Овен (21.3-19.4)

Согледајте ги проблемите што подолго време ве измачуваат. Со бегство од стварноста и со потиснување на желбите, ништо позитивно нема да направите. Време е да им се противставите на непријатностите и храбро да тргнете кон новите предизвици. Во доменот на љубовта расчистете со бесперспективната и непродуктивна релација.

Бик (20.4-20.5)

Премногу се оптоварувате со работи што не заслужуваат големо внимание. Имате впечаток дека во вашата непосредна околина постојат лица кои на секаков начин се обидуваат да ви напакостат и да ви го оневозможат напредувањето. Ви се препорачува да не подлегнувате на провокации и да бидете трпеливи.

Близнаци (21.5-20.6)

На професионален план бидете подготвени за соочување со разни искушенија и недоразбирања. Внимавајте на односите во семејната атмосфера, зашто недоразбирањата ќе бидат присутни и ќе ви предизвикаат напнатост и несигурност. Ако имате отидете на гости кај пријателите или преземете кратко патување. Не ризикувајте на полето на финансиите.

Рак (21.6-22.7)

Бидете мудри и внимателни при воспоставувањето на комуникацијата, бидејќи честопати ви се случува наивно да наседнете на туѓите ветувања. Најдобро е да се потпрете на интуицијата, односно да не брзате при прифаќањето на советите. Ѝ најмалата грешка може скапо да ве чини. Обидете се да ја подобрите финансиската состојба и да патувате.

Лав (23.7-22.8)

Не анализирајте премногу, туку остварете ги целите. Не се знае кога повторно ќе ви се отвори можност за напредок и за реализирање на желбите. Треба  храбро да дејствувате и да отворите нова поперспективна патека во сите сфери од животот. Овој период е добар за патување.

Девица (23.8-22.9)

Потсвесната оптовареност и стравот од соочувањето со иднината ќе го оптоварат вашиот организам и ќе ви пробудат потреба за мир и изолација.  Затоа, од пресудна важност е на објективен начин да ги согледате ограничувачките фактори и да се обидете да го задржите мирот во длабочината на својата душа.

Вага (23.9-22.10)

Соочете се со сопствените слабости, направете план што ќе ви помогне при справувањето со проблемите и не влегувајте во ризични ситуации. Ѕвездите ве советуваат да не ги идеализирате и да се оптоварувате  поради некои лица, туку да ги утврдите приоритетите и да се заштитите од негативностите. Здравствената состојба постепено ќе ви се подобрува.

Скорпија (23.10-21.11)

Доволно се оптоварувавте со неважни нешта и ја пасивизиравте енергијата. Бидете решителни и храбри во дејствувањето и покажете дека умеете да ги препознаете вистинските вредности. На професионален план не очекувајте големи промени и подобрување на околностите, така што избегнувајте ги ризиците.

Стрелец (22.10-21.11)

Околностите во животот почнуваат да ви се подобруваат и да ви создаваат нова мотивација. Тоа е гаранција дека ќе тргнете храбро кон целта и ќе изградите хармонични односи во љубовната и професионална сфера на интерес. Затоа, дејствувајте и покажете ги вредностите. Контактирајте со лица кои се поврзани со странство или преземете далечно патување.

Јарец (22.12-19.1)

Размислувањето исполнето со меланхолија и страв не може да ви донесе хармонични резултати. Без оптимизам и решителност во настапот постојано ќе стагнирате и ќе ги намалите потенцијалите за напредување. Елиминирајте ги слабостите на психофизичко поле и храбро насочете се кон мигот на сегашноста.

Водолија (20.1-18.2)

Храбро искажете ги своите вредностите, зашто имате потенцијал за големо напредување. Не треба да се грижите за впечатокот што ќе го оставите во јавноста, бидејќи со природниот шарм и заводливото однесување мошне лесно ќе ги освојувате другите лица. Внимавајте на финансиски план и размислете пред да склучите ризичен договор поврзан со недвижности.

Риби (19.2-20.3)

Постојаната променливост во однесувањето ќе ви создаде проблеми на емоционален план и ќе ви ги затвори предиспозициите за хармонизирање на состојбата со блиските. Ако не сакате изолацијата и неизвесноста тотално да завладеат со вашата личност, неопходно е да ги елиминирате слабостите и да престанете да ја обвинувате судбината за сé што ви се случува во животот.

д-р Зоран Крстевски
едукатор, мотиватор и тренер за личен развој

The post Месечен хороскоп мај – јуни 2026 appeared first on Аптеки PlusPharma.

• 5–6 средни јаболка (киселкасти сорти)
• 3 јајца
• 60 г мед
• 120 мл млеко
• 30 г растопен путер
• 125 г брашно
• 1 лажичка прашок за печиво
• 1 лажичка цимет
• прстофат сол
• путер и брашно за калапот

Подготовка:

Загрејте ја рерната на 180°C. Калапот за печење премачкајте го со путер и лесно набрашнете го. Јаболката излупете ги, исечете ги на многу тенки, речиси проѕирни парчиња и оставете ги настрана. Во длабок сад изматете ги јајцата со прстофат сол, па додајте го медот и мешајте додека смесата не стане хомогена. Додајте ги млекото и растопениот путер, па промешајте внимателно. Постепено додајте го брашното измешано со прашокот за печиво и мешајте додека не добиете мазна, течна смеса. Во смесата додајте ги јаболката и нежно измешајте за да се обложат рамномерно. Смесата истурете ја во подготвениот калап и израмнете ја. Печете 40–45 минути, сè додека тортата не добие убава златна боја. Послужете со грчки јогурт или топка сладолед.

The post Изненадувачки вкусна торта со јаболка appeared first on Аптеки PlusPharma.

Современиот свет и современата технологијата која секојдневно се развива, го оптоваруваат човечкото око повеќе од кога било претходно. Долгите часови пред компјутер, таблет или мобилен уред создаваат хроничен визуелен напор, а континуираниот стрес и забрзаниот животен ритам ја зголемуваат продукцијата на слободни радикали кои ги оштетуваат клеточните структури во човечкото тело, вклучувајќи го и окото.

Макулата, централниот дел од мрежницата (ретината) одговорен за јасен и детален вид, е особено изложена на овие влијанија. Со возраста или при зголемен метаболен напор кој бара високо енергетско внесување, се забележува намалување на микроциркулацијата и на антиоксидативниот капацитет. Овие промени може да се манифестираат со симптоми како замор на очите, заматен вид, чувствителност на светлина и постепено влошување на визуелната острина.

Во овој контекст, значајна е синергијата меѓу микроциркулацијата, антиоксидативната заштита и клеточната енергија. Комбинацијата на Ginkgo biloba, каротеноиди и други антиоксиданси се разгледува како современ пристап во превентивна и адјувантна поддршка на окуларното и на когнитивното здравје.

Микроциркулацијата – мрежа што го одржува видот

Микроциркулацијата е клучен физиолошки процес кој овозможува соодветно снабдување со кислород и со микронутриенти во најделикатните структури на телото. Ретината, поради својата исклучително висока метаболна активност, има потреба од постојан и квалитетен доток на крв.

Кога микроциркулацијата е нарушена, клетките на пигментниот епител и фоторецепторите не добиваат доволно кислород и хранливи материи, што води до акумулација на токсични метаболити и зголемена подложност кон оксидативен стрес. Со текот на времето, овие процеси можат да придонесат за појава на сенилна макуларна дегенерација и функционално слабеење на видот.

Активните состојки на Ginkgo biloba ја подобруваат микроциркулацијата преку:

• зголемување на еластичноста на капиларите
• намалување на агрегацијата на тромбоцитите

Со тоа се смета дека се подобрува снабдувањето на макуларната зона со кислород и со хранливи материи, што е предуслов за одржување на нејзината функција.

Оксидативниот стрес – невидлив фактор во замор и дегенерација

Оксидативниот стрес е состојба при која продукцијата на реактивни кислородни честички (ROS) ги надминува капацитетите на ендогените антиоксидативни механизми. Очите се особено чувствителни на оксидативни оштетувања, бидејќи се постојано изложени на светлинско зрачење и имаат високи енергетски потреби.
Фоторецепторните клетки во макулата дејствуваат како „минијатурни фабрики за енергија“, со висока густина на митохондрии. Со возраста, митохондријалната функција слабее, а производството на слободни радикали се зголемува. Тука клучна улога имаат каротеноидите.

Каротеноидите – природна заштита на макулата

Лутеинот и зеаксантинот се природни каротеноиди кои играат значајна улога во заштита и одржување на здравјето на очите. Тие се концентрирани во централниот дел на мрежницата одговорен за јасен вид и претставуваат главна компонента на макуларниот пигмент.

Нивните функции вклучуваат:

• дејствување како биолошки „филтер“ за дел од сината (високоенергетска) светлина
• апсорпција на дел од светлинската енергија и намалување на фотохемискиот стрес
• неутрализација на слободните радикали создадени во процесот на фототрансдукција

Благодарение на овие механизми, каротеноидите го намалуваат оксидативното оптоварување на ретината, која е едно од метаболички најактивните ткива во човечкиот организам. Долготрајното внесување на лутеин и зеаксантин преку исхрана или суплементација е поврзан со подобра макуларна пигментна густина, подобрена визуелна перцепција, особено при слаба осветленост, потенцијално намалување на визуелниот замор при продолжена работа на близина.

Ginkgo biloba и антиоксидативните кофактори – трио за клеточна енергија

Комбинацијата на Ginkgo biloba со клучни митохондријални кофактори како CoQ10 и PQQ (Pyrroloquinoline Quinone) се разгледува во контекст на поддршка на клеточната енергетика и отпорноста на оксидативен стрес.

CoQ10 е есенцијален дел од митохондријалната респираторна верига и има улога во трансфер на електрони и синтеза на АТФ, при што истовремено делува и како липофилен антиоксиданс.

PQQ е поврзан со стимулирање на митохондријална биогенеза – процес на создавање нови митохондрии. На клеточно ниво, оваа оска (Ginkgo biloba – CoQ10 – PQQ) може да придонесе за:

• подобрување на митохондријалната ефикасност
• намалување на оксидативниот товар
• стабилизирање на невроналната и ретиналната функција

Во комбинација со антиоксидативни микронутриенти како селен, цинк, витамин C, супероксид дисмутаза (SOD) и α-липоична киселина, се создава комплексна антиоксидативна мрежа насочена кон неутрализација на слободните радикали и стабилизација на клеточните мембрани. Присуството на лутеин и зеаксантиин како специфични макуларни каротеноиди дополнително придонесува за заштита на ретината од сина светлина и од оксидативно оштетување, со што се заокружува поддршката на клеточната енергија, микроциркулацијата и визуелната функција.

Синергистички пристап кон здравјето на очите и на мозокот

Современите истражувања сè почесто укажуваат дека ретината и мозокот имаат заеднички васкуларни, нервни и метаболички механизми. Ретината, како дел од централниот нервен систем, има висока метаболна побарувачка и чувствителност на нарушувања во перфузијата и оксидативниот баланс.
Комбинацијата на Ginkgo biloba (поддршка на микроциркулацијата), антиоксиданси (SOD, CoQ10, цинк, витамин C, α-липоична киселина, селен), каротеноиди и растителни пигменти (лутеин, зеаксантин, екстракт од боровинка, астаксантин) се разгледува како интегриран нутритивен пристап насочен истовремено кон ретиналните и когнитивните функции. Овој пристап има за цел: поддршка на менталниот и на визуелниот перформанс, зголемување на издржливоста при визуелен и когнитивен напор, и намалување на последиците од хроничен оксидативен стрес.

The post Синергија меѓу Ginkgo Biloba и антиоксидативните каротеноиди appeared first on Аптеки PlusPharma.

Преку ова искуство, Фостер учи за природата, интелигенцијата на морските жители и својата сопствена човечка поврзаност со светот околу себе. Филмот е визуелно прекрасно сниман, емотивно влијаејќи на гледачот, и ја истакнува важноста на почитувањето на природата и животните.

The post Што во слободно време? My Octopus Teacher, документарен филм appeared first on Аптеки PlusPharma.

Ова овошје е особено корисно за дигестивниот систем, бидејќи помага во регулирање на варењето и поддржува нормална функција на цревата. Исто така, содржи состојки кои придонесуваат за зајакнување на природната одбрана на телото.

Со својата лесна и природна сладост, мушмулата е одличен избор за здрава ужина. Таа му помага на телото да остане витално, поддржува добра енергија и придонесува за подобро чувство во текот на денот.

The post Мушмула appeared first on Аптеки PlusPharma.

Во медицинската литература се користи терминот метаболно-асоцирана масна болест на црниот дроб (МАFLD), кој ја нагласува тесната поврзаност со метаболниот синдром, дебелината, инсулинската резистенција и дијабетес тип 2.

Како настанува?

Основниот механизам е нарушена рамнотежа меѓу внесот, синтезата и разградувањето на масните киселини во хепатоцитите (клетките на црниот дроб). Инсулинската резистенција игра клучна улога: кога клетките стануваат помалку чувствителни на инсулин, се зголемува ослободувањето на масни киселини од масното ткиво и нивното натрупување во црниот дроб.

Дополнителни фактори на ризик се:

• дебелина, особено абдоминална
• дијабетес тип 2
• покачени триглицериди
• хипертензија
• седентарен начин на живот
• генетска предиспозиција

Важно е да се нагласи дека замастениот црн дроб може да се појави и кај лица со нормална телесна тежина, особено доколку постои метаболна дисфункција.

Симптоми – зошто се нарекува „тивка“ болест?

Во најголем број случаи, состојбата е асимптоматска. Пациентите често немаат никакви тегоби, а промените се откриваат случајно, при рутински лабораториски анализи или абдоминален ултразвук.

Кога постојат симптоми, тие се неспецифични:

• чувство на тежина или притисок под десниот ребрен лак
• лесен замор
• надуеност

Токму поради отсуството на јасни симптоми, болеста може да напредува незабележано.

Од стеатоза до цироза

Едноставната стеатоза може да премине во воспалителна форма – стеатохепатитис, состојба која подразбира оштетување на хепатоцитите и воспаление. Со тек на време, хроничното воспаление може да доведе до фиброза (создавање сврзно ткиво), а во напреднати случаи и до цироза на црниот дроб.
Цирозата претставува сериозна, потенцијално животозагрозувачка состојба и значително го зголемува ризикот за развој на хепатоцелуларен карцином.

Како се поставува дијагнозата?

Најчесто, прв индикатор се покачени вредности на ензимите на црниот дроб (ALT, AST). Сепак, вредностите може да бидат и нормални, што не ја исклучува болеста.
Ултразвучниот преглед е најчеста дијагностичка метода. Во одредени случаи се користат и дополнителни методи како еластографија или магнетна резонанца за проценка на фиброза.

Лабораториската проценка на липиден профил, гликемија и HbA1c е важна за утврдување на придружните метаболни нарушувања.

Терапија и превенција

Во моментот не постои специфична фармаколошка терапија одобрена исклучиво за замастен црн дроб. Основата на третманот е промена на животниот стил.
Научните податоци покажуваат дека намалување на телесната тежина за 7–10 % може значително да ги намали масната инфилтрација и воспалението. Се препорачува:

• балансирана исхрана со намалено внесување на преработени јаглехидрати и заситени масти
• редовна физичка активност (најмалку 150 минути неделно умерено интензивно движење)
• контрола на шеќерот и липидите
• ограничување на алкохол

Раното откривање и интервенција се клучни, бидејќи во почетните фази состојбата е реверзибилна.

Замастениот црн дроб не е само „бенигна“ наслага на масти, туку системска метаболна болест што може да има сериозни последици доколку не се третира навреме. Со оглед на неговата тивка природа, редовните превентивни прегледи и свесноста за ризик-факторите се од суштинско значење.

The post Замастен црн дроб – тивка метаболна болест со сериозен потенцијал appeared first on Аптеки PlusPharma.

Серијата нуди комбинација од шпионска интрига, политички манипулации и психолошка тензија, со дејство сместено на неколку европски и блискоисточни локации, и се одликува со висока продукциска вредност и силни актерски изведби.

The post Што во слободно време? The Night Manager, ТВ-серија appeared first on Аптеки PlusPharma.

Мача правот се добива од листовите на Camellia sinensis (истото растение од кое доаѓаат и другите видови чаеви како зелен, бел и црн чај). Овие растенија се одгледуваат во сенка, што ја зголемува концентрацијата на хлорофил, антиоксиданти, аминокиселини и кофеин во листовите пред бербата. По бербата, листовите се сушат, жилите и стеблата се отстрануваат, а потоа се мелат во фин зелен прав – мача.

Го подобрува функционирањето на мозокот

Истражувањата покажуваат дека мачата може позитивно да влијае на памтењето, вниманието и брзината на реакција. Кај испитаниците, консумирањето мача било поврзано со подобрена концентрација и меморија во споредба со групи што не ја консумирале. Мачата содржи кофеин, кој може да ја зголеми будноста, но и L-теанин, кој помага да се избегне енергетскиот пад по кофеинот и придонесува за стабилна енергија.

Го намалува ризикот од когнитивен пад

Благодарение на антиоксидантите како кверцетин, мачата може да помогне во заштита на клетките од оштетување и да го забави процесот на стареење, што индиректно може да го намали ризикот од когнитивен пад со возраста. Некои студии покажале заштитен ефект од развојот на Алцхајмерова болест кај постари лица.

Го намалува ризикот од одредени видови рак

Антиоксидантите во мачата, особено катехините како EGCG, се поврзани со потенцијална заштита од оштетување на ДНК и со раст на туморски клетки во лабораториски услови. Некои истражувања сугерираат дека овие соединенија можат да го спречат растот на клетки карактеристични за канцери како дојка и дебело црево. Сепак, потребни се понатамошни човечки студии за целосно потврдување.

Ја подобрува состојбата на кожата

Благодарение на антиоксидантските и антиинфламаторни својства, мачата може да помогне во намалување на знаците на стареење, воспалението и акните. Овие состојки можат да ја подобрат циркулацијата, со што се зголемува дотокот на кислород и на хранливи материи до кожата. Мачата е и богат извор на витамини A, C, E и K, важни за здравјето на кожата.

Ги намалува стресот и анксиозноста

Мачата содржи аминокиселини како L-теанин и аргинин, кои можат да ги стимулираат хормоните на среќата – серотонин и допамин, со што се придонесува за намалување на стресот, анксиозноста и подобрување на расположението. Некои студии покажале дека L-теанинот поттикнува релаксација и ги намалува негативните ефекти од стресот.

Го поддржува метаболизмот

Истражувањата покажуваат дека мачата може да помогне при согорување маснотии и може да биде поддршка на здравиот метаболизам. Во една студија, учесниците што пиеле мача согореле повеќе маснотии за време на умерена физичка активност отколку оние што не пиеле мача. EGCG, како главно соединение во мачата, може да помогне и во стабилизирање на нивото на шеќер во крвта, со што се намалува гладот и желбата за храна.

Го подобрува здравјето на срцето

Некои студии покажуваат дека зелените чаеви, вклучително и мачата, можат да придонесат за намалување на лошиот холестерол, гликемијата и триглицеридите – важни показатели за здравјето на кардиоваскуларниот систем. Сепак, потребни се дополнителни човечки истражувања.

Корисна за здравјето на коските

Истражувањата сугерираат дека редовното пиење мача може да придонесе за зголемување на густината на коските и за намалување на ризикот од скршеници. Овој ефект се припишува на комбинацијата од растителни соединенија и антиоксиданти кои ја поддржуваат структурата на коските.

Го намалува ризикот од дијабетес

Студиите покажуваат дека чај како мача може да ја забави апсорпцијата на гликоза во цревата, што доведува до побавен пораст на шеќерот во крвта по оброк. Подобрената инсулинска сензитивност може да помогне кај лица со зголемен ризик од развој на дијабетес тип 2.

Совет за безбедно користење

Мачата е генерално безбедна, но содржи кофеин, па доколку сте чувствителни на него, ограничете ја консумацијата или избегнувајте ја пред спиење. Некои експерти укажуваат дека танините во чајот можат да влијаат на апсорпцијата на железо, особено ако се консумира со оброк. Затоа, кај лица со ризик од анемија, се препорачува мачата да се пие одделно од оброците.

The post Мача appeared first on Аптеки PlusPharma.

Начинот на готвење често се занемарува, а всушност има огромно значење. Можеме да јадеме колку што сакаме зеленчук, но ако постојано го пржиме во длабоко масло, веројатно ќе си нанесеме повеќе штета отколку корист.

Па, кој е најздравиот начин на подготовка на храната? Како најдобро да ги зачуваме хранливите материи? И како да ја намалиме количината на сол без да го изгубиме вкусот?
Еве сè што треба да знаете за подготовка на храната со цел да ги извлечете максималните здравствени придобивки.

Како готвењето ја менува хранливата вредност на храната?

Готвењето ја прави храната полесно сварлива и овозможува полесна апсорпција на клучни хранливи материи. Сепак, одредени методи на подготовка значително ја намалуваат количината на нутриенти, вклучително и оние кои се неопходни за одржување на доброто здравје.

Витамините растворливи во вода, како витаминот Ц и Б витамините, витамините растворливи во масти (А, Д, Е и К), како и минералите како калиум, магнезиум, натриум и калциум, често се намалуваат при термичка обработка. Топлината може да уништи и до 20 % од некои витамини во зеленчукот – особено витаминот Ц, фолната киселина и калиумот.
Поради овие причини, некои луѓе консумираат само сирова храна. Иако одредени намирници навистина е најдобро да се јадат свежи, истражувањата покажуваат дека други, пак, имаат поголеми здравствени придобивки кога се зготвени. Па, кои намирници е подобро да се готват, а кои да се јадат сирови?

Сирово или зготвено?

Научните истражувања покажуваат дека некои намирници се поздрави кога се термички обработени затоа што топлината ги разградува клеточните ѕидови и овозможува антиоксидантите полесно да се апсорбираат во организмот. Такви намирници се:

• Домати – Со готвење, значително се зголемува количината на антиоксидантот ликопен. Тој се поврзува со намален ризик од рак на простата кај мажите и со подобро кардиоваскуларно здравје. Едно истражување покажало дека иако готвењето ја намалува содржината на витамин Ц во доматите за 29 %, количината на ликопен се зголемува двојно. Консумирањето варени домати со маслиново масло може да го зголеми нивото на ликопен во крвта и до 80 %.
• Моркови – Варените моркови содржат повеќе бета-каротин (провитамин А и моќен антиоксидант) отколку сировите. Истражувањата покажуваат дека апсорпцијата на бета-каротин од варени моркови е дури 6,5 пати поголема.
• Аспарагус – При готвење се разградуваат влакнестите клетки, што овозможува полесна апсорпција на витамините А, Ц, Е и фолната киселина.
• Спанаќ – Термичката обработка овозможува подобра апсорпција на железо, магнезиум, калциум и цинк.
• Печурки – Со готвење се ослободува ерготионеин – силен антиоксидант, а се намалува и агаритинот, супстанца со потенцијално канцерогено дејство.
• Мешунки – Леќата, гравот и грашокот содржат лектини – токсини кои се уништуваат со готвење.
• Месо, риба и јајца – Сировите производи од овој тип може да содржат штетни бактерии. Готвењето ги уништува и ја прави храната безбедна за консумирање.

Од друга страна, следните намирници имаат поголеми придобивки кога се јадат сирови:

• Брокола – Сировата брокола содржи трипати повеќе сулфорафан отколку варената. Ова соединение има потенцијал да помогне во борбата против ракот.
• Зелка – Со готвење значително се намалува ензимот мирозиназа, кој исто така има заштитна улога против рак. Затоа, ако ја готвите, тоа нека биде кратко.
• Кромид – Сировиот кромид спречува создавање тромбови и го штити срцето. Со готвење, овој ефект се намалува.
• Лук – Сировиот лук содржи сулфурни соединенија со потенцијални антиканцерогени својства, кои се уништуваат при готвење.

Начини на готвење – предности и недостатоци

1. Варење

Иако е брзо и едноставно, варењето е еден од најлошите начини за подготовка на зеленчук. Хранливите материи се губат преку водата и под влијание на топлината. Броколата и спанаќот можат да изгубат и до половина од витаминот Ц. Доколку варите зеленчук, искористете ја водата за супи или чорби.

2. Готвење на пареа

Еден од најдобрите методи за зачувување на хранливите материи. Истражувањата покажуваат дека загубата на витамин Ц е минимална (9–15 %).

3. Микробранова печка

Идеална за задржување на нутриентите, особено кај зеленчукот. Не бара додавање масло, но не е најсоодветна за подготовка на месо.

4. Скара

Иако дава одличен вкус, може да доведе до значителна загуба на витамини и минерали, и до создавање потенцијално штетни соединенија.

5. Печење

Краткото печење предизвикува минимална загуба на витамини, но долгото печење на високи температури може значително да ги намали Б витамините.

6. Пржење со малку масло

Релативно здрав начин на подготовка со минимална загуба на хранливи материи, особено ако се користат масла со соодветна точка на загревање.

7. Пржење во многу масло

Најнездравиот начин на готвење – ја намалува хранливата вредност и може да создаде штетни соединенија поврзани со зголемен ризик од рак.

Како да ги зачувате хранливите материи?

• Наместо да лупите зеленчук, измијте го темелно
• Користете што помалку вода при варење
• Консумирајте го зготвениот зеленчук во рок од 1–2 дена
• Гответе кратко и на умерена температура
• Сечете ја храната по готвењето, а не пред тоа

Помалку сол и масти – без жртвување на вкусот

• Пробајте ја храната пред да додадете сол
• Користете лимон, оцет и маслиново масло за свеж вкус
• Заменете кремасти сосови со јогурт со намалена масленост
• Наместо сол – користете зачини и билки

За повеќе вкус, а помалку калории

Свежите и сувите зачини се ваш сојузник. Лук, ѓумбир, куркума, оригано, мајчина душица, коријандер – не само што го подобруваат вкусот, туку носат и дополнителни здравствени придобивки. Свежите билки секогаш додавајте ги на крајот од готвењето за да го задржат својот мирис и вкус.

The post Гответе мудро, за да јадете здраво appeared first on Аптеки PlusPharma.

Правилното држење на телото не е прашање на изглед, туку на здравје. Кога ’рбетот е во неутрална положба, телото функционира поефикасно, со помал напор и помал ризик од болка.

Зошто е важно правилното држење?

• Ги намалува болките во грбот и вратот, особено кај лица со седечка работа
• Помага против главоболки, предизвикани од напнатост во вратот и во рамената
• Ги подобрува циркулацијата и варењето, бидејќи органите не се притиснати
• Ги зајакнува ’рбетот и јадрената мускулатура, важни за стабилност и рамнотежа

Со неколку едноставни вежби, кои може да се изведуваат и дома, држењето на телото постепено може значително да се подобри.

Поза на дете

Релаксирачка положба која ги истегнува грбот, колковите и бутовите, ја намалува напнатоста и помага за опуштање на ’рбетот.
Како се изведува: од положба на дланки и колена, колковите се спуштаат кон петите, рацете се испружени напред, а челото се потпира на подот. Се задржува 1–3 минути со длабоко дишење.

Мачка–крава (вежба за подвижност на ’рбетот)

Оваа вежба, позната како „мачка–крава“, ја зголемува подвижноста на ’рбетот и ја намалува вкочанетоста во вратот, рамената и горниот дел од грбот.
Како се изведува: во чучната положба на дланки и колена, при вдишување градниот кош се отвора и погледот оди нагоре, а при издишување ’рбетот се заоблува и погледот се спушта надолу. Се повторува 8–10 пати, во ритам со дишењето.

Ротација на торакалниот дел од ’рбетот

Средишниот дел од ’рбетот често е вкочанет, особено кај лица што подолго време седат. Оваа вежба ја подобрува подвижноста и придонесува за подобро држење.
Како се изведува: лежечки настрана, едната рака е испружена напред, другата зад главата. Со издишување, горниот дел од телото се ротира наназад. Се повторува 5–10 пати на двете страни.

Стоечки претклон

Го издолжува ’рбетот и ги истегнува мускулите на грбот и задниот дел од нозете, а воедно ја намалува напнатоста во вратот и во рамената.
Како се изведува: од стоечка положба, со благо свиткани колена, телото се наведнува напред од колковите, а главата и вратот се опуштени. Се задржува до една минута.

Висок планк

Ефикасна вежба за зајакнување на јадрената мускулатура и стабилизација на ’рбетот, клучна за правилно држење.
Како се изведува: положба како за склек, со исправени раце, активиран стомак и рамен грб. Се задржува 20–60 секунди. По потреба, може да се изведува и со колена на подот.

Совет ПЛУС

Доволни се 5 до 10 минути дневно за овие вежби да станат дел од здравата рутина. Редовното движење и свесното исправено седење и стоење се едноставни, но моќни чекори кон поздрав ’рбет и помалку болка во секојдневието.

The post 5 едноставни вежби за подобро држење на телото appeared first on Аптеки PlusPharma.

• 2 зрели, но цврсти круши
• 80–100 г рукола или микс салата
• зрна од 1 калинка
• 60 г ореви (половинки или крупно сечкани)

За карамелизираните ореви

• 1 лажица мед или кафеав шеќер
• 1 лажица вода
• прстофат сол

За преливот

• 3 лажици маслиново масло
• 1 лажица балсамико оцет
• 1 лажичка сенф
• 1 лажичка мед
• сол и свежо мелен бибер, по вкус

Подготовка:

Во мала тава ставете ги медот (или шеќерот) и водата и загрејте на умерен оган. Додајте ги оревите и мешајте додека не се обложат рамномерно и не добијат златна боја. Тргнете од оган, посолете сосем малку и оставете ги да се изладат на хартија за печење. Измијте ја салатата и исушете ја темелно. Крушите измијте ги, по желба излупете ги и исечете ги на коцки. Калинката исчистете ја и одделете ги зрната. Во мал сад измешајте ги маслиновото масло, балсамико оцетот, сенфот и медот.

Зачинете со сол и бибер и матете додека преливот не се изедначи. Во поголем сад ставете ја салатата, додајте ги крушите и зрната калинка. Прелијте со преливот и нежно промешајте. Одозгора наросете ги карамелизираните ореви.

The post Салата со круша и карамелизирани ореви appeared first on Аптеки PlusPharma.

Оваа категоризација ќе ви појасни како сакате да комуницирате со другите и од каде ја црпите вашата енергија – помагајќи ви полесно да управувате со различни животни ситуации. Подлабокото разбирање на различните типови личности може исто така да ви помогне поефикасно да комуницирате со луѓето околу вас.
Долго време се веруваше дека луѓето се или интроверти или екстроверти – без ништо помеѓу. Постои и широко распространето уверување дека интровертите се срамежливи и повлечени, а екстровертите весели, зборливи и друштвени. Но, во реалноста, човековата личност е многу посложена од тоа, па психолозите одамна ги отфрлија овие строги поделби.

Денес, експертите сметаат дека е многу покорисно интровертноста и екстровертноста да се гледаат како скала, на која секој од нас се наоѓа некаде – во зависност од тоа како ја добиваме, насочуваме и трошиме нашата енергија.

Од каде потекнуваат поимите „интроверт“ и „екстроверт“?

Теориите за интровертност и екстровертност станаа популарни во 1921 година, кога швајцарскиот психоаналитичар Карл Јунг објави труд за типови личности.
Во тој период, Јунг ги истражувал терапевтските односи и начинот на кој терапевтот може да влијае врз односот со клиентот. Тој првично ги поделил луѓето во две спротивставени групи:

Интроверти – ја насочуваат енергијата навнатре и претпочитаат промислени, самостојни активности.
Екстроверти – ја насочуваат енергијата кон надворешниот свет и уживаат во друштвото на другите повеќе отколку во осаменоста.

Јунг верувал дека и двата типа ја добиваат својата енергија од активностите што им се најприродни. Но, набрзо сфатил дека човечката личност е премногу комплексна за да се вклопи во само две категории – никој не е 100 % интроверт или екстроверт.

Подоцна, психологот Ханс Ајзенк ги надгради теориите на Јунг. Тој сметал дека нивото на интровертност или екстровертност зависи од тоа колку сме чувствителни на стимулацијата од околината.

Според Ајзенк, интровертите имаат потреба од помалку надворешни стимули за да се чувствуваат задоволни, додека екстровертите имаат потреба од повеќе возбуда. Така, интровертот може да ужива во тивка вечера со еден близок пријател, додека екстровертот ќе најде поголемо задоволство во дружење со голема група луѓе.
Подоцнежни научни истражувања, вклучително и мозочни скенови, ја поддржаа оваа теорија. Тие покажуваат дека луѓето кои се сметаат за поинтровертни имаат подебел префронтален кортекс, дел од мозокот поврзан со планирање и длабоко размислување, додека екстровертите почесто се поврзуваат со импулсивност.
Иако денес поимите интроверт и екстроверт се широко користени, често ги поистоветуваме со срамежливост или зборливост, што создава тесна и не секогаш точна слика за нечија личност.

Затоа, подолу ќе разгледаме како всушност изгледа интровертно-екстровертната скала според експертите, и зошто местото на кое се наоѓате е само еден дел од она што ве прави уникатни.

Дали сте интроверт, екстроверт или комбинација од двете? Кога би знаеле, би ви станало полесно да ја прифатите сопствената личност.Што значи да се биде интроверт?

Интровертите најчесто се потивки и повоздржани личности. Тие ја насочуваат својата енергија навнатре и поминуваат многу време во длабоко размислување и обработка на она што се случува околу нив.

Многу интроверти имаат потреба од време насамо за да се опуштат и да ги наполнат батериите по социјални интеракции, бидејќи дружењето им ја троши енергијата наместо да им ја дава.

Поради пониското ниво на екстровертност, интровертите често ги имаат следните карактеристики:

• повеќе сакаат да слушаат отколку да зборуваат
• учат преку набљудување
• потивки се во поголеми друштва
• имаат мал, но близок круг пријатели
• подобро функционираат кога работат сами
• избегнуваат ситуации во кои се центар на внимание
• лесно се преоптоваруваат од премногу стимули

Интровертите често се и многу самосвесни и имаат навика да ги анализираат сопствените искуства. Истражувањата сугерираат дека тие можат да ги доживуваат емоциите поинтензивно и потешко да ги регулираат.

Понекогаш, тие може да „се исклучат“ од стресни или хаотични ситуации – како еден вид механизам за самозаштита.
Важно е да се напомене дека интровертноста не значи нужно срамежливост, социјална непријатност или анксиозност, туку поинаков начин на процесирање на светот.

Што значи да се биде екстроверт?

Екстровертите се отворени и комуникативни личности и цветаат во интеракција со другите. Тие ја добиваат енергијата од социјални средини и ретко имаат потреба од подолги периоди насамо. Напротив, можат да се чувствуваат исцрпено ако предолго се сами.
Екстровертите активно бараат социјална стимулација и често се чувствуваат удобно кога запознаваат нови луѓе или се наоѓаат во непознати ситуации.

Други карактеристики на екстровертите вклучуваат:

• голем круг познаници и пријатели
• удобност во големи групи
• отворено изразување на мислите и на чувствата
• спонтаност и брза адаптација
• уживање во тимска работа
• оптимизам и помала склоност кон преокупирање со проблеми

Истражувањата покажуваат дека екстровертите почесто преземаат ризици, бидејќи нивниот мозок е посензитивен на допамин – хормонот на наградата. Кај интровертите, пак, преголемото количество допамин може да предизвика преоптовареност.
Сепак, и екстровертноста е скала, па многу екстровертни луѓе имаат и интровертни особини.

Што е амбиверт?

Ако ви е тешко да се определите како интроверт или екстроверт, можно е да сте амбиверт.
Амбивертите покажуваат карактеристики од двата типа – можат да бидат ѕвездата на забавата, но истовремено и да уживаат во тивко попладне со книга.
Тие се флексибилни и лесно се прилагодуваат на ситуацијата, знаејќи кога да се повлечат и кога да се активираат.

Некои знаци на амбивертна личност се:

• друштвеност која е пријатна, но заморувачка
• потреба од рамнотежа меѓу самотија и дружење
• многу пријатели, но малку навистина блиски
• уживање и во индивидуална и во тимска работа
• љубов кон разговор, но и почит кон тишината

Научниците проценуваат дека повеќе од половина од луѓето се амбиверти. Иако оваа флексибилност носи многу предности, амбивертите понекогаш чувствуваат притисок да ги исполнат очекувањата на другите за тоа „кои се“, што може да биде заморно.

Дали сте интроверт, екстроверт или амбиверт?

Можно е веќе да имате чувство каде припаѓате, но во реалноста, повеќето од нас се наоѓаат некаде на средината. Личноста може да се менува со текот на времето – интровертно дете може да стане екстровертен возрасен, и обратно.

Истражувањата покажуваат дека типот на личност е делумно генетски одреден и поврзан со начинот на кој мозокот реагира на допамин.
Разбирањето на сопствената личност може да ни помогне подобро да ги разбереме нашите реакции, да откриеме што нè прави среќни и да живееме поисполнето.
Но, важно е да ја гледаме личноста како флуидна, како нешто што се развива заедно со нас.

Како што вели психологот Адам Грант:

„Без разлика на вашиот тип, флексибилноста е квалитет што сите можеме да го негуваме. Замислете ја вашата личност како сидро – не за да ве ограничи, туку за да не дозволи да залутате предалеку додека ги истражувате новите можности.“

The post Отворени за комуникација или не? appeared first on Аптеки PlusPharma.

Филмот се одликува со визуелно привлечна анимација, хумор, динамична приказна и пораки за прифаќањето на различностите, соработката и вредноста на вистинското пријателство. Идеален е за деца, но и возрасните ќе уживаат во неговата креативност и емоционална длабочина.

The post Што во слободно време? Elemental, анимиран филм appeared first on Аптеки PlusPharma.

Иако популаризирана од светски познати личности и од социјалните мрежи, јогата за лице има многу подлабока цел од естетиката – да го поттикне здравјето на кожата, мускулите и целокупната благосостојба.

Но, што точно претставува јогата за лице и дали навистина носи придобивки?

Што е јога за лице?

Јогата за лице опфаќа серија вежби, масажи и контролирани движења со кои се активираат мускулите на лицето. Човечкото лице има 43 мускули, од кои голем дел ретко ги користиме свесно. Со текот на годините, тие можат да ослабат, што придонесува за губење на цврстината и тонусот на кожата.
Преку нежно истегнување и повторување на одредени движења, јогата за лице има за цел да ги зајакне овие мускули – слично како што физичките вежби го зајакнуваат телото. Вежбите можат да се применуваат и на вратот, деколтето, скалпот и рамената, регии кои често ја задржуваат напнатоста.
Се препорачува практикување околу 15–20 минути, три до петпати неделно, за постепен и одржлив ефект.

Потенцијални придобивки од јогата за лице

1. Подобрување на тонусот и изгледот на лицето

Редовното активирање на мускулите може да придонесе за поцврст и посвеж изглед. Одредени студии укажуваат дека по подолг период на практикување, може да се забележи подобрување на полноста и контурите, особено во средниот и долниот дел од лицето.

2. Поддршка на здравјето на кожата

Јогата за лице ги стимулира протокот на крв и кислород до кожата, што може да придонесе за посвеж тен и подобра клеточна исхрана. Како резултат, кожата може да изгледа посјајна и поеластична, особено кога вежбите се комбинираат со соодветна нега.

3. Намалување на стресот и напнатоста

Многу луѓе несвесно ја „носат“ тензијата во лицето – во вилицата, челото или околу очите. Свесното опуштање на овие региони може да помогне во намалување на главоболки, замор на очите и чувство на внатрешен немир. Јогата за лице често се доживува како краток ритуал на смирување и грижа за себе.

4. Поттикнување на лимфна дренажа и циркулација

Одредени движења и масажи можат да ја поддржат лимфната циркулација, што е важно за исфрлање вишок течности и токсини. Ова може да придонесе за помалку отеченост и поздрав изглед на кожата.

5. Позитивно влијание врз самодовербата

Како природна и неинвазивна практика, јогата за лице кај некои луѓе поттикнува чувство на задоволство од сопствениот изглед и поголема самодоверба – особено кога се практикува како дел од редовна рутина за нега.

Дали јогата за лице има ограничувања?

Иако придобивките се ветувачки, важно е да се пристапи реално и информирано.

• Научните докази сè уште се ограничени, а повеќето студии се мали и со кратко времетраење.
• Резултатите се постепени и суптилни, и најчесто стануваат видливи по неколку недели редовна практика.
• Кај лица со чувствителна кожа, акни, розацеа или активни воспаленија, интензивните движења и масажи може да ја влошат состојбата.
• По козметички третмани (како дермални филери) се препорачува консултација со стручно лице, бидејќи повторливите движења може да влијаат на нивната трајност.

Како и секоја форма на вежбање, јогата за лице не е универзално решение и треба да се приспособи на индивидуалните потреби.

Како да започнете?

Започнете едноставно – со чисти раце, исправено држење и неколку длабоки вдишувања. Вежбите можете да ги правите пред огледало, а по желба да користите масло или крем за полесно лизгање и дополнителна нега.

Едноставни вежби за дома

Лавов здив
Со длабоко вдишување отворете ја устата и исплазете го јазикот, а потоа издишете гласно. Вежбата помага во опуштање на мускулите на лицето и на вратот.

Нежно тапкање
Со врвовите на прстите нежно тапкајте по лицето, вратот и рамената – техника што може да придонесе за релаксација и за подобра циркулација.

Рибина уста
Вовлечете ги образите (навнатре) и задржете неколку секунди. Вежбата ги активира мускулите на образите и вилицата.

Не заборавајте!

Јогата за лице може да биде дополнителен чекор во секојдневната нега, но не ја заменува основната грижа за кожата – правилно чистење, хидрација, заштита од сонце и здрав начин на живот. Најдобри резултати се постигнуваат кога негата е доследна, умерена и прилагодена на индивидуалните потреби.

The post Јога за лице – природна нега за кожа appeared first on Аптеки PlusPharma.

Ако во последно време се чувствувате преплавени од информации за хормонското здравје – не сте сами. Од тренинзи за „намалување на кортизолот“ до менија за поттикнување на серотонин, темата за хормоните е сè почесто во фокусот на јавноста.

И тоа е добра вест. Хормоните играат клучна улога во нашето здравје и заслужуваат внимание. Но, кога информациите се премногу, лесно може да се изгубиме меѓу научни факти, трендови и маркетиншки ветувања.

Што навистина значи хормонски дисбаланс? Како да препознаеме дека нешто не е во ред? И уште поважно – како можеме природно да му помогнеме на телото да воспостави рамнотежа?

Што се хормони?

Хормоните се хемиски гласници кои ја координираат работата на речиси секој систем во организмот. Тие влијаат врз метаболизмот, енергијата, расположението, сонот, реакцијата на стрес, репродуктивната функција и многу други процеси.

Најголем дел од нив се произведуваат во ендокринолошкиот систем – сложена мрежа од жлезди и органи во која спаѓаат панкреасот, тироидната жлезда, надбубрежните жлезди, хипофизата, хипоталамусот, епифизата, како и јајчниците кај жените и тестисите кај мажите.

Меѓу најзначајните хормони се:

• Естрогенот, кој има важна улога во менструалниот циклус, здравјето на коските и срцето.
• Тестостеронот, одговорен за мускулната маса, јачината на коските и сексуалниот нагон.
• Инсулинот, кој го регулира нивото на шеќер во крвта.
• Мелатонинот, што го контролира циклусот на спиење и будење.
• Кортизолот, клучен во реакцијата на стрес.
• Хормонот на раст, важен за метаболизмот и за мускулната регенерација.
• Тироидните хормони, кои ги регулираат метаболизмот, телесната температура и срцевиот ритам.

Што е хормонски дисбаланс?

Во нормални услови, телото произведува прецизна количина од секој хормон. Дисбаланс настанува кога се создава премногу или премалку од одреден хормон.
Важно е да се нагласи дека хормоните природно варираат. Тие се менуваат во текот на денот, во согласност со циклусот на спиење, со менструалниот циклус, со возраста и со реакцијата на стрес. На пример, падот на естрогенот за време на менопаузата е природен процес, а не болест.
Затоа, кога зборуваме за „балансирање на хормоните“, не мислиме на нивно фиксирање на иста вредност, туку на поддршка на нивниот природен ритам – оној што му овозможува на организмот да функционира хармонично.

Кои се можните знаци на дисбаланс?

Симптомите зависат од тоа кој хормон е засегнат, но најчесто се појавуваат:

• нередовна или отсутна менструација
• промени во расположението и раздразливост
• постојан замор
• нарушен сон
• опаѓање на косата или акни
• зголемување на телесната тежина
• жешки бранови
• главоболки
• намален сексуален нагон
  Доколку овие симптоми траат подолго време или значително го нарушуваат квалитетот на животот, потребни се консултација со лекар и соодветни лабораториски анализи.

7 природни начини за поддршка на хормоналната рамнотежа

1. Квалитетен сон – темел на регулацијата

Сонот е период кога телото се регенерира и кога се регулираат хормони како мелатонин, кортизол и хормонот на раст. Недоволниот или неквалитетен сон може да ги наруши апетитот, нивото на стрес и метаболизмот. Редовен распоред и 7–8 часа сон се основа за хормонална стабилност.

2. Исхрана богата со протеини

Протеините обезбедуваат аминокиселини неопходни за создавање на хормони и за регулација на апетитот. Балансирани оброци со доволно протеини помагаат во одржување стабилно ниво на шеќер во крвта.

3. Редовна физичка активност

Движењето ја подобрува чувствителноста на клетките на инсулин и ја оптимизира комуникацијата меѓу хормоните и рецепторите. Доволни се и умерени активности како брзо одење, пливање или вежби со сопствена тежина.

4. Одржување здрава телесна тежина

Масното ткиво не е само „резерва на енергија“ – тоа активно лачи хормони. Вишокот килограми може да ја наруши природната регулација, особено на инсулинот и на естрогенот.

5. Вклучување здрави масти во исхраната

Омега-3 масните киселини и другите здрави масти се неопходни за создавање на половите хормони. Тие придонесуваат и за намалување на воспалителните процеси во телото.

6. Намалување на стресот

Хроничниот стрес го покачува кортизолот, а долгорочно може да влијае врз останатите хормони. Кратки прошетки во природа, техники на дишење, молитва или медитација – сето тоа има реален физиолошки ефект.

7. Ограничување на ултрапреработената храна

Преработените производи се поврзуваат со воспаленија и со нарушена цревна микрофлора, што индиректно влијае врз хормонската регулација. Предност давајте на цели, минимално преработени намирници.

Хормоналната рамнотежа не се постигнува преку строги режими, туку преку конзистентни, мали промени. Телото има вродена способност за саморегулација – потребна му е само соодветна поддршка.

The post Хормони во баланс appeared first on Аптеки PlusPharma.

За разлика од многу други јаткасти плодови, костенот има помалку масти, а повеќе растителни влакна. Тоа го прави добар избор за поддршка на варењето и за одржување на чувството на ситост подолго време.

Редовната консумација може да помогне во намалување на заморот, подобрување на концентрацијата и поддршка на имунитетот, особено во деновите кога на организмот му е потребна дополнителна енергија и заштита.

The post Костен appeared first on Аптеки PlusPharma.

За да останеме здрави и полни со енергија, на нашето тело му се потребни различни витамини и минерали.
Многу од нив имаат клучна улога во процеси како што се разградување на храната за создавање енергија и транспорт на кислород низ телото, па затоа, кога нивото им е ниско, често чувствуваме умор и исцрпеност.
Добрата вест е дека зголеменото внесување на одредени витамини и минерали може значително да придонесе за подобро чувство на енергија и виталност.

Витамин Б12

Витаминот Б12, познат и како кобаламин, е еден од осумте есенцијални Б-витамини.

Б-витамините се од суштинско значење за здравјето бидејќи заедно учествуваат во создавањето енергија. Истражувањата покажуваат дека секој Б-витамин, освен фолатот (витамин Б9), е вклучен во процесите на енергетски метаболизам, а Б12 е меѓу најважните.

Покрај поддршката на нервниот систем и учеството во создавање на ДНК, витаминот Б12 е неопходен за формирање на црвени крвни клетки, кои го пренесуваат кислородот низ телото. Затоа, недостигот од Б12 може да го наруши снабдувањето со кислород, што често се поврзува со појава на анемија – состојба што предизвикува слабост и замор поради недостиг на здрави црвени крвни клетки.

Во едно истражување е утврдено дека недостатокот на витамин Б12 предизвикува замор, отежнато дишење и намалена физичка издржливост, а симптомите значително се подобриле по суплементација со Б12.

Бидејќи телото не може самостојно да го произведува овој витамин, мора да го внесуваме преку исхраната. Недостигот од витамин Б12 е почест кај повозрасната популација – зафаќа околу еден од 20 лица на возраст од 65 до 74 години и еден од 10 лица над 75 години. Причината е тоа што со стареењето се намалува производството на желудочна киселина, што ја отежнува апсорпцијата на витаминот Б12.

Коензим Q10 (CoQ10)

CoQ10 е вид коензим кој телото природно го произведува. Коензимите се мали молекули кои им помагаат на ензимите да ги извршуваат хемиските процеси во организмот. CoQ10 се наоѓа во сите клетки, но највисоки концентрации има во срцето, црниот дроб и бубрезите.

Неговата главна улога е да ги стимулира клетките да го произведуваат аденозин трифосфатот (АТП) – главниот носител на енергија во телото. Истражувањата покажуваат дека CoQ10 го забрзува создавањето на АТП, овозможувајќи поефикасно користење на храната како извор на енергија.

Покрај тоа, CoQ10 има и антиоксидантски својства, со што ги штити клетките од оштетување. Кога нивото на CoQ10 е ниско, клетките не можат да произведат доволно енергија, што може да доведе до замор и исцрпеност.

Нивото на CoQ10 природно се намалува со возраста, а истражувањата покажуваат дека одредени состојби, како што се некои видови рак, срцева слабост, дијабет тип 2 или употреба на статини, исто така можат да го намалат. Бидејќи повеќето намирници не содржат доволни количини CoQ10, кај некои луѓе суплементацијата може да биде корисна.

Витамин Д

Витаминот Д е витамин растворлив во масти. Природно се наоѓа во мал број намирници, како масна риба и печурки, а телото го создава и кога кожата е изложена на сончева светлина.

Иако најпознат е по својата улога во одржување на здрави коски и заби, витаминот Д може да помогне и во намалување на заморот.
Во едно истражување кај пациенти со хроничен замор, кај 77,2 % биле утврдени ниски нивоа на витамин Д. По зголемување на внесувањето, симптомите на замор значително се намалиле. Друго истражување покажало дека суплементацијата со витамин Д го намалува заморот и кај здрави лица.

Истражувањата, исто така, поврзуваат ниско ниво на витамин Д со зголемен ризик од депресија, каде што заморот е чест симптом.

Витамин Б1 (тиамин)

Витаминот Б1, или тиамин, учествува во многу важни функции во организмот, вклучувајќи производство на енергија, раст, развој и нормална функција на клетките.
Речиси сите клетки во телото го користат тиаминот за претворање на храната во енергија, па затоа зголеменото внесување може да придонесе за подобро ниво на енергија.

Едно истражување кај лица со воспалителни болести на цревата во ремисија, кои страдале од хроничен замор без утврден дефицит на други нутриенти, покажало дека високи дози витамин Б1 во период од четири недели значително го намалиле заморот.

Слично друго истражување покажало подобрување на симптомите кај лица со фибромијалгија – состојба што се карактеризира со замор, хронична болка и нарушен сон.

Железо

Железото е есенцијален минерал неопходен за нормално функционирање на организмот. Тоа е клучно за создавање хемоглобин – протеин во црвените крвни клетки кој го транспортира кислородот низ телото.

Кога нивото на железо е ниско, телото не може да произведе доволно здрави црвени крвни клетки, што доведува до недоволно снабдување со кислород и чувство на замор и слабост. Со текот на времето, ова може да резултира со железо-дефицитна анемија.

Во едно истражување кај жени со необјаснет замор, суплементацијата со железо во период од 12 недели довела до намалување на заморот за 47,7 %, додека во плацебо групата намалувањето било 28,8 %.

Витамин Б3 (ниацин)

Витаминот Б3, или ниацин, е неопходен за претворање на храната во енергија и учествува во повеќе од 200 хемиски реакции во организмот.

Тој има улога и во создавањето на серотонин – хормон кој ги регулира расположението и сонот. Ниското ниво на витамин Б3 може да го зголеми ризикот од депресија, која често е проследена со замор и со поспаност.

Истражувањата покажуваат дека витамин Б3 може да помогне во намалување на заморот кај повозрасни лица.

Цинк

Цинкот е есенцијален минерал во трагови кој учествува во процесите на разградување на храната и создавање енергија. Недостигот од цинк често се манифестира со замор и со намалена енергија.

Дополнително, недостатокот на цинк може да влијае на сетилата за вкус и за мирис, како и на апетитот, што индиректно води до помало внесување на храна и дополнителна исцрпеност.

Витамин Б6

Витаминот Б6, или пиридоксин, е витамин растворлив во вода, кој се складира во мали количини во телото.
Тој учествува во повеќе од 100 хемиски реакции, меѓу кои и во создавање на хемоглобин. Поради тоа, недостигот од витамин Б6 може да го наруши снабдувањето со кислород и да доведе до анемија и до замор.

Витаминот Б6 е важен и за метаболизмот, бидејќи учествува во разградување на гликогенот – складирана енергија во мускулите и црниот дроб.

Витамин Ц

Витаминот Ц е неопходен за нормално функционирање на телото – од обновување на ткивата и заштита на клетките, до одржување на здрави крвни садови.
Тој игра важна улога и во одржување на енергијата, бидејќи помага во претворање на храната во енергија и во подобра апсорпција на други нутриенти. Истражувањата покажуваат дека витаминот Ц може да ја зголеми апсорпцијата на железо и до 67 %.

Како резултат на тоа, некои студии покажале дека суплементацијата со витамин Ц може да помогне во намалување на заморот.

Магнезиум

Магнезиумот е неопходен за создавање и регулирање на АТП, како и за претворање на храната во енергија. Недостигот од магнезиум може да ги наруши овие процеси и да доведе до зголемен замор.

Дополнително, магнезиумот може да го подобри квалитетот на сонот преку активирање на невротрансмитери кои поттикнуваат релаксација.
Истражувањата покажуваат дека повозрасни лица кои земале магнезиум имале подобар сон и повисоки нивоа на мелатонин – хормон одговорен за регулација на сонот. Понови истражувања потврдуваат дека магнезиумот помага и кај лица со несоница.

Витамин Б2 (рибофлавин)

Како и другите Б-витамини, витаминот Б2 помага во претворање на храната во енергија.
Тој има особено важна улога во снабдување на срцето и на мускулите со енергија, па неговиот недостаток може значително да влијае врз физичката издржливост и движењето.

Витаминот Б2 е неопходен и за апсорпција на железо, а со тоа и за создавање на црвени крвни клетки и транспорт на кислород. Поради тоа, неговиот недостиг може да предизвика слабост, замор и зголемен ризик од анемија.

The post Уморни сте без причина? appeared first on Аптеки PlusPharma.

Филмот се занимава со теми како моќ, амбиција, етика, ментално здравје и влијание во светот на уметноста, прикажувајќи ги човечкиот аспект на славата и притисокот што доаѓа со успехот. Критичарите го пофалија за драматичната длабочина и за неверојатната актерска изведба на Бланшет.

The post Што во слободно време? Погледнете филм Tár appeared first on Аптеки PlusPharma.

Во време кога сè почесто бегаме од туѓите проблеми, Кристина Арнаудова со години наназад избира да застане, да слушне и да помогне – тивко, без сензационализам и без потреба од аплауз.

Иако јавноста ја памети како еден од најпрепознатливите гласови на домашната музичка сцена, денес нејзината мисија најсилно се слуша преку делата. Преку „Проект Среќа“, таа и мал круг жени-волонтери допираат до стотици семејства и деца низ цела Македонија, носејќи не само материјална помош, туку и чувство дека некој мисли на нив.

Кристина отворено зборува за довербата, злоупотребата на добрината, гладните деца, генерациите што даваат надеж, но и за тоа како, во сета грижа за другите, учи да се грижи и за себе.

Колку луѓето што бараат помош инсистираат на приватност? Како ја обезбедувате и градите довербата во тие чувствителни ситуации?

Во „Проект Среќа“, уште од самото основање, едно од основните начела на работа беше зачувувањето на приватноста на корисниците, без објавување фотографии, кои според мене во такви тешки ситуации ја прават работата уште потешка, особено ако се работи за деца во развој, кои по објавување на тие фотографии можат да бидат мета на исмејување и булинг. Кај нас, на нашите платформи, многу ретко се објавуваат слики од корисници, и кога тоа се прави е наведено и кажано дека ќе се објави, а оние кои не сакаат да бидат објавени, ги прашуваме и се изјаснуваат. Се објавуваат фотографии од забави, од кампови, од среќни моменти, но никако не ги сликаме луѓето во нивната тежина и тага. Тие нè бараат од мака, не од убавина.

Во хуманитарната работа треба прво да се биде човек и да се одбегне секаков вид сензационализам. Се воздржувам од тоа да критикувам често, но искрено го презирам секој вид користење на тешките моменти на луѓето за градење име, кариера, собирање лајкови или зголемување гледаност. Во „Проект Среќа“, корисниците се чувствуваат безбедно и заштитено, а донаторите имаат доверба и затоа со години донираат, во сè поголем број секоја година. И најважно, не нам, не на „Проект Среќа“, туку директно на семејствата и на децата. Токму затоа, бидејќи точно знаат каде оди секоја нивна донација. Имаме една мала армија поддржувачи, обични луѓе со големи срца, без кои нашите проекти, акции и активности нема да се возможни.

Кој почесто излегува во пресрет кога станува збор за помош – обичните луѓе или компаниите? И што, според вас, ги мотивира најдарежливите донатори?

Како што веќе кажав, нашите донатори се обични луѓе, да кажеме дека се од средна класа, повеќето се оние кои и самите знаат како е да се најдеш во безизлезност, во немаштија. Млади луѓе кои успеале во своите кариери. Млади мајки и татковци кои сочувствуваат со другите родители кои немаат.
Речиси и да нема од оние кои светот ги смета за вистински богати и кои се на оние листи каде секоја година се објавуваат кој заработил најмногу.

Минатата година, процентуално, физичките лица донирале 80 проценти од целокупната донирана сума на годишно ниво. Само 20 проценти биле донации од фирми и компании. Секоја година имаме компании пријатели, и некако така беше замислено да функционираме успешно како здружение, со свој персонал и канцеларии. Но, бројката на тие компании секоја година се намалуваше, прво моравме да го намалиме бројот на вработени, па од три остана една, односно сите станавме волонтери, а потоа моравме да ги откажеме и канцелариите. Минатата година, остана само уште една компанија која со симболична сума ја поддржа нашата работа.

Иако луѓето замислуваат дека „Проект Среќа“ е некаков колектив со многу луѓе, комбиња, коли, магацини и средства, ние сме всушност неколку жени кои работат од своите домови, преку своите компјутери и телефони, во своето слободно време, и даваме сè од себе секое барање да биде исполнето и секому да му го олесниме животот.
Во текот на годината, соработуваме со училишта кои имаат потреба од нас, како и со сите семејства кои имаат деца, а бројката се движи од 700 до 1.500 услужени корисници годишно, со разни услуги, а некои и со сите, односно се дел од сите проекти и акции.

Бројка која не успеваат да ја достигнат ни здруженијата кои имаат милионски буџети. На тој факти сум особено горда. Што и во ова тешко време, ни за миг не престанав да верувам дека „Проект Среќа“ треба да престане да постои.

Колку кај нас е развиена свеста за донирање, особено во време кога консумеризмот е сè подоминантен?

Ако зборуваме за физичките лица, ситуацијата е сè подобра од година во година, но кога зборуваме за корпоративни донации и компании, ситуацијата секоја година е полоша. Донациите се сведуваат на формални донации, се донира на две-три организации и најмногу се донира на државни институции, што според мене е сосема погрешна стратегија.
Ако велиме дека младите се нашата иднина, а знаеме дека 40 проценти од нашето население живее на раб на сиромаштија, тогаш зошто не створиме стратетија тие деца да ги извадиме од кругот на сиромаштијата, да им пружиме квалитетно образование, оброк во училиште, да ги мотивираме со летни кампови, со нова облека, за да не бидат жртви на булинг заради нивната социјална состојба?

Зошто не се фокусираме тие деца да ги направиме успешни и продуктивни луѓе, а не следна нова генерација лица во социјален ризик, приматели на социјална помош? Тоа е прашање кое со години си го поставувам и ниедна влада досега, министерство, не создала стратегија за да се справи со тоа.
Сето наведено, ние како здружение се трудиме да го обезбедиме на децата од цела Македонија, со акцент на рурални средини и села, каде помошта најтешко стигнува.

Забележувате ли разлики меѓу генерациите кога станува збор за солидарност и за хуманост? Дали младите ви даваат надеж?

Ау да, младите се многу многу посвесни, генерацијата која се наши донатори се лица од 20 до максимум 40 години. Постарите ја немаат ни таа свест, ни тоа чувство, со секоја чест на исклучоците. Младите се надежта, тие сериозно ја имаат сфатено општествената одговорност како дел од битисувањето, од постоењето и од секојдневието. Буквално на секоја наша објава се пријавуваат и нè реобјавуваат. Многу ни значи тоа.

Еден интересен факт е тоа дека на ФБ се сите кои бараат помош, а на Инстаграм се сите кои нудат помош, па според тоа можете да ја сфатите старосната граница на оние кои донираат и оние кои бараат.

Каде е границата меѓу транспарентно споделување на донаторски чин и злоупотреба на туѓата состојба за лична промоција? Дали јавното споделување може да биде и позитивен поттик за другите?

Границата е тенка, а темата чувствителна на која мора да ѝ се пристапи со свест и внимателно. Веќе споменав околу тоа донирање за гледаност, за лајкови и за популарност.
Јавно споделување на нашите платформи многу значи, бидејќи на тој начин се пријавуваат сите кои сакаат да донираат. Но, никогаш не споделуваме фотографии од корисниците, лични податоци и чувствителни информации.
Ја објаснуваме состојбата, проблемот кој треба да се реши и сите кои сакаат да донираат самите се пријавуваат во порака, а потоа ним им ги даваме податоците каде и кому да донираат и што им е потребно.
Тоа е сосема доволно за да се помогне кому било, без непотребни фотографии и ставање на луѓето, на кои можеби тоа им е најтешкиот момент во животот, пред очите на јавноста.

Дали сте се соочиле со случаи на злоупотреба на туѓата добрина? Како ги препознавате и решавате таквите ситуации?

Секако, секакви ситуации имало во овие 10 години. Некогаш бараат работа а се молат да не ја најдат, некогаш се однесуваат како ние да сме должни или како некој да нè плаќа за постојано и во секој момент да сме достапни за нив, а има и такви кои сакаат со години да живеат од хуманитарна помош, а притоа се сосема здрави и спремни за работа. Но, затоа сме тука ние, да ја дознаеме состојбата, личноста, семејството. И се трудиме секогаш помошта да стигне токму онаму каде што е потребна најмногу.

Дали добрината може да биде „заразна“? Дали сте сведочеле на ланец на добри дела што започнал со една мала иницијатива?

Кај нас тоа постојано се случува! Нашите проекти често стануваат вирални на социјалните медиуми и често една личност може со својата постапка да донесе уште еден куп свои пријатели да бидат донатори. Да, добрината е заразна, и тоа е зараза кон која треба да се стремиме!

На пример, прво што ми текнува е проектот: ,,Оброк за секое дете во училиште…“

Една нормална вечер, додека гледав некоја серија, отворив ФБ и ми излезе статус на една наставничка кој станал вирален, и во која кажуваше како на голем одмор ѝ се скршило срцето кога видела еден свој ученик како јаде сув леб во ќошот од училницата и пие вода, додека сите други деца си ги јаделе работите кои си ги купиле. Наставничката се приближила до него и внимателно го прашала дали би сакал да одат заедно да купат нешто друго. Детето се засрамило и не сакало во прв момент, но потоа успеала да го убеди да купат кифла и јогуртче. Не можев да престанам да мислам на тоа цела ноќ. Го исплакав и тоа дете и сите деца на кои тоа им е секојдневие.

Така веќе утредента отидов и отворив наменска сметка во банка, која ја наменив само за оброк за деца кои одат во училиште а немаат средства да се хранат.
Проектот го објавивме и стана вирален! Се приклучија обични луѓе, компании, здруженија… Таа година плативме оброк за секој ден за цела учебна година за 300 деца.
Следната година одзивот веќе беше многу помал, а големите компании не сакаа да дадат поддршка, па проектот траеше две и пол години.

Ако се појават услови, би сакала тој проект годинава да го оживеам повторно. Гладот кај децата е сериозен проблем во Македонија за кој мислам дека апсолутно никој не зборува и никој не го споменува. Илјадници деца се гладни, што ќе направиме во врска со тоа?

Како народ често се сомневаме во добрите намери и бараме некаква скриена агенда. Дали сте се соочиле со таков тип критики и како лично се справувате со нив?
Многу сум благодарна што тоа навистина досега не се случило, барем не јавно, и јас не сум слушнала. Тоа за мене една од најголемите сатисфакции во работата на „Проект Среќа“ како здружение. Повеќето не ни знаат дека јас стојам позади здружението, што беше и мојата првична намера – „Проект Среќа“ да стане хуманитарен бренд за себе и да не го поврзуваат со моето име. Да кажеме и дека можеби сакав да го избегнам оној муабет дека го правам тоа за сопствена популарност.

Јас како личност не сум фан на популарноста, и некако толку многу време поминав пред очите на јавноста, што навистина не ми беше потребно да добивам некаква популарност преку хуманитарната работа. Хуманитарната работа беше моја љубов уште од детството и сметам дека сега сонот ми е остварен. Особено што „Проект Среќа“ не е само моја, туку е на сите добри луѓе во Македонија, секој еден кој барем еднаш се вклучил и донирал.

Кој момент од вашата хуманитарна работа најмногу ве скршил, а кој најмногу ве зацврстил?

Најтешко ми беше кога ги работев емисијата и проектот: „Проект Куќа со Кристина“. Очекував масовна поддршка од општеството и од компаниите, што можеби беше утопистички од моја страна, а тоа не се случи, па едвај успеав да ја завршам таа една сезона и да обезбедам донации за 10 домови. Тоа ме скрши и долго време не сакав да се вратам на работа. Физички и психички тогаш сум била најуморна. После тоа бев сигурна дека веќе никогаш нема да се вратам на тој проект, па дури и кога ми се јави компанија која сакаше да биде главен покровител на цела емисија. Реков повелете, работете го, ви го давам, само без мене. Ако зборуваме кој момент ме зацврстил… тоа беше истиот момент. Она што не те убива те прави посилен. И тоа е вистина.

Што е најголемата заблуда што луѓето ја имаат за хуманоста?

Дека мора да имаш некаква задна намера за да се занимаваш со тоа.

Како мајчинството ве промени како личност и како хуманитарец?

Мајчинството знае да смени од корен, но мислам дека мене ме направи уште поемотивна, и тогаш сфатив дека децата се оние на кои сакам да им помагам. Кога сфатив на колку многу деца им требаме и колку многу деца немаат основни услови за живеење.

Иако повеќе не сте активна на музичката сцена, каква е вашата денешна врска со музиката?

Пасивна. Мојата врска со музиката е сега на далечина. Таа е во мојата крв, но сега само ја уживам.

Во сета оваа грижа за другите, како се грижите за себе – за сопственото здравје, менталната рамнотежа и енергијата?

Не можете да се грижите за другите ако прво не се грижите за себе, тоа важи на секое ниво. Не можете да ги сакате другите ако не се сакате себеси. Клише кое е вистина. Се трудам да направам пауза кога чувствувам како сè да е премногу во одреден момент. Тоа порано не знаев да го направам. Сега го знам тој баланс и многу го почитувам. Малку работа, малку одмор е вистинската формула.

The post Кристина Арнаудова appeared first on Аптеки PlusPharma.

Кастелучо ди Норча се наоѓа на над 1.400 метри надморска височина – едно од највисоките населени места во Италија.

Во срцето на Италија, во регионот Умбрија, високо на падините на Апенините, се наоѓа Кастелучо ди Норча – мало италијанско планинско село што изгледа како да лебди над бескрајна природна сцена. Ова е дестинација што не се посетува случајно, туку како тивко бегство кога сакате да му се сокриете на светот.

Она по што Кастелучо е најпознато е „La Fiorita“ – природниот спектакл на цветањето, кога рамнината Пјано Гранде во мај и јуни се претвора во шарен мозаик од црвени булки, жолти цветови, виолетови ириси и сини диви цвеќиња. Глетка што не може да се опише со зборови, туку мора да се доживее.

Но, Кастелучо ди Норча не е само сезонска атракција. Тоа е место каде времето тече побавно, а животот се мери во мали ритуали – утринско кафе со поглед кон планините, тивки прошетки по калдрмата и вечери исполнети со мириси на традиционална италијанска кујна.

Селото е дел од Националниот парк „Монти Сибилини“, што го прави идеално за љубителите на природата, пешачењето и фотографијата. Од секоја точка се отвора поглед што потсетува колку малку ни е потребно за да се почувствуваме смирени – чист воздух, тишина и простор за длабок здив.

Од Рим, Кастелучо е оддалечено околу 150 км и најлесно се стигнува со изнајмен автомобил преку Норча (околу 2,5–3 часа возење).

Кулинарски, Кастелучо е вистинско откритие. Најпознато е по леќата од Кастелучо, која се смета за една од најквалитетните во Италија – без потреба од долго варење, со богат вкус и совршена како основа за едноставни, но хранливи јадења. Локалните ресторани нудат традиционални специјалитети подготвени без брзање, со почит кон состојките и сезоната.

Иако селото претрпе сериозни оштетувања по земјотресите во 2016 година, денес полека се обновува, задржувајќи ги својата душа и автентичноста. Можеби токму таа ранливост му дава посебна длабочина – чувство дека не сте само турист, туку сведок на едно место што учи како повторно да заживее.

Кастелучо ди Норча не нуди луксуз во класична смисла, но нуди нешто повредно – спокој, убавина и чувство на поврзаност со природата. Дестинација за оние што не бараат спектакл, туку вистинско доживување.

The post Кастелучо ди Норча appeared first on Аптеки PlusPharma.

Овен (21.3-19.4)

Вашата оригиналност и прогресивност целосно ќе дојдат до израз, така што туѓите конзервативни гледишта и ограничувачки влијанија нема да вродат со плод. Продолжете да бидете либерални, самостојни и позитивно насочени кон перспективите на животот. Не влегувајте во преголеми финансиски ризици.

Бик (20.4-20.5)

Размислувајте оптимистички и употребете ја менталната сила за придвижување на потенцијалите кон хармоничната перспектива, бидејќи само така ќе ги надминете тешкотиите. Очекувајте пријатни изненадувања во доменот на љубовта и позитивна перспектива во работата.

Близнаци (21.5-20.6)

Околностите во животот никако да ви се подобрат, поради што е неопходно да размислите за причините што ве доведоа во незавидна ситуација. Ако продолжите да итате непромислено кон целта, тогаш не очекувајте стабилизација и хармонична перспектива.

Рак (21.6-22.7)

Во последно време претпочитате да ги избегнувате контактите со јавноста и со самото тоа да бегате во сопствениот мал свет на живеење. Тоа се должи на разочарувањата и на погрешните вложувања кои ги имавте во љубовта, односно работата. Сепак, нема место за паника така што надминете го стравот, соочете се со стварноста и верувајте дека ќе следат подобри можности.

Лав (23.7-22.8)

Имајте на ум дека во наредниот период не е дојдено вистинското време за подлегнување на искушенијата и за прифаќање на неперспективните односи. Затоа, фокусирајте се кон лицата и настаните што нема да ви создадат потешкотии и не ризикувајте при влегувањето во односи и ситуациите што не ви се доволно познати.

Девица (23.8-22.9)

Чувството на страв и неизвесност тотално ве окупира, бидејќи вашиот професионален напредок зависи од туѓата поддршка. Ѕвездите ве советуваат да верувате во сопствените вредности и да разберете дека поседувате силен потенцијал за подобрување на психофизичката состојба и за успех во животот. Креирајте позитивна визија и ништо нè оставајте на случајноста.

Вага (23.9-22.10)

Проблемите што подолго време ја следат вашата личност ќе успеете да ги елиминирате, доколку бидете отпорни на туѓите влијанија и пронајдете начин за воспоставување на новата визија. Доволно се окупиравте со неважни работи, време е храбро да тргнете кон целта. Наредниот период е позитивен за патување.

Скорпија (23.10-21.11)

Наместо неаналитички да се однесувате и да се обидувате експресно да стигнете до целта, многу подобро е да пронајдете време за одмор и со самото тоа да побегнете од искушенијата, кои се закануваат целосно да го исцрпат вашиот организам. Доколку и понатаму продолжите неконструктивно и брзоплето да реагирате, тогаш не очекувајте напредок во љубовта и стабилизирање на состојбата.

Стрелец (22.10-21.11)

Размислувајте позитивно и храбро насочете се кон перспективите на иднината, зашто доволно се окупиравте со минатото и дозволувавте напнатоста и песимизмот целосно да ја зафатат вашата личност. Околностите во љубовта би можеле да се подобрат ако се отворите за задоволствата и го следите говорот на телото. Затоа не им робувајте на предрасудите, елиминирајте ја тврдоглавоста и сфатете дека имате сила и потенцијал за подобрување на состојбата.

Јарец (22.12-19.1)

Сè уште ќе имате поддршка од планетите. Тоа значи дека хармонијата и перспективата и понатаму ќе бидат присутни. Клучно е да покажете иницијативност и упорност при реализирањето на потребите. Манифестирајте го борбениот пристап и верувате во сопствените вредности. Периодот е добар за вложување во недвижности.

Водолија (20.1-18.2)

Наместо да се оптоварувате со нереални проблеми, ѕвездите ви препорачуваат да пронајдете време за препуштање на задоволствата. Всушност, периодот е идеален за дистанцирање од непродуктивните лица и ситуации, како и за следење на авантуристичките вибрации. Не дозволувајте да ве понесат песимистичките размислувања, туку иницирајте ја способноста за препуштање на страста.

Риби (19.2-20.3)

Ѕвездите ве советуваат да се опуштите, да вложувате во личниот развој и конструктивно да се однесувате во односите со другите. Корисно е ако во критичните моменти ја следите интуицијата и пронајдете начин за мирно разрешување на потенцијалните конфликти. Значи, следете го внатрешниот глас и бидете активни во јавноста. Внимавајте на  здравствено поле.

д-р Зоран Крстевски
едукатор, мотиватор и тренер за личен развој

The post Месечен хороскоп март – април 2026 appeared first on Аптеки PlusPharma.

Во својата амбиција да создаде живот, тој создава ново битие (го толкува Џејкоб Елорди) составено од делови на човечки тела. Но, наместо триумф, неговиот експеримент носи неочекувани и трагични последици за него, за суштеството и за сите околу нив.

The post Што во слободно време? Погледнете филм Frankenstein appeared first on Аптеки PlusPharma.

Поради обработката во саламура, содржат сол, па умереноста е важна. Маслинките го збогатуваат вкусот на секое јадење, од салати и намази, до тестенини, пици и печен зеленчук. Истражувањата покажуваат дека редовната консумација ги штити срцето и мозокот, го намалува воспалението и го поддржува имунитетот. Иако мала и скромна по изглед, маслинката е вистински сојузник на здравата трпеза и совршен додаток за зимските оброци.

The post Маслинка appeared first on Аптеки PlusPharma.

Во моменти кога секојдневието ни делува бледо, еднолично, стресно или осамено, фотографијата може да ни помогне да се поврземе со она што е убаво и смирувачко околу нас. Таа поттикнува креативност, буди емоции и често има ефект сличен на водењето дневник – приземјува, насочува и ни ја буди благодарноста.

Во продолжение ви предлагаме неколку инспиративни фотографски предизвици што може да ги започнете уште денес. И знаете што, не мора да имате професионален апарат – искористете го телефонот и уживајте во новото хоби.

Фотографија на денот

Овој предизвик е идеален ако сакате структура во вашето фотографско патување. Треба само секој ден да направите една фотографија и така 365 дена. На крајот можете да ги споите во краток филм, да ги испечатите или да ги подредите во албум. Тоа е прекрасен начин да откриете колку малите навидум небитни моменти, ја обојуваат вашата година. Фотографиите може да бидат едноставни или смели: зимски пејзаж, семејна вечера или автопортрет.

Автопортрети

Автопортретите се вистински предизвик, но се исклучително корисни. Така учиме да се прифатиме себеси какви што сме, а истовремено стекнуваме поголема самодоверба. Можете да правите автопортрет еднаш неделно (секогаш на исто место) и да ги воочите промените низ кои поминувате. Или да создадете серија фотографии што ги претставуваат различните улоги што ги имате – професионални, семејни, социјални.

Азбука од фотографии

Овој предизвик е совршен ако сакате насока, а немате конкретна идеја што да фотографирате. Целта е да создадете фотографија за секоја буква од азбуката – секој ден по една. Некои букви ќе ве натераат да бидете особено креативни, што ја прави задачата уште пошармантна. Кога ќе соберете 31 фотографија, можете да започнете нов циклус или да ги уредувате собраните. Со секое повторување ќе го забележите вашиот технички и креативен напредок.

Еден ден, една приказна

Овој проект покажува како изгледа еден типичен ден – вашиот или на некоја друга личност. Фотографиите не мора да бидат спектакуларни: утринското кафе, патот до работа или активностите дома, може да раскажат многу повеќе отколку што претпоставуваме. Токму ваквите мали секојдневни навики создаваат интимна, автентична приказна. Проектот е идеален и ако сакате да документирате ден на дете, родител, миленик или постар член на семејството.

Фотографии со тема благодарност

Ова е еден од најубавите и најтерапевтски фотографски предизвици. Секоја фотографија претставува нешто на што сте благодарни: омилен оброк, топол џемпер, книга, лице што ви значи или момент што ви го разубавил денот. По неколку месеци ќе имате галерија исполнета со лични, топли моменти кои сведочат за убавината на вашиот живот – голема или мала. Овој проект нè учи да го бараме доброто секој ден и да го негуваме она што ни носи радост.

The post Креативни фотографски предизвици што може да ги започнете уште денес appeared first on Аптеки PlusPharma.

• 4 пилешки копани
• 2 портокали (сок + рендана кора од еден портокал)
• 2 лажици мед
• 2 лажици маслиново масло
• 3 гранчиња свеж рузмарин
• 2 чешниња лук (ситно сечкани)
• сол и црн пипер по вкус

Подготовка:

Загрејте ја рерната на 200°C. Во длабок сад измешајте сок од портокал, рендана кора, мед, маслиново масло и лук. Копаните зачинете ги со сол и црн пипер и премачкајте ги со маринадата. Додајте го рузмаринот и печете од 25 до 30 минути, додека не добијат златно карамелизирана кора. Наредете ги копаните во чинија за сервирање, а озгора прелијте ги со сосот од тавата. Сервирајте ги со компири, но уште повкусни се со печени моркови со путер и малку цимет за божиќен шмек.

The post Копанчиња со мед, портокал и рузмарин appeared first on Аптеки PlusPharma.

Добрата вест? Со правилни производи и техники, одморен и свеж изглед со истакната природна убавина може да се постигне во секое животно доба.
Во продолжение, ви пренесуваме шест совети кои ќе ви помогнат да се чувствувате самоуверено без оглед на годините.

1. Почнете со лесен хидратантен крем

Богатите и хидратантни креми често им одговараат на зрелите типови кожа, но вреди да се размисли што ставаме на кожата пред да нанесеме шминка. Козметиката што ја нанесуваме прва, може да влијае на тоа како шминката ќе изгледа на лицето.
Ако кремата е премногу густа, може да ја промени текстурата на пудрата, коректорот и другите производи, предизвикувајќи лупење, растопување или премногу сјај.
Ова не значи дека потешките креми немаат место во вашата нега, само користете ги навечер кога кожата се регенерира или преку ден кога не планирате да ставате шминка.

2. Вклучете прајмер во вашата рутина

Прајмерот е сојузник на зрелата кожа – ги пополнува фините линии, ги измазнува порите и помага шминката да трае подолго.
Постојат повеќе видови:

• силиконски – за порамномерен тен и масна/нормална кожа
• хидратантни – идеални за сува и повозрасна кожа
• спреј прајмери – за подолга трајност на шминката

Важно е прајмерот да се комбинира со пудра со иста основа (водена со водена, маслена со маслена формула).

3. Избегнувајте тешки и густи пудри

Желбата да се покрие сè може да доведе до спротивен ефект – „тежок“ креч изглед и нагласени брчки.
Изберете лесни, пигментирани пудри што може да се надградуваат само на местата каде има потреба. ЦЦ или ББ кремите се идеални за да ги нанесувате на цело лице и да добиете хидратација со суптилен кафен тон и ненаметлива покривност на несовршеностите на кожата.

4. Нежен коректор за подочници

Кожата околу очите е тенка и чувствителна, а тоа само се влошува со годините. Затоа, изберете кремасти и хидратантни коректори кои го осветлуваат пределот под очите и не се вовлекуваат во линиите.
Совет: нанесете го малку пониско од подочниците, а потоа нежно соединете кон окото. Така ќе избегнете насобирање на производот под очите.

5. Изберете соодветна маскара

Со возраста, трепките можат да станат послаби и поретки. Маскарите со премногу густи формули може да предизвикаат таложење и вештачки ефект што не ви е потребен.
Најдобар избор се маскари кои:

• ги „хранат“ трепките
• се погодни за чувствителни очи
• не создаваат грутки

Ако очите ви солзат – корисна опција е водоотпорната формула.
Дополнителен трик: избегнувајте нанесување маскара на долните трепки за очите да ви изгледаат посвежо и поотворено.

6. Крем руменило за здрав сјај

Пудрестите руменила честопати се лепат на сувите делови од кожата. Крем руменилото, пак, дава природен, младешки сјај.
Нанесувајте го повисоко на јаболкцата, кон слепоочниците, за нежно да го подигнете лицето.

The post 6 корисни трикови за шминкање зрела кожа appeared first on Аптеки PlusPharma.

Тироидната жлезда е мала жлезда со тежина од околу 20–40 грама, поделена на два лобуса – лев и десен. Сместена е на предната страна на вратот, под тироидната ’рскавица (позната како Адамово јаболко) и има огромно значење за здравјето на човекот.

Кога е со нормална големина, тироидната жлезда не се палпира. Кај жените, за време на бременоста, може да дојде до нејзино зголемување кое спонтано се нормализира 6–12 месеци по породувањето.

Тироидната жлезда е жлезда со внатрешно лачење која ги излачува своите хормони директно во крвта. Таа произведува Т3 (тријодтиронин) и Т4 (тироксин) – хормони кои влијаат на менталното здравје, работата на срцето, цревата, метаболизмот, ја регулираат температурата на телото (делуваат како внатрешен термостат), кожата, косата, менструалниот циклус кај жените, потенцијата кај мажите и липидниот статус.

Хормонот калцитонин е одговорен за метаболизмот на коските преку регулација на нивото на фосфор и калциум во крвта и претставува специфичен маркер за карцином на тироидната жлезда.

Според студии, 1 од 20 лица во развиените земји има некое заболување на тироидната жлезда. Жените заболуваат 5–7 пати почесто од мажите.

Видови нарушувања на тироидната жлезда

Концептуално, нарушувањата може да се поделат во четири групи:

1. Нарушување на морфологијата на жлездата – за дијагноза најчесто се користи ултразвук (ехо).
2. Нарушување на функцијата на тироидната жлезда – се дијагностицира преку мерење на тироидните хормони (Т3, Т4) и TSH во крвта.
3. Присуство на автоимуни заболувања – се утврдува со мерење на специфични антитела во крвта.
4. Тумори на тироидната жлезда – за дијагноза на медуларен карцином се користи мерење на калцитонин и карциноембрионален антиген (CEA).

Симптоми на пореметена функција

Сомневање за нарушување може да се јави при појава на некои од следниве симптоми: анксиозност, депресија, сува кожа, губиток на коса, зголемено или намалено потење, засипнат глас, долготрајна сува кашлица, забрзана или успорена работа на срцето, пролив, губење на телесна тежина, замор и други.

Најчести заболувања

Хипотироидизам – кога тироидната жлезда не произведува доволни количини на Т3 и Т4 хормони.
Причини: вродена хипотиреоза, недостаток на јод, Хашимото тиреоидит, некои лекови.
Симптоми: замор, чувствителност на студ, сува кожа, успорена срцева работа, опстипација, дебелеење, ментални проблеми.
Дијагноза: анамнеза, физикален преглед, ултразвук и лабораториски анализи (високо TSH, ниско Т3 и Т4).
Терапија: хормонална терапија – препарати кои содржат левотироксин.

Хипертироидизам – кога тироидната жлезда произведува повисоки концентрации на Т3 и Т4 од нормалното.
Причини: Базедова болест (70 %), тиреоидит, зголемено внесување јод.
Симптоми: тремор, несоница, нервоза, забрзана срцева работа, пролив, зголемено потење, зголемен апетит, слабеење, опаѓање на коса.
Дијагноза: анамнеза, физикален преглед, ултразвук и лабораториски анализи (ниско TSH, високо Т3 и Т4).
Терапија: антитироидни лекови – примери: тиамазол.
Автоимуни заболувања
Кога организмот создава антитела против сопствената тироидна жлезда.
М. Б. Хашимото – најчесто се јавува кај жените на возраст од 30–50 години и се манифестира со транзиторна хипертироидиза и постепен развој на хипотироидизам.
М. Б. Грејвс – ја зафаќа целата тироидна жлезда (дифузна токсична гуша) и се манифестира со хипертироидизам и егзофталмус (испакнати очи).

Нодуси на тироидната жлезда
Тоа се јазли кои се формираат во самата жлезда. Можат да бидат бенигни или малигни и често се откриваат при рутински ултразвук.
Дијагноза: ултразвук и биопсија (за разликување бенигно од малигно).
Терапија: зависи од резултатот од биопсијата – бенигните се следат, а малигните се третираат со хемотерапија, радиотерапија или хирургија.

Последици од нелекувани нарушувања

Игнорирањето на проблемите со тироидната жлезда може да доведе до сериозни здравствени последици: кардиоваскуларни заболувања, остеопороза, нарушено ментално здравје (анксиозност, депресија) и други компликации.

Исхрана и тироидна жлезда

Начинот на исхрана значително влијае врз функцијата на тироидната жлезда.
Препорачани намирници: јогурт, јаболка, круши, цитрусно овошје, авокадо, брокула, семки од тиква, ореви, риба и јајца.
Селен и цинк – клучни микроелементи
Комбинацијата на селен и цинк придонесува за подобро функционирање на тироидната жлезда.
Селен – штити од оксидативен стрес, го зајакнува имунитетот и е неопходен за синтеза и конверзија на Т3 и Т4 хормоните. Недостатокот може да се поврзе со хипотироидизам и Хашимото тиреоидит.
Цинк – важен за здрави коски, имунитет, нервен и репродуктивен систем, добар вид и здрава кожа. Учествува во синтезата на Т3, Т4 и TSH, а неговиот недостаток може да доведе до хипотироидизам.

The post Тироидна (штитна) жлезда – функција и најчести заболувања appeared first on Аптеки PlusPharma.

Брзајќи да го земе својот син од куќата на неговото другарче, на врата се среќава со жена која ја гледа првпат во животот, а од нејзиниот син нема ни трага ни глас. Во паниката што следи, Мариса се соочува со лавина од сомнежни, тајни и лаги. Сите околу неа, па дури и сопругот, стануваат потенцијални осомничени.

The post Што во слободно време? Погледнете ТВ-серија All Her Fault appeared first on Аптеки PlusPharma.

Точно е дека за да изгубите килограми треба да согорувате повеќе калории отколку што внесувате. Но оваа едноставна равенка изоставува многу други фактори, како: нутритивната вредност на храната и начинот на кој таа влијае врз метаболизмот, апетитот, желбата за храна и целокупното здравје.

Зошто калориите се разликуваат и зошто изборот на храната што ја јадеме е исто толку важен како и бројот на калориите?

Што е калорија?

Калориите се стандардна мерна единица за енергија. Нашето тело се потпира на енергијата од калориите за да функционира правилно.
Речиси секој вид храна и пијалак содржи енергија заклучена во хемиски врски. Кога телото ја разградува храната (ја метаболизира), оваа енергија се ослободува.
Калориите што ги користиме за да го опишеме енергетското внесување од храната и пијалаците всушност се килокалории (kcal) – мерка еднаква на 1.000 калории. Многу полесно е да се каже дека една средна банана има 105 kcal отколку 105.000 калории.

Според повеќето здравствени препораки, просечниот маж треба да внесува околу 2.500 kcal дневно, а жената околу 2.000 kcal. Сепак, овие бројки значително варираат во зависност од возраста, тежината, висината и нивото на физичка активност.

6 недостатоци на броењето калории

Иако сите калории содржат иста количина енергија, нивното дејство во телото и влијанието врз здравјето многу се разликуваат.

1. Броењето калории не ја зема предвид нутритивната вредност на храната

Храна со ист број калории може да има сосема различен нутритивен состав и да предизвика сосема различни ефекти врз здравјето.
Нутритивно богатата храна, како овошје и зеленчук, е одличен извор на витамини и минерали. Исхраната богата со ваква храна е поврзана со здраво одржување на тежината и помал ризик од астма, срцеви заболувања и дијабетес тип 2.
Напротив, преработената храна како пица, чипс и крофни речиси и да нема нутритивни придобивки, а богата е со заситени масти, сол и додаден шеќер. Таа е поврзана со поголем ризик од хронични заболувања и предвремена смрт.
На пример, 150 г боровинки имаат сличен број калории како едно чоколадно бисквитче. Но, боровинките се богат извор на растителни влакна, витамини А и Ц и калиум, додека бисквитчето носи само шеќер и масти.

2. Телото се активира повеќе за да разгради одредени намирници

Броењето калории не го зема предвид ниту тоа како различната храна влијае на метаболизмот.
Метаболизмот опфаќа сè што телото прави за да нè одржи во живот – вклучувајќи ја и енергијата што ја користи за варење и апсорпција на храната. Ова е познато како термички ефект на храната (TEF).
Истражувањата покажуваат дека протеинот предизвикува најголемо зголемување на TEF, бидејќи телото мора да работи повеќе за да го свари. Привремено го зголемува метаболизмот за 15–30 %, наспроти 5–10% кај јаглехидратите и 0–3 % кај мастите.
Поради тоа, зголемувањето на внесувањето протеини на 25–30 % од дневното внесување може да помогне да согоруваме 80–100 калории повеќе дневно.

3. Храната различно влијае врз апетитот и врз чувството на ситост

Истражувањата јасно покажуваат дека различната храна има различно влијание врз апетитот и колку се чувствуваме сити.
Протеинот не само што го забрзува метаболизмот, туку е и најзаситувачкиот од сите макронутриенти. Студии покажуваат дека диети богати со протеини природно го намалуваат апетитот и внесувањето калории.
Во една студија, учесниците кои го зголемиле внесувањето протеини од 15 % на 30 % јаделе во просек 441 калорија помалку дневно и изгубиле 4,9 кг за 12 недели.
Слично, постои доказ дека сировата, непреработена храна, богата со влакна и подолга за варење, природно води до помало внесување калории.
Размислете: лесно е да внесете 400 калории јадејќи бисквити, но многу е потешко да внесете 400 калории јадејќи моркови. Процесираната храна најчесто не нè заситува, дури го зголемува апетитот.
Истражување на BBC покажало дека луѓето јадат околу 500 калории повеќе дневно кога нивната исхрана е базирана на преработена храна.

4. Храната значително влијае на нивото на енергија

Иако секоја храна дава енергија, квалитетот на таа енергија многу варира. Некои намирници даваат стабилна, долготрајна енергија, а други предизвикуваат кратки енергетски пикови и брзи падови.
Голем дел од ова зависи од влијанието врз нивото на шеќер во крвта. Високиот шеќер и наглите скокови предизвикуваат замор.
Гликемискиот индекс (GI) покажува колку брзо одредена храна го подига шеќерот во крвта. Јаглехидратите со сложена структура се варат побавно и даваат постабилна енергија, додека едноставните јаглехидрати предизвикуваат брз скок и брз пад на енергијата.
Примери на храна со висок GI се бел леб, колачи и бисквити; а со низок GI – интегрални житарки, наут и леќа.

5. Храната влијае и на менталното здравје

Добро знаеме колку исхраната влијае на телото, но истражувањата сè почесто ја поврзуваат и со менталното здравје.
Стомакот и мозокот постојано комуницираат, а цревниот микробиом директно влијае на делови од мозокот кои ги регулираат емоциите. Затоа многумина стомакот го нарекуваат втор мозок.
Студиите откриваат дека исхраната богата со овошје, зеленчук, интегрални житарки и мешунки го намалува ризикот од депресија.
Од друга страна, исхрана богата со заситени масти и шеќер а сиромашна со овошје и зеленчук, е поврзана со зголемена појава на стрес, анксиозност и други ментални тешкотии.
Покрај тоа, ако целта е слабеење, важно е да се знае дека анксиозноста често води кон прејадување, а депресијата кон емоционално јадење.

6. Броењето калории може да создаде нездрав однос кон храната

Кај некои луѓе броењето калории може да предизвика нездрав однос со храната, особено кај оние со историја на нарушувања во исхраната. За нив, принципите како интуитивно јадење се далеку попогодни.
Во една студија со лица со дијагностицирано нарушување во исхраната, 75 % изјавиле дека користеле онлајн алатки за броење калории, а 73 % чувствувале дека тоа директно придонело за влошување на нивното нарушување.
И други истражувања укажуваат дека ваквите практики може да поттикнат нездрави навики кај одредени луѓе.

The post Каслориите не се само бројка – Зошто е важно каква храна јадеме? appeared first on Аптеки PlusPharma.

Со сè поголем број докази за можните негативни ефекти врз спиењето, менталното здравје и социјалните интеракции, свесни сме дека треба да го намалиме користењето – но тоа често е полесно да се каже отколку да се направи. Дополнително, паметните технологии се дизајнирани да нè држат ангажирани.

Сепак, има простор за оптимизам: истражувањата покажуваат дека постојат многу ефикасни начини да се намали времето на екранот.

Што е зависност од паметни телефони?

Зависност од паметни телефони е прекумерна, неконтролирана и компулсивна употреба на телефонот на начин што го нарушува секојдневниот живот.
Многумина не можат да одолеат да го проверат секое известување, чувствувајќи дека мора да одговорат веднаш – од страв да не пропуштат нешто, да не разочараат некого или да не им се натрупаат нотификациите. Според експертите, типични знаци на зависност се: анксиозност без телефонот, отуѓување од блиските и навика да го земаме телефонот во рака штом ни е здодевно или сме сами.

Зошто телефоните се толку заразни? Истражувањата покажуваат дека поттикнуваат лачење на допамин – хормонот на награда и задоволство. Но, за разлика од други навики што активираат допамин, како пушењето, зависноста од телефони може да биде посилна бидејќи телефонот секогаш го носиме со нас.
Компјутерот исто така може да предизвика допамински пик, но неможноста да го носиме во џеб го намалува ризикот од зависност. Додека паметните телефони се дизајнирани за моментални, лесно достапни допамински награди.

Влијанието на зависноста од смартфони

Несомнено е дека технологијата ни го олесни животот. Комуникацијата е поедноставна, информациите се достапни за секунда. Но, тогаш се поставува прашањето: ако имаме толку многу придобивки, зошто сме помалку среќни од порано?

Ново истражување од 6 земји од англиско говорно подрачје, покажува дека младите се значително помалку среќни и имаат повеќе проблеми со менталното здравје од претходните генерации. Една од најјасните поврзаности што ја забележале научниците е падот на среќата паралелно со зголемената употреба на интернет.
На пример, студија која откри дека британските тинејџери се најмалку среќни во Европа, заклучи дека главна причина се социјалните мрежи. Друга студија покажа дека 3 од 4 тинејџери се чувствувале посреќни и помирни кога немале телефон.

Иако голем дел од истражувањата се фокусираат на младите, ефектите се слични за сите возрасти.
Употребата на телефони може да ги наруши фокусот и когнитивните способности
Истражувањата ја поврзуваат честата употреба на технологија со послаб фокус, нарушен сон, социјална изолација и намалена емоционална и социјална интелигенција.
Дури и само присуството на телефонот – во џеб, на маса свртен надолу или на „нечујно“ може да ги намали вниманието и когнитивните способности. Овој феномен е познат како „brain drain“ ефект.

Телефоните може да ги нарушат социјалните врски

Иако телефоните ни помагаат да бидеме во контакт со луѓе што се далеку, постојат докази дека можат да ги ослабат интеракциите лице в лице.
Дури и кога сте со некого, ако постојано погледнувате во телефонот, другата личност може да го доживее тоа како незаинтересираност. А истражувањата покажуваат дека дури и кратките интеракции со непознати се важни за нашата благосостојба.

Поради ова, употребата на смартфони е поврзана со пониски социјални вештини, поголема осаменост и повисоки стапки на анксиозност и на депресија. Обратно, намалување на употребата е поврзано со подобро ментално здравје.

Употребата на телефони може да го наруши сонот

Смартфоните негативно влијаат на сонот бидејќи го нарушуваат циркадниот ритам. Емитуваат сина светлина која го намалува лачењето на мелатонин – хормонот за спиење.
Дури и спиењето со телефонот до главата може да доведе до чести будења поради вибрации, известувања или навиката „да провериме само уште нешто“.

Дали времето е клучен фактор?

Иако смартфоните несомнено влијаат врз благосостојбата, времето и начинот на користење, играат голема улога.

Постојат докази дека онлајн игрите, на пример, можат да имаат позитивни ефекти – како намалување на стресот, подобрување на расположението и зајакнување на социјалните врски. Но ако играњето трае со часови, станува контрапродуктивно, заменувајќи ги активностите што навистина се важни: движење, сон, престој на свеж воздух.

7 начини да ја намалите употребата на телефонот

Истражувањата покажуваат дека речиси една третина од возрасните и дури 90 % од младите се обидуваат да го намалат времето пред екран. Еве седум начини што можат да помогнат:

1. Држете го телефонот во друга соба додека спиете
Повеќе од 70 % од луѓето спијат со телефонот до себе. Оставете го во друга соба, инвестирајте во класичен будилник и создајте рутина без екран пред спиење.

2. Преуредете ја почетната страница
Минималистички изглед на почетниот екран може да го намали искушението. Држете ги корисните апликации напред, а оние што сакате да ги користите помалку – подалеку.

3. Поставете ограничувања за користење
И Apple и Android имаат одлични алатки за следење и ограничување на времето на екранот (Screen Time, Digital Wellbeing, Focus Mode).
Постојат и апликации како Freedom или StayFocused, кои привремено блокираат одредени страници или апликации.

4. Подесете ги нотификациите
Исклучете ги сите непотребни известувања за да не потпаднете во искушение.

5. Користете grayscale режим
Отстранувањето на боите го прави телефонот значително помалку примамлив. Истражувањата покажуваат дека grayscale може да го намали времето пред екран за 22–50 минути дневно.

6. Најдете си хоби
Кога ни е здодевно, најчесто посегнуваме по телефонот. Направете план со активности: читање, спорт, курс, креативно хоби.

7. Планирајте дигитални детокс периоди
Периоди без екран, целосно или делумно, се поврзани со подобар сон, помал стрес и подобра концентрација.

The post Дали е реална зависноста од телефони? appeared first on Аптеки PlusPharma.

Изобилува со витамин C, витамин K, фолна киселина и влакна, а содржи и антиоксиданти кои го поддржуваат имунитетот и здравјето на клетките. Со само околу 25 калории во 100 грама, карфиолот е идеален избор за оние што сакаат лесни и здрави оброци. Дополнително, соединенијата глукозинолати ја поттикнуваат природната детоксикација и придонесуваат за подобра дигестија.

The post Карфиол appeared first on Аптеки PlusPharma.

Еден ден, без претходна најава, кожата почнува да го губи сјајот, а колената да нè вртат по долг, напорен ден. Тоа е тивок потсетник дека најважните градбени елементи во нашето тело полека се трошат.

Колагенот и хијалуронската киселина се како двајца главни чувари што долго време незабележително ја извршуваат својата работа. Сè додека не им затреба нашата помош.
До 30-тата година, нашиот организам веќе произведува 15 % помалку колаген.

До 50-тата година – изгубени се повеќе од половина од залихите.
А хијалуронската киселина? Таа исчезнува уште побрзо.

Резултатот? Сувост, брчки, напнатост во зглобовите, подвижност која веќе не е како порано.

Научниците веруваат дека решението е во враќање на она што телото го губи – колаген и хијалуронска киселина во соодветна форма и секогаш во пар.

Колаген – протеин кој нè држи на нозе

Колагенот е протеин кој природно се наоѓа во телото и се создава од клетки на сврзното ткиво. Тој е најзастапениот протеин кај човекот – сочинува речиси една третина од вкупната протеинска маса. Познати се 28 типови колаген, а најчести се:

Тип I – најзастапен, присутен во сите сврзни ткива
Тип II – се наоѓа во зглобовите и во меѓупршленските дискови
Тип III – дел од сврзното ткиво во кожата и во крвните садови
Тип IV – присутен во бубрезите, очната леќа и внатрешното уво

Колагенот е клучен за структурата и еластичноста на тетивите, лигаментите, мускулите и ’рскавицата – па затоа има значајна улога во здравјето на зглобовите и на коските.
Воедно, тој сочинува 75–80 % од структурата на кожата, а придонесува за еластичноста, хидрацијата и обновата на оштетените клетки.

Истражувањата покажуваат дека колагенот го достигнува врвот во периодот од 25 до 34 години, а потоа неговото природно производство опаѓа за околу 1,5 % годишно.

Последиците ги гледаме како:

• појава на фини линии и брчки
• слабеење на коскената густина
• поголем ризик од остеопороза

Затоа, многу луѓе одбираат да внесуваат морски колаген (тип I) како додаток во исхраната. Тој има одлична апсорпција и претставува соодветна замена за луѓе кои не користат животински извори од говедско или свинско потекло.

Хијалуронска киселина – молекула што задржува вода

Хијалуронската киселина е природен полисахарид присутен во кожата, зглобовите и очите. Таа е позната по својата исклучителна способност да задржува вода – над 1 000 пати повеќе од сопствената тежина.
Благодарение на тоа:

• ја одржува кожата хидрирана и полна
• ја подобрува заштитната функција на кожата
• придонесува за еластичност и нежност на кожата

Во зглобовите, таа е составен дел на синовијалната течност, која ги подмачкува и ги штити од триење. Со возраста, нејзиното производство се намалува, што може да доведе до сувост на кожата, намалена подвижност и болка во зглобовите.

Дополнителни придобивки од хијалуронската киселина:

• забрзува зараснување на рани
• намалува воспаление
• го одржува здравјето на очите

Како функционираат заедно?

Колагенот и хијалуронската киселина се надополнуваат природно.
Колаген = структура и цврстина.
Хијалуронска киселина = хидрација и подмачкување.

Двојна сила за кожата

Кожата содржи:

50 % од вкупната хијалуронска киселина
75 % од целокупниот колаген во телото
Кога нивото на овие две супстанции се намалува – се забрзува стареењето на кожата.

Комбинацијата:

• ги подобрува цврстината и еластичноста
• ја зголемува хидрацијата во длабоките слоеви
• ја зајакнува кожната бариера
• придонесува за порамномерна текстура

Истражувањата сугерираат дека внесувањето суплементи во орална форма може поефикасно да стигне до длабоките слоеви на кожата отколку кремите.

Поголема подвижност и заштита на зглобовите

Во зглобовите:

колагенот дава структура и стабилност
хијалуронската киселина ги подмачкува и ги штити од триење

Комбинацијата:

• ги намалува непријатноста и болката при движење
• го поддржува здравјето на ’рскавицата
• придонесува за подобра коскена густина
• го одржува мускулниот тонус, па зглобовите трпат помал притисок

Оваа синергија е особено корисна за луѓе кои многу стојат, кои седат подолго време или се физички активни.

Важно е да се знае!

Иако колагенот и хијалуронската киселина се природни и добро поднoсливи:

• суплементацијата треба да биде прилагодена индивидуално
• секогаш е паметно да се консултира фармацевт или лекар
• здравата исхрана, хидрацијата и заштитата од сонце остануваат темел на убавата, здрава кожа.

The post Колаген и хијалуронска киселина appeared first on Аптеки PlusPharma.

Кога судбината на животинските видови во метрополата е загрозена, прикриениот пар мора да навлезе во непознати делови на градот и да се соочи со заканата. Притоа, нивното партнерство, што досега беше украсено со храброст и оптимизам, ќе биде тестирано повеќе од кога било.

The post Што во слободно време? Zootopia 2, анимиран филм appeared first on Аптеки PlusPharma.

Кроновата болест е доживотна состојба и симптомите може значително да го нарушат секојдневието. Иако засега нема лек за трајно отстранување на болеста, постојат ефикасни третмани кои можат да помогнат во контролирањето на симптомите.

Што е Кронова болест?

Кроновата болест е вид воспалително заболување на цревата (IBD). Кај оваа состојба, имунолошкиот систем погрешно го напаѓа сопствениот организам, предизвикувајќи воспаление и болни чиреви во дигестивниот тракт.

Други форми на IBD се улцеративниот колитис и микроскопскиот колитис. Иако овие заболувања се слични, тие се разликуваат по местото каде што се јавува воспалението. Кај колитисот, воспалението е ограничено на дебелото црево и анусот, додека Кроновата болест може да зафати кој било дел од дигестивниот тракт – од устата до анусот.
Кроновата болест се разликува и од синдромот на иритабилно црево (IBS), кој е функционално а не автоимуно нарушување, и не предизвикува трајни оштетувања на дигестивниот систем.

Типот на Кронова болест зависи од тоа кој дел од цревата е засегнат. Најчесто заболува последниот дел од тенкото црево и/или дебелото црево и анусот.

Кои се симптомите на Кронова болест?

Секој пациент може да има различни симптоми, зависно од погодениот дел од дигестивниот тракт.
Често има периоди на добро здравје – ремисија – и периоди на влошување кога симптомите се поинтензивни. Понекогаш може да се чувствувате одлично со малку или без симптоми, а во други периоди болеста може да биде потешка за контрола.

Најчести симптоми се:

• Силна абдоминална болка, чија локација зависи од засегнатиот дел на цревата.
• Дијареа што може да содржи гној, слуз или крв. Можно е и чувство на итна потреба за одење во тоалет.
• Анемија. Недостатокот на железо доведува до анемија, бидејќи телото нема доволно црвени крвни клетки за пренос на кислород. Ризикот расте при губење крв, недоволно внесување на железо или слаба апсорпција на хранливи материи.
• Губење апетит и тежина. Воспалението ја намалува апсорпцијата на хранливи материи.
• Екстремен замор што може да се јави поради самата болест, слабокрвност, несоница или губење тежина.
• Општо чувство на слабост, висока температура или треска.

Иако Кроновата болест е заболување на цревата, хроничното воспаление може да предизвика и други компликации.
Според Crohn’s & Colitis UK, околу половина од пациентите развиваат воспаление на очите, зглобовите или кожата. Други можни проблеми се опаѓање на косата, жолчни и бубрежни камења, како и фистули.

Кроновата болест и менталното здравје

Кога се живее со хронично заболување, честопати фокусот е само на физичките симптоми, но Кроновата болест може да влијае и на менталното и на емоционалното здравје.
Истражувањата покажуваат значајна поврзаност помеѓу IBD и нарушувањата на менталното здравје. Лицата со Кронова болест имаат двојно поголема веројатност да развијат проблем на ментално ниво.

Редовната болка, заморот и непредвидливите потреби за во тоалет можат да бидат вознемирувачки. Некои пациенти имаат нарушен сон, намалено расположение, страв да го напуштат домот поради потенцијални незгоди. А бидејќи симптомите често не се видливи, многу луѓе ги потценуваат своите потешкотии.
Дијагнозата често може да биде шок, особено кај луѓе кои претходно немале гастроинтестинални проблеми.

Стручњаците сѐ повеќе истакнуваат дека врската меѓу менталното здравје и IBD е двонасочна. Се смета дека лошото ментално здравје може да го зголеми ризикот од нови воспаленија. Тоа се објаснува преку т.н. оска стомак – мозок, што ја опишува комуникацијата помеѓу цревата и централниот нервен систем.

Кроновата болест и ризикот од рак на дебелото црево

Во одредени случаи, Кроновата болест може да го зголеми ризикот од развој на карцином на дебелото црево, иако тој ризик е релативно мал.
Ризикот се зголемува ако болеста зафатила делови од дебелото црево повеќе од 8–10 години или ако постојат стриктури (стеснувања на цревниот тракт).
Доколку имате зголемен ризик, редовно ќе добивате препораки за колоноскопија. Добрата контрола на симптомите исто така помага да се намалат долгорочните ризици.

Кои се причините за Кронова болест?

Кроновата болест се јавува поради променет имунолошки одговор. Наместо да ги напаѓа штетните микроорганизми, имуниот систем почнува да го напаѓа сопствениот дигестивен тракт.

Точните причини не се целосно познати, но се смета дека улога имаат:

• генетски фактори – идентификувани се над 200 варијанти на гени кои го зголемуваат ризикот;
• промени во микробиомот – недостаток од добри бактерии;
• нарушена бариерна функција на цревата;
• надворешни фактори, како стрес, пушење и одредени лекови.

Иако овие фактори можат да влијаат, нема докази дека човекот може да ја спречи болеста.

Како се дијагностицира Кронова болест?

Доколку имате необјасниви проблеми со варењето или сомнеж за Кронова болест, важно е да се обратите кај матичниот лекар.
Бидејќи симптомите се слични на други болести на цревата, потребни се различни тестови. Лекарот може да земе примерок од столица за исклучување на инфекција (на пример, гастроентеритис). Исто така, ќе направи физички преглед и ќе ја испита чувствителноста на стомакот.

Ако постои сомнеж за IBD, ќе ве упатат кај специјалист, кој може да препорача:

• Компјутерска томографија или рентген;
• колоноскопија или сигмоидоскопија;
• земање примерок од ткиво (биопсија).

Кои се опциите за третман?

Откако ќе биде поставена дијагнозата, пациентите ги следи специјалист кој обезбедува поддршка при влошување на симптомите, дава совети за исхрана, ја објаснува терапијата и сл. Иако нема лек, третманите помагаат да се намалат или контролираат симптомите. Видот на третманот зависи од тежината на болеста и од засегнатиот дел од цревата.

Терапијата може да вклучува:

1. Медикаментозен третман

Најчесто се користат:

• кортикостероиди;
• имуносупресиви;
• специјални течни формули богати со хранливи материи.

Доколку симптомите не се подобрат, можно е да се препишат биолошки лекови.

2. Хирургија

Се препорачува ако лековите не делуваат, квалитетот на живот е значително нарушен или има компликации.
Најчестата операција е ресекција – отстранување на воспалениот дел од цревата и поврзување на здравите делови.
Некои пациенти привремено добиваат илеостома, со стома кесичка, за цревата да заздрават, по што повторно се спојуваат.

3 совети за полесно живеење со Кронова болест

1. Грижете се за менталното здравје

Дијагнозата може да биде тежок товар. Нормално е да чувствувате анксиозност, тага или несигурност. Дајте си време да ги обработите емоциите и побарајте поддршка кога ви е потребна.

2. Откријте што функционира за вас

Секој пациент е различен. Некои забележуваат дека исхраната или стресот влијаат на симптомите, други не. Некои добиваат корист од јога, медитација, акупунктура или пробиотици. Водење дневник на симптоми може да ви помогне да ги препознаете вашите поттикнувачи.

3. Изградете мрежа на поддршка

Многу пациенти се двоумат да зборуваат за болеста, но разговорот со блиски луѓе многу олеснува, додека групите за поддршка со пациенти засегнати од самата болест се вистинско олеснување за безброј дилеми што ќе се јават.

The post Кронова болест – симптоми, третман и начини за полесно справување appeared first on Аптеки PlusPharma.

Но, токму тој момент на нетрпение може да ни донесе поголем замор, повреда или повторно разболување.

Фитнес експертот Марк Харис, чија методологија е прифатена од бројни тренери ширум Европа, предупредува дека телото по боледување сè уште се рестартира – имунитетот, мускулите и енергетските резерви не се на исто ниво како пред паузата. Затоа, тој препорачува структуриран двонеделен ресет, систем кој овозможува постепено, безбедно и паметно враќање кон вежбањето.

„Кратка пауза за ресет, сега, ќе ве поштеди од многу подолги паузи во иднина“, вели Харис. „Кога му давате време на телото навистина да закрепне, се враќате многу посилни – физички, ментално и со подобра самоконтрола.“

Зошто е важен постепениот пристап?

Кога имаме настинка или грип, организмот ја насочува целата енергија кон борбата против вирусот. Тоа значи дека:

• мускулната сила може да ослабне за само неколку дена;
• координацијата и рамнотежата опаѓаат;
• издржливоста се намалува;
• срцевиот ритам може да биде нестабилен;
• нивоата на хидрација и минерали се нарушени.

Премногу брзото враќање може да доведе до повреда, замор, воспаленија, па и пад на имунитетот, што ја зголемува можноста повторно да се разболиме.
Токму затоа е создаден двонеделниот ресет, план што ги зема предвид физиолошките процеси на заздравување.

Недела 1 – Обновување, мобилност и лесно движење

Првата недела не служи за перформанс, туку за повторно раздвижување.

Што да вклучите?

• лесно пешачење;
• јога или пилатес за мобилност;
• лесни истегнувања;
• вежби со сопствена тежина: чучнувања, склекови на ѕид, вежби за задник;
• дишење и вежби за стабилизација.

Работете со 50–60 % од вашиот вообичаен капацитет. Ова значи дека не сте без здив, не се форсирате и имате целосна контрола врз движењето.

На што да внимавате?

• не оптоварувајте се со тежини или брзина;
• обидете се да го вратите ритамот, не резултатот;
• пијте повеќе вода (телото по болест е дехидрирано);
• внесувајте повеќе витамини и минерали преку овошје и зеленчук;
• практикувајте квалитетен одмор.

Оваа недела е за: контрола, мобилност, доверба во телото.

Недела 2 – Постепено враќање на силата

Откако телото повторно се навикнало на движење, време е внимателно да ја вратите силата.

Како да тренирате?

• изберете вежби од типот: подигнување и седнување од столица, подигнување тегови (или лесен предмет како шише со вода) над глава, тегнење ластици за вежбање и подигнување на коленото во стоечка положба – марширање во место;
• работете со 60–70 % од вашите стари тежини;
• забавете го темпото: контролирано спуштање, прецизно подигнување;
• вежбајте технички чисто, со фокус на формата.

Оваа недела е за:

• стабилност;
• сила;
• враќање на мускулната меморија;
• градење сигурност.

Не поставувајте личен рекорд! Она што сега го правите е темел за вистински напредок подоцна.

5 клучни совети за успешно враќање на кондицијата

1. Подолго загревање (10–15 минути)

По болест, зглобовите и мускулите се здрвени.
Вклучете:

• динамични истегнувања;
• активација со ластици;
• лесни контролирани движења.

Подобрената циркулација ја намалува шансата за повреда.

2. Исхрана која поддржува заздравување

Фокусирајте се на:

• квалитетни протеини (пилешко, риба, јајца, тофу);
• комплексни јаглехидрати (ориз, овес, киноа, интегрални тестенини);
• шарено овошје и зеленчук за витамини;
• доволна хидрација.

Дури и мала дехидрација го нарушува енергетскиот баланс.

3. Конзистентност наместо екстремност

Не обидувајте се да надоместите за пропуштените денови.
Подобро е да имате 3–4 полесни тренинзи отколку еден сосила.

4. Следете ги показателите за заздравување

Внимавајте на:

• квалитетот на сонот;
• енергијата во текот на денот;
• утринскиот пулс;
• чувството на замор или стегање во мускулите.

Ако телото испраќа порака за СТОП, послушајте го.

5. Прво изградете самодоверба, па сила

Во овој период важи правилото: квалитетните повторувања се многу поважни од тежините што ги користите.
Кога техниката е чиста, силата се враќа побрзо и побезбедно.

The post Двонеделен ресет за сила и за енергија appeared first on Аптеки PlusPharma.

• 3 јаболка (рендани или ситно сечкани)
• 1 лажица мед или јаворов сируп
• 1 лажичка цимет
• 50 г мелени ореви
• 6 листови готови кори
• путер за премачкување
• суво грозје – по желба

Подготовка:

Во длабок сад измешајте ги јаболката, медот, циметот, оревите и сувото грозје. Секој лист кора премачкајте го со малку путер (претходно омекнат на собна температура), свиткајте го и ставете го во калап за мафини. Во средина додајте од филот. Печете 10-12 минути на 180°C додека не станат крцкави. По желба, посипете малку мелени ореви одозгора. Одлични се на вкус кога се топли во комбинација со лажица грчки јогурт за свежина.

The post Зимски чашки со јаболко, цимет и ореви appeared first on Аптеки PlusPharma.

Патот ја води и надвор од земјата – во Лондон, каде што живее, учи јазик и работи, а по враќањето продолжува да се движи меѓу телевизијата, корпоративниот свет и пишувањето за театар, и музиката.

Од 2012 година радиото станува нејзин дом – Радио 2 на МРТ, а од оваа пролет повторно ѝ се враќа и телевизијата, на малите екрани на МТВ. Музиката ѝ е лек, театарот втора љубов, есента и дождот состојба на духот, а книгите тивки, но верни учители. Годинава, заедно со екипата на Радио 2, за првпат истрча 5 километри на Скопскиот маратон – со желба тоа да стане традиција.

2025 година ќе ја памети по многу нешта, но пред сè како една од најубавите по раѓањето на нејзината ќерка Мишел (9 години). Со мал порок по име шопинг, со повеќе изедено чиа семе од кога било и со истата љубопитност што ја води од самиот почеток, ова интервју е разговор со жена која знае дека гласот не е само професија – туку начин на живеење.
Со децении сте присутни во етерот – што е она што и денес ве држи љубопитна и вљубена во радиото и во телевизијата?

Љубопитноста кон човекот. Радиото и телевизијата ми даваат привилегија секој ден повторно да го откривам – преку глас, тишина, поглед, приказна. Технологијата се менува, форматите исто, но човечката потреба да биде слушнат и виден останува иста. Тоа ме држи вљубена – чувството дека уште има што да се каже, и уште поважно – што да се слушне.

Кога ќе погледнете наназад, кој момент го сметате за вистинска пресвртница во вашата медиумска кариера?

Враќањето во МРТВ, поточно во Радио 2, го доживувам како вистинска пресвртница. Не затоа што беше враќање наназад, туку чекор напред – со искуство, јасен авторски глас и слобода да создадам програма што има душа. Радио 2 ми даде простор повторно да се поврзам со суштината на радиото: тивки приказни, внимателен збор и почит кон слушателот.

Како се менуваше улогата на водителот низ годините, а што, според вас, остана исто и незаменливо?

Улогата на водителот денес е многу повеќеслојна – не сме само пренесувачи на информации, туку и уредници, раскажувачи, често и медијатори меѓу јавноста и содржината. Но едно остана исто и незаменливо: одговорноста кон зборот. Довербата што ја добиваме од слушателите и гледачите е темелот без кој ниту еден формат не може да опстане.

Што е потешко – да се изгради кариера како млада водителка или да се задржи кредибилитетот со текот на времето?

Да се изгради кариера е храброст, но да се задржи кредибилитетот е дисциплина. Со текот на времето, публиката станува построга, а очекувањата повисоки. Кредибилитетот се брани секој ден – со работа, со интегритет и со постојано преиспитување на сопствениот професионален стандард.

Како жена со долг медиумски стаж, дали мислите дека жените и денес мора да вложуваат повеќе, и професионално и визуелно, за да бидат признаени?

Жените и денес вложуваат повеќе, тоа е реалност. Но најважната инвестиција останува професионалната – знаењето, подготовката и автентичноста. Визуелното е минливо, но кредибилитетот и ставот се она што ја гради долгорочната почит. Со години учиш дека присуството не се докажува со изглед, туку со суштина.

Гласот е ваш заштитен знак – дали некогаш сте размислувале колкава одговорност носи и колку секојдневно допира до луѓето?

Да, и токму тоа е најголемата одговорност. Гласот влегува во нечии домови, во тивки утра и доцни ноќи. Тој може да смири, да поттикне, понекогаш и да повреди. Затоа секогаш сум верувала дека гласот не е само алатка, туку одраз на лична и професионална етика.

На кои проекти работите во моментов, кој ви е најблиску до срце и зошто?

Во моментов работам на неколку различни, но подеднакво важни проекти. „Ритамот на денот“ е претпладневна контактна емисија во живо што ме држи будна и поврзана со пулсот на секојдневието – таму реакцијата е веднаш и искрена. „Заводлива квечерина“ е мој авторски простор, емисија во која зборот, музиката и тишината имаат време да созреат и таа ми е најинтимна. А „Наш Подиум“ на МТВ, во кој сум домаќин секој четврток, е телевизиски предизвик што ми носи динамика и јавна енергија. Секој од овие проекти допира различен дел од мене, и токму таа разновидност ме исполнува и ме одржува креативно жива.

Искрено, најблиска ми е „Заводлива квечерина“. Таа е поразлична од сè што работам и нема друга таква радиоемисија во етерот во Македонија. Тука имам слобода да пренесувам и да создадам атмосфера што е интимна, заводлива и лична – и токму тоа ја прави посебна за мене.

Дали има проект што е сè уште зад сцената и кој чека да стане ваша следна голема приказна?

Секогаш има нешто зад сцената, нешто што чека да стане следна голема приказна. За желбите не се зборува, но можам да кажам дека сонувам за реализирање на едно филмско сценарио, за едно ток-шоу, па и за „Заводлива квечерина“ на поголема сцена во живo… и тоа не е сè. Можам само да посакувам дека иднината ќе ми донесе нови изненадувања и дека срцето веќе работи на нив.

Како мајчинството ве промени – и како жена и како професионалец?

Мајчинството ме промени длабоко – како жена и како професионалец. Ме научи на трпение, присуство и љубов без граници, особено преку мојата Мишел, која е мојата инспирација и моќ. Како мајка гледам на светот со повеќе емпатија, а како водителка учам секој ден да допрам до луѓето со искреност и со внимание.

Денес мајките се под силен притисок – од исхрана, воспитување, до „совршени“ модели на однесување. Колку социјалните мрежи, според вас, го зголемија чувството на вина кај мајките?

Социјалните мрежи многу го зголемија чувството на вина кај мајките. Сите гледаме идеализирани животи, совршени фотографии, „совршени“ мајки, и тоа создава притисок кој не е реален. Но важно е да запомниме дека љубовта, присуството и вниманието кон детето се многу повеќе од тоа што се прикажува на екран. Мајчинството не е натпревар – тоа е интимен, жив процес кој се учи секој ден.

Вие растевте во време кога децата играа надвор, со кал на колената и без постојан надзор – што од тој начин на детство денес најмногу ни недостасува?

Недостасуваат слободата и играта без грижи – да се истражува надвор, да се навлезе во калта, да се падне и да се научи од тоа. Денешните деца често се под постојан надзор, а токму тие моменти на самостојно откривање и малите авантури ги градат самодовербата и креативноста.

Колку грижата за здравјето денес е свесен избор, а колку нужност што доаѓа со годините?

Со годините станува и едното и другото. Свесен избор е кога внимаваме на тоа што јадеме, кога се движиме и слушаме што ни кажува телото. Но, со возраста, грижата за здравјето станува и нужност – затоа што телото и умот бараат повеќе внимание за да останеме активни и присутни.

Имате ли мали секојдневни навики што ви помагаат да останете во добра физичка и ментална форма?

Не сум од оние што можат/сакаат да следат ритуали и навики, не сакам правила. „Добро утро, како си?“ од некој што ми значи, ми е доволно денот да ми биде сончев. Инаку се обидувам да внимавам на исхраната и редовно поминувам време со книга, а најмногу со музика. Менталната и физичката грижа се преплетуваат, и тоа ми помага да останам присутна и свежа речиси секој ден.

Дали вашиот убав изглед е резултат на дисциплина, љубов кон себе или животна филозофија?

Мојот моментален изглед е плод на годината што помина, на сите убави моменти што ги доживеав додека работев, се подготвував, снимав и интервјурирав. Тоа е резултат на љубовта и посветеноста, на трудот и радоста што ги вложувам во секој проект. Убавината не е само дисциплина или филозофија, таа е живот што се живее, чувство и страст што се пренесуваат во секој ден.

Што би им порачале на жените кои чувствуваат притисок да изгледаат младо и совршено наместо автентично?

Да се вратат кон себеси. Совршенството е илузија, а автентичноста е моќ. Грижата за себе не значи да се вклопиш во туѓи стандарди, туку да бидеш најдобрата верзија на себе – со внимание, љубов и прифаќање на сите аспекти од твојата личност.

Кој совет би ѝ го дале на помладата верзија од себе – и на жените кои денес го бараат својот глас?

Да имаат трпение и доверба во себе. Секој има свој ритам, свој пат и свој глас. Не брзајте да се вклопите во туѓи очекувања, туку истражувајте, зборувајте, созревајте и дозволете си да бидете видени онакви какви што сте навистина. Вашиот глас е силен и уникатен, и вреди да се слушне…

The post Рашела Гинова-Карафилоски – Животот во етер appeared first on Аптеки PlusPharma.

Додека официјалните списоци тврдат дека кабината е празна, Ло се соочува со сомнежи, тишина и опасност што ѝ демне зад грб. Решена да ја открие вистината, таа сфаќа дека некој на бродот ќе направи сè за таа вистина да остане во мрак.

The post Што во слободно време? Погледнете филм, The Woman in Cabin 10 appeared first on Аптеки PlusPharma.

Езерото што го чува духот на зимата

Главната сцена е секако езерото Блед. Дали ќе одберете тивка прошетка по уредената патека или кратка медитација со поглед кон островот, зимската тишина секако е лековита за бучниот мозок. Ако времето е доволно студено, езерото понекогаш добива тенок мраз на површината, што му дава уште попразнична атмосфера.

Островчето – таму каде желбите се исполнуваат

Во центарот на езерото се наоѓа мал остров со црквата „Успение на Пресвета Богородица“. Дотаму најубаво се стигнува со традиционален брод, управуван од локални веслачи. Според легендата, оној што ќе го удри ѕвоното во црквата и ќе замисли желба – ќе ја оствари. Прекрасен повод за мала зимска авантура!

Бледскиот замок – стражар над езерото

На една карпа над езерото, се издига Бледскиот замок, најстариот словенечки замок. Во јануари, погледот оттаму е вистинска зимска разгледница: планините во далечината, тивкото синило на езерото, островот како бисер… А во самиот замок може да се посетат старите одаи, музеј, па дури и традиционална винарија во која посетителите сами можат да си наполнат шише и да го запечатат со восок.

Термално уживање – топлина среде студ

По прошетка низ студениот алпски воздух, телото и душата најмногу уживаат во природните термални извори. Неколку хотели покрај езерото имаат базени со топла минерална вода, идеална за опуштање, регенерација на мускулите и подобрување на циркулацијата.

Гастро уживање

Блед има свој заштитен знак: бледската кремшнита или крем пита – лесен ванила десерт со крцкава кора. Едно парче е доволно за да сфатите зошто целиот свет го знае ова мало слатко чудо.

The post Блед – Зимска бајка покрај Алпското Езеро appeared first on Аптеки PlusPharma.

Овен (21.3-19.4)

Наместо да исчекувате што другите ќе кажат и да ја пасивизирате силата, најдобро е да ги преземете работите во своите раце и да иницирате вредности што ќе ве одведат кон вистинската трансформација и регенерација. Отворете се за позитивните промени, не стравувајте од непознатото и надминете ја кризата што подолго време ја следи вашата личност.

Бик (20.4-20.5)

Преиспитајте ги состојбите во љубовта, зашто се случува премногу да вложувате, а премалку да добивате. Селективноста и аналитичноста ќе ви бидат од голема полза. Променливото расположение ќе биде присутно, така што од еуфоричност ќе преоѓате во меланхолија. Но, интуицијата ќе ви помогне да го пронајдете вистинскиот пат и да ги елиминирате наталожените проблеми.

Близнаци (21.5-20.6)

Доволно ги ограничувавте можностите за напредување и ги потиснувавте своите вредности. Страста ви е нужно потребна, како и романтичното надополнување во љубовта. Затоа елиминирајте ги предрасудите и прифатете го предизвикот за воведување значајни промени. Внимавајте во сообраќајот.

Рак (21.6-22.7)

Останете доследни на визијата што ја имате зацртано пред себеси. Посебно ви се препорачува да покажете интерес за стабилизирање на односите со саканото лице, да бидете поодговорни, самосвесни, трпеливи и да покажете дека умеете да ја подобрите состојбата во која се наоѓате. Добро е ако преземете патување.

Лав (23.7-22.8)

Работете на надградба на знаењето, создадете некое креативно дело и бидете отворени за комуникација, зашто менталните потенцијали ќе ви бидат мошне високи. Очекувате да ви се случат значајни промени, од чија рефлексија ќе ви зависат идните планови, како во професионалната, така и во емотивната сфера.

Девица (23.8-22.9)

Од вас зависи дали ќе тргнете кон новото или ќе се определите за пасивност и рамнодушност. Покрај професионалните предизвици, очекувајте возбудување и во сферата на љубовта. Позитивното влијание на планетата Марс ќе ви донесе перспектива за остварување емотивна врска со мошне специфична и привлечна личност.

Вага (23.9-22.10)

Не е добро ако постојано ги одложувате можностите за постигнување стабилност во односите со другите. Ѕвездите ќе ви овозможат напредување и високо ниво на задоволства. Затоа нè манифестирајте колебливост, туку дејствувајте и бидете отворени за соработка. Внимајте на финансиски план.

Скорпија (23.10-21.11)

Околностите во кои се најдовте сфатете ги како игра на судбината, која неретко ве става пред навидум неразрешливи ситуации, но кои начелно сте умееле успешно да ги надминете. Без оглед на околностите со кои ќе се соочите, верувајте дека имате квалитет и енергија за подобрување и воспоставување на хармонијата во животот.

Стрелец (22.10-21.11)

Со реализација на планираните активности и со верба во личните потенцијали ќе изградите похармонична перспектива во периодот што следи. Тоа ќе ви овозможи значајни промени и подобрени основи за напредок во љубовта и работата. Затоа напредувајте на духовен план, размислувајте позитивно и фокусирајте се кон мигот на сегашноста.

Јарец (22.12-19.1)

Отворете се за јавноста, комуницирајте, бидете спонтани и независни, односно следете го говорот на телото, кое во голема мерка ќе ви покаже каков однос да воспоставите со лицата кои ве опкружуваат. Страста ќе ви биде на највисоко можно ниво. Негативните моменти што подолг период ве следат на емотивен план, постепено ќе почнат да попуштаат.

Водолија (20.1-18.2)

Полека, но сигурно почнувате да ги елиминирате ограничувачките фактори кои доминираа во претходниот период. Не треба да ве зафаќаат меланхолијата и песимизмот, бидејќи ви претстојат одлични можности за напредување. Добро е да размислите за активности поврзани со купопродажба на недвижности. Очекувајте позитивни изненадувања.

Риби (19.2-20.3)

Преиспитајте ги потезите што ги влечевте во доменот на љубовта и обидете се да го промените досегашниот однос кон искушенијата. Емоционалната заслепеност може скапо да ве чини. Посветете се на работата, но пронајдете време за одмор и релаксација бидејќи психофизичката состојба не ви е на највисоко ниво.

д-р Зоран Крстевски
едукатор, мотиватор и тренер за личен развој

The post Месечен хороскоп јануари – февруари 2026 appeared first on Аптеки PlusPharma.

Нивното неочекувано пријателство ќе ја обликува судбината на Оз. Филмот се одликува со магична продукција, моќни музички изведби, а настапите на Ериво и Гранде нема да ве остават рамнодушни.

The post Што во слободно време? Погледнете филм, Wicked appeared first on Аптеки PlusPharma.

Во свет во кој честопати си поставуваме високи очекувања и вршиме притисок врз себе, развивањето на вештината на самосочувство е од суштинско значење. Самосочувството е многу повеќе од тренд – тоа нè учи да се однесуваме кон себе со истата љубезност и грижа каква што им ја укажуваме на другите.

Истражувањата покажуваат дека учењето да бидеме посочувствителни кон себе носи бројни придобивки за физичкото и за менталното здравје. Но, како изгледа тоа во практика?

Што е самосочувство?

Зборот „сочувство“ потекнува од латинскиот израз „да страдаме заедно“. Тоа подразбира длабока свесност за туѓата болка и искрена желба да се помогне. Кога гледаме некој како поминува низ тежок период и сакаме да му олесниме со утешни зборови или прегратка – тоа е сочувство.
Самосочувството е кога истиот овој пристап го насочуваме кон себе. Тоа значи да се однесуваме со иста добрина, разбирање и топлина кон сопствените слабости и тешкотии, како што би се однесувале кон некој што го сакаме.

Учењето самосочувство ни овозможува да ги поминуваме животните предизвици со повеќе нежност кон себе. Наместо да бидеме строги и самокритични, учиме да се третираме со грижа и со трпеливост.

Кои се придобивките од самосочувството?

Иако можеби не изгледа природно на почетокот, практикувањето самосочувство може значително да го подобри нашето здравје, односите и начинот на кој се справуваме со секојдневните тешкотии.

Како и секоја друга вештина, потребно е време за да се развие. Но, со текот на времето, ефектите стануваат сè поочигледни. Еве неколку од најважните придобивки:

Ја подобрува менталната благосостојба

Според експертите од апликацијата Calm, кога сме љубезни кон себе, поголема е веројатноста да се чувствуваме посреќни и посмирени.

Истражувањата покажуваат дека самосочувството може да помогне во намалување на стресот, анксиозноста и тажните мисли, а дури е поврзано и со подобри резултати кај лица со посттрауматски стрес.

Ги поттикнyва личната мотивација и оптимизмот

Кога сме посочувствителни кон себе, полесно гледаме на грешките и на предизвиците како на можности за учење и раст, а не како на неуспеси.
Таквиот поглед на светот не само што поттикнува оптимизам, туку нè охрабрува да бидеме поотворени за нови искуства и промени.

Го подобрува физичкото здравје

Постојат докази дека самосочувството позитивно влијае и на телесното здравје. Сè уште не е целосно јасно зошто, но се верува дека луѓето кои имаат развиено самосочувство почесто прават поздрави избори – не затоа што чувствуваат обврска или вина, туку затоа што сметаат дека го заслужуваат тоа.

Гради отпорност

Животот никогаш не е рамен пат, височинки, па падови, па малку рамно тло и сè така во круг. Но, ако умееме да си покажеме сочувство во тешките моменти, полесно ќе ги надминеме препреките.
Ако си дадеме време и простор за заздравување и ако ги валидираме сопствените емоции, со текот на времето ќе ја зајакнеме внатрешната отпорност.
Ги подобрува односите со другите

Кога сме полни со разбирање и трпеливост кон себе, тоа природно се прелева и во нашите односи. Развиваме поголема емпатија, толеранција и способност за искрено поврзување, а тоа ги продлабочува и подобрува нашите релации со луѓето околу нас.

5 начини како да практикувате самосочувството

Откако ги разгледавме придобивките, да видиме како оваа вештина може да се примени во секојдневниот живот.

1. Живејте свесно

Свесноста нè учи да бидеме присутни во моментот. Таа помага да се намали стресот, ја зголемува самосвеста и ја поттикнува љубезноста кон себе.
Кога ќе станете посвесни за своите мисли, ќе можете полесно да ги препознаете моментите на самокритика и наместо осуда, да одговорите со разбирање.

2. Однесувајте се кон себе како кон пријател

Еден од наједноставните начини да практикувате самосочувство е да се запрашате:
„Што би му рекол на близок пријател кој се чувствува вака?“
Во мигови кога сте строги кон себе, направете пауза и замислете што би кажале за да утешите некој друг. Потоа, кажете си ги тие зборови на себе. Вие исто така заслужувате добрина и разбирање.

3. Кажувајте си афирмации

Афирмациите се позитивни реченици што си ги повторуваме за да го смениме начинот на размислување и да ја зајакнеме самодовербата.
На пример: „Ја заслужувам својата љубезност.“„Силен сум и вреден.“
Дури и ако на почетокот не ви звучат убедливо, со повторување тие ќе почнат да стануваат ваше природно верување.

4. Грижете се за себе

Самосочувството е тесно поврзано со самогрижата. Грижата за себе не е себичност, тоа е израз на почит кон сопствените потреби.
Што ќе вклучува вашата рутина зависи од вас: редовна физичка активност, доволно сон, време за хоби или едноставно момент на одмор со шолја чај. Важно е да биде нешто што навистина ве обновува.

5. Препознајте ја својата човечност

Лесно е да се обвиниме себеси кога ќе погрешиме. Но, вистината е дека грешките и предизвиците се природен дел од животот и најчесто токму тогаш растеме најмногу.
Авторот Вил Шнајдер во своето дело The Magic of Common Humanity пишува:
„Заедничката човечност ги нагласува нашите заеднички борби, несовршености и меѓусебна поврзаност. Таа поттикнува припадност и сочувство, наместо осаменост и изолација. Таа поврзаност е подарок.“

Човечноста, со сите свои пукнатини, е токму она што нè прави достојни за сочувство.

The post Не бидете строги кон себеси! appeared first on Аптеки PlusPharma.

Сепак, еден од најчестите проблеми што може да се појави по операцијата е синдромот на суво око. Оваа состојба може да предизвика непријатност и да влијае на постоперативната острина на видот, но со правилна дијагноза и третман, симптомите можат да се контролираат.

Што е синдромот на суво око?

Според најновата дефиниција од TFOS DEWS II (Tear Film and Ocular Surface Society Dry Eye Workshop II), сувото око е мултифакторијална болест на солзниот филм и површината на окото, која се карактеризира со губење на хомеостазата на солзниот филм и е придружена со очни симптоми. Клучните фактори кои придонесуваат за оваа состојба вклучуваат:

• Хиперосмоларност на солзите
• Воспаление и оштетување на површината на окото
• Нестабилност на солзниот филм
• Сувото око не е само „недостаток на солзи“. Тоа е комплексна состојба која бара мултидимензионален пристап за дијагностика и третман.

Зошто се јавува суво око по операција на катаракта?

Операцијата на катаракта вклучува неколку чекори кои може да ја нарушат функцијата на солзниот филм и површината на окото:

Механички стрес врз корнеата и коњуктивата: За време на операцијата, се користат инструменти кои може привремено да ја оштетат епителната површина на корнеата.
Намалена чувствителност на корнеата: Анестезијата и манипулацијата со окото може да ја намалат чувствителноста, што влијае на рефлексната продукција на солзи.
Влијание на медикаменти: Постоперативната терапија често вклучува употреба на антиинфламаторни и антибиотски капки, кои можат да содржат конзерванси што предизвикуваат иритација.

Воспаление: Самата операција предизвикува воспалителен одговор кој може да го наруши балансот на солзниот филм.

Ризик-фактори за суво око

Постојат бројни ризик-фактори кои можат да ја зголемат веројатноста за негово појавување, особено после хируршки интервенции:
Возраст: Постарите пациенти имаат зголемен ризик поради природното намалување на продукцијата на солзи.
Пол: Жените, особено после менопауза, се повеќе подложни на суво око поради хормоналните промени.
Претходно постоечко суво око: Пациентите кои веќе страдаат од синдромот на суво око се изложени на поголем ризик.
Системски заболувања: Состојби како што се дијабетес, ревматоиден артритис и синдром на Сјогрен значително го зголемуваат ризикот.
Употреба на контактни леќи: Долготрајната употреба на контактни леќи може да ја наруши функцијата на солзниот филм.
Изложеност на екрани и клима уреди: Долготрајната изложеност на дигитални уреди или престој во суви простории го намалува трепкањето и го суши окото.
Неразјаснети очни воспаленија или алергии: Присуството на овие состојби може да ја влоши ситуацијата.

Симптоми на суво око по операција

Пациентите кои страдаат од суво око често се жалат на следните симптоми:

• Чувство на печење, пецкање или чешање
• Чувство на туѓо тело или песок во окото
• Заматен или променлив вид
• Прекумерно солзење како реакција на иритација
• Црвенило и чувствителност на светлина

Дијагностика на суво око

Точната дијагноза на суво око е клучна за успешен третман. За таа цел, офталмолозите користат различни дијагностички тестови:
Тест за време на евапорација на солзниот филм (TBUT): Го мери времето на стабилност на солзниот филм по едно трепкање.
Тест за осмоларност на солзите: Го мери нивото на солите во солзите. Поголема осмоларност укажува на суво око.
Ширмеров тест: Го мери количеството на солзи произведени за одреден период.
Боење со флуоресцеин или лисаминово зелено: Овозможува визуализација на оштетувањето на корнеалната површина.

Како се третира сувото око?

Третманот на суво око е мултидимензионален и се заснова на сериозноста на симптомите и причините.

1. Вештачки солзи: Првична линија на третман, особено капки без конзерванси.
2. Лекови за воспаление: Кортикостероиди или имуносупресивни капки (како циклоспорин) за контролирање на воспалението.
3. Третман на меибомиските жлезди: Топли облоги и масажа на капаците за подобрување на липидниот слој на солзниот филм.
4. Омега-3 суплементи: Истражувањата покажуваат дека редовната употреба на Омега-3 може да ја подобри стабилноста на солзниот филм.
5. Закрепнување на солзниот канал: Во посериозни случаи, може да се препорачува затворање на солзните канали за да се задржат солзите подолго на површината на окото.

Превенција и одржување

Превентивните мерки играат клучна улога во минимизирањето на ризикот од суво око. Неколку едноставни совети можат да направат голема разлика:
Избегнување суви простории и директно изложување на клима уреди.
Редовно трепкање за време на работа со компјутер или други дигитални уреди.
Пиење доволно течности за хидратација.
Редовни посети на офталмолог за рана дијагноза и следење.

Заклучок

Сувото око е честа и непријатна состојба што може да се појави по операција на катаракта. Сепак, со правилна дијагностика и третман, симптомите можат успешно да се контролираат, а пациентите да уживаат во придобивките од подобрениот вид. Консултирајте се со вашиот офталмолог за да го најдете најсоодветниот план за третман и одржување на здравјето на вашите очи.
Со над 24.000 операции на катаракта се вбројува во еден од најуспешните очни хирурзи во државата.

The post Суво око по операција на катаракта – симптоми, причини и третман appeared first on Аптеки PlusPharma.

Покрај ди Каприо, во филмот настапуваат Шон Пен, Бенисио дел Торо и Чејс Инфинити. Сцените се исполнети со акција, напнатост и длабоки човечки дилеми, а музиката на Џони Гринвуд додава дополнителна емотивна димензија. Филмот ветува незаборавно патување низ предавство, искупување и семејна љубов.

The post Што во слободно време? Погледнете филм, One Battle After Another appeared first on Аптеки PlusPharma.

The post Просо appeared first on Аптеки PlusPharma.

Што е фенг шуи?

Фенг шуи во превод значи „патот на ветерот и водата“ и потекнува од таоизмот – кинеска филозофија стара околу 2 000 години. Основната идеја е дека сè во универзумот поседува енергија и дека нашата околина влијае врз нашите емоции, мисли, постапки, па дури и врз здравјето, односите и успехот.

Според оваа древна практика, фенг шуи помага да се усогласи енергијата (чи) во просторот.

Фенг шуи се заснова и на рамнотежата меѓу спротивставените, но комплементарни сили јин и јанг – како што се светло и темно, меко и тврдо, топло и ладно. Покрај тоа, се зема предвид и балансот меѓу 5-те елементи: вода, дрво, оган, земја и метал, кои се претставени преку боите, формите и материјалите во домот.

Минимални фенг шуи преуредувања

Внесете хармонија и позитивна енергија со неколку едноставни промени:

1. Според фенг шуи, многу е важно како е распоредена главната покуќнина во однос на вратите и прозорците – местата каде што влегува и излегува чи. На пример, кога седите на софата, лежите во кревет или работите на биро, идеално е да сте најоддалечени од вратата, но со јасен поглед кон неа. Најдобра позиција е дијагонално спроти вратата, со цврст ѕид зад грбот. Ако тоа не е можно, барем осигурајте се дека вратата не е директно зад вас. Оваа поставеност ве става во контрола на просторот и енергијата околу вас.

2. Фенг шуи подразбира чистота и ред! Нередот го блокира протокот на енергија, што може да влијае негативно врз расположението и концентрацијата. Особено внимание посветете на просторите што често ги занемаруваме, како под кревет – таму, задржаната енергија може да влијае и на сонот.

3. Што ве чека штом влезете дома? Расфрлани чевли, купови јакни и хаос? Во фенг шуи, влезот е порталот на енергијата – ако е затрупан, позитивната чи нема каде да помине. Исчистете го, организирајте го и украсете го претсобјето со саксиско растение или уметничко дело. Проверете дали вратата се отвора лесно и широко.

4. Прозорците се очите на домот. Ако се валкани, енергијата и сончевата светлината не можат целосно да влезат. Отворајте ги прозорците најмалку 10 минути дневно за да овозможите движење на воздухот и да ја отстраните застоената енергија.

5. Енергијата „чи“ тече само кога патот ѝ е слободен. Прошетајте низ домот и забележете каде се судрувате со мебел или можеби прескокнувате кабли или непотребни работи. Ако некој предмет постојано ве нервира, преместете го или ослободете се од него. Помалку мебел во мала просторија може да направи чудо за енергијата. Користете заоблени рабови кога е можно, бидејќи тие симболизираат нежност и проток, за разлика од острите агли што сечат енергија.

6. Природата е најголемиот извор на позитивна енергија. Во фенг шуи, зелените, здрави растенија со меки, тркалезни листови претставуваат виталност и раст. Избегнувајте кактуси и растенија со остри лисја, кои симболизираат остра енергија (ша чи).

7. Секој тон има своја вибрација. Во фенг шуи, зелената означува обновување и свежина, кафената стабилност и грижа, а белата чистота. Светлите бои поттикнуваат јанг енергија (активност, движење), додека пастелните нијанси носат јин (мир и хармонија). Користете потемни бои долу (на под или мебел) за стабилност и посветли горе (ѕидови и тавани) за отвореност и рамнотежа.

The post Создадете посреќен дом преку 7 фeнг шуи правила appeared first on Аптеки PlusPharma.

• 75 г путер
• 1 кромид, ситно сечкан на листови
• 150 г шампињони, ситно сечкани
• 2 лажици доматно пире
• 1½ лажичка Дижон сенф
• ½ лажичка лута димена пиперка
• 110 мл говедски бујон
• 500 г бифтек, сечкан на ленти
• сол и свежо мелен црн пипер
• 150 мл коњак
• 200 мл кисела павлака
• 2 лажици свеж магдонос

Подготовка:

Загрејте ја тавата на силен оган и додајте половина од путерот. Кога ќе почне да се топи и да пени, додајте го кромидот и пржете 2-3 мин. за да омекне. Додајте ги печурките и гответе уште 1-2 мин. Додајте ги доматното пире, сенфот и димената пиперка и гответе уште 1 мин. Истурете го говедскиот бујон и оставете да зоврие, па намалете ја температурата и динстајте 3-4 мин. Зачинете со сол и свежо мелен црн пипер.

Во посебна тава, стопете го преостанатиот путер. Штом почне да пени, додајте го месото и пржете 2-3 мин. за да потемни од двете страни. Сипете го коњакот и внимателно оставете да се запали во тавата (ВАЖНО: проверете да не случајно има запалливи материјали над тавата). Во мешавината со кромид и печурки додајте ја киселата павлака и убаво измешајте. Штом стивнат пламените, додајте го месото во мешавината со печурки и кисела павлака и гответе уште 1 минута. Одново зачинете со сол и црн пипер и додајте магдонос. Во прилог на бифтекот послужете рестуван компир.

The post Строганов бифтек appeared first on Аптеки PlusPharma.

Град на пет божиќни базари

Она што го прави Колмар посебен е фактот дека во декември низ градот има дури 5 различни божиќни базари, секој со своја приказна и атмосфера:

• Place des Dominicains – со рачно изработени украси и уникатни подароци.
• Place Jeanne d’Arc – каде што ќе ги најдете традиционалните производи од Елзас: сирења, колбаси, мед и вино.
• Place de l’Ancienne Douane – најпознатиот базар, сместен покрај каналите, каде што мириса на цимет и топло вино.
• Малиот базар кај Детскиот музеј на играчки – совршен за семејства со деца.
• Artisanat d’Art – базар посветен на уметноста и ракотворбите, каде што може да се видат мајстори на дело.

Прошетката низ базарите е вистинско патување низ вкусови и мириси: печени костени, ситни колачиња со бадеми и цимет, греано вино од Елзас кое ќе ве стопли во студените вечери.

Што да се види и доживее?

Покрај базарите, Колмар има и бројни знаменитости кои во зима добиваат уште посебен шарм:

• Мала Венеција (La Petite Venise) – кварт со шарени куќички и канали, совршен за фотографии.
• Музејот Унтерлинден – каде што се чува познатата уметничка ризница Изенхајмскиот олтар, ремек-дело на германскиот уметник Матијас Гриневалд.
• Црквата „Свети Мартин“ – готска катедрала со впечатлива архитектура.
• Божиќното осветлување низ градот – секоја вечер Колмар блеска со стотици светилки и декорации кои создаваат магична атмосфера.

Клима и атмосфера

Во овој период, температурите во Колмар се движат меѓу 0° и 7°C, што значи дека треба да понесете топла јакна, шал и ракавици. Снегот не е секогаш загарантиран, но свежиот зимски воздух и празничната декорација ќе направат да се чувствувате како во зимска бајка.

Како да стигнете од Скопје до Колмар?

Најпрактично е да се патува со авион од Скопје до Базел (Швајцарија). Од Базел до Колмар има околу 70 километри и се стигнува за еден час патување со воз или со автомобил. Друга опција е лет до Стразбур, па потоа возење од околу 45 минути.

The post Колмар – Шаренолико гратче со мирис на вино и цимет appeared first on Аптеки PlusPharma.

Главниот лик, Дон Фабрицио Корбера ди Салина, е горд аристократ кој гледа како неговиот свет се менува со доаѓањето на италијанското обединување. Ова е серија за љубителите на историски приказни, за сите оние кои сакаат да видат како љубовта, моќта и амбицијата се преплетуваат во време на големи промени.

The post Што во слободно време? The Leopard, ТВ-серија appeared first on Аптеки PlusPharma.

Ретинол или ретинал – иако се разликуваат само по една буква, станува збор за комплетно различни, но подеднакво ефикасни состојки за кожа. Поради својот уникатен молекуларен состав, ретинолот и ретиналот различно реагираат на кожата.

Кој да го одберете?

Одлуката најлесно ќе ја донесете откако ќе ги проучите нивните разлики. Затоа, фаќајте прибелешки, бидејќи оваа статија ќе ви донесе јасна слика што точно можат да ви понудат овие моќни состојки за нега на кожа.

Која е разликата меѓу ретинол и ретинал?

И ретинолот и ретиналот се форми на витамин А, кој пак се користи за намалување на фините линии, брчките и за третман на акни. Разликата меѓу ретинолот и ретиналот се сведува на тоа како кожата ги претвора овие две во ретиноична киселина – активната форма што ја користат клетките на кожата.

• Ретинол: ретинол – ретинал – ретиноична киселина (две фази на претворање)
• Ретинал: ретинал – ретиноична киселина (една фаза на претворање)

Ова е суштинска разлика, бидејќи ретиналот е помалку разреден и поефикасен од ретинолот. Со други зборови, ретиналот овозможува побрзи резултати, додека ретинолот делува побавно и поблаго.

Јачина и ефикасност

Најчесто поставувано прашање: Дали ретиналот е посилен од ретинолот? Одговорот е: ДА! Бидејќи ретиналот е само на еден чекор од ретиноична киселина, неговото дејство е побрзо и поефикасно.

Ретиналот е одличен избор за оние што сакаат побрзи резултати при третирање на акните или знаците на стареење. Но, токму поради својата моќност, ретиналот може да предизвика иритација, особено кај чувствителната кожа.

Затоа, изборот меѓу ретинал и ретинол треба да зависи од вашата толеранција и искуство со агресивни активни состојки од овој тип.

Текстура и формулација

Разликата меѓу ретиналот и ретинолот се забележува и во текстурата на производите. Ретиналот е многу нестабилен и поради тоа е тешко да се спакува во готов производ за употреба. Најчесто се наоѓа во премиум производи, обично спакувани во безвоздушни амбалажи за да се зачува неговата ефикасност.
Ретинолот е постабилен и подостапен, што го прави најдобар избор за почетници. Поквалитетните серуми на база на ретинол често користат капсулиран ретинол за поблагo и постепено ослободување.

Бенефити: што може да очекувате?

И покрај разликите, ретинолот и ретиналот нудат импресивни придобивки:

• Ги намалуваат фините линии, со тоа што ретиналот дава побрзи резултати.
• Ја ублажуваат хиперпигментацијата.
• Ја зголемуваат продукцијата на колаген.
• Ги третираат акните, со тоа што ретиналот има посилно антибактериско дејство.

Затоа, изборот не е „кое е подобро“, туку „кое е подобро за вас“?

Толеранција на кожата: ретинал vs. ретинол

Кај чувствителна кожа, ретинолот е генерално поподнослив поради побавното апсорбирање и понежното дејство. Ретиналот, иако е многу ефикасен, може побрзо да предизвика лупење или сувост, особено ако се користи без постепено навикнување.

За да го избегнете тоа, почнете со ретинол двапати неделно и набљудувајте ја реакцијата на кожата пред да почнете почесто да го нанесувате.
Дерматолозите препорачуваат постепено да се премине од 2–3 пати неделно кон секојдневна употреба.

Што да изберете?

• Изберете ретинол ако сте почетник или ако имате чувствителна кожа.
• Изберете ретинал ако сакате побрзи резултати и ако вашата кожа поднесува посилни активни состојки, или ако сте имале позитивно искуство со употреба на ретинол.

Разликата меѓу ретинолот и ретиналот не е само теоретска – таа е важна за здравјето и за изгледот на вашата кожа на долг рок.

Сѐ е во персонализацијата

Што е разликата меѓу ретинолот и ретиналот? Најкусо кажано: јачина, ефикасност и брзина на конверзија.
И двете состојки се научно потврдени и многу ефикасни, но најдобриот избор зависи од вашиот тип на кожа, целите и преференциите. Ако штотуку започнувате со ретиноиди, ретинолот е најдобар избор. Ако барате клинички докажани резултати со помалку чекори, ретиналот може да биде вашиот нов најдобар сојузник.
Конзистентноста е клучна. Ретиноидите не делуваат преку ноќ, но со вистинскиот избор ќе се разбудите со помазна, почиста и посјајна кожа.

Предупредување

Не користете ги заедно! Како што прочитавте, и двете состојки се претвораат во ист активен облик (ретиноична киселина), па комбинацијата само ќе го зголеми ризикот од иритација без да донесе дополнителни бенефити за кожата.

The post Ретинол vs. Ретинал appeared first on Аптеки PlusPharma.

Во потрага по поздрава храна и намалување на шеќерот, многумина се свртуваат кон вештачките засладувачи. Тие ветуваат сладок вкус без калории, но дали навистина се толку безопасни колку што изгледаат? Истражувањата откриваат дека одговорот не е толку едноставен.

Што се вештачки засладувачи?

Вештачките засладувачи се хемиски соединенија што се користат за засладување на храна и пијалаци, кои речиси и да немаат никаква нутритивна вредност. Иако имаат сличен вкус на шеќер, тие се многупати послатки, па потребната количина е толку мала што практично не обезбедува калории.

Како функционираат засладувачите?

Нашиот јазик е покриен со бројни вкусни папили кои содржат рецептори за различни вкусови. Кога некоја молекула совршено се вклопува во рецептор, таа испраќа сигнал до мозокот кој го препознава вкусот. На пример, молекулите на шеќер се врзуваат за рецепторот за слатко, дозволувајќи му на мозокот да го идентификува тој вкус.

Молекулите на вештачките засладувачи се доволно слични на оние на шеќерот за да бидат препознаени од рецепторите за слатко, но во повеќето случаи се премногу различни за телото да може да ги разгради. Поради тоа, овие засладувачи создаваат сладок вкус, без дополнителни калории.

Постои мал број засладувачи кои телото може делумно да ги разгради во калории, но бидејќи се користат во многу мали количини, тие практично не додаваат калории.
Некои од најчестите одобрени вештачки засладувачи се: ацесулфам-К, аспартам, сахарин, сукралоза и сорбитол.

Вештачките засладувачи се разликуваат од нутритивните засладувачи, како што се шеќерните алкохоли (на пример сорбитол), кои додаваат јаглехидрати и калории, но речиси и да не содржат витамини или минерали.

Дали вештачките засладувачи се безбедни?

По правило, сите вештачки засладувачи треба да поминат низ строги безбедносни проверки пред да бидат одобрени за употреба. Законот прецизно ги регулира дозволената количина и видот на производите во кои може да се користат. Затоа, сите одобрени засладувачи се сметаат за безбедна и прифатлива алтернатива на шеќерот.

Сепак, не се погодни за сите. На пример, луѓето со фенилкетонурија (PKU) – ретко наследно нарушување, треба да избегнуваат аспартам, бидејќи тој содржи фенилаланин, аминокиселина што нивниот организам не може да ја метаболизира. Ако некој производ содржи аспартам, тоа мора да биде наведено на декларацијата – со зборот aspartame или со неговиот Е број E951.

Истражувањата за влијанието на вештачките засладувачи врз здравјето даваат мешани резултати, со бројни потенцијални придобивки, но и ризици.

Вештачките засладувачи и апетитот

Податоците за тоа како вештачките засладувачи влијаат на апетитот и тежината се противречни.

Некои студии покажале дека тие можат да го зголемат апетитот и да придонесат за зголемување на телесната тежина. Една од теориите е дека не успеваат да ги активираат патиштата во мозокот одговорни за награда кои создаваат чувство на ситост по јадење.

Исто така, бидејќи имаат сладок вкус, но не содржат калории, тие можат да го збунат мозокот и да предизвикаат продолжено чувство на глад, па дури и желба за шеќер.
Во една студија, луѓето кои пиеле повеќе од 21 диетален пијалак неделно, имале двојно поголема веројатност да се здебелат во споредба со оние што не консумирале такви пијалаци. Интересно е истражувањето спроведено на лабораториски глувци, кое покажало дека повеќето од нив го избирале засладувачот сахарин пред кокаинот – што упатува на потенцијален ризик од зависност.

Од друга страна, други студии откриле дека вештачките засладувачи можат да помогнат во намалување на апетитот и контролата на желбата за храна, особено кога се користат како замена за шеќер. Учесниците во едно истражување изјавиле дека чувствувале помал глад и внесувале помалку калории по замената на засладените производи со диетални.
Врз основа на овие резултати, вештачките засладувачи се поврзуваат со помала телесна тежина, помал процент на масти и потесна половина.

Сепак, изборот на диетални производи нема да доведе до слабеење ако човекот ја компензира разликата со други калорични намирници. А бидејќи секој организам реагира различно, важно е да се пронајде сопствениот баланс.

Вештачките засладувачи и здравјето на цревата

Човечкото црево содржи до 1 000 видови бактерии, познати како цревна микробиота, кои играат клучна улога за варењето и за општото здравје.
Истражувањата покажуваат дека составот на овие бактерии зависи од исхраната – вклучително и од внесот на вештачки засладувачи. Неколку студии укажуваат дека тие можат негативно да влијаат на рамнотежата на корисните бактерии.

Во едно истражување, кај глувци кои консумирале сахарин, се забележале промени во микробиомот и намалување на бројот на добри бактерии. Слични резултати се добиени и за сукралозата. Други студии откриле дека луѓето кои редовно користат вештачки засладувачи имаат поинаков профил на бактерии во цревата од оние што не ги користат.

Сепак, некои истражувања укажуваат дека овие ефекти можеби се јавуваат само кај дел од луѓето, па потребни се дополнителни студии.

Некои истражувања предупредуваат дека одредени нутритивни засладувачи, познати како полиоли (сорбитол, ксилитол, еритритол), можат да имаат лаксативен ефект ако се внесуваат во поголеми количини. Според законот, ако полиолите сочинуваат повеќе од 10 % од некој производ, тоа мора да биде означено на пакувањето.

Вештачките засладувачи и ракот

Според Cancer Research UK, нема убедливи докази дека вештачките засладувачи предизвикуваат рак.

Сепак, некои истражувања укажуваат дека ефектот зависи од количината што се консумира. Прекумерниот внес може да има негативни последици.

Во едно истражување, секојдневната консумација на диетален пијалак била поврзана со 36 % поголем ризик од метаболен синдром – состојба која опфаќа пет ризик-фактори (висок притисок, зголемен холестерол и шеќер во крвта), а која е поврзана со поголем ризик од неколку видови рак.

Вештачките засладувачи и оралното здравје

Диетата богата со шеќер е добро познат ризик-фактор за појава на кариес. Замената на шеќерот со вештачки засладувачи може да има позитивен ефект врз здравјето на забите.
Според Colgate, за разлика од шеќерот, вештачките засладувачи не се кариогени, односно не придонесуваат за развој на кариес. Некои студии дури сугерираат дека можат да помогнат во одржување на рамнотежата на pH вредностите во устата и да го намалат бројот на бактерии што ја напаѓаат глеѓта.

Сепак, диеталните пијалаци содржат и киселини кои можат да ја оштетат глеѓта, па затоа Harvard Medical School советува умереност – замената на шеќерот со вештачки засладувачи не значи дека пијалакот станува здрав.

Вештачките засладувачи и исхраната

Иако можат да помогнат во намалување на внесот на шеќер, прекумерната употреба на засладувачи може да влијае на начинот на кој го доживуваме вкусот.
Бидејќи се екстремно слатки, тие можат да направат природно засладените намирници, како овошјето, да изгледаат помалку привлечни, а зеленчукот дури непријатен за јадење. Ова, пак, може да доведе до намалено внесување на витамини, минерали и растителни влакна кои се клучни за здравјето на срцето и за превенција од дијабетес.

Вештачките засладувачи и дијабетесот

Главната цел на вештачките засладувачи е да го намалат внесот на шеќер, па затоа можат да бидат особено корисни за луѓето со дијабетес – нудејќи сладост без нагли промени во нивото на шеќер во крвта.

Истражувањата покажуваат дека тие не влијаат на нивото на глукоза или инсулин, но умереноста е клучна. Едно истражување открило дека секојдневната консумација на диетални пијалаци е поврзана со 67 % поголем ризик од дијабетес тип 2 во споредба со луѓето кои не ги пијат.

The post Вештачки засладувачи appeared first on Аптеки PlusPharma.

• 1 лажица маслиново масло
• 1 кромид, покрупно сечкан
• 2 големи моркови, излупени и покрупно сечкани
• 4 см свеж корен од ѓумбир, ситно сечкан
• 1 чешне лук, згмечено
• ½ лажичка лут црвен пипер (крупно мелен) или сечкано чили пиперче
• 700 г сладок компир, излупен, сечкан на коцки
• 1,2 литри зеленчукова супа (бујон)
• сол и свежо мелен црн пипер

Подготовка:

Загрејте го маслиновото масло во големо тенџере со капак на средна температура. Додајте ги кромидот и морковите и гответе додека омекнат. Потоа, додајте ги ѓумбирот, лукот, лутиот пипер и пржете 2-3 минути за да пуштат мирис. На крај, додајте ги слаткиот компир и зеленчуковиот бујон. Зголемете ја температурата и оставете ја чорбата да зоврие. Намалете на тивок оган, ставете капак и варете 15 минути или додека се свари слаткиот компир. Тргнете го тенџерето од оган и изблендирајте ја чорбата со рачен блендер за да добиете кремаста текстура. Зачинете по вкус, а за декорација прелијте малку кокосово млеко или павлака во секоја порција. Дополнително, озгора наросете свежо сечкан коријандер, неколку зрна ким и чили снегулки – претходно пропржени во неколку капки масло.

The post Чорба од сладок компир appeared first on Аптеки PlusPharma.

Но, што ако ви кажеме дека студената водата мие сè? Не само нечистотиите од телото, туку и лошите мисли и заробените емоции?

Температурата на водата игра голема улога за тоа колку навистина тушот ќе ви помогне да се расоните, да ги поттикнете метаболизмот и циркулацијата.
Информирајте се за придобивките и ризиците од ладните и топлите тушеви пред да одлучите што е најдобро за вас.

Придобивки од ладниот туш

Го подобрува протокот на крв

Ненадејното изложување на ладна вода го шокира телото, кое веднаш се обидува да ја одржи својата основна температура. Крвните садови на површината на кожата се стеснуваат за да го намалат губењето топлина, со што се зголемува протокот на крв кон внатрешните органи. Редовното изложување на ладна вода се смета за еден вид вежба за кардиоваскуларниот систем и се користи во одредени форми на хидротерапија за подобрување на циркулацијата.

Го забрзува метаболизмот

Бидејќи телото троши повеќе енергија за да се загрее, ладните тушеви привремено го зголемуваат метаболизмот. Освен што ја зголемува циркулацијата, организмот согорува дополнителни калории за да создаде топлина.

Ако се обидувате да ослабете, оваа мала калориска потрошувачка може да биде добредојдена – иако ладните тушеви сами по себе не се доволни како метод за слабеење.
Ги намалува воспалението и болката во мускулите

Ладниот туш по вежбање не само што помага да се оладите, туку може да ги намали воспалението и болката во мускулите. Стеснувањето на крвните садови го намалува отокот и го забрзува процесот на заздравување на микропукнатините што природно се создаваат во мускулите за време на физичка активност.

Ве разбудува

Изложувањето на ладна вода наутро може да биде ефикасен начин за брзо будење на телото и умот. Ако не сте утрински тип и ако ви треба време додека кафето почне да делува, студениот туш може да биде вистински енергетски поттик за почеток на денот.

Контроверзни тврдења за ладните тушеви

Интернетот изобилува со статии за чудесните ефекти на ладните тушеви, но не сите се поткрепени со наука.

Дали ладните тушеви го зголемуваат лачењето на ендорфини?

Често се спомнува дека ладните тушеви го подобруваат расположението преку зголемување на ендорфинот – хормон на среќата. Иако постои ограничена научна поддршка за ова, повеќето извори се повикуваат на мала студија од 2008 година, во која се истражувало дали ладните тушеви можат да помогнат при депресија.

Резултатите биле недоволни, бидејќи бројот на учесници бил мал, а ниту еден од нив немал дијагностицирана депресија. Истражувачите сами заклучиле дека се потребни пошироки и подетални студии за потврда на хипотезата – кои сè уште не се направени.

Дали ладните тушеви го зајакнуваат имунитетот?

Во овој случај, доказите се посилни. Едно истражување со над 3 000 учесници во период од 90 дена открило дека оние што редовно се туширале со ладна вода имале помалку отсуства од работа поради болест. Сепак, истражувачите не ги измериле биолошките промени во организмот, па не е јасно зошто токму дошло до тој ефект. Можно е ладните тушеви да влијаат позитивно на имунитетот, но ваквите тврдења сепак треба да се земаат со доза претпазливост.

Ризици од ладен туш!

Иако има многу придобивки, ладните тушеви не се препорачуваат за секого.

Ако имате срцеви заболувања или какво било нарушување на циркулацијата, шокот што го предизвикува студената вода може да биде ризичен. Телото реагира со забрзано чукање на срцето и покачен притисок – што може да биде опасно за лица со кардиоваскуларни проблеми, бидејќи може да предизвика аритмија.

Како да започнете со ладни тушеви?

Ако сакате да ја воведете оваа навика, не мора веднаш да се нурнете во мраз ладна вода. Можете постепено да го намалувате степенот на топлина при крајот на вашиот вообичаен туш и секој ден да останувате под ладната вода неколку секунди подолго.

Со тек на време, телото ќе се навикне и ќе можете да издржите цел туш со ладна вода – или едноставно да ја задржите навиката да завршувате со краток ладен млаз, што исто така носи здравствени придобивки.

Придобивки од топлиот туш

И топлите тушеви имаат свои предности, затоа погрешно е верувањето дека ладниот туш е подобар за секого.
Топлата пареа може да помогне во расчистување на дишните патишта и синусите од слуз, што носи олеснување при настинки и грип.
Покрај тоа, топлата вода ги отвора порите и помага да се отстрани нечистотијата од кожата, особено кога е комбинирана со соодветна нега.
Топлите тушеви исто така го релаксираат мускулниот тонус и го намалуваат стресот, па се добар избор по напорен ден или пред спиење.

Ризици од топли тушеви

Пречестото туширање со жешка вода може да ја оштети природната заштитна бариера на кожата – тенкиот слој себум што ја задржува влагата. Ова доведува до сушење и иритација, што е особено проблематично кај лица со егзема или чувствителна кожа.

Дополнително, топлата вода може да го зголеми крвниот притисок, па не се препорачува за луѓе со хипертензија или срцеви заболувања.

ПРЕСУДА

Дали да се охрабрите со ладен туш или да останете верни на топлата вода? Како и кај многу други здравствени прашања, одговорот зависи од вашите лични потреби.
И ладните и топлите тушеви имаат свои предности и мали ризици, па најдобро е да ја направите одлуката според тоа што сакате да постигнете.
Ако ви е тешко да се разбудите наутро или ако сакате да ја подобрите циркулацијата, пробајте со ладен туш.
Ако, пак, сакате вечерен ритуал што ќе ви помогне да се опуштите и подобро да заспиете, топлиот туш ќе ви биде подобар сојузник.
Или уште подобро, комбинирајте два во еден, стартувајте со топол туш, а завршете со ладен.

The post Ладен или топол, кој туш е подобар за здравјето? appeared first on Аптеки PlusPharma.

Што се вежби со низок интензитет?

Накратко, тоа се активности при кои секогаш едното стапало останува на земја. Бидејќи не вклучуваат трчање или скокање, притисокот врз зглобовите и коските е значително помал.

Кои се придобивките од вежбите со низок интензитет?

Помал стрес врз зглобовите

Вежбите со висок интензитет, како трчање, скокање или тенис, можат да предизвикаат или да ја влошат болката во зглобовите – особено кај колената, колковите и потколениците.
Вежбите со низок интензитет го намалуваат притисокот врз телото и го намалуваат ризикот од повреди.

Го подобруваат здравјето на зглобовите и на коските

Истражувањата покажуваат дека редовното вежбање ги подобрува функцијата и флексибилноста на зглобовите, спречува вкочанетост, ја зголемува густината на коските и ги зајакнува мускулите. Поради тоа, ваквиот тип вежби често се препорачува како превенција и третман кај состојби како артритис и остеопороза.

Подеднакво корисни како и вежбите со висок интензитет

Иако често се мисли дека само интензивните тренинзи носат резултати, научните докази покажуваат дека секоја форма на движење е корисна.
Вежбите со низок интензитет ги нудат истите здравствени придобивки – подобра работа на срцето и на мозокот, намалена анксиозност и депресија, како и поддршка во процесот на слабеење.

Полесно се одржуваат на долг рок

Бидејќи овие тренинзи не ја исцрпуваат телесната енергија, за многумина се полесни за редовно практикување.

Предлог вежби со низок интензитет

Јога – Во зависност од стилот и темпото, јогата може да го забрза пулсот без да создава оптоварување на зглобовите. Дури и поинтензивните стилови јога спаѓаат во вежби со низок интензитет. Јогата не само што го намалува ризикот од повреди, туку помага и при хронични болки. Студиите покажуваат дека јогата ги олеснува симптомите кај фибромијалгија и може да го забави напредувањето на ревматоиден артритис. Дополнителните придобивки вклучуваат намалување на крвниот притисок и шеќерот во крвта, зголемена сила и флексибилност, намален стрес и подобро расположение.

Степ аеробик – Оваа активност подразбира качување и симнување од мала платформа – наизменично со едната, па со другата нога. Степ аеробикот ги подобрува работата на срцето, координацијата, рамнотежата и силата на нозете и на трупот. Посебно се препорачува за лица со остеопороза или остеопенија, бидејќи помага во зајакнување на коските. За дополнителна стабилност, држете се за ѕид како потпора, а избегнувајте скокање. Сѐ што ви треба е ниска скала или степ платформа.

Танцување – Танцувањето е одличен начин да се ослободите од стресот и истовремено да вежбате. Истражувањата покажуваат дека 30 минути танц можат да согорат меѓу 200 и 400 калории – приближно колку и трчањето или возењето велосипед. Сепак, не сите танци се со низок интензитет. Побавните стилови, како валцер, румба или ваш слободен стил според можностите, се најсоодветни, бидејќи се нежни за зглобовите.

Таи Чи – Иако е боречка вештина, Таи Чи е позната како исклучително нежна форма на вежбање. Се состои од бавни, контролирани движења комбинирани со длабоко дишење. Таи Чи вежбите се погодни за лица со болки или повреди на зглобовите и дури можат да помогнат во нивното подобрување. Истражувањата покажуваат дека редовното практикување ги зголемува подвижноста и рамнотежата.

Вежби со тежина – Вежбите за зајакнување на мускулите стануваат сè попопуларни, а кога се изведуваат со умерена тежина, спаѓаат во категории со низок интензитет. Овие тренинзи го зголемуваат мускулниот тонус, ја спречуваат загубата на коскена маса и го намалуваат ризикот од падови. Можете да ги изведувате само со сопствената тежина, додека понапредните вежбачи може да користат лесни тегови, кетлбели или ластици за отпор.

Пилатес – Пилатес е вежба која го активира целото тело, со фокус на држењето, флексибилноста и јакнењето на мускулите на трупот. Поради бавните и контролирани движења, оваа техника е погодна за сите возрасти и нивоа на физичка подготвеност. Често се препорачува за болки во грбот, повреди од повторливи движења или хроничен стрес. Истражувањата покажуваат дека редовното практикување пилатес ги подобрува стабилноста, рамнотежата и подвижноста.

The post Вежби со низок интензитет за дома appeared first on Аптеки PlusPharma.

Интересно е тоа што калинката е основен дел од исхраната во сувите региони на Иран, Индија, Турција и Египет, каде се смета за суперплод. Технички, калинката припаѓа на семејството бобинки, а секој плод содржи над 600 семки со освежувачки сладок, но истовремено киселкаст вкус.

Зад убавиот изглед на овие сочни зрна се крие вистинска нутритивна моќ што треба да ја искористите.

Нутритивен приказ

Овој зимски плод изобилува со полифеноли – моќни антиоксиданти што ги штитат клетките од слободните радикали, односно од воспаленија, стареење и одредени видови рак.
Калинката содржи повеќе антиоксиданти дури и од зелениот чај!

Покрај тоа, калинката е и одличен извор на калиум – важен електролит за правилна мускулна функција.

Еве како изгледа нутритивниот состав на една чаша семки од калинка:

• Калории: 144
• Масти: 2 г
• Заситени масти: 0,2 г
• Јаглехидрати: 33 г
• Натриум: 5 мг
• Шеќери: 24 г
• Влакна: 7 г
• Протеини: 3 г

Ако шеќерот ви падна во очи, да, калинката содржи доста повеќе во однос на други плодови. Но, затоа изобилува со растителни влакна кои водат до подобра регулација на шеќерот во крвта.

Здравствените придобивки од калинката се навистина сериозни!

1. Го поддржува здравјето на срцето

Калинката навистина придонесува за здрава циркулација. Истражувањата покажуваат дека секојдневното консумирање сок од калинка може да го намали крвниот притисок, да го спушти лошиот (LDL) холестерол и да го подобри протокот на крв. Полифенолите, танините и антоцијанините, сите присутни во калинката, заедно придонесуваат за подобро здравје на срцето.

2. Го поттикнува функционирањето на мозокот

Калинката нема да ви подари фотографска меморија, но може да ја подобри вашата концентрација. Истражувањата сугерираат дека редовната консумација може да ја подобри краткотрајната когнитивна функција, особено кај средовечни и повозрасни лица. Сето ова повторно се должи на антиоксидантите, кои ги штитат мозочните клетки од оштетување.

3. Помага при болки во зглобовите

Антивоспалителните својства на калинката можат да помогнат при артритис или воспалени зглобови. Иако се потребни дополнителни истражувања, досегашните резултати се ветувачки.

4. Добра е и за дигестија

Половина чаша семки од калинка содржи околу 4 грама влакна – доволно за да ви помогне редовно да ги празните цревата. Сокот од калинка, пак, може да ја намали воспаленоста во цревата, велат студиите. Чај од сува кора од калинка е познат и признат лек за дијареа.

Сепак, не претерувајте со количината!

Иако калинката звучи како совршена намирница, не треба да се јаде во неограничени количини. Содржи природни шеќери, па лицата со дијабетес треба внимателно да го мерат внесот. Исто така, ако пиете лекови за холестерол или притисок, задолжително консултирајте се со лекар, бидејќи калинката може да влијае на апсорпцијата на одредени лекарства, слично како грејпфрутот.

Калинката и слабеењето?

Калинката може да биде дел од планот за слабеење – половина чаша има помалку од 100 калории и доста влакна што заситуваат. Истражувања покажуваат дека лицата кои редовно јадат овошје (три порции дневно) губат повеќе килограми отколку оние што јадат помалку.

Сокот од калинка е подеднакво здрав избор

Ако не сакате семки, сокот од калинка е одлична алтернатива. Има висока концентрација на витамини Ц и К и антиоксиданти – но, само свежо цедениот. Сепак, целото овошје има предност поради влакната кои го стабилизираат нивото на шеќер.

Идеи за уживање во калинката

Семките од калинка се повеќе од декорација – тие се вистински гастрономски бисер.

• Додајте ги во смути наместо бобинки.
• Измешајте ги во салати за боја и свежина.
• Посипете ги врз јогурт или овесна каша.
• Или украсете со нив празнични коктели и безалкохолни пијалаци.

The post Калинка – Нутритивна граната против сезонски вируси appeared first on Аптеки PlusPharma.

Но, кога Супермен се вмешува во меѓународен конфликт предизвикан од технолошкиот милијардер Лекс Лутор (го толкува Николас Хулт), светот започнува да се сомнева во неговите искрени намери.

The post Што во слободно време? Погледнете филм, Superman appeared first on Аптеки PlusPharma.

Таа е лицето што многумина го поврзуваат со првото утринско кафе и со позитивниот старт на денот. Веќе шеснаесет години, Милена Антовска-Станковска со насмевка и искреност ја буди својата публика од екранот на „Канал 5“ телевизија.

Но, зад камерите стои жена со длабоки вредности, јасни ставови и топло срце – сопруга, мајка и професионалец што знае дека животот не секогаш е совршен, но секогаш вреден за љубов.

Во разговор исполнет со искреност и човечност, Милена зборува за своите почетоци, за предизвиците на јавната работа, за љубовта и семејните ритуали, но и за моментите кога ѝ треба тишина и сонце за да си ја наполни душата.

Пред да застанете пред камерите, какви беа вашите први професионални соништа – дали отсекогаш сонувавте за телевизијата или животот ве одведе таму по случајност?

Уште од мала сакав луѓе пред мене, публика. Уживав на сите приредби, сакав да пеам, да играм… Телевизијата како љубов ми се појави во студентските денови кога студирав новинарство и знаев и сакав да бидам дел од тој свет.

Како се промени вашата улога како водителка на утринска емисија низ годините – што ве научи оваа работа за луѓето, а што за самите себе?

Многу убаво прашање и баш ме натеравте да размислам, затоа што во прашање се 16 години пред камера. Оваа работа ме научи дека луѓето сакаат да бидат слушнати, сакаат да допрат до тие што се на власт за да се реши некој нивни проблем. Бараат некое прибежиште кај нас, што во секој случај значи дека нè сакаат и нè чувствуваат блиски. Што научив за самата себе? Научив дека сум навистина посветена, организирана, исполнителна и професионална во работата, но она што ми е многу драго е што останав своја на своето, научив да се поврзам со гости и гледачи без разлика кои се и што работат. И научив дека и кога не ми е сè како што треба, имам сила да издржам сè и да го издржам денот како што треба.

Утринските емисии бараат постојана свежина и ведрина. Како успевате секој ден да внесете нова енергија и искреност, дури и кога денот не ви започнува идеално?

Па како што кажав погоре, идеални денови нема кај никој од нас. Некогаш не си физички добар, психички, децата се разболеле и слично… Јас сум најнормален човек како и сите останати и имам предизвици како сите други. Но, она што е карактеристично за мојата професија е тоа што гледачот сака да види убав, насмеан и ведар лик рано наутро и не му е многу гајле дали јас сум се успала или нешто друго се случило. И тоа е во ред и сосема го разбирам. Со тек на време сè се учи и успеваш да се издигнеш над секоја ситуација.

Има ли гостин или тема во вашата емисија што ве допрела на неочекуван начин – разговор што го паметите и кој ве променил како личност?

Има, секако, има многу. Секој гостин со своите ставови те учи на нешто, нешто позитивно, нешто негативно. Не знам дали би можела да одвојам некој затоа што навистина ги има многу, од познати јавни личности до луѓе кои не се толку познати на јавноста, но многу вредат и се богатство да ги имаш во животот. Јас се воодушевувам на креативни луѓе кои се реални, искрени и директни или ајде да речам уметнички души, и сите други кои се заљубени во тоа што го работат. Сите тие што имаат вакви карактеристики, допреле до мене на одреден начин и малку ме промениле.

Како се справувате со јавниот притисок и очекувањата – кога луѓето ве гледаат секојдневно, а сепак не ве познаваат целосно?

Па, сега веќе не се ни справувам, бидејќи многу ми е надминато ова прашање. На секој убав, позитивен коментар секако дека се радувам, негативните со навреди не ни допираат до мене, а оние кои се со негативна критика, ама издржана, ги читам и размислувам дали можеби навистина некаде сум погрешила, па да се поправам.

Што би ѝ порачале на младата жена што денес сака да влезе во медиумите – од што треба да се чува, а што да следи по секоја цена?

Би ѝ порачала ако е тоа нејзиниот сон да си го следи. Важно е да биде своја, да се почитува себеси и своите ставови. Да се чува од лоши и лицемерни луѓе и да си ја чува приватноста колку може повеќе. По секоја цена да следи сè што ја прави среќна, но со тоа да не повреди никој и да не прави никому лошо.

Кога некој ве гледа на екранот, што би сакале да почувствува – сила, спокој, блискост, или нешто сосема друго?

Сакам да ја почувствува убавата енергија и искреноста од моја страна.

Познато е дека вашиот сопруг, Гордан, ви е најголема поддршка. Како ја одржувате рамнотежата меѓу вашата јавна работа и приватниот семеен живот?

Сè е договор. Ако зборуваме за семејни моменти, во јавност пласирам сè што е во ред со него за да биде објавено, посебно кога се вклучени децата. Во однос на сè друго поврзано со работата си е моја одлука. Со разбирање и со добра организација може да се успее во сè.

Кои се вашите мали, семејни ритуали – нешта што ги чувате само за себе, без оглед на обврските и динамиката на секојдневието?

Па бидејќи пред нас е предновогодишен период, би рекла дека во ноември и декември сакаме заедно да гледаме божиќни и новогодишни филмови и цртани.

Имате две ќерки. Каква мајка сакате тие да паметат – строга, нежна или само вистинска?

Сакам да ме паметат каква што сум, бидејќи сум и нежна и строга и ги галам и бакнувам, но и ги карам. Јас, пак ќе кажам, сум најнормална жена и мајка која не е идеална, но се трудам да бидам најдобра мајка што можам. Сакам и во иднина да бидам првата кон која ќе истрчаат да ѝ кажат и убава вест, но и кога нешто ќе ги растажи. Јас и мојата прегратка да им бидеме најсигурното место во светот.

Што најмногу ве изненадува во нивниот свет и што тие ве научија за љубовта и за трпението?

Секојдневно ме изненадува нивната остроумност, бидејќи денешните деца се навистина нешто посебно. За љубов ме учат секојдневно и таа љубов расте, а за трпение богами многу ме учат, да се живи и здрави само.

Денес, повеќе од кога било, се зборува за прифаќање на телото. Дали и вам ви требаше време за да се помирите со некои свои „несовршености“?

Искрено, јас секогаш сум била ОК со моите несовршености, не сум имала комплекси. Имав мака да прифатам некои работи после породувањата, посебно после второто со царски рез, но полека се трудам да си го вратам телото во посакуваната форма.

Каде ја гледате границата меѓу професионалниот изглед и вашиот личен стил – колку од Милена што ја гледаме на екранот е иста со Милена што ја гледаме надвор од студио?

Па, неретко се случува и надвор од студио да ме видат луѓето каква што сум во утринска програма, но исто така многу често знам да бидам во едно поинакво лежерно и спортско издание и без шминка.

Ако би можеле да ѝ шепнете нешто на Милена од минатото, што би било тоа – „биди храбра“, „не брзај“, „смеј се почесто“… или?

Не нервирај се за сè и не обрнувај внимание на некој што не заслужува. Чувај си го здравјето.

Кога би можеле за еден ден да не бидете ниту водителка, ниту мајка, ниту сопруга – туку само Милена – како би го поминале тој ден?

Зависи од годишното време, но дефинитивно би била Милена што цел ден лежи на плажа и ушива во морето и во сонцето.

Кога душата ви е уморна, што е вашиот личен лек – тишина, прошетка, книга, разговор…?

Многу често лежам сама во тишина. Тоа многу ми помага. Сакам да читам, но во последно време и добар филм знае да ме опушти.

The post Милена Антовска-Станковска appeared first on Аптеки PlusPharma.

Плодовите содржат лимонова и јаболкова киселина, амилопектин, флавоноиди, корисни масла и витамин Ц. Исто така, содржат и витамин Б6, како и железо, калиум и влакна. Од семките на маракујата се добива масло кое содржи линолна киселина, олеинска киселина и палмитинска киселина. Наоѓа различни примени во производството на козметиката и во исхраната.

Јужно американските Индијанци добро ја познавале маракујата како лековита билка, па често се употребувала во бразилската народна медицина.

The post Маракуја appeared first on Аптеки PlusPharma.

Овен (21.3-19.4)

Не треба да ја манифестирате високи амбиции во сé што работите, бидејќи со такво однесување нема да постигнете мир и опуштеност. Ви се препорачува да не ја трошите енергијата на лица и настани што нé гарантираат успех и полека, но сигурно да се насочите кон целта. Најважно е желбите да ги приспособите на реалните животни околности.

Бик (20.4-20.5)

Ќе имате одлична можност за надминување на состојбите што не ви дозволуваат напредување. Затоа, направете нешто добро за себе и насочете се кон тоа што ве привлекува, бидејќи само така ќе ја постигнете долгоочекуваната трансформација. Работете на подобрување на состојбата во љубовта и дејствувајте решително во миговите кога постојат можности за успех.

Близнаци (21.5-20.6)

Наместо да реагирате темпераментно и суетно на провокациите, смирете ја енергијата и насочете се кон конструктивните цели на животот. Клучно е да не се преоптоварувате на психофизички план. Ориентирајте се кон лица и настани што ќе ви донесат мотивација и реализација на вашите потенцијали.

Рак (21.6-22.7)

Време е да ги научите лекциите од минатото и да ги реализираете сопствените вредности. Најважно е надворешните влијанија да не ви предизвикаат пасивност, страв и несигурност. Ви се препорачува да не бегате од промените што ветуваат позитивни перспективи, туку храбро да се соочите со предизвикот.

Лав (23.7-22.8)

Не треба да се оптоварувате на психофизички план, бидејќи поседувате високи квалитети кои неминовно ќе излезат на површина. Верувајте во среќната ѕвезда и тргнете храбро кон тоа што ве привлекува. Постојат добри предуслови за постигнување на хармонијата, за успех во работата и за напредок и визија во љубовта.

Девица (23.8-22.9)

Искористете го влијанието на ѕвездите и направете план за воспоставување на новата визија. Ограничувањата ќе ви бидат предизвикани од лицата кои ќе му завидуваат на вашиот успех. Ви се препорачува да си го гледате сопствениот пат и со мудар пристап да ги прифатите предизвиците, зашто среќата не се добива на тацна, туку таа се заслужува.

Вага (23.9-22.10)

Расположението ќе ви се подобри бидејќи конечно почнавте да верувате во сопствените вредности. Миговите на целосното задоволство ќе ви ја поттикнат заводливоста и храброста, тоа ветува авантура и голем предизвик во доменот на љубовта. Излегувајте, забавувајте се и барем за момент заборавете на обврските и проблемите што во последно време ги имате во секојдневито.

Скорпија (23.10-21.11)

Насочете се кон јавноста, размислувајте за промена на состојбата во љубовта и пронајдете време за реализирање на професионалните желби. Поставеноста на ѕвездите треба да ви донесе високо ниво на енергија и способност за ставање крај на негативните искушенија. Затоа, не треба да покажувате страв од предизвици, туку спротивставете им се состојбите што ви го стопираат напредувањето.

Стрелец (22.10-21.11)

Колку и да ви се загубени можностите за воспоставување коренити промени, сепак ѕвездите ќе ви помогнат да ги препознаете ограничувањата и да иницирате успех кон тоа што ве привлекува. Затоа, не оставајте ништо на случајот, добро подгответе се и разберете дека ретко некој ќе ви помогне, ако самите на себе не си помогнете.

Јарец (22.12-19.1)

Подобрете го односот со саканото лице, зашто ако и понатаму ги развивате тврдоглавоста и отуѓеноста, тогаш не очекувајте напредок и хармонија. Ѕвездите ве советуваат да ги преземете работите во своите раце и да покажете добронамерност во соработката. Најважно е постепено да се извлечете од кризата и ослободите од притисокот.

Водолија (20.1-18.2)

Без оглед што ќе се соочите со напнатости и ограничувачки околности, перспективите за реализирање на желбите ќе ви бидат присутни. Зголемениот оптимизам и желбата за воспоставување нова визија во животот, ќе ви помогнат на реален начин да ги согледате перспективите во кариерата и да ги подобрите односите со другите.

Риби (19.2-20.3)

Подложноста на туѓите влијанија ви создаде неизвесност и емоционални оптоварувања, поради што песимизмот целосно ја зафати вашата личност. Ѕвездите ве советуваат, наместо да се затворате длабоко во себе, многу подобро е да развивате оптимизам и да ги препознаете позитивните можности што наскоро ќе ви се појават во животот.

д-р Зоран Крстевски
едукатор, мотиватор и тренер за личен развој

The post Месечен хороскоп ноември-декември 2025 appeared first on Аптеки PlusPharma.

Серијата ги следи сложените односи помеѓу мајката и прерано созреаната ќерка, адолесцентските предизвици, љубовта, пријателството и семејните драми, сето тоа во динамичен спој на трилер, комедија и емоционална драма.

The post Што во слободно време? Ginny and Georgia, ТВ-серија appeared first on Аптеки PlusPharma.

• 500 г печена тиква
• 1 големо кисело јаболко (Грени Смит)
• 1 кромид
• 1 чешне лук
• 500 мл бујон од зеленчук
• 50 мл грчки јогурт
• 1 лажица путер
• сол, црн пипер, мускатно оревче
• една рака печени лешници

Подготовка:

Ситно исечкајте ги кромидот и лукот и пропржете ги на путер. Додајте ги печената ткива и излупеното, исечкано јаболко и нив кратко пропржете ги. Налејте го бујонoт и варете го зеленчукот дваесетина минути. Пасирајте го со виљушка или блендер за да постигнете кремаста текстура. Зачинете со сол, црн пипер и мускатно оревче по вкус. Сервирајте со топка грчки јогурт на средина и наросете со крцкави печени лешници.

The post Крем супа од тиква со јаболко и крцкави лешници appeared first on Аптеки PlusPharma.

Само една порција може да обезбеди повеќе од 100 % од препорачаната дневна доза витамин А. Покрај тоа, бататот е добар извор на витамин Ц, манган, калиум и растителни влакна кои помагаат за подобра дигестија и за одржување на стабилен шеќер во крвта, бидејќи имаат низок гликемиски индекс. Тоа го прави одличен избор за луѓето што сакаат да ја контролираат телесната тежина или нивото на шеќер. Уште една предност е тоа што слаткиот компир може да се подготви на многу начини – може да се пече, да се вари, да се пече на скара или да се користи за супи, пире или салата.

The post Батат appeared first on Аптеки PlusPharma.

Нутриционистите велат дека спиењето на празен стомак не само што може да го намали квалитетот на сонот, туку влијае и на енергетските нивоа кои се неопходни за новиот ден.
Помудра одлука е внимателно да одберете што ќе јадете доцна навечер, отколку да не јадете воопшто а сте гладни.

Некои намирници го креваат шеќерот во крвта и ве држат будни, додека други го поттикнуваат сонот и го снабдуваат телото со хранливи материи. Ви ги претставуваме овие вторите преку 25 ужини – одлични опции за доцна навечер и вистински спасители од погрешни избори на храна што ќе ви донесат плус килограми.

Пуканки без масло

Домашно подготвени без никакви адитиви и путер. Полни се со растителни влакна и триптофан – аминокиселина што го поттикнува серотонинот.

Печен зеленчук

Грав, грашок или боранија – зачинете ги, распоредете ги на хартија и печете ги. Крцкава солена ужина што наликува на чипс, но со повеќе растителни влакна и протеини кои заситуваат.

Грчки јогурт со овошје и гранола

Здрав десерт со протеини, калциум и пробиотици. Изберете продукт без додаден шеќер и додаjте боровница и гранола.

Туна и краставица

Лесна, освежувачка ужина полна со витамин Д, омега-3, витамин Б12 и триптофан.

Сушени алги

Лесна грицка полна со јод, цинк и витамин К.

Јаболко со цимет

Класична комбинација за блага ужина со доpoлнителни антиоксиданти благодарение на циметот.

Ф’стаци

Богати со мелатонин, магнезиум и здрави масти. Одлични за да го повикаат сонот на очи.

Замрзнати цреши

Освежителни, богати со мелатонин и магнезиум.

Бадеми обложени со темна чоколада

Слатка и заситувачка опција што поттикнува сон.

Сендвич со путер од кикирики и џем

Целозрнест леб со путер и џем – вкусен, заситува и поттикнува серотонин.

Житарици со млеко

Класика што содржи сложени јаглехидрати и триптофан.

Целер со путер од јатки

Изненадувачки вкусна комбинација! Земете стапче целер и нанесете путер од кикирики, лешник или бадем. Ако не ви е вкусно, заменете го целерот со јаболко.

Варени јајца

Содржат многу протеини и се суперпогодни за брза ужина.

Ореви и вишни

Комбинација богата со мелатонин, триптофан и магнезиум – поттикнува добар сон.

Вкусен микс

Измешајте пуканки, сушено овошје, јатки и темна чоколада. Заситува и е супер за стомакот.

Семки од тиква

Богати со магнезиум – минерал што опушта и смирува.

Урми полнети со путер од јатки

Влакна, калиум и антиоксиданти. За екстра уживање, прелијте ги со темно чоколадо и замрзнете ги.

Авокадо со интегрални крекери

Здрави масти и растителни влакна – сè што ви треба за мирен сон.

Смокви и сирење

Слатко и кремасто, а богато со магнезиум и калциум. Пробајте со фета сирење и додајте мед за подобар вкус.

Урда и ананас

Благо и заситувачко, богато со триптофан, калциум и витамин Ц.

Овесна каша со путер од кикирики

Комплексни јаглехидрати и магнезиум за длабок сон. Додајте банана и цимет за уште поголем ефект.

Хумус со зеленчук

Шарени стапчиња од моркови и пиперки со хумус, богати со влакна и со протеини.

Банана со чоколадно млеко без лактоза

Одлична комбинација за љубителите на благо што поттикнува релаксација и сон.

Црна чоколада

Кога немате време за ништо повеќе, грицнете темна чоколада – богат извор на антиоксиданти, магнезиум и триптофан.

Смути од банана и јогурт

Замрзната банана, грчки јогурт, малку вода или млеко и мед – кремасто, хранливо и смирувачко.

The post 25 здрави ужини што ќе ве заситат appeared first on Аптеки PlusPharma.

Етиопатогенеза

Покрај интраназалните анатомски промени како што се девијација на носниот септум, хроничен синузит може да предизвикаат и многу други заболувања од хронична, воспалителна, алергиска, трауматска или неопластична примена. Вообичаениот патоген механизам е попречената вентилација на остеомеаталната единица како последица на стеноза или опструкција на оваа регија. Со тоа се спречува дренажата на синусниот систем, особено на соседнитее максиларни синуси и предни етмоидални ќелии. ,,Остеомеаталната единица” ја означува областа на латералниот носен ѕид каде што се отвараат отворите на параназалните синуси (со исклучок на сфеноидалниот синус) во облик на канал во носната празнина. Дури и најмалите промени ( на пример, анатомски варијации, едем на мукозата) можат да ја попречат вентилацијата во оваа регија, што доведува до патолошки промени во параназалните синуси.

Етиологија

Хроничниот синузитис, состојба која трае 12 недели или повеќе, може да биде предизвикана од различни фактори, вклучувајќи инфекции, алергии и структурни проблеми во носот.

Симптоми

Клиничката слика на синузитот се карактеризира со симптоми на акутен ринитис во комбинација со различен степен на главоболка која се засилува при наведнување на главата.Карактерот на болката варира и може да се движи од чуство на притисок, до перзистентни или рекурентни главоболки.

Многу пациенти исто така се жалат и на присуство на назофарингеална секреција (постназална секреција), а некои се жалат и на отежнато дишење на нос. Вообичаено болката е најинтензивна во пределот на зафатениите синуси.

• Болката кај максиларниот синузит е најинтензивна во пределот на максиларниот синус и соседната средна третина на лицето и слепоочниците.
• Болката кај етмоидалниот синузит е најинтензивна во пределот на коренот на носот и на внатрешниот дел на окото.
• Болката кај фронталниот синузит, во пределот на предниот ѕид и на подот на фронталниот синус, со болка која ирадира кон внатрешниот дел од окото.
• Болката кај сфеноидалниот синузитис е прилично неспецифична и е изразена како тап, болен и тегобен притисок лоциран во центарот на черепот, кој иридира кон тилот.

Дијагноза

• Се воспоставува врз база на клинички наоди.
• Риноскопија или ендоскопија на носот.
• Тестови за снимање : КТ или МРИ и РТГ.
• Некогаш можат да се направат и дополнителни испитување како што се: биопсија на синуси, назална цитологија, тестови за имунодефицитарност, цистична фиброза и сл.
• Тест за алергија

Терапија

Терапијата кај синузитот се состои од примарна цел дренирање на синусните празнини. Тоа може да се прави со: хирушки третман (пункција на синуси), и медикаментозен третман. Медикаментозниот третман се состои од:

1. Симптоматски

• Орални алфа-адренергични вазоконстриктори (pseudoefedrine и phenylephrine) 10-14 дена
• Локални вазоконстриктори (пр. oxymetazoline hydrochloride) 3 до 5 дена.

2. Емпириски

Антибиотски третман се вклучува при сомнение за бактериска синусна инфекција и трае 14 дена.

Антибиотици од прва линија се:

• Амоксицилин
• Кларитромицин
• Азитромицин

Антибиотици од втора линија се:

• Амоксицилин-клавулонска киселина
• Втора или трета генерација на цефалоспорини
• Флуорокинолони
• Клиндамицин

Како супортивна терапија на горенаведената може да се вклучи:

• Инхалации на пареа од камилица или жалфија
• терапија со топлина и топли облоги (Кварцна ламба, инфрацрвено светло)
• Прекин на пушењето.

Конвенционалните терапевтски модалитети, вклучително антимикробни агенси, гликокортикоиди и деконгестанти, често се ограничени од несакани ефекти и субоптимална ефикасност.

Во овој контекст, Serrapeptase (Serratiopeptidase), протеолитички ензим деривиран од бактеријата Serratia marcescens, се истакнува како ветувачка алтернатива. Овој ензим, со децении употребуван во Азија и Европа, нуди мултифакторско дејство: антиинфламаторно, мукорегулаторно и фибринолитичко, што го позиционира како идеален додаток за оптимизација на респираторното здравје.

Серапептазе е изолиран од микроорганизми кои се автохтони во дигестивниот систем на свилените буби и ензимот има многу силно дејство на разлагање на протеини. Всушност, овие микроорганизми го продуцираат овој ензим со кој се разградува листот на дудинка со која ларвите се хранат и потоа тие можат да ја изградат чаурата на свилената буба. Изолацијата на овој ензим била во 60-тите години на минатиот век се применува како анти-инфламаторно и анти-едематозно, како и аналгетско средство, ширум светот како средство- додаток при клиничката рехабилитација на пациентите.

Серапептазата функционира преку хидролиза на протеински депозити, мртви ткива и фибрин, со што се намалува воспалението и се олеснува елиминацијата на патолошки акумулации. Во контекстот на хроничен синузит, нејзините клучни терапевтски придобивки вклучуваат:

– Модулација на вискозноста на мукусот: Ензимот ја разградува густата мукузна секреција во синусите, промовирајќи подобрена дренажа и редукција на интрасинусниот притисок. Ова резултира со значително олеснување на назалниот проток и минимизација на конгестијата, овозможувајќи брзо враќање на нормалното дишење.

– Потентно антиинфламаторно дејство: Преку инхибиција на инфламаторни медијатори, серапептазата нуди ефекти слични на нестероидните антиинфламаторни лекови (НСАИЛ), но со супериорен профил на безбедност и помалку адверзни реакции. Ова доведува до редукција на едемот, болката и хиперемијата во синусните шуплини, подобрувајќи го квалитетот на животот на пациентите.

– Брзо симптоматско олеснување и превенција на компликации: Клинички студии индицираат дека серапептазата може да ги намали болката, назалните секрети и обструкцијата во рок од 3-4 дена.

Дополнително, нејзиното антибиофилмско дејство спречува формирање на бактериски колонии, што е критична етиолошка компонента во хроничните инфекции, со што се намалува ризикот од рецидиви и се промовира долгорочна респираторно благосостојба.

Емпириските докази за ефикасноста на серапептазата се базираат на ригорозни клинички истражувања, кои ја потврдуваат нејзината улога како високо-ефективен терапевтски агенс. Клучни публикации вклучуваат:

– Истражувањето на Nakamura et al. (2003) кај пациенти со хронични респираторни заболувања покажа намалување на волуменот на спутумот, вискозноста и неутрофилната инфилтрација по 4-неделна терапија, со импликации за слични бенефиции во синузитот поради заедничките патофизиолошки механизми

– Систематскиот преглед од Bhagat et al. (2013) анализира 17 клинички студии, потврдувајќи го антиинфламаторното, антиедематозното и фибринолитичкото дејство на серапептазата, со особени апликации во респираторните состојби како синузит

Овој преглед ја нагласува нејзината супериорност како безбедна алтернатива на конвенционалните лекови.

– Современ преглед од 2020 година ја потврдува ефикасноста на серапептазата во респираторното здравје, вклучително синузит, преку редукција на мукусот и воспалението, позиционирајќи ја како премиум опција за природна терапија,

Серапептазата е безбедна за краткотрајна употреба и нуди предност пред синтетичките лекови поради нејзиното природно потекло и намален ризик од интеракции, со минимални несакани ефекти како гастроинтестинални нарушувања или алергиски реакции.

Заклучок

Serrapeptase се етаблира како револуционерен, научно поддржан додаток кој нуди супериорно управување со хроничен синузит, комбинирајќи ефикасност, безбедност и природни бенефиции. Со нејзиното интегрирање во терапевтскиот режим, пациентите можат да очекуваат брзо олеснување и подобрен квалитет на живот. Пред употреба – консултирајте се со здравствен професионалец за персонализирана апликација и започнете го патот кон оптимално респираторно здравје.

The post Престојна сезона на настинки – дали Serrapeptase може да помогне кај хроничен синузит? appeared first on Аптеки PlusPharma.

Богата е со витамин Ц, витамин A и цинк, кои се есенцијални за силен имунолошки систем, особено во сезоната на настинки и грип. Влакната, калиумот и антиоксидантите во броколата го намалуваат нивото на лош холестерол и го штитат срцето. Благодарение на високата содржина на растителни влакна, броколата го одржува дигестивниот систем здрав и активен. Со висока содржина на витамин K и калциум, броколата придонесува за здрава коскена маса. Содржи дури и лутеин и зеаксантин –антиоксиданти што ги штитат очите од оштетување и го намалуваат ризикот од макуларна дегенерација.

The post Брокола appeared first on Аптеки PlusPharma.

Но, кога нова закана му се заканува на градот, ќе мора да одлучат: Да останат добри или повторно да станат лоши за да го спасат светот? The Bad Guys е брз, духовит и визуелно спектакуларен филм за пријателството, промената и тоа дека понекогаш, за да направиш добро, мораш малку да згрешиш.

The post Што во слободно време? Погледнете анимиран филм, The Bad Guys 2 appeared first on Аптеки PlusPharma.

Со години наназад, лекарите укажуваат на важноста од физичка активност во текот на денот. Не случајно, бидејќи бројни студии покажале дека долготрајното седење го зголемува ризикот од сериозни здравствени состојби, меѓу кои и кардиоваскуларни болести и дијабетес тип 2.

Но, идејата дека секојдневно мора да одвојувате време за прошетки што траат по еден час може да делува обесхрабрувачки. Кога уморот ќе надвладее, а обврските ќе останат незавршени, сигурно ви е тешко да го напуштите домот толку долго.

Сепак, нова студија покажува дека не мора да се посветите на долги прошетки за да ги почувствувате придобивките: доволни се и кратките или таканаречени микро пешачења.
Ова е клучниот заклучок од истражување објавено во списанието Proceedings of the Royal Society B, каде што се наведува дека микро пешачењата можеби се дури и подобри за здравјето од подолгите.

Што се микро пешачења?

Во рамките на ова истражување, под „микро пешачење“ се подразбира движење како пешачење или качување по скали, во траење од 10 до 30 секунди, со паузи помеѓу интервалите.

Дали се тие навистина покорисни за здравјето?

Доброволците во студијата, пешачеле на лента за трчање или се качувале по кратки скали во различни временски периоди – од десет секунди до четири минути. Учесниците носеле маски што ја мереле потрошувачката на кислород, што пак овозможува пресметување на потрошувачката на енергија и на калории.
Истражувачите откриле дека оние што се движеле во кратки интервали трошеле до 60 % повеќе енергија отколку оние што правеле подолги прошетки, и покрај тоа што ја минувале истата вкупна дистанца.

Со други зборови, кратките интервали може да го забрзаат метаболизмот и да помогнат во согорување на повеќе калории отколку едно долго, бавно движење.
Алберт Матени, лиценциран нутриционист и фитнес експерт, вели дека ова има смисла: „Општо земено, подобро е да се движите во текот на целиот ден отколку само еднаш дневно.“ „Тоа е добро за циркулацијата, менталното здравје и варењето на храната.“

Дополнително, кога се движите во пократки интервали, темпото ви е побрзо, за разлика од подолгите, поспори прошетки.

Колку чекори дневно се препорачани?

Околу ова прашање постојат различни мислења. Честопати се зборува за 10.000 чекори дневно како идеал, но некои истражувања покажуваат дека 7.500 чекори може да бидат доволни – сè зависи од индивидуата.

Доколку веќе сте физички активни, целта од 10.000 чекори е одлична. Но, ако сѐ уште не сте навикнати на пешачење или ако немате многу можности за движење во текот на денот, тогаш и 7.500 чекори може да бидат разумна цел.

„Најважно е да направите онолку колку што можете“, вели Матени. „Ако не сте љубител на долги прошетки и на самата идеја помислувате: ’Не ми се оди пеш 5 километри‘, тогаш едноставно правете интервали од по 30 секунди. Тоа е попрактично и поприфатливо за повеќето луѓе.“

Како да согорите плус калории при пешачењето?

Движете се доволно брзо за зборувањето да ви стане тешко

Кога пешачите со темпо при кое едвај можете да зборувате без да земете здив, ќе согорите повеќе калории и ќе ја зголемите издржливоста на белите дробови.

Комбинирајте интервали од побавно и побрзо темпо

Наизменично менување на побрзо и побавно темпо може да помогне да согорите до 20 % повеќе калории отколку да се движите со постојано темпо.

Пешачете на празен стомак или веднаш по оброк

Пешачењето на празен стомак може да ја поттикне согорувачката машинерија на телото, додека кратко пешачење по оброк помага во подобра контрола на шеќерот во крвта. Практикувајте ги и едното и другото.

Почнете со лесно загревање и завршете со растегнување

Подгответе ги мускулите со 5-10 минути бавно одење пред засилениот дел на пешачењето. На крај, забавете го темпото и пак одете бавно 5‑10 минути. Истегнете се за да го намалите ризикот од повреди.

The post Кратка прошетка appeared first on Аптеки PlusPharma.

• 1 пакување лиснато тесто
• 2 зрели круши
• 100 г сирење горгонѕола
• 2 лажици мед
• неколку ореви
• 1 жолчка од јајце (за премачкување)
• свеж рузмарин

Подготовка:

Загрејте ја рерната на 200 степени. Откако тестото убаво ќе се одмрзне, расукајте го на плех. Излупете ги крушите, исечете ги на тенки кришки и распределете ги на тестото. Озгора, расфрлете ги парчињата горгонѕола. Пропрскајте со мед и наросете со покрупно сечкани ореви и свеж рузмарин. Ако повеќе сакате традиционален вкус, зачинете со цимет наместо со рузмарин. Преклопете ги рабовите од тестото навнатре и премачкајте ги со жолчка. Печете околу 2 минути, неопходно е тестото убаво да порумени.

The post Тарт со круши и горгонѕола appeared first on Аптеки PlusPharma.

Сетете се на момент кога сте сфатиле дека размислувате за светот на ист начин како некој што ви е близок. Можеби сте споделиле интимна шега со пријател или сте реагирале на некоја вест и веднаш сте знаеле дека вашиот партнер би имал исто мислење.

Ваквото доживување, психолозите го нарекуваат заедничка реалност – нешто што може да се искуси и во долгорочни односи и во кратки интеракции со непознати луѓе. Истражувањата покажуваат дека чувството на заедничка реалност, односно гледањето на светот на ист начин како некој друг, носи придобивки како чувство на блискост. А кога се обидуваме да разбереме нешто нејасно, чувствуваме поголема сигурност во нашата интерпретација ако соговорникот го гледа тоа исто како нас.

Нов сет студии открива уште една корист: Споделувањето заедничка реалност со романтичниот партнер им помага на луѓето подобро да го разберат светот, а со тоа и да чувствуваат поголема смисла за животот. Според трудот објавен во Journal of Personality and Social Psychology, ова дури може да нè одржи и во периоди на стрес и на неизвесност.

Ми значиш, ти значам

Истражувачите побарале од учесници во врски да пополнат прашалници за квалитетот на нивната врска, чувството на смисла во животот и заедничката реалност со партнерот, мерени преку изјави како: „Обично ги споделуваме истите мисли и чувства за….“.

Кај 96 парови, истражувачите ја анализирале и нивна интеракција додека едниот партнер зборува за својот најголем страв. Видеата од интеракцијата биле анализирани за да се утврди колку заедничка реалност покажуваат, на пример: колку често се согласуваат, си ги довршуваат речениците, како и колку љубов и наклонетост искажуваат еден кон друг.
Откритието? Паровите со посилна заедничка реалност, и според прашалниците и според однесувањето, пријавиле поголемо чувство на смисла во животот. Но, да разграничиме, споделената реалност не е мерило за тоа колку партнерите се задоволни од својата врска.

Иако задоволството во врската има одредено влијание, врската меѓу однесувањата поврзани со заедничката реалност и смислата во животот постои и откако ќе се исклучи факторот љубов и наклонетост. Со други зборови, да го прифатите начинот на кој вашиот партнер ја доживува реалноста, покажувајќи дека го гледате светот како него, носи многу подлабоки придобивки отколку само покажување грижа.

Како заедничката реалност помага во време на стрес? Во две последователни студии, истражувачите ги проучувале: здравствените работници во раната фаза на пандемијата КОВИД-19 и Афроамериканците по убиството на Џорџ Флојд.

Анкетата во која биле вклучени 190 Афроамериканци, пролетта и летото 2021, покажала дека партнерите кои споделуваат посилна заедничка реалност исто така пријавуваат поголема смисла во животот. Истите тие партнери чувствувале помала неизвесност околу моменталната ситуација.

Во студија со над 100 здравствени работници во 2020, истражувачите откриле дека заедничката реалност не водела до директно чувство на поголема смисла за работата, но ја намалувала неизвесноста за истата. Токму таа намалена неизвесност, пак, ги поттикнувала овие луѓе да ја доживуваат својата работа како поосмислена.

Како да изградите заедничка реалност со партнерот?

Дали моменталните промени во чувството на заедничка реалност даваат слични придобивки?

Истражувачите побарале од 364 учесници да се сетат на времето кога биле синхронизирани со партнерот и кога не биле. Потоа ги прашале колкава неизвесност чувствувале за темата во тој момент, но и колку им се чинел животот исполнет со смисла кога биле на иста страна.

Резултатот? Сеќавањето на период или момент на согласување предизвикувало помала неизвесност. Помалата неизвесност секогаш водела до зголемување на чувството на смисла за животот.

Иако чувството на заедничка реалност само по себе не ја зголемува смислата за животот, индиректно придонесува таа смисла да порасне така што ја намалува неизвесноста.
Сепак, постои потенцијален ризик: ако заедничката реалност е премногу силна, може да ги ограничи новите идеи. Водечката авторка на трудот, Катарина Енестрам, предупредува дека висока заедничка реалност може да ја намали отвореноста за алтернативни перспективи или да ги засили ехо-коморите – состојба којашто се создава под влијание на компјутерски програмирани алгоритми коишто ги одредуваат информациите што ги примаме. Потребни се дополнителни истражувања за да се утврди кога заедничката реалност е навистина корисна, а кога не.

Ако чувствувате како да не сте синхронизирани со партнерот, пробајте го следново:

• Одвојте време за отворена комуникација
• Споделувајте активности (на пример, гответе заедно или спортувајте)
• Размислувајте за заеднички спомени и идни цели

Создавањето заедничка реалност со вашиот партнер не само што ја зголемува блискоста и ја намалува неизвесноста за светот, туку може да ви помогне да го доживеете животот како поисполнет. Сепак, имајте на ум дека она што го одржува односот жив и интересен се различните ставови што треба да се надминат.

The post Дали исто го гледате светот со партнерот? appeared first on Аптеки PlusPharma.

Но, експертите велат дека креатинот може да стори многу повеќе од очекувањата на спортските фанатици. Оваа моќна супстанца, која инаку природно се складира во мускулите и во мозокот и е клучна за создавање клеточна енергија, носи бројни придобивки во области како што се когнитивното здравје, хормоналната рамнотежа и здравото стареење.

Дополнителното внесување креатин може да биде од корист за речиси секого, без разлика на полот. Многу малку луѓе внесуваат доволно креатин помалку од природните извори како што се црвеното месо, рибата и млечните производи, тврди нутриционистката и спортски тренер Дана Вајт од Конектикат, што е уште една причина плус да размислите за суплементација.

Па, дали треба да внесувате креатин, дури и кога немате навика да вежбате? Еве што сè може да направи овој додаток за вашето целокупно здравје.

Придобивки од креатинот за целокупното здравје

Го поддржува здравјето на мозокот

Креатинот може да помогне во функциите кои ги обавува фронталниот кортекс на мозокот, како когницијата, меморијата и вниманието. Исто така, тој го намалува менталниот замор кај здрави возрасни лица изложени на стресен тест за брзо пресметување, покажува едно истражување објавено во Neuroscience & Biobehavioral Review.

Дополнително, комбинацијата од креатин и физичка активност се покажала како ефективна во забавувањето на когнитивниот пад поврзан со стареењето, на сличен начин како што може да помогне во задржување на мускулната маса. Според Националниот институт за здравје, креатинот потенцијално може да биде корисен и при третман на когнитивен пад предизвикан од Алцхајмерова болест, како и при невродегенеративни заболувања како Паркинсонова и Хантингтонова болест.

Може да помогне во одржување на хормоналната рамнотежа

Во текот на менструалниот циклус, хормоните како естрогенот и прогестеронот значително се менуваат, што влијае на природното ниво на креатин во телото – понекогаш предизвикувајќи негово намалување. Дополнувањето со креатин може да помогне да се задржат тие нивоа постабилни низ целиот циклус.

Во постпородилниот период или во менопауза, жените исто така се соочуваат со променети нивоа на креатин под дејство на хормоните. Иако се чини дека суплементацијата може да биде од корист, сепак, потребни се повеќе истражувања во оваа област. Затоа, задолжително консултирајте се со лекар пред да почнете со креатин, особено ако сте бремени или планирате бременост.

Може да го зголеми енергетското ниво

Креатинот го зголемува производството на АТП – главната енергетска компонента која мускулите ја користат при движење. Тоа помага за снабдување со брз енергетски импулс за време на високоинтензивни вежби, како спринтови или кревање тежини, вели Никол Лунд, клинички нутриционист и личен тренер.

Сепак, не е целосно јасно дали оваа придобивка важи и за секојдневни активности како носење намирници од пазар, чистење низ дома, чување деца. Повеќето истражувања се фокусираат на вежбањето само по себе. Сепак, креатинот обезбедува мускулна енергија, а мускулите ги користиме и кога не вежбаме, па веројатно е добро да имате дополнителен извор на располагање.

Се истражува и како можен третман за ментално здравје

Ниските нивоа на креатин во мозокот можат да бидат поврзани со депресивни симптоми, се вели во истражувањето објавено во 2025 година во European Neuropsychopharmacology. Во истражувањето каде што една група добивала креатин заедно со когнитивно-бихејвиорална терапија, а друга добивала плацебо со иста терапија, двете групи покажале подобрување, но групата што земала креатин имала значително поголемо намалување на депресивните симптоми.

Ова подобрување може да се должи на способноста на креатинот да го зголеми енергетскиот метаболизам во мозокот, да ги модулира невротрансмитерите што го регулираат расположението и да делува како невропротективно средство. Истражување од 2024 година покажува дека ефектите се особено изразени кога се комбинира со антидепресиви во период од 2 до 8 недели.

Креатинот е важен за фронталниот кортекс, делот на мозокот поврзан со расположението, па резултатите имаат смисла, но потребни се уште податоци.

Како да внесувате креатин безбедно?

Изберете креатин монохидрат, најистражувана и најчесто препорачана форма. Препорачаната дневна доза за возрасни е од 3 до 5 грама дневно. Креатинот се пие секој ден, без оглед дали сте или не сте спортски активни.

Иако нема цврст заклучок кога е најдобро време за внесување, има некои докази дека е корисно да се зема пред или по вежбање. Може да се раствори во вода, сок или друг пијалак. Ако го внесувате заедно со јаглехидрати, креатинот подолго ќе се задржи во организмот.

The post Дали креатинот е само за спортисти? appeared first on Аптеки PlusPharma.

Никој никогаш не рекол дека слабеењето е лесно, а постојат многу контрадикторни совети околу тоа кој е најефективниот начин да се постигне посакуваната тежина. Сепак, истражувањата генерално покажуваат дека намалувањето на дневното внесување калории и зголеменото внесување протеини е добар пристап.

Едно поново истражување дава конкретни насоки како оваа стратегија може да биде успешна и вклучува уште еден важен нутриент во комбинацијата.

Истражувањето, објавено во списанието Obesity Science and Practice, откри дека внесување одредено количество калории, заедно со соодветни количини протеини и растителни влакна (тип на јаглехидрат кој телото не може да го свари, но кој помага во регулирање на варењето), е најдобрата комбинација за слабеење. Еве што точно покажало истражувањето и зошто оваа комбинација е толку ефикасна.

Што вели последното истражување?

Истражувачите вклучиле 22 лица кои присуствувале на 19 едукативни сесии за исхрана во текот на една година. Тие ги следеле промените во тежината, начинот на исхрана и телесниот состав на учесниците.

Учесниците биле охрабрени да ја следат т.н. индивидуализирана програма за подобрување на исхраната, која користи алатки за визуализација на податоци и едукативни сесии за да им помогне на луѓето да научат повеќе за исхраната и да ослабат.
Во суштина, програмата ги охрабрувала луѓето да го зголемат внесувањето на протеини и на растителни влакна, при што се препорачува вкупното внесување калории дневно да изнесува 1.500 или помалку. Менито на учесниците подразбирало околу 80 грама протеини и 20 грама влакна дневно.

По една година, 41 % од учесниците изгубиле речиси 13 % од својата телесна тежина. Истражувачите заклучиле дека постои силна корелација помеѓу количината на влакна и протеини што учесниците ја внесувале и нивната успешност во слабеењето.

Дали резултатите се значајни?

Иако станува збор за мало истражување, само 22 лица биле вклучени во студијата, резултатите се значајни.
Луѓето кои строго ја следеле исхраната изгубиле речиси 13 % од својата тежина, додека оние кои не ја следеле изгубиле само околу 2 %.
„Учесниците кои успеале да ја променат исхраната според советите, изгубиле тежина, додека оние што не успеале, изгубиле многу помалку“, вели коавторот на студијата д-р Манабу Т. Накамура, професор на Универзитетот во Илиноис.

Џесика Кординг, регистриран нутриционист и автор на книгата The Little Book of Game-Changers, вели дека резултатите не се изненадувачки. „Знаеме дека и протеините и влакната даваат чувство на ситост“, објаснува таа. „Тоа им помага на луѓето да се чувствуваат задоволно додека се во калориски дефицит, што пак овозможува доследност.“
Иако 20 грама влакна се помалку од препорачаните 25+ грама дневно, Кординг посочува дека „тоа сè уште е повеќе отколку што просечен човек внесува дневно“.

Дали ова ќе влијае на моето слабеење?

Треба да влијае! Идејата да се намалат калориите и да се зголемат протеините и влакната не е нова. Но, ова истражување нуди многу конкретни насоки како да се постигне успех.
„Нашата програма не забрануваше конкретни намирници или групи храна“, вели Накамура, додавајќи дека учесниците можеле да јадат сè, сè додека оброкот бил избалансиран. Тој додава дека успехот на програмата лежи во комбинацијата од ограничување на калории, внесување протеини и влакна, и прилагодување на вкусот на луѓето.

Кординг нагласува дека е важно да продолжите да јадете храна што ја сакате додека слабеете. „Понекогаш гледам луѓе кои мислат дека мора да јадат само здрави намирници, без разлика дали им се допаѓаат или не“, вели таа. „Но, полесно е да ги постигнете целите ако навистина уживате во храната што ја јадете.“

Иако се работи за мало истражување, Кординг вели дека резултатите се охрабрувачки. „Студијата е внимателно дизајнирана, резултатите се реални, а успехот би бил само поголем доколку бројката на учесници била поголема“, вели таа.

The post Протеините и растителните влакна водат до слабеење appeared first on Аптеки PlusPharma.

Додека се обидува да ги избалансира своите лични чувства со социјалните очекувања, филмот поставува прашања: Дали љубовта може да опстане во свет воден од материјални вредности? И што навистина значи среќа во едно модерно, урбано општество?

The post Што во слободно време? Погледнете филм Materialists appeared first on Аптеки PlusPharma.

Ако е за лице и е корејско, мора да е добро, зарем не? Жените ширум светот полудеа по корејските производи, бидејќи тие навистина го исполнуваат ветувањето за здраво, свиленкасто лице со стаклест ефект.

Од корејската филозофија за нега произлегуваат бројни техники за хидрација и обнова на кожната бариера што можете да ги примените без разлика дали производите што ги користите се со корејско потекло или не.

Методот за заклучување на влагата во лицето (skin slugging) е техника која промовира нанесување густ слој (најчесто вазелин) како последен чекор во ноќната рутина со цел да се задржи влагата и да се нахрани лицето во студените месеци. Но, за ова ќе зборуваме штом почнеме да носиме капути.
Во овој број, ќе се фокусираме на методот на глазирање на кожата (skin glazing) – понова техника која промовира слоевита хидрација што не ги затнува порите и не му тежи на лицето.

Што подразбира методот на глазирање на кожата?

При овој корејски метод, наместо еден тежок слој, се нанесуваат повеќе лесни, водени производи во слоеви, со цел да се постигне сјајна, хидрирана кожа без чувство на мрснотија.
Треба да барате млечни тонери за лице и водени есенции што ќе можете да ги користите и неколкупати во текот на денот, бидејќи тие се лесни, не ја оптоваруваат кожата и се идеални за комбинирана и масна кожа, која секако може да дехидрира и покрај вишокот себум.

Зошто да го применувате овој метод?

„Во лето, особено кај масната и комбинирана кожа, слоевитото нанесување лесни текстури е одличен начин да се постигне хидрација без чувство на тежина на лицето“, вели д-р Шин-Јонг Чо, корејски дерматолог.

Оваа техника ја следи филозофијата на корејската убавина, но е поедноставена – наместо десет чекори, се користат само неколку лесни производи избрани така што ја хидрираат кожата и ја зајакнуваат кожната бариера.

Млечните тонери, според д-р Чо, играат важна улога во постигнувањето на стаклест, свиленкаст изглед на кожата – токму оној препознатлив финиш на корејската козметика.
Лесните слоеви се идеални за хидрација што дише, особено во потопли месеци или ако кожата е склона кон мастење.

Како се практикува оваа метода?

Глазирањето на кожата не бара сложена рутина – клучот е во редоследот и во лесните текстури.
Пример рутина:

1. Чистење на лицето
2. Мист (спреј) за лице
3. Млечен тонер (за комбинирана/масна кожа) или водена есенција (за многу масна кожа)
4. Крем за очи (по потреба)
5. Хидратантен серум (со ниацинамид, азелаична или салицилна киселина за осветлување и регулирање на себум)
6. СПФ дневна крема или лесен навлажнувач навечер

Како правилно се нанесуваат слоевите?

• Секогаш нанесувајте од најлесен кон најтежок производ.
• Оставете време меѓу слоевите за да се впијат – ако нешто е лепливо или ако се лупи производот од лицето, почекајте пред да го нанесете следниот.
• Избегнувајте премногу активни состојки одеднаш (на пример, ретиноиди и киселини), бидејќи можат да ја иритираат кожата.
• Ако користите водени формули, избегнувајте производи што содржат силикони.
• Нанесувајте мали количини од секој производ – кожата има лимит на тоа колку може да апсорбира.

Постои ли ризик?

Да, ако претерате со бројот на производи или со активните состојки, можете да предизвикате иритација или да ја нарушите кожната бариера. Затоа е важно да ја слушате својата кожа и да ги приспособите чекорите според потребите.

Мини водич: Кои состојки да ги барате кај производите за глазирање?

За полесно снаоѓање при изборот на производи за оваа техника, еве неколку состојки кои се совршени за методата:

• Хијалуронска киселина – врзува вода и длабински хидрира.
• Глицерин – ја задржува влагата во кожата.
• Ниацинамид – балансира себум, ги стеснува порите и го подобрува тенот.
• Пантенол (витамин Б5) – смирува и ја обновува кожната бариера.
• Зелен чај, азиска центела, алое вера – природни состојки за смирување на чувствителна и масна кожa
  Избегнувајте производи со многу алкохол или вештачки мириси, бидејќи тие можат да ја исушат или иритираат кожата, особено ако е осетлива.

The post Глазирана кожа appeared first on Аптеки PlusPharma.

Секојдневно ја игнорираме, а всушност урината е еден од најдобрите показатели за внатрешната состојба на телото. Без скапи прегледи или уреди, нејзиниот изглед, боја и мирис можат да дадат рани сигнали за болести што сè уште немаат симптоми. Не случајно анализата на урина е меѓу најчестите лабораториски испитувања – таа открива многу за функцијата на бубрезите, црниот дроб, метаболизмот, хормоните, па дури и за нивото на хидратација.

Зошто е важна урината?

Бубрезите ја филтрираат крвта и ги отстрануваат отпадните материи, вишокот течности, солите и хемикалиите преку урината. Секое отстапување од нормалниот состав или изглед може да укаже на:

• Проблеми со бубрезите
• Инфекции на уринарниот тракт
• Дехидрација
• Дијабетес
• Хормонски дисбаланс
• Метаболички нарушувања

Бојата на урината – главен индикатор за низа состојби

• Светложолта (провидна) –  Здрав и хидриран организам
• Темножолта/златна – Мала дехидрација – пијте повеќе течности
• Темно килибарна Сериозна дехидрација или проблеми со црниот дроб
• Розова/црвеникава Можна хематурија (крв) – итна лекарска проверка
• Кафеава Болест на црниот дроб или мускулна деградација
• Млечнобела Инфекција, гној, фосфати – може да значи инфекција на уринарниот тракт
• Пенеста Протеини во урината – знак за бубрежна дисфункција

Имајте на ум дека одредена храна (како цвекло или боровинки), витамини или лекови, може привремено да ја променат бојата на урината.

Мирис и фреквенција

• Силен, слаткаст мирис може да биде знак за дијабетес (поради кетони)
• Мирис на амонијак сугерира дехидрација или бактериска инфекција
• Често мокрење ноќе (ноктурија) може да значи дијабетес, зголемена простата или срцева слабост
• Горење при уринирање речиси секогаш укажува на инфекција на уринарниот тракт

Анализата на урина – што покажува?

Обичниот тест на урина испитува:

• Боја и густина
• pH вредност (киселост)
• Протеини – нормално не треба да има
• Глукоза – можен индикатор за дијабетес
• Кетони – знак за глад или дијабетична кетоза
• Леукоцити и нитрити – инфекции
• Еритроцити (крв) – траума, камења, тумори
• Билирубин и уробилиноген – црнодробни нарушувања
  За подлабока анализа, пациентите се упатуваат на микроскопски преглед: клетки, бактерии, кристали (камења), цилиндри (бубрежни оштетувања).

Кога треба да реагирате?

Ако забележите некој од следните симптоми, дури и само еден, направете лабораториска анализа и посетете лекар:
Крв во урината (хематурија)
Може да биде знак за инфекција, камења, циститис или нешто посериозно како тумор.
Пенеста или меурлива урина
Присуство на протеини, што може да укажува на бубрежна дисфункција.
Силен, необичен мирис што трае повеќе од неколку дена
Особено ако е сличен на амонијак, риба или овошје (дијабетес).
Печење, болка или често мокрење
Чест симптом на уринарна инфекција, особено кај жени.
Темна, кафеава или портокалова урина
Може да биде знак за проблем со црниот дроб, дехидрација или мускулно оштетување.

Како да ги чувате урината и бубрезите здрави?

Пијте доволно вода – 1.5 до 2 литри дневно, според потребите.
Ограничете го внесувањето на сол – солта го оптоварува бубрежниот филтер.
Избегнувајте засладени пијалаци – го зголемуваат ризикот од камења.
Бидете физички активни – спортот ги подобрува метаболизмот и функцијата на бубрезите.
Јадете храна богата со антиоксиданти – брокола, боровинки, лубеница.

Совети што секој нефролог ќе ви ги каже!

Не игнорирајте ги симптомите, преку нив телото ви зборува – важно е да го слушнете навреме.
Не лекувајте се сами со аналгетици подолго од 3-5 дена. Лекови како ибупрофен, диклофенак, па дури и некои антибиотици, можат да ја нарушат бубрежната функција при редовна употреба.
Не пијте премногу течности „насила“. Премногу вода, особено кај луѓе со веќе ослабена бубрежна функција, може да предизвика електролитни нарушувања и натриумска интоксикација.
Не користете „детокс“ чаеви и суплементи без совет од лекар. Некои билки (како Aristolochia) се нефротоксични и можат да предизвикаат трајни оштетувања.

Болка што не се заборава: Што значи кога во урината има камен?

Еден од честите проблеми со уринарниот систем, кој често дава знаци преку урината, е камен во бубрегот или медицински познат како нефролитијаза.
Што се бубрежни камења?
Тоа се тврдокорни минерални наслаги што се формираат кога урината е пренатрупана со кристали: калциум, оксалати, фосфати и други материи. Наместо да се излачуваат, тие се таложат и создаваат каменчиња од неколку милиметри до неколку сантиметри.

Како се создаваат?

Најчести причини:

• Недоволно внесување вода
• Прекумерно внесување сол, месо, оксалатни намирници (спанаќ, ореви, чоколада)
• Генетска предиспозиција
• Некои суплементи и лекови (на пример, прекумерно внесување витамин Д, калциум, диуретици)
• Хронични инфекции или болести на бубрезите

Симптоми

Додека каменот мирува, симптоми нема. Но, кога ќе се придвижи, настанува:

• Интензивна болка во половината, што може да оди кон препоните.
• Мачнина и повраќање.
• Крв во урината (хематурија) – урината станува розова, црвена или кафеава.
• Печење при мокрење, често ако има инфекција.
• Блокада на уринарниот тек – итна состојба.

Дијагноза

Уринална анализа – покажува микроскопска крв, кристали, pH вредност
ЕХО (ултразвук) или CT-скен – открива точна локација и големина
Лабораториски тестови – за проценка на калциум, оксалат и други параметри во крв и во урина

The post Што ни кажува урината за здравјето? appeared first on Аптеки PlusPharma.

The post Што во слободно време? The Fantastic Four: First Steps, филм appeared first on Аптеки PlusPharma.

Но, кога ќе започне она непријатно горење во градите, дали навистина домашните лекови можат да помогнат?

Според гастроентерологот д-р Патрик Хајат од Балтимор, тоа се само „бабини деветини“ што може дури и да ја влошат состојбата.
Киселината во желудникот настанува кога желудочната киселина, течност што се создава при варење на храната за да се уништат бактериите, се враќа во хранопроводот, објаснува д-р Хајат.

Често се појавува по консумирање кисела храна, како вино, кафе или лути јадења. Киселините од таа храна се комбинираат со желудочната киселина, создавајќи посилна мешавина што пече кога ќе се искачи во хранопроводот.

Прекумерните колични храна исто така може да предизвикаат киселина, додава тој. Кога стомакот е преполн, содржината на желудникот притиска врз долниот отвор на хранопроводот (езофагеален сфинктер), што може да предизвика протекување на киселината нагоре.

Во овие случаи, внесувањето дополнителна количина храна како леб или млеко, само ќе го зголеми обемот во стомакот и ќе предизвика организмот да произведе уште повеќе желудочна киселина.

Што тогаш навистина помага?

Аптеките се полни со опции, но д-р Хајат вели дека најбрзо олеснување даваат лекови кои блокираат хистамин и што може да се купат без рецепт.

Овие лекови функционираат така што го блокираат хистаминот, хемиска супстанција што го стимулира лачењето желудочна киселина. Тие можат да обезбедат олеснување за 15 до 30 минути.

Ако добро се храните и избегнувате одредени пороци, воопшто нема да се сретнете со овој проблем.

За почеток, обидете се да ги идентификувате вообичаените предизвикувачи. Обрнете особено внимание на тоа како се чувствувате по јадење храна што е лута, мрсна или храна што содржи лук или домати. Напитоците како млеко, кафе, нане, чоколада и газирани пијалаци исто така можат да предизвикаат рефлукс.
Ако сепак одлучите да се почестите со проблематична храна, непосредно по оброкот земете гума за џвакање без вкус на ментол за да не ги влошите симптомите. Гумата за џвакање го стимулира лачењето плунка, која пак ја неутрализира киселината и ја ублажува непријатноста во хранопроводот.

Јадењето доцна навечер исто така може да предизвика киселина, вели гастроентерологот д-р Дејвид Поперс, професор на NYU Langone Medical Center. Тој препорачува да чекате најмалку два часа пред да легнете по јадење. А кога спиете, легнете во поткрената положба, тоа спречува киселината да се искачи во хранопроводот.

Ако имате киселина повеќе од двапати неделно, задолжително консултирајте се со лекар, вели д-р Хајат. Честата појава на киселина може да е симптом за гастроинтестинално заболување, а ако овие заболувања не се третираат навремено, можни се дополнителни здравствени проблеми, како воспаление на езофагусот, Баретово заболување на хранопроводот, па дури и канцер на хранопроводот.

The post Зошто млекото не помага при желудочна киселина? appeared first on Аптеки PlusPharma.

Скопје во лето е тивко и жешко, но за Дани Димитровска тоа е време за креативни размисли, проби со бендот и вечерни прошетки по кејот. Веќе 25 години таа стои на сцената како еден од најпрепознатливите гласови на македонската поп-музика. Во овие две и пол децении Дани се менуваше и растеше – како жена, како уметник и како личност. Денес зборува за себеприфаќањето како најубав дел од зреењето, за тишината како терапија, за мајчинството како животна лекција и за музиката која останува нејзиното најслободно изразување.

Дани, каде сте во моментов? Работите на нова музика, настапувате, паузирате или сте посветени на семејството?

Ме затекнавте дома. Во полупразното Скопје. На сувото, жешко време под клима. Средувам тековни обврски, привршувам заостанати проекти, правам проби со бендот за претстојните настапи… Период на време за себе, за креативни размисли, за вечерни прошетки на кеј.

Поминаа години откако првпат застанавте пред микрофон – како ве променија тие години како жена, уметник и личност?

Поминаа 25 години откако првпат застанав пред микрофон на голема сцена. Менувањето е природен процес. Себеприфаќањето е најубавиот дел од зреењето. А до таму има изоден пат полн со лекции, предизвици, искушенија, спознанија. Се менуваме според тоа што искусуваме, а искусуваме она за што сме предодредени. Благодарна сум за сите падови и подеми, тие ме изградиле. Верувам дека нови искуства чекаат на реализација и фала богу да е така.

Верувате ли дека гласот зрее заедно со душата? Постојат ли песни што денес ги изведувате поинаку, со нова емоција?

Сѐ зрее, сѐ се менува. А песните… ехх, па песните сами по себе се емоција. А јас како непоправлив сензитивец, пренесувам што чувствувам без пардон. Ништо поослободувачко од пеењето. Вистина водена од внатрешната состојба, која многу често е различна. Па така и пеењето е различно. Не постојат погрешни чувства, со тоа ниту погрешни изведби и тоа е една од убавините на оваа професија.

Кога ќе се навратите назад – кој момент од кариерата ви е најдраг, а кој најпредизвикувачки?

Од оваа гледна точка, најсимпатичен период ми е почетокот. Еден тотално наивен влез на „Макфест“ без идеја за каков било план, а камоли цел. Невино трагање по себе, без насока и правец. Од оваа гледна точка, пак, забавен дел од кариерата е изодениот пат во кој се градев себеси како мозаик, составувајќи се дел по дел, милион ситни неправилни форми кои пробувам да ги вклопам во дадените услови, тајминзи, вкусови, рамки, менталитети… години поминати во безброј емотивни состојби пробувајќи секое парченце од мозаикот да е на своето место. Сѐ уште е забавен тој дел од кариерата и не се сите делчиња на предвиденото место. Не е склопен и не е совршен, но е најшарениот и најубавиот мозаик за кој јас знам.

Најпредизвикувачки период е овој кој го живеам денес. Со новите технологии и дефиниции за добра песна.

Дали има моменти кога тишината ви е поважна од музиката?

Да. Ја сакам тишината. Ми делува терапевтски и редовно си ја слушам. Подеднакво ми е важна како и музиката.

Имате ли некаков свој ритуал пред настап? Нешто што ве поврзува со себе пред да излезете на сцена?

Немам ритуали. Излегувам на сцена таква каква што сум во дадениот момент. Таква сум најслободна за поврзување со публиката. Неограничена, несуетна, отворена и со сите сетила наострена. Тогаш сум спремна да предадам сѐ што имам и примам сѐ што заслужувам.

Како изгледа еден ваш обичен ден кога не сте на сцена?

Денот ми го одредува утрото, а утрото мислите. Вообичаено сум домашар. Си ги сакам пижамите, кујната и комјутерот. Кога ми се готви, утрата се осудени на пазарлак. Вечерните часови баш во летниов период се резервирани за долги прошетки. Кога не готвам, пишувам. Кога не пишувам, прередувам плакар кој никогаш не е нареден, а за моите 30 садници цвеќиња имам посебни часови за нега, како би се прчеле меѓусебно на темата: кој лист е посјаен?

Во свет што постојано брза – како ја одржувате врската со себе?

Се исклучувам од светот. Суптилно и без најава.

Често ве поврзуваат со емотивност и сила – се доживувате ли така и во секојдневието?

Секогаш.

Како мајчинството ја промени вашата перспектива – не само кон музиката, туку и кон животот?

Станав мајка на 21 година. Не размислував за лични перспективи, иако знаев дека имам милион способности. Имав среќа што се водев по инстинкт, носев одлуки во дел од момент, препознавав сопствен импулс и делував. Мајчинството ми отвори нов свет и ми потврди дека сѐ што ми се случува е она што заслужувам и за што сум спремна да понесам. По заслуга. За добробит или лекција.

Кога последен пат направивте нешто само за себе, без чувство на вина?

Правам работи за себе и вина не чувствувам. Се трудам да поместувам сопствени граници, си давам домашни задачи, се испрашувам и наградувам.

Дали сте почувствувале нееднаквост во музичката индустрија поради тоа што сте жена?

Нееднаквост, не.

Денес од уметниците се очекува постојано присуство – на социјалните мрежи, брзи одговори, нови содржини, отвореност за пофалби, но и за инстант критики. Порано сè се сведуваше на еден скромен автограм, а денес изгледа како уметникот постојано да живее со „полна соба“ публика што никогаш не си оди дома. Како се справувате со овој притисок и како го чувате својот внатрешен мир?

Постои притисок само ако се натпреваруваш со некого. Новите алатки за популарност создадоа платформа за секоја една индивидуа во потрага по популарност и внимание. Таму е џунгла од притисок и натпревар. Набиена програма и оптоварен простор со кратки/брзи појавувања. Не сум дел од таа игра, иако е многу влијателна. Денес е лесно да постанеш популарен, работата е што со таа одговорност потоа. Сѐ зависи што сакаш да реализираш и за која цел. Одамна имам расчистено која сум и мојот избор е однос преку песна. Тоа е мојот мир.

Изгледате свежо, енергично и младолико – која е вашата тајна? Се работи за генетика, начин на живот или нешто трето?

Не секогаш сум свежа и енергична. Има моменти кога не сум ништо од тоа. Но, секој нов ден е нов почеток. Нов чист лист хартија. Ново спознание, стар проблем. Нов избор. Сѐ игра своја улога во големата мала претстава. Главата е многу важна карика. Мислите се моторот. Позитивниот став е причина за насмевка. Танцувај како никој да не те гледа. Тоа е мојата тајна за живот во животот.

Што би им порачале на нашите читатели кои живеат со здравствени предизвици, семејни грижи и сè помалку време за себе?

Сите ние имаме здравствени предизвици, семејни грижи и секојдневни проблемчиња кои како досаден комарец чекаат тишина за да бидат чуени. Прочитав во некоја книга неодамна, авторот вели: „Не грижи се за нешто што нема решение и не грижи се за нешто што има решение.“

Ништо не е поважно од овој момент и како го минуваш.

Ако животот е песна, која би ја пееле денес?

Let It Be.

The post Дани Димитровска appeared first on Аптеки PlusPharma.

Кога ќе помислите на Малдиви, најверојатно замислувате егзотично море, бел песок и тиркизна вода. Но, што ако ви кажеме дека постои сличен рај многу поблиску од Индискиот Океан?

Maldive del Salento е романтичен прекар за дел од крајбрежјето кај Marina di Pescoluse, мало туристичко место во општината Salve, на најјужниот дел од регионот Апулија (Puglia).
Се протега на околу 7 километри меѓу Torre Pali и Torre Vado, на јонското крајбрежје, само неколку километри од најјужната точка на „италијанската пета“.

Што го прави посебен?

Ситен бел песок, плитка и кристално чиста тиркизна вода, песочни дини и борови шумички кои ја чуваат автентичната природа. Бидејќи многу потсетува на Малдивите, оттаму и името, само што тука доминира италијански шарм.
Тука има уредени клубови на плажа како Le Maldive del Salento или Le Cinque Vele, каде можете да изнајмите лежалка и чадор, да пиете кафе со поглед на море или да ручате свежа риба под сенка.

Зошто е совршен избор за доцен одмор?

Во лето, оваа рајска плажа е полна со туристи од цела Италија и Европа. За вистински да ја доживеете, многу е подобро да ја посетите во септември или почетокот на октомври, бидејќи времето сè уште е топло (просек 22–27°C во септември, 18–24°C во октомври), морето е пријатно за капење, а цените поевтини за сместување.

Што плус да посетите?

1. Истражете го Лече, барокниот бисер кој често го нарекуваат „Фиренца на југот“.
2. Направете винска тура низ лозјата и нивите со маслинки.
3. Посетете мали рибарски села и пробајте свежа морска храна, паста со ракчиња и препознатливото апулиско маслиново масло.
4. Задолжително пробајте pasticiotto – локално слатко полнето со крем.
5. Изнајмете велосипед и истражете ги руралните патчиња или резервирајте бротче за да откриете скриени заливи.

Maldive del Salento е вистинска доказ дека не мора да летате до другиот крај на светот за да уживате во ситен песок  и топло море. Сè што ви треба е мала доза авантура, љубов кон Италија и план за доцен одмор кој ќе ви ги наполни душата и фотоапаратот!

The post Малдивите на Саленто appeared first on Аптеки PlusPharma.

Овен (21.3-19.4)

Не преземајте ризични активности и обидете се со мудар пристап да ги препознаете опасностите. Не ви се препорачува да се потпирате на туѓите ветувања и да очекувате дека некој од надвор ќе дојде и ќе ви помогне да ги елиминирате ограничувањата. Најдобро е да верувате во сопствените вредности и да се фокусирате на позитивното.

Бик (20.4-20.5)

Одредени околности нема да ви одат од рака, така што ќе треба со конструктивен пристап да ги надминете ограничувањата. Затоа, не чекајте некој друг да ви ги решава проблемите, туку преземете акција и воспоставете повисоко ниво на храброст, решителност и самодоверба. Во доменот на љубовта креирајте однос втемелен врз разговор, доверба и разбирање.

Близнаци (21.5-20.6)

Не треба да им овозможувате на лицата од непосредната околина да управуваат со вашиот живот и да ви кажуваат како да размислувате и да се однесувате. Иако е добро да се слушаат добронамерни совети, сепак не треба тотално да се пасивизирате и да дозволите другите да доминираат. Потпрете се на сопствените сили и спротивставете се на ограничувањата.

Рак (21.6-22.7)

Направете добра организација и насочете се кон работните активности. Најважно е што транзитот на планетите ќе ви овозможи многу послободно да им се препуштите на љубовните мигови и да ја почувствувате хармонијата во доменот на семејството. Во секој случај, среќата полека, но сигурно повторно ќе ви се всели во животот.

Лав (23.7-22.8)

Илузорно е да влијаете врз лицата што не сакаат да создадат позитивна промена во своето живеење. Пренасочете ја енергијата кон активностите што ќе ви овозможат да дојдете до израз. Ништо позитивно нема да направите ако и понатаму вложувате во другите, а притоа ги запоставувате сопствените потреби и вредности.

Девица (23.8-22.9)

Емотивната состојба постојано ви создава немир и напнатост, произлезени од растргнатоста помеѓу семејните обврски и работните задачи. Ако сакате да воспоставите рамнотежа, бидете конструктивни и трпеливи во настапот. Зафатете се со чистењето на штетните влијанија, бидејќи само така ќе ги избегнете конфузноста и психофизичкиот замор.

Вага (23.9-22.10)

Фокусирајте се кон позитивните можности, зашто ако и понатаму оставате проблемите да се решаваат без да се преземе иницијатива и утврдување на ограничувањата, тогаш не очекувајте хармонија и напредок. Отворете се за љубов и соработка и манифестирајте ја својата посебност. Честопати ви успевало да пронајдете решение, без оглед на проблематичните околности.

Скорпија (23.10-21.11)

Не треба да бидете незадоволни од перспективите, зoшто без оглед што се уште не сте успеале на најдобар начин да ги реализирате сопствените вредности, сепак постигнавте одреден напредок. Наместо да итате непромислено кон целта, препорачливо е со бавно, но сигурно дејствување работите да ги доведете во најдобар ред.

Стрелец (22.10-21.11)

Определете ги суштинските приоритети, не ја трошете позитивната енергија на лица и настани што не ветуваат успех и реализација. Најдобро е да почнете полека, но сигурно да ја градите новата концепција и да ги стопирате негативните влијанија произлезени од влијанијата на надворешната околина. Ѕвездите укажуваат дека ќе успеете во намерите, така што бидете оптимисти и храбри во настапот.

Јарец (22.12-19.1)

Време е да се дистанцирате од лицата кои освен нервоза и неизвесност, ништо друго ви немаат донесено. Воспоставете ја новата визија, размислувајте оптимистички и сфатете дека единствено самите на себе ќе можете да си бидете од корист. Ѕвездите почнуваат хармонично да влијаат кон вашата личност. Тоа ветува дека ако добро се организирате и ги елиминирате негативните влијанија, ќе успеете да се хармонизирате на психофизички план.

Водолија (20.1-18.2)

Состојбата на психофизички план иако ќе ви создаде нервоза и импулсивно реагирање на ограничувањата, сепак ќе успеете да направите чекор напред во професионалната, односно емоционална сфера на интерес. Не се оптоварувајте со ставовите на другите, туку храбро итајте кон зацртаното. Во љубовта прифатете го предизвикот.

Риби (19.2-20.3)

Стагнацијата, внатрешниот страв и наметнатите ограничувања ќе успеете да ги сведете на минимум, поради што се очекува подобрување, како во работата, така и во љубовта. Најважно е што ќе успеете многу поспонтано да ги развивате своите потенцијали и што ќе се извлечете од психофизичката криза. Овој период е добар за патување.

д-р Зоран Крстевски
едукатор, мотиватор и тренер за личен развој

The post Месечен хороскоп – септември, октомври 2025 appeared first on Аптеки PlusPharma.

• 1 чаша брашно (може и спелта или безглутенско)
• 1/2 чаша мелени ф’стаци (несолени, излупени)
• 1/2 лажичка прашок за пециво
• прстофат сол
• 2 јајца
• 1/2 чаша кокосов шеќер или кафеав шеќер
• 1/3 чаша маслиново масло или растително масло
• сок и кора од 2 лимети
• 1/4 чаша грчки јогурт

Потребни состојки за прелив:

• 2 лажици шеќер во прав
• малку сок од лимета
• малку мелени ф’стаци за декорација

Подготовка:

Загрејте ја рерната на 180°C и обложете калап за колач со хартија за печење. Во еден сад измешајте ги сите суви состојки: брашното, мелените ф’стаци, прашокот за пециво и солта. Во друг сад изматете ги јајцата со шеќерот. Додајте ги маслото, јогуртот, сокот и кората од лимета. Постепено додавајте ја сувата смеса во течната, мешајќи внимателно или користете миксер на слаба брзина. Истурете ја смесата во калапот и печете 30–35 минути. Оставете го колачот да се излади, па прелијте го со глазура направена од шеќер во прав и неколку капки лимета. Наросете со мелени ф’стаци за декоративен ефект.

The post Колач од лимета и ф’стаци appeared first on Аптеки PlusPharma.

Филмот се оддалечува од оригиналната анимација, воведувајќи нови елементи и ликови, како што е ТуТу (Ејми Хил), која станува новата старателка на Лило. Оваа промена ја истакнува хавајската традиција на посвојување, каде што децата се одгледуваат од поширокото семејство или заедницата.

The post Што во слободно време? Погледнете анимиран филм Lilo and Stitch appeared first on Аптеки PlusPharma.

Исто така, го поттикнува варењето, го намалува лошиот холестерол и ја подобрува функцијата на мозокот. Редовната консумација на зелен чај може да придонесе за подобра концентрација и енергија, благодарение на умерената количина на кофеин и на аминокиселината Л-теанин, кои заедно обезбедуваат ментален фокус без напнатост.

The post Зелен чај appeared first on Аптеки PlusPharma.

Можеби мислите дека најважно е едноставно да ја внесете потребната грамажа во текот на денот, но всушност, начинот на кој ги распределувате протеините е исто толку значаен.

Најголем дел од протеините за вечера?

Поголемиот број луѓе, најмногу протеини внесуваат навечер. Според истражување на американскиот Департмент за земјоделство (USDA), луѓето на возраст од 20 до 49 години, во просек, внесуваат 42 % од препорачаните протеини за вечера, а само 17 % на појадок.

Но, експертите препорачуваат поинаков пристап: подеднакво распределување на протеините во текот на денот, преку оброци и ужини.
Истражувањата покажуваат дека внесувањето на умерени дози протеини на секои 3 до 4 часа, наместо една голема количина одеднаш, води до подобро мускулно заздравување и до поефикасен раст на мускулната маса.

Дури и студија на Универзитетот Тексас потврдува: рамномерното внесување протеини во текот на денот ја подобрува синтезата на мускулни протеини во текот на 24 часа, во споредба со внесувањето што е концентрирано само на вечера.

Зошто телото подобро реагира на рамномерно внесување?

Причината лежи во начинот на кој телото ги преработува протеините и нивните градбени елементи – аминокиселините. За разлика од вишокот јаглехидрати и масти кои телото ги складира (како гликоген или масно ткиво), телото не складира аминокиселини за подоцнежна употреба.

Тоа значи дека она што не може веднаш да го искористи, телото го претвора во глукоза или масти. Затоа, количините над 20–30 грама протеин во еден оброк немаат значително дејство за мускулна изградба.

Истражувањата покажуваат дека околу 20–25 грама протеин е максималната количина што телото може да ја искористи за синтеза на мускулен протеин во еден оброк – сè над тоа се губи за тие цели.

Бонус: помалку глад и помалку промени во нивото на шеќер! Уште една причина зошто да внесувате протеини низ целиот ден? Ќе се чувствувате посити и помалку раздразливи.
Кога луѓето почнуваат да ставаат акцент на протеините уште од појадокот и внимаваат да ги внесуваат и во ужините, забележуваат дека имаат помалку напади на глад, гладот не ги вознемирува толку често и нивото на шеќер во крвта им е стабилно.

Треба ли да се јаде протеин веднаш по вежбање?

Можеби сте слушнале за таканаречениот анаболички прозорец – периодот по тренинг во кој мускулите се во процес на регенерација и во кој протеините можат да ја подобрат обновата.

Некои велат дека тој прозорец трае само 15 минути – што би значело дека треба да пиете протеински шејк додека се туширате. Но, новите истражувања покажуваат дека прозорецот може да трае до 4, па дури и 6 часа. Сепак, најдобро е да внесете протеин во рок од 2 часа по тренинг.
Не дозволувајте да поминат повеќе од два часа, а ако имате сериозни цели како тоа да стекнете мускулна маса или да ги обновите мускулите, внесете протеини што побрзо после вежбање.

Количината? Според професорката по нутриционизам Трејси Ентони од Универзитетот „Рутгерс“, 20–25 грама протеин по тренинг е златен стандард.

А што е со внесувањето протеин пред вежбање?

Дали треба да се внесуваат протеини пред тренинг? Зависи од типот и времетраењето.

Ако вежбате помалку од еден час, не е потребно да се фокусирате на протеини однапред, доволно е само да внесете квалитетен оброк после вежбањето. Но, ако ве чека подолг напор, како трчање два часа, или знаете дека ќе огладнете ако не јадете пред тренинг, тогаш изберете лесна закуска со јаглехидрати и неколку грама протеин.

Тоа ќе ви помогне да имате повеќе енергија и ќе го намали оштетувањето на мускулите кое се случува за време на интензивен тренинг.

The post Кое е идеално време за внесување протеини? appeared first on Аптеки PlusPharma.

Таа се дели на:

Примарна дисменореа не е предизвикана од абнормалности или некоја гинеколошка болест. Обично започнува 3-4 години после добивање на прва менструација. Примарната дисменореа се јавува како резултат на хиперконтрактилност на матката под дејство на зголемено ослободување на простагландини и еден хемиски дисбаланс.

Токму тој дисбаланс води до зголемување на контракциите на матката, намалување на протокот на крв, зголемување на анаеробните метаболити кои ги стимулираат рецепторите за болка што крајно резултира со појава на менструални грчеви – дисменореа. Ризик фактори за појава на дисменореа се нулипаритет, пушење, слаба физичка активност, тешки и подолготрајни менструации, возраст <20 години итн.

Секундарна дисменореа се јавува како резултат на постоечка гинеколошка болест како аденомиоза, ендометриоза (најчесто), утерини фиброиди, воспалителна болест на карлицата и сл. Тука пристапот е лечење на основната болест.

Каква е болката?

Болката најчесто се јавува на почетокот на менструацијата и вообичаено траe 8-72 часа. Се опишува како остра болка (грчеви) во карлица, со ирадијација кон долниот дел од грбот и внатрешната страна на бутовите, чувство на притисок во стомакот и може да биде придружена со гадење, повраќање и течни столици.
Интензитетот може да биде толку голем, до степен на изнемоштеност, зголемен број на отсуства од работа, да има големо влијание врз секојдневните активности како и врз менталното здравје на жената. Постојат голем број на студии кои ја поврзуваат хроничната болка со појава на анксиозност и депресија.

Како се третира?

Фармаколошкиот третман на дисменореата во клиничката пракса се состои од употреба нестероидни антиинфламаторни лекови – НСАИД (ибупрофен, напроксен и сл.) кои го намалуваат создавањето на простагландините, како прва линија со докажана ефикасност и орални контрацептиви.

Нефармаколошки третман опфаќа блага масажа на стомакот, термофор со топла вода на стомакот, мирување во тие денови, акупунктура, јога, додатоци и суплементи како магнезиум, витамин Д, цинк, витамин Ц кои делуваат антиинфламаторно, промена на начин на исхрана (антиинфламаторна исхрана како ѓумбир, куркума,зелен чај, зеленчуци и сл), избегнување на алкохол и цигари итн.

Долготрајната употреба на НСАИД води до појава на несакани ефекти. Како најчести се гастроинтестинални нарушувања (пептичен улкус), со крвавења и последователна појава на анемија, зголемен ризик од кардиоваскуларни нарушувања и бубрежни оштетувања, додека пак несаканите ефекти на оралните контрацептиви како гадење, главоболки, зголемување на телесната маса (некои жени тешко ги толерираат), и исто така се несоодветни кај популацијата на жени што планира бременост.

Иако дисменореата е распространета и, често, исцрпувачка, ефикасните лекови за управување со симптомите се ретки. Управувањето со симптомите поврзани со менструацијата е сложено со оглед на варијабилноста на симптомите кај поединци кои имаат менструација. Како резултат на тоа, нивното управување често е фрустрирачко и за пациентите и за давателите на здравствена заштита. Токму поради овие причини науката
истражува и бара други решенија за ова нарушување.

Едно од нив со голем терапевтски потенцијал, што сеуште е во фаза на истражување е употребата на CBD (канабиноид). Тој стапува во интеракција со едноканабиноидниот систем, комплексна мрежа на рецептори и невротрансмитери кои се инволвирани во многубројни процеси во човечкиот организам како и во прецепцијата на болка.Токму поради таа интеракција постои причина за верување дека може да помогне во ослободување од болката и инфламацијата поврзана со дисменореата.

CBD заедно со THC се фитоканабиноиди изолирани од растението Canabis sativa. Една структурна разлика меѓу нив има големо влијание врз интеракцијата со ендоканабиноидните рецептори, а со тоа и нивните терапевтски дејства. Токму таа структурна разлика го диференцира CBD од THC кој е психоактивен и води до промена на расположение, еуфорија и општо познато „high” чувство и се злоупотребува како рекреативна супстанца.
Клинички испитувања и истражувања покажуваат позитивно влијание на користењето на CBD не само за ослободување од болката, туку и врз придружните симптоми како подобрување на расположението, намалување на анксиозноста, подобрување на спиењето и намалување на раздразливоста.

Иако има ограничени докази за ефективноста на CBD врз намалување на менструалните болки, истражувањата за неговите бенефитит се ветувачки. Досега се покажа дека тој има ефективни антиинфламаторни, миорелаксантни вли-
јанија и стабилизирачки ефекти врз расположението. Важно е да се напомене дека искуствата со CBD се различни кај секој човек, и други фактори како животниот стил, начинот на исхрана, справувањето со стресот исто така играат голема улога врз доживувањето на дисменореата.

The post Болна менструација – дисменореа appeared first on Аптеки PlusPharma.

Замислете остров каде небото се сретнува со планинските врвови, плажите се скриени зад карпи, а секој чекор води до нова авантура. Мадеира, најволшебниот остров на Португалија, е токму такво место – геолошки драматично, преполно со бои, живот и сонце преку цела година.

Познат како „Бисерот на Атлантикот“ и „Островот на вечната пролет“, островот ги оправдува своите поетични прекари. Со речиси никакво рамно тло, оваа вулканска убавица нуди нешто повеќе од класичен одмор – таа е вистинско искуство. Каменести плажи до кои се стигнува со жичница, илјадници километри пешачки патеки, свежо овошје што може да се спореди со бразилско и вкусни вина – сето тоа ја прави Мадеира авантура што вреди да се доживее.

Истражувањето може да почне од главниот град Фуншал. Во старата чаршија, позната како Zona Velha, рибарските куќички од 19. век сега се шарени ресторани и галерии. Тука е и Mercado dos Lavradores, арт деко пазар од 1940 година каде ќе ги вкусите најнеобичните плодови што ги раѓа плодната земја на Мадеира.

Потоа, тргнете кон Quinta das Cruzes, стара аристократска вила претворена во музеј, полна со антиквитети и спомени од времето кога на островот живеела елита. За оние што копнеат по зелено, ботаничките градини нудат поглед на над 2 000 видови егзотични растенија, некои уникатни само за архипелагот.

А кога ќе посакате нешто екстремно – тргнете на север, во Sao Vicente, каде ќе шетате низ лавински тунели стари 900 000 години и ќе дознаете сè за вулканското потекло на островот во 3D Центарот за вулканизам. Конечно, одморете се на вулканската плажа Praia Formosa, со кафе бар, солени бранови и песок во нијанса на кафено-црна магија.

Кога да ја посетите Мадеира?

Најдобро време за посета е од април до октомври, кога времето е топло, но пријатно (20–26°C), а островот цвета во полн сјај. Дури и во зима температурите ретко паѓаат под 17°C!

The post Мадеира appeared first on Аптеки PlusPharma.

Во хит серијата на Netflix, љубовта не е ни бајка, ни трагедија, таа е хаотична, стилска и понекогаш комично болна. Лејла скокна од еден на друг љубовен фронт – од заводлив готвач, до мистериозен милијардер со комплицирано минато, а кога нејзиното поранешно момче се појавува со желба да ја врати, се станува уште поинтересно. Модерна, брза, емоционална и забавна, серијата наликува на „Сексот и градот“ среде Истанбул.

The post Што во слободно време? Погледнете серија, Thank you, next appeared first on Аптеки PlusPharma.

Недостатокот на сон не изгледа страшно – сѐ додека не ги почувствувате последиците како лошо расположение, висок притисок и забрзано стареење на мозокот

Сигурно знаете дека треба да спиете од 7 до 9 часа секоја ноќ. Но, колку често навистина го правите тоа? Ако вашиот одговор е: „Јас со 6 часа функционирам одлично“, оваа статија е токму за вас! Бројни студии покажуваат дека спиењето помалку од 7 часа, особено помалку од 6, може сериозно да влијае на телото и на умот, дури и ако ви се чини дека сѐ е во ред.

Според Светската здравствена организација, 1 од 3 возрасни лица страда од хроничен недостаток на сон. А според Центрите за контрола и превенција на болести, дури 40 % од Американците постојано спијат помалку од препорачаното.
Иако нашата култура дава предност на продуктивноста на сметка на сонот, тоа не е здраво, а на долг рок станува и контрапродуктивно.

Што значи доволно сон?

Не постои магична бројка што важи за сите луѓе, но просекот е јасен – околу 7 до 8 часа во текот на ноќта. Според д-р Анита Наик, пулмолог и специјалист по медицина на спиење: „Доволен сон е оној што ви овозможува да бидете будни и функционални, без потреба од кафе или попладневна дремка.“
Некои луѓе навистина функционираат со само 6 часа сон, но тие се исклучок, а не правило. Повеќето од нас, без доволно сон, влегуваат во циклус на замор, слаб имунитет и лошо расположение.

Од друга страна, не е важна само вкупната должина на спиењето, туку и колку квалитетно спиете, вклучувајќи колку често се будите во текот на ноќта.
Ако се будите освежени, активни и не ви е потребно да пиете повеќе кафе или да дремнете напладне, тогаш веројатно спиете доволно.
Има и алатки за мерење, како Epworth Sleepiness Scale, која преку неколку прашања (проверете подолу) покажува дали страдате од дневна поспаност.

Што се случува кога спиете 6 часа или помалку?

На почетокот нема да почувствувате некои драматични ефекти (нема да заспиете на работното место или во автобус), па затоа ќе мислите дека добро се справувате со помалку сон.
Но, според Националната фондација за спиење, со текот на времето, можете да станете пораздразливи, анксиозни или дури и депресивни.
Вашата концентрација може да опадне, а расудувањето и брзината на реакција да се влошат. Тоа носи ризик од лоши резултати на работа или сообраќајна незгода, вели д-р Анита Наик. Исто така, може да почнете да зависите од стимуланси, како кофеин, за да останете будни.

Ако сонот ви се намали под шест часа, вашето здравје може да се влоши.

Истражување објавено во списанието The Lancet во 2023 година покажа дека спиењето под шест часа, во комбинација со интензивна физичка активност, може да доведе до побрзо когнитивно опаѓање – поголем ризик од деменција – во споредба со оние кои се помалку активни, но исто така малку спијат.
Сонот е клучен за закрепнување на телото. Без него може да се намалат нивоата на тестостерон (тој се обновува во текот на ноќта), да се покачи крвниот притисок и да се зголеми ризикот од кардиоваскуларни болести, вели д-р Наик.

Со текот на времето, хроничниот недостиг на сон може да го забави метаболизмот, да доведе до зголемување на телесната тежина и да ја ослаби имунолошката функција, според Националниот институт за срце, бели дробови и крв (NHLBI).

Како да изградите и да одржувате добри навики за спиење?

Ако редовно спиете само шест часа, не е тешко да се организирате и да го зголемите спиењето за еден час.

Еве неколку совети:

• Легнувајте и станувајте во исто време секој ден, вклучувајќи го и викендот
• Избегнувајте попладневни дремки
• Исклучете ги телевизорот и телефонот најмалку еден час пред спиење
• Не јадете и не пијте алкохол и кофеин пред спиење
• Спијте во темна и ладна просторија
• Вежбајте најдоцна два часа пред легнување ако тренирате навечер

Избегнувајте „ноќни маратони“ со седење пред телевизор или пред компјутер. Иако можеби мислите дека ќе постигнете повеќе ако останете будни цела ноќ, тоа ќе ве чини многу. Само една непроспиена ноќ може да доведе до сериозни последици како: заматен говор, проблеми со видот и со слухот, тремор и слаба координација, според клиниката „Кливленд“.

Кога да побарате помош?

Ако имате хронични проблеми со заспивање, често се будите ноќе или се чувствувате уморни и после 8 часа сон – консултирајте се со матичен лекар. Можно е да имате нарушување на сонот кое може да се дијагностицира.

Лекарот ќе ја разгледа вашата здравствена состојба и историјата на спиење, ќе провери дали имате навики како ‘рчење или будење со главоболки и ќе утврди дали постои основна здравствена причина за тоа, а можеби ќе ве упати и на специјалист.

Сонот не е луксуз – тоа е основна биолошка потреба. Без него, ниту енергијата, ниту хормоните, ниту мозокот, ниту срцето не функционираат како што треба. Затоа, уште вечерва исклучете го телефонот, спуштете ролетни и посветете 8 часа на она што му е најпотребно на вашето тело: квалитетен одмор.

The post 6 часа сон не се доволни! appeared first on Аптеки PlusPharma.

Проширени пори, акни на грбот, кератозис пиларис (оние мали грутки што се јавуваат на задниот дел од рацете), темни дамки и хиперпигментација – идејата за беспрекорна изедначена кожа е токму тоа, само идеја.
Но, ако не сте спремни да го прифатите овој факт или едноставно копнеете да ги ублажите природните несовршености, тогаш бидете само упорни. Новите формулации за нега на кожа се базираат на истражени хранливи активни состојки кои ветуваат успех.
Дали ова значи дека е возможно да ги избелите и потемнетите пазуви? Во денешно време и тоа како!

Зошто пазувите се подложни на промени во бојата?

Кожата што е изложена на постојано триење најчесто не е еднобојна, а варијациите во однос на бојата зависат од човек до човек. Ако по природа сте потемни, голема е веројатноста промената под пазувите да се случи побрзо и да е повоочлива. Изедначената боја на кожата под пазувите е несомнено нереален стандард за убавина!

Зошто пазувите потемнуваат?

Покрај генетиката и триењето, најчестата причина за темни пазуви е постинфламаторната хиперпигментација – тоа е состојба кога кожата потемнува поради воспалителна реакција на некој вид траума. Ова може да биде резултат на депилација, преголемо притискање при бричење, егзема, габични инфекции или контактен дерматитис.
Некои производи за нега, како дезодоранси и креми, може да бидат поттикнувачи на дисколорации. Кожата на пазувите сама по себе е нежна и чувствителна, а истовремено изложена на триење, па секоја апликација на производи таму има поголема шанса да предизвика иритација. Состојки во природните дезодоранси кои најчесто поттикнуваат иритација се ботаничките екстракти, масло од чајно дрво, лаванда и конзерванси како изотиазолинон.

Темните пазуви може да бидат и знак за акантоза (лат. acanthosis nigricans) состојба поврзана со инсулинска резистенција. Нашата кожа има рецептори кои реагираат на зголеменото производство на инсулин од панкреасот, а тие области се токму на задниот дел од вратот и од пазувите. Во такви случаи, дерматологот може да препорача крвни тестови за инсулин или хемоглобин A1C за дијабетес или преддијабетес.

Поголемите и посериозни здравствени проблеми кои ретко предизвикуваат темни дамки се малигна акантоза нигриканс, лихен планопиларис и Адисонова болест.

Како да ги осветлите темните пазуви?

Постојат повеќе начини кои можете да ги пробате дома, од лесно достапни производи до промени во навиките:

Избегнувајте интензивен пилинг. Интензивното триење може да ја оштети заштитната бариера на кожата, да предизвика воспаление и да го влоши проблемот со хиперпигментација.

Не користете производи со штетни состојки. Ако во производите кои ги користите има ботанички екстракти, силни киселини, лимонски сок или конзерванси, тие може да предизвикаат иритација. Понекогаш најдобро е да се направи пауза за кожата сама да заздрави.

Сменете го дезодорансот. Дезодорансот што го користите можеби предизвикува иритација. Пробајте нежен дезодоранс, специјално формулиран за чувствителна кожа со минимум состојки во составот.

Размислете за методот на отстранување влакна. Ако често ги депилирате пазувите со восок ги или бричите со прекумерен притисок, размислете за ласерска епилација.

Користете ретинол. Ретинолот, заедно со состојки како ниацинамид, којична киселина, гликолна киселина, може да помогне во изедначување на тенот на кожата. На пазарот можете да најдете многу формули за избелување на лице, па дури и специјални формули адаптирани за пазуви.

Какви третмани постојат во дерматолошка ординација?

Во зависност од причината за потемнувањето, лесен хемиски пилинг може да биде корисен за обновување на кожните клетки и ослободување на пигментот. Ласерската епилација, особено ако влакната предизвикуваат иритација, исто така може да помогне да се намали изгледот на темните пазуви.
Понекогаш се препишуваат и креми за избелување, но овие третмани ќе бидат ефективни само доколку се третира и основниот проблем – воспалението.

Какви се ризиците од осветлување на пазувите?

Ако се одлучите за третман во ординација, многу е важно да изберете искусен специјалист за да се избегнат компликации. Кремите за осветлување може да предизвикаат истенчување на кожата, стероидни акни и трајни лузни. Во 2022 година, FDA откри траги од жива и хидрохинон (активна супстанца) во некои креми, а нивната употреба без рецепт не е безбедна. Затоа, ваквите креми најдобро е да ги препише дерматолог, особено кај бремени, доилки или жени кои планираат бременост. Исто така, важно е да се користат краткорочно.

The post Како да ги осветлите темните пазуви? appeared first on Аптеки PlusPharma.

Вежбањето и егземата се во комплицирана врска. Од една страна, потта и високите температури ја влошуваат состојбата на кожата, поточно симптомите како чешање, воспаление, сувост и иритација. Од друга страна, егземата (или атопискиот дерматитис) може сериозно да влијае врз менталното здравје – нешто што вежбањето може да го подобри.

Според Националната асоцијација за егзема, лицата со оваа состојба имаат до трипати поголем ризик од анксиозност или депресија, а тој ризик расте со влошување на симптомите.

„Потта е иритирачка и непријатна за лицата со егзема“, вели д-р Елис Лав, дерматолог од Њујорк, која во својот холистички пристап за нега на кожа го вклучува и вежбањето.
„Но, физичката активност е дел од грижата за себе, па затоа е важно да се направи план што ќе го намали ризикот од влошување на симптомите и ќе ги обезбеди здравствените придобивки од вежбањето.“

За почеток, еве неколку вежби што таа ги препорачува:

Пливање

Ако досега сте ја избегнувале базенската вода поради хлорот, време е да ѝ дадете шанса. „Всушност, го препорачуваме пливањето при влошена егзема, бидејќи хлорот има антибактериски својства кои можат да ѝ помогнат на кожата“, вели д-р Лав. „Дополнително, ладната вода помага при регулирање на телесната температура.“
Пливањето има и други предности – го подобрува движењето преку подобро здравје на зглобовите, ги зголемува силата и кардиоваскуларната функција. Некои студии дури истакнуваат дека пливањето значително го подобрува менталното здравје.
Иако хлорот можеби нема да ѝ наштети на кожата додека пливате, дури може да има корисен ефект врз егземата, истото не важи откако ќе го напуштите базенот. Како и со потта, мешавината од хлор и вода што останува на кожата дополнително ја суши, вели д-р Лав. Затоа, веднаш по пливањето истуширајте се со млака вода и хидратантна купка и нанесете хидратантен крем на целото тело за да ги намалите негативните ефекти.

Јога и таи чи

Она што ги издвојува јогата и таи чи од другите вежби за подвижност и истегнување е фокусот на контролирано дишење, вели Џозуе Луис, сертифициран личен тренер кој работи со клиенти со егзема. Движењето комбинирано со вакво дишење и медитативна состојба на умот може да помогне во регулирање на емоциите.
„Кога долго време се мачите со егзема, лесно може да изгубите контрола – особено ако симптомите се влошат“, вели Луис. „Но, и покрај сè, има што да направите: вежбање во ладна просторија, избор на вежби со низок интензитет, јога. Еден од најдобрите начини да си ја вратите контролата е дишењето – тоа влијае на температурата, расположението и срцевиот ритам.“

Истражувањата потврдуваат дека длабокото дишење во комбинација со нежно движење може да го намали крвниот притисок и да ги ублажи стресот и анксиозноста. Националната асоцијација за егзема исто така забележува дека свесното живеење може значително да го подобри квалитетот на животот и да им помогне на луѓето со оваа состојба да чувствуваат дека имаат контрола врз своето здравје.

Пешачење

Една од најдостапните, но често потценети физички активности е пешачењето. Делумно затоа што е прилагодлива форма на вежба, но може да ја направите потешка со подолги дистанци или искачувања или, пак, да ја поделите на кратки прошетки во денот.

„Може да шетате напред-назад по ходникот дома или на работа и сепак да имате придобивки“, вели тој. „Тоа не само што ќе го подобри менталното здравје, туку и ќе ги поддржи кардиоваскуларниот систем и општото здравје. А кога шетате на отворено, добивате и свеж воздух и витамин Д од сонцето.“
Американската кардиолошка асоцијација додава дека пешачењето може да го зголеми нивото на енергија, да го подобри емоционалното здравје, да ја зголеми меморијата, да ја зајакне коскената маса и да го намали ризикот од сериозни заболувања како дијабетес и одредени видови рак.

Контрола на потењето

Дали ова значи дека треба целосно да избегнувате потење и интензивни вежби ако имате егзема? „Не!“, вели д-р Лав, „Има многу физички и ментални придобивки од тоа да се занимавате со активноста што ја сакате, било да е тоа трчање, танцување, кардио или високоинтензивен тренинг. Само имајте предвид дека можеби ќе треба да направите дополнителни подготовки – како носење облека што ја впива потта, туширање веднаш по вежбање, постојана хидрација и задолжителен период за ладење по тренинг.“

The post Преку вежби до контрола на егзема appeared first on Аптеки PlusPharma.

• 1 чаша црвена леќа
• 1/2 чаша вода
• 1/2 лажичка сол
• 1/2 лажичка лук во прав
• 1/2 лажичка оригано
• 1 лажица маслиново масло

Додатоци по избор:

• 2-3 лажици сос од домати
• 1 моцарела
• шери домати, маслинки, рукола, шампињони, тиквички

Подготовка:

Измијте ја црвената леќа и потопете ја во вода да отстои најмалку 3-4 часа, или преку ноќ. Исцедете ја леќата и ставете ја во блендер. Додајте 1/2 чаша свежа вода, сол, лук, оригано и маслиново масло. Блендирајте додека не добиете густа, мазна смеса, налик на тесто за палачинка.
Истурете ја смесата на плех обложен со хартија за печење и распоредете ја рамномерно со дебелина од околу 0,5 см. Печете ја кората во загреана рерна на 200°C околу 20-25 минути, додека не се стврдне и добие златна боја. Извадете ја кората од рерна, премачкајте ја со доматен сос, наредете ги состојките по ваш избор и наросете кашкавал. Вратете ја во рерна уште 10 минути, само колку да се стопи кашкавалот.

The post Пица со кора од црвена леќа appeared first on Аптеки PlusPharma.

Филмот се оддалечува од стереотипите, прикажувајќи, магични суштества наместо класичните џуџиња, со цел да се избегнат потенцијалните навреди. Главната улога ја толкува Рејчел Зеглер, која ја претставува Снежана како храбра и одлучна хероина, додека Гал Гадот ја игра злобната кралица.

Филмот воведува нови елементи, вклучувајќи го ликот на Џонатан, бунтовник кој и помага на Снежана во нејзината мисија да го спаси кралството. Иако филмот се соочи со контроверзии околу кастингот и промените во приказната, критичарите ја пофалија изведбата на актерките и визуелната естетика на филмот.

The post Што во слободно време? Погледнете филм, Snow White appeared first on Аптеки PlusPharma.

Една од помалку познатите, но многу важни придобивки на аронијата е нејзиното позитивно влијание врз уринарниот тракт. Благодарение на нејзините антисептички својства, помага во превенција на уринарни инфекции и во одржување на здравјето на бубрезите и на мочниот меур. Особено е корисна за лица кои често имаат проблеми со инфекции на уринарниот тракт. Може да се консумира свежа, како сок, сув плод, во прав или како додаток во јогурт или овесна каша. Аронијата не е само овошје, таа е вистинска природна терапија за модерниот начин на живот.

The post Аронија appeared first on Аптеки PlusPharma.

Чиа семе – незаменлив дел од менито на луѓето кои се ориентирани кон здрава храна. Ова суперсеме, со потекло од Јужна Америка, е вистинска нутритивна бомба полна со омега-3 масни киселини, растителни влакна, протеини и антиоксиданти.

За разлика од некои модерни суперхрани, чиа семето има силна научна поддршка зад себе, па затоа и се нарекува храна на иднината. Најново истражување покажа дека редовната консумација на чиа може да придонесе за намалување на крвниот притисок и холестеролот и да го поддржи слабеењето.

Што покажа истражувањето?

Истражувањето објавено во списанието Prostaglandins & Other Lipid Mediators во септември 2024, анализираше податоци од 14 клинички студии со вкупно 835 учесници.
Резултатите покажаа дека внесувањето чиа семиња може да помогне во:

• намалување на холестеролот (особено на „лошиот“ LDL холестерол),
• контрола на крвниот притисок,
• намалување на нивото на триглицериди – вид маснотии во крвта поврзани со срцеви заболувања.

Овие ефекти беа забележани и кај лица кои внесувале поголеми количини (над 35 грама дневно) и кај оние што консумирале помали количини (под 35 грама).

Каква корист ќе имате од чиа семето?

Овие ситни семиња се полни со хранливи материи, а тоа го знаеле уште древните Ацтеки, бидејќи го консумирале семето за да дојдат до многу енергија и да ги издржат долгите патувања со ограничени резерви на храна.
Нутриционистите ги препорачуваат затоа што се ретки семиња кои истовремено содржат и растворливи и нерастворливи влакна, кои се корисни за варењето. Тие го поттикнуваат редовното празнење на цревата и создаваат чувство на ситост, што може да помогне при контрола на телесната тежина.

Растворливите влакна, исто така, ја намалуваат концентрацијата на шеќер во крвта по оброците и помагаат во елиминација на холестеролот од телото.
Покрај тоа, чиа семињата содржат:

• Омега-3 масни киселини,
• протеини,
• калциум, магнезиум и железо – микронутриенти од суштинско значење за телото.

Омега-3 масните киселини имаат антивоспалително дејство и го поддржуваат здравјето на срцето преку подобрување на липидниот профил. Исто така, антиоксидантите во чиа семињата помагаат во борбата против оксидативниот стрес.

Претходна научна анализа покажала дека антиоксидантите и полифенолите што ги содржат чиа семињата можат да помогнат во намалување на ризикот од неколку видови рак – вклучувајќи рак на дојка, дебело црево, црн дроб и панкреас.

Како чиа семето делува во организмот?

Малите чиа зрнца апсорбираат вода и формираат гел што го забавува варењето и создава чувство на ситост, што е корисно при регулирање на телесната тежина. Но, бидејќи апсорбираат течност, нивната консумација во сува форма и во големи количини може да предизвика подуеност и гасови.
Секако, ниту една храна не може сама по себе драстично да го промени здравјето, но чиа семињата дефинитивно можат да придонесат за подобра општа состојба, особено ако се комбинираат со здрав начин на живот.

Според д-р Данби Ким, нутриционист и професор на Медицинскиот факултет при Универзитетот „Ратгерс“, редовната консумација на чиа семиња може да помогне во:

• намалување на крвниот притисок и холестеролот,
• подобро варење,
• контрола на телесната тежина,
• намалување на воспаленија,
• подобро регулирање на шеќерот во крвта кај лицата со дијабетес.

Колку чиа семе е дозволено да се јаде?

Нема официјална препорака за дневна количина, но нутриционистите препорачуваат околу 1 лажица (околу 10 грама) дневно. Доколку јадете повеќе, уште подобро за вас. Ако јадете помалку, пак добивате вредни хранливи материи.
Само внимавајте на хидратацијата – бидејќи чиа семињата апсорбираат вода, потребно е да пиете доволно течности за да избегнете дигестивни проблеми.

Како да ги консумирате чиа семињата?

Чиа семињата се навистина лесни за комбинирање со разни јадења. Можете:

• да ги додадете во јогурт или овесна каша,
• да ги посипете врз салати или авокадо тост,
• да направите пудинг од чиа семиња.

Можете да додадете цели или мелени семиња чиа во смути, сокови, тесто за палачинки или печива (мафини, леб и слично).
Интересно е што чиа семињата може да заменат јајца во вегански рецепти – само измешајте 1 лажица чиа семе со 3 лажици вода, оставете да отстои 5 минути и користете ја смесата како јајце во рецептите.

Дали чиата има несакани ефекти?

Чиа семињата може да предизвикаат подуеност или гасови, особено ако не сте навикнати на храна богата со влакна. Затоа, започнете со мали количини и постепено зголемувајте.
Бидејќи набабруваат кога се суви, ако се јадат во големи количини без течност, може да претставуваат и ризик од гушење.
Исто така, можно е да се јави и алергија на чиа семе, особено кај лица со алергија на сусам. Во таков случај, избегнувајте ги.

Чиа семињата можат да влијаат на дејството на одредени лекови – особено кај лица кои земаат лекови за дијабетес, крвен притисок или антикоагуланси (лекови за разредување на крвта).
Исто така, поради влакната и фитинската киселина, тие може да ја намалат апсорпцијата на некои минерали – како железо, цинк и калциум. Затоа, ако редовно земате суплементи или лекови, консултирајте се со лекар пред да почнете со секојдневно консумирање на чиа семиња.

The post Мали, а моќни! appeared first on Аптеки PlusPharma.

Мени за допамин е алатка, која првично ја создаде Џесика Мекејб – авторка на YouTube каналот How To ADHD, за подобрување на расположението и поттик на радост во секојдневието. Иако идејата се појави за време на пандемијата со КОВИД-19, денес илјадници луѓе креираат свои верзии, вклучувајќи и возрасни кои чувствуваат замор, недостиг на мотивација и слобода.

Што претставува менито за допамин?

Мени за допамин е личен список на активности кои ви носат задоволство, мотивација и мир. Како вистинско мени во ресторан, го делите на категории: предјадења, прилози, главни јадења и десерт, а секоја содржи мали или поголеми активности што го стимулираат хормонот на среќа – допаминот.
Допаминот е важен хемиски гласник во телото кој влијае на чувството на награда, мотивација и енергија. Кога правите нешто што ви е пријатно, вашиот мозок ослободува допамин, а токму тоа е основата на ова мени.

Како да го направите сопственото мени за допамин?

Започнете со едноставно прашање: Што ме прави среќен/на?

Потоа, земете хартија и поделете го вашиот список на следниве секции:

1. Предјадења – Брзи радости

Мали, лесни активности кои ви носат моментално чувство на задоволство. Тие не бараат многу време или подготовка, но можат да го подигнат расположението:

• Топло утринско кафе во тишина
• Пеење омилена песна додека возите
• Брза прошетка на свеж воздух
• Гушкање со миленикот
• Краток ритуал за нега на кожа

2. Прилози – Мали задоволства што ги збогатуваат обичните моменти

Овие активности ги прават секојдневните обврски попријатни:

• Запалете мирисна свеќа додека читате или работите
• Слушајте интересна аудиокнига додека готвите
• Уживајте во омилен чај или пијалак додека гледате телевизија
• Запишете неколку благодарности секоја вечер
• Убаво организирајте го работниот простор
• Слушајте пријатна музика додека се туширате

3. Главни јадења – Активности што ве исполнуваат

Ова се активности што бараат повеќе време, но носат подлабоко чувство на задоволство:

• Одете на јога или часови по пилатес
• Пригответе го вашето омилено јадење
• Поминете ден во природа или на излет
• Посетете културен настан или галерија
• Долга релаксирачка бања со музика и свеќи

4. Десерт – Специјален третман

Овие активности се за уживање, но во умерени дози:

• Гледање омилена серија
• Скролање по социјални мрежи (со тајмер)
• Малку чоколада со чаша црвено вино
• Ден без обврски, само за вас

Зошто да го пробате менито за допамин?

Психотерапевтите велат дека редовното вклучување активности од менито за допамин може да го зголеми општото ниво на среќа и да помогне во справување со стрес, анксиозност или рутина што ви носи чувство на заробеност. И не ви треба многу – доволно е да имате список кој лесно ќе го најдете кога ви е потребно: во чанта, на фрижидер или на телефон.

Како што вели психотерапевтката Оливија Верхулст: „Поседувањето визуелен потсетник за радости што ве исполнуваат може да ве поттикне да се грижите повеќе за себе и тоа со мали чекори што ги полнат умот и душата.“

Па, ако во последно време се чувствувате уморно, демотивирано или едноставно изгубено во обврските – направете го своето мени за допамин. Може да биде ваш личен водич до подобро расположение и повеќе радост во секојдневниот живот.

За најзафатените: микро мени за допамин!

Дури и најзафатениот ден крие можности за мали порции среќа. Овие микро активности од само неколку минути можат да го подигнат расположението и да ви го подобрат фокусот:

• 3 минути длабоко дишење – затворете ги очите и дишете длабоко, вдишувајте 4 секунди, задржете го здивот 4 секунди и издишувајте исто така 4 секунди.
• 5 минути истегнување – раздвижете се нежно, особено ако сте под стрес или седите долго време.
• Испратете порака со благодарност – на пријател, колега или на некој член од семејството. И малите гестови поттикнуваат допамин.
• Гледајте во природа или небо – дури и преку прозор. Зеленилото и дневната светлина ја смируваат психата.
• Запишете 3 (или повеќе) нешта за кои сте благодарни – на хартија или во мобилен. Благодарноста го пренасочува умот кон позитивното.

The post Едноставен трик за подобро расположение appeared first on Аптеки PlusPharma.

Ако се препознавате, не сте единствени. Сè повеќе луѓе пријавуваат симптоми на анксиозност по консумирање кафе – чувство на немир, забрзано дишење, тешкотии со концентрацијата, па дури и панични напади.

Па, дали кафето навистина може да биде тригер за анксиозност? И ако е така – дали има начин да се ужива во него без несаканите ефекти? Што велат експертите?

Како кафето делува врз телото и мозокот?

Главната активна состојка во кафето е кофеин – стимуланс кој влијае врз централниот нервен систем. Но, покрај кофеинот, кафето содржи и над 1 000 други биоактивни соединенија, меѓу кои хлорогенски киселини, тригонелин, алкалоиди, како и терпенски соединенија. Овие компоненти придонесуваат не само за вкусот и за аромата, туку и за одредени здравствени бенефити – како подобрување на метаболизмот, антивоспалително дејство и поддршка на когнитивните функции.

Истражувања покажуваат дека умереното консумирање кафе може да биде дури и корисно: една студија објавена во European Heart Journal покажа дека луѓето кои пијат кафе наутро, имаат 16 % помала стапка на смртност и 31 % помала веројатност да починат од кардиоваскуларни заболувања.
Но, ефектите на кофеинот не се секогаш само позитивни.

Како кофеинот може да предизвика анксиозност?

Кофеинот делува така што ги блокира аденозинските рецептори – аденозинот е молекула која ги регулира спиењето, крвниот притисок и срцевиот ритам. Кога кофеинот ги блокира овие рецептори, телото реагира со зголемена будност, енергија и фокус.
Но, кај некои луѓе оваа реакција може да се манифестира и како:

• забрзано чукање на срцето
• забрзано дишење
• напнатост во мускулите
• немир или вознемиреност

Тоа се симптоми кои често се поврзуваат со анксиозност – па не е чудо што некои луѓе почнуваат да ја поврзуваат својата анксиозност токму со кафето.

Зошто некои луѓе се почувствителни на кафе?

Според невронаучниците, постојат неколку фактори:

1. Генетска предиспозиција
Некои луѓе имаат генетска варијација која го прави нивниот организам почувствителен на кофеинот – потешко го разградуваат, а телото посилно реагира на него. Оваа варијација е ретка и се појавува кај околу 5 % од популацијата, но може да објасни зошто некои луѓе чувствуваат анксиозност и по едно мало кафе.

2. Брзина на метаболизирање на кофеинот
На повеќето луѓе им се потребни 3 до 5 часа за да исфрлат половина од кофеинот од телото. Некои го метаболизираат побрзо, други побавно. Кај оние кои се бавни метаболизатори, кофеинот се задржува подолго во организмот, а секоја нова шолја го зголемува ризикот од несакани ефекти.

3. Количина и фреквенција на внесување
Колку повеќе кафе пиете, толку поголем е ризикот од анксиозност. Според препораките на Американската агенција за храна и лекови (FDA), возрасен човек не треба да надмине 400 милиграми кофеин дневно, односно околу 4 до 5 шолји кафе. Но, оваа граница може да биде прениска за некои, а превисока за други – затоа е важно секој индивидуално да си го открие својот праг.

Колку кофеин има во вообичаените пијалаци (за 350 ml):

• Безкофеинско кафе: 2 – 15 mg
• Зелен чај: 30 – 50 mg
• Газирани пијалаци: 23 – 83 mg
• Мача чај: 35 – 130 mg
• Црн чај: 25 – 48 mg
• Енергетски пијалаци: 80 – 200 mg
• Кафе (просечно): 113 – 247 mg

Затоа некогаш една шолја кафе може да ве вознемири, а шолја зелен чај не – разликата е во дозата на кофеинот, а не во самиот пијалак.

Може ли Л-теанинот да помогне?

Л-теанинот е аминокиселина која природно се наоѓа во зелениот чај и мачата, и е позната по тоа што има смирувачко дејство – без да предизвикува поспаност.
Некои луѓе користат Л-теанин во форма на додаток за да ги ублажат ефектите на кофеинот. Се предлага дури и додавање на Л-теанин во шолја кафе, со цел да се намали ризикот од нервоза или анксиозност.

Идејата е логична, но експертите предупредуваат дека сѐ уште нема доволно научни докази кои ја потврдуваат ефикасноста на оваа комбинација.
Тоа што чајот ве прави посмирени се должи на тоа што тој содржи двојно или тројно помалку кофеин од кафето. Па, наместо да додавате Л-теанин во кафе, подобро е да уживате во природни извори како чајот и мачата, кои веќе ја содржат оваа состојка.

Како да го намалите чувството на вознемиреност од кафе?

Ако чувствувате дека кофеинот ве прави нервозни, има неколку едноставни совети:

• Намалете ја количината – обидете се со една шолја на ден или преминете на кафе со помалку кофеин (на пример, сортата Арабика има помалку кофеин од Робуста).
• Избегнувајте кафе на празен стомак – храната го ублажува ефектот на кофеинот.
• Размислете за декаф или безкофеински кафиња – и понатаму ќе уживате во вкусот, но ќе ја прескокнете напнатоста.
• Искористете ја енергијата од кафето – кратка прошетка може да ви помогне да го согорите вишокот енергија и да ја намалите напнатоста.
• Размислете за зелен чај или мача –  природни алтернативи со многу помал ризик од анксиозност.

 Кафе – ритуал за сите сетила

За поголемиот дел од луѓето, кафето е уживање, навика и доза енергија. Но, ако забележувате дека ви предизвикува нервоза или несоница, послушајте ги алармите на вашето тело. Пронајдете го ритамот што најмногу ви одговара, можеби тоа е кафе со појадок, можеби е чај попладне или декаф во друштво навечер. Како и со многу нешта во животот, и овде мерката е клучна.

The post Дали кафето ви предизвикува вознемиреност? appeared first on Аптеки PlusPharma.

Таква е идејата на Џо Скаравела (го толкува Винс Вон) во оваа топла и емотивна комедија-драма. Во чест на неговата почината мајка, Џо решава да отвори италијански ресторан во чија кујна главниот збор ќе го имаат бабите од различни региони на Италија. Секоја од нив носи свои рецепти, приказни и темперамент, создавајќи мешавина од вкусови и емоции што го прават ресторанот нешто повеќе од обичен локал – тој станува дом.

Инспириран од вистинската приказна на Џо Скаравела, филмот е вистинска почит кон семејните вредности, традицијата и љубовта пренесена преку храната.

The post Што во слободно време? Погледнете филм, Nonnas appeared first on Аптеки PlusPharma.

Во време кога спортските херои се ретки, Македонија доби своја нова ѕвезда – Милијана Рељиќ, теквондистка која со својата истрајност, храброст и талент го освои врвот на Европа. На Европското клупско првенство во 2025 година, таа се закити со златен медал, потврдувајќи ја својата доминација на континентот. Но, нејзиниот најголем подвиг се случи на Летните олимписки игри во Париз 2024, каде што во првото коло ја совлада двократната олимписка шампионка Џејд Џонс од Велика Британија – момент што ја вброи меѓу најголемите сензации на турнирот. Како носителка на македонското знаме на отворањето на Олимпијадата, Милијана не само што ја претстави земјата со гордост, туку и испиша историја.

Во ова ексклузивно интервју, таа зборува за чувството на победа, тешкотиите со кои се соочува како спортистка во Македонија, мотивацијата што ја движи напред и соништата што ги следи. Ова е приказна за девојка која, и покрај скромните услови, успеа да се искачи на врвот на европското теквондо.

Честитки за титулата Европска клупска шампионка! Како се чувствувавте во моментот кога станавте свесни дека сте прва во Европа?

Чуството е навистина прекрасно и не може да се опише со зборови. Во моментот кога станав свесна дека сум прва во Европа, ме преплавија емоции на радост, среќа и се чуствувам горда на самата себе. Во тој момент сфаќате дека сите напорни тренинзи, подеми, падови и сè што сте вложиле конечно се исплати. Оваа титула за мене значи дека ако се вложуваш сто насто во нешто и не се откажуваш, резултатот е неизбежен.

Победивте олимписка шампионка – како изгледаше еден таков меч однатре, од ваша перспектива?

Таа беше мојот идол уште од кога почнав да се занимавам со овој спорт и секогаш сонував еден ден да бидам на нејзино место. Да се најдам на татамите спроти двократна олимписка шампионка беше искуство коешто никогаш нема да го заборавам.

Јас и тренерот, уште два месеци пред настапот на Олимпијадата, знаевме дека во првото коло ќе се паднам со нејзе и, да бидам искрена, осетив мало разочарување. Таа беше најголемата фаворитка за освојување на златниот медал и чуствував голем притисок и трема. Но, благодарение на мојот тренер го поминавме тој момент, заедно, и тој секој ден ме потсетуваше колку сме вложиле – сите часови тренинг во рани утра, многу жртви и тоа ми даде огромна самодоверба. Во борбата влегов максимално фокусирана и верував во себе дека можам да ја победам. Борбата беше навистина тешка и неизвесна, но со добра тактика успеавме да ја добиеме. Доколку верувате во себе – сè е возможно.

Многупати е кажано дека тренирате во скромни услови. Што најмногу ви недостасува како спортистка во Македонија?

Да, вистина е дека тренираме во скромни услови и тоа е една од најголемите борби што ја водиме ние спортистите во Македонија. Претходната година, два месеци пред Олимписките игри, немавме сала за вежбање, тоа е огромно разочарување за еден спортист којшто се подготвува за најголемото спортско натпреварување. Додека позади другите спортисти, од другите земји, стои огромен тим како што се физиотерапевт, психолог, кондиционен тренинг, ние немавме ништо од тоа и се соочувавме со проблем како што е немање простор за тренинг. Но, после Олимписките игри, Олимпискиот комитет ни додели сала којашто може да ја користиме 24/7 и навистина сме благодарни за тоа.

Кој беше најтешкиот момент во вашата кариера досега и што ве натера да не се откажете?

Најтешкиот момент за мене и тренерот беше периодот кога мислевме дека сме оставени сами на себе, без основни услови за да можам да напредувам и без поддршка. Имаше моменти кога поради финансиски тешкотии, немање поддршка од институциите, немање сала, навистина сакавме да се откажеме. Но, некако сами, со свои финансиски средства и истрајност, успеавме да стигнеме дотука. Исто така, голема улога одиграа луѓето кои веруваа во мене – моето семејство, тренерот, пријателите, сите тие ми беа ветар во грб и огромна поддршка. И верувам дека секој успех е поубав кога ќе го постигнеш покрај сите препреки.

Кои се вашите следни големи цели? Дали Олимписките игри се на таа листа?

Следниот предизвик ни е Светското првенство во Кина 2025 во октомври, коешто ни е многу битно и носи огромен број поени за Олимписките игри. И, секако, она за што тренираме се Олимписките игри и ќе дадеме сè од себе да обезбедиме норма за следните Олимписки игри во ЛА и да се вратиме со медал.

Како изгледа еден ваш типичен ден – од станување до легнување?

Мојот ден започнува рано наутро, сакам да станувам рано, бидејќи ми дава чувство дека го искористувам денот максимално. После будењето, појадувам и се подготвувам за утринскиот тренинг. Првиот тренинг го работам со мојот кондиционен тренер Петар Баснарков, со кој работиме сила, издржливост, кондиција и слично. После првиот тренинг имам краток и одмор и доколку имам време, сакам да се видам со моите пријатели и да се дружиме. Во попладневните часови го работам мојот втор тренинг – теквондо, кадешто работиме техники, тактики, спаринг и слично. По завршувањето на тренинзите и сите обврски, се трудам вечерта да ја потрошам на одмор, добар сон, да прочитам некоја добра книга, да се опоравам за следниот ден да бидам одморна.

Колку часови дневно тренирате и како се грижите за опоравување после тешки тренинзи?

Во текот на денот тренирам 4 до 5 часа, а опоравувањето после тренинг е навистина битно, бидејќи тоа ни овозможува следниот ден да бидеме одморени и повторно да го дадеме својот максимум на тренинг. Најбитни елементи за мене, за опоравување после тешки тренинзи, се сонот, одморот и добрата исхрана. Исто така, користам одредени сумплементи, спортска масажа, ладни кади, коишто навистина помагаат во опоравување после тежок тренинг.

Колку е важна исхраната во вашиот спорт? Дали следите специфичен режим?

Исхраната игра голема улога во мојот спорт, бидејќи сме поделени во тежински категории. Тоа значи дека мора да ја одржувам мојата килажа за да влезам во мојата категорија, а притоа да не ги изгубам брзината, силината и издржливоста. Мојата исхрана се состои од разновидна и балансирана храна, односно од протеини, сложени јаглехидрати и здрави масти, избегнувам да јадам преработени производи и премногу шеќер. Пред натпревар знае да е навистина предизвикувачки, бидејќи губам 2 до 3 килограми и мора да се внимава многу на секој оброк.

Како се справувате со стресот пред големи натпревари? Имате ли некоја техника или „ритуал“ што секогаш го правите?

Стресот е присутен кај секој спортист, но треба да научиме како да се носиме со него. Дури и најголемите спортисти, светски, олимписки шампиони, чувствуваат стрес и трема. Пред натпревар обично ги исклучувам социјалните мрежи и телефонот за да можам да бидам фокусирана само на натпреварот. На денот на натпреварот слушам музика која ми помага да се опуштам и се потсетувам на сите успеси коишто сум ги постигнала и си повторувам –ти си најдобра. Тоа навистина ми го намалува стресот.

Кој е вашиот најголем внатрешен мотив? Што ве тера да продолжите, дури и кога е најтешко? Дали имате некоја мантра, цитат или мисла која често си ја повторувате?

Моето семејство и тренерот се мојот најголем мотив и секогаш ме туркаат напред кога ми е тешко и кога не можам самата и, секако, љубовта кон мојата земја секогаш да ја претставам во најдобро светло. Го сакам и често знам да си го повторам цитатот кој гласи: „Pain is temporary. Quitting lasts forever.“

Која личност најмногу влијае на вашето спортско оформување?

Mојот тренер Александар Ефтимов е најзаслужен за сето тоа што сум денес. Тој уште од првиот момент го препозна мојот талент, веруваше во мене и кога самата не верував. Тој за мене е најдобриот тренер на светот кој што дава сè и жртвува за да успееме.

Какви сте надвор од татамито? Со што се полните во слободно време? Имате ли хоби надвор од спортот – нешто што ве опушта и ви носи радост?

Надвор од татамите, Милијана е само обична девојка, којашто сака да помине време со семејството, пријателите, да оди на прошетка, да оди во кино. Исто така сакам многу ракомет и често знам да одам да гледам натпревар.

Дали успевате да најдете баланс помеѓу спортот и приватниот живот?

Да, успевам да најдам баланс помеѓу спортот и приватниот живот, иако понекогаш е тешко. Ги организирам деновите така што имам време за тренинг, за одмор и за луѓето кои ми значат.

Со што би се занимавале ако не бевте теквондистка?

Го сакам навистина ракометот и доколку не би било теквондото, тоа би било ракометот дефинитивно.

Што би им порачале на младите кои сонуваат за големи успеси, но се чувствуваат обесхрабрени поради недостаток на услови или поддршка?

Би порачала на сите млади, пред сè, да се занимаваат со кој било спорт – секако, јас би им го препорачала теквондото. Ќе има многу предизвици, тешки моменти, подеми и падови, но никогаш да не се откажуваат, бидејќи доколку нешто посакуваат со целото срце и веруваат – тоа може да се оствари.

The post Милијана Рељиќ appeared first on Аптеки PlusPharma.

Овен (21.3-19.4)

Ако сакате да ја подобрите перспективата се препорачува да бидете аналитични, селективни и внимателни при преземањето на активностите. Но, ако и понатаму продолжите безрезервно да ја трошите енергијата и да се жртвувате за лицата и настаните кои тоа не го заслужуваат, тогаш не очекувајте надминување на проблемите и воспоставување хармонична визија.

Бик (20.4-20.5)

Вишокот на енергија и големата потреба за препуштање кон страстните вибрации треба да ве мотивираат кон љубовната стимулација и да ви донесат магнетска привлечност. Доволно ги потиснувавте потенцијалите, време е да направите нешто позитивно на емотивен план. Во полето на работата ќе се соочите со нервоза и неприфаќање на идеите, така што треба да бидете внимателни.

Близнаци (21.5-20.6)

Не оставајте ништо на случајот, продвижете ги идеите и воспоставете нова визија во сите сфери на животот. Најдобро е да не верувате во туѓите ветувања, туку да ги елиминирате надворешните неконструктивни влијанија и храбро да тргнете кон целта. Ќе мора да воведете промени во животот, бидејќи досегашното однесување се покажа непродуктивно.

Рак (21.6-22.7)

Ѕвездите ветуваат успех и реализација, особено ако ги согледате грешките од минатото и го надминете меланхоличното расположение. Затоа, ви се препорачува да не се вртите кон нештата што поминале, туку размислувајте за иднината. Наскоро ве очекуваат големи задоволства и трансформација во сите сфери на животот.

Лав (23.7-22.8)

Опстојувањето на принципите и на желбата за доживување на убавината, неретко ви создаваат проблеми во контактите со околината, зашто ретко кој умее целосно да ги задоволи вашите настојувања и да го одржи квалитетот во соработката. Иако е добро што имате потреба за градење искрени односи, треба да разберете дека егзистирате во опкружување во кое недоволно се почитуваат вистинските вредности.

Девица (23.8-22.9)

Ослободете се од штетните влијанија на лицата кои ве опкружуваат и почнете со поголема верба во сопствените вредности да итате кон иднината. Ѕвездите ќе ви ја донесат потребната сила за ефектуирање на започнатите активности и за реализирање на желбите. Во доменот на љубовта прифатете го искушението и развивајте го авантуристичкиот дух.

Вага (23.9-22.10)

Доволно се оптоварувавте и меланхолично размислувавте во претходниот период, време е храбро и активно да тргнете кон реализирањето на своите психофизички квалитети. Интуитивноста, духовноста и креативноста максимално ќе дојдат до изра. Верувајте во сопствените вредности бидејќи полека, но сигурно ќе успеете работите да ги продвижите кон хармоничната насока.

Скорпија (23.10-21.11)

Не оставајте лицата кои манифестираат неодговорност и себичност да одлучуваат за вашата судбина, зашто единствено со сопствени сили ќе успеете да воспоставите нова перспектива и да се извлечете од наметнатите ограничувања. Подобрете го статусот во професионалната сфера и отворете се за позитивната реализација во љубовните односи.

Стрелец (22.10-21.11)

Реално согледајте ги околностите во животот и престанете да ѝ подлегнувате на негативната енергија. Клучно е да ги утврдите причините што ви ги создаваат меланхоличните емоции. Имајте на ум, оти состојбата во која се наоѓате, бара упорно ангажирање, трпеливо и конструктивно однесување.

Јарец (22.12-19.1)

Ако не сакате да ја загубите можноста за креирање на позитивна визија, неопходно е да се дистанцирате од лицата кои зрачат со негативна енергија. Не треба да ве зафаќа стравот од предизвици, бидејќи никакви пречки и ограничувања нема да ве спречат во напредувањето.

Водолија (20.1-18.2)

Наместо да ги следите туѓите идеи и влијанија, ѕвездите ви препорачуваат на индивидуален начин да се справите со проблемите. Верувајте во сопствените вредности и покажете ја силата во миговите кога ќе се соочите со непознатото. Во секој случај, бидете трпеливи, мудри и дистанцирани од јавноста.

Риби (19.2-20.3)

Не е добро премногу да им верувате на лицата од непосредната околина, зашто нивното влијание ќе ви предизвика нервоза и конфузност при утврдувањето на причините за неперспективната состојба. Најдобро е мудро и аналитички да ги согледате околностите и храбро да ги надминете тешкотиите.

д-р Зоран Крстевски
едукатор, мотиватор и тренер за личен развој

The post Месечен хороскоп – јули, август 2025 appeared first on Аптеки PlusPharma.

• 1 средна тиквичка, изрендана
• 1 морков, изрендан
• 1/2 главица кромид, ситно сечкан
• 1 чаша варен наут (или 1 конзерва)
• 2 лажици овесно брашно или интегрално брашно
• 1 јајце
• 1 лажичка кумин
• сол и бибер по вкус
• маслиново масло за пржење

Состојки за сос:

• 150 г грчки јогурт
• 1 лажичка сок од лимон
• 1 лажичка ситно сечкан копар
• 1 чешне лук, ситно сечкан
• сол и бибер

Подготовка:

Изренданата тиквичка исцедете ја од вишокот течност. Во блендер испасирајте го наутот и измешајте го со тиквичката, морковот, кромидот, брашното, јајцето и зачините. Формирајте плескавици и пржете ги на средна температура со малку маслиново масло, околу 3-4 минути од секоја страна. Во сад измешајте ги состојките за сосот. Послужете ги плескавиците со сосот од јогурт и свежа салата.

The post Зеленчукови плескавици со сос од јогурт и копар appeared first on Аптеки PlusPharma.

Кога сте на мисија да ја намалите телесната тежина, најверојатно мислите дека треба целосно да го промените својот начин на живот и веднаш да почнете со строги рестрикции во исхраната. Но, возможно е да слабеете додека уживате во вкусни оброци и се фокусирате на умереност, наместо на елиминација. Тајната? Правилото 80/20.
Правилото 80/20 (честопати ќе го сретнете и како диета) подразбира да јадете здрави, природни намирници 80 % од времето, а да си дозволувате забранети задоволства 20 % од времето.

Клучниот дел од овој план е да одредите кои намирници припаѓаат во која категорија, вели д-р Метју Вејнер, баријатриски хирург во Pound of Cure Weight Loss. Тој нагласува дека е важно да измерите колкав дел од вашата исхрана се состои од овошје, зеленчук, јатки, семки и мешунки, наспроти помалку здравите опции како рафиниран шеќер, рафинирани житарки, сирење и други животински протеини со висока содржина на масти.
Конкретните намирници што ќе ги јадете според 80/20 правилото целосно зависат од вас, а вашиот индивидуален план на оброци најверојатно ќе зависи од вашите дневни потреби за калории, целите за слабеење и начинот на кој одредена храна прави да се чувствувате.

Оние 80 проценти

Според експертите, оние кои го следат 80/20 правилото, треба да се стремат 80 % од времето да ги консумираат следните намирници:

• Комплетни растителни намирници: овошје и зеленчук
• Посни протеини: пилешко, риба, тофу, мисирка
• Морска храна богата со омега-3: лосос, харинга и пастрмка
• Цели зрна: овес, киноа, јачмен, ориз
• Млечни производи со малку масти: обичен грчки јогурт и урда
• Мононезаситени масти: јатки, семки и маслиново масло

Оние 20 проценти

Во некои случаи, можеби ќе сакате дел од здравите намирници од горниот список (како животински протеини, житарки и млечни производи) да ги префрлите во категоријата од 20 %, вели д-р Вејнер.

Причината е што одредени намирници можат да бидат дел од здрава исхрана за многу луѓе, но други можеби ќе се чувствуваат подобро (или ќе имаат поголем успех при слабеење) ако ги третираат како задоволства. Секако, најдобро е да се консултирате со лекар или нутриционист пред да започнете со нов режим на исхрана.

Според експертите, овие намирници обично ги сочинуваат останатите 20 % од правилото:

• Храна богата со заситени масти: пржено пилешко, сирење, сланина
• Преработена храна: сладолед, пица, индустриски житарки за појадок
• Бел шеќер и рафинирани јаглехидрати: бели лепчиња, пецива и тестенини
• Алкохол и засладени пијалаци

Предности на правилото 80/20

Едно од најголемите предности на правилото 80/20 е тоа што не бара броење калории и е помалку рестриктивен начин на исхрана во споредба со другите засновани на елиминација – тука фокусот е ставен на умереноста. Може да одлучите да ги следите калориите за да бидете сигурни дека го одржувате соодносот 80/20, но тоа не е неопходен дел од правилото.

„Правилото 80/20 не ве ограничува во однос на вкупната количина на храна што ја јадете, па можете да јадете кога и да почувствувате глад, без да имате чувство дека се изгладнувате“, вели д-р Вејнер.

Овој пристап може да биде идеален за луѓе кои се презафатени и немаат време за поагресивни стратегии, но сепак сакаат да се хранат здраво и урамнотежено.

Недостатоци на правилото 80/20

Бидејќи правилото го водите самостојно, некои експерти велат дека тешко е да се знае дали всушност го постигнувате балансот 80/20. Токму затоа, дневникот на исхрана е од голема помош!

Означувањето на храната како добра или лоша може да биде штетно за секој со историја на нарушена исхрана. Храната не е инхерентно добра или лоша, а правилото 80/20 е со цел да се изнајде одржлив план на исхрана што ќе му обезбеди гориво и хранливи материи на телото.

The post Како да се храните според правилото 80/20? appeared first on Аптеки PlusPharma.

Што е методот трчање-пешачење?

Методот трчање-пешачење вклучува наизменично трчање и пешачење во контролирани интервали. На пример, може да трчате 30 секунди, а потоа да пешачите 1-2 минути пред повторно да почнете да трчате. Овој пристап е поефективен и побезбеден за луѓе кои не се навикнати на континуирано трчање или имаат здравствени ограничувања.

Зошто овој метод е совршен за повозрасни луѓе?

Според истражувањата на Американскиот колеџ за спортска медицина, редовната физичка активност може да го намали ризикот од хронични заболувања за 30-50 % кај постарите возрасни групи. Методот на трчање-пешачење е особено погоден за повозрасните, бидејќи:

• Го намалува ризикот од повреди – Пешачењето помеѓу интервалите на трчање помага во одржување на стабилноста и го намалува притисокот врз зглобовите.
• Го подобрува кардиоваскуларното здравје – Оваа техника е докажано ефикасна за подобрување на издржливоста и на срцевата функција.
• Ги подобрува мускулната сила и рамнотежата – Со оваа активност ги зајакнувате нозете, но и телото во целина, што помага во спречување падови и повреди.
• Ја намалува анксиозноста и го подобрува расположението – Физичката активност го зголемува лачењето на ендорфини, што придонесува за подобро ментално здравје.

Дополнително, според студија објавена во Journal of Aging and Physical Activity, методот на трчање-пешачење може да ја подобри когнитивната функција кај повозрасните лица и да го намали ризикот од деменција. Ова е значаен фактор, бидејќи менталното здравје е исто толку важно како и физичката кондиција.

Како да започнете?

Ако досега не сте практикувале трчање, важно е да започнете полека. Следете ги овие чекори:

1. Загрејте се – 5 до 10 минути лесно пешачење за подготовка на мускулите и на зглобовите.
2. Започнете со кратки интервали – Обидете се со 20-30 секунди лесно трчање, проследено со 1-2 минути пешачење.
3. Постепено зголемувајте го времето на трчање – Како што стекнувате издржливост, пробајте со 1 минута трчање и 1 минута пешачење.
4. Слушајте го вашето тело – Ако почувствувате замор или болка, забавете го темпото или направете подолги паузи со пешачење.
5. Истегнете се на крајот – Завршете со неколку минути лесни истегнувања за да ги опуштите мускулите.

Колку често треба да го применувате овој метод?

За најдобри резултати, целете кон три до пет сесии неделно со времетраење од 20 до 40 минути. Ако сте почетник, почнете со два до три пати неделно и постепено зголемувајте ги времето и фреквенцијата на тренинзите.

Истражувања покажуваат дека повозрасните лица кои практикуваат редовна аеробна активност имаат 35 % помал ризик од срцеви заболувања и 40 % подобра аеробна издржливост во споредба со неактивните лица. Затоа, овој метод е одличен начин да го одржувате здравјето без непотребен стрес врз телото. Најважно е да уживате во процесот и да останете активни!

The post Најдобриот комбиниран метод за кондиција во секоја возраст appeared first on Аптеки PlusPharma.

Филмот доби признание за режијата, сценариото, кинематографијата и музиката, а Броди ја освои наградата за најдобар актер на 97-то доделување на Оскарите.

The post Што во слободно време? Погледнете филм, The Brutalist appeared first on Аптеки PlusPharma.

Според истражувањата, бројот на разводи меѓу лица над 50 години се зголемил повеќе од двојно во последните три децении. Додека во 1990 година само 8,7 % од разводите припаѓале на оваа возраст, во 2019 година овој процент достигнал 36 %. Овој тренд ги загрижува експертите, но и отвора многу прашања: Што ги тера партнерите да се разделат по толку долго време? И како тие се справуваат со оваа промена?

Зошто се зголемува бројот на доцни разводи?

Во 70-тите години на минатиот век, разводот стана подостапен и општествено поприфатлив, особено со правните промени што им овозможија на жените поголема финансиска независност. Денешните генерации, особено беби-бумерите (родени помеѓу 1946 и 1964 година), израснале во општество каде разводот не се смета за табу и каде личната среќа е приоритет.

Дополнително, луѓето живеат подолго – просечниот животен век се зголеми од 70 години во 1960 година на 77,5 години во 2022 година, според Центарот за контрола и превенција на болести (CDC). Кога некој има 50 или 60 години и пред него има уште неколку децении живот, идејата да остане во неисполнет брак станува помалку прифатлива. Наместо да останат во брак од навика или страв, многумина избираат нов почеток.

Главни причини за развод по 50-тата година

1. Патиштата се разидуваат
Луѓето се менуваат со текот на годините. Она што ги спојувало на почетокот на бракот може да исчезне, а разликите да станат непремостливи.

2. Празно гнездо
Кога децата ќе пораснат и ќе заминат од дома, брачните партнери остануваат сами еден со друг. Некои парови сфаќаат дека веќе немаат заеднички интереси или дека долго време нивната врска се одржувала само поради семејните обврски.

3. Финансиска независност
Денес жените имаат повеќе финансиски можности отколку претходно. Ако некогаш останувањето во брак било економска нужност, сега тоа не е случај.

4. Подобрување на животниот век
Подолгиот животен век значи повеќе време за личен развој и за нови искуства. Многумина не сакаат да ги поминат последните децении во брак што не ги исполнува.

5. Здравствени предизвици
Некои партнери не сакаат да поминат години грижејќи се за болен сопружник, особено ако нивниот однос и онака бил проблематичен.

Како да се справите со развод во подоцнежните години?

Разведувањето во подоцнежните години носи предизвици кои не постојат порано во животот. Еден од нив е финансиската неизвесност, особено за жените. Жените, генерално, имаат помали финансиски заштеди. Иако денес работат повеќе и имаат повисоко образование, мажите сè уште заработуваат повеќе. Половата разлика во платите е дел од причината, но постојат и други фактори што предизвикуваат финансиски стрес.

Додека жените заработуваат 76 % од платата на мажите, тие поседуваат само 36 % од нивните средства. Ова е затоа што мажите имаат поголем пристап до можности за акумулација на богатство, додека жените почесто носат економски товар како самохрани родители, дури и ако претходно биле во партнерски односи.

Затоа, грижата за себе е клучна при навигирањето низ разводот. Еве неколку начини како да си помогнете во овој процес:

Изградете мрежа за поддршка

Опкружете се со пријателите и со семејството, бидејќи социјалната изолација го зголемува ризикот од анксиозност, депресија, злоупотреба на супстанции и дури и губење на меморијата. Луѓето со силни социјални врски живеат подолго отколку оние кои минуваат многу време сами. Закажете неделни средби со блиските или стартувајте со некое хоби, зачленете се во студио за вежбање или патувајте.

Посетете терапевт

Терапијата може да ви помогне да ги разберете причините за крајот на бракот и да ја зајакнете вашата самодоверба за идните односи. Терапијата, исто така, може да помогне во развивање на стратегии за управување со стресот и со анксиозноста.

Направете финансиски план

Еден од најголемите предизвици при разводот е финансиската нестабилност. Доколку можете, консултирајте се со финансиски советник. Ако тоа не е опција, истражете бесплатни ресурси онлајн за финансиска едукација.

Планирајте ја здравствената заштита

Ако претходно сте биле осигурени преку брачниот партнер, проверете ги опциите за ново здравствено осигурување. Размислете за превентивни здравствени прегледи и начин на живот што ќе ја подобри вашата благосостојба.

Размислете за иднината

Разводот може да биде застрашувачки, но не мора да значи крај – напротив, може да биде нов почеток. Ова може да биде време на личен развој и на ослободување, бидејќи конечно можете да се фокусирате само на себе.

Запрашајте се: Кој сум јас сега? Што сакам во оваа нова фаза од животот? Ако сакате да научите нова вештина, запишете се на курс. Ако сакате да патувате, почнете да штедите за следната дестинација. Животот по разводот не мора да биде тежок – напротив, може да биде полн со нови можности.
Разводот е тежок на која било возраст, но тој носи и позитивни страни. Да се изберете себеси е храбра и важна одлука, бидејќи секој заслужува среќа.

The post Зошто сѐ повеќе парови се разведуваат по 50-тата година? appeared first on Аптеки PlusPharma.

Покрај тоа, цвеклото е богат извор на железо, што го прави корисно за луѓе со анемија. Високата содржина на влакна во цвеклото ја подобрува дигестијата и го поддржува здравјето на цревата, додека антиоксидантите, како беталаините, ги штитат кожата и клетките од оштетување. Нискокалорично и богато со хранливи материи, цвеклото е одличен додаток во салати, сокови или како гарнир.

The post Цвекло appeared first on Аптеки PlusPharma.

Режиран и напишан од Адам Брукс, филмот истражува теми како што се самоспознавање, семејни односи и романса. Карсон ја прикажува Алекс со длабочина, прикажувајќи ја нејзината трансформација од изгубена и неодлучна личност до некој што активно го обликува својот живот.

The post Што во слободно време? Погледнете филм, The Life List appeared first on Аптеки PlusPharma.

• 300 г пилешки стек
• 1 лажица маслиново масло
• 1 лажичка лук во прав
• 1/2 лажичка ким
• 1/2 лажичка сол
• 1/2 лажичка бибер
• сок од 1/2 лимон

Состојки за гарнир:

• 1 чаша варен булгур или киноа
• 1 рака свеж спанаќ или рукола
• 1/2 авокадо, исечкано
• 5-6 шери домати, преполовени
• 2 лажици хумус
• 1/4 чаша фета сирење (опционално)
• 1 лажичка семки од сончоглед или сусам

Состојки за прелив:

• 2 лажици грчки јогурт
• 1 лажичка сенф
• 1 лажичка мед
• 1 лажица лимонов сок
• 1/2 лажичка сол

Подготовка:

Измешајте ги зачините, маслиновото масло и лимоновиот сок, и убаво втријте го пилешкото месо и оставете го да се маринира најмалку 15-20 минути. Испечете го на скара или пржете го на грил тава околу 20 мин. на 200°C, а потоа исечете го на тенки парчиња. Распределете варен булгур (или киноа) на чинија. Додајте свежи зеленчуци, авокадо и шери домати. Ставете една лажица хумус и наросете фета сирење. Пилешкото наредете го одозгора. Измешајте ги состојките за дресингот и прелијте го оброкот. Додајте потпечени семки од сончоглед за крцкав ефект.

The post Пролетна чинија со пилешко и хумус appeared first on Аптеки PlusPharma.

Зошто дијабетичарите често имаат суво око?

Хронично покачениот шеќер во крвта може да доведе до оштетување на нервите (што се нарекува дијабетична невропатија), вклучително и на оние кои ја контролираат продукцијата на солзи. Истовремено, намалената чувствителност на површината на окото го отежнува природниот одговор на солзната жлезда на сувост. Резултатот е нарушен солзен филм, што доведува до симптоми на суво око.

Како да ги препознаете симптомите на суво око?

Симптомите на суво око може да бидат суптилни и да се појавуваат постепено. Затоа е важно пациентите со дијабетес да знаат на што да внимаваат. Најчестите симптоми вклучуваат:

• Чувство на пецкање или жарење во очите
• Чувство како да имате песок или страно тело во окото
• Замаглен вид, кој се подобрува по трепкање
• Црвенило и иритација
• Чувствителност на светлина (фотофобија)
• Парадоксално, може да се јави и засилено солзење – како реакција на сувост
• Замор на очите при читање, работа на компјутер или гледање телевизија

Доколку пациентот примети еден или повеќе од овие симптоми, и особено ако траат подолго од неколку дена, потребно е да се побара мислење од офталмолог и да се ординира соодветна терапија.

Кога е потребен офталмолошки преглед?

Секој пациент со дијабетес треба барем еднаш годишно да посетува офталмолог за рутинска проверка, која вклучува преглед на видна острина, интраокуларен притисок, преглед на фундус во мидријаза (широка зеница).
Почести прегледи се препорачуваат кај пациентите кај кои веќе се дијагностицирани компликации на окото од дијабетесот, како и кај пациенти кои имаат акутни симптоми, како:

• Појава или влошување на симптомите на суво око (изразено грепкање, печење, црвенило и сл.)
• Нарушување на видот (намалување на видот или појава на мушички во видното поле)
• Ако претходно ви биле дадени вештачки солзи, но симптомите не се подобруваат

Раната дијагноза на синдромот на суво око, како и навремената интервенција се клучни за спречување на трајни оштетувања на површината на окото и подобрување на квалитетот на живот.

Превенција и секојдневна грижа

Синдромот на суво око може да се контролира и ублажи со неколку едноставни, но многу важни мерки:

• Контрола на шеќерот во крвта – Добро регулиран дијабетес значи помала веројатност за појава на компликации на очите
• Редовно користење на вештачки солзи – Добро е секој пациент со дијабетес во својот дом да има вештачки солзи кои ќе ги користи при појава на симптоми на суво око
• Избегнување на сув, загаден или климатизиран воздух
• Правење кратки паузи при долготрајна работа на компјутер и користење вештачки солзи во тек на работа
• Здрава исхрана, богата со витамини и минерали, како и доволен внес на вода

Сувото око е честа, но често занемарена состојба кај пациенти со дијабетес. Познавањето на симптомите и редовната офталмолошка грижа се клучни за навремено откривање и успешно лекување. Со соодветна нега и дисциплина, пациентите можат да одржат добар вид и здравје на очите долгорочно.

Др. Маја Иванова Цеков
Специјалист офталмолог , ПЗУ Систина Офталмологија

The post Дијабетес и суво око – Што треба да знае секој пациент? appeared first on Аптеки PlusPharma.

Ѓумбир

Ѓумбирот е корен со силно антиинфламаторно и антиоксидантско дејство, кој традиционално се користи во Ајурведата и во кинеската медицина. Главната активна состојка во ѓумбирот е гингеролот – соединение со изразен антивоспалителен и аналгетски ефект. Современите истражувања потврдуваат дека гингеролот може да ја намали болката поврзана со остеоартритис, како и да го подобри варењето и да го смири стомакот.
Истражување објавено во Journal of Pain (2010) покажува дека 2 грама ѓумбир дневно, консумирани во текот на 11 дена, значително ја намалуваат болката во мускулите по физичка активност. Дополнително, ѓумбирот е ефикасен природен лек против мачнина, особено кај бремени жени и лица кои патуваат.
Како да го користите?
Може да го користите свеж во чаеви, како зачин во јадења или како сув додаток во форма на капсули. Покрај тоа што го стимулира имунитетот, ги подобрува метаболизмот и циркулацијата, ѓумбирот има и блага термогена активност – го загрева телото однатре.

Куркума

Куркумата е една од најмоќните природни антиинфламаторни агенси. Активната состојка, куркумин, е интензивно проучувана поради нејзината способност да го намали хроничното воспаление, кое е во основата на многу болести како артритис, срцеви заболувања, Алцхајмерова болест и дури некои форми на рак.
Клинички студии објавени во Phytotherapy Research (2014) покажуваат дека екстрактот од куркума може да биде подеднакво ефикасен како аналгетик кај пациенти со остеоартритис на колено. Куркуминот, исто така, има позитивно дејство врз когнитивната функција, расположението и оксидативниот стрес.
Куркумата најдобро се апсорбира во организмот ако се комбинира со црн пипер (кој содржи пиперин) и здрави масти.
Како да ја користите?
Може да ја користите во јадења, смути, чаеви, но и како додаток во форма на капсули или златно млеко.

Женшен

Женшенот се смета за еден од најценетите адаптогени во светот. Тој делува на целиот организам, помагајќи му да се прилагоди на физичкиот и на психичкиот стрес. Истражувањата покажуваат дека женшенот може да ги зголеми менталната будност, физичката издржливост, како и да го зајакне имунитетот.
Една студија објавена во Journal of Ginseng Research (2013) заклучува дека редовната консумација на женшен ги подобрува когнитивниот перформанс, вниманието и реактивноста кај возрасни. Исто така, има потенцијал да го регулира шеќерот во крвта и да го намали заморот кај луѓе кои страдаат од хроничен замор.
Како да го користите?
Женшенот може да го внесувате во форма на чај, тинктура или капсули, најдобро наутро или пред ментално напорни активности. За разлика од кофеинот, тој обезбедува чиста енергија, без нагли падови и несакани ефекти.

Мака

Мака е корен што расте на Андите и се користел уште од времето на Инките за зголемување на издржливоста, плодноста и либидото. Мака е природен адаптоген што го поддржува хормоналниот баланс кај жените и кај мажите, особено во периоди на стрес, ПМС или менопауза.
Истражување објавено во International Journal of Biomedical Science (2006) покажува дека мака може да помогне при симптоми на менопауза како што се несоница, анксиозност и ниска енергија. Покрај тоа, се верува дека ги подобрува и плодноста и сексуалната функција кај мажите.
Како да ја користите?
Мака се користи како прав кој може да го додадете во смути, овесна каша или кафе. Има благ, оревест вкус и најдобро делува кога се зема наутро. Се препорачува постепено зголемување на дозата.

Ашваганда

Ашвагандата е уште еден моќен адаптоген од ајурведската медицина, позната по своето смирувачко дејство врз нервниот систем. Таа помага да се намалат нивоата на кортизол, хормонот на стресот, и го поттикнува чувството на релаксација и на ментален баланс.
Истражување објавено во Indian Journal of Psychological Medicine (2012) покажува дека дневна доза од 300 мг екстракт од ашваганда значително ги намалува хроничниот стрес и анксиозноста по 60 дена. Таа, исто така, го подобрува квалитетот на спиењето и може да ја поддржи тироидната функција.
Како да ја користите?
Ашвагандата најчесто се консумира како капсула или прав, обично навечер. Може да се додаде во млеко или топол пијалак пред спиење како природна поддршка за смирен ум и добар сон.

Како да изберете вистински додаток од корен?

Кога купувате додатоци на база на коренести растенија, внимавајте:
• Да бидат стандардизирани на активни состојки
• Да содржат екстракт токму од коренот
• Да не содржат вештачки бои, засладувачи или адитиви
• Да имаат добра биорасположивост
• Да потекнуваат од сертифицирани извори

Кој треба да биде внимателен со овие корени?

Не заборавајте дека и природните состојки имаат моќно дејство, а понекогаш и контраиндикации. Пред да почнете со редовна употреба, еве неколку важни предупредувања:

Куркума
1. Може да ја разреди крвта, па ако земате лекови против згрутчување, консултирајте се со лекар.
2. Во високи дози може да предизвика стомачни тегоби.

Ашваганда
1. Не се препорачува за лица со хипертироидизам или автоимуни болести без претходна консултација.
2. Во бременост се избегнува поради можност да влијае на хормоните.

Женшен
1. Може да влијае на крвниот притисок и на нивото на шеќер – важно е луѓето со дијабетес или хипертензија да бидат внимателни.
2. Не се препорачува да се зема подолго од 2 месеци без пауза.

Мака
Иако е генерално безбедна, не е доволно истражена кај трудници и доилки – најдобро е да се избегнува во тие периоди.

Ѓумбир
1. Може да предизвика благо разредување на крвта – луѓето на антикоагулантна терапија треба да бидат внимателни.
2. Понекогаш предизвикува печење во желудникот ако се зема на празен стомак.

The post 5 суперкорени што ќе ви ги променат телото и умот! appeared first on Аптеки PlusPharma.

Младата, цврста и еластична кожа му ја должиме на колагенот! Но, со текот на годините, природното производство на колаген во нашето тело се намалува. Што можеме да сториме околу тоа? Да го забавиме овој природен процес, а со доволно упорност да поттикнеме производство на нови дози колаген.
И тука на сцена настапуваат пептидите – моќна состојка која поттикнува синтеза на колаген и помага во одржувањето на цврстината и на еластичноста на кожата. Доколку сè уште не ги користите пептидите во вашата рутина за убавина, време е да започнете! Еве сè што треба да знаете за нивното воведување во вашата нега.

Што се пептиди и зошто се важни?

Пептидите се кратки синџири од аминокиселини – градбени блокови на протеини како колаген, еластин и кератин. Овие протеини се клучни за одржување на структурата, хидрацијата и отпорноста на кожата.

Кога се нанесуваат локално, пептидите делуваат како сигнални молекули, испраќајќи порака до кожата да произведе повеќе колаген, да ги поправи оштетувањата и да ја подобри текстурата. За разлика од молекулите на колагенот, кои се премногу големи за да продрат во кожата, пептидите се доволно мали за да бидат апсорбирани и да дејствуваат на клеточно ниво. Резултатот? Позатегната, помазна и подмладена кожа.

Придобивки од пептидите во нега на кожата

Вклучувањето на пептидите во вашата рутина за нега носи бројни предности:

• Го зголемуваат производството на колаген – Пептидите ги стимулираат фибробластните клетки да создаваат повеќе колаген, подобрувајќи ги цврстината и еластичноста на кожата.
• Ги намалуваат брчките и фините линии – Со обновување на загубениот колаген, пептидите помагаат во измазнување на фините линии и брчки со текот на времето.
• Ја зајакнуваат заштитната бариера на кожата – Пептидите ја зацврстуваат природната бариера на кожата, штитејќи ја од надворешни штетни влијанија и загуба на влага.
• Ја подобруваат хидратацијата – Одредени пептиди ја задржуваат влагата во кожата, оставајќи ја мека и сјајна.
• Смируваат и регенерираат – Пептидите имаат антиинфламаторно дејство, што значи дека помагаат во заздравување на кожата и намалување на црвенилото и иритацијата.

Како се користат пептиди?

За целосно да ги искористите придобивките од пептидите, следете ги овие чекори и лесно вклучете ги во вашата секојдневна нега:

Изберете го вистинскиот пептиден производ

Пептидите може да се најдат во различни формулации – серуми, креми, маски за лице и креми за околу очи. Најдобар избор е висококвалитетен пептиден серум, бидејќи овозможува најголема концентрација и најдобра апсорпција. Барајте состојки како што се бакарни пептиди, матриксил и ацетил хексапептид, кои најмногу делуваат на зголемување на колагенот.

Нанесувајте пептиди на чиста кожа

За оптимална апсорпција, пептидите треба да се нанесуваат на чиста и сува кожа. Прво измијте го лицето со благ чистач, потоа внимателно избришете го со пешкир пред да го нанесете пептидниот производ.

Комбинирајте ги пептидите со други состојки

Пептидите добро се комбинираат со многу други активни состојки, но најдобро делуваат со хијалуронска киселина (за дополнителна хидрација) и антиоксиданти како витамин Ц (за подобрена синтеза на колаген). Избегнувајте да ги мешате со AHA и BHA киселини, бидејќи можат да ја намалат нивната ефикасност.

Користете пептиди двапати дневно

Доследноста е клучна! Нанесувајте го вашиот пептиден серум или крем наутро и навечер за да забележите видливи резултати со текот на времето. Дневната рутина треба да завршува со добра хидратантна крема и задолжителен SPF за заштита од сонце.

Бидете трпеливи и истрајни

Како и со секоја активна состојка, потребно е време за да се забележат целосните ефекти на пептидите. Повеќето луѓе почнуваат да гледаат подобрување во текстурата и цврстината на кожата по 4-8 недели редовна употреба. Останете доследни и ќе уживате во поздрава и подмладена кожа.

The post Пептиди appeared first on Аптеки PlusPharma.

The post Што во слободно време? Погледнете анимиран филм, The boy and the Heron appeared first on Аптеки PlusPharma.

Гликемиските скокови се случуваат кога нивото на глукоза нагло расте по консумирање храна, особено јаглехидрати. Иако повремените осцилации се нормални, честите или екстремните флуктуации можат да доведат до хронични здравствени проблеми како што се инсулинска резистенција, дијабетес и кардиоваскуларни болести. Затоа, добро е да научите да ги контролирате пред тие да го заземат вашето здравје.

Што претставуваат гликемиските скокови?

Гликемиски скок настанува кога нивото на шеќер во крвта нагло се зголемува по консумација на храна богата со јаглехидрати, особено рафинирани шеќери и преработени зрнести производи.
Во нормални услови, телото го регулира нивото на шеќер преку инсулин – хормон што го лачи панкреасот и кој овозможува премин на глукозата од крвотокот во клетките за енергија или складирање. Сепак, кога внесот на шеќери е преголем и премногу брз, организмот не може ефикасно да одговори, што резултира со нагло зголемување на гликозата во крвта.

Честите гликемиски скокови можат да доведат до инсулинска резистенција, состојба во која клетките стануваат помалку осетливи на инсулинот. Со текот на времето, ова ја зголемува веројатноста за развој на метаболички нарушувања, вклучително и дијабетес тип 2.
Истражувањето објавено во The Journal of Clinical Endocrinology & Metabolism во 2021 година, покажа дека лицата со висока варијабилност на гликозата имаат поголем ризик од инсулинска резистенција и кардиоваскуларни заболувања.

Што ги предизвикува гликемиските скокови?

Неколку фактори можат да придонесат за нагли покачувања на нивото на шеќер во крвта:

• Храна со висок гликемиски индекс: Производи како бел леб, газирани пијалаци и преработени грицки брзо се разградуваат и се апсорбираат, што доведува до брзо зголемување на гликозата.
• Големи оброци: Прејадувањето, особено со оброци со јаглехидрати, може да го оптовари панкреасот дотолку што тој нема да може да излезе на краj со шеќерот.
• Недостаток на влакна, протеини и здрави масти: Овие нутриенти го забавуваат варењето и апсорпцијата на глукозата, спречувајќи нагли скокови.
• Недоволна физичка активност: Движењето помага во апсорпција на глукозата од страна на мускулите, така што недостатокот на активност по оброк може да доведе до повисоки нивоа на шеќер.
• Стрес и недостаток на сон: Хормоните како кортизолот можат да го нарушат дејството на инсулинот, а недоволниот сон е поврзан со зголемена инсулинска резистенција.

Симптоми на гликемиски скок

По наглиот скок на шеќерот во крвта, често следува брзо опаѓање, познато како реактивна хипогликемија, што може да предизвика:

• Замор – ненадејниот пад на шеќерот доведува до чувство на исцрпеност.
• Раздразливост и промени во расположението – флуктуациите во шеќерот влијаат врз функцијата на мозокот, што предизвикува нестабилност во расположението.
• Желба за благо и јаглехидрати – организмот бара нов извор на брза енергија за компензација на наглото опаѓање на шеќерот.
• Главоболки – ненадејните промени во нивото на шеќерот можат да бидат тригер за главоболки и мигрени.
• Ментална заматеност (brain fog) – тешкотии со концентрацијата и намалување на когнитивниот капацитет на мозокот.

Како да ги спречите гликемиските скокови?

Контролирањето на нивото на шеќер во крвта е клучно за спречување на долгорочни здравствени компликации. Еве неколку докажани стратегии за стабилизирање на глукозата:

1. Балансирани оброци
Комбинацијата на протеини, здрави масти, влакна и сложени јаглехидрати помага да се забави апсорпцијата на глукозата. Истражувањата покажуваат дека додавањето на протеини и масти во оброкот може да ги намали гликемиските скокови.
Совет: Белиот леб заменете го со авокадо или путер од јаткасти плодови за побавно апсорбирање на шеќерите.

2. Мени по правилен редослед
Истражување на Weill Cornell Medical College покажало дека консумацијата на влакна и протеини пред јаглехидрати значително ги намалува гликемиските скокови.
Совет: Започнете со салата или месо пред да јадете ориз или тестенини.

3. Храна со низок гликемиски индекс
Гликемискиот индекс претставува мерка за тоа колку брзо одредена храна го покачува нивото на шеќер во крвта. Намирниците со висок гликемиски индекс, како бел леб, газирани пијалаци и слатки производи, предизвикуваат нагли гликемиски скокови.
Истражувањето објавено во Diabetes Care во 2018 година покажа дека исхраната со низок гликемиски индекс ја подобрува осетливоста на инсулинот.

Најдобри избори:

• Цели зрна (киноа, кафен ориз, интегрален леб)
• Зеленчук богат со растителни влакна (брокула, спанаќ, кељ, леќа)
• Здрави масти (маслиново масло, јаткасти плодови, авокадо)
• Посни протеини (пилешко, риба, тофу)

4. Прошетка по јадење
Редовното вежбање го подобрува метаболизмот на глукозата и ја зголемува осетливоста на инсулинот. Истражувањето на American Journal of Clinical Nutrition од 2020 година, покажува дека дури и 10-минутна прошетка по оброк може да помогне во намалување на гликемиските скокови
Совет: Само 10-15 минути пешачење по оброк може да спречи нагли зголемувања на глукозата.

5. Доволен внес на вода
Дехидратацијата може да доведе до покачено ниво на шеќер во крвта, бидејќи телото не може ефикасно да го разградува вишокот шеќер. Истражување во Diabetes & Metabolism (2017) покажало дека лицата кои не внесуваат доволно течности во текот на денот имаат поголем ризик од хипергликемија.
Совет: Редовно пијте вода и избегнувајте засладени пијалаци.

6. Доволно сон
Недостатокот на сон ја намалува осетливоста на инсулинот. Според студија објавена во The Lancet Diabetes & Endocrinology (2019), лицата што спијат помалку од 6 часа во текот на ноќта имаат зголемен ризик од нарушувања на гликозниот метаболизам.
Цел: Обидете се да спиете од 7 до 9 часа секоја ноќ.

7. Управување со стресот
Хроничниот стрес предизвикува лачење на кортизол, хормон кој може да доведе до инсулинска резистенција и зголемено ниво на шеќер во крвта.
Совет: Медитација, јога или техники на длабоко дишење можат да помогнат во стабилизација на нивото на шеќер.

The post Глукозни скокови appeared first on Аптеки PlusPharma.

Како нација седиме премногу, нели?! Седиме на работа, седиме пред телевизор, омилено ни е долгото седење на кафе, тука е и седењето во омилената фотелја со добра книга или со телефонот, седиме дури и кога готвиме – особено ако не нè држат нозете.

Но, долготрајното седење, дури и кога изгледа безопасно, може да доведе до сериозни последици по здравјето на нашите вени. Една од нив е тромбозата на длабоките вени (ТДВ) – состојба која често доаѓа без предупредување, но која може да биде опасна по живот.

Што точно претставува тромбозата на длабоките вени?

ТДВ е состојба при која се создава крвна грутка (тромб) во длабоките вени, најчесто во ногата. Кога крвта не циркулира доволно – како што се случува при долготрајно седење или мирување – постои поголема шанса да дојде до абнормално згрутчување на крвта. Овој тромб може да го блокира нормалниот проток на крв и да предизвика болка, оток и воспаление. Најсериозна компликација е ако тромбот се одвои и отпатува до белите дробови – состојба позната како белодробна емболија, која бара итна медицинска помош.

Што може да предизвика длабоката венска тромбоза?

Длабоката венска тромбоза може да настане како резултат на различни фактори кои ја оштетуваат внатрешната обвивка на вените. Секое оштетување на оваа обвивка, било да е тоа поради хируршка интервенција, повреда или како одговор на имунолошкиот систем, може да предизвика формирање на тромб.
Дополнително, кога крвта е густа или кога циркулира премногу бавно, станува подложна на згрутчување. Ова е особено ризично кога се случува во вена која веќе е оштетена. На тромбозата може да влијаат и генетски фактори, хормонални промени или долгорочно седење во една позиција.

Кој е под ризик?

Се наоѓате во ризична група ако:

• Седите подолго време без да се движите, како што е случај со канцелариски работници или оние кои поминуваат многу време зад волан или пред телевизор.
• Патувате често со авион или воз.
• Сте постари од 60 години.
• Имате прекумерна тежина, хипертензија или други здравствени проблеми.
• Луѓето кои имаат канцер, кои се подложни на долготрајно лежење поради болест или операција.
• Пушачите.

Како се препознава оваа состојба?

Почетните симптоми може да се појават многу бавно и да бидат лесно занемарени:

• Болка или осетливост во ногата, најчесто на листот.
• Оток или чувствителност на кожата.
• Топлина и црвенило на местото каде што е присутен тромбот.
• Чувство на тежина во ногата.
  Не сите случаи имаат симптоми, затоа е важно да се обрне внимание на сите промени во циркулацијата.

Како да се заштитите?

Редовно движење: Иако можеби веќе не сте во можност да трчате, кратките прошетки или едноставни вежби за нозете помагаат во одржување на добра циркулација.
Компресивни чорапи: Овие чорапи ја стимулираат циркулацијата и спречуваат формирање на тромб, и се особено корисни при долготрајно седење.
Многу вода: Хидратацијата е важна за течноста на крвта, а и помага во превенција од згрутчување.
Контрола на тежината: Здравата тежина ја намалува веројатноста за тромбоза.
Редовно вежбање: Дури и на работа, важно е да станете и да се движите на секои 1-2 часа.

Кога да побарате лекар?

Во случај на следниве симптоми, одложувањето на консултацијата со лекар може да има сериозни последици:

• Болка или оток во едната нога.
• Тешка болка при одење или стоење.
• Чувство на замор и слабост, непосредно по седење.
• Кратко дишење или болка во градите (може да се случи ако тромбозата премине во белодробна емболија).

Што ако веќе се појави тромбоза?

Дијагнозата обично се поставува со ултразвук на вените, а третманот вклучува:
Антикоагулантни лекови – ја разредуваат крвта и помагаат во спречување на проширување на тромбот. Се внесуваат орално или преку инјекција. Антикоагулантите немаат способност да го разбијат тромбот, но спречуваат формирање на други тромбови и на телото му даваат време самото да го разбие постоечкиот тромб.
Третманот на длабока венска тромбоза со тромболитици вклучува лекови кои имаат способност да го разбијат тромбот. Овие лекови можат да предизвикаат сериозно крвавење, па затоа се користат само во итни ситуации. Тромболитиците се примаат интравенозно и се администрираат исклучиво во болнички услови, каде пациентот може да биде под постојан медицински надзор.

Во некои случаи, доколку тромбот се прошири, може да биде потребна хируршка интервенција.
Несакани ефекти од лековите за третман на длабока венска тромбоза
Антикоагулантите, лекови кои ја разредуваат крвта, ги прават пациентите подложни на модринки и почести крвавења. Внатрешното крвавење може да биде многу сериозно, па затоа кога користите антикоагуланти, важно е лекарот да се увери дека крвта не е премногу разредена. Некои од новите антикоагуланти не бараат постојан медицински надзор во поглед на ефектот на разредувањето на крвта.

Предупредувачки знаци за внатрешно крвавење

Внатрешното крвавење во стомакот може да се препознае преку силна болка, повраќање во форма на кафени зрнца или светлоцрвена течност. Ако се случи крвавење во мозокот, тоа може да предизвика силна главоболка или симптоми на мозочен удар, како што се неприродни движења, заматен вид и конфузија.
Не потценувајте ја тивката опасност!

Тромбозата на длабоките вени е болест која е тесно поврзана со модерниот начин на живот – постојаното седење и недостатокот на физичка активност ја зголемуваат веројатноста за нејзино појавување. Затоа, важно е да внимавате на малите промени во вашиот животен стил. Иако може да изгледаат неважни, тие можат да имаат големо влијание на вашето здравје. Ако сте постари и не се чувствувате свои, најдобро е да се консултирате со лекар за да избегнете сериозни последици.

Вежби за поттикнување на циркулацијата додека сте на работа

Додека седите на столот, почнете да ја подигате и спуштате едната нога, па потоа другата, како да марширате со нозете под биро. Ова ќе ја подобри циркулацијата.
Стојте и правете неколку кругови со зглобовите на стапалата (десно и лево).
Станувајте од столот секој час и прошетајте малку низ канцеларијата или домот. Овие кратки паузи ќе го поттикнат протокот на крв и ќе спречат згрутчување на крвта.

Длабока венска тромбоза за време на бременост

Жените се поподложни на длабока венска тромбоза за време на бременоста, а исто така и 4 до 6 недели по породувањето. Ова е резултат на поголемото ниво на естроген, кој ја прави крвта поподложна на згрутчување. Дополнително, притисокот од проширената матка може да го забави протокот на крвта во вените. Во некои случаи, одредени нарушувања во крвта можат дополнително да го зголемат ризикот од развој на тромбоза.

Длабоката венска тромбоза и долгите патувања

Патувањата на нови и далечни места можат да бидат многу возбудливи, но не и седењето на истото седиште за време на подолг меѓународен лет. Научните истражувања потврдуваат дека летовите кои траат подолго од 4 часа го зголемуваат ризикот од развој на длабока венска тромбоза. Овој ризик не важи само за авионските летови, туку и за патувања со автомобил, автобус или воз. Долгото седење без движење го забавува протокот на крвта и ја зголемува веројатноста за формирање на тромбови.

Што е белодробна емболија?

Белодробната емболија се случува кога тромбот се одвојува и патува до белите дробови, каде може да ја блокира артеријата која ги снабдува белите дробови со крв. Ова може да биде фатално ако не се третира навреме. Симптомите вклучуваат тешка болка во градите, отежнато дишење, брзо или нерамномерно чукање на срцето и кашлица со крв.

The post Тромбоза на длабоките вени appeared first on Аптеки PlusPharma.

Копенхаген е град каде што бајките се судруваат со модерните иновации. Копенхаген важи за еден од најеколошките градови во светот, со силен фокус на велосипедизмот, зелената енергија и одржливиот начин на живот. Градот нуди бројни паркови и зелени површини, што го прави совршена дестинација за љубителите на природата во урбана средина.

Што да посетите?

Nyhavn – Разгледница од реалноста
Ниту едно патување во Копенхаген не е целосно без посета на Nyhavn. Оваа пристанишна област со шарени градби од 17-тиот век некогаш била дом на Ханс Кристијан Андерсен. Денес, тоа е живописно место полно со кафулиња и ресторани, совршено за попладневна прошетка или крстарење низ каналите.

Tivoli Gardens – Волшебен забавен парк
Отворен во 1843 година, Tivoli Gardens е еден од најстарите забавни паркови во светот и е задолжителна атракција. Со прекрасно уредени градини, возбудливи атракции и сезонски настани, нуди магично искуство за сите генерации.

Christiansborg Palace – Кралско искуство
Овој импресивен дворец е дом на Данскиот парламент, Врховниот суд и кралските простории за прием. Посетителите можат да ги истражат величествените сали, да се искачат на кулата за панорамски поглед и да ги видат кралските таписерии што ја прикажуваат данската историја.

Freetown Christiania – Алтернативен културен центар
Christiania е самопрогласена автономна населба позната по својата боемска атмосфера, живописен уличен уметнички израз и алтернативен начин на живот. Посетата овде нуди поинаков поглед на културата и на историјата на Копенхаген.

Што да јадете?

Smørrebrød е традиционален дански отворен сендвич, обично сервиран со харинга, ракчиња или говедско месо. Никако не заминувајте оттука без да пробате класично данско печиво или печиво со цимет, кои совршено одат во комбинација со силно данско кафе. За поопуштено и поекономично кулинарско искуство, посетете го Reffen, познатиот пазар за улична храна во Копенхаген, каде што ќе најдете сè – од гурмански бургери до органски нордиски јадења. Torvehallerne, затворениот пазар за храна, е уште едно одлично место за дегустација на локални деликатеси.

Мода и шопинг

Копенхаген е светски моден центар, познат по својот безвременски скандинавски стил. Модата тука се карактеризира со минималистички дизајн, висококвалитетни материјали и функционалност.

Strøget – Една од најдолгите пешачки шопинг улици во Европа, со светски брендови, луксузни дизајнери и дански бутици.
Illum & Magasin du Nord – Двете врвни стоковни куќи во градот, совршени за шопинг на висока мода.
Jægersborggade – Трендовска улица полна со бутици, продавници за винтиџ мода и занаетчиски работилници.т

The post Копенхаген appeared first on Аптеки PlusPharma.

Покрај тоа, тој е природно богат со калиум, содржи дури повеќе од повеќето овошја, што го прави совршен сојузник во регулирањето на крвниот притисок и функцијата на мускулите. Овој јаткаст плод изобилува со антиоксиданти, вклучувајќи лутеин и зеаксантин, кои го штитат видот и ја неутрализираат штетата од слободните радикали. Покрај тоа, ф’стакот е еден од ретките јаткасти плодови што содржи значителна количина на витамин Б6, кој е клучен за производство на хемоглобин, подобрување на расположението и зајакнување на имунолошкиот систем. Ако се грижите за линијата, ф’стакот е одличен избор! Иако е богат со масти, неговата комбинација на влакна и протеини создава долготрајно чувство на ситост и може да помогне во контролирање на апетитот.

Освен тоа, неговите пребиотички влакна го поттикнуваат растот на добрите бактерии во дигестивниот систем, што позитивно влијае на варењето. Ф’стакот може да се консумира свеж, печен, во салати, десерти или како додаток во смути.

The post Ф’стак appeared first on Аптеки PlusPharma.

Некои луѓе го бараат мирот во топлината. Други го наоѓаат во студот. Во овие вторите е Бети Котовчевска од Ресен, девојката која оди среде зима по планините за да најде река, езеро, водопад, и да се нурне во студената вода. Не поради тренд, туку за да му даде здравје на телото и мир на умот.

По тешката сообраќајна несреќа која ја остава неподвижна, Бети го открива методот на холандскиот „Леден човек“, Вим Хоф – техника што комбинира специфично дишење, ладна терапија и ментална дисциплина. Она што почнува како обид за лекување, прераснува во нејзина целосна животна филозофија.

Нејзиниот нов начин на живот ја носи дури до Лапонија, Финска, каде успева спокојно да дише во ледените води на температура од -34°C. Средбата со самиот Вим Хоф е само уште една потврда дека е на вистинскиот пат.

Во средина во која од мали нè учат да се штитиме од студот, Бети крши мраз – буквално и симболично.

Промовирате дружба со студот во средина во која сè уште слушаме: „Облечи се, ќе настинеш…Не оди бос…Нема капење денес, студена е водата…“ од родители кои веруваат дека студот е извор на болести. Штом заврне, парковите се празни. При ваков менталитет, дали е тешко да ја туркате вашата идеја? 

Постојано се среќавам со скептицизам и стари верувања дека студот носи болести, жал ми е за сите нови генерации што им ја префрлуваат таа колективна траума на нивните деца, а тоа потекнува од страв.

Ние сме деца на мајката природа, не сме створени да бидеме затворени меѓу 4 ѕида, напротив, створени сме да бидуваме во природа.
Вим Хоф методот не е моја идеја, ова е целосна докажана и покажана наука која ја студирам 9 години на себе, а засега сум единствена инструкторка во Македонија – каде сè уште ладната вода е табу тема заради неедуцираност, а за светот е многу позната, но пополека јас ја воведувам дома.

Некако секогаш наоѓам начини да го победам овој менталитет, но тоа не доаѓа лесно. Потребно е време и многу трпение за да ги промениш длабоко вкоренетите верувања. Но, без разлика на тоа, резултатите зборуваат сами за себе. Почнав со малку, само за себе, а сега, по 9 години, многу луѓе почнаа да го разбираат Вим Хоф методот со студот и да го применуваат.

Врнежите и празните паркови, секако, се потсетник на тоа колку е важно да го поместуваме нашиот ум и да ги прекинуваме старите навики. Луѓето ја сакаат комфорт зоната и тоа е сосема разбирливо, но поентата на овој живот е да излеземе од истата.
Студот не е извор на болести, туку лек за телото и за умот.

Каква мака треба да има човек за да почне да се капе со студена вода?

Моето патешествие, за жал, започна од мака, но луѓето го практикуваат овој метод заради безбројните физички и психички добра.

Како на пример:

Подобрување на имунолошкиот систем: Вим Хоф методот ја зајакнува способноста на телото да се справи со инфекции и со воспаленија, што помага во градење на имунитетот.
Зголемување на енергијата: Техниката на дишење ја стимулира циркулацијата на кислород во телото, што води до поголема енергија и подобра издржливост.
Намалување на стресот и на анксиозноста: Комбинацијата на дишење и медитација помага да се намали нивото на стрес и да се подобри менталната јасност. Студената терапија стимулира ослободување на ендорфини, што создава чувство на среќа и на релаксација.
Зголемување на менталната фокусираност и контрола: Примената на дишењето и студената терапија помага да се подобрат самодисциплината и менталната флексибилност, што води до подобра концентрација и контрола над емоциите.
Подобрување на циркулацијата: Студената вода помага да се подобри циркулацијата во телото, што може да води до подобро снабдување на органите со кислород и со нутриенти.
Регенерација на клетките: Студената терапија помага во забрзување на процесите на регенерација на клетките и забавување на старењето.
Подобрување на спиењето: Практикувањето на Вим Хоф методот води до подобро и побогато спиење, благодарение на намалената анксиозност и подобрената циркулација.
Поголема толеранција на студ и температура: Примената на студената терапија ја зголемува толеранцијата на студ, што е корисно за целокупното здравје, а исто така помага за адаптација на телото на различни климатски услови.
Подобро ментално здравје: Постојаното практикување на методот поттикнува чувство на благосостојба, позитивност и севкупно ментално здравје.
Изградување на издржливост: Со редовно практикување на методот, телото и умот стануваат посилни, пофлексибилни и поиздржливи.

Дали методот може да има комплетен ефект ако се одвива само под туш, а не во природа?

Да, Вим Хоф методот може да има позитивен ефект и ако се практикува само под туш, без потреба да се биде во природа. Основната компонента на методот е дишењето. Студената вода, без разлика дали се наоѓате во природата или под туш, предизвикува слични реакции во телото. Таа го активира симпатичниот нервен систем, ја подобрува циркулацијата и ја зајакнува имунолошката функција. Под туш може да се практикува постепено, почнувајќи од кратки периоди на студена вода и постепено зголемувајќи ги времето и интензитетот.

Кога знаете дека телото е спремно за следниот чекор – капење во природа?

Знаете дека сте спремни за капење во природа кога:

Телото се навикнало на студ – ако можете да издржите подолги тушеви со студена вода без проблем.
Дишете смирено – ако вашето дишење е контролирано и се чувствувате спокојно во студени услови.
Ова е доколку одите сами низ методот, но доколку го практикувате со инструктор којшто ќе ве воведе, во случајов јас, тогаш оваа практика се учи и во една 5-часовна работилница.

Сте размислувале ли преку онлајн програма да го нудите овој метод? На кој начин луѓето стасуваат до вас за помош и на кој начин им помагате?

Секако дека да, јас работам и онлајн работилници, но како инструктор на ваков екстремен метод секогаш се залагам работилниците да се со физичко присуство, затоа што така може многу поубаво да научат и да ја осетат целата магија на заедничкото дишење, а потоа и капење. Па кога ученикот е спремен, учителот сам ќе се појави.
Самостојно се рекламирам на моите социјални медиуми Инстаграм и Фејсбук, таму најчесто објавувам кога и каде ќе биде следната работилница, исто работам и индивидуални работилници за луѓе што сакаат сами да се во овој длабок процес.

Книгата на Вим Хоф е достапна на македонски јазик, но дали таа е доволна за човек да го разбере методот и самостојно да го применува? Дали постои опасност од погрешно применување?

Да, книгата на Вим Хоф е одличен ресурс за запознавање со методот и за почетно разбирање на неговите принципи. Содржи детални објаснувања за техниките на дишење, студената терапија и медитацијата, и може да биде многу корисна за оние кои сакаат да го применуваат методот самостојно. Но, дали е доволна за самостојно и безбедно применување на методот, зависи од личниот пристап и нивото на внимание што го посветувате на инструкциите.

Прекумерна изложеност на студ: Ако не се почитуваат препораките за постепено прилагодување, може да дојде до ризик од хипотермија или шок на телото. Во природни услови, студената вода е многу поекстремна отколку под туш, па не треба да се започнува со долг период на капење, особено без соодветна адаптација.

Погрешно дишење: Техниката на дишење може да предизвика хипервентилација, што може да доведе до несвестица, вртоглавица или дури и повреда ако не се применува правилно.
Така што јас како инструктор секогаш советувам: Aко веќе почнуваш сам, мораш да одиш со многу мали чекори.

Дали методот ги буди мирните луѓе, а ги смирува хиперактивните со глед на тоа што е симбиоза од две екстреми – мирно дишење во нестандардни услови?

Точно, Вим Хоф методот е симбиоза на две екстреми: мирно дишење во студени услови. За мирните луѓе, методот може да биде поттик за акција, разбудувајќи ги и помагајќи им да ја изградат самодисциплината и да добијат сила. За хиперактивните, студената вода и мирното дишење ги смируваат, помагајќи им да научат како да ги контролираат својот ум и тело. Во суштина, методот балансира енергија и смиреност, и е корисен за сите кои сакаат да се развиваат и да најдат внатрешна рамнотежа.

Сега ќе ве вратам назад на средбата со Вим Хоф… каков е во реалниот живот?

Среќавањето со Вим Хоф, мојот учител и втор татко, беше мојата најголема желба. Тој не е само човек кој зборува за методот, туку вистински го живее. Неговата енергија и страст се заразни и се чувствуваат веднаш кога ќе влезете во неговото присуство. Она што најмногу ме изненади е колку е искрен и реален.
Од него научив дека внатрешната сила и вера во себе се вистински клучеви за надминување на сите бариери, било тоа да се физички или ментални.
Во мојот случај беше физичка бариера, јас не бев подвижна 2 години после мојата сообраќајна незгода, а сега сум 100 % излечена.

Тоа што го зборува не е само теорија, туку практично искуство.
Неговата вера дека „не постојат невозможности“, туку само потенцијали за откритие на себе, е нешто што не може да се пренесе само со зборови или книги.
Таа треба да се доживее, да се почувствува лично, и само тогаш може целосно да се разбере.
Вим Хоф е жив доказ дека границите се повеќе ментални отколку физички, а вистинската сила е во контролата на умот и во дишниот процес. Тоа што го учи е многу повеќе од техниките – тоа е начин на живот и начин на гледање на светот.

Какво детство имавте, дали отсекогаш имавте длабока врска со природата? Што најмногу ви недостасува од тие безгрижни денови?

Да, Бети е растена уште од малечка во природа благодарение на моите прекрасни родители, се сеќавам дека дедо ми ме викаше жабче затоа што не излегував од вода, знаев да му се налутам, но сега потполно го разбирам.
Безгрижно детство, секој ден во склоп со природата. Кога сонцето ќе заминеше, тогаш се прибиравме и ние, моите родители не ме чуваа во стаклено звоно, туку ме оставаа и на дожд и на снег и на сонце, па така го изградив сето ова што сум денес.

Искрено, и моментално сум безгрижна, затоа што животот на планина е таков. Загрижена сум само кога патувам во поголемите градови и држави.

Доста патувате, па колку различните култури влијаат на вашиот поглед на светот?

Секако, патувањето е еден од најдобрите начини да се прошири перспективата и да се научат нови работи не само за светот, туку и за себе. Културите што ги посетив се многу различни, но секоја од нив оставила уникатен печат на мојот поглед на животот.
Едноставно ти се зголемува видикот за себеси, стануваш послободна и ги миеш сите работи што некој ти ги всадил а не биле твои. За мене, патувањето претставува ослободување на вистинското јас, кога си никој и ништо во нечија држава, тогаш си во вистинска светлина и баш си автентичното ти.

Каде се гледате себеси во иднина?

Сакам да продолжам да патувам и да видам што е можно повеќе култури, а во подалечна иднина планирам селидба во планина близу до река и апсолутна конекција со мајката природа, не се гледам во големи градови/држави. Сакам мирен и исполнет живот со љубов и разбирање, без брзање, туку уживање.

Ако една млада девојка денес ви се приближи и рече: „Сакам да бидам како тебе“, што би ѝ рекле да прави, а што да не прави?

Биде верна на себе – најважно е да се изгради сопствен пат и да се следи својата интуиција, без да се обидува да биде некој друг.

Бори се за своите цели – понекогаш патот ќе биде тежок, но важни се упорноста и страста за она што го правиш.

Не плаши се да учиш и да експериментираш – животот е процес на постојано учење и развој. Дозволи си да правиш грешки и да растеш од нив.

Биди храбра во своите избори – понекогаш ќе мораш да донесеш тешки одлуки, но ако веруваш во себе, ќе можеш да ги направиш со сигурност.

Што да не прави?

Не споредувај се со другите – секој пат е различен и е важно да се фокусираш на својот процес, а не на тоа што прават другите.

Не плаши се да кажеш не – важно е да поставиш здрави граници и да научиш кога да се повлечеш или да одбиеш нешто што не ти одговара.

Не заборавај да се грижиш за себе – понекогаш забораваме да се опуштиме и да се посветиме на нашето здравје и благосостојба.

Тоа е основа за овој живот.

The post Бети Котовчевска appeared first on Аптеки PlusPharma.

Паметна, визуелно раскошна и емотивно провокативна, ова е серија што ќе ве тера да размислувате дури и откако ќе заврши последната сцена. Совршен избор за љубителите на длабоки дијалози, силни карактери и приказни, но и за љубителите на модата и на гламурот.

The post Што во слободно време? Погледнете ТВ-серија, The White Lotus appeared first on Аптеки PlusPharma.

Овен (21.3-19.4)

Колку похрабро дејствувате кон тоа што ве привлекува, толку побрзо ќе ги остварите намерите. Имајте на ум дека успехот не може да се постигне ниту во минатото, ниту во иднината – тој е производ на мигот на сегашноста. Затоа, искористете ја оптимистичката природа на сопствената личност и придвижете ги идеите на енергичен и решителен начин.

Бик (20.4-20.5)

Соочете се со сопствените слабости, направете план што ќе ви помогне при справувањето со проблемите и не влегувајте во ризични ситуации. Ѕвездите ве советуваат да не се жртвувате непотребно за другите, туку да ги утврдите приоритетите и да се заштитите од негативностите. Здравствената состојба постепено ќе ви се подобрува.

Близнаци (21.5-20.6)

Јасно и прецизно согледајте ги околностите во кои се наоѓате. Ви се препорачува да не ја трошите енергијата на лица и ситуации што не ветуваат успех и реализација. Време да ги утврдите приоритетите, да покажете дека умеете да се изборите за своите права и да престанете да се однесувате несигурно, расеано и неорганизирано.

Рак (21.6-22.7)

Доволно се оптоварувавте со неважни нешта и ја пасивизиравте енергијата. Бидете решителни и храбри во дејствувањето и покажете дека умеете да ги препознаете вистинските вредности. На професионален план не очекувајте големи промени и подобрување на околностите, така што избегнувајте ги ризиците.

Лав (23.7-22.8)

Добро е ако ги преиспитате околностите во кои се наоѓате, зашто непромисленото итање кон целта и подреденоста на надворешните влијанија се закануваат целосно да ве преоптоварат на психофизички план. Затоа од суштинска важност е да пронајдете мотивација за излез од кризата и за осветлување на патот по кој ќе ја градите новата визија на животот.

Девица (23.8-22.9)

Ѕвездите ќе ви ја дадат потребната поддршка, така што бидете храбри и активни во дејствувањето. Позитивното размислување, иницијативноста и борбеноста ќе ви овозможат надминување на ограничувачките влијанија. Искористете ги високите потенцијали за воспоставување на похармоничната основа во доменот на љубовта.

Вага (23.9-22.10)

На професионален план бидете подготвени за соочување со разни искушенија и недоразбирања. Внимавајте на односите во семејната атмосфера, зашто недоразбирањата ќе бидат присутни и ќе ви предизвикаат напнатост и несигурност. Ако имате можност посетете ги пријателите или преземете кратко патување. Не ризикувајте на финансиски план.

Скорпија (23.10-21.11)

Состојбата на психофизички план постојано ви се менува, така што лесно преминувате од депресија во фаза на еуфорија. Ако сакате да ја постигнете потребната рамнотежа, неопходно е да ги препознаете причините кои ви го создаваат немирот и храбро да дејствувате во миговите кога постојат хармонични предуслови за постигнување на успехот.

Стрелец (22.10-21.11)

Бидете активни и не оставајте нерасчистените околности во љубовниот живот и понатаму да ви создаваат психофизички немир и да ве оддалечуваат од целта. Наместо да му се предавате на песимизмот и да се пасивизирате, време е да размислите за доживување на авантурите и да ги следите новитетите. Ѕвездите ќе ви овозможат излез од ограничувачките фактори.

Јарец (22.12-19.1)

Верувајте во позитивните сили на сопствената личност и со храбро дејствување подобрете ја психофизичката состојба. Ќе ја добиете поддршката од ѕвездите, така што не оставајте ништо на случајот и насочете се кон тоа што ве привлекува. Најважно е што во доменот на љубовта ќе пронајдете заеднички интерес за подобрување на односот.

Водолија (20.1-18.2)

Пасивноста, меланхолијата и стравот од непознатото ништо добро нема да ви донесат. Ви се препорачува да верувате во себе и храбро да им се противставите на ограничувачките фактори. Пронајдете време за надградба на знаењето и за патување. Вредностите што ги поседувате и капацитетот на среќа се гаранција дека ќе пронајдете решение за проблемите.

Риби (19.2-20.3)

Без оглед што ударите на судбината ве доведоа во мошне незавидна ситуација, не треба да се предавате и да му подлегнувате на меланхоличното расположение. Напротив, ако сакате да се извлечете од психофизичкиот лавиринт, ќе мора да ги употребите позитивните потенцијали и да им ставите крај на надворешните притисоци, како и на сопствените стравови.

д-р Зоран Крстевски
едукатор, мотиватор и тренер за личен развој

The post Месечен хороскоп – мај, јуни 2025 appeared first on Аптеки PlusPharma.

• 200 г овесни снегулки (измелени во брашно)
• 100 г мелени бадеми или ореви
• 3 јајца
• 3 лажици мед или јаворов сируп
• 1 лажичка прашок за печиво
• 1 лажичка ванила екстракт
• прстофат сол
• 100 мл кокосово масло (или маслиново)

Состојки за фил:

• 400 г грчки јогурт
• 200 г свежи јагоди, исечени
• 2 лажици мед
• 1 лажичка ванила екстракт
• 1 лажица агар-агар во прав (или желатин)

Подготовка:

Загрејте ја рерната на 180°C. Во сад измешајте ги овесното брашно, мелените бадеми, прашокот за печиво и солта. Додајте ги јајцата, медот, ванилата и кокосовото масло. Мешајте додека добиете густа смеса. Сипете ја смесата во калап обложен со хартија за печење и израмнете ја. Печете 20-25 минути, додека кората не добие златна боја. Оставете ја да се излади. Во мал сад растворете го желатинот со 2-3 лажици вода и оставете да набабри. Потоа, загрејте го малку додека не се стопи. Во друг сад измешајте го јогуртот со медот и ванилата. Додајте ги исечените јагоди. На крај сипете го стопениот желатин и убаво промешајте ја смесата. Сипете го филот врз изладената кора. Оставете ја тортата во фрижидер најмалку 3-4 часа (или преку ноќ) да се стегне. Пред сервирање, декорирајте со свежи јагоди и наросете малку сечкани јатки.

The post Здрава торта со јагоди и јогурт appeared first on Аптеки PlusPharma.

Приморани за првпат во животот да работат и да се соочат со реалноста, децата доживуваат неочекувани и забавни предизвици кои ќе им помогнат да ја откријат вистинската вредност на трудот и на самостојноста.

The post Што во слободно време? Погледнете филм, Spolied Brats appeared first on Аптеки PlusPharma.

Канабидиолот (CBD) се смета за не-токсичен производ на Cannabis sativa, растение кое содржи неколку органски соединенија со различни физиолошки ефекти. CBD за прв пат бил изолиран пред многу децении и првично се сметало дека е биолошки неактивен Но, Cannabis sativa L. има стекнато голема благодарност од ортопедите и лекарите по спортска медицина поради неговата потенцијална улога во третманот на управувањето со хронична болка, остеоартритис и други бројни состојби.
Студијата за глобално оптоварување на болести 2019 година откри дека бројот на пациенти кои страдаат од остеоартритис се зголемил на глобално ниво за околку 48% од 1990 до 2019 година. Овој факт е поврзан со ризик факторите како што се стареењето и распространетоста на лошо метаболичко здравје, особено дебелината.
Механизам на дејство на CBD

Механизам на дејство на CBD

Канабидиолот (CBD) делува преку интеракција со ендоканабиноидниот систем (ЕКС) и други рецепторски системи во телото. ЕКС игра клучна улога во регулирањето на болката, воспалението, расположението и сонот.

Ендоканабиноиден систем (ЕКС)

ЕКС се состои од канабиноидни рецептори (CB1 и CB2), ендоканабиноиди и ензими за нивна синтеза и разградба. CB1 рецепторите, лоцирани во централниот нервен систем, го регулираат расположението, болката и когнитивните функции. CBD го модулира нивното дејство, што може да резултира со аналгетски и анксиолитички ефекти. CB2 рецепторите, кои се наоѓаат во периферниот нервен систем и имунолошките клетки, имаат улога во воспалителните процеси, а CBD нивното активирање го поврзува со намалување на воспалението.

Влијание врз невротрансмитерите

CBD делува и на други рецептори, како што се серотонинските (5-HT1A), што може да објасни неговите анксиолитички ефекти. Исто така, го активира TRPV1 рецепторот, кој учествува во регулација на болката и воспалението, како и GABA рецепторите, кои придонесуваат за мускулна релаксација и подобрување на сонот.

Антиоксидативни и антиинфламаторни ефекти

CBD покажува антиоксидативно дејство со намалување на слободните радикали и оксидативниот стрес. Исто така, потиснува про-воспалителни цитокини (TNF-α, IL-6), што може да помогне во побрзо закрепнување по интензивен тренинг.
Влијанието на CBD врз перформансот на спортистите

Барањето по оптимален спортски настап поттикна истражување на различни додатоци, меѓу кои CBD стекна популарност поради неговите анти-инфламаторни, аналгетски и анксиолитички својства. За разлика од THC, CBD не произведува психоактивни ефекти, што го прави идеален за спортисти под анти-допинг регулации.

Физиолошки ефекти на CBD врз спортскиот настап и опоравување

1. Анти-инфламаторни и аналгетски својства

Инфламацијата и болката се чести предизвици за спортистите, особено по интензивни тренинзи или натпревари. Студиите сугерираат дека CBD може да го инхибира ослободувањето на про-инфламаторни цитокини и да ја модулира активноста на ванилоидните рецептори, кои се вклучени во преносот на болка. Вака помага во намалување на мускулната, зглобната и задоцнетата мускулна болка (DOMS), олеснувајќи побрзо опоравување.

2. Невропротекција и здравје на мозокот

Спортистите во контактни спортови се изложени на ризик од трауматски повреди на мозокот (TBI). Преклиничките студии укажуваат дека CBD може да има невропротективни ефекти, намалувајќи оксидативен стрес. Одредени студиите сугерираат дека CBD може да игра улога во намалување на долгорочните последици од трауми на мозокот.

3. Сон и опоравување

Сонот е критичен за спортското опоравување, но многу спортисти се соочуваат со нарушувања на сонот поради физичка нелагодност или психолошки стрес. CBD е покажано дека го подобрува квалитетот на сонот со намалување на анксиозноста и промовирање на релаксација. Студија објавена во *The Permanente Journal* во 2019 година откри дека CBD значително го подобри квалитетот на сонот кај учесниците со анксиозни нарушувања.

Психолошки придобивки од CBD за спортисти

1. Управување со анксиозност и стрес

Конкурентните спортисти често доживуваат високи нивоа на стрес и анксиозност, што може да го наруши нивниот настап и менталното благосостојба. Преглед од 2015 година во *Neurotherapeutics* заклучи дека CBD има потенцијал како третман за генерализирано анксиозно нарушување, социјална анксиозност и пост-трауматско стресно нарушување (PTSD). Овие наоди се особено релевантни за спортистите кои се соочуваат со анксиозност поврзана со настапот.

2. Регулација на расположението и ментална отпорност

Покрај олеснувањето на анксиозноста, CBD може да го поддржи целокупното ментално здравје со регулирање на расположението и промовирање на емоционална отпорност. Новите истражувања сугерираат дека CBD може да го подобри невогенезата (растот на нови неврони) во хипокампусот, регион на мозокот поврзан со регулирањето на расположението.

Регулаторни и безбедносни размислувања

1. WADA и анти-допинг регулации

Во 2018 година, Светската анти-допинг агенција (WADA) го отстрани CBD од листата на забранети супстанции, овозможувајќи им на спортистите да го користат без ризик од дисквалификација. Сепак, THC и другите канабиноиди остануваат забранети, создавајќи регулаторна сива зона.

Заклучок

CBD претставува ветувачка интервенција за спортистите, нудејќи потенцијални придобивки во управувањето со болка, опоравувањето и менталното благосостојба. Сепак, неговата употреба е исполнета со регулаторни, безбедносни и етички предизвици кои мора да се решат за да се обезбеди фер и информирана примена. Идните истражувања треба да се фокусираат на стандардизирани протоколи за дозирање, долгорочните ефекти врз здравјето и компаративните анализи со традиционалните стратегии за опоравување.

др. Филип Петрески (доктор по општа медицина)

The post CBD и Спортистите appeared first on Аптеки PlusPharma.

Овој вкусен плод е богат со антиоксиданти, како допамин и витамин Ц, кои ги штитат кожата и телото од оштетувања предизвикани од слободните радикали, ги намалуваат воспаленијата и го поддржуваат имунолошкиот систем. Витаминот Б6 во бананите е важен за метаболизмот, за создавање на серотонин (хормонот на среќата) и за подобрување на расположението. Затоа, бананите често се препорачуваат за намалување на стрес и анксиозност. Благодарение на нивниот низок гликемиски индекс, помагаат во регулирање на нивото на шеќер во крвта и се погодни за луѓе кои внимаваат на телесната тежина. Тие, исто така, се одличен извор на железо, што ги прави корисни за лица со анемија. Бананите се лесно достапни, уште полесни за носење и консумирање во движење, што ги прави совршена ужина за секој ден. Вклучете ги во вашата исхрана и уживајте во нивните бројни здравствени придобивки – енергија, виталност и вкус во секој залак!

The post Банана appeared first on Аптеки PlusPharma.

Големата кашлица, позната и како пертусис или магарешка кашлица, е високо заразна респираторна инфекција која сè уште претставува закана, особено за бебињата и за малите деца. Иако многумина мислат дека оваа болест е дел од минатото поради вакцините, пертусисот сè уште циркулира, а бројот на заболени периодично расте, дури и во земји со висока стапка на вакцинација.

Болеста е позната по карактеристичната серија од брзи, силни напади на кашлица, кои често завршуваат со специфичен „магарешки“ звук при вдишување.
Кај доенчињата, пертусисот може да предизвика опасни компликации, како престанок на дишењето, пневмонија и тешки невролошки последици.
Но, колку е чест пертусисот денес, како да го препознаеме навреме и што можеме да направиме за да се заштитиме? Во оваа статија, ќе одговориме на најважните прашања поврзани со оваа болест.

Што е пертусис и што го предизвикува ова заболување?

Голема кашлица (пертусис) е акутно, заразно респираторно заболување кое се карактеризира со напади на кашлица, а го предизвикува бактеријата Bordetella pertussis.
Како се шири пертусисот?

Пертусисот се пренесува преку воздухот со инфективни капки и е многу заразен. Бактеријата се пренесува по капков пат, преку плунката и аеросолите кои болниот човек ги исфрла при кашлање и кивање. Индексот на заразност е многу висок, околу 80 %.

Колку време е потребно за да се појават симптоми по изложеност на бактеријата?

Инкубацискиот период на пертусис обично е 7 до 10 дена, со опсег од 4 до 21 ден.

Кои се симптомите на пертусис?

Пертусисот се развива во три фази:

ПРВ СТАДИУМ: Трае 1 – 2 недели и вклучува течење на носот, кивање, ниска температура и блага кашлица (слична на обична настинка).

ВТОР СТАДИУМ: Обично трае 1 – 6 недели, но може да потрае и до 10 недели. Главен симптом е серија од брзи, интензивни напади на кашлица, кои може да завршат со долг обид за вдишување придружен со висок звук (оттука и името „магарешка кашлица“). Кај доенчињата и малите деца, нападите на кашлица може да предизвикаат модрење на кожата, повраќање и сериозен дистрес.

ТРЕТ СТАДИУМ: Обично трае 2 – 6 недели, но може да трае и неколку месеци. Иако кашлицата исчезнува по 2 – 3 недели, пароксизмите можат повторно да се јават при следна респираторна инфекција.

Болеста е поблага кај адолесцентите и возрасните, но тие сè уште можат да ја пренесат на други, особено на невакцинирани или недоволно вакцинирани доенчиња.

Колку е сериозен пертусисот?

Пертусисот може да биде многу сериозна болест, особено за доенчињата. Децата помлади од 6 месеци имаат најголем ризик од компликации, хоспитализација и смрт. Потешкотиите со дишењето кои ги предизвикува болеста може да бидат многу стресни и за пациентот и за неговото семејство.

Иако возрасните поретко развиваат тешка форма на болеста, тие често прават повеќекратни посети на доктор и отсуствуваат од работа, особено кога кашлицата трае подолго време без да се дијагностицира пертусисот. Покрај тоа, возрасните можат несвесно да ја пренесат инфекцијата на доенчињата со кои се во близок контакт.

Кои се можните компликации од пертусис?

Младите пациенти имаат поголем ризик од компликации отколку постарите пациенти.

Најчеста компликација е секундарна бактериска инфекција, која е главна причина за смртните случаи од пертусис.

Пневмонија се јавува кај 1 од 20 случаи, а кај доенчињата помлади од 6 месеци овој процент е уште повисок.
Доенчињата исто така имаат поголем ризик од невролошки компликации, како напади и оток на мозокот, веројатно поради недостиг на кислород.
Други компликации вклучуваат: воспаление на увото, губење на апетитот и дехидрација.

Кај возрасните, компликациите можат да вклучуваат:

Пневмонија (до 5 % од случаите).
Скршени ребра од интензивната кашлица (до 4 % од случаите).
Губење на свеста, неконтролирано мокрење, хернии, ангина и губење на тежина.

Како да знам дали моето дете има пертусис?

Дијагнозата на пертусис најчесто се поставува врз основа на симптомите и физичкиот преглед. Дополнително, може да се направи лабораториско тестирање со земање брис од грлото или носот.

Постои ли лек за пертусис?

Антибиотиците се користат во третманот на пертусис.

Колку долго заразува лице со пертусис?

Лицата со пертусис се најзаразни во првиот стадиум и во првите две недели од појавата на кашлицата (отприлика 21 ден).

Колку е чест пертусисот во Македонија?

Во 2024 година, заклучно со 15 февруари, во Институтот за јавно здравје на Република Северна Македонија се регистрирани вкупно 39 случаи на голема кашлица (пертусис), што претставува инциденца од 2,1 на 100 000 жители. Ова е значително зголемување во споредба со претходниот петгодишен период (2019 – 2022), кога биле пријавени вкупно 9 случаи. Најголем број од случаите се забележани во Скопје (84,6 %), а најпогодена возрасна група се децата под 1 година.

Може ли да се заразите со пертусис повеќе од еднаш?

Реинфекцијата е ретка, но е можна. По природна инфекција, имунитетот може да ослабне по 7 години, а повторната инфекција често започнува со продолжена кашлица наместо со типичните симптоми на пертусис.

Вакцинација

Најдобар начин за превенција на голема кашлица е вакцинацијата.

Вакцинацијата против голема кашлица во Република Северна Македонија се спроведува со комбинирани вакцини:
– Hexaxim (DTaP-IPV-Hib-HepB)
– Pentaxim (DTaP-IPV-Hib)
– Tetraxim (DTaP-IPV)

Примарната серија на вакцинација се врши со три дози на комбинирана вакцина (Hexaxim или Pentaxim). Според Календарот за имунизација, првата доза на вакцина се дава на деца на возраст со навршени два месеци, втората доза на возраст од 4 месеци и третата доза на возраст од 6 месеци.
Првата ревакцинација се врши една година по комплетирањето на примарната вакцинација, со давање на една доза Pentaxim на 18-месечна возраст. Втората ревакцина се дава во второ одделение, односно на 7-годишна возраст, со апликација на една доза комбинирана вакцина Tetraxim.
Вакцината против голема кашлица на препорачанатa возраст на доенчињата го намалува ризикот од сериозна форма на болест.
Дополнително, возрасните, особено оние кои се во контакт со новороденчиња, треба да размислат за ревакцинација, а во поразвиените земји во светот се вакцинираат и бремените жени.

Големата кашлица останува сериозна закана за јавното здравје. Со зголемување на свесноста, редовна вакцинација и навремена дијагноза, може значително да се намали нејзиното ширење меѓу населението.
Останатите мерки за превенција спаѓаат во групата на општи мерки за превенција кои се практикуваат за сите респираторни заболувања.

Колку е ефикасна вакцината против пертусис?

По завршување на основната серија на DTaP или Td/Tdap вакцини, околу 95 % од луѓето развиваат заштитни нивоа на антитела против дифтерија, а 100 % против тетанус.
Заштитата од пертусис по вакцинација е околу 80-85 %, но почнува да се намалува по една година, па затоа се препорачуваат дополнителни дози.

Кои се несаканите ефекти на вакцината?

Чести несакани ефекти вклучуваат болка, црвенило и оток на местото на вакцината, како и блага температура.

Дали вакцината може да ја предизвика болеста?

Не!

The post Пертусис appeared first on Аптеки PlusPharma.

The post Што во слободно време? Погледнете анимиран филм, The Star appeared first on Аптеки PlusPharma.

Понекогаш, најдобрите решенија за здравствени тегоби се кријат во нашата кујна. Овие природни напивки не само што се вкусни, туку и помагаат во подобрување на здравјето благодарение на лековитите својства на состојките. Ви претставуваме неколку едноставни рецепти за напивки со лековита моќ.

1. Напивка за детоксикација на црниот дроб

Состојки:

• 1 чаша топла вода
• 1 лажица свежо цеден сок од лимон
• 1 лажичка јаболков оцет
• прстофат куркума
• малку рендан ѓумбир

Приготвување: Измешајте ги сите состојки во чаша топла вода и пијте ја напивката наутро, на празен стомак.

Бенефити:

• Лимонот помага во стимулирање на ензимите на црниот дроб и го подобрува процесот на детоксикација.
• Јаболковиот оцет ја подобрува дигестијата и ја алкализира pH вредноста на телото.
• Куркумата има силно антивоспалително дејство и го поддржува здравјето на црниот дроб.
• Ѓумбирот ја подобрува циркулацијата и го поттикнува метаболизмот.

2. Освежувачка напивка против главоболка

Состојки:

• 1 чаша ладна вода
• 1/2 краставица (сечкана)
• неколку ливчиња свежо нане
• сок од 1 лимон
• прстофат морска сол

Приготвување: Измешајте ги сите состојки и оставете ја напивката да отстои 10 минути пред консумација.

Бенефити:

• Краставицата е богата со вода и со електролити, што помага во хидрација – клучен фактор за ублажување на главоболките.
• Нането има природен ефект на олеснување на тензијата и подобрување на протокот на крв.
• Лимонот ја подобрува циркулацијата и го освежува телото.
• Морската сол помага во балансирање на електролитите, што може да биде корисно при главоболки предизвикани од дехидрација.

3. Напивка за рамен стомак

Состојки:

• 1 чаша млака вода
• 1 лажица мед
• сок од 1 лимон
• 1 лажичка рендан свеж ѓумбир

Приготвување: Измешајте ги состојките додека медот не се растопи целосно. Пијте ја напивката наутро пред појадок.

Бенефити:

• Медот ја регулира дигестијата и го намалува воспалението во стомакот.
• Лимонот го алкализира телото и го поттикнува разградувањето на мастите.
• Ѓумбирот го стимулира варењето и ја намалува надуеноста.

4. Успокојувачка напивка за подобар сон

Состојки:

• 1 чаша топло бадемово млеко
• 1/2 лажичка цимет
• 1 лажичка мед
• прстофат мускатно оревче

Приготвување: Загрејте го млекото и додајте ги останатите состојки. Измешајте добро и пијте ја напивката пред спиење.

Бенефити:

• Бадемовото млеко содржи магнезиум, кој помага во релаксација на мускулите и на нервите.
• Циметот ја регулира шеќерната концентрација во крвта, што придонесува за мирен сон.
• Медот го стимулира производството на мелатонин, хормон за спиење.
• Мускатното оревче има природен седативен ефект.

5. Напивка за јакнење на имунитетот

Состојки:

• 1 чаша топла вода
• сок од 1 портокал
• сок од 1/2 лимон
• 1 лажица мед
• прстофат црвен пипер

Приготвување: Измешајте ги сите состојки додека медот не се растопи. Пијте ја напивката во утринските часови.

Бенефити:

• Портокалот и лимонот се богати со витамин Ц, кој го зајакнува имунитетот.
• Медот делува антивоспалително и антимикробно.
• Црвениот пипер го стимулира метаболизмот и ја подобрува циркулацијата.

6. Освежителна напивка за енергија

Состојки:

• 1 чаша кокосова вода
• 1/2 лимета (сок)
• неколку ливчиња свеж босилек
• 1 лажичка мед

Приготвување: Измешајте ги состојките и додајте неколку коцки мраз за освежување. Пијте ја напивката во текот на денот.

Бенефити:

• Кокосовата вода е природен извор на електролити за хидрација и за енергија.
• Лиметата ја поттикнува дигестијата и го освежува телото.
• Босилекот има антисептички својства и ја подобрува менталната јасност.

7. Напивка за намалување на стресот

Состојки:

• 1 чаша топла камилица
• 1 лажичка мед
• неколку капки сок од лимон
• прстофат лаванда (по желба)

Приготвување: Подгответе чај од камилица, додајте мед, лимон и лаванда. Пијте ја напивката пред спиење или во моменти на стрес.

Бенефити:

• Камилицата има смирувачко дејство и помага во намалување на анксиозноста.
• Медот ја подобрува работата на нервниот систем.
• Лавандата помага во релаксација и намалување на напнатоста.

The post Лековити напивки appeared first on Аптеки PlusPharma.

Ќе ви помогне да изградите мускули, да спиете подобро, да се чувствувате среќно и силно. Но, новото истражување покажува дека може и да ви го продолжи животот. Уште подобра вест е тоа што не мора да правите нешто драстично за да ги добиете бенефитите.
Истражувањето објавено во списанието Circulation анализирало податоци од две американски групи со повеќе од 116.000 возрасни лица, фокусирајќи се на нивните рутини за вежбање и општото здравје. Податоците биле собирани од учесниците 15 пати во текот на 30 години.

Научниците откриле дека луѓето кои вежбале од 300 до 599 минути неделно, со умерен интензитет, имале за 26 до 31 проценти пониска стапка на смртност и за 28 до 38 проценти помал ризик од смртност предизвикана од срцеви заболувања. Исто така, испитаниците имале до 27 проценти помал ризик од смртност поттикната од причини кои не се поврзани со срцеви заболувања или заболувања на крвните садови.

Ако бројките ве поттикнаа да се активирате, добро е да знаете дека умерена физичка активност вклучува: пешачење, вежби со тегови и други видови активности со понизок интензитет.

Иако рамката од 300 до 600 минути вежбање се коси со стандардот од 150 минути умерено интензивна физичка активност, водачите на истражувањето успокојуваат дека и со повеќе вежбање нема да ги зголемите шансите за подолг живот.

Дали вежбањето може да ми помогне да живеам подолго?

Постојат многу фактори што влијаат на тоа колку долго ќе живеете, но бројни истражувања сугерираат дека навиката за вежбање е поврзана со подолг животен век.
На пример, неодамнешна студија објавена во British Journal of Sports Medicine открила дека луѓето над 40-годишна возраст можат да живеат дополнителни 5,3 години ако се активни колку и најактивните 25 проценти од населението. Дополнително, една постара научна анализа заклучила дека луѓето кои се физички активни имаат до 35 проценти помал ризик да починат од која било причина во споредба со оние кои се неактивни.

Физичката активност е клучна, но недоволно искористена стратегија за здраво стареење. Дури и минималното ниво на активност може да донесе значителни здравствени придобивки, вклучително и превенција од болести и подобрен квалитет на живот.

Кој вид вежбање ќе ми помогне да живеам подолго?

Кој било вид физичка активност помага луѓето да живеат подолго. Сепак, истражувањата сугерираат дека вежбите за сила можат да ве направат биолошки помлади, додека тренингот со тежина помага за полесно и поздраво стареење.

Ако не сум активен, како да започнам со вежбање?

Важно е да започнете полека! Во различни фази на вашата физичка форма, различни вежби се соодветни. Со други зборови, не треба да очекувате дека ќе можете да истрчате маратон ако во моментов дури и не одите на редовни прошетки.

Можете да започнете со мали чекори, како редовно пешачење со повисок интензитет, а потоа постепено да преминете на џогирање и трчање. Со тек на време, можете да додадете активности како кардио тренинзи и вежби за сила. Кога станува збор за вежби за сила, важно е да се фокусирате на големите мускулни групи, како што се нозете. Вежбите со сопствена тежина се одлични за повеќето луѓе.

Пример за неделен план за почетници:

• Понеделник: 30 минути брзо пешачење
• Среда: Вежби со сопствена тежина (склекови, чучнувања, издржливост)
• Петок: Лесно џогирање или возење велосипед
• Недела: Тренинг за истегнување и лесни јога пози.

Важноста на одморот и на закрепнувањето

Објаснувањето за одморот е едноставно: без доволно сон и време за закрепнување, мускулите не можат да се регенерираат и да станат посилни. Затоа е важно да планирате денови за одмор меѓу интензивните тренинзи и да се фокусирате на квалитетен сон.

Исхрана која го поддржува активниот стил на живот

За да постигнете најдобри резултати од вежбањето, важно е да внесувате:

• Протеини за градење и опоравување на мускулите
• Сложени јаглехидрати за енергија
• Здрави масти за поддршка на хормоналната рамнотежа.

Како да ја одржите мотивацијата?

• Поставете мали, остварливи цели: Наместо: „Сакам да ослабам 10 кг“, поставете цел: „Сакам да вежбам трипати неделно“.
• Следете го напредокот: Користете фитнес апликации или водете дневник за вежби.
• Вежбајте со пријател: Мотивацијата е поголема кога не сте сами.

The post Како вежбањето го продолжува животот? appeared first on Аптеки PlusPharma.

The post Што во слободно време? Погледнете филм Conclave appeared first on Аптеки PlusPharma.

Време е да го смените тоа!

Кога ќе се сетите на вашето прекрасно детство, ви се крши срцето секогаш кога ќе го видите внучето заробено пред екранот, задлабочено во виртуелен свет што нема никаква врска со реалноста.

А што се случува штом мора да го остави мобилниот телефон или таблетот? Лавина од агресивни испади, неконтролирано плачење, бес, фрустрација, трескање од земја што наликува на тантрум од двегодишно дете кое не умее да ги процесира сопствените емоции.

Сигурно ве избезумува и ве загрижува ваквото однесување?!

Можеби не сте знаеле, но за сè е виновен допаминот! Допаминот е невротрансмитер кој игра клучна улога во системот за наградување на мозокот. Кога децата играат на телефон, особено видеоигри или гледаат брзи, интерактивни содржини, нивниот мозок ослободува големи количини допамин. Ова создава чувство на задоволство и возбуда, слично на ефектот што го даваат чоколадата и останатите шеќерни задоволства.
Кога ќе му го земете телефонот на детето, нивото на допамин нагло паѓа. Овој пад може да доведе до фрустрација, раздразливост, дури и агресивност, бидејќи мозокот очајно бара да продолжи со активноста што му носи награда.

Дигиталните игри и видеа стимулираат премногу сетила истовремено, предизвикувајќи ментален замор. Ова ја намалува способноста на детето да контролира емоции и реакции, што може да доведе до избувливост или агресија.
Ако детето редовно игра игри на телефон, може да развие зависност од дигиталната стимулација. Тоа значи дека без неа може да се чувствува вознемирено, нервозно, па дури и депресивно, што дополнително ја засилува агресивната реакција.

Многу експерти сугерираат дека ограничувањето на времето поминато пред екран е решение за овој проблем, но скорешните анализи покажаа дека мерката не е докрај ефикасна. Поголемиот број деца го надоместуваат загубеното време штом го земат телефонот во рака.
Во просек, децата поминуваат по 7 часа дневно пред екран, што несомено негативно влијае на нивниот когнитивен и социјален развој.

Најважното прашање што сигурно многупати сте си го поставиле е како да го убедите детето да прави што било друго освен да игра игри на телефонот? Сигурно посакувате, додека вие сте на смена за чување, да го поттикнете на креативност, на учење нови работи и вештини?!
Може да ви успее, ако пробате да наметнете заеднички (нека бидат и тајни) ритуали кои ќе го зајакнат вашиот однос и ќе ја сменат атмосферата дома.
Тие не мора да бидат сложени или да бараат многу време и труд, најважно е да ве радуваат вам и внучињата, и да ги дочекувате со нетрпение и радост.
Само, едно предупредување на старт!!! Неопходно е да бидете трпеливи, упорни и доследни, не дозволувајте да ве дразнат нечистите прозори, хаосот во домот и слични неважни работи, вашата цел е далеку поголема.

Бидејќи поминувањето време со баба или дедо не само што помага во создавање драгоцени спомени, туку и го поттикнува интелектуалниот и емоционалниот развој на детето.
Наместо часови пред екран, овие активности можат да создадат вистинска врска и значајни животни вештини. Затоа, следниот пат кога вашето внуче ќе посегне по таблетот, вие предложете…

Заедничко готвење и пекарство

Готвењето не само што е забавно, туку ја развива фината моторика кај децата и ја зајакнува поврзаноста меѓу генерациите. Контра мајките кои практикуваат „нежно“ родителство, стојат експертите на ставот дека децата смеат дури и да сечкаат со нож, сè додека се под надзор. А сите деца со задоволство би одбрале да сечкаат или да си играат со тесто.
Затоа, замесете кифли и дозволете им сами да изработат фигури, да ги премачкаат со жолчка од јајце, да ги наросат со сусам и ќе видите дека на крај со сласт ќе ги изедат.
Истражувањата покажуваат дека децата кои активно учествуваат во подготовка на оброците, развиваат поздрави навики во исхраната и се порасположени да дегустираат различни вкусови.

Семејни и пишани приказни

Читањето и раскажувањето приказни го поттикнува говорот и имагинативното размислување. Според истражување на Универзитетот во Сасекс, читањето приказни ги намалува стресот и анксиозноста кај 68 % од децата.

Штом книгите здодеат, отворете го семејниот албум и раскажувајте им анегдоти од вашиот живот и интересни случки за нивните родители. Подгответе се за куп прашања и потпрашња, а во меѓувреме, задржете го возбудливиот тон на говорење.

Рачни изработки и креативни проекти

Сигурно и вашето внуче не се разликува од останатите, па на располагање има куп боенки, секаков тип боици, тетратки со најубави корици, но и покрај сè не покажува интерес да црта. Штом е така, фатете се за игла и конец.
Поттикнете ја неговата креативност преку плетење, шиење, изработка на накит, детето со сигурност ќе биде воодушевено. Ако имате машина за шиење, уште поубаво, искористете ја за да сошиете облека за сите меки играчки или кукли.

Сè што доаѓа од вашето време, им е ултра интересно на новите генерации, имајте го тоа на ум.
Ако сакате аргумент плус, знајте го и ова: Студија од Универзитетот „Харвард“ покажа дека уметничките активности кај децата ги зголемуваат концентрацијата и когнитивниот развој.

Заеднички прошетки и истражување на природата

Прошетките во природа имаат позитивен ефект врз физичкото и менталното здравје. Истражувањето на Националниот институт за здравје покажува дека времето поминато на свеж воздух го подобрува расположението и ја намалува хиперактивноста кај децата.

Но, ако прошетките низ маало се сè помалку интересни, само сменете го пристапот. Како? Искористете го интернетот за да соберете информации за растенијата, дрвата, билките што растат во вашата околина и појдете во истражување. На детето, несомнено, ќе му го задржите вниманието преку интересните податоци за околината што секојдневно ја гледа, а сега ќе ја гледа со други очи.

Предложете му да направите хербариум, па тој нека биде задолжен за собирање уникатни примероци од природата.

Градинарство

Работењето во градина не само што е корисно за здравјето, туку и го учи детето на одговорност, слично како и чувањето милениче. Истражување од Универзитетот во Корнел покажува дека децата кои се занимаваат со градинарство имаат повисока самодоверба и чувство на одговорност.
Ако немате услови за градина, искористете ги саксиите. Но, излезете од шаблонот, па наместо цвеќиња засадете билки, јагоди, шери домати, што било што подоцна може да се искористи во кујната. Тоа дополнително ќе го мотивира детето да продолжи со активноста.

Друштвени игри и сложувалки

Настрана забавата, друштвените игри ги подобруваат когнитивните способности, стратешкото размислување и социјалните вештини кај децата. Според студија од Универзитетот во Кембриџ, играњето друштвени игри може да ги подобри меморијата, фокусот и трпението кај децата, а да го намали ризикот од деменција кај возрасните. Ова не значи дека треба да потрошите илјадници денари за нови типови игри што едвај ќе ги разберете – карти, шах, јамб, табла, подеднакво ќе завршат работа.

The post Чувате внуче? appeared first on Аптеки PlusPharma.

The post Лимета appeared first on Аптеки PlusPharma.

• 2 средни тиквички, изрендани
• 1 филџан палента
• 4 јајца
• 150 г сирење или фета (може и мешавина со кашкавал)
• 1 чаша грчки јогурт
• 1 лажица маслиново масло
• 1/2 лажичка прашок за печиво
• сол и бибер по вкус
• свеж копар или магдонос (по желба)

Подготовка:

Изренданите тиквички посолете ги и оставете ги 10 минути да пуштат вода. Потоа добро исцедете ги. Во голем сад, изматете ги јајцата со жица за матење, па додајте ги јогуртот, сирењето, палентата, маслиновото масло и прашокот за печиво. Додајте ги тиквичките во смесата и зачинете со сол, бибер и свежи зачини по вкус. Сипете ја смесата во плех подмачкан со масло или обложен со хартија за печење. Печете ја питата во загреана рерна на 180°C околу 30-35 минути, или додека добие златна боја. Оставете ја малку да се олади пред да ја сечете.

The post Пита без брашно appeared first on Аптеки PlusPharma.

Во светот на нега на кожата, методот на чистење со масло стана вистински тренд, но овој пристап не е нов. Потекнува од античките цивилизации, како што се римската и јапонската, каде маслата се користеле за чистење и нега на кожата. Денес, оваа техника добива ново значење благодарение на нејзината ефикасност и отсуството на какви било нуспојави.

Што се масла за лице?

Маслата за лице делуваат на две нивоа – ја надоместуваат влагата во кожата, но и ја задржуваат длабоко во клетките. Секој тип масло располага со уникатна комбинација на есенцијални хранливи материи и масни киселини што ја негуваат и ревитализираат кожата, зајакнувајќи ја и обновувајќи ја липидната бариера во најгорниот слој на кожата. Примери за вакви масла се кокосовото масло со интензивно хидрирачко дејство, смирувачкото масло од јојоба и маслото од шипка богато со антиоксиданти.

Како функционира методот на чистење со масло?

Основниот принцип е едноставен: маслото привлекува масло! Тоа значи дека маслото што го нанесуваме на кожата, помага да се растворат и отстранат вишокот себум, нечистотиите, шминката па дури и водоотпорните производи без да се наруши или загрози природната бариера. За разлика од агресивните формули за чистење лице, маслата не ја сушат кожата и не предизвикуваат иритации.

Предности на чистење со масло

• Длабинско чистење: Маслото продира длабоко во порите и ги отстранува нечистотиите и остатоците од шминка.
• Хидратација: За разлика од класичните чистачи кои ја сушат кожата, маслата ја оставаат мека и хидрирана.
• Баланс на себум: Маслото помага во регулирање на природното производство на себум на кожата, што го прави идеално за масна кожа.
• Смирување на кожата: Природните масла содржат антиинфламаторни и антиоксидантни својства, кои помагаат да се намалат црвенилото и иритациите.
• Удобност: Маслата лесно се нанесуваат и се погодни за масажа, што го прави процесот на чистење пријатен ритуал.
• Намалување на несовршеностите: Некое повеќе, некое помалку, но генерално маслата го стимулираат производството на колаген за намалување на брчките и го изедначуваат тенот.
• Сјаен ефект: Кратко по нанесување на маслото, кожата станува блескава и делува одморно, а сјајот е видлив и по нанесување пудра.

Како да користите масло за чистење?

1. Нанесете неколку капки масло на суви раце, протријте го меѓу дланките за да го загреете па масирајте го лицето со кружни движења.
2. Посебно внимание посветете на Т-зоната и региите со повеќе шминка.
3. Навлажнете ги рацете со малку топла вода и продолжете да масирате додека маслото не добие млечна текстура.
4. Исплакнете со топла вода и избришете го лицето со мека крпа.

Како да го вметнете маслото во рутината за нега на кожата?

Чистењето со масло може да биде првиот чекор во вечерната рутина за нега на кожата, особено ако носите шминка или користите креми со SPF. Еве како изгледа идеалната рутина:

• Чистење со масло: За да ги отстраните нечистотиите, себумот и шминката.
• Двојно чистење (по потреба): Ако имате масна кожа, користете нежен пенест чистач по маслото.
• Тоник: Вратете го pH-балансот на кожата.
• Серум: Нанесете активни состојки кои одговараат на вашите потреби.
• Хидратантен крем: Заклучете ја влажноста во кожата.
• Масло за лице (ако користите и за нега): Неколку капки масло за дополнителна хидратација.

Најдобри масла за различни типови кожа

За сува кожа:

Масло од авокадо: Богато со витамини А, Д и Е, помага за длабока хидратација.
Масло од јојоба: Иако технички е восок, одлично ја задржува влажноста и ја смирува кожата.

За масна кожа склона на акни:

Масло од гроздови семки: Лесно и богато со линолна киселина, помага во регулирање на себумот.
Масло од чајно дрво: Познато по своите антибактериски својства, помага во борбата со акни.

За чувствителна кожа:

Масло од камилица: Има смирувачки ефект и ја намалува иритацијата.
Масло од сладок бадем: Нежно и богато со витамини, одлично за чувствителна кожа.

За комбинирана кожа:

Mасло од арган: Балансирано масло кое хидрира без да ја замасти кожата.
Масло од дрен: Лесно и богато со антиоксиданти, помага во изедначување на тенот.

The post Не е само тренд! appeared first on Аптеки PlusPharma.

Ако барате место кое комбинира богата историја, прекрасни плажи и живописен ноќен живот, Малта е совршена викенд дестинација. Овој медитерански бисер нуди уникатно искуство за љубителите на културата, авантуристите и оние кои сакаат едноставно да се релаксираат.

Зошто Малта?

Малта плени со својата комбинација на историски локалитети, спектакуларна природа и топла медитеранска клима. Островот е познат по своите тврдини, древни храмови и тиркизно сини заливи, што го прави идеална дестинација за кратко или долго, но, несомнено, незаборавно патување.

Ден 1: Истражување на Валета

Започнете го патувањето во главниот град Валета, кој е дел од светското културно наследство на УНЕСКО. Прошетајте низ тесните улички од калдрма и откријте историски знаменитости како што се црквата „Свети Јован“ и „Палатата на Големиот мајстор“. Уживајте во погледот од Upper Barrakka Gardens, каде што можете да го видите спектакуларниот Голем залив.
По истражувањето, направете пауза во некое од локалните кафулиња и пробајте традиционално вкусно печиво полнето со рикота или грашок.

Ден 2: Патување до Мдина и Рабат

На вториот ден, тргнете кон античкиот град Мдина, познат како Тивкиот град. Овој средновековен град со своите величествени ѕидини и готски архитектонски детали нуди чувство како да сте се вратиле во времето. Прошетајте низ уличките, посетете ја катедралата „Свети Павле“ и уживајте во панорамскиот поглед врз островот. Во близина се наоѓа Рабат, каде што можете да ги истражите катакомбите на Свети Павле и да ја вкусите локалната кујна во автентичните ресторани.

Ден 3: Сонце и море на Комино

Ниту едно патување до Малта не е комплетно без посета на синиот залив (Blue Lagoon) на малиот остров Комино. Оваа локација е позната по кристално чистата тиркизна вода и по идеалните услови за пливање и за нуркање. Поминете го денот релаксирајќи се на плажата или истражувајќи ги скриените пештери со кајак.

Практични совети за викенд во Малта

Транспорт: Малта има беспрекорен, брз и точен јавен превоз со достапни цени, па движењето низ островот тече непречено. Но, секогаш можете да изнајмите скутер или автомобил ако не сакате да се мешате со локалното население.

Клима: Со повеќе од 300 сончеви денови годишно, Малта е достапна дестинација во секој период од годината. Но, ако не поднесувате жештини, есента и зимата се идеални за прошетки со тенка јакна.

Гастрономија: Не пропуштајте да пробате локални специјалитети, како гулаш со зајачко месо или свежо уловена морска храна.

The post Малта appeared first on Аптеки PlusPharma.

The post Што во слободно време? Погледнете филм, Maria appeared first on Аптеки PlusPharma.

Инфекции, алергии и неалергиски ринитис се најчестите причини поради кои секоја ноќ вашиот затнат нос се бори за здив. Инфекциите како Ковид и обичната настинка се предизвикани од вируси или бактерии; алергиите најчесто се сезонски и се поврзани со вообичаени алергени како полен, прашина и животинска првут; неалергискиот ринитис, пак, се појавува како реакција на загадување и промени во температурата.

Ако се соочувате со симптоми како кивање, течење на носот, чешање и солзење на очите, веројатно затнатиот нос е резултат на алергии или неалергиски ринитис. Но, ако имате густ, жолт или зелен исцедок од носот, можно е да станува збор за инфекција.

Што предизвикува затнат нос?

Медицинскиот термин за затнат нос е ринитис, што значи воспаление на слузокожата (позната и како мукоза) во внатрешноста на носот, вели д-р Крег Полински, специјалист по интерна медицина во Baptist Health.

„Кога личноста ќе вдише алерген преку носната празнина, без разлика дали станува збор за вирус, бактерија или некој алерген, мастоцитите (вид имунолошки клетки) ослободуваат соединение наречено хистамин, што потоа предизвикува воспаление“, објаснува тој.

Можеби мислите дека слузта е виновна за непријатноста, но затнатоста најчесто се должи на отечени крвни садови во носот, вели д-р Крег.
„Многу луѓе постојано го дуваат носот обидувајќи се да ја исфрлат слузта, но вистинскиот проблем е отокот“, забележува тој. „Дувањето нос е корисно, но ако ништо не излегува, тоа генерално значи дека нема многу слуз“.

10 начини како да се ослободите од затнат нос

Користете солен раствор во вид на спреј

Стерилен раствор од солена вода може да се купи без рецепт, а делува така што извлекува вода од отечената слузокожа во носот, со што се намалува отокот на носното ткиво и се ублажува затнатоста.
Солениот спреј е безбеден за сите возрасти и може да се користи колку што е потребно за олеснување на симптомите, но пречестата употреба може да предизвика неконтролирано капење на носот.

Пробајте со испирање на носот со солен раствор

Испирањето на носот исто така се врши со солен раствор, но се применува поголемо шише за испирање или сад за таа намена. Растворот продира подлабоко во носната шуплина и излегува од другата страна. Овој метод може да биде поефикасен од обичниот спреј, бидејќи поголемата количина раствор покрива поширока област во носот, темелно чистејќи ја.

Испирањето на носот е безбедно за сите возрасти, но ако имате ослабен имунитет, консултирај се со лекар пред да го примените овој метод, бидејќи проблемите со носот може да укажуваат на посериозна состојба.

Земете антихистамини

Антихистамините можат да помогнат во намалување на затнатоста, бидејќи го блокираат создавањето на хистамин, кој е главен причинител за воспаление и за создавање слуз. Ако истовремено кивате и чувствувате притисок во синусите, тогаш антихистаминот е најдобро да се комбинира со спреј за нос.
Иако се безбедни за повеќето луѓе, сепак, подобро е да се консултирате со лекар пред да земете антихистамини, особено ако сте бремени или доите.

Користете лековити спрејови за нос

Делуваат за неколку минути така што ги стеснуваат крвните садови во слузокожата на носот, со што се намалува отокот и се отвораат носните дишни патишта. Иако се ефикасни, многу е важно да се користат само повремено и во краток временски период.
Кога се стеснуваат крвните садови во носот, ткивото добива помалку кислород, а при подолга употреба може да се оштети слузокожата. Како реакција на тоа оштетување, слузокожата уште повеќе отекува, што дополнително ја влошува затнатоста.

Затоа, најдобро е да се користи не повеќе од двапати дневно и не подолго од три последователни дена, потоа треба да се направи пауза од најмалку еден месец.
Истото важи и за кортикостероидните носни спрејови, кои исто така делуваат така што ја стеснуваат слузокожата во носот и го намалуваат воспалението. Една од предностите на кортикостероидните носни спрејови е што се лесно достапни, а лекот делува само во носната шуплина. Со други зборови, не предизвикуваат поспаност.

Користете еукалиптусово масло

Ако барате природен домашен лек, д-р Полински препорачува еукалиптусово масло. Истражувањата покажуваат дека може да делува како аналгетик и има антибактериски и антиинфламаторни својства, кои помагаат во намалување на слузта и на воспалението во носот.
„Еукалиптусовото масло може да се вдишува како пареа преку дифузер за да се намалат симптомите на затнат нос или со додавање неколку капки масло во сад со врела вода“, вели д-р Полински.

Иако е безбедно за вдишување, избегнувајте да го голтате или да го нанесувате директно на лицето. Чувајте го на ладно и суво место, бидејќи топлината и директната сончева светлина можат да ја променат неговата структура.

Вклучете навлажнувач на воздух

Навлажнувачите на воздух можат да ги намалат затнувањето на носот и болката во синусите преку водената пареа што ја ослободуваат, а која пак ја разредува слузта.
Навлажнувачот особено се препорачува да е вклучен во текот на ноќта, бидејќи премногу сувиот воздух може да ја иритира и да ја воспали слузокожата во носот.
Користете дестилирана вода во уредот и не заборавајте редовно да го празните и чистите, бидејќи бактериите можат да се размножат во застоена вода.

Користете ладна облога

Друго едноставно домашно средство за ублажување на затнат нос е мразот. Ставете ладна облога завиткана во тенка крпа на коренот на носот 10 до 15 минути. Студот помага да се стеснат отечените крвни садови и да се намали затнатоста.

Избегнувајте иританси

Трудете се да избегнувате иританси како чад, прав, парфеми, освежувачи на воздух или силни мириси. Зошто? Овие мириси и честички можат да влезат во носот и да предизвикаат дополнителна иритација и затнатост. Силните мириси, исто така, можат да предизвикаат кашлица, па дури и симптоми на астма.

Кога да се консултирате со лекар?

Ако затнатиот нос трае подолго од 10 дена или се влошува, време е да се обратите на лекар. Исто така, неопходно е да побарате лекарска помош ако конгестијата е проследена со симптоми како треска, болка во лицето, густа зелена слуз или тешкотии при дишењето.

Дополнително, ако имате здравствени состојби како астма или хронични алергии, разговарајте со лекар за да добиете совети за превентивни мерки.
Запомнете, лековите без рецепт не секогаш се наменети за долгорочна употреба, па ако тие не обезбедуваат олеснување, време е за нова мерка.

The post Затнат нос appeared first on Аптеки PlusPharma.

Со секоја улога, Сара Климоска внесува свежина, емоција и длабочина што тешко се заборава. Позната по автентичната изведба во филмовите Врба и Кајмак на Милчо Манчевски, Сара брзо стана синоним за новиот бран македонски таленти кои го освојуваат регионалното и светското филмско платно. Но, нејзиниот уметнички пат не застанува тука – покрај актерството, Сара се впушта и во режисерските води, истражувајќи нови начини на изразување и раскажување приказни. Без разлика дали е на филм, на театарска сцена или зад камерата, таа храбро ги поместува границите на својата креативност. Во ова интервју, Сара ни открива кои се нејзините инспирации, со какви предизвици се соочува како актерка и режисерка, и што ја мотивира да остане верна на себе во свет каде камерите се секогаш вперени.

Уметноста често се смета за лек за оние што ја консумираат, но дали и колку е лековита за оние што ја создаваат и презентираат?

Уметноста лечи душа, тоа е сигурно. Нè прави да се поврземе со приказната и естетиката и да се идентификуваме, и тоа нè прави подобри луѓе, поемпатични и покритични. И ова важи како и за уметниците, така и за публиката.
За мене театарот и филмот дефинитивно се канализација на своите емоции и мисли. Тоа е мојата психотерапија и затоа сум многу среќна што ја имам најубавата професија на свет. Се разбира, чувствувам огромна одговорност кон публиката за тоа каква содржина и каква идеја се шири преку проектите кои ги работам.

Дали некогаш сте почувствувале притисок како жена во индустријата?

Како и во секоја друга професија, жените се ранлива категорија. Во мојата професија особено, бидејќи сме доста изложени. Често ми биле упатени секакви коментари за тоа како го користам своето тело, кое всушност е инструмент за мојата работа. Среќа не ме допирале таквите коментари, бидејќи силно сум убедена во тоа дека јас и само јас одлучувам за себе и за своето тело.
Се разбира, во самата индустрија мажите често ја имаат повластената позиција. Жал ми е да напоменам дека жени режисерки можат да се избројат на прсти, а немаме ниту една жена директор на фотографија. Тоа кажува многу за состојбата на еднаквост во индустријата. Се надевам дека тоа во иднина ќе се менува.

Преку социјалните медиуми критиките стасуваат со брзина на светлината, дали гледате повеќе предности или недостатоци во тоа? Како се справувате со негативни критики или неуспеси?

Не верувам дека имам неуспеси, бидејќи секој проект ме учи на нешто, ме прави поискусна и позрела. Обожавам критики, кои се разбира се издржани и не се говор на омраза, бидејќи преку нив станувам подобра актерка и уметник целокупно. За жал, социјалните мрежи се полни со булинг и говор на омраза, но не треба сè да се сфаќа сериозно и треба да имаме филтер за тоа што треба да нè допира, а што не. На крајот на краиштата, не може да сме омилени секому и тоа е во ред.

Вие сте родена во Струга, потивок град покрај езеро во едно прекрасно време кога се играше на улица и кога постерите од филмските ѕвезди ги лепевме на ѕид. Какво детство имавте?

Родена сум во Струга, но живеев во Охрид до мојата осумнаесетта година пред да се преселам во Скопје на студии. Иако се поминати 12 години откако се отселив од Охрид, никогаш не престанаа да ми недостигаат езерото, чистиот воздух, чистите улици и архитектурата. Имам прекрасни спомени од детството, а и многу лоши што ме изградиле денес во овој човек што сум. За жал, многу ретко се враќам во Охрид бидејќи не ми дозволува времето, но сепак одам најмногу за да го посетам семејството.

Честопати толкувате комплексни ликови, а на екранот тоа делува толку едноставно што е знак за добро завршена домашна задача. Како воопшто се подготвувате за вакви улоги? Дали ви откриваат нешто за себе што не сте го знаеле?

Јас сум работник и целосно се посветувам на тоа што го правам, стопроцентно, без задршка. Драго ми е дека сум добивала одлични шанси и ми било важно да придонесам колку што можам повеќе во секој проект. Често се потпирам на својата интуиција и дозволувам да ме води таа, заедно со режисерот и со останатата екипа. Но, се разбира, тука се важни и техниката и искуството. Секоја улога е истражување, откривање за себе, пронаоѓање и учење.

Гледаме како некои режисери создаваат специфична динамика со актерките со кои често соработуваат, како Квентин Тарантино со Марго Роби, додека Вуди Ален ја нарекуваше Скарлет Јохансон своја муза. Дали чувствувате дека постои посебна креативна поврзаност помеѓу вас и Милчо Манчевски?

Многу е убаво чувството кога знаеш дека си на иста бранова должина со режисерот. Во смисла на тоа дека лесно се разбирате, имате слични естетски вредности и двајцата сакате предизвици. Тоа е односот и соработката што ја имам со Милчо. Тој е исто така многу посветен работник и неверојатен креативец и навистина ми е драго што сум соработувала со него и се надевам дека таа соработка ќе продолжи и во иднина.

Имате искуство со меѓународни продукции, па ме интересира дали различните културни контексти влијаат врз вашата глума?

Нашиот основен алат е јазикот и се разбира дека глумата на сопствениот јазик секогаш ја чувствувам како најточна. Но, како што напоменав, сакам предизвици и ми било задоволство да играм на јазици кои ги зборувам, а и јазици кои не ги зборувам, па сум ги учела за улога. Секој јазик има своја мелодија и најчесто се врзувам за мелодијата, која ми дава нови димензии на создавање улога и од мене излегува некој друг карактер. Дури, ми се чини дека кога зборувам охридски, чувствувам дека имам различен темперамент, поради специфичноста на дијалектот.

На што работите во моментов? Какво е чувството да се биде со статус „вработен“ во Драмски театар?

Драго ми е дека се вработив во театарот во кој сакав да се вработам. Долго го одолговлекував процесот на вработување, односно не се пријавував на претходните конкурси, бидејќи сметав дека треба да поминам доста во независната културна сцена и да донесам во театарот нешто што сум го собрала како искуство оттаму. Но, отсекогаш желбата ми била да се вработам во тој театар, бидејќи е најблиску до моите естетски вредности и културни политики и се занимава со современ театар и нови експериментални форми.
Во моментов се подготвувам за отворање на сезоната со претставите кои веќе ми се на репертоар и паралелно работам на руски јазик за нова серија.

Вашето режисерско деби „Врзани“ е избрано за престижната програма European Short Pitch, која го истакнува потенцијалот за глобален успех на филмските проекти. Какво значење има ова за вас како режисер?

Влезот во програмата „Еуропеан Шорт пич“ со филмот „ВРЗАНИ“ само ми потврди дека тоа сценарио за филм навистина има голем потенцијал и еден ден треба да се оствари. Сè уште сме во процес на финансирање на тој филм и се надевам дека и еден ден ќе го гледаме на филмското платно.
Во меѓувреме, многу спонтано напишав и друго сценарио за краток филм со име „НОВА ЕНЕРГИЈА“, кој ова лето и успеавме да го снимиме со сопствени средства и пријатели спонзори, кои ни помогнаа финансиски да го поддржиме тој филм. Во моментов сме во постпродукција и речиси сме готови и филмот е спремен да ја почне својата авантура на светските фестивали. Имавме прекрасна екипа со чело на продуцентот Јорданчо Петковски кој е Македонец, но веќе дваесет години живее и работи во Србија. Филмот е во моја режија, а ко-режисер е Радован Петровиќ, а главната улога ја игра Тамара Ристоска. На огромна среќа, на проектот ни се приклучи неверојатната директорка на фотографија од Србија, Бојана Андриќ, која е потпретседателка на ИМАГО – Светската асоцијација на сниматели. Исто така, дел од проектот беше и Горан Игњатовски – маска, Михаил Панев – сценографија, Розе Трајчевска – костим, Петар Кочишки – камера оператор, Милка Анчевска – прв асистент и кастинг директор, Николина Неделковска – скриптер и многу други одлични автори без кои овој филм немаше да биде.

Дали има некоја кауза или тема што би сакале да ја истакнете преку вашата работа и дали тоа би го сториле преку улога или преку режија?

Режијата е сепак авторско дело кое дава многу поголема слобода за изразување, меѓутоа со тоа доаѓа и уште поголема одговорност. Ако филмот не е најдобар, речиси секогаш режисерот е виновен за сè, дури и ако некој актер е лош – режисерот е виновен. Режисерот ја дава големата слика во која сите останати соработници даваат свој креативен придонес.
Меѓутоа, се разбира дека и јас преку својата работа како актерка верувам дека пренесувам пораки, носам промени и создавам култура на гледање филм. Сепак, иако режисерот е креаторот на целокупната слика, филм може да се сними и без режисер, а не може да се сними без камера и актер.
Дали постои улога што сте ја одбиле, а подоцна сте посакале да ја прифатите?
Не сакам да се вртам назад и да гледам дали сум донела погрешна одлука во одредени ситуации. Во тој момент така сум се чувствувала и верувам дека тоа било точно. Секогаш гледам напред и гледам што може да се направи најдобро од денес па натаму.

Дали постои филм што го гледате постојано како извор на инспирација?

Јас не сум од тие луѓе што по неколкупати прегледуваат филмови, бидејќи постојано излегува нешто ново и гледам да бидам во тек со светската кинематографија. Но, се разбира, има неколку филмови кои ми останале во сеќавање и секогаш ми служат како референца за тоа што значи добар филм, како „Левиатан“, „Четири месеци, три недели, два дена“, филмовите на Дејвид Линч, Полански и многу други.

Како би сакале да ве запомнат како актерка?

На ова прашање најмногу се задржав, бидејќи креативноста на прашањето ме натера да се себепреиспитам и навистина да погледам во наредните 40 години. Се разбира, прво да сме живи и здрави, што би се рекло народски.
Би сакала да бидам запаметена како искрен актер, бескомпромисен, со постојана желба за промена и правење подобар театар, подобар филм и подобар свет генерално. Меѓу своите колеги би сакала да бидам запаметена како солидарна, колегијална и некој кој константно навива за сите да бидат што е можно подобри и да играат во што е можно подобри претстави и филмови.

Што би сакале да видите како промена во филмската индустрија?

За почеток, би сакала да видам едни среќни филмаџии кои се задоволни со проектите што ги работат. Би сакала да нема веќе вакви застои во снимањето како што се случи во претходните две години. Би сакала да видам повеќе млади луѓе кои сакаат да се занимаваат со филм во нашата земја. И дефинитивно би сакала да видам повеќе застапеност на Роми во индустријата и поголема застапеност на жени, особено на позиции каде што и речиси ги нема.

Дали имате некое хоби или активност што ја практикувате за да се исклучите од динамиката на работата?

Во последно време развивам љубов кон планините, често го качувам Водно, Скопска Црна Гора и Матка. Знам често да засвирам на мојата гитара, да седнам да читам и, се разбира, терапија ми е кога ќе се видам со пријателите и ќе испијам по некој пијалак. Пред неколку месеци станав и моторџика, положив за мотор и си го купив првиот „Кавасаки“. Едвај чекам да дојде пролет и да тргнам на некој поголем пат со моторот на нови авантури.

Кои вредности се најважни за вас како млада жена во денешно време?

Многу ми е важна слободата, да можам да одлучувам за себе и за своето тело. Неодамна станав дел и ја ширам идејата на европската иницијатива „Мај војс, мај чојс“, која се залага за законска регулатива која ќе го направи абортусот легален во секоја членка на Европска Унија. Сметам дека на жените од Полска им сме потребни и на многу други кои имаат потешкотии да си го остварат своето основно човеково право.

The post Сара Климоска appeared first on Аптеки PlusPharma.

Овен (21.3-19.4)

Околностите во животот почнуваат да ви се подобруваат и да ви создаваат нова мотивација, што е гаранција дека ќе тргнете храбро кон целта и ќе успеете да воспоставите похармонични односи во љубовната и професионална сфера на интерес. Затоа, дејствувајте и покажете ги вредностите. Ако ви се отвори можност за контактирање со лица кои се поврзани со странство или имате предиспозиција за преземање далечно патување, слободно искористете ја.

Бик (20.4-20.5)

Поради негативното влијание на планетите ви се препорачува внимателно да им приоѓате на состојбите и да не се зафаќате со работи што недоволно ги познавате. Доколку манифестирате импулсивност за брзо завршување на започнатите обврски, очекувајте неуспех и соочување со ограничувачките фактори.

Близнаци (21.5-20.6)

Ќе мора нешто да промените во однесувањето и да покажете дека имате сили и квалитет самостојно да ги решавате проблемите. Во секој случај, моменталната поставеност на планетите не гарантира лесен излез од кризата, туку борба и околности што максимално ќе ве исцрпат на психофизички план. Внимавајте на притисоците во полето на работата.

Рак (21.6-22.7)

Поставеноста на ѕвездите ќе ви донесе решителност и способност за справување и со најтешките искушенија. Затоа, наместо да размислувате и да чекате убавите работи да дојдат самите по себе, многу подобро е ако ја преземете иницијативата и со храбро дејствување покажете што умеете. Најважно е што виталноста, борбеноста и желбата за промени ќе бидат максимално присутни.

Лав (23.7-22.8)

Ќе мора да се соочите со проблемите што ви ги создаваат лицата од непосредната околина и од корен да го промените односот кон јавноста. Наместо постојано да им ги исполнувате желбите на другите и енергетски да се трошите, неопходно е да се дистанцирате од сѐ што ве уназадува и унесреќува. Направите нешто добро за самите себе.

Девица (23.8-22.9)

Колку и да очекувате другите да ги сфатат вашите идеи и планови, толку поголемо ќе ви биде разочарувањето. Најважно е да се ослободите од туѓото влијание и со сопствени сили да ја реализирате целта. Внимавајте на односите и комуникацијата. На здравствено поле градете го здравиот дух, бидејќи само така ќе имате здраво тело.

Вага (23.9-22.10)

Не треба да ги обинувате другите за нештата кои недоволно ги познавате. Со критицизам самите на себе ќе си предизвикате проблеми и ќе создадете релација која ќе се темели на недоверба и недоразбирања. Најдобро е сомнежите да не ги манифестирате премногу јавно, односно да си ги задржите за себе, особено ако немате доволно докази за тоа што го преиспитувате.

Скорпија (23.10-21.11)

Не ви вредат високите потенцијали бидејќи не умеете да ги ставите во функција и да ја подобрите перспективата во своето живеење. Затоа, ќе мора да покажете поголема одговорност и подготвеност за практично дејствување. Ѕвездите ќе ви ја дадат потребната поддршка, само треба да го промените концептот на размислување и постепено да се трансформирате.

Стрелец (22.10-21.11)

Бидете мудри и внимателни при воспоставувањето на комуникацијата, бидејќи неретко ви се случува наивно да наседнете на туѓите ветувања. Најдобро е да се потпрете на интуицијата, односно да не брзате при прифаќањето на советите, зашто и најмалата грешка може скапо да ве чини. Обидете се да ја подобрите финансиската состојба и да патувате.

Јарец (22.12-19.1)

Храбро манифестирајте ги вредностите, зашто ефективно и ефикасно ќе стигнете на целта. Не треба да се грижите за впечатокот што ќе го оставите во јавноста, бидејќи со природниот шарм и заводливото однесување мошне лесно ќе допрете до срцето на лицето кое подолго време го привлекува вашето внимание. Потребно е да внимавате на финансиски план, доколку имате можност за склучување ризичен договор поврзан со недвижности.

Водолија (20.1-18.2)

Не треба да се окупирате со негативните ситуации, туку да направите напор за постигнување трансформација во емотивната сфера. Смирете ги страстите, надминете ја суетата и покажете достоинственост. Важно е да направите селекција во контактите и да престанете да се жртвувате за лицата кои тоа не го заслужуваат.

Риби (19.2-20.3)

Најважно е да се сконцентрирате на работата, да покажете разбирање за блиските и да ја елиминирате ранливоста. Добро е ако во овој период се определите да патувате или остварите контакти со лица кои доаѓаат или се поврзани со странство. Не ризикувајте, дејствувајте мирно и промислено, односно не паѓајте на туѓите провокации.

д-р Зоран Крстевски
едукатор, мотиватор и тренер за личен развој

The post Месечен хороскоп март-април 2025 appeared first on Аптеки PlusPharma.

2:00 часот по полноќ, а вие сè уште не можете да заспиете? Пробавте сè, од броење овци до читање книга, но мозокот едноставно не се исклучува? Ноќната борба ве исцрпува толку многу што наредниот ден не можете да се соземете од умор.

А сте пробале ли со бели звуци да го смирите мозокот и да го поттикнете телото да се опушти? Тоа се оние пријатни мелодии кои треба да ви донесат чувство на мир и спокој, и чие редовно репродуцирање навечер може да испрати сигнал до вашето тело дека е време да се смирите, помагајќи ви да изградите здрави навики на спиење со текот на времето.
Интересно е тоа што звуците со ваква намена не се само бели, туку ги има во розова, кафена, виолетова и неколку други бои. Но, која боја на бучава ќе ви помогне да престанете да се превртувате во кревет по цела ноќ?

Според студија на Европскиот центар за контрола и превенција на болести, повеќе од 14 % од возрасните имаат проблем со заспивањето, додека околу 30 % имаат симптоми на несоница. Стресот, здравствените проблеми или непријатната околина (како што е бучавата од градот, задушливата соба, неудобниот душек) можат да ја влошат оваа ноќна борба.
Звуците за спиење се ритмични и смирувачки, и помагаат да се прикријат вознемирувачките звуци (трескање врати, гласен сообраќај, сирени, галама од луѓе) што можат да ве разбудат.

Белата бучава е најпозната по своето дејство за подобрување на квалитетот на спиењето, особено за оние кои живеат во бучни средини. Таа го користи целиот опсег на звучни фреквенции, создавајќи постојан звук кој ги прикрива несаканите звуци. Ова може да биде идеално решение ако ве буди сопственото рчење и она на партнерот, или ако живеете блиску до автопат или пруга. Но, некои луѓе ја сметаат за малку прегласна и груба. Белата бучава може да имитира звуци како брмчење на фрижидер или климатизер, шушкање на радијатор или звук на вентилатор. Ако немате наменски апарат за бела бучава, обидете се со аспираторот во кујна.

Кафената бучава, во споредба со белата, има подлабок и попријатен тон. Таа ги нема високите фреквенции, а звучи како далечен гром или шум на морски бранови. За разлика од белата, кафената бучава има попријатни и природни звуци, што ја прави попогодна за релаксација. Некои корисници со ADHD тврдат дека кафената бучава им помага да се фокусираат и да го смират својот ум.

Розовата бучава има слични карактеристики како белата, но со помалку остри високофреквентни звуци. Тоа ја прави послаба и поприродна, што ја прави добар избор за оние кои сакаат посмирен звук, како шум на дожд или ветер. Розовата бучава, како што покажала студија од 2017 година, може дури да го подобри квалитетот на спиењето, особено кај постарите луѓе.

Виолетова бучава

Спротивно на кафената бучава, виолетовата бучава ги нагласува повисоките фреквенции, што ја прави помалку идеална за спиење. Интересно, понекогаш се користи за помош при третман на тинитус (шум во ушите).

Сива бучава

Често користена во јогата и во медитацијата, сивата бучава ги нагласува и повисоките и пониските фреквенции. За разлика од белата бучава, сивата бучава ги содржи сите фреквенции со еднаква јачина, додека белата бучава ги содржи сите фреквенции со еднаква енергија, што обезбедува различно искуство при слушање.

Која е најдобра за да заспиете и да имате цврст сон?

На крајот, изборот на боја на бучавата зависи од личните преференции. Не постои универзално решение, бидејќи секој човек различно реагира на звуците. Белата бучава често се користи за блокирање на надворешните звуци и за подобрување на квалитетот на спиењето, особено во бучни градови. Розовата и кафената бучава, пак, се поприродни и поповолни за оние кои сакаат помек и подолгорочен ефект.
Најважно е да изберете тип на бучава што ви е најсмирувачка, а тоа ќе го дознаете ако пробате да заспиете со секоја од нив.

The post Ова се најдобрите звуци за заспивање appeared first on Аптеки PlusPharma.

• 3 големи или 6 помали тортилји
• 3 јајца
• 100 мл млеко
• 1 лажица јаворов сируп
• 1 лажичка ванила екстракт
• прстофат цимет
• малку путер или масло за пржење

Состојки за сервирање:

• свежо овошје (јагоди, банани, боровинки)
• мед
• грчки јогурт
• малку сечкани ореви или лешници (по желба)

Подготовка:

Во длабока чинија изматете ги јајцата, млекото, јаворовиот сируп, ванилата и циметот. Ако тортилјите се поголеми, исечете ги на половина или во форма на триаголници. Потопете ги тортилјите во смесата од јајца, внимавајќи да впијат добро од сите страни, но без да се распаднат. Загрејте путер или масло во тавче на средна температура. Пржете ги тортилјите од двете страни додека не добијат златнокафена боја (2-3 минути по страна). Ставете ги на чинија и украсете со свежо овошје. Прелијте со мед, посипете сечкани ореви или лешници и комбинирајте со грчки јогурт.

The post Француски тост со тортилји appeared first on Аптеки PlusPharma.

Серијата маестрално ги прикажува стресот и динамиката што се случуваат во кујната, но и семејните врски, тагата и обидите за нов почеток. Со одлична актерска екипа и брзо темпо на настаните и разврските, оваа телевизиска серија е комбинација на силни емоции и енергична акција што ќе ве држат приковани за екранот.

The post Што во слободно време? The Bear, ТВ серија appeared first on Аптеки PlusPharma.

Кивито е нискокалорично овошје, идеално за оние што внимаваат на телесната тежина. Калиумот и антиоксидантите во кивите помагаат во регулирање на крвниот притисок и заштита на клетките од оштетување. Редовната консумација на киви е вкусен и здрав начин за задоволување на дневните нутритивни потреби.

The post Киви appeared first on Аптеки PlusPharma.

Во последната деценија, науката открива фасцинантна и комплексна врска меѓу цревниот микробиом и здравјето на целото тело. Микробиомот – милијарди микроорганизми кои живеат во нашите црева – има огромно влијание врз метаболизмот, имунитетот, па дури и врз психолошката состојба. Кога микробиомот е во баланс, телото функционира оптимално. Но, што се случува кога доаѓа до нерамнотежа?

Микробиомот не е само помошник на дигестивниот систем – тој е централна точка за здравјето на целиот организам. Разбирањето на врската меѓу микробиомот и хроничните болести отвора нови можности за превенција и за третман, кои не само што ќе го подобрат животот на индивидуите, туку и ќе помогнат во намалување на заболувањата.

Што е микробиом и зошто е важен?

Цревниот микробиом е екосистем составен од бактерии, вируси, габи и други микроорганизми кои живеат во дигестивниот тракт. Овие микроорганизми играат витална улога во:

• Варање на храната и апсорпција на хранливи материи.
• Продукција на есенцијални витамини, како Б-витамини и витамин К.
• Регулација на имунолошкиот систем – повеќе од 70 % од имунолошкиот систем е лоциран во цревата, каде што микробиомот игра клучна улога. Корисните бактерии ги тренираат имуните клетки да разликуваат пријател од непријател, спречувајќи прекумерни или автоимуни реакции.
• Заштита од патогени, преку создавање здрав бариерен систем. Микробите во цревата произведуваат масни киселини со краток ланец (SCFAs) како бутерат, пропионат и ацетат, кои имаат антивоспалителни својства и ја зајакнуваат функцијата на цревната бариера.
• Контрола на воспаленијата
  Цревниот микробиом влијае на нивото на воспаленија во телото. Нерамнотежата во микробиомот може да предизвика зголемено ниво на воспалителни молекули, што може да го влоши развојот на хронични болести како артритис, дијабетес и болести на срцето.
• Одржување на мозочната функција, благодарение на врската помеѓу цревата и мозокот.

Дисбиоза: Кога микробиомот е нарушен!

Нерамнотежата во микробиомот – дисбиоза – може да биде предизвикана од:

• Лоша исхрана богата со шеќери и масти.
• Прекумерно користење антибиотици или други лекови.
• Хроничен стрес.
• Недостаток на физичка активност.
  

  Инфекции или заболувања.

  Дисбиозата го слабее дигестивниот систем, овозможува ширење на штетни бактерии и предизвикува воспаление низ целото тело.

Микробиомот и автоимуните заболувања

Автоимуните болести како лупус, ревматоиден артритис, мултипла склероза и Хашимото тиреоидитис се карактеризираат со имунолошки систем кој напаѓа здрави ткива. Каква е улогата на микробиомот?

1. Воспаление како иницијатор: Дисбиозата предизвикува хронично воспаление што може да активира автоимуни реакции.
2. Синдром на пропустливи црева: Нерамнотежата во микробиомот може да доведе до зголемена пропустливост на цревната бариера, дозволувајќи им на токсините и на патогените да навлезат во крвотокот. Ова ги активира имуните клетки и ги зголемува автоимуните реакции.
3. Дисбаланс на корисни бактерии: Некои добри бактерии, како Lactobacillus и Bifidobacterium, се намалуваат, што дополнително го влошува имунолошкиот одговор.

Микробиомот и метаболичките нарушувања

Нерамнотежата на микробиомот е силно поврзана со болести како дијабетес тип 2, дебелина и метаболички синдром. Еве како:

1. Инсулинска резистенција: Некои штетни бактерии произведуваат токсини кои влијаат на способноста на клетките да реагираат на инсулин.
2. Апсорпција на масти: Дисбиозата може да го зголеми апсорбирањето на калории и на масти од храната.
3. Воспаление: Хроничното воспаление предизвикано од дисбиоза е еден од главните фактори за развој на метаболички синдром.
Истражувањата покажуваат дека подобрувањето на микробиомот преку зголемено внесување на пробиотици, пребиотици и ферментирана храна може да помогне во регулирање на шеќерот во крвта и на телесната тежина.

Микробиомот и психолошките нарушувања

Цревата и мозокот се тесно поврзани преку мозочно-дигестивна оска или акциса, која всушност претставува мрежа од меѓусебно поврзани неврони. Затоа, кога микробиомот е во дисбаланс, тоа може да предизвика:

1. Анксиозност и депресија: Штетните бактерии произведуваат токсини кои влијаат на нервниот систем и ја намалуваат продукцијата на серотонин – хормонот на среќата.
2. Когнитивна функција: Дисбиозата е поврзана со мозочна магла и со потешкотии во концентрацијата.
3. Стрес: Дисбиозата го зголемува нивото на кортизол (хормонот на стресот), што дополнително ја нарушува психолошката состојба.

Како да се одржи здрав микробиом?

Справувањето со дисбиозата и одржувањето на здрав микробиом бара промени во начинот на живот:
1. Баланс во исхраната:

Јадете повеќе влакна од зеленчук, овошје и цели житарки.
Внесувајте ферментирана храна, како јогурт, кисела зелка, кефир.
Ограничете шеќери и преработени масти.

2. Пробиотици и пребиотици:

Пробиотиците додаваат добри бактерии.
Пребиотиците (несварливи влакна) ги хранат постоечките добри бактерии.

3. Редовна физичка активност: Вежбањето позитивно влијае на разновидноста на микробиомот.

4. Намалување на стресот: Практикувајте техники како медитација, јога или длабоко дишење.

5. Ограничување на антибиотици: Користете ги само кога е неопходно.

Микробиомот и кожата

Здравјето на кожата е тесно поврзано со состојбата на цревниот микробиом. Промените во микробиомот можат да влијаат на кожни состојби како акни, егзема и псоријаза.
• Акни: Дисбиозата ја зголемува инфламацијата и ја нарушува хормоналната рамнотежа, што е директно поврзано со акните.
• Егзема: Намалувањето на корисните бактерии како Lactobacillus е забележано кај лица со егзема, што укажува на потенцијална терапевтска корист од пробиотиците.

Микробиомот и телесната тежина

Истражувањата покажуваат дека разновидноста на микробиомот има директно влијание врз ризикот од дебелина.
• Ефективност на калориската апсорпција: Одредени видови бактерии, како оние од родот Bacteroidetes, имаат помала способност да извлекуваат калории од храната, па луѓето кои имаат повеќе од овие бактерии во своите црева можат да имаат помала апсорпција на калории, што може да доведе до полесно одржување на телесната тежина или дури губење на тежина.
• Регулација на хормоните на глад и на ситост: Микробиомот влијае на производството на лептин и на грелин, хормони кои ги контролираат ситоста и апетитот.

3-дневен план за подобрување на микробиомот

Овој краток диетален план има за цел да го подобри дигестивното здравје преку зголемување на бројот на корисни бактерии во дебелото црево.
Целта на ресетирањето на цревата е да се врати балансот во микробиомот преку:
• Елиминирање на храната што ги храни штетните бактерии и предизвикува воспаление.
• Воведување на храна богата со пребиотици, која ги храни корисните бактерии.
• Прифаќање на здрави навики, како доволно спиење, физичка активност и хидрација.
Дали подобрувањето на микробиомот е исто што и детоксикација на цревата?
Детоксикацијата обично се користи за отстранување на токсини и губење тежина, додека подобрувањето на микробиомот има за цел да го подобри дигестивното здравје преку населување на корисни бактерии.
Сепак, потребни се повеќе истражувања за да се утврди дали овие краткорочни промени трајно го менуваат микробиомот.
Иако тридневното ресетирање може позитивно да влијае на микробиомот, подолгорочните промени во исхраната и животниот стил се клучни за трајни придобивки.

Подготовка за 3-дневно ресетирање

• Отстранете ја од дома храната што сакате да ја избегнете.
• Подгответе го менито и направете список за пазарување.
• Испланирајте време за подготовка на оброци, вежбање и одмор.

Ден 1: Елиминација на храна што поттикнува воспаление

Што да избегнете:

• додадени шеќери (фруктоза, гликоза)
• рафинирани јаглехидрати (тестенини, пецива)
• заситени масти (преработено месо)

Што да јадете:

• лиснати зеленчуци (спанаќ, кељ)
• шарени зеленчуци (пиперки, моркови)
• овошја со низок шеќер (бобинки, јаболка)
• маслинки, маслиново масло, семиња, ореви
• риба и немасни протеини

Хидрација: Пијте многу вода и заменете ги кафето и алкохолот со билни чаеви (мента, камилица).
Спиење: Редовниот сон е важен за здрав микробиом.

Ден 2: Зголемување на влакната

Што да воведете:

• сирови зеленчуци и салати
• мелено ленено семе
• грав и леќа

Влакната ја хранат корисната флора, но наглото внесување може да предизвика гасови или надуеност.
Физичка активност: Редовното вежбање, како пешачење, јога или таи-чи, може да го подобри микробиомот и да го намали стресот.

Ден 3: Ферментирана храна

Што да воведете:

• кисела зелка или туршија,
• кисело млеко, сурутка
• кефир, тофу, урда

  Ферментираната храна содржи пробиотици што имаат здравствени придобивки. Ако се јават гасови, тоа е обично привремено.
  Релаксација: Стресот го нарушува балансот на микробиомот. Практикувајте техники за релаксација како медитација, топли бањи или длабоко дишење.

Пример мени

Појадок:

• Грчки јогурт со боровинки и бадеми
• Смуди со спанаќ, јаболко и ленено семе
• Овесна каша со јаболко и цимет

Ручек:

• Салата со рукола, домати и краставици, со хумус и маслинки
• Зеленчукова супа
• Омлет со салата

Вечера:

• Пилешко со зеленчук во кокосово масло
• Лосос со зелени зеленчуци
• Тиквички со сос од леќа

Пијалаци: Пијте многу вода, билни чаеви и избегнувајте пијалаци со додаден шеќер.

The post Микробиом appeared first on Аптеки PlusPharma.

• 450 г ригатони (или други тестенини по избор)
• 250 г пире од тиква (печена или варена)
• 2 чешни лук (ситно сечкани)
• 250 мл крем за готвење (хопла)
• 250 мл зеленчуков или пилешки бујон
• 1-2 лажички крупна сол
• малку цеден лимон
• 30 г путер

Состојки за крцкавите ореви:

• 120 г сечкани ореви
• 1 гранче ситно сечкан свеж рузмарин
• 1 лажица стопен путер
• 1-2 лажици кафен шеќер
• ½ лажичка крупна сол
• црн пипер по вкус

Подготовка:

Загрејте ја рерната на 180°C. Исечкајте ги оревите додека не добијат ситна текстура, истурете ги во мала тава и печете 8-10 минути. Извадете ги од рерната и измешајте ги со рузмарин, путер, шеќер, сол и црн пипер. Оставете ги настрана да се оладат. Варете ги тестенините според упатството на пакувањето. Додека се варат тестенините, загрејте го путерот во тава на ниска температура. Додајте го лукот и пржете додека не стане ароматичен (не пржете го премногу за да не биде горчлив). Додајте ги пирето од тиква и бујонот и оставете сосот да крчка на тивко за состојките убаво да се соединат. Додајте хопла и сол и продолжете да варите додека сосот не се згусне. Додајте малку лимонов сок по желба. Измешајте ги сварените тестенини со сосот. Сервирајте ја пастата во плитки чинии, а озгора посипете со крцкавите ореви.

The post Тестенини во крем сос од тиква и крцкави ореви appeared first on Аптеки PlusPharma.

Дали некогаш сте се запрашале како би изгледало вашето секојдневие ако пријателите во вашиот живот не беа од иста или блиска генерација како вас? Пријателствата со луѓе од различни возрасти не се само интересни, туку и неверојатно корисни.

Меѓугенерациските пријателства ни отвораат врата кон различни перспективи, искуства и мудрости што не можат да се најдат во животната фаза што ја живееме во моментот.

Придобивки што го менуваат животот

Кога се поврзуваме со некого постар од нас, добиваме пристап до богатство од животни искуства и совети. Постарите пријатели честопати можат да ни понудат мудрост што произлегува од нивната долгогодишна перспектива – нешто што не може да се научи од книги или на интернет.
Од друга страна, пријателствата со помлади луѓе носат свежина, енергија и нови идеи. Помладите можат да ни помогнат да останеме во чекор со модерните времиња, да нѐ инспирираат да пробаме нешто ново и да нѐ потсетат дека никогаш не е доцна за промени.

Научните истражувања покажуваат дека ваквите пријателства можат да го подобрат менталното здравје, да ги намалат чувствата на осаменост и дури да го продолжат животниот век. Луѓето кои имаат пријатели од различни генерации се почесто среќни и задоволни од животот.

Овие пријателства им помагаат да развијат социјални вештини, како што се емпатија, слушање и прифаќање на различности, и, исто така, тие ја зголемуваат нивната самосвесност и мотивација.

Психологот д-р Џон Доу, автор на книгата „Поврзување на генерациите“, истакнува дека: „Самоувереноста и самосвесноста на луѓето од различни генерации може да создадат мостови кои ги обединуваат, а не да ги разделуваат. Преку меѓугенерациските пријателства, ние учиме да се разбираме и почитуваме едни со други.“
Тоа не значи дека сите меѓугенерациски пријателства мора да бидат безусловно лесни, но резултатите од нив се вредни за напорите.

Како да изградите вакви врски?

За да воспоставите меѓугенерациско пријателство, потребни се малку повеќе иницијатива и отвореност. Еве неколку идеи:
1. Инволвирајте се во активности што привлекуваат луѓе од различни возрасти. Волонтерските настани, работилниците и хоби групите се идеални места каде што може да се поврзете со луѓе од други генерации.
2. Бидете љубопитни и поставувајте прашања. Искрениот интерес за искуствата на другите е одличен начин да изградите блискост.
3. Не судете според возраста. Разберете дека и постарите и помладите имаат што да понудат, без разлика на нивната животна фаза.

Најважното правило: отворен ум!

Изградбата на меѓугенерациски пријателства бара отвореност за нови идеи, толеранција за разликите и желба за учење. Понекогаш тие ќе ве изненадат со својата длабочина и ќе ви покажат дека вредноста на едно пријателство не се мери во годините, туку во разбирањето и искреноста.
Меѓугенерациските пријателства се ретки бисери што го збогатуваат нашиот живот. Затоа, не двоумете се да погледнете надвор од вашата генерација – можеби токму таму ќе ја најдете најголемата поддршка и инспирација.
Верувајте, понекогаш најубавите лекции доаѓаат од луѓе кои живеат сосема различни животи од вашиот.

Што е заедничко за сите добри пријателства?

Без разлика на возраста, најважните елементи на секое пријателство се почитта, искреноста и способноста за слушање. Без нив, врската нема да трае долго. Иако меѓугенерациските пријателства може да имаат свои предизвици, тие нудат прекрасна можност да научиме како да се поврзуваме со луѓе што мислат и живеат поинаку од нас.
Пријателствата од овој тип нѐ потсетуваат на едноставната но важна вистина – дека сите сме ученици во животот и секој од нас има нешто да подели и нешто да научи, без оглед на годините.

Дали знаевте дека…

• 82 % од луѓето велат дека учат нешто ново од пријателствата со луѓе од различни возрасни групи.
• Луѓето со разнолики социјални кругови, вклучувајќи и меѓугенерациски пријателства, имаат 25 % помал ризик од депресија.
• Меѓугенерациските пријателства го зголемуваат чувството на поврзаност и можат да го продолжат животниот век за 7 до 15 години!
• 85 % од милениумците сметаат дека пријателствата со постарите генерации им помагаат да донесат подобри животни одлуки.
• Старите луѓе кои редовно се дружат со помлади имаат 20 % подобра когнитивна функција.
• Пријателствата меѓу различни генерации ја зголемуваат емпатијата – 78 % од младите велат дека подобро ги разбираат предизвиците со кои се соочуваат постарите луѓе.

The post Меѓугенерациско пријателство appeared first on Аптеки PlusPharma.

Фармацевтската индустија е доста развиена за таблетарни суплементи во соодветни дози да можат да ги задоволат специфичните потреби од дадени витамини и минерали кои истите не можат да се надополнат по пат на исхрана. Често се земаат сумплементи на своја рака, но треба да знаеме дека тоа некогаш знае да биде ризично доколку не се земаат во соодветни дози за оптимално функционирање на организмот. Колку и да се храниме здраво, често не се апсорбираат сите хранливи материи или тие се губат од различни причини.

Истражувањата покажуваат дека над 64 % од жените имаат недостаток на витамин Д, додека дефицитот на витамин Б2 изнесува 44,9 %, а железото недостига кај речиси 23,2 % од популацијата. Овие недостатоци можат да доведат до сериозни здравствени последици како слабеење на коските, замор, когнитивен пад и ослабен имунолошки систем.
Дополнително, кај жените над 50 години, намалувањето на хормоните (како естрогенот) дополнително влијае врз апсорпцијата на одредени хранливи материи, што ги прави суплементите важен дел од одржувањето на целокупното здравје. Еве ги клучните витамини и минерали кои се неопходни за оптимално функционирање.

Калциумот е синоним за здрави коски – Организмот на жените во постменопаузалниот период не ги апсорбира витамините и минералите како во пораната возраст. Посебен акцент е ставен на калциумот, бидејќи неговиот недостаток доведува до ризик од т.н. „кршливи коски“ и најчесто остеопороза. Според National Osteoporosis Foundation, една од две жени постари од 50 години има фрактура поради остеопороза. За машката возраст односот е 1 : 4.Тој однос е таков бидејќи во менопаузата има хормонални промени, односно намалување на нивото на хормонот естроген кој директно влијае на густината на коскеното ткиво.

Доколку не се внесува калциумот од млечни производи и друга храна богата со калциум, телото започнува да го извлекува калциумот од коските и на тој начин ги прави послаби и кршливи. Препорачаните дневни дози варираат од нивото на калциум во крвта, но кај возрасни личности потребно внесување на калциум е од 500-600мг дневно. Нивото на калциум потребно е да се следи бидејќи зголемено ниво на калциум може да предизвика проблем со бубрезите и со срцето. Хиперкалцемија вообичаено имаат пациентите со малигни заболувања или со примарен хиперпаратироидизам.

Витамин Д – стабилен имунитет, подобро расположение, здрави коски. Витаминот Д му помага на нашето тело за регулирање на количината на калциум и на фосфати во телото, но и овозможува зајакнување на имунитетот против борбата со бактерии и со вируси. Одредени студии покажуваат дека недотастокот на витамин Д е поврзан со депресија, демиелинизирачки заболувања, ревматолошки, дерматовенеролошки, како и автоимуни болести.

Кому му е најпотребен витаминот Д?

• На оние кои не внесуваат доволно од овој витамин преку храната и преку сончевата светлина;
• На лица постари од 50 години;
• На лица со остеопороза, како и со болестите Кронова болест и улцерозен колитис, каде е ограничена апсорпцијата на маст.

Според препораките, дневното внесување на витамин Д кај жените над 50 години е од 600IU до 1000IU, во зависност од нивото на витамин Д во крвта. Кај жените кои имаат дополнително други заболувања, дозите се повисоки.

Лутеин – заштитник на очите

Лутеинот спаѓа во хранливите материи кои се растворливи во масти, т.н. каротеноиди. Овој антиоксидант се концентрира во очите заштитувајќи ги од слободни радикали и од молекули кои може да направат оштетување на ДНК, липидите и протеините, предизвикувајќи дегенеративни промени во макулата кои се поврзани со стареењето. Исто така, претставува водечка причина за слепило кај повозрасната популација.

Ресвератрол – Природен антиоксидант кој се наоѓа во бројни растенија, како грозје, бобинки, сливи. Како антиоксидант, истражуван е за неговите ефекти во најголем број врз кардиоваскуларниот систем, како и карциномите. Ресвератролот има способност да го спречи губитокот на витамини кои се липосолубилни (витамин К, А, Д, Е), како и липидната пероксидација. Има студии кои тврдат дека ресвератролот има моќ да помогне во спречување на атеросклерозата и во намалување на агрегацијата на тромбоцитите, но и помага при справување со дијабетесот, заздравувањето на рани, како и во намалување на активностата на некои тумори.

Комбинацијата од витамините Б1, Б2, Б6, Б5, Б12 придонесува за нормално физиолошко функционирање на нервниот систем, особено за исхраната на миелинската обвивка на нервните клетки како учество во еритропоезата – создавање на црвени крвни зрнца (еритроцити). Учествува во метаболизмот на јаглехидратите, мастите и протеините. Најмногу се наоѓа во лушпите на интегралните житарки, во квасецот, млекото, месото, овошјето и зеленчукот, како и во јаткастите плодови. Недостатокот се манифестира преку нервоза, депресија, умор, проблеми со кожата и со косата, болки во мускулите и слично.

Јодот и селенот се непходни за тироидната жлезда. Низа истражувања покажуваат дека може да се предизвика нарушена функција на тироидната жлезда со тоа што се надополнува организмот со селен, а притоа има недостаток на јод.

Фруктоолигосахариди (ФОС) и галактоолигосахариди (ГОС) како пребиотици делуваат позитивно на цревната микрофлора, односно служат како храна на цревните бактерии.

Студиите покажуваат дека ГОС и ФОС не се само пребиотици кои помагаат во растот на цревните бактерии, туку имаат и други предности врз здравјето на коските и на срцето. Најголема улога имаат во функцијата на дигестивниот систем и како такви најголема примена имаат во констипациите, продолжените дијареи, синдромот на иритабилен колон, како и во интестиналната имуномодулација.

За среќа, денес постојат специјализирани формули кои овозможуваат внесување на сите овие витамини и минерали во оптимални дози. Една таква формула е на располагање и кај нас, создадена токму за поддршка на здравјето на жените 50+. Оваа формула содржи точно одредени витамини и минерали со дефинирани дози неопходни за овој период од животот кај секоја жена. Како и да е, пред употреба на кои било суплементи потребно е да се испита нивото на концентрација на витамини и на минерали во крвта, бидејќи како што кажавме погоре – создава ризик од преголема концентрација од истите.

Формулата е: Со употреба на само 1 таблета дневно, после појадок. Советот е да не се зема на празен стомак. Потребно е да се знае дека овој производ не е лек туку надополнување, односно суплементи за кои е потребна консултација со доктор или со фармацевт пред земање на препраратот.

The post Суплементација во женската 50+ популација appeared first on Аптеки PlusPharma.

Инсценирајќи ја својата смрт, таа започнува нов живот во мал град, надевајќи се на слобода и спокој. Но, нејзиното минато не може лесно да биде избришано – нејзиниот сопруг, решен да ја најде, ѝ се приближува побрзо отколку што очекува. Со напнатост што расте со секоја сцена, филмот нуди моќна приказна за преживување, покажувајќи ја храброста потребна да се победи стравот.

The post Што во слободно време? Погледнете филм Sleeping with the enemy appeared first on Аптеки PlusPharma.

Концептот на минимализам станува сè попопуларен, но и неопходен. Неговата суштина не се сведува само на намалување на физичкиот простор, туку и на создавање повеќе простор за она што навистина е важно. Овој начин на живот може да донесе повеќе мир, фокус и продуктивност, но може и да влијае позитивно на нашето здравје и благосостојба.

Принципите на минимализмот

Минимализмот е филозофија која се базира на едноставност. Тој промовира отфрлање на непотребното, било тоа да се физички предмети, ментални блокади или емоционални тежини. Основната идеја е дека помалку е повеќе, и дека концентрирањето на само оние работи што ни се навистина важни ќе ни донесе поголема среќа и задоволство.

Едноставноста како ослободување од стресот

Еден од најголемите бенефити од минимализмот е намалувањето на стресот. Брзиот животен стил и многуте обврски често предизвикуваат преоптовареност и анксиозност. Примената на принципите на минимализам помага да го намалиме стресот во нашите животи, бидејќи помалку работи значат помалку грижи.

Истражувањата покажуваат дека љубовта кон минимализмот не само што создава физички простор во домот, туку и овозможува ментален простор за поголема концентрација и креативност. Кога сме оптоварени со премногу обврски, нашето внимание се распрснува на многу места. Според познатата психологија, повеќе задачи можат да доведат до пад на продуктивноста, додека едноставноста ни помага да останеме фокусирани на она што е навистина важно.

Како да имплементираме минимализам во секојдневниот живот?

1. Физички простор – Почнете од дома. Прегледајте ги сите предмети и ослободете се од оние кои не ви се потребни. Ова може да биде процес на постепено ослободување, но секој мал чекор ќе донесе разлика. Користете практични и функционални парчиња мебел и декоративни елементи, а заштедениот простор искористете го за активности кои ве исполнуваат. Запрашајте се само колку време трошите за да ги тргнете декоративните перници од спалната навечер и да ги наредите наутро? Во соба во која влегувате само за спиење?? Само затоа што така било модерно???

2. Работно место – Работното место може да биде важен извор на стрес ако е преполно со хаос. Ослободете го од непотребните документи и предмети, што ќе ви овозможи подобра организација и поголема ефикасност. Според студиите, чистото и уредно работно место позитивно влијае на продуктивноста и го намалува стресот.

3. Дигитален живот – Во денешната ера на информациски бури, дигиталниот простор често е преполн со непотребни информации, нотификации и апликации. Намалувањето на дигиталниот отпад – од unsubscribe на непотребните e-mail листи до избирање само на оние апликации кои ви се навистина корисни – може да ви донесе значително олеснување.
Влијанието на минимализмот на здравјето

Не е изненадувачки што минимализмот има и директно влијание на физичкото здравје. Кога се оптоваруваме со премногу работи, нашето тело реагира со пораст на хормоните на стресот (кортизол), што на долг рок може да доведе до здравствени проблеми како што се срцеви болести и нарушени имунолошки функции. Намалувањето на стресот преку минимализам може да има директно позитивно влијание на нашето здравје, вклучувајќи подобро спиење, помала анксиозност и подобар имунолошки систем.

Како минимализмот може да го подобри нашиот емоционален живот?

Минимализмот не само што ни дава физички простор, туку и емоционален. Прекумерното прибирање на работи може да се претвори во емоционална тежина. Кога се ослободуваме од материјалните работи, истовремено ослободуваме простор за подобро поврзување со нашите емоции и потреби. Сосема природно, тоа може да доведе до помирен и посреќен живот.

Минимализмот е повеќе од тренд – тој е начин на живот!

Иако можеби нема да се откажеме од сите нешта што ги поседуваме, почнувањето со мали промени може да ни помогне да живееме побогат и позначаен живот без да робуваме на консумеризмот.

The post Мудроста на едноставноста appeared first on Аптеки PlusPharma.

Ако сакате да ги кревате внуците, да се качувате по скали, да ги носите торбите од пазар, да ги совладувате сите секојдневни предизвици како стареете, еве ја научно поткрепената тајна за успех: кревање тегови!

Теговите не се резервирани само за младите љубители на фитнесот, тие се вашиот билет за самостојна и среќна старост.
И мажите и жените почнуваат да ја губат мускулната маса по 30-тата година од животот. Кај жените процесот нагло забрзува по менопаузата поради драматичните промени во хормоналните нивоа. Кај мажите, темпото го диктира падот на тестостеронот околу 50-тите години.

Овие промени влијаат на здравјето на мускулите и на коските, но тренирањето со тежина може да ги зајакне коските, да ги одржи мускулите силни, па дури и да поттикне создавање мускулна маса.

Како кревањето тегови во златните години може да ви го трансформира животот?

Стареењето со стил не подразбира само да се биде активен, туку да се избере соодветна активност што ќе го поддржи вашето здравје. Тренингот со тежина (како вежби со сопствена тежина, кревање тегови, справи со отпор) е докажано најдобиот метод за анулирање на лошите аспекти од староста.
Овој тип на тренинг ви помага да изградите цврсти мускули на кои ќе можете да се потпрете во секојдневните активности, но и да го намалите ризикот од остеопороза и остеопенија кои можат да доведат до фрактури. Дури и ако никогаш во животот не сте кревале тегови, никогаш не е доцна да почнете.

Тренирањето со тегови е фонтана на младоста, барем така милуваат да кажат фитнес експертите. Не само што помага во зголемувањето и во одржувањето на густината на коските со цел да се намали ризикот од фрактури, туку и мускулната маса што се создава со кревањето тегови помага во регулирањето на нивото на шеќер во крвта и метаболизмот. Крвањето тегови ги подобрува балансот и координацијата, намалувајќи ја фреквенцијата, сериозноста и веројаноста за падови.
Покрај физичките придобивки, тренингот со тежина покажува потенцијал за одложување на невролошките состојби како Алцхајмерова болест и деменција, според студијата од 2023 година објавена во Frontiers in Neuroscience, а тоа го прави мултифункционална алатка за успешно стареење.

Започнете со мали и лесно изводливи чекори (вклучете лесни тегови во вашата физичка рутина) за да стекнете самодоверба и уште поважно – континуитет што ќе ви донесе долгорочни придобивки.

Најдобрите вежби со тегови за постари лица

Започнете со две до три серии од по 10 повторувања за секоја од вежбите подолу. Ако сте почетници, започнете со изведување на рутината еднаш неделно и постепено зголемете до трипати неделно. Одберете тежина што е доволно тешка за да ги направи последните две до три повторувања на секоја серија предизвикувачки, но изводливи.

Еве неколку вежби што можете да ги вклучите во вашата рутина за да го активирате целото тело:

1. Стојте исправени, држејќи тегови во рацете. Чекорете на платформата со едната нога, потоа со другата, па повторно симнете се.
2. Стојте со стапалата во ширина на рамената, држејќи тег во секоја рака. Сведете ги теговите меѓу нозете, а потоа силно замавнете ги напред, користејќи ги бедрата и колковите.
3. Држете тегови во рацете пред себе, спуштајќи се надолу кон подот додека колената не достигнат агол од 90 степени.
4. Држете тегови во двете раце на висина на рамењата. Подигнете ги над глава и полека спуштајте ги назад.
5. Застанете на платформата и подигнете едно колено до градите додека држите тегови. Спуштете се назад и повторете со другата нога.
6. Стојте исправени, држејќи тегови во рацете. Направете голем чекор напред со едната нога, спуштете се додека коленото не формира агол од 90 степени и потоа вратете се назад. Повторете со другата нога.

The post Вежби со тегови appeared first on Аптеки PlusPharma.

И млади и стари, сите целат на оние 10 000 чекори на ден со цел да си ја смират совеста дека сториле нешто добро за своето здравје и тело. И трендот не е воопшто лош, но дали е доволен или можеби претеран?

Како почна сè?

Идејата за одење 10 илјади чекори дневно била измислена како дел од маркетинг кампања за еден од првите педометри, лансирана пред Олимписките игри во Токио во 1964 година. Јапонскиот карактер за бројот 10 000 наликува на човек што оди, па уредот бил наречен „Манпо-кеи“ или „метар за 10 000 чекори“.

Оваа генијална рекламна кампања поттикнала релативно произволна бројка да стане глобален стандард за следење чекори. Важно е да се запомни дека оваа бројка не важи за секого. Ако сте заинтересирани за следење на чекори, најдобро е да го откриете бројот што ви одговара и да го зголемувате за една до две илјади чекори дневно. Ако ви е премногу лесно, секогаш можете да додадете повеќе. Ако е премногу тешко, можете да го намалите бројот додека не ја подобрите вашата физичка кондиција.

Кои се здравствените придобивки од одење 10 000 чекори дневно?

Откако оваа јапонска маркетинг кампања беше лансирана во 1964 година, науката и медицината докажаа дека идеалниот број на чекори за намалување на тежината и ризикот од болести и состојби кои доаѓаат со килограмите, навистина се движи околу 10 илјади.

Што покажува науката?

• Истражувањата сугерираат дека одењето 9.800 чекори дневно е оптималната доза за намалување на ризикот од деменција за 50 %.
• Пешачењето надвор, додека ги правите вашите 10 000 чекори, може да помогне во ублажување на симптомите на анксиозност и депресија.
• 10 илјади чекори водат до намалување на болките во колената и зглобовите кај лица со артритис.
• Истражувањето објавено во JAMA Internal Medicine Journal го откри потенцијалот за намалување на ризикот од предвремена смрт со секои 2 000 чекори направени дневно.
• Студија во JAMA Neurology пронајде можна поврзаност помеѓу одењето 10 000 чекори дневно и намален ризик од развој на кардиоваскуларни болести, 13 видови рак, мозочен удар и срцева слабост.
• Истражувањата покажуваат поврзаност меѓу одењето и подобрената ментална јасност и креативниот тек на идеи.

Приспособување на вашите цели

Кога поставувате фитнес цел, потребно е да ги земете предвид вашите способности, возраст, искуство и вкупната физичка активност. Кога би пошле во теретана, сигурно нема да ги подигнете најтешките тегови што ќе ги најдете. Истото е и со чекорите.

Ако се обидете да поминете 7 000 чекори и ви се чини лесно, целта од 10 000 чекори дневно не би требало да биде премногу тешка. Ако се обидете да направите 5 000 чекори и тоа ви е тешко, попаметно е да започнете со 3 000 чекори.

Препорачани чекори дневно според возраст

Децата и адолесцентите обично се поподвижни. Научна статија од 2011 година открива дека лицата под 18 години во просек прават од 10 000 до 16 000 чекори дневно.
Бидејќи децата поретко поседуваат уред за следење на чекори, подобар начин за проценка на нивната активност е мерењето на времето што го поминуваат во физичка активност. Националната здравствена служба (NHS) препорачува децата на возраст од 5 до 18 години да изведуваат барем 60 минути аеробна активност секој ден.
За возрасните, 10 000 чекори дневно е најчесто препорачуваната бројка. Сепак, вашата работа, фитнес нивото и возраста ќе го одредат она што е реално за вас и што треба да ви биде цел.

Во просек, возрасен маж прави околу 5.340 чекори дневно, додека возрасна жена прави околу 4.912 чекори. Со оглед на овие просеци, постигнувањето на 10 000 чекори дневно значи двојно зголемување на дневниот број на чекори. Важно е да запомните дека оваа цел не е достижна за секого и не треба да се гледа како тест што мора да го положите. Мерењето на времето поминато во физичка активност може да биде исто толку вредно како и мерењето на бројот на направени чекори.

NHS препорачува возрасните на возраст од 19 до 64 години да прават најмалку 150 минути умерено интензивна физичка активност неделно. Додавањето 10 минути брзо одење дневно помага во воведување поинтензивна активност што го зголемува пулсот.

Ако мерењето време и растојание не функционира за вас, експертите советуваат да се фокусирате на интензитетот на одењето.
Постарите лица треба да бидат повнимателни при поставувањето цели. Ако сте загрижени за вашата мобилност или сакате да ги зголемите нивоата на активност, размислете за консултација со лекар пред да започнете. Сè повеќе истражувања укажуваат дека ризикот од предвремена смрт се стабилизира по достигнување на околу 6 000 до 8 000 чекори дневно кај лица на возраст од 60 и повеќе години.

Доколку имате хронична здравствена состојба што ја ограничува вашата мобилност или способност да одите удобно, Американскиот национален институт за здравје (NIH) препорачува да целите на околу 5.500 чекори дневно.

Како да направите повеќе чекори во денот?

Постојат многу креативни начини да го зголемите бројот на чекори што ги правите секој ден. Без разлика дали сте дома или на работа, воведете некои од овие совети во вашата рутина за да го подигнете нивото на активност:

• Прошетајте го кучето: Малку подолга утринска или вечерна прошетка со кучето е одличен начин да додадете неколку илјади чекори.
• Користете скали: Дали обично користите лифт? Наместо тоа, користете ги скалите. Иако оваа промена изгледа мала, ќе придонесе значително во текот на денот.
• Прошетајте за време на паузата: Наместо да седите на работната маса или каучот и да гледате во телефонот, ако времето е убаво, направете прошетка за да ги освежите умот и телото.
• Набавете подлога за одење: Ако сакате да ја подобрите вашата активност, малку движење за време на вечерниот одмор може многу да помогне. Подлогите за одење се како мали ленти за трчање кои можете лесно да ги користите дома пред телевизорот или на работа.
• Заборавете на автомобилот: Одењето до продавницата или пешачењето за кратки патувања е лесен начин да го зголемите бројот на чекори. Дополнителна предност е што ќе заштедите на гориво и ќе придонесете за заштита на планетата.
• Слезете порано: Ако имате време, слезете неколку станици порано од автобусот и прошетајте го остатокот од патот. Тамам ќе ја освежите мислата пред да започнете со работа.
• Внесете натпреварувачки дух: Натпреварувањето со пријатели или семејството може да помогне да останете мотивирани кога ќе посакате да се откажете од вашите цели. Малку пријателска конкуренција ќе го направи процесот повозбудлив.

Колку изнесуваат 10 000 чекори?

10 000 чекори се приближно еквивалентни на пешачење осум километри, во зависност од должината на чекорот, брзината на одење и висината.
Ако сакате да ги направите сите 10 000 чекори одеднаш, ќе ви треба околу еден час и четириесет минути пешачење.

The post 10 илјади чекори дневно appeared first on Аптеки PlusPharma.

Во оваа статија ќе се запознаете со основите на салицилната киселина, нејзините предности, како таа може да помогне во третирањето на кожните состојби и како правилно да ја комбинирате со други состојки во вашата рутина за нега на кожата.

Што е салицилна киселина?

Салицилната киселина е бета-хидроксилна киселина (BHA) која се користи во козметичките и дерматолошките производи заради своите моќни антивоспалителни и антибактериски својства. Нејзиното главно својство е способноста да ги пробие затнатите пори и да ги исчисти од вишокот маснотии, нечистотија и мртви клетки. Ова ја прави идеална за третирање на акни, но исто така има и други бројни примени.

Колкава концентрација треба да купите?

Кога купувате производ со салицилна киселина, концентрацијата што треба да ја барате зависи од тоа што сакате да третирате. Повеќето производи за акни содржат салицилна киселина во опсег од 0.5 до 2 проценти. 1 до 2 проценти е вообичаено за производи кои служат за таргетиран салонски третман. За одржување на беспрекорна чистота на кожата без иритација, сосема е доволна концентрација од 0.5 до 1 процент. Во медицинските шампони и кремови што лечат псоријаза и првут, поверојатно да ја најдете салицилната киселина во поголема концентрација, како што е 3 проценти.

Бенефити на салицилната киселина

• Салицилната киселина има бројни предности за кожата. Некаде се користи како главна состојка за лекување на акни, но таа е ефикасна и за други проблеми со кожата.
• Лекување на акни: Веројатно една од најпознатите придобивки на салицилната киселина. Таа ги распаѓа себумот, мртвите клетки и маслото што се комбинираат во слуз која ги затнува порите и поттикнува комедони со бел врв или митесери.
• Обновување на кожата: Салицилната киселина ја стимулира обновата на клетките на кожата и така ја подобрува текстурата на самата кожа.
• Смирување на воспаленија: Како природен антиинфламатор, таа помага во намалување на црвенилото, иритацијата и отокот поврзан со акните.
• Намалување на порите: Салицилната киселина помага да се ослободат порите од нечистотијата и вишокот на себум, што го спречува нивното проширување.
• Контролирање на вишокот масло и себум: Бидејќи е состојка која се раствора во масло, таа лесно може да ги регулира маслото и себумот на кожата и на скалпот, па на тој начин да спречи појава на акни и првут.

Дали може да се користи за третирање темни флеки?

Да, може да биде ефективна во третманот на темни флеки, иако тоа не е нејзината главна функција. Таа делува како пилинг, отстранувајќи мртви клетки од кожата и поттикнувајќи нов раст на клетки. Ова може да помогне во избелување на темни флеки, посебно оние што се резултат на воспаленија или акни. Но, не е толку моќна да ги избели и флеките поттикнати од сонце (хиперпигментација).

Како се користи салицилната киселина?

Салицилната киселина обично се користи во форма на кремови, серуми или тоници, и во зависност од концентрацијата може да се користи секојдневно или неколкупати неделно. Еве неколку важни совети за нејзино користење:

1. Чистење на лицето: Почнете со темелно чистење на лицето со благ гел за чистење. Потоа, нанесете тоник или серум што содржи салицилна киселина, користејќи памук.
2. Примена на влажна кожа: За подобро апсорбирање, нанесете салицилна киселина на малку влажна кожа.
3. Тестирање пред првата употреба: Ако првпат користите салицилна киселина, направете тест за чувствителност на мала површина од кожата за да проверите дали постои алергиска реакција.
4. Секојдневна употреба: Препорачливо е да не користите производи со салицилна киселина повеќе од еднаш или двапати на ден за да избегнете иритација.

Забранети и дозволени состојки за комбинирање

Треба да избегнувате комбинирање на салицилната киселина со состојки како ретиноиди, бидејќи тоа води до иритација. Тоа важи и за AHA-киселините како гликолна и млечна киселина, бидејќи нивната заедничка употреба може да доведе до прекумерно лупење и пукање на епидермисот.
Салицилната киселина генерално е безбедна за употреба во комбинација со состојки како хијалуронска киселина (затоа што е хидратантна состојка која помага да се ублажи сувоста што може да ја предизвика самата киселина) и ниацинамид (кој е познат по тоа што се справува со иритација и црвенило). На листата безбедни за комбинирање се и пептидите кои ја поддржуваат функцијата на кожната бариера.

The post Салицилна киселина appeared first on Аптеки PlusPharma.

Прстенот кој треба да ја симболизира нивната љубов завршува во погрешни раце, па тие двајца заминуваат во денешен Лондон во мисија да го вратат прстенот на фараонот, но и да го убедат дека не се еден за друг. Со многу акција, хумор и емоција, овој анимиран филм нè учи за пријателството, храброста и прифаќањето на одговорностите и разликите кои нè прават посебни.

The post Што во слободно време? Mummies, анимиран филм appeared first on Аптеки PlusPharma.

Протеините се основни градбени блокови на нашето тело. Тие играат клучна улога во изградбата на мускулите, регенерацијата на ткивата и правилното функционирање на клетките. Но, дали е поважно да консумирате животински протеини или растителни? Да ги споредиме двете опции.

ЖИВОТИНСКИ ПРОТЕИНИ

Животинските протеини се комплетни протеини, што значи дека ги содржат сите девет есенцијални аминокиселини кои телото не може само да ги произведе.

Извори:

• Месо (пилешко, телешко, свинско)
• Риба (лосос, туна, скуша)
• Јајца
• Млечни производи (млеко, сирење, јогурт)

Предности:

• Поголема биорасположливост: Лесно се апсорбираат во телото.
• Градење мускули: Идеални се за луѓе што тренираат или сакаат да ја зголемат мускулната маса.
• Богати со витамини и минерали: Содржат витамин Б12, железо и цинк.

Недостатоци:

• Висока содржина на заситени масти: Некои извори на протеини, како црвеното месо, можат да го зголемат ризикот од срцеви заболувања.
• Штетни за природата: Процесите поврзани со одгледување и преработка на животни за храна, создаваат значително поголеми количини на стакленички гасови во споредба со производство на растителни протеини.

РАСТИТЕЛНИ ПРОТЕИНИ

Растителните протеини честопати се непотполни (не ги содржат сите есенцијални аминокиселини), но со комбинирање на различни растителни извори, можете да добиете комплетен профил на аминокиселини.

Извори:

• Легуминози (грав, леќа, наут)
• Житарки (киноа, овес)
• Ореви и семки (бадеми, семки од тиква)
• Соја и тофу

Предности:

• Ниска содржина на масти: Погодни се за оние што сакаат да го намалат внесот на калории и на масти.
• Богати со влакна: Го поттикнуваат здравјето на дигестивниот систем.
• Безбедни за природата: Производството на растителни протеини е одржливо и помалку штетно за околината.

Недостатоци:

• Потреба од комбинирање: За да се добие комплетен аминокиселински профил, треба да се комбинираат различни извори.
• Помалку биорасположливи: Телото не ги апсорбира исто толку ефикасно како животинските.

Кој тип протеини да го изберете?

Вашиот избор зависи од вашите нутритивни потреби, од животниот стил и целите:

• Ако сте физички активни и ако сакате да градите мускули, животинските протеини може да бидат подобар избор.
• Ако се стремите кон здрава исхрана со низок јаглероден отпечаток, растителните протеини се одлична опција.
• Балансот е клучен – комбинирајте ги двата извора за оптимална исхрана.

Само растителни протеини – здрав избор или потенцијален ризик?

Исхраната базирана само на растителни протеини е популарен тренд меѓу возрасните, но колку е тоа безбедно? Растителните протеини може да бидат здрав избор, но не и доволен за здравјето!

Недостатокот на некои есенцијални нутриенти, како витамин Б12, железо, цинк и омега-3 масни киселини во растителните протеини, ги прави потенцијално ризични за здравјето, особено ако храната се базира исклучиво на нив.

Овие хранливи материи главно се присутни во животинските продукти, па за оние што избегнуваат месо и млечни производи, неопходно е внимателно да ја планираат исхраната и евентуално да ги надоместат со суплементи.

Бидејќи од друга страна, добро планираната растителна исхрана не само што е безбедна, туку и придонесува за намалување на ризикот од хронични заболувања како дијабетес тип 2 и високо ниво на холестерол. Балансот и разновидноста се клучни за да се избегнат евентуалните недостатоци.

Како да комбинирате растителни протеини за комплетна исхрана?

Растителните протеини не секогаш содржат целосен профил на есенцијални аминокиселини, но со правилни комбинации можете да ги обезбедите сите потребни хранливи материи. Еве неколку примери за успешни комбинации:

1. Грав + семки од сончоглед
◦ Гравот е богат со лизин, додека семките од сончоглед обезбедуваат метионин – заедно создаваат комплетен протеин.
2. Киноа + леќа
◦ Идеална комбинација за оброк богат со протеини, влакна и железо.
3. Хумус (наут + тахини) + интегрален леб
◦ Наутот и сусамот заедно ги надополнуваат аминокиселините, а лебот дава дополнителна енергија.
4. Тофу + брокула + ореви
◦ Ова трио е богато со протеини, калциум и здрави масти.

The post Растителни VS животински протеини appeared first on Аптеки PlusPharma.

Природните влакна во урмите ја регулираат дигестијата, придонесувајќи за здравје на цревата и спречување на запек. Урмите се извор на антиоксиданти како флавоноиди, каротеноиди и фенолни киселини, кои играат клучна улога во заштита на клетките од оксидативен стрес и намалување на ризикот од хронични заболувања, вклучувајќи срцеви заболувања и одредени видови рак. Антиоксидантите во урмите исто така помагаат во заштита на кожата од стареење и оштетувања предизвикани од слободните радикали. Ова овошје е богат извор на железо, што го прави корисно за лица кои имаат анемија или недостаток на железо.

Витамините од Б групата присутни во урмите го поддржуваат здравјето на нервниот систем, додека витаминот А го подобрува видот. Редовната консумација на урми може да помогне во зајакнување на имунитетот, регулирање на телесната тежина, подобрување на дигестијата и поддршка на срцевото здравје. Може да се консумираат свежи или сушени, како дел од енергетски плочки, десерти, смути или, пак, како засладувач во печива. Со нивната природна сладост, тие претставуваат здрава алтернатива на рафинираниот шеќер. Додаjте урми во вашата исхрана и уживајте во нивните природни придобивки – здравје, енергија и вкус во еден единствен плод!

The post Урми appeared first on Аптеки PlusPharma.

Во зима, заборавете ја Виена! Грац, вториот по големина град во Австрија, е далеку пошармантен во јануари. Уникатната зимска магија особено ја нагласува стариот град кој е дел од светското наследство на УНЕСКО.

Колку е студено во Грац?

Најстудените месеци се декември, јануари и февруари. Во овој период, температурите често се движат околу точката на замрзнување, со просечни минимални температури од -2°C до -6°C.

Божиќен пазар

Скулптурите од мраз на градските улици, светилките и декорациите, вкусните колбаси и греаното вино на главниот градски плоштад секоја зима создаваат празнична атмосфера.
Прекрасната сцена со Раѓањето Христово, исклесана од 35 тони мраз, е само дел од магичната атмосфера. Како и во другите големи австриски градови, божиќниот пазар во Грац се одржува на неколку плоштади и локации. Најпознатиот и најголем пазар е на главниот плоштад „Хауптплац“.

Дополнителна атракција е забавниот воз што вози низ историскиот центар на Грац, поврзувајќи ги божиќните пазари.

Лизгање на мраз

За време на зимската сезона, најдоброто место за лизгање на мраз во Грац, особено за деца, е Зимскиот свет на Јангасе, во близина на државниот спортски центар.
Патеката за лизгање, со површина од над 2.500 квадратни метри, нуди совршено полиран мраз и е отворена секој ден од 9:00 до 19:00 часот.

Шлосберг – ридот на културата и адреналинот

Еден од божиќните пазари се наоѓа на овој рид со висина од 473 метри. До врвот можете да стигнете пеш за околу 20 минути или со жичарница за само три минути. Оттаму не само што ќе уживате во прекрасниот поглед на градот, туку ќе имате и можност да го видите еден од најпознатите симболи на Грац – 28-метарската кула со часовник, која датира од 1561 година.

Уметност и култура

Грац е дом на современата уметност, како што е музејот „Кунстхаус“. Овој футуристички објект е во контраст со барокната архитектура на градот, но совршено ја отсликува креативната енергија на Грац. Не пропуштајте да ја посетите и палатата „Еггенберг“, која е позната по своите 24 раскошни салони.

Грац како гастрономски центар

Рестораните и кафулињата во Грац нудат локални специјалитети како супа од тиква и познатото масло од тиква. Што е зимска вечер без традиционална австриска штрудла, сервирана со топло чоколадо?

Посебни настани

Една од најфасцинантните зимски традиции е Перхтенлауф, парада со костими што симболизира истерување на зли духови. Овој настан ги оживува древните обичаи и создава незаборавно искуство за посетителите.

The post Грац appeared first on Аптеки PlusPharma.

Кога човек ја пренесува својата страст на сцената, создава простор каде емоциите оживуваат, а приказните добиваат нова димензија. Таква е Владанка Крстевски – актерка, сопруга, млада мајка и водителка на популарната викенд-емисија „Кајмак“ на ТВ Сител, каде преку интересни приказни и гости ја освежува публиката со доза инспирација и со насмевка.

Со својата професионална кариера во Кумановскиот театар, Владанка ја истражува длабочината на човечките емоции, истовремено пренесувајќи ги на сцената. Нејзиниот живот е сведоштво за тоа како талентот, искреноста и длабоката поврзаност со луѓето и уметноста можат да создадат магија. Во ова интервју, таа споделува дел од своите искуства, мисли и инспирации, носејќи нè на патување низ светот на театарот, телевизијата, семејниот живот и нејзината визија за тоа како уметноста може да биде лек за душата.
Како се развива вашата љубов кон театарот и што ве инспирира да станете актерка?

Отсекогаш сум ги сакала луѓето, нивните различности, однесувањето. Можноста да се почуствуваат многу емоции. Паметам само дека гледав една претстава – „Тетовирани души“ во Театар Куманово и на една реплика реков: „Јас ќе станам актерка“, тоа беше таа моја тивка одлука. Моќна одлука која, чудно, никогаш не ја заборавив без разлика на сите превивања.

Како театарот ве промени како личност?

Ме промени многу. Длабоко и темелно. Јас не бев Владанка пред ФДУ. Искрено, таму во тие бараки се наоѓаш себеси, својот глас, пат, но и се губиш. Мене театарот ме направи подобар човек. Научив како сите да ги разберам, прифатам и да не осудувам. Кога играш различни ликови, на крајот на денот, си секој од нив – и мора да спие во тебе и нешто нивно. Не ми останува ништо друго освен прегратка со различното и моќта за катарза и за промена.

Постои ли улога што ви помогнала да откриете нешто ново за себе?

Секоја улога ми помага да откријам нешто за себе. Тоа не е секогаш нешто убаво. Има и демони со кои човек треба да научи да живее. Но убаво е, убаво е да се видиме во огледало и да си признаеме кои сме. Ги сакам ликовите што ме болат, така има смисла спознавањето.

Дали верувате дека уметноста има моќ да лекува? Кога последен пат сте почувствувале дека сте дел од такво искуство?

Многу. Уметноста мора и треба да лекува и да освестува. Тоа не е возможно секогаш. Речиси е невозможно во некои услови. Но, наша должност е постојано да се бориме тоа да се случува кога сме на сцена. Ние сме лекари на душата, со нас човек треба да се опива. Последен пат тоа го почувствував во Германија, кога ја играв мојата монодрама „Прво Лице Еднина“, луѓето плачеа во текот на целата изведба. Многу од жените после изведбата ми пријдоа да разговараат за општествените проблеми и ситуации во кои тие се нашле. Тогаш за првпат после доооолго време ја доживеав моќта на кажаниот збор на сцена. И се чувствував моќно. И убаво. Исполнето. Последен пат мене ме лекуваше сликата на Климт The Kiss во музејот „Белведере“ во Виена. Едноставно, каква било уметност е иљач за душата.

Како се справувате со чувството на сомнеж или несигурност, особено во толку јавна професија и социјални медиуми каде критиките лесно стасуваат и честопати знаат да се сурови?

Порано беше потешко. Многу тешко кога пробував да им се допаднам на сите. Откако станав мајка, сакам да си се допаднам само на себе. Да бидам одговорна пред себе и пред моето семејство и да ги носам работите на чело како што ми се дадени. Не ме интересираат критики кои не се конструктивни и кои се злонамерни. Сакам добра критика, пишана добронамерна порака, пијалак после претстава, фокусиран разговор – таквите критики се мој мотор и моја сила. И се молам да ги имам повеќе – оти ме прават подобра.

Кога чувствувате дека сте најповрзани со вашата креативност? Има ли ритуал што го практикувате пред да стапите на сцена?

Секогаш дишам длабоко и го повторувам монологот со кој ме примија на ФДУ набрзинка, за да ја загреам вилицата. Чудно суеверие дека тоа е почетокот за кој треба да се држам, коренот кој ме држи приземјен на земја а раскрилен кон небо. Со монологот на госпоѓица Јулија влегов и во Театар Куманово. Едноставно Стринберг ми е таткото на сцена.

На кој филм, претстава или можеби проект имате потајна желба да сте дел и со кого сонувате да соработувате од вашите колеги или режисери?

Еден ден многу сакам да работам со Ivo Van Hove. Ја обожавам неговата работа, режија, острата мисла и фокусот во секоја претстава. Инаку сакам да сум дел од сѐ. Не сум човек што одбива. Сакам искуства, пријателства и креативни врутоци. Кога гледам претстава кај нас, секогаш сакам да сум дел од неа. Сакам да работам со сите колеги и режисери, од сите може многу да се научи.

Дали верувате дека улогата на жената во уметноста и медиумите денес се менува?

Да, секако. Жените, но и мажите, секојдневно ги менуваат световите во кои дејствуваат. Во уметноста и во медиумскиот простор тоа не треба да е желба за доминација, туку моќност за раскажување приказни преку различни визии и погледи. Затоа сметам дека женското гледање на нештата го видоизменува светот во којшто живееме.

Кои книги, филмови или личности ви оставиле најголем впечаток и ве инспирирале?

Браќа Карамазови – Достоевски, La La Land и Мојата мајка и баба – вечна инспирација за непресушна борба!

Што би им порачале на жените кои се борат да балансираат помеѓу кариерата и семејството?

Тешка е таа борба и ретко кога победуваме. Мој совет е да не се борат. Јас сум среќна жена која има огромна поддршка од својот партнер. Тоа значително ми ја олеснува работата. Но, пред сѐ, добро менаџирање на времето и едно златно правило: „Остави ја работата пред да влезеш дома.“ Но, да не се лажеме, претешко е и невозможно. Има денови кога само работам и денови кога сум 24/7 со моето малечко. Но, најискрено, мене ме држи само едно: „СРЕЌНА МАЈКА – СРЕЌНО ДЕТЕ.“ Кога сум јас исполнета, Жан е пресреќен.

Како успевате да најдете време за себе и вашиот сопруг во трката со секојдневието? Имате ли посебни моменти кои се само ваши?

Секоја вечер разговараме за утрешниот ден со чаша вино. Еден мал ритуал уште од студентските денови. Важно е да се има цел за здрава врска. Некогаш е ред муабет со чаша вино, некогаш е datenight на вечера. Но, се трудиме да бидеме тука еден за друг. Секој ден. Без оглед на сѐ.

Што правите за да ја одржите вашата физичка и ментална кондиција со толку динамичен живот?

Медитација, вежбање или пешачење и здрава храна. Кога се може, колку се може. Забушавам. Се трудам. Не се осудувам. Знам дека може и подобро.

Куманово е помал град, но вие сте јавна личност со национална препознатливост. Како се снаоѓате со тоа? Има ли предности и недостатоци?

Куманово е прекрасно. Тоа е мој град. Мои луѓе. Таму сум цел живот. Се знам со сите и пред да се појавам на екраните или сцената. Така што сѐ е исто и прекрасно. Многу ги почитувам и сакам моите сограѓани. И некако таа засебна љубов си расне.

Што најмногу сакате во вашиот град, а што би сакале да промените?

Ја сакам различноста, диверзитетот, убавината на моите луѓе. Не знам што би сменила. За мене Куманово се луѓето. Седенките на ѕитче, кафињата во „Агора“, пијанките во кафеана, свирките во „Јард“. Не би менувала ништо и не би сакала ништо да згасне – само да расне.

Патувате често – што ве привлекува во новите места? Дали патувањата ви помагаат да најдете инспирација за нови улоги или проекти?

Патувањето е најголемата инвестиција што можам да ја направам. Инвестирам во знаење, нови култури, луѓе и убавини. Среќна сум кога имам закажано патување. Тоа ми е инспирација за животот – не само за проектите.

Дали има одредена кауза што ви е особено блиска? Како ги инспирирате другите да се вклучат во позитивни промени?

Good thoughts (добри мисли), good words ( добри зборови), good deeds (добри дела). Сѐ е поврзано, ако мислиме добро, ќе зборуваме добро и ќе делуваме добро, а промената почнува од нас самите, зарем не?!

The post Владанка Крстевски appeared first on Аптеки PlusPharma.

Кога нејзината прва љубов, Атлас, повторно ќе се појави во нејзиниот живот, Лили се соочува со дилеми што ќе ја тестираат нејзината храброст и решителност. Овој длабоко трогателен филм, инспириран од бестселерот на Колин Хувер, зборува за моќта да се стави крај на болката и семејното насилство и да се избере љубовта кон себе.

The post Што во слободно време? Погледнете филм It ends with us appeared first on Аптеки PlusPharma.

Овен (21.3-19.4)

Потенцијалите за подобрување на состојбата во љубовта ќе ви бидат максимално присутни, така што надминете ја тврдоглавоста и отворете се за соработка. Периодот е одличен за воспоставување хармонична перспектива во сите сфери на животот. Покажете дека умеете да ги препознаете предизвиците и уживајте во задоволствата и авантурата енергија.

Бик (20.4-20.5)

Добро е што умеете да ги почитувате вистинските вредности и што полека, но сигурно излегувате од психофизичката криза во која се најдовте поради негативното влијание на околината. Ѕвездите ви препорачуваат да ја зајакнете самодовербата и да се ориентирате кон лицата и настаните што позитивно ве стимулираат.

Близнаци (21.5-20.6)

Придвижете ги работите кон вистинската насока, ѕвездите ќе ве даруваат со сила и способност за доживување на задоволствата. Не треба да се пасивизирате, туку храбро искористете ги позитивните перспективи. Во слободното време преземете кратко патување или прошетајте во природа.

Рак (21.6-22.7)

Размислувањето исполнето со меланхолија и страв не може да ви донесе хармонични резултати. Без оптимизам и решителност во настапот постојано ќе стагнирате и ќе ги намалите потенцијалите за напредување. Елиминирајте ги слабостите на психофизичко поле и храбро насочете се кон мигот на сегашноста.

Лав (23.7-22.8)

Уживајте во прекрасните перспективи, бидејќи ќе имате можност за вкусување на задоволствата и за доживување на напредокот во сите сфери од животот. Во доменот на љубовта споделете ги радостите со саканото лице и дадете му до знаење дека сте подготвени за хармонизирање на односот и за подобрување на перспективата.

Девица (23.8-22.9)

Ако сакате да постигнете напредок ќе мора да се ослободите од песимистичките размисли. Планетите ветуваат успех, но само ако верувате во сопствените способности. Во емотивно поле ќе бидете окупирани со случувањата низ кои поминуваат блиските. На здравствено поле не претерувајте со консумирање на висококалорична храна.

Вага (23.9-22.10)

Не размислувајте премногу, туку остварете ги целите. Не се знае кога повторно ќе ви се отвори можност за напредок и за реализирање на желбите. Треба храбро да дејствувате и да отворите нова поперспективна патека во сите сфери од животот. Овој период е добар за патување.

Скорпија (23.10-21.11)

Согледајте ги проблемите што подолго време ве измачуваат. Со бегство од стварноста и со потиснување на желбите, ништо позитивно нема да направите. Време е да им се противставите на непријатностите и храбро да тргнете кон новите предизвици. Во доменот на љубовта расчистете со бесперспективната и непродуктивна релација.

Стрелец (22.10-21.11)

Ви се препорачува да пронајдете време за одмор и релаксација, односно да не претерувате со оптоварувањето на психофизички план. Затоа, насочете се кон задоволствата во љубовта и покажете дека умеете да ги препознаете вистинските искушенија. Ѕвездите укажуваат дека со својата магнетска убавина и со необичниот шарм, максимално ќе ги освојувате припадниците на спротивниот пол.

Јарец (22.12-19.1)

Не дозволувајте им на другите да ви ја исцицаат енергијата. Вие сте родени во зодијачки знак кој умее да излезе на крај со секакви критични ситуации. Преземете ја судбината во свои раце и насочете се кон реализирањето на обврските, бидејќи среќата ги следи храбрите. На љубовен план постои лице на кое многу му се допаѓате, но кое нема храброст да ви пријде.

Водолија (20.1-18.2)

Неможноста за воспоставување хармонични контакти во односот со лицата кои ве опкружуваат ќе ви создаде големи недоразбирања и нервозно реагирање на надворешните сугестии. Очекувајте психофизичка напнатост, особено ако не ја добиете подршката од блиските. Ви се препорачува да не влегувате во ризици, да ја задржите присебноста и да ја елиминирате суетата.

Риби (19.2-20.3)

Не треба да се оптоварувате на емотивен план, зашто постојат хармонични предуслови за пронаоѓање излез од конфузната состојба. Ѕвездите ве советуваат да бидете храбро насочени кон сѐ што го окупира вашето внимание. Успехот ќе следи ако ги преземете работите во свои раце и не зависите од туѓите влијанија. Затоа, ослободете се од напнатоста и позитивно дејствувајте.

д-р Зоран Крстевски
едукатор, мотиватор и тренер за личен развој

The post Месечен хороскоп јануари – февруари 2025 appeared first on Аптеки PlusPharma.

1. Помала чинија, за помала порција

Истражувањата покажуваат дека користењето помали чинии и прибор може да помогне во контрола на внесот на храна. Едно истражување на Универзитетот „Корнел“, откри дека луѓето кои користеле помали чинии јаделе до 30 % помалку без да имаат чувство дека се лишени од гурманското задоволство. Оваа едноставна промена може да направи разлика на долг рок, особено во периодот на празници кога порциите се поголеми и калориските замки се насекаде околу нас.

2. Порани оброци, за помалку калории

Циркадијалниот ритам, биолошкиот часовник на телото, игра огромна улога во тоа како метаболизмот ги обработува хранливите материи. Научниците од Универзитетот во Тел Авив откриле дека оброците доцна навечер можат значително да ја зголемат телесната тежина и да го нарушат метаболизмот. За време на празничните вечери, обидете се да јадете главни оброци порано во денот, кога телото е најспремно да согорува калории.

3. 20 % празен стомак за долговечност

Овој принцип, популарен во Јапонија, препорачува да јадеме до 80 % од капацитетот на стомакот. Луѓето во Окинава, Јапонија, кои го следат ова правило, се познати по нивната долговечност и доброто здравје. Ова е одличен начин да уживате во празничните деликатеси без да се прејадете. Вежбајте внимателно јадење – бавно џвакање и слушање на сигналите што ги испраќа телото за да разберете кога сте сити.

4. Помалку течни калории

Алкохолот и шеќерните пијалаци се најголемите виновници за скриени калории во празничниот период. Чаша вино има околу 125 калории, а коктелите може да достигнат и до 350 калории по чаша. Според студија на American Journal of Clinical Nutrition, алкохолот не само што додава калории, туку го намалува метаболизмот, правејќи телото да складира повеќе масти. Алтернатива е да се изберат коктели со ниска калориска вредност или да се ограничи внесот на алкохол на една чаша.

5. Пешачење после оброк

Едно кратко пешачење по обилен оброк може да биде клучно за одржување на стабилен шеќер во крвта. Според студија објавена во Diabetologia, 15-минутно пешачење по оброкот може да го намали нивото на гликоза во крвта за 30 %, што е особено важно за оние кои имаат ризик од дијабетес. Затоа, по празничниот ручек или вечера, предложете им на членовите на семејството една кратка прошетка. Доколку студот или загадувањето не дозволуваат, активирајте се по дома.

6. Доволно сон за чувство на ситост

Недоволниот сон може да ги вознемири хормоните што го контролираат апетитот – грелинот и лептинот. Едно истражување објавено во Annals of Internal Medicine покажа дека луѓето кои спијат помалку од шест часа ноќе имаат значително повисоки нивоа на грелин (хормон што го стимулира апетитот) и пониски нивоа на лептин (хормон што сигнализира ситост). За време на празниците, кога распоредот може да биде похаотичен, важно е да се одржува редовен и квалитетен сон.

The post Како да уживате во празниците без да го загрозите здравјето? appeared first on Аптеки PlusPharma.

Танцувањето отсекогаш имало свои придобивки за луѓето од сите возрасти, но во последно време се докажува како ефикасен начин за одржување на умот и на телото во златното доба.

Најголема предност е тоа што танцот е нежен, безболен и пријатен начин за активирање на мускулатурата и разбистрување на мислата. Плус, ризикот од повреда е многу мал, бидејќи движењата се разновидни и помалку се повторуваат. Не чекајте, ставете го во функција старото радио и подиумот е ваш!

Бенефити од танцувањето за постарите лица

Подобро кардиоваскуларно здравје

Танцувањето на некој начин претставува кардио вежба со низок интензитет, која ги дава истите придобивки за срцето и белите дробови како традиционалните кардио вежби.

Поголема сила и издржливост

Танцувањето ги зајакнува мускулите речиси во секој дел од телото, бидејќи движењата бараат од нив да ја издржат вашата телесна тежина. Ова ја зголемува вашата способност да ги извршувате секојдневните задачи со помала шанса за повреда или паѓање како резултат на мускулна слабост. Колку повеќе танцувате, толку повеќе ќе можете да се движите и да бидете флексибилни.

Подобро здравје на коските

Движењето во ритам на музиката води до зајакнување на структурата на коските преку зголемување на нивото на коскена маса.

Полесно одржување на телесната тежина

Танцувањето подразбира активирање на целото тело, а тоа резултира со согорување на калории.

Зголемено енергетско ниво

Танцувањето го стимулира производството на хормоните на среќа, како што се серотонин и ендорфин, што прави да се чувствувате поенергични.

Подобра флексибилност

Ритмичните и лесни движења се особено погодини за зглобовите бидејќи ја нагласуваат нивната флексибилност, овозможувајќи повеќе движење со помалку физички непријатности.

Подобрена агилност

Со возраста, често губиме способност за брзо и лесно движење. Танцувањето помага да вратите дел од таа агилност.

Подобра рамнотежа

Додека танцувате, вие сте приморани да балансирате додека се движите, чекорите или се вртите. Тоа значи дека при секое движење, базата на вашата поддршка се менува, па вашиот мозок и тело реагираат така што ја поттикнуваат вашата способност за прилагодување и рамнотежа.

Подобра когниција

Истражувањата покажуваат дека 1-2 часа танцување неделно може да ги подобрат когнитивните вештини. Меморирањето на чекорите и концентрацијата што ја бара танцувањето, кај постарите лица резултира со зголемена активност на мозокот, што на долг рок води до подобра когнитивна функција.

Повеќе можности за социјална интеракција

Танцувањето и слушањето музика се одлични социјални активности. Без разлика дали ќе одлучите да посетувате часови по танц или ќе се зачлените во некое фолклорно друштво, несомнено ќе имате можност да запознаете луѓе со слични интереси и да уживате во активност којашто не е натпреварувачка, туку насочена кон забава.

Намален стрес