Потребни состојки:

• 300 гр интегрално пченично брашно
• 100 гр путер чуван на собна температура
• 2 супени лажици кокосово масло
• 5 лажици мед (или кафен шеќер)
• 1 јајце
• 1 кафена лажица ѓумбир во прав
• ½ кафена лажица цимет
• ½ прашок за печиво

Подготовка:

Во длабок сад изматете го путерот и кокосовото масло, а сосем при крај додадете го и медот. Штом состојките убаво се соединат, постепено додадете го брашното, јајцето, ѓумбирот, циметот и прашокот за печиво. Убаво соединете ја смесата со лажица за матење, а потоа употребете ги рацете за да замесите тесто. Тестото во облик на топка, ставете го во фрижидер да отстои околу 30 минути до 1 час. Со сукало, од тестото направете кора – сипете брашно ако тестото се распаѓа или ако се лепи. Формирајте колачиња со помош на новогодишни калапи. Колачињата наредете ги на плех обложен со хартија за печење и печете ги на 180 степени од 10 до 12 мин. Декорирајте ги по желба.