Корен кој истовремено служи како зачин, но и како природен антивоспалителен лек кој наоѓа широка примена при настинки, а може да ги ублажи и сотојбите како остеоартритис. Ѓумбирот долго време се користи за ублажување на дигестивните проблеми. Тој го стимулира производството на плунка и ги потиснува гастричните контракции додека храната и течностите се движат низ гастроинтестиналниот тракт, што го прави корисен при симптоми на гадење, отежнато варење и надуеност. Ѓумбирот е ефикасен во ублажување на гадење, особено во случаи на утрински мачнини поврзани со бременост и гадење предизвикани од хемотерапија.

Дејствува на дигестивниот систем и на нервниот систем за да го ублажи чувството на мачнина. Богат со антиоксиданти, ѓумбирот го поддржува имунолошкиот систем со неутрализирање на штетните слободни радикали. Неговите антимикробни својства, исто така, придонесуваат за целокупното имуно здравје, потенцијално намалувајќи го ризикот од инфекции. Некои студии сугерираат дека ѓумбирот може да помогне во регулирање на нивото на шеќер во крвта со подобрување на чувствителноста на инсулин. Ова може да биде особено корисно за лицата со дијабетес или за оние кои се изложени на ризик да развијат дијабет. Ѓумбирот има природни аналгетски својства кои можат да помогнат во ублажување на различни видови болки, вклучувајќи менструални болки и болки во мускулите.