Алое Вера во секој дом

Bastrijan Ali — Wed, 03 Aug 2022 10:22:03 +0000

Совети за одлгедување

Алое вера е растение што заслужува место во секој дом, бидејќи е многу повеќе од саксиска декорација. Гелот во дебелите сочни листови има силно лековито и смирувачко дејство.

Надалеку е познато дека алое гелот ги ублажува изгорениците од сонце, помага во заздравување на раните и акните по кожата, го намалува шеќерот во крвта, ја подобрува дигестијата, а поновите студии сугерираат дека има потенцијал да го забави растот на рак на дојка.

Изворот на вечна младост на старите Египќани сѐ уште ги фасцинира научниците кои веруваат дека алоето има уште многу придобивки кои чекаат да бидат отклучени.

Како да го одгледувате во домашни услови?

Најдобро е да засадите алое вера во саксија, бидејќи така ќе ви биде најлесно да го заштитите растението во студените месеци од годината.

Во затворен простор, поставете го растението до силна светлина, но во постудена просторија.

Во летните месеци, воглавно нека седи на сенка, но наутро дозволете му да се милува со сонцето.

Алое верата не е толерантна на студ и лесно може да замрзне. Штом ноќите почнат да заладуваат наесен, неопходно е растението да го приберете внатре.

Запомнете, и надвор и внатре на алоето му се потребни од 8 до 10 часа индиректна светлина. Идеални температурни услови за алое верата се од 25 до 10 степени целзиусови.

Почва

Почвата во која расте алое верата треба да биде комбинација од земја, песок и чакал. Речниот песок е најблиску до природната почва во која расте алоето, но ако не сте во можност да го обезбедите, засадете го во почва за одгледување кактус. Напролет, алоето се храни со ѓубриво богато со фосфор, минерал што ќе му помогне на растението да почне да цвета.

Наводнување

Погрижете се саксијата да има доволно големи отвори на дното, за вишокот вода да се исцеди од почвата. Алоето преферира посува почва и при вишок вода коренот почнува да гние.

Листовите на алоето се дизајнирани да ја задржуваат влагата и да го одржуваат растението во живот во долгите сушни периоди. Алоето е многу толерантно на сушни услови и затоа треба да бидете особено внимателни при наводнувањето.

Оставете почвата целосно да се исуши пред одново да го наводните. Кога го полевате, правете го го тоа рамномерно по целата површина на саксијата, бидејќи така најлесно растението ќе се ослободи од вишокот вода. Во просек, треба да помине речиси цела недела пред одново да го наводните. Во зима, цел месец може да преживее без вода.

The post Алое Вера во секој дом appeared first on Аптеки PlusPharma.

ЦВЕЌИЊАТА ВО ДОМОТ СОНЧЕВИНА ВО ЧЕТИРИ ЅИДА

admin — Mon, 30 Dec 2019 09:46:54 +0000

Секоја билка носи благодет и придобивки на одреден начин. Убавата природна атмосфера и расположение исполнето со елан што ни го даваат растенијата се целосни кога ние самите ги садиме и негуваме. Обидете се да го збогатите вашиот простор и живот со оваа смирувачка активност

Цвеќето го менува амбиентот, му дава живост и топлина на домот а благотворно влијае и на расположението. Тоа особено се забе- лежува во сивите денови на долгата зима, кога колоритноста на

собните цвеќиња и зеленилото на растенијата во домот потсетуваат на сончевите денови. За многу луѓе, цвеќето е извор на среќа, сознание што е поткрепено со научни докази. Негувајте ги нивните листови, а тие ќе ја почувствуват вашата љубов и внимание и ќе ви возвратат со убавина, свеж воздух и нераскинлива доверба. Еве неколку предлози за цвеќиња кои ќе го облагородат вашиот дом

АЛОЕ

(лат. Aloe Vera) Уништувач на голем број штетни соединенија во воздухот, вклучувајќи го и зрачењето од ТВ-екраните и компјутерските монитори. Едно алое постигнува исто што и 9 биолошки прочистувачи на воздух во просторијата.

БАМБУС – ПАЛМА

(лат. Chamaedorea radicalis) Еден од најдобрите прочистувачи на воздухот. Совршено ги филтрира формалдехидот, трихлороетиленот, ксиленот и толуенот.

БРШЛЕН

(лат. Hederahelix) Отстранува 60% од штетните соединенија во воздухот за само 6 часа од неговото поставување во просторот.

ФИКУС

(лат. Ficus elastica) Фикусот потек- нува од Индија. Поради својот тропски изглед, прекрасно ќе го украси домот, а во исто време ефикасно ќе ги отстрани моноксидот, формалдехидот и другите штетни соединенија во воздухот.

СВЕКРВИН ЈАЗИК ИЛИ САБЈА

(лат. Sansevieriatrifasciata Lau-rentii) Го прочистува бензенот, формалдехидот и трихлоретиленот од воздухот. Може да се постави и близу радијатори бидејќи самиот цвет не поднесува преголема влага.

Освен што ги отстранува отровите од просторот, одличен е и за во спална соба, бидејќи произведува кислород и во текот на ноќта.

ГЕРБЕР

(лат. Gerbera) Цвеќе што го чисти просторот од азот, бензен и формалдехид. Овој цвет со прекрасна боја ги апсорбира штетните соединенија што се наоѓаат во чадот од цигарите.

ДРАЦЕНА

(лат. Dracaena) Драцената е тропско растение кое потекнува од Мадагаскар. Филтрира многу токсини, вклучувајќи го и формалдехидот.

The post ЦВЕЌИЊАТА ВО ДОМОТ СОНЧЕВИНА ВО ЧЕТИРИ ЅИДА appeared first on Аптеки PlusPharma.

АЛОЕ – Аптеки PlusPharma