Një nga arsyet për një hundë të bllokuar vazhdimisht

Nuk merrni dot frymë me kapacitet të plotë sepse hunda juaj është vazhdimisht e bllokuar? Keni ndjesinë sikur shqisa juaj e nuhatjes nuk është ajo që ka qenë?
Arsyeja kryesore e dobësimit të shqisës së nuhatjes është dëmtimi i nervit oflaktor (sensor) dhe mukozës së tij, nën ndikimin e inflamacionit, një dukuri e zakonshme gjatë kohës së Koronavirusit.

Në atë rast, komunikimi ndërmjet hundës dhe trurit është i ndërprerë, kështu që stimujt e nuhatjes nuk arrijnë në qendrat e trurit.
Nëse situata nuk ndryshon edhe pasi nervi të jetë shëruar, atëherë ka shumë mundësi të bëhet fjalë për polipe në hundë – një diagnozë që shpesh rrëshqet nën radarin e diagnostikuesve.

Çfarë janë polipet e hundës?

Polipet janë në fakt ato masa të tulta, jo kancerogjene në lëkurë që rriten në sinuset ose kanalet nazale (të hundës). Polipet e hundës nuk janë të dhimbshme, kështu që nëse janë të vegjël, ka shumë mundësi që të mos e dini se i keni.

Polipet nazale janë shpesh rezultat i rinosinusitit kronik, një gjendje e shpeshtë mjekësore që prek afërsisht 12 për qind të popullsisë dhe karakterizohet nga inflamacioni i sinuseve për më shumë se tre muaj. Gjendjet si astma, alergjitë, çrregullimi i imunitetit, rezultojnë gjithashtu me shfaqjen e polipeve të hundës.

Simptomat

Zakonisht, shfaqen me këto simptoma: hundë të bllokuar, rrjedhje hundësh, presion në ballë, gërhitje, dhimbje koke. Polipet gjithashtu e dobësojnë shqisën e nuhatjes dhe shijes dhe mund të shkaktojnë edhe dhimbje dhëmbi. Simptomat të kujtojnë një ftohje tipike, por zgjasin për një periudhë më të gjatë kohore.

Sado të pakëndshme të jenë, kryesisht për shkak të hundës së bllokuar, polipet e hundës janë kryesisht beninje dhe më së shumti trajtohen si një formë e rëndë inflamacioni sesa rritje. Polipet që formohen në pjesë të tjera të trupit, si zorra e trashë dhe rektumi, mund të jenë malinje dhe të shkaktojnë kancer.

Diagnoza

Për të diagnostikuar polipet e hundës, mjeku mund të bëjë një endoskop të hundës (një tub i ndriçuar i pajisur me kamerë) për të ekzaminuar situatën. Mund të përdoret gjithashtu edhe tomografia e kompjuterizuar ose skanimi i rajonit me qëllim për të vlerësuar ashpërsinë e sinusitit dhe modelin e inflamacionit. Testet e alergjisë dhe kulturat mikrobiologjike mund të ndihmojnë në diagnostikimin e inflamacionit kronik.

Mjekimi

Qëllimi kryesor i trajtimit është kontrolli i simptomave të pacientit, me ekspozim minimal ndaj terapisë mjekësore dhe kirurgjikale. Në shumicën e rasteve, kjo nënkupton qetësimin e inflamacionit dhe shumimin e baktereve të mira në zgavrën e hundës.

Mjeku mund të përshkruajë antibiotikë me spektër të gjerë, spërkatës lokal steroid, shpëlarje me tretësirë kripe dhe/ose steroide sistemike për të trajtuar sinusitin dhe polipet, ndërsa barërat për hollimin e dekongjestantëve të mukozës dhe hundës mund të ndihmojnë në lehtësimin e kongjestionit.

Si zgjidhje e fundit, kur mjekimet nuk funksionojnë, mund të aplikohet kirurgjia endoskopike për të zgjeruar kanalet natyrore të sinusit dhe për të hequr çdo kockë tërthore dhe inde të buta inflamatore.

Kirurgjia endoskopike është një procedurë ambulatore e cila realizohet me anestezi të përgjithshme. Dhimbja zakonisht zgjat për disa ditë, ndërsa shërimi i plotë ndodh brenda gjashtë deri në tetë javë. Gjatë procesit të shërimit, pacienti duhet të përdorë një tretësirë fiziologjike për shpëlarje dhe ilaçe për të parandaluar infeksionin e mundshëm.

A mund të bëhesh i varur nga spërkatësi i hundës?

Para se të shkoni në shtrat, kur jeni në natyrë, kur nuk mund të hani të qetë sepse nuk mbusheni dot me frymë, vraponi pas spërkatësit të hundës? Ka shumë mundësi, brenda pak ditësh të kuptoni se jeni shumë më të bllokuar se më parë. Si është e mundur?

Spërkatja e shpeshtë me spërkatësin e hundës çon në shfaqjen e rhinitis medicamentosa ose kongjestionit të rikthimit. Ky rreth vicioz i përdorimit të tepërt dhe varësisë mund të zgjasë me muaj, apo edhe vite. Spërkatësit OTC janë të mirë për t’u përdorur për 4-5 ditë, por nëse jeni i varur nga ata, lëshojeni shishen poshtë.

Kërkoni mjekut tuaj t’ju përshkruajë steroid oral për të reduktuar inflamacionin dhe kongjestionin, derisa sinuset tuaja po shërohen. Përdorni një shpëlarës hundësh ose një tretretësirë kripe.