Вашиот животен стил тивко го слабее вашиот скелет.

30% од жените на возраст над 60 години патат од остеопороза, состојба во која доаѓа до слабеење на коските и фрактури во понапредните фази од болеста. Една од секои две жени на возраст над 50 години има скршеница поврзана со остеопороза.

Иако се смета дека само постарите заболуваат од болеста, се почесто остеопорозата ги напаѓа и жените во нивните 40-ти и 30-ти години. Основната причина за загубата на коскената маса кај жените во периодот на менопаузата е недостигот на женскиот полов хормон естроген, а во постменопаузата зголеменото присуство на паратхормонот, намалената концентрација на витаминот Д и лошата апсорпција на калциумот во тенкото црево.

Што треба да сторите за да си помогнете?

Вежбајте

Пешачење, трчање, танцување, качување по скали, вежби со тегови – ова се вежбите кои фитнес тренерите им ги препорачуваат на луѓето кои сакаат брзо и ефективно да ги согоруваат калориите. Можеби не сте знаеле, но овие вежби ги зацврстуваат коските со тоа што ја згуснуваат коскената маса. Препорачливо е вежбите со отпор да ги практикувате два или трипати неделно; најмалку трипати во неделата да трчате; да пешачите минимум 30 минути секој втор ден.

Избегнувајте протеини од животнско потекло

Студиите покажуваат дека големата количина животински протеини предизвикуваат поголема загуба на коскената маса и минералите во споредба со исхраната што се базира на протеини од растително потекло. Доколку консумирате животински протеини повеќе од потребното, ќе ја зголемите киселоста во крвотокот, а за истата да се неутрализира, се лачи калциум од коските кој на крај завршува во урината. Калциумот е есенцијален за животот на коските, а на овој начин само неповратно се троши. Односот на месо од една страна и зеленчук и овошје од друга, нека биде 1:3.

Не слабејте премногу

Здрава количина масти е неопходна за организмот. Нискиот процент на масти не може да произведе естроген, кој во комбинација со калциумот ја одржува цврстината на коските. Фрактурите се многу почести кај слабите жени што боледуваат од остеопороза. Нормалното ниво на масти кај жените изнесува од 20 до 27%. Можеби сега уживате во резултатите од диетата, но остеопорозата е последица што ќе ја почувствувате во менопаузата. Диетата обично значи храна со помалку калциум, а кога телото ќе почувствува недостаток, надоместува од коските.

Секој ден радувајте му се на сонцето

Залудно јадете храна богата со калциум ако истовремено не внесете витамин Д и витамин К2. Тие се неопходни за калциумот да се апсорбира во коските. Недостатокот на калциум ја намалува густината на коскената маса, а тоа води до остеопороза. Сонцето најмногу го дозира телото со витамин Д, но тука се рибиното масло и јајцата како надополнување. Редовното користење крем со заштитен фактор ја блокира апсорпцијата на витамин Д, затоа, додека сонцето е здраво (наутро или после 18 часот) изложете се на сонце 20 минути без заштита. Во текот на зимскиот период, пијте мултивитамини што содржат калциум, магнезиум, витамин Д и бор.

Пијте алкохол со мера

Алкохолот ја спречува апсорпцијата на нутритивните состојки од храната, особено оние што се пожелни за коските. Тој е познат дуеретик, што значи го поттикнува исфрлањето на хранливите состојки уште пред тие да стигнат до крвотокот. Но, ова се однесува само ако пиете алкохол во прекумерни количини.

The post Колку се силни вашите коски? appeared first on Аптеки PlusPharma.

ЈОД –  Менаџер на тироидната жлезда

Семоќен минерал, клучен за невролошки развиток и нормално функционирање на тироидната жлезда. Без него, активниот тироиден хормон, тријодотиронин (кој е вклучен во метаболизмот, срцевите и дигестивните функции, мускулната контрола, коскеното одржување и мозочниот развој) нема да постои. Истражувањата покажуваат дека на луѓето им недостасува јод во исхраната, дел од вината се должи на млекото од растително потекло кое содржи само 2% од јодовата концетрација присутна во кравјото млеко.
Каде го има? Во бело месо од риба и во млечни производи. Зачинувањето на храната со јодирана сол е одличен начин за да ги задоволите потребите.
Доза? Целете на 0,14 мг дневно. Преголемите дози на долг рок може да имаат спротивен ефект врз тироидната функција. 200 мл млеко обезбедува 0,05-0,1 мг, а 100 г бакалар ќе ви обезбеди 0,19 милиграми јод. Во однос на суплементи, најдобра опција се мултивитамините кои содржат калиум јодид или натриум јодид.

БАКАР – Согорувач на масти

Според истражувањето објавено во „Nature Chemical Body“, бакарот е неопходен за преработка на мастите. Во студијата од 2016 година, истражувачите откриле дека колку повеќе бакар имале испитаниците во нивниот организам, толку повеќе масти биле разградени – сѐ уште не е јасно на што се должи ова. Исто така, докажано е дека минералот ја поттикнува мозочната работа; дефицитот на бакар се поврзува со Алцхајмер.
Каде го има? Во сончогледот, индиските ореви, зелените маслинки и во морските плодови.
Доза? Целете на 1,2 мг дневно – 30 г индиски ореви и сте завршиле работа. Имајте на ум, големите дози може да предизвикаат стомачни болки, лошење, дијареја. Ако тие се задржат подолг период во организмот, може да ги оштетат црниот дроб и бубрезите.

СЕЛЕН – Чувар на имунитетот

Ако често настинувате или се обидувате да забремените, тогаш обратете се кај овој минерал. Селенот го поттикнува имунитетот и е клучен играч во процесот на формирање јајце клетки и фертилизација. Истражувањата велат дека 47% од жените слабо внесуваат селен.
Каде го има? Бразилски ореви и јајца.
Доза? Во просек околу 0,06 мг дневно (0,075 мг ако доите), доза што ќе ја постигнете консумирајќи три бразилски ореви неделно (не дневно, како што многумина мислат). Бидете внимателни, преголемите дози водат до селенско труење, симптоми кои вклучуваат опаѓање на коса и дисколорации на кожата и на ноктите.

МОЛИБДЕН – Штит на црниот дроб

Минерал кој ќе ви се најде во моментите дозирани со многу алкохол. Алкохолот содржи сулфати кои го нагризуваат организмот. Молибденот е поддршка за ензимот наречен сулфит оксидаза, кој е клучен за конверзија на токсичните сулфити во поинертни сулфити, кои потоа телото ќе ги исфрли преку урината.
Каде го има? Растенијата кои растат над земја содржат поголеми дози во однос на оние кои растат под земја. Карфиол, компири, овес, грав.
Доза? 0,065 мг, до кои ќе стигнете преку 100 г порција компири.

МАНГАН – Превенција од остеопороза

Есенцијален за здрави коски, а според студиите спроведени од „Универзитетот на Калифорнија“, го забавува процесот на намалување на коскената маса (кој стартува во 30-тите) кога се консумира во комбинација со калциум, цинк и со бакар. Манганот го активира ензимот гликозил-гидролаза, ензим неопходен за формирањепротеогликани молекули присутни во‘рскавицата.

Каде го има? Чајот е наједноставен извор, но ако не сте љубител на билките, тогаш јадете овесна каша со цимет исо каранфилче.
Доза? Целете на 3 мг дневно. Една или две шолји чај се сосем доволни.

The post Минерали во траги appeared first on Аптеки PlusPharma.

Калциумот има значајна улога во човековото тело. Тој е активатор на разни видови ензими, задолжен е за спроведувањето на биоелектрични импулси, учествува во процесот на згрутчувањето на крвта, во контракциите на мускулите, како и во синтезата на некои хормони.

Освен како составен елемент, калциумот има значајна улога во работата на срцето, мускулите и нервниот систем. Помалку познато е неговото позитивно дејство на органите за варење, крвотокот и метаболизмот. Исто така, калциумот е многу важен во процесот на бременост, лактација и доење, како и во менопаузата кај жените. Ги ублажува ПМС-тегобите и го намалува процесот на стареење.

Повеќе од 99% од калциумот во нашето тело се складира во коските и во забите, каде, заедно со фосфорот, ги прави цврсти и здрави.

За што сè е важен калциумот

Улогата на калциумот е незаменлива во процесот на создавање на коскеното ткиво во периодот на раст и развој на децата, како и за време на бременоста и доењето. Тој претставува прва одбранбена линија и оружје за превенција на остеопороза кај постарата популација.

Состојби поврзани со недостаток на калциум

Недоволното внесување калциум во организмот може да предизвика негово „позајмување“, односно преземање од коските (бидејќи таму е најзастапен), што директно се одразува на квалитетот и цврстината на забите и на коските. Забите почнуваат да се расипуваат, а ова влијае и во појавата на остеопороза и остеопенија.

Најчести проблеми поврзани со недостатокот на калциум се:

• Често кршење на коските
• Кариес. Во принцип, кариесот е резултат на лошата хигиена на забите, но и недостатокот на калциум придонесува во целокупниот проблем, особено кај младите и кај трудниците.
• Рахитис кај деца. Рахитисот е омекнување и слабеење на коските кај децата, а најчесто се појавува како резултат на екстремниот недостаток на витамин Д кој помага во апсорпцијата на калциумот.
• Остеопороза. Особено кај постарите. Остеопорозата е заболување на коскениот систем, кое води до намалување на еластичноста на коските и до појава на скршеници.
• Висок крвен притисок. Личностите кои не внесуваат доволни количества калциум се под поголем ризик од хипертензија. Калциумот може да помогне во благото снижување на високиот крвен притисок.
• Грчеви и мачнини
• Нарушен срцев ритам
  
  Покрај ова, недостатокот на калциум е поврзан и со состојби како:
  
  • Акни
  • Алергии
  • Анксиозност
  • Астма
  • Болни менструации
  • Болки во мускулите
  • Главоболка
  • Здебелување
  • Депресија
  • Конвулзии
  • Неплодност
  • Нервоза и нерасположение
  • Проблеми со косата
  • Проблеми со либидото
  • Проблеми со органите за варење
  • Стрес
  • Хипертиреоза

    Дневни потреби

    Потребите за калциум варираат според возраста и другите состојби, и тоа:

    • Деца до 3 години – околу 500 мг дневнo
    • Деца од 4 до 8 години – околу 800 мг дневно
    • Деца од 9 до 19 години – околу 1300 мг дневно
    • Возрасни од 19 до 50 години – околу 1000 мг дневно
    • Трудници и доилки – околу 1300 мг дневно
    • За оние кои имаат остеопороза – околу 1500 мг дневно

    Извор на калциум

    Извори на калциум групирани по категории се следните:

    • Млеко
    • Млечни производи (јогурт, кисело млеко, сирење, кашкавал, кајмак, путер, павлака)
    • Интегрални житарки (пченица, ‘рж, овес, соја, хелда, јачмен, пченка, ориз)
    • Јужно овошје (портокал, киви, мандарини, банани)
    • Риба (лосос, ослич, скуша, сардина)
    • Зеленчук (брокола, блитва, кељ, зелена салата, зелка, спанаќ, грашок, грав, цвекло, краставица, домат)
    • Костенести плодови и семки (орев, костен, бадем, лешник, сусам)
    • Печурки (шитаке, шампињони, вргањ, лисичарки)
    • Овошје (боровинка, малина, капина, смоква, кајсија, грозје)
    • Останати намирници (чоколадо, цимет, сурутка, расол, коприва, тофу)Количество калциум по намирници
      Jогурт и млеко
      Една чаша обезмастен јогурт содржи 450 мг калциум, што е околу 42% од препорачаното дневно внесување. Чаша обезмастено млеко содржи околу 300 мг калциум.Тофу сирење
      Една порција тофу сирење има околу 250 мг калциум. Тврдите сирења се, исто така, одличен извор на калциум, меѓутоа со нив не треба да се претерува бидејќи содржат и многу маснотии.
      
      

      
      Блитва  Содржината на калциум во 200 г варена блитва е околу 270 мг, што претставува четвртина од препорачаното дневно внесување.

      
      Сардина Со своите 350 мг калциум на само 100 г, сардините се еден од најважните извори на овој минерал.

       

       

       

      Хиперкалцемија

      

      Високите концентрации на калциум може да имаат свои негативности и несакани ефекти. Истражувањата покажале дека прекумерното земање калциум влијае на појавата на кардиоваскуларни заболувања, инфаркт и мозочен удар. Затоа, особено кај жените, препаратите на калциум веќе не се препишуваат рутински за превенција на скршеници во постменопауза.  Високите дози на калциум во суплементите доведува до брз скок на неговата концентрација во крвта, што за последица има таложење на овoј минерал во ѕидовите на крвните садови и предуслов е за понатамошни компликации, односно за формирање на калцификати кои го зголемуваат ризикот за појава на кардиоваскуларни заболувања. Затоа, внесувањето на калциум преку додатоци во исхраната треба секогаш да е во договор со лекарот и исклучиво во јасно индицирани ситуации.

The post КАЛЦИУМ appeared first on Аптеки PlusPharma.

Постојат две форми на витаминот
– Д2 ергокалциферол
– Д3 холекалциферол

Зошто ни е потребен
Покрај важната улога за правилен раст и развој на здрави коски и заби витаминот Д учествува во многу други клеточни и невролошки функции во организмот. Превенира состојби на метаболички нарушувања, и е важен за  одржубање на здрав и силен имунолошки систем.

Покрај ова Витаминот Д помага во превенција и лекување на повеќе здравствени состојби:

–  Превенција на остеопороза
–  Остеомалација
–  Рахитис
–  Кожни болести ( псоријаза, витилиго )
–  Рак на дојка, простата и дебело црево
–  Мултиплекс склероза
–  Алцхајмер
–  Зголемен крвен притисок
–  Алергиски реакции
–  Настинки

Извор на Витамин Д
Примарен извор на витамин Д е сончева светлина. Во летниот период потребни ни се само 10 тина минути  изложеност на сонце за да се задоволат дневните потреби. Зимно време периодот на изложеност е подолг, околку 2 часа. Се препорачува да се изложува лицето, рацете нозете или грбот и тоа без користење на креми со заштитен фактор.  Покрај ова храната исто така е важен извор за овој витамин особено во зимскиот период кога изложеноста на сонце е помала. Најдобар извор преку храна на витамин Д се:

• Јајца(околу 50ИЕ во едно јајце со средна големина)
• Путер(56 ИЕ во 100г)
• Млеко(околу 100ИЕ во една шолја)
• Харинга, лосос, сардина и пастрмка(200-500ИЕ во 100 грама)
• Рибино масло(450ИЕ) во една лажица
• Шампињони(20 ИЕ во 100г.)

Дневни потребни количини 
Кога станува збор за соодветен дневен внес на витамин Д препораките се разликуваат во зависност од возрасното доба. Бидејќи е неопходен за нормален раст и развој на децата препораките се 400 ИЕ ( односно 10µg, 1 µg=40 ИЕ) кај деца до шест години,а потоа  200 ИЕ како најмала доза која би спречила дефицит.  Потребите повторно се зголемуваат на 400 ИЕ кај возрасни лица меѓу  50и  70година од животот а кај постарите од 70 и до 600ИЕ на ден.
Кај бремени жени и доилки соодветниот внес изнесува 600ИЕ

Најголем дел од експертите сметаат дека дневното внесување на вкупно 25-50µg витамин Д, од различни извори (сонце, исхрана, додатоци во исхраната) е идеално за зачувување на добро здравје.

Недостаток на витамин Д  
Недостаток може да се јави поради неправилна исхрана или недоволно изложување на сонце. Ова најчесто предизвикува појава на рахитис кај децата, остеомалација (омекнување на коските) и  остеопороза (намалување на густината на коските) кај возрасните. Доволно изложување на сонце во летниот период како и соодветен внес преку исхраната се сосема доволнида се обезбеди  организмот со витамин Д.
Кај вегани или сите оние кои не внесуваат доволно млечни производи со исхраната можно е да се јави недостаток од витамин Д . Кај доенчиња доколку соодветно не внесуваат витамин Д преку млекото или преку сончевата светлина можно е да се јави дефицит. Пациенти кои примаат терапија за артритис, алергии, астма, автоимуни состојби, висок холестерол и епилепсија, имаа зголемена потреба од внес на витамин Д. Исто така пациенти кои имале хирушки зафат, поголеми телесни повреди или изгореници, зголемен стрес и хронични болести имаат потреба од внес на поголеми дози.

Алкохолот негативно влијае врз апсорпцијата и складирање на витамин Д во организмот.

Претпазливост
Предолго изложување на сончеви зраци нема позитивно да влијае врз организмот при синтеза на витамин Д. Зголемени количини на овој витамин во организмот ќе предизвикаат појава на зголемен крвен притисок, главоболка, замор, намален  апетит, вкус на метал во устата, повраќање, болки во стомак, мускулите и коските, При многу високи количества се јавува јадеж, болки во бубрезите, жед, почесто мокрење.
Предозирање за време на бременоста може да предизвика оштетување на плодот. Затоа е потребно внимателно дозирањена препарати  на витамин Д во нашиот организам.  Нивната употреба треба секогаш да е во консултација со лекар или фармацевт.

Недостаток или недоволна искористеност на витаминод Д, кај децата може да предизвика рахитис, односно ослабнување и омекнување на коските

The post Витамин Д appeared first on Аптеки PlusPharma.