СТРАВ ОД НЕУСПЕХ

Од психолошка гледна точка, луѓето не сакаат да се изложуваат себеси на непријатни ситуации. Вработениот има одлична идеја, но ја чува за себе само за да не мора да контактира со претпоставениот. Дел од проблемот е тоа што, на невролошко ниво, мозокот не прави некоја разлика помеѓу страв од смрт и страв од средба со шефот.
Емотивниот процесор на мозокот или амилгадата, одговара на стравот така што испраќа стрес-сигнал до хипоталамусот, командниот центар на мозокот, поттикнувајќи лачење на стрес-хормоните кортизол и адреналин, и поттикнувајќи го телото да се соочи со заканата или да избега. Одеднаш, целото тело ви говори да излезете од која и да било ситуација во која сте се нашле иако тоа можеби ќе ве чини и отказ. Ако размислите рационално, сигурно ќе заклучите дека не сте под никаква закана, но за мозокот стравот е страв, и тој ви става пречки на патот со цел да ве задржи на сигурна територија.
Стравот е причината поради која многу луѓе ја оставаат најтешката задача пред истекот на рокот. Преку одложување на обврските до последна минута, индивидуата полесно доаѓа до оправдание за неуспехот. Иако избегнувањето на  можната болка од неуспех, ги уништува сите шанси за успех. Ваквата појава е честа кога нештата делуваат недостижни, бидејќи на човекот му е полесно да го контролира својот неуспех отколку да се соочи со можноста неуспехот да го изненади.

СТРАВ ОД УСПЕХ

Страв од успех или одбивност да се признае сопствената победа. Луѓето се залажуваат дека стравот од успех е полесна варијанта на страв, бидејќи поттикнува продуктивност. Недостигот на радост и уживање во своите достигнувања е саботирање во маскирана варијанта.
На пример, маратонецот кој го води стравот од неуспех, нема да тренира редовно за да си обезбеди совршен изговор за слабиот перформанс. Што ќе направи оној што го води стравот од успех? Тој најверојатно нема ни да се пријави на трката за да не се посрамоти од „слабиот“ резултат. Разврската и кај двете сценарија е иста: загрозување на шансите за успех!„Перфекционизмот е повообичаен мотив за страв во денешно време, а тоа се должи на социјалните медиуми и притисокот за совршен живот“, тврди Клои Брадериџ,автор на „Решение за анксиозност“ („The Anxiety Solution“). „Една неодамнешна студија откри дека од 1989, социјалниот перфекционизам се зголемил за 33 %“, додава таа. Културата што го охрабрува натпреварувањето еден со друг, носи дел од вината. Сите почнавме да се грижиме за својот имиџ, бидејќи нашата филтрирана верзија на животот ја има на увид цел свет. Нештата толку многу забегаа во погрешен правец, што честопати одиме на зимовање, иако мразиме снег, само за да дојдеме до фотографија за на Фејсбук. Сега е јасно зошто луѓето завршуваат заглавени во професии и односи – стравот од осуда го блокира сопственото „јас“.

Ослободете го патот од себе

• Водете дневник за да ги идентификувате разорните мисли што ве одвлекуваат од целта. По еден месец, направете анализа за да проверите дали се однесувате по некоја рамка.
• Визуализирајте ги промените што сакате да се случат, секој ден по неколку минути.
• Нема поента да визуализирате одредено однесување без да го испробате на дело. Ако се опуштавте со алкохол, сега чајот е на ред.

The post Запознајте го вашиот најголем непријател и победете го! appeared first on Аптеки PlusPharma.

Изведувањето расчекор, со едната,па со другата нога (во фиксна позиција) не е вежба наменета само за зацврстување на нозете. Користете ја и кога целта ви е да го зацврстите задникот, користете ја и при секој тренинг, бидејќи го подобрува општиот спортски перформанс.

Расчекор – нешто како пешачење, но многу поефикасно. Постои причина зошто оваа вежба се наоѓа на листата на секој фитнес-тренер. Таа е одлична за да ја подобрите мобилноста на долниот дел од телото и за да активирате повеќе мускули одеднаш. Плус, важи за одлична превентивна мерка од повреди. Ако ја изведувате правилно, истовремено ќе третирате повеќе мускулни регии како оние на нозете, на задникот и на ’рбетниот столб. И ова не е сѐ! Расчекорите ќе ви помогнат полесно да одржувате рамнотежа, координација, ќе ги подобрат вашите моторни способности за да изведувате многу покомплицирани вежби за нозе. Клучот за правилно изведување на оваа вежба е ставот – поза точна до милиметар. Ако се клатите, тоа значи дека ја изведувате погрешно! Стартувајте така што ќе ги вклучите стомачните мускули. Ако сѐ уште се нишате, намалете ја оддалеченоста на чекорот, но погрижете се предното колено да не „стрчи“ над стапалото. Погледнете се во огледало за да бидете сигурни дека позата е добра, ако не заземете цврст став, очекувајте болки зад половината, во колената и во колковите.

ИЗБЕГНУВАЈТЕ ЈА: Ако имате хронична, па и краткорочна болка во колковите или во колената, или слаба мобилност од половината надолу.

ФИТНЕС-ИНСТРУКТОРИТЕ ПРЕПОРАЧУВААТ: За да го забрзате губењето на килограмите, обидете се со расчекор во вис. Изведете ја позата, скокнете и сменете ги нозете во вис, и вратете се на подот со другата нога напред. Повторете ја вежбата 6 пати и дополнително уште 6 за двете нозе да бидат рамноправни. За да го забрзате формирањето на мускулната маса, буквално, пешачете во расчекор, наизменично менувајќи ги нозете, додека во рацете држите тегови. На почеток, доволно е теговите само да ги држите со спуштени раце покрај телото, но ако имате капацитет, вежбајте со нив кревајќи ги до гради, па назад.

The post Расчекор appeared first on Аптеки PlusPharma.

Сарепска горчица 
Готвењето на пареа е најсоодветен начин за подготовка на овој зелен сестрински зеленчук на кељот, бидејќи на тој начин значително ќе го зголемите присутниот витамин А. Преливот од цеден лимон нека ви послужи за да го намалите горчливиот вкус.

Листови од ротквичка
Бидејќи во свеж облик пецкаат на јазик, третирајте ги како да се билка и користете ги како зачин во сосови и супи. Употребете ги што побрзо, бидејќи одма венеат.

 Листови од глуварче
Изненадени сте? Да, листовите на глуварчето се јадат, но ако се набрани од чиста средина. Во една шолја вакви листови има 3 пати повеќе калциум за разлика од исто толкава количина спанаќ, плус тони витамин К. Повелете лек за здрави и цврсти коски.

Валеријана – Овие зелени ливчиња најчесто се комбинираат со други зелени млади ливчиња како рукола, спанаќ и марула, во оние готови кеси салата достапни во маркетите. Кога би додале уште некоја рака свежи валеријана ливчиња во салатата, тогаш сметајте дека сте ја задоволиле дневната доза витамин Ц.

Млад кромид  – Она што сакаме да ве научиме е да не ги фрлате зелените перца, бидејќи само едно содржи повеќе фолати во однос на една шолја кељ. Употребете ги за во салата или пропржете ги и додадете ги во омлет.

Поточарка – Нека не ве залажуваат малите ливчиња, тие имаат остар вкус кој одлично оди во комбинација со пилешко во салата или сендвич. Поточарката содржи поголема количина железо од спанаќот, повеќе калциум од млекото и повеќе витамин Ц од лимонот.

Блитва  – Слична на спанаќот, блитвата има посилен, а за многумина и подобар вкус. Таа е одличен извор на витамините К, А и Ц и на минералите магнезиум, железо, калиум. Но, на листата нутритивни вредности, котира послабо од спанаќот.

Кељ  – Покрај витамините како А, К и Ц, она што го прави кељот задолжителен на трпезата, се моќните антиоксиданси и антиканцерогени материи. Му предничи на спанаќот со тоа што содржи помалку оксалати, а тоа го прави подобар избор за лицата со бубрежни заболувања.

Совет +
Кога купувате моркови, ротквички и цвекло, бирајте ги оние со листовите на нив – тие веќе се задолжителни на менито.

The post Здравјето има зелена боја! appeared first on Аптеки PlusPharma.

Дури и да се каже дека ракот на кожа е еден од највообичаените облици на рак е потценувачки, бидејќи секоја година бројот на заболени изнесува колку вкупната бројка на болни од рак на дојка, простата, крајници и рак на дебело црево. Над 5.4 милиони случаи се однесуваат само на меланомот или најсмртоносниот облик на рак на кожа. Ризикот од меланом е поголем кај луѓето над 40 години, особено кај жените. Бидејќи раната детекција може да ви го спаси животот, потрудете се да научите сѐ што има да се знае за оваа болест.

КАКО НАСТАНУВА?
Меланомот се развива во клетките (меланоцити) кои продуцираат меланин – пигмент кој ја одредува бојата на кожата. Меланомот може да се појави и во очите, а поретко и внатре во организмот – во носот или грлото. Точната причина за настанување на меланомот не е прецизно утврдена, но изложувањето на ултравиолетови (УВ) зраци од сонце или солариум, го зголемуваат ризикот. Преку ограничено изложување на УВ радијација несомено ќе го намалите тој ризик!

Вообичаено, клетките на кожата се формираат при контролирана и редовна процедура – новите, здрави клетки ги туркаат старите кон површината на кожата, а тие таму умираат и порано или подоцна паѓаат. Но, доколку некои клетки развијат ДНК оштетувања, доаѓа до неконтролирано размножување нови клетки и евентуално создавање маса од канцероегени примероци.
Она што не е јасно е што го поттикнува ДНК оштетувањето во клетките и како тоа води до меланом? Затоа, причинителот не е еден туку е комбинација од фактори, вклучувајќи ги оние од околината и генетските.

СИМПТОМИ
Меланомите можат да се појават каде било на телото. Најчесто се погодени региите кои се изложени на сонце како грбот, рацете, нозете и лицето. Но, ова не значи дека оние регии кои имаат минимален контакт со сонцето се имуни, има случаи со меланом на внатрешната страна на стапалото и рацете или под ноктите. Овие скриени меланоми се почести кај луѓето со темна боја на кожа.

2 клучни промени
·       Промена на постоечкиот невус (бенка)
·       Појава на нов пигментиран или невообичаен израсток на кожата
1 клучен факт
Меланомата не секогаш почнува со бенка, нејзината присутнос е потврдена и кај пациенти со сосем нормален изглед на кожата.

Како изгледа нормална бенка?
Нормалните бенки најчесто имаат униформирана боја – иста со онаа на тенот, кафена или црна, со јасна граница која ја одделува бенката од кожата. Тие се овални или кружни по облик, помали од 6 мм во дијаметар или колку една гума на врв од молив. Поголемиот број на бенки настануваат во детството, а нови се појавуваат околу 40тата година. Додека да станат возрасни, поголемиот број од луѓето имаат помеѓу 10 и 40 бенки. Тие можат да го менуваат изгледот со годините, а некои и да исчезнат.

Како изгледа невообичаена бенка? 
Правилото ABCDЕ ќе ви помогне да заклучите дали вашата бенка спаѓа во категорија  на потенцијален малиген меланом. Сепак, крајниот збор оставете му го на дерматологот!
А (Asymmetry) Асиметрија – ако ја поделите бенката со една замислена линија  и добиете две различни половини, појдете на лекар.
B (Borders) Граници – барајте бенки со нејасни, назабени, испрекинати, недефинирани рабови – нејасна граница помеѓу бенката и околната кожа.
C (Color) Боја – барајте бенки со многу бои (црна, нијанси на кафена, црвена, темно сина, сива, траги на бела боја) или пак еднобојна бенка, но со нерамномерно распределена боја.
D (Diameter) Дијаметар – ако бенката е поголема од 6 милиметри, појдете на консултација.
E (Evolution) Еволуција – која било промена на бенката во однос на боја, форма, големина, плус проследена со чешање или крвавење треба да се сфати сериозно.

Кога да појдете на доктор?
Штом забележите каква било промена или нешто што ви се чини невообичаено! Не барајте бенката да ги има сите оние ABCDE промени, некои малигни бенки манифестираат само една видлива промена.

РИЗИК ФАКТОРИ

> Светла кожа Таа има помала количина на пигмент (меланин) што значи има помала природна заштита од УВ радијација. Тука спаѓаат црвенокосите, русокосите и луѓето со светли очи.

> Историја на изгореници од сонце Едно или неколку прегорувања под сонцето инстантно го зголемуваат ризикот од меланом.

> +УВ радијација Ламби и кревети за солариум во комбинација со сонцето надвор се вистинска канцерогена бомба за кожата.

> Преголем број на бенки Над 50тина вообичаени бенки по телото индицираат зголемен ризик од меланом. Само една поинаква бенка во однос на боја, дијаметар, облик, значи ризик од болеста.

> Историја на меланом во семејството Ако близок роднина, како родител или дете, се соочил со овој тип на рак на кожа, тогаш и вие имате зголемен ризик да поминете низ истото.

> Слаб имунитет Луѓето со ослабен имунитет имаат зголемен ризик од меланом или друг тип на рак на кожа, како заболени од сида или други имунолошки болести.

ШТО СОВЕТУВААТ ДЕРМАТОЛОЗИТЕ?

Бидете одговорни под сонцето
Не плашете се од сонцето, сепак тоа ни дава живот. Но, впивајте го одговорно. Сменете ги навиките за да можете да уживате без да се изложувате себеси на ризик. Капа, СПФ и очила што ги блокираат УВ зраците се трите есенцијали без кои не смеете да го напуштите домот.

Секоја промена на кожата се важи
Луѓето најчесто не се потресуваат околу основниот тип на рак на кожа, базичниот клеточен карцином, бидејќи веруваат дека е 100% излечив преку крем за локална употреба или едноставна хируршка процедура. Проблемот со ваквото размислување е тоа што луѓето кои имале нискоризичен тип на рак, имаат 53% поголем ризик да заболат од друг посериозен тип на рак.

СПФ не е само за на плажа
Малкумина се свесни на колку УВ радијација сме изложени – просечното инцидентно време поминато на сонце е всушност 80% од вкупното изложување што една индивидуа ќе го оствари во својот животен век. Оттука, сосем логично е да нанесуваме млеко со заштитен фактор секој ден, без разлика дали има сонце или врне и без разлика дали ќе излеземе на кратко или на долго.

Не штедете на СПФ
Истражувањата покажуваат дека луѓето нанесуваат само 1/3 до ½ од количината што е потребно да ја нанесат, за да го добијат нивото на заштита што е наведено на шишенцето. Што значи ако ставате СПФ 50, најверојатно не добивате ни СПФ 25. За едно тело на возрасен со просечна големина, доволно е една чаша за ракија крем за сончање, но доколу одите на плажа. Убаво е заштитниот фактор да го комбинирате со антиоксиданси – како – прочитајте на стр. 20

Реагирајте на прва
Ако бенките се менуваат на каков било начин, големина, облик, боја, реагирајте! Обрнете внимание на симптоми како сврбење и чувствителност.

Не заборавајте ги усните
Тенката кожа на усните има недостиг од меланин, природниот заштитник од сонце, правејќи ги двојно ранливи. Само 37% од луѓето ги заштитуваат усните со СПФ додека се на плажа! Мажите се особено склони на рак на усните, но без разлика на полот, долната усна има 12 пати поголеми шанси да биде зафатена, бидејќи прима повеќе сонце.

The post МЕЛАНОМ appeared first on Аптеки PlusPharma.

Фармацевтска грижа и хумана посветеност

Соодветната употреба на лековите и медицинските средства се составен дел на здравствените протоколи за обезбедување здравствена заштита на пациентите. Начинот на нивната употреба е примарната мисија на фармацевтската практика. Во тој контекст, фармацевтот зад пултот не е само „издавач на лекови“, туку посветен и хуман профил кој со своето знаење целосно се става во улога на здравствен информатор и едукатор на пациентите.

Фармацевтот е тој којшто го издава препишаниот лек и како таков е директен и последен учесник во ланецот на препишана и издадена терапија. Ова подразбира способност и знаење:

• да се издаде вистинскиот лек
• да се отстранат сите сомнежи за евентуални пропусти при употреба на лекот
• да се дадат вистинските упатства за начинот на употреба на лекот
• информација за времетраењето на употребата на лекот
• можните несакани ефекти и интеракции на лекот
• начинот на чување на лекот

Особено важна е улогата на фармацевтот во давање совети, информации и едукација на пациентите кога станува збор за избор на лекови кои се достапни без рецепт. Понекогаш фармацевтот е тој којшто може да понуди соодветна терапија или да ја надополни веќе препишаната. Знаењето да понуди соодветна алтернатива од додатоци на исхрана и лекови без рецепт е важно во превенцијата од заболувања и генерално во подобрување на квалитетот на живеењето.

Безбедноста на пациентот на прво место   

Примат на секој фармацевт е обезбедување најдобра можна здравствена услуга за пациентот. Безбедноста на пациентот при употребата на препишаната терапија е директно зависна од квалитетот на услугата и дадената информација која треба да е на највисоко прифатливо ниво.
Затоа, предизвик на секој фармацевт е разивање вештина за комуникација со која ќе има лесен пристап до пациентот, ќе ги разбере неговите проблеми и барања и ќе понуди соодветна здравствена грижа.

Задоволен пациент = здрав пациент

Клучот за задоволството лежи токму во создавањето квалитетна врска помеѓу фармацевтот и пациентот. Начинот на комуникација, искажаната доверба и посветеното внимание се „дополнителна терапија“, надвор од онаа препишаната. Сепак, ова е заемен процес кој е зависен како од вештината на фармацевтот, така и од подготвеноста на пациентот да се довери и да соработува. Несомнено ваквиот однос и ваквата комуникација креираат врска на задоволен пациент и задоволен фармацевт.

Видливи ефекти

Зајакнувањето на улогата на фармацевтот и неговото сè поголемо влијание во здравствениот систем носи повеќекратна корист. Користа е директна и видлива не само кај пациентите, но и во пошироката здравствена и општествена сфера:

• Намалени грешки и несакани ефекти од употреба на лекови
• Улога во процесот на рационално користење на лековите
• Улога во спречување злоупотреба на лекови
• Корисни совети и информации за превентивна терапија
• Заштеда на време и трошоци за пациентот
• Заштеда на средства за здравствениот систем и општеството

Уникатната позиција на фармацевтот во здравствениот систем произлегува од неговата улога да ги поврзува лекарот и пациентот. Како „експерт за лекови“ фармацевтот ја проценува терапијата од различни аспекти, и на таков начин директно влијае врз подобрување на квалитетот на здравјето и животот на пациентите.

The post ФАРМАЦЕВТ ВО СЛУЖБА НА ВАШЕТО ЗДРАВЈЕ appeared first on Аптеки PlusPharma.

Доколку наутро имате малку време, започнете го денот со лесни вежби кои ќе ви го разбудат целото тело, ќе ја забрзаат работата на срцето, а со тоа и крвотокот. Тренингот ќе ве загрее и ќе ве ослободи од стресот, а утринското раздвижување има позитивно влијание врз зглобовите и мускулите. Доволно е да изделите само 15 минути за да бидете поздрави, поотпорни, појаки и позадоволни, а стручњаците велат дека така ќе живеете и подолго.

• Веднаш штом ќе се разбудите и додека сè уште лежите во кревет, започнете со истегнување на мускулите на нозете на следниов начин: Прво испружете ги прстите на нозете колку што можете, потоа згрчете ги кон петтата и во исто време стегнете ги сите мускули на ногата. Опуштете се потполно. Почекајте мускулите потполно да се отпуштат, па повторете ја вежбата пет пати.

• По истегнувањето на нозете продолжете со истегнувањето на рацете. Раширете ги рацете најмногу што можете така што ќе ги затегнете мускулите до рамената. Соберете ги прстите и стиснете ја дланката, при што повторно ќе ги затегнете мускулите до рамената. Повторете ја вежбата пет пати.

• Сè уште сте во кревет. Превиткајте ја перницата и ставете ја под грбот, така што ќе легнете врз неа. Потоа ставете ги прстите под главата, со што главата ќе ви биде потпрена на рацете. Вртете ја главата колку што можете надесно, налево, горе, долу и кружно.

• Потоа поставете ја перницата под колковите и движете ги нозете како да возите велосипед. Исправете ги нозете и започнете да ги составувате и раздвојувате, поточно како ножици да поминуваат една преку друга. Легнати затегнете го стомакот така што мускулите ќе ги затегнете колку што можете и истовремено масирајте (како да месите) ги мускулите со двете раце. Оваа вежба е одлична против опстипација (запек), честа појава кај голем дел од луѓето. Воедно оваа вежба добро делува на воспален мочен меур и проширена простата.

• Седнете на кревет и придвижете ја главата колку што можете надесно, па налево, потоа накривете ја главата така што увото да дојде во близина на едното, па другото рамо. Овие движења на главата и вратот се потребни за подобрување на циркулацијта во вратниот регион, каде што поминуваат многу крвни садови и нерви. Оваа вежба одлично влијае на сетилата (слух, мисир, вкус) и доколку нивната функција била оштетена, доаѓа до подобрување. Седнете на работ на креветот и движете го телото во лево колку што можете, па во десно колку што можете. Потоа движете се напред па назад. Со тоа се зајакнува ‘рбетниот столб и ги зајакнува нервите кои одат кон долните делови на телото.

За да го почувствувате бенефитот од овие вежби практикувајте ги два пати дневно, кога ќе се разбудите и пред легнување. Започнете ги вежбите веднаш и бидете упорни!

The post Вежби за долг живот appeared first on Аптеки PlusPharma.

Водата игра важна улога во сите процеси на нашиот организам. Претставува универзален растворувач на сите органски и неоргански материи. Особено е значајна за одржување на нормална телесна температура и крвен притисок, таа е есенцијална за одржување на правилна циркулација на крвта, има голема улога во пренос на хранливите материи до клетките на нашиот организам и нивно растворање, ја одржува хидратацијата на кожата (го помага одржувањето на нејзината еластичност и превенира предвремена појава на брчки), го подобрува варењето и превенира опстипација, како и го помага елиминирањето на токсините од организмот.

Во текот на летниот период, многу повеќе време поминуваме надвор, физички сме поактивни и повеќе се потиме, поради што многу е важно да бидеме добро хидрирани. Околу 2/3 од телесната тежина на нашиот организам отпаѓаат на водата. Човековото тело може да преживее некое време без храна меѓутоа без вода не може повеќе од неколку дена. Секој ден, нашиот организам природно губи вода преку бубрези, бели дробови, црева и кожа. Во жешките летни денови, преку потење губиме и до 1,3 литри вода дневно. Во овие топли летни денови треба особено да обрнеме внимание на еден често игнориран проблем – дехидратацијата.

Правилна хидратација на нашето тело не подразбира пиење вода само кога сме жедни. Вода треба да се пие многу порано пред да се појави чувство на жед.

Симптоми на дехидратација

Жедта не е најдобар индикатор за потребата од вода. Доколку сме почувствувале жед, тоа значи дека ние веќе сме дехидрирани. Дехидрираноста на организмот најчесто се случува во текот на летото, кога забораваме да пиеме доволно вода и да консумираме повеќе течности и храна богата со вода. Освен жедта, други симптоми кои може да се појават како резултат на дехидратација се: сува уста, урина во темна боја и необичен мирис, поспаност и континуиран замор, лош мирис на телото, слабост во мускулите, главоболка, вртоглавица и сл. Доколку дехидратацијата е посериозна, се појавуваат повеќе симптоми. Добро е да го слушаме своето тело, па затоа обрнете внимание на овие индикатори што укажуваат дека вашето тело е дехидрирано и му треба вода.

Како што кажавме претходно, нашето тело е околу 2/3 вода, затоа ефектите од дехидратацијата ги чувствуваме мошне брзо. Под дехидратација се подразбира негативен биланс на вода во организмот. Дехидратација настапува кога количеството вода што го губиме од  нашиот оранизам е поголемо од количеството што го внесуваме. Недостатокот на вода во телото предизвикува несакани последици. Ако дехидратацијата продолжи подолго време, последиците може да бидат фатални.

Клучното прашање кај хидратацијата е колку вода, односно внесување течности е доволно да се задоволат дневните човекови потреби. Телесните потреби за вода се индивидуални и зависат од неколку фактори, како што се: општата здравствена состојба, температурата, метаболичките потреби, степенот на физичка активност, возраста итн. Сепак, најчесто, препораките за пиење вода се во просек околу 2 литра вода дневно за жени и 3 литри вода дневно за мажи. Мажите имаат поголема потреба за вода бидејќи имаат повеќе немасно ткиво во телото. Според препораките на СЗО (Светската здравствена организација), оптимална хидратација се постигнува со внесување 80% вода како пијалак, а преку храна би требало да внесеме 20% вода дневно. 

Покрај пиењето вода во текот на летниот период, за одржување на хидрираноста особено е важно и внесувањето намирници кои природно содржат големи количества вода. Се поставува прашањето која е најдобра храна за хидратација на организмот.

Еве, неколку намирници кои најдобро хидрираат во летниот период:

•  Краставица

Краставиците содржат околу 95% вода и се вбројуваат во намирници кои содржат највисок процент на вода. Нискокалорични се и содржат витамин Ц, К, А, Б6, калиум, магнезиум, манган, фитонутритиенти, како и диетални влакна. Бидејќи летото е нивна сезона, сега е време максимално да го искористите овој здрав и вкусен зеленчук.

•  Лубеница

Лубеницата содржи околу 93% вода (150 г лубеница содржи 115 мл вода). Покрај својот неодолив сладок вкус, таа претставува богат извор на калиум, витамин Ц, витамин А, витамин Б6, калциум, магнезиум и др. Таа содржи ликопен (каротеноид и моќен антиоксидант) повеќе од кое било друго овошје и зеленчук.

•  Тиквица

Тиквицата е популарен летен зеленчук кој содржи околу 95% вода и е нискокалоричен. Особено добар извор е на диетални влакна, витамин А, Ц и К, фолна киселина, магнезиум, калиум, бкакар и манган. Бидејќи при термичка обработка губи доста вода, најдобро е тиквиците да ги консумираме свежи.

• • Домати

Црвен, сочен и вкусен, доматот е неизбежен зеленчук во летниот период. Содржи околу 95% вода и се вбројува меѓу најхидративните намирници. Содржи значајно количество витаминот А, Ц и К, калиум и манган. Освен тоа, содржи ликопен и диетални влакна.

Водата навистина претставува еликсир на животот. Уживајќи во сите убавини што ни ги носи летниот период, не заборавајте да пиете доволно количество вода и да консумирате свежи намирници богати со вода кои најдобро ќе ве хидрираат во летниот период.

Вашето тело ќе ви биде благодарно.

The post Хидратација на организмот за време на летниот период appeared first on Аптеки PlusPharma.

Како последица од развојот на прехранбената технологија и потребата одредено количество храна да се сочува подолг период, како и поради зголемените барања на потрошувачите, прехранбената индустријапостојано се приспособуваше нудејќи храна со нови сензорни својства, нов изглед, подолги рокови на траење, нови вкусови и сл.

За да се постигне подобар вкус, поубав изглед, мирис, поголема трајност во подготовката на храната, отсекогаш се користеле адитиви за таа намена. Тоа е дел од прехранбената култура. Изборот на додатоците бил плод на искуството, традицијата, фантазијата и начинот на соработка со природата. Значајна улога во тие креации имаа, а сè повеќе и денес имаат разни додатоци на храната кои ги нарекуваме адитиви. Денес, додатоците во храната се идентификувани преку е-броеви, а прехранбената индустрија го презеде монополот над дефиницијата што се прехранбени адитиви.

Што се адитиви?

Адитиви се супстанции со познат хемиски состав кои самостојно не се консумираат, не се типична состојка на храната, по правило се без нутритивни вредности, но се додаваат во храната со цел да се подобрат технолошките и сензорните својства. Адитивите се додаваат во храната, во технолошката постапка при производството, при подготовката, обработката, преработката, формирањето на пакувањето, транспортот и чувањето. Поради тоа што не се природна состојка на храната, носат одредени здравствени ризици доколку се надмине дозволеното дневно внесување. Адитивите го изедначуваат квалитетот на производот, овозможуваат консумирање на сезонска храна во текот на целата година, го продолжуваат рокот на траење. Адитивите овозможуваат некоја намирница да добие особини, вкус и квалитет кои не и се својствени. Со адитивите, на пример: чипсот добива вкус на кечап или арома на дим, обичната вода станува газирана напивка , мешавината од растителни масти и скроб станува топено сирење, лебот и белите печива со додавање адитиви за растење на тестото стануваат „воздушести“, белиот леб станува „црн“, месото на полиците на фрижидерот има убава црвена боја и свеж изглед – а вакви примери има многу. Покрај синтетички добиените адитиви, постојат и адитиви од природно потекло, како што се природни бои, витамини, растителни влакна, ензими. Познати се околу 300 адитиви и преку 3500 нивни соединенија.

Е-броеви

Со оглед дека се наоѓаме во шума од информации, препознавањето на адитивите се одвива преку е-броеви кои претставуваат општо прифатена ознака низ целиот свет.
Е-броевите овозможуваат полесно означување и препознавање, како и потврда за токсиколошката евалуација и класификација на адитивите.
Бидејќи адитивите се поделени во неколку групи, постојат одредени правила за нумерирање кои ви ги претставуваме:

·   бои – 100-181;
·   конзерванси – 200-285 и 1105;
·   антиоксиданти – 300-340;
·   регулатори на киселоста – се означуваат со различни броеви;
·   згуснувачи/емулгатори – 322, 400-499 i 1400-1451;
·   супстанции за спречување на згрутчување – 550-572;
·   засилувачи на вкус – 600-650;
·   супстанции за полирање – 900-910;
·   супстанции за засладување – 420, 421, 950-970.

Прехранбени адитиви – додаток или недостаток во исхраната

Адитивите во исхраната не може во целост да се избегнат, но може де се ограничи нивното внесување. Треба почесто да се употребуваат свежи намирници без адитиви (овошје, зеленчук, житарки, леќа, грав, сосови кои сами ги приготвувате), а употребата на хемиски и индустриски процесирана храна полна со адитиви да се сведе на минимум. Индустриското производство на храна без адитиви не е возможно, дури ги има и во еколошки произведената храна. Иако адитивите денес ни овозможуваат поголема сигурност на производот во технолошка смисла, некои од нив не ги следи добар глас и може да му наштетат на човековото здравје. Токму поради тоа, потрошувачите сè повеќе се информираат за тоа што внесуваат со исхраната, особено оние кои имаат одредени здравствени проблеми.

Адитивите се нужно „зло“, кои ги подобруваат изгледот и вкусот на храната, но не го подобруваат нејзиниот квалитет.

Зошто треба да се обрне внимание на етикетата на производот?

Единствениот начин да контролирате и донекаде да балансирате што внесувате во вашиот организам, е внимателно да ја читате декларацијата за составот на производот. На тој начин, ќе можете да видите колку адитиви има и кои се тие адитиви, за да можете да ги избегнете оние кои се непотребни, кои би предизвикале несакани реакции (алергени) или да одберете производи кои содржат минимално количество адитиви. За жал, на потрошувачот, поради неправилно или непотполно декларирање на состојките во производот, често напишано со многу ситни букви, му се скратува правото на вистинска информација за тоа што купува и што консумира.  Секако, не очекуваме да носите попис на е-броевите во паричникот, но, сепак, обрнете внимание при следната посета на маркетот.

Адитиви во детската чинија

Кога станува збор за децата и намирниците кои ги консумираат, доаѓаме до заклучок дека е тешко да ги изолираме од потрошувачката пропаганда и во целост да ги заштитиме од штетните состојки на одредени намирници. Нереално е да очекуваме сите слатки да ги замените со овошје и секојдневно да правите домашни колачи од проверени состојки. На децата најпривлечна им е храната со изразени специфични вкус и мирис, со живописни бои и со интересни неприродни форми, главно, храна полна со адитиви и со вештачки додатоци. Од друга страна, консумирањето на таква храна има голема енергетска вредност, изобилува со шеќери и масти, што најчесто доведува до дебелина, затоа што внесувањето калории е во дисбаланс со потрошената енергија. Затоа, родителите треба да посветат внимание при купувањето намирници за деца, задолжително да ги читаат декларациите, составот и хранливата вредност. Конзервираната храна и намирниците со продолжен рок на траење или намирниците за кои знаеме дека содржат голем број адитиви, треба да ги избегнувате, а ова особено важи кога станува збор за децата. Посебно внимание посветете на намирниците кои никако не се препорачуваат за деца и кои може да го нарушат нивниот кревок имун систем. Вие, како родители, имате избор. Затоа, изберете мудро. Важно е секогаш да имате на ум дека на децата им формирате навики за исхраната кои ќе важат за цел живот. Научете ги вашите деца да се хранат здраво, но исто така научете ги и дека здраво, не значи и невкусно. Користењето свежо овошје и зеленчук, готвењето дома, избегнувањето готова или полуготова (конзервирана) храна и едукацијата на децата од најрани денови дека нема потреба за често консумирање индустриски слатки и „грицки“, се добри мерки за заштита на здравјето на децата.

Освен децата, посебно чувствителни се и старите луѓе чиј имун систем нема толку сила да се избори со сите насобрани адитиви во телото. Јасно е дека адитивите денес во прехранбената индустрија се неизбежни. Тие ја прават храната примамлива, долготрајна и предизвикуваат кај нас исклучителна желба за нејзино внесување. Незамисливо е на кои сè намирници би морале да заборавиме ако во нив ги нема адитивите. Адитивите не можеме да ги избегнеме во целост. Она што можеме, е да се едуцираме за тие кои се најштетни и да пробаме да ги избегнеме кога е возможно.

The post АДИТИВИ ВО ХРАНАТА appeared first on Аптеки PlusPharma.

Секој од нас доживува стрес секојдневно, без разлика дали е вработен или не, дали е на раководна позиција или не. Ден за ден, стресот станува хроничен и тогаш веќе почнува да влијае на имунитетот, на сонот, на здравјето… Затоа, одморот, дури и еднаш годишно, ни е потребен на сите нас. Особено кога одморот станува и елемент за заедничко дружење со семејството.

Семејна вредност

Покрај период за релаксација и оттргнување од секојдневните обврски, одморот станува и време за семејно поврзување. Со оглед на стресното секојдневие што го живееме, и статистичките податоци од истражувањата ширум светот, покажуваат дека семејниот одмор  (и тоа пожелно повеќе пати од еднаш годишно) е неопходен за идни физички и психички здрави генерации:
·       две третини од разговорите помеѓу родител и дете се однесуваат само на дневната рутина;
·       65% од родителите велат дека само повремено играат со децата;
·       1 на секои 6 татковци вели дека не знае како да игра со сопственото дете, а третина од татковците едноставно немаат време да играат со децата;
·       само четвртина од децата разговараат со родителите повеќе од еднаш неделно за нешто важно.
Најчестата грижа на родителите е физичкото здравјена децата, но подеднакво внимание треба да се посвети и на односите помеѓу родителите и децата и како тоа влијае на менталното здравје на децата.

Важен за когнитивен и ментален развој на децата

Многу невролози и детски психолози и психијатри повикуваат на активни семејни одмори заради ефектот што го имаат тие врз развојот на мозокот на децата. Активните семејни одмори се оние во кои децата и родителите заедно играат и истражуваат. Средината во која го поминувате одморот, било да е плажа или планина, овозможува услови за активација и за развој на делови од мозокотшто од раѓање ги имаме, но секојдневната рутина не ни дозволува да ги развиваме.Затоа, правете замоци од песок, скокајте на бранови, истражувајте ја плажата за школки или шумата за најразлични растенија. Навидум банални игри, но овие искуства кај вас и кај вашите деца предизвикуваат излачување хормони и невротрансмитери што го намалуваат стресот и создаваат чувство на топлина и сигурност. Со овие активности го вежбате мозокот и ја развивате социјалната интелигенција, за во иднина, детските игри да се заменат со игра со идеи и истражување, што од вашите деца може да направи успешни претприемачи или раководители.

Играта во природа ги подобрува концентрацијата и вниманието кај децата. Опкружувањето со зелена средина делува подобро и од лековите кај децата со АДХД (нарушување со намалување на вниманието и хиперактивност). Имајќи го ова предвид, во некои од скандинавските земји има и отворени градинки (градинки во природа) во кои децата скоро и да не поминуваат време во затворен простор.

Прошетката во природа е добра и за родителите и за бабите и дедовците. Го смирува телото, го намалува притисокот, па дури и холестеролот. Јапонија уште во далечната 1982 година го вовела „капењето во шума“ како терапија во националната програма за здравје. Некои истражувања одат дотаму што тврдат дека активниот одмор со децата го зголемува и нивниот IQ коефициент, како резултат на активацијата на гореспоменатите делови од мозокот што вообичаено во секојдневието дома не ги развиваме. Студии покажуваат дека децата кои патуваат имаат повисоки оценки во училиште од оние кои не патуваат. На ова, сигурно многу влијае и потребата да се организира и искористи времето за учење подобро и поефикасно.

Забава за сите

Семејниот одмор може да биде многу забавен и без стрес за родителите, доколку:

– Планирате однапред – разгледајте повеќе локации за одмор, дајте им задача и на децата да истражуваат и заеднички донесете ја одлуката каде ќе се оди на одмор, потоа истражете го местото каде што ќе престојувате уште додека сте дома и заеднички договорете се што ќе посетите и кои забавни активности ќе ги имате. Така, нема да имате преговори и негодувања секое утро, што воедно е и губење време од и онака малкуте денови за одмор.

– Не чувствувајте грижа на совест затоа што можете да си дозволите одмор, а вашиот колега или пријател не може, или, пак, затоа што сакате да ја проверите електронската пошта. За некои луѓе, подобро е да ја проверуваат редовно поштата отколку првиот ден на работа по одморот да започне со огромно ниво на стрес поради стотиците непрочитани пораки.

– Направете го одморот авантура – излезете од комфорната зона и истражувајте, така ќе создадете искуства што се паметат долго потоа и се прераскажуваат. Ова е особено важно за децата, за развивање на нивната љубопитност и затоа што тие учат преку тоа што самите ќе го направат или лично ќе го доживеат. За децата е особено важно да запознаат нови култури, јазици, храна, дека постои и поинаков свет од нивниот, и преку новите активности да ги тестираат своите граници и подобро да се запознаат себеси.

– Фотографирајте се – и тоа многу, затоа што само преку фотографиите ќе можете да ја освежите меморијата повремено, а со тоа да предизвикате пријатни чувства кај себе и кај своето семејство, особено кога сте тажни или кога сте изложени на стрес.

За добар одмор, најчесто не е важна локацијата, колку е скап и ексклузивен одморот и колку денови трае, туку спомените што заеднички ќе ги создадете во текот на одморот.

The post СЕМЕЈНИОТ ОДМОР – ВАЖНА АЛКА ЗА ФИЗИЧКОТО И МЕНТАЛНОТО ЗДРАВЈЕ НА ЦЕЛОТО СЕМЕЈСТВО appeared first on Аптеки PlusPharma.

Воведувањето на нови прехранбени производи во бебешкото мени за многумина е многу збунувачки, стресен и заморен период, бидејќи родителите се соочуваат со контрадикторни информации. Тие не се сигурни кога треба да почнат со дохраната, како да ја спремат храната, да направат кашичка, колку бебето треба да се јаде, како да се комбинираат млечни каши. Ги мачат различни долеми од типот дали да се понуди домашно направена кашичка од здраво овошје и зеленчук или подобро да понудат купени, веќе приготвени оброци.  Прашања има безброј, така што не е изненадување што понекогаш се прават и грешки.

Што се подразбира под комплементарна исхрана?

Комплементарна исхрана/дохрана се дефинира како периодот во кој мајчиното млеко почнува да не е доволно за да ги подмири нутритивните потреби на доенчињата, така што е потребно да се воведе во исхраната/дохраната друга храна или течности, заедно со мајчиното млеко. Комплементарната исхрана/дохана е неопходна заради нутритивните потреби, но и заради потребите на развојниот процес. Тоа е една многу важна фаза во транзицијата помеѓу исхраната со екслузивно мајчино млеко и преминувањето на општата исхрана. Ова е период кога децата многу брзо растат и се развиваат и кога се многу чуствителни на нутритивни дефицити и екцеси, време кога се воведува нова храна, нови вкусови и се здобиваат првите искуства на хранењето на своите деца.

Што вели стручната фела во однос на овие дилеми, кои се упатствата за воведување на комплементаран дохрана?

Постои релативно ограничената база на научни докази, а ова се рефлектира во значителни варијации во препораки за воведување на комплементарна исхрана. Различните земји, нации и култури имаат различни секојдневни практики во однос на комплементарната дохрана. Некои почнуваат со овошје, други пак со зеленчук, трети со житарки. Ниту еден пристап не е подобар ниту полош, се е во функција на културата, навиките и традицијата.

Гастроинтестиналните и бубрежните функции кај децата се доволно зрели, за приближно од 4 месец (17 недели, почетокот на 5-тиот месец)  да им се овозможат на доенчињата ја ја обработат комплментарната исхрана.   Овие функции на возраст од 4 до 6 месеци (26 недели, почетокот на 7-тиот месец)  се веќе стекнати, а со нив и се достигнуваат потребните моторни вештини за безбедно консумирање на комплементарната храна. Многу е важно, заради специфичниот развој на децата, како и од нутриционистички причини да се даде храна соодветна на возраста на доенчето !!!. Таа треба да биде со правилна конзистентност и  да се даде на начин кој е  соодветен за возраста и развојот на доенчето.

Ексклузивното доење од здрава мајка може да ги задоволи барањата за хранливи материи на здрави доенчињаза повеќето хранливи материи за околу 6 месеци. Бидејќи секое дете е индвидуа само за себе, некои доенчиња може да имаат потреба од дополнителна енергија или железо пред 6 месеци. Одложеното подврзување на папочната врвца ќе ги подобри залихите наа новороденчето на железо, но и ќе ја намали веројатноста за потреба од дополнителножелезо пред 6 месеци. Подолготрајното екслузивно доење може да биде поврзано со намален ризик од гастроинтестинални и респираторни инфекции и хоспитализација заради инфекции на доенчињата.

Стручната литература вели дека може да има зголемен ризик од алергија ако се воведува цврста хранапред 3 до 4 месеци. Меѓутоа, нема докази дека одложувањето на алергиска храна подолго од 4 месеци го намалува ризикот од алергијакако за доенчињата во општата популација, така и за оние со атопискапредиспозиција. На доенчињата со висок ризик од алергија на кикиритки (оние со тешка егзема, алергија на јајца, или и двете дефинирани во ЛЕАП студијата) треба да им се даде кикирики во период од 4 до 11 месеци, по евалуација од страна на соодветно обучен професионалец.

Времето на воведување на комплементарна храна во 4 или 6 месеци не покажало дека влијае на растот или дебелината за време на детството, иако воведувањето пред 4 месеци може да биде поврзано со зголемена адипозност.

Многу контраверзиии кружат за поврзаноста на целијачната болест (глутенската ентеропатија) и дијабетот тип 1 со дохраната. Научните трудови велат дека ниту екслузивното доење или доење за време на воведувањето на глутен не покажало дека се намалува ризикот за развој на целијачна болест. Во однос на ризикот за развој на дијабетес тип 1, не влијае ниту внесувањето на глутен после 3 месеци или доење за време на воведувањето на глутен .

Меѓутоа, тоа што со сигурност се знае е дека високиот внес на протеини во текот на комплементарната исхрана може да го зголеми ризикот од прекумерна тежина или дебелина, особено кај предиспонираните индивидуи. Главниот извор на протеини , односно енергетскиот внес од протеини не треба да биде поголем од 15%. Големи количини  на внес на кравјо млеко се поврзуваат со висока енергетска вредност, протеини и масти и со низок внес на железо кај децата. Потребата од железо се е висока за време на комплементарната исхрана, особено кај деца кои се дојат.

Секое дете е приказна сама за себе, па така е и воведувањето на исхраната.  Стручната јавност вели дека не е возможно да се променат вродените преференции на доенчињата за благии солени вкусови, како ни да им се влијае за дане им се допаѓаат горчливите вкусови. Од друга страна пак , родителите можеби ќе можат да ги модификуваат преференциите на своите деца,нудејќи комплементаран хранабез додадени шеќери и сол и со навремено воведување на различни на вкусови, вклучувајќи горчлив зелен зеленчук.

Во последно време, како општеството следи некои –модерни текови- така и се почесто се среќаваме со веганскиот начин на исхрана. Педијатриските здруженија имаат напатсвија дека веганската исхрана не е  за мали доенчиња. Сепак, кај тие родители што така ги хранат своите деца треба да им се напомене дека самосо соодветни додатоци може да го поддржи нормалниот раст и развој.Медицинска супервизија треба да биде во насока на доенчето да му се обезбеди да добива доволна количина на витамин Б12, витамин Д, железо, цинк, фолати, n-3 LCPUFA, протеини и калциум, како и доволно хранливи  енергетски материи. Родителите треба да ги разберат сериозните последици од неуспехот да ги следат советите за дополнување на диетата.

Редовен медицински и диететски надзоре потребен за да се следат овие деца. Во колку не се работи тимски кај децата кои се исхрануваат со веганска исхрана, последиците од може да бидат сериозни и да вклучуваат иреверзибилно когнитивно оштетување и  се до најлошиот исход-смрт.

Долготрајната употреба на пасиранахрана треба да се избегнува, а доенчињата треба постепено да се научат на поцврста храна, грубо пасирана, најдоцна од 8 до 10 месеци. На возраст од  12 месеци, доенчињата треба да пијат главно од чаша, наместоодшишесо цуцла.

СОВЕТИ 

Актуелните упатствија од стручните асоцијации за педијатрија како цел наведуваат дека екскузивното доење треба да се промовира најмалку 4 месеци (до најмалку 17 недела), а потоа да се продолжи со екслузивно доење или предоминантно доење со апроксимативно 6 месец ( 26 недела).

На доенчињата треба да им се понуди храна со разновидни вкусови и текстури, вклучувајќи и горчлив вкус, односно зелен зеленчук.

Кравјо млеко не треба да се користи како главен пијалок пред 12 месеци.

Храната што предизвикува алергија може да се воведе како дохрана било кое време по 4 месеци. Доенчињата со висок ризик од алергија на кикиритки оние со тешка егзема, алергија на јајца, или и двете,  треба да имаат воведено кикирики помеѓу 4 и 11 месеци, по евалуација од страна на соодветно обучен специјалист.

Глутен може да се воведе помеѓу 4 и 12 месеци, но големи количини треба да се избегнуваат во првите недели од воведувањето на глутен и подоцна за време на детството.

Сите  деца треба да примаат  комплементарна исхрана која е богата со железо, вклучувајќи производи од месо.  

Не треба да се додава шеќер или сол во  исхраната и треба да се избегнуваат овошни сокови или засладени пијалоци.

Веган исхраната треба да се користат само под соодветен медицински или диететски надзор, а родителите треба да ги разберат сериозните последици од овој тип на исхрана кај децата.

Родителите треба да бидат охрабрени да ги хранат своите деца според нивните специфични потреби

The post КОМПЛЕМЕНТАРНА ИСХРАНА   appeared first on Аптеки PlusPharma.

Спорт без ограничувања

Велосипедизмотво суштина е аеробен во спорт кој може да го уживаат луѓе од најразлични возрасти. Така возрасни ограничувања скоро и да не постојат. Тој може да биде сериозен, но во исто време и забавен и евтин начин за рекреација и авантуризам. Возењето велосипед во форма на спортска активност носи многуздравствени придобивки за човековото тело. Меѓу најважните придобивки од возењето велосипед би ги издвоиле следните:

• здрав кардиоваскуларен систем

• зголемена мускулна сила и флексибилност

• подобрување на подвижноста на зглобовите

• намалување на стресот

• подобрување на држењето на телото и координацијата

• зајакнување на коските

• намалување на телесните масти

• подобарен имунитет и помала склоност кон заболувања

• подобрена концентрација и подобар ментален фокус

• намалување на аксиозност и депресија

Превозно средство и пријател на околината.
Покрај ова воозењето велосипед во функција на превозно средство нуди големи општествени и и ндивидуални придобивки.Велосипедизмот нашироко се цени како многу ефективен и ефикасен модел за превоз идеален за кратки или умерени растојанија. Велосипедите обезбедуваат бројни користи во споредба со моторните возила, вклучувајќи намалена потрошувачка на фосилни горива, помало загадување на воздухоти помала бучава во градовите, помали сообраќајни гужви, полесно паркирање и полесно управување. Во предностисекаковлегуваат и намалените финансиски трошоци како за корисникот, така и за општеството во целина.

Ризици и изложеност на енормна загаденост
Една грижа којачесто се искажува (како од некои велосипедисти, така и оние кои не возат), е таа за безбедноста на велосипедистите во градскиот метеж, особено во средини со недоволно развиена вело инфраструктура. Заради ова одговорноста и почитувањето на сообраќајните правила е од голема важност за безбедно движење во па и надвор од урбаните средини. Доста актуелна е и полемиката за изложеноста на загадениот восдух. Сепак неколку истражувања покажуваат дека токму велосипедистите се помалку изложени во однос на возачите заглавени во нивните автомобили.Сепак и во овој случас се препорачува во услови на голема загаденост да се користат заштитни маски и планираните тренинзи да бидат со умерен интензитет.

Забавна страна на велосипедизмот
Покрај бројните здравствени, економски и општествени добра велосипедизмот има и своја забавна страна. Во продолжение набројуваме неколку забавни факти за велосипедите:

• најдолгиот тандем велосипед со 35 седишта е долг повеќе од 20 метри 

• во истиот простор што го зафаќа еден автомобил може да се стават околу 15 велосипеди

• трошокот за одржување на велосипед е 20 пати помал во споредба со трошокот за одржување на автомобил

• доколку бројот на велосипедисти се зголеми за три пати, стапката на несреќи со мотоциклисти ќе се намали за половина

• во светот годишно се произведуваат околу 100 милиони велосипеди

• зборот “велосипед” бил измислен во 1860-тите

• трката Тур де Франс прв пат била одржана во 1903та година

• во Кина се користат повеќе од 500 милиони велосипеди

• најбрзиот велосипедист е американецот Џон Хауард

• во светот има двојноповеќе велосипеди отколку автомобили

• децата кои одат со велосипед на училиште покажуваат подобри резултати во училницата.

The post Велосипедизам живот на две тркала. appeared first on Аптеки PlusPharma.

Состав и употреба

Власецот е широко употребувана билка, која има благо лут вкус кој најчесто зависи од условите во која е одгледувана и тоа како е одгледувана. Има долга традиција поради својот карактеристичен вкус, но и нејзините лековити својства.

Содржи етерични масла богати со сулфур, кои се причина за лутиот вкус и специфичниот мирис. Поради едноставниот начин за одгледување, како и лековитите својства, власецот треба да е дел од секоја градина. Богат е со вредни хранливи материи и содржи многу малку калории. Добар извор е на витамините А, Б, Ц и К, додека од минералите најприсутни се калциумот, магнезиумот, фосфорот и калиумот.

Лековити својства
1. Го намалува холестеролот
Поради присуството на алицин во високи концентрации, власецот влијае врз намалување на нивоата на т.н. “лош”холестерол во крвта и на тој начин потпомага во регулирање на крвниот притисок.

Важно е да се знае дека алицинот се создава веднаш по кинењето на стеблото на власецот, а по некое време се претвара во сулфурни соединенија. Затоа, потребно е да се конзумира свеж, односно додека се чувствува луткастиот мирис.

2. Го зајакнува имунитетот
Власецот содржи витамин А, кој има улога во одржување на  здрава слузница на носот, грлото, белите дробови и дигестивниот систем, како и на други органи кои се изложени на надворешни влијанија и потенцијални патогени.

Витаминот Ц, кој е присутен во власецот, го подобрува имунитетот и има антибактериски и антивирусни својства. Оттука, власецот е одличен додаток во исхраната за луѓе кои страдаат од инфекции на респираторниот тракт.

Витамините А и Ц, учествуваат во формирањето на антитела заради што го зајакнуваат имуниот систем.

3. Спречува остеоороза и атеросклероза

Власецот содржи соединенија кои го задржуваат калциумот во коските и крвта бидејќи спречуваат екскреција на калциум преку урината, со што обезбедуваат поздрави и поцврсти коски.

Витаминот К во власецот, ја подобрува апсорпцијата на калциумот во коските и на тој начин ја намалува инциденцата на посменопаузални фрактури на коските.

Со спречување на хормонална нерамнотежа која може да доведе до деминерализација на коските, виаминот К е вклучен во зачувување на цврстината и здравјето на коските.

Со редовно конзумирање на власец, може да се спречи калцификација на крвните садови, следствено и атеросклероза.

4. Учествува во спречување на појава на тумори

Научните истражувања потврдиле дека власецот има силна антиоксидативна активност. Во споредба со останатите зеленчуци од оваа фамилија, власецот има значително поголема количина на антиоксиданси во неговиот богат состав.

Оксидативниот стрес ( нарушена рамнотежа помеѓу слободните радикали и антиоксиданси во телото) е поврзан со голем број хронични заболувања, како што се дијабетес, кардиоваскуларни болести, тумори и деменција.

Антиоксидативните состојки ја намалуваат количината на слободни радикали во организмот, со што се успорува појавувањето и ширењето на канцерогените клетки.

5. Го подобрува варењето на храната

Алил суфирдот и другите карактеристични соединенија во власецот имаат корисно дејство врз дигестивниот систем.

Власецот ги отстранува штетните бактерии, квасци и габи од дигестивниот тракт кои инаку би го отежнуваат варењето на храната.

Поради синергијата на влакната и другите природни соединенија ( ниацин, тиамин, пантотенска киселниа),  доаѓа до полесно варење на храната.  Власецот овозможува подобра апсорпција на хранливите материи во дигестивниот тракт, со што се постигнува подобро искористување на истите во организмот.

6. Го заштитува видот

Каротеноидите, зеаксантин и лутеин, кои ги содржи власецот, директно се поврзани со намалување на бројот на слободни радикали кои предизвикуваат дегенеративни заболувања на очите. Тие го успоруваат и спречуваат појавувањето на окуларен едем, макуларна дегенерација и ги чуваат очите од стареење. Високата концентрација на витамин А го подобрува здравјето на очите, го зајакнува и изострува видот.

Во кулинарство

На нашите простори, власецот најчесто се користи како зачин. Власецот потсетува на вкусот на лук и кромид. Незаменлив е за посебни пикантни јадења, салати, сосови.  Доколку купувате,запомнете дека власецот во кулинарството се користи свеж! Доколу сакате да го користите наредниот ден,најдобро е да го завиткате во влажна крпа и така завиткан да го чувате во фрижидер. При употребата потребно е да го исечкате на ситни парчиња и како таков да се додаде во разни зеленчукови супи, омлет, сосови, јогурт и разни готвени јадења. Одлично се комбинира со свежо сирење и салата.

The post ВЛАСЕЦ appeared first on Аптеки PlusPharma.

Магнезиумот е еден од најраспространет елементи на Земјината кора (околу 2%)  и е третиот најброен елемент растворен во морската вода. Магнезиумовиот јон е есенцијален за сите живи клетки.

Истражувањата покажуваат дека дури 50 % од лицата кои страдаат од чести главоболки имаат ниски концентрации на магнезиум во крвта.

Зошто ни е потребен магнезиум?

Магнезиумот е многу важен за организмот, бидејки влијае на активноста на повеќе од 300 ензимски системи, вклучувајќи синтеза на протеини, синтеза на нуклеински киселини.Пред се играважна улога во работата на кардиоваскуларниот, нервниот систем, мускулите, бубрезите, црниот дроб, жлездите што лачат хормони. Особено е значаен за опуштање на мускулите и за добар сон и ги спречува тегобите како што се хроничен замор, главоболка и мигрена. Магнезиумот помага во превенцијата и лекувањето на многу болести како астма, аутизам, срцеви заболувања, епилепсија, мултиплекс склероза, ПМС.

Магнезиумот и срцето

Магнезиум е од суштинско значење за правилно функционирање на срцевата работа. Тој е  вклучен во трансферот на другите електролити, како што се калциум и калиум, важни за пренос на нервните сигнали и мускулната контракција. Докажано е дека недостиг на магнезиум може да предизвика неправилна работа на срцето, позната како аритмија.

Магнезиумот и крвниот притисок

Докажано е дека зголемувањето на внесот на магнезиум може да помогне да се спречи високиот крвен притисок. Ниски нивоа на магнезиум се поврзани со ризикот од хипертензија и срцеви заболувања, особено срцев удар.

Чести грчеви и болку во мускулите

Ниските концентрации на магнезиум во организмот можат да бидат причина за чести и болни грчеви во мускулите. Ова особено може да биде изразено кај спортисти и кај лица со зголемена физичка активност.

Магнезиумот и сонот

Мночу чест и вообичаен показател за недостаток на магнезиум може да биде и појавата на несоица. Дури и помали отстапки во потребните концентрации можат да бидат доволна причина за тешкотии во заспивањето или континуирано будење во текот на ноќта.

Препорачани дневни концентрации

Препорачаните дневни количини се зависни од возрасното доба, полот како и  специфичните состојби на организмот. Генерално препорачаниот дневен внес кај  возрасни мажи изнесува 420 мг., додекакај жените е 320 мг.

Симптоми при недостиг на магнезиум

Симптоми кои се манифестираат како резултат од недостаток на магнезиум се најразлични но како најчести се следните:
– слабост и грчеви во мускулите
– меки и кршливи коски
– главоболка/ мигрена
– нестабилниконцентрациина шеќер во крвта
– покачен крвен притисок и аритмија
– депресија
– недостиг на апетит

Потребата на телото за магнезиум треба да се обезбедувапреку соодветна исхрана. Во храна која е богата со магнезиум спаѓаат бадеми и други јаткасти плодови, производи од соја (тофу), банани и зелен лиснат зеленчук како спанаќ и блитва.Сто грама бадеми содржат околу 290мг магнезиум, пола чаша спанаќ содржи 78 мг милиграми магнезиум. Една средна банана содржи околу 32 мг магнезиум.Семките од сончоглед обезбедуваат 325мг  на магнезиум на 100 грама а сусамот обезбедува 350мгна 100 грама. Богато со магнезиум е и темното чоколадо кое на 100 грама содржи околу  320 мг на магнезиум. Други добри извори на магнезиум се мешунките, соја млеко, црн грав, авокадо , пченични и оризни трици , овес, семки од тиква.

Нашиот организам апсорбира само 1/3 магнезиум од храната. Конзумирањето  на бело брашно во форма на леб, пецива и тестениниги троши залихите на магнезиумот од организмот. Исто така долгото чување, замрзнување и готвење на храната, ја осиромажува истата одовој минерал.

Неконтролираното консумирање на магнезиум во форма на додаток во исхраната може да доведе до предозирање. Карактеристични симптоми при земање на поголеми количини на магнезиум се: дијареја, малаксаност и поспаност. Затоа пред употреба на било какви додатоци во исхраната консултирајте го вашиот фармецевт.

The post МАГНЕЗИУМ appeared first on Аптеки PlusPharma.

Храната некогаш беше извор на живот и задоволство. Денес, трпезариската маса може да потсетува на минско поле.

Кога ќе погледнете колку луѓе страдаат од дебелина, дијабетес и срцеви болести, очигледно е дека денешниот начин на исхрана и начинот на живот негативно влијаат  на нашето здравје. Со оглед на достапноста на брзата храна, се повеќе денешните генерации страдаат од недостаток на потребни – биолошки  вредни нутритиенти, а резултат на тоа е се поголемиот број на  болести.

Многу често не обрнуваме внимание на исхраната, нејзиниот квалитет и застапеност се додека  не се вклучи некаков алар кој е најчесто во форма на сериозно заболување или здравствено нарушување во која промената на навиките за исхрана стануваат ззадолжителни. Сепак  вистината е дека исходот можете да го смениме уште денес, елиминирајќи ја најтоксичната и нездрава храна од вашата чинија. Кога од исхраната би ги изоставиле или драстично намалиле внесот на шеќер, белото брашно, маргаринот, разни видови на грицки, сувомесни производи, неспоредливо би имале помал процент на срцеви и малигни заболување.

Иако можеби сме свесни сепак овие намирници многу често несвесно а сепак многу често се во нашето секојдневие.

Листата е долга па во овој текст а согласно со досегашните сознанија Ви ги претставуваме можеби  „најопасните“ намирници, како би можеле да одлучите при следниот ваш избор што ке ставите во вашата кошничка.

Маргарин.

Билно масло третирано на висока температура и хемикалии со додадени конзерванси и вештачки ароми. Маргаринот е направен од растителни масла кои се богати со транс-масти кои навлегуваат во масното ткивоо и клеточните структури на организмот каде директно влијаат на пореметувања на метаболизмот, , имунолошкиот систем , а се јавуваат и како фактор за појава на одредени заболувања.  Високата температура во процесот на преработка на растителните масла, ги уништува присутните витамини и антиоксиданти.Поради ова маргаринот скоро и да нема нутритивна вредност па неговата употреба во исхраната станува скоро безпредметна. Доколку веке морате да го употребувате за подготовка на пецива и други кулинарски специјалитети, правете го тоа што поретко или пак користете други алтернативи.

Разни видови грицки

Чипс, пуканки од микробранова, флипс, солени стапчиња. Многумина од нас скоро и да не можат без овие грицки кои всушност немаат нутритивна вредност, а можат да  бидат штетни за нашето здравје. Лошата навика на „грицкање“ е најчеста причина за дебелина, што често повлекува ризик од кардиоваскуларни болести, дијабетес, кариес, остеопороза.

Чипс

Водечка  намирница излистана во категоријата на повеќе штетни отколку корисни. Крцкав, екстремно популарен, го има со разни вкусови и редовно преполн со калории, маснотии и изразено “нездрави”количини сол. Ако редовно се конзумира станува една од намирниците што се најзаслужни за дебелеењето, особено кај децата и младите. Во едно спроведено истражување докажано е дека секојдневно конзумирање на чипс, неминовно  доведува до дебелеење а во истото истражување е докажано дека во ова чипсот е полош дури и пред засладените напитоци.

Покрај ова доведува до зголемување на холестеролот во крвта,  полн е со транс-масти, затоа што се пржи во масло кое е повеќе пати користено. Во прилог на ова оди и фактот што неретко чипсот во суштина и не е  пржен компир, туку смеса од компирово брашно , пченка, пченица и  редица додатоци за прилагодување на вкусот кој само ја дополнуваат штетноста.

Накратко чипсот е суров убиец на вашиот организам, па затоа мудро избегнувајте го.

Пуканки од микробранова

Можеби досега не сте слушнале  за хемикалијата диацетил, која  се користи во пуканките наменети за подготовка во микробранова, со цел истите да имаат вкус на путер, и е една од главните виновници за уништување на клетките кои го штитат мозокот. Исто така  во пакувањето се додадени синтетички хемикалии, кои при загревање  навлегуваат во содржината на пуканките. Овие супстанции имаат штетно влијание на ендокриниот, имуниот и на репродуктивниот систем.

Затоа, доколку сте љубител на пуканки направете ги онака како што некогаш ни ги правеа нашите мајки  и баби и зачинете ги по ваша желба.
Со грицките во организмот внесуваме многу маснотии, сол и јаглехидрати и заради тоа треба да бидеме многу внимателни при нивна консумација.

Со конзумирање на солени грицки,  во организмот  се внесуваат премногу заситени масни киселини, што доведува до пад на концентрацијата, чувство на замор и поспаност. Истовремено организмот останува лишен од хранливи материи кои се од суштинско значење за негово секојдневно функционирање.

 На сите грицките им се омилени , особено на децата, но денес кога свеста за нивната штетност е на високо ниво, родителите на своите дечиња треба да се потрудат да им дадат здрави верзии на грицки како што се чипс од јаболки или вкусни семки од тиква.

Овошни јогурти

Ги вбројуваме во категоријата на производи за диетална исхрана, богати со протеини, калциум и пробиотици а сепак со ниска калорична вредност. За жал поголемиот дел од овошните јогурти се индустриски преработки кои имаат превисоко ниво фруктознен сируп или други вештачки засладувачи заради што стануваат намирница богата со многу шеќер. Во ваква форма стануваат потенцијален здравствен ризик особено за лица склони кој дијабетес и дебелеење.

Спакувани кекси

Една од основните состојки на спакуваните кекси кои ги купуваме во маркетите е хидрогенизираното растително масло, како што е палминото или палминото кернел масло. Овие масла се богати со транс-масти и заситени масти. Затоа нивната консумација  се поврзува со болестите на срцето, дебелината и дијабетесот. Освен со масти, кексите се полни со шеќер и вообичаено со нивното внесување, ја надминуваме препорачаната дневна количина за внес на шеќер. Изгледа дека полесно е да ја грабнете кутијата со кекси од сталажата во маркетот, отколку да ја натерате мама да ви направи домашен колач.

Газирани напитоци и овошни сокови

Газираните напитоци, овошните сокови и ледениот чај имаат голема калориска вредност и се на врвот на листата на фактори за прекумерна телесна тежина.

Сите газирани пијалоци и индустриски овошни сокови, имаат висока содржина на шеќер, дури и на оние на кои пишува дека се „без шеќер“. Тие се далеку посиромашни со витамини, минерали и диететски влакна отколку овошјето. Во поголеми количини може да влијаат на појавата на дебелина и дијабетесот. Доколку би испиле половина литар таков сок е скоро идентично како да сте внеле четири лажици бел шеќер. Кај децата таквите напитоци предизвикуваат чувство на заситеност, па изостанува соодветен внес на важни хранлици материи и витамини. Тие само создаваат потреба за дополнително конзумирање, и затоа е најдобро е да ги замените со вода, природно цедени сокови, лимунада или чај.

Сувомесни производи

На листата на непожелни намирници се секако и сувомесните производи и месните преработки.

Сувомесните производи, саламите, виршлите и паштетите се прават од месо со лош или сомнителен квалитет, а во нив имате неизоставно е изобилството од конзерванси, адитиви и маснотии. Освен тоа содржат големи количества сол што има штетно влијани на метаболичките процеси во организмот.

Совет. Доколку сте љубител на ваков вид на намирници обидете се да ги  конзумирате не повеќе од еднаш неделно.

Потребно е родителите кај децата од најрана возраст да им направат навика да ги избегнуваат сувомесните производи и месните преработки. Нема дилема – без оглед на видот, производителот или земјата на потекло, овие производи не би требало да бидат дел од нивната секојдневна исхрана.

Не е лесно да се каже дали  и колку се сувомесните производи и месни преработки штетни, но слободно можеме да заклучиме дека немаат позитивно влијание на човековото здравје.

Соја

Штетна скоро за ситеособено онаа што е генетски модифицирана. Не е пожелнодецатада ја консумираат во ниеден облик. Се наоѓа во повеќе видови леб (како брашно), во пецива, како растителен протеин во вегетеријански паштети. Во денешно време се наоѓа во соро секоја процесирана храна.

Кај мажите влијае во продукција на тестостерон и стимулира создавање естроген. Оваможе да доведе до намалување на мускулната маса, намалена сексуална желбапа дури и  зголемување на градите. Континуирана конзумација може да доведе до пореметување на функцијата на штитната жлезда. Кај жените може да го поремети хормонскиот систем што може да имплицира  пореметен менструален циклус, неплодност па дури и да предизвика тумори во градите. Сојата кај машките деца може да предизвика феминизација а кај женските до прерано созревање на полните карактеристики односно преранПМС.

Овие прехрамбени производи стануваат доминантен избор на потрошувачите,  а особено на родителите кои оваа храна ја бараат за своите деца, поттикнати од  убавите реклами на електронските медиуми. Купуваме дизајнирана храна без живот, убава на изглед, вкусна, но полна со шеќери, масти, конзерванси, бои, ароми, емулгатори и адитиви, a без било каква хранлива вредност.

The post Многу чести а толку многу штетни намирници на кои треба да обрнете особено внимание appeared first on Аптеки PlusPharma.

Папајата е богата со биолошки активни соединенија од кои главна компонента е папаин. Концентрација на активни супстанци варира, во завист од делот на растението. Екстракт од сушени лисја од папаја има антиканцероген ефект, и тоа против широк спектар на тумори, вклучујајќи ги рак на грлото на матката, градите, црниот дроб, белите дробови и панкреасот. Плодот може да се јаде свеж и како суво овошје. Богат извор на витамини А и Ц и калциум, го подобрува варењето на храната и го чува имунолошкиот систем.

The post ПАПАЈА appeared first on Аптеки PlusPharma.

Каде се родителите во оваа приказна? 

Изгубени во постојаната бркотница по време и по пари, сосема забораваат на себе и на својот сопружник. Некои забораваат и какви личности биле и што правеле пред да го зголемат неколкукратно своето семејство. И точно, да се создадат деца и да се израснат во благородни личности е најголемиот благослов и подарок што може некој да си го подари себеси или на светот, но не и причина да се изгуби или да се заборави сопствениот идентитет.

За среќни и здрави деца, потребни се среќни и здрави родители

Затоа што, за да се создадат среќни деца, потребни се среќни родители. Ако ги послушате експертите или родителите кои практикуваат да се грижат и за себе, а не само за своите деца, ќе видите дека за да имате среќно семејство, потребно е да се негувате себеси и бракот истовремено. Типичен пример за ова се Данците, Холанѓаните и останатите скандинавски народи, кои важат за оние кои живеат по овој принцип. Данска е неколкупати по ред прогласена за најсреќно место за живеење, а Данците за најсреќен народ во светот, а децата во Холандија се најсреќните деца во светот според „Уницеф“.

Тогаш, во што е тајната и кои се  нивните правила и навики?

Данците, на пример, не го претпочитаат тепањето како дисциплинска мерка. Напротив, користат емпатија за да се поврзат со децата, означувајќи јасни граници, но избегнувајќи ултиматуми или барајќи послушност. Родителите работат на развивање на заемната почит со децата, објаснувајќи им ги причините зад поставените правила и смирено одговарајќи на проблематичното однесување кај децата. Ако, како родител, чувствувате дека ја губите контролата над ситуацијата, тогаш е подобро да си дадете пауза. Ако родителот е смирен, и децата ќе бидат смирени. Ако детето поминува низ изливи на бес, тогаш вие мора да го водите и да го извлечете од тоа, без самите да одговорите со бес и со лутина. Затоа, оставете го детето да ги искаже емоциите и порачајте му да дојде кај вас кога ќе биде подготвено за разговор. Доколку вниманието не е насочено кон него, најверојатно и плачот побрзо ќе престане и побрзо ќе може да се поразговара зошто сето ова се случило и како да не се повтори. И точно, секое дете е различно, има полесни и потешки деца за справување, и не постои едно универзално решение на проблемите, но никој никогаш не рекол дека да се биде родител е лесна и едноставна работа. Меѓутоа, доколку постојано работите на развојот на сопствената личност (човекот учи додека е жив, нели), полесно ќе ви биде и справувањето со фазите на развој на сопствените деца. Семејството се создава и се гради во текот на целиот живот, како што се развива и идентитетот на вашите деца.

Родителската улога има почеток, но нема крај, и не е воспитување само во периодот кога децата се вознемирени или кога го тестираат нашето трпение. Како им приоѓаме во периодот кога се мирни, исто така директно влијае на нивната благосостојба, но и на тоа како тие ќе реагираат на средината околу нив и колку ќе имаат разбирање и сочувство за другите луѓе.

Времето поминато заедно е особено важно

За Данците, многу е важно времето поминато заедно. И тоа не е тренд, туку е секојдневен начин на живот. Точно се знае и се почитува работното време на родителите, така што секојдневно останува доволно време за дружење. Притоа, децата не се запишани на безброј активности надвор од училиштето. Без разлика дали се тоа семејни оброци, прошетки во природа, семејна игра за забава или некој направи сам проект, децата кои имаат редовни дружења со своите родители имаат поголема самодоверба и се посреќни.

Поддржете ја нивната самостојност и независност

Покрај честото дружење, на децата им овозможуваат да станат независни, така што сметаат дека слободната игра сами надвор или дома е клучот за среќно детство. Дури и да бидат авантуристи. Децата најмногу учат едни од други. Дополнително што дружењето со деца на различна возраст им помага во градењето на самодовербата и им дава чувство на контрола над ситуацијата. Помалите учат од поголемите, а поголемите учат како да се грижат за помалите. Кога детето се дружи со помали деца, учи да биде лидер, но кога се дружи со поголеми – учи да следи, а тоа се подеднакво битни процеси во развојот на децата. И доколку дојде до конфликт во детската игра, и почувствувате дека треба да се вмешате, почекајте малку. Не секоја ситуација бара ангажман на родител. Децата сами треба да го најдат решението, а притоа ќе ги градат своите способности за преговарање.

Бидете искрени со децата

На пример, кога вашето дете ќе ви го донесе сопственото „ремек-дело“ од цртеж, наместо само да го фалите колку добар уметник е, подобро е да развиете дискусија со него што е точно нацртано, зошто е тоа нацртано, зошто се одбрани тие бои… Истражувањата покажуваат дека децата на кои постојано им било кажувано дека се паметни, полесно и побрзо се откажуваат кога ќе се соочат со тешки ситуации како возрасни. Фалете ги, но со мера, и фалете го процесот и вложениот труд, а не нивната способност.

Одвојте време за себеРодителите треба да одвојат време за себе, и поединечно и како пар. Ако обврските не дозволуваат еднаш неделно, тогаш барем еднаш или двапати месечно разгалете се со заедничка вечера надвор од домот. А, бидејќи тоа некогаш може да биде технички неизводливо (нема кој да ги чува децата), или ве оптоварува финансиски, тогаш можете да организирате романтична вечера дома. Заспијте ги децата, згответе го омиленото јадење, исклучете го телевизорот, запалете неколку свеќи, пронајдете ја темата за разговор и вашето време за релаксација може да започне.

Многу брачни парови сметаат дека бракот им е јак затоа што многу ретко или воопшто немаат конфликтни ситуации. Но, вистинскиот убиец на бракот е, всушност, отуѓувањето меѓу сопружниците за сметка на мирот во домот. 

Се посветувате на работата или на родителството за да избегнете справување со ситуации што можат да доведат до конфликт. Децата најмногу го чувствуваат губењето на блискоста меѓу родителите. Децата од вакви бракови полесно може да се најдат во проблематични ситуации, да имаат академски проблеми или проблеми со однесувањето, за разлика од децата кои израснале со среќни родители. Замислете ја вашата врска како емоционална средина во која вашите деца живеат. Како што посакувате да дишат чист воздух и да пијат чиста вода, така треба да израснат и во средина полна со љубов.

The post Среќни родители – среќни деца appeared first on Аптеки PlusPharma.

По потекло, пиперката е од Јужна Америка, но денес е домаќин и се одгледува речиси насекаде. Во зависност од поднебјето каде се одгедува, може да има карактеристични форма и мирис, а се наоѓа и во различен колорит и тоа светлоцрвена, црвена, портокалова, зелена, бледожолта, жолта. Главната поделба можеби се однесува на тоа дали се лути или благи. Од ова зависи и каде и на кој начин ќе се консумира, и какви лековити својства поседува.

Пиперката содржи 4-5 пати поголема концентрација на витамин Ц од портокалот и лимонот. Количеството на витаминот Ц изнесува околу 100-250 мг во 100 г свежи пиперки.

The post ПИПЕРКА – скромна, а сепак важна appeared first on Аптеки PlusPharma.

Витамин на плодноста

Витаминот Е има позитивно дејство врз целиот организам и има значајна улога за правилно функционирање на жлездите со внатрешно лачење, особено на функцијата на половите жлезди. Витаминот Е учествува во формирањето на репродуктивните клетки и ја подобрува плодноста и кај двата пола. 

Моќен антиоксидант

Витаминот Е е најважниот антиоксидант растворлив во масти. Тој ги штити структурите на клеточните мембрани од влијанието на слободните радикали, се бори против воспалителните процеси и, на тој начин, природно го забавува стареењето на клетките. Благодарение на неговиот антиоксидантски ефект и неутрализирањето на слободните радикали, витаминот Е помага во спречување на оксидацијата на холестеролот и едновремено ги штити крвните садови од оштетување. 

Благодат за кожата

Витаминот Е има многу значајна улога во одржување на здравјето на кожата. Ја намалува инфламацијата во телото и помага во одржувањето на здравата кожа. Исто така, витаминот Е е значаен за заштита од изгореници од сонце, побрзо заздравување на раните, намалување на акните и брчките, а заедно со витаминот Ц, може да делува и на подобрување на симптомите на егзема. Поради овие својства, тој е главна состојка во многу козметички продукти за нега и против стареење на кожата. 

За добар вид

Витаминот Е со други антиоксиданти, како бета-каротинот, витаминот Ц, селенот и цинкот, покажува извонреден ефект за заштита на функцијата на очите и за превенција во појава на макуларната дегенерација и катарактата.

За физичката издржливост и мускулната сила 

Витаминот Е значајно влијае на подобрување на физичката издржливост преку подобрување на циркулацијата и енергијата. Значително  помага и во намалување на нивото на оксидантскиот стрес на мускулното ткиво по физичката активност.

Редовното и соодветното внесување на витаминот Е преку разновидна и избалансирана храна може да превенира и да помогне во подобрување на состојби како:

• акни 
• атеросклероза
• астма
• дијабетес
• епилепсија
• неплодност
• менопауза
• мигрена
• остеоартрит
• катаракта
• мозочен удар

Извор на  витамин Е
Витаминот Е е распространет во природата, особено во растителниот свет. Најмногу е застапен во растителните масла, јаткастите плодови како бадеми, лешници, ореви, зеленчукот со зелени листови како спанаќот, житарките, семките од сончоглед и тиква, сладок компир и авокадо. Во местото се наоѓа само во незначителни количества.  Никулците на житарки, растителни масла и маслодајните семиња се најбогатиот извор. Храната богата со витамин Е најдобро е да се консумира свежа. Со готвење се губи 50-90% од витаминот. Храната богата со овој витамин треба да се чува добро затворена, поради чувствителноста на кислород и можноста за оксидација. Се смета дека депото на овој витамин се наоѓа во масното ткиво. Високи концентрации се наоѓаат во црниот дроб, срцето, мускулите, тестисите, матката, надбубрежната жлезда и хипофизата. Се ослободува бавно и за целосен терапевтски ефект се потребни два до три месеци. Животните и човекот не се во состојба да го синтетизираат овој витамин.

Препорачани дневни дози на витамин Е
Адолесценти и возрасни – 15 мг
Деца и помали тинејџери – 6-11 мг дневно
Доилки – до 19 мг 

Недостаток на витамин Е
Иако е сосема ретко, при недостаток  на витамин Е може да се појават следниве симптоми: слабост на мускулите, проблеми со видот, нестабилно движење, анемија, проблеми со варење на храната.

The post ВИТАМИН Е – витамин на младоста и убавината  appeared first on Аптеки PlusPharma.

Карфиолот има ниска калорична и, во исто време, голема хранлива вредност. Тој  е одличен извор на витамин Ц, витамини од групата Б, фолна киселина, минерали и други елементи. Вака „набилдан“со биолошки вредни компоненти, карфиолот се вбројува во редот на намирници кои е пожелно редовно да се присутни во нашата исхрана. Карфиолот како намирница, има изразено антивоспалително дејство, богатството на диететски влакна го чини важен за добра дигестија и за здрав систем за варење. Ги поддржува когнитивните функции, и игра важна улога за здравјето на мозокот.

The post КАРФИОЛ appeared first on Аптеки PlusPharma.

Правила на игра
Одбојката е спорт кој изобилува со брзина, експлозивност и сестрани движења на телото. Од играчите се бара брза реакција, концентрираност и моментална снаодливост. Главна одлика на денешните одбојкари се снагата и висината, а примарно, за успех на една екипа, е сложната и тимска игра.
Одбојката е тимска (групна) игра, составена од по шест играчи кои своите сили и воиграност ги „одмеруваат“ на теренсо големина од 18х9 метри, на средината поделен со мрежа.
Целта на секоја екипа е да ја „забие“ топката во теренот на противничкиот тим, за тие да не можатда успеат да ја вратат. Екипата смее топката да ја допре трипати во еден поен, но ист играч не смее да ја допре топката двапати едноподруго.

Дали одбојката е за мене?
Одбојката е спорт за секого и рекреативно може да биде добра друштвена игра, практикувана во текот на целата година. Особено популарна е одбојката на плажа, каде и не се бара посебна подготовка или пак точно утврдена екипа како што наложуваат правилата.
За професионално практикување на овој спорт, сепак, се потребни одредени предиспозиции, како  телесни така и ментални, но со добро утврдени тренинзи и со стручно водство потенцијално секој од нас може да биде добар одбојкар.

Корисна и за двата пола
Генерално, според статистиката, одбојката е повеќе примамлива за  жените отколку за мажите.
Како и кај повеќето спортови, бенефитите од практикувањето на одбојката се повеќекратни по телесното и менталното здравје.
Спореднеофицијалните статистички податоци, 95% од денешните деца имаат почетокна телесни деформитети (рамни табани, слаби мускули кои го држат ’рбетниот столб, неразвиена моторика на движења…) кои не се поврзани со наследниот фактор туку со влошениот начин на живеење. Како што детето мора да научи да зборува, тоа мора да научи и да ја развива својата моторика. Практикувањето на одбојка поттикнува работа на останатите физиолошки процеси во организмот. Освен тоа, одбојката има големо влијание на емотивниот развој на детето – развој на чувствоза самодоверба(детето ги совладува препреките кои во почетокот не успевало), задоволство и чувство за припадност на групата.

Активностите на одбивање и додавање на топка, карактеристични за одбојката, се често корисни како вежби за превенција и исправање на деформитетите на ’рбетниот столб.

Придобивките од одбојката се:
– да придонесе во општиот и специфичен биомоторички развој
– да придонесе во развојот на моторните навики и знаењата карактеристични за одбојката
– да придонесе за формирање позитивни морални и волни особини
– да овозможи корисна, здрава забава и разонода, како и заштита од негативни влијанија

Правилното држење на телото е важно за физичкиот, но и за психичкиот здравствен статус. Повеќето движења во одбојката придонесуваат за симетричен развој на мускулатурата кај оние што го практикуваат овој спорт. Не случајно се препорачува на родителите,чии деца имаат проблеми со неправилно држење,да се занимаваат со одбојка.

Одбојката дава можност за докажување на сопствените способности прекуспортот, дозволувајќи афирмација на сопствениот идентитет, социјализација и доживување на одбојката како одличен избор за исполнување на сопственото слободно време.

Одбојката е аеробен спорт, па, во согласност со ова, е одлична за сите оние со вишок телесна маса бидејќи го поттикнува топењето на масните наслаги.

The post ОДБОЈКА – совршен тимски спорт appeared first on Аптеки PlusPharma.

Потекнува од Јужна и Средна Америка, коe било култивирано уште за време на владеењето на Ацтеките и Инките. Во Европа, прв пат е донесен на подрачјето на Шпанија и Португалија кон крајот на 15-тиот век.
Поради својата енергестска, хранлива и лековита вредност станал омилена салата, храна и прелив. Денес е дел од секојдневната медитеранска кујна, бидејќи одлично се комбинира со голем број приготвени јадења, како што се тестенини, ориз, сирење, јајца, месо и риба…Доматот е сезонско овошје, кое се одгледува во период од мај до октомври, но благодарение на стаклените градини може да се најде во текот на цела година.

Зошто домат?
Ниската калорична вредност во комбинација со високите вредности на анти-оксидансните материи вклучувајќи го и ликопенот го прават овој продукт едноставно перфектен .Ликопенот е моќен антиоксиданс, кој го штити човековото здравје од многу болести. Заслужен е и за раскошната црвена боја, која го прави и попривлечен. Нашето тело неможе само да создаде ликопен, па затоа е потребно да се внесува со исхраната. Иако, останатото овошје и зеленчук ја содржи оваа важна состојка, ниедно од нив неможе да се спореди со доматот.

Ризница на витамини и минерали
Доматот е нискокалоричен, богат со билни масти, јаглехидрати и витамини А, B C, D, и K, додека минерали застапни во доматот се: железо, калиум, магнезиум, калциум, натриум и фосфор. Содржи високи концентрации на лутеин, минерални соли, хлорогенска, кофеинска и ферулинска киселина како и бројни други корисни состојки. Во мали количини содржи и ретки минерали како манган, бакар, бор и кобалт.

Ликопен – чудотворна состојка на доматот
Ликопенот е одговорен за големиот интерес за проучување на доматот. Поради тоа се спроведуваат се повеќе истражувања на тема лековитоста на доматот.
Докажано е дека внес на големи дози ликопен може да спречи рак на црева, рак на грло на матка и многу други врсти на тумори. Делува против алергии, артритис, анемија, астма, срцеви болести и болести на крвни садови, егземи, истегнати мускули и лигаменти, го зајакнува имунитетот , како заштита на  организмот од инфекции и настинки. Докажано е и дека е делотворен во превенција на тумор на простата, па поради тоа е пропорачливо машката популација да конзумира во поголеми количини. Продолжениот список на заболувања кај кои се препорачува  доматот се: мигрената, остеоппроза, покачен холестерол во крвта, катаракта, висок крвен притисок.

Сокот од домат, го смалува ризикот за слепување на тромбоцитите и на тој начин спречува тромбоза, особено кај заболени од дијабетес тип 2. Познато е дека дијабетичарите имаат зголемен ризик од созадавање на тромб, кој во понатамошниот тек на болеста е најчест причинител за инфаркт на срце и мозок.

Најдобар пријател во борба против стареење
Благодарение на високите концентрации на ликопен и витамин Ц, доматот по мислење на стручни истражувачи претставува најдобра храна против стареењето. Овие две сосотојки се совршено складни во борба против слободните радикали, со што ликопенот ги одржува ткивата помлади и еластични, додека витаминот Ц како антиоксиданс го зајакнува имунитетот и го штити организмот од инфекции. Здружени заедно, ликопенот и витамин Ц, претставуваат вистински еликсир за убавина и младост. Ликопенот е исто така и каротеноид, па затоа добро е и да се конзумира во поголеми количини и за време на изложување на кожата на сонце

Целогодишна намирница
Иако е сезонски одгледувана билка, на нашите простори  може да се најде во текот на цела година во свежа состојба а исто така и како конзервиран во разни форми. Најдобро е кога се конзервира без адитиви,  шеќер и вештачки бои и обработен исклучиво по механички пат, со ладна постапка без загревање. Доколку  е приготвен во комбинација со маслиново масло, се смета за вистински еликсир.
Интересно е дека е здрав и во приготвена состојба, бидејќи при приготвењето искористеноста на ликопенот расте, а не се смалува.

500ml на доматен џус на ден се доволни за да се добијат бенефитите од ликопенот.  Една чаша на ден редовното конзумирање на на доматорт во исхраната  има огромен потенцијал да не направи, поздрави и помлади.

The post ДОМАТ – Господар на трпезата и здравјето appeared first on Аптеки PlusPharma.

Се случуваше со денови да не се напијам ниту една капка вода, а да пијам некакви сокови под мотото дека имаат витамини, минерали (особено оние стопроцентните), па често дома имавме вакви сокови кои ги купувавме со пакети. Можеби ќе се случеше да се напијам вода кога ќе јадам солена храна, со или по јадењето. Никогаш не ми доаѓаше потреба да се напијам вода во утринските часови, ниту пак кога бев гладна. Јас,едноставно,немав навика да пијам вода. Дури мислев дека утринските отечени дланки на рацете и високиот крвен притисок ќе ми се влошат ако пијам вода наутро. ПОГРЕШНО!!! Зошто? Зошто ова мислење е погрешно? Зошто луѓето немаат потреба да пијат вода?! Зошто некои луѓе се постојано жедни? Во основа, човекот е 2/3 вода или приближно 66% вода. Повеќето луѓе не можат да живеат без вода повеќе од 4 дена. Во нормални услови (при нормална температура и здрав организам),за едно деноноќие телото губи над 2,5 литри вода преку урината, преку кожата. При физички активности, при повисоки температури на воздухот,секако,оваа количина на изгубена вода е многу поголема. Природно и нормално е да се грижиме да го надоместиме она што го губиме, па така,сосема е нормално оваа загуба на вода по природен пат да ја надоместиме. Само така нема да дозволиме нашето тело да биде постојано дехидрирано, а дехидрираното тело е болно тело.

Д-р Ф. Батманхелич (F. Batmanghelidjs), автор на книгата „Вашите тела многу плачат за вода“ (Your Bodys Many Cries for Water),„You’re not Sick You’re Thirsty“(Вие не сте болни вие сте жедни), ги поврзува следниве заболувања кои се автентични за хронично дехидрирано тело: гастритис, чиреви во гастроинтестиналниот тракт, болки во зглобовите, астма, алергии и многу други заболувања. Д-р Батманхелич бил политички затвореник во ирачките затвори и таму навистина лекувал и излекувал огромен број затвореници само со терапија со ВОДА. Тој вели:„ Вие не сте само тоа што јадете, вие сте тоа што пиете!!!“. Тој става нагласка на важноста на водата со фактите – мускулите се составени од 75% вода, нашата крв која е преносител на сите хранливи материи до секоја клетка е составена од 82% вода, белите дробови што ни го даруваат неговото височество – кислородот се составени дури од 90% вода, нашиот ценет генерален директор – мозокот во составот содржи 76% вода, па дури и нашите цврсти коски во составот имаат 25% вода. По повеќе децении истражување, д-р Батманхелич доаѓа до заклучок дека во оптимални услови при оптимална телесна тежина, потребата на нашето тело за вода е минимум6 до 8 чаши на ден.

Почнете го денот со чаша вода

Јас секое утро го почнувам со пиење една чаша вода. Потоа,истовремено пијам вода и јадам некој свеж овошен плод (вообичаено јаболко). Ова ми е редовен ритуал пред да излезам од дома, ритуал кој значи дека сум ја направила хигиената и однатре, а не само хигиена однадвор,како миење лице, заби, тело. Е, вака,на здрав начин го почнуваме денот –  чисти и однадвор и однатре – многу едноставна утринска процедура која ни ги буди телото и духот. Потоа работејќи, извршувајќи ги активностите до 14 часот, кога правам пауза, чаша по чаша испивам околу 1,5 л вода. Јас воопшто не ги бројам чашите, туку едноставно чувствувам потреба да ја испијам таа вода. Во почетокот кога почнав да се УЧАМ да пијам вода, буквално со сила ги броев чашите, но за кратковреме, таквото, да речам, насилно пиење вода премина во навика. По оваа фаза на навика, доаѓа фаза која е веќе мое секојдневје, а тоа е природна ПОТРЕБА од пиење вода. Отоците на дланките ги немам, притисокот ми е нормален, но тоа,секако,се должи на комплетно сменетиот начин на исхрана со кој живеам веќе повеќе од петнаесет години.

Дали чаевите, кафињата, безалкохолните напивки се сметаат за добра замена на водата?

На ова прашање може да се одговори надолго и нашироко, но здравиот разум ми вели дека само вода (покрај нафтата) извира од земјата и само во водата семето ‘рти, гранчињата пуштаат корени.Можеби некој има некое друго сознание?! Секако дека некогаш ќе се напиеме и други напивки, но тие не се неопходни на нашата клетка. Претпочитајте вода пред која било друга напивка. Бубрезите ќе ви бидат благодарни бидејќи со помош на водата тие подобро ќе ја прочистуваат крвта и ќе ги елиминираат отпадните соединенија преку урината. Опстипацијата (запекот) ќе биде минато ако секојдневно ја дружите водата. Кожата ќе биде мека и чиста, а коските благодарни затоа што со водата им се одржува еластичноста, врзното ткиво ќе биде исполнето, а не да се губи, да се рони, да се калцифицира. Да не заборавиме дека водата нè прави среќни и здрави,не само кога ја пиеме или ја апсорбираме преку свежите овошја и зеленчуци, туку и кога уживаме во неа преку пливање, туширање, парни бањи, хидромасажи… Зар не сте ја почувствувале силата на хидротерапијата со само едно утринско плискање на лицето со студена вода или туширање со наизменични млазови од студена и топла вода, утринско пливање во базен или езеро, море. Колку што повеќе ја почитуваме, толку повеќе од неа добиваме здравје, енергија, долговечност.

Каква вода да пиемеи од каде?

Најчесто прашање е токму ова. Најдобра вода е природната, онаа од планинските извори, од врелата, од кладенците, но со оваа вода во градовите, за жал, не можеме да си уживаме. Останува тесен избор: вода од чешма, купена вода во пластични шишиња или по можност, да се полни од извори надвор од градот. Секому му е познато дека водата од чешма има многу состојки (како што е хлорот), кои се додаваат за да се уништат одредени патогени микроорганизми. Водата одчешмите има бигор, таа минува низ дотраените цевки кои дополнително го зголемуваат загадувањето. За да добиеме чиста вода од нашата чешма, секако треба да користиме апарати за механичко и хемиско прочистување на водата и така ќе добиеме здрава и квалитетна вода за пиење од нашата чешма. Затоа,чинам дека овие апарати кои ќе ни донесат здравје преку квалитетната вода за пиење од нашите чешми нема ни случајно да биде луксуз,туку ПОТРЕБА.
Што се однесува наводата која ја купуваме, по можност да ја купуваме во стаклени шишиња и да купуваме одвреме-навреме разновидни видови вода, бидејќи секоја од овие води содржи одреден процент на минерали, за да не се дојде до хипо или хиперминерализација. Многу нешта останаа недоречени за водата, тоа е неисцрпна тема за истражување, но едно знам–водата е живот.

Почнете го денот со пиење една чаша вода. Секој ден да се пие околу осум чаши вода,а во жешко време и при вежбање да се пие повеќе.
Да не се пие вода додека се консумира готвено јадење и да се чека два-три часа, па да се пие вода.

Серт. нутр. Цвета Динева
ЦД  ДИЕТ КЛУБ СКОПЈЕ

The post ВОДАТА – ФАКТОР ЗА ДОБРО ЗДРАВЈЕ И ЗДРАВА ДОЛГОВЕЧНОСТ appeared first on Аптеки PlusPharma.

Никогаш не е прерано да се започне со овие разговори, затоа што децата од најмала возраст треба да знаат дека запознавањето на сопственото тело и сексуалноста се нормален дел од животот. И колку подобра основа поставите, толку полесни ќе ви бидат вам како родител сите подоцнежни и посериозни разговори на овие теми.

Отворени за сите прашања
Најважната работа што треба детето да ја научи е дека вам може да ви се обрати за било каква информација, без да почувствува срам или страв затоа што темата е малку скокотлива. Важно е да бидете подготвени да одговорите на нивните прашања, па дури и “не знам” е подобро од одбегнување на темата. И сигурно нема да биде само еден разговор, во кој сте успеале или можеби не, да дадете правилни одговори. Како детето расте и се развива, така ќе се развиваат и вашите разговори за сексуалноста. Важно е да запамтите дека секусалноста не е поврзана само со секс. Сексуалноста е поврзана со чувствата на детето за сопственото тело што се менува постојано, за тоа како детето ги разбира и изразува чувствата на интимност, приврзаност и љубов за и кон другите, врз основа на што развива и одржува нормални односи со луѓето.

Кога да се започне?
Зависно од возраста на детето, еве неколку совети за што, кога и како да разговарате за да бидете што повеќе разбрани.

0-2 години
Заборавете на бебешкиот говор. Со употреба на вистинските зборови од најмала возраст во секојдневните ситуации (на пр. за време на капење или при облекување) постепено запознавајте го детето со сите делови на телото, вклучително и гениталиите.

2-3 години
После 2-рата година поголемиот број деца стануваат љубопитни за своето тело и за телото на другите деца. Забележуваат дека телата на момчињата и девојчињата се разликуваат, и почнуваат со прашањата Зошто? и Што е тоа?. Можеби ќе ви биде полесно доколку се послужите со книга со слики преку кои ќе им ги покажете разликите во телото, како се викаат различните делови и која им е основната функција.

4-5 години
На оваа возраст почнуваат со прашањата за бебињата. Ако детето праша од каде дојдов јас? Можете да прашате какво е твоето мислење за ова? За да разберете што всушност сака да праша и колку разбира. Секогаш е добро да давате што поедноставни одговори со вистинските зборови.

6-8 години
Откако одговоривте од каде доаѓаат бебињата, следното можеби најчесто прашање на оваа возраст е како бебињата се најдоа таму? Колку и да ви звучи чудно или претерано, најдобро е ако им ја кажете вистината веднаш. Секој ваш одговор што нема да биде директен и едноставен, само ќе ја влоши ситуацијата, ќе ги остави збунети со повеќе прашања што чекаат на ред.

Воведување во пубертет
Пожелно е, без да ги чекате првите прашања од детето, да го запознаете со следниот период на промени – пубертетот. Детето треба спремно да ги дочека промените: како првиот менструален циклус, појавата на срамните влакна, зголемување на градите, продлабочување на гласот итн. И да му се објасни дека порано или подоцна сите деца поминуваат низ овие промени, и дека ако е меѓу првите во неговото одделение, не треба да се срами, но да биде спремно да ги дочека закачките од другарите.

Децата денес се постојано изложени на влијание од медиумите, и позитивно и негативно. Не сите пораки за сексот се негативни. Родителите наместо само да го забранат или ограничат пристапот до овие пораки, треба да ги искористат како можност и да ги запознаат децата со вистинските, семејните вредности на врските и обврските што ги носи со себе самата сексуалност.

Што е нормално, а што не?
Деца од една до три години – нормално сексуално однесување
Можеби ќе биде малку збунувачки кога ќе го видите за прв пат, но следново е сепак нормално за оваа возраст:

• – да ги допира или трие гениталиите
• – да ги покажува гениталиите на некој друг
• – да ги гледа или допира гениталиите на другарчињата за време на игра, заедничко капење или во тоалет
• – да ги кажува на глас и повторува имињата на гениталиите
• – обожава да биде голо
• – покажува интерес за делови од телото и како функционираат.

Особено е важно како ќе реагирате првиот пат кога ќе го видите своето дете како се допира или трие. На смирен начин треба да му објасните што прави, каде и кога тоа може да го прави. Дека одредени делови од телото како гениталиите се приватни делови и не треба да ги покажува било каде. Не можете и не треба да го одвикнувате од допирањето или триењето на гениталиите, но треба да му објасните дека доколку тоа го прави често, на крај може да заврши со болка и црвенило.

Деца на предучилишна возраст – нормално сексуално однесување

– допирањето може да премине во мастурбирање, иако за детето постои само чувството на задоволство поради кое го прави истото, без да знае што тоа значи

– се држи за рака со другарчињата, споделува по некој бакнеж

– игра „Покажи ми го твоето и јас ќе ти го покажам моето“ со што ги споредува гениталиите со другарчињата

– игра мајка и татко, или доктори и сестри

Сето ова го прави затоа што се чувствува добро, затоа што репродуцира тоа што слуша и гледа, и така ја запознава средината, а со тоа ги тестира и границите на своите родители и околината.

И повторно, вашата реакција треба да биде смирена со многу разбирање и објаснување, и одвлекување на вниманието на детето со друга игра.

Деца на училишна возраст – нормално сексуално однесување
Допирањето и мастурбирањето останува, но се појавува срам кај детето (особено ако го фатат на дело), се повлекува повеќе во својата соба, не сака никој да го види голо, а споредбата со другарчињата се сведува на големина или облик на органите, не само на присуство. Некои родители се среќни со ваквото однесување на детето, но некои не се, иако сето ова во умерена количина е нормална појава и не треба да се негира.

The post ПОЛОВА ЗРЕЛОСТ – Што децата треба да знаат и кога е најдобро време да им се каже appeared first on Аптеки PlusPharma.

Кога започнува доењето
Првото доење, доколку здравствената состојба на мајката дозволува, треба да биде во првите триесет минути по породувањето. Практично доењето со мајчино млеко започнува половина час или не подолго од 6 часа после рагањето и бебето почнува да се храни со т.н. прво млеко или колострум –  жолтеникава течност богата со хранливи и заштитни елементи. Колострумот е полн со антитела кои го штитат бебето од микроорганизми и го смалуваат ризикот  од алергии подоцна во живитот. Од вториот до шестиот ден на лактацијата бебето се храни со т.н преодно млеко, а од 7 ден до три недели од лактацијата се формира веке т.н. зрело млеко кое понатаму ги задоволува сите потреби  на Вашето бебе.

Уникатно по својот состав
Мајчиното  млеко содржи белковини од сурутка и казеин, јаглени хидрати во облик на лактоза, масти вклучувајки ги и полинезаситените масни киселини со долги ланци (многу важни  за развојот  на мозокот на Вашето  бебе), витамини и  минерали. Мајчиното  млеко ги  задоволува потребите  на Вашето  бебе да  може  да  расте и нормално да се развива, помага во развојот на имунолошкиот систем на бебето и го штити од болести. Така бебињата хранети со  мајчино млеко помал е ризикот од

Економски еколошки и општествени предности
Освен што е најдобра храна мајчиното млеко е синоним за инсттинкт, запознавање, препознавање, блискост, сигурност, љубов, заштита, безгришност, задоволство. На крај мајчиното млеко е совршено и достапно веднаш по  раѓањето, секогаш е свежо, има идеална температура, совршено заштитено и секако беплатно. Како најекономична, евтина храна, доењето е корисно и за семејството. Допонителните ефекти на развој на поздрава популација води кон намалени трошоци за здравствена заштита, од што корист има и пошироката општествена заедница.

The post МАЈЧИНО МЛЕКО – се што му е потребно на вашето доенче appeared first on Аптеки PlusPharma.

Што е дијареа?
Дијареата обично се смета за состојба која се карактеризира со честа дефекација и со  промени на структурата и конзистенцијата на столицата. Дијареата е предизвикана од зголемена секреција на течност во цревата, намалена апсорпција на течност од цревата или брз премин на столицата низ цревата. Генерално при дијареа, столицата е потечна, без разлика дали фреквенцијата на движењата на дебелото црево се зголемени или не. Може да варира од мека до водена. Во основа дијареата е поделена на два вида, акутна и хронична.

• Акутната дијареа трае од неколку дена до една недела.
• Хроничната дијареа може да се дефинира на неколку начини, но обично трае повеќе од три недели.

Важно е да се направи разлика помеѓу акутна и хронична дијареа, бидејќи тие обично имаат различни причини, бараат различни дијагностички тестови и различен третман.

Симптомите кои се поврзани со дијареа зависат од причината и видот на дијареата.

Акутна дијареа
Најчесто дијареата е предизвикана од инфекции на гастроинтестиналиот тракт. Микробите кои се одговорни за овие инфекции вклучуваат:

• бактерии (Салмонела, Кампилобактер, Ешерихија коли)
• вируси (Цитомегаловирус, вирусен хепатитис, ротавирус).
• Паразити како Giardia lamblia и cryptosporidium може да предизвикаат дијареа.

Покрај ова постојат и други причини за појава на акутна дијареа:

• Интолеранција на некој вид храна
• Труење со храња
• Интолеранција на лактоза
• Некоја хируршка интервенција
• Дијареа при патување
• Лекови – многу лекови како антибиотиците, можат да предизвикаат дијареа. Антибиотиците ги уништуваат и добрите и лошите бактерии што може да го уништи природниот баланс на бактерии во вашите црева. Други лекови кои најчесто можат да доведат до појава на дијареа се антациди и магнезуим, диуретици, лекови за намалување на нивото на холестерол во крвта, хемотерапевтици, тироидни хормони, антиаритмици, нестероидни антиинфламаторни лекови.
• Алкохол
• Секојдневен стрес и нервоза

Најчести причини за акутната дијареа (околу 90%) се вирусни и батериски инфекции и паразити.

Симптоми на дијареа
Дијареата може да варира од блага до многу тешка. Благи симптоми се грчеви и надуеност, придружени со многу мека до течна столица, неколку празнења на цревата во текот на денот.
Потешки симптоми претставуваат мачнина и повраќање кои се појавуваат покрај дијареата, а самата дијареа е изразито течна и трае неколку дена.
Кај тешките и опасни дијареи, покрај останатите симптоми, се појавува и грозница,покачена телесна температура и  во самата столица може да се најде слуз, крв и необработена храна.

Кога треба да му се обратите на вашиот лекар:
Иако вообичаено не е сериозен здравствен проблем, дијареата може да стане опасна или да сигнализира кон нешто посериозно. Лекарска помош е неопходна доколку го имате:

• Знаци на дехидратација
• Дијареа повеќе од 2 дена, ако сте возрасен
• За деца, ако трае повеќе од 24 часа
• Тешка болка во стомакот или ректумот (за возрасни)
• Треска од 38⁰ или повисока
• Столица која содржи крв или гној
• Столици кои се црни.

Дали може да се превенира дијареата?
Неколку основни работи можат да бидат корисни во насока да се превенира појава на дијареа. Ова вклучува прттпазливост кон внесување на храна ( особено при високи летни температури) и хигиена. Во таа насока при патувања и посети на други земји:

• Користете само флаширана или прочистена вода за пиење.
• Ако користите вода од чешма, превријте ја.
• Бидете сигурни дека варената храна што ја јадете е целосно подготвена и се сервира топла.
• Избегнувајте масна храна, сосови (особено мајонез), сладоледи и сл
• Избегнувајте да конзумирате немиено  овошје и зеленчук.

Исхрана при дијареа:
За време на дијареа многу е важно  што јадете и пиете. Дехидратацијата од дијареа може да биде дури и фатална. Затоа многу е битно да останете хидрирани и да пиете и да консумирате храна кoja содржи многу течности, а во исто време нема да ги зголеми симптомите на дијареата туку напротив да ги редуцира.

Каква храна и пијалоци не се препорачани за консумирање за време на дијареа?

• алкохол
• млеко
• кафе
• сокови и газирани сокови
• пржена и мaсна храна
• зелка
• брокули
• грав
• грашок
• пченка
• пиперки
•  некои млечни производи

Што треба да се консумира додека имате дијареа:

• Додека се опоравувате од дијареа, треба да се јаде едноставна храна што лесно може да се обработи, и ќе помогне да се апсорбира малку вода од столицата:⎫ житарици, како што се овес,
• пченица или каша од ориз
• банани
• јаболка
• леб или тост
• варен компир
• незачинети крекери
• боровинки

Оваа храна може да биде особено корисна на првиот ден од справувањето со дијареата. Јадењето многу мали оброци во текот на денот може да помогне во зачувувањето на нормалната функција на дигестивниот систем.

Пробиотици
Храната богата со пробиотици, како јогурт и кефир, може да помогне во некои случаи, но во други, пробиотиците може уште повеќе да го иритираат дигестивниот систем. Пробиотиците помагаат во варењето преку подобрување на балансот на добри и лоши бактерии во цревата.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                             

The post АКУТНА ДИЈАРЕА – непријател во летните патувања appeared first on Аптеки PlusPharma.

Морковот има изразено антимикробно (антибиотско) дејство. Во исхраната се користи во текот на целата година. Содржи голема палета на хранливи и лековити состојки меѓу кои како позначајни се: бета-каротин, растителни влакна, витамин Ц,витамин А, витамин Б, витамин Д, железо, калциум, каротеноиди , цинк, терични масла и др. Морковот во исхраната се користи свеж (како салата), варен или обарен (како додаток во супи, во чорби, во јадења без месо или со месо). Се користи и како зачин. Тој се користи и во зима, бидејќи лесно се чува (во фрижидер, во замрзнувач, во подрум). Многу е здрав свежиот сок од морков, било да се консумира сам или со друг сок. Сокот од морков се користи и за облоги во третманот на некои кожни болести. Морковот во себе содржи многу витамини и минерали, а поради антиоксидативното дејство, многу поволно делува на организмот. Тој ја зголемува природната одбрамбена отпорност на организмот,односно го зајакнува имунитетот. На тој начин, морковот е природен лек кој помага при многу заболувања и патолошки состојби.

The post Морков appeared first on Аптеки PlusPharma.

За среќа поголем број од инсектите од нашето поднебје не спаѓаат во категоријата на опасни по живот, но често нивните убоди или каснувања можат да бидат непријатни и да предизвикаат помали здравствени нарушувања. Најчесто се се завршува во форма на јадеж, оток, и црвенило, но во зависност од степенот на пречувствителност некогаш и каснувањето од пчела може да биде смртоносно.
Со цел да избегнеме несакани  непријатности и расипување на летниот мир одредени мерки на претпазливост и секако практични совети за самопомош и олеснување на симптомите доколку веќе се случи каснување можат да бидат од голема помош.

Каснувања од пчели, оси и стршлени

Многу често во летниот период сме мета на каснувања од оси, пчели или пак стршлени. Каснувањата можат да бидат непријатни па дури и живото загрозувачки.

Ладна облога при каснување
Каснувањето од пчела, оса или стршлен предизвикува оток кој се шири околу самото место на каснување, местото е црвено и почнува да трне. Со цел да се спречи ширењето на отокот, најдобро е што е можно поскоро по каснувањето да се стави ладна облога или парче лед.  Со ладењето се смалува отокот а истото придонесува до намалување на болката и јадежот.

Отстранете го осилото
Каснувањата од оса или пчела наизглед се слични, но сепак оној на пчелата е потежок бидејќи е појак алерген. Нивните убоди се разликуваат и по тоа што пчелата испушта повеќе отров и го остава осилото на местото на каснување. Заради ова е важно осилото веднаш да се извади од местото на каснување со помош на ноктите доколку е можно. Притоа да се внимава да не се притисне кесичката со што би се предизвикало излевање на преостанатиот отров.
Осилото на стршленот е подолго и подебело. Обично се верува дека стршленот е поопасен од останатите инсекти. Неговото каснување е поболно но само заради големината и дебелината на неговото осило што природно предизвикува поголема болка. Неговиот отров содржи супстанци кој предизвикуваат поголемо чувство на печење и жарење но во суштина неговиот отров е помалку токсичен од оној на осата.

Анафилактичен шок 
Убодите од оса, пчела или стршлен можат да имаат и драматична завршница. Евентуална појава на анафилактичен шок може да биде и смртоносна. Заради ова после убодот треба да се следи состојбата и навремено да се реагира доколку се појави некоја несакана реакција. Кај некои лица по првиот убод можна е појава на алергиска реакција, која во случај на некое следно каснување може да предизвика бурна реакција фо форма на анафилактичен шок во кој доколку изостане медицинска интервенција може да има сериозни последици.

Дека убодот предизвикал алергија може да се посомневаме доколку се појават јаки болки и отоци, отежнато дишење и краток здив. Анафилактичкиот шок е дополнет со промени на кожата, црвенило   јадеж. Покрај ова чести симптоми се и отоци на слузокожата, јадеж околу очите, носот и устата, понекогаш и отоци на јазикот и устата. Кај потешки случаи настануваат опструкции на горните дишни патишта. Лицата со симптоми на анафилактичен шок треба итно да бидат пренесени во најблиската здравствена установа.
Доколку вие или некој член од вашето семејство сте со утврдена склоност кон појава на анафилактична реакција при убод на оса, пчела или стршлен , потребно е да го имате ова на ум и да преземете дополнителни мерки за претпазливост па дури и носење на сет за самопомош доколку сте далеку од урбана средина.

Каснувања од комарец
Голема непријатност во текот на летниот период, особено покрај водени површини се комарците. За среќа кај нас не се познати случаи на пренос на опасни заболувања како маларија, денга вирус или жолта треска предизвикани од каснувања на комарци. Она што нас ни предизвикува главоболка се каснувањата кој предизвикуваат алергиска реакција во вид на црвенило, оток и многу чешање. Најважно е по каснувањето местото на убодот да не се чеша а јадежот да се неутрализира. За ова од помош можат да бидат сода бикарбона, јаболков оцет и лимон. Важно при користење на овие препарати е да се нанесат благо на местото на каснувањето без претерано втривање на кожата. Од корист во намалување на чешањето може да биде и употребата на босилек. Лист од босилек втријте или ставете го на каснатото место. Ароматичниот лист на босилекот содржи камфор и тимол – компоненти кои ќе го намалуваат чешањето.

Крлеж
Уште еден натрапник чиј убод треба да го разбереме малку посериозно. Покрај алергиската реакција и локална непријатност на местото на каснување, крлежот може да биде и преносник на сериозни заразни болести. Она што е важно при каснувања од крлеж е истиот да го извадиме од телото најбрзо што е можно.
Крлежот не смее да остане на кожата повеќе од 24 часа!

The post ПРВА ПОМОШ ПРИ УБОДИ ОД ИНСЕКТИ appeared first on Аптеки PlusPharma.

ПРИЧИНИ И ВИДОВИ
Причината за појава на алергиски конјунктивитис е пречувствителност на одредени специфични алергени. Постојат неколку подтипови на алергиски конјунктивити.

Сезонски алергиски конјунктивитис.
80% од случаите на алергиски конјуктивитис се токму од оваа група. Се појавува на пролет, касно лето и во есен. Во зимскиот период се смирува што се совпаѓа со животниот циклус на растенијата. Најчести причинители на овој тип на алергиски конјунктивитис се полен од липа, амброзија, бреза, коприва и други.

Целогодишен алергиски конјунктивитис.
На оваа категорија отпаѓа 10% од вкупниот број. Многу често е пратен со кивање и кашлање. Најчести алергени се некои видови на храна, животински влакна од миленичиња, лекови или козметика.

Атопичен алергиски конјунктивитис и вернален алергиски кератоконјунктивитис.
Најчесто се појавува кај момчиња од 5 до 15 години. Има три форми: палпебрална, лимбална и мешана форма. Овде клинички знак се папилите на конјунктивата, промени на лимбус и корнеа кои се видливи на биомикроскоп.
Вернален кератоконјунктивитис претставува хронично, билатерално очно воспаление. Најчесто се појавува кај деца и млади индивидуи почесто машки. Ова е најтешката форма.

Гигантицелуларен алергиски конјунктивитис.
Се јавува најчесто кај пациенти кои користат контактни леќи и очни протези.

Се почести се и таканаречените урбани алергии, односно алергии кои се јавуваат како реакција на загадениот воздух во големите градови.

СИМПТОМИ

Клиничките манифестации на алергискиот конјунктивитис не се разликуваат многу од оние кај конјунктивитис од не-алергиско потекло, односно има чешање, солзење и црвенило на очите и оток на очните капаци. Главната разлика помеѓу сезонскиот алергиски конјуктивитис и целогодишниот алергиски конјуктивитис е времето на појава. Симптомите кај сезонскиот алергиски конјунктивитис се јавуваат во дефинирано време, односно во периодот кога има најголемо присутво на поленски алергени.

КАКО ДА СЕ ЗАШТИТИМЕ?

Профилаксата на изложеност и избегнување на контакт со претходно идентификуваниот алерген е најдобра мерка за превенција. Но, како и кај другите алергиски болести во повеќето случаи е тешко да се изолираме од алергените, со оглед на широкото присуство на алергени во секојдневните активности и во надворешната средината.

ТЕРАПИЈА
Третманот на алергискиот конјунктивитис е не-фармаколошки и фармаколошки. Нефармаколошката терапија се состои од мерки за контрола на животната средина (изложена профилакса), која во повеќето случаи има ограничени ефекти.
Фармаколошката терапија на алергиските конјунктивити е базирана на употреба на вештачки солзи, локални вазоконстриктори, кортикостероиди и  антихистаминици. Терапијата со користење на вештачки солзи  се состои од механичко испирање на алергенот и на тој начин ублажување на воспаленито. Локални вазоконстриктори, делуваат на начин што механички ги стеснуваат крвните садови на очите и на тој начин клиничката слика ја прават помалку драматична. Друга опција на третман се локалните кортикостероиди. Даваат брз ефект, меѓутоа не може долго време да се користат заради можните негативни реакции. Локалните антихистаминици и стабилизатори на мастоцити се најчесто користени препарати за третман на алергиски конјунктивитис директниот ефект  врз воспалителниот процес. Огромна предност е и можноста да се користат долго време и поголемата безбедност која ја нудат.

Др. Светлана Стојковска
Здравствен Дом Скопје, Поликлиника Битпазар

The post Алергиски конјунктивитис appeared first on Аптеки PlusPharma.

ШТО Е ДОБРО?
Избалансираната исхрана, секако, треба да содржи сирова и обработена храна. При обработка на зеленчукот може да сe изгубат одредени нутриенти, како што се витамините Б и Ц, но добро избалансираната храна, која би ги вклучила и двата начини на подготовка, подразбира дека нашето тело ќе ги добие сите потребни состојки. Секако, доколку се обработува, препорака е зеленчукот секогаш да се обработува на пареа и тоа што е можно пократко.Одредени, пак, намирници, при термичка обработка ја зголемуваат содржината на хранливите компоненти. На пример, термички обработени моркови, домат, зелка,  обезбедуваат повеќе антиоксиданси, отколку кога би ги јаделе свежи и во сиров облик.

СИРОВО ИЛИ ВАРЕНО?

Морков

Богатството со бета-каротен гo чини морковот многу важен во исхраната, ако се знае дека истиот е од витално значење за нормално функционирање на многу органи и ситеми во нашето тело. Од одржување на нормален метаболизам, до добар и здрав вид, кожа и имун систем. Истражувањата потврдуваа дека со термичка обработка се зголемуваат вредностите на бета-каротенот во морковот.
Препорака: најдобро варено

Црвена пиперка

Сировата пиперка е одличен извор на витамин Ц. Таа има дури двапати повеќе витамин Ц од портокалот. Витаминот Ц е нестабилен на топлина, па во случај на обработка на пиперката, неговите концентрации ќе се намалат. Јадењето во сирова форма или подготовка на свежи салати со пиперка се идеални за максимално искористување на нејзините вредности
Препорака: најдобро сирово

Домат

Ликопен, пигментот кој му ја дава бојата на доматот, има изразени антиоксидантни карактеристики и со докажани антиканцерогени ефекти. Во однос на неговата расположливост во доматот, утврдено е дека поголеми концентрации на ликопен има во конзервираниот домат кој е обработен.
Препорака: најдобро варено

Брокола

Броколата се смета за изразено здрава намирница. Поседува широк спектар на фитонутриенти корисни за нашето здравје. Сировата брокола има многу повеќе корисни состојки од варената. Топлината оштетува одредени ензими и затоа се препорачува употреба во сирова форма или со многу лесна обработка на пареа. На овој начин ќе бидеме сигурни дека добиваме најмногу од оваа едноставна намирница.
Препорака: најдобро сирово

Спанаќ

Спанаќот е инзвонреден лиснат зеленчук. Богат е со калиум, витамин А и Ц, и други хранливи материи важни за имунолошкиот систем. Зелените лисја се богати со калциум, магнезиум и манган, и сите заедно со улога за здрави и цврсти коски. Листата на неговите здравствени предности е голема, а за истата цел најдобро е да се консумира во сирова форма или лесна термичка обработка на пареа. Обработен, спанаќот се консумира веднаш и не треба повторно да се подгрева.
Препорака: најдобро сирово

Зелка

Преполна е со витамин Ц, калциум, бета-каротен, лутеин и низа други активни компоненти. Зелката ја подобрува дигестијата, делува превентивно кај настинки, кашлица и заздравување на рани. Одличен избор при запек и регулирање на телесната тежина.
Препорака: најдобро варено

Кељ

Богат со витамин А и витамин Ц, и двата важни за здрава кожа и здрав имунитет. При обработка на оваа намирница се губи голем дел од витаминот Ц, па е исправно кељот да го подготвите во што помалку вода и да го обарите сосема малку, и тоа на пареа со додаток на маслиново масло.
Препорака: најдобро сирово

Прокељ

Прокељот е богат со витамин Ц, витамин К, фолна киселина и важни фитохемикалии, заради кои има епитет на потенцијален „убиец“ на канцерогените клетки. Доволно е да консумирате девет главици прокељ на пет дена, и тоа најдобро подготвен на пареа не повеќе од 5 минути.
Препорака: најдобро варено.

Сировата храна е здрава, но најдобро е да направите баланс и да внимавате кои намирници ги внесувате сирови, а кои термички обработени. Со термичката обработка одредени витамини и минерали можат да се уништат, но, од друга страна, пак, многу антиоксиданси се активираат при обработката. Затоа, јадете разновидна храна и балансирајте го внесот на сировите и термички обработените продукти! На овој начин ќе внесете соодветно количество на витамини, минерали и на антиоксиданси. 

The post ОД ЗДРАВО ПОЗДРАВО ПРАКТИЧЕН ВОДИЧ ЗА ОБРАБОТКА НА ЗЕЛЕНЧУКОТ appeared first on Аптеки PlusPharma.

Белиот слез (Althaea officinalis) претставува повеќегодишно зелјесто растение. Се смета дека потекнува од Азија, но го има и во Јужна и Средна Европа, на рамни и влажни предели. Поради својата лековитост се одгледува насекаде ширум светот.

Цвета од јуни до август, а лековити својства имаат коренот, стеблото, листот и цветот. Може да порасне 1-2 метри, стеблото може да биде разгрането, обраснато со густи свиленкасти влакненца, а додека листовите се меки со сребрено-розикава боја. Цветовите се собираат додека цвета, листовите по цветањето, а коренот на пролет или на есен по цветањето.

Коренот се мие, се лупи надворешниот слој, се сече по должина и нагло се суши на тепмература од 40 степени. Кога ќе биде сув, се сече на ситни коцки. Од целото растение, коренот е најлековитиот дел.

Активни компоненти
Растението содржи слуз, скроб, пектин, танин, минерални соли, ензими, растителни влакна, растителни масти, етерични масла, инвертен шеќер, сахароза, скроб, јаглехидрати и фосфати.

Лековити својства
Белиот слез е извонредно средство кое помага во лекување болести на дишните органи. Бидејќи ја раствора слузта и ја обложува слузокожата, го поттикнува искашлувањето и се употребува при настинки, бронхитис, астма, воспаление на белите дробови и на грлото. Се употребува и при проблеми со мочниот меур, бубрезите, при воспаление на дебелото црево, дијареа, цревни болести и сл. Во комбинација со мед, од коренот на бел слез се прави смеса за облоги кои помагаат за акни, гнојни чирови, изгореници, воспаление на очите, апсцеси и сл.

Белиот слез помага и при грчеви во желудникот, опстипација и при инфекции на половите органи.

Свежите здробени листови помагаат при убод од инсекти.

Белиот слез, исто така, може да го употребуваат и пушачите, за намалување на сувата кашлица.

Најчесто од белиот слез се прави чај од бел слез и сируп од бел слез.

Чајот од бел слез се подготвува на следниот начин:

Две лажички корен од бел слез се преливаат со 2,5 дл млака или ладна вода и се остава да отстои 2 часа, за да може да се екстрахира доволно слуз. По желба, чајот може да се заслади со малку мед и се пие трипати на ден.

Многу често белиот слез се комбинира и со други лековити растенија (нане, камилица и сл.).

Со чајот од коренот од бел слез може да се прочистува и нос, најчесто се употребува при затнат нос, со капалка се капнуваат  1-3 капки трипати на ден.

Важно
Коренот од бел слез никако не се потопува во врела вода!

Начин на подготовка на сируп:

Во тенџере се ставаат 2 лимона исечкани на коцки, се додаваат по две лажици жалфија, анасон, корен од бел слез, ленено семе и 200 г шеќер. Потоа, се прелива со 2 дл вода. Се вари околу 20 минути, се трга од шпорет и се остава да се олади. На деца им се дава трипати дневно по една мала лажичка од овој сируп, додека на возрасни им се дава трипати дневно по една голема лажица.

Белиот слез е безбеден за употреба кај деца. Дури и за мали бебиња, се препорачува чај од бел слез, секако, со претходна консултација со педијатар. Доколку се подготвува за бебе, треба да се користи превриена, па изладена вода.

The post БЕЛ СЛЕЗ пријател на дишните патишта appeared first on Аптеки PlusPharma.

Причинители

Нормално, урината е чиста, стерилна и без присуство на бактерии. Инфекциите, најчесто, се предизвикани од бактерии кои по различни патишта стигнуваат до уринарниот тракт.  Најчесто, тоа е надворешниот мочен отвор, но може да стигнат и преку крвта, лимфата или преку директно ширење од други органи и ткива коишто се инфицирани.

Во најголем број од случаите, како причинител се појавува бактеријата Ешерихија коли. Таа е вообичаен жител на дигестивниот тракт, кој во контакт со  слузокожата на уринарниот систем, може да започне бргу да се размножува и да предизвика воспаление, проследено со болки и со други придружни симптоми.

Фактори кои влијаат за развој на уринарната инфекција

Уринарната инфекција настапува по навлегување на бактериите во уринарниот тракт. Шансите за ова се многу поголеми кај жените, отоколку кај мажите, бидејќи мочниот меур кај жените е многу поблиску до половите органи.

Покрај полот, неколку други фактори се сметаат како предиспозиција за развивање на уринарни инфекции:

•  сексуално активни жени – делумно поради тоа што женската уретра е пократка и затоа полесно бактериите можат да стигнат до мочниот меур;
•  лица со уринарни катетри;
•  дијабетичари – промените во имунолошкиот систем го прават лицето со дијабетес поподложно на инфекција. Исто така, повисокото ниво на шеќер во урината го олеснува развојот на бактериите;
•  мажите со зголемена простата – ова може да предизвика мочниот меур само делумно да се испразни;
•  камења во бубрезите;
•  менопауза;
•  намален имунитет;
•  користење тампони;
•  бремени жени;
•  користење на дијафрагмата како контрацепција.

Честите симптоми на инфекција на уринарниот тракт вклучуваат:

•  чест и силен нагон за уринирање;
•  заматена урина која може да содржи и траги од крв;
•  непријатен мирис на урината;
•  болка или чувство на печење при мокрење;
•  гадење и повраќање;
•  мускулни болки и абдоминални болки;
•  силен нагон за уринирање, а се уринира само мало количество.

Дијагностика
Дијагнозата на уринарните инфекции се темели врз микробиолошкиот наод од правилно земен примерок од урината и брис од уретрата.
Иако ниеден стандарден тест не може да утврди разлика помеѓу инфекција на горниот и на долниот дел од уринарниот тракт, присуството на висока температура (треска) и болка во грбот, може да навестат дека инфекцијата се проширила и на бубрезите.

Лекување
Третманот на уринарните инфекции се темели, првенствено, врз клиничката состојба на болниот. Доколку имате симптоми кои се карактеристични за инфекција на уринарниот тракт, а, генерално, сте во добро здравје, антибиотиците се првото решение. Кои лекови ќе бидат препишани и колку ќе трае терапијата, зависи од општата здравствена состојба и од видот на бактеријата која лабораториски е утврдена.

Вообичаено, симптомите на инфекцијата се намалуваат веќе по неколку дена од почетокот на терапијата, но најчесто со користење на утврдената терапија се продолжува уште една недела, па и подолго.

Покрај стандардната медикаментозна терапија, третирањето на уринарните инфекции со лековити растенија се покажало како мошне успешно.
Растенијата кои се користат при третман на овој вид инфекции се: брусница, мечкино грозје, бреза, ангелика, ехинацеа, коњско опавче, рен, магдонос, зајчев трн, коприва, пиреј. Тие делуваат како уринарни антисептици, антиинфламатори, антиспазмолитици и диуретици.
Комбинацијата на овие антисептички билки може значително да помогне во борбата против инфекцијата. Бидејќи се исфрлаат преку урината, природно го носат своето антисептичко и антимикробно дејство во заразената област и, на тој начин, директно делуваат на причинителите на инфекцијата.

Превенција

• одржувајте соодветна лична хигиена во гениталната регија
• пијте соодветно количество вода
• уринирајте секогаш кога ќе имате потреба
• избегнувајте течности, како алкохол и кофеин, кои може да го иритираат мочниот меур
• претпочитајте тушеви и избегнувајте употреба на масла за туширање
• по можност, тампоните заменете ги со хигиенски влошки
• избегнувајте тесна долна облека и, по можност, таа да е памучна
• не останувајте долго време со воден костим за капење
• внесувајте доволни количества витамин Ц
• пијте сок или чај од брусница

Горенаведените совети може да ви помогнат во лекувањето, но не треба да се сметаат за замена на лекарски третман. Уринарните инфекции не се сериозен проблем ако се лекуваат навреме.

СОК ОД БРУСНИЦА
Сокот од брусница содржи
антибактериски агенс
наречен хипурична киселина.
Една чаша дневно може да
го намали ризикот од инфекции на
уринарниот тракт.

The post Уринарни инфекции appeared first on Аптеки PlusPharma.

Доколку правилно се користи, препишаниот лек може да го подобри здравјето и квалитетот на животот, па дури и да спаси нечиј живот. Сепак, постои и друга страна, на нивна злоупотреба или неправилна употреба која може да има штетни, па дури и смртоносни последици.

Што е правилна  употреба?
Правилна употреба на еден лек е негова употреба според упатствата дадени од страна на лекар или фармацевт кој добро ја знае намената на лекот и медицинската историја. Ова подразбира употреба на соодветна доза од лекот, во соодветно време, поради соодветни здравствени причини. Истото важи и за лековите кои можат слободно да се купат и без лекарски рецепти. Лековите стануваат опасни по здравјето кога се земаат поради погрешна причина, во погрешна доза или кога се земаат лекови кои му се препишани на некој друг. Доколку, и покрај тоа што лекот го земате на исправен начин, а се сомневате дека можеби станувате зависни од него, за тоа е потребно да разговарате со својот лекар или фармацевт. Тој најдобро знае што да се направи во таквата ситуација, а сепак да не биде запоставен основниот здравствен проблем.

The post ЗЛОУПОТРЕБА НА ЛЕКОВИ appeared first on Аптеки PlusPharma.

Што е деменција?

Деменцијатапретставува постепено неповратно губење на менталните способности, губење на меморијата, промениво однесувањето,а на крајот доаѓа и до губење на социјалните способности. Најчесто се појавува кај повозрасните луѓе (над 60 години), но несе исклучува можноста дасе појави и кај помладата популација.
Деменцијата неедел од нормалниот процес на стареење. Таа е означена како медицински проблем којсе развива многу бавно, понекогаш исо години. На почетокот есосематешко да се препознае, а со тек на време состојбата се влошува и може да има и драматично влијание на целото семејство. Кај личноста се бришат сеќавањата, имињата на луѓето, па дурии  нивните лица. Губењето на помнењето,на некој начин, претставува игубење на личниот идентитет.

Промена во расположението
Ова може да биде тешко за пациентот да го препознае кај себе, но може да се открие од луѓето околу него. Типичен пример за промени во расположението кај лицетозаболеноод деменција еманифестација на состојбана срамежливост, па сèдо состојба на екстровертност.

Тешкотија во пронаоѓање на вистинските зборови
Личноста со деменција може да иматешкотии да најде соодветни зборови за изразување. Водењето разговор со негоможе да биде тешко и може да трае долго,  пред да ја разбереме целта на разговорот.

Тешкотии во извршување на секојдневните обврски
Поголеми тешкотии во извршувањето на секојдневнитезадачи може да биде индикатор дека некој има рана фаза на деменција. Ова,вообичаено,започнува со тешкотии за извршување на покомплексни задачи. Освен борбата да ги извршипознатите дневни задачи, негомуе тешко да научинови нешта или да слединови рутини.

Апатија и исцрпеност се појавуваат како симптоми во раната деменција
Лицето со овие симптоми може да изгуби интерес за хоби и за активности што може да значат, емоционално губење интерес за поминување време со пријателите и со семејството.

Губење чувство за просторна ориентираност
Губењето на чувството за насока и ориентација во просторот,обично,е симптом што ја влошува здравствената состојба на лицетосо деменција. Ова значи дека се случува да не препознава семејни знаменитости и заборава кои насоки редовно ги користи, а може да стане уште потешко да следисерија насоки и инструкции чекор по чекор.

Повторување
Губењетона меморијата и општата промена во однесувањето што доаѓа со деменцијата, може да доведе до страдање од повторување на дневните задачи, или повторување на истите прашања во разговорите, откако биле одговорени од другото лице. Тоа,исто така,може да се види и од опсесивното собирање предмети.

Адаптација
Тешкотиите во адаптација на промените е типичен симптом на рана деменција. Немањето капацитет да запаметилуѓе кои веќе ги знаеили да следишто другите зборуваат,може да предизвика страв од промена. Поради ова,има потреба од рутина и се плашида доживеенови искуства.

Со правилна исхрана до заштита од деменција?

Кога јадете,„вклучете“го мозокот. Храната која ја внесуватему помогаили му одмагана организмот да ги извршува своите функции на оптимално ниво. Мозокот имаспецифични барања кога е во прашање исхраната. Хранатакоја е добра за мозокот е истата онаа која го намалува ризикот од срцеви заболувања и дијабетес, го поттикнува дотокот на крв до мозокот, и храна во која не се застапени заситени масти и холестерол. На мозокот му е потребна вистинска рамнотежа од хранливи состојки, вклучувајќи протеини,масти и јаглехидрати. Храната за мозокот е најефикасна во комбинација со физичката и менталнатаактивност,одржувањетосоцијални врски и дружењето.

Совети за превенција
Намалете го внесувањетохрана која е богата со заситени масти и холестерол. Тие ги затнуваат артериите,што доведува до зголемен ризик од деменција.Лицата кои имаат висок притисок и висок холестерол имаат шестпати поголем ризик од деменција.
Одржувајте ја вашата телесна тежина за здрав мозок. Ситекои се со прекумерна телесна тежина,се со двапати поголем ризик. Целосно избегнувајте ја „брзата храна“.
Бидете ментално и социјално активни, вежбајте и внимавајте на телесната тежина.Брзата храна ги забавува менталните функции

Храна која го штити мозокот

Консумирајте моно и полинезаситени масни киселини како што се,на пример,тие од маслиново масло. Наместо да јадете пржена храна, најдобро јадете свежа, варена или печена. Зголемете го внесувањето храна која го штити вашето тело. Од зеленчук,често консумирајте кељ, спанаќ, брокула, прокељ, цвекло, кромид, модар патлиџан,бидејќи имаат високо ниво на антиоксиданти.Кај овошјето,се препорачува внесувањесуви сливи, боровинки, капини, малини, портокали,црно грозје и вишни.Задолжителново исхраната користете риба поради високата содржина на омега3 масни киселини. Вклучете и јаткасти плодови,особено бадеми и ореви,кои се одличен извор на Е-витамин – добро познат антиоксидант.

Прекумерната консумација на алкохол и употребата на опојни дроги може да доведе до забрзано изумирање на мозочните клетки, а со тоа и до појава на симптоми на деменција!

The post ДЕМЕНЦИЈА – Што сакав да кажам… appeared first on Аптеки PlusPharma.

Како да се справиме и како да бидеме добар пример за добро однесување?

The post РОДИТЕЛСТВО – најголема привилегија appeared first on Аптеки PlusPharma.

Кога би можело да се дефинира трчањето, би кажал дека тоа е основна физичка активност која ни овозможува да имаме поквалитетен живот во секоја смисла. Со трчањето не само што ќе ја подобриме нашата физичка кондиција и физичкото здравје, туку ќе го подобриме и нашето ментално и духовно здравје. Научно е докажано дека триесетина минути трчање дневно ни се доволни за постигнување на оваа телесна и духовна благосостојба.
Трчањето, несомнено, ќе ни помогне да дојдеме до посакуваните килограми, да ја имаме нашата идеална телесна композиција, да бидеме ослободени од стрес и полни со позитивна енергија.

Задоволството по завршен тренинг, зголемената самодоверба, можноста за себенадминување се доволни причини уште денес да ги облечете вашите патики и да започнете со трчање.
И рекреативно е повеќе од доволно.
Доколку сте личност која сака само да се релаксира и да ужива во оние минути кои ги посветува за себе, тогаш рекреативното трчање од 20 до 30 минути неколкупати во неделата e сосема доволно.
Она што е најважно, за почеток, е малку повеќе волја, решителност и јасни цели, а сè друго ќе се случи чекор по чекор.

Трчањето е најекономичен спорт, достапен за секого. Патиките за трчање се најважниот елемент од опремата, а сè друго е од второстепено значење.

Што е важно?
Важно е патиките да бидат соодветни за трчање, а другата облека треба да биде приспособена на соодветните временски услови. Може да се трча на многу топло и на многу ладно, но тоа ќе зависи од нашата форма. Трчањето е, пред сè, спорт за надворешни околности, иако можно е трчање и во сала, се разбира, за оние кои посериозно го сметаат трчањето и, секако, имаат услови за тоа.
Правилната исхрана, соодветно дозирани тренинзи, соодветен одмор и масажа се важни сегменти кои ќе ни помогнат трчањето да ни биде уште поголемо уживање. Никогаш не прејадувајте се доколку планирате да излезете да трчате. Јадете лесна храна, а овошјето и зеленчукот нека бидат задолжителни.
Многу често тие што одбрале да трчаат ќе кажат дека трчањето е начин на живот, а придобивките се само спореден производ на ова животно задоволство.

Сами или во друштво
Убавината во трчањето е во можноста да се излезе и да се трча сам, кога било дури и каде било. Поголемата убавина е и да се трча во друштво, со пријатели, со своите деца или во групи и тимови за трчање.
За сите со поголем апетит, постојат школи за трчање каде од искусни професионалци ќе добиете одговор за сите дилеми за и околу трчањето, тренинзите и исхраната.

 Кокан Ајановски
22 пати државен првак на Македонија
NIKE школа за трчање и NIKE + Run Club
www.skolazatrcanje.mk

The post ТРЧАЊЕТО – како стил на живот appeared first on Аптеки PlusPharma.

Што е суперхрана?
Не постои официјална дефиниција, а називот „суперхрана“го имаат добиено некои прехранбени продукти кои содржат огромен број хранливи состојки, минерали, витамини, фитонитриенти, за кои научно е докажано дека значително влијаат на подобрување на здравјето, одржување на оптималнатателесна тежина,како и спречување на многу болести.

Јадењето различни свежи, органски или сурови продукти, е клуч да се чувствувате поздраво и поенергично, не само повремено, туку и на долг рок.
Различни истражувања предлагаат различни видовипрехранбени продукти, категоризирани како суперхрана. Во продолжение, ви нудиме листа од 10 производи со исклучителна здравствена корист.

The post СУПЕРХРАНА ЗА СУПЕР ЗДРАВЈЕ appeared first on Аптеки PlusPharma.