Состојки:

За смеса за бургери:

• 1-2 лажици маслиново масло
• 2 средни кромитчиња, ситно сечкани
• 3 чешниња лук, ситно исечкани
• ½ лажичка лути пиперчиња (по желба)
• 1 конзерва наут (околу 400 г) исцеден и измиен
• ½ шолја песто
• ½ шолја презла

За сос:

• ⅓ шолја мајонез
• 1 лажица балсамико оцет

Прилог:

• 1 голем домат, исечен на кругови
• рукола или друга зелена салата
• лепчиња за бургери

Подготовка:

Во тава загрејте малку масло на средна температура. Додајте ги кромидот, лукот и лутите пиперчиња и кратко пропржете додека омекнат и замирисаат.
Префрлете ја смесата во сад, па додајте го наутот. Изгмечете го со виљушка така што ќе останат и неколку помали парчиња за текстура, па ставете ги пестото и презлата. Смесата треба да биде мека, но доволно цврста за обликување.

Поделете ја на 4 еднакви делови. Во истата тава загрејте уште малку масло и пржете ги плескавиците по 3-4 мин. од секоја страна.
Измешајте ги мајонезот и балсамико оцетот за сосот со кој ќе ги премачкате лепчињата. Врз сосот ставете ги плескавицата, парчињата домат и руколата, па поклопете со другото лепче.