Празниците, покрај добра можност за релаксирање и поминување пријатни мигови со најблиските, барем на нашите простори, најчесто со себе носат и обилна празнична трпеза. „Се прејадовме“ е чест одговор на прашањето како сме си поминале за празниците. Најчесто станува збор за количинско прејадување, но секако и на внес на мешавини на тешка и масна храна, слатко и кисело, и сето тоа зачинето со поголема количина на алкохол или газирани пијалаци.

Доколку се чувствувате малаксано и поспано без доволно енергија, придружено со мачнина, ждригавица и главоболка, со сигурнот сте го надминале прагот на уживањето од добро подготвеното печено месо, од превкусната руска салата и од разните деликатесни макала и слатки. Кога на овие симптоми ќе се надоврзат и промените на крвниот притисок, „дијагнозата“ на прејадување е утврдена.

По една ваква обилна трпеза, нутриционистите препорачуваат веднаш да се премине кон лесна и избалансирана здрава исхрана надополнета со соодветна физичка активност. Дополнително, доколку и малку сме претерале со консумирање алкохолни пијалаци, тогаш препораката е најмалку во следните десетина дена воопшто да не се пие алкохол и висококалорични газирани и засладени безалкохолни пијалаци.

Веднаш по денот „Д“, утрото започнете го со цеден портокал или со 2 чаши млака вода со еден цеден лимон.

Пијте околку 2 литри вода во текот на денот за да го прочистите организмот и полесно да ги елиминирате токсините.

Важно е првите три оброка да бидат лесни и количински мали со меѓуоброци во форма на овошна ужина (јаболко, круша, киви и сл). На овој начин ќе го возвратите ударот зададен од присутните слободни радикали со силни антиоксиданси внесени преку ваков вид храна.

150 г овошна салата зачинета со 4 суви сливи или

2 лажици мусли потопени во една шолја обезмастен јогурт

Ужина

1 банана

2 мандарини или

мала овошна салата од ананас, грејпфрут или комбинација по желба

голема чинија со мешавина од зелена салата, рукола, свеж спанаќ, рендан морков, прелиено со маслиново масло и сок од лимон

барен зеленчук со свежа салата

Бистра супа од зеленчук. Комбинацијата од праз, целер и тиквица е идеална за првата вечера по денот на прејадувањето.

Крем чорба од зеленчук. Комбинација од целер, морков, брокола, карфиол, кромид и еден помал компир се варат и се блендираат со рачен блендер.

Секако, во текот на денот консумирајте и свежо цедени сокови и чаеви (ѓумбир, нане, камилица, зелен чај и други).

Овој начин на исхрана практикувајте го барем неколку дена со што ќе му овозможите на вашиот организам брзо и здраво рехабилитирање.

Запомнете: оптималната и добро избалансирана храна е нашето погонско гориво и извор на виталност и енергија.

Чорба од зеленчук (посна чорба од зеленчук)