Fajtorët kryesor

Faktorët kryesor të cilët kanë të bëjnë me definimin e ndjenjës së lumturisë janë hormonet (neurotransmetuesit) e trupit tonë serotonini dhe dopamini. Ekzistojnë dy lloje të lumturisë dhe atë e qetë dhe e ndritshme që na jep ndjenjën konstante dhe të barazpeshuar të lumturisë dhe gëzimit, dhe lumturua e vrullshme e cila manifestohet me kënaqësi të pafund dhe eufori.Për tipin e parë të lumturisë përgjegjëse është serotonini, kurse për tipin e dytë është dopamini.

Çka është serotonini dhe ku gjendet?

Serotonini është neurotransmetues, element në tru i cili ndihmon për bartjen e sinjaleve  mes pjesëve të ndryshme të trurit. Në njeri mesatar i rritur ka mes 5-10 miligram serotonin në trup. Në hormon shëndrohet atëherë kur hyn në gjak

Edhepse prodhohet në tru, me të cilat kanë të bëjnë funksionet primare, pothuaj 90% e rezervave të serotoninit janë në traktin digjestiv dhe në pllakëzat e gjakut.

Sa i përket definicionit të neurotransmetuesve, seroitonini ndihmon me bartjen e të dhënave mes pjesëve të trurit. Mendohet se ndikon shumë psikologjikisht edhe në funksionet tjera të trurit. Ndikimi mbi qelizat e trurit ka të bëj me humorin, me dëshirën seksuale, me oreksin, me ëndërat, me kujdesën, me aftësinë për të mësuar dhe me disa sjellje sociale.

Kur e kemi fjalën për funksionet tona trupore, serotonini ndikon funksionimin e zemrës, të muskujve dhe të elementeve të ndryshme të sistemit endokrin. Shkenctarët kanë zbuluar se serotonini luan një rol edhe në prodhimin e qumështit te gratë që ushqejnë foshnjët e tyre me gji.

Mungesa e serotoninit

Nëse në tru mungojnë serotonini, simptomet janë:humori i keq, ankthi i rritur, lodhja, depresioni duke prëfshirë edhe edhe tipet më të rënda.

Simptomet e mbetura të mungesës së serotoninit janë:

• • tërbimi
• • ndjenja e pazakontë e dhimbjes
• • uri për karbohidrate dhe sëtrngopje obsesive
• • kapsllëku
• • dëmtimi digjestiv
• • ndjenja e stërngarkesës
• • pagjumësia
• • vetërespetk i ulët
• • migrena
• • funksione të reduktuar kognetive
• • lëvrija e veshëve

A mund të ndikojmë në lumturinë tonë?

Ndryshimi i shprehive jetësore, si dhe i shprehive për ushqim mund të ndikojnë shumë në rregullimin dhe rritjen e koncentrimeve të ‘hormonit të lumturisë’.

Mënyra më e thjeshtë dhe e disponueshme është të kalojmë aq kohë sa mundemi në dritë, nën rrezet e shkëlqyeshme të diellit ose rekomandohet ndirçimi më i mirë i shtëpisë.

Mënyra e dytë është të kujdesemi për trupin.Kurrizi i përulur dhe mos mbatja e trupit drejtë e redukton nivelin e serotoninit dhe me këtë paraqitet edhe ndjenja e turpit dhe te disa individë madje edhe ndjenja e fajit. Mbatja e drejtë e trupit e rrit nivelin e serotoninit, e rrit vetbesimin dhe humorin.

Lumturia është edhe në ushqim

Një mënyrë tjetër e rritjes së nivelit të serotonoinit në ushqim është të përdoren ato ushqime që e rrisin serotoninin. Me rëndësi është të theksojmë se serotonini si i tillë nuk në produkte. Produktet pprmbajnë triptofan të amino acideve nga të cilët organizmi më vonë prodhon serotonin.

Mbajtësi më i madh i triptofanit është dajthi i fortë. Sasi pak më të vogël të triptofanit përmban djathi i bitë, pastaj mishi pa yndyrë, vezët, thjerrzat, ananasi, djathi tofu, salmoni (dhe të peshqit), bajamet, lajthit, arrat, frutat e detit, bizelja, etj. Poashtu sasi të madhe të triprofanit mund të gjendet te kërpudhat, fasulja, djathi, drithra dhe hejda.

Niceli i ulët i serotoninit në organizëm mund të plotësohet edhe me ushqim me vitamina të grupit B kolpeks. Ata gjenden në mëlçin e zezë, hejdë, tërshërë, fasilja dhe në sallatën e gjelbërt. Edhe produktet që përmbajnë magnez siç është orizi, kumbullat e thata, kajsiat e thata,krundet e tërshërës, algat janë të mirë për humor

Që të rritet niveli i serotoninit konsumoni banane, pjepër, fik, kunguj, portokalla.

Përveç ushqimi të duhur ekzistojnë edhe burime tjera të serotoninit.

Për rritjen e serotoninit ndihmon edhe aktiviteti fizik. Ndani së paku 20 minuta në ditë që të merren me ndonjë sport (vrapim, notim, vallëzim, etj.) dhe së shpejti do të ndjeni rritjen e humorit dhe do të ndjeheni shumë më mirë.Nëse nuk mund të merreni me sport, atëherë ecni.

Aktiviteti fizik plotësohet edhe me gjumë të mirë. Ajëri i pastër (dhe sërish e potencojmë edhe dielli) poashtu ndihmojnë në rritjen e nivelit të seortoninit. Komunikoni më shpesh me miq dhe me njerëz që janë të sjellshëm me ju, bëni punën që e doni ose hobin, dëgjoni muzikën tuaj të preferuar, ofroni vetvetes momente të mira dhe kjo me siguri do të sjell edhe rezultate.

The post SEROTORNINI hormoni i lumturisë appeared first on Аптеки PlusPharma.

 Harxhojeni lumturinë tuaj

Nëse i pyesim njerëzit se çfarë do të bënin me një shumë të madhe parash të fituara, shumica do të përgjigjen se do të shkonin në një destinacion ekzotik ose do të blinin këpucë të shtrenjta – për shumicën, zgjedhja do të ishte diçka e materiale. Por të mirat materiale sjellin lumturi afatshkurtër, për një jetë të lumtur afatgjatë, për shembull, nevojitet më shumë kohë për veten.

Koha
Paguani dikujt të bëjë punën që ju urreni dhe shfrytëzoni kohën që ju ka mbetur për t’u ulur me miqtë ose për të lexuar një libër. Të gjithë duam më shumë kohë dhe më shumë para, dhe një nga mjeshtrit për lumturi qëndron në ekuilibrin e duhur të këtyre dyve. Cili nga ne do të paguante fëmijën e një fqiju që të kosit barin? Askush, sepse jemi të bindur që kjo ndodh vetëm në film. Nga ana tjetër, ne e shoqërojmë lumturinë me arritjen e qëllimeve dhe detyrimeve, edhe pse që lumturia të ndodhë, nevojitet t’i anashkalojmë disa detyrime nga jeta jonë.

Përvoja
Karriera jonë është bërë simboli i statusit përfundimtar – ne punojmë sa më shumë të jetë e mundur dhe sa më gjatë të jetë e mundur, duke synuar atë periudhën e papërcaktuar të cilën shpresojmë se do të shijojmë, udhëtojmë ose përfundimisht do t’i kushtohemi hobi tonë. Ne i perceptojmë paratë si një burim kufizues, ndërsa kohën si të jo kufizues, kur në fakt është e kundërta. Por truri i njeriut është i kurdisur të mendojë për të ardhmen, kështu që mos e gjykoni veten për vështirësinë e të jetuarit në të tashmen. Vazhdoni të planifikoni dhe ëndërroni, por nëse ai udhëtim në Paris kërkon ende shumë vite, të paktën shkoni për një provë verë franceze.

TË TJERËT
Për të qenë të lumtur, bëni dikë të lumtur – tingëllon e njohur, apo jo? Shpenzimi i parave për të tjerët sjell gëzim të madh, thotë Elizabet Dun, profesoresh e psikologjisë në Universitetin e Kolumbisë Britanike dhe bashkë-autore e “Happy Money”: The Science of Happier Spending. Ideja nuk është të ofrojmë para, por të ofroni kënaqësi përmes një dhurate ose një gjesti të papritur. Për shembull, paguani një masazh për ju dhe atë që keni zgjedhur të lumturoheni dhe të shkoni së bashku.

Kënaqësitë e vogla të tilla si çiklizmi ose fillimi i një hobi të ri sjellin një dozë më të madhe lumturie sesa të rindërtimi me diçka materiale.

Mendoni nëpër prizmin e lumturisë

Lumturia varet nga ne dhe çfarë do të përdorim/bëjmë në kushtet e dhëna. Nuk është e thjeshtë të ndryshosh mënyrën si mendon, por sigurisht që këto dy zakone do të shpejtonin procesin e shikimit përmes syzeve rozë.

VLERËSONI STATUSIN (MOMENTAL)
“Njerëzit supozojnë se do të jenë të lumtur pasi të arrijnë një nivel të caktuar – financiarisht, kreativ, romantik,” thotë Laurie Santos, një profesoresh e psikologjisë në Universitetin Jell. Problemi është se pika e fillimit ndryshon. Do të merrni një rritje të pagave dhe për pak kohë do të filloni të mendoni për rritjen tjetër. “Njerëzit mendojnë mrapsht,” thotë Santos. Lumturia sjell sukses, jo anasjelltas. Ndryshoni shabllonin duke shprehur me zë gjithçka për të cilën jeni mirënjohës.

BËHUNI REAL
Dëshironi të ishit të lumtur 24/7? Tani është e qartë pse po dështoni. Emocionet e këqija janë një pjesë integrale e jetës, nëse i pranoni ato si normale, do t’i tejkaloni ato më lehtë. Në të njëjtën kohë, ju do të zhvilloni një imazh lehtësisht të arritshëm të lumturisë.

 Kultivoni lumturinë

Supozoni se doni të shkoni në klasa vallëzimi, por nëse shkoni 5 ditë në javë gjatë gjithë vitit, me siguri do të mërziteni. Njerëzit ndryshojnë, dhe bashkë me to ndryshojnë edhe aktivitetet që i lumturuan ata, thotë profesoresha e psikologjisë Sonja Liubomirski, e cila është gjithashtu autore e “The Myths of Happiness”. Për të mos rënë në apati, ndiqni planin e saj me 3 hapa:

NDRYSHIME
Njerëzit përshtaten shpejt me kushtet e vazhdueshme dhe të pandryshueshme, kështu që përfshini inovacione në rutinën tuaj aktuale për të rritur angazhimin. Nëse ju pëlqen të gatuani, në vend të ëmbëlsirave standarde, përgatitni një recetë moderne si buka e bananës.

SURPRIZA
A ka një kohë më të mirë për të ndryshuar planet tuaja sesa minuta e fundit? Spontaniteti është mjeti më efektiv në arsenalin e lumturisë, thonë kërkimet. Ne nuk po themi për të ndryshuar planet e mëdha që ndoshta do të shkatërrojnë ditën e dikujt, por gjëra të vogla – dilni në darkë me të dashurit edhe pse keni bërë kokoshka për të parë një film.

KËNAQUNI TANI
Mësoni të thithni momentet, madje edhe ato të parëndësishme në dukje. Ndërsa shëtisni qenin, vini re ngjyrat e natyrës, erën që përkëdhel lëkurën tuaj. Nëse kjo tingëllon si shaka edhe si detyrim, mos e humbni shpresën – kur e shohim lumturinë si një qëllim që kërkon punë të vështirë dhe kujdes, do të thotë që i japim kuptim. Në kthim, lumturia do të na e vërshojë jetën tonë.

LUMTURI NË MES TË SHOQËRISË SË MIRË

Për fat të mirë, asnjë nga praktikat e mësipërme nuk përfshin miqësi (shoqëri), por kurdo që të jetë e mundur, përfshini dikë pasi efektet do të jenë më të mëdha. Lidhja sociale është një lidhje kryesore për lumturinë, sepse njeriut i duhen marrëdhënie dhe lidhje të thella dhe kuptimplota. Për të përmirësuar plotësisht ekzistencën tuaj, është e nevojshme të lidheni me të panjohur, thotë profesoresha e psikologjisë, Laurie Santos. Vullnetare në një organizatë për të takuar njerëz të rinj ose herë pas here të përdorin transportin publik në vend makinës. Por mos harroni të bisedoni me personin pranë jush, e jo të zhytemi në ekranin e celularit tuaj.

The post Shumë nevojitet për lumturi appeared first on Аптеки PlusPharma.

Larg nga sapuni i fortë
Zëvendësoni sapunin e fortë me një sapun të lëngshëm antibakterial, hidratues, veçanërisht nëse vuani nga ekzema ose dermatiti. Në këtë mënyrë, ju do të shkatërroni njëkohësisht bakteret dhe do të siguroheni që lëkura të mbetet e butë dhe e ynydrshme. Po aq alternativa të mira janë sapunët që përmbajnë përbërës të tillë si gjalpë shea, aloe vera, glicerinë dhe lanolinë. Nëse sapuni i lëngshëm nuk ju jep një efekt të pastër, atëherë të paktën blini sapunë të butë me krem.

Krem duarsh domosdishmërisht
Bëni shprehi që pas larjes ose dezinfektimit me xhel, të aplikoni krem dore në një shtresë më të trashë. Locionet nuk janë opsion për shkak të sasisë së madhe të ujit në përbërje, dhe meqenëse uji vepron si një magnet dhe tërheq ujin që është në shtresat e thella të lëkurës, është logjike që locioni të mos veprojë si bllokues. Kështu që kur përdorni locionin, uji shpëton lehtësisht në sipërfaqen e lëkurës nga ku avullon, duke shkaktuar thatësi shtesë.

Vishni doreza nga 2 deri në 3 orë
Dorezat janë veçanërisht të dëshirueshme kur pastroni shtëpinë, pasi kjo do të shpëtojë lëkurën nga kimikatet agresive të pranishme në mjetet e pastrimit. Por mbani në mend se veshja e dorezave të gomës për një periudhë shumë të gjatë do të përkeqësojë gjendjen e lëkurës. Në pamundësi për të marrë frymë, lëkura do të djersitet dhe djersa do të theksojë acarimin.

Thani duart tërësisht
Fshirja jo e duhur e duarve përshpejton tharjen e lëkurës, sepse gjatë procesit të avullimit të ujit, vajrat natyralë harxhohen. Tharja e plotë është gjithashtu thelbësore për të parandaluar transferimin e baktereve dhe viruseve, pasi pëllëmbët e lagështa rrisin një rrezik të tillë. Mjetet më të sigurta për të fshirë duart janë shamitë e letrës për një përdorim. Në shtëpi mund të mbështeteni tek peshqirët e pambukut që do t’i ndryshoni brenda 3 ditësh dhe do të përdoren ekskluzivisht nga ju. Lani duart tuaja me ujë të vakët, pasi me ujë të ftohtë dhe të nxehtë rrezikoni t’i stërthani. Ngrohni pak vaj ulliri, jo direkt në zjarr, por në një tas që do ta vendosni në ujë të nxehtë. Masazhoni pëllëmbët me vaj të vakët.

Pëllëmbë të buta për një natë: Para se të shkoni në shtrat, aplikoni një shtresë më të trashë vazeline dhe mbështillni pëllëmbët me foli najloni, pastaj vishni doreza të leshta.

Maska natyrale: Përzieni pak tërshërë me qumësht të ngrohtë dhe shtoni vaj ulliri, përhapni përzierjen(brumin) në pëllëmbë, vendosni doreza gome dhe lërini përbërësit të veprojnë për 20 minuta.

The post Mirupafshim duar të thata appeared first on Аптеки PlusPharma.

Edhe nëse thuhet se kanceri i lëkurës është një nga format më të zakonshme të kancerit, ai nënvlerësohet, sepse çdo vit numri i të sëmurëve është aq i madh sa numri i përgjithshëm të sëmurëve nga kanceri i gjirit, prostatës, bajameve dhe kanceri në zorrën e trashë. Më shumë se 5.4 milion raste përfshijnë vetëm melanomën ose formën më vdekjeprurëse të kancerit të lëkurës. Rreziku nga melanoma është më i lartë te njerëzit me moshë mbi 40 vjeç, veçanërisht te gratë. Për shkak se zbulimi i hershëm mund të shpëtojë jetën tuaj, përpiquni të mësoni gjithçka që duhet të dihet në lidhje me sëmundjen.

SI FOMROHET?

Melanoma zhvillohet në qelizat (melanocitet) që prodhojnë melaninë – një pigment që përcakton ngjyrën e lëkurës. Melanoma mund të ndodhë edhe në sy, dhe më rrallë brenda trupit – në hundë ose fyt.Shkaku i saktë i melanomës nuk është përcaktuar saktësisht, por ekspozimi ndaj rrezeve ultravjollcë (UV) nga dielli ose solariumi rrit rrezikun. Me ekspozim të kufizuar ndaj rrezatimit UV padyshim që do ta zvogëloni atë rrezik! Normalisht, qelizat e lëkurës formohen gjatë një procedure të kontrolluar dhe të rregullt – qelizat e reja, të shëndetshme shtyjnë ato të vjetra në sipërfaqen e lëkurës, dhe ata vdesin atje dhe herët a vonë bien. Sidoqoftë, nëse disa qeliza zhvillojnë dëmtimin e ADN-së, qelizat e reja shumohen në mënyrë të pakontrollueshme dhe përfundimisht formojnë një masë të mostrave kanceroze. Çfarë nuk është e qartë është ajo që shkakton dëmtimin e ADN-së në qeliza dhe si çon në melanoma? Prandaj, shkaku nuk është një por një kombinim i faktorëve, përfshirë mjedisin dhe gjenetikën.

SIMPTOMAT

Melanoma mund të ndodhë kudo në trup. Zonat më të ekspozuara ndaj diellit, siç janë shpina, krahët, këmbët dhe fytyra, janë më së shpeshti të prekur. Por kjo nuk do të thotë që ato rajone që kanë kontakt minimal me diellin janë imunë, ka raste të melanomës në pjesën e brendshme të këmbës dhe duarve ose nën thonjtë. Këto melanoma të fshehura janë më të zakonshme tek njerëzit me lëkurë të errët.

2 ndryshime kyçe

• Ndryshimi i nevusit ekzistues (nishan)
• Praqitja e një rritje të re lëkurës së pigmentuar ose të pazakontë

1 fakt kyç

Melanoma nuk fillon gjithmonë me një nishan(molë), prania e saj konfirmohet edhe te pacientët me një pamje plotësisht normale të lëkurës.

Si duket një nishan normal?

Foshnjat normale zakonisht kanë një ngjyrë të njëtrajtshme – e njëjtë me atë të tenit (ngjyrës së lëkurës), kafe ose të zezë, me një kufi të qartë që ndan nishanin nga lëkura. Ato janë në formë ovale ose të rrumbullakëta, më pak se 6 mm në diametër ose aq të mëdha sa maja e lapsit. Shumica e molave ndodhin në fëmijëri, dhe ato të rejat shfaqen rreth moshës 40 vjeç. Derisa të bëhen të rritur, shumica e njerëzve kanë nga 10 deri në 40 nishane. Ata mund të ndryshojnë pamjen e tyre me kalimin e viteve, dhe disa mund të zhduken.

Si duket një nishan i pazakontë? 

Rregulli ABCDE do t’ju ndihmojë të përcaktoni nëse nishani juaj i përket kategorisë së melanomës potencialisht malinje. Sidoqoftë, lërini fjalën e fundit te dermatologu!

A (asymmetry) Asimetria- nëse ndani nishanin me një linjë imagjinare dhe fitoni dy gjysma të ndryshme, shkoni te mjeku.

B(borders) Kufijtë – kërkoni nishane me skaje të paqarta, të dhëmbëzuara, të çara, të papërcaktuara – kufi i paqartë midis nishanit dhe lëkurës përreth.

C(color) Ngjyra – kërkoni nishane me shumë ngjyra (të zeza, hije kafe, të kuqe, blu të errët, gri, gjurmë të së bardhës) ose nishan njëngjyrëshe, por me një ngjyrë të shpërndarë në mënyrë të pabarabartë.

D (diameter) Diametri- nëse nishani është më i madhe se 6 mm, shkoni për konsultim.

E (evolution) Evolucioni – çdo ndryshim i ngjyrës, formës, madhësisë, e shoqëruar me kruarje ose gjakderdhje duhet të merret seriozisht.

Kur të shkoni te mjeku?

Sapo vëreni ndonjë ndryshim ose diçka që ju duket e pazakontë! Mos kërkoni që nishani t’i ketë të gjitha ato ndryshime ABCDE, disa njolla ose nishane malinje shfaqin vetëm një ndryshim të dukshëm.

FAKTORËT E RREZIKUT

Lëkurë e lehtë  Ajo ka një sasi më të vogël të pigmentit (melaninës) që do të thotë se ka më pak mbrojtje natyrale nga rrezatimi UV. Këto përfshihen flokëkuqet, biondet dhe njerëzit me sy të ndritshëm.

Historia e djegies nga dielliNjë ose më shumë djegie nga dielli menjëherë rrit rrezikun e melanomës.

Rrezatimi +UVLlambat dhe shtretërit me solarium kombinuar me diellin jashtë janë një bombë e vërtetë kancerogjene për lëkurën.

Shumë nishaneMbi 50 nishane të zakonshëm në trup tregojnë një rrezik të rritur të melanomës. Thjesht një nishan i ndryshëm përsa i përket ngjyrës, diametrit, formës, nënkupton rrezikun nga sëmundja.

Histori familjare e melanomaNëse një i afërm i ngushtë, si prind ose fëmijë, ka pasur këtë lloj kanceri të lëkurës, atëherë ju gjithashtu keni një rrezik të rritur për ta përjetuar të njëjtën.

Imuniteti i dobëtNjerëzit me imunitet të dobësuar kanë një rrezik të rritur nga melanoma ose lloj tjetër të kancerit të lëkurës, të tillë si ata të sëmurë nga SIDA ose sëmundje të tjera imunitare.

ÇFARË KËSHILLOJNË DERMATOLOGËT

Bëhu të kujdesshëm nën diell

Mos kini frikë nga dielli, ai akoma na jep jetë. Por, thitheni diellin me kujdes. Ndryshoni zakonet tuaja në mënyrë që të kënaqeni pa rrezikuar veten. Kapela, SPF dhe syzet që bllokojnë rrezet UV janë tre thelbësoret pa të cilat nuk duhet të dilni nga shtëpia.

Çdo ndryshim i lëkurës është i vlefshëm

Njerëzit shpesh nuk tronditen nga lloji themelor i kancerit të lëkurës, karcinoma themelore e qelizave, sepse besojnë se është shëruar 100% me një krem për përdorim lokal ose me procedurë të thjeshtë kirurgjikale. Problemi me këtë mendim është se njerëzit që kanë një lloj të kancerit me rrezik të ulët kanë 53% rrezik më të madh që të zhvillojnë një lloj tjetër më serioz të kancerit.

SPF nuk është vetëm për plazhë

Pak njerëz janë të vetëdijshëm se sa jemi të ekspozuar ndaj rrezeve UV – koha mesatare e incidencës e kaluar në diell është 80% e ekspozimit total që një individ do të arrijë në jetën e tij. Prandaj, është e logjikshme të aplikoni krem dielli çdo ditë, pavarësisht nëse moti është me diell, me shi apo do të qëndrojmë shkurt ose gjatë jashtë.

Mos kurseni SPF

Kërkimet tregojnë se njerëzit aplikojnë vetëm 1/3 deri në 1/2 të sasisë që duhet të aplikojnë për ta fituar nivelin e mbrojtjes të treguar në shishen e pakos. Që do të thotë nëse vendosni SPF 50, me siguri nuk fitoni as SPF 25. Për një trup të rritur mesatar, mjafton një gotë krem kundër diellit, por nëse shkoni në plazh. Është mirë që faktorin mbrojtës ta kombinojmë me antioksidantë – lexoni në f. 20

Reagoni në nishanin e parë

Nëse nishanat ndryshojnë në çfarëdo mënyre, madhësia, forma, ngjyra, reagoni! Kushtojini vëmendje simptomave të tilla si kruarja dhe butësia.

Mos harroni buzët tuaja

Lëkura e hollë në buzë ka mungesë të melaninës, mbrojtës natyror i diellit, duke i bërë ata dyfish më të ndjeshme. Vetëm 37% e njerëzve mbrojnë buzët me SPF ndërsa janë në plazh! Meshkujt janë veçanërisht të prirur ndaj kancerit të buzëve, por pavarësisht nga gjinia, buza e poshtme ka 12 herë më shumë gjasa të preket sepse merr më shumë diell.

The post MELANOM appeared first on Аптеки PlusPharma.

Ushqim i shpejtë = Depresion i shpejtë

Që moti e kemi ditur që ushqimi ndikon në disponimin e njeriut, por hulumtimet e reja nga Australia sugjerojnë që afërsia me restorantet e ushqimit të shpejtë ndikon në shëndetin mendor. Në një eksperiment, studiuesit zbuluan se njerëzit me qasje të lehtë në ushqimin e shpejtë kishin më shumë të ngjarë të vuanin nga depresioni sesa njerëzit nga një ishull fqinj, të cilët konsumonin vetëm ushqim deti dhe peshk.

Nata është për pushim!

A e dini se trupi i njeriut është më i ndjeshëm ndaj stresit gjatë natës? Arsyeja kryesore është ulja e prodhimit të kortizolit, një hormon stresi që na ndihmon të përballojmë situatën stresuese. Lëreni postën e keq të presë deri nesër!

Turpi nuk mbytet në alkool

Nuk është lajm i ri që njerëzit e turpshëm pinë një gotë alkool për të dalë nga ndonjë situatë e caktuar, për shembull, kur vardisen. Por studiuesit gjetën një problem ditën vijuese, sepse te këta njerëz është vrejtur rritja e aksiozitetetit (ankthit).

Brokoli i freskët kundër kancerit të fshikëzës

Ilaçi ideal natyror për njerëzit me kancer të fshikëzës është brokoli i freskët, pasi ul nivelin e vdekshmërisë deri në 43%. Kjo është thënë në një studim i cili zgjati 8 vjet dhe përfshiu më shumë se 230 pacientë. Shkencëtarët gjithashtu kanë hetuar efektin e brokolit të freskët dhe të gatuar në kancerin e fshikëzës, ku kanë konfirmuar se brokoli i freskët ka efekt shumë më të madh mbi sëmundjen. Brokoli përmban një përqindje të lartë të izotiocianatit, komponime që kanë një efekt të fortë antiproliferativ në qelizat e kancerit. Ato shkatërrohen gjatë zierjes.

547 ditë – koha e nevojshme që një nënë të ndihet përsëri seksi

Thithkat e plasaritura dhe gjumi i qetë janë e shkuar e largët që kur keni lindur fëmijë? Nuk kërkon shumë kohë që nënat “e freskëta” të binden se jeta nuk do të jetë më e njëjtë përsëri. Por shkencëtarët thonë të kundërtën. Ata llogaritën se u deshën 18 muaj (547 ditë) që një nënë të ndjehej përsëri si grua. Sondazhi përfshiu 3.000 gra nga Britania, dy të tretat e të cilave raportuan se ndjeheshin të shëndosha (dhjamosura) dhe jo tërheqëse pas lindjes së fëmijëve. 6 nga 10 gra pretendojnë se e kanë përjetuar thyerje të vetëvlerësimit të tyre pasi kanë parë që ato nuk futen në rrobat e tyre të vjetra, ndërsa 39% ndjehen jo tërheqëse në gjithçka që veshin. Një e katërta (1/4) e të anketuarve pranuan se çdo ditë garonin me nënat e tjera se cila më shpejt do të humb peshë pas lindjes. Por mungesa e makiazhit dhe parfumit nuk do të thotë që nuk do të jeni të lumtur. Amësia ndryshon përparësitë në jetë, kjo është arsyeja pse 9 nga 10 gra thanë që puna nuk ishte më aq e rëndësishme sa dikur, ndërsa 79% nuk donin të ktheheshin në punë.

The post Shprehitë e mia – shëndeti im appeared first on Аптеки PlusPharma.