Një thriller i pazakontë politik i bazuar në romanin e Robert Haris. Filmi ndjek historinë e kardinalit Tomas Lorens, interpretuar nga Ralf Fajns, i cili ka për detyrë të udhëheqë “konklavën” për të zgjedhur një Papë të ri pas vdekjes së të mëparshmit. Ndërsa kardinalët mblidhen në Vatikan për këtë proces të fshehtë, Lorensi zbulon sekrete dhe intriga të fshehura midis kandidatëve, duke u vendosur në qendër të një komploti që mund të tronditë themelet e Kishës. Filmi trajton temat e fuqisë, besimit dhe ambicies njerëzore, duke përshkruar marrëdhëniet komplekse dhe manovrat politike në zemër të Vatikanit.