Kombinimi i disa ushqimeve nënkupton vlera shumë më të mëdha ushqyese për trupin sesa kur konsumohen veçmas. Thjesht disa gjëra funksionojnë më mirë si çift, edhe kur bëhet fjalë për shëndetin.
Spinaq + speca
Specat përmbajnë vitaminë C, e cila është e nevojshme për të absorbuar hekurin nga spinaqi. Kombinimi i kësaj vitamine dhe minerali vepron me shpejtësi në anemi. Spinaqi është gjithashtu i njohur për përqindjen e lartë të luteinës dhe vitaminës A në përbërje, të cilat janë mbrojtësit kryesorë të llojit.
Bollgur tërshëre+ bajame
Bollguri ul kolesterolin në gjak. Proteinat në bajame reduktojnë lirimin e karbohidrateve nga tërshëra, gjë që rezulton në një përqindje shumë më të ulët të kolesterolit në gjak.
Domate + vaj ulliri
Domatet përmbajnë një antioksidant të fuqishëm të quajtur likopen. Likopeni ka veti lidhëse të yndyrës, ndaj lëreni të lidhë yndyrnat e shëndetshme si ato që gjenden në vajin e ullirit. Ky kombinim ka rezultuar i suksesshëm në ngadalësimin e plakjes dhe dëmtimit të lëkurës nga dielli.
Çaj jeshil + lëng limoni
Duke shtuar lëng limoni në çajin jeshil, ju parandaloni që 80% e antioksidantëve të shpërbëhen gjatë zierjes. Do të thotë, çaji ruan përbërësit kryesorë aktivë me të cilët kundërvepron me radikalet e lira, qëllimi i të cilave është të nxisin një lloj inflamacioni.
Mish i kuq + rozmarinë
Është vërtetuar shkencërisht se rozmarina redukton krijimin e substancave të dëmshme kancerogjene që ndodhin gjatë gatimit të mishit për 92%.
Brokoli + vezë
Gratë që vuajnë nga shqetësimet menstruale çdo muaj duhet të marrin rregullisht vitaminë D dhe kalcium. Të tilla lëndë ushqyese reduktojnë simptomat e PMS me 30 deri në 40%. Nga ana tjetër, me ndihmën e brokolit, trupi thith më lehtë kalciumin e pranishëm në ushqim. Ndërsa vezët janë burimi më i mirë natyral i vitaminës D.
Pulë + patate
Nuk ka pothuajse asnjë perime tjetër që përmban një përqindje kaq të lartë të vitaminës A sesa patatja. Por marrja e vitaminës A pa zink (që gjendet në mish pule, viçi dhe derri) është si të përpiqesh të ndezësh një zjarr pa shkrepse. Zinku është i nevojshëm për të lidhur dhe mbajtur vitaminën A në gjak.
Makarona + uthull balsamike
Pasi të keni ngrënë makarona, a jeni sërish i uritur në më pak se një orë? Nëse jeni, provoni t’i hani me pak uthull. Uthulla përmban një acid që ngadalëson tretjen dhe thithjen e glukozës së pranishme në paste. Në këtë mënyrë ju do të kontrolloni urinë tuaj dhe nuk do të hani tepër. Plus, duke shtuar dy lugë uthull në makarona do të ulë sheqerin në gjak me 20%.
Kos + farë liri
Kosi është shtëpia e më shumë se 400 baktereve, disa të mira, disa të këqija për trupin. Kur numri i baktereve të këqija tejkalon numrin e baktereve të mira, zakonisht shfaqet një problem me tretjen. Për të nxitur përbërësit probiotikë të kosit, është e nevojshme të konsumohen fibra bimore, si ato të farave të lirit, për të arritur ekuilibrin në stomak.
Çifte jo aq të mira!
Fruta + çdo gjë
Nutricionistët rekomandojnë që frutat e freskëta të hahen me stomakun bosh dhe të mos kombinohen me asgjë, sepse në këtë mënyrë vitaminat treten dhe përthithen më shpejt.
Kafe + vezë
Polifenolet e pranishme në kafe parandalojnë trupin të thithë hekurin nga vezët.
Qumësht + çdo gjë
Me kalimin e viteve, organizmi bëhet gjithnjë e më i vështirë për të tretur qumështin dhe kur kombinohet me ushqime të tjera si drithërat apo buka, tretja bëhet edhe më e vështirë.