Kjo perlë e animuar nga regjisori legjendar japonez Hajao Mijazaki tregon një histori të ndjeshme dhe simbolike për një djalë i cili, pasi humbet nënën e tij, zhvendoset në një shtëpi të re dhe takon një çafkë misterioze. Shpendi e çon atë në një botë fantastike plot me krijesa të pazakonta, ku jeta dhe vdekja, humbja dhe dashuria, ndërthuren në një aventurë vizualisht të pasur. Ky nuk është një tjetër film i shpejtë vizatimor me shumë aksion dhe humor, por një udhëtim i heshtur që do t’ju kujtojë vlerën e jetës, familjes dhe pranimit të ndryshimeve.