• 2 супени лажици маслиново масло
• 1 кромид, ситно сечкан
• 2 чешни лук, мелени
• 500 г тиква, излупена и исечкана на коцки со големина од околу 3цм
• 50 – 100мл полномасно млеко
• 2 лажици доматно пире
• 2 лажици маскарпоне
• 350 г кратки тестенини
• 40 г рендан пармезан

Подготовка:

Загрејте го маслиновото масло на тивок оган, пропржете го кромидот и зачинете со прстофат сол. Додајте го лукот и пржете уште 1 минута. Во меѓувреме, сварете ја тиквата во солена вода. Блендирајте ја заедно со кромидот и лукот и сипете малку млеко. Внимавајте, можеби нема да ви биде потребно целото млеко, затоа што смесата треба да биде густва како намаз.

Смесата од блендерот сипете ја во длабока тефлонска тава, додајте маскарпоне, доматно пире и динстајте на тивок оган. Сварените макарони ставете ги во тавата со сосот, додајте пармезан и околу 50-100мл од водата во која се вареа макароните.

Зачинете по вкус и додајте пармезан озгора.

The post Тестенини во крем сос од тиква appeared first on Аптеки PlusPharma.

Киноа, кокосово масло, кефир – во последно време постојано слушаме за нови, здрави, намирници на кои едвај можеме да им го запаметиме името, нели? Затоа, ве потсетуваме на неколку здрави херои што сигурно ги имате во кујна. Не откажувајте се од овие 5! 

ПУКАНКИ

По навика, ги подготвуваме со сончогледово масло, а многумина додаваат путер за да го збогатат вкусот. Но, новата студија на универзитетот „Скрантон“ во Пенсилванија откри дека пуканките содржат повеќе полифеноли (чувари на имунитетот) во однос на многу овошки. Овие хранливи материи полесно се апсорбираат кога ги јадеме во комбинација со маслиново масло. 

ТЕСТЕНИНИ

Можно ли е редовното консумирање тестенини да ги намали килограмите? Да, но само ако претходно сварените тестенини убаво ги оладите. На тој начин, јаглеродните хидрати ќе се претворат во скроб кој содржи несварливи влакна кои не само што го намалуваат апетитот туку и го зголемуваат нивото на масни киселини – молекули што штитат од рак. 

КОЗЈО МЕСО

Во поголемиот дел од светот, месото од коза е омилено меѓу родителите и тоа со добра причина. Имено, козјото месо има помалку сало, а е побогато со железо во однос на говедското или свинското месо. Железото е минерал одговорен за циркулацијата на кислород во телото. 

Ф’СТАЦИ

Иако можеби буџетот нѐ приморува да грицкаме сончоглед, тоа не го менува фактот дека сите сакаме ф’стаци. Студиите покажуваат дека ф’стаците изобилуваат со антиоксиданти, со импресивна висока присутност на БЦАА – клучна аминокиселина која ги репарира мускулните влакна. Дали ова значи дека се одличен оброк за по тренинг? И тоа како да! 

ОВОШНО ЖЕЛЕ

На толку чоколади, кој би помислил да јаде овошни желе-бонбони? Да, овие потсетници од детството, по сѐ изгледа се добри и за здравјето. Желатинот е богат извор на колаген кој е неопходен за еластичноста на кожата. Исто така, содржи глицин, аминокиселина која го намалува времето што вообичаено е потребно за да заспиете. Ќе ви се најдат ако страдате од несоница.

The post 5 супер намирници – коишто сигурно ги имате дома! appeared first on Аптеки PlusPharma.