БОЗЕЛ

Кога ве гребе грло, ве боли глава, кивате сѐпочесто, чувствувате слабост во мускулите – време е за бозел. „Бозелот нема да ја спречи настинката, но ќе го спречи намножувањето на респираторниот вирус штом легнете в постела“, вели Liz Williamson, професор по фармација на Универзитетот Reading.

Доказ дека делува?
Два независни и различни експерименти на израелски научници покажаа дека бозелот го скратува траењето на симптомите на грип за два до четири дена.

Како да го пиете?
Чајот од цветот од бозел поттикнува потење и затоа се употребува против настинка, грип, воспаление на белите дробови и на респираторните органи и против реума. Една кафена лажица (10 грама) цвет од бозел се попарува со 1 литар зовриена вода. Покријте го чајот со капак и оставете го да отстои 30 минути. Пијте по една мала шолја на секои 2 часа. Дозволено е да ги јадете и бобинките од бозелот, бидејќи содржат витамини Б1, Б2 и Ц.

ЕХИНАЦЕА

Пожелна е за оние кои работат во голема фирма и се опкружени со многу луѓе во текот на денот, со луѓе кои често се болни или за оние кои користат јавен превоз. За разлика од бозелот, ехинацеата е добра превентивна мерка, не лек.

Доказ дека делува?
Лабораториските истражувања (тест во епрувета) покажале дека ехинацеата ги оживува клетките, охрабрувајќи ги да се спротивстават на вирусите. Што велат тестирањата изведени врз луѓе? „Некои докази покажуваат дека помага, други дека не, но и покрај тоа нема штета ако ја консумирате“, вели професорот Williamson.

Како да ја пиете?
Една од причините поради кои има помешани докази за делотворноста на ехинацеата е тоа што при истражувањата се користеле различни делови од билката. За да се изборите со настинката потребни ви се деловите што растат над земја, како листовите, стеблото и цветот. За да подготвите чај, потребен ви е 30 до 50 грама исечкан корен од билката. Потопете го во 1 литар вода и оставете го да отстои 10 минути. Пијте од 3 до 5 мали шолји секој ден додека да оздравите. Чајот не се препорачува за секојдневна употреба.

 ВИТАМИН Ц

Ако милувате да посетувате сала за вежбање.
„Единствениот случај кога витаминот Ц докажано спречил настинка е кога го пиеле луѓе што напорно тренираат, како маратонците“, вели д-р Sarah Brewer, автор на „The Essential Guide To Vitamins, Minerals And Herbal Supplements“.

Доказ дека делува?
При анализирањето на витаминот Ц во Универзитетот Helsinki, истражувачите потврдиле дека дозите од 600 до 1.000 милиграми им помогнале на луѓето кои се изложени на физички стрес (оние што вежбаат или работат физичка работа) да ги спречат настинките. Друга студија вели дека дневната доза од 1.000 милиграми витамин Ц го намалува траењето на настинката за 8 %.

Како да го пиете?
Превисоките дози на витамин Ц можат да го вознемират стомакот. 1.000 милиграми е максимумот што треба да го земате на дневна база, но најдобро е да се консултирате со вашиот матичен лекар за да ја дознаете точната доза.

ПРОБИОТИК

Задолжителен придружник на антибиотската терапија, но пожелен и при обични настинки.
„Ако пробиотикот има заштитна функција, тогаш тоа е превенција, а не третман“, вели Phillip Calder, професор по нутритивна имунологија на Универзитетот Southampton. Во теорија, пробиотските бактерии ја подобруваат функцијата на одбранбените клетки кои живеат во утробата, а кои подоцна патуваат на друго место во телото за да спречат каква било инфекција.

Доказ дека делува?
Во последниот осврт во кој беа анализирани доказите на докторите од Hallym University College of Medicineво Кореја, се вели дека пробиотикот има маргинален ефект при спречувањето на настинката.

Како да го пиете?
Пиејќи јогурт или апче, и по можност побарајте ги во составот следните бактерии: Bifidobacteria, Lactobacilus, Saccharomices boulardi, LGG (Lactobacillus rhamnosus GG), бидејќи се покажале како најефикасни при дијареја за време на патување или при дијареја предизвикана од антибиотици.

ЦИНК

Ако во вашата исхрана или диета недостасува месо, живина или житарки со цело зрно.
„Цинкот е важен микронутриент на имунолошката функција;неговиот недостиг значи дека можете да станете склони на настинки“, вели професор Calder.

Доказ дека делува?
Сте чуле ли дека лижењето таблетка цинк го скратува рокот на настинката? За жал само за еден ден, па ако мислите дека вреди жртвата позната како метален вкус во уста (кај некои и гадење), повелете пробајте.

Како да го пиете?
Професорот Calder не препорачува да консумирате чист цинк, бидејќи тој може да предизвика дебаланс во однос на другите минерали како бакарот. Идеално би било да јадете повеќе храна што содржи цинк (пилешко месо, млеко, спанаќ, семки од тиква, морски плодови). За да ги спречите нуспојавите на чистиот цинк суплемент, внесете го преку мултивитамин.

The post Есен без настинка appeared first on Аптеки PlusPharma.

Имуниот одговор, пак, е различен кај различните групи. Особено чувствителни се децата, повозрасните и хронично болните. Есенско-зимскиот период се карактеризира со настинки, вирусни и бактериски инфекции. Не треба да се заборават и алергиските реакции како резултат на зголемената загаденост на воздухот во овој период од годината. Инфекциите лесно се пренесуваат со кивање, кашлање и преку непосреден контакт со инфицираните површини. Вирусите и бактериите најчесто напаѓаат преку носот, носната шуплина, устата, очите и ушите. Особено подложни на инфекција се малите деца, па затоа потребно е да се внимава децата редовно да одржуваат хигиена на овие делови, но и на целото тело. И покрај сè што знаеме, инфекциите се сè позачестени особено кај децата кои престојуваат во градинките или одат на училиште. Поизложени на ризик од инфекција се луѓето кои посетуваат масовни собири, војниците и сите кои живеат или престојуваат во група. За да се спречи пренесувањето на инфекциите, потребно е редовно проветрување на просториите, да се избегнува престој во затворен простор со многу луѓе, особено за време на грип или други вирусни инфекции. Секако, многу е важно да се избере соодветна облека во зависност од временските услови и соодветно да се затоплуваат просториите во кои се престојува.
Потребно е да се истакне дека влажното и релативно топло време во овој период од годината може да биде предуслов за размножување и пренесување и на бактериските инфекции кои кај некои лица, можат да доведат и до компликации. Затоа, при секоја промена или појава на симптом, потребна е консултација со избраниот лекар, кој по извршениот преглед ќе ве советува кои испитувања да ги направите: анализа на крвта, CRP, брис од грлото, и брис од очите. На крајот, немаме поголемо богатство од здравјето и секој од нас треба да е целосно посветен во грижата за своето здравје.

За да се спречи пренесувањето на инфекциите, потребно е редовно проветрување на просториите, да се избегнува престој во затворен простор со многу луѓе, особено за време на грип или други вирусни инфекции.

The post ЕСЕН И ЗИМА ДОБА НА НАСТИНКИ И ГРИП appeared first on Аптеки PlusPharma.

Постојат две форми на витаминот
– Д2 ергокалциферол
– Д3 холекалциферол

Зошто ни е потребен
Покрај важната улога за правилен раст и развој на здрави коски и заби витаминот Д учествува во многу други клеточни и невролошки функции во организмот. Превенира состојби на метаболички нарушувања, и е важен за  одржубање на здрав и силен имунолошки систем.

Покрај ова Витаминот Д помага во превенција и лекување на повеќе здравствени состојби:

–  Превенција на остеопороза
–  Остеомалација
–  Рахитис
–  Кожни болести ( псоријаза, витилиго )
–  Рак на дојка, простата и дебело црево
–  Мултиплекс склероза
–  Алцхајмер
–  Зголемен крвен притисок
–  Алергиски реакции
–  Настинки

Извор на Витамин Д
Примарен извор на витамин Д е сончева светлина. Во летниот период потребни ни се само 10 тина минути  изложеност на сонце за да се задоволат дневните потреби. Зимно време периодот на изложеност е подолг, околку 2 часа. Се препорачува да се изложува лицето, рацете нозете или грбот и тоа без користење на креми со заштитен фактор.  Покрај ова храната исто така е важен извор за овој витамин особено во зимскиот период кога изложеноста на сонце е помала. Најдобар извор преку храна на витамин Д се:

• Јајца(околу 50ИЕ во едно јајце со средна големина)
• Путер(56 ИЕ во 100г)
• Млеко(околу 100ИЕ во една шолја)
• Харинга, лосос, сардина и пастрмка(200-500ИЕ во 100 грама)
• Рибино масло(450ИЕ) во една лажица
• Шампињони(20 ИЕ во 100г.)

Дневни потребни количини 
Кога станува збор за соодветен дневен внес на витамин Д препораките се разликуваат во зависност од возрасното доба. Бидејќи е неопходен за нормален раст и развој на децата препораките се 400 ИЕ ( односно 10µg, 1 µg=40 ИЕ) кај деца до шест години,а потоа  200 ИЕ како најмала доза која би спречила дефицит.  Потребите повторно се зголемуваат на 400 ИЕ кај возрасни лица меѓу  50и  70година од животот а кај постарите од 70 и до 600ИЕ на ден.
Кај бремени жени и доилки соодветниот внес изнесува 600ИЕ

Најголем дел од експертите сметаат дека дневното внесување на вкупно 25-50µg витамин Д, од различни извори (сонце, исхрана, додатоци во исхраната) е идеално за зачувување на добро здравје.

Недостаток на витамин Д  
Недостаток може да се јави поради неправилна исхрана или недоволно изложување на сонце. Ова најчесто предизвикува појава на рахитис кај децата, остеомалација (омекнување на коските) и  остеопороза (намалување на густината на коските) кај возрасните. Доволно изложување на сонце во летниот период како и соодветен внес преку исхраната се сосема доволнида се обезбеди  организмот со витамин Д.
Кај вегани или сите оние кои не внесуваат доволно млечни производи со исхраната можно е да се јави недостаток од витамин Д . Кај доенчиња доколку соодветно не внесуваат витамин Д преку млекото или преку сончевата светлина можно е да се јави дефицит. Пациенти кои примаат терапија за артритис, алергии, астма, автоимуни состојби, висок холестерол и епилепсија, имаа зголемена потреба од внес на витамин Д. Исто така пациенти кои имале хирушки зафат, поголеми телесни повреди или изгореници, зголемен стрес и хронични болести имаат потреба од внес на поголеми дози.

Алкохолот негативно влијае врз апсорпцијата и складирање на витамин Д во организмот.

Претпазливост
Предолго изложување на сончеви зраци нема позитивно да влијае врз организмот при синтеза на витамин Д. Зголемени количини на овој витамин во организмот ќе предизвикаат појава на зголемен крвен притисок, главоболка, замор, намален  апетит, вкус на метал во устата, повраќање, болки во стомак, мускулите и коските, При многу високи количества се јавува јадеж, болки во бубрезите, жед, почесто мокрење.
Предозирање за време на бременоста може да предизвика оштетување на плодот. Затоа е потребно внимателно дозирањена препарати  на витамин Д во нашиот организам.  Нивната употреба треба секогаш да е во консултација со лекар или фармацевт.

Недостаток или недоволна искористеност на витаминод Д, кај децата може да предизвика рахитис, односно ослабнување и омекнување на коските

The post Витамин Д appeared first on Аптеки PlusPharma.

ФАКТОРИ НА РИЗИК
Особено се чувствителни децата кои престојуваат во градинките и училиштата каде едни со други постојано си ги пренесуваат инфекциите. Значи зголемен е ризикот од инфекти во колективните престои. Колку се децата помали толку е помал и понезрел нивниот имунолошки систем. Колку инфектот ќе го нападне организмот зависи од вирулентноста на истиот, но од друга страна и од зрелоста на имунолошкиот систем, начинот на живот и исхраната кај децата.

СИМПТОМИ
Во 80 % и повеќе инфектите се од вирусно потекло. Вирусните инфекции претежно ги засегнуваат горните респираторни патишта со симптоми на течење на носот, кивање, кашлица и температура, а во голем број случаи се пратени со проливести столици, повраќање и болки во стомачето. Во текот на инфектот покрај носот и грлото, можат да бидат засегнати и белите дробови (со свирежи и отежнато дишење) како и ушите пропратено со болка и плач на детето.

Кога се работи за бактериска инфекција која го напаѓа грлото, се јавува гушоболка, отежнато голтање, температура, а можно е да има надразнителна кашлица како и оток на подвиличните лимфни јазли. Бактериската инфекција на белите дробови може да е пропратена со температура, кашлица и отежнато дишење.

Вирусната инфекција со целата симптоматологија, пропратена и со висока температура, може да ја совлада организмот, но може и да се искомплицира со секундарна бактериска инфекција. Затоа кога децата се со вироза ние сме внимателни, а по 3-4 дена секако вршиме контролен преглед.

За правилна дијагноза важна е анамнезата од родителите, клиничкиот преглед и лабораториските и други анализи.

СООДВЕТНА И НАВРЕМЕНА ТЕРАПИЈА

Вирусната инфекција ќе ја совладаме со добра хидрација – пиење доволно течности, туширање и соодветна исхрана богата со витамини и минерали. Температурата ќе ја контролираме со давање електролитни и други течности, туширање и подоцна (Т над 38^оС) со давање на антипиретици од парацетамолски и ибупрофенски тип. Вирусните инфекции никогаш не се третираат со антибиотици.

Секако, бактериските инфекции ги третираме со антибиотици, кога покрај клиничката слика кон нив нè упатуваат и лабораториските анализи, позитивните брисеви со антибиограм и индикаторите за инфламаторниот процес. По потреба вклучуваме и РТГ преглед. Секогаш кога треба да се даде антибиотик тој треба да биде соодветен по проценка на педијатарот, добро дозиран и доволно долго даден. Секогаш давањето антибиотик да биде пропратено со давање пробиотик. Симптоматската терапија да се даде соодветно по потреба.

Трпеливоста од страна на родителите е многу важна. Никогаш да не се брза со давање на антибиотик и да не се посега детето на своја рака да се лекува со антибиотик. Незрелиот имунолошки систем, повторувачките инфекции и честото давање антибиотици (многу често непотребно) водат до секундарен имунодефицит кај детето. 

Со цел да го поткрепиме имунолошкиот систем кај детето, особено кај децата во колективни престои, деца кои страдаат од чести инфекции, советуваме: здрав начин на живот, соодветна разновидна исхрана со доволна витаминска-поддршка, додавање пробиотик и имуностимулатори, како и редовна имунизација. Да се подигне свесноста кај населението и да се укаже дека антибиотиците колку можат да помогнат, толку можат да му наштетат на детето.

Пораката на педијатрите е секогаш да се работи во интерес на детето.

ПЗУ Ординација по педијатрија
„Д-р Светлана Зотовска“ – Скопје

The post ВИРУСНИ И БАКТЕРИСКИ ИНФЕКЦИИ КАЈ ДЕЦАТА appeared first on Аптеки PlusPharma.