Terrori i natës me të cilin përballen të rriturit

Sa herë që i ndrydhni shqetësimet gjatë ditës, nënvetëdija do t’i kthejë ato në sipërfaqe ndërsa flini dhe do të përballeni me një gjumë shqetësues. Këto ëndrra shoqërohen nga ndjenja e ankthit, panikut, rrahjes së shpejtë të zemrës, konfuzionit, trishtimit, frikës, sapo të zgjoheni dhe kur t’i kujtoni ëndrrat gjatë ditës.

Njohja e ëndrrës shqetësuese

Ëndrrat anksioze ose shqetësuese mund t’i referohen çdo gjëje – duke filluar nga një ngjarje e përditshme dhe reale e deri te një skenar filmi që përfshin ikjen nga gjërat që të trembin.

Ajo që i dallon këto ëndrra të pazakonta janë simbolet e shumta dhe prirja për t’u përsëritur, me disa dallime nga një ëndërr në tjetrën. Ata janë, gjithashtu, shumë bindëse, kështu që me siguri do të ndjesh një nevojë të fortë për të përsëritur disa herë se ishte thjesht një ëndërr.

Çfarë stimulon ëndrrat e ankthit?

Shkaku kryesor që fshihet pas ëndrrave anksioze ose shqetësuese është ankthi ose stresi. Sa herë që njerëzit nuk e kuptojnë se janë të mërzitur në jetën e tyre të zgjuar, ata pasqyrojnë këtë ndjenjë të shtypur gjatë gjithë natës.

Nënvetëdija është vazhdimisht e vetëdijshme dhe për këtë arsye përpiqet të mbajë të gjithë stresin e shtypur në mendjen tuaj të vetëdijshme duke përdorur gjumin.

Sado që përpiqesh t’i shpërfillësh problemet, nënvetëdija do të të kujtojë se për t’i zgjidhur, është e nevojshme t’i pranosh dhe të punosh me to.

Pavarësisht sa janë shqetësuese këto ëndrra, këto ëndrra ekzistojnë për t’ju bërë të vetëdijshëm për një problem që dëmton shëndetin tuaj mendor, fizik, emocional dhe/ose shpirtëror. Prandaj, filloni t’i përjetoni si sinjale njoftuese që të kujtojnë se duhet të ndryshosh diçka në jetë.

Nëse vazhdimisht i shpërfill, ata do të bëhen më këmbëngulës dhe për një kohë të gjatë kjo mund të jetë shumë e dëmshme për të gjitha aspektet e shëndetit dhe të mirëqenies suaj.

Si të parandalosh ëndrrat shqetësuese?

Çdo përballje, njohje dhe zgjidhje e problemit që ju shqetëson në jetën reale, padyshim të çon në ndalimin e këtyre ëndrrave. Megjithatë, nëse problemi juaj nuk mund të zgjidhet shpejt, nuk duhet të mbeteni pa gjumë cilësor.

Është e nevojshme të merrni gjithçka që mund të zvogëlojë ndikimin negativ të gjumit shqetësues ose çdo gjë që mund t’ju sjellë një gjumë të qetë nga i cili do të zgjoheni të pushuar dhe plot forcë për të përballuar problemet.

Zakonet që duhen shmangur para se të shkoni në shtrat:

• ushqimi, të paktën 2 orë para gjumit (veçanërisht kafeina dhe alkooli)

• drita blu (telefon, kompjuter, televizor) të paktën 2 orë para gjumit

• mbajtja e telefonin afër kokës

• biseda stresuese, kontrolli i e-maijleve dhe madje edhe filma të frikshëm

Zakonet që duhen të përvetësohen para se të shkoni në shtrat:

• meditimi

• frymëmarrja e thellë

• dëgjimin e muzikës qetësuese

• ushtrime të lehta shtrirjeje

• banjë e nxehtë (jo shumë e nxehtë).

• filxhan çaj qetësues (kamomil)

• ecje e ngadaltë në lagje

• leximin e një libër frymëzues

• përkujtimin e kujtimeve të bukura me familjen

Pak para se të bini në gjumë, thuani vetes se do të flini të qetë gjatë natës. Herët a vonë truri do t’ju dëgjojë.

Natën e mirë!