• 1 помала тиква
• 10 лажици варена леќа
• 1 голема главица црвен кромид
• 10 лажици семки од тиква
• фета сирење или сирење по ваш избор
• зелена салата
• маслиново масло
• оцет балсамико
• сол по вкус

Подготовка:

Излупете ја и исечете ја тиквата на помали коцки и зачинете ги со маслиново масло и сол. Наредете ги на хартија за печење во тава, печете на 200 степени околу 30 мин. Тостирајте ги семките од тиква на тефлонска тава, околу 5мин. на средна температура. Тргнете ја настрана печената тиква да се лади, а во истата тава наредете го кромидот и ставете го да се карамелизира. Исечканата зелена салата распоредете ја во длабок сад и зачинете ја со маслиново масло, оцет балсамико, сол и убаво промешајте. Врз неа наредете ги тиквата, варената леќа, кромидот, семките од тиква и најгоре сирењето.

The post Есенска салата со тиква appeared first on Аптеки PlusPharma.

Ако ги земеме предвид децата, чија исхрана ни е најважна, тогаш ќе се судриме со две различни гледишта. Имено, една група педијатри советуваат сезонско хранење и што побрзо адаптирање на детето на храната што ја готвите дома, други, пак, велат дека ако нема кајсии на пазарот, купете тегла од аптека.

Пред да пресудите кому ќе верувате, ајде да видиме кои се здравствените придобивки од сезонското јадење. Под сезонска храна спаѓаат плодовите кои се одгледуваат надвор, на отворено, во периодот на нивниот природен раст. Промоторите на сезонската храна како главен бенефит го потенцираат вкусот – свежо набраните јагоди, ниту по вкус ниту по мирис не може да се споредат со оние во декември. А, кога нешто е вкусно, го јадеме во големи количества, што значи дека ќе стекнете низа здравствени придобивки и без да бидете свесни.

Сезонското јадење е пријателски настроено и кон домашниот буџет – доматите во сезона се трипати, ако не и повеќе, поевтини за разлика од оние достапни во зима. На листата позитивни аргументи не смее да се заборави и одржливоста – одгледувањето на овошје и зеленчук во сезона е далеку поевтино, бидејќи ретко кога се користи вештачка светлина и топлина. Всушност, енергијата која се користи за одгледување на плодовите надвор од сезона, резултира со зголемување на емисијата на стакленички гасови.

И сега, клучното прашање: дали сезонското јадење е поздраво? На некој начин да, бидејќи нивото на хранливи материи опаѓа при процесот на складирање и транспорт, додека сезонската храна за кусо време стигнува до вашата чинија задржувајќи ги сите витамини и минерали.

Но, што правиме во зима? Дали ако навиката за сезонско јадење ја префрлиме и во декември, нашиот имунитет ќе остане силен? Истражувањето на Светскиот фонд за природа откри дека секоја сезона е возможно да ги задоволи нутритивните потреби на луѓето, но бидејќи храната во зимските месеци неизбежно би била еднолична, не е на одмет да се потпреме на увозните варијанти или да си направиме залихи навреме.

СЕНСКИ(сезонски) ХЕРОИ

• Капини – изобилуваат со антиоксиданти, одлични за по вежбањето или во напорни денови.
• Тиква – богата со лутеин, пигмент кој го одржува здравјето на очите.
• Костен – изненадувачки, но содржи витамин Ц кој ќе ве штити од есенските настинки.
• Смокви – содржат пробиотик кој ги поддржува добрите бактерии во стомакот.

The post Дали треба да се храниме сезонски? appeared first on Аптеки PlusPharma.