Përbërësit e nevojshëm:

• 2 presh të prerë (vetëm pjesët e bardha dhe jeshile të hapur)
• 2 karota të qëruara dhe të prera në kube
• 2 kërcej selino të prerë në kube
• 1 qepë mesatare, të grirë hollë
• 3 thelpinj hudhër të grirë hollë
• 1 lugë gjelle vaj ulliri
• 6 gota lëng perimesh
• 1 gotë domate të prera në kube (të freskëta ose të konservuara)
• 1 gotë mashurka të prera
• 1 gotë lakër të grirë
• 1 gotë lakër jeshile ose spinaq, të grira
• 1 lugë çaji trumzë të tharë
• 1 lugë çaji rozmarinë të tharë
• kripë dhe piper sipas shijes
• lëng nga 1 limon

Përgatitja:

Në një tenxhere të madhe ngrohni vajin e ullirit në zjarr mesatar. Shtoni qepën dhe hudhrën e grirë dhe skuqini pak. Më pas shtoni në tenxhere preshin e grirë, karotat dhe selinon. Gatuani për 5-7 min. duke i përzier herë pas here derisa perimet të fillojnë të zbuten. Shtoni lëngun e perimeve, domatet e prera në kube, mashurkat, lakrën, trumzën dhe rozmarinën. Lereni supën të vlojë dhe më pas zieni për rreth 15-20 minuta. Në fund shtoni lakër jeshile të grirë dhe zieni edhe për 2-3 minuta të tjera. Shtoni supës kripë dhe piper të zi sipas shijes. Shtrydhni lëngun e një limoni dhe hidheni në supë sapo të bëhet e vakët.