на доенчето !!!. Таа треба да биде со правилна конзистентност и  да се даде на начин кој е  соодветен за возраста и развојот на доенчето.

Ексклузивното доење од здрава мајка може да ги задоволи барањата за хранливи материи на здрави доенчињаза повеќето хранливи материи за околу 6 месеци. Бидејќи секое дете е индвидуа само за себе, некои доенчиња може да имаат потреба од дополнителна енергија или железо пред 6 месеци. Одложеното подврзување на папочната врвца ќе ги подобри залихите наа новороденчето на железо, но и ќе ја намали веројатноста за потреба од дополнителножелезо пред 6 месеци. Подолготрајното екслузивно доење може да биде поврзано со намален ризик од гастроинтестинални и респираторни инфекции и хоспитализација заради инфекции на доенчињата.

Стручната литература вели дека може да има зголемен ризик од алергија ако се воведува цврста хранапред 3 до 4 месеци. Меѓутоа, нема докази дека одложувањето на алергиска храна подолго од 4 месеци го намалува ризикот од алергијакако за доенчињата во општата популација, така и за оние со атопискапредиспозиција. На доенчињата со висок ризик од алергија на кикиритки (оние со тешка егзема, алергија на јајца, или и двете дефинирани во ЛЕАП студијата) треба да им се даде кикирики во период од 4 до 11 месеци, по евалуација од страна на соодветно обучен професионалец.

Времето на воведување на комплементарна храна во 4 или 6 месеци не покажало дека влијае на растот или дебелината за време на детството, иако воведувањето пред 4 месеци може да биде поврзано со зголемена адипозност.

Многу контраверзиии кружат за поврзаноста на целијачната болест (глутенската ентеропатија) и дијабетот тип 1 со дохраната. Научните трудови велат дека ниту екслузивното доење или доење за време на воведувањето на глутен не покажало дека се намалува ризикот за развој на целијачна болест. Во однос на ризикот за развој на дијабетес тип 1, не влијае ниту внесувањето на глутен после 3 месеци или доење за време на воведувањето на глутен .

Меѓутоа, тоа што со сигурност се знае е дека високиот внес на протеини во текот на комплементарната исхрана може да го зголеми ризикот од прекумерна тежина или дебелина, особено кај предиспонираните индивидуи. Главниот извор на протеини , односно енергетскиот внес од протеини не треба да биде поголем од 15%. Големи количини  на внес на кравјо млеко се поврзуваат со висока енергетска вредност, протеини и масти и со низок внес на железо кај децата. Потребата од железо се е висока за време на комплементарната исхрана, особено кај деца кои се дојат.

Секое дете е приказна сама за себе, па така е и воведувањето на исхраната.  Стручната јавност вели дека не е возможно да се променат вродените преференции на доенчињата за благии солени вкусови, како ни да им се влијае за дане им се допаѓаат горчливите вкусови. Од друга страна пак , родителите можеби ќе можат да ги модификуваат преференциите на своите деца,нудејќи комплементаран хранабез додадени шеќери и сол и со навремено воведување на различни на вкусови, вклучувајќи горчлив зелен зеленчук.

Во последно време, како општеството следи некои –модерни текови- така и се почесто се среќаваме со веганскиот начин на исхрана. Педијатриските здруженија имаат напатсвија дека веганската исхрана не е  за мали доенчиња. Сепак, кај тие родители што така ги хранат своите деца треба да им се напомене дека самосо соодветни додатоци може да го поддржи нормалниот раст и развој.Медицинска супервизија треба да биде во насока на доенчето да му се обезбеди да добива доволна количина на витамин Б12, витамин Д, железо, цинк, фолати, n-3 LCPUFA, протеини и калциум, како и доволно хранливи  енергетски материи. Родителите треба да ги разберат сериозните последици од неуспехот да ги следат советите за дополнување на диетата.

Редовен медицински и диететски надзоре потребен за да се следат овие деца. Во колку не се работи тимски кај децата кои се исхрануваат со веганска исхрана, последиците од може да бидат сериозни и да вклучуваат иреверзибилно когнитивно оштетување и  се до најлошиот исход-смрт.

Долготрајната употреба на пасиранахрана треба да се избегнува, а доенчињата треба постепено да се научат на поцврста храна, грубо пасирана, најдоцна од 8 до 10 месеци. На возраст од  12 месеци, доенчињата треба да пијат главно од чаша, наместоодшишесо цуцла.

СОВЕТИ 

Актуелните упатствија од стручните асоцијации за педијатрија како цел наведуваат дека екскузивното доење треба да се промовира најмалку 4 месеци (до најмалку 17 недела), а потоа да се продолжи со екслузивно доење или предоминантно доење со апроксимативно 6 месец ( 26 недела).

На доенчињата треба да им се понуди храна со разновидни вкусови и текстури, вклучувајќи и горчлив вкус, односно зелен зеленчук.

Кравјо млеко не треба да се користи како главен пијалок пред 12 месеци.

Храната што предизвикува алергија може да се воведе како дохрана било кое време по 4 месеци. Доенчињата со висок ризик од алергија на кикиритки оние со тешка егзема, алергија на јајца, или и двете,  треба да имаат воведено кикирики помеѓу 4 и 11 месеци, по евалуација од страна на соодветно обучен специјалист.

Глутен може да се воведе помеѓу 4 и 12 месеци, но големи количини треба да се избегнуваат во првите недели од воведувањето на глутен и подоцна за време на детството.

Сите  деца треба да примаат  комплементарна исхрана која е богата со железо, вклучувајќи производи од месо.  

Не треба да се додава шеќер или сол во  исхраната и треба да се избегнуваат овошни сокови или засладени пијалоци.

Веган исхраната треба да се користат само под соодветен медицински или диететски надзор, а родителите треба да ги разберат сериозните последици од овој тип на исхрана кај децата.

Родителите треба да бидат охрабрени да ги хранат своите деца според нивните специфични потреби

The post КОМПЛЕМЕНТАРНА ИСХРАНА   appeared first on Аптеки PlusPharma.

Освен религиските постови во поново време многу светски лекари и нутриционисти, препорачуваат  постење со различни методи како што се пост со сокови, пост на вода, пост со блендирани сокови (смуди), исхрана со сирова храна, елиминациска диета, повремен пост таканаречен Intermittent fasting односноIFи др. Како и да е било која од овие методи на повремено постење ( воздржување од храна ) да се примени , секако под надзор на стручно лице, позитивно ќе влијае врз здравјето особено ако постот редовно го применуваме. Забрзаното односно динамичното темпо на живот, нездравата исхрана(брза храна, индустриска процесирана храна и.т.н) присутноста на токсини околу нас како во храната така и во воздухот и почвата негативно  влијаат врз нашиот организам. Поради тоа, од исклучителна важност е одвреме навреме да го прочистиме нашиот организам од токсини а одлична алатка за тоа е постењето. Современите нутриционисти препорачуваат повремено контролирано постење со што би се олеснил организмот и би се поттикнало отстранувањето на штетните материи. Доколку не сте сигурни дали вашата здравствена состојба дозволува да постите најдобро е да се консултирате со лекар.

Зошто постот е добар за нашето здравје 

Во периодот кога започнуваат  велигденските пости  се наметнува прашањето дали постите се вклопуваат како здрав начин на живеење и на здрава исхрана.Исхраната за време на овие пости не претставува стрес за нашиот организам туку напротив благослов за нашето здравје. Кога се пости нашиот организам како систем и сите негови делови се многупомалку оптеретени.Постот претставува одличен начин да се исфрлат насобраните токсини од организмот но под услов за време на постот да се конзимираат здрави намирници, подготвени на здрав начин (варење, бланширање) односно без пржење на високи температури во длабока маснотија . Првенствено, постот е една од најдобрите методи за регулирање, прочистување и обновување на системот за варење, како и регулирање на целиот метаболизам.Преку постот,целиот организам, сите органи и клетки се чистат од штетните материи.Не се троши енергија за варење на “ тешка“храна туку на елиминирање на штетните материи од организмот. Тоа значи дека на нашите органи за варење им даваме „годишен одмор“.Заштедената енергија се користи за регенерација,лекување и опоравување.Алергии,ринитис,дигестивни проблеми,кожни заболувања,угоеност, артритис, болести на срцето и крвните садови,астма…Долг е списокот на заболувања кај кои постот позитивно делува. 

Како правилно да се храниме за време на пост
Постот сигурно не подразбира исцрпување на организмот со повеќедневно прегладнување кое само по себе може да биде штетно по нашето здравје, да го поремети метаболизмот а воедно и ослабе нашиот имунитет. Од особена важност за време на постот е почитување на трите основни правила на здравата исхрана: балансираност на оброкот, умереност во порциите и разновидност на намирниците. Само доколку ги вклопиме овие правила за здрава исхрана за време на постот може да зборуваме за негов позитивен здравствен ефект. Обрнете внимание за време на постот вашата исхрана да биде нутритивно богата со што ќе се внесат потребните хранливи и градбени материи за организмот. Внесувајте секојдневно умерени количини на правилно искомбинирана храна, свежо овошје и зеленчук, интегрални житарки (интегрален ориз, овес, рж, јачмен… ), мешункасти плодови (леќа, грашок, грав, наут, боранија),јаткасти плодови  и семиња (орев, бадем , лешник, семки од тиква, сончоглед, сусам, ленено семе….), никулци од из’ртени житарки, сушено овошје во умерени количини.

Водете сметка за внесот на белковини (поради избегнување храна од животинско потекло,) мешункастите плодови (леќа,грашок,грав,боранија) комбинирајте ги  со житарки (пример интегрален ориз комбинирајте со грашок). Ограничете го внесот на нутритивно празната храна богата со шеќер и скроб (бели пецива, тестенини, пекарски производи, рафинирани индустриски производи.Обидете се за време на постот да не конзумирате алкохол, слатки и газирани пијалоци, цигари.И секако не заборавајте да пиете доволно вода.Водата го хидрира организмоти  има главна улога во неговото прочистување од штетните материи.Сложените јаглехидрати, диетални влакна, витамините, минералите и фитонутритиентите од зеленчукот, овошјето, житарките, мешунките со кои изобилува исхраната за време на постот и тоа како позитивно влијаат врз целокупното здравје .Овој пост придонесува за регулирање на телесната тежина, го забрзува метаболизмот, ја регулира  остипацијата, ги намалува воспалителните процеси во организмот, го нормализира крвниот притисок и липидниот статус, превенира од атеросклероза и срцеви заболувања..

И за крај, завршувањето на постот не треба да биде причина за прекумерно конзумирање на дотогаш забранетата храна. По завршување на постот не треба да се навали на се она што евентуално ни недостасувало.Обидете се да не се враќате на некои стари нездрави навики во исхраната туку потрудете се да јадете само тоа што е најдобро за нашиот организам. Постот нека ви биде тест да  докажете дека може да се справите со ова искушение и понатаму предизвик да продолжите со здрав начин на исхрана.

Анета Николовска
Дипл. нутриционист

The post Улогата  на постот врз нашето здравје appeared first on Аптеки PlusPharma.

Храната некогаш беше извор на живот и задоволство. Денес, трпезариската маса може да потсетува на минско поле.

Кога ќе погледнете колку луѓе страдаат од дебелина, дијабетес и срцеви болести, очигледно е дека денешниот начин на исхрана и начинот на живот негативно влијаат  на нашето здравје. Со оглед на достапноста на брзата храна, се повеќе денешните генерации страдаат од недостаток на потребни – биолошки  вредни нутритиенти, а резултат на тоа е се поголемиот број на  болести.

Многу често не обрнуваме внимание на исхраната, нејзиниот квалитет и застапеност се додека  не се вклучи некаков алар кој е најчесто во форма на сериозно заболување или здравствено нарушување во која промената на навиките за исхрана стануваат ззадолжителни. Сепак  вистината е дека исходот можете да го смениме уште денес, елиминирајќи ја најтоксичната и нездрава храна од вашата чинија. Кога од исхраната би ги изоставиле или драстично намалиле внесот на шеќер, белото брашно, маргаринот, разни видови на грицки, сувомесни производи, неспоредливо би имале помал процент на срцеви и малигни заболување.

Иако можеби сме свесни сепак овие намирници многу често несвесно а сепак многу често се во нашето секојдневие.

Листата е долга па во овој текст а согласно со досегашните сознанија Ви ги претставуваме можеби  „најопасните“ намирници, како би можеле да одлучите при следниот ваш избор што ке ставите во вашата кошничка.

Маргарин.

Билно масло третирано на висока температура и хемикалии со додадени конзерванси и вештачки ароми. Маргаринот е направен од растителни масла кои се богати со транс-масти кои навлегуваат во масното ткивоо и клеточните структури на организмот каде директно влијаат на пореметувања на метаболизмот, , имунолошкиот систем , а се јавуваат и како фактор за појава на одредени заболувања.  Високата температура во процесот на преработка на растителните масла, ги уништува присутните витамини и антиоксиданти.Поради ова маргаринот скоро и да нема нутритивна вредност па неговата употреба во исхраната станува скоро безпредметна. Доколку веке морате да го употребувате за подготовка на пецива и други кулинарски специјалитети, правете го тоа што поретко или пак користете други алтернативи.

Разни видови грицки

Чипс, пуканки од микробранова, флипс, солени стапчиња. Многумина од нас скоро и да не можат без овие грицки кои всушност немаат нутритивна вредност, а можат да  бидат штетни за нашето здравје. Лошата навика на „грицкање“ е најчеста причина за дебелина, што често повлекува ризик од кардиоваскуларни болести, дијабетес, кариес, остеопороза.

Чипс

Водечка  намирница излистана во категоријата на повеќе штетни отколку корисни. Крцкав, екстремно популарен, го има со разни вкусови и редовно преполн со калории, маснотии и изразено “нездрави”количини сол. Ако редовно се конзумира станува една од намирниците што се најзаслужни за дебелеењето, особено кај децата и младите. Во едно спроведено истражување докажано е дека секојдневно конзумирање на чипс, неминовно  доведува до дебелеење а во истото истражување е докажано дека во ова чипсот е полош дури и пред засладените напитоци.

Покрај ова доведува до зголемување на холестеролот во крвта,  полн е со транс-масти, затоа што се пржи во масло кое е повеќе пати користено. Во прилог на ова оди и фактот што неретко чипсот во суштина и не е  пржен компир, туку смеса од компирово брашно , пченка, пченица и  редица додатоци за прилагодување на вкусот кој само ја дополнуваат штетноста.

Накратко чипсот е суров убиец на вашиот организам, па затоа мудро избегнувајте го.

Пуканки од микробранова

Можеби досега не сте слушнале  за хемикалијата диацетил, која  се користи во пуканките наменети за подготовка во микробранова, со цел истите да имаат вкус на путер, и е една од главните виновници за уништување на клетките кои го штитат мозокот. Исто така  во пакувањето се додадени синтетички хемикалии, кои при загревање  навлегуваат во содржината на пуканките. Овие супстанции имаат штетно влијание на ендокриниот, имуниот и на репродуктивниот систем.

Затоа, доколку сте љубител на пуканки направете ги онака како што некогаш ни ги правеа нашите мајки  и баби и зачинете ги по ваша желба.
Со грицките во организмот внесуваме многу маснотии, сол и јаглехидрати и заради тоа треба да бидеме многу внимателни при нивна консумација.

Со конзумирање на солени грицки,  во организмот  се внесуваат премногу заситени масни киселини, што доведува до пад на концентрацијата, чувство на замор и поспаност. Истовремено организмот останува лишен од хранливи материи кои се од суштинско значење за негово секојдневно функционирање.

 На сите грицките им се омилени , особено на децата, но денес кога свеста за нивната штетност е на високо ниво, родителите на своите дечиња треба да се потрудат да им дадат здрави верзии на грицки како што се чипс од јаболки или вкусни семки од тиква.

Овошни јогурти

Ги вбројуваме во категоријата на производи за диетална исхрана, богати со протеини, калциум и пробиотици а сепак со ниска калорична вредност. За жал поголемиот дел од овошните јогурти се индустриски преработки кои имаат превисоко ниво фруктознен сируп или други вештачки засладувачи заради што стануваат намирница богата со многу шеќер. Во ваква форма стануваат потенцијален здравствен ризик особено за лица склони кој дијабетес и дебелеење.

Спакувани кекси

Една од основните состојки на спакуваните кекси кои ги купуваме во маркетите е хидрогенизираното растително масло, како што е палминото или палминото кернел масло. Овие масла се богати со транс-масти и заситени масти. Затоа нивната консумација  се поврзува со болестите на срцето, дебелината и дијабетесот. Освен со масти, кексите се полни со шеќер и вообичаено со нивното внесување, ја надминуваме препорачаната дневна количина за внес на шеќер. Изгледа дека полесно е да ја грабнете кутијата со кекси од сталажата во маркетот, отколку да ја натерате мама да ви направи домашен колач.

Газирани напитоци и овошни сокови

Газираните напитоци, овошните сокови и ледениот чај имаат голема калориска вредност и се на врвот на листата на фактори за прекумерна телесна тежина.

Сите газирани пијалоци и индустриски овошни сокови, имаат висока содржина на шеќер, дури и на оние на кои пишува дека се „без шеќер“. Тие се далеку посиромашни со витамини, минерали и диететски влакна отколку овошјето. Во поголеми количини може да влијаат на појавата на дебелина и дијабетесот. Доколку би испиле половина литар таков сок е скоро идентично како да сте внеле четири лажици бел шеќер. Кај децата таквите напитоци предизвикуваат чувство на заситеност, па изостанува соодветен внес на важни хранлици материи и витамини. Тие само создаваат потреба за дополнително конзумирање, и затоа е најдобро е да ги замените со вода, природно цедени сокови, лимунада или чај.

Сувомесни производи

На листата на непожелни намирници се секако и сувомесните производи и месните преработки.

Сувомесните производи, саламите, виршлите и паштетите се прават од месо со лош или сомнителен квалитет, а во нив имате неизоставно е изобилството од конзерванси, адитиви и маснотии. Освен тоа содржат големи количества сол што има штетно влијани на метаболичките процеси во организмот.

Совет. Доколку сте љубител на ваков вид на намирници обидете се да ги  конзумирате не повеќе од еднаш неделно.

Потребно е родителите кај децата од најрана возраст да им направат навика да ги избегнуваат сувомесните производи и месните преработки. Нема дилема – без оглед на видот, производителот или земјата на потекло, овие производи не би требало да бидат дел од нивната секојдневна исхрана.

Не е лесно да се каже дали  и колку се сувомесните производи и месни преработки штетни, но слободно можеме да заклучиме дека немаат позитивно влијание на човековото здравје.

Соја

Штетна скоро за ситеособено онаа што е генетски модифицирана. Не е пожелнодецатада ја консумираат во ниеден облик. Се наоѓа во повеќе видови леб (како брашно), во пецива, како растителен протеин во вегетеријански паштети. Во денешно време се наоѓа во соро секоја процесирана храна.

Кај мажите влијае во продукција на тестостерон и стимулира создавање естроген. Оваможе да доведе до намалување на мускулната маса, намалена сексуална желбапа дури и  зголемување на градите. Континуирана конзумација може да доведе до пореметување на функцијата на штитната жлезда. Кај жените може да го поремети хормонскиот систем што може да имплицира  пореметен менструален циклус, неплодност па дури и да предизвика тумори во градите. Сојата кај машките деца може да предизвика феминизација а кај женските до прерано созревање на полните карактеристики односно преранПМС.

Овие прехрамбени производи стануваат доминантен избор на потрошувачите,  а особено на родителите кои оваа храна ја бараат за своите деца, поттикнати од  убавите реклами на електронските медиуми. Купуваме дизајнирана храна без живот, убава на изглед, вкусна, но полна со шеќери, масти, конзерванси, бои, ароми, емулгатори и адитиви, a без било каква хранлива вредност.

The post Многу чести а толку многу штетни намирници на кои треба да обрнете особено внимание appeared first on Аптеки PlusPharma.

Причини за појава на сезонски настинки

          Престојот во школите, градинките и големи колективи кај детската популација ги зголемуваат шансите за пренос на инфекти, најчесто вируси. Подолгиот престој во таквите затворени простории, сувиот и топол воздух во истите, недоволно проветрените простории доведуваат до лесно ширење на инфектите. Акутните инфекции на горните патишта се меѓу најчестите болести кај човекот. Во просек едно дете е нормално да заболува почесто 4-8 пати годишно, додека кај возрасните се заболува во просек 2 – 4 пати на годишно ниво. Просекот кај децата е поголем, бидејки кај нив имунолошкиот систем е сеуште недоволно развиен.

          Горните репираторни инфекции во 90% од случаите се предизвикани од вируси, и тоа најчесто Риновирус (30%-80%), Коронавирус (10%-15%), Инфлуенца, Параинфлуенца, Аденовирус итн. Поретко причинители можат да бидат и бактерии (Стрептококукус, Хемофилус, Мораксела).

          Преносот на вирусот се врши со вдишување или голтање на капки кои болниот ги испушта во воздухот, а го содржат вирусот, допир со загадени раце или допир со предмети кои се контаминирани (загадени) од вирусот. Инфекциите на дишните патишта се делат на инфекции на горни респираторни патишта:настинка, фебрилен респираторен катар, тонзилит, фарингит и инфекции на долни респираторни патишта:бронхит, пневмонија. Вирусите се одговорни за предизвикување на настинка, фебрилен респираторен катар, додека бактериите предизвукуваат воспаление на увото, синусите, грлото и долните дишни патишта.

Симптоми на сезонски настинки

Настинката најчесто поминува без покачена телесна температура со чувство на треска, омалаксаност. Тука ретко може да има комплицирање на состојбата, а терапијата треба да е симптоматска. Настинката предизвикана од Риновирусот е најзаразна во првите три дена од појавувањето на симптомите, потоа нејзиниот интензитет опаѓа.

Фебрилниот респираторен катар се карактеризира со низа симптоми кои го отежнуваат квалитетот на живот кај овие пациенти. Дел од нив се:покачена телесна температура, слабост, омалаксаност, болка во мускулите, ринореа (зголемена секреција од нос), затнат нос, болка во грлото, засипнат глас, кашлица, отсуство на апетит.

Каков треба да е третманот доколку се работи за вирусна инфекција?

Треба да се знае дека пристапот кај вирусните инфекции треба да е стриктно симптоматска терапија, во ниту еден услов антибиотска. Под симптоматска терапија се подразбира треман со  аналгетици (лекови за намалување на болката), антипиретици (лекови за намалување на температурата), деконгестиви, пастили/спреј за ублажување на болката од болното грло. Деконгестивот има за цел да го намали отокот на слузницата и секрецијата од носот – со тоа се олеснува дишењето преку нос.

Затнат нос и болно грло

           Деконгестив кој во својот состав содржи оксиметазолин го одзатнува носот во првите минути и дејството трае до 12 часа. Оксиметазолин во состав на деконгестивите, покрај главното деконгестивно дејство поседува антинфламаторно и антивирусно дејство и спречува ширење на вирусите. Кај болното грло пастилите вршат обезболување (аналгетско дејство), и антисептичко дејство – се спречува развојот на ширење на инфектите во усната празнина. Спреј и пасили кои во својот состав содржат лидокаин како аналгетик брзо ја смируваат болката. Хлорхексидин е златен стандард за антисептик бидејќи делува на вируси, бактерии и габи. Покрај ова потребно е внесување на доволен внес на течности во вид на чаеви, сокови, раствори за рехидратација, витамини, пробиотски култури.

Кај дел од пациентите може да дојде до компликација на состојбата на настинка/грип, па тогаш се јавува воспаление на синусите (синузит), или на увото (отит). Во овој случај треба да се премине на антибиотска терапија за третман на истите.

Мора да се запомни дека антибиотиците лекуваат исклучиво бактериски инфекции не делуваат на вирусите, а токму вирусите се предизвикувачи на горните респираторни инфекции.Внимателно во изборот на терапија!

Др.Аднан Сулејмани
Специјалист педијатар – ЈЗУ ОБ Куманово

The post Третман на сезонски настинки во детска возраст appeared first on Аптеки PlusPharma.

Секое дете е приказна за себе, и затоа е многу важно да не ги споредувате децата во изеденото количество, без разлика дали се работи за браќа или сестри, или за најблиското другарче.

Специфично за тодлерите е тоа што се пребирливи, па така, некоја од следниве реакции е сосема нормална за нив:
–       Да одбијат храна/намирница само затоа што не им се допаѓа бојата, текстурата или мирисот
–       Да консумираат само неколку (2-3) различни намирници или оброци со месеци
–       Да одбијат да пробаат ново
–       Да изгубат интерес за храна што дотогаш ја обожавале
–       Да сакаат да јадат само со лажица или само со виљушка.
Со овие реакции, детето сака да покаже контрола и да вежба независност. Ако и покрај овие реакции, детето напредува во растот и развојот, тогаш немате причина за загриженост. Ви останува само да му обезбедите лесно достапна, здрава храна и да го научите на навиките за здрава исхрана.

Децата не треба и не можете да ги храните со сила. Но, можете да им пружите забавни оброци и да ги научите на здрави навики за јадење.

Здрави навики за јадење
–       Оставете го детето да одбере колку ќе изеде. Подобро е да му понудите мала порција со што  ќе оставите простор детето само да побара повеќе.
–       Бидете трпеливи. Нудете нови намирници почесто. Најверојатно, по 15-тото одбивање, детето конечно ќе го проба тоа што му се нуди. А, може да се послужите и со неколку „бели“ лаги. Искористете ја приказната за Попај морнарот и спанаќот, но Попај заменете го со неговиот/нејзиниот омилен јунак, а спанаќот со проблематичниот зеленчук. Вообичаено, дава одлични резултати.
–       Бидете забавни. Исечете ја храната во различна невообичаена форма (можете да користите калапи за колачи). Направете мини-верзии на вообичаените оброци. Креирајте приказна во чинијата на детето. Заедно можете да смислите и посебни имиња за овошјето и за зеленчукот (на пример, поединечните цветови брокола се бебешки дрвја), со што ќе го зближите детето со храната што треба да ја изеде, а и ќе го направите оброкот позабавен.
–       Понудете избор. Наместо само да инсистирате да јаде зеленчук, оставете го да избере, на пример: „Дали сакаш брокола или карфиол за ручек?“
–       Мешајте старо со ново. Ако сакате да воведете нова намирница, не нудете ја само неа, туку направете комбинација во оброк со намирница што веќе ја сака. Вака, новото може да помине незабележано.
–       Користете здрави сосови. Хумус, салца, павлака, густи сосови за салата се одличен избор за „мацкање“ на парчињата овошје или зеленчук.
–       Бидете пример. Децата се одраз на однесувањето на родителите. Доколку вие се храните здраво, и вашето дете полесно и побрзо ќе ги прифати здравите навики.

Пријатни оброци
–       Најавете му на детето околу 15 минути порано пред да биде готов оброкот за да може да заврши со играта навреме, да ги измие рацете, но и за да сфати дека оброкот е важен настан кој не смее да го пропушти.
–       Децата обожаваат рутина, и, всушност, само така и можат да функционираат. Рутината е потребна заради дисциплина, но и за да се превенира глад што ќе направи „кенкави“ деца. Затоа, зададете термини за главните оброци во текот на денот, и одредете место за седење околу масата за секој член на семејството.
–       Оброците се време за дружење со семејството. Тогаш не треба да се гледа телевизија, да се сурфа или да се игра на мобилниот телефон, да се игра со играчки на масата. Тоа е време да се праша како поминал денот, да се направи план за забавни активности по оброкот. Пожелно е децата и возрасните да останат покрај масата додека не заврши со јадење и последниот член на семејството.
–       На оваа возраст не наметнувајте правила околу користењето на приборот. Децата повеќе ја сакаат лажицата отколку виљушката, па и да не е соодветен избор, оставете, и фокусирајте се на тоа што ќе го изеде детето.

Воспоставете ред во оброците
Тодлерите треба да јадат на секои 3-4 часа, а тоа значи 3 оброци, 2 ужини и многу течности (најмногу вода, а минимално сокови и млеко) во текот на денот. Колку многу и да ви се чини дека изеле за време на главниот оброк, всушност, не е така, и тоа нема да ги остави полни мешињата до следниот главен оброк. Затоа, пожелно е да му понудите здрава ужина како овошен јогурт, парчиња јаболко или интегрални грицки. Но, важно е ужината да биде неколку часа пред оброкот, за да може повторно да огладни до главниот оброк.
Ако детето не сака да го изеде главниот оброк, тогаш понудете му здрава хранлива ужина неколку часа подоцна. Ако не сака да ја изеде ужината, понудете му повторно храна на следниот оброк. Вообичаено, децата попуштаат на вториот оброк.

Што не смеете да правите
Не присилувајте ги децата да ја испразнат чинијата, ниту да јадат кога сте вие гладни. И децата, иако мали и сè уште во развој, имаат внатрешни показатели кои им кажуваат кога се гладни или кога им е доволно. Почитувајте го тоа и верувајте на тоа. Дополнително, тоа влијае и на нивната самодоверба и пребирливост.
Не гответе повеќе различни оброци истовремено исполнувајќи ги желбите на секој член на семејството, вашиот дом не е ресторан. Децата може и треба да учествуваат во изборот на менито за ручек, и преговарањето завршува тука. Тоа што е одбрано да се зготви, треба и да се изеде. Доколку некој се премислил, може да ја почека ужината или следниот оброк, но не и да добие друга опција за ручек.

Многу е важно да не ја покажувате вашата загриженост и вознемиреност за одбивањето да јаде пред детето. Ниту, пак, да правите индиректен притисок врз него. Детето чувствува притисок и кога не е директен, како: „Мораш да го изедеш спанаќот!“Детето и онака постојано бара внимание, ова само ќе му помогне полесно да дојде до тоа, а ќе се обиде да го искористи и за други потреби во иднина.

The post Зошто вашето дете не сака да јаде и како да се справите со тоа appeared first on Аптеки PlusPharma.

Каде се родителите во оваа приказна? 

Изгубени во постојаната бркотница по време и по пари, сосема забораваат на себе и на својот сопружник. Некои забораваат и какви личности биле и што правеле пред да го зголемат неколкукратно своето семејство. И точно, да се создадат деца и да се израснат во благородни личности е најголемиот благослов и подарок што може некој да си го подари себеси или на светот, но не и причина да се изгуби или да се заборави сопствениот идентитет.

За среќни и здрави деца, потребни се среќни и здрави родители

Затоа што, за да се создадат среќни деца, потребни се среќни родители. Ако ги послушате експертите или родителите кои практикуваат да се грижат и за себе, а не само за своите деца, ќе видите дека за да имате среќно семејство, потребно е да се негувате себеси и бракот истовремено. Типичен пример за ова се Данците, Холанѓаните и останатите скандинавски народи, кои важат за оние кои живеат по овој принцип. Данска е неколкупати по ред прогласена за најсреќно место за живеење, а Данците за најсреќен народ во светот, а децата во Холандија се најсреќните деца во светот според „Уницеф“.

Тогаш, во што е тајната и кои се  нивните правила и навики?

Данците, на пример, не го претпочитаат тепањето како дисциплинска мерка. Напротив, користат емпатија за да се поврзат со децата, означувајќи јасни граници, но избегнувајќи ултиматуми или барајќи послушност. Родителите работат на развивање на заемната почит со децата, објаснувајќи им ги причините зад поставените правила и смирено одговарајќи на проблематичното однесување кај децата. Ако, како родител, чувствувате дека ја губите контролата над ситуацијата, тогаш е подобро да си дадете пауза. Ако родителот е смирен, и децата ќе бидат смирени. Ако детето поминува низ изливи на бес, тогаш вие мора да го водите и да го извлечете од тоа, без самите да одговорите со бес и со лутина. Затоа, оставете го детето да ги искаже емоциите и порачајте му да дојде кај вас кога ќе биде подготвено за разговор. Доколку вниманието не е насочено кон него, најверојатно и плачот побрзо ќе престане и побрзо ќе може да се поразговара зошто сето ова се случило и како да не се повтори. И точно, секое дете е различно, има полесни и потешки деца за справување, и не постои едно универзално решение на проблемите, но никој никогаш не рекол дека да се биде родител е лесна и едноставна работа. Меѓутоа, доколку постојано работите на развојот на сопствената личност (човекот учи додека е жив, нели), полесно ќе ви биде и справувањето со фазите на развој на сопствените деца. Семејството се создава и се гради во текот на целиот живот, како што се развива и идентитетот на вашите деца.

Родителската улога има почеток, но нема крај, и не е воспитување само во периодот кога децата се вознемирени или кога го тестираат нашето трпение. Како им приоѓаме во периодот кога се мирни, исто така директно влијае на нивната благосостојба, но и на тоа како тие ќе реагираат на средината околу нив и колку ќе имаат разбирање и сочувство за другите луѓе.

Времето поминато заедно е особено важно

За Данците, многу е важно времето поминато заедно. И тоа не е тренд, туку е секојдневен начин на живот. Точно се знае и се почитува работното време на родителите, така што секојдневно останува доволно време за дружење. Притоа, децата не се запишани на безброј активности надвор од училиштето. Без разлика дали се тоа семејни оброци, прошетки во природа, семејна игра за забава или некој направи сам проект, децата кои имаат редовни дружења со своите родители имаат поголема самодоверба и се посреќни.

Поддржете ја нивната самостојност и независност

Покрај честото дружење, на децата им овозможуваат да станат независни, така што сметаат дека слободната игра сами надвор или дома е клучот за среќно детство. Дури и да бидат авантуристи. Децата најмногу учат едни од други. Дополнително што дружењето со деца на различна возраст им помага во градењето на самодовербата и им дава чувство на контрола над ситуацијата. Помалите учат од поголемите, а поголемите учат како да се грижат за помалите. Кога детето се дружи со помали деца, учи да биде лидер, но кога се дружи со поголеми – учи да следи, а тоа се подеднакво битни процеси во развојот на децата. И доколку дојде до конфликт во детската игра, и почувствувате дека треба да се вмешате, почекајте малку. Не секоја ситуација бара ангажман на родител. Децата сами треба да го најдат решението, а притоа ќе ги градат своите способности за преговарање.

Бидете искрени со децата

На пример, кога вашето дете ќе ви го донесе сопственото „ремек-дело“ од цртеж, наместо само да го фалите колку добар уметник е, подобро е да развиете дискусија со него што е точно нацртано, зошто е тоа нацртано, зошто се одбрани тие бои… Истражувањата покажуваат дека децата на кои постојано им било кажувано дека се паметни, полесно и побрзо се откажуваат кога ќе се соочат со тешки ситуации како возрасни. Фалете ги, но со мера, и фалете го процесот и вложениот труд, а не нивната способност.

Одвојте време за себеРодителите треба да одвојат време за себе, и поединечно и како пар. Ако обврските не дозволуваат еднаш неделно, тогаш барем еднаш или двапати месечно разгалете се со заедничка вечера надвор од домот. А, бидејќи тоа некогаш може да биде технички неизводливо (нема кој да ги чува децата), или ве оптоварува финансиски, тогаш можете да организирате романтична вечера дома. Заспијте ги децата, згответе го омиленото јадење, исклучете го телевизорот, запалете неколку свеќи, пронајдете ја темата за разговор и вашето време за релаксација може да започне.

Многу брачни парови сметаат дека бракот им е јак затоа што многу ретко или воопшто немаат конфликтни ситуации. Но, вистинскиот убиец на бракот е, всушност, отуѓувањето меѓу сопружниците за сметка на мирот во домот. 

Се посветувате на работата или на родителството за да избегнете справување со ситуации што можат да доведат до конфликт. Децата најмногу го чувствуваат губењето на блискоста меѓу родителите. Децата од вакви бракови полесно може да се најдат во проблематични ситуации, да имаат академски проблеми или проблеми со однесувањето, за разлика од децата кои израснале со среќни родители. Замислете ја вашата врска како емоционална средина во која вашите деца живеат. Како што посакувате да дишат чист воздух и да пијат чиста вода, така треба да израснат и во средина полна со љубов.

The post Среќни родители – среќни деца appeared first on Аптеки PlusPharma.

Кои се најчести причинители

Најчести пред извикувачи на инфекциите се вирусите, бактериите и микоплазмата. Инфекциите се манифестираат како ринити, фарингити, отити, синузити и ларингити, придружени со полесни или потешки симптоми на болеста.

Во 80-90% од инфекциите се од вирусно потекло, при што најчести причинители се: риновируси, респираторно-синцициелен вирус, корона вирус, вирус на инфлуенца, параинфлуенца и аденовируси. Клиничката слика се манифестира полиморфно. Се појавува покачена телесна температура со јасно изразени катарални симптоми, течење на носот, солзење на очите, кивавица и кашлица. Клиничката слика е дополнета со засипнатост, слаба главоболка, болка во грлото, замореност итн.

Во 10% од случаите, најчесто над 5-годишна возраст, предизвикувачи на инфекциите се бактерии од типот на стрептококи, стафилококи, хемофилус инфлуенце и др. Кога се работи за бактериска инфекција, засегната е општата состојба на детето; тоа е исцрпено, високофебрилно, често интоксицирано и бледо, има болки во грлото поради што му е отежнато голтањето, често има оток на регионални лимфни јазли, намален апетит и сл.

Раната дијагностика е особено важна

Многу е важно навремено да се дијагностицира етиолошкиот фактор, односно предизвикувачот на инфекцијата со добро земена анамнеза од родителите, со клинички преглед кој треба да биде сеопфатен, надополнет со одредени лабораториски анализи со што ќе се потврди точната дијагноза. Од тоа зависи натамошното лекување на инфекцијата кај детето. При бактериска инфекција даваме антибиотици соодветни на причинителот, а при вирусна инфекција третманот е симптоматски, со давање на антипиретици, витамини, течности и здрава храна. При вакви состојби, давањето антибиотици е исклучено!

Кога да се обратиме на лекар

Природно се поставува прашањето: како и кога треба детето да се однесе на лекар?

Доколку детето има секрет во носето, ако поткашлува, особено кога е во лежечка положба, ако нема температура, ако е расположено и има нормален апетит, тогаш треба редовно да се чисти носот со солени капки, да се причека детето да заздрави, односно детето да се лекува во домашни услови. При вакви состојби, во кои заздравувањето оди добро и состојбата не се влошува, нема потреба од посета на лекар.

Доколку детето има  висока температура, проследена со  кашлица и секреција  од нос, ако е нерасположено и плачливо, ако тешко дише, ако повеќе од времето е во кревет, не сака да јаде или повраќа, тогаш посетата на лекар/педијатар е задолжителна.

Родителите се тие кои треба да внимаваат детето да јаде здрава храна, богата со витамини и минерали, да има здрав сон и здрава околина. На тој начин, се јакне и се поддржува имунитетот на детето, како најважна алка во одржувањето на здравјето

The post ГОРНОРЕСПИРАТОРНИ ИНФЕКЦИИ НА ДЕТСКА ВОЗРАСТ appeared first on Аптеки PlusPharma.

ЗА ПРАВИЛНА ЗАШТИТА НА ВАШАТА КОЖА КОРИСТЕТЕ КВАЛИТЕТНИ И ПРОВЕРЕНИ ФОТОЗАШТИТНИ ПРЕПАРАТИ КОИ ВО СВОЈОТ СОСТАВ ТРЕБА ДА СОДРЖАТ УВБ И УВА ФИЛТРИ ЗА ЗАШТИТА НА КОЖАТА. 

Практикувајте утринско сончање

Умереното изложување на сонце во кратки временски интервали природно ја зголемува отпорноста кон УВ зраците доколку постепено се приспособувате. Изложеноста на сонце без заштитен фактор, препорачливо е да биде исклучиво во утринските часови од 7-10 часот и тоа во краткотрајни интервали од максимум 10-15 минути. По постигнувањето на 15-минутното дневно сончање, задолжително е користење заштитен фактор со минимум СПФ 30.

Иако секојдневните препораки се во насока да се избегнува прекумерната изложеност на сонце, бронзениот тен сè уште важи за симбол на убавина, па многумина, иако се свесни за последиците, сепак прекумерно се изложуваат на сонце.

Избегнувајте „пржење“ на плажа

Идејата за инстант чоколаден тен многу често може да заврши и со сериозни поледици. Повеќечасовното лежење на сонце не е нималку наивна постапка, особено за лицата со светол тен. Доколку не можете да одолеете на магијата на летните плажи, тогаш изложувајте се постепено на сонце, користете соодветна заштита и контролирајте ги интервалите на изложеност.

УВ зраците напаѓаат и кога сте во сенка

Лежењето под сенка и на ладовина под некое дрво или под чадор за сонце не значи дека сте целосно заштитени. УВ зраците доаѓаат отсекаде, се одбиваат од песокот, од бетонот и од други површини. Иако ултравиолетовите зраци не се одбиваат од вода, тие лесно поминуваат низ неа, па, додека пливате, воопшто не сте заштитени од сонцето. И во ладните и облачни денови треба да ја заштитите кожата од сонце. Имено, и тогаш може да изгорите, затоа што зраците многу лесно поминуваат низ облаците.

Практични совети:

 Започнете со препарати со највисок заштитен фактор, а потоа употребувајте препарати со понизок заштитен фактор.
 Препаратот за заштита од сонце секогаш се нанесува 30 минути пред изложување на сонце.
 По сончањето, користете млеко за употреба по сончање, за хидрирање и за враќање на виталноста на кожата.
 Нанесувањето на фотозаштитни препарати не значи дека може да останете на сонце долго време.
 За време на облачен ден, 30-50% од УВ зраците допираат до вашата кожа, па, сепак, е возможно да изгорите.
 Употребувајте соодветна облека за заштита од сонцето (капа, очила за сонце, лесна и светла облека од природни материјали – памук или лен).
 Избегнувајте изложување на сонце од 10-17 часот.
 Внесувајте што е можно повеќе вода и природни сокови.

The post ЗАШТИТА НА КОЖАТА ОД СОНЦЕ  – Сè што треба да знаете appeared first on Аптеки PlusPharma.

Сите придобивки од пешачењето
Несомнено, пешачењето е една од основните, ако не и најздрави, навики. Го продолжува животот, има позитивно влијание, како на физичкото, така и на менталното здравје. Нè прави посреќни и нè штити од секојдневниот стрес. Докажано е дека пешачењето го намалува ризикот од појава на срцев или мозочен удар, на дијабетeс, и двојно ги намалува генетските предиспозиции за дебелеење. Редовното пешачење ја подобрува нашата психо-физичка состојба и го јакне секој мускул во телото. Покрај тоа, по половина час пешачење, телото почнува со лачење на серотонин и ендорфин, хормони на среќата, со што во голема мера се намалува стресот, а ослободувањето од стресот благотворно делува на подобрување на квалитетот на сонот.

Пешачењето е биолошки императив, како што е храната

Пешачењето има големо влијание врз нашето здравје. Со редовно пешачење стекнуваме кондиција, а истовремено ја намалуваме можноста за појава на кардиоваскуларни болести. Пешачењето е корисно за добра циркулација на крвта и за добра распределба на калциумот во коските. Со пешачењето полесно ќе слабеете, ќе ја одржувате телесната тежина и ќе ги зајакнете и ќе ги обликувате мускулите на вашето тело. Редовното пешачење, исто така, го намалува ризикот од висок холестерол и од висок крвен притисок. И, секако, пешачењето несомнено ќе биде корисно и за правилна работа на белите дробови. 

Корисни совети како да се започне

Доколку сте на почеток на практикување на оваа благородна дисциплина, започнете со 20-30 минути  пешачење, 3-4 пати во текот на неделата, и постепено зголемувајте ги времето и бројот на денови кога го практикувате. За да ја избегнете монотоноста, менувајте ги рутите, слушајте музика, пешачете со пријателили со вашето домашно милениче. Носете удобна, комфорна облека. Облечете нешто што лесно ќе можете да го соблечете во случај да ви стане топло. Исто така, носете меки и лесни обувки и доволно широки во предниот дел, за да не ве стегаат кај прстите. Ако планирате да пешачите подолго од половина час, а по патот нема вода за пиење, понесете си мало шише со вода. Првите пет минути, чекорете со побавно темпо за да се загреете. Држете го телото исправено, така што лактите и колената ќе ви бидат малку свиткани, а дланките собрани како во тупаница, но не стегнати. За рекреативно пешачење, најдобри се шумските патеки или патеките во парковите. Во природа ќе се чувствувате слободно, ќе дишете чист воздух и, секако, ќе ги пребродите стресот и напнатоста. Доколку пешачењето е ваш императив и е во насока на своевиден редовен тренинг, тогашменувајте ги темпото на одење и наклонот. Доколку имате можност, користете и мали тегови за рацете и нозете со коишто дополнително ќе ги тонизирате  екстремитетите и ќе вложите поголем напор во пешачењето.

Искористете го секој момент

Денес, за жал, луѓето сèпомалку и недоволно се движат. Поради брзиот начин на живот и поради притисокот од секојдневните обврски, речиси и да забораваме како изгледа да се пешачи. Пешачењето речиси и да е истиснато од секојдневниот живот, и наместо да ја искористиме секоја можност за пешачење, дадените обврски најчесто ги завршуваме со автомобил или со некое друго превозно средство. Дури и користењето лифт наместо скали се дополнува во низата „убијци“ на движењето. Дополнително на ова, голем дел од дневното време се поминува пред екраните, во  сообраќајните метежи, а за еден дел и воопшто немаме идеја како рационално да го искористиме.

Драги наши, нека барем ова време биде ваше време за прошетка. Излезете надвор и, едноставно, пешачете. Без разлика како и да ви изгледа распоредот за тековниот ден, имајте барем 20-30 минути време за себе. Поминете ги во природа и направете кратка прошетка за која телото подоцна ќе ви биде благодарно.

The post ПЕШАЧЕЊЕ appeared first on Аптеки PlusPharma.

Кога се појавуваат?

Коликите најчесто се појавуваат пред втората недела од животот, а  престануваат или нивниот интензитет се намалувасо полни 3 месеци. Во првите 3-4 месециод животот на бебето,коликите(грчевите)се најчеста појава. Се појавуваат кај 20-40% од бебињата и тоа подеднакво често кај доените и кај бебињата на адаптирано млеко.Тие се случуваат наеднаш од „чиста мира“и траат и по неколку часа. Проследенисе со неутешно плачење на бебето, вознемиреност, нарушување  на сонот и на хранењето, а нарушено е и расположението на целото семејство. Најчесто се појавуваат попладне и навечери тоасо поголем  интензитет, а може да се појавуваат и преку цел ден и во текот на ноќта.

Дали се работи за болест?

НЕ, грчевите не се болест туку нормална појава.Тоа  е состојба во која децата се вознемирени и плачат, но воедно тоа се здрави децаи деца коипримаат храна икоиодлично напредуваат.

Кои се причините?

Причините за појавата на грчеви на науката не исе целосно познати и точниот етиолошки  фактор не е определен.Постојат неколку теории за настанувањето на грчевите:

• бебето не поднесува млеко,
• гастро-интестиналниот тракт не е доволно развиен,па се појавуваат спазми,
• привремена хормонска нерамнотежа,
• бебињата цицаат многу бргу,што води до полнење на цревата со воздух, нивно растегање и надуеност,
• преголема чувствителност на нервниот систем на бебето во однос на надворешната средина и прием на многу стимулации истовремено.

Моментално,како најрелевантни се сметаат теориите за незрелост на дигестивниот и  нервниот систем кај бебето, додека теоријата за влијанието на мајчината исхрана на грчевите кај бебето е застарена. Ова значи дека мајката може да јаде разновидна храна без притоа таа да е фактор за појава на грчевите кај бебето. Значи,се работи за  нормална развојна појава која бебето ја чувствува како неудобности грч. Се смета дека не е болка,затоа што е докажанодека нивото на кортизол (хормон на стрес) кај бебињатакои имаат грчеви не е поголем од кортизонот кај ониекои немаат.

 Како треба да се третираат инфантилните колики(грчеви)?

Лекување на грчевите со лекови не е потребно. Она што може да се сугерира и да биде од помош е:

• информирање на родителите за тоа што се инфантилни колики,
• мануелни масажина стомачето на бебето,
• ставање на топла пелена и легнување на бебето на страна со свиткани нозе,
• редовно подждригнување на бебето по секој оброк,
• ублажуање на инфантилнитеколикисодавање пробиотици. Утврдено е дека бебињата кои имаат инфантилни колики имаат пониско ниво на пробиотиски бактерии во гастро-интестиналниот тракт,така што давањето пробиотици доведува до колонизација идо намалување на јачината или до губење на грчевите кај бебето. Притоа,треба да се знае дека пробиотикот нема несакани ефекти и се дава онолку колку што е потребно,
• Давањето препарати кои содржат симетикон не даваат значајни резултати, и се применуваат онаму каде грчевите се последица од голтање воздух.

Инфантилните грчеви се исто што иникнувањето заби, проодувањето, прозборувањето односно само уште една фаза во созревањето навашето дете.

The post ГРЧЕВИ КАЈ НОВОРОДЕНЧИЊА – Нормална појава или причина за загриженост appeared first on Аптеки PlusPharma.

Повеќе или помалку, одговорите на овие прашања ги имаат никој друг туку децата. Во повеќе истражувања во кои биле вклучени илјадници семејства, децата биле запрашани: „Ако можете да изберете остварување на само една желба за вашите родители, што би било тоа?“ Она што децата најмногу го посакувале е: нивните родители да бидат среќни, да дојдат дома помалку изморени и да поминат што повеќе време заедно.

Малите нешта
За едно семејство да биде среќно, зависи од сите негови членови, но најмногу од родителите, особено кога децата се мали. На благосостојбата во домот влијае тоа како родителите ќе се однесуваат меѓу себе (со почит, разбирање и  без караници), како ќе ги воспитуваат децата и како и колку ќе го поминуваат слободното време со нив.

Среќата не е нешто надвор од нас, среќата е наше право. „Малите тајни“ на среќните семејства нека бидат и ваши.

Чести заеднички оброци
Jадењето заедно не треба да биде формален и сериозен настан. Напротив, треба да биде забавно и различно од секојдневната рутина, за децата да го запомнат и да се потсетуваат кога ќе бидат возрасни. На пример, заменете го вообичаениот појадок со вечера, или викенд утрата поминувајте ги во кревет со омилениот цртан филм. Вклучувајте ги децата што повеќе во домашните обврски, на пример во подготовката на јадењата. Семејствата коишто јадат заедно на иста маса имаат подобра меѓусебна врска. Времето за оброци е време за поврзување и не треба да биде изоставено барем петпати неделно.

Поминете време за забава
Одредете некоја семејна игра и играјте заедно, барем неколкупати неделно. За помалите деца, тоа може да биде читање приказни, а за поголемите деца – некој спорт на отворено.

Намалете со вон наставните активности
Сè поголем број деца имаат 3-4 и повеќе активности по училиштето, учат неколку јазици, тренираат неколку различни спортови… Па така, и тоа малку време по работниот ден што останува за дружење, всушност, исчезнува. Пробајте да исклучите барем една активност, и тоа време искористете го за семејно дружење, како одење на базен заедно, возење велосипед или прошетки на отворено.
Најдобро е ако децата можат и сакаат да бидат вклучени во планирањето на својот ден, недела, месец, иднина. Заедничкото поставување неделни цели и, потоа, оценувањето на сработеното, кај децата развива поголема когнитивна контрола врз сопствениот живот (поголема самоконтрола, способност да ги согледаат добрите и лошите страни на изборите што ги прават и сл.).

Зборувајте за семејната историја
Важно е новите поколенија да знаат за постарите членови на семејството и за семејната историја. Споделувањето приказни од минатото, случки, авантури, посетата на баба и дедо и сл. им дава чувство на децата дека припаѓаат на нешто поголемо од нив самите. Им дава поголема контрола врз сопствениот живот, им ја зголемува самодовербата и вербата дека нивните семејства функционираат.
Дури и модерната технологија може да ви помогне да се зближите како семејство. „Како си?“ или „Те сакам“пратени преку порака многу ќе му значат на вашето дете.

Семејството пред пријателите
Кога децата се поголеми и одат на училиште, по работниот ден седнете со нив и распрашајте ги за тоа како го поминале денот, и споделете со нив некоја интересна случка од вашиот ден. Ставете го семејството на прво место. Бидете позитивни и насмеани, затоа што поради вашата незаинтересираност за нив и поради вашето нерасположение, децата може да посакаат повеќе време да поминуваат со своите пријатели и надвор од домот. Пријателите се важни, но семејството треба да биде на прво место.

Создавајте ритуали
Создадете ритуал, активност што ќе ја повторувате и поради која ќе мора да се дружите. Може да биде за одредени празници или за викенди, филмска вечер еднаш неделно, правење палачинки, играње карти, домино, монопол и сл.

Бракот на прво место
Среќно семејство е она во кое неговите членови се среќни, што особено важи за родителите т.е. за сопружниците, кои се и креатори на случувањата во семејството. Избегнувајте кавги особено пред децата. Заљубеноста поминува, но љубовта останува, и таа треба да се храни и да се одржува за да се задржи блажениот однос меѓу сопружниците.
Бидете пример за љубов. Вашата врска и вашиот брак треба да бидат на прво место. Во спротивно, сета љубов и вниманието се префрлаат на децата, што може да биде преголем товар за нив. На крајот на краиштата, ќе дојде време кога децата ќе го напуштат домот.

Комуницирајте дури и за најмалите работи
Децата, генерално, се раѓаат среќни, а учат за тага. Ги повторуваат вашите постапки и емоции – така учат. Ова не значи дека треба постојано да бидете насмеани или да глумите некоја друга личност. Но, ако се радувате што ги гледате своите деца, и тие ќе се радуваат кога ќе ве видат вас.
Една од причините за среќа се финансиите и заедничкото донесување одлуки за инвестиции во домот. Доколку буџетот е малку „тенок“, наоѓањето решенија треба да се направи заеднички. И, како што се препорачува, секој од сопружниците да го задржи својот идентитет во бракот. Така, не е „на одмет“ секој да си тргне настрана нешто ситно за задоволување на некои свои каприци.

Комуникацијата меѓу сите членови на семејството е многу важна. Вообичаено, мајката е таа со која сите комуницираат и која ги пренесува информациите. Но, во среќно семејство, сите членови комуницираат меѓусебно, и отворено се зборува за сè.

За да бидеме среќни сега, можеби треба барем малку да се навратиме на навиките од минатото, кога луѓето вистински комуницираа (без телефони и таблети), кога децата играа надвор, кога гледањето цртани филмови беше нешто посебно и се правеше за викенд или на кратко пред заспивање, кога одењето „на шопинг“ значеше и дружење, а не „терапија“. 

The post МАЛИ НЕШТА ЗА СРЕЌНИ СЕМЕЈСТВА appeared first on Аптеки PlusPharma.

ФАКТОРИ НА РИЗИК
Особено се чувствителни децата кои престојуваат во градинките и училиштата каде едни со други постојано си ги пренесуваат инфекциите. Значи зголемен е ризикот од инфекти во колективните престои. Колку се децата помали толку е помал и понезрел нивниот имунолошки систем. Колку инфектот ќе го нападне организмот зависи од вирулентноста на истиот, но од друга страна и од зрелоста на имунолошкиот систем, начинот на живот и исхраната кај децата.

СИМПТОМИ
Во 80 % и повеќе инфектите се од вирусно потекло. Вирусните инфекции претежно ги засегнуваат горните респираторни патишта со симптоми на течење на носот, кивање, кашлица и температура, а во голем број случаи се пратени со проливести столици, повраќање и болки во стомачето. Во текот на инфектот покрај носот и грлото, можат да бидат засегнати и белите дробови (со свирежи и отежнато дишење) како и ушите пропратено со болка и плач на детето.

Кога се работи за бактериска инфекција која го напаѓа грлото, се јавува гушоболка, отежнато голтање, температура, а можно е да има надразнителна кашлица како и оток на подвиличните лимфни јазли. Бактериската инфекција на белите дробови може да е пропратена со температура, кашлица и отежнато дишење.

Вирусната инфекција со целата симптоматологија, пропратена и со висока температура, може да ја совлада организмот, но може и да се искомплицира со секундарна бактериска инфекција. Затоа кога децата се со вироза ние сме внимателни, а по 3-4 дена секако вршиме контролен преглед.

За правилна дијагноза важна е анамнезата од родителите, клиничкиот преглед и лабораториските и други анализи.

СООДВЕТНА И НАВРЕМЕНА ТЕРАПИЈА

Вирусната инфекција ќе ја совладаме со добра хидрација – пиење доволно течности, туширање и соодветна исхрана богата со витамини и минерали. Температурата ќе ја контролираме со давање електролитни и други течности, туширање и подоцна (Т над 38^оС) со давање на антипиретици од парацетамолски и ибупрофенски тип. Вирусните инфекции никогаш не се третираат со антибиотици.

Секако, бактериските инфекции ги третираме со антибиотици, кога покрај клиничката слика кон нив нè упатуваат и лабораториските анализи, позитивните брисеви со антибиограм и индикаторите за инфламаторниот процес. По потреба вклучуваме и РТГ преглед. Секогаш кога треба да се даде антибиотик тој треба да биде соодветен по проценка на педијатарот, добро дозиран и доволно долго даден. Секогаш давањето антибиотик да биде пропратено со давање пробиотик. Симптоматската терапија да се даде соодветно по потреба.

Трпеливоста од страна на родителите е многу важна. Никогаш да не се брза со давање на антибиотик и да не се посега детето на своја рака да се лекува со антибиотик. Незрелиот имунолошки систем, повторувачките инфекции и честото давање антибиотици (многу често непотребно) водат до секундарен имунодефицит кај детето. 

Со цел да го поткрепиме имунолошкиот систем кај детето, особено кај децата во колективни престои, деца кои страдаат од чести инфекции, советуваме: здрав начин на живот, соодветна разновидна исхрана со доволна витаминска-поддршка, додавање пробиотик и имуностимулатори, како и редовна имунизација. Да се подигне свесноста кај населението и да се укаже дека антибиотиците колку можат да помогнат, толку можат да му наштетат на детето.

Пораката на педијатрите е секогаш да се работи во интерес на детето.

ПЗУ Ординација по педијатрија
„Д-р Светлана Зотовска“ – Скопје

The post ВИРУСНИ И БАКТЕРИСКИ ИНФЕКЦИИ КАЈ ДЕЦАТА appeared first on Аптеки PlusPharma.

Како да се справиме и како да бидеме добар пример за добро однесување?

The post РОДИТЕЛСТВО – најголема привилегија appeared first on Аптеки PlusPharma.