Иако популаризирана од светски познати личности и од социјалните мрежи, јогата за лице има многу подлабока цел од естетиката – да го поттикне здравјето на кожата, мускулите и целокупната благосостојба.

Но, што точно претставува јогата за лице и дали навистина носи придобивки?

Што е јога за лице?

Јогата за лице опфаќа серија вежби, масажи и контролирани движења со кои се активираат мускулите на лицето. Човечкото лице има 43 мускули, од кои голем дел ретко ги користиме свесно. Со текот на годините, тие можат да ослабат, што придонесува за губење на цврстината и тонусот на кожата.
Преку нежно истегнување и повторување на одредени движења, јогата за лице има за цел да ги зајакне овие мускули – слично како што физичките вежби го зајакнуваат телото. Вежбите можат да се применуваат и на вратот, деколтето, скалпот и рамената, регии кои често ја задржуваат напнатоста.
Се препорачува практикување околу 15–20 минути, три до петпати неделно, за постепен и одржлив ефект.

Потенцијални придобивки од јогата за лице

1. Подобрување на тонусот и изгледот на лицето

Редовното активирање на мускулите може да придонесе за поцврст и посвеж изглед. Одредени студии укажуваат дека по подолг период на практикување, може да се забележи подобрување на полноста и контурите, особено во средниот и долниот дел од лицето.

2. Поддршка на здравјето на кожата

Јогата за лице ги стимулира протокот на крв и кислород до кожата, што може да придонесе за посвеж тен и подобра клеточна исхрана. Како резултат, кожата може да изгледа посјајна и поеластична, особено кога вежбите се комбинираат со соодветна нега.

3. Намалување на стресот и напнатоста

Многу луѓе несвесно ја „носат“ тензијата во лицето – во вилицата, челото или околу очите. Свесното опуштање на овие региони може да помогне во намалување на главоболки, замор на очите и чувство на внатрешен немир. Јогата за лице често се доживува како краток ритуал на смирување и грижа за себе.

4. Поттикнување на лимфна дренажа и циркулација

Одредени движења и масажи можат да ја поддржат лимфната циркулација, што е важно за исфрлање вишок течности и токсини. Ова може да придонесе за помалку отеченост и поздрав изглед на кожата.

5. Позитивно влијание врз самодовербата

Како природна и неинвазивна практика, јогата за лице кај некои луѓе поттикнува чувство на задоволство од сопствениот изглед и поголема самодоверба – особено кога се практикува како дел од редовна рутина за нега.

Дали јогата за лице има ограничувања?

Иако придобивките се ветувачки, важно е да се пристапи реално и информирано.

• Научните докази сè уште се ограничени, а повеќето студии се мали и со кратко времетраење.
• Резултатите се постепени и суптилни, и најчесто стануваат видливи по неколку недели редовна практика.
• Кај лица со чувствителна кожа, акни, розацеа или активни воспаленија, интензивните движења и масажи може да ја влошат состојбата.
• По козметички третмани (како дермални филери) се препорачува консултација со стручно лице, бидејќи повторливите движења може да влијаат на нивната трајност.

Како и секоја форма на вежбање, јогата за лице не е универзално решение и треба да се приспособи на индивидуалните потреби.

Како да започнете?

Започнете едноставно – со чисти раце, исправено држење и неколку длабоки вдишувања. Вежбите можете да ги правите пред огледало, а по желба да користите масло или крем за полесно лизгање и дополнителна нега.

Едноставни вежби за дома

Лавов здив
Со длабоко вдишување отворете ја устата и исплазете го јазикот, а потоа издишете гласно. Вежбата помага во опуштање на мускулите на лицето и на вратот.

Нежно тапкање
Со врвовите на прстите нежно тапкајте по лицето, вратот и рамената – техника што може да придонесе за релаксација и за подобра циркулација.

Рибина уста
Вовлечете ги образите (навнатре) и задржете неколку секунди. Вежбата ги активира мускулите на образите и вилицата.

Не заборавајте!

Јогата за лице може да биде дополнителен чекор во секојдневната нега, но не ја заменува основната грижа за кожата – правилно чистење, хидрација, заштита од сонце и здрав начин на живот. Најдобри резултати се постигнуваат кога негата е доследна, умерена и прилагодена на индивидуалните потреби.

The post Јога за лице – природна нега за кожа appeared first on Аптеки PlusPharma.

Добрата вест? Со правилни производи и техники, одморен и свеж изглед со истакната природна убавина може да се постигне во секое животно доба.
Во продолжение, ви пренесуваме шест совети кои ќе ви помогнат да се чувствувате самоуверено без оглед на годините.

1. Почнете со лесен хидратантен крем

Богатите и хидратантни креми често им одговараат на зрелите типови кожа, но вреди да се размисли што ставаме на кожата пред да нанесеме шминка. Козметиката што ја нанесуваме прва, може да влијае на тоа како шминката ќе изгледа на лицето.
Ако кремата е премногу густа, може да ја промени текстурата на пудрата, коректорот и другите производи, предизвикувајќи лупење, растопување или премногу сјај.
Ова не значи дека потешките креми немаат место во вашата нега, само користете ги навечер кога кожата се регенерира или преку ден кога не планирате да ставате шминка.

2. Вклучете прајмер во вашата рутина

Прајмерот е сојузник на зрелата кожа – ги пополнува фините линии, ги измазнува порите и помага шминката да трае подолго.
Постојат повеќе видови:

• силиконски – за порамномерен тен и масна/нормална кожа
• хидратантни – идеални за сува и повозрасна кожа
• спреј прајмери – за подолга трајност на шминката

Важно е прајмерот да се комбинира со пудра со иста основа (водена со водена, маслена со маслена формула).

3. Избегнувајте тешки и густи пудри

Желбата да се покрие сè може да доведе до спротивен ефект – „тежок“ креч изглед и нагласени брчки.
Изберете лесни, пигментирани пудри што може да се надградуваат само на местата каде има потреба. ЦЦ или ББ кремите се идеални за да ги нанесувате на цело лице и да добиете хидратација со суптилен кафен тон и ненаметлива покривност на несовршеностите на кожата.

4. Нежен коректор за подочници

Кожата околу очите е тенка и чувствителна, а тоа само се влошува со годините. Затоа, изберете кремасти и хидратантни коректори кои го осветлуваат пределот под очите и не се вовлекуваат во линиите.
Совет: нанесете го малку пониско од подочниците, а потоа нежно соединете кон окото. Така ќе избегнете насобирање на производот под очите.

5. Изберете соодветна маскара

Со возраста, трепките можат да станат послаби и поретки. Маскарите со премногу густи формули може да предизвикаат таложење и вештачки ефект што не ви е потребен.
Најдобар избор се маскари кои:

• ги „хранат“ трепките
• се погодни за чувствителни очи
• не создаваат грутки

Ако очите ви солзат – корисна опција е водоотпорната формула.
Дополнителен трик: избегнувајте нанесување маскара на долните трепки за очите да ви изгледаат посвежо и поотворено.

6. Крем руменило за здрав сјај

Пудрестите руменила честопати се лепат на сувите делови од кожата. Крем руменилото, пак, дава природен, младешки сјај.
Нанесувајте го повисоко на јаболкцата, кон слепоочниците, за нежно да го подигнете лицето.

The post 6 корисни трикови за шминкање зрела кожа appeared first on Аптеки PlusPharma.

Ретинол или ретинал – иако се разликуваат само по една буква, станува збор за комплетно различни, но подеднакво ефикасни состојки за кожа. Поради својот уникатен молекуларен состав, ретинолот и ретиналот различно реагираат на кожата.

Кој да го одберете?

Одлуката најлесно ќе ја донесете откако ќе ги проучите нивните разлики. Затоа, фаќајте прибелешки, бидејќи оваа статија ќе ви донесе јасна слика што точно можат да ви понудат овие моќни состојки за нега на кожа.

Која е разликата меѓу ретинол и ретинал?

И ретинолот и ретиналот се форми на витамин А, кој пак се користи за намалување на фините линии, брчките и за третман на акни. Разликата меѓу ретинолот и ретиналот се сведува на тоа како кожата ги претвора овие две во ретиноична киселина – активната форма што ја користат клетките на кожата.

• Ретинол: ретинол – ретинал – ретиноична киселина (две фази на претворање)
• Ретинал: ретинал – ретиноична киселина (една фаза на претворање)

Ова е суштинска разлика, бидејќи ретиналот е помалку разреден и поефикасен од ретинолот. Со други зборови, ретиналот овозможува побрзи резултати, додека ретинолот делува побавно и поблаго.

Јачина и ефикасност

Најчесто поставувано прашање: Дали ретиналот е посилен од ретинолот? Одговорот е: ДА! Бидејќи ретиналот е само на еден чекор од ретиноична киселина, неговото дејство е побрзо и поефикасно.

Ретиналот е одличен избор за оние што сакаат побрзи резултати при третирање на акните или знаците на стареење. Но, токму поради својата моќност, ретиналот може да предизвика иритација, особено кај чувствителната кожа.

Затоа, изборот меѓу ретинал и ретинол треба да зависи од вашата толеранција и искуство со агресивни активни состојки од овој тип.

Текстура и формулација

Разликата меѓу ретиналот и ретинолот се забележува и во текстурата на производите. Ретиналот е многу нестабилен и поради тоа е тешко да се спакува во готов производ за употреба. Најчесто се наоѓа во премиум производи, обично спакувани во безвоздушни амбалажи за да се зачува неговата ефикасност.
Ретинолот е постабилен и подостапен, што го прави најдобар избор за почетници. Поквалитетните серуми на база на ретинол често користат капсулиран ретинол за поблагo и постепено ослободување.

Бенефити: што може да очекувате?

И покрај разликите, ретинолот и ретиналот нудат импресивни придобивки:

• Ги намалуваат фините линии, со тоа што ретиналот дава побрзи резултати.
• Ја ублажуваат хиперпигментацијата.
• Ја зголемуваат продукцијата на колаген.
• Ги третираат акните, со тоа што ретиналот има посилно антибактериско дејство.

Затоа, изборот не е „кое е подобро“, туку „кое е подобро за вас“?

Толеранција на кожата: ретинал vs. ретинол

Кај чувствителна кожа, ретинолот е генерално поподнослив поради побавното апсорбирање и понежното дејство. Ретиналот, иако е многу ефикасен, може побрзо да предизвика лупење или сувост, особено ако се користи без постепено навикнување.

За да го избегнете тоа, почнете со ретинол двапати неделно и набљудувајте ја реакцијата на кожата пред да почнете почесто да го нанесувате.
Дерматолозите препорачуваат постепено да се премине од 2–3 пати неделно кон секојдневна употреба.

Што да изберете?

• Изберете ретинол ако сте почетник или ако имате чувствителна кожа.
• Изберете ретинал ако сакате побрзи резултати и ако вашата кожа поднесува посилни активни состојки, или ако сте имале позитивно искуство со употреба на ретинол.

Разликата меѓу ретинолот и ретиналот не е само теоретска – таа е важна за здравјето и за изгледот на вашата кожа на долг рок.

Сѐ е во персонализацијата

Што е разликата меѓу ретинолот и ретиналот? Најкусо кажано: јачина, ефикасност и брзина на конверзија.
И двете состојки се научно потврдени и многу ефикасни, но најдобриот избор зависи од вашиот тип на кожа, целите и преференциите. Ако штотуку започнувате со ретиноиди, ретинолот е најдобар избор. Ако барате клинички докажани резултати со помалку чекори, ретиналот може да биде вашиот нов најдобар сојузник.
Конзистентноста е клучна. Ретиноидите не делуваат преку ноќ, но со вистинскиот избор ќе се разбудите со помазна, почиста и посјајна кожа.

Предупредување

Не користете ги заедно! Како што прочитавте, и двете состојки се претвораат во ист активен облик (ретиноична киселина), па комбинацијата само ќе го зголеми ризикот од иритација без да донесе дополнителни бенефити за кожата.

The post Ретинол vs. Ретинал appeared first on Аптеки PlusPharma.

Ако е за лице и е корејско, мора да е добро, зарем не? Жените ширум светот полудеа по корејските производи, бидејќи тие навистина го исполнуваат ветувањето за здраво, свиленкасто лице со стаклест ефект.

Од корејската филозофија за нега произлегуваат бројни техники за хидрација и обнова на кожната бариера што можете да ги примените без разлика дали производите што ги користите се со корејско потекло или не.

Методот за заклучување на влагата во лицето (skin slugging) е техника која промовира нанесување густ слој (најчесто вазелин) како последен чекор во ноќната рутина со цел да се задржи влагата и да се нахрани лицето во студените месеци. Но, за ова ќе зборуваме штом почнеме да носиме капути.
Во овој број, ќе се фокусираме на методот на глазирање на кожата (skin glazing) – понова техника која промовира слоевита хидрација што не ги затнува порите и не му тежи на лицето.

Што подразбира методот на глазирање на кожата?

При овој корејски метод, наместо еден тежок слој, се нанесуваат повеќе лесни, водени производи во слоеви, со цел да се постигне сјајна, хидрирана кожа без чувство на мрснотија.
Треба да барате млечни тонери за лице и водени есенции што ќе можете да ги користите и неколкупати во текот на денот, бидејќи тие се лесни, не ја оптоваруваат кожата и се идеални за комбинирана и масна кожа, која секако може да дехидрира и покрај вишокот себум.

Зошто да го применувате овој метод?

„Во лето, особено кај масната и комбинирана кожа, слоевитото нанесување лесни текстури е одличен начин да се постигне хидрација без чувство на тежина на лицето“, вели д-р Шин-Јонг Чо, корејски дерматолог.

Оваа техника ја следи филозофијата на корејската убавина, но е поедноставена – наместо десет чекори, се користат само неколку лесни производи избрани така што ја хидрираат кожата и ја зајакнуваат кожната бариера.

Млечните тонери, според д-р Чо, играат важна улога во постигнувањето на стаклест, свиленкаст изглед на кожата – токму оној препознатлив финиш на корејската козметика.
Лесните слоеви се идеални за хидрација што дише, особено во потопли месеци или ако кожата е склона кон мастење.

Како се практикува оваа метода?

Глазирањето на кожата не бара сложена рутина – клучот е во редоследот и во лесните текстури.
Пример рутина:

1. Чистење на лицето
2. Мист (спреј) за лице
3. Млечен тонер (за комбинирана/масна кожа) или водена есенција (за многу масна кожа)
4. Крем за очи (по потреба)
5. Хидратантен серум (со ниацинамид, азелаична или салицилна киселина за осветлување и регулирање на себум)
6. СПФ дневна крема или лесен навлажнувач навечер

Како правилно се нанесуваат слоевите?

• Секогаш нанесувајте од најлесен кон најтежок производ.
• Оставете време меѓу слоевите за да се впијат – ако нешто е лепливо или ако се лупи производот од лицето, почекајте пред да го нанесете следниот.
• Избегнувајте премногу активни состојки одеднаш (на пример, ретиноиди и киселини), бидејќи можат да ја иритираат кожата.
• Ако користите водени формули, избегнувајте производи што содржат силикони.
• Нанесувајте мали количини од секој производ – кожата има лимит на тоа колку може да апсорбира.

Постои ли ризик?

Да, ако претерате со бројот на производи или со активните состојки, можете да предизвикате иритација или да ја нарушите кожната бариера. Затоа е важно да ја слушате својата кожа и да ги приспособите чекорите според потребите.

Мини водич: Кои состојки да ги барате кај производите за глазирање?

За полесно снаоѓање при изборот на производи за оваа техника, еве неколку состојки кои се совршени за методата:

• Хијалуронска киселина – врзува вода и длабински хидрира.
• Глицерин – ја задржува влагата во кожата.
• Ниацинамид – балансира себум, ги стеснува порите и го подобрува тенот.
• Пантенол (витамин Б5) – смирува и ја обновува кожната бариера.
• Зелен чај, азиска центела, алое вера – природни состојки за смирување на чувствителна и масна кожa
  Избегнувајте производи со многу алкохол или вештачки мириси, бидејќи тие можат да ја исушат или иритираат кожата, особено ако е осетлива.

The post Глазирана кожа appeared first on Аптеки PlusPharma.

Проширени пори, акни на грбот, кератозис пиларис (оние мали грутки што се јавуваат на задниот дел од рацете), темни дамки и хиперпигментација – идејата за беспрекорна изедначена кожа е токму тоа, само идеја.
Но, ако не сте спремни да го прифатите овој факт или едноставно копнеете да ги ублажите природните несовршености, тогаш бидете само упорни. Новите формулации за нега на кожа се базираат на истражени хранливи активни состојки кои ветуваат успех.
Дали ова значи дека е возможно да ги избелите и потемнетите пазуви? Во денешно време и тоа како!

Зошто пазувите се подложни на промени во бојата?

Кожата што е изложена на постојано триење најчесто не е еднобојна, а варијациите во однос на бојата зависат од човек до човек. Ако по природа сте потемни, голема е веројатноста промената под пазувите да се случи побрзо и да е повоочлива. Изедначената боја на кожата под пазувите е несомнено нереален стандард за убавина!

Зошто пазувите потемнуваат?

Покрај генетиката и триењето, најчестата причина за темни пазуви е постинфламаторната хиперпигментација – тоа е состојба кога кожата потемнува поради воспалителна реакција на некој вид траума. Ова може да биде резултат на депилација, преголемо притискање при бричење, егзема, габични инфекции или контактен дерматитис.
Некои производи за нега, како дезодоранси и креми, може да бидат поттикнувачи на дисколорации. Кожата на пазувите сама по себе е нежна и чувствителна, а истовремено изложена на триење, па секоја апликација на производи таму има поголема шанса да предизвика иритација. Состојки во природните дезодоранси кои најчесто поттикнуваат иритација се ботаничките екстракти, масло од чајно дрво, лаванда и конзерванси како изотиазолинон.

Темните пазуви може да бидат и знак за акантоза (лат. acanthosis nigricans) состојба поврзана со инсулинска резистенција. Нашата кожа има рецептори кои реагираат на зголеменото производство на инсулин од панкреасот, а тие области се токму на задниот дел од вратот и од пазувите. Во такви случаи, дерматологот може да препорача крвни тестови за инсулин или хемоглобин A1C за дијабетес или преддијабетес.

Поголемите и посериозни здравствени проблеми кои ретко предизвикуваат темни дамки се малигна акантоза нигриканс, лихен планопиларис и Адисонова болест.

Како да ги осветлите темните пазуви?

Постојат повеќе начини кои можете да ги пробате дома, од лесно достапни производи до промени во навиките:

Избегнувајте интензивен пилинг. Интензивното триење може да ја оштети заштитната бариера на кожата, да предизвика воспаление и да го влоши проблемот со хиперпигментација.

Не користете производи со штетни состојки. Ако во производите кои ги користите има ботанички екстракти, силни киселини, лимонски сок или конзерванси, тие може да предизвикаат иритација. Понекогаш најдобро е да се направи пауза за кожата сама да заздрави.

Сменете го дезодорансот. Дезодорансот што го користите можеби предизвикува иритација. Пробајте нежен дезодоранс, специјално формулиран за чувствителна кожа со минимум состојки во составот.

Размислете за методот на отстранување влакна. Ако често ги депилирате пазувите со восок ги или бричите со прекумерен притисок, размислете за ласерска епилација.

Користете ретинол. Ретинолот, заедно со состојки како ниацинамид, којична киселина, гликолна киселина, може да помогне во изедначување на тенот на кожата. На пазарот можете да најдете многу формули за избелување на лице, па дури и специјални формули адаптирани за пазуви.

Какви третмани постојат во дерматолошка ординација?

Во зависност од причината за потемнувањето, лесен хемиски пилинг може да биде корисен за обновување на кожните клетки и ослободување на пигментот. Ласерската епилација, особено ако влакната предизвикуваат иритација, исто така може да помогне да се намали изгледот на темните пазуви.
Понекогаш се препишуваат и креми за избелување, но овие третмани ќе бидат ефективни само доколку се третира и основниот проблем – воспалението.

Какви се ризиците од осветлување на пазувите?

Ако се одлучите за третман во ординација, многу е важно да изберете искусен специјалист за да се избегнат компликации. Кремите за осветлување може да предизвикаат истенчување на кожата, стероидни акни и трајни лузни. Во 2022 година, FDA откри траги од жива и хидрохинон (активна супстанца) во некои креми, а нивната употреба без рецепт не е безбедна. Затоа, ваквите креми најдобро е да ги препише дерматолог, особено кај бремени, доилки или жени кои планираат бременост. Исто така, важно е да се користат краткорочно.

The post Како да ги осветлите темните пазуви? appeared first on Аптеки PlusPharma.

Младата, цврста и еластична кожа му ја должиме на колагенот! Но, со текот на годините, природното производство на колаген во нашето тело се намалува. Што можеме да сториме околу тоа? Да го забавиме овој природен процес, а со доволно упорност да поттикнеме производство на нови дози колаген.
И тука на сцена настапуваат пептидите – моќна состојка која поттикнува синтеза на колаген и помага во одржувањето на цврстината и на еластичноста на кожата. Доколку сè уште не ги користите пептидите во вашата рутина за убавина, време е да започнете! Еве сè што треба да знаете за нивното воведување во вашата нега.

Што се пептиди и зошто се важни?

Пептидите се кратки синџири од аминокиселини – градбени блокови на протеини како колаген, еластин и кератин. Овие протеини се клучни за одржување на структурата, хидрацијата и отпорноста на кожата.

Кога се нанесуваат локално, пептидите делуваат како сигнални молекули, испраќајќи порака до кожата да произведе повеќе колаген, да ги поправи оштетувањата и да ја подобри текстурата. За разлика од молекулите на колагенот, кои се премногу големи за да продрат во кожата, пептидите се доволно мали за да бидат апсорбирани и да дејствуваат на клеточно ниво. Резултатот? Позатегната, помазна и подмладена кожа.

Придобивки од пептидите во нега на кожата

Вклучувањето на пептидите во вашата рутина за нега носи бројни предности:

• Го зголемуваат производството на колаген – Пептидите ги стимулираат фибробластните клетки да создаваат повеќе колаген, подобрувајќи ги цврстината и еластичноста на кожата.
• Ги намалуваат брчките и фините линии – Со обновување на загубениот колаген, пептидите помагаат во измазнување на фините линии и брчки со текот на времето.
• Ја зајакнуваат заштитната бариера на кожата – Пептидите ја зацврстуваат природната бариера на кожата, штитејќи ја од надворешни штетни влијанија и загуба на влага.
• Ја подобруваат хидратацијата – Одредени пептиди ја задржуваат влагата во кожата, оставајќи ја мека и сјајна.
• Смируваат и регенерираат – Пептидите имаат антиинфламаторно дејство, што значи дека помагаат во заздравување на кожата и намалување на црвенилото и иритацијата.

Како се користат пептиди?

За целосно да ги искористите придобивките од пептидите, следете ги овие чекори и лесно вклучете ги во вашата секојдневна нега:

Изберете го вистинскиот пептиден производ

Пептидите може да се најдат во различни формулации – серуми, креми, маски за лице и креми за околу очи. Најдобар избор е висококвалитетен пептиден серум, бидејќи овозможува најголема концентрација и најдобра апсорпција. Барајте состојки како што се бакарни пептиди, матриксил и ацетил хексапептид, кои најмногу делуваат на зголемување на колагенот.

Нанесувајте пептиди на чиста кожа

За оптимална апсорпција, пептидите треба да се нанесуваат на чиста и сува кожа. Прво измијте го лицето со благ чистач, потоа внимателно избришете го со пешкир пред да го нанесете пептидниот производ.

Комбинирајте ги пептидите со други состојки

Пептидите добро се комбинираат со многу други активни состојки, но најдобро делуваат со хијалуронска киселина (за дополнителна хидрација) и антиоксиданти како витамин Ц (за подобрена синтеза на колаген). Избегнувајте да ги мешате со AHA и BHA киселини, бидејќи можат да ја намалат нивната ефикасност.

Користете пептиди двапати дневно

Доследноста е клучна! Нанесувајте го вашиот пептиден серум или крем наутро и навечер за да забележите видливи резултати со текот на времето. Дневната рутина треба да завршува со добра хидратантна крема и задолжителен SPF за заштита од сонце.

Бидете трпеливи и истрајни

Како и со секоја активна состојка, потребно е време за да се забележат целосните ефекти на пептидите. Повеќето луѓе почнуваат да гледаат подобрување во текстурата и цврстината на кожата по 4-8 недели редовна употреба. Останете доследни и ќе уживате во поздрава и подмладена кожа.

The post Пептиди appeared first on Аптеки PlusPharma.

Во светот на нега на кожата, методот на чистење со масло стана вистински тренд, но овој пристап не е нов. Потекнува од античките цивилизации, како што се римската и јапонската, каде маслата се користеле за чистење и нега на кожата. Денес, оваа техника добива ново значење благодарение на нејзината ефикасност и отсуството на какви било нуспојави.

Што се масла за лице?

Маслата за лице делуваат на две нивоа – ја надоместуваат влагата во кожата, но и ја задржуваат длабоко во клетките. Секој тип масло располага со уникатна комбинација на есенцијални хранливи материи и масни киселини што ја негуваат и ревитализираат кожата, зајакнувајќи ја и обновувајќи ја липидната бариера во најгорниот слој на кожата. Примери за вакви масла се кокосовото масло со интензивно хидрирачко дејство, смирувачкото масло од јојоба и маслото од шипка богато со антиоксиданти.

Како функционира методот на чистење со масло?

Основниот принцип е едноставен: маслото привлекува масло! Тоа значи дека маслото што го нанесуваме на кожата, помага да се растворат и отстранат вишокот себум, нечистотиите, шминката па дури и водоотпорните производи без да се наруши или загрози природната бариера. За разлика од агресивните формули за чистење лице, маслата не ја сушат кожата и не предизвикуваат иритации.

Предности на чистење со масло

• Длабинско чистење: Маслото продира длабоко во порите и ги отстранува нечистотиите и остатоците од шминка.
• Хидратација: За разлика од класичните чистачи кои ја сушат кожата, маслата ја оставаат мека и хидрирана.
• Баланс на себум: Маслото помага во регулирање на природното производство на себум на кожата, што го прави идеално за масна кожа.
• Смирување на кожата: Природните масла содржат антиинфламаторни и антиоксидантни својства, кои помагаат да се намалат црвенилото и иритациите.
• Удобност: Маслата лесно се нанесуваат и се погодни за масажа, што го прави процесот на чистење пријатен ритуал.
• Намалување на несовршеностите: Некое повеќе, некое помалку, но генерално маслата го стимулираат производството на колаген за намалување на брчките и го изедначуваат тенот.
• Сјаен ефект: Кратко по нанесување на маслото, кожата станува блескава и делува одморно, а сјајот е видлив и по нанесување пудра.

Како да користите масло за чистење?

1. Нанесете неколку капки масло на суви раце, протријте го меѓу дланките за да го загреете па масирајте го лицето со кружни движења.
2. Посебно внимание посветете на Т-зоната и региите со повеќе шминка.
3. Навлажнете ги рацете со малку топла вода и продолжете да масирате додека маслото не добие млечна текстура.
4. Исплакнете со топла вода и избришете го лицето со мека крпа.

Како да го вметнете маслото во рутината за нега на кожата?

Чистењето со масло може да биде првиот чекор во вечерната рутина за нега на кожата, особено ако носите шминка или користите креми со SPF. Еве како изгледа идеалната рутина:

• Чистење со масло: За да ги отстраните нечистотиите, себумот и шминката.
• Двојно чистење (по потреба): Ако имате масна кожа, користете нежен пенест чистач по маслото.
• Тоник: Вратете го pH-балансот на кожата.
• Серум: Нанесете активни состојки кои одговараат на вашите потреби.
• Хидратантен крем: Заклучете ја влажноста во кожата.
• Масло за лице (ако користите и за нега): Неколку капки масло за дополнителна хидратација.

Најдобри масла за различни типови кожа

За сува кожа:

Масло од авокадо: Богато со витамини А, Д и Е, помага за длабока хидратација.
Масло од јојоба: Иако технички е восок, одлично ја задржува влажноста и ја смирува кожата.

За масна кожа склона на акни:

Масло од гроздови семки: Лесно и богато со линолна киселина, помага во регулирање на себумот.
Масло од чајно дрво: Познато по своите антибактериски својства, помага во борбата со акни.

За чувствителна кожа:

Масло од камилица: Има смирувачки ефект и ја намалува иритацијата.
Масло од сладок бадем: Нежно и богато со витамини, одлично за чувствителна кожа.

За комбинирана кожа:

Mасло од арган: Балансирано масло кое хидрира без да ја замасти кожата.
Масло од дрен: Лесно и богато со антиоксиданти, помага во изедначување на тенот.

The post Не е само тренд! appeared first on Аптеки PlusPharma.

Во оваа статија ќе се запознаете со основите на салицилната киселина, нејзините предности, како таа може да помогне во третирањето на кожните состојби и како правилно да ја комбинирате со други состојки во вашата рутина за нега на кожата.

Што е салицилна киселина?

Салицилната киселина е бета-хидроксилна киселина (BHA) која се користи во козметичките и дерматолошките производи заради своите моќни антивоспалителни и антибактериски својства. Нејзиното главно својство е способноста да ги пробие затнатите пори и да ги исчисти од вишокот маснотии, нечистотија и мртви клетки. Ова ја прави идеална за третирање на акни, но исто така има и други бројни примени.

Колкава концентрација треба да купите?

Кога купувате производ со салицилна киселина, концентрацијата што треба да ја барате зависи од тоа што сакате да третирате. Повеќето производи за акни содржат салицилна киселина во опсег од 0.5 до 2 проценти. 1 до 2 проценти е вообичаено за производи кои служат за таргетиран салонски третман. За одржување на беспрекорна чистота на кожата без иритација, сосема е доволна концентрација од 0.5 до 1 процент. Во медицинските шампони и кремови што лечат псоријаза и првут, поверојатно да ја најдете салицилната киселина во поголема концентрација, како што е 3 проценти.

Бенефити на салицилната киселина

• Салицилната киселина има бројни предности за кожата. Некаде се користи како главна состојка за лекување на акни, но таа е ефикасна и за други проблеми со кожата.
• Лекување на акни: Веројатно една од најпознатите придобивки на салицилната киселина. Таа ги распаѓа себумот, мртвите клетки и маслото што се комбинираат во слуз која ги затнува порите и поттикнува комедони со бел врв или митесери.
• Обновување на кожата: Салицилната киселина ја стимулира обновата на клетките на кожата и така ја подобрува текстурата на самата кожа.
• Смирување на воспаленија: Како природен антиинфламатор, таа помага во намалување на црвенилото, иритацијата и отокот поврзан со акните.
• Намалување на порите: Салицилната киселина помага да се ослободат порите од нечистотијата и вишокот на себум, што го спречува нивното проширување.
• Контролирање на вишокот масло и себум: Бидејќи е состојка која се раствора во масло, таа лесно може да ги регулира маслото и себумот на кожата и на скалпот, па на тој начин да спречи појава на акни и првут.

Дали може да се користи за третирање темни флеки?

Да, може да биде ефективна во третманот на темни флеки, иако тоа не е нејзината главна функција. Таа делува како пилинг, отстранувајќи мртви клетки од кожата и поттикнувајќи нов раст на клетки. Ова може да помогне во избелување на темни флеки, посебно оние што се резултат на воспаленија или акни. Но, не е толку моќна да ги избели и флеките поттикнати од сонце (хиперпигментација).

Како се користи салицилната киселина?

Салицилната киселина обично се користи во форма на кремови, серуми или тоници, и во зависност од концентрацијата може да се користи секојдневно или неколкупати неделно. Еве неколку важни совети за нејзино користење:

1. Чистење на лицето: Почнете со темелно чистење на лицето со благ гел за чистење. Потоа, нанесете тоник или серум што содржи салицилна киселина, користејќи памук.
2. Примена на влажна кожа: За подобро апсорбирање, нанесете салицилна киселина на малку влажна кожа.
3. Тестирање пред првата употреба: Ако првпат користите салицилна киселина, направете тест за чувствителност на мала површина од кожата за да проверите дали постои алергиска реакција.
4. Секојдневна употреба: Препорачливо е да не користите производи со салицилна киселина повеќе од еднаш или двапати на ден за да избегнете иритација.

Забранети и дозволени состојки за комбинирање

Треба да избегнувате комбинирање на салицилната киселина со состојки како ретиноиди, бидејќи тоа води до иритација. Тоа важи и за AHA-киселините како гликолна и млечна киселина, бидејќи нивната заедничка употреба може да доведе до прекумерно лупење и пукање на епидермисот.
Салицилната киселина генерално е безбедна за употреба во комбинација со состојки како хијалуронска киселина (затоа што е хидратантна состојка која помага да се ублажи сувоста што може да ја предизвика самата киселина) и ниацинамид (кој е познат по тоа што се справува со иритација и црвенило). На листата безбедни за комбинирање се и пептидите кои ја поддржуваат функцијата на кожната бариера.

The post Салицилна киселина appeared first on Аптеки PlusPharma.

Испуканите и суви пети се честа појава која изгледа неуредно за око, но може да предизвика и инфекции ако не се третира навремено. Зимата дополнително ја влошува ваквата состојба, бидејќи сувоста се продлабочува, па освен непријатност може да дојде и до болка. Но, од друга страна, зимата е идеална сезона за да ги негувате петите и да го поправите нивниот изглед до пролет.

Причини за испукани и суви пети

Испуканите и суви пети најчесто се резултат на:

Недостаток на хидратација: Кожата на петите најчесто не добива доволно влага, особено ако не користите хидратантни кремови или масла. Ова може да биде особено изразено во зимските месеци кога воздухот е сув.

Студени и суви услови: Зимските температури и ниската влажност создаваат услови кои доведуваат до сушење на кожата. Сушењето на кожата ја зголемува кревкоста и предизвикува пукнатини.

Несоодветни обувки: Носењето тесни и непријатни обувки може да предизвика триење и притисок на петите, што дополнително ја влошува ситуацијата.

Неправилна нега: Нередовната нега и пилинг може да доведе до акумулација на мртви клетки на кожата, што ја зголемува веројатноста за пукнатини.

Неправилна исхрана: Исхраната без доволно витамини и минерали, особено без витамини A, E и омега-3 масни киселини, може да влијае на здравјето на кожата и да ја направи подложна на сушење.

Стареење: Овој природен процес води до намалување на еластинот во стапалото, кој сам по себе е дефицит во овој дел од кожата. Како последица на тоа се намалува еластичноста и се појавуваат пукнатини и при најблаг притисок врз стапалото.

Долго стоење и прекумерна телесна тежина: Петите полесно пукаат кај луѓето чија работа е поврзана со стоење, бидејќи кожата е изложена на постојан притисок и со текот на времето попушта. Ако згора на тоа вашата телесна тежина е неиздржлива за петите, тие јасно ќе го покажат тоа преку пукнатините.

Симптоми на испукани пети

• Чувство на затегнатост во пределот на петата.
• Пукнатини на кожата, честопати длабоки.
• Црвенило и воспаление околу испуканите области.
• Болка или непријатност при одење.
• Во тешки случаи и инфекција.

Состојки за нега

Постојат многу состојки кои можат да помогнат за хидратација и заздравување на испуканите пети, но овие 5 нудат најбрз и најдолготраен ефект:

Кокосово масло: Познато по своите хидратантни и антибактериски својства, кокосовото масло помага во навлажнувањето на сувата кожа и создава бариера против загуба на влага.

Глицерин: Овој хидратант привлекува влага во кожата и помага во подобрување на нејзината еластичност. Тој е особено корисен за третирање на суви области.

Уреа: Оваа состојка е одлична за хидратација и помага во отстранувањето на мртвите клетки на кожата, што ја прави кожата поиздржлива и помека.

Мед: Има природни антибактериски својства и помага во хидратација на кожата. Медот може да биде одличен за третирање на пукнатини и за одржување на влага во кожата.

Сок од лимон: Неговите киселини помагаат во осветлувањето на кожата и во отстранувањето на мртвите клетки, а исто така може да помогне во спречувањето на инфекции.

Маска за пети со домашни намирници

Состојки:

• 2 лажици кокосово масло
• 1 лажица мед
• 1 лажица глицерин
• 1 лажица сок од лимон

Упатство:

Во чинија, комбинирајте ги сите состојки и добро измешајте. Нанесете ја смесата на сувите и испукани пети, фокусирајќи се на пукнатините. Оставете маската да делува 20-30 минути, така што ќе ги завиткате стапалата со најлонска фолија и ќе облечете подебели чорапи.

Исплакнете со топла вода и нежно исушете ги нозете. За најдобри резултати, повторувајте ја оваа маска два до три пати неделно.

The post Испукани и суви пети appeared first on Аптеки PlusPharma.

Во текот на летото, кожата и косата се соочуваат со неколку предизвици: изложување на сонце, хлор од базен, солена вода, сув климатиризан воздух, температурни разлики, топлински алатки за стилизирање и слично. Ако не обрнавте доволно внимание и ако се вративте од одмор со сува и иритирана кожа и со испукани врвови на косата, време е да ја надградите рутината за нега. Со овие неколку основни чекори ќе успеете да ги минимизирате штетите и да го истакнете сјајот стекнат на одмор.

Нега на кожа

Двојна хидратација

Кожата по одмор обично станува посува. Затоа, веднаш почнете да пиете повеќе вода за да ги хидрирате клетките однатре. Надополнете со серум или со крем со хидратантен ефект кој содржи хијалуронска киселина – молекула која помага да се задржи влагата во кожата.

Нежно чистење

Кожата акумулира безброј нечистотии кои во комбинација со себумот и потта доведуваат до длабинско запушување на порите. Но, и покрај тоа, користете нежно и хидратантно средство за чистење за да ги отстраните нечистотиите и вишокот себум без да ја компромитирате природната заштитна бариера на кожата.

Ограничен пилинг

Пилингот е клучен за отстранување на мртвите клетки на кожата и за одзатнување на порите, но одлучете се за благ пилинг за да избегнете иритација и дополнително пресушување. Хемискиот пилинг со AHA или BHA киселини е навистина ефикасен, но и агресивен за кожата. Затоа, практикувајте го 1-2 пати месечно или сосема прескокнете го ако имате сув тип на кожа.

Контрола на иритацијата

Ако вашата кожа е чувствителна на сонце, потпрете се на алое вера. Алоето има силни антивоспалителни својства кои ги смируваат изгорениците, црвенилото и акните. Побарајте чист гел од алое вера за подобар ефект или производи кои содржат високи концентрации алое.

Антиоксидантски поттик

Одморот подразбира поголемо изложување на кожата на УВ-зраци и на слободни радикали. Затоа, вклучете антиоксиданти, како витамините Ц и Е, во вашата рутина за да се изборите со оксидативниот стрес кој поттикнува фотостареење.

Користење СПФ

Нанесувајте крем со заштитен фактор и после одмор, бидејќи УВ-зраците се штетни и кога продираат низ облаците и кога е врнежливо.

Нега на коса

Длабинска хидратација

Солената вода, хлорот и сонцето ја отстрануваат влагата од косата, оставајќи ја сува и кршлива. Надополнете ја изгубената влажност со длабок третман за хидратација, маска или регенератор за коса. Побарајте состојки како шеа путер, кокосово масло и масло од арган за интензивна хидратација.

Потстрижување

Ослободете се од пукнатите и суви врвови и освежете ја фризурата. Редовното потстрижување го одржува здравиот изглед на косата и спречува понатамошно пукање и кинење на влакното.

Стилизирање

Оставете ја косата да се одмори од топлинските алатки за стилизирање, по можност прескокнете го и фенот и дозволете ѝ да се исуши сама од себе. Врвовите редовно негувајте ги со капки за коса или со природно масло.

Свилена заштита

Свилената навлака за перница може да го намали триењето додека спиете, минимизирајќи го кршењето и разлетувањето на косата. Тоа е мала промена која може да направи голема разлика во целокупното здравје на косата.

Нега однатре

Здравата коса започнува однатре. Одржувајте урамнотежена исхрана богата со витамини и минерали, особено оние кои го промовираат здравјето на косата како биотин, витамин Е и омега-3 масни киселини.

The post Постодморна хидратација appeared first on Аптеки PlusPharma.

Маслото од камелија е егзотично миризлив еквивалент на аргановото масло, кое беше апсолутен хит досега. Маслото од камелија е одлично надополнување за липидниот слој на површината на косата, кој е одговорен за сјајот на влакното. Најпозитивниот аспект во користењето на маслото од камелија е тоа што не бара посебно време и услови за употреба, едноставно нанесете го пред спиење на влажна или на сува коса. Маслото од камелија содржи огромни количини липиди, особено олеинска киселина (околу 85 до 90 проценти) – станува збор за истата масна киселина која природно е присутна во влакното. Третирајќи ја косата со масло од камелија, ќе ги зајакнете закрепнувачките моќи на природното масло присутно во косата. На овој начин ќе ги анулирате штетите предизвикани од загадување и од УВ-зраци, a истовремено ќе ја стилизирате косата.

ГОЏИ БОБИНКИ

Составот на овие мали црвени бобинки претставува експлозија од антиоксиданти и витамини, додека нивните аминокиселини ја поттикнуваат продукцијата на колаген – од овие причини гоџи бобинките се присутни во многу азиски серуми за лице. Загадувањето знае буквално да се смести во косата, предизвикувајќи сувост и пукање на влакното. Гоџи бобинките содржат витамини А, Ц и Е, кои ја надоместуваат влагата во косата. Тие креираат заштитен филм над косата кој претставува физичка бариера против надворешните агресори. Во меѓувреме, аминокиселините како градбени единици на протеините, му даваат цврстина и волумен на секое едно влакно.

ОРХИДЕЈА

Импресивните квалитети на растението кое е признат хидратант, сега се инкорпорирани во производи за нега на коса со цел да се обезбеди хидратација и обнова на оштетените прамени. Екстрактот од орхидеја, на кој се базираат производите за коса, содржи заштитни полифеноли кои му помагаат на влакното да се адаптира на острите надворешни услови. Исто така, содржи и специфично растително лепило кое има моќ да задржи огромни капацитети вода. Орхидејата е најсилна заштита за онаа коса што постојано е изложена на топлина од алатки за стилизирање или сонце.

Масажа на скалп

Едноставен, но ефикасен метод преку кој ќе стасате до здрава и квалитетна коса. Вклучувањето на редовните масажи на скалпот во вашата рутина за нега на коса може да понуди низа придобивки:

1. Ја стимулира циркулацијата на крвта

Добрата масажа на скалпот го зголемува протокот на крв во фоликулите на косата, обезбедувајќи им основни хранливи материи и кислород. Оваа подобрена циркулација помага во зајакнување на корените, поттикнувајќи поздрав раст на косата и намалување на опаѓањето на косата.

2. Ги намалува стресот и напнатоста

Масирањето на скалпот може значително да ги намали стресот и напнатоста, кои се вообичаени причинители за губење на косата и за цврстината на влакното. Нежните, ритмички движења ослободуваат ендорфин кој поттикнува чувство на релаксација и благосостојба.

3. Ја подобрува апсорпцијата на производите за нега

Масажата на скалпот може да ја подобри апсорпцијата на производите за нега на коса. Без разлика дали користите хранливо масло или серум за раст, масирањето на производот во скалпот гарантира дека тој ќе продре подлабоко, а со тоа ќе делува и поефикасно.

4. Го обновува скалпот

Редовните масажи на скалпот помагаат да се отстранат мртвите клетки од кожата и од вишокот маснотии. Овој процес на пилинг го одржува скалпот чист и здрав, спречувајќи проблеми како првут и затнати фоликули, кои можат да го попречат растот на косата.

5. Го балансира производството на себум

Со стимулирање на скалпот, масажата може да помогне во балансирање на производството на себум. Ова е особено корисно за оние со премногу сува или претерано мрсна кожа на главата, промовирајќи поздрава средина за раст на нова коса.

The post 3 револуционерни состојки за нега на скалп appeared first on Аптеки PlusPharma.

Што предизвикува проретчување на косата?

Растот на косата природно забавува по 40-тата година од животот, бидејќи клетките не се регенерираат брзо како порано. Косата се тенчи, станува сува и го губи сјајот.
Менопаузата е исто така честа причина за губење на косата кај повозрасните жени. Истражувањата покажаа дека опаѓањето на косата во менопауза најверојатно е предизвикано од нискиот естроген и прогестерон, што доведува до опаѓање на фоликулите.

Ниту со најскапите производи за нега нема да им се спротивставите на природните процеси, но тоа не значи дека нема да ги забавите. Ако сте дисциплинирани со негата, но и со исхраната, вашата коса несомнено ќе остане здрава.

Од каде да почнете ако не од исхраната?!

Косата постојано расте и се менува, затоа е важно фоликулите да создаваат нови влакна потпирајќи се на хранливите материи што му ги давате на телото. Храната што ја консумирате создава здрав скалп, а здравиот скалп создава цврсто влакно.

Протеини: Кератинот е протеин одговорен за структурата на косата. Кога нивото на протеини е ниско, производството на овој суштински градежен блок (кератин) забавува, што предизвикува косата да расте побавно, а онаа што ќе порасне е видливо послаба. Обидете се да вклучите високопротеинска храна како пилешко или мисиркино месо, риба, јатки, овес и урда за да го подобрите нивото на протеини во организмот.

Биотин: Кога биотинот доаѓа во контакт со клеточните ензими, тој го поттикнува производството на аминокиселини кои се градежни блокови на претходно споменатите протеини (кератин). Додавањето јајца, моркови, бадеми, ореви и карфиол во вашата исхрана може да го подобрат нивото на биотин.

Железо: Железото во црвените крвни зрнца обезбедува хранлив кислород за фоликулите на косата. Иако количината на железо во крвта може да биде нормална, сепак постои шанса да имате низок феритин („банката“ за железо од која вашето тело црпи по потреба). Може да го зголемите нивото на феритин со јадење храна богата со железо, како говедско месо, морски плодови, јајца, соја, туна, тофу, спанаќ, грав, какао, семе од коприва.

Цинк: Цинкот помага да се зајакнат фоликулите и да се спречи опаѓање на косата така што учествува во врзување на протеините. Исто така, ја одржува функцијата на маслените жлезди, па така спречува сушење на скалпот и појава на првут. Остриги, рак, јастог, школки, се едни од најдобрите извори на цинк. Но, ако не сте по морската храна, обидете се со црвено месо, печурки, ленено семе или суплемент.

Останати хранливи материи: Повеќето витамини, вклучувајќи ги А, Б, Ц, Д и Е, се неопходни за здравјето на косата. Витаминот А е добро познат по тоа што им помага на лојните жлезди во производството на себум, маснотијата која го хидрира скалпот и ја одржува косата природно влажна, а кој со годините опаѓа.

Мијте ја косата поретко

Со миење, се отстрануваат природните масла кои ја хидратираат косата. Со поретко миење може да се намали сувоста на влакното, па тоа помалку ќе пука на врвовите. Мијте ја косата најмногу 2 пати неделно, а во деновите помеѓу користете сув шампон. Избегнувајте производи за коса кои содржат сулфати, бидејќи тие најтемелно ги отстрануваат природните масла од скалпот. Толку се агресивни што можат да ја отстранат бојата од косата. Прибегнете кон користење благ шампон за чувствителна коса (sensitive), па дури и детски.

Изберете соодветна фризура

Не е неопходно премногу да ја скратите косата штом стигнете до одредена возраст, повеќето луѓе имаат само тенки врвови. Можете да имате убава долга коса со тоа што ќе ја исечете во слоеви (степени) за да создадат илузија на волумен. Наместо цврсто да ја врзувате косата, обидете се со опуштени стилови кои не предизвикуваат премногу тензија на коренот. За да избегнете триење додека спиете, завиткајте ја главата во свилена марама или користете свилени навлаки за перници. За да не ги искинете влакната, користете чешел со широки запци и избегнувајте стилизирање со топлина (фен, преса) колку што можете почесто!

The post Дали косата старее appeared first on Аптеки PlusPharma.

Живееме во ера на прекумерно миење на лицето, затоа сè поголем е бројот на жени со нарушена кожна бариера која резултира со видлива сувост, а во најлош случај дерматит. Но, на другата страна од приказната се жените кои воопшто не го мијат своето лице. Што е исправно?

Насоките околу миењето на лицето се различни, но едно е сигурно: Сите треба да си го мијат лицето!

Миењето на лицето е неопходно за кожата да го стартува природниот процес на пилинг и регенерација. Преку овој клучен чекор, порите се ослободуваат од нечистотии и вишок себум и се подготвени да ги апсорбираат активните состојки од кремите што ги нанесувате пред легнување.

Која би била оптималната фреквенција за миење на лицето? Најточниот одговор би гласел: Онаа што одржува баланс помеѓу чистотата и природната рамнотежа на кожата.

Разбирање на вашиот тип кожа

Честотата на миење на лицето во најголема мера зависи од типот на кожа. Дерматолозите нагласуваат дека различните типови кожа имаат уникатни потреби. Без разлика дали имате мрсна, сува, комбинирана или чувствителна кожа, приспособувањето на рутината за нега (тука спаѓа и миењето) на потребите на кожата е клучно за постигнување здрав тен.

Стручни препораки

Двапати дневно за повеќето типови кожа: Еднаш наутро за да ги отстраните маслата и вишокот од производите кои делувале преку ноќ и еднаш навечер за да ги исчистите нечистотиите, загадувачите и шминката насобрани во текот на денот.

Чувствителна или сува кожа: Поединците со чувствителна или сува кожа може да имаат корист од миење на лицето еднаш дневно, по можност навечер. Ова помага да се избегне отстранувањето на природните масла од кожата кои се клучни за одржување на хидратацијата.

Мрсна или кожа склона на акни: За ваков тип кожа дерматолозите советуваат чистење двапати дневно. На овој начин се контролира продукцијата на себум и се спречува таложењето на бактерии кои предизвикуваат акни.

Зрела кожа: Позрелата кожа е повеќе склона на сувост и затоа најдобро е да ја миете еднаш дневно за да не ги отстраните природните заштитни масла. Ако забележувате промени на кожата, како губење на еластичноста или помало лачење маснотии, особено за време на перименопауза и менопауза, најдобро започнете со миење само еднаш дневно.

Кога станува збор за утринско наспроти ноќно миење на лицето, секогаш е подобро да го изберете второто. Во текот на ноќта стартува природниот процес на регенерација на кожата или замена на мртвите клетки со нови, а чистата кожа го олеснува тој процес.

Практика за после вежбање?

Ако редовно вежбате и голем дел од времето го поминувате во сала, дерматолозите препорачуваат да го исчистите лицето непосредно после тренинг, за да ја отстраните потта и да спречите затнување на порите и појава на митесери. Сепак, од клучно значење е да користите нежно средство за чистење за да избегнете претерано сушење на кожата. Ако имате сува кожа и не се потите многу за време на тренинзите, во ред е да не го миете лицето воопшто.

Важноста на нежното чистење

Покрај честотата на миење на лицето, дерматолозите го нагласуваат значењето на користењето благо и хидратантно средство за чистење. Агресивните активни состојки ја одземаат природната влажност на кожата, а тоа доведува до иритација и потенцијално долгорочно оштетување. На пазарот има голем избор на нежни тоници за чистење и миење лице и мицерални води кои се базираат на природни органски состојки и масла. Добра тактика е да одберете производ без мирис и сулфати за да го минимизирате ризикот од кожни иритации.

Некои жени практикуваат да го мијат лицето само со вода, но водата не е доволна за да ги разложи нечистотиите, себумот или шминката.

Колку долго треба да го миете лицето?

И сами знаете колку е тешко да се отстрани кремата за сончање, шминката или што било друго од лицето за само неколку секунди. Но, една минута е сосема доволна за нежно да ја триете и масирате кожата, движејќи се сè до линијата на косата, за да ја отстраните нечистотијата.

Ако правилото за миење на рацете е најмалку 20 секунди, а имате малку поголема површина за третирање на лицето, неопходно е да посветите околу 20 секунди на секоја област – образи, брада, чело, нос. Ако не можете да се заморувате со бројки, само направете лесни кружни движења од носот кон образите, па нагоре и надолу преку целото лице, кон челото, ушите и вилицата.

При миење на лицето користете ги само прстите. Луфата или крпата за миење не се соодветни за секојдневна употреба, туку само за пилинг кој се препорачува еднаш неделно. Исто така, користете млака вода, бидејќи таа најмногу ѝ годи на кожата и ги отвора порите.

The post Златно правило за блескава кожа appeared first on Аптеки PlusPharma.

Кога кожата на лицето делува безживотно, причинителот е еден: пренатрупани пори со нечистотии и токсини. Во тој случај кожата е дехидрирана, а сепак масна, груба на допир, а тенот сивкав. Решението?

Детоксикација!

Организмот е постојано изложен на загадување од надворешната средина, особено во зимскиот период. Метаболизмот согорува и обработува материи богати со штетни материи и токсини што мора некако да се исфрлат. Во спротивно, таканаречените слободни радикали ќе ги нападнат здравите клетки, а тоа поттикнува воспаление. Сето ова важи и за клетките во кожата!

Клучот при секоја детоксикација се антиоксидантите. Тие се најсилното оружје со кое клетките во кожата можат да се изборат со слободните радикали. Ако кожата секојдневно добива висока доза антиоксиданти, таа ќе блесне во полн сјај.

Козметичката верзија на детоксикација вклучува користење производи (најмалку три) кои се богати со антиоксиданти и кои би помогнале во уништување на слободните радикали. Ослободувањето на порите е секогаш паметен чекор при детоксикација, бидејќи чистите пори ја олеснуваат апсорпцијата на хранливите активни состојки од кремите или серумите за нега.

Екстрактот од еукалиптус длабински ја чисти кожата отворајќи ги порите и давајќи ѝ здрав сјај.

Ресвератролот е уште еден моќен антиоксидант кој се бори со штетните ПМ честички во загадената кожа. Покрај производот за чистење на лицето, ноќниот крем на база на ресвератрол е од есенцијална важност бидејќи влијае врз кожата кога таа е во состојба на регенерација.

Секако дека она што го консумирате исто така има ефект врз здравјето на кожата. Имајте на ум дека кожата е последниот орган до кој ќе стигнат хранливите состојки, вклучувајќи ги и антиоксидантите. На патот до кожата тука се поважните органи како срцето, белите дробови, мозокот, а телото е доволно паметно да постави приоритети. Затоа, за да постигнете видлив ефект преку храната, неопходно е да сте доследни подолг временски период.

Во оваа смисла, добро е секојдневно да пиете зелен чај. Испитувањата кои се прават за да се утврди делотворноста на зелениот чај се однесуваат на неговото инхибиторно дејство на растот и развојот на канцерогените клетки кои настануваат под дејство на слободните радикали. Висока концентрација на минерали и олигоелементи содржи и зелената глина која помага во лекување на голем спектар кожни заболувања како акни, мозолки, чиреви, рани и исекотини. Можете да ја користите и како природен третман против брчки, за освежување и темелно прочистување на кожата. Можете да ја консумирате или да ја нанесувате надворешно.

Витамините А, Ц и Е присутни во зеленчукот и овошјето како што се спанаќ, кељ, јагоди, цитруси и авокадо, се познати по својата способност да ја одржуваат кожата здрава и свежа.

Тука се и масните киселини од рибите како лосос, сардини и туна кои содржат висока доза омега-3. Омега-3 масните киселини делуваат антивоспалително и на тој начин го задржуваат квалитетот на кожата.

Никогаш не заборавајте на хидратацијата.

Водата е есенцијална за здрава кожа, па пијте ја во име на убавината иако е студено и не ви се пие.
Иако храната може да игра важна улога во детоксикацијата на кожата, имајте предвид дека не постојат магични хранливи состојки кои ќе ја трансформираат кожата преку ноќ. Можеби уште поважно во делот храна е да внимавате што да НЕ ВНЕСУВАТЕ. Намирниците како мајонез, млеко и шеќер ги поттикнуваат воспалителните процеси на кожата од кои таа тешко се опоравува.

Детоксикацијата преку исхраната и детоксикацијата на кожата и не се толку различни. Идеално сценарио за да се отстранат слободните радикали е внатрешно-надворешниот пристап. Бомбардирање на организмот со антиоксиданти и преку исхраната и преку козметиката.

Комбинирајќи здрава и разновидна исхрана придружена со правилна нега на кожата води до подобрување на нејзиниот изглед и здравје.

Маска од јаглен и глина

Состојки:

• 1 јагленче (измелено во прав)
• 1 белка од јајце
• 1 лажичка зелена глина
• неколку капки масло од лаванда и рузмарин

Упатство за употреба:

Во сува чинија помешајте го јагленот со глината и белката од јајце. Во смесата капнете од етеричните масла, бидејќи не само што мирисаат убаво, туку се и одличен антисептик.

Рамномерно нанесете ја маската на лицето, избегнувајте го делот околу очите и устата. Оставете ја маската да делува 10-15 минути додека не се исуши. Исплакнете го лицето со млака вода.

Оваа маска е одлична за длабинско чистење на порите и отстранување на токсините и заробените масти. Глината и јагленот се признати темелни чистачи, додека белката од јајце чисти и затегнува.

После маската, задолжително нанесете хранлив крем за лице.

Запомнете, пред да ја нанесете маската за лице, тестирајте ја на мала површина на кожата за да ја испитате нејзината толерантност на состојките.

The post Детокс на кожа appeared first on Аптеки PlusPharma.

Колку што се добри за мускулните влакна, толку се добри и за влакната на главата – протеините се одлични хранливи материи за фоликулите.

Како да ги користите за да ги почувствувате бенефитите сè до скалпот?

Преку исхраната
Овие микрохранливи состојки и аминокиселините како градежни блокови во структурата на клетките, се важни за правилен и здрав раст на косата и за формирање кератин ‒ главната структурална компонента на косата. Консумирањето протеини од животинско потекло е најдобриот начин да ја внесете неопходната дневната доза зацврстувачки аминокиселини. Но, ако сте веган или вегетаријанец, постојат алтернативи кои ќе ви овозможат оптимална количина. Што се однесува до квантитетот, експертите во областа велат дека треба да се придружувате до 30 грама протеини трипати во денот за оптимално здравје на влакното на косата. Ако ви се потребни знаци што ќе ви покажат дека вашиот дневен внес на протеини е незадоволителен, побарајте симптоми како недостаток на сјај, мекост, сувост и опаѓање на косата при голем протеински дефицит.
Директно на косата
Бланширање, осветлување, обликување на косата со уреди кои работат на топлина, агресори од околината како што се УВ-зраците, ветерот, сувиот воздух, загадувањето – сите овие фактори ја слабеат косата и ја отстрануваат нејзината природна влажност така што ги раскинуваат аминокиселинските синџири кои го обликуваат кератинот во секој прамен. Кога тие синџири ќе се оштетат, доаѓа до кршење на косата, испукани врвови и грубост на влакното. Производите на база на протеини може да ги обноват аминокиселинските синџири и да ја заробат природната влажност на косата. Спротивно на досегашните тврдења и размислувања, редовната употреба на овие формули нема да предизвика појава на првут. Секој протеин што косата нема да го апсорбира, ќе се отстрани при плакнењето на косата, затоа бидете темелни. Сепак, интензивните третмани може да ја оштетат косата, па затоа ограничете ја употребата на еднаш до двапати неделно.
Што точно треба да внесувате?

• Јајцата се одличен извор на протеин и биотин, две компоненти кои во најголем дел се составени од протеини.
• Протеините можете да ги внесувате и преку зрната (како соја) или јаткастите плодови (како бадемите, оревите, лешниците).
• Рибата е одличен извор на масни киселини кои ја задржуваат и подобруваат густината на косата.
• Мешунките се одличен извор на протеин, железо, цинк и биотин, кои поттикнуваат раст на косата.

Б витамини во служба на убавината

4 причини зошто да почнете да ги пиете уште денес
Комплексот Б витамини разубавува однатре. Недостатокот на витамини од Б групата ја прави кожата сува и склона на акни, тенот безживотен, брчките изразени, а нештата одат дотаму што косата почнува да пука, а ноктите стануваат кршливи. Слободните радикали (молекули кои ги напаѓаат здравите клетки во организмот) придонесуваат за создавање мноштво болести, но се и водечка причина за предвремено страеење. Комплексот Б витамини делува како своевиден штит кој ја чува целокупната убавина од разорното дејство на овие непријатели на младиот и свеж изглед.
Витаминот Б претставува храна за косата и за фоликулите. Недостатокот на витамини Б1, Б2, Б3 и Б5 може да резултира со тенки и испукани влакна, а со време и да поттикне опаѓање на косата. Недостатокот на витамин Б9 го забавува растот на влакното, додека витаминот Б7 е неопходен за одржување на цврста текстура на косата.
Малкумина се свесни дека проблемите со кожата, вклучувајќи ги црвенилото на кожата и безживотноста, најчесто се недостаток на витамин Б. Конкретно, витаминот Б12 ја регулира пигментацијата на кожата и спречува појава на флеки. Витаминот Б5 ги третира акните со кои мака мачат жените и после пубертет. Најчесто се комбинира со витамин Ц, каде преку контрола на нивото на триглицериди и холестерол во крвта се одржува здравјето на кожата.
Убавината на ноктите зависи од балансираната, богата исхрана. Само тогаш тие ќе растат здрави и цврсти. Витаминот Б12 помага при апсорпција на железо ‒ есенцијалниот минерал без кој ноктите стануваат тенки, пукаат и се листаат.

Пробиотици – нов херој за кожа

Придобивките од пробиотиците не застануваат само на цревата, по ново добри се и за кожата која денес е под постојан удар на стрес и загадување. Кога бактериската рамнотежа во цревата е нарушена, поголема е веројатноста да дојде до низа воспалителни состојби, а зголемувањето на воспалението во телото е поврзано со поголема инциденца на кожни заболувања. Бактериската нерамнотежа во цревата може да влијае на микробиомот на кожата. На пример, прекумерниот раст на бактерии во тенкото црево е поврзан со розацеа и акни.
Разновидниот и здрав цревен микробиом не само што поттикнува подобра апсорпција на хранливи материи, туку е поврзан со целокупното здравје на кожата. Специфичните соеви во цревата можат да таргетираат различни механизми во кожата, а додатоците на база на пробиотик може да го искористат ова сознание за конкретно да ги таргетираат проблемите на кожата.

The post Кога убавината доаѓа однатре appeared first on Аптеки PlusPharma.

Посакувате да ја поедноставите рутината за нега на кожа? Наместо пет да користите само еден производ кој ги обезбедува сите придобивки за кожата? Во тој случај, неопходен ви е серум или крем со гликолна киселинна. Оваа чудесна состојка е моќна да ги поправи сите несовршеностите на кожата, од брчки па се до акни.

Што е всушност гликолна киселина?

Гликолната киселина е алфа-хидрокси киселина (АХА), органска молекула која содржи јаглерод. Природно, оваа молекула се наоѓа во шеќерната трска и во овошјето. Гликолната киселина ги разградува врските помеѓу кератиноцитите (клетки на кожата) присутни во надворешниот слој на кожата без да треба да се применат груби, механички техники за ексолијација. Таа поттикнува природен пилинг и на тој начин го забрзува обновувањето на клетките со цел да донесе посвежи и помлади клетки на површината.

Кои се придобивките од гликолната киселина?

Оваа суперѕвезда за нега на кожата има долга листа придобивки:

Ги намалува фините линии и брчките Гликолната киселина, во концетрации што може да се најдат во производите за нега на кожа, ги намалува симптомите на фотостареење. Една клиничка студија покажува дека формулата со 8% гликолна киселина поттикнала значително подобрување на целокупната фотооштетена кожа. Испитаниците забележале дека формулата значително ги пополнила фините линии по 22 недели употреба.

Ги минимизира порите Преку отстранување на мртвите клетки и нечистотиите од кожата, гликолната киселина ги ослободува порите, па тие визуелно делуваат потесни. Иако ништо не може да влијае на големината на порите, кога ти се чисти и не се затнати со маснотии и мртва кожа, изгледааат помали. Гликолната киселина ги распаѓа врските што ги држат клетките заедно и на тој начин ги отстранува мртвите клетки од кожата.
Помага во борбата против акни Бидејќи поттикнува ексфолијација на мртвиот слој кожа на површината, гликолната киселина спречува старата, мртва кожа да се измеша со себум и да се формираат акни.
Го изедначува тенот Статистиките покажуваат дека гликолната киселина ја подобрува дисколорацијата и текстурата на кожата за 5 % во споредба со плацебо.
Уште еден бонус: Гликолната киселина е безбедна за употреба на тазе мајките. Бидејќи одредени состојки за убавина, како што се БХА и ретинол, треба да се избегнуваат за време на бременоста и доењето, гликолната киселина е спас за жените во овој период.

Најдобар начин за употреба на гликолната киселина

Гликолната киселина може да се најде во сите видови производи за нега на кожа, од средства за миење и чистење па сè до креми за нега и медицински хемиски пилинзи. Без оглед на производот што ќе го изберете, ќе осетите придобивки од секој процент од концентрацијата на гликолната киселина. Гликолната киселина делува секогаш кога ја користите и делува веднаш. За домашна употреба, дерматолозите советуваат да се користат производи со максимална концентрација од 10 %. Повисока концентрација на гликолна киселина може да употреби само дерматолог.

Несакани ефекти од гликолната киселина

Луѓето обично не се соочуваат со несакани ефекти од употребата на гликолна киселина, но за оние со сува или чувствителна кожа постои мал ризик од иритација. Ако гликолната киселина во производот е застапена со ниска концентрација, може да се користи секојдневно. Додека медицински пилинг на база на гликолна киселина, кожата може да поднесе само еднаш месечно.
Најлошите несакани ефекти од гликолната киселина се случуваат при невнимателна употреба, кога процентот е висок. Гликолната киселина е моќна активна состојка која може да предизвика изгореници и лузни доколку не се користи според упатството.
Прекумерно црвенило, продолжено чувство на печење на кожата, промена на тенот во сиво-бел или во најлош случај меурчиња на кожата, се симптоми за можна опасност од трајни лузни.
Дополнително, луѓето со потемна кожа треба да бидат свесни дека прекумерната употреба на гликолна киселина може да доведе до хиперпигментација, што е спротивно од она за што повеќето луѓе ја користат состојката.
Луѓето со потемна кожа имаат поголем процент на меланин во кожата и малите иритации како црвенило и лупење можат да предизвикаат воспалителен процес што води до хиперпигментација.
Ако сте загрижени од ваков можен исход, постепено воведете ја состојката во негата, исто како ретинол. Почнете со низок процент еднаш до двапати неделно, па ако кожата ја прифати состојката зголемете ја употребата на секоја втора ноќ.

Кои состојки не се комбинираат со гликолна киселина?

Гликолна киселина не се користи истовремено со салицилна киселина, витамин Ц, ретинол или бензоил пероксид, бидејќи тоа носи ризик од иритација. Наведените состојки може да ги користите во други денови, но не во исто време, во ист ден.
Многу е важно да преземете дополнителни мерки за заштита на кожата од сонцето секогаш кога користите гликолна киселина, па и која било друга киселина или ретинол. Гликолната киселина, заедно со другите АХА, ја зголемуваат чувствителноста на кожата од штетните УВ-зраци. Затоа, најдобро е да нанесувате гликолна киселина навечер, а наутро да нанесте крем со СПФ 30 или 50.

The post Гликолна киселина appeared first on Аптеки PlusPharma.

Интензивни усни

Темните усни во црвени и кафени тонови карактеристични за 90-тите години одново се актуелни, со таа разлика што денес се прифатливи и за преку ден. На пример, нема да погрешите ако ставите црвен кармин за на работа.
Прецизноста е клучна за темните усни, во спротивно ќе изгледате неуредно. Затоа, нанесувајте го карминот со тенка четка за да ги оцртате границите на усните и за да можете рамномерно да го аплицирате карминот. Ако ви е полесно, претходно оцртајте ги усните со моливче за полесно да го нанесете карминот.
За малку сјај, нанесете балсам за усни во центарот на долната усна.
Темните усни и задебелените веѓи се одлична комбинација. Темните усни го носат фокусот на долниот дел од лицето, но истакнатите веѓи го поткреваат фокусот за некој сантиметар со што се создава одличен баланс.
Црвени усни и силно нашминкани очи за преку ден се премногу. Затоа, прескокнете ги капаците и евентуално истакнете ги трепките со малку маскара.

Сјајна кожа

Потребата за мејкап со блескав и сјајен ефект резултираше со создавање на револуционерен производ познат како хајлајтер. Доаѓа во облик на стик, во течна форма, во облик на камена пудра, а служи за истакнување на клучните контури на лицето.
Хајлајтерот може да ви послужи да креирате два тотално различни ефекти. Тука е оној здрав сјај што природно го стекнувате после вежбање, а од друга страна го имате класичниот холивудски гламур кој подразбира истакнување на клучните агли.
Доколку го нанесете хајлајтерот на целото лице во мала количина, ќе добиете блескав, оросен и здрав ефект на кожата. За филмски ефект, нанесете го хајлајтерот тапкајќи го на стратешки места на лицето.
Најлесен и најсуптилен начин за да блеснете? Капнете неколку капки од течнот хајлајтер во пудрата што вообичаено ја користите. Убаво соединете ги состојките и нанесете ги на целото лице.
Хајлајтерот што доаѓа во облик на крем формула ќе ви помогне да го постигнете оној влажен оросен сјај. Стиковите се најпрактични бидејќи можете директно да ги нанесете на високите точки на лицето – јаболкцата, мостот на носот, аркадата, врвот на брадата, врвот на горните усни. Формулата во облик на пудра дава најсилен ефект и обично е резервирана само за образите.

Луксузни трепки

Толку се модерни, што денес никој не се ни труди да го сокрие фактот дека густите трепки не секогаш се дело на природата.
На пример, свилените трепки делуваат природно, но неопходна е редовна екстензија, бидејќи со текот на времето паѓаат. Ако немате толку слободно време и буџет за редовно да ги дополнувате трепките, потрудете се да го извадите максимумот од вашите природни трепки.
Извиткајте ги со специјален извиткувач, а потоа нанесете маскара за волумен. Бојадисувајте ги трепките влакно по влакно и задолжително поминете со четката и озгора врз трепките за да го засилите ефектот.
Доколку одите на варијанта вештачки трепки, одберете модел каде влакненцата се поврзани со безбојна, речиси невидлива трака (оние со црна трака во основата ќе направат да изгледа како да сте ставиле туш, а таа линија ги затвора очите). Најдобра опција се трепките во снопчиња, бидејќи делуваат природно и пердувесто.

Густи веѓи

Густите дебели веѓи се тотална спротивност на традиционалниот гламур на кој бевме навикнати. Жените го корнеа секое едно влакненце што се испречуваше на патот на тенката совршена линија. Затоа, денес мака мачат оние кои трајно ги проретчија веѓите поради редовното скубење.
Денес веѓите е дозволено да се густи, неуредни, раштркани и малку подолги. Среќа што имаме цел еден арсенал од шминки и третмани за да го постигнеме тоа.
Поттикнете го растот на веѓите така што редовно ќе ги мачкате со билни масла (маслиново, рицинусово, ленено) и задолжително чешлајте ги за да поттикнете циркулација или слободно нанесете серум што поттикнува раст.
Правите и остри веѓи се актуелни, затоа чешлајте ги во тој правец – хоризонтално кон надвор. Не посегнувајте по ножичките или пинцетата, секое нескротливо влакненце ќе го најде своето лежиште доколку редовно ги чешлате веѓите. Најдобра четка за ваков ефект е онаа што не се разликува од четката за маскара.
Со молив за веѓи пополнувајте ги местата каде што не растат влакненца. Бидете внимателни во однос на потезите, бидете брзи и не притискајте премногу кога цртате лажни влакненца, тие не смеат да бидат пренагласени.

The post Клучни мејкап потези за префинет изглед appeared first on Аптеки PlusPharma.

07:00 часот – Третирајте ги подочниците

Хоризонталната положба во текот на ноќта, наутро резултира со подуени ќесички под очите. Ако спиете на поткрената перница, ќе се разбудите со помали подочници, но тоа пак ќе ви создаде проблеми со вратот. Затоа, обидете се со блага масажа за да ја дренирате регијата и нанесете крем за околу очи за да ја освежите кожата.

07:15 часот – Заштитете ја кожата од загадување

Голема е веројатноста воздухот во вашата канцеларија да е позагаден од оној надвор, особено во овој период од годината. Климите и вентилаторите од компјутерите создаваат невидлив облак од честички од прав, влакненца од климите, спори од низа хемиски загадувачи кои ги емитува канцелариската опрема како фотокопирот. Ваквите штетни честички во воздухот го забрзуваат клеточното стареење и го оштетуваат колагенот. Затоа, не излегувајте од дома без 4 капки витамин Ц серум, само така ќе создадете силна натиоксидантска заштита од слободните радикали што ја напаѓаат кожата.

11:00 часот – Нанесете СПФ

Сончевите зраци се најсилмни помеѓу 11 и 15 часот. Дневен хидратантен крем со СПФ 15 или повисок е сосема доволен за да ве заштити на релација дома – автомобил – работа и да ве заштити од сончевите зраци кои продираат преку прозорецот. Штом дојде лето, не заборавајте дека секое сончево изложување, без оглед колку ќе трае, треба да е проследено со СПФ 30.

12:00 часот – Погрижете се за вишокот себум

Жлездите најмногу продуцираат себум напладне, во периодот помеѓу 12 и 14 часот. Постојат две причини за тоа: прво, масните жлезди се трудат да надоместат за сувоста продуцирајќи двојно повеќе себум; второ, оброкот базиран на јаглехидрати може да го покачи нивото на инсулин, а тоа да доведе до зголемена продукција на себум. Со помош на хартиено шамиче, тапкајте го лицето за да се впие вишокот себум, а по потреба, корегирајте го тенот со камена пудра.

13:00 часот – Заштитете ја кожата од екранот

Сината светлина што ја емитуваат екраните и паметните телефони се штетни за кожата, особено при предолго изложување. Не само што ја црпат водата од клетките, туку и го забрзуваат клеточното стареење. Затоа, добро е со себе да носите крем за корекција на брчки и фини линии или специјален серум за заштита од сина светлина.

14:00 часот – Освежете ја кожата

Телесната температура опаѓа навечер како резултат на циркадијалниот ритам кој не подготвува за спиење. До 16:00 часот, телесната температура е за степен повисока во однос на измерената температура во 04:00 наутро. Ако се вцрвувате лесно или работите на отворено, создајте навика да ја освежите кожата на лицето со мицеларна вода или спреј со минерали.

19:00 часот – Темелно исчистете ја кожата

Урбаната и динамична животна средина и шминката се главни затнувачи на порите, а затнатите пори водат до појава на митесери и акни. Затоа, длабинското чистење е чекор што не смеете да го прескокнете ако сакате сјајна и здрава кожа. Млеко, тоник, масло, мицеларна вода, сеедно каква формула за чистење користите, се додека сте сигурни дека нечистотијата е отстранета. Еднаш во неделата е добро да правите и пилинг.

22:00 часот – Поддржете ја природната регенерација

Помеѓу 23:00 часот и 04:00 часот наутро, кожата влегува во стадиум на заздравување. Искористете го тоа за да поттикнете клеточна регенерација (замена на оштетените клетки со нови) со помош на серум со ретинол, после кој ќе ја нападнете кожата со бран хидратација со крем што интензивно делува.

Погрешни минути за нега

Нанесување крем за околу очи пред спиење

Целта на кремот за околу очи е да направи да изгледате свежо, одморено и плус да го забави процесот на стареење во регијата што е прва на удар. Но, ако го нанесете пред спиење може да има спротивен ефект. Кремовите што тешко се апсорбираат лесно мигрираат внатре во окото, бидејќи сте во лежечка позиција. Резултатот утрото: потечени, крвави очи. Затоа, нанесете сосема мала количина (колку зрно грашок) крем за околу очи, така што ќе го тапкате со помош на средниот прст, наутро, преку ден или неколку часа пред спиење.

Нанесување ретинол преку ден

Ретинолотот е една од најмоќните состојки за корекција на фини линии, брчки, акни и за регенерација на клеточно ниво. затоа, ретинолот треба да се користи навечер, кога кожата е најрасположена за обнова. од друга страна, ретинолот во комбинација со сонце може буквално да ја изгори и оштети кожата.

The post Вистински минути за нега appeared first on Аптеки PlusPharma.

СОДА БИКАРБОНА

Стариот добар натриум хидроген карбонат е добро познат по тоа што помага колачите добро да нараснат, но според експертите за убавина, одличен е и за длабински пилинг на кожата на лицето.

Направете сами:
Помешајте едно лажиче сода бикарбона, две лажици овесни снегулки и доволно вода колку да се сврзат овие две состојки и да се создаде смеса со густина на паста. Нанесете на лицето, нежно масирајте и исплакнете. Бидете внимателни, оваа маска е наменета само за масен тип на кожа, ако ја нанесете на чувствителна кожа може да предизвика сушење и иритација.
Доколку ве мачат здодевни митесери, измешајте малку сода бикарбона, лимон и топла вода, и нанесете ја маската на проблематичната регија на лицето. Најдобар ефект ќе постигнете доколу маската ја нанесете после туширање, кога порите на лицето се најмногу отворени.
Не само за лицето, содата е број еден спасител кога бојадисувањето на косата не оди според очекуваното. Честопати се случува под дејство на природниот пигмент да не ја постигнете посакуваната боја. Не очајувајте, обидете се да ја отстраните новата нијанса со помош на сода. Помешајте еднакво количество шампон и сода за да добиете густа смеса. Маската нанесете ја на косата и оставете ја 10-тина минути да делува. Исплакнете и задолжително нанесете маска за длабока хидратација.

АКТИВЕН ЈАГЛЕН

Во медицината се користи за да ги апсорбира токсините кај лица кои претерале со лоша храна, алкохол или подлегнале на труење со лекови. Во светот на убавината служи како отстранувач на нечистотиите и маснотиите на кожата. Иако нема научни истражувања кои ја потврдуваат делотворноста на активниот јаглен во служба на убавината, жените кои ги пробале маските со активен јаглен велат дека резултатите се неверојатни.
Направете сами:
Измешајте активен јаглен во прав со малку алое вера и нанесете на лицето. Доколку имате сува кожа додајте јогурт или мед, и ќе добиете помасна, хидратантна маска. Резултатите се веднаш видливи, кожата блеснува во полн сјај.
Доколку сакате темелно да го исчистите скалпот од токсини, да го вртите сјајот на влакното и да добиете плус волумен, едноставно здробете едно апче активен јаглен во вашиот шампон и измијте ја косата на вообичаен начин. Веднаш ќе почувствувате како вашата коса станува полесна и поткрената во коренот. Доколку не можете да се справите со првутот, активниот јаглен ќе ви помогне да го решите и овој проблем.
Активниот јаглен помага и за избелување на забите. Неговата моќ за длабинско чистење ќе ги отстрани сите наслаги, а забите ќе добијат бисерен сјај. Сѐ што треба да направите е да ставите малку активен јаглен во прав врз слојот паста што го нанесовте на четката и да ги исчеткате забите.

КОКОСОВО МАСЛО

Секој козметички производ за нега на кожа, коса и тело може да биде заменет со тегличка кокосово масло. Дерматолозите и научниците се потпираат на фенолната киселна што ја содржи, а која успешно се справува со слободните радикали. Природен навлажнувач, се бори со вишокот килограми, помага во отстранување на стриите, му помага на телото да создаде отпорност кон вируси, инфекции и бактерии, го забрзува метаболизмот… листата на позитивни придобивки од кокосовото масло не завршува тука.
Направете сами:
Доколку имате сува, чувствителна и оштетена кожа, направете маска од кокосово масло и мед. Оставете да делува 10-тина минути и убаво исплакнете. Кожата ќе стане екстремно мека и сјајна.
Магично дејство број два – доколку сте во можност, барем еднаш во неделата (пред темелно да ја измиете косата) намачкајте ја косата со топло кокосово масло од коренот па сѐ до врвовите. За посилен ефект, замотајте ја косата во фолија и оставете ја да отстои – што подолго, тоа подобро. По миењето, ќе се воодушевите од тоа дека ги нема испуканите врвови, а косата е свиленкаста и мека како никогаш претходно да не била хемиски третирана.
За да подготвите пилинг за тело на база на кокосово масло, формулата е следна: ½ шолја крупно мелено кафе, 2 лажици чај од нане, ½ шолја шеќер и ½ шолја кокосово масло. Сѐ убаво измешајте и нанесете ја смесата на телото со нежно масирање. Оставете неколку минути за кожата да ги впие благодатите од состојките, а потоа исплакнете со млака вода.
Се чини дека најголема предност на кокосовото масло е тоа што е безбедно за употреба дури и за трудниците. Во текот на бременоста и по породувањето, нанесувајте кокосово масло на критичните регии за да спречите пукање на кожата и појава на стрии. Во случај веќе да имате стрии, нанесувајте кокосово масло директно на нив за да избледат. Само 7 седмици се потребни за да забележите резултати.

The post Убавина од кујната appeared first on Аптеки PlusPharma.

Главна грижа на жените во нивните 40-ти се фините линии околу очи и брчките на лицето, но после Ковид пандемијата имаат грижа плус: АКНИТЕ!
Студијата на „Journal of Cosmetic Dermatology“ во декември 2021, покажа дека 45 % од жените пријавиле влошување на состојбата со акните, 27 % воочиле подобрување на состојбата со акните, по што следувало нагло влошување, додека 7 % за прв пат се соочиле со акни.
Триесеттите години ги најавуваат хормонските флуктуации кај жените кои честопати резултираат со појава на акни. Но, бројот на ваквите случаи е во пораст и воглавно се должи на носењето заштитни маски и зголемен стрес во екот на пандемијата.
Акните се крајно непредвидливи, особено кај возрасните, и тоа го усложнува лекувањето. Ако во тинејџерските години се резултат на површинско затнување на порите, во зрелите години инфекцијата е посериозна, затнувањето е подлабоко и се јавуваат болни акни на брадата, во линија на вилицата и горниот дел на вратот. Крајно непромислено е да ги третирате акните агресивно така што ќе ги стискате. Неопходно е да бидете добри детективи, бидејќи хормоните не се постојано активни, а акните на лицето можат да траат и цела година.
Дерматолозите одвојуваат 4 главни причинители за појава на акни кај возрасни:

Пилули за контрацепција

Акните се нормален ПМС симптом што може да ве следи до менопауза. Но, ако имате навика повремено да пиете апчиња за контрацепција, можно е да се соочите со посериозна инфекција. Да појасниме, пилулите не предизвикуваат акни сами по себе, напротив, со нивно редовно консумирање ќе можете да ги контролирате; туку, кожата станува ранлива и склона на акни во моментот кога ќе престанете да ги пиете пилулите за контрацепција. Ова во никој случај не значи дека доживотно треба да земате контрацепција. Но, ако сакате да се откажете од пилулите, сторете го тоа постепено.

Стрес

Конекцијата помеѓу акните и анксиозноста е јасна: Кортизолот ја поттикнува инфекцијата и предизвикува длабоко загноени акни. Лицето на свој начин демонстрира дека нештата во животот не ви се под контрола. Најмалку што можете да направите во овој случај е да и обезбедите на кожата 8 часа сон за полесно да го поднесе притисокот. Ако ве мачат несоници, тогаш вежбајте за да ја поттикнете циркулацијата и да го редуцирате кортизолот.

Исхрана

Зголеменото количество јаглехидрати и процесиран шеќер, води до појава на акни. Млечните производи исто така се предизвикувачи на инфекција, но не кај сите жени. Луѓето различно реагираат на храната и се чувствителни на различен тип на производи, но црвенилото на кожата е јасен симптом за инфекција што го нападнала телото. Ако се сомневате дека некои намирници се можни причинители на акните, проверете ги така што ќе ги исклучите од исхраната и трпеливо ќе чекате позитивни промени на кожата.

Дерматологот д-р Харолд Лансер дефинирал листа со намирници што треба да се избегнуваат, но секоја кожа е приказна за себе, затоа тестирајте што функционира за вас. Исфрлете ги едноставните јаглехидрати како компири, тестенини, леб и бел ориз, бидејќи брзо го поткреваат нивото на шеќер што води до воспаление. Истото важи за слатките како колачи и торти.

Не претерувајте со кафето, бидејќи го втурнува телото во стресна состојба, а тоа значи излаување кортизол што е докажан предизвикувач на акни. Одржувајте го енергетското ниво преку исхрана богата со комплексни јаглехидрати како овошје, зеленчук и тестенини од цело зрно. Заменете ги млечните производи со други алтернативи ако лицето постојано е исфрлано. Кравјото млеко може да содржи стероидни хормони кои го влошуваат воспалението и можат да поттикнат акни. Млекото од бадем, соја, кокос или овес се добра алтернатива.

Производи за нега

Богатите хидрантни кремови можат да ги затнат порите и да предизвикаат акни. Најосновен чекор што треба да го преземете? Побарајте производи што се тестирани на кожа склона на акни, оние што не содржат состојки што ги предизвикуваат, како: какао путер, шеа путер или вазелин.

The post Акни кај возрасни appeared first on Аптеки PlusPharma.

Со текот на годините косата почнува да го губи својот волумен и густина. Прифатлив дневен опсег на загубена коса се смета се што влегува во границите од 50 до 100 влакна. Секое изгубено влакно плус, го најавува стареењето на косата што честопати може да биде забрзано под дејство на слаба исхрана, стрес, здравствена состојба или наследен фактор. Ако косата станува се поретка, размислете да го смените и пристапот на нега. Не користете премногу производи и одбирајте благи формули. Дури и бебешките шампони се опција.

Лакот и гелот за коса се најголеми непријатели.

Тие се најголемите непријатели за волумнеот на косата, а замотаната и цврсто врзана коса е траума која води до ретчење и кршење на влакното. Во многу случаи ретчењето на косата може да се спречи во домашни услови, се зависи од причината што ја поттикнала промената, но не ризикувате ништо ако:

Редовно го масирате скалпот

Додека ја миете косата, со врвот на прстите (не со ноктите) нежно притискајте го скалпот изведувајќи кружни движења, за да поттикнете циркулација на скалпот. За уште повеќе придобивки, обидете се со рачен масажер за скалп, па така ќе ги отстраните и мртвите клетки од кожата на главата.

Го негувате скалпот со етерични масла

Маслото од лаванда е едно од најкористените есенцијални масла за третирање косопаст. Дури постојат и научни студии, изведени врз животни, кои ја потврдуваат неговата ефикасност. Лавандата често се комбинира со други масла, како оние од рузмарин и мајчина душица, бидејќи така е уште поефикасно. Ако не сте алергични на кое било есенцијално масло, обидете се барем еднаш неделно да го масирате скалпот.

Користете шампон против опаѓање

Доброто кај овие шампони е тоа што делуваат на два начини. Прво, го зголемуваат волуменот што е одлично за да ја камуфлирате тенката и слаба коса. Второ, содржат витамини и аминокиселини кои промовираат здрав скалп. Секогаш користете ги според приложеното упатство.

Пиете мултивитамини

Во случај на неухранетост или нарушување во исхраната, се случува фоликулите да не создадат нова коса. Преку крвна анализа лесно се утврдува недостигот од хранливи материи или дефицит на конкретен витамин или минерал кој поттикнал опаѓање на косата.

Здравата коса има портеба од железо, фолна киселина и цинк за да расте и да ја задржи својата густина. Но, ако преку исхраната ги внесувате сите неопходни хранливи материи, дополнителниот внес на суплементи нема да направи разлика во однос на ретката коса.

Најефикасните хранливи состојки против косопаст

Фолната киселина поттикнува обнова на клетките на скалпот. Низа студии сугерираат дека дефицитот на фолати води до одредени типови на опаѓање на косата. Биотинот или витаминот Б7 природно се среќава во јаткастите плодови, леќата и телешкиот џигер. Ако јадете урамнотежена храна малку е веројатно да се соочите со дефицит од овој витамин од кој зависи растот на косата. Во секој случај, имате на располагање додатоци с обиотин кои во никој случај не смеат да се комбинираат со додатоци на витамин Б5. Кога се земаат заедно, тие можат да си ја намалат ефикасноста еден на друг.

Омега-3 и омега-6 масните киселини се есенцијални од причина што организмот не може сам да ги произведе. Омега-3 масните киселини му помагаат на телото да се избори со воспалителните процеси вклучувајќи ги оние кои поттикнуваат опаѓање на косата. Од друга страна, омега-6 е важна за целокупното здравје на кожата вклучувајќи го и скалпот.

Чешлајте се што понежно!

Чешлањето му годи на скалпот, бидејќи поттикнува циркулација, но истовремено претставува хорор за влакното. За да задржите што повеќе коса на главата, а што помалку на четката, задолжително користете чешел со широки запци за расчешлување и четка со запци за сјај и свиленкав ефект. Додека косата е мокра, користете го чешелот за да ги отплеткате врвовите – тегнете во должина максимум 5 сантиметри. Користете спреј за расплеткување на косата. штом патот е прооден, чешлајте од коренот до врвовите со еден потег со помош на четката за да добиете сјај.

The post Ретчење на коса appeared first on Аптеки PlusPharma.

Што да внесувате?

Горчлива тиква

Една шолја свеж сок од тиква помешан со една кафена лажица сок од зелен лимон треба да се зема постепено на празен стомак, секој ден во период од 4 до 6 месеци.

Матеница

Потсирено млеко или матеница е докажан сојузник во борбата со псоријазата. Може да се консумира во неограничени количини. Храна што изобилува со витамин Е или готов суплемент (препорачана дневна доза изнесува 400 милиграми, а помага во намалувањето на чешањето и формирање на лушпи од телото)

Спанаќ, краставици, вода од кокос

Топ три сојузници против псоријаза.

Што да избегнувате?

Порткоал, лимон, цитрони. Доматите може да се употребуваат повремено, но по можност целосно да се исклучат. Исто така не се препорачува ананас, јогурт, јагоди, слатки, безалкохолни пијалаци и лакохол. Одбегнувајте да комбинирате сладок и кисел вкус, врела и ладна храна.

Природни лекови за локална употреба

Масло од авокадо – внимателно нанесувајте го на заболените места.

Масло од индиски орев – маслото од надворешната кора на индискиот орев има горчлив вкус, па освен за премачкување на заболените места, може и да го пиете.

Листови од зелка – темелно исчистете ги во топла вода и оставете ги да се исушат. Извадете ги жилите од листовите и така омекнати и загреани искористете ги за да направите преврска на заболените места.

Свежиот прав од ним се смета за најефикасно природно решение не само за псоријазата, туку за сите можни болести што ја зафаќаат кожата.

The post Ублажете ја псоријазата преку стомакот appeared first on Аптеки PlusPharma.

Првите знаци на стареење доаѓаат без предупредување, кај некои жени порано, кај некои подоцна. Но, неизбежни се! Навременото негување и девоното потхранување на кожата го ублажува ударот што и го задаават годините.

Но, поголемиот број жени запаѓаат во замката на импулсивно купување голем број козметички производи, кои ги трошат за рекордно брзо време, без да забележат подобрување.

Инвестирајте паметно, наменете го буџетот за нешто концетрирано како серум или витаминска ноќна крема и бидете трпеливи. Ако употребувате премногу производи во големи количини, ризикувате да ја иритирате и пресушите кожата, а тоа само ќе го забрза стареењето.

Во продолжение, уште неколку грешки што најчесто ги правиме:

За кафени флеки по лицето

Делува: СПФ и Витамин Ц

Не делува: Крем за избелување

Кафените флеки по површината на носот или образите се типични сончеви штети поттикнати од УВ зраците. Проблемот нема да го решите со крем за избелување, бидејќи тие (особено они што содржат хидрохинон) го влошуваат проблемот со дисколорациите. Наместо тоа, користете крем за сончање (најмалку СПФ30) и комбинирајте го со антиоксиданти како витамин Ц- серум или крем.

За проширени пори

Делува: Пилинг со салицилна киселина

Не делува: Тоник за лице

Покрај гените, проширените пори се должат и на природното намалување на колагенот во кожата. иако не постои производ кој може трајно да ги стесни порите, редовно длабинско чистење и тоа како влијае тие да изгледаат помали. Кога порите се полни со нечистотии тие се далеку повидливи! Тоникот за чистење лице нема моќ да ги отстрани заглавените нечистотии во порите, како што тоа го може сунѓерчето за пилинг во комбинација со салицилна киселина.

За фини линии околу очите

Делува: Серум со пептиди

Не делува: Густ крем за околу очи

Кожата околу очите е тенка и се соочува со многу пулсирања кога се лутиме или се смееме, па затоа тука се појавуваат првите знаци на стареење во облик на фини линии. Пред да посегнете по специјализирана формула за околу очи, обидете се со пептиден серум кој е далеку помоќен за измазнување на ова ударна регија. Пептидите делуваат така што на некој начин ги лажат клетките дека дошло до оштетување, па тие почнуваат да продуцираат повеќе колаген. Пептидниот серум е корисен и за помладата кожа, особено што брзо се впива и го контролира нивото на серум.

За сува кожа

Делува: Хијалуронска киселина

Не делува: Серум против стареење

Како старее, кожата продуцира помалку масло (ќе забележите пад на природната влага околу 35-тата), но безживотната и висната кожа во 30-тите и 40-тите најчесто се должи на стрес или иритација од производите што ги користиме. Некои луѓе ненамерно ја пресушуваат кожата со прекумерно користење ретинол или производи на база на киселина. Сведете ја употребата на ваквите производи против стареење на минимум, барем додека кожата се прилагоди. Исто така внимавајте на интензивните пилинзи, тие можат да ја поттикнат дехидрацијата ако ги користите повеќе од два пати неделно.

Проблемот со сувата кожа најбезболно се решава со серум или хидратантен крем со хијалуронска киселина. Хијалуронската киселина има неверојатен капацитет да врзува вода, па за поголеми ефекти, нанесувајте серум со хијалурон на влажно лице.

The post Подмладување appeared first on Аптеки PlusPharma.

Стравувате дека белењето нема да сопре тука?

Пред да побрзате да ја бојадисате косата, обидете се да ја сочувате бојата со овие приордни методи.

Кокосово масло

Секој втор ден, пред спиење, масирајте кокосово масло на косата и скалпот. Следното утро, измијте ја косата како и обично.

Ѓумбир

Секој ден јадете по една лажичка свеѓ рендан ѓумбир измешан со 1 лажица мед.

Црн Сусам

Два до трипати неделно јадете една лажица црн сусам за да го забавите белеењето на косата.

Кромид

Изблендирајте го кромидот во влендер, а потоа користете цедалка за да го исцедите сокот. Двапати неделно втријте го овој сок во скалпот, оставајќи го 30 минути и потоа измијте го со шампон како и обично.

Каталаза

Јадете храна богата со ензимот каталаза како лук, зелка, сладок компир, кељ, брокола, бадеми.

Бадемово масло

Измешајте еднакви дози бадемово масло, сок од лимон и сок од амла. Масирајте ја смесата во косата и скалпот. Следете ја оваа рутина двапати на ден во период од три месеци.

Рузмарин

Наполнете 1/3 тегла од 250 мл со сушен рузмарин, а потоа наполнете ја теглата до врвот со екстра девствено маслиново масло. Оставете ја теклата на сончево место четири до шест недели, протресувајќи ја на неколку дена. По шест недели, користете го како масло за коса.

The post За косата да престане да белее appeared first on Аптеки PlusPharma.

Актерките Хелен Милер, Дајан Китон и Енди Мекдауел му покажаа на светот дека жените и со побелена коса може да изгледаат атрактивно. Преку грациозното прифаќање на промените што им ги донесоа годините, овие дами направија сивата коса да стане тренд и меѓу младите.

Ако вашата сива коса е постигната со бојадисување, тогаш одржувањето е лесно. Голем е изборот на формули за бојадисана коса кои го негуваат и заштитуваат третираното влакно, но и ги одржуваат сјајот и долготрајноста на бојата.

Далеку поголем предизвик е одржувањето на природно сивата коса, бидејќи таа лесно може да пожолти поради недостиг на пигментот меланин во фоликулите. Затоа, неопходно е да користите посилен шампон кој темелно ќе го исчисти скалпот и ќе го неутрализира потенцијалното жолтило долж влакното.

Секоја формула што поттикнува детоксикација на скалпот е пожелна, а токму таков ефект имаат специјализираните шампони за сива коса.

Освен што не продуцираат меланин, фоликулите имаат тенденија да продуцираат помалку себиум со текот на годините. Од овие биолошки причини, седата коса е сува, а влакното жилаво и круто. Со редовно нанесување регенератор при секое миење, сивата коса ќе стане мазна и мека. Но, ако и тоа не е доволно за да го припитомите влакното, нанесувајте маска за хидратација најмалку еднаш во неделата.

Тоа што сте ослободени од обврската да ја бојадисувате косата не значи дека не треба да ја стилизирате. Стилистите велат дека тоа е една од најголемите грешки што ја прават жените, едноставно не си дозволуваат модерна фризура и поради тоа изгледаат уште постаро. Кој вели дека сивата коса мора да биде долга и собрана во кок? Скратете ја косата, направете некој интересен боб или ако е долга направете брановидни кадрици и впечатокот ќе биде многу поинаков.

Секој тип коса има потреба од витаминска и минерална поддршка, но се чини дека ваквата потреба двојно расте штом косата почне да белее. Можеби не веднаш на старт, но со текот на годините и сами ќе забележите дека влакното станува сѐ потенко, а косата сѐ поретка. За да го забавите опаѓањето на косата, неопходно е да се храните здраво и да воведете мултивитамин кој ги таргетира фоликулите.

Состојките во кремите за лице, составот на водата, надворешните загадувачи, сонцето, сите овие можат да ја пожолтат седата коса.

Бидете особено внимателни со што доаѓа во контакт вашата коса. Сонцето има најсилен ефект, затоа носете заштитна капа при секој престој надвор. Ако имате долга коса, сплетете плетенка и сокријте ја под капата.

The post Сивата коса е во тренд! appeared first on Аптеки PlusPharma.

Сувата коса делува безживотно, тешко се стилизира и додава плус години на изгледот. Плус, мора да бидете особено внимателни како ја негувате за да не ја пресушите уште толку.

Во тој поглед, врелите масла се најпогодни и најбезбедни за третирање на овој тип коса. Добрата работа кај нив е што можете сами да ги приготвите и да ги служите за да го потхраните сувиот скалп, да ја третирате целата коса или да ги оживеете сувите врвови.

Третман со врело масло

Ставете три лажици маслиново или кокосово масло во сад отпорен на топлина и ставете го садот во зовриена вода за маслото постепено да се загрее. Бидете внимателни, будно следете колку е загреано маслото за да не го изгорите скалпот.

Со чешел поделете ја косата на секции и намачкајте го маслото така што нежно ќе го втриете директно на скалпот, па ќе го масирате долж косата сѐ до врвовите. Замотајте ја косата во кок или соберете ја на ваш начин, ставете чиста ќеса и оставете маслото да отстои барем половина час. Измијте ја косата со што помлака вода, бидејќи топлата вода го пресушува влакното и може да отстрани поголемо количество од маслото.

Домашни третмани за премногу сува и оштетена коса

Честото бојадисување води до сериозно пресушување и оштетување на косата. Во тој случај, пожелно е да се потпрете на природните и далеку помоќни солуции како јајцата. Три јајца измешани со две лажици маслиново масло или масло од канола и една лажичка јаболков оцет, чинат силен третман за регенерација на косата. За да делува, неопходно е овој природен третман да отстои најмалку 15 минути. Потоа, темелно измијте ја косата со шампон.

За најхрабрите, стилистите за коса препорачуваат да додадете една лажица мед во шампонот што вообичаено го користите. Медот ја црпи и ја заробува влагата во косата враќајќи ѝ го природниот сјај. Но, мора да внимавате темелно да ја исплакнете косата.

Маслото од пченични никулци е уште еден добар регенератор за сува коса, особено во лето кога влакното е на удар од сонцето. Користете една лажица од него, после миење со шампон, наместо вашиот вообичаен регенератор. Темелно исплакнете ја косата.

Мерки на претпазливост

Топлата вода и сите алатки за стилизирање на косата кои работат на топлина, уште толку ја сушат косата. Затоа, обидете се да се навикнете да ја миете косата со помлака вода, а во лето избегнувајте фен.

Проблемот со сувата коса се продлабочува секогаш кога во вашата исхрана недостасуваат масни киселини. Гама-линоленската киселина (тип омега-6 масна киселина) оди директно во косата, затоа почесто јадете лосос. Лененото семе го одржува скалпот здрав и му дава дополнителен сјај на влакното.

The post Сува коса appeared first on Аптеки PlusPharma.

Рузмарин

Билка што ѝ дава живост и сјај на косата, но помага и во борбата против првутот за кој е познато дека го забрзува опаѓањето. Доколку не успеете да најдете производ со рузмарин во составот, тогаш сами подгответе вода за плакнење. Искористете неколку ливчиња и ставете ги да вријат во вода 10 минути. Процедете ја водата и штом се олади истурете ја врз косата, а потоа исплакнете со млака вода.

Камилица

На ист принцип како со рузмаринот, водата подготвена од природна камилица е одлична за да ја исплакнете косата со цел да го смирите чешањето на скалпот и губитокот на косата.

Масло од бреза

Може да се помеша заедно со шампонот или да се комбинира со други масла. Се нанесува на скалпот, но и на самата коса. Маслото од бреза го забрзува растот на косата, но поттикнува и раст на нови влакна.

Гинко

Се користи со цел да се стимулираат фоликулите да создаваат коса. Растението најмногу делува на циркулацијата, нешто што е многу важно за нов и подобрен раст на косата.

The post Билки што поттикнуваат раст на косата appeared first on Аптеки PlusPharma.

Без разлика со која промена се соочувате, во секој случај оставате впечаток дека сте уморни и сигурно тоа ви пречи. Но, со неколку мејкап техники ќе успеете да ги маскирате подочниците и да делувате свежо.

Имате темни кругови околу очите

Како да се негувате­? Сините, виолетови и црвени тонови што ги забележувате околу очи, особено наутро, се резултат на проширени крвни садови кои ѕиркаат од подочниците. Обидете се со крем што се базира на кофен, главен и одговорен за стеснување на крвните садови, за привремено да го решите проблемот со дисколорацијата.

Како да ги сокриете? Сѐ се сведува на тоа да ја коригирате бојата. Неутрализирајте ги сините или виолетови кругови со праска нијанса (за светол тен) или портокалова (за темен тен). Дозволете некоја минута за бојата да се прилагоди на кожата, а потоа нанесете од коректорот што вообичаено го користите.

Вашите подочници се кафени

Како да се негувате? Дали вашите подочници се многу повеќе кафени отколку сини или црвени? Најверојатно ваквата боја се должи на вишокот пигменти во кожата што е генетски поврзано и вообичаено за жените. Состојките како хидрохинон, којиќ киселина, соја или екстракт од сладок корен, можат да помогнат за да се контролира продукцијата на меланин и да се осветли регијата. Не заборавајте ја кремата со фактор пред излегување, бидејќи сончевите зраци се главни виновници за пигментацијата.

Како да ги сокриете? Неопходен ви високо покривен коректор, еден или два тона посветол од природниот тен, за успешно да ја камуфлирате пигментацијата околу очната регија. За да бидете прецизни, нанесувајте го коректорот со помош на влажно сунѓерче.

Се соочувате со подуеност

Како да се негувате? Ако имате подуени кесички 24/7, тогаш најверојатно станува збор за орбитални масни кесички под очите. Тие се генетски и за нив е неопходна дерматолошка помош. Но, ако отеченоста е својствена само за утринските часови, тогаш најверојатно имате проблем со задржување на водата. Крема за околу очи нанесувајте ја со масажа, со кружни и напред/назад движења, за да ја дренирате регијата.

Како да ги сокриете? Нанесете коректор, што е една или две нијанси посветол од останатата кожа, но само на кесичките. Користете четка за да бидете попрецизни.

Вашите подочници се прошарани со безброј фини линии

Како да се негувате? Навечер, нанесувајте креми со ретинол за да го поттикнете колагенот и да ги омекнете линиите со текот на времето. Наутро, преминете на формула богата со хијалуронска киселина – хидратант кој привлекува вода во кожата и ги пополнува фините линии, плус ја штити кожата од евентуално пресушување поттикнато од ретинолот.

Како да ги сокриете? Прескокнете ја камената пудра после коректор, бидејќи може да навлезе во линиите и дополнително да ги истакне. Ако коректорот го снема на средина на денот или едноставно се слизне под подочниците, искористете ја топлината на прстите и тапкајте го за да го вратите на место или едноставно користете коректор со долготрајна формула.

Вашите подочници се суви

Како да се негувате? Кожната бариера околу очите е супер тенка, што значи влагата може лесно да избега. Кремот за околу очи што се базира на керамиди, ќе ви помогне да ја изградите заштитната бариера, одржувајќи ја кожата хидратирана.

Како да се нашминкате? Кремастите коректор формули ќе ви обезбедат покривност без суви траги. Барајте коректор со исклучиво мека текстура и дополнително збогатена со anti-age состојки како витамин А, или витамин Е кои се борат со слободните радикали и ја одржуваат виталноста на регијата.

The post Трикови за камуфлирање на подочниците appeared first on Аптеки PlusPharma.

Оваа техника е наменета за жените кои се шминкаат традиционално со малку коректор, пудра, еден слој маскара и руменило. Вашите производи се сосем доволни, грешите само што не ја сенчите пудрата што можеби ја нанесовте со прсти. Дали знаете дека ви треба само една четка за да му дадете нова димензија на вашиот изглед?

Пудрата го изедначува тенот, но сенчењето на пудрата ги истакнува цртите на лицето, му дава длабочина и топлина на тенот и ги враќа јаболкцата.

ТЕХНИКАТА

Каде треба да сенчам? Застанете право пред огледало и истакнете ги усните како да треба да бакнете некого. Почнете од дното на ушите и сенчете сѐ до аглите на усните, движејќи ја четката напред-назад. Поминете со четката директно врз образите, поминете ги слепоочниците, мостот на носот и страниците на челото. Читајте внимателно! За солариум ефект, сосем малку нанесете мат бронзер од средината на јаболкцата па преку мостот на носот, бидејќи таа регија е прва на удар на сончевите зраци. Она што останало на четката нанесете го на клучната коска и вратот за кожата на овој дел да не двои од кожата на лицето.

Како да изберам нијанса? Дефинирајте го природниот тен на кожата, потоа изберете пудра за една нијанса потемна, во летниот период може и потемна. Секогаш тестирајте ги нијансите на дневна светлина за да бидете прецизни.

Завршете со… малку руменило. Нанесете го врз јаболкцата на образите за да ги осветлите и да направите контраст. Да расчистиме, сенчењето се изведува врз вдлабнатините на образите за тие да се истакнат. Руменилото е повеќе прашање на избор, дали ќе го нанесете или не, но секако се нанесува повисоко на лицето.

Што е дозволено, а што не е?

1. Сенчете со мат текстури, никако во прав, бидејќи тешко ќе постигнете изедначеност.

2. Чукнете ја четката за да отпаднат вишоците пред да ја нанесете пудрата.

3. Нанесете сосем малку коректор на највисоката точка на јаболкцата – илузија на светлина и свежина.

4. Не сенчете ги само образите, така нема да изгледате природно.

5. Не користете голема, бујна четка, ќе бидете помалку прецизни.

6. Не користете сивкави тонови, го одземаат сјајот на кожата.

7. И, запомнете, неопходно е да мешате (кружни движења со четката), бидејќи сѐ треба да биде стопено во едно.

The post За пудра потребна е четка! appeared first on Аптеки PlusPharma.

Експертите веруваат дека вклучувањето на омега-3 масните киселини во храната ги спречуваат сушењето и егземата кои се својствени за зимскиот период, благодарение на студот надвор и топлината внатре. Јадете повеќе риба во масло, јатки и семиња, а може и некој суплемент доколку развиете егзема. Една студија откри дека луѓето кои пиеле суплемент – еквивалент на 1.8 г ЕПА (тип на омега-3) имале подобрување за 12 недели, благодарение на антивоспалителното дејство на маслата.

Херпес на усните

Предизвикан од херпес симплекс вирусот, херпесот истовремено е знак дека сте под стрес. Храната богата со аминокиселината аргинин, јатки, чоколада, зрнеста храна, може да поттикнеат размножување на вирусот затоа одбегнувајте ги. Обидете се да консумирате повеќе лизин, аминокиселина што го спречува развојот на вирусот, а ја има во пилешкото месо, сојата, сирењето – особено пармезан, и во говедското месо.

The post Зимска грижа appeared first on Аптеки PlusPharma.

Истакнете ги веѓите

Големите очила може да ги скријат веѓите. За да ги истакнете обојте ги со молив за веѓи. Ако не растат, а по природа се тенки, во комбинација со моливот користете кафена сенка за очи. Така ќе бидете попрецизни и ќе добиете максимално природен ефект.

Користете мат-пудра

Спречете рамките да се лизгаат на носот така што ќе нанесете пудра што ја апсорбира маснотијата од лицето. Мат-пудрата се фиксира, но истовремено ќе ве одржи свежи преку целиот ден.

Маскирајте ги подочниците

Квалитетниот коректор ќе ги избрише темните сенки под очите кои диоптерот и онака ги зголемува.

Не прескокнувајте ја маскарата

Виткајте ги трепките за да не се удираат во стаклата. Користете формула што ги фиксира трепките и ги заклучува аглите.

The post Мејкап техники за девојки со очила appeared first on Аптеки PlusPharma.

Жените најчесто ги одбегнуваат производите на база на масло, бидејќи погрешно веруваат дека истите ќе им донесат поголем број компликации отколку бенефиции. Дилемите одат дотаму што повеќето од нас веруваат дека маслените производи се исклучиво наменети за оние со сува кожа. Но, маслата се интелигентни производи кои ја обезбедуваат кожата со активни состојки и креираат ефективна бариера од штетните надворешни влијанија.

Ако имате… СТРИИ

Користете: Арганово масло – содржи омега-6 незаситени масни киселини кои делуваат регенеративно на надворешните слоеви на кожата, спречувајќи ја нејзината дехидрација и губењето на еластичноста. Природниот витамин Е пројавува извонредна ефикасност во борбата со слободните радикали и превенира формирање стрии. Содржината на одредени фистостероли, исклучиво присутни во аргановото масло, ја гарантираат сјајноста и компактноста на кожата.

Избегнувајте: Масло од авокадо, бидејќи кожата тешко го поднесува, едвај се апсорбира и реално може да ги затвори порите и да оневозможи кожата да дише.

*Знајте го и ова: Аргановото масло е одлично за жените кои имаат масна кожа или кожа склона на акни – не му тежи на лицето, а го обезбедува со вода. Маслото од чајно дрво делува антибактериски и ги смирува активните лојни жлезди.

Ако имате… БРЧКИ

Користете: Барајте масла во чија формула доминираат моќни антиоксиданти или состојки против стареење како витамин А.

Избегнувајте: Кокосово масло. Не дека ќе предизвика штета, но премногу е тенко за да ја подобри текстурата на линиите и брчките.

Ако имате… ЧУВСТВИТЕЛНА КОЖА

Користете: Маслото во кое има инјектирано состојки за измазнување е како аспирин за кожата – тоа може да го стопира кругот на иритација. А опции има многу: пачули, камилица, лаванда, роза и сандалово дрво. Маслата што содржат есенцијални масни киселини, како масло од чиа семе, се исто така добра опција.

Избегнувајте: Рицинусово масло, бидејќи има тенденција да биде остро, а тоа е доволно за да се интензивира иритацијата и црвенилото кај чувствителната кожа.

Ако имате… УМОРНА КОЖА

Користете: За нерамномерниот тен и темните кругови околу очите најдобро решение се маслата на база на лимон или грејпфрут. Тие содржат природна форма на витамин Ц кој ја избелува кожата. Маслата споменати во делот кај чувствителна кожа се подеднакво ефикасни за темните дамки.

Избегнувајте: Масла со цимет, кинески цимет, пеперминт и каранфилче. Сите овие можат да ја иритираат кожата, а тоа ќе ја вложи состојбата со пигментацијата и видливите капилари.

Масло за коса

Кај штотуку измиената коса, маслото функционира како длабински регенератор. Држете се до козметичките формули (маслата за јадење не се рафинирани и содржат седименти што се тешки за косата, а лицето да не го ни споменуваме) и нанесете неколку капки од коренот кон врвовите. Ако имате кадрици, побарајте масло од јасмин. Маслото од семки од грозје е одлично за нормална коса. За тенка и кршлива коса повторно на сцена настапува аргановото масло во комбинација со сончогледово.

The post Улогата на маслата во негата appeared first on Аптеки PlusPharma.

Грижата за кожата на телото се состои од два дела: надворешна грижа, а тука мислиме на соодветните козметички производи и внатрешна грижа или храната што ја консумираме и што може да ни помогне да го оствариме зацртаниот изглед. Кога овие две ќе ги практикувате во комбинација, тогаш несомнено ќе стасате до мазна, сјајна и нежна кожа.

БОРОВИНКИ

Боровинките се извор на витамините Ц и Е. Содржат значително количество антиоксиданти, најдобрите сојузници на кожата против слободните радикали кои ја стареат кожата.

КАЛИНКА

Познато е дека сокот од калинка ги зајакнува ѕидовите и на најситните крвни садови што се одговорни за снабдувањето на кожата со неопходните хранливи материи. Кога крвните садови непречно ја снабдуваат кожата со она што ѝ е потребно, таа видливо ќе се обнови.

АВОКАДО

Авокадото важи за најбогатиот извор на витамин Е, калиум и есенцијални масни киселини што ретко се среќаваат. Ова дело на природата е задолжителна состојка во козметичките производи поради благопријатното влијание на маслото што го содржи. Кожата лесно го апсорбира и за кусо време станува глатка, мека и хидрирана.

ЦРЕШИ

Црешите се најдобриот природен лек против стареење. Изобилуваат со антиоксиданти и го поттикнуваат лачењето на колагенот, со тоа ги подмладуваат клетките на кожата и го забавуваат создавањето фини линии и брчки.

ЗЕЛЕН ЧАЈ

Витамин Ц, Д и К; минерали како цинк и железо, ова е само дел од составот на зелениот чај што треба да ве поттикне да го консумирате. Жените особено го обожаваат поради неговите антиинфламаторни својства, па акните и останатите кожни заболувања ќе станат ретки, а црвенило воопшто нема ни да имате.

ЦРНА ЧОКОЛАДА

Црната чоколада содржи флавоноиди, антиоксиданти што ја измазнуваат кожата и ја штитат од сонцето. 326 милиграми – тоа е исто колку една шолја какао – е доволно за да ги задоволите дневните потреби.

РИБА ВО МАСЛО

Лосос, туна и другите маслени риби ги чистат порите делувајќи како одличен ексфолијант. Митесерите ќе станат минато благодарение на омега-3 масните киселини што ги има во рибата, а кои телото не ги создава.

КИВИ

Жените кои редовно јадат киви имаат помалку брчки и речиси и да немаат темни подочници. Ова зелено овошје содржи карбонски состојки што спречуваат какви било кожни иритации.

АСПАРАГУС

Доволно е само еднаш во неделата да го консумирате и ќе можете да се збогувате со сувата безживотна кожа и ПМС акните. Содржи витамин Б кој ја задржува влагата во кожата.

СЕМКИ ОД ТИКВА

Богати се со цинк, минерал кој помага да се обноват оштетените клетки. Додајте една рака семки од тиква на менито и кожата ќе блесне за помалку од месец дена.

ОВЕСНИ СНЕГУЛКИ

Освен што се богати со витамин Б, овесните снегулки се одлична состојка за да подготвите маска за ексфолијација. Потопете го овесот во топла вода, нанесете го на лицето околу 10-тина минути и исплакнете.

СПАНАЌ

Спанаќот одлично се справува со евентуалните егземи и осипи на лицето, благодарение на високиот процент на витамин Ц.

ПРОСО

Јаглехидратите се добри за стомакот, но одлични за кожата. Во минатото просото важело за најдобрата маска за чистење на порите, денес е доволно да го консумирате за да ја подмладите кожата во рекордно време.

ЈАГОДИ

Можеби не сте чуле до сега, но јагодите содржат полезна овошна киселина која ги штити клетките од опасните UV зраци.

ЈАЈЦА

Скоро во секоја домашна маска за лице присутно е јајцето, особено белката од причина што влијае на стеснување на порите, го намалува отокот кај уморните очи и ја измазнува иритираната кожа.

БРАЗИЛСКИ ОРЕВИ

Богати со селен, минерал кој ги лекува акните и другите кожни иритации. Познато е дека ја подобруваат еластичноста на кожата и спречуваат кршење на природниот колаген.

БАДЕМИ

Изобилуваат со витамин Е, најдобриот природен UV заштитник. Витаминот Е делува како антиоксидант кој ја штити клетката од УВ зраците и другите надворешни фактори кои генерираат оштетување преку создавање слободни радикали.

ДОМАТИ

Ликопенот, состојката што ги прави доматите црвени, ја ослободува кожата од слободните радикали што ја стареат кожата, а кои настанале под дејство на УВ зраците. Телото побрзо и повеќе ликопен апсорбира доколку доматите се загреани.

СЛАТКИ КОМПИРИ

Богати со витамин Ц кој ги измазнува брчките и поттикнува продукција на колаген. Редовното консумирање го забавува појавување на брчките и старечките флеки за 11%.

Најевтин начин за ексфолијација

Вистинска хигиена на телото не се постигнува мазнејќи се со раце. Затоа, ви препорачуваме да набавите мека четка за триење – не само што ја подобрува циркулацијата, туку ја затегнува и измазнува кожата отсранувајќи ги непотребните мртви клетки од површината.

Најевтин третман против целулит

Клучот за намалениот целулит лежи во масажата. Ако редовно се масирате (најзгодно е додека сте под туш), несомнено ќе забележите резултати. Ако ништо друго ќе го забавите понатамошното создавање масни наслаги, бидејќи кожата ќе стане поеластична. Одлично време за почеток е додека немате видливи надворешни траги од целулит.

The post Што нуди природата за кожата? appeared first on Аптеки PlusPharma.

Луѓето со пеги всушност имаат повеќе активен меланин во клетките на кожата, благодарение на родителите. Пегите се генетски наследни, но не се јавуваат од раѓање. Не постои бебе со пеги. Обично стануваат видливи во 2-рата година, а своето деби го имаат во 7-8-та година од животот. Бидејќи се појавуваат и се размножуваат под влијание на сонцето, порано беа доживувани како сончеви штети. Но, пеги имаат и најодговорните во однос на сонцето. Пегавото лице е всушност тип на кожа за која е неопходна посебна, но многу едноставна нега.

СПФ фактор – Пегите се неодоливи, но сончевите дамки не се! Здравите пеги се разликуваат од сончевите дамки по тоа што потемнуваат во лето, а се бледи во зима. Сончевите дамки се поголеми (ако пегите се точка нацртана со молив, сончевите дамки се гумичката за бришење на моливот), имаат јасно дефинирани граници и потемна боја која не се менува. Но, ако пегите многу се намножат и потемнат, тоа е знак дека сте претерале под сонцето. Имајте на ум дека луѓето со бел тен и пеги имаат поголем ризик да заболат од рак на кожа во однос на луѓето со ист тен, но без пеги. Пегавото лице има потреба од УВА/УВБСПФ 30 во текот на целата година. Факторот може да биде и повисок во летниот период и истиот се обновува на секои 90 минути, на плажа и почесто.

Ладење на лицето – За да го задржите здравиот и дефиниран изглед на пегите, неопходно е да спречите создавање нови. Пегите не настануваат само под дејство на сонцето туку и под дејство на топлина. Кога кожата е изложена на топлина од сонце, сауна, солариум, меланинот се активира резултирајќи со потемни и побројни пеги. Топлината е далеку поголем виновник за дисколорациите на кожата. За да не го прегреете лицето, а со тоа да го разбудите пигментот во клетките, повремено плакнете го лицето, ладете го со коцка лед, нанесете маска или спреј за разладување.

Витамин Ц – Ако треба да инвестирате во некоја состојка, нека биде тоа витаминот Ц. Добро формулираниот серум со витамин Ц ќе ви помогне да го сузбиете меланинот во клетките и на тој начин да одржите стабилна бројка на пеги. Антиоксидантите се клучни за пегавата кожа и треба да се нанесуваат секој ден, а во летните месеци и два пати дневно. Побарајте состојки како Л-аскорбинска киселина и етрахексилдецил аскорбат, двете се ефикасни форми на витамин Ц, кои комбинирани со СПФ, нудат двојна заштита од сонце.

Нежен пилинг – За да ја држите под контрола дисколорацијата, неопходно е да го ексфолирате лицето редовно. Мртвите клетки на површината на кожата складираат поголем дел од вишокот пигмент кој се наоѓа во клетките. Но, бидете внимателни, агресивниот пилинг на киселинска база, употребата на алатки како четки или ролер за лице со иглички, а најмногу салонскиот хемиски пилинг, ја прават кожата почувствителна на сонце. Побарајте нежен пилинг на база на овес, ориз, пченка.

The post Нега за пегаво лице – 4 чекори до здрави и слатки пеги appeared first on Аптеки PlusPharma.

Не постои начин порите да исчезнат, со нив сте заглавени доживотно, но можете да ги намалите во обем. Во просек, возрасниот човек има околу 20.000 пори на лицето кои служат како излезен канал за потта и вишокот себум. Генетиката, типот на кожа, изложувањето на сонце, се само дел од факторите кои влијаат на нивната големина. Колку се подлабоки, толку повеќе се полнат со бактерии, ѓубре и останати нечистотии зголемувајќи го ризикот од воспаленија на кожата. Па, како да ги смалите? Прво, чистете го лицето со маслен производ. Маслото привлекува масло, па себумот, кремот за сончање, пудрата и останатите нечистотии на лицето, полесно се разложуваат со чистач базиран на масло отколку на вода. Второ, ексфолирајте го лицето 1-2 пати неделно, бидејќи мртвите клетки можат да се заглават во тие мали дупчиња и да предизвикаат акни. Обидете се со салицилна киселина, бидејќи пенетрира длабоко во порите. Отстранувајќи ги грубите мртви клетки, кожата инстантно станува мазна. Пилингот на долг рок спречува продукција на масло меѓу густо населените пори. Постојат и производи за брза камуфлажа кои се нанесуваат под мејкапот како база и кои големите пори ги прават невидливи. Употребатс на СПФ важи и за порите, бидејќи УВ зраците можат да ја оштетат структурната поддршка околу аглите на секоја пора и во краен случај да ја растегнат.

The post Патот до потесни пори appeared first on Аптеки PlusPharma.

Керамиди+ Пребиотици

Ако керамидите се ѕвездените состојки во кремите, тогаш пребиотиците би ги нарекле тим за поддршка. А што би можела една ѕвезда без својот тим? Керамидите, како природни липиди, ја поткрепуваат кожната бариера (не дозволуваат слободните радикали да продрат во дермисот; ја задржуваат влагата во кожата). Но, нивната заштитна задача е олеснета кога зад себе ги имаат пребиотиците. Пребиотиците се нанесуваат локално и истите служат како храна за добрите бактерии. Хранејќи ги добрите, пребитоиците индиректно влијаат да се намалат лошите бактерии, а со тоа придонесуваат до посолидна бариера. Бидејќи лошите бактерии ги проголтуваат керамидите, тука се пребиотиците да го исчистат теренот за керамидите да можат слободно да делуваат.

Салицилна киселна + Масло од моринга

Ниту една борба со акните не стартува без салицилна киселина, но за победа неопходно е маслото од моринга. Иако зборуваме за масло, истото има лесна текстура и не му тежи на лицето, а делува антивоспалително и антимикробно. Маслото од моринга нема капацитет да ги замени стандардните третмани против акни, затоа салицилната киселина не е под закана, но одлично ги надополнува истите. Мијте го лицето со салицилна киселина – таа ќе ја ексфолира кожата, ќе ги одзатне порите и на тој начин ќе создаде совршена подлога за морингата да пенетрира длабоко во кожата. Морингата пак, ќе го смири црвенилото и ќе ги уништи бактериите благодарение на нејзините сулфурни и цинкови особини. Нанесете неколку капки масло од моринга пред да нанесете хидратантен крем и СПФ.

СЕКОГАШ И СЕКАДЕ

Канабидол

Козметичката индустрија е решена да го вклучи канабисот на листатаактивни состојки. Кремите создадени од коноп – модифицирана верзија на марихуана со отстранет THC, легален во 50 земји – според многу дерматолози вреди да стане дел од секојдневниот ритуал за нега. Активната состојка во овие креми е всушност канабидолот,компонента на марихуаната која влијае на кожните рецептори одговорни за сензорните искуства. Канабидолот е одговорен за она чувство на нежност и мекост што настапува кратко по аплицирањето на кремот. Неговата вредност нема цена, особено за оние кои страдаа од болни кожни проблеми како егзема и псоријаза, па дури и обична иритација.

Хијалуронска киселина

Речиси и да не постои крем на пазарот кој во својот состав нема хијалуронска киселина. Толку е посакувана, што во денешно време се инјектира во облик на филер кој има за цел да го зголеми волуменот на јаболкцата, усните или виснатите кесички под очите. Сепак, нејзината примарна цел е да обезбеди целосна хидратација за лицето, а тоа го прави во мега размери. Хијалуронската киселина не е само една од многуте состојки во кремите, таа го зазема централното место и во серумите. Имено, во нив се инјектира коктел од хијалуронска киселина со повеќе молекуларни тежини, за која научниците тврдат дека го поттикнува природното создавање хијалуронска киселина. На овој начин, кожата е хидратирана (и благо пополнета) однатре, а не само на површината. Бидејќи природниот процес на создавање хијалуронска киселина забавува после 20-тите, набавете си крем со време.

The post Најпосакуваните активни состојки appeared first on Аптеки PlusPharma.