• 1 лажичка маслиново масло
• 2 лажици кисела павлака
• 1 лажичка бел вински оцет
• 1 зелена салата
• 50 г слатка пченка, исцедена
• 5 чери домати преполовени
• 75 г пилешко месо подготвено на грил тава или скара
• цеден сок од зелен лимон
• 1/2 мало авокадо, излупено и исечкано
• 1 рака тако чипс или пченкарна тортилја искршена на парчиња

Подготовка:

Најпрво подгответе го преливот така што ќе го промешате маслиновото масло со павлаката и оцетот. Добиената смеса ставете ја во ладилник. Во длабок сад за салата стевете ја зелената салата, а озгора распоредете ги пченката, доматите и пилешкото месо. Настрана, згмечето го авкоадото со виљушка заедно со сокот од лимета, па додајте го во салатата. Сипете го преливот, а најгоре расфрлете го такото.

The post Салата со пилешко и тако appeared first on Аптеки PlusPharma.

• 50 г путер
• 3 страка праз, ситно сечкан
• 1 гранче мајчина душица
• 100 г печурки
• 5-6 парчиња пилешки стек исечкан на коцки
• 30 г брашно
• малку бело вино (по избор)
• 300 мл пилешка супа
• 500 мл неутрална павлака (хопла)
• 1/2 цеден лимон
• готово тесто за пита или лиснато

Подготовка:

Загрејте го путерот во плитка тава и ставете го празот да се пржи на тивок оган и зачинете со мајчина душица. Додајте ги печурките и пржете уште 5 минути, а потоа малку засилете го огнот. Додајте го месото и пржете го додека да порумени, а потоа разнесете го брашното врз смесата и гответе уште 2 минути постојано мешајќи.

Сипете малку вино по вкус и пржете уште 1 минута. Сипете ги сокот од лимон, хоплата, зачините и штом почне смесата да се згуснува тргнете ја тавата од оган. Расукајте го тестото во кора со која ќе го обложите огноотпорниот сад за питата. Сипете го месото, а озгора поклопете ја питата со уште една кора свиткана на краевите. Премачакјте ја кората со жолчка од јајце.

Печете на 200 степени околу половина час додека питата порумени.

The post Пита со пилешко, печурки и праз appeared first on Аптеки PlusPharma.

УРДА
Овој млечен производ фигурира и на листата намирници за диета и на листата намирници за раст на мускулите. Оние што вежбаат, треба да ја консумираат поради високото количество казеин во составот – млечен протеин кој бавно се разградува. Урдата содржи и бактерии кои му помагаат на организмот полесно да ги апсорбира хранливите материи од останатата храна.

МЕШУНКИ
Ако одлучите да одморите од протеини од животинско потекло, тогаш задолжително вклучете ги оние од растително, во спротивно, нема да го издржите тренингот, а уште помалку ќе ги напумпате мускулите. Мешунките како грав, леќа, грашок, изобилуваат со протеини, јаглехидрати и есенцијални витамини и минерали.

ЈАЈЦА
Евтини се и лесни за подготовка, а богати со хранливи материи и протеини – 6 грама во едно јајце со просечна големина. Содржат високо ниво на минерали како цинк, железо, селен и калциум.

ПИЛЕШКО
Најмалку масен извор на чисти протеини. Но, варениот стек за ручек знае да здодее, затоа користете различни зачини за да го менувате вкусот.

ОВЕС
Овесот нуди повеќе од 58 грама јаглехидрати во порција од 90 грама, содржи бета-глукан кој го регулира нивото на шеќер во крвта и, на тој начин, ќе обезбеди појадокот да ве одржува сити до ручек.

ПРОТЕИНСКИ ПРАВ
Очигледно е зошто е на листата, а ќе ви се најде во ситуациите кога немате време за да дојдете до хранливите материи кои служат како градбени мускулни единици. Протеинот во прав е одличен за да го смените вкусот на вообичаените оброци, додадете го во палачинки, во смути или пијте го чист.

ЛОСОС
Омега-3 масните киселини се одлични за срцето, но истовремено ги штитат и мускулите од повреди, така што го зголемуваат капацитетот за градење мускулна маса на аминокиселините. Лососот доаѓа во пакет со протеини.

КИНОА
Износот на јаглехидрати треба да е висок ако сакате брза изградба на мускулите, но тоа не значи ориз и само ориз. Киноата е одличен извор на хранливи материи кои служат како градбени единици на мускулите – витамин Б6, железо, магнезиум, а и сами по себе содржат протеини.

ЈАТКИ
Додајте јатки во оброците за да го зголемите калориското внесување, бидејќи е невозможно да градите мускули без калории – само 30 грама бадеми ќе ве обезбедат со 170 калории, плус  протеини, масти и влакна.

The post Што да јадете за инстант мускули? appeared first on Аптеки PlusPharma.