Го прескокнувате петочното собирање во ресторан, вежбате трипати во неделата и освен овошен сладолед не се сеќавате кога последен пат каснавте десерт. Стомакот почна да се повлекува и вие бевте среќни и задоволни.
Одеднаш, преку ноќ, воспоставениот режим престана да функционира! Се прашувате зошто кога бевте крајно дисциплинирани?!

Науката вели дека телото се бори против промените и се труди на секаков начин да ги врати изгубените килограми. Истражувањето од Универзитетот во Мелбурн вели дека слабеењето предизвикува специфична хемиска промена поради која копнееме по храна. Таа може да се активира и откако ќе ја намалите тежината за 5 %.
Водачот на студијата, професорот Џозеф Пројето, вели дека доаѓа до промена кај хормоните кои го регулираат апетитот и истата може да биде присутна година дена. Токму поради оваа хормонска стапица на луѓето им оди тешко да ја одржат телесната тежина, а дел од нив стануваат и подебели после диета.

Грелин

Грелин или хормон на гладот е алармот што нѐ потсетува дека треба да јадеме. Неопходен е за да преживееме, но не е добредојден кога сме на диета. Токму тогаш се зголемува неговото излачување за 20 % и затоа сме гладни на секои 5 минути. За да се спасите од оваа стапица потрудете се појадокот да изобилува со јаглехидрати. Истражувањето од Универзитетот во Тел Авив во Израел потврди дека тие ја намалуваат продукцијата на грелинот во текот на денот. Денот започнете го со мешунки во комбинација со ’ржан леб. После појадокот помогнете им на јаглехидратите со протеини од јајце или месо. За ручек кафениот ориз заменете го со соја, бидејќи содржи повеќе протеини од некои житарки или каснете овошен јогурт за десерт. За вечера јадете суши или ровко пилешко месо, колку помалку го готвите месото толку повеќе протеини ќе задржите. Студијата на American Journal for Clinical Nutrition откри дека ако 60 % од чинијата се состои од високо протеински намирници, нивото на грелин ќе падне.

Лептин

Кога грелинот напаѓа, хормонската одбрана се повлекува. Студиите велат дека лептинот, хормон кој испраќа сигнал до мозокот дека телото примило доволно масти и дека сме сити, практично исчезнува. За да го вратите во игра лептинот неопходен ви е еден планиран калоричен оброк. Истражувањето од Универзитетот во Вашингтон откри дека откако ќе се вратиме на нормален начин на исхрана, по период на постење или воздржување од одредена храна, доаѓа до рестартирање на нивото на хормоните онака како што биле на почетокот. Риба и компир – одличен оброк за да ги измамите хормоните да се вратат на првичното ниво. Јаглехидратите во компирот ќе го поттикнат лептинот, додека студијата на клиниката „Мајо“ откри дека диетата на база на риба ја зголемува чувствителноста на лептин. Тоа значи дека вашето тело ги слуша пораките што му ги испраќате, поточно онаа што вели дека ви е доста од јадење. Ако сѐ уште сте загрижени дека ќе се изгуби пораката што ја праќа лептинот, прескокнете ја попладневната дремка. Студиите направени во Универзитетот во Чикаго открија дека лишувањето од сон може да го зголеми нивото на лептин за 20 %.

Допамин

Истражувањето што доаѓа од Универзитетот во Калифорнија вели дека во моментот кога каква било масна храна ќе го допре вашиот јазик, мозокот ви дава сигнал да јадете. И да јадете. И да јадете уште повеќе. Време е за нутритивно надмудрување. Како ќе го постигнете тоа? Неопходно е да го излажете мозокот дека храната од вашата диета е подеднакво вкусна како забранетата. Вашиот сојузник се вика тирозин, а го има во бананите, авокадото и бадемите. Тирозинот е невротрансмитер и аминокиселина, која ја поттикнува мозочната активност и помага да се поттикне производство на допамин. Допаминот ја контролира желбата за јадење во мозокот, па во моментот кога ќе внесеме тирозин се чувствуваме позадоволни од јадењето и повеќе не ни се јаде. Контролирајте го непромисленото јадење со промислен оброк. Додека јадете, концентрирајте се на сите аспекти на храната. Обрнете внимание на мирисот, вкусот, текстурата, изгледот на јадењето. Така ќе успеете да правите дистинкција помеѓу вистински глад и стрвност.

The post Стапици што ја саботираат витката фигура appeared first on Аптеки PlusPharma.

Страдате од болки во грбот? Не сте сами! 16 милиони возрасни лица (тоа се 8 % од сите возрасни лица во светот) страдаат од болки во грбот и ’рбетот. Тоа е двојно повеќе од бројот на лица кои страдаат од попреченост предизвикана од срцеви проблеми.

Болките во грбот влијаат на квалитетот на животот, но прашањето е како овој навидум решлив проблем станува хроничен?

Слаби или некоординирани мускули на јадрото

Старееме, стануваме сѐ помалку физички активни, а тоа води до слабеење на мускулите особено оние на јадрото и ’рбетниот столб.

Овие мускули се клучни, бидејќи од нив зависи правилното држење на телото. Тие служат како поддршка на ’рбетот, колковите и карлицата.

Штом овие мускули попуштат, ослабат и станат некоординирани како последица на слабите навики за вежбање или некоја повреда, целото тело станува неурамнотежено и склоно на болки во грбот.

Без силно и координирано јадро остатокот од телото трпи голем стрес и напор при секое движење, а тоа само ја зголемува болката во грбот и го зголемува ризикот од трајно искривување.

За да превенирате и да не дозволите болката во грбот да стане хронична, неопходно е да ги зајакнете мускулите на јадрото. Но, се чини дека уште поважно е да водите сметка тие да се активираат или контрахираат во вистинско време.

Да научите како да ги активирате мускулите на ’рбетот и јадрото во вистинско време е вештината што ви е потребна за да спречите болката во грбот да стане хронична.

Лошо држење на телото

Постојаното неправилно држење на телото значително придонесува за развој на болката во грбот. Начинот на кој го поставуваме нашето тело додека извршуваме различни задачи, на работа или дома, одредува која точка на грбот ќе стане најчувствителна.

На пример, кога работиме на биро, може да седиме спуштени на столот, свиткани нанапред, свиткани настрана… сите погрешни позиции подразбираат товар за меките ткива, лигаментите и мускулите на грбот.

Со текот на времето може да дојде до воспаление и хронична болка каде било на грбот.

Со правилно поставување на телото и негување на грбот преку масажи за релаксација и спортување се намалуваат штетите предизвикани од непотребното оптоварување.

Честопати луѓето кои страдаат од болки во грбот користат стратегии за справување кои само ги влошуваат нивните симптоми, како што се растегнување на мускулите или неправилно задржување на здивот.

Невропластичност

Најчеста причина поради која болките во грбот стануваат хронични, но истовремено и најчесто занемарена причина што го предизвикува проблемот.

Невропластичноста е способност на мозокот да се реорганизира преку формирање нови нервни врски во текот на животот.

Преку овој природен процес мозокот се приспособува на новите ситуации и учи нови вештини. Сепак, ваквиот мозочен капацитет може да предизвика хронична болка.

Кога нервниот систем ќе се соочи со повреда или некој друг вид оштетување, мозокот може да компензира со формирање нови врски.

Овие нови врски може да бидат абнормални, па мозокот да почне да испраќа сигнали за болка дури и кога изворот на болка повеќе не е присутен.

The post Болки во грбот appeared first on Аптеки PlusPharma.

„Преполовете ја телесната тежина за 30 дена без притоа да се откажете од вашите омилени јадења!“ – вака звучат сите оние реклами кои ветуваат брзо слабеење, без диета, без спорт.

Дали некогаш сте потклекнале на нив? Реалноста е дека не се ништо повеќе од празни ветувања.

Најголем доказ за тоа е начинот на кој функционира метаболизмот на човекот. Едноставно не постоjат чудотворно апче, чај или диета што може да го забрзаат.

Што е всушност метаболизмот?

Стапката на вашиот метаболизам е времето што му е потребно на телото да ја обработи и согори енергијата од храната што ја јадете.

Вашата базална стапка на метаболизам (БМР) е количината на енергија (калории) што му е потребна на вашето тело за одржување на основните функции додека сте во мирување. Тоа сочинува околу 70 % од вашата дневна потрошувачка на енергија.

Многу работи влијаат на вашиот БМР, вклучувајќи ги генетиката, возраста, полот, тежината, висината, колку сте активни и како се храните.

На вашиот метаболизам може да влијаат и лековите, климата, медицинските состојби, хормоните, половите хормони – поради нив на мажите им требаат двојно повеќе калории од жените за да ја задржат истата тежина.

Ако убаво размислите, од сите фактори кои влијаат на метаболизмот, вие сте во позиција да делувате само на два: храната и физичката активност. Ако се осмелите на тој чекор, резултатите нема да ве прескокнат.

Дали согорувачите на масти се ефикасни?

Производителите на суплементи тврдат дека одредени состојки како кофеинот, зелениот чај, капсаицинот, гама-линоленската киселина, се природни согорувачи на маснотиите во телото. Но, научниците велат дека овие состојки имаат незначителен ефект. Сепак, нема штета да ги консумирате особено ако прават да се чувствувате полесно и помалку подуено.

Зелениот чај важи за поттикнувач на метаболизмот, но истражувањата покажуваат дека ниту редовната консумација не резултира со губење на тежината. Истото важи и за кофеинот, за кој нутриционистите велат дека е меч со две острици: треба да го пиете во големи количини (незасладен) за да има ефект, а така ризикувате да станете вознемирени, нервозни, да ви падне шеќерот и да се прејадете.

Диетите имаат траен негативен ефект врз метаболизмот!

Кога телото е на диета, метаболизмот сам забавува? Зошто? Тоа е природен механизам на самоодбрана на телото од гладување. Тоа по секоја цена се обидува да остане на тежината што ја зацртал мозокот, иако вие сметате дека треба да сте послаби.

Ако ја одржувате тежината иста со години, телото станува пристрасно на неа и се труди да ја задржи бројката на килограми за да ве спаси од гладување.

Затоа, штом почнете да јадете помалку, метаболизмот забавува. Губењето на тежината е итен случај за мозокот, а тоа подразбира штедење на мастите, а со тоа и на енергијата.

Како точно делуваат диетите?

Кога телото е изгладнето, метаболизмот забавува, а истовремено се зголемува продукцијата на хормоните кои поттикнуваат глад. Телото на секој начин се обидува да ги сочува калориите со кои располага и плус се бори да дојде до нова количина калории.

Звучи неверојатно, но човечкиот мозок не еволуирал до степен да му помогне на телото да ги симне килограмите и тогаш кога се вишок и се штетни за срцето и здравјето.

Од друга страна, диетите го зголемуваат ризикот од дополнително дебелеење. Една студија вели дека жените кои биле неколкупати на диета, имаат 5 пати поголеми шанси да се соочат со дебелина.

Додека се на диета, луѓето не се свесни дека колку повеќе и колку побрзо губат килограми, толку побавен станува нивниот базален метаболизам.

На телото одеднаш му се потребни помалку калории, но после диетата луѓето продолжуваат со старите навики во исхраната и старата количина калории поради кои се дебелеат.

Забрзувањето на метаболизмот е тешка задача!

Нутриционистите велат дека обидот да го забрзате метаболизмот е како да се обидувате да станете повисоки. Тоа е борба со природата, со биологијата и мора паметно да играте.

Од друга страна, забавувањето на метаболизмот е природен процес и директна последица на слабеењето на мускулатурата кај човекот.

Својот пик метаболизмот го доживува во првата година од животот, бебињата ги согоруваат калориите 50 пати побрзо од возрасните. Потоа постепено се намалува, околу 3 % годишно, сѐ до 20-тата година од животот. Потоа се стабилизира, сѐ додека не навршиме 60 години кога почнува да опаѓа.

Постојат неколку промени во исхраната кои можат малку да го забрзаат метаболизмот:

ВЛАКНА

25-35 грама растителни влакна во денот е количината што ќе поттикне редовно празнење. Човекот едвај внесува половина од пропишаната доза.

ПРОТЕИНИ

Речиси 25-30 % од калориите треба да доаѓаат од протеините. Тоа е помеѓу 500 и 600 калории дневно за некој што вообичаено троши 2 000 калории дневно. Само 10 % од дневната потрошувачка треба да биде од протеини. Имајте на ум дека преголемите количини протеини можат да бидат штетни за здравјето, особено ако се од животинско потекло. За да ги намалите овие ризици, потрудете се да ги црпите протеините од јаткастите плодови и житарките.

МУСКУЛНА МАСА

Зголемувањето на мускулната маса го забрзува метаболизмот во мирување од причина што телото согорува многу повеќе енергија за одржување на мускулите отколку мастите. За да ја зголемите мускулната маса неопходно е да практикувате тренинг со тежок отпор. Многу е полесно да работите на одржување на мускулите во 30-тите и 40-тите, отколку да почнете да ги градите на 60. Тренингот со тежина има и низа други придобивки, вклучувајќи го намалувањето на ризикот од губење на коскената маса што е одличен мотив за кревање тегови 2-3 пати неделно.

ВОДА

Зголеменото количество вода во денот може малку да помогне. Во една студија, жените кои дополнително пиеле литар и половина вода во текот на денот, согорувале дополнителни 50 калории. Тоа нема многу да ја смени тежината, но секако нема штета за здравјето.

Возможно е да ја намалите тежината и во 60-тите!

Здравата храна и физичката активност се најсигурниот пат до здрава телесна тежина. Бидете трпеливи и тежината постепено ќе се симнува. Постепеното слабеење е трајно слабеење, бидејќи само така се воведуваат нови навики во начинот на исхрана, а само тоа може да го спречи враќањето на килограмите.

Најважно е да обрнувате внимание на сигналите што ви ги праќа телото и да го слушате кога е гладно, кога е сито, кога има потреба за одредена храна. Кога телото ја добива храната што навистина му е потребна, вие ќе постигнете здрава телесна тежина.

Емоцијалното јадење или јадењето под дејство на стрес е една од главните причини за високите бројки на вагата, поработете и на тоа. А ако веќе мора да се утешите некако, погрижете се во кујната да извираат само здрави намирници.

Редовното вежбање исто така ќе ви помогне да согорите повеќе енергија, но тоа не е замена за јадење во склад со сигналите на вашето тело. Запомнете, потребно е помалку време да јадете помалку, отколку да вежбате повеќе.

The post Побрз метаболизам за помалку килограми appeared first on Аптеки PlusPharma.

Чубриката е ефикасен природен лек против дијареа која докажано го намалува чувтството на гадење, бидејќи содржи активни компоненти кои спречуваат развој на бактерии во дигестивниот систем. Поновите истражувања покажуваат дека оваа билка успешно го намалува покачениот крвен притисок и го смирува забрзаното чукање на срцето. Добра е да се консумира во сезоната на настинки, бидејќи ја смирува болката во грлото и ја намалува кашлицата.

Малкумина знаат дека чубриката наоѓа голема примена меѓу луѓето со дијабетес, бидејќи билката го намалува чувството на жед што го поттикнува оваа болест.

The post Чубрика appeared first on Аптеки PlusPharma.

Природниот процес на стареење влијае на цврстината на мускулите, па на човекот му станува сѐ потешко да ги одржи мускулите што ги има и да формира нови. Но, слабеењето на мускулатурата не подразбира само збогување со стомачните мускули или трицепсите што некогаш сте ги имале, малкумина се свесни дека оваа промена се однесува и на мускулите кои се сместени длабоко во внатрешноста на телото, како оние на карлицата.

После 50-тата година од животот, особено кај жените, мускулите на карлицата почнуваат да слабеат под влијание на хормонските промени и истрошените сврзни ткива кои стануваат сѐ поизнемоштени. Бидејќи се тенки по природа, овие мускули ја губат силата и тоа создава проблем во секојдневното нормално живеење. Состојбата особено се комплицира штом ослабнат мускулите што го поддржуваат мочниот меур.

Ако постојано се воздржувате од одење во тоалет и згора на тоа не вежбате, голема е веројатноста на старост да се соочите со инконтиненција, состојба која се карактеризира со повремено, неконтролирано мокрење или со потреба од мокрење која е доста ненадејна и силна.

Замислете да не можете да додржите ниту минута за да појдете во тоалет?! Токму ова е секојдневие со кое се соочува околу 25-30 % од светската повозрасна популација.

Симптоми на уринарна инконтиненција

Зачестеното неконтролирано мокрење преку ден, но во некои потешки случаи и во текот на ноќта, е главниот симптом својствен за оваа состојба.

Некои луѓе само повремено се соочуваат со неконтролирано испуштање урина, главно во мали количества. Други пак, неволно испуштаат поголеми количества и тоа почесто.

Типови уринарна инконтиненција

Инконтиненција поради стрес или притисок – доаѓа до мокрење поради тоа што мочниот меур трпи некаков притисок. Ова најчесто се случува при кивање, закашлување, смеење, вежбање или подигнување некој потежок предмет.

Нагонска инконтиненција – се карактеризира со ненадејно, силно чувство и потреба од мокрење. Доаѓа до честа потреба од мокрење, дури и во текот на ноќта. Ваквата состојба може да се јави и поради некаков тип инфекција, но и поради посериозни состојби како дијабетес или некакво невролошко нарушување.

Инконтиненција со прелевање – зачестено или константно мокрење во мали количини, поради нецелосно празнење на мочниот меур.

Функционална инконтиненција – физичко или ментално оштетување, или состојба која ги спречува луѓето навремено да појдат по мала нужда.

Мешана инконтиненција – ова е состојба кога луѓето може да искусуваат повеќе од еден тип инконтиненција на пример, инконтиненција поради притисок и нагонска инконтиненција.

Без разлика на типот на инконтиненцијата, во суштина состојбата може да се карактеризира како привремена или повторувачка.

Привремената инконтиненција може да се јави поради некаков вид инфекција на уринарниот тракт или поради констипација.

Повторувачката инконтиненција може да се јави поради повеќе причини како:

Бременост – хормоните или тежината од плодот може да ја предизвикаат оваа состојба.

Стареење – способноста на мускулите на мочниот меур да ја задржуваат урината се намалува со возраста.

Менопауза – по менопаузата кај жените доаѓа до намалено создавање на хормонот естроген. Овој хормон се смета дека има улога во одржувањето на здрава обвивка на мочниот меур.

Зголемена простата – кај повозрасните мажи, инконтиненцијата често се јавува поради зголемување на простатната жлезда.

Кои ризик-фактори водат до уринарна инконтиненција?

Возраста – со стареењето мускулите на мочниот меур слабеат, па тој ја намалува способноста да ја задржува урината.

Полот – жените се посклони на состојбата. Бременоста, породувањето, менопаузата се дел од факторите кои ја прават инконтиненцијата почеста кај жените. Но, мажите кои имаат проблеми со простата исто така имаат поголем ризик од појава на уринарна инконтиненција.

Прекумерната тежина – вишокот килограми го зголемуваат притисокот врз мочниот меур и околните мускули, па тие слабеат и дозволуваат урината да помине неконтролирано.

Пушењето – цигарите можат да го зголемат ризикот од појава на уринарна инконтиненција.

Генетиката – доколку постојат членови од семејството кои ја имаат оваа состојба, имате поголеми шансите и вие да се соочите со истото.

Други заболувања – како невролошки состојби или дијабетес.

Кога да побарате лекарска помош?

Штом забележите симптоми, веднаш обратете се на лекар! Ако сакате да бидете сигурни, едноставно почнете да водите дневник за тоа колку често мокрите и колку течности внесувате. Проблемите со мокрењето го намалуваат квалитетот на животот, но може да предизвикаат и други здравствени состојби. Можеби не ви е пријатно да бидете отворени за проблемот, но со молчење не добивате ништо!

Како се лекува уринарната инконтиненција?

Изборот на начинот на лекување најмногу зависи од видот и степенот на уринарната инконтиненција. Кај стрес-инконтиненцијата најчесто се применуваат конзервативни методи, како примена на вежби за јакнење на мускулите на карличното дно (Кегелови вежби). Во случај на неуспех или доколку постои голем степен на инконтиненција, се применува хируршко лекување (вградување слингови или сфинктери).

Како вежбањето влијае на мочниот меур?

Сврзните ткива се соочуваат со многубројни промени поттикнати од природниот процес на стареење, но и седентарниот начин на живот игра голема улога. Имено, ткивата во голем степен се истегнуваат под дејство на притисокот што им го прави телото (тежината) кое постојано е во седечка положба – тоа ја зголемува потребата за често празнење на мочниот меур. Неактивниот животен стил е причина и за честа појава на констипација, која пак води до полн стомак, спречувајќи го мочниот меур целосно да се прошири.

Кои вежби може да ја ублажат инконтиненцијата?

Важно е да запаметите дека која било активност е подобра од никаква активност и дека не е потребен којзнае колкав напор за да ги активирате карличните мускули.

Некои вежби може да се прават и додека седите на стол и гледате телевизија или работите на биро, како што се марширање со стапалата, допирање на глуждовите од една страна па на друга страна, заокружување и исправување на грбот или едноставно седење на топка за вежбање. Сѐ што може да го активира јадрото и оние тенки карлични мускули може да помогне да се намалат проблемите со мочниот меур.

Други вежби што можат да се направат вклучуваат одење, јога или тренинг со отпор. Дајте им приоритет на вежбите за истегнување и зајакнување на колковите за да ги решите сите аспекти на проблемот.

Без разлика какви вежби ќе одлучите да правите, исклучително е важно да го слушате вашето тело и да го практикувате она што можете да го поднесете. Прекумерниот напор може да доведе до компликации, наместо подобрување.

Како да се справите со инконтиненцијата ако сѐ уште работите?

Дури и да работите од дома, постојаната потреба да одите во тоалет ќе ве дефокусира од работата.

Пијте повеќе вода кога сте без обврски

Со помал внес на течности ќе ги намалите посетите во тоалетот, но недоволното пиење вода може да поттикне други последици. Затоа, плански пијте вода, помалку додека работите, а повеќе кога сте слободни. Не оставајте се дехидрирани, но не претерувајте со количината.

Обрнете внимание што го дразни вашиот мочен меур

Идентификувајте ги сите надразнувачи на мочниот меур што може да ја зголемат фреквенцијата на мокрењето. Вообичаени надразнувачи на мочниот меур се кафето, газираните пијалаци, цитрусното овошје и чоколадата.

Почесто истегнувајте се

Ако сте врзани на биро, станувајте почесто за да го намалите притисокот врз мочниот меур. Правете обиколка на канцеларијата или практикувајте ги Кегеловите вежби додека седите. Правилото е дека не смеете да седите подолго од еден час!

The post Уринарна инконтиненција appeared first on Аптеки PlusPharma.

За да памтите, за да останете фокусирани, за да резонирате и да ги совладувате и најкомплицираните задачи, подеднакво добро како и вашите помлади колеги, треба добро да се храните. Вистинските хранливи материи ги одржуваат сите функции на мозокот кои природно опаѓаат со годините. Од друга страна, мозочните болести толку многу земаат замав небаре се преносливи. И да не сте на листата дијагностицирани, со секоја дувната свеќичка дувате и во концентрацијата и меморијата со која располагате. Повеќе не!

Заштитени мозочни клетки

Компонентите познати како слободни радикали се во вечна војна со мозочните клетки и општо со сите клетки во телото. Но, со антиоксидансите ќе му помогнете на целото тело да ги победи. Најважната задача на антиоксидантите е да ги одбранат митохондриите, клеточните органели кои ја акумулираат енергијата што ви е потребна да резонирате (или да се движите, дишете), вели Д-р Паула Бикфорд професор по неврохирургија и мозочни болести на универзитетот Јужна Флорида. Истражувачите најмногу ги поврзуваат флавонидите, тип на антиоксиданти, со овие заштитни моќи: Во студијата објавена во Neurology се вели дека луѓето кои јаделе плус две порции храна богата со флавониди во денот, го подобриле менталниот фокус небаре се 5 години помлади. Според последната француска студија, луѓето чија храна изобилувала со каротеноиди, друг тип на антиоксиданти, забележале помало когнитивно влошување цели 13 години.

Храна за умни глави

Јаболка, кромид, агруми (флавониди); тиква, слатки компири, тиквички (каротеноиди); Листен зелен зеленчук како спанаќ, кељ, рукола, брокола (и двете).

Болки во грбот? Што беше тоа?

Како што старееме, мозочните клетки стануваат склони на воспаление што брзо се шири. Воспалението честопати е природен одговор на телото од повреда, но хроничното воспаление ги убива мозочните клетки и доведува до деменција, Паркинсонова и Алцхајмерова болест. Но, доколку интервенирате пред невроните да изумрат, можеби ќе успеете да ја задржите нивната функција. Куркумин, состојка која Индијците со години ја користат во алтернативната медицина, може да го смири и воспалението длабоко во мозочното ткиво. (Истражувачите веруваат дека поради високото количество на куркумин и кари што се консумира во Индија, стапката на Алцхајмерова болест е на најниско ниво во светот.) „Хранливата материја наречена катехин е одличен штит за мозочните клетки против воспаленијата и плус ја поттикнува мозочната активност,“ вели истражувачот за мозок Д-р Маид Фотухи, основач на NeurExpand клиника за неврологија во Мериленд. Оттука не е ни чудно што луѓето кои пијат чај, златниот рудник на катехинот, ги победиле другите (оние што не пијат чај) на тестовите по меморија. Компонентите делуваат антивоспалително и го задушуваат воспалението, но без несакани ефекти (и со подобар вкус!).

Храна за умни глави

Сенф, индиска кујна особено специјалитети со кари и куркумин; зелен и црн чај, плус рибизли, кајсии и јагоди (катехин.)

Поттикнување на крвотокот

На мозокот му е неопходен константен дотур на хранлива крв за да остане остроумен. Истражувањата покажуваат дека зголеменото количество крв е одлична почва за меморијата, процесот на учење и времето потребно за реакција, бидејќи го поттикнува растењето на хипокампусот. Чудотворната состојка ресвератрол може да го зголеми дотурот на крв во черепот за 30 проценти, покажуваат истражувањата изведени врз животни, така што артериските ѕидови се заштитени од опструктивните плочки. И мононезаситените масти (добрите масти) помагаат да се намали нивото на лоши масти и холестерол што завршуваат во крвта. Бонус: Студиите покажуваат дека мононезаситените масти го намалуваат крвниот притисок, го подобруваат нивото на холестерол во крвта и го намалуваат ризикот од мозочен и срцев удар.

Храна за умни глави

Црвено вино и сок од грозје (ресваратрол); авокадо, јатки и маслиново масло (мононезаситени масти).

Искра од нови неврони

Некои хранливи материи го поттикнуваат лачењето на протеинот наречен невротрофичен мозочен фактор. Поголемото присуство на протеинот не само што ќе ги избрише последиците од стареењето туку вистински ќе го подмлади мозокот со продукцијата на нови неврони. Иако истражувачите сѐ уште не се сигурни како функционира оваа верижна реакција, нивните очи се фокусирани на компонентата холин- градбена единица на критичниот невротрансмитер ацетилхолин – кој му помага на мозокот да пренесува пораки. Уште еден потенцијален поттикнувач на невротрофичен мозочен фактор е растителниот пигмент антоцијан. Една студија покажала дека консумацијата на сок од боровинки за само 12 недели довела до подобрен мемориски капацитет. И истражувањата врз животни ја подржуваат врската помеѓу антоцијаните и зголемената ментална острина.

Храна за умни глави

Жолчка од јајце, говедско месо, пилешко и џигер (холин); темно сино или виолетово овошје како рибизли, боровинки, модри сливи, цреши (антоцијан).

The post Одржи го мозокот во фит форма appeared first on Аптеки PlusPharma.

Ако сте од оние луѓе кои сакаат да експериментираат со вкусови, тогаш направете место за стариот добар кокос. За разлика од порано, кога единствено кокосовите снегулки се провлекуваа во десертите, денес на пазарот постојат низа кокосови намирници со кои можете да зготвите вкусни, но и здрави јадења.

Главната нутритивна одлика на кокосот е што дава многу енергија и поттикнува добро расположение. Жените најмногу го ценат поради свиленкавиот ефект што ѝ го дава на кожата, а на неговата релаксирачка миризлива нота никој не останува рамнодушен.

Кокосова вода

Полна со електролити како калиум, кокосовата вода е идеален пијалак за после вежбање, бидејќи му помага на телото да ја надомести загубената вода. Содржи многу малку калории – помалку од 80 во шише од 400 милилитри. Сепак пијте ја со мерка, особено ако избегнувате шеќер.

Кокосови снегулки

Богати со масни киселини со средна должина (MCFAs), кокосовите снегулки го стимулираат метаболизмот, а со тоа индиректно влијаат врз намалување на телесната тежина. Ќе ви дадат инстант енергија, а се далеку поздрава алтернатива на чоколадните трошки во тортите и чоколадите. Можете да ги консумирате секојдневно, едноставно вклучете ги во утринските житарки, додадете малку мед и ќе добиете неверојатен вкус.

Кокосово млеко

Наместо бадемово или она од соја, во утринското кафе создадете навика да ставате чисто кокосово млеко. Да, со тоа ќе додадете дополнителни 40 калории, но масните киселини во кокосот го одржуваат имунолошкиот систем.

Кокосов јогурт

Кокосовиот јогурт не содржи млечни култури, но и покрај тоа е богат со калциум, минералот што ќе ви ги одржи коските здрави, ќе ги зацврсти и плус ќе го забрза метаболизмот. Консумирајте го со житарки богати со влакна или свежо овошје.

Кокосово брашно

Кокосовото брашно содржи висок процент на растителни влакна, здрави масти и протеини, а поради нискиот гликемичен индекс можете да бидете сигурни дека нема да ви го покачи шеќерот во крвта. Не содржи глутен – идеален за болните од целијакија. Ако редовно готвите со кокосово брашно, ќе го зголемите внесот на оние влакна пријатни за стомакот и цревата.

Кокосово масло

Наместо сончогледово масло или путер, користете кокосово масло за да ги намалите нездравите заситени масти, а истовремено да ја поттикнете дигестијата. Освен за готвење, маслото од кокос е пријателски настроено кон кожата и косата давајќи им инстант влажност и сјај.

Кокосов крем

Кокосовиот крем е одличен извор на протеини, антиоксиданти, фосфор, магнезиум, холин, фолати, а најмногу содржи калум кој е неопходен за здравјето на секоја една клетка во организмот. Ваквиот состав го прави кокосовиот крем одличен за намалување на ризикот од висок крвен притисок, умор и грчеви во мускулите.

The post Кокос appeared first on Аптеки PlusPharma.

ЗАБОРАВЕТЕ НА САЛАТА ЗА ВЕЖБАЊЕ

Не залажувајте се, кога нема да ја посетите за време на празниците. Па дури и да соберете сила, голема е веројатноста дека фитнес центарот нема да работи. Наместо тоа фокусирајте се да пешачите, со 12 000 чекори дневно сте сосемa безбедни од калориите. Не одете со автомобил до продавница, користете ги скалите место лифтот и пратикувајте да одите со брзо темпо.

ВНИМАВАЈТЕ НА ИСХРАНАТА

(ПОГОЛЕМИОТ ДЕЛ ОД ВРЕМЕТО)

„Десертите и алкохолот се неизбежни, затоа присвојте го 70-30 правилото: Хранете се здраво 70 проценти од времето, на пример во деновите кога сте дома, а во остатокот од времето (30 %) правете што сакате. И навистина уживајте во тие 30 проценти слобода! Не потресувајте се поради тоа што сте изеле две парчиња торта или сте претерале со алкохолот. Животот треба да се слави!

ИЗБЕГНУВАЈТЕ ХРАНА НА БОЦКАЊЕ

Забрането ви е сѐ што се јаде со прсти и сѐ што е забодено на чепкалка. Избегнувајќи ја храната што се јаде со прсти како чипс, кикирики, мини пита, кашкавал замотан во сланина и многу други мезиња, ќе се поштедите од илјадници калории дневно. Плус, консумирањето јадење што подразбира употреба на нож и виљушка ќе ви помогне да забавите.

СПИЈТЕ 8 ЧАСА СЕКОГАШ КОГА МОЖЕТЕ

Спиењето е поважно од посетата на салата за вежбање, сериозно! Студијата на клиниката „Мајо“ откри дека скратувањето на сонот за час и половина од вообичаено, предизвикува хормонски промени (и глад) кои ги поттикнуваат луѓето дневно да внесуваат 549 калории повеќе за разлика од групата одморени луѓе. Ова луѓе значи дека за една недела можете да се здебелите за повеќе од еден килограм само поради недостиг на сон.

ПИЈТЕ ПОВЕЌЕ ВОДА

Сите оние забави и алкохолни пијалаци водат до дехидратација. Затоа, помножете ја својата тежина со 30 и пресметајте ја дневната количина вода што ви е потребна. Па ако своите 60 килограми ги помножите со 30 ќе добиете 1 литар и 8 милилитри вода или околу 8 чаши вода што се сосема доволни за да ја одржите работата на метаболизмот до јануари.

The post Не, нема да се здебелите за празниците! appeared first on Аптеки PlusPharma.

Старо правило: Третирајте ги пријателите онака како што сакате да ве третираат

Ново правило: Пријателството е двонасочна улица

Великодушноста е одлична особина, но во денешно време и таа стана потрошен материјал. Ако се водите по златното правило за пријателството: безусловна поддршка и љубов, а за возврат не добивате ист третман, прашање на време е кога ќе почнете да се чувствувате искористено. Не постои таков човек што не пресметува што добива за возврат, дури и кога се во прашање емоции. Светот функционира по правило на реципроцитет. И кога вашиот статус на лојален пријател прави да се чувствувате безвредно, време е за промени. Кажете им НЕ на пријателите и свртете се да видите дали сѐ уште се тука.

Старо правило: Никогаш не озборувајте

Ново правило: Ако ви годи, слободно правете го тоа

И научниците препорачуваат да озборувате, бидејќи неодамна потврдија дека озборувањето ги усреќува луѓето и ја подобрува нивната општа здравствена состојба. Колку и да звучи неморална нашата препорака, фактот дека озборувањето го зацврстува пријателството останува непроменлив. Всушност, споделувањето на интригантните информации е она што прави разликата помеѓу пријателот и обичниот познаник. Од друга страна, кога озборувате телото лачи материја што ве ослободува од анксиозност и стрес. Е сега, пред да почнете да ширите невистини, запомнете дека ваквото полезно дејство се случува кога споделувате позитивна содржина, а не злобни гласини.

Старо правило: Бидете свои

Ново правило: Прифаќањето на некои од манирите на пријателите ќе ве зближат

Еве уште еден пример од оние чудни, но вистинити факти што ги откриваат научниците: Имитирањето на мимиките и потезите на соговорникот прави да го чувствувате поблизок. Држењето на телото, повторувањето на насмевката, употребата на рацете додека зборувате во негов стил е потврда за потсвесната конекција што ја имате со пријателот. Ова особено функционира кога сакате некого да импресионирате или да му се допаднете на првата средба. Ова не значи дека треба секогаш да се согласувате со пријателот, а уште помалку да ги преземете неговите карактерни особини, но прибирањето на ситните лични белези формира поцврста врска и непречена комуникација.

Старо правило: Што можете средете сами

Ново правило: Ситните услуги од пријателите создаваат вечна врска

Мислите дека сѐ можете сами? Најчесто луѓето што не сакаат да даваат помош, не ја ни бараат. Да се разбереме, пријателите и услугите одат рака под рака. Без разлика дали се работи за нешто големо (да помогнете околу реновирање на домот) или нешто безначајно како да му позајмите парче облека, убавината на пријателството ја дава можноста да дадете и да побарате помош во секое време. Најважно е да ја запазите границата, бидејќи преку ноќ можете да се претворите во пријателот кој постојано има некаква потреба или во оној што не може да крене глава задоволувајќи туѓи потреби.

Старо правило: Не прашувајте, чекајте да ви кажат

Ново правило: Тотално е во ред да прашате дали сѐ е ОК

Можеби не сте воспитани да бидете индискретни, но заборавете на тоа кога се во прашање проблемите на вашиот најдобар пријател. Вашиот молк во моментите кога тој очигледно е потиштен, лесно може да бидат интерпретирани како незаинтересираност и негрижа. Дури и тогаш кога одбива да зборува, немате право да се налутите дека ве игнорира, напротив должни сте да бидете толерантни и да му помогнете да се отвори.

Старо правило: Кажете си сѐ што ви лежи на душа

Ново правило: Научете кога да ја затворите устата!

Лажните насмевки и добрина се насекаде околу нас и токму затоа некој го измислил пријателот, личноста пред која не мора да глумите. Не ви е пријател оној што секогаш го кажува она што сакате да го чуете, напротив, оној што е смел да ви каже како реално стојат работите. Пријателот што во пристапот звучи како вашите родители, е оној вистинскиот. Но, ова не ви дава за право да му судите во секоја прилика, особено кога гледате дека е повреден. Секој човек е свесен за своите грешки, но функцијата на пријателите е да пружаат утеха, а не постојано да дотураат сол на раната посетувајќи на правилата.

The post Правила што е дозволено да ги пречкртате appeared first on Аптеки PlusPharma.

Анти ПМС-салата

Потребни состојки:

• 250 г спанаќ

• 1 јајце

• ½ авокадо

• 25 г пармезан

• една рака ореви

• 5-6 ротквици

• 5-6 шери домати

• 1 млад кромид

• 1/2 лимон

• морска сол

• маслиново масло

Начин на приготвување:

1. Внимателно измијте го спанаќот и потопете го во студена вода да отстои 20 минути, а во меѓувреме варете го јајцето. Излупете го авокадото и изрендајте го на ситната страна од рендето. Исечкајте ги оревите и чери доматите на четвртинки. Ротквиците и младото кромитче исечкајте ги на тркалца, но заедно со перцата.

2. Во длабок стаклен сад искинете го спанаќот со раце за да го зачувате железото. Врз него распоредете го авокадото, па наредете ги доматите и јајцето пресечени на четвртинки. Озгора расфрлете ги ротквиците и младиот кромид. Исцедете го лимонот и прелијте ја салатата, додајте маслиново масло, сол по вкус и внимателно промешајте.

3. Озгора поросете ја салатата со малку ореви и ленти пармезан. Пријатен апетит и збогум ПМС!

Зошто токму овие состојки помагаат при ПМС?

СПАНАЌ… Контрола на стресот

Растение кое најмногу изобилува со магнезиум, минерал што докажано ги смирува ПМС- симптомите. Магнезиумот го намалува нивото на стрес и на тој начин ќе успее да го контролира вашето променливо расположение. Ефектот ќе биде уште поголем доколку го комбинирате со Б витамин. Недоволното консумирање на магнезиум е причината за појава на главоболки, сонливост и замор, особено во тие денови.

ЈАЈЦЕ… За грчевите да стивнат

Витаминот Б6 е причината поради која ќе додадете и јајце во салатата. Овој витамин ќе ви помогне да ги намалите грчевите во стомакот и да го контролирате душевното расположение. Јајцата се богати со холин од кој зависи не само развојот на мозокот, туку и неговото нормално функционирање. Две големи јајца содржат 252 милиграми холин, тоа е речиси половина од дневните потреби.

АВОКАДО… Против болки

Авокадото ќе ви помогне да внесете есенцијални масни киселини во телото и да ја намалите болката во стомакот. Тоа се истите оние масни киселини што ќе ги најдете и во маслиновото масло. Тие важат за најздравите масти познати на науката кои спречуваат рак на дојка и срцеви заболувања. Имате проблем со холестеролот? Не грижете се, авокадо е дозволено да јадете.

ПАРМЕЗАН… Лек за подуеност

Калциумот е најдобриот сојузник во борбата со ПМС, а него ќе го најдете во сите млечни производи. Истражувањата потврдија дека калциумот ја намалува подуеноста на стомакот, истовремено намалувајќи ги болките и грчевите. Калциумот ја контролира нагласената желба за грицки и брза храна за време на ПМС.

РОТКВИЦА… Против акни

Освен калциумот и магнезиумот, добро ќе ви дојдат и витаминот А и витаминот Д затоа што ќе помогнат за целосна апсорпција на калциумот и ќе спречат појава на акни. Ја избравме ротквицата бидејќи го подобрува лачењето на желудочните сокови, ја подобрува работата на цревата, што значи дополнителна помош за подуениот стомак.

The post Збогум ПМС-симптоми appeared first on Аптеки PlusPharma.

Црно грозје vs. бело грозје

Лушпата на црното грозје изобилува со феноли, антиоксиданти кои ги уништуваат штетните слободни радикали во организмот – предизвикувачи на тумор. Тие ги чуваат крвните садови од атеросклероза и на тој начин го намалуваат ризикот од срцеви заболувања. Белото грозје има многу слична енергетска вредност како и црното, но содржи помалку калиум и калциум и е посиромашно со феноли.

Безмасен јогурт vs. jогурт со висока масленост

И двата содржат калциум, витамин Д, витамин А кои ги одржуваат коските цврсти. Но, незаситените масти во обичниот јогурт во комбинација со друга масна храна може да доведат до запушување на артериите, покачување на телесната тежина и холестеролот. Три оброка на база на безмасен јогурт значи губење 25 % повеќе тежина и 60 % повеќе телесна маса. Лицата кои пијат јогурт губат 81 % повеќе масти од стомакот.

Бел леб vs. црн леб

Сите хранливи состојки во пченицата се наоѓаат во обвивката и во никулецот. Во белото брашно тие се отстранети и тоа го содржи само средишниот дел од зрното, односно само скробот, што не е случај со црното брашно. Црниот леб содржи повеќе растителни влакна, калциум, магнезиум за разлика од белиот. Влакната кои ги има во јачменот и зобот ја намалуваат количината на инсулин и лошиот холестерол.

Црни маслинки vs. зелени маслинки

Нутритивниот состав на зелените и црните маслинки е речиси идентичен, најголемата нутритивна разлика е во застапеноста на натриумот – зелените маслинки содржат скоро 2 пати повеќе натриум за разлика од црните. Пет црни маслинки содржат од 115 до 125 мг натриум или 8 % од препорачаната доза. Исто толку зелени маслинки содржат 218 до 360 мг натриум или 14 до 24 % од препорачаната доза.

Бел грав vs. црвен грав

Гравот е зеленчук со идеален нутритивен состав, бидејќи содржи белковини кои ги содржат сите потребни аминокиселини. Тој го намалува ризикот од појава на рак на дојка и го намалува растот на туморот. Делува лековито и при рак на дебело црево и рак на простата. Но, црвениот грав содржи речиси 10 пати повеќе железо, витамин Е и фолна киселина, 6 пати повеќе калиум и 4 пати повеќе калциум.

The post Која е разликата помеѓу… appeared first on Аптеки PlusPharma.

ТЕСТ:Откорнете влакно од зад уши, но од внатрешноста на косата. Истегнете го држејќи го за двата краеви. Ако се скине 3 сантиметри под коренот, можно е косата да е изложена на ризик.
ПРИЧИНА: Под дејство на стрес се покачува нивото на кортизол, кој го загрозува витаминот Б12 (телото почнува да ги троши резервите од витаминот со цел да ги ублажи нуспојавите од преголемата доза кортизол). Б12 учествува во создавање црвени крвни зрнца кои, пак, обезбедуваат кислород за косата. Ако витаминот константно се исцицува од влакната, тие за кусо време ќе станат кршливи.
РЕШЕНИЕ:Контролирајте го нивото на кортизол преку ситни, но значајни промени како помалку јадење благо и вежбање 3 пати неделно.

КОЖА

ТЕСТ: Измијте го лицето наутро и прескокнете го кремот. По 1 час, притиснете хартиено шамиче меѓу двете веѓи, само неколку секунди. Повторете ја постапката еден час пред легнување. Ако зебележите доста масло на шамичето, тогаш се работи за нешто повеќе од тип на кожа.
ПРИЧИНА:Забрзаното продуцирање масло се должи на хормонски дебаланс. Екстремно масната кожа честопати е последица на вишок дихидротестостерон, кој поттикнува продукција на себум. Ако имате нередовен менструален циклус или забележувате влакна на регии како брадата, проверете ги хормоните.
РЕШЕНИЕ:Во зависност од резултатот, докторот ќе ви препише соодветни лекарства, тоа најчесто се контрацептивни средства или спиронолактон – диуретик кој го регулира високиот крвен притисок, но дерматолозите го даваат поради тоа што ја блокира продукцијата на тестостерон.

НОКТИ

ТЕСТ:Нанесете лак што поблиску до кутикулата и набљудувајте го растењето на ноктот. Почекајте еден месец, па направете споредба со помош на израснатиот дел. „Студиите покажуваат дека здравите нокти растат 3,5 милиметри во период од 30 дена“, вели дерматологот Дана Стерн.
ПРИЧИНА:Бавниот раст на ноктите најчесто се должи на слаба циркулација. „Не е вистина дека ноктите треба да дишат преку површината, тие се снабдуваат со кислород и хранливи материи преку крвта“, објаснува доктор Стерн. Слабата циркулација може да се должи на седечкиот начин на живот или склоност на артериите да контрахираат под влијание на стрес или студ.
РЕШЕНИЕ: Освен задолжителна спортска активност, во вашиот животен стил треба да вклучите масажа на дланки со цел да поттикнете циркулација.

ПОДОЧНИЦИ

ТЕСТ: Дозволете си 8 часа сон во текот на викендот, ако во понеделник наутро повторно се разбудите со темни кругови околу очите, тогаш време е да го промените начинот на исхрана.
ПРИЧИНА:Темните кругови може да бидат симптом за анемија. Ако повеќе имате проблем со отоци, тогаш обвинете го натриумот во храната. Телото ја задржува водата, особено под очите, ако претерате со солениот избор.
РЕШЕНИЕ:Ако сте анемични, недостигот на железо се решава со суплементи и со мени кое ќе изобилува со минерали – броколи и зелени листови. За подуените ќесички – брзото одење или скокање ќе поттикнат лимфна дренажа и ослободување на вишокот течности.

The post Што вели изгледот за вашето здравје? appeared first on Аптеки PlusPharma.

Константната фиксација на позитивни вибрации всушност нѐ оддалечува од целта. Во денешно време, како да стана забрането да се биде тажен. Но, за да бидете вистински среќни, неопходно е да направите место и за болката. Среќата не е состојба која вечно трае, ако поскоро го сфатите тоа, помалку ќе се споредувате со другите и ќе се поштедите од разочарувања на дневна база.

Па, како изгледа вистинската среќа, како побрзо да дојдете до неа и да ја уживате во големи количества? Одговорот е многу поедноставен отколку што мислите, а секој од вас веќе ги поседува магичните состојки.

Трошете ја среќата

Ако ги прашаме луѓето што би правеле со голема сума освоени пари, повеќето ќе одговорат дека би заминале на некоја егзотична дестинација или би си купиле скапи чевли – за повеќето, изборот би бил нешто материјално. Но, материјалните добра носат краткотрајна среќа, за долгорочен среќен живот, на пример, потребно е повеќе време за себе.

ВРЕМЕ
Платете некому да ја заврши обврската што ја мразите, а времето што ќе ви остане искористете го за да се видите со пријателите или да си читате книга. Сите посакуваме повеќе време и повеќе пари, а еден од триковите за среќа лежи во правилното балансирање на овие две. Кој од нас би му платил на детето на соседите да го искоси тревникот? Никој, бидејќи сме уверени дека тоа го има само на филм. Од друга страна, среќата ја поврзуваме со постигнување на целите и обврските иако за таа да настапи неопходно е да отфрлиме некои обврски од нашиот живот.

ИСКУСТВА
Кариерата ни стана ултимативен статусен симбол – работиме колку што е можно повеќе и колку што е можно подолго, целејќи кон онаа недефинирана доба во којашто ќе уживаме, ќе патуваме или конечно ќе се посветиме на нашето хоби. Парите ги доживуваме како ограничувачки ресурс, додека времето како неограничувачки, кога, всушност, е обратно. Но, човечкиот мозок е навиен да размислува за иднината, затоа не судете си што ви е тешко да живеете во сегашноста. Продолжете да правите планови и да сонувате, но ако за она патување во Париз потребни се уште многу години, појдете барем на дегустација на француски вина.

ДРУГИТЕ
За да бидете среќни, направете некого среќен – звучи познато, нели? Трошењето пари за други носи голема радост, вели Елизабет Дан, професорка по психологија на „Универзитетот на Британска Колумбија“ и коавтор на „Среќни пари: Наука за посреќно трошење“ („Happy Money:The Science of Happier Spending“). Идејата не е да нудите пари, туку да изнудите задоволство преку неочекуван подарок или гест. На пример, уплатете масажа за вас и за оној што одбравте да го усреќите, и појдете заедно.

Размислувајте низ призма на среќата

Среќата зависи од нас и од она што ќе го искористиме или направиме во дадените услови. Не е лесно да го смените начинот на размислување, но овие две навики сигурно би го забрзале процесот на прогледување со розови очила.

ЦЕНЕТЕ ГО СТАТУСОТ (ВО МОМЕНТОТ)
„Луѓето претпоставуваат дека ќе бидат среќни штом достигнат одредено ниво – финансиски, креативно, романтично“, вели Лаури Сантос, професорка по психологија на универзитетот „Јејл“. Проблемот е тоа што појдовната точка се менува. Ќе дојдете до покачување на платата и за кусо време веќе ќе мислите на следното. „Луѓето размислуваат обратно“, вели Сантос. Среќата носи успех, а не обратно. Сменете го шаблонот изразувајќи на глас за сѐ што сте благодарни.

БИДЕТЕ РЕАЛНИ
Посакувате да сте среќни 24/7? Сега е јасно зошто не ви успева. Неубавите емоции се составен дел од животот, ако ги прифатите како нормални, полесно ќе ги пребродите. Истовремено, ќе развиете и полесно достапна слика за среќата.

Негувајте ја среќата

Да претпоставиме дека сакате да одите на часови по танцување, но ако одите 5 дена во неделата цела година, најверојатно ќе ви здодеат. „Луѓето се менуваат, а со нив и активностите кои им причинувале задоволство“, вели професорката по психологија, Соња Љубомирски, која е автор и на книгата „Митови за среќа“ („The Myths of Happiness“). За да не западнете во стагнација, следете го нејзиниот план од 3 чекори:

ПРОМЕНИ
Луѓето брзо се адаптираат на константни и непроменливи услови, затоа внесувајте новитети во актуелната рутина за да ја зголемите ангажираноста. Ако милувате да готвите, наместо стандардните колачи, подгответе некој модерен рецепт како банана-леб.

ИЗНЕНАДУВАЊА
Зарем има подобро време за менување на плановите од последната минута? Спонтаноста е најефикасната алатка во арсеналот за среќа, велат истражувањата. Не велиме да ги менувате големите планови кои најверојатно некому би му го уништиле денот, туку ситници – излезете на вечера со саканите иако направивте пуканки за да гледате филм.

УЖИВАЈТЕ СЕГА
Научете се да ги впивате моментите, дури и оние навидум безначајни. Додека го шетате кучето, забележете ги боите на природата, ветерот што ви ја гали кожата. Ако ова ви делува смешно и како обврска, не очајувајте – кога на среќата гледаме како на цел за која е потребен труд и грижа, тоа значи дека ѝ даваме значење. За возврат, среќата навистина ќе го преплави нашиот живот.

СРЕЌА ВО ДОБРО ДРУШТВО

Ниту една од горенаведените практики за среќа не подразбира друштво, но секогаш кога е возможно, вклучете некого бидејќи ефектите ќе бидат поголеми. Социјалната конекција е клучна алка за среќа, бидејќи човекот има потреба од длабоки и значајни врски и односи. „За целосно подобрување на вашето постоење, неопходно е да се поврзувате со непознати“, така вели професорката по психологија Лаури Сантос. Волонтирајте во некоја организација за да сретнете нови лица или наместо со автомобил, повремено користете јавен превоз. Но, не заборавајте да разговарате со човекот до вас, а не да нурнете во телефонот.

The post Многу малку треба за среќа appeared first on Аптеки PlusPharma.

Дали би се премислиле доколку ви кажеме дека попладневната дремкане само што ќе ви го реши проблемот со поспаноста, туку и ќе ви ја зголеми продуктивноста, креативноста, меморијата и ќе ви го подобри расположението? Последните истражувања велат дека пладневниот сон го подобрува имунитетот и го намалува ризикот од кардиоваскуларни заболувања. Сепак, имајте на ум дека спиењето на пладне е како меч со две острици, преспивањето сигурно ќе ви донесе контраефект – нервоза, бунило и мамурлак. За максимум позитивни ефекти, следете ги правилата во продолжение:

ГЛЕДАЈТЕ ГО ЧАСОВНИКОТ

Ако сте поспани и ви недостасува живост и енергија дури и за секојдневните активности, тогаш треба да дремнете од 15 до 30 минути. Проценето е дека оваа времeнска рамка е сосем доволна за човекот да го рестартира организмот. Но, ако ви треба рестарт на мозокот, бидејќи сте заробени во ментална блокада, тогаш резервирајте си 90 минути. „Дремката со траење од 90 минути ќе ви помогне да го намалите притисокот што го чувствувате и ќе поттикне проток на креативност, бидејќи временската рамка го покрива целиот циклус на спиење, почнувајќи од најлесната, па носејќи ве во најдлабоките фази на сонот и назад“, вели Сара Медник,професор на Калифорнискиот универзитети автор на „Дремни! Промени си го животот“ („Take a Nap! Change Your Life“).Предупредување: будењето сред циклус (кога сте во најдлабоката одморна фаза) може да предизвика безволност, летаргичност, тромавост – состојба која е тешко да се надмине – исто како и преспивањето. За да не згрешите, послужете се со будилникот или за посигурно, закажете некоја активност или средба која ќе ве поттикне да станете.

СПОРТУВАЊЕТО ДОАЃА ПОТОА

Најчесто луѓето имаат дилема дали да вежбаат пред или по дремката. Одберете ја втората опција, бидејќи вежбањето го стимулира мозокот отежнувајќи го заспивањето. Вежбањето ја поттикнува енергијата на свој уникатен начин, но во никој случај не го овозможува неопходниот закрепнувачки одмор на телото и мозокот. И самите фитнес-експерти се согласни дека дремките што траат најмногу 30 минути, влијаат на издржливоста и моќноста на оние што вежбаат. Ако ваквата стратегија никако не се вклопува во вашиот распоред, тогаш потрудете се да вежбате барем два часа пред да си легнете. Тоа е сосем доволно време за телесната температура и срцевиот ритам да се вратат во нормала за да заспиете полесно.

БИДЕТЕ ТОЧНИ

Обидете се да дремнувате одоколу во исто време секој ден (дури и ако ваквата навика ќе ви стане само задоволство за викенд). Ако го запазувате распоредот, за многу кратко време телото ќе научи кога треба да се исклучи со цел да одмори, значи полесно и побрзо ќе заспивате и ќе бидете помалку дезориентирани кога ќе се разбудите. Најчесто на луѓето им се приспива помеѓу 14:00 и 16:00 часот, но ако телото покажува знаци на умор (ви паѓа главата, зевате, видот ви е замаглен) порано или подоцна од назначениот термин, тогаш послушајте го. Ако не стигнавте да дремнете минимум 3 или 4 часа пред главното спиење, сметајте ја дремката за пропадната. Подобро легнете си половина час порано, отколку да го саботирате ноќниот сон.

НЕ ОТКАЖУВАЈТЕ СЕ ОД КОМФОРОТ

Да дремнете, не значи дека треба да се мачите и да спиете седејќи, непокриени, додека работи телевизорот, за случајно да не се успиете. Така само ќе се вртите, бидејќи нема да ви биде удобно и залудно ќе го потрошите времето. Да не споменуваме дека на долг рок ризикувате да го загрозите брзото заспивање и одржувањето на сонот. Затоа, најдете си удобно местенце и земете си ќебе. Не мора да биде тоа спалната, испружете се на друг кревет за мозокот полесно да прави разлика помеѓу дневен и ноќен сон. Запомнете, најважен предуслов за полезна дремка е константноста.

Речиси 40% од луѓето не чувствуваат никакви бенефиции од преспивањето преку ден. Ако не сте по дремките, тоа значи дека најверојатно сте навикнати на монофазно спиење водејќи се според денот и ноќта и не можете да заспиете тукутака во кое било време. Или, можеби сте доволно наспани и одморени. Пред целосно да се откажете од пладневните дремки, обидете се да ги практикувате во рок од еден месец така што ќе дремнувате 3 пати неделно. Ако и по тоа сѐ уште не можете да заспиете или се будите кенкави, обидете се со медитација или со тивок одмор – седете будниво полутемна просторија. Ваквата техника може да го цементира знаењето за 10 минути, откри една нова студија.

The post Уметноста на совршената дремка appeared first on Аптеки PlusPharma.

The post АСПАРАГУС appeared first on Аптеки PlusPharma.

Дефинирајте ја вилицата

Со палецот и показалецот нежно штипкајте ја кожата долж вилицата почнувајќи од центарот на брадата и стигнувајќи до ушите. На овој начин, ќе спречите какво било таложење течности во кожното ткиво кое резултира со отоци.

Поткренете ги јаболчиците

Спојте ги показалецот и средниот прст и сместете ги под левата јаболчица, и нежно туркајте нагоре. Почнете од центарот на лицето и движете се нанадвор кон слепоочницата. Повторете ја постапката и на десната страна. За да поттикнете циркулација и за да постигнете инстант сјај, нежно штипкајте ги јаболчиците на врвот.

Испеглајте ги подочниците

Со домалиот прст, нежно притискајте и поткревајте ја кожата долж коската што ја следи веѓата, почнувајќи од внатрешниот агол на окото и движејќи се кон надворешниот. Повторете ја постапката под очите. Ваквата мануелна лимфна дренажа ќе ги намали отоците, а со тоа и темните кругови.

Омекнете ги фините линии

Сместете ги палците на слепоочниците, а со останатите три прста оцртувајте мали кругови од центарот на челото кон надворешните агли на лицето. На овој начин, се намалува тензијата во мускулите, а со редовна практика може да се минимизираат фините линии кои се резултат на мимиките.

The post Масажа за мазно лице appeared first on Аптеки PlusPharma.

• Останете смирени, слушајте ги и тешете ги
• Бидете пример – Децата ги следат вашите реакции и учат од нив.
• Внимавајте на кој начин зборувате за вирусот – Од вашите дискусии на темата, зависи колку страв ќе акумулираат децата. Редовно потсетувајте ги дека како семејство ќе останете здрави, бидејќи ќе бидете одговорни и ќе ги почитувате мерките.
• Објаснете ја важноста на социјалната дистанца – Вистински предизвик е да ги убедите малите деца да стават маска и да ја носат подолго време, затоа однапред планирајте ги прошетките, избегнувајќи ги прометните локации и термини. На поголемите деца, покажете им ја кривата на раст за да ја сфатат сериозноста на ситуацијата и префрлете им ја одговорноста, небаре ќе ја почитувате одлуката ако излезат без маска.
• Демонстрирајте длабоко дишење – Тоа е клучно за смирување на нервниот систем, затоа вежбајте заедно.
• Фокусирајте се на позитивните аспекти – Како дружбите во природа и разните уметнички проекти. Поделете ги часовите во денот, дајте им слобода да се дружат одговорно, но поголемиот дел од минутите резервирајте ги за интимна, семејна дружба.
• Изразувајте им љубов во секоја слободна прилика.
• Контролирајте го следењето на медиумите – ТВ, интернет, социјални медиуми – треба да се строго под ваша контрола. Постојаното следење на најновите информации може да го зголеми стравот, затоа проверете дали навистина детето си игра на подот додека вие гледате вести. На поголемите деца објаснете им дека сѐ што циркулира на интернет не значи дека е вистина. Научете ги како да ги препознаат лажните вести. Вие треба да им бидете првиот и веродостоен извор на информации.

Резервирајте време за разговор – (адаптиран според возраста)

• Предучилишна возраст – кратки, едноставни информации околу вирусот и уверување дека возрасните се тука да се погрижат за сѐ. Нудете едноставни примери за заштита: „миеме рачиња, не фаќаме ништо до земја, носиме чиста облека само за по дома“.
• Основно училиште – очекувајте многу прашања од оваа возрасна група, но служете се со вистината и со што помалку детали. Најверојатно ќе им треба асистенција и при одвојувањето на вистината од гласините и фантазиите. Дискутирајте со нив за мерките што ги преземаат надлежните.
• Адолесценти – дискутирајте со нив и упатетете ги на веродостојни извори. Вклучете ги во процесот на донесување одлуки околу домашните и активностите надвор.

За сите деца, поттикнете ги да ги вербализираат своите мисли и емоции. Бидете трпеливи и внимателни слушатели!

Ментално здравје

Побарајте професионална помош доколу забележите значајна промена во однесувањето на детето или некои од симптомите подолу ако траат повеќе од 2 недели.

• Предучилишна возраст– цицање палец, мокрење во кревет, немирен сон, недостиг на апетит, страв од темница, припивање до родителите, регресивно однесување и повлекување во себе.
• Основно училиште– агресивност, нервоза, кошмари, избегнување на обврските, слаба концентрација, социјално дистанцирање.
• Адолесценти– проблеми со спиење и апетит, конфликтност, агитација,  деликвентно однесување, слаба концентрација, физички поплаки.

The post Детство со Ковид-19 – Родителски водич за адаптација appeared first on Аптеки PlusPharma.

Сарепска горчица 
Готвењето на пареа е најсоодветен начин за подготовка на овој зелен сестрински зеленчук на кељот, бидејќи на тој начин значително ќе го зголемите присутниот витамин А. Преливот од цеден лимон нека ви послужи за да го намалите горчливиот вкус.

Листови од ротквичка
Бидејќи во свеж облик пецкаат на јазик, третирајте ги како да се билка и користете ги како зачин во сосови и супи. Употребете ги што побрзо, бидејќи одма венеат.

 Листови од глуварче
Изненадени сте? Да, листовите на глуварчето се јадат, но ако се набрани од чиста средина. Во една шолја вакви листови има 3 пати повеќе калциум за разлика од исто толкава количина спанаќ, плус тони витамин К. Повелете лек за здрави и цврсти коски.

Валеријана – Овие зелени ливчиња најчесто се комбинираат со други зелени млади ливчиња како рукола, спанаќ и марула, во оние готови кеси салата достапни во маркетите. Кога би додале уште некоја рака свежи валеријана ливчиња во салатата, тогаш сметајте дека сте ја задоволиле дневната доза витамин Ц.

Млад кромид  – Она што сакаме да ве научиме е да не ги фрлате зелените перца, бидејќи само едно содржи повеќе фолати во однос на една шолја кељ. Употребете ги за во салата или пропржете ги и додадете ги во омлет.

Поточарка – Нека не ве залажуваат малите ливчиња, тие имаат остар вкус кој одлично оди во комбинација со пилешко во салата или сендвич. Поточарката содржи поголема количина железо од спанаќот, повеќе калциум од млекото и повеќе витамин Ц од лимонот.

Блитва  – Слична на спанаќот, блитвата има посилен, а за многумина и подобар вкус. Таа е одличен извор на витамините К, А и Ц и на минералите магнезиум, железо, калиум. Но, на листата нутритивни вредности, котира послабо од спанаќот.

Кељ  – Покрај витамините како А, К и Ц, она што го прави кељот задолжителен на трпезата, се моќните антиоксиданси и антиканцерогени материи. Му предничи на спанаќот со тоа што содржи помалку оксалати, а тоа го прави подобар избор за лицата со бубрежни заболувања.

Совет +
Кога купувате моркови, ротквички и цвекло, бирајте ги оние со листовите на нив – тие веќе се задолжителни на менито.

The post Здравјето има зелена боја! appeared first on Аптеки PlusPharma.

Фармацевтска грижа и хумана посветеност

Соодветната употреба на лековите и медицинските средства се составен дел на здравствените протоколи за обезбедување здравствена заштита на пациентите. Начинот на нивната употреба е примарната мисија на фармацевтската практика. Во тој контекст, фармацевтот зад пултот не е само „издавач на лекови“, туку посветен и хуман профил кој со своето знаење целосно се става во улога на здравствен информатор и едукатор на пациентите.

Фармацевтот е тој којшто го издава препишаниот лек и како таков е директен и последен учесник во ланецот на препишана и издадена терапија. Ова подразбира способност и знаење:

• да се издаде вистинскиот лек
• да се отстранат сите сомнежи за евентуални пропусти при употреба на лекот
• да се дадат вистинските упатства за начинот на употреба на лекот
• информација за времетраењето на употребата на лекот
• можните несакани ефекти и интеракции на лекот
• начинот на чување на лекот

Особено важна е улогата на фармацевтот во давање совети, информации и едукација на пациентите кога станува збор за избор на лекови кои се достапни без рецепт. Понекогаш фармацевтот е тој којшто може да понуди соодветна терапија или да ја надополни веќе препишаната. Знаењето да понуди соодветна алтернатива од додатоци на исхрана и лекови без рецепт е важно во превенцијата од заболувања и генерално во подобрување на квалитетот на живеењето.

Безбедноста на пациентот на прво место   

Примат на секој фармацевт е обезбедување најдобра можна здравствена услуга за пациентот. Безбедноста на пациентот при употребата на препишаната терапија е директно зависна од квалитетот на услугата и дадената информација која треба да е на највисоко прифатливо ниво.
Затоа, предизвик на секој фармацевт е разивање вештина за комуникација со која ќе има лесен пристап до пациентот, ќе ги разбере неговите проблеми и барања и ќе понуди соодветна здравствена грижа.

Задоволен пациент = здрав пациент

Клучот за задоволството лежи токму во создавањето квалитетна врска помеѓу фармацевтот и пациентот. Начинот на комуникација, искажаната доверба и посветеното внимание се „дополнителна терапија“, надвор од онаа препишаната. Сепак, ова е заемен процес кој е зависен како од вештината на фармацевтот, така и од подготвеноста на пациентот да се довери и да соработува. Несомнено ваквиот однос и ваквата комуникација креираат врска на задоволен пациент и задоволен фармацевт.

Видливи ефекти

Зајакнувањето на улогата на фармацевтот и неговото сè поголемо влијание во здравствениот систем носи повеќекратна корист. Користа е директна и видлива не само кај пациентите, но и во пошироката здравствена и општествена сфера:

• Намалени грешки и несакани ефекти од употреба на лекови
• Улога во процесот на рационално користење на лековите
• Улога во спречување злоупотреба на лекови
• Корисни совети и информации за превентивна терапија
• Заштеда на време и трошоци за пациентот
• Заштеда на средства за здравствениот систем и општеството

Уникатната позиција на фармацевтот во здравствениот систем произлегува од неговата улога да ги поврзува лекарот и пациентот. Како „експерт за лекови“ фармацевтот ја проценува терапијата од различни аспекти, и на таков начин директно влијае врз подобрување на квалитетот на здравјето и животот на пациентите.

The post ФАРМАЦЕВТ ВО СЛУЖБА НА ВАШЕТО ЗДРАВЈЕ appeared first on Аптеки PlusPharma.

Кога бевме деца, родителите нѐ караа да не го чепкаме носот, заради бактерии, болести, а во очај знаеа да кажат и „да не ти стане како бабура“. Кога ни се појавија првите знаци на стареење, пријателите нѐ опоменуваа да не претеруваме со фацијалните експресии, бидејќи ќе ги потенцираме брчките. Да, сите овие фази се нормални, некој ги доживеал, некој доправа ќе ги доживее. Но, има една фацијална експресија за која психолозите велат дека е пожелно да ја практикуваме, а која за жал, голема е веројатноста новите генерации да ја избришат благодарение на паметните телефони. 

Лице кренато нагоре, очи широко отворени и усни што формираат совршено „О“ – токму за оваа фацијална експресија зборуваме. Ваков израз направивте кога за првпат видовте тиркизно море, се качивте на врв планина, а од таму видовте зајдисонце кое ви го одзема здивот, летавте меѓу мали бели облаци додека сонцето ве галеше преку стаклото. Измешани се емоциите што ја следат оваа експресија, луѓето истовремено чувствуваат восхит, радост, возбуда, па дури и доза страв. Токму затоа и не постои еден конкретен термин за да се опише оваа појава, но едно е сигурно, таа кај луѓето поттикнува креативност, продуктивност и општо подобрување на менталното здравје. 

Неодамнешните истражувања покажуваат дека експресијата може да ги редуцира симптомите на анксиозност и депресија, па дури и на воспаленија како настинки. Децата имаат природен инстинкт да ја доживуваат оваа сензација дури и на дневна база, бидејќи го откриваат светот, додека за возрасните претставува предизвик. Не сте завршиле работа со тоа што ќе отпатувате на некоја егзотична локација или ако со сила ја изведувате експресијата, неопходно е навистина да се соживеете со моментот и природата што ве опкружува. Но, ако го извадите телефонот пред таа волшебна глетка, тогаш сметајте дека сте расипале сѐ! 

Психолошките симптоми за оваа несекојдневна сензација се јасни, нешто слично како љубовта, ја препознавате штом ја почувствувате затоа што ја чувствувате. Биолошките симптоми пак, започнуваат во автономниот нервен систем, обиколката продолжува кај симпатичниот и парасимпатичниот нервен систем, па доаѓа до регулација на срцевиот ритам и крвниот притисок, за на крај да ги оконча и стрес-реакциите. Кога се активира симпатичниот нервен систем, срцето почнува забрзано да чука, а кортизолот (стрес-хормон) е на највисоко ниво; кога на сцена настапува парасимпатичниот нервен систем, телото, вклучувајќи го и срцето, влегуваат во зен фаза. Ова всушност е потврда колку е интересна целата оваа сензација, активирајќи ги двата нервни системи истовремено, таа всушност предизвикува интензивно чувство на задоволство, а некаде помеѓу и длабоко чувство на возбуда. Интригантно, но уште едно искуство кое има моќ да ги активира двата нервни системи, е сексуалниот чин поточно оргазмот. 

Со цел да се потврди позитивниот ефект што оваа сензација го има врз менталното здравје, била изведена магнетна резонанца врз испитаници кои биле пратени на седум дневно патување во спиритуален комплекс. Било потврдено дека, покрај намалувањето на физиолошките знаци на стрес, сензацијата буквално го менува мозокот. Биле забележани промени во нивото на допамин и серотонин – невротрансмитери одговорни за чувството на блаженство. Овие откритија по сѐ изгледа се потврда за трансформативната моќ што ја има медитацијата, иако, ваквата сензација е достапна за сите, не само за спиритуално ориентираните. 

Ајде да ја тргнеме малку наукава настрана, и да ве израдуваме со фактот дека ваквата сензација ги подобрува и социјалните вештини кај луѓето, потенцирајќи го чувството и потребата за припадност во група, би додале, нешто што е пожелно во оваа ера на интернет-изолација. 

Ако на крајот од статијава заклучивте дека немате доволно пари и поради тоа не сте привилегирани за оваа емоција, тогаш не сте разбрале ништо. Не ви се потребни Малдивите, и Охрид ќе заврши работа, ако научите не само да гледате, туку и да чувствувате. За некои луѓе  Пирамидите се само камења, за други се мистични, неверојатни, возбудливи. Соживејте се со природата, вклучете ги сетилата и сензацијата ќе ве преплави и на Водно. И да, не заборавајте да заборавите на телефонот!

Одете во природа, пијте кафе покрај река, искачувајте ги планините и потоа одново сѐ  – ова е рецептот за здрав живот во секоја смисла!

The post Сонце што тоне во море… appeared first on Аптеки PlusPharma.

Не залажувајте се дека со часови можете да изигравате штици за пеглање. Стартувајте со 10 секунди секој ден и зголемувајте по само пет секунди неделно. Помеѓу секој склек, правете пауза од една минута. Целете на тоа да изведете склек што ќе трае три минути. Ова ќе ве израдува: потребни се само 6 недели за да забележите резултати. За да бидете сигурни дека добро ги изведувате склековите и дека ќе имате ефекти, фокусирајте се на тоа да го вовлечете папокот и да ги контрахирате длабоките централни абдоменални мускули кои го поддржуваат рбетниот столб и пршлените. Затегнувањето на задникот исто така помага.

насоки за правилно да ги изведете:

• Стојте на прсти со споени нозе
• Затегнете го задникот и одржете ги колковите прави – свиснатата карлица го зголемува ризикот од повреда на грбот
• Положете ги лактите во линија со рамената
• Рамената или прави или под агол од 90 степени
• Дланките положете ги право или свиткајте ги во тупаница
• Грб и врат во иста линија, а поглед надоле за да избегнете затегнатост
• Вовлечете го папокот, но не заборавајте да дишете

The post СКЛЕКОВИ appeared first on Аптеки PlusPharma.

Членството на страдалници од најтешкиот облик на главоболка која буквално го онеспособува човекот, брои 30 милиони и тоа поголем број се жени. Како да си помогнете?Мигрената е главоболка која го онеспособува човекот во секоја смисла на зборот, а најмногу се чувствува во пределот на слепоочниците, челото и очите. Речиси е невозможно превентивно да делувате врз неа или да ја намалите болката штом настапи. При соочување со симптомите – мачна главоболка, гадење, чувствителност на светлина, мирис и звучни дразби – сѐ што луѓето можат да направат е да се скријат под јорган и да чекаат да помине, а тоа може да трае со часови, па дури и со денови.

Сето ова се должи на тоа што сѐ до неодамна, беше речиси невозможно да се воспостави контрола над оваа состојба. Лекарствата создадени за третирање на други состојби (како бета блокери, антидепресиви и лекови против воспаление) честопати се користат во случај на мигрена. Но, проблемот е тоа што овие лекови не делуваат кај секого, а честопати предизвикуваат и несакани негативни ефекти како умор, низок крвен притисок и намалено либидо. Друг проблем е тоа што речиси е невозможно да се предвиди дали некој лек ќе делува на пациентот, а доколку делува, дали тој ќе го направи зависен.

> 20 проценти од луѓето кои заболуваат од мигрена, истовремено страдаат од депресија

Нов лек за мигрена?

Што значајно се разви во однос на третирањето на мигрената во последните 20 години? Станува збор за нова класа лекови наречени калцитонин, генетски поврзан пептид, моноклонско антитело или CGRP mAbs. Овој лек се инјектира еднаш месечно и е првиот медикамент креиран за да превенира мигрена. Лекот помага без разлика дали страдате хронично (повеќе од 15 дена поминати со главоболка во месецот) или страдате одвреме-навреме. 

Лекот функционира така што ја намалува активноста на CGRP, протеин инволвиран во пренесувањето на мигренската болка. Како резултат, останатите придружни симптоми на мигрената, како воспаление и потекување на крвните садови, е малку веројатно да се случат. Според неодамнешните студии, по редовното консумирање на лекот во период од три месеци, многу пациенти забележале двојно намалување на деновите поминати со главоболка. 

> 5% од децата се соочуваат со мигрена.

Преиспитајте ги поттикнувачите

Она што со сигурност делува кај мигрената е избегнување на нештата што ја предизвикуваат иако нејзиниот почеток најчесто е комбинација од неколку фактори. Дијапазонот на поттикнувачи е навистина голем, почнувајќи од храна како старо сирење, алкохол, чоколада, кофеин, цитрусни овошја, сушено месо или риба, јаткасти плодови, диета, несоница, депресија, замор, силни мириси, силни звуци, интензивна светлина, менструален циклус, временски услови. Замислете, едно опуштање со филм до доцна во ноќта за некои луѓе следниот ден може да донесе темни облаци.   

Ако ги избегнувате оние преслатки варијанти на десерти поради неизбежната мигрена што следува по уживањето во нив, имаме добри вести: некои вообичаени поттикнувачи како чоколадата, најверојатно не ја поттикнуваат мигрената како што мислевме досега – се вели во последните истражувања. Прашањето е зошто овие задоволства ги бие лош глас? Почетокот на мигрената започнува со нагласена желба за храна и луѓето најчесто посегнуваат по благо, објаснува д-р Питер Годзби, професор на Колеџот „Кингс“ во Лондон. Кога, кратко потоа, ќе нападне мигрената, логично е пациентите да ја обвинат чоколадата – на овој начин се формирала таа ментална врска што е сосем погрешна. 

Следете ги симптомите за подобро да ја разберете сопствената мигрена и да заклучите дали поттикнувачот на кој се сомневате е легитимен, предлага д-р Годзби. Штом ги идентификувате вистинските поттикнувачи, не е пожелно 100 проценти да ги избегнувате. Зошто? Бидејќи на тој начин ризикувате да станете пречувствителни на нив лесно потпаѓајќи на главоболка, смета д-р  Пол Мартин, директор на Истражувачката школа по психологија во рамки на Австралискиот национален универзитетски колеџ за здравје и медицина. Неговото решение: зголемувајте ја толеранцијата преку пролонгирано, контролирано изложување. Да претпоставиме дека ниското ниво на шеќер во крвта ви поттикнува главоболка? Ако строго внимавате вечерата да ја консумирате во 19:00 часот, пробајте да ја поместите неколку минути поназад.  

Во просек, 1 од 4 жени ќе искусат мигрена во животот.

Лекот е во вашата глава!

Според една мала студија, луѓето кои медитираат имаат пократки, помалку болни и поретки главоболки. Нема штета да проверите, нели? Медитацијата го намалува стресот кој е број еден поттикнувач на мигрена, смета Ребека Ервин Велс, професор по неврологија во Училиштето по медицина „Вејк форест“. Според неа, можно е медитацијата да поттикнува невробиолошки промени во мозокот кои влијаат на начинот на кој ја процесираме болката. Друга теорија: штом луѓето се научат да живеат со болката, помали се шансите да прават драма од неа (од типот: „Оваа главоболка нема никогаш да помине!“), а паничењето само ја продлабочува болката. Истражувачите се обидуваат да откријат колку точно е потребно да практикувате медитација, и во кој облик, за да постигнете најголем бенефит, но се сомневаат дека таа може да делува и по неколку сесии. Една опомена за почетниците, потпирањето врз сопствената умественост го поттикнува стресот, бидејќи одеднаш станувате свесни за неа. 

Спортување, да или не?

Редовното спортување може да ја контролира мигрената или да го намали нејзиното траење, откриваат неодамнешните истражувања, иако досега ги обвинувавме салите за вежбање. Додека вежбате, телото лачи невротрансмитери кои прават да се чувствуваме добро, станува збор за „убијците“ на болка како бета-ендорфин и анандамид. Вежбањето само по себе го намалува стресот и помага при несоници (двајца големи поттикнувачи). 

Целете на две до три кардио-сесии во неделата. Задолжително загрејте се пред тренингот, во спротивно ризикувате да ве заболи глава. Ако за вас вежбањето е еден од потткнувачите на мигрена, не откажувајте се веднаш, пијте многу вода (дехидрацијата ја влошува болката) и внесете ужина богата со протеини за да одржите стабилно нивото на шеќер во крвта.

Дали мојата главоболка е мигрена?

Околу 20% од луѓето кои страдаат од мигрена, пред појавата на првите симптоми добиваат знак во вид на аура. Тие гледаат светлина што трепка, брановидни линии или точки или, пак, им се заматува видот. Некои луѓе чувствуваат чуден мирис или вкус или се сонливи. 24 часа пред почетокот на мигрената, настапува промена во расположението (возбуда, депресија, нервоза).

Прва помош – совети

1.  Легнете во темна соба
2.  Ставајте топли или ладни облоги
3.  Масажа на болните места
4.  Една, но само една кофеинска напивка
5.  Мирисајте или нанесете масло од лаванда, ѓумбир или пеперминт 

Секое покачување на температурата за 5°C, го зголемува ризикот од појава на главоболка за 7,5%.

The post Мигрена appeared first on Аптеки PlusPharma.

Боровинката расте како зимзелена грмушка во висина од околу триесет сантиметри и има ситни бобичести плодови со темно сино-црна боја, со пријатен киселкасто-сладок вкус. Цвета од мај до јуни, а вкусните плодови во вид на бобинки созреваат од јули до септември. Во Европа и во Северна Америка боровинката се одгледува од многу одамна и се користи како лековита билка.
Лековити се зрелите плодови и лисјата. Боровинките се богати со диетални влакна, пектини. антоцијанини, бакар, растителни влакна, биофлавоноиди, витамин Ц, витамин Е, железо, глукоза, калиум, калциум, манган, натриум, органски киселини (лимунска и јаболкова), пектин, протеини, фолна киселина, хром и др.Освен плодот, богат со корисни елементи е и листот, а особено со минерали: калиум, натриум, манган, хром, железо и бакар. За да се исползуваат корисните состојки  лисјата треба да се берат во пролет, а плодотодносно бобинките на лето, само кога е целосно зрели.

Лековити својства

Денес многу научни истражувања потврдиле дека боровинката е здрава храна и е лек кој се употребува за спречување и за лекување на многу заболувања. Плодот има јако антиоксидантно дејство и е докажано дека има антиканцероген ефект.
Истражувањата докажале дека дивите боровинки помагаат во третман на шеќерната болест и се со изразено и моќно антидијабетично дејство. Ова особено е ценето во народната медицина, заради што боровинката се нарекува и растителен инсулин.

Листовите од боровинката помагаат во случај на создавање на одредени киселини, повраќање, грчеви во желудникот и кашлање. Важно е да се знае дека листовите се делотворни само ако се наберат пред бобинките да бидат зрели, бидејќи подоцна немаат лековито дејство. Зрелите боровинки се употребуваат за јакнење на крвната слика.
Боровницата се употребува и за лекување на хемороиди, бидејќи го спречуваат крварењето. Сувите бобинки го спречуваат проливот, особено кај малите деца.
Редовно консумирање на боровинки се препорачува и кај бремени жени, со цел да се намали ризикот од појава на проширени вени и хемороиди.
Поради изобилството на лековити материи и изразеното антиоксидативно дејство, докажано е дека поволно делува на многу органи и функции во организмот:
– Ја стимулира работата на мозокот, а една студија покажала дека боровинките го успоруваат „стареењето“ на меморијата.
– Го јакнат имуниот систем.
– Поволно делуваат на видот и здравјето на очите.
– Го намалуваат ризикот од срцев удар, посебно кај жените.
– При инфекции на уринарниот тракт.

Одличен избор при диети и во програми за намалување на телесната тежина

Полифенолите влијаат врз разбивањето на мастите во клетките кои се таложат на стомакот. Ова овошје содржи многу малку калории, па поради тоа е одлична закуска доколку сакаме да ја намалиме телесната тежина.

Во исхраната

Боровинката е одамна позната како суперхрана. Нутриционистите советуваат редовно консумирање на ова овошје.Во исхраната се користи како свеж плод, сушено овошје, пекмез, сок, компот, сируп или чај, а во некои краеви се користи и како состојка за правење вино и ракија.Од листовите се прави чај или облоги. Може да се користи безбедно повеќе пати на ден, а слободно може да го консумираат и децата.
Подготовка на чај:   Во едел литар врела вода се става една шака суви или свежи листови боровинка и се остава да отстои 10 минути. Се пијат 3 до 4 шолјички дневно. Мешавина  од листови од дива или питома боровинка, со листови од дива јагода и од капина, е еден од најделотворните природни лекови против шеќерна болест.

The post БОРОВНИЦА – ИЗВОР НА ЗДРАВЈЕ И ЕНЕРГИЈА appeared first on Аптеки PlusPharma.

Музиката му дава душа на универзумот, крилја на умот и на фантазијата и живот на сè!   Платон 

Што навистина e музика?
Музика (од грчкиот збор муза) е звучна хармонија која предизвикува пријатно духовно чувство.
Дали некогаш сме се прашале колку вревата што секојдневно нè опкружува во овој модерен свет, им штети на нашите нерви и полека, но сигурно, го нарушува нашето здравје? За разлика од тоа, музиката нèопушта, го поправа расположението, со неа се забавуваме, но и кога плачеме и поминуваме низ тешки емотивни периоди. Таа е составен дел на секојдневието, а нејзиното благопријатно дејство го поттикнува духовното и телесното здравје, и заради тоа терапијата со музика се применува во сите гранки на медицината.
Науката со децении е соочена со разорното влијание на вревата на нашето здравје, но исто така, со децении го проучува и корисното влијание на хармоничните звуци на музиката за човечкиот организам.

Моќта на музиката низ историјата
Отсекогаш се сметало дека музиката претставува храна за душата и телото. Во најраната историја, музиката, по правило, била дел од некои ритуали да се „истераат“ болестите, а имала главна улога  во обредите за оздравување. Старите грчки филозофи сметале дека музиката има натприродни моќи, дека ја поттикнува хармонијата меѓу небото и земјата, а воедно претставува неопислив начин на уживање.

Што е музикотерапија?
Музикотерапија е лекување со музика, односно терапевтско користење на музиката и нејзините елементи (звук, ритам, мелодија и хармонија) со цел постигнување на физички, емоционални, ментални, социјални и когнитивни потреби.
Музикотерапијата ја изведува квалификуван музички терапевт, индивидуално или групно, за да ги зајакне комуникацијата, учењето, изразувањето, организацијата и другите основни терапевтски цели.

 Музикотерапијата претставува непосредна употреба на музиката со цел рехабилитација и поткрепа на психотерапијата.

Претпоставки на музикотерапијата

Постојат три главни претпоставки на кои се темелат начелата на музикотерапијата, а тоа се:
1.   Сите луѓе поседуваат вродена музикалност.
2.   Музикалноста е цврсто вкоренета во нашиот мозок.
3.   На музикалноста не влијаат сериозни невролошки оштетувања и трауми на мозокот.
Врз основа на овие претпоставки настанале основните концепти и начела на музикотерапијата.

Основни концепти на музикотерапијата

Најважни концепти на лекување со музика, а на кои се темели целиот процес на музикотерапија се:
– квалитетен однос на терапевтот со клиентот
– сигурно опкружување (психичка и физичка сигурност на клиентот)
– почитување на динамиката на терапијата
– користење на тишина (дава време за фокусирање на мислите и координација на психичките одговори што му овозможува на терапевтот време за набљудување на клиентот)
– флексибилност (адаптација на промени)
– јасни намери и цели на терапијата
– константност во изведување на терапијата
– поставување граница помеѓу клиентот и терапевтот

Цели на музикотерапијата

Главни цели на музикотерапијата, освен лекување, ублажување и превенција на душевните и телесните пореметувања се:
·     управување со стресот
·     ублажување на болките
·     изразување на чувствата
·     подобрување на памтењето
·     подобрување на комуникацијата
·     промовирање на физичката рехабилитација
·     зголемување на задоволството од животот
·     опуштање и смиреност
Музикотерапијата е насочена на развивање на потенцијалот и повторно враќање на способностите на поединците за да можат да постигнат подобра лична и социјална интеграција и на тој начин поквалитетно да живеат.

Примена на музикотерапијата

Во светот, музикотерапијата се применува при лекување на сите категории психијатриски и дефектолошки пореметувања. Се применува кај децата и возрасните, индивидуално или во група, во болнички или вон болнички услови.
Иако најчеста е примената на музикотерапијата во психијатријата, лекувањето со музика со успех се применува и во другите гранки на медицината, како што се:
·     неврологија
·     гинекологија
·     онкологија
·     педијатрија
·     кардиологија
·     ендокринологија
·     физикална медицина
·     рехабилитација.

Музикотерапија за деца

Музикотерапијата во почетокот била намената само за возрасните, но подоцна почнала да се користи и во работата со децата. Тоа се однесувало пред сèна децата со посебни потреби, иако музикотерапијата може да се користи и кај деца кои немаат некои изразени потешкотии. Музикотерапевтите избираат одредена, веќе постоечка, позната и признаена музикотерапевтска метода које се темели на музичка импровизација. Преку музиката треба да се оствари одредена комуникација, со цел да се воочат потешкотиите кај детето, за да му се помогне во зајакнување на неговото физичко, ментално, социјално и емоционално здравје. Во рамките на музикотерапијата, детето може да репродуцира, создава, импровизира и слуша музика.

Не постои универзална терапевтска музика, туку се врши избор зависно од целта на терапијата или зависно од тоа во која фаза е терапијата. Музиката служи како средство за комуникација, а суштината на терапијата е во односот терапевт–клиент, кој носи потенцијал за постигнување на терапевтски промени и лечење. 

The post МУЗИКОТЕРАПИЈА appeared first on Аптеки PlusPharma.

Доколку наутро имате малку време, започнете го денот со лесни вежби кои ќе ви го разбудат целото тело, ќе ја забрзаат работата на срцето, а со тоа и крвотокот. Тренингот ќе ве загрее и ќе ве ослободи од стресот, а утринското раздвижување има позитивно влијание врз зглобовите и мускулите. Доволно е да изделите само 15 минути за да бидете поздрави, поотпорни, појаки и позадоволни, а стручњаците велат дека така ќе живеете и подолго.

• Веднаш штом ќе се разбудите и додека сè уште лежите во кревет, започнете со истегнување на мускулите на нозете на следниов начин: Прво испружете ги прстите на нозете колку што можете, потоа згрчете ги кон петтата и во исто време стегнете ги сите мускули на ногата. Опуштете се потполно. Почекајте мускулите потполно да се отпуштат, па повторете ја вежбата пет пати.

• По истегнувањето на нозете продолжете со истегнувањето на рацете. Раширете ги рацете најмногу што можете така што ќе ги затегнете мускулите до рамената. Соберете ги прстите и стиснете ја дланката, при што повторно ќе ги затегнете мускулите до рамената. Повторете ја вежбата пет пати.

• Сè уште сте во кревет. Превиткајте ја перницата и ставете ја под грбот, така што ќе легнете врз неа. Потоа ставете ги прстите под главата, со што главата ќе ви биде потпрена на рацете. Вртете ја главата колку што можете надесно, налево, горе, долу и кружно.

• Потоа поставете ја перницата под колковите и движете ги нозете како да возите велосипед. Исправете ги нозете и започнете да ги составувате и раздвојувате, поточно како ножици да поминуваат една преку друга. Легнати затегнете го стомакот така што мускулите ќе ги затегнете колку што можете и истовремено масирајте (како да месите) ги мускулите со двете раце. Оваа вежба е одлична против опстипација (запек), честа појава кај голем дел од луѓето. Воедно оваа вежба добро делува на воспален мочен меур и проширена простата.

• Седнете на кревет и придвижете ја главата колку што можете надесно, па налево, потоа накривете ја главата така што увото да дојде во близина на едното, па другото рамо. Овие движења на главата и вратот се потребни за подобрување на циркулацијта во вратниот регион, каде што поминуваат многу крвни садови и нерви. Оваа вежба одлично влијае на сетилата (слух, мисир, вкус) и доколку нивната функција била оштетена, доаѓа до подобрување. Седнете на работ на креветот и движете го телото во лево колку што можете, па во десно колку што можете. Потоа движете се напред па назад. Со тоа се зајакнува ‘рбетниот столб и ги зајакнува нервите кои одат кон долните делови на телото.

За да го почувствувате бенефитот од овие вежби практикувајте ги два пати дневно, кога ќе се разбудите и пред легнување. Започнете ги вежбите веднаш и бидете упорни!

The post Вежби за долг живот appeared first on Аптеки PlusPharma.

Папајата е богата со биолошки активни соединенија од кои главна компонента е папаин. Концентрација на активни супстанци варира, во завист од делот на растението. Екстракт од сушени лисја од папаја има антиканцероген ефект, и тоа против широк спектар на тумори, вклучујајќи ги рак на грлото на матката, градите, црниот дроб, белите дробови и панкреасот. Плодот може да се јаде свеж и како суво овошје. Богат извор на витамини А и Ц и калциум, го подобрува варењето на храната и го чува имунолошкиот систем.

The post ПАПАЈА appeared first on Аптеки PlusPharma.

Што е зумба-фитнес?

Зумба-фитнес претставува програма на аеробни вежби каде што се вклучени елементи на танцување, односно, комбинира основни чекори од танците кои се применуваат на латино и на интернационална музика со цел да се направи вежбањето забавно. Музиката е клучната состојка на часовите по зумба. Кореографијата креирана со специфични тактови и менување на темпото, транзиции на вежбањето од едно во друго движење, вклучувајќи тонирање, зацврстување или кардио-движење, цели кон секоја мускулна група во телото. Зумбата позајмува латино вкусови од следните стилови на танцување: кумбиа, салса, меренго, мамбо, фламенко, ча-ча-ча, самба, хип-хоп,танго и многу други. 

Придобивки од зумба-фитнес

Се покажало дека зумбата на посебен и чудесен начин позитивно влијае врз вежбачите. Придобивки од зумбата ги има многу, меѓу кои се:

• добивање чувство на среќа и задоволство за време на вежбањето
• подобрена координација на телото до крајни граници
• моќна и видлива aнтистрес терапија
• трошење голем број калории кои се движат од 500 до 1000 калории на 1 час
• лесна и нефрустрирачка околина за учење нови движења преку танците
• добивање позитивна слика за себе – не само што ќе изгледате добро, туку и добро ќе се чувствувате
• опфаќање на сите групи мускули во телото
• елиминирање на двете клучни причини за откажување од вежбањето: недостигот на време и здодевноста
• нови познанства и нови пријатели

За секој тренинг, облечете се така за да имате максимална мобилност, затоа што зумба-фитнесот тоа го бара.

За кого е зумба-фитнесот?

Зумба-фитнесот е програма која е погодна за сите возрасни групи, независно од тоа во каква физичка кондиција сте, дали имате или немате искуство во танцување, дали сте машко или женско, млад или постар, па дури и децата можат да го практикуваат. Се препорачува првенствено на оние кои се помалку активни, многу малку се движат и имаат вишок поткожно масно ткиво од кое сакаат да се ослободат, но не знаат како.

Раздвижување на целото тело
Една од најголемите придобивки на зумбата е тоа што се раздвижува целото тело. Наместо фокусирање на одреден дел од телото, зумбата ве мотивира постојано да се движите, да бидете живи и да уживате во ритамот.

Тонирање на мускулите
Зумбата помага и при тонирање на мускулите на целото тело, без да почувствувате голема мака. По првите видливи резултати, желбата за зумба уште повеќе ќе ви се зголеми.

Намалување на крвниот притисок
Со правилен начин на исхрана и вежбање зумба, крвниот притисок со сигурност се намалува. Ова е многу важна придобивка, особено за оние кои имаат проблеми со високиот крвен притисок.

Согорување на калориите
Од појавувањето на зумбата кон крајот на 90-тите години, многу научни студии ја потврдуваат нејзината ефикасност во согорувањето на калориите. Се смета дека, во просек, со еден час вежбање зумба, се согоруваат околу 400 калории.

Ослободување од стресот
Вежбањето, општо, влијае врз ослободување на стресот. Танцувањето, музиката и движењата во зумбата го прават целиот тој процес малку поинтересен.

Кардио-тренинг
Зумба-вежбите се и добар кардио-тренинг. Доколку кардио-тренингот, обично, ви е заморен и ви претставува проблем, најдобро е да одите на зумба и да ги почувствувате таквите придобивки уште веднаш.

Кондиција
Можеби резултатите од зумбата нема веднаш да бидат видливи, но не грижете се. Комбинацијата на фитнес и танцови движења, со сигурност ќе ве одржува во добра кондиција. И тоа претставува уште една причина плус да отидете на зумба и едноставно да уживате.

Делува како вежба за дишењето
Како што веќе рековме, зумбата е танц кој спаѓа во категоријата аеробни вежби. Со оглед на тоа што со зумбата се прават аеробни вежби, овој танц ви помага длабоко да вдишувате, со што и се зголемува моќта на белите дробови.

Зумбата не е само танц. Зумбата не е само вежба. Зумбата не е само забава. Зумбата е сето ова заедно. Заиграјте и изградете го своето тело низ добра забава!

The post ЗУМБА-ФИТНЕС – танц и вежбање во исто време appeared first on Аптеки PlusPharma.

Што, всушност, претставува анксиозноста?

Анксиозноста е чувство на општа возбуденост, нејасен страв без очигледна надворешна причина, психомоторна напонатост и загриженост. Анксиозноста се манифестира преку повеќе физички и психички симптоми кои се доживуваат како  непријатни, а често се појавува во комбинација и со други болести, особено со депресија. Специфично за анксиозноста е што најчесто е немотивирана и не е поврзана со некој конкретен објект, настан или личност. Поимот анксиозност често се поистоветува со поимот страв. Но, сепак, станува збор за две сосема различни појави, и важно е да се направи дистинкција меѓу нив. Анксиозноста е квалитативно различно доживување од стравот и се појавува кога личноста не може да се соочи со опасноста. Кај стравот, опасноста е рационална, бидејќи објектот или појавата свесно се перципираат и можат да се идентификуваат, додека кај анксиозноста не постои свесно перципиран објект или извор на појавата што предизвикува опасност и тоа се сведува на очекување дека ќе се случи нешто непријатно или опасно. Концептот на неограничени можности за замислување на идните појави претставува еден вид непресушно гориво за анксиозност.

Причини
Точната причина за анксиозноста не е позната, но постојат многу фактори што можат да го поттикнат развојот на анксиозноста. Улога играат генетските фактори, биохемиските процеси во мозокот и влијанието на средината. Разните трауми или стресни моменти во текот на животот, смрт на блиска личност, развод, промена на работното место, промена на местото на живеење – може да предизвикаат анксиозност.

Симптоми на анксиозност

Физичката манифестација на анксиозноста најчесто оди преку: забрзана работа на срцето, хипертензија, забрзано и плитко дишење, мачнина и сува уста, вцрвенување и потење, премор, гастроинтестинални нарушувања, мускулна напнатост, губење здив и чувство на гушење, тешкотии во голтањето („кнедла во грлото“), чувство на слабост итн.Психичките знаци за  анксиозност се: лесно губење на трпението, тешкотии со спиењето, тешкотии со концентрацијата, постојано очекување на негативен исход од секоја животна ситуација, опсесивност, потреба за бегство, криење или избегнување обврски итн.

Кога треба да му се обратите на вашиот лекар:

Не секогаш лошиот ден или период на загриженост и вознемиреност претставува анксиозна состојба. Но, доколку повеќето од наведените симптоми се присутни повеќе од шест месеци, најверојатно станува збор за анксиозно нарушување, и помошта и советите од лекар се важни во навремено дијагностицирање и справување со проблемот.

Третман на анксиозноста

Со цел подобрување на квалитетот на живеење на анксиозната личност, исклучително важно е раното препознавање на анксиозноста и соодветен професионален третман. Професионалното третирање во раните фази помага да се спречат некои потешки последици како што се: депресија, злоупотреба на алкохол, психотропни супстанции и друго. Постојат бројни психотераписки пристапи, како гешталт-терапија, когнитивно-бихејвиорална терапија, семејна терапија и други кои можат да ви помогнат да ја надминете анксиозната состојба. По потреба, според процената на професионалното лице, во третманот може да се вклучи и медикаментозна терапија, односно употреба на анксиолитици и антидепресиви.

Самотретман

Во некои случаи, анксиозноста може да се лекува дома без надзор на доктор. Сепак, ова може да биде ограничено на пократки периоди на анксиозност и поочигледни причини.

Постојат неколку вежби и активности кои се препорачуваат:

Управување со стресот: Учењето да се управува со стресот може да помогне да се ограничат потенцијалните предизвикувачи. Внимавајте на притисоците и крајните рокови, составувајте листи за да ги направите застрашувачките задачи полесни за исполнување 

Техники на релаксација: Едноставни активности може да се користат за да се ослободите од менталните и физичките знаци на анксиозност. Тие вклучуваат медитација, вежби за длабоко дишење, долги бањи, одмор во затемнета просторија и јога.

Здрав начин на живот: Одржувањето на активноста, соодветната исхрана, излегувањето во природа, времето поминато со семејството и со пријателите – се ефикасни во намалување на анксиозноста и подобрувањето на вашата општа состојба. Користењето природни состојки како: чај од камилица, зелен чај, хмељ, лаванда, валеријана, матичина, може да ви помогне многу за да ги смирите вашите мисли.  

Спортувањето и физичкиот напор, исто така, може да ја подобри сликата која ја имате за себе, и да ги ослободи хемиските компоненти во мозокот што предизвикуваат позитивни чувства.

Научете да се соочите
Соочувањето и барањето на вистинската причина можеби е клучот за справување со анксиозноста. Никогаш не предавајте се на првите знаци на слабост. Пронајдете ја причината! Дознајте што довело до нападите и научете да ги трансформирате негативните мисли во нешто позитивно.

The post АНКСИОЗНОСТ appeared first on Аптеки PlusPharma.

И ден-денес се одгледува и плодот има непроценлива примена во човековото живеење, општо. Познати се повеќе од 70 видови маслинови плодови различни по боја, форма и големина, но сите подеднакво корисни за здравјето и исхраната.

Нутриционистички гледано, маслинката е исклучително богата со хранливи елементи и, пред сè, антиоксиданти. Тука се надополнуваат и растителните влакна, витамините А, Ц, Д ,Е, К, монозаситените масти, омега 3 масните киселини, флавоноидите… Интересен е податокот дека во маслинката може да се најде ибупруфен – противвоспалителен лек со широка медицинска примена. Листата на здравствени ефекти е исклучително долга и несомнено редовната употреба во исхраната е вистински благодат за целокупното здравје.

The post МАСЛИНКА appeared first on Аптеки PlusPharma.

Состав

Кокосовото масло се добива од сушениот меснат дел од кокосовиот орев. Околу 92% од кокосовото масло го сочинуваат заситени масни киселини, 6% монозаситени и 2% полизаситени. Основна состојка е лауринската киселина за која единствен друг извор е мајчиното млеко, а познато е дека мајчиното млеко го гради имунолошкиот состав на новороденчето, па станува јасно за каква намирница се работи. Друга состојка на кокосовото масло е каприлната киселина која поттикнува развој на „добри бактерии“, посебно млечна киселина. Предноста на кокосовото масло пред останатите масла е тоа што масните киселини кои ги има во својот состав не се таложат во организмот,  туку директно преоѓаат во црниот дроб каде се претвораат во енергија.

Лековити својства

Оваа вредна намирница помага во намалувањето на холестеролот, а ја подобрува и апсорпцијата на витамини и минерали во организмот. Редовното користење на кокосовото масло придонесува за одржување на здравјето на цревата, намалување на телесна тежина и нормализирање на метаболизмот. Спроведени се многу истражувања за кокосовото масло при што е потврдено  дека освен антивирусното и антибактериското дејство, кокосовото масло има и антиканцерогено дејство. Поради енергијата која се добива од кокосовото масло, телото подолго задржува чувство на ситост и затоа е одличен избор за оние кои се борат со вишокот килограми.

Кокосовото масло се користи и може да помогне во состојби на:

• Кожни болести и рани
• Артритис и ревматизам
• Убоди од инсекти
• Заболувања на непцата
• Цревни паразити
• Проблеми со дигестивниот систем 
• Вирусни и бактериски инфекции
• Габични инфекции
• Дијабетес
• Намален имунитет
• Хроничен замор
• Мигрена
• Депресија
• Намалена концентрација и помнење
• Паркинсонова болест
• Алцхајмерова болест
• Нега на кожа и коса

Препорачаното дневно внесување е од две до четири лажици ладно цедено кокосово масло. Може да се земе директно со лажичка или, за полесно пиење, можете да го додадете во салата или во сок.

Идеално и за надворешна употреба

Освен за здравјето на внатрешните органи, кокосовото масло се користи и за масажа и за нега на кожата и на косата. При масажа на екстремитетите и зглобовите, кокосовото масло има антиинфламаторно дејство. Тоа помага кај гихт, артритис, ревматизам, болка во зглобовите и отоци. Ја храни кожата, ја прави поцврста и еластична, спречува формирање на брчки и првут. Кокосовото масло го стимулира растот на фоликулите, ја храни и ја регенерира косата. Поради ова, маслото често се користи во третмани за нега на коса.

Кокосовото масло може да биде идеална замена за десетина производи за нега и убавина и секојдневно може да се употребува за:

• Нега на усната празнина 
  
• Масажа
• Бричење и депилација
• Грижа за скалпот и косата
• Како крема за хидратација 
• Убоди од инсекти
• Пилинг на телото
• Отстранување шминка
• Грижа за нокти
• Помош при исип од пелени, изгореници

Во кулинарството 

Кокосовото масло во кујната може да ви послужи за:
• пржење, готвење и друга подготовка на храна
• додаток во кафе, топло чоколадо или какао
• подготовка на солени и слатки колачи, палачинки, леб и печива
• подготовка на вкусни и здрави овошни и зеленчукови сокови и мармалади 

Купување и примена

Најдобро е да се користи кокосовото масло во сурова форма, бидејќи на тој начин ќе  добиете најголема корист од неговите лековити состојки. Сепак, поради неговата исклучителна отпорност на високи температури, кокосовото масло може да се користи за печење или за пржење храна – за разлика од другите масла кои на високи температури драстично може да ги променат своите карактеристики и да станат канцерогени.

На пониска температурата, кокосовото масло е во цврста состојба и тоа се нарекува  кокосова маст, а на околу 23 степени станува течност.

Кога купувате, побарајте ладно цедено кокосово масло, кое ги има сите горенаведени вредности. Избегнувајте рафинирано масло, кое е значително поевтино, но, исто така, е лишено од придобивките од овие вредни јадења.

The post КОКОСОВО МАСЛО тропски дар за здравје и долговечност appeared first on Аптеки PlusPharma.

Витамин на плодноста

Витаминот Е има позитивно дејство врз целиот организам и има значајна улога за правилно функционирање на жлездите со внатрешно лачење, особено на функцијата на половите жлезди. Витаминот Е учествува во формирањето на репродуктивните клетки и ја подобрува плодноста и кај двата пола. 

Моќен антиоксидант

Витаминот Е е најважниот антиоксидант растворлив во масти. Тој ги штити структурите на клеточните мембрани од влијанието на слободните радикали, се бори против воспалителните процеси и, на тој начин, природно го забавува стареењето на клетките. Благодарение на неговиот антиоксидантски ефект и неутрализирањето на слободните радикали, витаминот Е помага во спречување на оксидацијата на холестеролот и едновремено ги штити крвните садови од оштетување. 

Благодат за кожата

Витаминот Е има многу значајна улога во одржување на здравјето на кожата. Ја намалува инфламацијата во телото и помага во одржувањето на здравата кожа. Исто така, витаминот Е е значаен за заштита од изгореници од сонце, побрзо заздравување на раните, намалување на акните и брчките, а заедно со витаминот Ц, може да делува и на подобрување на симптомите на егзема. Поради овие својства, тој е главна состојка во многу козметички продукти за нега и против стареење на кожата. 

За добар вид

Витаминот Е со други антиоксиданти, како бета-каротинот, витаминот Ц, селенот и цинкот, покажува извонреден ефект за заштита на функцијата на очите и за превенција во појава на макуларната дегенерација и катарактата.

За физичката издржливост и мускулната сила 

Витаминот Е значајно влијае на подобрување на физичката издржливост преку подобрување на циркулацијата и енергијата. Значително  помага и во намалување на нивото на оксидантскиот стрес на мускулното ткиво по физичката активност.

Редовното и соодветното внесување на витаминот Е преку разновидна и избалансирана храна може да превенира и да помогне во подобрување на состојби како:

• акни 
• атеросклероза
• астма
• дијабетес
• епилепсија
• неплодност
• менопауза
• мигрена
• остеоартрит
• катаракта
• мозочен удар

Извор на  витамин Е
Витаминот Е е распространет во природата, особено во растителниот свет. Најмногу е застапен во растителните масла, јаткастите плодови како бадеми, лешници, ореви, зеленчукот со зелени листови како спанаќот, житарките, семките од сончоглед и тиква, сладок компир и авокадо. Во местото се наоѓа само во незначителни количества.  Никулците на житарки, растителни масла и маслодајните семиња се најбогатиот извор. Храната богата со витамин Е најдобро е да се консумира свежа. Со готвење се губи 50-90% од витаминот. Храната богата со овој витамин треба да се чува добро затворена, поради чувствителноста на кислород и можноста за оксидација. Се смета дека депото на овој витамин се наоѓа во масното ткиво. Високи концентрации се наоѓаат во црниот дроб, срцето, мускулите, тестисите, матката, надбубрежната жлезда и хипофизата. Се ослободува бавно и за целосен терапевтски ефект се потребни два до три месеци. Животните и човекот не се во состојба да го синтетизираат овој витамин.

Препорачани дневни дози на витамин Е
Адолесценти и возрасни – 15 мг
Деца и помали тинејџери – 6-11 мг дневно
Доилки – до 19 мг 

Недостаток на витамин Е
Иако е сосема ретко, при недостаток  на витамин Е може да се појават следниве симптоми: слабост на мускулите, проблеми со видот, нестабилно движење, анемија, проблеми со варење на храната.

The post ВИТАМИН Е – витамин на младоста и убавината  appeared first on Аптеки PlusPharma.

Ајдучката трева е позната одамна и уште оттогаш биле познати нејзините лековити дејства. Таа е добро позната меѓу треварите и луѓето кои се занимаваат со алтернативен начин на лекување. Латинскиот назив на билката, Achillea millefolium, доаѓа од една легенда за Ахил кој во моментот на освојување на Троја бил погоден со отровна стрела, а по совет од  прекрасната Афродита, Ахил ја употребил оваа билка за лекување на раната и за намалување на болките.

Кај нас се нарекува ајдучка трева затоа што некогашните ајдуци ја употребувале за лекување на своите рани

Состав:
Надземниот дел од растението содржи 1% етерични масла, флавоноиди, витамин К, горчливи материи, ахилеин, смоли, стерили, танини и друго. Етеричното масло се добива со дестилација, а содржи пинен, тујон, камфор, лимонен, борнеол.

Употреба
Освен во народната медицина, ајдучката трева наоѓа значајна примена и во современата медицина. Најчесто се употребува кај желудочно-цревните заболувања, при грозница, зголемен крвен притисок, како средство за сопирање на крвавењето, и при мозочни и срцеви тромбози. 

За чајот
Чајот од ајдучка трева се употребува против главоболки и несоници, нагони за повраќање, кај болести кои се придружени со секрет и солзење на очите, при крвавења од носот. Се употребува при напад од мигрена, како последица на чувствителност на промена на времето и појава на топол ветер. Со редовна консумација на чајот, кој се пие во голтки, што е можно потопол, нападите и интензитетот на мигренозните болки може значително да се намалат. Во форма на чај, се употребува и за подобрување на апетитот. Со својот горчлив вкус, делува на слузницата на желудникот,  при што се поттикнува лачењето на желудочен сок, се подобрува апетитот, се намалуваат желудочните тегоби, надуеноста и тешкото варење.

Ајдучката трева има големо количество витамин Ц, и се употребува и при крвавења и хемороиди.Пиењето чај од ајдучка трева помага за јакнење на крвта, за лекување на црниот дроб, панкерасот, слезината, жолчката, навали на крв во главата, тахикардија, болки во коските и грбот, нередовна менструација, крвави хемороиди, разни исипи, чиреви и сл. 

Широка надворешна примена
Надворешно се употребува за испирање, како купка и за облоги. Се покажало дека има позитивно дејство при лекување на испукани раце, рани на брадавиците кај мајките кои ги дојат своите деца, а се употребува и при лекување на псоријаза. При псоријаза, покрај облоги од чај од ајдучка трева, дополнително се консумира и чајот од ајдучка трева.Официјалната медицина докажала дека екстрактот од листот на ајдучката трева го забавува развојот на патогените бактерии. Делува моќно и е одлична за смирување на нервниот систем во состојба на психичко растројство. Болките предизвикани од воспаление на јајниците, често престануваат по првата купка, а воспалението полека се смирува. Купките се успешни и кај мокрење во кревет кај децата и кај постарите лица. Ајдучката трева може да предизвика алергија. Па, поради тоа, лицата кои се чувствителни на неа треба да ги користат само младите, тукушто набрани билки, и чајот да го пијат во мали количества.

Подготовка на чај од ајдучка трева:
Една полна кафена лажица да се прелива со четвртина литар врела вода и се остава десетина минути. Се  процедува и се пие најдобро засладен со мед. Се препорачува чајот да се пие топол.

Подготовка на купка од ајдучка трева:
100 грама ајдучка трева, се остава преку ноќ во ладна вода. Наредниот ден, екстрактот се затоплува до вриење, а потоа се додава во водата за бањање.

The post АЈДУЧКА ТРЕВА  appeared first on Аптеки PlusPharma.

Потекнува од Јужна и Средна Америка, коe било култивирано уште за време на владеењето на Ацтеките и Инките. Во Европа, прв пат е донесен на подрачјето на Шпанија и Португалија кон крајот на 15-тиот век.
Поради својата енергестска, хранлива и лековита вредност станал омилена салата, храна и прелив. Денес е дел од секојдневната медитеранска кујна, бидејќи одлично се комбинира со голем број приготвени јадења, како што се тестенини, ориз, сирење, јајца, месо и риба…Доматот е сезонско овошје, кое се одгледува во период од мај до октомври, но благодарение на стаклените градини може да се најде во текот на цела година.

Зошто домат?
Ниската калорична вредност во комбинација со високите вредности на анти-оксидансните материи вклучувајќи го и ликопенот го прават овој продукт едноставно перфектен .Ликопенот е моќен антиоксиданс, кој го штити човековото здравје од многу болести. Заслужен е и за раскошната црвена боја, која го прави и попривлечен. Нашето тело неможе само да создаде ликопен, па затоа е потребно да се внесува со исхраната. Иако, останатото овошје и зеленчук ја содржи оваа важна состојка, ниедно од нив неможе да се спореди со доматот.

Ризница на витамини и минерали
Доматот е нискокалоричен, богат со билни масти, јаглехидрати и витамини А, B C, D, и K, додека минерали застапни во доматот се: железо, калиум, магнезиум, калциум, натриум и фосфор. Содржи високи концентрации на лутеин, минерални соли, хлорогенска, кофеинска и ферулинска киселина како и бројни други корисни состојки. Во мали количини содржи и ретки минерали како манган, бакар, бор и кобалт.

Ликопен – чудотворна состојка на доматот
Ликопенот е одговорен за големиот интерес за проучување на доматот. Поради тоа се спроведуваат се повеќе истражувања на тема лековитоста на доматот.
Докажано е дека внес на големи дози ликопен може да спречи рак на црева, рак на грло на матка и многу други врсти на тумори. Делува против алергии, артритис, анемија, астма, срцеви болести и болести на крвни садови, егземи, истегнати мускули и лигаменти, го зајакнува имунитетот , како заштита на  организмот од инфекции и настинки. Докажано е и дека е делотворен во превенција на тумор на простата, па поради тоа е пропорачливо машката популација да конзумира во поголеми количини. Продолжениот список на заболувања кај кои се препорачува  доматот се: мигрената, остеоппроза, покачен холестерол во крвта, катаракта, висок крвен притисок.

Сокот од домат, го смалува ризикот за слепување на тромбоцитите и на тој начин спречува тромбоза, особено кај заболени од дијабетес тип 2. Познато е дека дијабетичарите имаат зголемен ризик од созадавање на тромб, кој во понатамошниот тек на болеста е најчест причинител за инфаркт на срце и мозок.

Најдобар пријател во борба против стареење
Благодарение на високите концентрации на ликопен и витамин Ц, доматот по мислење на стручни истражувачи претставува најдобра храна против стареењето. Овие две сосотојки се совршено складни во борба против слободните радикали, со што ликопенот ги одржува ткивата помлади и еластични, додека витаминот Ц како антиоксиданс го зајакнува имунитетот и го штити организмот од инфекции. Здружени заедно, ликопенот и витамин Ц, претставуваат вистински еликсир за убавина и младост. Ликопенот е исто така и каротеноид, па затоа добро е и да се конзумира во поголеми количини и за време на изложување на кожата на сонце

Целогодишна намирница
Иако е сезонски одгледувана билка, на нашите простори  може да се најде во текот на цела година во свежа состојба а исто така и како конзервиран во разни форми. Најдобро е кога се конзервира без адитиви,  шеќер и вештачки бои и обработен исклучиво по механички пат, со ладна постапка без загревање. Доколку  е приготвен во комбинација со маслиново масло, се смета за вистински еликсир.
Интересно е дека е здрав и во приготвена состојба, бидејќи при приготвењето искористеноста на ликопенот расте, а не се смалува.

500ml на доматен џус на ден се доволни за да се добијат бенефитите од ликопенот.  Една чаша на ден редовното конзумирање на на доматорт во исхраната  има огромен потенцијал да не направи, поздрави и помлади.

The post ДОМАТ – Господар на трпезата и здравјето appeared first on Аптеки PlusPharma.

Се случуваше со денови да не се напијам ниту една капка вода, а да пијам некакви сокови под мотото дека имаат витамини, минерали (особено оние стопроцентните), па често дома имавме вакви сокови кои ги купувавме со пакети. Можеби ќе се случеше да се напијам вода кога ќе јадам солена храна, со или по јадењето. Никогаш не ми доаѓаше потреба да се напијам вода во утринските часови, ниту пак кога бев гладна. Јас,едноставно,немав навика да пијам вода. Дури мислев дека утринските отечени дланки на рацете и високиот крвен притисок ќе ми се влошат ако пијам вода наутро. ПОГРЕШНО!!! Зошто? Зошто ова мислење е погрешно? Зошто луѓето немаат потреба да пијат вода?! Зошто некои луѓе се постојано жедни? Во основа, човекот е 2/3 вода или приближно 66% вода. Повеќето луѓе не можат да живеат без вода повеќе од 4 дена. Во нормални услови (при нормална температура и здрав организам),за едно деноноќие телото губи над 2,5 литри вода преку урината, преку кожата. При физички активности, при повисоки температури на воздухот,секако,оваа количина на изгубена вода е многу поголема. Природно и нормално е да се грижиме да го надоместиме она што го губиме, па така,сосема е нормално оваа загуба на вода по природен пат да ја надоместиме. Само така нема да дозволиме нашето тело да биде постојано дехидрирано, а дехидрираното тело е болно тело.

Д-р Ф. Батманхелич (F. Batmanghelidjs), автор на книгата „Вашите тела многу плачат за вода“ (Your Bodys Many Cries for Water),„You’re not Sick You’re Thirsty“(Вие не сте болни вие сте жедни), ги поврзува следниве заболувања кои се автентични за хронично дехидрирано тело: гастритис, чиреви во гастроинтестиналниот тракт, болки во зглобовите, астма, алергии и многу други заболувања. Д-р Батманхелич бил политички затвореник во ирачките затвори и таму навистина лекувал и излекувал огромен број затвореници само со терапија со ВОДА. Тој вели:„ Вие не сте само тоа што јадете, вие сте тоа што пиете!!!“. Тој става нагласка на важноста на водата со фактите – мускулите се составени од 75% вода, нашата крв која е преносител на сите хранливи материи до секоја клетка е составена од 82% вода, белите дробови што ни го даруваат неговото височество – кислородот се составени дури од 90% вода, нашиот ценет генерален директор – мозокот во составот содржи 76% вода, па дури и нашите цврсти коски во составот имаат 25% вода. По повеќе децении истражување, д-р Батманхелич доаѓа до заклучок дека во оптимални услови при оптимална телесна тежина, потребата на нашето тело за вода е минимум6 до 8 чаши на ден.

Почнете го денот со чаша вода

Јас секое утро го почнувам со пиење една чаша вода. Потоа,истовремено пијам вода и јадам некој свеж овошен плод (вообичаено јаболко). Ова ми е редовен ритуал пред да излезам од дома, ритуал кој значи дека сум ја направила хигиената и однатре, а не само хигиена однадвор,како миење лице, заби, тело. Е, вака,на здрав начин го почнуваме денот –  чисти и однадвор и однатре – многу едноставна утринска процедура која ни ги буди телото и духот. Потоа работејќи, извршувајќи ги активностите до 14 часот, кога правам пауза, чаша по чаша испивам околу 1,5 л вода. Јас воопшто не ги бројам чашите, туку едноставно чувствувам потреба да ја испијам таа вода. Во почетокот кога почнав да се УЧАМ да пијам вода, буквално со сила ги броев чашите, но за кратковреме, таквото, да речам, насилно пиење вода премина во навика. По оваа фаза на навика, доаѓа фаза која е веќе мое секојдневје, а тоа е природна ПОТРЕБА од пиење вода. Отоците на дланките ги немам, притисокот ми е нормален, но тоа,секако,се должи на комплетно сменетиот начин на исхрана со кој живеам веќе повеќе од петнаесет години.

Дали чаевите, кафињата, безалкохолните напивки се сметаат за добра замена на водата?

На ова прашање може да се одговори надолго и нашироко, но здравиот разум ми вели дека само вода (покрај нафтата) извира од земјата и само во водата семето ‘рти, гранчињата пуштаат корени.Можеби некој има некое друго сознание?! Секако дека некогаш ќе се напиеме и други напивки, но тие не се неопходни на нашата клетка. Претпочитајте вода пред која било друга напивка. Бубрезите ќе ви бидат благодарни бидејќи со помош на водата тие подобро ќе ја прочистуваат крвта и ќе ги елиминираат отпадните соединенија преку урината. Опстипацијата (запекот) ќе биде минато ако секојдневно ја дружите водата. Кожата ќе биде мека и чиста, а коските благодарни затоа што со водата им се одржува еластичноста, врзното ткиво ќе биде исполнето, а не да се губи, да се рони, да се калцифицира. Да не заборавиме дека водата нè прави среќни и здрави,не само кога ја пиеме или ја апсорбираме преку свежите овошја и зеленчуци, туку и кога уживаме во неа преку пливање, туширање, парни бањи, хидромасажи… Зар не сте ја почувствувале силата на хидротерапијата со само едно утринско плискање на лицето со студена вода или туширање со наизменични млазови од студена и топла вода, утринско пливање во базен или езеро, море. Колку што повеќе ја почитуваме, толку повеќе од неа добиваме здравје, енергија, долговечност.

Каква вода да пиемеи од каде?

Најчесто прашање е токму ова. Најдобра вода е природната, онаа од планинските извори, од врелата, од кладенците, но со оваа вода во градовите, за жал, не можеме да си уживаме. Останува тесен избор: вода од чешма, купена вода во пластични шишиња или по можност, да се полни од извори надвор од градот. Секому му е познато дека водата од чешма има многу состојки (како што е хлорот), кои се додаваат за да се уништат одредени патогени микроорганизми. Водата одчешмите има бигор, таа минува низ дотраените цевки кои дополнително го зголемуваат загадувањето. За да добиеме чиста вода од нашата чешма, секако треба да користиме апарати за механичко и хемиско прочистување на водата и така ќе добиеме здрава и квалитетна вода за пиење од нашата чешма. Затоа,чинам дека овие апарати кои ќе ни донесат здравје преку квалитетната вода за пиење од нашите чешми нема ни случајно да биде луксуз,туку ПОТРЕБА.
Што се однесува наводата која ја купуваме, по можност да ја купуваме во стаклени шишиња и да купуваме одвреме-навреме разновидни видови вода, бидејќи секоја од овие води содржи одреден процент на минерали, за да не се дојде до хипо или хиперминерализација. Многу нешта останаа недоречени за водата, тоа е неисцрпна тема за истражување, но едно знам–водата е живот.

Почнете го денот со пиење една чаша вода. Секој ден да се пие околу осум чаши вода,а во жешко време и при вежбање да се пие повеќе.
Да не се пие вода додека се консумира готвено јадење и да се чека два-три часа, па да се пие вода.

Серт. нутр. Цвета Динева
ЦД  ДИЕТ КЛУБ СКОПЈЕ

The post ВОДАТА – ФАКТОР ЗА ДОБРО ЗДРАВЈЕ И ЗДРАВА ДОЛГОВЕЧНОСТ appeared first on Аптеки PlusPharma.

Модрата слива е вистински природен мултивитамин.Соодносот на витамините кои ги содржи ова овошје со ниска енергетска вредност е оптимален за човечкиот организам. Нивниот одличен вкус доаѓа од добриот однос на шеќерите и овошните киселини. Сувата слива во споредба со друго овошје има двапати повеќе антиоксидантна моќ. Во составот на сливата се наоѓа концентриран сорбитол и влакна кои даваат поголем лаксативен ефект во однос со свежите сливи. Свежите и сувите сливи претставуваат мало богатство на калиум, влакна, витамини, а  во траги  може да се најде и железо и магнезиум. Во било кој облик ова овошје е богато со уникатени фитонутритиенти, важни за нашето здравје.

The post Модра слива appeared first on Аптеки PlusPharma.

Витаминот Ц е растворлив во вода и е најмоќниот антиоксидант од оваа категорија на витамини. Витаминот Ц е првиот витамин кој е произведен во синтетска форма, а за првпат бил изолиран  во 1928 година. Организмот не е во состојба сам да произведе витамин Ц, па затоа од голема важност е негово секојдневно внесување преку храната.

Придобивки од витамин Ц
Витаминот Ц помага да се поправат и да се регенерираат ткивата, да се заштити организмот од срцеви заболувања, помага при апсорпција на железо, спречува појава на скорбут, ги намалува вкупниот холестерол и триглицеридите. Истражувањата покажуваат дека витаминот Ц, како многу значаен антиоксидант, може да помогне во заштитата од различни видови рак и во борбата против слободните радикали. Витаминот Ц го зајакнува имунолошкиот систем, со тоа нèправи поотпорни во борбата со вирусите и настинките.

Најважни функции на витаминот Ц:

• го зајакнува имунолошкиот систем
• го чува здравјето на срцето и на крвните садови
• помага во заздравување рани
• го чисти организмот
• го одржува здравјето на коските и на забите
• ублажува стрес
• добар е во борба против инфекции
• ја потпомага ресорпцијата на железо
• добар е за очите и видот
• ја регулира работата на хормоните

Извори на витамин Ц
Многу видови овошје и зеленчук, се богати со витамин Ц.Витаминот Ц може да се најде во природна форма и во многу билкиизелјести растенија. Како позначајни изворина витаминот Ц се: Начинот на подготовка на храната или начинот на чување на подолг временски период може гонамали количествотона витамин Ц. Витаминот Ц не е многу издржлив ниту на висока, ниту на ниска температура. Овошните плодови и зеленчуците готвени 10-20 минути губат половина од витаминот Ц којшто го содржат. Готвењетона пареа може да ги намали загубите на витамин Ц во храната. Изложеноста на светлина може да ја намали содржината на витамин Ц, затоа кога купувате сокови секогаш избирајте картонска амбалажа, а не стаклени или пластични шишиња.

Како позначајни извори на витаминот Ц се:

Колку витамин Ц ми е потребно?
Дневните потреби за витамин Ц варираат и се различни, за различни возрасни
категории и при различни состојби и животни стилови и навики. Па, така:
мажи–90 мгдневно
жени–75 мгдневно
бремени жени–85 мгдневно
жени кои дојат–120 мгдневно
пушачите може да имаат корист од повисоки дози – 250 мг витамин Ц секој ден
доенчиња 0-6 месеци–40 мгдневно
доенчиња 7-12 месеци–50 мг дневно за тинејџери и деца:
мали деца 1-3 години–15 мгдневно
деца 4-8 години–25 мгдневно
деца 9-13 години–45 мгдневно
машки тинејџери 14-18 години–75 мгдневно
женски тинејџери 14-18 години–65 мгдневно

Витаминот Ц не се задржува во нашето тело, така што секојдневно треба да биде присутен во вашата исхрана.

Кога се потребни поголеми количествавитамин Ц:

Ако сте пушач. Докажано е дека секоја испушена цигара води до загуба на 10-30мгвитамин Ц.

Ако редовно консумирате алкохол. Честото консумирање алкохол води до загуба,какона витамин Ц, така и на многу други витамини.

Ако сте под емоционален стрес.

При активно спортување.Ако се занимавате со бодибилдинг, фитнес, бокс, лесна атлетика или содруг спорт во кој се вложува голем напор, на вашето тело му е потребно дополнително количество витамин Ц.

Ако се храните со препечена или сомногу варена храна.Витаминот Ц губи од својата вредност кога е изложен на висока температура.

Во текот на бременоста.Во текот на бременоста,потребно е да се внесуваат повеќе витамини, отколку во другите периоди од животот на жената. Витаминот Ц не е исклучок.

Симптоми кои се појавуваат при недостиг на витамин Ц
Симптомите на недостаток вклучуваат замор, слаб имунитет и склоност кон настинки и вируси, крвавење на непцата , болки во нозете и во зглобовите, мускулна слабост, појава на дамкипо кожата, анемија. Продолжениот недостаток може да предизвика скорбут – ретка, но потенцијално тешка болест.

Премногу витамин Ц
Кога е внесен во нашиот организам од извори на храна или од додатоци во препорачаните дози, витаминот Ц обично се смета за безбеден. Несакани ефекти ретко се појавуваат, но доколку се појават, вклучуваат диареја, гадење, абдоминални грчеви, надуеност и други гастроинтестинални симптоми.

За повеќето здрави лица, потребни се околу 200-250 мг витамин Ц на ден, а секој вишок се губи преку урина. За време на болест, заздравување од повреда или во услови на зголемен оксидативен стрес (вклучувајќи и пушење), ни се потребни поголеми количества. Високи дози на витамин Ц (поголеми од 2.000 мг/ден) може да придонесат за формирање на бубрежни камења, како и да предизвикаат тешка дијареја, гадење и гастритис.

The post Витамин Ц – Aлфа и омега во витаминската азбука appeared first on Аптеки PlusPharma.

 Потекло

Оваа магична напивка потекнува од кавкаскиот регион и има историја долга повеќе од 2000 години. Жителите на Кавказ, нивната виталности долговечностја должат токму на секојдневното уживање на оваалековитанапивка. Денес, кефирот како напивка е распространета и позната ширум светот, особено поради неговите веќе научно потврдени здравствени придобивки.

Нутритивен профил

Во една чаша кефир има само околу 100 калории, 10 грамапротеини и 20% од дневните потреби за калциум. Изобилува со железо, јод, а присутен е и целиот Б комплекс, како и витамините К2, фолна киселинаивитамин Д.На сето ова, кефирот е значително осиромашен од лактоза,  па е погоден и за лица толерантни кон лактоза. Значајно е да се нагласи и присуството на   аминокиселината триптофан,што во кефирот ја има во големи количества.

Кефирот е супер извор на пробиотици. Содржи дури трипати повеќе видови добри и полезни микроорганизми од јогуртот!

 Чаша здравје и долговечност

Кефирот добиен од млечни кефирни култури дејствува како супер чистач на организмот. Ги отстранува и ги неутрализира сите токсини кои по разни начини стигнуваат во нашето тело (храна, загадена аеросредина, неквалитетна вода и пијалаци и сл.)  Кефирот ги храни клетките во организмот со животоважни материи, ги прочистува, ги подмладува и истовремено  од организмот ги елиминира мртвите и деградирани клетки. Денес, кефирот се смета како еден од најмоќните и најбезбедни природни антибиотици. Претставува моќен природен поттикнувач на имуниот систем и е незаменлив во одржување на здрава цревна флора и здрав дигестивен систем. Редовното секојдневно користење во период од најмалку 2-3 месеца, може значително да помогне или сосема да ги отстрани симптомите на гастритис, а на подолг рок и на чир на желудник. Меѓу другото, редовна консумација на кефир може да помогне:

• За нормализирање на висок крвен притисок
• Ослободување од симптоми на замор, депресија и несоница
• Отстранување на камен и песок во жолчка и во бубрези
• Кај бронхитис, астма и алергии
• При состојби на мрзливи црева и чести опстипации
• Кај ревматизам и артритис

Идеален во диети и одржување на здрава телесна тежина.

Заради високата содржина на протеини и други важни нутриенти, ефектот на ситост кој го дава кефирот може значително да помогне да се намалат нападите на глад. Сето ова дополнето со ниската содржина на калории, го прави идеален за сите кои водат сметка за својот изглед и за здравјето.

Подготовка во домашни услови

Сèшто е потребно е кефирна култура и млеко. Кефирните зрна не може да се купат во трговската мрежа, па најчесто „се повикува пријател“ илинекој што веќе ги има, ги одгледува и сакада ги сподели.

Пропорции за добивање на кефир се: 1 рамна лажица кефирна култура на 250 мл млеко, 2 на ½ литар млеко и 4 лажици на 1 литар.

Подготовката е едноставна: во стаклен сад (тегла) ставете ги кефирните зрна и прелијте со млеко со собна температура. Покријте ја теглата со газа или со пластичен капак, но не целосно, за да може културата да дише. Оставете го садот 24 часа на собна температура. Најдобро е постапката секогаш да ја правите во исто време (навечер или наутро). По 24 часа, добиениот кефир процедете го низ пластична цедалка промешувајќи со пластична или со дрвена лажица (во процесот не користете метал). Културата која ви е останата во цедалката, исперете ја под млаз чиста ладна вода, па повторно вратете ја во теглата која претходно сте ја измиле. Дополнете со млеко и повторувајте го циклусот секој ден. Процедурата е едноставна, но секојдневна. Доколку не се повторува секој ден, може да се промени бојата, да се изгубат лековитите својства и дел од културата да изумре. Со повторување на постапката, културата се размножува, па количествотомлеко за подготвување на кефир се зголемува сразмерно на количестватазрнца.Доколку не сакате да подготвувате поголемо количество, најдобро е вишокот наместо да го фрлите, да го подарите некому.

Ако не сте во можност

Доколку сте отсутни на неколку дена и не сте во можност секојдневно да се грижите, кефирните зрна може да ги чувате во стаклена тегла од 3 литра и ќе ги прелиете со половина вода и половина млеко. По враќање, зрната ги миете и повторно го започнувате циклусот како претходно. Доколку, пак, сте отсутни на долг рок, кефирната култура може да ја ставите во замрзнувач (без млеко или вода). За да ја обновите, извадете ја и држете ја во вода на собна температура до целосно одмрзнување. Измијте ја и започнете го циклусот.

Како да се употребува

Напивкатаза цел одржување на здравјето и виталноста може да јапиете секојдневно. Најдобро е да се започне со 100 мл дневно. Стандардната дневна доза изнесува 200-250 мл која може да се испие наеднаш или да се подели во неколку дози. Доколку се користи наменски во терапевтски цели, во зависност од намената, може да се пие од  500-1000 мл. Последната доза е препорачливо да се земе околу 30 минути пред спиење.

Кефирната култура бргу се размножува, па најдобро е вишокот да го подарите некому!

The post КЕФИР appeared first on Аптеки PlusPharma.

Кога се појавуваат?

Коликите најчесто се појавуваат пред втората недела од животот, а  престануваат или нивниот интензитет се намалувасо полни 3 месеци. Во првите 3-4 месециод животот на бебето,коликите(грчевите)се најчеста појава. Се појавуваат кај 20-40% од бебињата и тоа подеднакво често кај доените и кај бебињата на адаптирано млеко.Тие се случуваат наеднаш од „чиста мира“и траат и по неколку часа. Проследенисе со неутешно плачење на бебето, вознемиреност, нарушување  на сонот и на хранењето, а нарушено е и расположението на целото семејство. Најчесто се појавуваат попладне и навечери тоасо поголем  интензитет, а може да се појавуваат и преку цел ден и во текот на ноќта.

Дали се работи за болест?

НЕ, грчевите не се болест туку нормална појава.Тоа  е состојба во која децата се вознемирени и плачат, но воедно тоа се здрави децаи деца коипримаат храна икоиодлично напредуваат.

Кои се причините?

Причините за појавата на грчеви на науката не исе целосно познати и точниот етиолошки  фактор не е определен.Постојат неколку теории за настанувањето на грчевите:

• бебето не поднесува млеко,
• гастро-интестиналниот тракт не е доволно развиен,па се појавуваат спазми,
• привремена хормонска нерамнотежа,
• бебињата цицаат многу бргу,што води до полнење на цревата со воздух, нивно растегање и надуеност,
• преголема чувствителност на нервниот систем на бебето во однос на надворешната средина и прием на многу стимулации истовремено.

Моментално,како најрелевантни се сметаат теориите за незрелост на дигестивниот и  нервниот систем кај бебето, додека теоријата за влијанието на мајчината исхрана на грчевите кај бебето е застарена. Ова значи дека мајката може да јаде разновидна храна без притоа таа да е фактор за појава на грчевите кај бебето. Значи,се работи за  нормална развојна појава која бебето ја чувствува како неудобности грч. Се смета дека не е болка,затоа што е докажанодека нивото на кортизол (хормон на стрес) кај бебињатакои имаат грчеви не е поголем од кортизонот кај ониекои немаат.

 Како треба да се третираат инфантилните колики(грчеви)?

Лекување на грчевите со лекови не е потребно. Она што може да се сугерира и да биде од помош е:

• информирање на родителите за тоа што се инфантилни колики,
• мануелни масажина стомачето на бебето,
• ставање на топла пелена и легнување на бебето на страна со свиткани нозе,
• редовно подждригнување на бебето по секој оброк,
• ублажуање на инфантилнитеколикисодавање пробиотици. Утврдено е дека бебињата кои имаат инфантилни колики имаат пониско ниво на пробиотиски бактерии во гастро-интестиналниот тракт,така што давањето пробиотици доведува до колонизација идо намалување на јачината или до губење на грчевите кај бебето. Притоа,треба да се знае дека пробиотикот нема несакани ефекти и се дава онолку колку што е потребно,
• Давањето препарати кои содржат симетикон не даваат значајни резултати, и се применуваат онаму каде грчевите се последица од голтање воздух.

Инфантилните грчеви се исто што иникнувањето заби, проодувањето, прозборувањето односно само уште една фаза во созревањето навашето дете.

The post ГРЧЕВИ КАЈ НОВОРОДЕНЧИЊА – Нормална појава или причина за загриженост appeared first on Аптеки PlusPharma.

Од педагошка перспектива

Се чини дека играњето шах може да биде корисно во воспитувањето на децата. Шахот го стимулира развојот на цела низа позитивни човечки особини и вредности, од упорност и трудољубивост, до одговорност кон себе и кон другите, самокритика и објективност, коректност, фантазија… Исто така, се учи родова толеранција бидејќи девојките подеднакво играат со машките, а шах може да играат и децата со посебни потреби. Шаховските педагози велат дека шахот е игра која кај децата развива бројни способности, а дава и добри воспитни резултати.Врската помеѓу шахот и математиката ја воочиле класичните мислители, а познато е дека има голем број математичари меѓу шаховските велемајстори, а тоа што е интересно е сè поголемиот број деца меѓу велемајсторите. Децата поинаку учат од возрасните. Тие ја согледуваат играта глобално и интуитивно.

Многукратни придобивки

• Шахот е моќно средство со кое го вежбаме решавањето на проблемите;
• Многу придонесува во развојот на детските когнитивни вештини (заклучување, дедукција, индукција);
• Ги учи децата на вредностите од сериозна работа;
• Придонесува во јакнењето на самопочитувањето преку самореализација;
• Го гради тимскиот дух, а истовремено ја јакне индивидуалноста;
• Позитивно влијае на концентрацијата, визуелизацијата, способноста за анализа, планирање и за апстрактно мислење.

Преку шахот, децата учат мисловни вештини и се смета дека со играње шах се подобруваат интелектот, карактерот, моралот и емоциите. Играњето шах го стимулира развојот на позитивни човечки вредности, го спречува насилството кај децата и ги охрабрува децата да размислуваат за својата иднина.

Како и кога да почнат да учат шах?

Има многу дискусии и многу идеи за тоа како децата, особено младите, да ги воведете во шахот. Главен проблем на почетокот е како да се одржи ентузијазмот и интересот кај децата, додека не ги развие вештините кои му се потрeбни да почне да победува во играта. Во шахот, слично како и во математиката и во музиката, претходното искуство не е ограничувачки фактор, а највисоките достигнувања возможни се и кај младите шахисти. Децата може да почнат да учат шах од 3-4 години. Освен позитивното влијание на развојот на учениците, со шахот може да се влијае и на подобрување на образовните способности. Шахот го поттикнува памтењето, концентрацијата, брзината на сметање, визуелното изразување, логиката на размислување и расудување. Шахот може многу успешно да се вклопи во самиот образовен процес. Инаку, дел е од училишната програма во повеќе од 30 земји во светот.

 Предности

Одлучување
Контролирањето на импулсивноста, поставувањето цели, идентификацијата на алтернативи и последици се составен дел од шаховската игра. Кога играте шах, мора да носите одлуки и да решавате проблеми секогаш кога ќе поместите фигура.

Конкуренција
Една од вештините кое детето може да ги научи низ шаховската игра е конкуренцијата. Тие учат да се натпреваруваат со своите врсници во пријателско опкружување. Децата можат да ги совладаат потребните вештини преку практика, да бидат благодарни победници и срдечни, но и искрени губитници.

Фер плеј
Играњето шах им помага на децата да научат фер плеј, што е многу важно во подоцнежните години на детето, почнувајќи како да ги третираат останатите  искрено и чесно.
Покрај тоа, шахот учи како децата да се однесуваат кон сите еднакво. Тие ќе играат против деца од сите националности, раси, пол и различна возраст. Тие ќе откријат дека секој што игра шах, ја има истата шанса да победи во играта. Исто така, ќе научат како да ја играат играта според правилата, и знаат дека секој има точно исти правила.

Напорна работа
Со шахот, децата ја учат вредноста на напорната работа, мора да ја научат играта, од првичните тактики до напредните стратегии. Овие вештини ќе им бидат од корист, бидејќи знаат дека ќе успеат само со напорна работа и со упорност.

Самоконтрола
Неопходно е да се справат со чувствата во секоја позиција во играта. Ако не ги контролираат своите импулси, ќе бидат невнимателни и можеби нема да видат дека нивната позиција е во опасност.

The post ШАХОТ ВО СВЕТОТ НА ДЕЦАТА appeared first on Аптеки PlusPharma.

The post Зелена салата appeared first on Аптеки PlusPharma.

The post Кајсија appeared first on Аптеки PlusPharma.

Правилната исхрана – половина лек!
Не постои кујна за дијабетичари. Потребна е само правилна прераспределба и комбинација на состојки по количина и вид.
Начинот на исхрана кај болните од шеќерна болест не бара спартански откажувања, гладување и строги диети. Организмот треба да биде снабден со оптимален внес на хранливи материи, јаглехидрати, протеини, масти, витамини, минерали и вода. Препорачливо е дневно да се земаат 5 до 6 оброци во одредени временски интервали со задолжително водење сметка за правилен распоред на скробната храна. Особено е важен последниот дневен оброк, кој се зема непосредно пред спиење за да се оневозможи пад на нивото на шеќерот во текот на ноќта. Генерално, исхраната кај лицата заболени од шеќерна болест мора да биде разновидна и да ги содржи сите видови намирници. Исклучок се, секако, шеќерот и слатките, а се ограничува и употребата на лебот и тестенините.

Често се заборава дека една лажичка брашно е еднаква на една лажица шеќер!

Леб и тестенини
Лебот, печивата и тестенините се богат извор на јаглехидрати, што е причина тие да бидат ограничени во менито на дијабетичарите.
Се препорачува на менито да се застапени леб и печива од интегрално брашно, а да се избегнува белиот леб и печива од бело брашно.
Се препорачува  и црн, ’ржан леб, бидејќи содржи диететски влакна кои спречуваат нагло паѓање на шеќерот по оброкот, што може да се случи ако се консумира бел леб. Доколку оброкот содржи компир, ориз, грав или млад грашок, не се препорачува леб.

Зеленчук
Исхраната на дијабетичарот по правило треба да содржи најмногу зеленчук.
Покрај богатиот состав од белковини, масти, минерали и витамини, зеленчукот содржи и јаглехидрати  особено присутни во гравот, грашокот, компирот, цвеклото, па поради ова нивниот внес треба да е контролиран.
Зеленчукот кој има помалку јаглехидрати може да се јаде во неограничени количини: зелје, спанаќ, блитва, лист од лоза, боранија, тиквици, пиперка, домати, краставици, разни видови зелена салата, модар патлиџан, целер, магдонос, ротквица, зелка, кељ, келераба, прокељ, печурки, праз, лук, брокула и карфиол.
Смрзнатиот зеленчук да се консумира во двојно помала количина од свежиот. Разни гурмански салати кои содржат додатоци како мајонез и павлака, по правило, треба да се избегнуваат или да се земаат во ограничени количини.

Овошје и преработки од овошје
Идеален природен десерт е најдобра алтернатива за слатки. Содржи богат состав на витамини, минерали, диететски влакна, белковини, масти и секако јаглехидрати. Според содржината на хранливи компоненти можна е поделба на три категории:

• овошје со ниска содржина на јаглехидрати може да се консумира во поголеми количини – јагоди, малини, капини, боровници, лубеница, рибизли, лимон, портокал
• овошје со поголема содржина на јаглехидрати треба да се употребува во ограничени количини – кајсии, праски и сливи.
• овошје со високи концентрации на јаглехидрати, чија употреба е ограничена – јаболка, круши, цреши, грозје, банани, смокви, манго, авокадо и ананас.

Сувото овошје и преработките во форма на компоти, џемови и слично, исто така се со ограничена употреба.

Важно е да се јаде целото овошје, нецедено, бидејќи влакната во овошјето ја намалуваат апсорпцијата на шеќерот. Во секој случај и со секоја храна, најдобро е да се јаде цело, свежо, зрело, пресно и непреработено.

Млеко и млечни производи
Овие производи се богат протеински извор и се дозволена намирница на менито на дијабетичарите.
Дозволена е употреба на сите видови млека, а најдобро е млеко со помал процент на маснотија (2,8 проценти, 1,6 проценти или 0,5 проценти).
Од млечните производи најкорисни се оние од кравјо млеко и млади сирења, бидејќи содржат белковини.
Јогуртот, диеталните овошни јогурти и кефирот имаат одредена предност над чистото млеко.
Употребата на стари и зрели сирења, како и на кашкавал, треба да се ограничи.
Дијабетичарите би требало во текот на денот да земаат околу половина литар млеко, јогурт и други млечни производи.

Месо, месни производи, риба и јајца
На менито се дозволени сите видови месо. Предност има младото и немасно месо. Месните преработки не се препорачани за употреба.
Болните од дијабетес можат да консумираат секаков вид морска храна, сопрепорака за речна и морска риба како ослич, бакалар, скуша, лосос и пастрмка. Да се избегнува консумирање пржена риба и преработки од риба.
Дијабетичарите може да јадат до 2 јајца неделно или 4-6 белки. Во диететската исхрана кајганата треба да се прави секогаш во однос 1:1 (едно јајце+една белка, две јајца+две белки) подготвени без зејтин.

Масти
Мастите се главен извор на енергија за дијабетичарите. Важен е видот на мастите, како и количeството. Предност се дава на ладно цедените масла, пред сè на маслиновото масло. Поретко може да се користат и цврсти масла како што е путерот.

„Јадењето премногу маснотии може да доведе до покачување на телесната тежина, и со тоа за подолг период може да го направи потешко контролирањето на нивото на шеќер во крвта“.

Алкохол и безалкохолни пијалаци
Алкохолот не е препорачлив, но може да биде дел од секојдневното мени под услов да се консумираат минимални количини.
Внимание: Никогаш не консумирајте алкохол на празен стомак. Алкохолот консумиран на гладно може да предизвика хипогликемија (пад на шеѓер во крвта)!
Безалкохолните пијалаци содржат различни концентрации на шеќер и имаат големо енергетско оптоварување, па поради тоа треба да се употребуваат со големо внимание.

Кафе и чаеви
Иако кафето е омилена напивка која се пие и во поголеми количини, за дијабетичарите дневно е препорачливо две шолји „средно јако“ турско кафе без шеќер.
За користење овошни и билни чаеви од нашите простори нема ограничувања. Јаките чаеви како црн, индиски и руски треба да се консумираат контролирано поради високите концентрации на кофеин!

Мотивот пред сè!
Диететската исхрана подразбира промена на животните навики во однос на изборот на храна и количината која е дозволена. Поради ова, мисијата на ваквата промена и не изгледа невозможна. Создавањето на здрави навики можеби е најтешкиот дел од работата, но ако со тоа станете господар на своето здравје, ќе имате мотив кој ќе ви помгне да истраете.

The post ДИЈАБЕТЕСОТ И ИСХРАНАТА appeared first on Аптеки PlusPharma.

Самолекување на децата
Децата се меѓу најранливата популација во секое општество. Децата и возрасните се различни, не само по надворешните карактеристики, туку постојат и физиолошки разлики во однос на развојот и зрелоста на органите и составот на телото, кои значително влијаат на ефективноста и сигурноста на лековите. Затоа, употребата на лекови кај доенчиња и деца, со и без рецепт, претставува голем предизвик за здравствените работници и за родителите.
Искуствата покажуваат дека децата најчесто страдаат од мали заболувања.

Кога може да се примени самолекување кај децата?
Најчестите заболувања кај децата, како што се главоболка, настинка, грип, пролив, запек и болки во грлото, може да се третираат во домашни услови. Овие најчести заболувања може да се третираат со лекови што се издаваат без рецепт и без да се бара совет од педијатар. Кога детето ќе се разболи, родителската загриженост зависи од нивното знаење во врска со заболувањето. Родителите може да добиваат совети од здравствените работници, медиумите, од семејството, од пријателите и од други извори кои влијаат на нивното справување со болеста на нивното дете. Генерално, се смета дека родителите кои имаат поголеми медицински познавања полесно и подобро ќе се справат со симптомите на болеста на нивното дете.

Самолекувањето кај деца најчесто се применува во следните случаи:

Настинка кај деца
Настинката е едно од најчестите заболувања; околу една третина од вкупно прегледаните деца кај матичен лекар се жалат на настинка. Иако обичната настинка е лесно заболување, родителите сè уште имаат проблем со справувањето со симптомите на настинка кај нивните деца. Во многу земји лековите за намалување на температурата и други лекови што ги ублажуваат симптомите на настинка може да се користат и без препорака од лекар.
Децата се поподложни на настинки отколку возрасните. Фреквенцијата се намалува со возраста, поради развивањето на имунолошкиот систем. Одредени истражувања укажуваат на тоа дека во просек децата под една година добиваат околу 6 настинки годишно; децата од 1 до 2 години, 5-7 настинки; децата од 3 до 4 години, 4-5 настинки; децата од 5 до 9 години добиваат околу 3-5 настинки годишно.
Производите кои се одобрени да се користат кај деца на возраст под 6 години се препарати кои најчесто содржат: лекови за намалување на температура, средства за искашлување, средства против алергии кои го намалуваат излачувањето на секрети, лекови што ја спречуваат сувата кашлица и капки за нос што ги намалуваат симптомите на „затнат нос“. Овие категории на лекови се даваат за лекување на различни симптоми на настинка. Најчесто се комбинираат едни со други и се даваат посебно или како одобрени комбинации на готови лекови.

Главоболка кај деца
Ретките главоболки се вообичаени и не бараат дополнителни испитувања или третман. При почесто повторување на главоболките треба да се консултира лекар, во повеќето случаи ова може добро да биде направено во примарна здравствена заштита.
Самолекувањето се спроведува со и без лекови. Потребно е најпрво родителите да ја следат состојбата на детето, да ги избегнуваат состојбите во кои детето би било изложено на стрес, гладување, замор, иритација од светлина или бучава. Родителите треба да водат дневник на главоболки и да ги нотираат можните причини за нив. Редовното вежбање може да биде од корист. Доволен сон, редовни оброци, одбегнување на непотребно брзање – се важни аспекти на терапијата.
Доколку и покрај овие мерки се појавува лесна главоболка, може да се дадат лекови против болка во препорачана доза и времетраење, во консултација со фармацевтот и од лековите допуштени за издавање без лекарски рецепт. Такви се парацетамол, ибупрофен, напроксен и други во форма на сирупи, свеќички или таблети за деца.

Запек кај деца
Запекот предизвикува низа проблеми на кои се жали детето, поврзани со органите за варење. Благиот запек кај децата вообичаено може да се лекува со промени во исхраната, одредени вежби и физичка активност.
Доколку празнењето на цревата предизвикува болка и страви/или празнењата на дебелото црево се поретки од еднаш на секои три дена, треба да се даде соодветна терапија. Значаен дел од третманот е едукацијата и воспоставувањето на нормални цревни навики.
Во случаи кога тежок запек постои неколку недели, се препорачува апликација на мали клизми (мини клизми) пет последователни утра и лекови на база на лактулоза. Кај полесните случаи, како и кај доенчињата, доволно е да се користат само лекови на база на лактулоза. Долготрајната употреба на лаксативи треба да се избегнува.
Мора да се спроведат промени во исхраната што е можно побргу,со цел да се вклучат колку што е можно повеќе диететски влакна.
Вклучувањето на педијатар, детски хирург и детски психијатар треба да се бара во разрешување на тешките форми на запек.

Пролив
Проливот кај децата најчесто е последица од вирусно заболување на цревата, но може да биде и од посериозни бактериски инфекции или од други причини. При лесни проливи се препорачува диета со лесна храна, третман со средства за надоместување течности (орална рехидрациска солуција) и давање пробиотици (средства за нормализирање на цревната флора).
По фазата на рехидрација се продолжува со нормална исхрана.
Ако проливот или повраќањето продолжуваат, родителите треба да обезбедат адекватен внес на течности и соли. Ова може да се постигне преку нормална исхрана, но ако детето одбива да јаде, треба да се поттикнува дополнителен внес на течности.
Не смее да се применува самолекување за деца помали од 6 месеци, кога е лоша општата состојба, кога има тешка дехидратација, пролив што трае повеќе од 5 дена, губење тежина, силна стомачна болкаи крвава столица.
Миењето раце ги редуцира епизодите на дијареја кај децата за 30% и во богатите и во сиромашните земји.

Препораки за родителите за безбедно спроведување на самолекувањето кај децата
Светската здравствена организација, медицината базирана на докази и, соодветно, законодавството на нашата земја ги дава следните општи препораки за родителите при самолекувањето на децата:

• Секогаш читајте го упатството за лекот;
• Секогаш читајте го упатството за лекот;
• Знајте кој лек сте го дале на вашето дете и во која количина;
• Немојте да си играте доктор;
• Следете ги препораките кои се дадени за годините и тежината;
• Придржувајте се кон препораката „подалеку од дофат на деца“;
• Секогаш проверете го пакувањето и самиот лек дали покажува знаци на фалсификување:
• Кога сметате дека заболувањето на вашето дете е лесно, доколку е потребно, најпрвин применете промени во исхраната или терапија со билни препарати;
• Доколку е потребно, намалето го стресното влијание кај вашето дете;
• Не треба да паничите во врска со новонастанатата состојба кај вашето дете;
• Доколку сиптомите на заболувањето кај вашето дете продолжат и по применетиот третман на самомедикација, тогаш треба да се обратите кај лекар.

Република Македонија
Во Република Македонија за самолекување се дозволени само безбедни лекови распределени по повеќе дозирани форми и јачини, приспособени за возраста за која се наменети и местото на примена. Лековите допуштени за самолекување на деца се внимателно одбрани и ги задоволуваат критериумите во однос на состојбите кои може да бидат предмет на самолекување, фармацевтските дозирани форми кои може да ги користат децата и безбедноста и сигурноста на самите лекови.
Современиот начин на живеење, можноста за подостапни информации и соодветни здравствени установи и работници, поголемата здравствена култура на граѓаните од една страна, и можноста за самолекување на полесни состојби и симптоми без посета на лекар, би можело да ги намали трошоците на здравствените фондови, да се избегне трауматизирањето на децата при одењето на лекар и да се заштеди време на родителите.

Проф. д-р Бистра Ангеловска

The post САМОЛЕКУВАЊЕ на децата appeared first on Аптеки PlusPharma.

Спаѓа во групата на цитрусните овошни плодови, во којашто спаѓаат и портокалот,мандарината, грејпфрутот и др. Тој е евтин, лесно достапен и повеќенаменски. Особено е корисен кога е во прашање нашето здравје. Во својот состав содржи не само витамин Ц, туку и други витамини (витамин Б, рибофлавин) и минерали како калиум, калциум, фосфор, магнезиум.
Лимонот уште од древноста се користи поради нековата моќ да лекува. Се препорачува и поволно делува на работата на црниот дроб, на дигестивниот, имуниот, нервниот и на кардиоваскуларниот систем.

Со редовна употреба, лимонот е сигурна превенција од заболувања како ларингитис, бронхитис, грип, настинки, бактериски инфекции, бубрежни и жолчни камчиња, па дури и од некои малигни заболувања. Постојат многу начини да ја ставите оваа храна во вашето секојдневно мени.

Сепак, наједноставен начин е да пиете 1-2 чаши млака вода секој ден. Многу е едноставно да се подготви лимонова вода. Сè што треба да направите е да ги измешате пулпата и сокот од половина лимон во топла вода и да ја испиете.

The post Лимoн appeared first on Аптеки PlusPharma.

Преполн е со хранливи материи, антиоксиданти и антиканцерогени состојки. Има кревки, крцкави, темнозелени листови, кои се омилена состојка на готвачите низ целиот свет. Спанаќот изобилува со голем број хранливи фитоматерии, што го одржуваат доброто здравје и спречуваат развој на болести.

Има многу ниска калорична вредност, а е богат со завидно количество растворливи растителни влакна. Во 100 г спанаќ се содржат околу 25% од дневните потреби од железо, што е меѓу најбогатите од зелените лиснати зеленчуци.

Свежите листови се богат извор на неколку витални антиоксидантски витамини, како што се: витамин А, витамин Ц, и флавоноидни полифенолни антиоксиданти, како што се: лутеин, зеаксантин и бета-каротин. Заедно, овие состојки служат како заштита од слободните радикали кои настануваат како последица на интеракцијата со кислородот, што, пак, игра огромна улога во развојот на болести и во процесот на стареење. Спанаќот, во свежа форма, најчесто е достапен во зимските месеци. Во продавниците купувајте свежи, крцкави листови што имаат темнозелена боја. Избегнувајте ги листовите што се избледени и пропаднати или, пак, што имаат жолти точки.

The post Спанаќ appeared first on Аптеки PlusPharma.

Здравјето започнува од устата, па оттука, одржувањето на здравјето на усната шуплина и денталното здравје се од особена важност.

The post КОГА ДА СЕ ЗАПОЧНЕ СО МИЕЊЕ НА ЗАБИТЕ КАЈ ДЕЦАТА? appeared first on Аптеки PlusPharma.

Доколку правилно се користи, препишаниот лек може да го подобри здравјето и квалитетот на животот, па дури и да спаси нечиј живот. Сепак, постои и друга страна, на нивна злоупотреба или неправилна употреба која може да има штетни, па дури и смртоносни последици.

Што е правилна  употреба?
Правилна употреба на еден лек е негова употреба според упатствата дадени од страна на лекар или фармацевт кој добро ја знае намената на лекот и медицинската историја. Ова подразбира употреба на соодветна доза од лекот, во соодветно време, поради соодветни здравствени причини. Истото важи и за лековите кои можат слободно да се купат и без лекарски рецепти. Лековите стануваат опасни по здравјето кога се земаат поради погрешна причина, во погрешна доза или кога се земаат лекови кои му се препишани на некој друг. Доколку, и покрај тоа што лекот го земате на исправен начин, а се сомневате дека можеби станувате зависни од него, за тоа е потребно да разговарате со својот лекар или фармацевт. Тој најдобро знае што да се направи во таквата ситуација, а сепак да не биде запоставен основниот здравствен проблем.

The post ЗЛОУПОТРЕБА НА ЛЕКОВИ appeared first on Аптеки PlusPharma.

Како да се справиме и како да бидеме добар пример за добро однесување?

The post РОДИТЕЛСТВО – најголема привилегија appeared first on Аптеки PlusPharma.

Кога би можело да се дефинира трчањето, би кажал дека тоа е основна физичка активност која ни овозможува да имаме поквалитетен живот во секоја смисла. Со трчањето не само што ќе ја подобриме нашата физичка кондиција и физичкото здравје, туку ќе го подобриме и нашето ментално и духовно здравје. Научно е докажано дека триесетина минути трчање дневно ни се доволни за постигнување на оваа телесна и духовна благосостојба.
Трчањето, несомнено, ќе ни помогне да дојдеме до посакуваните килограми, да ја имаме нашата идеална телесна композиција, да бидеме ослободени од стрес и полни со позитивна енергија.

Задоволството по завршен тренинг, зголемената самодоверба, можноста за себенадминување се доволни причини уште денес да ги облечете вашите патики и да започнете со трчање.
И рекреативно е повеќе од доволно.
Доколку сте личност која сака само да се релаксира и да ужива во оние минути кои ги посветува за себе, тогаш рекреативното трчање од 20 до 30 минути неколкупати во неделата e сосема доволно.
Она што е најважно, за почеток, е малку повеќе волја, решителност и јасни цели, а сè друго ќе се случи чекор по чекор.

Трчањето е најекономичен спорт, достапен за секого. Патиките за трчање се најважниот елемент од опремата, а сè друго е од второстепено значење.

Што е важно?
Важно е патиките да бидат соодветни за трчање, а другата облека треба да биде приспособена на соодветните временски услови. Може да се трча на многу топло и на многу ладно, но тоа ќе зависи од нашата форма. Трчањето е, пред сè, спорт за надворешни околности, иако можно е трчање и во сала, се разбира, за оние кои посериозно го сметаат трчањето и, секако, имаат услови за тоа.
Правилната исхрана, соодветно дозирани тренинзи, соодветен одмор и масажа се важни сегменти кои ќе ни помогнат трчањето да ни биде уште поголемо уживање. Никогаш не прејадувајте се доколку планирате да излезете да трчате. Јадете лесна храна, а овошјето и зеленчукот нека бидат задолжителни.
Многу често тие што одбрале да трчаат ќе кажат дека трчањето е начин на живот, а придобивките се само спореден производ на ова животно задоволство.

Сами или во друштво
Убавината во трчањето е во можноста да се излезе и да се трча сам, кога било дури и каде било. Поголемата убавина е и да се трча во друштво, со пријатели, со своите деца или во групи и тимови за трчање.
За сите со поголем апетит, постојат школи за трчање каде од искусни професионалци ќе добиете одговор за сите дилеми за и околу трчањето, тренинзите и исхраната.

 Кокан Ајановски
22 пати државен првак на Македонија
NIKE школа за трчање и NIKE + Run Club
www.skolazatrcanje.mk

The post ТРЧАЊЕТО – како стил на живот appeared first on Аптеки PlusPharma.

За почеток наоружајте се со оптимизам

Многу е важно да се разговара со детето и да му објасните дека веќе е време кога треба само да спие во својот кревет. Бидете оптимисти и охрабрувајте го детето за тоа. Доколку негодува, секогаш бидете смирени. Дури и кога сте на крајот од трпението, бидете одлучни и секогаш во настојувањата внесувајте доза хумор.

Направете соодветен амбиент

Приспособете ја детската соба или катчето во кое е сместен креветот соодветно за возраста и за афинитетите на детето. Изборот на формата на креветчето и неговата боја може да го олеснат процесот, па детето полесно да го прифати новото место за спиење. Ѕидовите можете да ги украсите со слики од омилените ликови, а на таванот можете да поставите ѕвездено небо на кое секој ден може да дополнувате по една звезда како награда. Омилената кадифена играчка нека биде придружникот со кој некое време вашето дете ќе го дели своето креветче.

Внимавајте на пладневното спиење

Доколку детето спие преку ден, обидете се да го контролирате времето. Најдобро е ако овој пладневен одмор завршува некаде до 14.00 часот. Ограничете го дневниот одмор на најмногу 2 часа. Доколку детето спие повеќе и подоцна во текот на пладнето,  многу потешко ќе оди вечерното заспивање, па можни се многу други изговори и барања. Создадете услови детето природно да го совлада потребата само да си легне.

Утврдете распоред и следете го

Нештата правете ги по утврден распоред. Со тек на време, тие ќе станат рутина и најава дека е време за спиење. По вечерното туширање, миењето на забите и читањето на омилените сказни, детето ќе биде подготвено да заспие. Во текот на овие активности, постојано потсетувајте го дека по нив, сам ќе оди во својот кревет. Правете го тоа на позитивен и охрабрувачки начин. Покажате му дека сте радосни и дека неговите постапки укажуваат дека тој полека станува доволно голем, па потребата да спиете заедно веќе и не е толку добра идеја.
Не прилегнувајте со него додека му читате. Можно е сонот попрво вас да ве совлада. Завршете со  читањето, кажете му дека го сакате, бакнете го и посакајте му добра ноќ.

Што ако ве повика или ако почне да плаче?

Доколку ви изгледа исплашено, останете мирни и настојувајте да го охрабрите, но немојте да го поттикнувате таквиот страв и да останувате во собата додека да заспие. Доколку детето е премногу вознемирено, бидете тивки и седете до неговиот кревет со минимален контакт. Само колку да забележи дека сте тука или со сосема мал контакт и нежен допир по косата или раката. Избегнувајте разговор и не вадете го од креветот. Кога целосно ќе се смири, повторно посакајте му добра ноќ и излезете од собата. Кажате му дека одите да се напиете вода или во тоалет и дека ќе се вратите повторно. Сепак, одржете го ветувањето и дојдете за некоја минута. Дотогаш, веројатно детето ќе заспие. Доколку сè уште е будно, пофалете го што останало во креветот и повторно излезете. Враќајте се сè додека не заспие, но најважно е да не чекате во собата додека да заспие.

Не затворајте ја вратата

Доколку детето го напушти креветот, нежно вратете го назад. Повторувајте го ова сè додека не заспие. Ова може да се повторува некое време, па затоа имајте трпение. Не затворајте ја вратата од собата во којашто детето спие, туку само подзатворете ја. Со затворена врата детето може да се чувствува исплашено, отфрлено или, пак, казнето, а вие ќе немате контрола што прави детето.

Добро е да бидете во близина

Пожелно е по заспивањето на детето и вие да појдете на спиење. Доколку детето се буди во текот на ноќта и ве бара или, пак, само ќе се појави во вашиот кревет, нежно вратете го во неговата соба и неговиот кревет и постапете исто како при заспивањето. Немојте да попуштате и да му дозволите да заврши во вашиот кревет. Ова само ќе го забави и ќе го отежне процесот на учење. Децата коишто редовно во текот на ноќта преминуваат во креветот на родителите, го доживуваат својот кревет само како привремено место за заспивање. Ова не само што им пречи на родителите, туку му штети и на детето, бидејќи го нарушува квалитетот на неговото спиење. Детето треба да разбере дека неговото место е постојано и безбедно за спиење.

И утрата се важни

Кога ќе се разбуди детето наутро,  покажете му ја вашата радост и задоволство за тоа што само било во својот кревет. Дајте му утринска доза љубов и милување и започнете го денот во хармонија.

Целта ги оправдува средствата

Повторувајте ги постапките секојдневно по истиот распоред, како при подготовките за заспивање, така и во текот на заспивање. Не обесхрабрувајте се ако резултатите не се видливи веднаш или не се во склад со вашите очекувања. Не заборавајте дека е ова процес на учење и дека ќе трае некое време. Како и за сè друго, и за овој процес успехот е неизбежен доколку останете доследни и истрајни. Привикнувањето на самостојно спиење е индивидуално. Кај деца на двегодишна возраст, вообичаено се доволни две до четири ноќи на привикнување и самостојно спиење. Некаде може да е потребно подолго време. Сепак, на крајот, детето ќе ги научи и ќе ги присвои новите навики на спиење.

The post КОГА БРАЧНИОТ КРЕВЕТ Е “ПОД ОКУПАЦИЈА” appeared first on Аптеки PlusPharma.