PËRMIRËSIM PËR VIRGJËRESHAT, POZITIVITET TE BRICJAPËT
DASHI: Sa më guximshëm veproni ndaj asaj që ju tërheq, aq më shpejt do t’i realizoni qëllimet. Mbani mend se suksesi nuk mund të arrihet as në të kaluarën, e as në të ardhmen – ai është produkt i momentit aktual. Prandaj, shfrytëzoni natyrën optimiste të personalitetit tuaj dhe lëvizni idetë tuaja në mënyrë energjike dhe vendimtare.
DEMI: Përballuni me dobësitë tuaja, bëni një plan që do t’ju ndihmojë gjatë përballjes me problemet dhe mos u futni në situata të rrezikshme. Yjet ju këshillojnë të mos sakrifikoni veten në mënyrë të panevojshme për të tjerët, por të vendosni prioritete dhe të mbroni veten nga negativiteti. Shëndeti juaj gradualisht do të përmirësohet.
BINJAKËT: Vështroni qartë dhe saktë rrethanat në të cilat ndodheni. Ju rekomandohet që të mos e harxhoni energjinë tuaj për njerëz dhe situata që nuk premtojnë sukses dhe realizim. Është koha për të vendosur prioritete, për të treguar se dini të luftoni për të drejtat tuaja dhe të ndaloni së silleni në mënyrë të pasigurt, të shpërqendruar dhe të paorganizuar.
GAFORRJA: E keni ngarkuar mjaftueshëm veten me gjëra të parëndësishme dhe e keni bërë pasive energjinë tuaj. Jini të vendosur dhe të guximshëm në veprimet tuaja dhe tregoni se dini të njihni vlerat e vërteta. Në planin profesional, mos prisni ndryshime të mëdha apo përmirësime të rrethanave, kështu që shmangni rreziqet.
LUANI: Do të ishte mirë nëse do të rishikonit rrethanat në të cilat ndodheni, sepse nxitimi i pamatur drejt qëllimit dhe nënshtrimi ndaj ndikimeve të jashtme kërcënojnë se do t’ju mbingarkojnë plotësisht në planin psikofizik. Prandaj, ka rëndësi thelbësore të gjeni motivim për të dalë nga kriza dhe për të ndriçuar rrugën përgjatë së cilës do të ndërtoni një vizion të ri të jetës.
VIRGJËRESHA: Yjet do t’ju japin mbështetjen e nevojshme, ndaj tregohuni të guximshëm dhe aktiv në veprimet tuaja. Mendimi pozitiv, iniciativa dhe shpirti luftarak do t’ju mundësojnë të tejkaloni ndikimet kufizuese. Shfrytëzoni potencialet e larta për të krijuar një bazë më harmonike në fushën e dashurisë.
PESHORJA: Përgatituni të përballeni me sprova dhe keqkuptime të ndryshme në planin profesional. Kushtoni vëmendje marrëdhënieve në atmosferën familjare, pasi keqkuptimet do të jenë prezente dhe do t’ju shkaktojnë tension dhe pasiguri. Nëse keni mundësi, vizitoni miqtë ose bëni një udhëtim të shkurtër. Mos ndërmerrni rreziqe financiare.
AKREPI: Gjendja juaj psikofizike ndryshon vazhdimisht, prandaj po kaloni lehtësisht nga depresioni në një fazë euforie. Nëse dëshironi të arrini ekuilibrin e nevojshëm, duhet të njihni arsyet që ju shkaktojnë shqetësimin dhe të veproni me guxim në momentet kur ekzistojnë parakushte harmonike për të arritur suksesin.
SHIGJETARI: Jini aktiv dhe mos lejoni që rrethanat e pazgjidhura të dashurisë të vazhdojnë t’ju krijojnë trazira psikofizike dhe t’ju largojnë nga qëllimi juaj. Në vend që t’i dorëzoheni pesimizmit dhe të bëheni pasivë, është koha të mendoni për të përjetuar aventura dhe për të ndjekur tendencat e reja. Yjet do t’ju ofrojnë një rrugëdalje nga faktorët kufizues.
BRICJAPI: Besoni në forcat pozitive të personalitetit tuaj dhe përmirësoni gjendjen tuaj psikofizike duke ndërmarrë veprime të guximshme. Do të merrni mbështetjen e yjeve, prandaj mos i lini asgjë rastësisë dhe fokusohuni në atë që ju tërheq. Gjëja më e rëndësishme është se në fushën e dashurisë do të gjeni një interes të përbashkët për të përmirësuar marrëdhënien.
UJORI: Pasiviteti, melankolia dhe frika nga e panjohura nuk do t’ju sjellin asgjë të mirë. Ju rekomandohet të keni besim në vete dhe të përballeni me guxim me faktorët kufizues. Gjeni kohë për të zgjeruar njohuritë dhe për të udhëtuar. Vlerat që zotëroni dhe kapaciteti për lumturi janë një garanci se do të gjeni zgjidhje për problemet.
PESHQIT: Pavarësisht se goditjet e fatit ju vendosën në një situatë vërtet të palakmueshme, nuk duhet të dorëzoheni dhe t’i nënshtroheni melankolisë. Përkundrazi, nëse doni të dilni nga labirinti psikofizik, do t’ju duhet të përdorni potencialet tuaja pozitive dhe t’i jepni fund presioneve të jashtme, si dhe frikës suaj.