• 1 позрела поголема банана
• 30гр бадеми (или лешници)
• 20гр ленено семе
• 10гр ореви
• 1 јајце
• 1 белка
• 50мл млеко
• цимет по вкус

Подготовка:

Испасирајте ја бананата со виљушка или во блендер. Сомелете ги бадемите и лененото семе, а оревите исечкајте ги, бидејќи покрупни се повкусни. Во огноотпорен сад сипете го млекото и штом малку се стопли додајте ги бананите, оревите и мелените јатки, и оставете ги да зовријат на тивок оган. Штом смесата почне да врие, додајте ги јајцата и мешајте непрекинато. Варете ја кашата на средна температура од 5 до 10 минути. Зачинете со цимет по вкус.

За повеќе рецепти кликнете тука.

The post Каша со банана и јатки appeared first on Аптеки PlusPharma.

300 мл јогурт со ниска масленост

2 кафени лажички ситно сечкан кромид

1 лажица рендан свеж ѓумбир

1 лажица маслиново масло

½ кафена лажица црвен пипер

1 кафена лажица ким

¼ кафена лажица куркума

3 ситно сечкани чешни лук

170 г пилешки гради

½ кафена лажица хималајска сол

Подготовка:

Помешајте ги состојките, освен солта. Исечете го стекот на шницли со дебелина од 1 см и наредете ги во маринадата. Ставете ги во фрижидер да се маринираат околу 2 часа. Извадете ги шницлите од маринадата и убаво исцедете ги. Посолете ги од двете страни и печете ги на 180 степени додека да добијат златна боја.

The post Пилешко во јогурт и зачини appeared first on Аптеки PlusPharma.

• 3 јајца
• 250 гр путер чуван на собна температура
• ½ кафена лажица сол
• 30 мл рум
• ½ кафена лажица сода бикарбона
• ½ кафена лажица топла вода
• сок од ½ портокал
• 200 гр сечкани ореви
• 50 гр сечкани лешници
• 200 гр брусница
• 50 гр суво грозје
• 180 гр брашно
• 200 гр мед

Подготовка:

Одвојте ги жолчките од белките. Матете го медот со путерот додека да добиете пенеста смеса, па додадете ги жолчките, солта и румот. Растворете ја содата во топлата вода, сипете го сокот од портокал (очекувајте реакција) па сипете го растворот во смесата што ја матевте. Постепено додавајте го брашното и матете. Во друг сад цврсто изматете ги белките, па додадете ги во матените жолчки заедно со сувото овошје и јатките. Соединете ја смесата со шпатула, па сипете ја во калап за куглоф претходно намастен со путер. Печете го колачот во загреана рерна на 150 степени околу 10 минути, а потоа уште 2 часа на 125 степени. Боцнете чепкалка во тестото за да бидете сигурни дека колачот е печен. Декорирајте по желба.

За повеќе рецепти кликнете тука.

The post Божиќен колач со суво овошје appeared first on Аптеки PlusPharma.

• ½ шолја бадеми

• ¾ шолја урми

• 1 кафена лажица кокосово масло

• 50 г темна чоколада (со 80 % какао)

• Хималајска сол

Подготовка:

Ставете ги урмите да отстојат во жешка вода 30 минути. Во блендер или во друг процесор за храна сомелете ги бадемите, додадете ги исцедените бадеми и кокосовото масло и блендирајте додека да добиете смеса со која може да се формираат бомбици. Обликувајте ги бомбиците и ставете ги во замрзнувачот додека ја топите чоколадата. Потопете ги бомбиците, една по една, во стопената чоколада и поросете ги со хималајска сол. Ставете ги во замрзнувач околу 10 минути, а потоа чувајте ги во ладилникот сѐ до сервирање.

The post Бомбици со хималајска сол и црна чоколада appeared first on Аптеки PlusPharma.

• 150 г азуки грав (претходно потопен во вода минимум 5 часа)

• 1 сечкан кромид

• 6-7 листови зелена салата

• 1 рендан мал морков

• 2 кафени лажици семе од лен

• 3 лажици вода

• 2 лажици магдонос

• Лебни трошки

• 1 кафена лажица сода бикарбона

• Хималајска сол

• Црн пипер

• Коријандер

• Зачини по желба

Подготовка:

Во еден длабок сад ставете ги трите лажици вода и семките од лен и оставете ги да отстојат 5-10 минути. Гравот што стоеше во вода, ставете го да се вари околу 40 минути и во водата додадете лажичка сода бикарбона. Штом гравот е варен, исцедете го од вода и грубо миксирајте го. Додадете ги кромидот, морковот, магдоносот, зачините и на крај додадете ги ленот и претходно исечканата салата. Мешајте додека состојките да се соединат и истовремено ситнете ги со виљушката. Од смесата обликувајте плескавици, извалкајте ги во лебни трошки и пржете ги на кокосово масло по 2-3 минути од двете страни. На интегрално лепче за бургер ставете лист зелена салата, плескавицата, а озгора свеж зеленчук по избор и прелијте со сос од павлака и сенф.

За повеќе рецепти кликнете тука.

The post Веге бургер appeared first on Аптеки PlusPharma.

• 3 круши

• 30 г овесни снегулки
• 30 г сечкани ореви

• Една рака суво грозје

• 2 лажици мед

• 1 кафена лажица цимет

Подготовка:

Преполовете ги крушите и нежно издлабете ги на средина колку да ги отстраните семките. Во еден сад соединете ги овесните снегулки, оревите, сувото грозје, циметот и медот. Наполнете ги крушите со филот и ставете ги да се печат 25 минути на 180 степени. Послужете ги со сладолед од ванила или уште подобро со грчки јогурт.

За повеќе рецепти кликнете тука.

The post Печени круши со ореви appeared first on Аптеки PlusPharma.

Анти ПМС-салата

Потребни состојки:

• 250 г спанаќ

• 1 јајце

• ½ авокадо

• 25 г пармезан

• една рака ореви

• 5-6 ротквици

• 5-6 шери домати

• 1 млад кромид

• 1/2 лимон

• морска сол

• маслиново масло

Начин на приготвување:

1. Внимателно измијте го спанаќот и потопете го во студена вода да отстои 20 минути, а во меѓувреме варете го јајцето. Излупете го авокадото и изрендајте го на ситната страна од рендето. Исечкајте ги оревите и чери доматите на четвртинки. Ротквиците и младото кромитче исечкајте ги на тркалца, но заедно со перцата.

2. Во длабок стаклен сад искинете го спанаќот со раце за да го зачувате железото. Врз него распоредете го авокадото, па наредете ги доматите и јајцето пресечени на четвртинки. Озгора расфрлете ги ротквиците и младиот кромид. Исцедете го лимонот и прелијте ја салатата, додајте маслиново масло, сол по вкус и внимателно промешајте.

3. Озгора поросете ја салатата со малку ореви и ленти пармезан. Пријатен апетит и збогум ПМС!

Зошто токму овие состојки помагаат при ПМС?

СПАНАЌ… Контрола на стресот

Растение кое најмногу изобилува со магнезиум, минерал што докажано ги смирува ПМС- симптомите. Магнезиумот го намалува нивото на стрес и на тој начин ќе успее да го контролира вашето променливо расположение. Ефектот ќе биде уште поголем доколку го комбинирате со Б витамин. Недоволното консумирање на магнезиум е причината за појава на главоболки, сонливост и замор, особено во тие денови.

ЈАЈЦЕ… За грчевите да стивнат

Витаминот Б6 е причината поради која ќе додадете и јајце во салатата. Овој витамин ќе ви помогне да ги намалите грчевите во стомакот и да го контролирате душевното расположение. Јајцата се богати со холин од кој зависи не само развојот на мозокот, туку и неговото нормално функционирање. Две големи јајца содржат 252 милиграми холин, тоа е речиси половина од дневните потреби.

АВОКАДО… Против болки

Авокадото ќе ви помогне да внесете есенцијални масни киселини во телото и да ја намалите болката во стомакот. Тоа се истите оние масни киселини што ќе ги најдете и во маслиновото масло. Тие важат за најздравите масти познати на науката кои спречуваат рак на дојка и срцеви заболувања. Имате проблем со холестеролот? Не грижете се, авокадо е дозволено да јадете.

ПАРМЕЗАН… Лек за подуеност

Калциумот е најдобриот сојузник во борбата со ПМС, а него ќе го најдете во сите млечни производи. Истражувањата потврдија дека калциумот ја намалува подуеноста на стомакот, истовремено намалувајќи ги болките и грчевите. Калциумот ја контролира нагласената желба за грицки и брза храна за време на ПМС.

РОТКВИЦА… Против акни

Освен калциумот и магнезиумот, добро ќе ви дојдат и витаминот А и витаминот Д затоа што ќе помогнат за целосна апсорпција на калциумот и ќе спречат појава на акни. Ја избравме ротквицата бидејќи го подобрува лачењето на желудочните сокови, ја подобрува работата на цревата, што значи дополнителна помош за подуениот стомак.

The post Збогум ПМС-симптоми appeared first on Аптеки PlusPharma.

Под традиционален ајвар се подразбира јадење кое се приготвува исклучиво од црвени пиперки. Да се направи добар ајвар, кој предизвикува и мами,е вистински предизвик,но и вистинско задоволство. Денот, кога во една куќа се прави ајвар, е празник. Едноставно не постои процес кој на полесен начин може да ги обедини сите членови на денешното модерно семејство. Постојат верувања дека традицијата на пoдготовка на ајварот потекнува од многу поодамна кога претставувал редовна закуска на Платон и Аристотел.

Варијации од состојки и вкусови
Сепак, постојат доста варијанти на оваа тема. Во чекор со модерното живеење и овој тип на храна претрпува доста промени преку воведување на нови состојки кои само придонесуваат до надополнување на вкусот и изгледот на овој специјалитет.
Овие намази често содржат и други додатоци, а не само пиперки како ајварот. Тие се подеднакво вкусни како и традиционалниот, така што доколку сакате да пробате нешто ново, овие рецепти се совршени за сигурно експериментирање.
Иако разочарува нивната нутритивна вредност и големата калориска вредност, сепак, вкусот е пресудната вредност за нивна масовна консумација. Пиперките се богати со витамин Ц, модриот патлиџан содржи витамини од Б групата, додека црвениот домат има доста ликопен. Сите состојки во свежа форма имаат исклучително важна улога во нашата исхрана, но со обработка се губат и се намалува нивниот ефект. Затоа се препорачува умерено консумирање на овие производи.

Во прилог ви ги претставуваме најчестите и  најпознати деликатеси кои во основата на својата подготовка ја имаат печената црвена пиперка.

Традиционален ајвар
За подготовка на ајварот најпрво треба да се одберат убави црвени пиперки кои се карактеризираат со рамни површини  погодни за рамномерно печење на пиперката, а воедно имаат и подебели ѕидови со што по лупењето ќе имаат поголема количина меснат дел за подготовка на ајварот.

Состојките кои ви се потребниза подоготовка на ајвар се следни:
·     25 до 30 кг црвени пиперки
·     2 л масло
·     100 г шеќер
·     50 мл винска киселина
·     сол по вкус
Првиот чекор е миење на пиперките. Вака подготвените пиперки се печат од сите страни, а откако се испечени тие се собираат во сад кој има капак, кој служи за подобро и полесно лупење на пиперките. Откако сите пиперки се испечени, следува нивното лупење. Се внимава да се отстранат сите заостанати лушпи и семки, и веќе излупени се оставаат да се исцедат најмалку неколку часа, или пак најдобро би било да се остават преку ноќ, за да се добие ајвар кој ќе биде посув и повкусен. Доколку немате време да го чекате процесот на цедење на пиперките, без грижи, бидејќи водата од пиперките ќе испари при нивното пржење.
Откако пиперките се исцедени, тие се мелат во машина за мелење и вака сомелени се ставаат во голем сад кој е соодветен на големината на огнот на кој понатаму ќе го пржите ајварот.
Пржењето на ајварот започнува така што најпрво се ставаат маслото, киселината, шеќерот и солта да зовријат, односно да се пропржат додека шеќерот да зарумени, потоа се додаваат мелените пиперки и се започнува со мешање.
Пржењето на ајварот најчесто е во времетраење од 2 до 3 часа, зависно од течноста на ајварот. Наједноставен знак дека ајварот е готов е кога ќе забележите дека зад лажицата со која мешате останува трага и можете да го видите дното на тенџерето.
Готовиот ајвар се собира во тегли кои однапред се подготвуваат со затоплување на 50 целзиусови степени и убаво се затвораат. Важно е теглите добро да се наполнат и одозгора да се стави малку зовриен зејтин. Потоа се затвораат капаците и секоја тегла посебно се витка во хартија. Исто така, сите тегли се завиткуваат со нешто (ќебе), за да се заштитат од надворешната температура. Така завиткани треба да отстојат 24 часа, по што ајварот е подготвен за јадење.

Ајвар со модри патлиџани и моркови

Потребни состојки:
·     30 кг црвени пиперки
·     8 модри патлиџани
·     3 кг моркови
·     1 ½ л масло
·     3 лажици сенф
·     8 лажици шеќер
·     4 лажици сол
Подготовката на овој ајвар е подеднакво иста како и традиционалниот. Пиперките се мијат и им се отстрануваат семките и дршките. Потоа тие се печат и лупат.
Морковите се лупат, се мијат и се ставаат во сад со вода на оган. Тие се варат сèдодека убаво не омекнат.
Модрите патлиџани се печат и потоа се лупат. Се оставаат заедно со излупените пиперки преку ноќ да се цедат. Следниот ден се мелат на машина за месо.
Се започнува со пржењето на ајварот. Маслото се става во сад на оган да се загрее. Во веќе загреаното масло се додаваат мелените пиперки, модрите патлиџани и морковите (кои исто така се сомелени).
Ајварот се пржи со постојано мешање околу 2 часа, односно се додека не го видите дното на садот во кој го пржите ајварот.
Кога ајварот е готов, се собира во топли тегли и теглите се затвораат убаво со капаци, идентично како за традиционалниот ајвар.

Зелен ајвар – малиџано

Разликата во подготовката на овој ајвар е во тоа што наместо црвените пиперки, тој се подготвува со зелени пиперки.
Состојкитеза овој рецепт се:
·     25 до 30 кг зелени пиперки
·     10 модри патлиџани
·     1 ½ л масло
·     100 г шеќер
·     50 мл винска киселина
·     Сол по вкус
·     4 лажици сенф
Се започнува со миење на пиперките. Вака подготвените пиперки се печат и се собираат во сад кој има капак за полесно лупење. По пиперките се печат и модрите патлиџани, кои потоа се лупат. Потоа пиперките се лупат и се оставаат да се исцедат преку ноќ заедно со модрите патлиџани.
Откако пиперките и модрите патлиџани се исцедени, се мелат на машина за месо и се ставаат во сад на оган да се пржат. Се додаваат маслото, солта, шеќерот и киселината. Пржењето на ајварот е со постојано мешање и истото трае околу 2 часа. Како и за традиционалниот ајвар, така и за зелениот ајвар е исто правилото – кога ќе го видите дното на садот по поминување со лажицата, тој е готов.
10 минути пред крајот на пржењето додадете го сенфот. Потоа готовиот зелен ајвар се става во затоплени тегли кои добро се затвораат и се оставаат уште 15-тина минути на иста температура.
Лутеница

Состојкитеза овој рецепт се:
·     7 кг црвени пиперки
·     5 кг домати
·     1 кг лути пиперки
·     1 шолја шеќер
·     1 шолја вински оцет
·     ½ шолја сончогледово масло

Подготовка:

Испечете ги пиперките, излупете ги и убаво исчистете ги од семките. Оставете течноста од нив добро да се исцеди.
На оган ставете го излупениот домат да се готви околу еден час, додека смесата не стане густа.
Со помош на миксер можете и убаво да ги изблендирате.
Во сосот од домати ставете ги пиперките кои сте ги пресекле на покрупни парчиња, убаво измешајте, додадете го маслото и оставете да се готви еден час.
Потоа додадете ги оцетот и шеќерот и гответе околу 30 до 50 минути.
Пред самиот крај ставете исечкан магдонос.
Врелата лутеница ставајте ја во жешки тегли и преку ноќ оставете ги теглите замотани во материјал, една до друга.
Овој македонски специјалитет може да се сретне како лутеница, лутенка или лутица. Како и да се нарекува, препознатлив е по пикантната арома на печените лути пиперки, дополнета со сос од домати и лук.

Генерално, ајварот се приготвува во големи количини заради што и предложените рецептури се наведени со состојки во поголем квантитет. Сепак, постојат случаи кога заради немање на услови за подготовка или немање на потреба од големи количнини да се подготвува ајвар, истиот може да го подготвите во вашата кујна.

Состојките кои ви се потребни се следни:
·     1 кг црвени пиперки
·     ½ кг домати
·     2 лажички сол
·     100 мл масло
Се започнува со миење на пиперките и нивно печење на рингла на шпорет. Потоа тие се ставаат во сад со капак за полесно лупење. Пиперките потоа се лупат и се мелат. Заедно со нив сомелете ги и доматите и ставете ги во длабок сад. Садот ставете го на оган, додадете го маслото и пржете го ајварот околу 30 минути, додека водата да испари. Потоа соберете го ајварот во тегли.

Еден од најважните, можеби и најмачен дел е лупењето и чистењето на пиперките од семки. Од ова многу ќе зависи и квалитетот и вкусот на ајварот!

Подготовката на ајварот на нашето поднебје претставува голем социолошки феномен. Маалскиот начин на живеење и добрососедските односи се евидентни токму во време кога се подготвува ајварот.  Така на пример, во некои делови од Македонија, сèуште може да се сретне како цело едно маало прави  ајвар на само неколку ќумбиња, по  системот еден пече, друг лупи. Се разменуваат дрва, рецепти, се дегустира и на крајот се разменуваат тегли ајвар. Сепак, модерните трендови на живеење, законските одредби и брзото темпо на живот, имаат свое влијание врз овој феномен. Сèпочесто овој вкусен деликатес наместо да се подготвува на традиционален начин, се заменува со тегла купена од најблискиот маркет.

Иако самата подготовка на овие производи е долготрајна и макотрпна, сепак, крајниот резултат го оправдува вложениот труд. Нека овие деликатеси бидат Ваш идеален придружник во ладните зими и создаваат незаменливо и уникатно задоволство на консументите.

The post АЈВАР – СИТЕ БОИ И ВКУСОВИ appeared first on Аптеки PlusPharma.

Доколку правилно се користи, препишаниот лек може да го подобри здравјето и квалитетот на животот, па дури и да спаси нечиј живот. Сепак, постои и друга страна, на нивна злоупотреба или неправилна употреба која може да има штетни, па дури и смртоносни последици.

Што е правилна  употреба?
Правилна употреба на еден лек е негова употреба според упатствата дадени од страна на лекар или фармацевт кој добро ја знае намената на лекот и медицинската историја. Ова подразбира употреба на соодветна доза од лекот, во соодветно време, поради соодветни здравствени причини. Истото важи и за лековите кои можат слободно да се купат и без лекарски рецепти. Лековите стануваат опасни по здравјето кога се земаат поради погрешна причина, во погрешна доза или кога се земаат лекови кои му се препишани на некој друг. Доколку, и покрај тоа што лекот го земате на исправен начин, а се сомневате дека можеби станувате зависни од него, за тоа е потребно да разговарате со својот лекар или фармацевт. Тој најдобро знае што да се направи во таквата ситуација, а сепак да не биде запоставен основниот здравствен проблем.

The post ЗЛОУПОТРЕБА НА ЛЕКОВИ appeared first on Аптеки PlusPharma.