Кои се вредностите на низок крвен притисок?

За низок крвен притисок станува збор кога вредностите на  систолниот притисок се пониски од 105 мм Hg за мажи и 100 мм Hg за жени, а на дијастолниот 70 мм Hg за мажи и 65 мм Hg за жени.
Систолниот притисок е износ на притисок кога срцето пумпа крв низ артериите до остатокот на телото, и тоа е првиот број при мерење крвен притисок. Другиот број е дијастолниот притисок кој се однесува на износ на притисок од артериите кога срцето е во мирување, меѓу секое отчукување.

Вредностите на крвниот притисок се разликуваат кај секоја индивидуа, во зависност од активностите, животните навики и здравствената состојба. Притисокот се менува поради повеќе причини и потребно е да се мери во различни ситуации.

Тегобите кои се предизвикани од низок крвен притисок многу почесто се појавуваат кај жените отколку кај мажите, а својот интензитет го заземаат на пролет.

Одржувањето на крвниот притисок е многу важно. Притисокот мора да биде доволно висок, односно нормален, за да може сите ткива и клетки во телото да се снабдат со потребните хранливи состојки и со кислород. Симптомите на нискиот крвен притисок најчесто настануваат поради намален доток на крв, па оттука прво решение е да се подобри циркулацијата на крвта и тоа најчесто по природен пат.

Најчести причини за низок крвен притисок:
·               Ненадејно и брзо губење на телесната тежина
·               Нарушувања во ендокриниот систем
·               Дехидратација
·               Губење крв при повреди или во време на обилни менструални циклуси
·               Инфекции
·               Проблеми со срцето (забавена срцева работа (брадикардија), забрзана срцева работа (тахикардија), срцева слабост…)
·               Бременост
·               Алергиска реакција
·               Употреба на некои лекови
·               Многу долго лежење и мирување (тешки хронични болести)

Нискиот крвен притисок можеби не е потенцијално опасен како и високиот, но, сепак, тоа е состојба која треба да се следи и да се контролира.

Трајно нискиот крвен притисок ретко е показател за сериозно здравствено нарушување, бидејќи телото на него лесно се навикнува и често нема симптоми. Главен проблем настанува при брзи падови на крвниот притисок кога мозокот и другите витални органи остануваат без потребните материи и немаат време да се приспособат на моменталната состојба.

Кои се симптомите за низок крвен притисок?

Нискиот крвен притисок најчесто е придружен со појава на вртоглавица, несвестица, деконцентрација, малаксаност, општа слабост и сл. Лицата кои имаат низок крвен притисок  наутро се чувствуваат ненаспани, па им требаат дополнителни стимуланси за будење.

Препораки за зголемување на нискиот крвен притисок:

Доколку нема јасна и сериозна причина за медицински третман, вообичаено е доволно да се преземат неколку обични хигиено-диететски мерки:

·               Пијте доволно течности. Доволното внесување течности, а особено во лето и при состојби кои предизвикуваат дополнителна дехидрација.
·               Поголемо внесување сол во исхраната (посолена храна).
·               Внесување повеќе помали оброци во текот на денот. На тој начин, телото ќе се навикне повремено да се храни. Храната треба да биде богата со протеини и јаглехидрати.
·               Консумирање намирници кои можат да го покачат крвниот притисок: рузмарин и тимијан, бадеми, куркума, мед, ѓумбир, коприва, грав, соја, авокадо, банани, сончоглед…
·               Консумирајте кофеински напивки, но без претерување. Доколку  пиете кафе или други кофеински напивки за да ви го покачат крвниот притисок, а тоа го правите секој ден, и во високи дози, само ја влошувате состојбата. Повремената и умерена доза на кофеин навистина ќе ви помогне да го покачите крвниот притисок, додека преголемата доза го прави спротивното – го намалува.
·               Се препорачува и чаша црно вино по главниот оброк
·               Зачестено консумирање супа и изотонични напивки богати со електролити
·               Избегнувајте долготрајни туширања со топла вода
·               Редовно вежбајте, шетајте на свеж воздух, пливајте
·               Прекрстете ги нозете додека седите. Се покажало дека прекрстувањето на нозете додека седите го зголемува крвниот притисок. За луѓе со висок крвен притисок, ова може да биде проблем.

Не се препорачува:

·               Консумирање големо количество лук
·               Долг период на гладување во текот на денот
·               Изоставување на појадокот
·               Седење или стоење подолг период
·               Станување одеднаш
·               Кревање тешки предмети
·               Користење премногу топла вода кога се туширате.

Дали нискиот крвен притисок е опасен?

Доколку нискиот крвен притисок не ви предизвикува негативни симптоми, тогаш ослободете се. За луѓето кои имаат низок крвен притисок постои мислење дека живеат подолго и имаат намален ризик за инфаркт, заболување на бубрезите или на срцето. Атлетичарите, луѓето кои често вежбаат, кои ја одржуваат идеалната тежина на телото, како и непушачите, имаат низок крвен притисок. Низок крвен притисок е пожелен сè додека не е доволно низок за да предизвика симптоми и оштетувања на органите во телото.

За разлика од високиот крвен притисок, кој е поврзан со многу потенцијални здравствени проблеми, нискиот крвен притисок често се смета како маркер за добро здравје.

Едно лице треба да биде свесно за знаците и за симптомите на низок крвен притисок и да разговара со лекар доколку нискиот крвен притисок почнува да му предизвикува проблеми.

Најдобар начин да го одржите вашето целокупно здравје и да го балансирате притисокот е да јадете здрава храна, редовно да вежбате, да избегнувате пушење цигари, како и консумирање алкохол. 

The post ХИПОТЕНЗИЈА – низок крвен притисок appeared first on Аптеки PlusPharma.

Што е дијареа?
Дијареата обично се смета за состојба која се карактеризира со честа дефекација и со  промени на структурата и конзистенцијата на столицата. Дијареата е предизвикана од зголемена секреција на течност во цревата, намалена апсорпција на течност од цревата или брз премин на столицата низ цревата. Генерално при дијареа, столицата е потечна, без разлика дали фреквенцијата на движењата на дебелото црево се зголемени или не. Може да варира од мека до водена. Во основа дијареата е поделена на два вида, акутна и хронична.

• Акутната дијареа трае од неколку дена до една недела.
• Хроничната дијареа може да се дефинира на неколку начини, но обично трае повеќе од три недели.

Важно е да се направи разлика помеѓу акутна и хронична дијареа, бидејќи тие обично имаат различни причини, бараат различни дијагностички тестови и различен третман.

Симптомите кои се поврзани со дијареа зависат од причината и видот на дијареата.

Акутна дијареа
Најчесто дијареата е предизвикана од инфекции на гастроинтестиналиот тракт. Микробите кои се одговорни за овие инфекции вклучуваат:

• бактерии (Салмонела, Кампилобактер, Ешерихија коли)
• вируси (Цитомегаловирус, вирусен хепатитис, ротавирус).
• Паразити како Giardia lamblia и cryptosporidium може да предизвикаат дијареа.

Покрај ова постојат и други причини за појава на акутна дијареа:

• Интолеранција на некој вид храна
• Труење со храња
• Интолеранција на лактоза
• Некоја хируршка интервенција
• Дијареа при патување
• Лекови – многу лекови како антибиотиците, можат да предизвикаат дијареа. Антибиотиците ги уништуваат и добрите и лошите бактерии што може да го уништи природниот баланс на бактерии во вашите црева. Други лекови кои најчесто можат да доведат до појава на дијареа се антациди и магнезуим, диуретици, лекови за намалување на нивото на холестерол во крвта, хемотерапевтици, тироидни хормони, антиаритмици, нестероидни антиинфламаторни лекови.
• Алкохол
• Секојдневен стрес и нервоза

Најчести причини за акутната дијареа (околу 90%) се вирусни и батериски инфекции и паразити.

Симптоми на дијареа
Дијареата може да варира од блага до многу тешка. Благи симптоми се грчеви и надуеност, придружени со многу мека до течна столица, неколку празнења на цревата во текот на денот.
Потешки симптоми претставуваат мачнина и повраќање кои се појавуваат покрај дијареата, а самата дијареа е изразито течна и трае неколку дена.
Кај тешките и опасни дијареи, покрај останатите симптоми, се појавува и грозница,покачена телесна температура и  во самата столица може да се најде слуз, крв и необработена храна.

Кога треба да му се обратите на вашиот лекар:
Иако вообичаено не е сериозен здравствен проблем, дијареата може да стане опасна или да сигнализира кон нешто посериозно. Лекарска помош е неопходна доколку го имате:

• Знаци на дехидратација
• Дијареа повеќе од 2 дена, ако сте возрасен
• За деца, ако трае повеќе од 24 часа
• Тешка болка во стомакот или ректумот (за возрасни)
• Треска од 38⁰ или повисока
• Столица која содржи крв или гној
• Столици кои се црни.

Дали може да се превенира дијареата?
Неколку основни работи можат да бидат корисни во насока да се превенира појава на дијареа. Ова вклучува прттпазливост кон внесување на храна ( особено при високи летни температури) и хигиена. Во таа насока при патувања и посети на други земји:

• Користете само флаширана или прочистена вода за пиење.
• Ако користите вода од чешма, превријте ја.
• Бидете сигурни дека варената храна што ја јадете е целосно подготвена и се сервира топла.
• Избегнувајте масна храна, сосови (особено мајонез), сладоледи и сл
• Избегнувајте да конзумирате немиено  овошје и зеленчук.

Исхрана при дијареа:
За време на дијареа многу е важно  што јадете и пиете. Дехидратацијата од дијареа може да биде дури и фатална. Затоа многу е битно да останете хидрирани и да пиете и да консумирате храна кoja содржи многу течности, а во исто време нема да ги зголеми симптомите на дијареата туку напротив да ги редуцира.

Каква храна и пијалоци не се препорачани за консумирање за време на дијареа?

• алкохол
• млеко
• кафе
• сокови и газирани сокови
• пржена и мaсна храна
• зелка
• брокули
• грав
• грашок
• пченка
• пиперки
•  некои млечни производи

Што треба да се консумира додека имате дијареа:

• Додека се опоравувате од дијареа, треба да се јаде едноставна храна што лесно може да се обработи, и ќе помогне да се апсорбира малку вода од столицата:⎫ житарици, како што се овес,
• пченица или каша од ориз
• банани
• јаболка
• леб или тост
• варен компир
• незачинети крекери
• боровинки

Оваа храна може да биде особено корисна на првиот ден од справувањето со дијареата. Јадењето многу мали оброци во текот на денот може да помогне во зачувувањето на нормалната функција на дигестивниот систем.

Пробиотици
Храната богата со пробиотици, како јогурт и кефир, може да помогне во некои случаи, но во други, пробиотиците може уште повеќе да го иритираат дигестивниот систем. Пробиотиците помагаат во варењето преку подобрување на балансот на добри и лоши бактерии во цревата.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                             

The post АКУТНА ДИЈАРЕА – непријател во летните патувања appeared first on Аптеки PlusPharma.

Исхраната во летниот период како императив за совршен баланс

Користењето на лесна и немасна храна во текот на летото е првиот предуслов за соодветна подготовка за спортување. Особено внимание треба да се посвети на правилната рехидратација на организмот во текот на спортските активности. Независно од тоа дали станува збор за професионално или рекреативно спортување, секогаш треба да се избегнува домино ефектот на дехидратација. Потребно е секогаш да се внесе онолку течност во организмот колку што се изгубило во текот на спортската активност. Тоа се може да се постигне со неколку рутински мерење на телесната тежина пред и после вежбањето. Јадете многу сезонско овошје и зеленчук, цели зрна  житарки и мешункаст зеленчук. На овој начин ќе внесете доволно хранливи материи, особено витамини, минерали, електролити, растителни влакна и вода.

Избот на облека?
Користењето на облека која го спречува испарувањето на потта, го зголемува ризикот од прегревање на телото. Кога е во прашање изборот на материјал, во лето одлучете се за лесна памучна облека или специјална облека и материјали кој овозможуваат непречено дишење на кожата. Секако носете облека со светли бои кои не ја апсорбираат светлината, заштитете ја главата со капче и намачкајте се со крема за сончање.

Совет: Користете лесна облека која овозможува лесно оддавање на топлината.
Вежбајте умерено, никогаш не исцрпувајќи го сопственото тело.

Кога и што да се спортува во летниот период?
Секако во летниот период повеќе од кога и да е сакаме да спортуваме на отворено со што би ги избегнале салите за вежбање. Пливање, пешачење, возење велосипед, кардио и кондициони вежби покрај река, езеро или море се нешта кои навистина полнат со енергија. Но, и тоа мора многу внимателно да се практикува. Секогаш вежбајте во раните утрински или доцните попладневни часови,  избегнувајќи ја директната изложеност на топлите сончеви зраци. Жештината дури и најупорните може да ги одврати од идејата да да излезат надвор и да спортуваат. Сепак, се додека ги почитувате сите мерки на претпазливост, спортувањето во лето може да ви биде и предизвик и задоволство.

Слушајте го вашето тело
Како и секогаш златно правило е да го слушате вашето тело и да не одите преку границите на вашите можности. Вежбајте умерено, никогаш не исцрпувајќи го сопственото тело. Понекогаш и спортувањето со болка и слабост се дел од предизвикот што го носи спортот, но исто така важно е да направите разлика што е попаметно и во краен случај побезбедно. Од голема важност е и соодветната подготовка пред да започнете со било која спортска активност. На тој начин ќе го заштитите телото од сите негативни последици кои ги носи неправилното и исцрпувачко темпо во кое ќе го доведете. Една од најчестите последици на несоодветната подготовка се спортските повреди кои ќе ви оневозможат да уживате во летното спортско рекреирање. Само вака  може да имате долготраен здрав и активен животен стил.

The post СПОРТУВАЊЕ ВО ЛЕТНИОТ ПЕРИОД – На што да се обрне внимене appeared first on Аптеки PlusPharma.