ПОЈАДОК

Консумирајте го појадокот 30 минути откако ќе станете од кревет за да го надополните нивото на шеќер во крвта. На пример, житарките содржат витамин Б кој дава енергија, го буди и го активира мозокот за работа. Но, бидете претпазливи, не купувајте житарки што изобилуваат со шеќер и не засладувајте ги дополнително. Подеднакво здрава опција е омлет и тост лепче – протеините ќе ве држат сити цел ден.

УТРИНСКА УЖИНА

За лесно да го започнете утрото и да ја поднесете работната недела, каснете парче овошје. Бананите изобилуваат со енергетски калиум, додека јаболката и дињата ќе ве обезбедат со влакна и минерали без значително да го зголемите бројот на калории. Доколку мечтаете за освежување со некое поегзотично овошје, каснете киви или папаја – не само што се богати со витамини, туку го подобруваат варењето на храната.

РУЧЕК

Најчесто телото е подготвено за ручек 4 часа после консумирањето на појадокот, но за да не паднете во кома и да ви се приспие на работа, ви треба нешто свежо, лесно, посно. Обидете се со печен компир со туна и пченка или пилешка салата. Ваквиот оброк содржи минерали, како железо, кои ќе ви помогнат да ја задржите концентрацијата.

ПОПЛАДНЕВНА УЖИНА

После ручек најчесто имаме потреба за нешто благо. Но, подобро е да каснете нутритивен десерт на база на житарки за да ја потиснете желбата. На пример, наместо да јадете чоколада, каснете овошен јогурт кој изобилува со калциум, а тоа истовремено значи енергија. Нека биде со ниска масленост, но не и со низок шеќер (внимавајте производот да не содржи вештачки засладувачи).

ВЕЧЕРА

Потрудете се да вечерате три часа после попладневната ужина, одете на варијанта храна што изобилува со вода како зеленчук, а тука се вбројуваат и тестенините и супите. За да внесете протеини и јаглехидрати, каснете бистра супа со зеленчук со парче леб или порција ориз со месо зачинето со кари.

ДОЦНА УЖИНА

Ако сте расположени за мала закуска пред легнување, барем потрудете се да јадете лесно сварлива храна. Млечните напивки го смируваат гладот во стомакот, го олеснуваат спиењето и истовремено му обезбедуваат на организмот хранливи материи како витамин Б12. Но, ако грчевите за храна не стивнуваат, каснете парче интегрален леб со павлака или банана.

The post Постојано сте гладни? appeared first on Аптеки PlusPharma.

Калориите се калории без разлика кога се храниме и кога ќе ги внесете, но како паѓа мрак, метаболизмот забавува и токму затоа треба да му помогнете со полесна храна наместо да се изгладнувате. Тврдењето дека храната што ќе ја изедете навечер се претвора во масти, од причина што не можете да ја согорите со физичка активност, е невистинито. Многу поважно е да внимавате КОЛКУ и ШТО јадете, а не КОГА јадете.

Мит # 2 Прескокнувањето оброци значи помалку калории

Ако го намалите бројот на оброците, ќе го намалите бројот на калории и побрзо ќе ослабете, така? НЕ! Прескокнувањето на оброците носи ризик да се прејадете и ако преброите ќе видите дека сте внеле многу повеќе калории во текот на денот. Прескокнувањето на оброците, особено на појадокот, го забавува метаболизмот. Планирајте си, 1 200 калории секако мора да внесете. Хранливиот појадок е одличен старт за телото да почне да согорува калории. Значи не прескокнувајте ги оброците, туку намалете ги и направете ги поквалитетни.

Мит # 3 Производите со ниска масленост и без шеќер водат до намалување на тежината

Ако од некој производ се извадени мастите или шеќерот, тоа не значи дека се здрави и добредојдени за вашата диета. На пример, ако купите колачи во кои нема масти, сметајте дека сте внеле значителна доза јаглехидрати и шеќери кои се дуплирани со цел да лажираат добар вкус. Наместо да барате замени, јадете го она што навистина ви се јаде, но во помала доза.

Мит # 4 Јаткастите плодови се ризик за секоја диета

Вистина е дека јаткастите плодови (ореви, бадеми, лешници) се калорични и содржат многу масти, но тие масти се здрави и му се потребни на телото. Јаткастите плодови се богати со витамини, минерали и растителни влакна кои најмногу ја поттикнуваат дигестијата. Истражувањата не велат дека потполно треба да ги исклучите мастите кога сте на диета, напротив умерено количество здрави масти е неопходно. Од друга страна, 4-5 бадеми се доволни за да се заситите и да не посегнете по нешто погрешно како чипс.

Мит # 5 Оние што вежбаат може да јадат колку сакаат

Да, но ако вежбате по неколку часа дневно и успевате да ги согорите сите калории што ги внесовте. Ова е речиси невозможно, освен ако не сте професионален спортист па да ви е работа да го правите тоа. Вежбањето не е доволно за да го одржите телото во топ форма. Исхраната и спортот се најефикасни кога се во симбиоза.

The post 5 митови поради кои погрешно се храниме appeared first on Аптеки PlusPharma.

Сѐ што ќе допре овој шармантен млад господин го претвора во уметност. Од театар, па на телевизија како водител, па на музичката сцена, Жарко поседува извонредна камелеонска природа и успешно се адаптира на сите овие различни сцени. Неговата стихозбирка „Пеперутка“ е уште еден во низата докази дека овој мултиталентиран актер дише за уметност. Сепак, она што посебно воодушевува кај Жарко е љубовта, посветеноста, професионалноста со која им пристапува на сите свои проекти. Во неговите очи секогаш има жар, секогаш има позитивна енергија, секогаш има волја и, токму поради ова, сигурни сме дека Жарко ќе реди само успеси. Но, ако успее барем кај еден млад човек да го всади истиот порив за напредок, ако успее да ја удави летаргијата, рамнодушноста, некултурата во која тонат младите, тогаш гласно ќе кажеме дека Жарко успеал да се надмине и себеси. Или можеби веќе го сторил тоа…

Како еден актер созрева во својата кариера, како еден актер станува сѐ поуверлив во улогите што ги толкува и истите ги изведува со некоја леснотија. Како и кога се стигнува до тие актерски квалитети или тие доаѓаат до израз само кога на актерот ќе му се погоди улогата?

’Актерите живеат подолго од обичните смртници‘, зошто е ова вака? Актерот на сцената секоја вечер, барем по два часа, не го живее својот живот, туку се позајмува себеси на животот на ликот, заминува во друг имагинарен свет. Транзитот од мојот приватен живот до животот на ликот е патот на актерското созревање. Кога веќе ќе влеземе во ’кожата‘ на ликот ние треба да се заборавиме себеси и да си ја направиме таа кожа најудобна што може да биде, тука е тајната на ’погодување‘ на ликот, може малку да нѐ стега, малку да е широка, но затоа глумата е и занает каде што мораме да си го направиме и скроиме ликот по мерка. Актерството е начин на живот, или го сакаш и живееш или не… нема место за баланс.

Ти се случило ли да ја лажеш публиката, да не се чувствуваш удобно во улогата, да не се пронајдеш во неа и да се трудиш едноставно професионално да ја завршиш работата? Мислиш ли дека тоа се познава или само актерот знае?

Во период од месец до три месеца, колку што трае создавањето на еден лик т.е создавањето на една претстава или снимањето на филм, доколку актерот не успее да си најде комоција во ликот, тогаш не треба да се мачи ни себеси ни другите. Тежок е процесот на создавање на лик, но кога за тоа живеете нема поубаво. Постојат денови кога ликот што си го создал на одредена изведба, на некоја претстава, нема да блесне во полниот сјај, но на крајот на денот публиката платила карта и тебе тоа ти е работа, никој да не те познае и да дадеш сѐ од себе да ’изглумиш‘.

Уметноста не ја ограничуваш само на театарската сцена, пееш, твориш, водиш емисија… колку сите овие различни проекти го градат твојот професионален карактер и дали е можно едната професија да ја исклучи или загрози другата? Сепак, која од уметностите е твоја најголема љубов?

„There is no business like showbusiness.“

Сите овие работи се поврзани една со друга во сите работи што ги работам ставам од другите работи, еден микс уметности, шоу, глума-музика, музика-глума, водење-глума-музика и уште многу варијации на тема. Моето функционирање е такво што едно без друго не ми оди, но сепак основа на сѐ е глумата.

„Џентлмен магазин“ е одличен проект, големо освежување по многу нешта – водител кој е пријатен, природен, кој се изразува, се однесува и изгледа токму во склоп на главната порака што се обидува да ја пренесе секоја емисија, а од друга страна, гостите се одлични. Колку и во приватниот живот си џентлменот што го гледаме пред малите екрани? Кои особини треба да ги поседува еден млад човек за да се нарече џентлмен, а притоа да не отскокнува од модерното време? До колку е возможно старите џентлменски навики да преживеат и да се адаптираат во оваа дигитална ера и дали треба да воспоставиме нови од типот – телефон на „silent“ за време на ручек?

Ти благодарам. Често и во емисијата говориме за тоа дека основа на џентлменството е доброто однесување, а тоа пред сѐ произлегува од домашното воспитување како темел, и сѐ понатаму е онолку колку што ти сам ќе си вложиш. Според претходно кажаново, сакам да констатирам дека секаде и секогаш се трудам да бидам ист насекаде, како јавно така и приватно, џентлменството е состојба на умот, или го имаш или го немаш, доколку го имаш понатаму е лесно. Патот е долг, човек учи додека е жив, но волјата за учење и себенадоградба е убава и клучна работа. Затоа е клучно, поготово помладите генерации, да сакаат да негуваат таков стил на живот за да можат да го спознаваат, учат и применуваат тој ’лајфстајл‘. Џентлменството, особено кај нас, е вид во изумирање и затоа и тоа како треба прво да се вратиме на основните добри навики, а дури после да воспоставиме нови.

„Театарот е магија што се создава помеѓу сега и овде и има многу адреналин и живот… кој не посакува да биде допрен од тоа, губи многу.“

Живот за време на Корона – што промени кај тебе, на што те научи? Како живее театарот во време на оваа пандемија, дали овој застој е голем културен шок за културата што и онака ни е слаба страна?

Пред короната во едно интервју ме прашаа што очајно му треба на светот и реков ТИШИНА и некако после цела бура со бројки, зарази итн., се случи една тишина којашто беше доволно долга и гласна за на сите што им беше потребна да сфатат и видат до каде се и што треба да променат во животот. Театарот и воошто уметноста замре дефинитивно, но мислам дека тоа вроди поголема желба кај луѓето за таа страна на животот и за таквиот тип на социјализација и еве конечно почнува новата сезона, па да видиме што ќе донесе.

За време на карантинските денови се емитуваа речиси сите македонски серии и филмови, но и снимки од тетарски претстави. Претставите не го задржуваа моето внимание, (верувам не сум единствена) и затоа едвај чекав да седнам на црвените седишта. Но, колку младите генерации кои постојано зјапаат во телефонот, ја исправуваат главата за да ги видат убавините на театарот и да го почувствуваат театарскиот адреналин? Дали новото време и сите овие мерки се закана за театарот?

Живееме во време во коешто сѐ повеќе луѓето се претвораат во социопати и короната и карантинот од таа гледна точка на многу луѓе им годеше. Тоа не е добро, зашто луѓето се социјални суштества, создадени за заедница, како и да звучи ова во ’модерново‘ време, затоа мислам дека сите овие мерки станаа закана за самото општество, а не само за театарот. Сѐ повеќе се создаваат пасивни генерации коишто не сакаат да излезат надвор од комфор-зоната, а тоа е поразително. Театарот е магија што се создава помеѓу сега и овде и има многу адреналин и живот и навистина кој не посакува да биде допрен од тоа, губи многу.

Како го помина своето детство, на кои денови со задоволство се потсетуваш и дали можеби приграби некои совети и практики кои би ги пренел на своите деца во иднина?

Сѐ уште го живеам детството, го негувам детето во мене и тоа ми е еден од главните двигатели во животот, само така може да се остане креативен во овој свет и да се ужива во сите убавини што животот ги сервира. Секако дека приграбив и секојдневно приграбувам совети и во иднина ќе гледам да ги пренесувам не само на моите деца, туку на сите оние на коишто им е потребно, а добар совет е потребен секому.

Оставаш впечаток дека сѐ што работиш, работиш со љубов. Јавно ја покажуваш својата љубов и кон твојата сопруга, па дали љубовта е твојот најголем двигател во животот?

Детската љубов е најчистата љубов што некој може да ја даде и прими, затоа велам го негувам детето во мене, зашто во комбинација со личноста која свесно ја градам, во која вложувам, се одличен рецепт за примање и давање љубов. Дефинитивно љубовта ми е најголем двигател, затоа што без љубов ништо не сум. Љубовта е најголем двигател за сите, но не секој го признава тоа, зашто животот знае да зададе сериозни ниски и непредвидливи удари и сето тоа го инхибира човештвото и можеби и тоа е причината за појава на социопатите, за кои погоре говорев –недостатокот на љубов. Јавно ја покажувам мојата љубов кон сите, кон животот, кон најблиските, особено кон мојата сродна душа и јавно повикувам САКАЈТЕ СЕ.

„Актерството е начин на живот, или го сакаш и живееш или не… нема место за баланс.“

Покрај уметноста, имаш ли некој свој начин да избегаш од реалноста, а особено од социјалните медиуми?

Спортот и готвењето ми се голема пасија. А најмногу бегам од сѐ со живеењето на животот.

Која е твојата формула за добро здравје и ведар дух што би ја споделил со читателите? Дали можеби патувањата играат улога?

Па од горе наведеното може да се заклучат некои работи, но ќе сублимирам: Љубов-молитва-смеење-спорт-музика-поезија-театар-филм-секс-патување-сон-храна-семејство-смеење-молитва-љубов. Патувањата секако играат улога во животот, откривањето на старите светови, култури, обичаи, откривањето нови места и освојувањето нови врвови, запознавањето нови луѓе и споделувањето на љубов со светот – бесценето.

The post Жарко Димоски appeared first on Аптеки PlusPharma.

Што можете да направите за машкото здравје?

Запознавањето со причините за здравствените проблеми е првиот чекор во изнаоѓање начин да им се помогне на мажите да живеат подолго. Задолжително искористете го Моември како потсетник да ги охрабрите мажите во вашиот живот и заедницата да направат медицински преглед, како и да живеат здраво со правилен начин на исхрана и редовно вежбање.

На глобално ниво, мажите умираат во просек 5 години порано од жените. Причини кои во голема мера може да се спречат, на повеќе од 14 милиони мажи годишно им се дијагностицира рак на простата.

Простатата е жлезда со внатрешно лачење, карактеристична само за машката популација. Сместена е веднаш под мочниот меур и е со големина на костен. Простатата е од суштинско значење за плодноста на посилниот пол и придонесува за целосно психичко и физичко здравје кај мажите.

Здрави навики за здрава простата

Здравата простата бара движење. Забележано е дека проблемите со простатата се појавуваат кај мажите кои повеќе седат и слабо се движат, што е спротивно од начелата за совршена функционалност на организмот кој бара постојани форми на движење.

Кога малку се движиме, а многу седиме, крвотокот и циркулацијата се забавени, со што се зголемува концентрацијата на токсините и отпадните материи во секретот на простатата. Бидејќи простатата сама по себе е мускулен орган, треба да се вежба и да се зајакнува исто како што во теретана ги вежбаме нашите бицепси и трицепси. Со вежбање на тие мускули, се подобруваат крвотокот и исхраната на самата простата, а се спречува таложењето на токсините и се подобрува и фунционалноста на простатата.

Покрај физичката активност, мажите особено треба да водат сметка за начинот на исхрана. Задолжително е внесување доволни количини од витамини и минерали кои се од есенцијална важност за здрава простата.

Цинк – ги спречува промените на простатата. Најмногу цинк содржат морската риба и морските плодови, оревите, печурките, пивскиот квасец, семките од тиква, интегралните житарки и сл.

Бета каротен – моќен антиоксиданс кој ја штити простатата од дегенеративни процеси. Го има во овошјата и зеленчукот со портокалова боја.

Селен – уште еден значаен и моќен антиоксиданс неопходен за целосна функционалност на простатата. Делува противвоспалително и антиканцерогено. Како богат извор на селен се пивскиот квасец, жолчката од јајце, морските плодови, лукот, овесните никулци и семките од сончоглед.

Витамин Ц – делува на продукција и подвижност на сперматозоидите, а, секако, значајна улога има и во одржување на здрав и силен имунолошки систем.

Витамин Е – важен за севкупното репродуктивно здравје, вклучувајќи ја и простатата. Го има во ладно цедените растителни масла, јајцата, интегралните житарки, гравот, оревите, бадемите, семките и сл.

Затоа, мажи, искористете го месец ноември како време за да бидете проактивни за вашето здравје и да ги поттикнете другите да го сторат истото. И дами, не заборавајте да го поддржите вашиот маж, охрабрувајќи го да ги следи и неговите здравствени прегледи.

The post МОЕМВРИ | МАШКО ЗДРАВЈЕ appeared first on Аптеки PlusPharma.

Луѓето со пеги всушност имаат повеќе активен меланин во клетките на кожата, благодарение на родителите. Пегите се генетски наследни, но не се јавуваат од раѓање. Не постои бебе со пеги. Обично стануваат видливи во 2-рата година, а своето деби го имаат во 7-8-та година од животот. Бидејќи се појавуваат и се размножуваат под влијание на сонцето, порано беа доживувани како сончеви штети. Но, пеги имаат и најодговорните во однос на сонцето. Пегавото лице е всушност тип на кожа за која е неопходна посебна, но многу едноставна нега.

СПФ фактор – Пегите се неодоливи, но сончевите дамки не се! Здравите пеги се разликуваат од сончевите дамки по тоа што потемнуваат во лето, а се бледи во зима. Сончевите дамки се поголеми (ако пегите се точка нацртана со молив, сончевите дамки се гумичката за бришење на моливот), имаат јасно дефинирани граници и потемна боја која не се менува. Но, ако пегите многу се намножат и потемнат, тоа е знак дека сте претерале под сонцето. Имајте на ум дека луѓето со бел тен и пеги имаат поголем ризик да заболат од рак на кожа во однос на луѓето со ист тен, но без пеги. Пегавото лице има потреба од УВА/УВБСПФ 30 во текот на целата година. Факторот може да биде и повисок во летниот период и истиот се обновува на секои 90 минути, на плажа и почесто.

Ладење на лицето – За да го задржите здравиот и дефиниран изглед на пегите, неопходно е да спречите создавање нови. Пегите не настануваат само под дејство на сонцето туку и под дејство на топлина. Кога кожата е изложена на топлина од сонце, сауна, солариум, меланинот се активира резултирајќи со потемни и побројни пеги. Топлината е далеку поголем виновник за дисколорациите на кожата. За да не го прегреете лицето, а со тоа да го разбудите пигментот во клетките, повремено плакнете го лицето, ладете го со коцка лед, нанесете маска или спреј за разладување.

Витамин Ц – Ако треба да инвестирате во некоја состојка, нека биде тоа витаминот Ц. Добро формулираниот серум со витамин Ц ќе ви помогне да го сузбиете меланинот во клетките и на тој начин да одржите стабилна бројка на пеги. Антиоксидантите се клучни за пегавата кожа и треба да се нанесуваат секој ден, а во летните месеци и два пати дневно. Побарајте состојки како Л-аскорбинска киселина и етрахексилдецил аскорбат, двете се ефикасни форми на витамин Ц, кои комбинирани со СПФ, нудат двојна заштита од сонце.

Нежен пилинг – За да ја држите под контрола дисколорацијата, неопходно е да го ексфолирате лицето редовно. Мртвите клетки на површината на кожата складираат поголем дел од вишокот пигмент кој се наоѓа во клетките. Но, бидете внимателни, агресивниот пилинг на киселинска база, употребата на алатки како четки или ролер за лице со иглички, а најмногу салонскиот хемиски пилинг, ја прават кожата почувствителна на сонце. Побарајте нежен пилинг на база на овес, ориз, пченка.

The post Нега за пегаво лице – 4 чекори до здрави и слатки пеги appeared first on Аптеки PlusPharma.

Не постои начин порите да исчезнат, со нив сте заглавени доживотно, но можете да ги намалите во обем. Во просек, возрасниот човек има околу 20.000 пори на лицето кои служат како излезен канал за потта и вишокот себум. Генетиката, типот на кожа, изложувањето на сонце, се само дел од факторите кои влијаат на нивната големина. Колку се подлабоки, толку повеќе се полнат со бактерии, ѓубре и останати нечистотии зголемувајќи го ризикот од воспаленија на кожата. Па, како да ги смалите? Прво, чистете го лицето со маслен производ. Маслото привлекува масло, па себумот, кремот за сончање, пудрата и останатите нечистотии на лицето, полесно се разложуваат со чистач базиран на масло отколку на вода. Второ, ексфолирајте го лицето 1-2 пати неделно, бидејќи мртвите клетки можат да се заглават во тие мали дупчиња и да предизвикаат акни. Обидете се со салицилна киселина, бидејќи пенетрира длабоко во порите. Отстранувајќи ги грубите мртви клетки, кожата инстантно станува мазна. Пилингот на долг рок спречува продукција на масло меѓу густо населените пори. Постојат и производи за брза камуфлажа кои се нанесуваат под мејкапот како база и кои големите пори ги прават невидливи. Употребатс на СПФ важи и за порите, бидејќи УВ зраците можат да ја оштетат структурната поддршка околу аглите на секоја пора и во краен случај да ја растегнат.

The post Патот до потесни пори appeared first on Аптеки PlusPharma.

 Дали оризот треба да отстои во вода преку ноќ? Пожелно е, но не мора, сепак оризот не е наут. Но, според експертите од Универзитетот Квинс, оризот може да содржи арсен кој пак предизвикува низа срцеви заболувања, дијабетес и рак. Добрата вест е тоа што откако оризот ќе отстои во вода преку ноќ, нивото на овој штетен токсин паѓа за цели 80 %. Истиот ефект ќе го постигнете ако го варите оризот во повеќе вода – 5 шолји вода за 1 шолја ориз – за да ја преполовите количината арсен.

Дали кога сум на диета е подобро да пијам исклучиво црно кафе? Многу веруваат во заблудата дека црното или турско кафе е диетална варијанта во однос на другите кои содржат млеко. Млекото воопшто не поттикнува апетит ниту води до вишок килограми. Ако работата ви е стресна, поголема е веројатноста кафето (без разлика каков тип пиете) да ви донесе вишок, а не минус килограми. Зошто е тоа така? За сѐ е виновен стрес хормонот кортизол чие ниво расте под влијание на редовните дози кофеин. Друг момент е шеќерот во крвта кој се искачува, а потоа нагло паѓа поттикнувајќи ве да јадете и солено и благо во исто време. Ова не значи дека целосно треба да се откажете од кофеинот, но кога сте на диетален режим пијте го пред или веднаш после оброкот.

Вистина ли е дека препечениот сладок компир предизвикува рак? Одамна важи правилото дека храната не смее да се препекува, бидејќи онаа црна кора е канцерогена. Нутриционистите особено алармираат да внимаваме на тоа како ги готвиме скробните намирници. Тостираните и препечени компири, вклучувајќи го и слаткиот, го зголемуваат ризикот од рак поттикнат од компонентата позната како акриламид – се создава кога водата се губи од површината на плодот во текот на печењето. Сепак, не постои директен доказ дека акриламидот е канцероген за луѓето. Што значи, уживајте во печени компири, но  сепак гответе ги на најздравиот можен начин – крупни парчиња печени на пониска температура за пократко време.

Колку црвено месо е дозволено да се јаде? Црвеното месо го бие лош глас, особено меѓу возрасните. Но, последните студии велат дека три порции од 85 грама неделно, не го зголемуваат ризикот од кардиоваскуларни болести. Од друга страна, црвеното месо содржи витамин Б, цинк, селен и железо кое телото многу подобро го апсорбира во однос на железото од растително потекло.

Знајте го ова… Студијата објавена во магазинот Social Science and Medicine, откри дека секојдневното читање во траење од 30 минути го продолжува животот за цели 2 години. Читањето го ангажира мозокот на подлабоко ниво и води до подобрена емпатија, социјална перцепција и емотивна интелигенција – квалитети неопходни за подобро преживување. Еј, ова важи само за печатените книги, читањето на телефон не се важи.

Трчање кога надвор е загадено –  носи повеќе корист или штета? Изложувањето на загаден воздух е штетно без разлика дали пешачите или трчате. Но, при трчање човекот дише подлабоко полнејќи ги градите со 10 до 20 пати повеќе воздух. Ова автоматски значи дека вдишувате поголема количина од штетните честички кои предизвикуваат срцев или мозочен удар. Пред да се затворите дома, знајте го и ова: Истражувачите од Универзитетот Кембриџ потврдија дека бенефитите од спортувањето (вклучувајќи го и трчањето) дури и во земјите со високо загаден воздух, ги надминуваат ризиците. Па, по некоја логика добро е да трчате и кога е екстремно загадено, но трчајте во парк или шума место на асфалт.

The post Интересни Прашања Научни одговори appeared first on Аптеки PlusPharma.

The post Што во слободно време? – ТВ СЕРИЈА Defending Jacob appeared first on Аптеки PlusPharma.

Керамиди+ Пребиотици

Ако керамидите се ѕвездените состојки во кремите, тогаш пребиотиците би ги нарекле тим за поддршка. А што би можела една ѕвезда без својот тим? Керамидите, како природни липиди, ја поткрепуваат кожната бариера (не дозволуваат слободните радикали да продрат во дермисот; ја задржуваат влагата во кожата). Но, нивната заштитна задача е олеснета кога зад себе ги имаат пребиотиците. Пребиотиците се нанесуваат локално и истите служат како храна за добрите бактерии. Хранејќи ги добрите, пребитоиците индиректно влијаат да се намалат лошите бактерии, а со тоа придонесуваат до посолидна бариера. Бидејќи лошите бактерии ги проголтуваат керамидите, тука се пребиотиците да го исчистат теренот за керамидите да можат слободно да делуваат.

Салицилна киселна + Масло од моринга

Ниту една борба со акните не стартува без салицилна киселина, но за победа неопходно е маслото од моринга. Иако зборуваме за масло, истото има лесна текстура и не му тежи на лицето, а делува антивоспалително и антимикробно. Маслото од моринга нема капацитет да ги замени стандардните третмани против акни, затоа салицилната киселина не е под закана, но одлично ги надополнува истите. Мијте го лицето со салицилна киселина – таа ќе ја ексфолира кожата, ќе ги одзатне порите и на тој начин ќе создаде совршена подлога за морингата да пенетрира длабоко во кожата. Морингата пак, ќе го смири црвенилото и ќе ги уништи бактериите благодарение на нејзините сулфурни и цинкови особини. Нанесете неколку капки масло од моринга пред да нанесете хидратантен крем и СПФ.

СЕКОГАШ И СЕКАДЕ

Канабидол

Козметичката индустрија е решена да го вклучи канабисот на листатаактивни состојки. Кремите создадени од коноп – модифицирана верзија на марихуана со отстранет THC, легален во 50 земји – според многу дерматолози вреди да стане дел од секојдневниот ритуал за нега. Активната состојка во овие креми е всушност канабидолот,компонента на марихуаната која влијае на кожните рецептори одговорни за сензорните искуства. Канабидолот е одговорен за она чувство на нежност и мекост што настапува кратко по аплицирањето на кремот. Неговата вредност нема цена, особено за оние кои страдаа од болни кожни проблеми како егзема и псоријаза, па дури и обична иритација.

Хијалуронска киселина

Речиси и да не постои крем на пазарот кој во својот состав нема хијалуронска киселина. Толку е посакувана, што во денешно време се инјектира во облик на филер кој има за цел да го зголеми волуменот на јаболкцата, усните или виснатите кесички под очите. Сепак, нејзината примарна цел е да обезбеди целосна хидратација за лицето, а тоа го прави во мега размери. Хијалуронската киселина не е само една од многуте состојки во кремите, таа го зазема централното место и во серумите. Имено, во нив се инјектира коктел од хијалуронска киселина со повеќе молекуларни тежини, за која научниците тврдат дека го поттикнува природното создавање хијалуронска киселина. На овој начин, кожата е хидратирана (и благо пополнета) однатре, а не само на површината. Бидејќи природниот процес на создавање хијалуронска киселина забавува после 20-тите, набавете си крем со време.

The post Најпосакуваните активни состојки appeared first on Аптеки PlusPharma.

The post Што во слободно време? ФИЛМ – The Father appeared first on Аптеки PlusPharma.

Овојпат, мудроста доаѓа од Јапонија и истата има и име – Икигаи! Овој јапонски термин во слободен превод би гласел „причина за живот“. Икигаи значи да се има чувство за цел во животот, нешто што ќе ве поттикнува со полн елан да станувате од кревет. Мотив и цел поради кои ќе дишете со полни гради и ќе го живеете животот до максимум.

Не случајно, голем број истражувања открија дека ваквото чувство го збогатува, но и го продолжува животниот век: го намалува ризикот од срцеви заболувања, мозочен удар, Алцхајмер, депресија; го подобрува квалитетот на сонот и сексуалниот живот. Јапонците имаат најдолг животен век во светот благодарение на оваа почитувана и применувана традиција.

Земете лист хартија и нацртајте Венов дијаграм со 4 круга:

1 круг е – Што сакате да правите?

2 круг е – Во што сте добри?

3 круг е – Дали на светот му е потребно тоа?

4 круг е – Дали може да заработите од тоа?

Икигаи – центарот во кој се пресекуваат круговите.

Зебележете, само една четвртина од концептот е директно поврзан со работата. Во едно јапонско истражување, само 31 % од испитаниците својата работа ја сметале за свое икигаи. За споредба, во американското истражување на Pew Research Center, дури 51 % од испитаниците изјавиле дека нивниот идентитет го диктира работата.

Пишувањето книга е вредна аспирација, но не е икигаи, тврди Hector Garcia, ко-автор на Ikigai: The Japanese Secret to a Long and Happy Life. „Тоа е цел! Икигаи е: Сакам да пишувам колку што можам подобро, за моите идеи да го сменат светот.“ Комбинирајќи го она во кое сум добар и кое сакам да го правам, комуницирајќи и одговарајќи на потребите во светот, јас заработувам – тое е икигаи.

Икигаи не е лесно да се постигне, потребно е време и трпение за да го пронајдете своето. Дијаграмот и следните прашања, несомнено ќе ви ја олеснат потрагата.

Која е вашата најголема пасија?

Сетете се на моментите кои ви носат чувство на страст и слобода. За некој тоа може да е градинарството, за друг може да е пеењето, за трет може да е следењето политички дебати, а има и такви кои уживаат во решавање задачи.

Страста може да е поврзана со она што го работите, но и не мора, вели психологот Chloe Carmichael. „Ако својата цел (своето икигаи) ја барате во работата, мора прво да разберете од кои причини работата ви дава цел и смисла за живот“, објаснува таа. „Дали комуницирате, образовате, инспирирате или помагате при создавањето продукт кој ќе им го олесни животот на луѓето?“Или од друг агол, дали вашата работа ќе донесе нешто големо за луѓето околу вас – дом, стабилност, ресурси за вашата фамилија? И тоа може да биде извор на икигаи.

Кои се вашите вредности?

Истражете што е она што во вас поттикнува чувство на почит и воодушевување? Изненадувачки, но многу лесно ќе дојдете до срцевината на она што вам ви е најважно во животот. Еве една идеја: Напишете ги имињата на четворицата луѓе кои го држат централното место во вашиот живот, за секој од нив наведете по 5 особини поради кои завршија на вашата листа. Тука може да дојде предвид и вашиот идол кој никогаш не сте го запознале.

Особините што ги набројавте, како добрина, трпеливост, силна етичка професионалност, најверојатно ги посакувате за себе. Дозволете им на овие вредности да го водат вашиот начин на размислување и вашето однесување, и за кусо време ќе станат неразделен дел од вас. Ако живеете по нив – да речеме, свесно покажувате трпеливост додека ја воведувате новата колешка во работата – вие сте се поблиску до вашето икигаи.

Која е шемата во вашиот живот?

За повеќето луѓе, икигаи не е фиксен концепт, тој се менува и созрева напоредно со човекот.„За некои игикаги е имањето деца, но штом децата пораснат, енергијата треба да се насочи на нешто ново“, вели Garcia.Но, она што останува непроменето е суштината, она што ви дава задоволство, она што ви дава смисла за постоење. Штом заклучите што е тоа, вие го имате своето икигаи.

Еве еден (измислен) пример: Ивана е успешна во својата кариера, иако е целосно исцрпена и има чувство дека нема повеќе што да даде. Единственото нешто што ја исполнува е дружењето со нејзините колеги. Таа ужива да ги слуша нивните проблеми, се соживува со нив, а врвно задоволство ѝ причинува давањето искрен совет.

Кога подобро ќе размисли, таа и меѓу пријателките важи за одличен советодавец. Барајќи го своето икигаи, Ивана заклучи дека ѝ треба промена на професијата. Денес, како терапевт, одлично ги користи своите способности за слушање и емпатија (круговите 1 и 2) во кариерата (круговите 3 и 4) и ете го погодокот точно во центарот.

Дали имате своја заедница?

Вашата страст, вашите вредности, вашата шема, истовремено се поврзани со луѓето околу вас. „Среќата ја доживуваме како нешто кон кое треба да се стремиме за да го постигнеме – да речеме, преку читање книги за самопомош“, вели Ruth Whippman,автор на America the Anxious. „Но, истражувањата покажуваат дека најголемиот извор на среќа се добрите социјални врски.“ И додека откривањето на вашето икигаи подразбира длабока себе-рефлексија, другите луѓе се интегрален дел од процесот. Погледнете убаво во дијаграмот, сѐ е поврзано на најдобар можен начин!

Икигаи по брза постапка

Направете табла за среќа.Визуелна табла, но со фотографии од телефонот од нештата кои ве инспирираат. Вашето икигаи можеби се крие меѓу нив.

Замислете си го сопствениот погреб.Звучи морбидно, но запрашајте се како сакате да ве запомнат. Фокусот сигурно нема да биде на работата, туку на она што го постигнавте за луѓето што ги сакате и за светот воопшто.

The post Икигаи – Јапонска вештина што ќе ви ја открие смислата на постоењето appeared first on Аптеки PlusPharma.

Лековите и храната меѓу- себно можат значително да влијаат. Храната може да го промени дејството на лекот, и об- ратно, лекот може да го промени искористувањето на храната во организмот. Негативните ефекти кои најчесто можат да се појават при истовремената употреба на храната и лековите се намалу- вање на терапевтскиот ефект или зголемување на штетноста на лекот. Сепак, истовремената упот- реба на некои лекови со храна може да има и позитивно влијание. Таа може да ги намали несаканите дејства на лекот или да го подобри неговото делување. Прашањето кое најчесто му се поставува на фармацевтот е кога да се земе лекот, пред или по јадењето. Исто така, помалку е познато дека при земањето на некои ле- кови треба да се внимава на из- борот на храната.

ФАКТОРИ ОД КОИ ЗАВИСИ МЕЃУСЕБНОТО ДЕЈСТВО ЛЕК – ХРАНА
Ефектите од меѓусебните влијанија на храната и лековите можат да бидат различни. Тие зависат од многу фактори, а некои од нив се исхранетоста, возраста, полот, ге- нетските фактори, употребата на алкохол, пушењето. Меѓусебното влијание на леко- вите и храната е поизразено кај одредени групи пациенти: децата, младите, повозрасните, хронично болните, неисхранетите или кај лицата со прекумерна те- лесна тежина. Повозрасната популација е посебно загрозена, со оглед на тоа што не- ретко зема повеќе пропишани лекови, но и заради честото користење лекови кои можат да се издаваат и без рецепт. Последиците од ваквиот однос кон лековите можат да бидат намалена работа на црниот дроб и на бубрезите. Тоа пак предизви- кува и послаба елиминација на лековите од организмот. Затоа, ако ви е пропишана одредена терапија со лекови, внимавајте на изборот на храната и времето кога ќе го земате лекот.

Неупатеноста може да доведе до несакани последици
Земањето тетрациклински анти- биотици заедно со млеко и млечни производи кои содржат калциум може да предизвика компликации. Калциумот и анти- биотикот формираат комплексно соединение кое се таложи во кос- ките и во забите. Со тоа се губи и дејството на антибиотикот. Оваа појава може да се избегне ако ги земате лековите час-два пред и по земање на млеко и млечни про- изводи. Земањето цитрон или портокал истовремено со лекови за намалување на маснотиите во крвта (статини), предизвикува аку- мулирање на лекот во телото и тоа може да доведе до штетни по- следици по здравјето.
Терапевтското делување на лекот може да биде забавено или за- брзано во зависност од храната што сме ја консумирале.
Консумирањето зеленчук богат со растителни влакна го забавува де- лувањето на повеќето лекови, како што се пеницилинските анти- биотици, дигоксинот (еден од ле- ковите за срцеви болести) и ацетаминофенот (лек што се упот- ребува против болки и повишена температура).
Многу лекови можат да го нама- лат апетитот. Нивната долготрајна употреба може да биде причина за неисхранетост. Таков е случајот со некои антидепресиви. Од друга страна, лековите за спречување алергиски реакции (антихистаминици) и лековите против воспаленија (стероиди) го зголемуваат апетитот. Употребата на одредени лекови подолг пе- риод кај голем број пациенти може да предизвика зголемена телесна тежина.

Кога се земаат лековите?
За повеќето лекови се препора- чува да се земаат на празен сто- мак или меѓу оброци. Храната го забавува празнењето на желудни- кот. Затоа доаѓа до разлика во брзината на делување, интензите- тот и должината на траењето на терапевтскиот ефект.
Земањето лекови на празен же- лудник е важно кога е потребно да се постигне брз терапевтски ефект. Така, се земаат лековите против болка, главоболка, забо- болка, менструални болки, лекови за намалување на телесната тем- пература, лековите за ублажу- вање на симптомите на настинка и грип, лековите за ублажување на проблемите со повраќање, про- лив, запек, киселини. Јасно е дека овие лекови се земаат по потреба, односно толку долго колку што налагаат симптомите.
Некои лекови се препорачува да се земаат по јадење, зашто со тоа се зголемува нивната апсорпција или се постигнува подобра подносли- вост. Така се земаат лековите про- тив болки при мускулно-скелетни заболувања и други хронични сос- тојби на болка, некои лекови про- тив воспаленија, зашто тие предизвикуваат стомачни тегоби, го подигнуваат нивото на липиди во крвта, го стимулираат апетитот и можат да доведат до зголему- вање на телесната тежина.

Општи правила при земањето лекови
За да го постигнат потребниот ефект, лековите треба да се зе- маат редовно, на правилен начин и доволно долго, со соодветен режим на исхрана и здрав начин на живеење.
Кога треба да ги земате леко- вите на празен желудник, пра- вете го тоа еден час пред јадење или два часа по оброк, со полна чаша вода. Избегнувајте земање витамини или минерали во исто време кога го земате лекот. Не голтајте ги лековите со топол пијалак или помешани во него Не мешајте ги лековите со храна.
Не растворајте ги капсулите и не мешајте ја нивната содржина со храна или со пијалаци. Никогаш не земајте лекови со алкохолни пијалаци. Прочитајте ги сите упатства и предупредувања кои доаѓаат со лекот.
Кога земате средства за намалу- вање на температурата, важно е да пиете многу течности. Предност треба да се даде на млаките овошни чаеви, соковите и на ми- нералната вода. Доколку, пак, ви се препишани антибиотици за време на терапијата, а особено по завршување на терапијата, земете и пробиотици. Вашиот фармацевт најмногу може да ви помогне до- колку имате дилема дали при зе- мање на вашата терапија треба да внимавате на некоја храна.

The post Лекови и храна – Како правилно да ги консумирате? appeared first on Аптеки PlusPharma.

Што се крлежи?
Крлежите (Ixodes) сe ситни членконожци кои се хранат со крвта од својот домаќин преку својата цврство зариена рилка во кожата на човек, диви животни и домашни миленици. Крлежите се закачуваат безболно и без предизвикување на чешење, се додека не се нацицаат доволно крв (2-7 дена) во подрачја со потенка кожа: прегиби, позади уво, под гради и во коса, но и на делови кои не се заштитени со облеката.

Кого напаѓа и каде?
Кржежите живеат во вегетација (дрва, грмушки и трева) каде што се движат топлокрвни животни и човек. Нивната активност започнува во пролет и трае до првите заладувања во есен. Најчесто ги напаѓа децата поради нивната изложеност  и безгрижна игра на тревнати површини и грмушки, како и рекреативци со активности во природата, но кои се несоодветно облечени и незштитени со посебни средства (репеленти).

Зошто убодот од крлеж треба да го сфатиме сериозно?
Убодот од крлежот освен што може да предизвика локална непријатност, поради цицање на крвта на разни топлокрвни животни, може да  пренесе бактерии од кои најопасна е Borrelia burgdorferi, предизвикувач на Лајмска болест. Симптомите на Лајмска болест се: прстенасто црвенило на кожата на местото на убод кое се шири, осип на кожата, главоболка, умор, зголемена телесната температура, болки во мускулите и зглобовите, отоци на зглобовите и лимфните јазли. Ненавремено третирање на Лајмска болест, доведува до трајни оштетувања и инвалидност.

Како можеме да се заштитиме?

•  Избегнување на активности во висока неискосена трева и грмушки.
•  Задолжително носење на светла облека која го покрива телото(долги ракави и ногавици преку кои се навлечени чорапи, капа или шешир),  на која може да се забежи и отстрани крлежот.
• Задолжителна употреба на сретства кои ги одбиваат инсектите  – репеленти согласно со упатството за употреба поради должината на дејството. Кај помали деца не се препорачува употреба на репеленти на рацете бидејќи ги принесуваат кон устата.

The post Крлеж во кожата – ИТНО ВО АМБУЛАНТА appeared first on Аптеки PlusPharma.

Бланширање
Зеленчукот треба добро да се измие по млаз вода и потоа да се бланшира. Бланширањето е краткотрајно ставање на зеленчукот во врела вода или пареа. Тоа е многу важно, бидејќи ја забавува или стопира активноста на ензимите. Имено ензимите се многу важни за растот и зреењето на зеленчукот. Ако нивната активност не се стопира пред смрзнувањето, зеленчукот ја губи бојата и вкусот, се стврднува и станува  невкусен  во рок од неколку недели по смрзнувањето. Времето на бланширање е различно за различни видови зеленчук, неговото времетраење треба да биде доволно колку да се запре или инактивира дејството на ензимите. Непосредно по бланширањето, зеленчукот треба да се измие под млаз на студена вода за да се сопре процесот на готвење (бланширање).

Спанаќ
Траење во смрзната состојба бланширан: 10-12 месеци
Брокула
Траење во смрзната состојба бланширана: 8–12 месеци

Келераба
Траење во смрзната состојба бланширана:7 –9 месеци

Боранија зелена
Траење во смрзната состојба бланширана: 9–12 месеци

Грашок
Траење во смрзната состојба бланширан: 9–12 месеци

Овие намирници никако не треба да се подгреваат

Заради денешниот забрзан начин на живот,  кога свежо спремените оброци стануваат се поголем луксуз, а подгревањето на храната  станува секојдневие, конзумирањето на подгреана храна станува голем непријател на нашето здравје. Подгревањето на храната воопшто не е препорачливо бидејќи голем број на намирници во себе содржат состојки кои со подгревањето стануваат штетни, односно токсични. Меѓу оние кои спаѓаат во ризичната група ги издвојуваме :

Спанаќот и генерално зелено-лисниот зеленчук – никогаш не смеете да го подгревате, затоа што доаѓа до големи хемиски промени. Тие во себе содржат нитрати кои со дејството на микроорганизмите и загревањето преминуваат во нитрити, а понатаму во нитрозамини, кои се многу штетни и канцерогени. Спанаќот е најризичен во оваа група, затоа јадете го исклучиво по приготвувањето.

Компирот исто така спаѓа во група на намирници кои со загревањето ги губат своите хранливи својства. Најновите истражувања покажуваат дека компирот е најздрав за јадење кога е
сварен, ама разладен. Кога ќе се излади, во компирот доаѓа до зголемување на отпорниот скроб кој има пробиотско дејство.

Печурките поради протеините лесно го менуваат  својот состав, со што стануваат штетни.

Месото по подгревањето ги губи протеините и му се менува цела структура – затоа се смета за многу канцерогено.

На оваа листа треба да се најде и карфиолот и сите намирници кои содржат сулфур.

The post КАКО ПРАВИЛНО СЕ СМРЗНУВА ЗЕЛЕНЧУКОТ appeared first on Аптеки PlusPharma.

Фототоксичност и фотоалергија

Фототоксичноста може да се појави кај секого и тешко може да се предвиди. Не постои индивидуална склоност и може да се појави кај секое лице кое пие или надворешно употребува фотосензитивни лекови. Клиничките знаци може да почнат по неколку минути, но и по неколку часови по изложувањето на телото на сончевата светлина и максимумот го достигнуваат по неколку часови или денови.

Фототоксичната реакција се манифестира со површинско црвенило на кожата и појава на меурчиња исполнети со течност, видлива е само на местата изложени на сонце, а се појавува веднаш и зависи од земената доза на лекот и времетраењето на изложеноста на сонце. Реакцијата се смирува кога лекот ќе се елиминира од организмот. Препознавањето и прекинот на употреба на лекот што ја предизвикал реакцијата при сончањето се важни чекори за лекување на таквите реакции.
Иако ниту за еден лек не може сосема да се исклучи можноста за фотосензитивност, сепак за некои лекови (антибиотици, хормонски препарати, антидепресиви, лекови за мокрење, лекови против воспалениjа и болки, цитостатици) се знае дека често предизвикуваат такви реакции и тоа во зависност од земената доза.

Фотоалергија е реакција која се појавува ретко и само кај лица со одредена предиспозиција. Реакцијата не зависи од примената доза на лекот, а постои можност и за вкрстена фотосензибилизација меѓу сродни лекови.

Фотоалергиската реакција се карактеризира со црвенило на кожата, меури и чешање. Се појавува по второто земање на лекот и најчесто по 48 часа од изложеноста на сонце. Не зависи од внесената доза на лекот и може да се прошири и на заштитените делови на телото.
Понекогаш истовремено може да се појават и двете реакции.

Што уште може да предизвика фотосензитивност?
Шминката и парфемите што содржат етерични масла, во контакт со сонцето може да предизвикаат појава на темни дамки со неправилна форма, кои може ќе избледат со тек на времето, но некои остануваат и трајно. Шминката и парфемите во летниот период треба да се користат навечер, а кожата треба да се негува со хидратантни кремови без парфимирани додатоци.
Доколку треба нашминкани да бидете изложени на сонце, треба да нанесете на кожата крем со висок фактор на заштита половина час пред нанесувањето на шминката. И покрај оваа мерка за заштита, не треба да се задржувате предолго на сонце, бидејќи постои ризик од појава на дамки.
Причина за вакви појави може да биде и употребата на кантарион, бидејќи може да предизвика фотосензитивни реакции на кожата. Иако маслото од ова растение претставува одличен лек против изгореници, никако не смее да се користи пред и за време на сончање, и тоа ниту како чај за пиење.
Некои природни производи, исто така, може да предизвикаат оштетување на кожата. Етеричните масла од лимон, портокал, мандарина и лимета треба да се избегнуваат барем 12 часа пред да се изложите на сонце, бидејќи може да предизвикаат фототоксични реакции и да остават трајни темни дамки.

Што можеме да преземеме?
Вистинскиот пристап за решавање на овој проблем е негова превенција, односно, да се избегнува сончање доколку се употребува лек за кој е познато дека може да предизвика фотосензитивност. При појавата на изразита фотосензитивна реакција, треба да се прекине земањето на фотосензитивниот лек. Кога се работи за фототоксичност, со прекинот на терапијата симптомите се повлекуваат, што не е случај при појавата на фотоалергијата.
Ако е неопходно да се зема лекот и покрај ризикот од фотосензибилизација, треба да се избегне изложеноста на сончеви зраци. Понекогаш постои можност за промена на терапијата со соодветен и помалку ризичен лек, според советот од лекар. Хронично болните, како што се пациентите со висок крвен притисок и други, не треба да ја прекинуваат терапијата, туку треба да го избегнат сончањето во време кога сонцето е најјако. Задолжително е да обезбедат заштита со облека, капа и очила. Во сончевите зраци треба да уживаат само рано наутро и во доцните попладневни часови и притоа да користат средства со висок фактор на заштита.
Доколку се појават изразити кожни реакции, треба да се консултирате со лекар. Влажни и ладни облоги може да го ублажат црвенилото и печењето, а антихистаминиците го намалуваат чешањето. Кај потешките случаи, лекарот може да прeпише кортикостероидни препарати за краткотрајна употреба.
Побарајте совет од дерматолог или фармацевт ако мислите дека имате фотосензитивност предизвикана од лекови или ако не сте сигурни дали лековите што ги земате можeда предизвикаат фотосензитивни реакции.

Проф.д-р Бистра Ангеловска

The post ЛЕКОВИТЕ И СОНЦЕТО appeared first on Аптеки PlusPharma.

Сончевите зраци може да му наштетат на окото
Сончевата светлина претставува енергија која се апсорбира во окото, поттикнувајќи биохемиски реакции кои може да доведат до трајни оштетувања доколку сме изложени на зрачење кое нашето око не може да го поднесе.

Ултравиолетовото (УВ) зрачење кое е невидливо за човековото око, интензивното блескаво светло и сината светлина која настанува со одбивање на светлината од водните површини, песокот, снегот и асфалтот, можат да доведат и до трајни оштетувања на поединечни делови од окото: макуларна дегенерација, перде, забрзано стареење на мрежницата и сл.

Очилата за сонце
·                     Правилно избраните очила за сонце треба да ви ги заштитат очите од УВ светлина.
·                     Тие треба да бидат удобни за носење и да не го заматуваат видот.
·                     Многу темни очила за сонце предизвикуваат ширење на зениците и овозможуваат поголемо изложување на окото на штетните УВ зраци што може да доведе до трајни последици.
·                     Поларизираните стакла ги штитат очите од одблесокот кој настанува со одбивање на светлината од водните површини, снегот, песокот и асфалтот.

Мерки за заштита на вашите очи
·                     Задолжителни очила со назнака „100% УВ заштита“.
·                     Носете шешир со широка стреа за дополнителна заштита.
·                     Очилата со поларизирани стакла се задолжителни за професионалните возачи и спортисти, кои поминуваат повеќе време на вода и снег.
·                     На лицата на кои им се имплатирани леќи, задолжително е носење соодветни очила во консултација со офталмолог.
·                     Купувајте очила во специјализирани продавници кои гарантираат квалитет. 

The post ОЧИЛА ЗА СОНЦЕ – МОДА ИЛИ ЗАШТИТА appeared first on Аптеки PlusPharma.

Распространетост и медицинско значење
Во светот има повеќе од три илјади видови комарци, но од медицински аспект важни се само неколку од нив, затоа што мнозинството од нив и не ги касаат луѓето. Од позначајните заболувања кои се пренесуваат и се шират со каснувањето од комарците се: маларијата, жолтата треска и разни видови енцефалитис.
Во Македонија егзистираат околу 140 видови комарци кои, за среќа, освен предизвикување на локални алергиски реакции и нарушување на мирот при извршување на секојдневните активности и при престојoт во природа, не се преносители на сериозни заболувања. Но, поради евидентните климатски промени и отворениот пазар за транспорт на производи и стоки кои може да бидат погоден медуим за развој на комарци, не е исклучена и можноста од појава на нови видови, како што е сѐ почесто спомнуваниот тигрест комарец (преносител на вирусот денга).

Кога и кој е следната „жртва“?

Комарците главно се активни во летниот период, но во зависност од временските околности, својата активност можат да ја започнат и во рана пролет, па сѐ до доцна есен. Вечерните и раните утрински часови се резервирани за напасничкиот поход кога комарците се најактивни во потрагата по „свежа крв“.

Иако комарците „напаѓаат“ едни луѓе повеќе од други, тоа нема никаква врска со количината на шеќер во крвта, цветните мириси или некои други елементи. Сите комарци се привлекуваат од јаглероден диоксид, млечна киселина и од одредени видови бактерии кои кај некои луѓе се застапени во поголема концентрација.

 
Зошто комарците цицаат крв?

Протеините од крвта се неопходни за развој и подигање нови генерации на комарци. 

Како да се спасиме од непријатните каснувања?

• Заштита на просториите во кои престојуваме со мрежи и со завеси.
• При престој во паркови, ливади и друг отворен простор се препорачува носење лесна облека со долги ракави, по можност со светла или бела боја.
• Употреба на хемиски средства коишто ги одбиват комарците – рапиленти (само доколку е неопходно) и тоа во согласност со упатствата за употреба.
• Употреба на природни производи, во прв ред етерични масла и екстракти од растенија, како паметна алтернатива за добра и безбедна заштита од комарци. 

The post КОМАРЦИ – ЛЕТНИ НАПАСНИЦИ ИЛИ ЗДРАВСТВЕНА ОПАСНОСТ! appeared first on Аптеки PlusPharma.

Што е сончаница?
Сончаница настанува при повеќечасовно и директно изложување на главата на интензивно сончево зрачење што предизвикува прегревање, ширење на крвните садови и мозочни оштетувања. Се среќава во летниот период, при спортување или работа на отворено (градежништво, земјоделство и сл.) или при предолга изложеност на сонце на отворено море, најчесто во периодот помеѓу 11 и 16 часот.
Посебно се осетливи:
·                     деца,
·                     повозрасни лица со поретка коса,
·                     лица со зголемен физички напор за време на изложеноста на сонце без соодветна заштита и рехидратација,
·                     лица во алкохолизирана состојба,
·                     лица кои не се доволно оздравени по болест или исцрпувачка состојба на организмот.

Симптоми на сончаницата:
·                     зашеметеност
·                     главоболка
·                     забрзан пулс
·                     зуење во ушите
·                     црвенило на лицето
·                     покачена телесна температура
·                     мачнини во стомакот и повраќање кое не дава чувство на олеснување
Подоцна, можно е влошување на состојбата со халуцинации, вкочанетост на вратот, грчеви, губење на свеста која може да заврши со кома и смрт.

Што е топлотен удар?
Топлотен удар е сличен на сончаницата, но причината не мора да биде изложеноста на сончеви зраци туку долготрајни активности во прегреани и влажни услови, на отворено или во затворени простории. Посебно се осетливи:
·                     возачи во прегреани транспортни возила,
·                     работници во пекарници, топилници и сл.,
·                     деца, бидејќи нивното тело потешко ја поднесува високата надворешна температура и влажноста,
·                     спортисти кои подолг период спортуваат на отворено и се изложени на високи температури.

Топлотен удар настанува како резултат на нагло и прекумерно покачување на телесната температура поради неможност организмот да ја задржи температурата во нормални граници.

Симптоми на топлотен удар:
·                     сува кожа
·                     вртоглавица
·                     главоболка
·                     низок крвен притисок
·                     забрзан пулс
·                     покачена телесна температура
·                     замор
·                     мачнини во стомакот и повраќање кое не дава чувство на олеснување
·                     грчеви
·                     губење на свеста која може да заврши со кома и смрт.

Прва помош
Лицето за кое се сомневаме дека претрпело топлотен удар или било претерано изложено на сончевите зраци без заштита, треба да се:
·                     пренесе во ладовина или разладена просторија,
·                     да се преземат мерки за постепено разладување на организмот со ладни и ледени облоги на челото, вратот, рачните зглобови, деловите зад колената, препоните и внатрешните делови од лактите,
·                     се разладува со ладни напивки доколку пациентот е при свест,
·                     се следи телесната температура доколку е возможно, сѐ додека не се обезбеди лекарска помош.
·                     Не е дозволено нагло туширање со многу ладна вода, туку треба да се обезбеди постепено разладување.
·                     Во случај некое лице да изгуби свест треба да се стави во странична положба, за да се избегне гушење во случај на повраќање, и итно да се транспортира во болница.

По третирањето на пациентот од страна на лекарот со соодветна терапија, разладување и рехидратација, во неколку наредни денови пациентот може да очекува да има главоболки, осетливост на светлина и звуци, раздразливост и нервоза, поради што се препорачува одмор во затемнети и свежи простории, без заморувања како што се гледање телевизиски програми, работа со компјутер и слично.

Превенција од сончаница и топлотен удар
·                     избегнувајте директна изложеност на сонце во период од 11 до16 часот
·                     избегнувајте затворени загреани и влажни простории
·                     заштитете ја главата со шешир со поголема стреа
·                     користете облека од природни материјали
·                     редовно пијте вода и природни сокови
·                     одморајте се во ладовина
·                     избегнувајте интензивни физички активности директно на сонце
·                     избегнувајте алкохолни пијалаци

Термалните точки
Телото може полесно да се разлади со ладни облоги кои се поставуваат на таканаречените термални точки. Тоа се делови од телото каде поминуваат главните крвни садови (рачните зглобови, деловите зад колената, препоните, внатрешните делови од лактите, вратот). 

The post СОНЧАНИЦА И ТОПЛОТЕН УДАР appeared first on Аптеки PlusPharma.

Секое одделување од децата е тешко, па дури и кога тоа е за нивно добро. Најчесто разделбата е потешка за родителите и е исполнета со голема доза на загриженост. Но нема простор за паника. Ќе се изненадите од фактот колку децата се адаптaбилни и колку децата знаат и умеат да бидат самостојни.

Училишните екскурзии се организирани со една и единствена цел – усвојување и проширување на знаењата, а воедно и развивање и јакнење на социјализацијата и солидарноста.
Целта на  училишните екскурзии е преку забавно-рекреативни и социјализирачки игри детето да развие позитивен однос кон националните, уметничките, научните и општокултурните вредности, да го осознае влијанието на човекот врз природата и објектите и да развие способност за набљудување и запознавање на локалната средина.
Низата активности кои се одвиваат за време на едно или повеќедневните екскурзии се манифестира со поттикнување позитивни емоции, другарување и поддршка, солидарност и подобро запознавање со соучениците.
Училишните екскурзии даваат можност за градење и остварување спортска култура и навики за здрав живот.

Што сè може да биде место на реализацијаза една училишна екскурзија?
Најчесто еднодневните екскурзии се реализираат во природа (посета и набљудување на различни природни географски објекти – извор, река, езеро, шума…), обиколка на населбата или само нејзин дел (препознавање на разни општествени објекти – пошта, амбуланта…), посета во парк (градски парк, парк шума, помала зелена површина и сл.), посета на разни други објекти (фабрика, зоолошка градина, супермаркет, трговски центар и сл.), посета на едукативни установи (музеј, театар, балет, опера).

Како да го подготвите своето дете за дружење на еднодневна или повеќедневна екскурзија?
Во ранчето спакувајте им сува храна, без слатки или сокчиња поради можните мачнини. Ако планирате да им спакувате слатки и сокчиња, ставете ги во куфер, но погрижете се да има доволно и за другите дечиња. Сепак, целта на дружењето е и да научат да споделуваат со другарчињата. Задолжително додадете во ранчето доволна количина вода за пиење.
Проверете ја временската прогноза и соодветно на тоа обезбедете облека според условите. Планирајте изненадувања и ставете парче облека повеќе.
Не е практично детето да носи мобилен телефон. Дополнително го оптоварувате да се грижи за него, а воедно не му дозволувате да биде самостoјно и решително, туку за секоја ситница да ве бара за совет. Имајте број од учителката и побарајте го распоредот на активности.
Доколку вашето дете користи одредена терапија, координирајте се со учителката таа да се прими на соодветен начин и време.

Дали и колкава сума пари да му дадете на вашето дете?
Дознајте кои ќе им бидат забавните (социолошки) дружења и дајте им малку повеќе од предвидените трошоци (одење на пица, сладолед, палачинки). Преголема сума пари може да  делува негативно, предизикувајќи постојан стрес и притисок да не им ги украдат, а воедно и да стекнат чувство да ги планираат трошоците. Најдобро е да се  договорите и со другите родители околку висината на средствата кои ќе им ги дадете.

Обезбедете:

• палома марамчиња / влажни марамчиња
• гел за дезинфекција на раце
• ханзапласт
• слоевита и соодветна облека
• доволно вода за пиење

The post НА ЕКСКУРЗИЈА appeared first on Аптеки PlusPharma.

Сите предизвици на првиот училишен час
Започнувањето на образовниот процес е период во кој се менуваат многу работи во семејното функционирање. Тоа е период во кој се очекува кај детето да се променат некои негови навики, обврски и одговорности. Како детето ќе ги прифати тие промени, како ќе се адаптира и снаоѓа во училиштето, во голема мера зависи од неговиот дотогашен развој и воспитување, но и од спремноста и умешноста на родителите активно да се вклучат во овој процес и да помагаат.

Фактори за успешна адаптација и вклопување во образовниот процес
Физичката и психичката подготвеност на детето за поаѓање на училиште е сплет на сложени и испреплетени влијанија на наследството и средината. Но, како можете вие да му помогнете полесно да го прифати училиштето и што од вас се очекува? Каде е вашето место во првите денови од школувањето на вашето дете? Како да ги усогласите своите желби и постапки, за подобро да му помогнете? Како да му дадете поддршка и како да помогнете во процесот на градење сигурност и самопочит кај вашето дете?
Освен генетските предиспозиции, условите во кои детето живеело, како се развивало во предучилишниот период, што и на кој начин добивало од возрасните во своето семејство – влијае во каква личност ќе се развие и како ќе ги прифаќа промените со започнувањето на образовниот процес. Детето расте во семејството. Тоа за него е природно и најважно опкружување. Тоа е целиот свет за голем број деца. Единствена средина во која растат сè до поаѓањето во училиште. Какво и да е семејството, мало, големо, целосно или не, среќно или не, има најголемо влијание во формирањето на личноста на детето. Со поаѓањето на училиште, детето ќе го донесе сè она што го научило во семејството; односот кон другите деца, кон наставниците и кон себе. Иако идеални семејства нема и тешко е да се оформи средина во која децата ќе доживуваат само позитивни влијанија, важно е ваквиот пристап да доминира. Ако се водите од ставот дека јас и моите деца заедно живееме, растеме, создаваме, и заедно го креираме семејниот живот, вие воспоставувате активен заемен однос со вашето дете и помагате да се развива во зрела, одговорна и самостојна личност. Таквите личности многу полесно минуваат низ процесот на адаптација во училишната атмосфера.

Што е важно?
За детето е неопходно да почувствува дека е сакано од двајцата родители и дека имаат доволно време, нежност, разбирање и поддршка за него. Колку и да ви е слаба точка вашето дете, родителската љубов не смее да биде посесивна, да го гуши детето, ниту да значи бескрајна попустливост или недоследност во однесувањето. Вашите зборови и постапки треба да бидат усогласени, а вие одлучни, јасни и постојани во своите барања и како мајка-татко, и како родителски пар. Преголемата строгост предизвикува страв, отпор и лаги кај детето. Преголемата попустливост носи разгаленост, своеволност, пасивност. И двата екстрема создаваат потенцијал за тешкотии во училишната адаптација.

Љубовта е нужен, но не и единствен услов за успешен развој на детето. Потребни се родителска грижа, внимание, разбирање и почитување.
За децата е важно да јадат редовно, умерено и различни видови храна. Вие помагате да се изгради односот кон храната. Од вас зависи кој вид, која количина и на кој начин детето ќе се храни. Овозможете му добар сон од 10-12 часа. Создадете навика за определено време кога се оди на спиење, по цртан филм или слично, но бидете доследни и одлучни, сепак и доволно толерантни да отстапите понекогаш од договореното време за спиење.
Играњето носи радост, слобода, но и помага да се испробуваат, вежбаат и усовршуваат своите способности. Овозможете му на вашето дете што повеќе да игра. Со тоа ќе задоволите една од најважните потреби на детето, ќе поттикнете развој и ќе создадете предуслови за успешено учење и адаптирање. Низ игра детето полесно воспоставува контакт со другите деца, учи да ги почитува потребите на другите, да одложи некои свои потреби, да реагира кога ќе дојде ред на него во играта. Сето ова помага низ игра детето да развива солидарност, соработка, толеранција, трпение и самоконтрола.
Смејте се со вашето дете. Смеењето релаксира и смирува, а ведриот дух помага да се соочиме со тешкотите на полесен и креативен начин. Смејте се на неговите шеги, дозволувајте повремено да ве насамари, нежно шегувајте се на своја и на негова сметка. Насочувајте го кои шеги се прикладни за деца, кои не.
Сите активности практикувајте ги со многу ЉУБОВ, ВНИМАНИЕ, ТРПЕНИЕ, ДОСЛЕДНОСТ, ДОВЕРБА, ПОДДРШКА. ПОТТИКНУВАЈТЕ ГИ СИТЕ ОСОБИНИ КОИ САКАТЕ ДА ГИ ПОСЕДУВА ВАШИОТ ПРВООДДЕЛЕНЕЦ. Истото ќе ви помогне во адаптација на првите училишни денови.

Како да му помогнете на вашето дете да учи?
Учењето е сложен и долготраен процес кој се одвива низ целиот живот на детето, процес во кој детето стекнува нови знаења и искуства, процес со кој се поттикнува развој на сите негови потенцијали и на целокупната негова личност. Многу родители се загрижени дали детето пред поаѓање на училиште треба да знае да чита, пишува, да ги познава бројките.
Она што можете да го направите е да:

• Зборувате со детето, едноставно, без предолги реченици и апстрактни поими.
• Зборувате за работи кои се блиски до детето, кое се дел од неговото искуство.
• Не брзaјте и не викајте додека разговарате, воедно не срамете се за работи кои не ги познавате доволно, а вашето дете е љубопитно заедно да ги побарате одговорите.
• Прашувајте го детето повремено дали и што ве разбрало, имајте трпение да ги повторувате работите кои не се доволно разбрани.
• Додека детето ви зборува, насочете го целосно вниманието кон него.
• Покажете му дека ви е важно и интересно она што ви го раскажува.
• Поттикнете го детето да го искажува своето мислење и своите чувства во текот на разговорите.

Бидете активен стимулатор
Помогнете му на вашето дете да научи подобро да ги користи своите сетила и да ја перцепира околината.
Додека патувате, натпреварувајте се кој прв ќе ја види најголемата зграда, кое дрво е највисоко, колку повеќе продавници ќе види, каква боја е трговскиот центар, болницата и сл.
Да воочува различни форми, големини и бои (покажете му го виножитото, редете ги боичките во боите на виножитото, нека се обиде да го нацрта, собирајте школки и камчиња и редете ги по големина и сл.).
Делумно да се ориентира во простор и време. Основните поими за време, во овој период детето ги стекнува низ активности кои само ги прави. Дали се облекло брзо или бавно, дали надвор било за долго или за кратко. Да се снајде подобро, научете го колку траат неговите активности (за да стигнеш до  игралиште треба 10 минути).
Да стекне одредени хигиенски, работни и културни навики. Не правете ги работите наместо него, или ако е бавно, дозволете само да ги прави, оставете го да вежба и пофалете ги неговите вештини.
Добро да го развие говорот и успешно да комуницира со луѓето. Разговарајте секогаш со своето дете, секаде каде што можете. Доколку греши, или неправилно изговара одредени букви или зборови, поправајте го ненаметливо, без притисок и потсмевање. Користете и учете го брзозборки. Проверувајте колку зборови знае и воведувајте постепено нови зборови и поими.
Да го вежба помнењето и меморијата. Проверувајте ги работите кои сте ги научиле. Давајте му задачи нешто да ве потсети.
Да ја развива својата љубопитност и фантазија. Покажете интерес и почит за неговата љубопитност и заедно со него разбранувајте ја својата фантазија.

На оваа возраст децата полесно го одржуваат вниманието и подобро паметат доколку задачите се интересни и привлечни за нив и им се од области кои им се блиски. Полесно паметат кога ќе видат, допрат и слушнат.

Причини поради кои децата најчесто одбиваат да одат на училиште или пројавуваат тешкотии:

• Страв да се одвојат од родителите;
• Недоволна психофизичка зрелост;
• Неподготвеност за училиште;
• Раѓање на брат или сестра;
• Развод на родителскиот пар;
• Постапка на наставник (викање, преместување на друго место, подалеку од најдоброто другарче);
• Тешки задачи со кои не може да се снајде;
• Несогласувања со другарите, соучениците.

Доколку се случи вашето дете да почне да се однесува на начин на кој не сте очекувале, кој ве изненадува, збунува, вознемирува и плаши (почнува да пелтечи, се појавиле тикови, често се разболува, енуреза (мокрење во сон), агресивно е или е премногу повлечено и сл), обидете се да разговарате со него, обидете се да разберете и да помогнете.
Доколу забележите дека детето има тешкотии, а не умеете да ја откриете причината или доколку не знаете како да ги надминете тешкотиите кои сте ги воочиле (дури иако ја знаете причината), побарајте стручна помош.

Започнувањето на вашето дете со училиштето е уште еден предизвик во вашиот живот и вашето семејство кој доколку дозволите ќе ви помогне да се развивате во родител кој ќе сака, почитува, разбира, поддржува, поттикнува, ќе верува во своето дете, ќе биде доследен, трпелив родител, подобар брачен партнер, професионалец, пријател, подобар и помудар човек. А на вашето дете ќе му помогне да се развива во сè посамостоен, успешен, млад човек.

Совет
Запознајте го детето со она што го очекува. Прикажете го училиштето како место во кое детето ќе стекне нови пријатели, место каде ќе научи да чита, црта пишува… Избегнувајте реченици од типот: „Кога ќе тргнеш во училиште, готово е со играњето“, за да не создадете погрешна перцепција за училиштето и неговата поврзаност со останатите активности.
Одете заедно до училиштето, така ќе ја зголемите неговата самодоверба.

The post ВАШЕТО ПРВАЧЕ ПРЕД НОВА ЖИВОТНА КРСТОСНИЦА appeared first on Аптеки PlusPharma.

The post ДЕН ПО ОБИЛНАТА ТРПЕЗА appeared first on Аптеки PlusPharma.

Најчести симптоми

• течење на нос / затнат нос

• кивавица

• кашлање

• болки во грлото

Настинката проследена со покачена телесна температура е знак за дополнителна бактериска инфекција. Воспаление на средно уво, синузит, воспаление на грло и појава на зеленикав секрет од носот се сигурен показател за одредена компликација. Посетата на лекар и соодветна антибиотска терапија се особено важни заради навремено лекување и спречување на дополнителни посериозни компликации.
За разлика од настинката, симптомите кај грипот може да бидат многу потешки и да траат подолго. Грипот може да „тропне на вратата“ во текот на целата година, но особено е чест во зима или рана пролет, па затоа е познат и како СЕЗОНСКИ ГРИП.

Грипот дополнително е проследен со следните симптоми:

• треска со висока температура (некогаш и над 39° C)

• главоболка

• замор

• болки по целото тело

• црвени и насолзени очи

• дијареја

• губење апетит

Линија на разграничување на симптомите помеѓу настинката и грипот скоро и да не постои, па тешко дека ќе препознаете која од овие две вирусни инфекции е на повидок. Грипот е посериозно заболување, па е најдобро на почеток да претпоставите дека имате грип и веднаш и соодветно да пристапите кон негово лекување.

Грипот најефикасно се лекува во првите 48 часа од појавата на симптомите. Навремената употреба на соодветни препарати може да го скрати времетраењето на болеста и да го забрза заздравувањето.

Превенција

Покрај стандардните препораки за заштита од настинка или грип, особено важно е одржувањето високо ниво на имунитет. Редовна и избалансирана исхрана, оптимален сон, а по потреба и вклучување додатоци во исхраната, особено витамин Ц, ќе помогнат во справување со инфекцијата.
Прочистувањето на носот со физиолошки раствор е особено корисно и делотворно. На овој начин ќе направите механичко чистење на евентуалните вируси од слузокожата, ќе се намали нивниот број, а со тоа и шансата да се развие инфекција. 

Направи сам – прочистување со физиолошки раствор

Во половина литар вода ставете една кафена лажичка сол и, откако ќе проврие, оставете да се излади. На дланка ставете од растворот, затворете ја едната страна од носот, а со другата повлечете од водата со истовремено кревање на главата и дланката припиена за носот. Растворот треба да помине низ носот и да дојде до грлото. Тогаш плукнете. Постапката повторете ја неколкупати, а потоа сменете ја другата страна. Правете ја постапката наутро и навечер неколку дена.

Совети за олеснување на симптомите

• Болно црвено грло – употребете прополис (капки, спреј за грло, дражеи) или направете гаргара со чај од жалфија.

• Затнат нос и секрет – инхалации со чај или етерично масло од еукалиптус, тимијан и сл.

• Покачена телесна температура – чај од бозел, ајдучка трева и шипки.

• Против воспаление – прополис во форма на спреј или капки. Во шолја промешајте една лажичка мед со 5-10 капки прополис. Растопете ја содржината во уста што е можно подолго.

За полесна борба со инфекцијата, задолжително вклучете употреба на препарати на база на ехинацеа.

Доколку е неопходно, вклучете и медикаментозна терапија во форма на капки за нос, лекови против болка и против покачена телесна температура. За начинот на нивната примена, консултирајте се со вашиот фармацевт.

The post НАСТИНКА И ГРИП appeared first on Аптеки PlusPharma.

The post ФАЛСИФИКУВАНИ ЛЕКОВИ – како да се заштитиме appeared first on Аптеки PlusPharma.

The post ИМУНИТЕТ – прва одбранбена линија appeared first on Аптеки PlusPharma.

The post ГЛАУКОМ – тивок крадец на видот appeared first on Аптеки PlusPharma.

Попис на фактори
Како главен предизвикувач и најчест фактор на алергиските реакции е поленот кој се ослободува од дрвјата што рано цветат, поленот од бреза, јасен и бука. Симпатологијата е поизразена во периоди на суви и ветровити денови кога постојат услови овој алерген лесно да се дистрибуира до нашите сетила. Оддишка и ослободување од алергиската манифестација може да се очекува во дождливи и влажни денови.

Јасни знаци на алергија на полен
Симптомите на алергијата на полен може да се менуваат и да имаат различен интензитет, што е зависно од количината на директно присутниот алерген. Типичната слика на алергиска реакција вклучува:

• затнат нос и отежнато дишење

• течење од носот

• кивање

• чешање и солзење на очите

Покрај овие видливи и јасно изразени знаци на алергиска реакција, кај некои лица симптомите се продолжени во форма на летаргија, незадоволство, намалена концентрација и проблеми со спиењето.
Не се исклучени и компликации и развој на алергиска астма.

Природна аптека
Тежината на симптомите неретко може значително да го намали квалитетот на животот. Токму поради ова, превенцијата и употребата на храната и богатството од лековити билки во голема мера можат да влијаат во подобрување на општата слика.

Внесување здрава и избалансирана храна, во прв ред свежо овошје и зеленчук, по правило, можат да помогнат во подобрување на состојбата. Консумирање јаткасти плодови и храна богата со антиоксиданси ќе помогне во битката за намалување на воспалителни реакции и тоа е значаен фактор во контрола на алергијата. Храна богата со масни киселини, како риба, јајца и ореви, ќе има дополнителен позитивен ефект.

Тајната е во употребата на чаеви, облози и инхалации

Коприва
Редовна и долготрајна употреба на чај од коприва со сигурност ги ублажува симптомите. Полна лажица чај од коприва се прелива со чаша врела вода и се остава да отстои половина час. Се цеди, се додава свежо цеден лимон и се пие до 4 шолји дневно.

Камилица
Благодарение на антивоспалителните својства, камилицата помага кај симптоми поврзани со очите.
Оладени вреќички чај од камилица држете 3-5 минути на очите. Постапката повторете ја неколку пати во денот.

Нане
Редовни инхалации во траење од десетина минути дневно ќе го олеснат дишењето и ќе ги одзатнат дишните патишта.

Медот и ѓумбирот  можат да помогнат повеќе отколку што мислите. Направете чај од свежо изрендан ѓумбир. Напивката засладете ја со лажичка мед и најдобро е да ја консумирате навечер пред спиење.

Физичка активност
Правилен распоред на вашите активности и избегнување директна изложеност на предизвикувачите, дополнета со лесна физичка активност, со сигурност ќе го направи вашето секојдневие многу поудобно.

Клинички потврдено!
Употребата на производи на база на концентриран и стандардизиран екстракт од куркума покажува завидни резултати во превенцијата и олеснувањето на сите симптоми поврзани со пролетните алергии.

The post „НА ЗДРАВЈЕ“ – ВРЕМЕ Е НА АЛЕРГИИ appeared first on Аптеки PlusPharma.

Непроценлив извор на здравје

• пренос на нутриентите до виталните органи
• растворање на хранливите состојки
• одржување на телесната температура
• хидратација на кожата
• елиминирање на токсините од организмот

Што е дехидрација?

Знаци на дехидрација

• мигренозни или болки во главата
• сува кожа
• грчеви во рацете и нозете
• забрзана работа на срцето
• замор или слабост
• мачнина и повраќање
• стрес и депресија
• проблеми со варење на храната
• запек

Најголема закана за дехидрација е замена на водата со газирани безалкохолни пајалаци, енергетски пијалаци и кафе.

Водата е најевтиниот лек. 

Запомнете! Не е можно водата, за која човековото тело има потреба, да се замени со какви било готови пијалаци. 

Колку вода е доволно?

Денот започнете го и завршете го со чаша свежа вода!

Која вода е најдобра за пиење 

Проверете!

На сите им е познато дека водата е неопходна на организмот, но се чини дека малкумина сме свесни за нејзината важност по нашето здравје! Уверете се. Едноставно е. Наздравете со чаша пивка и свежа вода.

The post ВОДА – темел на телесно и ментално здравје appeared first on Аптеки PlusPharma.

Влијанието на сонцето врз здравјето на нашите очи

Ветер

Внимателно со базените 

Препорака

The post НАДВОРЕШНИ ВЛИЈАНИЈА – Можен ризик врз здравјето на очите appeared first on Аптеки PlusPharma.

Секој од нас, можеби еднаш во животот, се нашол во ситуација кога е неопходна примена на соодветна терапија за очи во форма на капки или маст за очи. Правилната употреба на овие производи е од особена важност, како за постигнување на посакуваниот ефект, така и за избегнување на евентуални несакани ефекти од нивната неправилна употреба.

НАЈВАЖНОТО ПРАВИЛО!
Пред секое ставање капки и масти во окото, потребно е да ги измиете рацете.

Ставање капки во око

Pri davanju kapi bolesnik treba sjediti s glavom zabačenom prema natrag ili При ставањето капки, треба да се седи со главата зафрлена наназад или да се легне. Легнатата положба е поповолна кај деца бидејќи кај нив, обично, главата треба да се задржи. Donja vjeđa se odmakne od oka pomoću smotuljka vate te se u srednjem dijelu oka ukapaju 1-2 kapi dok bolesnik gleda prema gore.Долниот капак се оддалечува од окото со користење памучни ролни и се капнува во долниот агол на очните капаци, а не во окото, и тоа по 1-2 капки, додека пациентот гледа нагоре. Više kapi od toga nije potrebno jer ne mogu stati u oko pa se prelijevaju. Повеќе капки од тоа не е потребно затоа што тие не можат да се впијат во окото и се прелеваат. Kapi se ukapaju u donji kut vjeđe, a ne na oko.Се капнуваат од височина од 2 см за да се избегне контакт на шишето со очниот капак.Ukoliko bočica dotakne vjeđu, bakterije se prenesu na bočicu te se tom bočicom ne smije kapati lijek u oči drugog bolesnika. Ако шишето се допира со капакот, бактериите се пренесуваат на шишето и шишето не треба да се користи во очите на друг пациент.Nakon stavljanja kapi bolesnik treba nekoliko minuta držati oči zatvorene kako bi se lijek pravilno rasporedio po oku, a isto tako da bi se zadržao jer se treptanjem odstranjuju suze i lijek s njima. По капнување неколку капки, пациентот мора да ги држи очите затворени неколку минути, со цел лекот правилно да се распореди во окото и, исто така, за да се зачува, бидејќи со трепкањето лекот се отстранува со солзите. Вишокот капки се бришат со чист памук.
Најчеста грешка при употреба на капки е непочитување на фрекфенцијата на аплицирање. Многу е важно да се следат препораките дадени од лекарот за дневната фрекфенција и за вкупното време на употреба на лекот.

Stavljanje masti u okoСтавање масти во око

Masti se stavljaju u donji dio oka, nakon što se smotuljkom vate donja vjeđa odmakneМасти се ставаат во долниот дел од окото, откако долниот очен капак ќе се оддалечи од окото.Dovoljno je staviti malu količinu masti, veličine zrna pšenice. Доволно е да се стави мала количина маст со големина на зрно од пченица.Nakon stavljanja masti potrebno je zatvoriti oči te laganom masažom zatvorenih vjeđa rasporediti mast po oku. По ставањето маст, треба да се затворат очите и со нежна масажа на затворен капак, маста се распоредува по окото.Višak masti na vjeđama se obriše vatom. Вишокот маст во капакот се брише со помош на стапчиња со вата. Маста се употребува толку долго, колку што препорачал лекарот-специјалист. Најчесто, капките се даваат преку ден, а маста пред спиење.

Општи препораки

По ставањето капки и масти во окото, потребно е да се мијат рацете, за инфекцијата да не се пренесе на други лица и објекти. Капките и маста се чуваат добро затворени во оригиналните пакувања, во услови кои се опишани во внатрешното упатство.

Специјалист-офталмолог
Д-р Сашо Ѓорѓиоски

The post КОРИСНИ СОВЕТИ ЗА ПРАВИЛНА АПЛИКАЦИЈА НА КАПКИ И МАСТИ ЗА ОКО appeared first on Аптеки PlusPharma.

Елементарна функција на штитната жлезда е формирање и лачење на тироидните хормони –троксин, тријодтиронин и калцитонин. Нивната улога е една од најважните, т.е. ѝ помаагат на секоја клетка, во секое ткиво и орган, да функционира нормално. Тироидните хормони му помагаат на телото да ја користи енергијата, да остане затоплено, како и да им овозможат на мозокот, срцето, мускулите и на другите органи да функционираат нормално.
Тироидните хормони имаат и други важни функции. Му помагаат на црниот дроб да го отстрани од крвта таканаречениот лош холестерол. Исто така,
учествуваат и во процесот на варење на храната и во перисталтиката на цревата.
Хормоните влијаат и на изгледот и здравјето на кожата и на косата, со што од голема важност е овој орган да биде целосно функционален и редовно да се контролира неговата работа.
Секое нарушување на работата на штитната жлезда може да резултира со појава на многубројни здравствени проблеми.

Од што зависи здравјето на штитната жлезда?
Функцијата на тироидеата може да биде нарушена поради исхрана сиромашна со јод, физичко преоптоварување, стрес, генетски фактори, инфекции, болест или како резултат на несакано дејство на некој лек препишан за друга болест.

Заболената штитна жлезда, обично, лачи или премногу или премалку хормони. Претераната активност на оваа жлезда се вика хипертирeоидизам, а недоволната активност – хипотирeоидизам.

Симптоми на неправилна работа на штитната жлезда

Mногу често некои од овие симптоми се прикриени или недоволно изразени, па знаат да бидат и занемарени. Изразеност, пак, на некои од симптомите може да биде сигурен знак за проблеми со функционирањето на штитната жлезда. Затоа, при појава на симптоми како брзо и ненадејно губење на телесната тежина (и до 15 килограми месечно), срцебиење, потење, треперење на рацете – треба да бидат аларм за контрола и проверка на здравјето на тироидеата.

ХРАНАТА И ЗДРАВЈЕТО НА ШТИТНАТА ЖЛЕЗДА

Во услови кога штитната жлезда функционира нормално, имаме целосна слобода во изборот на намирници во нашата исхрана. Меѓутоа, кога се дијагностицирани неправилности во нејзината работа, како што е намалена или зголемена функција, неопходно е да се почитуваат правилата за соодветна исхрана.

Јодот е есенцијален елемент вклучен во процесот на синтеза на хормони на штитната жлезда.
Тироксинот за да премине во активна форма неопходно е присуството на овој елемент. Во намирници богати со јод се вбројуваат: хималајска сол, морска риба, морски алги, јајца, млечни производи, ротквици…

Селенот игра важна улога во нормално функционирање на штитната жлезда. Негов недостаток може да ја намали нејзината функција. Го има во бразилскиот орев, морските плодови, житарките, лукот, кромидот, семките од сончоглед, ротквиците, печурките…

Цинкот, железото и бакарот се, исто така, важни за здравјето на штитната жлезда. Заради ова, намирниците како риба, мешункаст зеленчук, телешки џигер, семки од тиква, ленено семе и интегрални житарки треба да бидат дел од вашето мени.
Недостатокот од железо особено може да биде проблематично во комбинација со недостаток на јод.

Јод, селен, железо, бакар и цинк, во комбинација со витамини кои делуваат како антиоксиданси, го чуваат здравјето на најважната жлезда со внатрешно лачење.

ПРАВИЛНАТА ИСХРАНА МОЖЕ ДА ГИ СПРЕЧИ ЗАБОЛУВАЊАТА НА ШТИТНАТА ЖЛЕЗДА

ХРАНАТА ШТО ЈА САКА ВАШАТА ШТИТНА ЖЛЕЗДА

ПРИ ХИПОТИРEОИДИЗАМ
Важно е да се консумира храна богата со антиоксиданси, јод, селен. Редовно консумирајте свеж зеленчук, цреши, боровинки, тиквици, риба (туна, бакалар, харинга, лосос), морски
алги, јајца, интегрален ориз,лешник, бразилски и индиски орев, млеко и млечни производи.

Што не е дозволено:
Одредени производи може да го намалат дејството на лековите коишто се препишани за терапија на хипотирeоидизам. Бидете внимателни при употреба на храна особено богата со растителни влакна, ореви и соја. Бидете внимателни и со употреба на свежи намирници како кељ, прокељ, карфиол и зелка. Тие може да влијаат на лачењето на хормоните на штитната жлезда особено кај лица со недостаток на јод во организмот.

ПРИ ХИПЕРТИРЕОИДИЗАМ
Кај пациентите со хипертиреоидизам во состојба на забрзан метаболизам доаѓа до промена на мускулната и коскената маса и затоа се препорачува зголемено внесување протеини, аминокиселини и калциум. Храна што позитивно делува кај овие лица се: интегрални житарки, зелка, прокељ, карфиол, ротквици, спанаќ, грав, куркума.
Просото и наведениот зелено-листен зеленчук содржат супстанции што го попречуваат преземањето на јодот и на тој начин влијаат на намалување на продукцијата на хормони на штитната жлезда.

Што не е дозволено:
Контролата на прекумерното внесување јод е најважна. Намалете го внесувањето сол, а потполно отстранете ги од употреба сите индустриски преработки што се скриен извор на големи количества сол. Месните преработки, солените грицки, конзервираната храна, индустриските намази и сосови не се препорачуваат. Секако, избегнувајте брза храна, млеко, млечни производи  и жолчка од јајца.

СОВЕТИ

•  Болеста на тироидната жлезда може да се развие постепено и незабележливо, што значи дека некој може да ја има со години, без да биде свесен за тоа.
•  Најчестите болести на тироидната жлезда, обично, не даваат никакви симптоми.
•  Правилната исхрана може да ги спречи заболувањата на штитната жлезда. Размисли дали храната што ја јадеш е чувар на твоето здравје.
•  Кај болните од хипертиреоидизам не се препорачува одмор на море, изложеност на високи температури и активно спортување. За сметка на тоа, препорачан е одмор на планина, свеж воздух и лесни прошетки.
•  Избегнувајте стресни ситуации!

The post КОГА ШТИТНАТА ЖЛЕЗДА НЕ ФУНКЦИОНИРА КАКО ШТО ТРЕБА? appeared first on Аптеки PlusPharma.

Од што зависи стабилноста на протезите?

Изработката на тотални протези се одвива во неколку фази. Секоја од овие фази е еднакво важна и придонесува кон изработка на квалитетен протетички надоместок. Секако, потребна е и голема стручност на стоматологот и забниот техничар за протезата да ги задоволува критериумите од коишто многу зависи нејзината стабилност. Покрај стручноста на тимот, стабилноста на протезите зависи и од анатомските услови во устата на беззабиот пациент, како, на пример, од висината и опсежноста на алвеоларните гребени, висината и обликот на тврдото непце, количеството и густината на плунката, дебелината на прицврстената слузница на жлебините итн.

Колку долго трае периодот на адаптација на нови тотални протези?

Периодот на адаптација е индивидуален. Кај некои пациенти може да биде една недела, додека кај друг – неколку месеци. Важно е во овој период да се направат неколку контроли кај стоматолог при коишто ќе бидат коригирани сите тешкотии што ги наведува пациентот. Во првите неколку дена, главен проблем се декубитусите или раничките коишто настануваат на слузницата под протезата. Протезата се растоварува точно на местата коишто изведувалепоголем притисок и тој проблем брзо се надминува. Она што следи е пациентите да се научат да ја користат протезата. Треба да научат правилно да ги изговаараат буквите (најпроблематични се буквите С и Ф) и тоа се постигнува со тренинг, односно, со читање на глас и со зборување пред огледало. Олеснување во стабилизација на протезите е кога пациентите ќе ја голтнат плунката пред да почнат да зборуваат. Потоа, потребно е да се научат да џвакаат. На почетокот хранењето е во мали залаци и без гризење со влечење. Најтешко јадење е лебот. Тој е леплив и ги одлепува протезите. Кога пациентите ќе ја усовршат техниката на хранење и стабилизација на протезите со јазикот и целокупната орофацијална мускулатура, ќе можат повеќе да се опуштат и да пробаат да јадат како што јаделе претходно со сопствените заби.
Во овој адаптационен период, многу можат да помогнат и адхезивите за протези. Тоа се специјални лепила коишто помагаат во стабилизација на протезата. Доколку протезата не е соодветна,  со текот на времето создава неповратни промени на жлебините. Во тој случај, лепилото само го прикрива проблемот и ја одложува санацијата на лошата протеза, а со тоа се влошуваат анатомските услови во устата на пациентот.

Како се одржува хигиена кај пациентите со тотални протези?

Хигиената кај пациентите со тотални протези е еднакво важна како и хигиената кај оние со свои заби во устата. Протезите е потребно да се мијат најмалку двапати во денот. Првото миење е под млаз вода со што се отстрануваат остатоците од храна, потоа следи темелно миење на протезите со четка и неабразивно средство за миење (детергент за садови). Пастите за заби често се абразивни и со нив може да се оштети површината на протезата. Постојат и дезинфекциони средства во коишто се остава протезата да отстои. Доколку пациентите не ја носат протезата преку ноќ, потребно е да ја чуваат на сигурно место во вода, што го спречува исушувањето на протезата. Покрај хигиена на протетичкиот надоместок, важно е пациентите да одржуваат хигиена и во усната шуплина. Со мека четка потребно е да се измијат жлебините, непцето и јазикот. Повремено е добро да се направи дезинфекција на устата со усна вода којашто содржи хлорхексидин.

Колку често треба да посетуваат стоматолог пациентите кои носат тотални протези?

Минимум еднаш во годината е потребно да се посети стоматолог и да се направи контрола на протетичкиот надоместок. Со стареењето се создаваат промени и во усната шуплина. Протезата треба, секако, да ги следи овие промени, односно, со тек на време протезата станува сèпомалку соодветна. Доколку пациентот носи несоодветна протеза,  се забрзува ресорпцијата на коската од вилицата, што води до постојано влошување на анатомските услови во устата и во сèпонестабилни протези. Користењето лепило во овие случаи е лошо, бидејќи ја стабилизира несоодветната протеза и пациентот со тоа ја одложува посетата на стоматолог. Сèшто е потребно да направите е редовно да одите на контролни прегледи и кога ќе биде потребно да биде направена ребазација на протезите. На таков начин, секогаш ќе имате добри протези, нема да имате потреба од лепило и промените во усната шуплина ќе бидат минимални.

Ана Кртолица-Геориев,
др дент. мед

The post ТОТАЛНИ ПРОТЕЗИ appeared first on Аптеки PlusPharma.

Еден од главните естетски критериуми е убавата насмевка. За сè поголемата побарувачка од естетска корекција на насмевката, стоматологијата одговара со нови и сè помалку инвазивни корективни техники. Еден од најмалку инвазивните и најуспешните протетски методи за постигнување естетска насмевка се токму естетските луспи, односно фасетите.

Што се тоа естетски луспи или фасети?

Фасетите се тенки протетски надоместоци кои се лепат на предната страна на забите со цел да ја коригираат нивната естетика (менување на обликот и големината на забите, нивната боја, затворање простор меѓу забите – диастеми, коригирање неправилности во нивната положба итн.). Може да бидат направени од порцелан или, пак, од композитни материјали. Секако, порцеланските фасети се далеку поестетски од композитните и овозможуваат убава природна насмевка во смисла на бојата, транспарентноста, структурата и сјајот којшто може да го постигнат.

Дали за да се постават фасети, потребно е забите претходно да се стружат?

Постојат две методи на изработка на фасети, едните се со претходна препарација на забите-носачи, а другите се без препарација. Препарацијата, односно стружењето на забите за фасети е минимално. Тие се стружат за приближно 0,6 мм. Бидејќи глеѓта има дебелина од 1,5 до 2 мм, тоа значи дека препарацијата на забите за ламинати е минимална и е на нивото на глеѓта, со што се избегнуваат дентинските рани на забите типични за конвенционалното стружење за коронки и мостови. Во точно испрепарираните граници на забот, потоа се вметнува фасетата која има функција да ги коригира естетските неправилности. На тој начин, фасетата е како срасната со забот и нуди висока естетика. Доколку забот претходно не го препарираме, ја заштедуваме целата забна маса, но ризикуваме да добиеме заби кои се помасивни и подебели од природните со што е тешко да се постигне врвна естетика.

Како се лепат фасетите и дали е возможно да се одлепат?

Изработката на ламинати и нивното лепење е можеби најтешката и најпрецизна работа во протетиката, воопшто. Лепењето мора да биде изведено по строго пропишаните правила на производителот на лепилото (цементот), по претходна доследна хемиска обработка на фасетите и забите-носачи. Секако, од огромна важност е искуството и знаењето на стоматологот. Доколку не се придржуваме доследно до правилата за цементирање и не го извршиме тоа во совршено сува средина, за да овозможиме квалитетна хемиска врска помеѓу ламинатот и забот-носач, тогаш ризикуваме тој да се одлепи.

Дали постојат несакани последици при протетска рехабилитација со фасети?

Најчеста несакана последица при естетска реконструкција на насмевката со фасети е зголемената чувствителност на забите-носачи. Поради хемиската обработка во процесот на цементирање на фасетите, забите стануваат почувствителни на термички дразби (екстремно топло/ладно). Оваа пречувствителност е можно да се појави и кај заб на кој се работи најобична композитна пломба, бидејќи подготовката на забите за лепење на пломбата е слична како и подготовката пред цементирање на фасетите. Оваа компликација е од минлив карактер, а времетраењето до потполно исчезнување на хиперсензитивноста е индивидуална, од неколку дена до неколку месеци.

Колкава е трајноста на фасетите?

Конкретна трајност на фасетите не може да се дефинира. Според Светската здравствена организација (СЗО), вообичаено протетските надоместоци добиваат гаранција од пет години, но нивната трајност во суштина е многу подолга. Кршење на фасетата е еднакво возможно како и кршење на природен заб при повреда. Доколку пациентот се грижи за здравјето во усната шуплина, редовно оди на контроли и третмани за одржување на непцата, протетските надоместоци ќе опстојат во добра кондиција многу долго време. Секако, со стареењето, како што се појавуваат брчки на лицето, така се појавуваат и промени во устата. Најчеста промена е рецесија на непцата (повлекување). Доколку ова повлекување резултира со нарушена естетика тогаш е потребно фасетите да се заменат со нови, адекватни на новата состојба. Вообичаено, овие промени не ја компромитираат естетиката затоа што фасетите се инкорпорирани во забите и се направени од високоестетски материјали, па така преодот помеѓу фасетата и забот е речиси незабележлив.

Кои се придобивките од естетските фасети?

Со фасетите можете да направите естетска корекција на забите и да добиете насмевка за која сте сонувале. Убавата насмевка го подмладува секого и прави од вас да изгледате здраво, посреќно и поуспешно. Со фасетите ги заштитуваме забите кои се абрадирани и го спречуваме нивното понатамошно абрадирање. Пациентите по протетската рехабилитација со фасети лесно се навикнуваат на новата состојба бидејќи немаат никакви проблеми при џвакањето и зборувањето. Поставувањето фасети на заби кои имаат пломби е трајно решение, бидејќи фасетите не се обојуваат и не стареат како пломбите кои треба да се менуваат на неколку години. Доколку добро се грижите за нив, нивната трајност е како трајноста на природните заби. Фасетите не само што изгледаат природно туку пациентите и ги чувствуваат како природни, бидејќи голем дел од забите-носачи е сочуван.

Ана Кртолица-Геориев,
др дент. мед

The post СО ФАСЕТИ ДО ВИСОКОЕСТЕТСКА НАСМЕВКА appeared first on Аптеки PlusPharma.

Дали секоја промена на расположението е знак за депресија?

Нормално е во некои фази од животот да се почувствуваме несреќни и тажни и да нè надвладеат чувства на немоќ, безнадежност, очај и на апатија. Депресивното расположение не секогаш е здравствено нарушување. Тоа, исто така, може да биде нормална реакција на одредени животни настани и состојби или нивен придружен ефект. Сепак, ваквите реакции се очекувани и вообичаено траат краток временски период. Секое циклично повторување на состојбата или нејзино континуирано „владеење“ подолго од две недели може да биде знак за појава на депресивна состојба.

Тажни без причина

Иако понекогаш причините за депресијата се очигледни, таа најчесто настапува неочекувано. Одеднаш, над личноста се надвиснуваат црни облаци на тага, без никаква очигледна причина. Се чувствувате потиштени и исцрпени, иако не сте доживеале состојба или потресен настан кој го предизвикал тоа. Згора на сè, ништо не може да ги растера тие облаци. Се вдомуваат како наше секојдневие. Паѓаме во очај без да ја знаеме вистинската причина.

Настани кои можат да нè извадат од колосек

Сепак, одредени настани во животот може да предизвикаат депресивно расположение. Тука, пред сè,се вклучуваат динамичниот начин на живеење, финансиските тешкотии, проблемите на работното место, медицинската дијагноза, загубата на некој близок, природните катастрофи, социјалната изолација, проблемите во врските, љубомората, разводот и катастрофалните повреди. Трауматизирачките настани кои се случиле во детството може да предизвикаат депресија или да создадат психолошки патишта кои можат да доведат до депресија. Нееднаквиот родителски третман, исто така, е значителен ризик-фактор

Сигнали за тревога!

Секоја личност е посебна индивидуа што значи дека и депресивните симптоми, видот и длабочината се индивидуални, односно варираат од личност до личност. Сепак, постојат некои вообичаени симптоми како:

• чувство на немоќ и безнадежност;

• губење интерес за дневни активности, дружење со семејството и пријателите, уживањето и радоста воопшто;

• намалување дури и губење на сексуалната желба;

• промени во апетитот, со нагло покачување или губење на тежината;

• нарушување на сонот во форма на несоница и ранобудност или како друга крајност – прекумерно спиење;

• иритабилност и нервоза која може да помине во лутина, па дури и во агресивност, губиток на енергија поради што лицата се чувствуваат исцрпени, па дури и мали обврски и активности ги заморуваат;

• самоомраза, поради што лицата се чувствуваат безвредно, виновно и премногу самокритично за сопствените грешки;

• несовесно поведение кое може да доведе до злоупотреба на наркотици, алкохол, опасни спортови, брзо возење и сл.;

• проблеми со концентрацијата;

• необјасниви болки, најчесто главоболки, болки во вратот и во грбот, мускулите и стомакот.

Од сите наведени, посебно внимание треба да се посвети на длабоката тага и безнадежноста. Депресијата е многу повеќе од жалост и очај, а по само една недела нејзино „владеење“ со вас, целосно ја презема контролата над животот. Потиштеноста е присутна речиси постојано, а сите работи кои обично го кревале расположението, веќе немаат позитивно влијание. Кај човекот кој пати од депресија може да се промени начинот на размислување. Светот се гледа поинаку и тоа најчесто во негативна светлина, влијае врз семејниот и професионалниот живот, така што може да предизвика и социјална изолација.

Причини за појава на депресивни симптоми

Причините за појава на депресија се комплексни. Покрај биохемиските промени во мозокот, таа најчесто настанува поради комбинација од биолошки, психолoшки и социјални фактори, односно повеќе поради изборот на животниот стил, партнерот, личните вештини за решавање и справување со проблемите. Генетските фактори и семејната историја може да бидат предиспонирачки фактор.
Злоупотребата на опојни дроги, стимуланси и на алкохол, исто така, се поврзани со појава на депресивни симптоми.

Бидете господар на својот живот

Не секогаш е сè така црно и безнадежно. Во одредени ситуации, појавата на депресивни симптоми може да биде и одлична шанса за лична трансформација. Секоја криза и паѓање може да ги претвориме во можност за себенаоѓање. Да утврдиме кои сме и да зачекориме по еден нов пат на сопствена независност, сопствена слобода и сопствено „раѓање“.
Наместо да останете заглавени во лавиринтот на безнадежност, преземете го кормилото на вашиот живот и со едноставни промени во животниот стил и животните навики управувајте со бурата од негативно расположение и емоции.

Научете да подзабавите

Некогаш навистина се чувствуваме како да сме во шеста брзина. Мора да научите кога е потребно да забавите и да кажете „не“ на луѓето и на плановите кои ве прават нервозни и депресивни. Ќе се почувствувате посмирено. Обрнувајте внимание само на нештата и на лицата кои ве хранат со позитивна енергија.

Внимавајте на својот дигестивен систем

Доколку сакате да живеете посреќно, морате да внимавате на својот систем за варење. Ако се храните со здрави намирници, вашиот систем за варење ќе работи правилно, па на природен начин ќе ја ублажите нервозата и стресот.
Редуцирајте ги намирниците кои делуваат на вашето расположение, како што се: кафе, црн чај, алкохол, шеќер и производите добиени од бело брашно. Користете природна храна. Не заборавајте повеќе да ја вклучите рибата во исхраната за сметка на црвеното месо. Ангажирајте се во купувањето и во готвењето на храната.
Пијте доволно вода – 8 чаши дневно нека ви станат рутина. Водата пијте ја правовремено, затоа што кога ќе почувствувате жед, веќе сте дехидрирани.

Свртете се кон природата

Употребата на одредени лековити билки несомнено може да помогне во стресни ситуации. Кантарионот е најпознат природен лек против депресивните симптоми. Неговите блескаво жолти цветови и симболично ја претставуваат моќта на сонцето, а неговите антидепресивни ефекти се високо ценети во конвенционалната медицина.
Кантарионот не е „инстант лек“, но покажува одлични долгорочни резултати. Билката им помага на телото и на душата да оздрават и да се изгради цврст темел за комплетно враќање на расположението.
По правило, чајот се пие 3 пати дневно, освен ако не е поинаку назначено во упатствата, а пред да ги забележите првите подобрувања, ќе мора да причекате најмалку недела или две. Обично, еден третман трае од 3 до 6 месеци.

Вратете ја насмевката

Најдобри начини за подобрување на расположението се физичката активност, дружењето и прошетките во природа. Докажано е дека вежбањето е еден од најдобрите антидепресиви. Не само што вежбањето го поправа вашето расположение, туку и ја намалува анксиозноста, ги регулира хормоните на стрес и го зацврстува вашето тело.
Направете напор да се дружите повеќе, да контактирате и да разговарате со пријателите и со роднините.
Настојувајте да поминете повеќе време во природата изложени на сончевите зраци. Правете почести прошетки во околните паркови, планини и езера. Самото присуство во вакви средини е половина здравје.

Практикувајте јога

Научно е докажано дека јогата е добра за телото, за умот и за душата. Таа не само што овозможува добро физичко здравје, туку и помага за одржување на мирен ум и чиста душа.
Јогата се практикува како лек против депресијата, стресот, па и за други здравствени проблеми. Зачленете се во најблискиот центар за јога каде освен придобивките од јогата ќе стекнете и нови познанства. Со практикувањето јога ќе станете посвесни за сопственото битие и чувствата. Ќе умеете да владеете со сопствените емоции и стравови. Ќе ги хармонизирате умот и телото, ќе се стекнете со дисциплина која ќе ви помогне да го согледате светот од една поинаква, повесела страна.

Стручна помош

Сепак, доколку сопствениот ангажман за здрав и позитивен живот, поддршката од семејството и пријателите не покажуваат резултати во борбата против депресијата, тогаш треба да се обратите за стручна помош која може да биде поддржана и со соодветна терапија.

The post БИТКА НА ЧУВСТВАТА – Кога тагата сака да го победи животот appeared first on Аптеки PlusPharma.

Будење од зимскиот сон

Хибернацијата започнува некаде  од 15 октомври, а од 15 март до 1 април е  периодотна излегување, во зависност од тоа дали ноќните температури се под или над 8˚ Ц. Бидејќи немаат континуирана телесна топлина како луѓето,овие влекачи излегуваат на температура само ако истата е  над 8˚ Ц
Веднаш по излегувањетосе парат и интензивно се хранат. Главни на менито се  глувци, инсекти, птици и сл.Местата каде што се присутни змиите најчесто се територии каде нема болести. Го штитат здравјето на човекот и ширењето на заразните заболувања бидејки ги уништуваат и се хранат со заболени  инсекти , глодари и птици кои инаку би можеле да бидат пренесувачи на разни форми на заболувања.

Од каде доаѓа опасноста

Змијата никогаш не го напаѓа човекот без причина. Тие  едноставно обожаваат  да се сончаат,па опасноста е токму во моментте кога опуштени во нивната релаксацја можат да ни се најдат на патот и  да ги згазнеме без притоа да ги забележиме.Проблемот е уште поголем заради фактот дека бојата на змиите е најчесто идентична на околината и опкружувањето па со тоа и веројатноста да не ги забележиме е  уште поголема. Ненамерната средба претставува причина за одбрана а не директен напад.

Колку змиите од нашето поднебје можат да бидат кобни

Македонија е една од ретките земји каде според биодиверзитетот се регистрирани 16 видови на змии. Од нив само три се отровници.Поскокот, шарката и степската лутица, а од полуотровните се сретнуваат смоковите вдлабнаточелен и телескопус (мачји смок, мачја змија).

Од 0-2000 метри надморска височина живее поскокот, на поголеми височини се појавуваат шарките, а само на Шар Планина и Бистра (можно е да е присутна и на други планини во западна Македонија) може да се види степската лутица.

Во последните неколку години доста чести се случаите на појава на овие видови змии меѓу  луѓетои тоа  најчесто во населбите кои гравитираат околу реката Вардар. Најопсна меѓу нив е  европскиот поскок (Vipera ammodytes). Достигнува должина до 50-70 cm, исклучително ретко над 100 cm. На врвот на главата имаат специфичен израсток (“рогче”), по што многу лесно се препознава
Количината на отровот кој ќе заврши во жртвата  зависи од проценка на опасност во кое се наоѓа змијата.

Како да се однесуваме

Заради превенција во овој период бидете особено вниметелни доколку:

• се шетате низ шуми, ливади, и обраснати полјани.
• посебно внимание се препорачува на земјоделците и лицата кој работат на отворен терен, вршат ископи и сл.  Доколку е неопходно и  се наоѓате во вакви предели избегнувајте  носење на кратки панталониа на нозете носете длабоки чевли со цврста површина.

Сепак и доколку се случи да бидете нападнати и каснати, најважно е да останете прибрани и да не паничите.

• Не се обидувајте да ја фатите, за да неве касне повторно.
• Обидете се  да ја запаметите нејзината боја за да ја опишете во брза помош.
• Не калкулирајте дали змијата е отровница или не. Задолжително посетете лекар.
• Веднаш најдете начин да стигнете до најблиската медицинска установа за да добиете соодветен медицински третман. Не превземајте никакви други активности.
• Немојте да го засекувате местото на каснувањето, за да го извлечете отровот, и немојте да правите  никакви слични манипулации кои сте ги гледале на филмовите, Може да предизвикате само дополнителни компликации.Ако се земе во предвид деканашите змии не се до толку отровни ке имате доволно време  да стигнете до најблиската болница или брза помош.

The post СЕЗОНАТА НА ВЛЕКАЧИТЕ Е ВО ТЕК, БИДЕТЕ ВНИМАТЕЛНИ appeared first on Аптеки PlusPharma.

Корисна лекција за правилно чување и употреба на лековите во домашни услови

Пожелно е сите лекови да се чуваат на едно место. На таков начин,ќе имате подобар увид во она што ви е потребно и ќе знаете кои лекови треба повторно да ги набавите. Идеално место за чување на лековите е во плакар или во фиока за чување лекови. Лековите треба да се чуваат во своето оригинално пакување, заедносо внатрешното упатство. Повеќето лекови се чуваат на суво и темно место, на собна температура (освен ако не е поинаку препишано) и надвор оддофат на деца. Некои лекови мора да се чуваат во фрижидер,како што се инсулинот, сирупите, капките, вагиналетите. Оптималната температура за чување на овие лекови е од 2° до 8°С.
На повеќето лекови им пречи силна светлина и влажност, па,така,кујната или бањата би биле несоодветно место за нивно чување.
Рокот на употреба кoj е испишан на амбалажата кај некои лекови во облик на капки, масти, креми, гелови или сирупи е валиден само доколку не се отворени. Од моментот на нивното отворање,обично,имаат рок на траење од десет дена до половина година. Препаратите, пак, кои содржат вода и кои се стерилни (на пр. капки за очи), по отворањето имаат краток рок на траење (28 дена). Затоа, кај ваквите лекови најдобро е по првото отворање да се испише датумот на самата амбалажа на лекот.

Секогаш кога не сте сигурни каде и како да чувате одреден лек, прашајте го вашиот лекар или фармацевт.

Задолжително проверувајте го рокот на лековите коишто ги чувате во домот и отстранете ги оние со поминат рок, но и оние коишто не планирате да ги користите. На овој начин, превенирате можна употреба на лекови што ја изгубиле својата ефикасност и можеби станале штетни.

Колку долго може да се чуваат сирупите против кашлица или за симнување на температура во фрижидер?

Постојат два вида сирупи. Едните се прават во аптека со додавање на пречистена вода во лекот во прав. Таквите суспензии антибиотици задолжително се протресуваат пред употреба и се користат 7 дена ако се на собна температура или 14 дена ако се во фрижидер. Потоа се фрлаат! Другиот вид се фабрички подготвени суспензии или сирупи, кои имаат рок на употреба до датумот назначен на амбалажата. По отворањето, овие сирупи или суспензии имаат ограничен рок на траење (прочитајте во внатрешното упатство). Затоа, важно е по отворањето на самата амбалажа да го запишете датумот на отворање. Секако, треба да бидат добро затворени и недостапни за деца.

Дали овие препарати ја губат јачината по извесно време?

Не! Може да ги користите додека се во рок на употреба, под услов да ги чувате правилно.

Дали да продолжите со користење на лековите кои сте ги носеле на пат, па сте ги вратиле?

Тој лек може да се користи само доколку сте го чувале во соодветно препишаните  услови.

Што да правите со сирупот против кашлица, за симнување на температурата или против алергија, ако извесно време бил на место каде има сонце?

Сонцето неповолно влијае на повеќето активни супстанции кои се наоѓаат во лековите. Некои лекови се исклучително чувствителни                       на сонце (на амбалажата е јасно назначено), па за кратко време лекот може да се расипе. Друг неповолен фактор е топлината – лекот во затворено шише се грее дури и ако не е директно изложен на сонце. Високата температура на растворот во којшто се наоѓа лекот доведува до забрзано губење на дејството на активната супстанција. Затоа, најсигурно е тој лек да го фрлите и да купите нов, кој грижливо ќе го чувате.

Правилното чување значи и безбедно чување

Ова подразбира дека лековите секогаш треба да бидат на места недостапни за деца, со што ќе се отстрани можноста за ненамерна употреба или злоупотреба.

The post ПРАВИЛНО ЧУВАЊЕ НА ЛЕКОВИТЕ ВО ДОМАШНАТА АПТЕКА appeared first on Аптеки PlusPharma.

Колку употребата на клима уредите е добра или лоша?

Несоодветната употреба, несоодветното приспособување и одржувањето на клима уредите и системите за климатизација, покрај многуте погодности може да имаат и низа недостатоци.
Па, така, наместо комфор и удобност, клима уредите може да  предизвикаат и здравствени тешкотии, па дури и посериозни заболувања.
Докажано е дека долготрајниот престој во климатизирани простории ги влошува симптомите на артритис и воспаленијата на синусите, а зачестена е и појавата на грип, настинки и воспаленија на дишните патишта, токму поради неправилната употреба на клима уредите.
Покрај ова, константното изложување на телото на температурни шокови секојпат кога излегуваме од разладена просторија на пеколните температури надвор, предизвикуваат стрес кој со текот на времето се одразува и на нашето здравје.

Од каде да се започне и како да се избегнат последиците?

Најважно од сѐ, при купувањето клима уред е соодветниот избор на климатизер што ќе ги задоволи карактеристиките и потребите приспособени на домот или на работниот простор. Изборот на место за поставување дополнително ќе придонесе дали и колку клима уредот ќе го наруши и ќе има влијание врз престојот во просторот. Клима уредот не треба да биде поставен така што директно ќе дува кон местото каде што најчесто престојувате (гарнитури за седење, трпезариска маса). Најдобро е клима уредот да се постави на дискретно место во дневната соба или на позиција од која ќе може да ги „покрие“ повеќето простории во домот.
Лошиот избор и лошото поставување на уредот се првите чекори за очекувани проблеми.

Одржување

Редовното одржување на клима уредите во никој случај не смее да се изостави, затоа што е од големо значење за исправноста и за правилно функционирање на уредот, но и за здравјето на корисниците. Нередовното чистење и одржување предизвикува не само лош квалитет на воздухот и непријатна миризба, туку и придонесува за размножување на бактерии, мувла и габички. На овој начин, клима уредот прераснува во причинител за појава на алергиски реакции, кашлање, кивање, главоболка и сл. Неретко клима уредите се расадници и на бактериски инфекции од кои најкарактеристична е појавата на таканаречена „легионерска болест“ која се добива од бактеријата легионела (Legionella pneumophila). Станува збор за  тешко воспаление на белите дробови кое неретко знае да заврши и со фатални последици.
Се препорачува клима уредот темелно да се исчисти еднаш годишно, најдобро на крајот на пролетта. Не треба да се чека од клима уредот да почнат да се шират непријатни миризби или климата да почне послабо да лади или да грее.

Приспособување

За време на топлите и спарни денови се препорачува престој во климатизирани простории, особено на постарите лица, хронично болните и лицата со зголемен крвен притисок. Соодветнататемпература и влажност на воздухот директно влијаат на општото здравје на луѓето, нивната продуктивност и креативност. Но, секако,притоа треба да се внимава разликата помеѓу надворешната температура и таа во просториите, да не е поголема од 5-7 степени Целзиусови. Поголемата разлика во температурата е штетна по здравјето, бидејќи наглите промени се причина кај организмот да доведат до висок степен на стрес. Што се однесува навлажноста на воздухот, најдобро е таа да биде 50%, а клима уредот да биде поставенполека да го испушта студениот воздух.

Клима уред во вашиот автомобил – ДА или НЕ?

Ако одите на подолг пат, клима уредот е неопходен. Млазот на студен воздух насочете го да не „бие“директно кон вас или кон другитепатници во автомобилот. Пред да излезете од возилото,исклучете ја климата на десет минути, а пред да го напуштите возилото отворете ги прозорците да се навикнете на надворешната температура и,на тој начин,да го избегнете температурниот „шок“.
Како и кај домашните уреди, и клима системите во возилата треба да бидат соодветно сервисирани и одржувани.

The post КЛИМА УРЕДИ – Опасности и совети за безбедна употреба appeared first on Аптеки PlusPharma.

Што е тоа што треба да го содржи вашата патна аптека?

Содржината на вашата аптека, пред сè, зависи од вашите потреби, од здравствената состојба, како и од бројот и возраста на членовите во семејството. Доколку страдате од одредено хронично заболување, тогаш препишаната терапија ќе биде задолжителна. Сепак, за да се избегнат непријатности, како резултат на вообичаени здравствени тегоби кои може да се појават во текот на одморот,  добро е во вашиот багаж да бидат сместени основните медикаменти и препарати за самозаштита и за самолекување.

Најчести проблеми или здравствени нарушувања со кои се соочуваме во текот на патувањето или за време на самиот одмор се:

• болки и покачена телесна температура
• повреди и исекотини
• дијареја
• мачнини и повраќање
• алергии
• изгореници

Со цел да избегнете дополнителен стрес од потребата да се бара лекарска ординација или најблиска аптека, важно е со себе да имате лекови, медицински и заштитни средства кои ќе ви бидат при рака заради итна санација и прва помош.

Во патната аптека имајте:

• лек за намалување на зголемена температура
• лекови против болки и забоболки
• таблети или сируп против алергија во случај на каснување од инсекти
• препарат, крем или гел за ублажувањелокални реакции од убод од инсекти
• раствор за надомест на течности и соли во случај на повраќање
• пробиотик
• топломер

Задолжителен прибор и средства за прва помош:

• антибиотски прашок или спреј
• антисептик за чистење рани
• завои и фластери
• стерилни гази и компресии
• водоотпорен ханзапласт
• ножички

Секако, не заборавајте да понесете креми за сончање со соодветен фактор, универзален крем за нега и хидрирање на кожа, како и производи заодбрана од инсекти.
Сепак, доколку некој од симптомите или повредите имаат сериозна природа или траат подолго од вообичаеното, задолжително побарајте лекарска помош.

The post СЕМЕЈНА ПАТНА АПТЕКА – Задолжителна за безгрижно патување appeared first on Аптеки PlusPharma.

Како реагира нашиот организам?

Во услови на континуирана зголемена надворешна температура, организмот се обидува да се приспособи, поради што доаѓа до зголемено губење течности, зголемено потење и до ширење на крвните садови. Ова доведува до забрзано губење на електролитите од организмот, дехидрирање, пад на крвниот притисок и шеќерот, и појава на симптоми на малаксаност, вртоглавица и главоболка.

Кој е прв на удар?

Високите температури најмногу главоболки им предизвикуваат на лицата со срцеви заболувања, дијабетичарите, лицата кои страдаат од покачен крвен притисок, како и на лицата со респираторни проблеми.

Кој е прв на удар?

Високите температури најмногу главоболки им предизвикуваат на лицата со срцеви заболувања, дијабетичарите, лицата кои страдаат од покачен крвен притисок, како и на лицата со респираторни проблеми.
Овие лица мора да обрнат особено внимание и да водат сметка за своето здравје во периоди на високи или екстремно високи температури. Одбранбениот механизам кај овие лица работи со зголемено оптоварување, па симптомите на приспособување се засилени и често доаѓа до влошување на здравствената состојба. Сепак, ова не значи дека хроничнo болните не може да поминат низ овие препреки. Следењето на дадените совети и редовната употреба на пропишаната терапија ќе им овозможат подеднакво да уживаат во благодатите на летото.

Високите температури предизвикуваат варирање на крвниот притисок

Високите температури и зголемувањето на влажноста предизвикуваат брзо ширење на крвните садови проследено со нагло опаѓање на крвниот притисок и забрзување на срцевите отчукувања. Оваа појава е карактеристична и за здравите лица, но особено е ризична за луѓето со слабо срце, покачен крвен притисок и лица кои се на терапија за намалување на притисокот. Симптомите се карактеристични и вклучуваат заматен вид, вртоглавица, постојано чувство на жед, краток здив, па дури и несвестица. Затоа, кај овие лица се препорачува редовна лекарска контрола, соодветна корекција и приспособување на терапијата и, секако, приспособување на исхраната со редовни оброци и доволно количество течности.
Освен тоа, кај лицата со срцеви заболувања се препорачува да избегнуваат физичка активност и движење надвор во најтоплиот период од денот. Доколку веќе се практикува некаква активност, добро е таа да се изведува рано наутро или во вечерните часови. Останатиот дел од денот треба да го поминат во потемна и разладена просторија.

Тешкотии во текот на летните периоди чувствуваат и лицата со проширени вени. Кај овие лица се препорачива што помалку седење и често подигање на нозете над нивото на срцето (во лежечка положба). Може да помогне и масирање на нозете и употреба на препарати за намалување на болката и на отоците.

Дијабетичарите треба секојдневно да го проверуваат нивото на шеќерот во крвта.

Во летните периоди, кај лицата кои боледуваат од дијабетес имаат зголемен ризик од влијанието на сонцето на опаѓање на нивото на шеќерот во крвта. Ова се должи на намалената способност за потење. Со самото ова, осцилациите на шеќерот во крвта кај овие лица се поизразени, а дехидрацијата настапува побрзо. Поради тоа, дијабетичарите треба редовно да го проверуваат нивото на шеќерот во крвта и да водат сметка на исхраната. Симптомите како што се треперење, чувство на слабост и бледило, се само знаци на предупредување, особено ако тие се резултат и на нередовна и несоодветна исхрана.
Високите температури може негативно да влијаат и на ефикасноста на терапијата за дијабетес, особено кај лицата кои примаат инсулин. Поради ова, неопходна е секојдневна контрола на нивото на шеќерот во крвта и соодветно дозирање на лековите во консултација со лекар.
Доколку одите на пливање, потребно е претходно да го измерите нивото на шеќерот во крвта. Доколку вредноста е повисока од 16mmol/l, физичката активност е добредојдена , но доколку нивото на шеќерот во крвта е под 8mmol/l, пред пливањето потребно е да консумирате намирници кои се богати со јахглехидрати, за да се избегне состојба на хипогликемија.

Лицата со болески на респираторниот систем се советува да седат во разладени простории и да мируваат.

Топлото време не е погодно и за астматичарите, затоа што телото разладувајќи се троши дополнителна енергија. Ова доведува до трошење на кислородот во крвта и до појава на забрзано дишење. Вдишувањето на топлиот воздух ги иритира дишните патишта, па се појавуваат симптоми на гушење и свирење во градите.
На лицата кои страдаат од астма не им се препорачува да излегуваат надвор во периодот од 10.00-17.00 часот. Им се препорачува да мируваат во разладени простории.
Пожелно е облеката што ја носат, да биде од лесни природни материјали, бидејќи синтетичката облека спречува испарување на потта и предизвикува прегревање на организмот.
Спортувањето е дозволено во раните утрински часови и доцните попладневни часови, а оброците треба да бидат лесно сварливи и во повеќе мали порции.

Употреба на лекови во период на високи летни температури

Еден од најзначајните негативни ефекти на топлото време поврзано со употреба на одредени лекови е   намалувањето на ефектот на потење.
Бидејќи 90% од способноста на телото да се разладува е преку системот на потење, намалувањето на капацитетот на потење може да предизвика дополнителни компликации.
Имајќи предвид дека повеќе лекови може да делуваат на системот за терморегулацијата, особено е важно да ги следите инструкциите на лекарите и фармацевтите, со цел безбедна употреба на лековите и минимизирање на несаканите реакции.

Општи препораки за заштита и за однесување во услови на високи и екстремно високи надворешни температури

• Колку што е можно, избегнувајте излегување во надворешна средина во периодот од 10.00-17.00 часот;
• Избегнувајте напорни физички активности, вклучувајќи спорт и рекреативни активности;
• При неопходен престој на отворен простор, избегнувајте директна изложеност на сонце, најдете можности за почести одмори под сенка;
• Носете светла и лесна облека (светлите бои во извесна мера ја одбиваат светлината) од природни такенини (памучни, ленени), ставете заштитни очила и капа;
• Внесувајте големо количество течности (не чекајте да бидете жедни), почнувајќи од обичната вода за пиење, па сè до минерализирани безалкохолни пијалаци;
• Избегнувајте алкохолни пијалаци и пијалаци кои содржат кофеин, како и екстремно ладни пијалаци;
• Внесувајте помало количество храна. Избегнувајте мрсна и висококалорична храна и храна која содржи поголемо количество шеќер;
• Бидете дисциплинирани во однос на дадените препораки за својата терапија. За секакви промени на здравствената состојба, задолжително консултирајте го вашиот лекар или фармацевт;
• Ако чувствувате зашеметеност, слабост, вознемиреност или чувство на интензивна жед и главоболка, побарајте помош, преместете се на постудено место, колку што е можно побрзо, и измерете ја својата телесна температура. Веднаш напијте се вода или негазиран минерален пијалак за да се рехидрирате;
• Доколку имате болни грчеви во мускулите на нозете, рацете и стомакот, што побрзо одморете се на поладно место и напијте се течност што содржи електролити.

The post ЛЕТНИТЕ ТЕМПЕРАТУРИ И ХРОНИЧНИТЕ БОЛНИ appeared first on Аптеки PlusPharma.

Главоболка или многу повеќе од тоа?

Мигрената е хронична главоболка која трае од неколку часови до неколку денови. Симптомите и болката може да бидат крајно неподносливи и да го нарушат комодитетот и функционалноста на болниот. Најчесто се појавува помеѓу 20-тата и 40-тата година од животот и е почеста кај жените отколку кај мажите. Од мигренозна главоболка страдаат 15-20% од светската популација.

Причинители

Причините за појава на мигренозна главоболка се од различна природа и карактер, а најчесто може да се комбинација од повеќе. Сепак, како позначајни фактори кои водат кон појава на мигрена се:

Генетска предиспозиција
Доколку еден од родителите има мигрена,55% се шансите да добиете мигрена. Доколку двајцата родители патат (страдаат) од мигрена,има дури 75% шанса да заболите од мигрена.

Хормонални нарушувања
Ова најчесто се однесува на жените,па затоа во тек на менструација или во менопауза најчеста е појавата на мигренозни напади. Не се исклучени дури ни жените во бременост.

Храна и алкохол

Несомнено, еден од позначајните фактори за развој на мигренозна болка. Ова опфаќа не само вид храна, туку и навики на јадење. Па оттука, како фактор може да биде прејадувањето, нередовни оброци, гладување, постење или одредени диететски режими. Во групата на храна која ја зголемува можноста за појава на мигрена спаѓаат некои видови сирења (кои содржат тирамин), месо и месни преработки (салами, сланини, виршли кои содржат нитрити),како и храна која содржи адитиви за промена на вкус.
Глутенот, односно намирниците кои содржат глутен (бело брашно, преработки, грицки), се директно поврзани со појава на мигрена.
Стрес
Стресот на работа или,пак,семејнитепроблеми го зголемуваат ризикот одпојава на мигрена.
Сон и спиење
Спиењето има многу важна улога во појавата на мигрена. Недостигот на сон,но и предолгото спиење,ја зголемуваат можноста за појава на мигрена.
Временски услови и патувања
Секоја промена на атмосферскиот притисок и температурата на воздухот, а особено наглите промени,се ризик-фактор за појава на мигрена.
Стимулирање на чувствата
Силна светлина, гласна музика и бучава можеда предизвикаат мигрена.
Физички напор
Напорна физичка активност или напорни тренинзи се вбројуваат во факторите за ризик.

Лекарства
Мигрената може да биде резултат на некои лекарства кои ги примате. Ако се посомневате дека одредени лекови ви предизвикуваат мигрена, консултирајте сесо вашиот лекар за да ви препорача нивна замена.
Симптоми

Епизодите на главоболка може да траат од  4-72 часа. Најчесто се на едната половина од главата, со  пулсирачки карактер и различен интензитет(од средна до многу силна болка). Може да се со различна фрекфенција (од еднаш на неколку месеци до 2-3 пати неделно. Освен физичката болка симпромите се проширени и во вид на:

Пречувствителност за светло, звук и мирис – АУРА

–       нарушување на видот (трепкање на светлосни точки, појава на цик-цак и криви линии)
–       нарушување на мирисот (појава на чудни мириси – мирисна халуцинација)
–       нарушување на слухот (појава на звучни халуцинации)

Гадење и мачнина
Со или без болка, мигрената може да биде придружена со гадење, мачнина, па дури и повраќање.

Замор и поспаност
Болниот чувствува замор и поспаност, дури и честото проѕевање е симптом за појава на мигрена.

Депресија, раздразливост или возбуда
Промени во расположението се дел од симптомите за појава на мигрена. Некои од болните може да почувствуваат ненадејна депресија, а други голема енергија или возбуда.

Глад
Неверојатната желба за храна и чувството на глад, и покрај тоа што болнниот јадел неодамна, може да биде предзнак за појава на мигрена. Чувството на глад е насочено кон еден вид хранаи тоа најчесто изразено слатка храна.

Често мокрење
Доколку се појави зачестено мокрење, главоболката настапува за неколку часа.

Дијагностика  и лекување

Не постои специфичен тест, па дијагнозата се поставува врз основа на описот на болката, честотата и проследената симптоматологија.

Исто така, не постои специфичен лек, па терапијата најчесто оди во два правци и тоа:
со симптоматична терапија – со специфични лекови за третман на мигренозна главоболка, аналгетици, лекови против повраќање и сл. кај мигрена со поретка честота и со превентивна терапија т.е. континуирана употреба на лекови со цел да се спречи, односно редуцира времето на нападите.

Како дел од терапијата, може да се земе и промената на животните навики, особено во исхраната, кои значително ќе го подобрат квалитетот на животот и, секако, ќе ги редуцираат нападите на „разумно и подносливо“ ниво.

Совети

Овие совети во голема мера може да ја подобрат општата слика кога е во прашање мигрената, нејзината честота и интензитет.
–  Релаксирајте се и обидете се да поминете што повеќе време во природа со своето семејство.
–  Потрудете се да имате здрав сон. Нагодете го својот биоритам на оптимално ниво. Обидете се да не одите на спиење премногу доцна.
–  Внимавајте на исхраната. Не прескокнувајте ги оброците, и не прејадувајте се. Избегнувајте храна за која имате утврдено дека ќе ве одведе на прагот на мигренозна главоболка.
–  Водете дневник во кој би запишувале сèшто е потенцијална причина за појава на мигрена, например:штостејаделе, кога сте јаделе, колку времесте спиеле, дали сте биле под  стрес. Запишете гивременските промени, расположението, и поврзете ги со нападите.Преку дневникот постои можност да се откријат причини кои предизвикуваат мигрена.

Во случаи кога главоболката е неподнослива и е потребна медикаментозна терапија, советувајте се со вашиот лекар или со фармацевт.

The post МИГРЕНА – повеќе од обична главоболка appeared first on Аптеки PlusPharma.

Модерните технологии и современите индустриски капацитети овозможуваат разноликост и расположливост на свежа храна во текот на целата година. Сепак, речиси и да нема семејство кое не е верно на традицијата, па вообичаено во овој период од годината, кое не се зафаќа со подготвување и складирање на храна за зимските месеци. Како форми на конзервирање храна, најчесто се користат киселење и ферментација, сушење, димење, стерилизација, пастеризација и замрзнување.

Киселење и ферментација

Киселењето е биолошки метод и се заснова на создавање млечна киселина како резултат на ферментација. Овој метод најчесто се употребува за складирање на зеленчукот. Од нутритивен аспект, со овој метод се овозможува зачувување на високите вредности на активните хранливи компоненти во храната. Киселењето на зелката можеби е една од најпознатите практики за ваков вид конзервирање, но методот може да се употреби и за останатиот зеленчук.
Постојат два начина на киселење:првиот е киселење во оцет, каде што малку бактерии можат да преживеат, а вториот во солената вода. Солта ја има задачата да го спречи делувањето на бактериите на гниењето во првите неколку дена, додека не се создадат доволно млечни киселини кои ќе го конзервираат зеленчукот во текот на неколку месеци.

Сушење
Уште еден популарен и применлив метод. Во овој процес се отстранува водата од производите, што е ефективна заштита од микроорганизми. Најчесто се користи за конзервирање на некои видови овошје (јаболко, сливи, смокви, кајсии и сл.) и чаеви. Која и каква процедура ќе се употреби, зависи од видот на производот.

Димење
Mетод најчесто резервиран за складирање месо. Сепак, овој метод бара и посебни подготовки и опрема, па сèпоретко се употребува во домашни услови. Храната конзервирана на ваков процес, не само што се зачувува за подолг период, туку и е омилена заради специфичните мирис и вкус.

Стерилизација и пастеризација
Стерилизација  е технолошки процес при што со топлина се уништуваат ензимите и микроорганизмите. Овошјето, обично, се стерилизира на температура од 100 степени. Во домашни услови, никогаш не може да се постигне апсолутна стерилизација, но и делумната е ефикасна и корисна, затоа што не влијае врз квалитетот на производот. Стерилизацијата се постигнува со варење. На овој начин, најчесто се подготвуваат компоти.
Пастеризација е делумна стерилизација, при што загревањето се врши на температура од 65-90 степени. Особено е погодна за конзервирање овошни сокови.

Замрзнување
Ова е можеби и најчестиот и најупотребуван метод скоро за сите видови храна и поради тоа ќе му посветиме малку поголемо внимание. Со правилно подготвениот и спакуван зеленчук, чуван во замрзнувач на соодветна температура, се зачувува висок процент од биолошката вредност. Таквиот зеленчук ги задржува првобитните изглед, боја, арома и вкус, а во споредба со термички третираниот начин на конзервирање, во поголем процент ги зачувува и витамините и другите хранливи компоненти.

Дали сè е погодно за замрзнување?
Одреден зеленчук и овошје не се замрзнуваат (марула, краставица, домат, диња, лубеница, портокал итн.) освен ако не се користат за готвење или за сок.

Што е важно?
За замрзнувањето е важно да се одберат намирници  со висок квалитет додека се свежи и како такви да се подготват и да се складираат во замрзнувач. Од неквалитетни, свенати, престоени примероци не може да се очекува подобрување на квалитетот со замрзнување. Тие уште пред да подлежат на овие методи, изгубиле доста од заштитните состојки.

Замрзнување зеленчук
Подготвителните работи пред замрзнување на зеленчукот, како што се чистење, миење, бланширање, просушување и пакување, треба да се одвиваат брзо, заради зачувување на неговиот состав. Зеленчук кој не бара дополнителен третман пред замрзнување се кромид и пиперка. Овој зеленчук се сечка, добро се пакува во кеси и се чува во замрзнувач. Тоа особено е важно за кромидот кој е најдобро да се пакува во двојна кеса, за да се спречи ширењето на мирисот врз останатата храна.

Подготвката за замрзнување вообичаено оди по овој редослед:

Бланширање: тоа е ставање на исчистениот зеленчук во вода која врие, и тоа во просек од 2-4 минути (боранија, грашок и пченка 3 минути, модар патлиџан 4 минути, блитва, кељ, прокељ и спанаќ 2 минути, тиквички 2 минути, домати 1-2 минути).

По цедењето од ладната вода, зеленчукот се распоредува на чисто суво платно за да ја впие вишокот влага, а потоа се пакува во најлон кеси. При пакувањето се внимава целиот воздух од кесата да се истисне.

Бланширањето има цел да се уништат некои материи кои и на ниски температури влијаат врз промените во храната

Поголемиот дел од зеленчукот треба да се чува замрзнат до 6 месеци. Повеќе од 6 месеци во замрзнувач може да се чува боранија, брокула, грашок и пашканат, но најмногу до 12 месеци. Еднаш замрзната и одмрзната храна не треба повторно да се замрзнува.
Замрзнување овошје

Овошјето е најдобро да се замрзне во рок од 48 часа од берењето. Тогаш нема да ги изгуби нутритивните вредности и можете да го консумирате во текот на зимските месеци. Како и зеленчукот, овошјето, исто така, добро се мие, се суши и се пакува во кеси или во пластични кутии. Поголемите плодови може да се сечкаат на парчиња, додека помалите плодови, како шумското или зрнестото овошје, можете да ги оставите цели.

До 12 месеци може да се чуваат: јаболка, јагоди, смокви, сливи и грозје. До 10 месеци: шумско овошје, тиква.

Овошје кое содржи многу вода не треба да се замрзнува, како: лубеница, диња, лимон, портокал, мандарина итн.

The post КОНЗЕРВИРАЊЕ ХРАНА „Свежо“ и во зима appeared first on Аптеки PlusPharma.

За да се подготвите на вистински начин и , секако, да уживате и во благодeтите на зимата, искористете некоја од нашите препораки.

Најчести причини поради кои имунитетот слабее!

Шеќер

Прекумерната консумација на слатки и храна богата со шеќер неповолно влијае на имуниот систем, а ќе има и неповолно влијание на нивото на вашата енергија и расположение. Водете сметка за ова!

Масна, пржена и конзервирана храна

Премногу масна, пржена или конзервирана храна значително може да ја ослабне примарната функција на клетките од имуниот систем. Ова особено се однесува на храна богата со холестерол, премногу солена, зачинета и храна „збогатена“ со конзерванси.

Пушење

Пушењето несомнено негативно влијае на работата на имуниот систем, како и на останатите функции и органи. Една испушена цигара може да уништи 25 мг на витамин Ц.

Алкохол

Прекумерната и честа консумација на алкохол подеднакво е штетна за целосна функционалност на одбранбениот механизам. Особено се зголемува ризикот за респираторни инфекции и воспаленија.

Сон

Недоволното спиење, како и немањето квалитетен сон, може неповолно да  влијае врз работата на имуниот систем. Ако кон ова се додадат стресот и раздразливоста предизвикани од недостаток на сон, тогаш изложеноста кон заболувања е уште поголема.

Запомнете дека на вашиот имун систем можете да му помогнете со едноставно исклучување на некои намирници од вашето мени или, пак, само со промена на одредени навики!

Едноставни начини како да го подобриме имунитетот и да го подготвиме телото за зима.

Ритуалите се важни

Начинот на кој ќе го започнете денот е многу важен. Хармонизацијата на утринските ритуали и потребите на организмот можеби се најважни. Одвојте време за еден нов ритуал, па наместо со утринско кафе, денот започнете го со чаша топла вода и лимонов сок. Една чаша на ден може да го промени целиот ден.

Исхрана

Кога зборуваме за храната, треба да размислуваме на „зимски режим“наисхрана. Внесувањето соодветни хранливи состојки има големо влијание врз вашиот имун систем и врз севкупното здравје. Јадете многу зеленчук, овошје, јаткасти плодови и семки. Истотака, не заборавајте на внесувањето различни извори на протеини. Клучот е во балансираната исхрана.

Вода

Во ладните денови, лесно забораваме дека внесувањето вода е подеднакво важно во текот на целата година. Водата е многу важен фактор за добар имун систем. Затоа, не заборавајте секојдневно да пиете вода во доволни количества.

Излезете на сонце

Користете ја секоја прилика да излезете на сонце. Сончевите зраци го овозможуваат создавањето на витамин Д во кожата. Ниското ниво на витамин Д го зголемува ризикот од респираторни инфекции, настинка и грип.

Лесни вежби и лесно движење

Многу е важно телото да остане во кондиција и во ериодот на студеното време. Затоа,важно е да се вежба умерено.
Доколку времето дозволува, возете велосипед, трчајте или едноставно пешачете најмалку триесетина минути дневно. Планинарете барем еднаш неделно. Вашиот имун систем ќе ви биде повеќе од благодарен.
Покрај ова, лошото време може да го искористите за пливање или, пак, за практикување техники, како јога и медитација, со што поволно ќе влијаете, не само на телесното, туку и на менталното и духовното здравје.

Соодветна облека и топли напивки

Започнете навреме да се облекувате топло и слоевито.
Препорака за овој период е пиењето топли напивки. Зелен чај или, пак, чај од ехинацеа се одлични кога е во прашање справувањето со симптоми на настинка и грип.

The post ПОДГОТВЕТЕ ГО ТЕЛОТО ЗА ЗИМА appeared first on Аптеки PlusPharma.

СТРАВ ИЛИ ФОБИЈА

Стравот е една од основните човекови емоции и претставува нормална и очекувана реакција во случаи на закана од околината. Важен е за преживувањето, бидејќи нè предупредува за состојби кои може да бидат физички или психички опасни по нашето здравје или опстанок.
За разлика од стравот, фобијата е состојба со интензитет многу поголем од очекуваниот, траењето и прилагоденоста. Фобиите, како појава, се надвор од нашата контрола и од нашата волја.Фобијата, во основа, е нерационален и неоснован страв од објект, идеја или од ситуација. Лицето со фобичен страв, најчесто, нема рационални и разбирливи причини поради кои се плаши од одредени работи или појави. Најчесто, и самата фобична личност забележува дека тој страв е невтемелен. Чувството на непријатност или несигурност, во одредени ситуации или во контактот со некој објект, може да биде сосема нормална реакција. Меѓутоа, доколку стравот стане ирационален и неконтролиран до таа мера што влијае на интеракцијата со други луѓе, или на извршувањето на работните задачи, станува збор за нарушување за кое може да е потребно медицинско и психолошко лекување. Поради ова, многу е важно да се направи јасна дистинкција помеѓу реален страв и фобија.

Светот станува „чудно место“ за живеење
Последните статистички податоци покажуваат дека секој трет човек од светската популација се чувствува вознемирено кога влегува во авион, а дури 10% од луѓето имаат фобија од летање. Стравот од одењето на забар и вадењето крв можеби за некој звучи како детска болест. Сепак, секој петти човек се плаши од овие интервенции, а секој шести човек е пред паничен напад на помислата да се вози во лифт. Интересно е дека за голем дел од фобиите на модерниот човек, речиси и да не сме слушнале, затоа што секој ден се појавува некој нов вид фобија. Статистиката проценува дека ги има над 500. Во однос на полот, поголема склоност кон фобии се развива кај понежниот пол и тоа најчесто до 30-тата година од животот.
Сепак, сведоци сме на сèпочести и поневообичаени реакции, кои укажуваат на тоа дека фобиите повеќе не може да се доведуваат во врска ниту со годините ниту со полот.
Симптоми
Симптомите кои ги има фобичното лице, кога е соочено со изворот на својата фобија, а честопати и при самата помисла, се: паника, желба за бегство, привиди, страв од губење контрола, немоќ на контролирање на стравот, забрзување на пулсот, болка во градите, грозница, вртоглавица, желудочна мачнина, обилно потење, чувство на несвестица, па дури и губење свест.

Видови фобии
Во основа, фобиите се класифицирани на:
     Агорафобија – интензивен фобичен страв од јавни места, како што се: мостови, плоштади или, пак, големи затворени простории како што се: трговски куќи, продавници, театри, киносали итн. Стравот речиси секогаш има димензии на паника.
     Социјални фобии – нерационален страв од луѓе и од какви било социјални ситуации и настани на јавни места, испити или на средби со авторитети. Се работи за страв од настап при кој симптомите многу посилно се изразени отколку кога станува збор за нормална трема или за нервоза пред настап на јавна сцена. Социјалните фобии може да бидат толку силни што лицата не се ужаснуваат само од директните контакти, туку и од телефонските разговори, па во поново време и од виртуелните комуникации.
     Специфични фобии –ирационален страв од специфични предмети, објекти или од ситуации. Специфичните фобии, како група, се меѓу најчестите фобични реакции и нивниот број од ден на ден е сè поголем.

Најчести видови фобии

Многу од нас имаат арханофобија – страв од пајаци, или офидофобија – страв од змии. Листата на фобии е навистина долга. Еве, само мал дел од најчестите фобии што се среќаваат кај луѓето:

Акрофобија или страв од височини. Акрофобијата е многу честа и повеќето луѓе, општо земено, чувствуваат страв од височини, повеќе или помалку.

Клаустрофобија или страв од затворен простор. Луѓето со ова нарушување, особено ако тоа е поизразено, избегнуваат да одат во затворени простори, како пештери, тунели, па дури и лифтови.

Аерофобијаили страв од летање. Многу луѓе страдаат од ова нарушување и поради тоа тешко се одлучуваат на патување со авион. Аерофобијата предизвикува силно чувство на нервоза и паника. Самото влегување во авион може да биде доволно некои луѓе да добијат напади на паника.

Некрофобијаили постојан страв од умирање или, пак, од мртви луѓе. Помислата на смртта е неудобна речиси за секој од нас, но луѓето погодени од ова нарушување развиваат вистинска опсесија со смртта.

Никтофобија или страв од темнина, познат и по името скотофобија. Стравот од темнина може негативно да се одрази на навиките за спиење кај личноста, како и врз социјалните навики, воопшто.

Страв од забар. Сите ние се чувствуваме непријатно при посета на забар, но некои добиваат вистински напади на паника при помислата на забарското столче и прават сè што можат за да не отидат на забар, дури и кога навистина имаат потреба од такво нешто.

Кинофобија. Кинофобијата е страв од кучиња. Овој страв речиси секогаш се појавува како последица на непријатно искуство со некое куче во минатото, како, на пример, ако личноста како дете била нападната од куче.

Мурифобија (Мусофобија) или страв од глувци.

Хемофобија. Хемофобијата е страв од крв и од крвавење.

Помалку познати или необични фобии
–  Ксенофобија – страв од странци.
–  Сциофобија – страв од сенки.
–  Ходофобија – страв од патувања.
–  Холофобите имаат најчесто еден страв – дека ќе почнат да забораваат.
–  Ескалофобија – карактеристична за личности коишто доживуваат напад на паника кога ќе видат скали по кои треба да се качуваат.
–  Аблутофобија – типична за луѓе што креваат „револуција“ кога треба да се бањаат. Не често им се чини дека тоа бањање ќе им биде последно, затоа што нивното срце нема да го преживее.
–  Автофобија – страв од самиот себе.
–  Атаксофобија –страв од неуредност.
–  Номофобите имаат други проблеми. Ним светот им застанува при помислата дека ќе останат без мрежа на мобилниот телефон.
–  Дуксофобијата е присутна кај оние што чувствуваат страв од својот шеф, без разлика на тоа дали имаат добар или лош однос со него. Секојдневно се во паника дека ќе може да бидат отпуштени.
–  Дипсофобија – страв од алкохол. Дури и помислата на голтка алкохол може да биде непријатна.

И убавите работи може да „сеат“ страв
Од друга страна, за издвојување е и тоа дека и убавите работи плашат. Погрешно е уверувањето дека фобијата се развива само во однос на неубави, тешки и страшни работи. Постојат луѓе коишто се плашат, ни повеќе ни помалку, туку од смеење? Нивниот проблем се вика гелиофобија.
Нешто што на повеќето луѓе им е пријатно, убаво, удобно, мирисливо и ги опушта, за некои е вистински ноќен кошмар. Постојат луѓе коишто се плашат и бурно реагираат на цвеќе. Нивниот проблем се идентификува како антофобија.

Гамофобите, пак, бегаат од брак.

Луѓето коишто патат од експелофобија ни за „жива глава“ не би влегле во јавен или во тоалет во туѓа куќа. Подготвени се да молчат и да трпат цела ноќ, ако треба. Постои и таканаречена финхартафобија или страв дека ќе снема тоалетна хартија.

Современото, ново време на живеење донесе и нови современи фобии. Така, денес, некои луѓе патат и од страв од губење на сигналот на својот мобилен уред, страв од луѓе, па и од страв од политичари.

Мала или голема, ниедна фобија не е безопасна. Тие создаваат непријатност и може да го нарушат нормалното функционирање на единката. Затоа, на овие лица треба да им се пријде со доверба и со сочувство.
помислата да се вози во лифт. Интересно е дека за голем дел од фобиите на модерниот човек, речиси и да не сме слушнале, затоа што секој ден се појавува некој нов вид фобија. Статистиката проценува дека ги има над 500. Во однос на полот, поголема склоност кон фобии се развива кај понежниот пол и тоа најчесто до 30-тата година од животот.
Сепак, сведоци сме на сèпочести и поневообичаени реакции, кои укажуваат на тоа дека фобиите повеќе не може да се доведуваат во врска ниту со годините ниту со полот.

The post ФОБИЈА – реален страв или ирационално однесување? appeared first on Аптеки PlusPharma.

Ваш Аптекар: Актер и уметник во душа, секогаш ведра и насмеана. Како би се опишале самата себе?

Викторија Лоба: Јас сум сангвиник, интуитивен екстроверт, пејач и креативен идеалист. Човек кој сака постојано да учи и да се надградува интелектуално и духовно.

Ваш Аптекар: Дали можеби улогата на аптекар некогаш била на листата „што сакам да бидам” и како Вие лично ги доживувате лицата во бел мантил од зад пултот?

Викторија Лоба: Лично, јас никогаш не сум се замислувала во бел мантил, иако мојата мајка имаше голема желба пред да се запишам во музичко, да учам медицина. Сепак, мојот животен пат бил поинаков, но затоа мојата најдобра другарка од детството работи како фармацевт и јас секогаш со голема почит ги гледам луѓето во белите мантили.

Ваш Аптекар: Во време кога стресот и хроничниот замор стануваат „ноќна мора“ дури и за помладите генерации, Вие несомнено оставате впечаток дека „страдате“ од вишок енергија, ведар дух и самодоверба. Дали Викторија има магичен рецепт, дали е тоа дарба, или искуство кое Ве научило како да се остане во средината на нештата?

Викторија Лоба: Точно е дека природно имам ведар дух и многу животна енергија. Верувам дека е поради позитивниот став кон животот, но знам некогаш толку да се уморам од работа, што ме спасува само долг и квалитетен сон. Сонот дефинитивно е многу важен исто како и правилната исхрана и конзумирање на доволно количество на вода. Мене во живот ме враќа протеинската супа или шејк ако е утро, а исто така, многу сакам да пијам зелен чај кој ме буди подобро и од кафето.

Ваш Аптекар: Колку храната е фактор кој Ве оптоварува? Сведоци сме на наплив на разни програми и режими на исхрана. Дали сте следбеник на некој од овие трендови, и кој е Вашиот избор кога е во прашање храната?

Викторија Лоба: Конзумирам пред сѐ здрава храна, припазувам да внесувам доволно растителни протеини во исхраната и секако, дополнително пијам комбинација од витамини и минерали наменети за жени. Никогаш не сум држела диети, а кога сакам да подослабам, само намалувам со количество на храна.

Ваш Аптекар: Дали и колку Викторија сака да готви и да го поминува времето во кујна?

Викторија Лоба: Готвењето е мојата јака страна, но за жал, немам многу време сега за во кујна.

Ваш Аптекар: Со оглед на тоа дека секогаш изгледате беспрекорно, зрачите со убавина и спокој, колку во оваа трка со времето има простор кој е посветен само на Вас? Што е тоа што Ве релаксира и што Ви ги полни батериите?

Викторија Лоба: Секоја вечер пред спиење си посветувам околу два часа на себеси. Се релаксирам со музика, читам или пешачам, можам да си направам и некој свој домашен спа третман на лице како сите жени,нели :).Но вистинско релаксирање за мене е да сум блиску до природата.Tоа ме полни со чиста енергија и ме трга од негативните мисли.

Ваш Аптекар: Дали и колку спортот е задолжителен за Викторија?

Викторија Лоба: Задолжителен е, уживам во спортските активности како џогинг, пливање, пешачење итн.

Ваш Аптекар: Дали можеме на читателите на Ваш Аптекар да им откриеме што во моментот работи Викторија и што може да очекуваме кога се во прашање музиката и актерството?

Викторија Лоба: Во моментот работам на неколку проекти, а најважниот проект е мојот албум на македонски и на англиски кој е веќе при крај и кој ќе го промовирам оваа есен.

Ваш Аптекар: Кој би бил Вашиот совет до нашите читатели? Која е Вашата формула, за добро здравје, добро расположение и ведар дух?

Викторија Лоба: Да го сакаат животот, да бидат благодарни дури и на најмалите убави нешта и да негуваат позитивно мислење. Тоа е алатката која мене ми помага да совладам проблеми и да останам во добро здравје.

The post „Аптекарски разговор“ со Викторија Лоба appeared first on Аптеки PlusPharma.

Ваш Аптекар:„Лекуваме причини, а не последици“ е Вашето мото. Можеме ли на нашите читатели накратко да им ја објасниме суштината на оваа изјава?

Д-р Александар Митов: Пресудно во медицината е да се делува во коренот на проблемите. Тогаш имаме најдобри резултати. Оттука, целокупната медицинска терапија можеме да ја поделиме на два дела: каузална, или онаа која делува на причините, и симптоматска, или онаа која делува само на последиците на болестите, а не и на нивните причинители.

Едноставен пример: кога имате бактериска инфекција, вие можете да земете антибиотици за директно да се борите против бактериите кои се причинители, или да земате терапија за намалување на покачената температура, која е последица од присуството на бактериите. Но, попаметно ви е да ги уништите бактериите.

Да го преведеме овој пример кај други состојби, на пример кај покачен крвен притисок или холестерол. Вие можете да земате терапија за да ги намалите и притисокот и холестеролот, но ако сакате да делувате каузално, морате да ги отстраните причините кои доведуваат до покачен крвен притисок или холестерол. А тоа најчесто е нездравиот животен стил.

„Пиј си апчиња и јади што сакаш“ е рецепт за уништување на здравјето кое очигледно веќе почнало да се нарушува. Тоа е исто како во бањата да имате поплава, сите чешми се пуштени на најјако, вода надоаѓа од сите страни, а вие се обидувате со џогер да ја соберете водата. Нели е попаметно прво да ги затвориме чешмите, а потоа да ја собираме водата?

Затоа во модерната медицина се создава нова гранка – медицина на животен стил. Според современите препораки за лекување на многу хронични болести, токму промените во животниот стил се прва линија на терапија. На таа прва линија мислам кога велам – да ги лекуваме причините, а не последиците.

Ваш Аптекар: Речиси и да нема контекст во кој не се споменува правилна исхрана, односно здрава и избалансирана храна. Што точно значи ова? Дали постои јасна динстинкција меѓу „здрава“ и „нездрава“ храна и дали воопшто терминологијата е соодветна?

Д-р Александар Митов: За жал, термините здрава храна и здрави производи се употребуваат толку често и толку неправилно, што би рекол дека дури и се злоупотребуваат. Затоа и општо опаѓа довербата кон сèшто се декларира како здраво, бидејќи имаме видено многу спротивни примери. Но, тоа не значи дека не постои и навистина здрав избор на производи и дека на тој начин може да се заштити здравјето.

Јас повеќе би зборувал за конкретни производи кога зборуваме за дистинкција здраво/нездраво. На пример, нема сувомеснат производ кој под кој било контекст може да се нарече здрава храна. Нема газиран сок кој може да се нарече здрава храна. Нема тврд маргарин кој може да се нарече здрав производ. Сепак, важна е големата слика и севкупниот начин на живот и исхрана. Се разбира дека никој нема да се отруе ако ретко консумира некој од наведените производи, но уште поважно е да работиме на себеси и да ја искорениме потребата да консумираме нешто кое може да ни го загрози здравјето.

Ваш Аптекар: Колку нашите сограѓани внимаваат на начинот на исхрана?Дали сме „здрава нација“?

Д-р Александар Митов: Не сме, за жал, не сме здрава нација. Тоа го тврдам врз основа на извештаите од Институтот за јавно здравје. Едно просечно семејство, според Заводот за статистика, повеќе пари дава за цигари и алкохол одошто за овошје и зеленчук. Парковите се речиси празни, многу е мал процентот на луѓе кои пешачат, иако тоа е бесплатно. Некако се чини дека не е скапо да се купат цигари, а скапо е да се купуваат ореви. Примери има уште многу од овој вид.

Не ми е целта никого да критикувам, туку сакам да укажам на огромната потреба од здравствена едукација на населението. Кај нас, според мое длабоко убедување, треба да има континуирани кампањи од Институтот за јавно здравје.

Многу животи можат да бидат спасени. Помалку важно, но многу и од здравствените трошоци можат да бидат драстично намалени ако има добра превенција. Патот до здрава нација ни е долг, но мора да го забрзаме чекорењето во тој правец.

Ваш Аптекар:Го одбележуваме месецот на дијабетесот. За жал,статистиките покажуваат нагорни трендови,особено кај детската популација. Кои се вашите препораки?Дали и колку храната може да биде лек за оваа состојба?

Д-р Александар Митов: Дијабетесот бара дисциплина. Состојбата на пациентите може драстично да биде подобрена ако внимаваат на исхраната и ако редовно се физички активни. Само земањето инсулин или метформин не е ниту половина од тоа што пациентот треба да го прави. Имено, тоа е само една од четирите дисциплини. Пациентот со дијабетес треба да има дисциплина во: исхраната, физичката активност, терапијата и редовните тестирања. Дури тогаш можеме да речеме дека правилно се грижи за себе, со сите овие 4 дисциплини.

Кај предијабетот, или во раните фази на дијабетесот, промените во исхраната и физичката активност може да направат „чудо“. Поточно, кај пациентите може да дојде до извонредно подобрување на состојбата и да престанат да земаат терапија. Дали ова тврдење е претерување или не, секој пациент може да проба и да види каков ќе биде ефектот на значајните промени во животниот стил кај него.

Ваш Аптекар:Кои се вашите генерални препораки поврзани со исхраната и навиките во зимските месеци кои се пред нас?

Д-р Александар Митов: Да ги искористат сите придобивки на есента. Не треба да сме многу паметни, само треба да отидеме на пазар и да видиме што ни понудила природата во овој период. Изобилие од овошје и зеленчук. Особено би ги истакнал тиквата и зелката. Колку повеќе консумираме растителна исхрана – толку подобро за нашето здравје. И секако, секојдневна физичка активност.

The post Аптекарски разговор со Д-р Александар Митов appeared first on Аптеки PlusPharma.

The post Што во слободно време? – ТВ СЕРИЈА The Undoing appeared first on Аптеки PlusPharma.

Овој феномен е вообичаен за многумина. При качувањето по скали,се активираат сосем други мускули во однос на оние коишто ги активирате додека трчате на кеј или вежбате во сала. „Качувањето по скали подразбира товар за срцето и белите дробови на начин на кој не сте навикнати“, објаснува д-р Мајкл Фолкс,кардиолог во клиниката „Кливленд“, САД. Тетивите и мускулите на задникот работат турбо за да ги изведуваат повторувањата и за да го балансираат телото. За да не влегувате во канцеларија со јазикот спружен до земја борејќи се за воздух, вклучете спринт (на интервали) и искачување по планина во вообичаената рутина за вежбање.

Дали е штетно да ја искористам четката за заби на партнерот, само еднаш?

ДА! Подобро е да го прескокнете миењето, отколку да искористите туѓа четка за заби. Преку споделување на четката, партнерите истовремено разменуваат плунка, крв (во случај да дошло до крвавење на непцата при четкањето) и низа бактерии што живеат во устата, а се разликуваат од човек до човек. Ова значи дека и двајцата партнери се изложуваат на ризик од низа бактериски болести и болести коишто се пренесуваат преку крвотокот. Посигурна варијанта е да ги исчистите забите со крпа за бришење, отколку да ја попарите туѓата четка со врела вода.

Дали бананата е добра ужина за пред тренинг?

И повеќе од добра, бананата е идеална! Не само што ќе ви даде инстант енергија, таа истовремено ќе го заштити срцето. Научниците од „УниверзитетотнаАлабама“,ниското ниво на калиум (висок процент од минералот е присутен во бананите) го поврзуваат со артериосклероза или задебелување, стврднување и губење на еластичноста на ѕидовите на артериите предизвикано од наслаги од калциум (и други отпадни материи). Несомнено, ваквата состојба го зголемува ризикот од срцеви заболувања. Затоа, понесете си банана во торбата за вежбање и дојдете до наплив на калиум пред да се испотите.

Вистина ли е дека пцуењето е добро за здравјето?

Да, но сепак важи за крајно некултурно однесување што не смеете да си го дозволите во јавност. Сепак, многубројни студии покажале дека пцуењето, во ситуации коишто го наложуваат тоа, подразбира низа здравствени придобивки – зголемена толеранција на болка, помал стрес, подлабоко поврзување со луѓето. Зошто? При експлозијата на вулгарни зборови, се лачи адреналин што истовремено ќе ве отрпне и ќе делува стимулирачки. Ваквото влијание е толку силно, што професионалците коишто работат под притисок, а на кои им е строго забрането да пцујат (пилоти, хирурзи) покажуваат послаб перформанс.

ЗА или ПРОТИВ: музика во канцеларија?

Еве кога треба да стиснете „ON“,а кога „OFF“: истражувачите од Универзитетот „Радбауд“во Холандија, го проучувале ефектот на музиката врз способностите на кадарот да изнаоѓа решенија и врз способноста да генерира нови идеи. По сѐ изгледа, „среќната“ музика им помогнала на вработените да смислат низа креативни концепти, така што, кај нив поттикнала лачење на допамин. Да појасниме, под „среќна“ музика, истражувачите подразбираат класична музика. Истовремено, научниците дошле до заклучок дека вработените најбрзо и најлесно дошле до решение за одреден проблем, додека работеле во тишина.

Има ли корист од зборувањето сами со себе?

Да, но само ако зборувате во трето лице еднина­. Студијата на „Државниотуниверзитет наМичиген“откри дека зборувањето со себе во трето лице ќе ви помогне да го контролирате емотивниот одговор на негативните емоции. Следејќи го протокот на крв во мозокот, истражувачите забележале помалку когнитивна активност кога индивидуата – да ја наречеме Ана – зборувала за своите негативни емоции во трето лице („зошто Ана е вознемирена?“) во однос на вообичаениот начин на себерефлексија („зошто сум толку вознемирена?“). Според нивните откритија, обраќањето кон себе во трето лице ви дозволува да им пријдете на проблемите од друг агол, небаре давате совет на пријател. Се согласуваме, чудно е, но науката тврди дека вреди.

Знајте го ова…
Подмачкајте ја салатата со масло (1 супена лажица) и ќе апсорбирате двојно повеќе витамини, поточно Е и К.

The post Интересни прашања – Научни одговори appeared first on Аптеки PlusPharma.

Маси без траги од кафе

На масичката имате темен прстен, онаму каде што стоела шолјата со кафе? Бојадисувањето се должи на влагата што се појавува кога топлата шолја ќе се подистури и ќе дојде во контакт со ладната дрвена површина. Направете 50/50 микс од сода бикарбона и сол – сипете од смесата врз прстенот, а озгора исцедете малку лимонов сок. Тријте директно со половината лимон, додека да исчезне дамката.

Траги од шминка на облеката

На дамката, нанесете течен детергент или специјално средство за дамки, а потоа потопете ја во најжешката вода што може да ја поднесе материјалот (тоа е назначено на етикетата). На овој начин ќе успеете да го растворите восокот и маслото што го содржи карминот или пудрата. 

Дамка од црвено вино

Покријте ја дамката со сол за да го апсорбира виното што не се впило во материјалот. Почекајте 10 минути, па истресете. Ставете го парчето облека во ладна вода и нежно тријте ја дамката.

Стврднат антиперспирант

Антиперспирантите буквално го цементираат материјалот под пазувите, затоа, посипете ги со бел оцет, оставете да делува 30 минути. Потоа, покиснете ја дамката во жешка вода (онолку колку што може да поднесе материјалот), користејќи детергент со избелувачка моќ.

Замирисана канта за ѓубре

Во кантата, ставете 1 супена лажица сода бикарбона и капнете неколку капки од средството за миење садови. Прво, протријте ги состојките со четка, а потоа продолжете да триете со половина лимон или портокал.

Затнати цевки

Сипете во цевката или мијалникот половина шолја сода бикарбона, па половина шолја сол и, на крај, половина шолја оцет. Оставете ги состојките да делуваат од 15 до 20 минути, потоа пуштете да тече жешка вода околу 1 минута, и уште 1 минута ладна вода.

Микробранова печка со чуден мирис

Во стаклен сад (што собира 4 чаши вода) ставете 1 чаша вода, тркалце лимон и неколку ливчиња нане. Вклучете ја микробрановата печка на висока температура, додека да зоврие водата – околу 2 до 3 минути. Оставете ја водата да стои со затворена врата најмалку 15 минути. Отворете, па пребришете.

The post Домаќинка без мана appeared first on Аптеки PlusPharma.

Пенливи лосиони за миење лице
Сулфатите (состојките кои ја создаваат пената) ја загрозуваат природната бариера на кожата, дозволувајќи им на нечистотиите и бактериите лесно да продрат и да создадат слободни радикали. Затоа, мијте го лицето со кремави формули и плакнете го со студена вода (топлата вода ја влошува состојбата со кожата).

Алатки за чистење лице
Доколку не ги употребувате соодветно или ги користите пречесто, четките и ролерите за чистење лице и ексфолијација ќе создадат микроранички по кожата налик на солзи. Со време, кожата ќе се истенчи, ќе стане чувствителна и црвена. Задолжително следете го упатството за употреба на алатките, не притискајте премногу и плакнете со многу вода.

Парфимирани производи
Синтетичките мириси ја прават кожата чувствителна, како парабени и фталати кои се одговорни за воспаленијата. Барајте „fragrance free“на етикетите, но нека не ве збунува она „unscented“ што во превод значи формула без мирис, но не и без синтетички супстанции.

Пилинг
За пилинг кој нема да донесе повреди на кожата, неопходно е трепение и време. За да го намалите ризикот од повреди, користете формула кој се базира на киселина наместо пилинзите кои ги отстрануваат мртвите клетки од површината на кожата, со помош на крупни гранули.

The post Воспалена кожа appeared first on Аптеки PlusPharma.

The post Витамини appeared first on Аптеки PlusPharma.

Кој би помислил дека технологиите ќе поттикнат зависност во целиот свет?! До неодамна, зависностите ги врзувавме со мала група луѓе, но паметните телефони ги поматија умовите на сите генерации.
Во просек, човекот поминува цели 11 часа цементиран пред синиот екран. Што значи, во име на апликациите сме спремни да работиме и прекувремено, без разлика што чувствуваме пецкање во очите, а вратот ни се вкочанил.
Но, она што сериозно треба да нѐ подзамисли се психичките последици кои се случуваат при прекумерно користење на социјалните медиуми. Контрадикторно, но тие најмногу поттикнуваат осаменост. Чепкајќи во туѓите животи, честопати забораваме дека имаме свој, дека околу нас има вистински луѓе кои едвај чекаат да бидат сослушани.
И да, признаваме, многупати сме зборувале на темава, но ајде да ја стартуваме годинава со реални промени. Тие ќе ни донесат поквалитетен живот заснован на издржани одлуки. Зошто го велиме ова?
Последните истражувања потврдија дека колку и да се свесни луѓето дека она што им се сервира на социјалните медиуми е целосно филтрирано и нереално, тоа не го менува фактот дека ваквата преувеличена содржина нѐ поттикнува на погрешни активности.
На пример, и покрај тоа што не можете да си дозволите уште едно задолжување во банка, сепак одите до крај со цел да појдете (и да се сликате) онаму каде што сите веќе беа (и се сликаа). Еве уште еден пример: лекарите ги советуваат родилките, оние со царски рез, да не практикуваат физички активности минимум 6 месеци. Но, многу од нив го игнорираат тој факт и се изложуваат на ризик, бидејќи мајките на Инстаграмсе фит по 5 дена од напуштањето на болницата.

Заклучок: Паметните гаџети креираат плитки умови, но само ако им дозволите. 

ПАУЗИРАЈТЕ ГИ И НА РАБОТА
Без мејлови и компјутер е невозможно да се функционира на работа. Но, ако се потпирате на нив без престан, голема е веројатноста да станете непродуктивни и расеани. Плус, не очекувајте дека ќе се случи некое продлабочување на односите со колегите, иако, токму тоа е клучно за да напредувате во фирмата.
Кога го анализирате сработеното, или разменувате идеи со колегите, или барате решение за одреден проблем, создадете навика тоа да го правите лице в лице. Можеби ќе ви треба време да ги убедите колегите да станат од удобните фотелји, но обидете се, не губите ништо. Напротив, и кратката прошетка до соседното биро ќе го рестартира мозокот. Токму во тој момент ќе ви светне решението или ќе смислите некоја нова идеја, вели Џејми Крен, професор по психологија и едукација во Колеџот за наставници на Универзитетот „Колумбија“.
Ако и покрај сите обиди, не успеете да ги соберете колегите на куп, кренете слушалка и јавете им се. Можноста да си ги чуете гласовите е сосем доволна за да креирате емотивна врска и генерално да ги зајакнете односите.
Од друга страна, нотификациите (оној дека ви стигна мејл, па оние на телефонот) несомнено ве дефокусираат од работните задачи, а ваквото жонглирање влијае на продуктивноста, тврдиНенси Колиер,автор на „Моќта на исклучувањето“ (The Power of Off). Кога треба да се фокусирате на нешто големо, користете ја опцијата „silent“или „log out“.

ПАУЗИРАЈТЕ ГИ И ВО ПРИВАТНИОТ ЖИВОТ
Фотографирањето и објавувањето на секое искуство ќе ве спречи вистински, со сите сетила, да уживате во истото тоа. Од друга страна, постојаното следење на бројот на кренати палци нагоре (допаѓања или „лајкови“) ќе ви ја исцрпи енергијата за интеракциите во живо.
И научниците потврдија, луѓето кои ги документираат и ги споделуваат своите искуства на социјалните медиуми, создаваат бледи спомени – како сѐ да беше сон. Во ред е да ги цементирате моментите со помош на камерата, но веднаш потоа вратете го телефонот в џеб. Потоа, нурнете во мирисите, звуците, боите, сензациите на моментите, бидејќи токму тие детали му помагаат на мозокот да складира неуништлива меморија. Не залажувајте се дека е обратно, фотографијата никогаш нема да биде помоќна од вашиот мозок.
„Станавме нација која не го дослушува соговорникот, бидејќи постојано сме зафатени со забавата што ни ја нуди телефонот или постојано сме дефокусирани од него“, вели Колиер.Навидум слушаме, но мозокот не ни е присутен – идеална почва за носење погрешни одлуки и давање погрешни совети. Следниот пат кога ќе поставите прашање, потрудете се да го чуете одговорот ДО КРАЈ. Слушањето ги продлабочува односите, води до значаен дијалог од кој ќе произлезе издржан совет и оправдана одлука.
Толку сме условени да бараме уште и уште – „лајкови“, објави, забава – што почнуваме да се уверуваме себеси дека тие работи ни се неопходни за да бидеме среќни, тврди Колиер.Но, што е со врската со самите себе, кога последен пат излеговте да се дружите со себе? Земете кафе за носење и појдете на прошетка, САМИ. Несомнено ќе се чувствувате поисполнето (тоа ќе ја сопре бескрајната потреба за уште) и ќе имате простор да погледнете во себе, да размислите, да ги анализирате нештата што ве мачат и во мир да направите план за идното делување. Не мора цел свет да знае низ што поминувате, без разлика дали е тоа среќа или тага, многумина превртуваат со очи на ваквите објави. Затоа, зборувајте со себе, личниот суд е најсуров, но реален и продуктивен.

ИТ-детоксикација 

Паметните телефони не се паметни сами по себе, затоа користете ги во своја полза. Овие три бесплатни апликации ќе ви помогнат да ја контролирате нивната употреба.

„Moment“
Поставете лимит – на колку повици ќе одговорите во денот. Ќе добиете опомена кога ќе ја преминете или пред да ја преминете границата.
„Space“
Заклучете кој тип на личност сте, на пример, „Boredom Battler“ (го користите телефонот за да пополните време кога ви е досадно) за да добиете прецизен план со кој ќе го скратите времето пред екран.
„FlipD“
Апликацијата нуди опција да го заклучите телефонот, но од себе. Плус, поставете цел да се исклучите од сите гаџети истовремено во време кога вам ви одговара.

The post Добрите одлуки се носат без телефон appeared first on Аптеки PlusPharma.

СВЕТЛИНА

Бидејќи сонцето е пониско, светлината што продира до прозорците е намалена за 50%. Затоа, сторете го следното:
·      Сместете ги саксиите што поблиску до прозорците.
·      Избришете ги прозорците за да овозможите максимална трансмисија на светлината.
·      Избришете ја правта од листовите за целосно да ја искористат светлината.

ТЕМПЕРАТУРА

Идеалната дневна температура за собните цвеќиња изнесува од 18 до 23 степени и 10 степени пониска за навечер.
·      Бидејќи дома ни е потопло, не сместувајте ги близу грејните тела.
·      Оддалечете ги барем неколку сантиметри од прозорите.
·      Ако мора да стојат на полицата од прозорот, под нив, или меѓу нив и стаклото, постелете черга.

НАВОДНУВАЊЕ

Во зимскиот период цвеќињата страдаат од пречесто наводнување, доволно е еднаш неделно.
·      95 % од цвеќињата имаат потреба за вода кога нивната земја комплетно ќе се исуши. Сувата површина не е доволен показател, затоа брцнете го прстот во саксијата околу 3-4 см, ако земјата е сува, тогаш ставете вода.
·      Не оставајте ги цвеќињата да стојат во водата насобрана во тацната, таа вода истурете ја.

The post Нега за собните цвеќиња во зима appeared first on Аптеки PlusPharma.

Одговорни за штетите предизвикани од слободните радикали, плус се примарна причина за стареење на кожата. Обврзете се да нанесувате СПФ секој ден, без разлика дали има сонце или врне или сте излегле на 5 минути.

Инфрацрвена радијација

Топлината што ја чувствувате додека сте во сауна или додека ја сушите косата со фен – токму таа предизвикува пигментација и безживотен тен. Но, не мора да ги избегнувате овие навики, едноставно заштитете ја кожата со формула која содржи антиоксиданти.

Сина светлина

Истражувањата покажуваат дека долгото изложување на светлината што ја емитуваат паметните телефони, може да предизвика воспаление, темни дамки и брчки. Не ви треба дигитален детоск, туку комбинација од СПФ и минерали.

Загадување

Микроскопските честички – ѓубре, прашина, смог, саѓи – се доволно мали за да продрат во порите и да предизвикаат воспаление. Потребни ви се витамински формули – Ц или Б3 кои се борат со слободните радикали.

Воспалението во служба на кожата

Што имаат заедничко ласерските третмани, хемиските пилинзи и мезотерапијата? Тие предизвикуваат воспаление, на контролиран начин, за да ја подобрат текстурата на кожата. Овие третмани креираат акутни, таргетирани микроповреди во кожата, со цел да поттикнат обновување на клетките и продукција на колаген.

ВО СЛЕДНИОТ БРОЈ – Прочитајте за поттикнувач број 2, тоа сте ВИЕ самите!

The post Воспалена кожа – Поттикнувач број 1 – НАДВОРЕШНАТА СРЕДИНА appeared first on Аптеки PlusPharma.

Прилагодлив

Еластична кожа која добро реагира на нови производи и различни временски услови. Визуелно, овој тип кожа има пори со просечна големина и минимум митесери.

НЕГА: Користете нежен лосион за чистење лице или мицеларна вода, за да не ги отстраните природните заштитни масла што ги содржи кожата. Погрижете се да биде хидратирана и мека, користејќи крем што нема да му тежи на лицето.За поголема сјајност, еднаш неделно правете пилинг.

ИСХРАНА: Храната нека се базира на зеленчук и мултивитамин на дневна база во кој се вклучени витамините А, Ц и Е, со цел да го забавите оксидативниот стрес.

Чувствителен на хормони

Кожа на која честопати се забележуваат акни и вишок маснотии под влијание на андрогените хормони.

НЕГА: Лосион на база на салицилна киселина – ги одзатнува порите разложувајќи го вишокот маснотии, а доволен е само 1% во составот. И покрај вишокот маснотии, на кожата ѝ треба хидратација. Пилингот е задолжителен за порите да бидат чисти.

ИСХРАНА: Намалете го внесувањето млеко и слатки – поттикнуваат воспаление, а шеќерот ја покачува глукозата која влијае на адрогените хормони. Обидете се со цинк во облик на суплемент, бидејќи студиите покажуваат дека го намалува воспалението и ги инхибира андрогените хормони.

Чувствителен на стрес

Имате проблем со егзема или розацеа? Кожата бурно реагира на состојби како недостиг на сон, нездрава исхрана, стресен животен стил и променливо време.

НЕГА: Формулите за миење лице кои се базираат на сулфати, дополнително ја слабеат кожната бариера. Одберете формула што не се пени и плакнете со ладна вода. Серумските киселински формули заменете ги со антиоксиданти комбинирани со природни состојки како камилица или невен – има антивоспалителни својства и ја забрзува регенерацијата на ткивото.

ИСХРАНА:Избегнувајте црвено месо, млеко и зачинета храна (одговорни за црвенилото), а зголемете го внесот на омега-3 масните киселини.

Зрел

Тенка кожа која покажува први знаци на стареење (фини линии, висење, темни дамки).

НЕГА: Процесот на таложење на мртвите клетки на површината на кожата, кај онаа со зрел карактер, се одвива бавно. Затоа, користете формула за миење која истовремено ексфолира. Хидратацијата решете ја со хијалуронска киселина, а за измазнување тука е ретинолот – дериват на витаминот А, есенцијален за мека и полна кожа.

ИСХРАНА: Уште една причина да го избегнувате шеќерот: води до гликација која ги здрвува колагенот и еластинот и го забрзува стареењето. Работете на оксидативниот стрес преку масни киселини во облик на суплементи.

СПФ 30 – неопходен чекор во секој режим за нега на кожа, без оглед на типотили карактерот.

The post Каков карактер има вашата кожа? appeared first on Аптеки PlusPharma.

ОГРАНИЧУВАЊАТА ЈА ХРАНАТ КРЕАТИВНОСТА

Неудобноста: Што имаат заедничко режисерот Стивен Спилберг, импресионистите и светски познатиот архитект Френк Гери?Потпирајќи се на минимум ресурси, тие создале ремек-дела. „Импресија, изгрејсонце“ на Клод Моне, никогаш немала да стане ремек-дело доколку тој не се ограничил да слика само со неколку бои и потези со четката. Филмот „Ајкула“ на Спилберг ги постави границите на модерната кинематографија, иако режисерот морал да импровизира за да го долови нападот на ајкулата (со помош на звучни ефекти), бидејќи неговата механичка ајкула се скршила во текот на снимањето. Френк Гери, пак, единствено не можел да дизајнира згради на бел лист хартија и слобода во изразот. Недостигот на ресурси носи неудобност. Но, честопати токму тоа е потребно за да изведете оригинални дела.

Доказ: Студијата на„Универзитетот на Амстердам“тестирала како ограничувањата влијаат на луѓето когнитивно. Истражувачите ги замолиле испитаниците да слушаат серии на зборови и бројки додека изведуваат комплицирани задачи. Резултатите? Ограничувањата го смениле начинот на кој размислуваат студентите. Нивниот дијапазон на размислување, од локален, преминал во глобален. Наместо кратковидно, тие почнале да ја гледаат поголемата слика.

Задача: Намерно поставувајте си ограничувања. Скратете го времето кое вообичаено го трошите за одредена задача, намалете го бројот на луѓето кои ги викате напомош или ограничете ги ресурсите, сведете ги на еден до два. Колку и да е непријатно, можеби токму тука се крие одговорот на брилијантната идеја што тлее во вас.

НЕУСПЕХОТ ПРИВЛЕКУВА ИНВЕНТИВНОСТ

Неудобноста: Повеќето од нас се израснати со идејата дека неуспехот е нешто што треба да го избегнуваат по секоја цена. Резултатот од ваквото уверување е култура со вкоренет страв од неуспех. Но, стравот од неуспех е најголемата стапица за успехот, бидејќи плашејќи се да не потфрлите, вие не напредувате.

Доказ: Компанијата за производство на автомобили, „Тојота“, успешно функционира водејќи се според неуспехот. Кога вработениот ќе забележи каков било недостаток, тој сигнализира и производството на лентата запира. Доколку проблемот не може да се реши за една минута, тогаш севкупното производство сопира сѐ додека не се реши проблемот. Ваквата константна проценка и за најмалите недостатоци е доказ дека ситните, но клучни, унапредувања го трасираат патот до совршенството.

Задача: Постојат два типа неуспех. Неуспех кој потекнува од мрзеливост и недоволно грижа, тој е оној лошиот тип; и неуспех кој доаѓа од ризикување во име на инвентивноста, тоа е оној што треба да се охрабрува. Со други зборови, во секундата кога нешто ќе тргне наопаку, застанете и анализирајте. Одново и одново запрашувајте се: зошто ова се случи? Што можеше да биде направено поинаку? Што треба да се преземе за да не се повтори? Тргнете ја вината од неуспехот, за да почнете на него да гледате како шанса да стигнете до заклучок на кој никој не се сетил.

КРИТИКАТА НОСИ ПОБЕДА

Неудобноста: Никој не милува да слуша што погрешил. Никој не сака да биде ставен во позиција некому да му ги посочува грешките. Ваквиот страв е стар колку и самото човештво, станува збор за длабок инстинкт кој нѐ штити од одвојување од групата. Но, фидбекот од вистинскиот извор е најбрзиот начин да го отклучите вистинскиот потенцијал што го носите.

Доказ: Концептот на суперелитни атлети, со години, eтема на истражување на универзитетот „Бангор“ од Велика Британија.Нивните откритија? Атлетите со најдобри резултати, се оние кои не добиваат само технички фидбек, но и емотивна поддршка од нивните тренери. Со други зборови, нивните тренери се однесуваат како да се некој вид на сурогат родители – мотивирајќи ги, охрабрувајќи ги и давајќи им критички осврт за секој нивни натпревар. На пример, денес, елитните тенисери покажуваат многу подобри резултати во однос на нивните колеги од пред 50 години. Зошто? Бидејќи на сцена настапија елитните тренери – индивидуалци чија работа е да нудат постојан фидбек и поддршка на тенисерот.

Задача: Побарајте си грижлив тренер – некој кој ве познава и ве разбира доволно за да знае што вистински можете, а што не (да го советувате интровертот да биде гласен, едноставно нема да успее). Резервирајте си време за редовни фидбек-сесии, не подолги од 30 минути. Побарајте искрена критика за 3 клучни работи и бидете конкретни.

ТРАУМАТА РАЃА ПОБЕДНИЦИ

Неудобноста: Порано или подоцна, секој од нас ќе се соочи со реална и неизбежна неудобност. Можеби ќе стане збор за разделба, загуба на близок, отказ што не го предвидовте. Ваквите искуства се трауматски и, на почеток, ќе верувате дека никогаш нема да ги преболите. Сигурно веќе сте чуле за пострауматски стрес, но дали сте сте чуле за пострауматски напредок?

Доказ: Џејмс Пенебакер, социјалниот психолог и академик од „Универзитетот на Тексас“,  ја истражувал траумата речиси цела своја кариера. Неговите откритија? Оние кои водат дневник за тоа како се чувствуваат по траума, ги намалуваат докторските посети, ја намалуваат анксиозноста и го подобруваат имунитетот. Всушност, студиите покажале дека речиси две третини од луѓето кои доживеале траума, доживеале и пострауматски напредок како бенефит од претрпениот стрес.

Задача: Дневникот проверено е најдобриот начин за да ги пребродите стравовите. Чекор по чекор анализирајте што тргна наопаку. Колку повеќе ја анализирате ситуацијата, толку повеќе ќе созревате, ќе ја прифаќате и ќе научите како да се носите со неа. Стартувајте со прашањето: „Како се случи сѐ?“ Потоа, нека следи:„Зошто се случи тоа?“ На крај, завршете со: „Што можам јас да сторам за да не се повтори?“

The post Кога успехот е сигурен? – Кога на патот до него има безброј пречки, еве зошто… appeared first on Аптеки PlusPharma.

Кога се чувствувате НЕРВОЗНО

Лекот е: ДЛАБИНСКО ЧИСТЕЊЕ
„Ако некоја ситуација ве иритира, фрлете се на рибање подови, када, рерна. Гледањето во блескавиот ефект делува смирувачки и поттикнува чувство на рамнодушност“, тврди Мелиса Мејкер, автор на „Clean My Space“.Плус, рибањето несомнено резултира со лачење ендорфин.

Олеснете си: НАБАВЕТЕ СООДВЕТНИ ПРОИЗВОДИ
За тврдокорните дамки ви требаат агресивни формули, можеби нешто на база на цитрусна киселина или екстракт од брезова кора кои се темелни, а, сепак, нема да ви ги уништат дланките. Тврдоглавата дамка може уште толку да ве направи нервозни, затоа погрижете се да ја победите.

Применете: КРИВУЛЕСТИ ПОТЕЗИ
Најчесто рибаме правејќи кружни движења, а така, нечистотијата од една точка ја враќаме назад на чистата точка. Затоа рибајте со цик-цак потег или кривулести потези, небаре пишувате латинично „S“.

Кога се чувствувате АНКСИОЗНО

Лекот е: РЕОРГАНИЗАЦИЈА

Хаосот дома поттикнува стрес поради неможноста да го најдете брзо она што ви треба, од друга страна, глетката премногу го стимулира мозокот кој се обидува да го процесира шаренилото. Со воведување ред во домот, ќе воведете и ред во главата, сортирајќи ги мислите и ослободувајќи се од непотребните.

Олеснете си: ПРИФАТЕТЕ ГО НЕРЕДОТ

Некои работи едноставно се создадени да бидат хаотични, како фиоката во кујна во која трупате сѐ и сешто. Не трудете се тука да правите ред, бидејќи ќе потфрлите. Договорете се со себе и со другите во домот, дека таа фиока е дом за сите предмети кои немаат свој.

Применете: АМАТЕРСКИ ПЛАН

Ако ви тргне работата, голема е веројатноста да станете перфекционисти. Вашиот дом не е аптека!Од вас се бара ред кој ќе ви овозможи непречено функционирање. Ако фармерките спружени на стол (спремни за наредниот ден) ви создаваат несоница, бидејќи не спијат во плакар, тогаш сте претерале.

 Кога се чувствувате ИЗГУБЕНО

Преземете: ЧИСТКА!
„Креирањето физички простор делува трансформирачки“, вели Гречен Рубин,автор на „Outer Order, Inner Calm“. „Ослободувањето од предметите кои повеќе не ви користат, ќе ве преплави со чувство на леснотија. Освежениот дом ќе ви даде елан за нов почеток.“

Олеснете си: ЗАКЛУЧЕТЕ КАКОВ СОБИРАЧ СТЕ
Дали нередот во домот е резултат на вашата спремност за во иднина – чувате кутија со копчиња? Или сте заробени во минатото – го чувате фустанот од матура? Замислете реална ситуација во која навистина имате потреба од овие нешта, ако шансите се 50% или помалку, прогласете ги за непотребни.

Применете: 3 ПАТИ ПОМИСЛИ, ЕДНАШ ФРЛИ
Не е чудно ако ви е тешко да се ослободите од нештата, можеби проблемот лежи во несигурноста дали некогаш ќе ви притребаат. Ако мислата „За што ми е ова?“ ја помислите трипати за одредена работа, тогаш време е за збогување.

The post Чист дом – чист ум appeared first on Аптеки PlusPharma.

Вежбите за мозокот, како и оние за тело, се поефикасни ако ги изведувате редовно. Што точно се очекува од вас? Да дишете, да научите да изразувате благодарност, да впивате позитивни мисли, да се исповедате кога ви е тешко – практики кои во континуитет ќе резултираат со силен и стабилен ум.

За точни инструкции, инсталирајте ја мобилната апликација Happy Not Perfect, која е сработена од страна на стручен тим или,пак,обидете се со некоја сродна, изборот е голем. Дека ова навистина функционира во пракса, тврди невронаучникот д-р Елена Антонова која предава на King’s College. „Колку почесто повторувате одредено однесување, толку е поголема веројатноста тоа да се формира во навика како нова мозочна шема која ќе ја замени претходната“,објаснува таа.

Крајната цел би била да ги замените лошите ментални навики со добри. Вам не ви треба апликација што ќе ве потсети да дишете или да ги цените миговите? Во ред, но имајќи ја во телефонот ќе ви создаде чувство на обврска,исто како платениот тренинг во сала.

Тивката рефлексија во себеси е далеку поздрав начин за стартување на денот, отколку скролањето по телефонот.

The post Тренинг за мозокот – Возможен, реален, ефикасен appeared first on Аптеки PlusPharma.

Третмани против брчки– резултати по 3 месеци

Состојките кои се во функција да ја хидратираат кожата, како хијалуронската киселина, може привремено да ја пополнат, но за долгорочни резултати од ретинол, неопходни се неколку месеци. Ретинолот ги поттикнува рецепторите во кожата да продуцираат повеќе колаген кој ќе ги пополни фините линии и брчките. „За да се создаде доволно колаген кој ќе донесе видливи резултати, треба време“, вели доктор Зејкнер.

Третмани против акни – резултати по 3 месеци

Најдобар начин да се изборите против акните е кремот кој се нанесува по цело лице, а не директно на нив. На пример, бензоил пероксидот има антибактериски и антивоспалителни својства, а може да се нанесува по цела кожа. Иако акните ќе изгледаат подобро по неколку дена, студиите покажуваат дека кожата продолжува да се регенерира наредните 12 недели. „Неопходно е да продолжите да ги користите производите и откако лицето ќе се исчисти, со цел да спречите одново појавување на акните“, објаснува доктор Зејкнер.

Третмани против темни дамки – резултати по 1 месец

Кожните избелувачи како витаминот Ц или сојата во поновите производи, делуваат така што спречуваат формирање на нови пигменти. Едноставно, мора да почекате кожата по природен пат да се ослободи од клетките на површината кои веќе имаат пигмент во себе. За ваков пресврт неопходни се 30 дена.

Запомнете: трката за блескава кожа е маратон, а не спринт!

The post Најефикасниот третман за лице е: ТРПЕНИЕ appeared first on Аптеки PlusPharma.

Константната фиксација на позитивни вибрации всушност нѐ оддалечува од целта. Во денешно време, како да стана забрането да се биде тажен. Но, за да бидете вистински среќни, неопходно е да направите место и за болката. Среќата не е состојба која вечно трае, ако поскоро го сфатите тоа, помалку ќе се споредувате со другите и ќе се поштедите од разочарувања на дневна база.

Па, како изгледа вистинската среќа, како побрзо да дојдете до неа и да ја уживате во големи количества? Одговорот е многу поедноставен отколку што мислите, а секој од вас веќе ги поседува магичните состојки.

Трошете ја среќата

Ако ги прашаме луѓето што би правеле со голема сума освоени пари, повеќето ќе одговорат дека би заминале на некоја егзотична дестинација или би си купиле скапи чевли – за повеќето, изборот би бил нешто материјално. Но, материјалните добра носат краткотрајна среќа, за долгорочен среќен живот, на пример, потребно е повеќе време за себе.

ВРЕМЕ
Платете некому да ја заврши обврската што ја мразите, а времето што ќе ви остане искористете го за да се видите со пријателите или да си читате книга. Сите посакуваме повеќе време и повеќе пари, а еден од триковите за среќа лежи во правилното балансирање на овие две. Кој од нас би му платил на детето на соседите да го искоси тревникот? Никој, бидејќи сме уверени дека тоа го има само на филм. Од друга страна, среќата ја поврзуваме со постигнување на целите и обврските иако за таа да настапи неопходно е да отфрлиме некои обврски од нашиот живот.

ИСКУСТВА
Кариерата ни стана ултимативен статусен симбол – работиме колку што е можно повеќе и колку што е можно подолго, целејќи кон онаа недефинирана доба во којашто ќе уживаме, ќе патуваме или конечно ќе се посветиме на нашето хоби. Парите ги доживуваме како ограничувачки ресурс, додека времето како неограничувачки, кога, всушност, е обратно. Но, човечкиот мозок е навиен да размислува за иднината, затоа не судете си што ви е тешко да живеете во сегашноста. Продолжете да правите планови и да сонувате, но ако за она патување во Париз потребни се уште многу години, појдете барем на дегустација на француски вина.

ДРУГИТЕ
За да бидете среќни, направете некого среќен – звучи познато, нели? Трошењето пари за други носи голема радост, вели Елизабет Дан, професорка по психологија на „Универзитетот на Британска Колумбија“ и коавтор на „Среќни пари: Наука за посреќно трошење“ („Happy Money:The Science of Happier Spending“). Идејата не е да нудите пари, туку да изнудите задоволство преку неочекуван подарок или гест. На пример, уплатете масажа за вас и за оној што одбравте да го усреќите, и појдете заедно.

Размислувајте низ призма на среќата

Среќата зависи од нас и од она што ќе го искористиме или направиме во дадените услови. Не е лесно да го смените начинот на размислување, но овие две навики сигурно би го забрзале процесот на прогледување со розови очила.

ЦЕНЕТЕ ГО СТАТУСОТ (ВО МОМЕНТОТ)
„Луѓето претпоставуваат дека ќе бидат среќни штом достигнат одредено ниво – финансиски, креативно, романтично“, вели Лаури Сантос, професорка по психологија на универзитетот „Јејл“. Проблемот е тоа што појдовната точка се менува. Ќе дојдете до покачување на платата и за кусо време веќе ќе мислите на следното. „Луѓето размислуваат обратно“, вели Сантос. Среќата носи успех, а не обратно. Сменете го шаблонот изразувајќи на глас за сѐ што сте благодарни.

БИДЕТЕ РЕАЛНИ
Посакувате да сте среќни 24/7? Сега е јасно зошто не ви успева. Неубавите емоции се составен дел од животот, ако ги прифатите како нормални, полесно ќе ги пребродите. Истовремено, ќе развиете и полесно достапна слика за среќата.

Негувајте ја среќата

Да претпоставиме дека сакате да одите на часови по танцување, но ако одите 5 дена во неделата цела година, најверојатно ќе ви здодеат. „Луѓето се менуваат, а со нив и активностите кои им причинувале задоволство“, вели професорката по психологија, Соња Љубомирски, која е автор и на книгата „Митови за среќа“ („The Myths of Happiness“). За да не западнете во стагнација, следете го нејзиниот план од 3 чекори:

ПРОМЕНИ
Луѓето брзо се адаптираат на константни и непроменливи услови, затоа внесувајте новитети во актуелната рутина за да ја зголемите ангажираноста. Ако милувате да готвите, наместо стандардните колачи, подгответе некој модерен рецепт како банана-леб.

ИЗНЕНАДУВАЊА
Зарем има подобро време за менување на плановите од последната минута? Спонтаноста е најефикасната алатка во арсеналот за среќа, велат истражувањата. Не велиме да ги менувате големите планови кои најверојатно некому би му го уништиле денот, туку ситници – излезете на вечера со саканите иако направивте пуканки за да гледате филм.

УЖИВАЈТЕ СЕГА
Научете се да ги впивате моментите, дури и оние навидум безначајни. Додека го шетате кучето, забележете ги боите на природата, ветерот што ви ја гали кожата. Ако ова ви делува смешно и како обврска, не очајувајте – кога на среќата гледаме како на цел за која е потребен труд и грижа, тоа значи дека ѝ даваме значење. За возврат, среќата навистина ќе го преплави нашиот живот.

СРЕЌА ВО ДОБРО ДРУШТВО

Ниту една од горенаведените практики за среќа не подразбира друштво, но секогаш кога е возможно, вклучете некого бидејќи ефектите ќе бидат поголеми. Социјалната конекција е клучна алка за среќа, бидејќи човекот има потреба од длабоки и значајни врски и односи. „За целосно подобрување на вашето постоење, неопходно е да се поврзувате со непознати“, така вели професорката по психологија Лаури Сантос. Волонтирајте во некоја организација за да сретнете нови лица или наместо со автомобил, повремено користете јавен превоз. Но, не заборавајте да разговарате со човекот до вас, а не да нурнете во телефонот.

The post Многу малку треба за среќа appeared first on Аптеки PlusPharma.

Брилијантниот режисер Ноа Баумбах,на еден искрен и сочувствителен начин ни го прикажува бракот денес, брак кој се распаѓа, но и покрај тоа семејството останува заедно. Главните улоги или сопружници ги толкуваат Адам Драјвер и Скарлет Џохансон. Одлично филмско остварување кое третира актуелна тема и испраќа силна порака дека децата се вредни за секоја жртва, а секој крај значи нов и поубав почеток.

The post Што во слободно време? – ПОГЛЕДНЕТЕ appeared first on Аптеки PlusPharma.

The post Што во слободно време? – ПОГЛЕДНЕТЕ appeared first on Аптеки PlusPharma.

Наши фаворити:

• „Banana bread“или леб со банана (без шеќер) кај @snestorovskaa
• „Meatloaf“од леќа и печурки кај @teatrpovska

The post Што во слободно време? – СЛЕДЕТЕ ГИ appeared first on Аптеки PlusPharma.

Вашата работа, успехот, заработувачката, па дури и вашата врска, тапка во место од причина што вие сѐ уште одбивате да се промоворате себеси онлајн. Се плашите ли од осуда?

Разбирливо, уште ако сте жена, тогаш вашиот страв е целосно оправдан. Имено, истражувањето што го спроведе Ратгерскиот универзитет, откри дека жените кои се обидуваат да се промовираат себеси се помалку допадливи за разлика од мажите.

Во просек, 80% од објавите на социјалните медиуми се, во суштина, пораки во служба на себепромоција. Па, ако сите ги користиме за иста цел, тогаш кој е оној што осудува и зошто? Е, тука се случува еден интересен парадокс, жените се оние што судат први и истовремено, жените се први на мета за осуда. „Широко е прифатен стереотипот дека жените треба да бидат скромни“, вели д-р Шерон Коен,професор по медиумска психологија на Универзитетот во Салфорд.Јавното изразување моќ и компетентност е чин на изразување нескромност, а тоа е контрадикторно на општествените очекувања споменати погоре. Контрадикторноста е коренот на негативните реакции од другите. И, додека жените се соочуваат со цела една низа етикети, судот за мажите најчесто гласи: „Види го, фалбаџија!“ Ваквите стереотипи се толку продлабочени и вкоренети, што имаат моќ да влијаат врз однесувањето на половите низ животот. Како стареат, жените се охрабруваат да се презентираат себеси што е можнопопрецизно, додека мажите се охрабруваат да ги преценуваат своите достигнувања.

Жените се фалат скромно, но и покрај тоа се помалку допадливи. Мажите се фалат претерувајќи и притоа не водат сметка кому му се допаднале, а кому не. Жените судат строго. Мажите на сѐ додаваат сексуална конотација. Кој е поуспешен при себепромоцијата? Мажите, иако жените имаат подобро развиено чувство за креативност и се поречити. Според ова, дали пристапот на себепромовирање треба да биде ноншалантен, во машки стил?

Прво, вредно е да се спомене дека себепромоцијата не е ограничена само на социјалните медиуми, луѓето се многу подлабоко навлезени во неа без да бидат свесни за тоа. Всушност, сите се промовираме себеси, постојано. Не станува збор за некоја уникатна способност која ја вклучуваме и ја исклучуваме по потреба. Кога се дотеруваме, кога се смешкаме, кога користиме одредени фрази, ние несвесно му презентираме на светот една верзија од себе.

Едно од најважните места за себепромоција е работната средина и токму поради тоа, мажите предничат во однос на жените. Не дека сами заклучиле кој е поважен фронт, туку, едноставно, мажите имаат одбивност да се сликаат за на Инстаграм,додека со задоволство би пиеле кафе со шефот.

Сју Унерман,во својата книга „Стаклениот ѕид“ („The Glass Wall“), вели дека жените не го владеат начинот на кој треба да комуницираат на работа. Работејќи на книгата, таа интервјуирала стотици мажи и жени, вклучувајќи ги и нивните претпоставени кои ги вработиле и ги отпуштиле. Преку овие интервјуа, Сју заклучила дека жените веруваат дека е доволно само одлично да ја завршат работната задача, но практиката вели нешто друго: уште поважно е да му дадете на знаење на претпоставениот дека сработивте, дека завршивте одлична работа – токму тоа го прават вашите машки колеги! „Ми стана јасно дека жените преретко бараат промоција или покачување на плата, па дури и кога ќе се осмелат, доволно е само да чујат „Не“ и да се повлечат тивко“, вели Сју.Жената кога ќе добие покачување на платавели: „Благодарам!“ Мажот кога ќе добие покачување на плата вели: „Благодарам, кога можам да очекувам следно?“

Ако земеме предвид дека бројот на луѓето кои работат од дома како хонорарци во последните 10 години двојно порасна, тогаш потребата од себепромоција станува нужна. Но, луѓето се плашат и пред сѐ не знаат колку е доволно и кога себепромовирањето може да поттикне одбивност кај примачот. Но, ако се ослободите и го направите тоа, со сигурност ќе дојдете до клучна себерефлексија, објаснува д-р Шерон Коен.„Објавувањето слика од себе или препрочитувањето на содржината што сте ја објавиле за себе и за својата работа, е начин да создадете чувство за тоа кои сте“, вели Коен. Тоа може да ви помогне да го разберете и да го елаборирате својот идентитет.

Но, коцкањето со сопствениот имиџ поради неможноста да ја контролирате туѓата перцепција е ризик кој не секој може да го поднесе, иако е невозможно да им се допаднете на сите. Проблемот дополнително го комплицира опцијата за оставање коментар – ако негативните коментари се побројни од позитивните, во тој случај себепромоцијата ќе стане антипромоција. Студиите покажале дека и директните приватни пораки со негативен контекст се сосем доволни да ја разнишаат самодовербата на авторот на содржината и покрај тоа што само тој може да ги прочита.

Преплашени од ваквите можни исходи, многу луѓе применуваат таканаречено скромно фалење на социјалните мрежи. Иако ваквата техника е само залажување, бидејќи е речеси невозможно да се предвиди реакцијата на публиката за која било објава. Пример за скромно фалење: „Да, јас го освоив првото место, но тој беше одличен противник, нијанси одлучуваа“. Студија од 2017 година на Бизнис школата на Харвардоткри дека ваквото скромно фалење е помалку успешно за разлика од отвореното фалење, бидејќи кај првото, недостасува искреност.

Креаторот сигурно се чувствува убаво што не е експлицитен во фалењето, но публиката реагира негативно и на себепромоцијата и на обидот таа да се маскира. Затоа, бидете искрени. Соодветно е при чинот на фалење да има несоодветни елементи, а уште посоодветно е да не им се допаднете на сите.

The post Себепромоција appeared first on Аптеки PlusPharma.

Дефинирајте ја вилицата

Со палецот и показалецот нежно штипкајте ја кожата долж вилицата почнувајќи од центарот на брадата и стигнувајќи до ушите. На овој начин, ќе спречите какво било таложење течности во кожното ткиво кое резултира со отоци.

Поткренете ги јаболчиците

Спојте ги показалецот и средниот прст и сместете ги под левата јаболчица, и нежно туркајте нагоре. Почнете од центарот на лицето и движете се нанадвор кон слепоочницата. Повторете ја постапката и на десната страна. За да поттикнете циркулација и за да постигнете инстант сјај, нежно штипкајте ги јаболчиците на врвот.

Испеглајте ги подочниците

Со домалиот прст, нежно притискајте и поткревајте ја кожата долж коската што ја следи веѓата, почнувајќи од внатрешниот агол на окото и движејќи се кон надворешниот. Повторете ја постапката под очите. Ваквата мануелна лимфна дренажа ќе ги намали отоците, а со тоа и темните кругови.

Омекнете ги фините линии

Сместете ги палците на слепоочниците, а со останатите три прста оцртувајте мали кругови од центарот на челото кон надворешните агли на лицето. На овој начин, се намалува тензијата во мускулите, а со редовна практика може да се минимизираат фините линии кои се резултат на мимиките.

The post Масажа за мазно лице appeared first on Аптеки PlusPharma.

НАВИКА – Чувството на нелагодност поттикнато од себепромоцијата е вообичаено. Се чувствувате како наметнувач, како измамник? Како да го надминете тоа? Едноставно, игнорирајте го, глумете дека не постои сѐ додека не се навикнете. Ако останете доследни на себе и на своето знаење, никој нема да забележи дека се срамите.

ЕМПАТИЈА – Емпатијата ви дозволува да ги видите нештата од друга перспектива – ставете се во туѓи чевли и прегледајте што сте објавиле. Ако и покрај тоа ја одобрувате содржината, тогаш, несомнено, таа е соодветна.

ПРОАКТИВНОСТ – Постојат безброј начини за претпоставените да дознаат што сте сработиле, без да се фалите. Вашето име на извештаите за работа, е-пораките за сработеното – воочете им го вашиот труд на суптилен начин.

ГЛАВНИ ПОЕНТИ – Колку побогата биографија, толку подобро? Студија од 2011 година вели дека помалку е повеќе. Главните достигнувања стануваат незначајни кога се презентираат со куп неважни. Значи не, курсот по шпански во траење од еден месец не треба да го споменувате!

Скромната себепромоција е помалку успешна од онаа што подразбира фалење безмера!

The post Клуч за успешна себепромоција (онлајн и офлајн) appeared first on Аптеки PlusPharma.