ЧИПС ОД ЦВЕКЛО – Вистинска енергетска ужина благодарение на високото присуство на Ц витамин и железо кои истовремено ќе го зајакнат имунитетот и коските. Фитонутриентот беталаин, што ќе ви ги бојадиса прстите во розово, е одличен за детоксикација.

ЧИПС ОД СЛАДОК КОМПИР – Содржи енормни количини витамин А – добар за видот, витамин Ц и витамин Е – одлични за кожата. Плус, растителни влакна и антиканцерогени фитонутриенти, помалку калории и јаглеродни хидрати.

ЧИПС ОД КЕЉ – Ги содржи витамините А, Ц и Б6и минералите калциум, калиум, железо, манган, бакаркако и каротеноиди и хлорофил. Содржи лутеин и зеаксантин, кои го чуваат здравјето на очите.Калциумот во кељот може да се апсорбира дури за 30% повеќе, за разлика одонојво кравјото млеко.

НАЧИН НА ПОДГОТОВКА

Загрејте ја рерната на 175 степени. Исечкајте го зеленчукот на крукчиња, резанките нека бидат потенки. Оставете ги да се исушат или избришете ги со кујнска крпа. Пропрскајте ги со маслиново масло, ќе бидат похранливи и уште покрцкави. Наредете ги во тава обложена со хартија за печење, поросете ги со морска сол и корисни хранливи зачини.

ЗАЧИНЕТЕ СО:

1. КУМИН – Земјениот азиски зачин е вистинско изненадување за вишокот масно ткиво.

1. ПАРМЕЗАН – Ќе ја олесни дигестијата и апсорпцијата на непослушните каротеноиди.
2. ПИКАНТЕН ЦРВЕН ПИПЕР – Го забрзува метаболизмот, плус е одличен афродизијак.

Дозволено е чаша пиво!

Единствениот алкохолен пијалак што не содржи масти, холестерол и има многу ниско ниво на јаглеродни хидрати. Според истражувањата на The Journal of Science and Food Agriculture, пивото содржи ксантхохумол, флавоноид кој спречува остеопороза.

The post Здрав чипс – Грицкајте без грижа на совест appeared first on Аптеки PlusPharma.

Сарепска горчица 
Готвењето на пареа е најсоодветен начин за подготовка на овој зелен сестрински зеленчук на кељот, бидејќи на тој начин значително ќе го зголемите присутниот витамин А. Преливот од цеден лимон нека ви послужи за да го намалите горчливиот вкус.

Листови од ротквичка
Бидејќи во свеж облик пецкаат на јазик, третирајте ги како да се билка и користете ги како зачин во сосови и супи. Употребете ги што побрзо, бидејќи одма венеат.

 Листови од глуварче
Изненадени сте? Да, листовите на глуварчето се јадат, но ако се набрани од чиста средина. Во една шолја вакви листови има 3 пати повеќе калциум за разлика од исто толкава количина спанаќ, плус тони витамин К. Повелете лек за здрави и цврсти коски.

Валеријана – Овие зелени ливчиња најчесто се комбинираат со други зелени млади ливчиња како рукола, спанаќ и марула, во оние готови кеси салата достапни во маркетите. Кога би додале уште некоја рака свежи валеријана ливчиња во салатата, тогаш сметајте дека сте ја задоволиле дневната доза витамин Ц.

Млад кромид  – Она што сакаме да ве научиме е да не ги фрлате зелените перца, бидејќи само едно содржи повеќе фолати во однос на една шолја кељ. Употребете ги за во салата или пропржете ги и додадете ги во омлет.

Поточарка – Нека не ве залажуваат малите ливчиња, тие имаат остар вкус кој одлично оди во комбинација со пилешко во салата или сендвич. Поточарката содржи поголема количина железо од спанаќот, повеќе калциум од млекото и повеќе витамин Ц од лимонот.

Блитва  – Слична на спанаќот, блитвата има посилен, а за многумина и подобар вкус. Таа е одличен извор на витамините К, А и Ц и на минералите магнезиум, железо, калиум. Но, на листата нутритивни вредности, котира послабо од спанаќот.

Кељ  – Покрај витамините како А, К и Ц, она што го прави кељот задолжителен на трпезата, се моќните антиоксиданси и антиканцерогени материи. Му предничи на спанаќот со тоа што содржи помалку оксалати, а тоа го прави подобар избор за лицата со бубрежни заболувања.

Совет +
Кога купувате моркови, ротквички и цвекло, бирајте ги оние со листовите на нив – тие веќе се задолжителни на менито.

The post Здравјето има зелена боја! appeared first on Аптеки PlusPharma.

ШТО Е ДОБРО?
Избалансираната исхрана, секако, треба да содржи сирова и обработена храна. При обработка на зеленчукот може да сe изгубат одредени нутриенти, како што се витамините Б и Ц, но добро избалансираната храна, која би ги вклучила и двата начини на подготовка, подразбира дека нашето тело ќе ги добие сите потребни состојки. Секако, доколку се обработува, препорака е зеленчукот секогаш да се обработува на пареа и тоа што е можно пократко.Одредени, пак, намирници, при термичка обработка ја зголемуваат содржината на хранливите компоненти. На пример, термички обработени моркови, домат, зелка,  обезбедуваат повеќе антиоксиданси, отколку кога би ги јаделе свежи и во сиров облик.

СИРОВО ИЛИ ВАРЕНО?

Морков

Богатството со бета-каротен гo чини морковот многу важен во исхраната, ако се знае дека истиот е од витално значење за нормално функционирање на многу органи и ситеми во нашето тело. Од одржување на нормален метаболизам, до добар и здрав вид, кожа и имун систем. Истражувањата потврдуваа дека со термичка обработка се зголемуваат вредностите на бета-каротенот во морковот.
Препорака: најдобро варено

Црвена пиперка

Сировата пиперка е одличен извор на витамин Ц. Таа има дури двапати повеќе витамин Ц од портокалот. Витаминот Ц е нестабилен на топлина, па во случај на обработка на пиперката, неговите концентрации ќе се намалат. Јадењето во сирова форма или подготовка на свежи салати со пиперка се идеални за максимално искористување на нејзините вредности
Препорака: најдобро сирово

Домат

Ликопен, пигментот кој му ја дава бојата на доматот, има изразени антиоксидантни карактеристики и со докажани антиканцерогени ефекти. Во однос на неговата расположливост во доматот, утврдено е дека поголеми концентрации на ликопен има во конзервираниот домат кој е обработен.
Препорака: најдобро варено

Брокола

Броколата се смета за изразено здрава намирница. Поседува широк спектар на фитонутриенти корисни за нашето здравје. Сировата брокола има многу повеќе корисни состојки од варената. Топлината оштетува одредени ензими и затоа се препорачува употреба во сирова форма или со многу лесна обработка на пареа. На овој начин ќе бидеме сигурни дека добиваме најмногу од оваа едноставна намирница.
Препорака: најдобро сирово

Спанаќ

Спанаќот е инзвонреден лиснат зеленчук. Богат е со калиум, витамин А и Ц, и други хранливи материи важни за имунолошкиот систем. Зелените лисја се богати со калциум, магнезиум и манган, и сите заедно со улога за здрави и цврсти коски. Листата на неговите здравствени предности е голема, а за истата цел најдобро е да се консумира во сирова форма или лесна термичка обработка на пареа. Обработен, спанаќот се консумира веднаш и не треба повторно да се подгрева.
Препорака: најдобро сирово

Зелка

Преполна е со витамин Ц, калциум, бета-каротен, лутеин и низа други активни компоненти. Зелката ја подобрува дигестијата, делува превентивно кај настинки, кашлица и заздравување на рани. Одличен избор при запек и регулирање на телесната тежина.
Препорака: најдобро варено

Кељ

Богат со витамин А и витамин Ц, и двата важни за здрава кожа и здрав имунитет. При обработка на оваа намирница се губи голем дел од витаминот Ц, па е исправно кељот да го подготвите во што помалку вода и да го обарите сосема малку, и тоа на пареа со додаток на маслиново масло.
Препорака: најдобро сирово

Прокељ

Прокељот е богат со витамин Ц, витамин К, фолна киселина и важни фитохемикалии, заради кои има епитет на потенцијален „убиец“ на канцерогените клетки. Доволно е да консумирате девет главици прокељ на пет дена, и тоа најдобро подготвен на пареа не повеќе од 5 минути.
Препорака: најдобро варено.

Сировата храна е здрава, но најдобро е да направите баланс и да внимавате кои намирници ги внесувате сирови, а кои термички обработени. Со термичката обработка одредени витамини и минерали можат да се уништат, но, од друга страна, пак, многу антиоксиданси се активираат при обработката. Затоа, јадете разновидна храна и балансирајте го внесот на сировите и термички обработените продукти! На овој начин ќе внесете соодветно количество на витамини, минерали и на антиоксиданси. 

The post ОД ЗДРАВО ПОЗДРАВО ПРАКТИЧЕН ВОДИЧ ЗА ОБРАБОТКА НА ЗЕЛЕНЧУКОТ appeared first on Аптеки PlusPharma.