Потребни состојки за шест лица: 

800 г свински шницли исечени на помали парчиња,

600 гр шампињони,

2 главици кромид,

2 дл павлака,

1 дл бело вино,

30 г путер, сол и бибер.

Подготовка

Шампињоните исчистете ги и исечкајте на половина. Во тава загрејте го путерот и издинстајте го ситно сечканиот кромид.

Додадете го месото, посолете и забиберете. Прелијте со бело вино и варете околу 30 минути или подолго, ако е потребно.

Потоа, извадете го месото, додадете ги печурките, динстајте 5 минути, додадете ја павлаката и гответе уште 10 минути.

Месото поделете го во чинии и прелијте го со топлиот сос од печурките. Послужете додека е топло.