Високоинтензивен – Аптеки PlusPharma

Високоинтензивен ТРЕНИНГ VS Нискоинтензивен ТРЕНИНГ

admin — Thu, 16 Sep 2021 09:30:34 +0000

Високо интензивен тренинг

Ниско интензивен тренинг

80 % е максималниот срцев ритам до кој треба да стасате за да може вежбањето да се вброи во категорија на високо интензивен тренинг.

65 % eмаксималниот срцев ритам до кој треба да целите при ниско интензивен тренинг за да дојдете до точка на топење масти.

При интензивно и анаeробно вежбање, мускулите кои брзо се грчат се оние кои ја завршуваат целата работа. Токму нив треба да ангажирате за да дојдете до моќ и сила.

Што вели науката?

Во ниско интензивен тренинг спаѓа кој било облик на кардио при кое одржувате константно темпо. Мускулите кои бавно се грчат, сами си обезбедуваат енергија, па вежбањето може да трае подолго.

Метаболизмот продолжува да согорува калории и после тренинг сесијата. Еден восоко интензивен тренинг во денот е доволен за да согорите 5 % од масните наслаги за 45 дена.

Доброто кај нив

Редовните кардио сесии го зајакнуваат срцето и белите дробови и ве прават издржливи. Студијата од 2013-та тврди дека помалку агресивниот пристап во вежбањето води до долгорочен успех.

Бидејќи од луѓето се бара да го дадат максимумот, почетниците го доживуваат овој тип на тренинг како крајно непријатен. Ризикот од повреди е голем, особено ако лошо го процените својот капацитет.

Лошото кај нив

Ако не сте фан на ниско интензивен тренинг, истиот може да ви делува како обврска. Истражувањето на Универзитетот на Флорида откри дека оние кои ги менуваат тренинзите уживаат во вежбањето за 45 % повеќе, во однос на оние кои постојано вежбаат исто.

Ужината восооднос 1:3 на јаглехидрати и протеини во рамки на 30 минути од завршување на тренингот, е одлична за надоместување на енергетските резерви и опоравување.

Нутритивност

Гладни или сити? Според една студија, ако вежбате на празен стомак ќе согорите 20 % повеќе масти. Плус, оброкот е далеку повкусен после вежбање.

Високо интензивниот тренинг стимулира продукција на хормоните за раст, тестостерон за раст на мускулите и ендорфин и адреналин што ќе ви помогнат да одржите темпо. Го подобрува капацитетот на телото да ги користи мастите како извор на енергија.

Експертско мислење

Бидејќи не е толку суров кон телото, ниско интензивниот тренинг е одличен начин да останете активни и да согорувате масти додека заздравувате. Но, ако се потпрете исклучиво на него, имајте на ум дека телото брзо се адаптира на движењата и нивниот ритам, па ефектите се ограничени.

Високо интензивниот тренинг е за победници!

Согорувањето на масти се одвива во петта брзина за екстра кусо време. Да, другиот ден сѐ ќе ве боли, но овде зборуваме за вистинско потење.

The post Високоинтензивен ТРЕНИНГ VS Нискоинтензивен ТРЕНИНГ appeared first on Аптеки PlusPharma.

(ВИИТ) Високоинтензивен интервален тренинг

admin — Mon, 01 Mar 2021 11:56:53 +0000

Теоријата зад овој тип вежбање ветува максимални резултати за минумум време, но што точно се случува во телото за време на една ВИИТ сесија?

Вежбајте интензивно во кратки интервали

Клучот лежи во насловот. Вежбањето треба да биде со максимален интензитет за да има ефект. „Неопходно е да вложите 90-100% труд во рок од 15-30 минути“, вели спортскиот терапевт Бери Сигрист. „Вежбајќи анаеробно (без кислород како гориво), телото ќе продуцира млечна киселина што, пак, ќе поттикне ослободување адреналин, а тоа ќе помогне да се топат мастите во телото“.

Задолжително паузирајте

Одморот е пожелен колку и повторувањата. Да, сериозно! „Идеалниот размер за 20-минутна тренинг сесија би бил: 30 секунди вежбање, 60 секунди паузирање. Подолгиот одмор можеби делува како мамење, но на мускулите им треба време да го обноват нивото на кислород и гликоген“, вели Сигрист. „Ако одморот е прекраток, организмот ќе стане катаболичен и ќе дојде до разградување на мускулното ткиво“.

Игнорирајте го потењето

Спортувањето и потењето одат „рака под рака“ – сакале ние или не. Колку и да не ви се допаѓа тоа што ви се слеваат капки пот по телото, не трчајте по крпата за бришење. „За телото да се лади преку потта, неопходно е топлината да испарува преку кожата, но бришењето на потта само ќе поттикне дополнително поттење“, објаснува д-р Џон Дикинсон, професор по фискултура на „Универзитетот на Кент“.

Забрзајте го растот на мускулите

ВИИТ е анаеробен тип на вежбање при кој телото го користи гликогенот како гориво, а не маснотиите. Но, ова е добра вест и во случај да сакате да ја намалите телесната тежина. „ВИИТ поттикнува лачење на хормон за раст и тестостерон – и двaта имаат клучна улога во метаболизирањето на мастите“, објаснува Сигрист. За максимални резултати и забрзано создавање мускулна маса, изнудете ги хормоните да стигнат до врвот, така што ќе вклучите и сложени вежби во сесијата, како чучнувања и склекови.

Согорувајте калории и по тренингот

И додека се туширате или го подготвувате својот протеински оброк по тренингот, телото сѐ уште согорува калории. „Магијата кај ВИИТ се случува по завршување на тренингот“, вели Сигрист. „За време на анаеробниот тренинг, побарувачката на телото за кислород ја надминува понудата, па телото се соочува со кислородна дупка која треба да ја отплати“. Едноставно кажано, телото согорува калории со часови по тренингот. За да го засилите ваквиот ефект, треба само да останете активни. Затоа, најдобро е ВИИТ да практикувате наутро, пред да стартувате со тековните обврски.

The post (ВИИТ) Високоинтензивен интервален тренинг appeared first on Аптеки PlusPharma.