Стравувате дека белењето нема да сопре тука?

Пред да побрзате да ја бојадисате косата, обидете се да ја сочувате бојата со овие приордни методи.

Кокосово масло

Секој втор ден, пред спиење, масирајте кокосово масло на косата и скалпот. Следното утро, измијте ја косата како и обично.

Ѓумбир

Секој ден јадете по една лажичка свеѓ рендан ѓумбир измешан со 1 лажица мед.

Црн Сусам

Два до трипати неделно јадете една лажица црн сусам за да го забавите белеењето на косата.

Кромид

Изблендирајте го кромидот во влендер, а потоа користете цедалка за да го исцедите сокот. Двапати неделно втријте го овој сок во скалпот, оставајќи го 30 минути и потоа измијте го со шампон како и обично.

Каталаза

Јадете храна богата со ензимот каталаза како лук, зелка, сладок компир, кељ, брокола, бадеми.

Бадемово масло

Измешајте еднакви дози бадемово масло, сок од лимон и сок од амла. Масирајте ја смесата во косата и скалпот. Следете ја оваа рутина двапати на ден во период од три месеци.

Рузмарин

Наполнете 1/3 тегла од 250 мл со сушен рузмарин, а потоа наполнете ја теглата до врвот со екстра девствено маслиново масло. Оставете ја теклата на сончево место четири до шест недели, протресувајќи ја на неколку дена. По шест недели, користете го како масло за коса.

The post За косата да престане да белее appeared first on Аптеки PlusPharma.

Актерките Хелен Милер, Дајан Китон и Енди Мекдауел му покажаа на светот дека жените и со побелена коса може да изгледаат атрактивно. Преку грациозното прифаќање на промените што им ги донесоа годините, овие дами направија сивата коса да стане тренд и меѓу младите.

Ако вашата сива коса е постигната со бојадисување, тогаш одржувањето е лесно. Голем е изборот на формули за бојадисана коса кои го негуваат и заштитуваат третираното влакно, но и ги одржуваат сјајот и долготрајноста на бојата.

Далеку поголем предизвик е одржувањето на природно сивата коса, бидејќи таа лесно може да пожолти поради недостиг на пигментот меланин во фоликулите. Затоа, неопходно е да користите посилен шампон кој темелно ќе го исчисти скалпот и ќе го неутрализира потенцијалното жолтило долж влакното.

Секоја формула што поттикнува детоксикација на скалпот е пожелна, а токму таков ефект имаат специјализираните шампони за сива коса.

Освен што не продуцираат меланин, фоликулите имаат тенденија да продуцираат помалку себиум со текот на годините. Од овие биолошки причини, седата коса е сува, а влакното жилаво и круто. Со редовно нанесување регенератор при секое миење, сивата коса ќе стане мазна и мека. Но, ако и тоа не е доволно за да го припитомите влакното, нанесувајте маска за хидратација најмалку еднаш во неделата.

Тоа што сте ослободени од обврската да ја бојадисувате косата не значи дека не треба да ја стилизирате. Стилистите велат дека тоа е една од најголемите грешки што ја прават жените, едноставно не си дозволуваат модерна фризура и поради тоа изгледаат уште постаро. Кој вели дека сивата коса мора да биде долга и собрана во кок? Скратете ја косата, направете некој интересен боб или ако е долга направете брановидни кадрици и впечатокот ќе биде многу поинаков.

Секој тип коса има потреба од витаминска и минерална поддршка, но се чини дека ваквата потреба двојно расте штом косата почне да белее. Можеби не веднаш на старт, но со текот на годините и сами ќе забележите дека влакното станува сѐ потенко, а косата сѐ поретка. За да го забавите опаѓањето на косата, неопходно е да се храните здраво и да воведете мултивитамин кој ги таргетира фоликулите.

Состојките во кремите за лице, составот на водата, надворешните загадувачи, сонцето, сите овие можат да ја пожолтат седата коса.

Бидете особено внимателни со што доаѓа во контакт вашата коса. Сонцето има најсилен ефект, затоа носете заштитна капа при секој престој надвор. Ако имате долга коса, сплетете плетенка и сокријте ја под капата.

The post Сивата коса е во тренд! appeared first on Аптеки PlusPharma.

Историјата за крушата е долга и почитувана. Иако, според некои записи, култивацијата на крушата датира уште од пред 3000 години, постојат претпоставки дека дури и луѓето од каменото време уживале во овој прекрасен плод. Сочно, благо и вкусно овошје кое Хомер во Одисеја го нарекувал „дар од боговите“, a Луј XIV ја сметал за „симбол на луксуз“. 

Латинското име на крушата е Pyrus communis која заедно со јаболкото и дуњата спаѓа во фамилијата Rosacease. Постојат неколку стотици видови круши, секој вид со различен облик, боја, големина и вкус. Тие се сочни, благи и со малку зрнеста структура. Kрушата не е само вкусна, исто така е и неверојатно корисна. Модерната наука денес говори за минералите, витамините и за органските соединенија во крушата, кои се причина за најзиниот голем здравствен потенцијал. Некои од овие активни и ефективни компоненти се калиум, витамин Ц, витамин К, фенолни соединенија, диететски влакна, бакар, манган, магнезиум како и б-комплекс витамините. Поради блажината која ја имаат, сокот од круши понекогаш се користи во десертите како замена за шеќер, односно како засладувач. Тие се природен и брз извор на енергија, бидејќи содржат значајно количество моносахариди: фруктоза и глукоза, како и левулоза – најблаг природен шеќер.

Зошто круша?
Крушите се идеален избор на храна за луѓето кои го живеат модерниот начин на живот, и кои имаат потреба од здрави намирници за брзо освежување, хидрација, чувство на ситост и за енергија.

100 г плод од круша содржи 0,3 г протеини, 0,4 г масти, 9,5 г јаглехидрати, 2,8 г вкупно количество влакна и 5 мг витамин Ц.

Антиоксидантски активност
Крушата е богата со витамин Ц и бакар – нутриенти кои даваат значаен придонес во антиоксидантската заштита на организмот од слободни радикали и се вистински пријатели на вашиот имунитет. Витаминот Ц сам по себе е јак антиоксидант кој стимулира производство на белите крвни зрнца. Антиоксидантските својства се дополнети и од присуството на бакарот, кој е еден од најмоќните телесни антиоксидантски ензими.

Диететски влакна
Свежата круша е извонреден извор на диететски влакна, кои играат особено важна улога во варењето на храната. Голем дел од диететските влакна во крушата се нерастворливи полисахариди, кои ја акумулираат храната, па, така, таа полесно помиинува низ цревата. Освен тоа, влакната стимулираат излачување на желудочни сокови за полесно варење. Влакната ја регулираат и работата на цревата и, на тој начин, превенираат појава на опстипација и дијареја.

Одличен извор на калиум
Свежата круша е одличен извор на калиум, кој влијае врз здравјето на срцето бидејќи е познат како одличен вазодилататор. Намалувањето на крвниот притисок е поврзано со намалувањето на шансите за појава на кардиоваскуларни заболувања, како што се атеросклероза, срцеви и мозочни удари. Калиумот делува како регулатор на течности во телото, што значи хидрира различни делови на телото и обезбедува рамнотежа на есенцијалните течности во клетките и во органите. Без калиум, многу од нашите најважни функции би биле забавени или целосно прекинати. 

Нискокалорична и идеална за диети
Крушата е едно од овошјата со најмалку калории (една круша има околу 100 килокалории (kcal), што е 5% од дозволеното дневно внесување калории при здрава исхрана). Нутритивната суплементација, која ни ја дава крушата, е огромна, а диететските влакна присутни во неа ни даваат чувство на ситост. Поради тоа, идеална е за сите кои се на диететски режим во насока на намалување на телесната тежина. Крушата е намирница која дава енергија и е преполна со хранливи материи, без притоа да влијае на телесна тежина.

Здрави коски
Минералите присутни во крушата како што се магнезиум, манган, фосфор, калциум и бакар, ни овозможуваат да се намали губитокот на овие минерали во коските и да се олеснат симптомите при состојби како остеопороза и општата слабост на телото.

За здрави кожа, коса и нокти
Еден од најкорисните витамини во човековиот организам е витаминот А. Крушите се богати со овој витамин, како и со неговите споредни компоненти како што се лутеинот и зеаксантинот. Тие делуваат како антиоксиданти и учествуваат во бројни ензимски реакции и функции на организмот. Крушите можат да ги намалат ефектите на стареењето на кожата, како што се појавата на брчки и старосни дамки. Ова моќно овошје, исто така, го редуцира процесот на опаѓање на косата, макуларната дегенерација, катаракта и многу други состојби поврзани со процесот на стареење.

Како и сите други овошја, и крушата најдобро е да се консумира свежа. Ова е гаранција дека сè што е вредно ќе биде достапно за нашиот организам. Секако, убавината на крушата и нејзините вкусови ни се достапни и како џемови, компоти, овошни сокови и намази.

Добро е да се знае…

• Крушите многу брзо зреат,  па кога ги купувате, обрнете внимание да бидат  неизмиени, неоштетени и да немаат мувла. 
• Избегнувајте да ги оставате крушите во пластични кеси, На овој начин, само го забрзувате процесот на зреење и гниење.
• Лесно апсорбираат мирис, па затоа потребно е да се чуваат подалеку од храна која има специфичен и силен мирис.
• Може да се замрзнат дури и на -20 степени целзиусови во фрижидер и подоцна да се користат за подготовка на благи и солени јадења, бидејќи оваа намирница многу добро се вклопува со свинско и со телешко месо.

The post КРУША – сочна, вкусна и здрава appeared first on Аптеки PlusPharma.