Неизбежно е да ве прашам, како успевате да ги менаџирате своите обврски (на работа и дома) покрај непосакуваниот гостин наречен Ковид-19? Што ви беше најголем предизвик изминатиов период?
Искрено,бев многу исплашена од целата состојба со Ковид-19 и сѐ уште сум, но некако полека се учиме да живееме со овој вирус. Никој не очекуваше ваков исход и ваква состојба која комплетно ќе ни го измени животот. Со оглед на тоа дека имам 7-годишно дете, но имам и возрасни родители, претпазливоста е уште поголема и бара многу труд. На почетокот, работев претежно од дома, но кога почнавме да се навикнуваме на „новата нормала“ се вратив и на работа, се разбира, почитувајќи ги сите правила и прописи. Но, некогаш и тоа не е доволно за да се чувствуваш сигурно и опуштено. Напротив, цело време си стегнат, мијам раце на 16 секунди и се однесувам претпазливо. Не е лесно да се менаџира животот дома и на работа. Но, имаме ли друг избор? Засега мора да е така и да се надеваме дека што побрзо ќе помине ова чудо што нѐ снајде.

Дали има некоја позитивна лекција или промена што ја заработивте благодарение на неприродната ситуација во која се најдовте заедно со остатокот од светот?
Апсолутно! Сфаќате дека не сте семоќни, дека мора да се спушти топката и длабоко да дишете. Детето, фамилијата, мирот и спокојот отсекогаш биле мој приоритет, но сега е неизбежно да се мултиплицираат. Иако не секогаш е така лесно со оглед на бројките на заразени, починати и воопшто притисокот што сите ние го живееме од ден за ден. Сплотеност, љубов, поддршка, психичка стабилност и душевен мир се мојата цел за овој исклучително тежок период,колку и да изгледа тешко да се постигнат.

„Не сум завидлива и не барам многу. Биди свој, но остави ме да бидам своја. Тука ми се крие и креативноста и уникатноста.“

Честопати знаете да изразите револт на социјалните медиуми при актуелни настани како оваа со вирусот, а се поврзани со неправди и некоректности. Дали поради тоа ви се раѓаат идеи да си заминете оттука или останувате да се борите за подобро утре? Каква иднина посакувате и кроите за себе и за своето дете?
По природа сум бунтовник. Борец за правда и вистина. Сакам да сме сите како луѓе посвесни и поодговорни, посебно во една ваква непредвидлива состојба. Не можам да сфатам како баш сега треба да се организираат свадби, веселби, крштевки, а знаеме што значи тоа во однос на заразата со Ковид. Знам колку на сите ни недостасуваат и дружби и веселби, кафиња со пријателите и концерти и забави, но не е сега времето. Да почекаме и сите да излеземе како победници во борбата со овој непредвидлив и опасен непријател. Ова воедно го кажувам како апел до сите. Прости се правилата: држи растојание, носи маска и миј раце. Не е толку тешко, а се заштитуваме и себеси и сите околу нас. Што се однесува до заминување од оваа држава, не дека не сум помислила, но ја сакам Македонија со сето срце и сакам да придонесам за наше подобро утре на ова парче земја. Така што, засега сум тука, а натаму Господ знае.

„Иако сум свесна за сите мои недостатоци кои си ги носат годините, сепак сакам достоинствено и природно да стареам. Па на моето лице и тело е сиот мој живот. И тага и среќа, и болка и радост… и нека ги таму.“

Како млада мајка, верувам, честопати сте растргнати помеѓу традицоналниот начин на воспитување на кој и самата сте производ и кој несомнено се покажал за одличен, но и новите околности кои од старт подразбираат дете со револуционерен напредок во мозокот. Како се снаоѓате во ваквата атмосфера како родител? При кои начела се водите при воспитување на вашето дете? Горда ли сте со постигнатото досега?
Кога го гледам син ми Дион, сфаќам дека мојот живот има смисла. Кога ми е потребно чудо, погледнувам во неговите очи и сфаќам дека веќе тоа сум го направила. Тоа дете е посебно. Во секоја смисла на зборот. Се радувам на секој негов успех, на секоја негова насмевка. Искрено, мајка сум која делумно го почитува и применува и традиционално воспитување, но и новите предизвици со кои се соочуваме. Благодарение на електронските уреди, но и природниот капацитет за јазици, Дион веќе перфектно зборува три јазици. Значи не е ни билингвален, туку трилингвален. Музиката и песните ги бираме и пееме заедно и е исклучително талентиран. Верувам дека таа жичка му е од мене. Така што, да сумирам, засега сум задоволна од тоа како го воспитувам мојот син, а и како тој реагира и се однесува. Заврши прво одделение, за жал на многу поразличен начин од она на што сме навикнати. И ако нешто сакам, тоа е да се изнајде начин како дечињата понатаму да продолжат со школување и настава, а притоа да бидат присутни во школските клупи. Ама тоа е само моја, а верувам и на секој родител, пуста желба.

Направивте една голема пауза од ТВ, а вашето враќање донесе свежина и воедно ги поткрена стандардите за тоа како треба да изгледа една емисија, сеедно дали била утринска или не. Дали можеме да очекуваме нешто ново на повидок или ја насочувате кариерата во нов правец?„Утринска на Телма“ беше невидено успешен проект со одлична екипа ентузијасти кои направија бум на екраните. Жал ми е за одлуката да се прекине истата, но продолжуваме понатаму. Од пред 4 месеци излегов од телевизиските води и работам нешто сосема друго, кое да признаам ми е невиден предизвик. За што станува збор ќе откријам во некоја следна прилика.

Покрај природната харизма и пријатниот глас, несомнено сте убава и во топ форма, а посебно за вас е тоа што сте исклучително природна. На кој начин водите сметка за своето тело и изглед? Дали би се боцкале за убавина ако почувствувате потреба? Можно ли е да ве видиме некогаш со пополнети усни?
Ви благодарам на убавите зборови, навистина ми значат. Пред состојбата со Коронавирусот спортував и се обидував барем 2-3 пати неделно да ја потрошам енергијата некаде. Сега, за жал, не го правам тоа, но секој слободен миг го користам за прошетки, за пешачење и за возење велосипед. Што се однесува до боцкањето и пластиката, едноставно не ја почитувам, а со тоа и не ја практикувам. Иако сум свесна за сите мои недостатоци кои си ги носат годините, сепак сакам достоинствено и природно да стареам. Па на моето лице и тело е сиот мој живот. И тага и среќа, и болка и радост… и нека ги таму. Почитувам масажи, маски за лице, дневна и ноќна нега на кожата, но не и боцкање.

„Кога го гледам син ми Дион, сфаќам дека мојот живот има смисла. Кога ми е потребно чудо, погледнувам во неговите очи и сфаќам дека веќе тоа сум го направила.“

Колку успевате да се храните здраво? Дали имате некој свој режим на исхрана? Готвите ли?
Никогаш посебно не сум внимавала на храната, но сакам многу зеленчук, за жал не толку овошје. Посебни ритуали немам, но сакам да ми е полн фрижидерот и во моментот да се мотивирам што да се јаде. Инаку, една од добрите страни на карантинот е што ме научи повеќе да експериментирам со храната и да готвам повеќе од вообичаено. Дион е секогаш тука да ми помогне околу храната и готвењето.

Дали консумирате природни препарати и суплементи?
Се трудам главно на природен начин да го зајакнам имунитетот и мојот и на син ми, но не се оставам без витамин Ц (1.000 мг), магнезиум и Б комплекс. Ацерола за син ми и сега во овој период некои минерали и витамини за зајакнување на имунитетот.

„Сакам да сме сите како луѓе посвесни и поодговорни, посебно во една ваква непредвидлива состојба. Прости се правилата: држи растојание, носи маска и миј раце. Не е толку тешко, а се заштитуваме и себеси и сите околу нас.“

Како стоите со спортувањето?
Во моментов не спортувам, но сум многу подвижна. Возам велосипед секогаш кога можам, се качувам на Водно, пешачам. Одам во викендицата во Пехчево, а таму е вистинско уживање. Сред борова шума со сите благодети од природата. Знам да си го наречам – мојот рај.

На ТВ оставате чувство дека сте позитивна личност која лесно се смее. Дали тоа е така и во реалниот живот? Што најлесно може да ве насмее?
Позитивноста е нешто што секој си го носи во душата. Не можеш да глумиш среќа и радост. Јас сум таков човек. Сакам да се радувам на своите, но и на туѓите успеси. Не сум завидлива и не барам многу. Биди свој, но остави ме да бидам своја. Тука ми се крие и креативноста и уникатноста. Се смеам со син ми, се смеам на убавите утра започнати со музика и шолја кафе. Се смеам и радувам на добро завршена работа. Се смеам и радувам најмногу на: „Мамо, те сакам најмногу на целиот свет!“

Која е вашата формула за добро здравје и ведар дух што би ја споделиле со читателите?
Колку и да изгледа невозможно во овој момент, обидете се да ја негувате душата. Со разговор со вашите блиски, со гласна музика, со долги телефонски разговори со вашите пријатели. Најдете начин како да си помогнете во една ваква, за сите, тешка и непредвидлива состојба. На сите ни треба поддршка. При тоа, хранете се здраво и по можност движете се или спортувајте.

Го оставате ли некогаш телефонот на silent? На кој начин се исклучувате од сѐ?
Првично нешто што правам е да не се вклучам на социјалните мрежи, бидејќи многу трошат енергија. Има толку негативност и омраза што е навистина страшно. А потоа, се разбира, ако имам можност и комплетно го заборавам телефонот и не сум достапна.

The post Елена Митева – Таа не е само водителка со убаво лице, туку жена со став! appeared first on Аптеки PlusPharma.

The post РОГАЧ appeared first on Аптеки PlusPharma.

Лековити компоненти
Плодот има горко кисел вкус и топчеста црвена боја, расте грмушесто со висина од околу 25 см. Освен плодот, се употребуваат и лисјата кои, исто така, имаат лековити својства. Брусницата е одличен извор на флавоноиди, флавоноли и проантоцијаниди. Покрај тоа, содржи високо ниво на витамин Ц, провитамин А (како бета-каротин), витамини од групата Б, калциум, магнезиум, фосфор, калиум и растителни влакна.

Лековити својства
Благодарение на многубројните корисни материи кои ги содржи, го штити организмот од разни болести и, поради тоа, ова растение е во центарот на вниманието на многу експерти од областа на храната и здравјето.

Свежата брусница, сокот од брисница, замрзнатата или сушената брузница е природен антибиотик и антиоксидант, кој ги уништува штетните бактерии во организмот.
Експертите утврдиле дека брусницата е корисна, пред сè, во третман на уринарните инфекции, претставува добар лаксатив, а има и поволно влијание врз работата на простатата. Делотворна е при отежнато мокрење, поради што се препорачува кај мажи со зголемена простата. Брусницата е богата со простагландини кои се погубни за бактеријата Ешерихија коли, поради што е ефикасна во третман на инфекции предизвикани од овој причинител. Исто така, дејствува и на уништување на Хеликобактер (бактеријата), која е причинител на чир на желудникот. Најновите истражувања покажуваат дека е делотворна во превенција на појава на чир на желудник предизвикан токму од Хеликобактер пилори. Во 80% од случаите чирот на желудникот се појавува токму како последица од дејството на Х. пилори на слузокожата на желудникот. Процијанидите, кои се присутни во составот на брусницата, го спречуваат врзувањето на бактеријата за желудочниот ѕид и, на тој начин, превенираат од оштетувања.

На сличен начин, материите кои ги содржи брусницата позитивно влијаат на усната шуплина и дејствуваат против наслагите на забите.
Бројни истражувања за брусницата покажуваат дека материите наречени полифеноли и исопреноиди значително помагаат во намалување на ризиокот од карцином, особено се ефективни протов рак на дојката и матката. Исто така, го намалуваат ризикот од појава на карцином, како што е рак на градите и на дебелото црево.
Благодарение на способноста да блокира одредени оксидациски процеси, брусницата го чува срцето и има поволни ефекти врз целиот кардиоваскуларен систем. Помага во превенција од артерио склероза.
Помага и при контрола на шеќерот во крвта поради содржината на манган. 1 шолја сок од брусница помага при регулирање на шеќерот во крвта кај пациенти со дијабетес 2. (пациентите со дијабетес треба да внимаваат да не внесуваат преработена брусница со дополнителни шеќери).
Во период кога настинките напаѓаат, брусницата е одличен чувар од нив, а сето тоа е поради големото количество на витамин Ц што го содржи, кој помага во заштита на имунитетот и помага во спречување на настинките.

Борец против вишок килограми
Брусницата е борец против килограмите: 1 шолја брусница содржи околу 16% од препорачаната дневна доза на природни влакна, или околу 4 грама. Тоа помага да го победиме апетитот, а го спречува и прејадувањето. Додека поради природните влакна овозможува движење на храната низ дигестивниот систем, што, исто така, ја намалува и подуеноста.

Внимавајте на изборот
Во комерцијални цели се произведува сок кој најчесто содржи шеќер. Сепак, ваквиот сок нема позитивно дејство токму заради додадената содржина на шеќер.
Некои од драгоцените хранливи состојки се задржуваат и при преработката во џемови, сокови, пити и слатки, но, сепак, најпожелно е да се консумира свежа или сушена, со цел организмот да ги користи што повеќе здравите материи и да не се внесуваат додатни шеќери или конзерванси.
Од брусницата се приготвуваат и доста слатки, џемови,пекмез, пити, благи и сл.
Чист 100% сок од брусница може да се најде во продавниците за здрава храна.

Чај од брусница
Чајот од брусница најчесто се користи за лекување на органите за мокрење, се употребува при грчеви на меурот и при воспаление на бубрезите, помага и кај луѓе што патат од гихт и од реума.
Доколку не е поинаку пропишано на амбалажата, чајот се приготвува на следниот начин:
–       Една кафена лажичка или филтер ќесичка се потопува во 0,2 л жешка вода, се поклопува и се остава да отстои 5-10 минути, се процедува и се пие.

300 млсок од брусница дневно, докажано ја намалува честотата на појава на уринарни инфекции за 80%.

The post БРУСНИЦА – СОЈУЗНИК ЗА ДОБРО ЗДРАВЈЕ appeared first on Аптеки PlusPharma.

Освен тоа, во морковот може да се најде и витамин Б6, биотин, фолна киселина (витамин В9), тијамин (витамин Б1), магнезиум, калиум, манган, молибден, железо, фосфор, витамин Б3, витамин Е и цинк.

Интересни факти поврзани со морковите

– Најдобро е морковот да се консумира свеж. На овој начин, телото го храните со калиум, калциум, железо и цинк,кои делумно се губат со готвењето на морковите.
– Морковите прво се одгледувале поради лисјатаи семињата, не поради корените кои сега,во денешно време,се омилена намирница.
– Морковите првично биле бели, виолетови и црни, денешната боја била создадена со селективно одгледување во Холандија, со цел да се оддаде чест на кралското семејство  „House of Orange“.
-Морковите се еден од најдобрите извори на витамин А, кој е важен за здравјето на коските, забите, очите и кожата.
– Морковите содржат и големо количествошеќер, поради што се вистинско уживање, давајќи му повеќе енергија на организмот.
– Во текот на животот, еден човек јаде 10.866 моркови во просек.
– Една чаша млеко, содржи исто количество калциум колку и 9 моркови.

The post МОРКОВ appeared first on Аптеки PlusPharma.

Магнезиумот е еден од најраспространет елементи на Земјината кора (околу 2%)  и е третиот најброен елемент растворен во морската вода. Магнезиумовиот јон е есенцијален за сите живи клетки.

Истражувањата покажуваат дека дури 50 % од лицата кои страдаат од чести главоболки имаат ниски концентрации на магнезиум во крвта.

Зошто ни е потребен магнезиум?

Магнезиумот е многу важен за организмот, бидејки влијае на активноста на повеќе од 300 ензимски системи, вклучувајќи синтеза на протеини, синтеза на нуклеински киселини.Пред се играважна улога во работата на кардиоваскуларниот, нервниот систем, мускулите, бубрезите, црниот дроб, жлездите што лачат хормони. Особено е значаен за опуштање на мускулите и за добар сон и ги спречува тегобите како што се хроничен замор, главоболка и мигрена. Магнезиумот помага во превенцијата и лекувањето на многу болести како астма, аутизам, срцеви заболувања, епилепсија, мултиплекс склероза, ПМС.

Магнезиумот и срцето

Магнезиум е од суштинско значење за правилно функционирање на срцевата работа. Тој е  вклучен во трансферот на другите електролити, како што се калциум и калиум, важни за пренос на нервните сигнали и мускулната контракција. Докажано е дека недостиг на магнезиум може да предизвика неправилна работа на срцето, позната како аритмија.

Магнезиумот и крвниот притисок

Докажано е дека зголемувањето на внесот на магнезиум може да помогне да се спречи високиот крвен притисок. Ниски нивоа на магнезиум се поврзани со ризикот од хипертензија и срцеви заболувања, особено срцев удар.

Чести грчеви и болку во мускулите

Ниските концентрации на магнезиум во организмот можат да бидат причина за чести и болни грчеви во мускулите. Ова особено може да биде изразено кај спортисти и кај лица со зголемена физичка активност.

Магнезиумот и сонот

Мночу чест и вообичаен показател за недостаток на магнезиум може да биде и појавата на несоица. Дури и помали отстапки во потребните концентрации можат да бидат доволна причина за тешкотии во заспивањето или континуирано будење во текот на ноќта.

Препорачани дневни концентрации

Препорачаните дневни количини се зависни од возрасното доба, полот како и  специфичните состојби на организмот. Генерално препорачаниот дневен внес кај  возрасни мажи изнесува 420 мг., додекакај жените е 320 мг.

Симптоми при недостиг на магнезиум

Симптоми кои се манифестираат како резултат од недостаток на магнезиум се најразлични но како најчести се следните:
– слабост и грчеви во мускулите
– меки и кршливи коски
– главоболка/ мигрена
– нестабилниконцентрациина шеќер во крвта
– покачен крвен притисок и аритмија
– депресија
– недостиг на апетит

Потребата на телото за магнезиум треба да се обезбедувапреку соодветна исхрана. Во храна која е богата со магнезиум спаѓаат бадеми и други јаткасти плодови, производи од соја (тофу), банани и зелен лиснат зеленчук како спанаќ и блитва.Сто грама бадеми содржат околу 290мг магнезиум, пола чаша спанаќ содржи 78 мг милиграми магнезиум. Една средна банана содржи околу 32 мг магнезиум.Семките од сончоглед обезбедуваат 325мг  на магнезиум на 100 грама а сусамот обезбедува 350мгна 100 грама. Богато со магнезиум е и темното чоколадо кое на 100 грама содржи околу  320 мг на магнезиум. Други добри извори на магнезиум се мешунките, соја млеко, црн грав, авокадо , пченични и оризни трици , овес, семки од тиква.

Нашиот организам апсорбира само 1/3 магнезиум од храната. Конзумирањето  на бело брашно во форма на леб, пецива и тестениниги троши залихите на магнезиумот од организмот. Исто така долгото чување, замрзнување и готвење на храната, ја осиромажува истата одовој минерал.

Неконтролираното консумирање на магнезиум во форма на додаток во исхраната може да доведе до предозирање. Карактеристични симптоми при земање на поголеми количини на магнезиум се: дијареја, малаксаност и поспаност. Затоа пред употреба на било какви додатоци во исхраната консултирајте го вашиот фармецевт.

The post МАГНЕЗИУМ appeared first on Аптеки PlusPharma.

Состав и лековитост на руколата
Руколата е нискокалорично растение кое во 100 г содржи само 10 калории, а изобилува со витамините А, Ц, К, рибофлавин и фолна киселина, но и со калциум, магнезиум, бакар, железо, цинк и калиум.
Една порција рукола носи 83% од дневната потреба на човекот за витамин К, но и 38% од препорачаната дневна доза витамин А. Магнезиумот и цинкот се исто така дел од богатиот нутритивен состав.
Како и поголемиот дел на останатите зелени лиснати зеленчуци, руколата изобилува со антиоксиданти, го чисти црниот дроб и е идеална за пролетна детоксификација.
Руколата е богата со хлорофил и соединенија на сулфур кои го помагаат чистењето на организмот на клеточно ниво. Погодна е и за келатна терапија, која се припишува за исфрлување на тешките метали од организмот.

The post РУКОЛА appeared first on Аптеки PlusPharma.

The post ПРОСО appeared first on Аптеки PlusPharma.

Индискиот орев не е јатка туку семка од плод. Како намирница, познат е во целиот свет поради неговиот вкус и поради здравствените придобивки. За разлика од други јатки, индискиот орев е мек и со благ вкус. Освен во десертите, дава одличен вкус и на солените јадења , разни салати и додатоци. Кај нас е популарен и како „грицка“, но земен во солена и пржена форма не дава многу хранливи материи. Најдобро е да се консумира суров, сварен во млеко или лесно пропржен. Од индискиот орев можете да подготвите вегетаријански мајонез, кој е поздрав од индустрискиот мајонез. Содржи калиум, па е идеален за лица кои имаат покачен крвен притисок. Индиските оревчиња содржат цинк, кои го зајакнуваат имуниот систем и помагаат во борбата  против инфекциите. Содржат високи количества магнезиум, кој е неопходен за здравјето на срцето, на мускулите и на нервниот систем. 

The post Индискиот орев appeared first on Аптеки PlusPharma.

Спаѓа во групата на цитрусните овошни плодови, во којашто спаѓаат и портокалот,мандарината, грејпфрутот и др. Тој е евтин, лесно достапен и повеќенаменски. Особено е корисен кога е во прашање нашето здравје. Во својот состав содржи не само витамин Ц, туку и други витамини (витамин Б, рибофлавин) и минерали како калиум, калциум, фосфор, магнезиум.
Лимонот уште од древноста се користи поради нековата моќ да лекува. Се препорачува и поволно делува на работата на црниот дроб, на дигестивниот, имуниот, нервниот и на кардиоваскуларниот систем.

Со редовна употреба, лимонот е сигурна превенција од заболувања како ларингитис, бронхитис, грип, настинки, бактериски инфекции, бубрежни и жолчни камчиња, па дури и од некои малигни заболувања. Постојат многу начини да ја ставите оваа храна во вашето секојдневно мени.

Сепак, наједноставен начин е да пиете 1-2 чаши млака вода секој ден. Многу е едноставно да се подготви лимонова вода. Сè што треба да направите е да ги измешате пулпата и сокот од половина лимон во топла вода и да ја испиете.

The post Лимoн appeared first on Аптеки PlusPharma.