Спанаќ

Општо познат е фактот дека спанаќот е еден од најбогатите извори на железо. Но, малкумина знаат дека содржи и тилакоиди, состојки кои поттикнуваат лачење на хормонот за ситост. Колку повеќе спанаќ изедете, толку подоцна ќе ви се пријаде. Нов предлог да го внесете во исхраната: Комбинирајте свежи листови спанаќ со банана за утринско смуди или сварете го спанаќот и ставете во смеса за плескавици, палачинки или омлет.

Младо сирење

Младото бело сирење е извор на чисти протеини на пример, во количина од 245 грама или дури 28 грама чист протеин наречен касеин. Потребно е долго време за касеинот да се преработи, а тоа значи продолжено чувство на ситост. Нов предлог да го внесете во исхраната: Згмечете го сирењето, додадете лук во прав, лимон, пиперка и оригано и ќе добиете совршена закуска. Користете го и како замена за млеко во смуди – 125 гр младо бело сирење, 1 средна банана, 50 гр смрзнати јагоди, 1/4 лажичка екстракт од ванила и вода.

Јаболко

Јаболкото изобилува со растителни влакна кои даваат чувство на полност во стомакот. Едно истражување потврдува дека луѓето кои изеле јаболка 15 минути пред ручек, за време на оброкот внеле 200 калории помалку. Нов предлог да го внесете во исхраната: Свежо јаболко одлично оди во комбинација со зелена салата со рукола, мисиркино месо и суво грозје. Вклучете го во овесна каша со ореви или пржете го со малку цимет и додадете го во сендвичот со путер од кикирики.

Ореви

Јаткастите плодови изобилуваат со многу калории, па ако редовно се консумираат треба да се биде особено внимателен во однос на количината. Но, едно истражување покажува дека клеточните ѕидови на оредвот многу тешко се дигестираат, па затоа консумираме само една петиина од мастите што ги содржат. Уште при грицкањето на оревите во устата, телото почнува да се чувствува сито. Нов предлог да ги внесете во исхраната: Оревите се одличен прилог за сите варијанти на зелена салата со пилешко и одлично се вклопуваат во бурито.

Јајца

Ако барате 100% чист протеин, нема подобар извор од јајцата. Едно истражување споредувало две групи на луѓе од кои едната, секое утро за појадок појадувала две јајца и овошје. Истражувањето покажало дека токму таа група внесува 164 калории помалку за време на ручекот. Нов предлог да ги внесете во исхраната: Згуснувајте ги супите и чорбите со јајце, вклучувајќи го јајцето во тестенини или пица или во варена овесна каша.

Овесна каша

Целите зрна се во тренд и тоа со потполно право, бидејќи во комбинација со млеко, јогурт, па дури и вода, се добива вистинска енергетска бомба од хранливи влакна кои ја забавуваат дигестијата и го одложуваат гладот. Нов предлог да ја внесете во исхраната: Освен овесна каша, денес постојат безброј рецепти за овесни палачинки, мафини и здрави колачи со овесно брашно.

Малини

Во однос на растителните влакна, малините се на врвот на лситата меѓу овошките. Имаат повеќе влакна дури и од боровинките. толку се хранливи што едно истражување покажува дека околу 250 гр маалини (содржат 65 калории) во денот, поттикнуваат значително намалување на апетитот. Нов предлог да ги внесете во исхраната: Малините се одличен додаток во чиа пудинг, овесна каша или како прилог за палачинки. Комбинирајте ги со сечкан коријандер, лук, кромид и сок од зелен лимон за да направите прелив за риба или пилешко.

Црвен грав

Мешунка што е добро да ја внесувате барем еднаш во неделата, бидејќи изобилува со многу растителни влакна и протеини скоро колку месо. Нов предлог да го внесете во исхраната: Црвениот грав е одличен прилог за марула салата, но и за закуска – исцедете го гравот од конзерва, додадете му маслиново масло, црвена пиперка и лук и ставете го на хартија за печење. По 45 минути печење на 200 степени имате готова закуска.

Пуканки

Хранливите растителни влакна не се единствената тајна состојка на овие моќни зрна. Содржат само 100 калории, а бидејќи се волуменозни и подразбираат продолжено џвакање, за кусо време поттикнуваат ситост. Нов предлог да ги внесете во исхраната: Додадете ги во макароните со топен кашкавал или како совршен финиш на сладок колач.

`РЖ

Едно истражување покажува дека луѓето кои јаделе леб од рж, подолго време остануваат сити, дури 8 часа после оброкот. Причината за оваа појава се хранливите влакна на брашното од `рж  ко иимаат голема моќ врз метаболизмот. Нов предлог да го внесете во исхраната: Исечете парче ржано лепче, стоплете го со малку маслиново масло и лук во прав. Можете да купите и `ржани галети и да ги комбинирате со путер од јатки и банана.

Ви здодеаја дозволените намирници?

Секој нов начин на исхрана со текот на времето станува здодевен и логично е да немате ниту желба ниту волја да зготвите спанаќ по којзнае којпат. Во тие моменти, многу е веројатно да скршнете од патот на здравата храна. За да не ви се случи тоа, едноставно вклучете нови зачини во готвењето. Со вистинските зачини и наједноставното јадење станува деликатес. Но, најдоброто од се е тоа што зачините не дебелеат.

Циметот го потиснува апетитот, а истовремено го забрзува метаболизмот. Дејствува како инсулински стимуланс и овозможува поефикасно метболизирање на шеќерот.

Каенски пипер е лут зачин што желудникот лесно го поднесува, а тој пак го пролонгира чувството на ситост. Помага да се намали лошиот холестерол во крвта, а капсаициниот што го содржи го забрзува согорувањето на мастите.

Тилчецот содржи растителни влакна кои даваат чувство на полност во стомакот, заситуваат и спречуваат да се прејадете.

Кардамомот е диуретик и силен стимулатор на метаболизмот со чија помош се согоруваат мастите за многу брзо време.

The post Намирници – пријатели на секоја диета appeared first on Аптеки PlusPharma.

Тајната на ПОПАЈ?

Спанаќот, на латински Spinacia oleracea е едногодишно растение кое се претпоставува дека потекнува од Блискиот Исток, каде расте како самонико растение. Иако може да се купи во текот на целата година, неговата сезона трае од март до мај и од септември  до октомври, кога е најсвеж и е највкусен. Овој зеленчук со својата деликатна текстура и изразита зелена боја обезбедува повеќе хранливи материи од која било друга храна. Како вистинска ризница на нутриенти нуди идеален сооднос на хранливи материи во однос на својата калориска вредност. Во неговиот богат состав можеме да најдеме минерални соли како што се: натриум, калиум, калциум, фосфор, магнезиум, цинк, јод, бакар, витамини од кои најзастапени се витамин Ц, Б_1, Б_2, Б₆, витамин Е, витамин К, фолна кислелина и витамин А. Освен тоа, содржи и хлорофил, аминокислеини како што се аргинин и лизин, но и липиди, протеини и диететски влакна потребни за одржување на здравјето. Покрај ова,  спанаќот е одличен извор на железо.

Неколку причини повеќе спанаќот да биде дел од Вашата секојдневна исхрана:
Делува антиоксидативно и антивоспалително
Спанаќот е богат со флавоноиди и каротеноиди кои делуваат антивоспалително и антиоксидативно.  Тој е одличен извор на нутриенти како витамин Ц и Е, бета-каротен, манган, цинк и селен, кои го штитат организмот од болести поврзани со антиоксидативен стрес.
Го намалува крвниот притисок
Спанаќот е богат со калиум, а сиромашен со натриум. Односот на количините на овие минерали е значаен за крвниот притисок, бидејќи калиумот го намалува, а натриумот го зголемува. Фолната кислеина, којашто ја содржи спанаќот, помага во регулирање на хипертензијата и опуштање на крвните садови, со што овозможува одржување на правилен проток на крвта.

1. Го штити видот
   Спанаќот е богат со лутеин, кој е присутен во голем дел од очниот пигмент. Како изразит антиоксидант има јако заштитно дејство на макулата. Затоа вклучувањето на спанаќот во нашата секојдневна исхрана може да биде од огромна корист за заштита на видот. Спанаќот, исто така, е многу богат со витамин А, па така е корисен и за луѓе со слаб вид. Пиењето сок од спанаќ двапати дневно може да помогне во подобрување на видот.
2. Го зајакнува имунитетот
   Една чаша спанаќ го задоволува препорачаниот дневен внес на витамин А, кој не само  што ги зајакнува „слабите точки“ на имунитетот, дишните патишта и уринарниот тракт, туку е и значајна компонента на белите крвни клетки кои се борат против инфекциите.
3. За здрава и млада кожа
   Витаминот Б кој е присутен во спанаќот помага во одржување на цвртината на кожата. Спанаќот, исто така, ја штити кожата и од штетните сончеви зраци, вклучувајќи ги и УВ зраците. Со тоа спанаќот го намалува ризикот од рак на кожа и ни овозможува да имаме здрава кожа. Спанаќот ја штити кожата од стареење и ѝ дава младешки изглед.
4. Ги штити коските
   Една чаша зготвен спанаќ содржи повеќе од 200% од препорачаниот дневен внес на витамин К. Витамин К помага во спречување на разградување на коските. Бидејќи е богат  извор на калциум, се препорачува и кај луѓе со остеопороза. Други минерали како што се манган, бакар, магнезиум, цинк и фосфор кои се присутни помагаат во градењето на цврсти коски.
5. Против анемија
   Како инзвонреден извор на железо, спанаќот е една од намирниците од прв избор кога е во прашање превенција и помош во лекување на анемии првенствено кај деца, адолесценти и бремени жени.
6. Дијабетес
   Магнезиумот, кој е присутен во спанаќот, помага во превенција на компликациите кои го придружуваат дијабетесот. Редовно внесување на спанаќ ги стабилизира нивоата на шеќер во крвта и спречува нагли промени на концентрациите на шеќерот во крвта.
7. За добра дигестија и вита линија
   Една чаша спанаќ содржи 20% диететски влакна кои ја помагаат дигестијата на храната, спречуваат опстипација и дава чувство на ситост
8. . Во борба против ракот
   Истражувањата покажуваат дека го намалува ризикот од рак за 34%. Витамините А и Ц, диетестските влакна, фолната киселина, магнезиумот и 13-те различни видови флавоноиди помагаат во борбата против рак, особено против рак на дебелото црево, белите дробови и рак на дојката. Докажано е дека исклучително е значаен во спречување на рак на простатата.

Кулинарски совети

Како природен извор на здравје и убавина во кулинарството е неизоставен, и се користат само млади и меки листови со кратки рачки. Долгите рачки се знак дека растението е старо.  Пред употреба секој лист треба добро да се измие со ладна вода. Спанаќот не треба да се остави да стои потопен во вода!  Најдобро е да се готви на пареа или сосема кратко да се бланшира. По бланширање, најдобро е листовите да се прелијат со ладна вода, бидејќи на овој начин ќе ја зачува темнозелената боја, а и количината на нитрати ќе падне за 70%.

Младите и сирови листови свежи може да се употребат за салата. Рачките треба да се отстранат, бидејќи содржат оксална киселина. Консумиран свеж добро е да е  зачинет со маслиново масло и лимонов сок или да се комбинира со кисело млеко/јогурт (на овој начин присутните оксалати се врзуваат за млечната киселина  и се исфрлаат од организмот). Кога готвите спанаќ, се препорачува водата во која се варел да се расипе, бидејќи е заситена со нитрати. Секогаш гответе онолку колку што може да се изеде во текот на денот. Остатокот треба да се изеде незагреан или да се фрли, бидејќи еднаш термички обработениот зеленчук не е препорачливо повторно да се загрева (при повторно загревање се создаваат нитрати кои под дејство на бактериите во дебелото црево се претвораат во нитрозамини, кои пак делуваат канцерогено).

Лица кои имаат проблеми со функцијата на бубрезите треба да избегнуваат употреба на спанаќ заради содржината на оксалати кои кај овие лица може да предизвикаат здравствени тегоби. На лица со нарушена функција на штитната жлезда, исто така, не им се препорачува, бидејки содржи состојки кои можат  да влијаат врз нејзината работа.

The post СПАНАЌ – дневна доза здравје appeared first on Аптеки PlusPharma.

ШТО Е ДОБРО?
Избалансираната исхрана, секако, треба да содржи сирова и обработена храна. При обработка на зеленчукот може да сe изгубат одредени нутриенти, како што се витамините Б и Ц, но добро избалансираната храна, која би ги вклучила и двата начини на подготовка, подразбира дека нашето тело ќе ги добие сите потребни состојки. Секако, доколку се обработува, препорака е зеленчукот секогаш да се обработува на пареа и тоа што е можно пократко.Одредени, пак, намирници, при термичка обработка ја зголемуваат содржината на хранливите компоненти. На пример, термички обработени моркови, домат, зелка,  обезбедуваат повеќе антиоксиданси, отколку кога би ги јаделе свежи и во сиров облик.

СИРОВО ИЛИ ВАРЕНО?

Морков

Богатството со бета-каротен гo чини морковот многу важен во исхраната, ако се знае дека истиот е од витално значење за нормално функционирање на многу органи и ситеми во нашето тело. Од одржување на нормален метаболизам, до добар и здрав вид, кожа и имун систем. Истражувањата потврдуваа дека со термичка обработка се зголемуваат вредностите на бета-каротенот во морковот.
Препорака: најдобро варено

Црвена пиперка

Сировата пиперка е одличен извор на витамин Ц. Таа има дури двапати повеќе витамин Ц од портокалот. Витаминот Ц е нестабилен на топлина, па во случај на обработка на пиперката, неговите концентрации ќе се намалат. Јадењето во сирова форма или подготовка на свежи салати со пиперка се идеални за максимално искористување на нејзините вредности
Препорака: најдобро сирово

Домат

Ликопен, пигментот кој му ја дава бојата на доматот, има изразени антиоксидантни карактеристики и со докажани антиканцерогени ефекти. Во однос на неговата расположливост во доматот, утврдено е дека поголеми концентрации на ликопен има во конзервираниот домат кој е обработен.
Препорака: најдобро варено

Брокола

Броколата се смета за изразено здрава намирница. Поседува широк спектар на фитонутриенти корисни за нашето здравје. Сировата брокола има многу повеќе корисни состојки од варената. Топлината оштетува одредени ензими и затоа се препорачува употреба во сирова форма или со многу лесна обработка на пареа. На овој начин ќе бидеме сигурни дека добиваме најмногу од оваа едноставна намирница.
Препорака: најдобро сирово

Спанаќ

Спанаќот е инзвонреден лиснат зеленчук. Богат е со калиум, витамин А и Ц, и други хранливи материи важни за имунолошкиот систем. Зелените лисја се богати со калциум, магнезиум и манган, и сите заедно со улога за здрави и цврсти коски. Листата на неговите здравствени предности е голема, а за истата цел најдобро е да се консумира во сирова форма или лесна термичка обработка на пареа. Обработен, спанаќот се консумира веднаш и не треба повторно да се подгрева.
Препорака: најдобро сирово

Зелка

Преполна е со витамин Ц, калциум, бета-каротен, лутеин и низа други активни компоненти. Зелката ја подобрува дигестијата, делува превентивно кај настинки, кашлица и заздравување на рани. Одличен избор при запек и регулирање на телесната тежина.
Препорака: најдобро варено

Кељ

Богат со витамин А и витамин Ц, и двата важни за здрава кожа и здрав имунитет. При обработка на оваа намирница се губи голем дел од витаминот Ц, па е исправно кељот да го подготвите во што помалку вода и да го обарите сосема малку, и тоа на пареа со додаток на маслиново масло.
Препорака: најдобро сирово

Прокељ

Прокељот е богат со витамин Ц, витамин К, фолна киселина и важни фитохемикалии, заради кои има епитет на потенцијален „убиец“ на канцерогените клетки. Доволно е да консумирате девет главици прокељ на пет дена, и тоа најдобро подготвен на пареа не повеќе од 5 минути.
Препорака: најдобро варено.

Сировата храна е здрава, но најдобро е да направите баланс и да внимавате кои намирници ги внесувате сирови, а кои термички обработени. Со термичката обработка одредени витамини и минерали можат да се уништат, но, од друга страна, пак, многу антиоксиданси се активираат при обработката. Затоа, јадете разновидна храна и балансирајте го внесот на сировите и термички обработените продукти! На овој начин ќе внесете соодветно количество на витамини, минерали и на антиоксиданси. 

The post ОД ЗДРАВО ПОЗДРАВО ПРАКТИЧЕН ВОДИЧ ЗА ОБРАБОТКА НА ЗЕЛЕНЧУКОТ appeared first on Аптеки PlusPharma.

Преполн е со хранливи материи, антиоксиданти и антиканцерогени состојки. Има кревки, крцкави, темнозелени листови, кои се омилена состојка на готвачите низ целиот свет. Спанаќот изобилува со голем број хранливи фитоматерии, што го одржуваат доброто здравје и спречуваат развој на болести.

Има многу ниска калорична вредност, а е богат со завидно количество растворливи растителни влакна. Во 100 г спанаќ се содржат околу 25% од дневните потреби од железо, што е меѓу најбогатите од зелените лиснати зеленчуци.

Свежите листови се богат извор на неколку витални антиоксидантски витамини, како што се: витамин А, витамин Ц, и флавоноидни полифенолни антиоксиданти, како што се: лутеин, зеаксантин и бета-каротин. Заедно, овие состојки служат како заштита од слободните радикали кои настануваат како последица на интеракцијата со кислородот, што, пак, игра огромна улога во развојот на болести и во процесот на стареење. Спанаќот, во свежа форма, најчесто е достапен во зимските месеци. Во продавниците купувајте свежи, крцкави листови што имаат темнозелена боја. Избегнувајте ги листовите што се избледени и пропаднати или, пак, што имаат жолти точки.

The post Спанаќ appeared first on Аптеки PlusPharma.