Përbërësit e nevojshëm:

• lëvore dhe lëng nga 1 portokall
• 1 gotë rrush të thatë
• 1 gotë rrush serezi
• 1 gotë boronica të kuqe
• 1 gotë bajame të copëtuara
• 3 gota miell bajamesh
• 2 banane të vogla, më të pjekura (200 gramë)
• 10 hurma, pa fara
• 2 lugë çaji erëza të përziera (glikanxo, arrëmyshk, kanellë)
• 1 lugë çaji kanellë të bluar
• 1/2 lugë çaji karafil të bluar
• 1/2 lugë çaji ekstrakt natyral vanilje
• një majë kripë

Përgatitja:

Ngrohni furrën në 175 gradë. Lyeni një kallëp për tortë me diametër 18 cm. Nëse përdorni një kallëp të rëndomtë, shtroni me letër për pjekje. Në një tenxhere vendosni lëvoren, lëngun e portokallit, rrushin e thatë, rrushin e serezit, boronicat e kuqe dhe bajamet. Prisni derisa lëngu të fillojë të vlojë. Zvogëloni temperaturën dhe zieni për 5-10 minuta, duke e përzier herë pas here. Vendosni miellin e bajameve, bananet, hurmat, erëzat, vaniljen dhe kripën në një grirëse elektrike.

Bluani me shpejtësi të lartë derisa të fitoni një masë të butë dhe të trashë. Shtoni përzierjen e frutave të thata dhe përzieni mirë. Hidhni masën në kallëpin e përgatitur dhe rrafshoni sipërfaqen me duar të lagura. Duhet të piqet për 30 minuta, më pas mbuloni tortën me letër alumini dhe piqni edhe 15 minuta të tjera. Nxirrni nga furra dhe lini të ftohet në kallëp për 30 min.