Bota mezi priti që të shihte filmin “Napoleon” nën drejtimin e Ridli Skot, i cili rolin kryesor ia dha fituesit të çmimit Oskar, Hoakin Feniks. Pas suksesit të filmit “Gladiator”, i cili fitoi 5 statuja Oskar, regjisori vendosi të prezantojë një tjetër epikë historike për jetën, ngritjen dhe rënien e perandorit francez Napoleon Bonaparta.

Përveç Rasell Krou, regjisori përsërit shumicën e aktorëve që u shfaqën në “Gladiator” dhe siç duket nuk gaboi. Nëpërmjet prizmit të marrëdhënies së Napoleonit me perandoreshën Zhozefinë, e cila nga pasioni shpeshherë kthehej në dhunë, shfaqet karakteri i fuqishëm i perandorit i cili nuk e kishte ëndërruar kurrë se do të pushtonte aq shumë territore.