Состојки:

• 8 мали тортилји
• 400 г исчистена тиква
• 250 г свежи шампињони
• ¼ главица црвена зелка
• 1 помала главица црвен кромид
• 2 чешни лук
• 2 лажици маслиново масло
• 1 лажичка мелена црвена пиперка
• ½ лажичка мелен ким
• сол и црн пипер по вкус
• неколку гранчиња свеж магдонос

Состојки за сос:

• 150 г грчки јогурт
• 1 чешне лук
• 1 лажица сок од лимон
• малку сол

Подготовка:

Исечете ја тиквата на мали коцки и распоредете ја во плех обложен со хартија за печење, а озгора пропрскајте ја со 1 лажица маслиново масло. Зачинете ја со црвен пипер, ким, сол и црн пипер. Печете ја во загреана рерна на 200 °C околу 25 минути, додека да омекне.

Исечете ги печурките на тенки листови, а кромидот на полумесечинки и пропржете ги на загрено маслиново масло. Пред крај, додајте ситно исечкано чешне лук, малку сол и црн пипер.

Црвената зелка исечете ја на тенки ленти и нежно изгмечете ја со прстофат сол за да омекне. За сосот измешајте ги јогуртот, ситно исечканиот лук, сокот од лимон и малку сол.

Тортилјите загрејте ги кратко во сува тава. Во секоја тортилја ставете печена тиква, печурки со кромид и малку црвена зелка. Прелијте со сосот од јогурт и посипете со свеж магдонос.