За лицата кои бараат безбеден и ефикасен начин за подобрување на физичкото и менталното здравје, практиките за истегнување, дишење и медитација што ги вклучува јогата може да бидат одлична солуција.

Јогата ја негува врската меѓу телото и умот преку пози на истегнување комбинирани со длабоко дишење. И покрај нејзините корени во источната филозофија, јогата на Запад воглавно се практикува поради фитнес мотиви. Се уште има духовен аспект, но не е целосно религиозен и затоа ја практикуваат луѓето од сите вери.

Бидејќи позите на јогата (наречени асани) лесно може да се модификуваат и да се адаптираат на потребите и можностите на индивидуата, таа е безбедна и за сениорите. Јогата е одличен начин за да ја одржите цврстината на телото без да им предизвикате стрес и напор на зглобовите, што не е случај со другите физички активности како џогирање или вежби со тегови.

Никогаш не е доцна да почнете да практикувате јога. Можете да почнете на која било возраст, а ако имате недоумица консултирајте се со вашиот лекар.

Бенефити од јогата за возрасни

Подобра рамнотежа

Многу пози на јогата се фокусираат на зајакнување на стомачните мускули и подобрување на стабилноста на јадрото. Тоа може да ви помогне да станете постабилни кога сте на нозе и да го намалите ризикот од паѓање и фрактури.

Поборена флексибилност

Јога движењата се идеални за безбедно истегнување на мускулатурата на постарите лица. Држењето на мускулот во одредена поза додека правилно дишете, поттикнува релаксација на сврзните ткива, а тоа помага да се зголеми опсегот на движење. Истражувањето на International Journal of Yoga Therapy, покажа дека редовното практикување јога драматично ја зголемува севкупната флексибилност на постарите лица.

Подобрено дишење

Практиките за контрола на дишењето што ги подразбира јогата (позната како пранајама) може да го прошират капацитетот на белите дробови и да го подобрат белодробното здравје. Една студија покажа дека постарите жени кои практикуваат јога трипати неделно во текот на 12 недели, забележале значително подобрување во нивната респираторна функција.

Посилни коски

Ако имате предиспозиции за остеопороза или сте загрижени за вашите чувствителни и кршливи коски, обидете се со јога уште денес. Конзистентната јога рутина која вклучува пози при кои се користи сопствената тежина, може да помогне во зајакнување на коските. Неко ветувачки истражувања сугерираат дека јогата може да ја подобри густината на коските кај жените во постменопауза.

Намалена анксиозност и стрес

Преку медитација и свесно дишење, јогата ве поттикнува да се фокусирате на сегашноста и да најдете чувство на мир. Истражувањата покажаа дека тоа може да го намали нивото на хормонот на стрес – кортизол и да помогне во олеснување на симптомите на анксиозност и депресија. Во истражувањето на „националниот институт за здравје“, повеќе од 85% од луѓето кои практикуваат јога потврдиле дека таа им го намалила стресот.

Подобар сон

Во струдијата објавена во „Алтернативни терапии во здравствотот и медицината“, возрасните над 60 години кои се бореле со несоница посетувале часови по јога двапати неделно и плус изведувале јога сесии дома. По три месеци, групата пријавила значителен подобрувања во времетраењето и во севкупниот квалитет на сонот.

The post Јога за сениори appeared first on Аптеки PlusPharma.

Мозокот ви работи со полна пареа? Сѐ што треба да направите е да дишете. „Фокусирањето на дишењето и неговите сензации, по сѐ изгледа, го поврзува срцето со главата,“ вели д-р Даниел Сигел, клинички професор на Универзитетот во Калифорнија и автор на „Aware: The Science And Practice Of Presence. „Ваквата пракса го намалува срцевиот ритам и го намалува нивото на кортизол, правејќи да се чувствувате помалку стресно.“

2 БЕТА БЛОКЕР

Се верува дека фокусирањето на сегашноста ги намалува бета мозочните бранови (оние кои се активни додека пребројувате сѐ што имате за работа). Но, норвешките истражувачи кои ги испитувале мозочните бранови кај луѓето кои медитираат, забележале поголема присутност на тета бранови (поврзани со учење, меморија и интуиција) и алфа бранови (поврзани со креативност). Студијата во која биле вклучени тибетанските монаси, открила и гама бранови кои се поврзуваат со висок степен на свесност 

3 СИВАТА МАТЕРИЈА Е ВАЖНА

Иако мозокот е програмиран да лута, постојаното мозочно талкање се поврзува со пониско ниво на среќа. Истражувањата на мозоците на луѓето со долгогодишно искуство во медитација, откриваат помала активност во задниотцингуларенкортекс– делот од мозокот поврзан со набљудувањето на себеси и когнитивна контрола – откривајќи поголема способност за фокус на овде и сега. Запомнете, сегашноста е дар!

4 МОЗОЧНИ ПРИДОБИВКИ

Добро е да знаете дека медитацијата може да поттикне раст на мозокот. Студиите покажуваат згуснување на хипокампусот кај луѓето што постојано медитираат – дел од мозокот одговорен за учење, разбирање и меморија. Бил забележан раст и кај церебралниот кортекс, а тоа води до забрзана мозочна обработка и меморија на информациите.

5 ШТИТЕНИК НА КЛЕТКИТЕ

Освен тврдењата дека ја попречува алцхајмеровата болест, редовната медитација го подобрува имунитетот и општото кардиоваскуларно здравје. „Медитацијата го подобрува здравјето и векот на клетките така што го поттикнува ензимот теломераза – тој ги поправа и оддржува хромозомските завршетоци,“ вели д-р Сигел.

The post Медитација – 5-те феномени што ги поттикнува appeared first on Аптеки PlusPharma.

КОГА СЕ БУДИТЕ
Сменете го одбивниот звук на алармот со бел звук како шумолење на ветер. Останете во кревет 2 минути и впијте ги звуците околу вас (птиците однадвор, крцкањето на подовите), чувството на постелата врз кожата и мирисот на домот.

ДОДЕКА ПИЕТЕ КАФЕ
Почувствувајте ја топлината на шолјата во дланките и вдишете го остриот мирис. Следете го патот на голтката од усните, во устата, грлото, стомакот. Според една студија, оние што фокусирано пијат кафе, почнуваат да го пијат без шеќер.

ПОД ТУШ
Бањата е идеално место за практикување микромедитација. Фокусирајте се на температурата на водата, звукот на водата, начинот на кој таа лизга по телото и, секако, мирисот на гелот за туширање.

ДОДЕКА ПЕШАЧИТЕ
Одејќи да пазарувате, повремено погледнувајте горе во небото. Гледањето нагоре ќе ве стави во зен-момент и ќе ви отвори нови перспективи, како идеја за поинаков ручек.

ДОДЕКА СЕ ЧЕШЛАТЕ
Размислувајте за секој потег додека четката поминува низ косата или додека ставате кармин. На овој начин, ќе го загреете мозокот пред да го нападнат многуте информации, задачи и рокови.

ДОДЕКА ГОТВИТЕ
Тука има многу опции за фокус, тропкањето на садовите, ритамот по кој сечкате, мирисот на намирниците. Ако креативно го сервирате оброкот, потврдено е дека ќе се чувствувате посреќни следниот ден.

ПО СКАЛИ
Скалите се одлична физичка, но и ментална вежба. Бројте ги чекорите додека се качувате и фокусирајте се на тоа како стапалото застанува на секоја скала. Забележете ја координацијата на мускулите кои работат заедно.

ВО АВТОМОБИЛ
Од оние зад волан се бара максимален фокус и свесност за моментот. Што велите за уште подлабоко навлегување во сегашноста? Исклучете ја музиката, дишете длабоко и слушајте ги ритмичните звуци што ги емитува моторот и вибрацијата што се чувствува преку воланот.

КОГА СЕ ЗАБЛАГОДАРУВАТЕ
Не зборувајте напразно, вклучете ги емоциите, гледајте го соговорникот во очи и објаснете за што сте благодарни и зошто.

ДОДЕКА ЧЕКАТЕ
Вдишувајте додека да изброите до 4, задржете го здивот и бројте до 4, издишете до 4, повторно задржете го здивот до 4 и почнете одново.

ПРИ ПРВИОТ ЗАЛАК
Фокусирајте се на целото искуство, плунката што се излачи во уста штом го видовте и помирисавте јадењето, температурата на храната во однос на виљушката, експлозијата од вкусови и текстурата на залакот.

ПРЕД СПИЕЊЕ
Ментално скенирајте го телото од стапалата до скалпот, ако некоја мисла се протне, почнете одново. На овој начин, ќе го прочистите умот и полесно ќе заспиете.

The post Микромедитација – Релаксирајте се ВО ОД со обврските appeared first on Аптеки PlusPharma.