Замислете ја Сицилија од 19 век – сончеви пејзажи, раскошни палати и време кога старите вредности се судираат со новите. Токму таму е сместена приказната на „Леопардот“, новата серија што плени со својата драматичност.

Главниот лик, Дон Фабрицио Корбера ди Салина, е горд аристократ кој гледа како неговиот свет се менува со доаѓањето на италијанското обединување. Ова е серија за љубителите на историски приказни, за сите оние кои сакаат да видат како љубовта, моќта и амбицијата се преплетуваат во време на големи промени.