Состојки:
·       250 г мелено телешко месо
·       250 г мелено свинско месо
·       1 поголем морков
·       1 поголема млада тиквичка
·       1 главица кромид
·       2 чешниња лук
·       2 јајца
·       1 шолја (за кафе) овесни снегулки
·       1 лажица чиа семе
·       малку масло, сол и црн пипер
Подготовка:
Излупете ги зеленчукот, морковот и тиквичката и изрендајте ги на ситната страна од рендето, а лукот и кромидот ситно исечкајте ги. Овесните снегулки измелете ги за да добиете ситно брашно, а во него додадете го чиа семето (без да го мелете). Сите состојки заедно помешајте ги, користете ги рацете за да ја замесите смесата, и додадете сол и црн пипер. На тава ставете хартија за печење врз која ќе ги редите обликуваните топчиња, полијте ги со зејтин и печете ги околу 30 минути. Можете и да ги пржите во тава како плескавици. Служете ги со пире или со печен компир.