Imagjinoni Siçilinë e shekullit të 19-të – peizazhe me diell, pallate luksoze dhe një kohë kur vlerat e vjetra përplasen me ato të rejat. Pikërisht aty zhvillohet historia e “Leopardit”, një serial i ri që të rrëmben me dramaticitetin e tij.

Personazhi kryesor, Don Fabricio Korbera di Salina, është një aristokrat krenar që e sheh botën e tij se si ndryshon me ardhjen e bashkimit të Italisë. Ky është një serial për dashamirësit e tregimeve historike, për të gjithë ata që duan të shohin se si dashuria, pushteti dhe ambicia ndërthuren në një kohë ndryshimesh të mëdha.