Витамините и минералите во облик на суплементи не ги исполнуваат здравствените ветувања што ќе ги прочитате во упатството за користење, тврдат едни студии.

Повеќе од половина од популацијата не внесува доволно хранливи материи како витамин Д и Е преку исхраната, па суплементите се единствениот начин да се дојде до нив, тврдат други студии.

И сега? Треба да пиеме суплементи или не?

Она што е сигурно е дека на секоја клетка ѝ се потребни хранливи материи за да функционира и уште поважно да остане здрава во услови на загадување, нездрава храна, стресно животно темпо и безброј вируси.

Факт е дека со храната не успеваме да ги снабдиме клетките со доволно квалитетни хранливи материи, затоа суплементарната поддршка од потреба треба да премине во навика. Добрата вест е што на пазарот постојат сосем природни, органски и безбедни суплементи.

Уште поважно, суплементите не треба да се пијат по шаблон! Секое тело е различно и секое тело е изложено на различни животни околности и токму од тоа зависи што треба да купите од пазар, а што од аптека – секако, во консултација со вашиот лекар!

Животен стил	Најчест дефицит	Природен извор	Суплемент
СПОРТСКИ АКТИВЕН Ако практикувате да вежбате повеќе од еден час во денот, што е одлично, имајте на ум дека вашите резерви со хранливи материи се преполовени.	ЖЕЛЕЗО Го има најмногу во месото (телешко и џигер) и мешунките (грав), а потребни ви се најмалку 18 милиграми дневно од минералот кој го транспортира кислородот до клетките. Ниското ниво на железо се манифестира со недостиг на енергија и чести главоболки.	Ако создадете навика да појадувате половина шолја житарки за појадок, ќе обезбедите стабилно ниво на железо во крвта. Една шолја (200 г) соја содржи 8.8 милиграми железо; во исто толку леќа има 6.6 милиграми железо.	Железото во облик на суплемент знае да предизвика тегоби во стомакот и запек, затоа избегнувајте да го пиете во комбинација со кафе, чај, млечни производи, бидејќи ја отежнуваат апсорпцијата на минералот. Железо во облик на сируп или спирулина се полесни за стомакот.
СЕДЕЧКИ НАЧИН НА ЖИВОТ Ова се однесува на оние луѓе кои поголемиот дел од денот го поминуваат пред компјутер, оние чија работа е врзана со седење и оние кои спијат преку ден, а работат навечер.	Витамин Д Со изложување на сонце телото само почнува да го произведува овој клучен витамин за здравјето, кој многу малку е присутен во храната. 15 микрограми во денот (600 интернационални единици) ќе му помогнат на телото да се справи со инфекциите, депресијата и ослабените коски.	Во 85 грама црвен лосос има околу 447 интернационални единици витамин Д; една шолја млеко има 124 интернационални единици; едно јајце содржи 41 ИЕ (витаминот Д се наоѓа во жолчката).	Тоа што живеете на претежно сончево подрачје не ве прави имуни од дефицит на витамин Д. Ова особено важи за оние кои поголемиот дел од денот го поминуваат затворени. Зголемениот внес на витамин Д особено се препорачува во сезона на настинки и вируси. Побарајте Д3 суплемент, бидејќи холекалциферолот најлесно се апсорбира.
ВЕГЕТАРИЈАНЕЦ Вегетаријанската исхрана изобилува со многу витамини и минерали и уште поважно нуди замена за состојките што ги има исклучиво во месото.	Витамин Б12 Го одржува здравјето на крвните садови и нервите, го штити мозокот и мускулите. Доколку не ги консумирате дневно препорачаните 2.4 микрограми ќе се чувствувате слаби и уморни.	Млечните производи и јајцата содржат многу малку Б12. Сојата во зрно и порција житарки наутро можат донекаде да ги задоволат дневните потреби.	Ако не консумирате млечни производи од животинско потекло или каква било процесирана храна, суплементот за вас е задолжителен. Најдобра опција е метилкобаламинот или активна форма на Б12.
БЕЗГЛУТЕНСКИ РЕЖИМ Се надеваме дека имате оправдана причина да го избегнувате глутенот (на пример, боледувате од целијакија), во спротивно си скратувате важен протеин.	Магнезиум Житарките со цело зрно се богати со магнезиум, неопходен за коските и здраво срце. 320 милиграми дневно ќе ви помогнат полесно да ги апсорбирате калциумот и калиумот, да ги регулирате шеќерот во крвта и крвниот притисок.	Половина шолја боранија содржи 50 милиграми; половина шолја црн грав содржи 60 милиграми; печен компир ќе ве обезбеди со 40 милиграми.	Ако на вашето мени нема ориз, бел леб, житарки, побарајте магнезиум цитрат суплемент, бидејќи лесно и инстантно се апсорбира.