Болеста на очната површина поврзана со глауком е значајна, но често недоволно дијагностицирана, очна состојба, која ги засега 40% до 59% од пациентите со глауком ширум светот.

Иако употребата на локални лекови за глауком во вид на капки претставува докажана стратегија за контрола на несаканите ефекти од високиот интраокуларен притисок, овој третман може длабоко да ја наруши хомеостазата на солзниот филм. Кумулативниот ефект на лековите, конзервансите и ексципиенсите ги менува основните клеточни структури, што резултира со абнормалности на солзниот филм и нестабилност на очната површина.

Понатаму, овие хронични воспалителни промени влијаат на ефикасноста на третманот на глауком, придржувањето на пациентот кон терапијата и целокупниот квалитет на живот.

Најчестите симптоми на суво око, како што ги опишуваат луѓето што живеат со оваа болест, се:

• Очите се чувствуваат тешки и уморни
• Потешкотии при читање или работа на компјутер
• Видот е понекогаш заматен
• Очите произведуваат многу солзи, особено во ветровита, прашлива или зачадена атмосфера
• Се чувствува пецкање или гребење во очите
• Може да има чувство на страно тело во окото („песок или камче“),
• Очите може да изгледаат црвени и/или да болат.
• Носењето на контактни леќи станува непријатно.

Постојат два главни типа на суво око:

1. Недостаток на водени солзи

2. Брзо испарување на солзите поради недостаток на масни солзи

Првиот чекор е офталмологот да види кој тип на суво око е присутен. И двата типа можат да бидат присутни истовремено.

Вториот чекор е да се идентификуваат и третираат или отстранат сите основни причини. Можеби ќе биде потребно да се прекинат одредени лекови, да се користат различен тип капки за глауком, или пак да се воведат во терапијата капки од групата на вештачки солзи, кои го стабилизираат солзниот филм и ги ублажуваат симптомите.

Патогенезата на суво око може да се карактеризира како маѓепсан круг на воспалителни цитокини и протеини: откако ќе се иницираат, се активираат бројни воспалителни механизми, кои имаат тенденција да се самоодржуваат. Нестабилноста на солзниот филм е поврзана со верижна реакција што доведува до ослободување на воспалителни елементи кои последователно предизвикуваат промена на квалитетот на солзите. Намаленото рефлексно солзење кај синдромот на суво око резултира со повисоки концентрации на лековите на површината на окото. како последица на намалениот капацитет за разредување.

Механизмите на суво око кај пациенти со глауком веројатно се комбинација од абнормалности на солзниот филм и нестабилност поради намалено производство на солзи од хронично воспаление и зголемено испарување на солзите од дисфункцијата на Меибомовите жлезди, дополнително влошени од локалните лекови против глауком. Затоа, од клучно значење е препознавањето на факторите на ризик за болеста на суво око воопшто и разбирањето на дополнителните фактори на ризик присутни кај пациентите со глауком кои можат да ја влошат состојбата.

Спроведените студии откриле дека најчесто среќаваните симптоми на суво око пријавени од пациенти со глауком, кои користеле конзервирани капки биле прекумерна непријатност по инстилацијата на капките, (43%), притисок зад очните капаци (40%), чувство на туѓо тело (31%), чувство на сувост на очите (23%), прекумерно рефлексно солзење (21%) и чешање на очните капаци (18%). Покрај тоа, дури и ако видната острина е нормална, нестабилноста на солзниот филм генерира аберации што може да резултираат со промена на видната функција и намалување на квалитетот на видот (намалена контрастна сензитивност).

Карактеристика на третманот за овие пациенти е да се минимизира воспалителниот одговор на очната површина со избирање терапии за глауком кои ја штедат очната површина, како што се формулации без конзерванси и започнување на третман на суво око со вештачки солзи рано во текот на грижата.

Кои третмани се достапни за суво око?

Сувото око може да има значително влијание врз квалитетот на животот, па затоа е важно пациентите да знаат дека не мора само да го толерираат. Доколку сувоста на очите влијае на квалитетот на сонот или го спречува пациентот да вози, го засега на работа или да ги прави активностите во кои ужива, треба да побара помош од офталмолог што е можно поскоро. Ефикасното управување со болеста на очната површина поврзана со глауком, ќе доведе до подобрување не само на долгорочните визуелни исходи, туку и на придржувањето на пациентот кон зададената терапија за глауком, квалитетот на живот и задоволството од грижата.

Студиите покажаа подобрување до 20% во видната острина кај пациенти со глауком кога синдромот на суво око е соодветно третиран со вештачки солзи. Исто т

The post Суво око кај пациенти со глауком: причини и можни решенија appeared first on Аптеки PlusPharma.

Современиот свет и современата технологијата која секојдневно се развива, го оптоваруваат човечкото око повеќе од кога било претходно. Долгите часови пред компјутер, таблет или мобилен уред создаваат хроничен визуелен напор, а континуираниот стрес и забрзаниот животен ритам ја зголемуваат продукцијата на слободни радикали кои ги оштетуваат клеточните структури во човечкото тело, вклучувајќи го и окото.

Макулата, централниот дел од мрежницата (ретината) одговорен за јасен и детален вид, е особено изложена на овие влијанија. Со возраста или при зголемен метаболен напор кој бара високо енергетско внесување, се забележува намалување на микроциркулацијата и на антиоксидативниот капацитет. Овие промени може да се манифестираат со симптоми како замор на очите, заматен вид, чувствителност на светлина и постепено влошување на визуелната острина.

Во овој контекст, значајна е синергијата меѓу микроциркулацијата, антиоксидативната заштита и клеточната енергија. Комбинацијата на Ginkgo biloba, каротеноиди и други антиоксиданси се разгледува како современ пристап во превентивна и адјувантна поддршка на окуларното и на когнитивното здравје.

Микроциркулацијата – мрежа што го одржува видот

Микроциркулацијата е клучен физиолошки процес кој овозможува соодветно снабдување со кислород и со микронутриенти во најделикатните структури на телото. Ретината, поради својата исклучително висока метаболна активност, има потреба од постојан и квалитетен доток на крв.

Кога микроциркулацијата е нарушена, клетките на пигментниот епител и фоторецепторите не добиваат доволно кислород и хранливи материи, што води до акумулација на токсични метаболити и зголемена подложност кон оксидативен стрес. Со текот на времето, овие процеси можат да придонесат за појава на сенилна макуларна дегенерација и функционално слабеење на видот.

Активните состојки на Ginkgo biloba ја подобруваат микроциркулацијата преку:

• зголемување на еластичноста на капиларите
• намалување на агрегацијата на тромбоцитите

Со тоа се смета дека се подобрува снабдувањето на макуларната зона со кислород и со хранливи материи, што е предуслов за одржување на нејзината функција.

Оксидативниот стрес – невидлив фактор во замор и дегенерација

Оксидативниот стрес е состојба при која продукцијата на реактивни кислородни честички (ROS) ги надминува капацитетите на ендогените антиоксидативни механизми. Очите се особено чувствителни на оксидативни оштетувања, бидејќи се постојано изложени на светлинско зрачење и имаат високи енергетски потреби.
Фоторецепторните клетки во макулата дејствуваат како „минијатурни фабрики за енергија“, со висока густина на митохондрии. Со возраста, митохондријалната функција слабее, а производството на слободни радикали се зголемува. Тука клучна улога имаат каротеноидите.

Каротеноидите – природна заштита на макулата

Лутеинот и зеаксантинот се природни каротеноиди кои играат значајна улога во заштита и одржување на здравјето на очите. Тие се концентрирани во централниот дел на мрежницата одговорен за јасен вид и претставуваат главна компонента на макуларниот пигмент.

Нивните функции вклучуваат:

• дејствување како биолошки „филтер“ за дел од сината (високоенергетска) светлина
• апсорпција на дел од светлинската енергија и намалување на фотохемискиот стрес
• неутрализација на слободните радикали создадени во процесот на фототрансдукција

Благодарение на овие механизми, каротеноидите го намалуваат оксидативното оптоварување на ретината, која е едно од метаболички најактивните ткива во човечкиот организам. Долготрајното внесување на лутеин и зеаксантин преку исхрана или суплементација е поврзан со подобра макуларна пигментна густина, подобрена визуелна перцепција, особено при слаба осветленост, потенцијално намалување на визуелниот замор при продолжена работа на близина.

Ginkgo biloba и антиоксидативните кофактори – трио за клеточна енергија

Комбинацијата на Ginkgo biloba со клучни митохондријални кофактори како CoQ10 и PQQ (Pyrroloquinoline Quinone) се разгледува во контекст на поддршка на клеточната енергетика и отпорноста на оксидативен стрес.

CoQ10 е есенцијален дел од митохондријалната респираторна верига и има улога во трансфер на електрони и синтеза на АТФ, при што истовремено делува и како липофилен антиоксиданс.

PQQ е поврзан со стимулирање на митохондријална биогенеза – процес на создавање нови митохондрии. На клеточно ниво, оваа оска (Ginkgo biloba – CoQ10 – PQQ) може да придонесе за:

• подобрување на митохондријалната ефикасност
• намалување на оксидативниот товар
• стабилизирање на невроналната и ретиналната функција

Во комбинација со антиоксидативни микронутриенти како селен, цинк, витамин C, супероксид дисмутаза (SOD) и α-липоична киселина, се создава комплексна антиоксидативна мрежа насочена кон неутрализација на слободните радикали и стабилизација на клеточните мембрани. Присуството на лутеин и зеаксантиин како специфични макуларни каротеноиди дополнително придонесува за заштита на ретината од сина светлина и од оксидативно оштетување, со што се заокружува поддршката на клеточната енергија, микроциркулацијата и визуелната функција.

Синергистички пристап кон здравјето на очите и на мозокот

Современите истражувања сè почесто укажуваат дека ретината и мозокот имаат заеднички васкуларни, нервни и метаболички механизми. Ретината, како дел од централниот нервен систем, има висока метаболна побарувачка и чувствителност на нарушувања во перфузијата и оксидативниот баланс.
Комбинацијата на Ginkgo biloba (поддршка на микроциркулацијата), антиоксиданси (SOD, CoQ10, цинк, витамин C, α-липоична киселина, селен), каротеноиди и растителни пигменти (лутеин, зеаксантин, екстракт од боровинка, астаксантин) се разгледува како интегриран нутритивен пристап насочен истовремено кон ретиналните и когнитивните функции. Овој пристап има за цел: поддршка на менталниот и на визуелниот перформанс, зголемување на издржливоста при визуелен и когнитивен напор, и намалување на последиците од хроничен оксидативен стрес.

The post Синергија меѓу Ginkgo Biloba и антиоксидативните каротеноиди appeared first on Аптеки PlusPharma.

Ако во последно време се чувствувате преплавени од информации за хормонското здравје – не сте сами. Од тренинзи за „намалување на кортизолот“ до менија за поттикнување на серотонин, темата за хормоните е сè почесто во фокусот на јавноста.

И тоа е добра вест. Хормоните играат клучна улога во нашето здравје и заслужуваат внимание. Но, кога информациите се премногу, лесно може да се изгубиме меѓу научни факти, трендови и маркетиншки ветувања.

Што навистина значи хормонски дисбаланс? Како да препознаеме дека нешто не е во ред? И уште поважно – како можеме природно да му помогнеме на телото да воспостави рамнотежа?

Што се хормони?

Хормоните се хемиски гласници кои ја координираат работата на речиси секој систем во организмот. Тие влијаат врз метаболизмот, енергијата, расположението, сонот, реакцијата на стрес, репродуктивната функција и многу други процеси.

Најголем дел од нив се произведуваат во ендокринолошкиот систем – сложена мрежа од жлезди и органи во која спаѓаат панкреасот, тироидната жлезда, надбубрежните жлезди, хипофизата, хипоталамусот, епифизата, како и јајчниците кај жените и тестисите кај мажите.

Меѓу најзначајните хормони се:

• Естрогенот, кој има важна улога во менструалниот циклус, здравјето на коските и срцето.
• Тестостеронот, одговорен за мускулната маса, јачината на коските и сексуалниот нагон.
• Инсулинот, кој го регулира нивото на шеќер во крвта.
• Мелатонинот, што го контролира циклусот на спиење и будење.
• Кортизолот, клучен во реакцијата на стрес.
• Хормонот на раст, важен за метаболизмот и за мускулната регенерација.
• Тироидните хормони, кои ги регулираат метаболизмот, телесната температура и срцевиот ритам.

Што е хормонски дисбаланс?

Во нормални услови, телото произведува прецизна количина од секој хормон. Дисбаланс настанува кога се создава премногу или премалку од одреден хормон.
Важно е да се нагласи дека хормоните природно варираат. Тие се менуваат во текот на денот, во согласност со циклусот на спиење, со менструалниот циклус, со возраста и со реакцијата на стрес. На пример, падот на естрогенот за време на менопаузата е природен процес, а не болест.
Затоа, кога зборуваме за „балансирање на хормоните“, не мислиме на нивно фиксирање на иста вредност, туку на поддршка на нивниот природен ритам – оној што му овозможува на организмот да функционира хармонично.

Кои се можните знаци на дисбаланс?

Симптомите зависат од тоа кој хормон е засегнат, но најчесто се појавуваат:

• нередовна или отсутна менструација
• промени во расположението и раздразливост
• постојан замор
• нарушен сон
• опаѓање на косата или акни
• зголемување на телесната тежина
• жешки бранови
• главоболки
• намален сексуален нагон
  Доколку овие симптоми траат подолго време или значително го нарушуваат квалитетот на животот, потребни се консултација со лекар и соодветни лабораториски анализи.

7 природни начини за поддршка на хормоналната рамнотежа

1. Квалитетен сон – темел на регулацијата

Сонот е период кога телото се регенерира и кога се регулираат хормони како мелатонин, кортизол и хормонот на раст. Недоволниот или неквалитетен сон може да ги наруши апетитот, нивото на стрес и метаболизмот. Редовен распоред и 7–8 часа сон се основа за хормонална стабилност.

2. Исхрана богата со протеини

Протеините обезбедуваат аминокиселини неопходни за создавање на хормони и за регулација на апетитот. Балансирани оброци со доволно протеини помагаат во одржување стабилно ниво на шеќер во крвта.

3. Редовна физичка активност

Движењето ја подобрува чувствителноста на клетките на инсулин и ја оптимизира комуникацијата меѓу хормоните и рецепторите. Доволни се и умерени активности како брзо одење, пливање или вежби со сопствена тежина.

4. Одржување здрава телесна тежина

Масното ткиво не е само „резерва на енергија“ – тоа активно лачи хормони. Вишокот килограми може да ја наруши природната регулација, особено на инсулинот и на естрогенот.

5. Вклучување здрави масти во исхраната

Омега-3 масните киселини и другите здрави масти се неопходни за создавање на половите хормони. Тие придонесуваат и за намалување на воспалителните процеси во телото.

6. Намалување на стресот

Хроничниот стрес го покачува кортизолот, а долгорочно може да влијае врз останатите хормони. Кратки прошетки во природа, техники на дишење, молитва или медитација – сето тоа има реален физиолошки ефект.

7. Ограничување на ултрапреработената храна

Преработените производи се поврзуваат со воспаленија и со нарушена цревна микрофлора, што индиректно влијае врз хормонската регулација. Предност давајте на цели, минимално преработени намирници.

Хормоналната рамнотежа не се постигнува преку строги режими, туку преку конзистентни, мали промени. Телото има вродена способност за саморегулација – потребна му е само соодветна поддршка.

The post Хормони во баланс appeared first on Аптеки PlusPharma.

Тироидната жлезда е мала жлезда со тежина од околу 20–40 грама, поделена на два лобуса – лев и десен. Сместена е на предната страна на вратот, под тироидната ’рскавица (позната како Адамово јаболко) и има огромно значење за здравјето на човекот.

Кога е со нормална големина, тироидната жлезда не се палпира. Кај жените, за време на бременоста, може да дојде до нејзино зголемување кое спонтано се нормализира 6–12 месеци по породувањето.

Тироидната жлезда е жлезда со внатрешно лачење која ги излачува своите хормони директно во крвта. Таа произведува Т3 (тријодтиронин) и Т4 (тироксин) – хормони кои влијаат на менталното здравје, работата на срцето, цревата, метаболизмот, ја регулираат температурата на телото (делуваат како внатрешен термостат), кожата, косата, менструалниот циклус кај жените, потенцијата кај мажите и липидниот статус.

Хормонот калцитонин е одговорен за метаболизмот на коските преку регулација на нивото на фосфор и калциум во крвта и претставува специфичен маркер за карцином на тироидната жлезда.

Според студии, 1 од 20 лица во развиените земји има некое заболување на тироидната жлезда. Жените заболуваат 5–7 пати почесто од мажите.

Видови нарушувања на тироидната жлезда

Концептуално, нарушувањата може да се поделат во четири групи:

1. Нарушување на морфологијата на жлездата – за дијагноза најчесто се користи ултразвук (ехо).
2. Нарушување на функцијата на тироидната жлезда – се дијагностицира преку мерење на тироидните хормони (Т3, Т4) и TSH во крвта.
3. Присуство на автоимуни заболувања – се утврдува со мерење на специфични антитела во крвта.
4. Тумори на тироидната жлезда – за дијагноза на медуларен карцином се користи мерење на калцитонин и карциноембрионален антиген (CEA).

Симптоми на пореметена функција

Сомневање за нарушување може да се јави при појава на некои од следниве симптоми: анксиозност, депресија, сува кожа, губиток на коса, зголемено или намалено потење, засипнат глас, долготрајна сува кашлица, забрзана или успорена работа на срцето, пролив, губење на телесна тежина, замор и други.

Најчести заболувања

Хипотироидизам – кога тироидната жлезда не произведува доволни количини на Т3 и Т4 хормони.
Причини: вродена хипотиреоза, недостаток на јод, Хашимото тиреоидит, некои лекови.
Симптоми: замор, чувствителност на студ, сува кожа, успорена срцева работа, опстипација, дебелеење, ментални проблеми.
Дијагноза: анамнеза, физикален преглед, ултразвук и лабораториски анализи (високо TSH, ниско Т3 и Т4).
Терапија: хормонална терапија – препарати кои содржат левотироксин.

Хипертироидизам – кога тироидната жлезда произведува повисоки концентрации на Т3 и Т4 од нормалното.
Причини: Базедова болест (70 %), тиреоидит, зголемено внесување јод.
Симптоми: тремор, несоница, нервоза, забрзана срцева работа, пролив, зголемено потење, зголемен апетит, слабеење, опаѓање на коса.
Дијагноза: анамнеза, физикален преглед, ултразвук и лабораториски анализи (ниско TSH, високо Т3 и Т4).
Терапија: антитироидни лекови – примери: тиамазол.
Автоимуни заболувања
Кога организмот создава антитела против сопствената тироидна жлезда.
М. Б. Хашимото – најчесто се јавува кај жените на возраст од 30–50 години и се манифестира со транзиторна хипертироидиза и постепен развој на хипотироидизам.
М. Б. Грејвс – ја зафаќа целата тироидна жлезда (дифузна токсична гуша) и се манифестира со хипертироидизам и егзофталмус (испакнати очи).

Нодуси на тироидната жлезда
Тоа се јазли кои се формираат во самата жлезда. Можат да бидат бенигни или малигни и често се откриваат при рутински ултразвук.
Дијагноза: ултразвук и биопсија (за разликување бенигно од малигно).
Терапија: зависи од резултатот од биопсијата – бенигните се следат, а малигните се третираат со хемотерапија, радиотерапија или хирургија.

Последици од нелекувани нарушувања

Игнорирањето на проблемите со тироидната жлезда може да доведе до сериозни здравствени последици: кардиоваскуларни заболувања, остеопороза, нарушено ментално здравје (анксиозност, депресија) и други компликации.

Исхрана и тироидна жлезда

Начинот на исхрана значително влијае врз функцијата на тироидната жлезда.
Препорачани намирници: јогурт, јаболка, круши, цитрусно овошје, авокадо, брокула, семки од тиква, ореви, риба и јајца.
Селен и цинк – клучни микроелементи
Комбинацијата на селен и цинк придонесува за подобро функционирање на тироидната жлезда.
Селен – штити од оксидативен стрес, го зајакнува имунитетот и е неопходен за синтеза и конверзија на Т3 и Т4 хормоните. Недостатокот може да се поврзе со хипотироидизам и Хашимото тиреоидит.
Цинк – важен за здрави коски, имунитет, нервен и репродуктивен систем, добар вид и здрава кожа. Учествува во синтезата на Т3, Т4 и TSH, а неговиот недостаток може да доведе до хипотироидизам.

The post Тироидна (штитна) жлезда – функција и најчести заболувања appeared first on Аптеки PlusPharma.

Точно е дека за да изгубите килограми треба да согорувате повеќе калории отколку што внесувате. Но оваа едноставна равенка изоставува многу други фактори, како: нутритивната вредност на храната и начинот на кој таа влијае врз метаболизмот, апетитот, желбата за храна и целокупното здравје.

Зошто калориите се разликуваат и зошто изборот на храната што ја јадеме е исто толку важен како и бројот на калориите?

Што е калорија?

Калориите се стандардна мерна единица за енергија. Нашето тело се потпира на енергијата од калориите за да функционира правилно.
Речиси секој вид храна и пијалак содржи енергија заклучена во хемиски врски. Кога телото ја разградува храната (ја метаболизира), оваа енергија се ослободува.
Калориите што ги користиме за да го опишеме енергетското внесување од храната и пијалаците всушност се килокалории (kcal) – мерка еднаква на 1.000 калории. Многу полесно е да се каже дека една средна банана има 105 kcal отколку 105.000 калории.

Според повеќето здравствени препораки, просечниот маж треба да внесува околу 2.500 kcal дневно, а жената околу 2.000 kcal. Сепак, овие бројки значително варираат во зависност од возраста, тежината, висината и нивото на физичка активност.

6 недостатоци на броењето калории

Иако сите калории содржат иста количина енергија, нивното дејство во телото и влијанието врз здравјето многу се разликуваат.

1. Броењето калории не ја зема предвид нутритивната вредност на храната

Храна со ист број калории може да има сосема различен нутритивен состав и да предизвика сосема различни ефекти врз здравјето.
Нутритивно богатата храна, како овошје и зеленчук, е одличен извор на витамини и минерали. Исхраната богата со ваква храна е поврзана со здраво одржување на тежината и помал ризик од астма, срцеви заболувања и дијабетес тип 2.
Напротив, преработената храна како пица, чипс и крофни речиси и да нема нутритивни придобивки, а богата е со заситени масти, сол и додаден шеќер. Таа е поврзана со поголем ризик од хронични заболувања и предвремена смрт.
На пример, 150 г боровинки имаат сличен број калории како едно чоколадно бисквитче. Но, боровинките се богат извор на растителни влакна, витамини А и Ц и калиум, додека бисквитчето носи само шеќер и масти.

2. Телото се активира повеќе за да разгради одредени намирници

Броењето калории не го зема предвид ниту тоа како различната храна влијае на метаболизмот.
Метаболизмот опфаќа сè што телото прави за да нè одржи во живот – вклучувајќи ја и енергијата што ја користи за варење и апсорпција на храната. Ова е познато како термички ефект на храната (TEF).
Истражувањата покажуваат дека протеинот предизвикува најголемо зголемување на TEF, бидејќи телото мора да работи повеќе за да го свари. Привремено го зголемува метаболизмот за 15–30 %, наспроти 5–10% кај јаглехидратите и 0–3 % кај мастите.
Поради тоа, зголемувањето на внесувањето протеини на 25–30 % од дневното внесување може да помогне да согоруваме 80–100 калории повеќе дневно.

3. Храната различно влијае врз апетитот и врз чувството на ситост

Истражувањата јасно покажуваат дека различната храна има различно влијание врз апетитот и колку се чувствуваме сити.
Протеинот не само што го забрзува метаболизмот, туку е и најзаситувачкиот од сите макронутриенти. Студии покажуваат дека диети богати со протеини природно го намалуваат апетитот и внесувањето калории.
Во една студија, учесниците кои го зголемиле внесувањето протеини од 15 % на 30 % јаделе во просек 441 калорија помалку дневно и изгубиле 4,9 кг за 12 недели.
Слично, постои доказ дека сировата, непреработена храна, богата со влакна и подолга за варење, природно води до помало внесување калории.
Размислете: лесно е да внесете 400 калории јадејќи бисквити, но многу е потешко да внесете 400 калории јадејќи моркови. Процесираната храна најчесто не нè заситува, дури го зголемува апетитот.
Истражување на BBC покажало дека луѓето јадат околу 500 калории повеќе дневно кога нивната исхрана е базирана на преработена храна.

4. Храната значително влијае на нивото на енергија

Иако секоја храна дава енергија, квалитетот на таа енергија многу варира. Некои намирници даваат стабилна, долготрајна енергија, а други предизвикуваат кратки енергетски пикови и брзи падови.
Голем дел од ова зависи од влијанието врз нивото на шеќер во крвта. Високиот шеќер и наглите скокови предизвикуваат замор.
Гликемискиот индекс (GI) покажува колку брзо одредена храна го подига шеќерот во крвта. Јаглехидратите со сложена структура се варат побавно и даваат постабилна енергија, додека едноставните јаглехидрати предизвикуваат брз скок и брз пад на енергијата.
Примери на храна со висок GI се бел леб, колачи и бисквити; а со низок GI – интегрални житарки, наут и леќа.

5. Храната влијае и на менталното здравје

Добро знаеме колку исхраната влијае на телото, но истражувањата сè почесто ја поврзуваат и со менталното здравје.
Стомакот и мозокот постојано комуницираат, а цревниот микробиом директно влијае на делови од мозокот кои ги регулираат емоциите. Затоа многумина стомакот го нарекуваат втор мозок.
Студиите откриваат дека исхраната богата со овошје, зеленчук, интегрални житарки и мешунки го намалува ризикот од депресија.
Од друга страна, исхрана богата со заситени масти и шеќер а сиромашна со овошје и зеленчук, е поврзана со зголемена појава на стрес, анксиозност и други ментални тешкотии.
Покрај тоа, ако целта е слабеење, важно е да се знае дека анксиозноста често води кон прејадување, а депресијата кон емоционално јадење.

6. Броењето калории може да создаде нездрав однос кон храната

Кај некои луѓе броењето калории може да предизвика нездрав однос со храната, особено кај оние со историја на нарушувања во исхраната. За нив, принципите како интуитивно јадење се далеку попогодни.
Во една студија со лица со дијагностицирано нарушување во исхраната, 75 % изјавиле дека користеле онлајн алатки за броење калории, а 73 % чувствувале дека тоа директно придонело за влошување на нивното нарушување.
И други истражувања укажуваат дека ваквите практики може да поттикнат нездрави навики кај одредени луѓе.

The post Каслориите не се само бројка – Зошто е важно каква храна јадеме? appeared first on Аптеки PlusPharma.

Сепак, еден од најчестите проблеми што може да се појави по операцијата е синдромот на суво око. Оваа состојба може да предизвика непријатност и да влијае на постоперативната острина на видот, но со правилна дијагноза и третман, симптомите можат да се контролираат.

Што е синдромот на суво око?

Според најновата дефиниција од TFOS DEWS II (Tear Film and Ocular Surface Society Dry Eye Workshop II), сувото око е мултифакторијална болест на солзниот филм и површината на окото, која се карактеризира со губење на хомеостазата на солзниот филм и е придружена со очни симптоми. Клучните фактори кои придонесуваат за оваа состојба вклучуваат:

• Хиперосмоларност на солзите
• Воспаление и оштетување на површината на окото
• Нестабилност на солзниот филм
• Сувото око не е само „недостаток на солзи“. Тоа е комплексна состојба која бара мултидимензионален пристап за дијагностика и третман.

Зошто се јавува суво око по операција на катаракта?

Операцијата на катаракта вклучува неколку чекори кои може да ја нарушат функцијата на солзниот филм и површината на окото:

Механички стрес врз корнеата и коњуктивата: За време на операцијата, се користат инструменти кои може привремено да ја оштетат епителната површина на корнеата.
Намалена чувствителност на корнеата: Анестезијата и манипулацијата со окото може да ја намалат чувствителноста, што влијае на рефлексната продукција на солзи.
Влијание на медикаменти: Постоперативната терапија често вклучува употреба на антиинфламаторни и антибиотски капки, кои можат да содржат конзерванси што предизвикуваат иритација.

Воспаление: Самата операција предизвикува воспалителен одговор кој може да го наруши балансот на солзниот филм.

Ризик-фактори за суво око

Постојат бројни ризик-фактори кои можат да ја зголемат веројатноста за негово појавување, особено после хируршки интервенции:
Возраст: Постарите пациенти имаат зголемен ризик поради природното намалување на продукцијата на солзи.
Пол: Жените, особено после менопауза, се повеќе подложни на суво око поради хормоналните промени.
Претходно постоечко суво око: Пациентите кои веќе страдаат од синдромот на суво око се изложени на поголем ризик.
Системски заболувања: Состојби како што се дијабетес, ревматоиден артритис и синдром на Сјогрен значително го зголемуваат ризикот.
Употреба на контактни леќи: Долготрајната употреба на контактни леќи може да ја наруши функцијата на солзниот филм.
Изложеност на екрани и клима уреди: Долготрајната изложеност на дигитални уреди или престој во суви простории го намалува трепкањето и го суши окото.
Неразјаснети очни воспаленија или алергии: Присуството на овие состојби може да ја влоши ситуацијата.

Симптоми на суво око по операција

Пациентите кои страдаат од суво око често се жалат на следните симптоми:

• Чувство на печење, пецкање или чешање
• Чувство на туѓо тело или песок во окото
• Заматен или променлив вид
• Прекумерно солзење како реакција на иритација
• Црвенило и чувствителност на светлина

Дијагностика на суво око

Точната дијагноза на суво око е клучна за успешен третман. За таа цел, офталмолозите користат различни дијагностички тестови:
Тест за време на евапорација на солзниот филм (TBUT): Го мери времето на стабилност на солзниот филм по едно трепкање.
Тест за осмоларност на солзите: Го мери нивото на солите во солзите. Поголема осмоларност укажува на суво око.
Ширмеров тест: Го мери количеството на солзи произведени за одреден период.
Боење со флуоресцеин или лисаминово зелено: Овозможува визуализација на оштетувањето на корнеалната површина.

Како се третира сувото око?

Третманот на суво око е мултидимензионален и се заснова на сериозноста на симптомите и причините.

1. Вештачки солзи: Првична линија на третман, особено капки без конзерванси.
2. Лекови за воспаление: Кортикостероиди или имуносупресивни капки (како циклоспорин) за контролирање на воспалението.
3. Третман на меибомиските жлезди: Топли облоги и масажа на капаците за подобрување на липидниот слој на солзниот филм.
4. Омега-3 суплементи: Истражувањата покажуваат дека редовната употреба на Омега-3 може да ја подобри стабилноста на солзниот филм.
5. Закрепнување на солзниот канал: Во посериозни случаи, може да се препорачува затворање на солзните канали за да се задржат солзите подолго на површината на окото.

Превенција и одржување

Превентивните мерки играат клучна улога во минимизирањето на ризикот од суво око. Неколку едноставни совети можат да направат голема разлика:
Избегнување суви простории и директно изложување на клима уреди.
Редовно трепкање за време на работа со компјутер или други дигитални уреди.
Пиење доволно течности за хидратација.
Редовни посети на офталмолог за рана дијагноза и следење.

Заклучок

Сувото око е честа и непријатна состојба што може да се појави по операција на катаракта. Сепак, со правилна дијагностика и третман, симптомите можат успешно да се контролираат, а пациентите да уживаат во придобивките од подобрениот вид. Консултирајте се со вашиот офталмолог за да го најдете најсоодветниот план за третман и одржување на здравјето на вашите очи.
Со над 24.000 операции на катаракта се вбројува во еден од најуспешните очни хирурзи во државата.

The post Суво око по операција на катаракта – симптоми, причини и третман appeared first on Аптеки PlusPharma.

Но, што ако ви кажеме дека студената водата мие сè? Не само нечистотиите од телото, туку и лошите мисли и заробените емоции?

Температурата на водата игра голема улога за тоа колку навистина тушот ќе ви помогне да се расоните, да ги поттикнете метаболизмот и циркулацијата.
Информирајте се за придобивките и ризиците од ладните и топлите тушеви пред да одлучите што е најдобро за вас.

Придобивки од ладниот туш

Го подобрува протокот на крв

Ненадејното изложување на ладна вода го шокира телото, кое веднаш се обидува да ја одржи својата основна температура. Крвните садови на површината на кожата се стеснуваат за да го намалат губењето топлина, со што се зголемува протокот на крв кон внатрешните органи. Редовното изложување на ладна вода се смета за еден вид вежба за кардиоваскуларниот систем и се користи во одредени форми на хидротерапија за подобрување на циркулацијата.

Го забрзува метаболизмот

Бидејќи телото троши повеќе енергија за да се загрее, ладните тушеви привремено го зголемуваат метаболизмот. Освен што ја зголемува циркулацијата, организмот согорува дополнителни калории за да создаде топлина.

Ако се обидувате да ослабете, оваа мала калориска потрошувачка може да биде добредојдена – иако ладните тушеви сами по себе не се доволни како метод за слабеење.
Ги намалува воспалението и болката во мускулите

Ладниот туш по вежбање не само што помага да се оладите, туку може да ги намали воспалението и болката во мускулите. Стеснувањето на крвните садови го намалува отокот и го забрзува процесот на заздравување на микропукнатините што природно се создаваат во мускулите за време на физичка активност.

Ве разбудува

Изложувањето на ладна вода наутро може да биде ефикасен начин за брзо будење на телото и умот. Ако не сте утрински тип и ако ви треба време додека кафето почне да делува, студениот туш може да биде вистински енергетски поттик за почеток на денот.

Контроверзни тврдења за ладните тушеви

Интернетот изобилува со статии за чудесните ефекти на ладните тушеви, но не сите се поткрепени со наука.

Дали ладните тушеви го зголемуваат лачењето на ендорфини?

Често се спомнува дека ладните тушеви го подобруваат расположението преку зголемување на ендорфинот – хормон на среќата. Иако постои ограничена научна поддршка за ова, повеќето извори се повикуваат на мала студија од 2008 година, во која се истражувало дали ладните тушеви можат да помогнат при депресија.

Резултатите биле недоволни, бидејќи бројот на учесници бил мал, а ниту еден од нив немал дијагностицирана депресија. Истражувачите сами заклучиле дека се потребни пошироки и подетални студии за потврда на хипотезата – кои сè уште не се направени.

Дали ладните тушеви го зајакнуваат имунитетот?

Во овој случај, доказите се посилни. Едно истражување со над 3 000 учесници во период од 90 дена открило дека оние што редовно се туширале со ладна вода имале помалку отсуства од работа поради болест. Сепак, истражувачите не ги измериле биолошките промени во организмот, па не е јасно зошто токму дошло до тој ефект. Можно е ладните тушеви да влијаат позитивно на имунитетот, но ваквите тврдења сепак треба да се земаат со доза претпазливост.

Ризици од ладен туш!

Иако има многу придобивки, ладните тушеви не се препорачуваат за секого.

Ако имате срцеви заболувања или какво било нарушување на циркулацијата, шокот што го предизвикува студената вода може да биде ризичен. Телото реагира со забрзано чукање на срцето и покачен притисок – што може да биде опасно за лица со кардиоваскуларни проблеми, бидејќи може да предизвика аритмија.

Како да започнете со ладни тушеви?

Ако сакате да ја воведете оваа навика, не мора веднаш да се нурнете во мраз ладна вода. Можете постепено да го намалувате степенот на топлина при крајот на вашиот вообичаен туш и секој ден да останувате под ладната вода неколку секунди подолго.

Со тек на време, телото ќе се навикне и ќе можете да издржите цел туш со ладна вода – или едноставно да ја задржите навиката да завршувате со краток ладен млаз, што исто така носи здравствени придобивки.

Придобивки од топлиот туш

И топлите тушеви имаат свои предности, затоа погрешно е верувањето дека ладниот туш е подобар за секого.
Топлата пареа може да помогне во расчистување на дишните патишта и синусите од слуз, што носи олеснување при настинки и грип.
Покрај тоа, топлата вода ги отвора порите и помага да се отстрани нечистотијата од кожата, особено кога е комбинирана со соодветна нега.
Топлите тушеви исто така го релаксираат мускулниот тонус и го намалуваат стресот, па се добар избор по напорен ден или пред спиење.

Ризици од топли тушеви

Пречестото туширање со жешка вода може да ја оштети природната заштитна бариера на кожата – тенкиот слој себум што ја задржува влагата. Ова доведува до сушење и иритација, што е особено проблематично кај лица со егзема или чувствителна кожа.

Дополнително, топлата вода може да го зголеми крвниот притисок, па не се препорачува за луѓе со хипертензија или срцеви заболувања.

ПРЕСУДА

Дали да се охрабрите со ладен туш или да останете верни на топлата вода? Како и кај многу други здравствени прашања, одговорот зависи од вашите лични потреби.
И ладните и топлите тушеви имаат свои предности и мали ризици, па најдобро е да ја направите одлуката според тоа што сакате да постигнете.
Ако ви е тешко да се разбудите наутро или ако сакате да ја подобрите циркулацијата, пробајте со ладен туш.
Ако, пак, сакате вечерен ритуал што ќе ви помогне да се опуштите и подобро да заспиете, топлиот туш ќе ви биде подобар сојузник.
Или уште подобро, комбинирајте два во еден, стартувајте со топол туш, а завршете со ладен.

The post Ладен или топол, кој туш е подобар за здравјето? appeared first on Аптеки PlusPharma.

Етиопатогенеза

Покрај интраназалните анатомски промени како што се девијација на носниот септум, хроничен синузит може да предизвикаат и многу други заболувања од хронична, воспалителна, алергиска, трауматска или неопластична примена. Вообичаениот патоген механизам е попречената вентилација на остеомеаталната единица како последица на стеноза или опструкција на оваа регија. Со тоа се спречува дренажата на синусниот систем, особено на соседнитее максиларни синуси и предни етмоидални ќелии. ,,Остеомеаталната единица” ја означува областа на латералниот носен ѕид каде што се отвараат отворите на параназалните синуси (со исклучок на сфеноидалниот синус) во облик на канал во носната празнина. Дури и најмалите промени ( на пример, анатомски варијации, едем на мукозата) можат да ја попречат вентилацијата во оваа регија, што доведува до патолошки промени во параназалните синуси.

Етиологија

Хроничниот синузитис, состојба која трае 12 недели или повеќе, може да биде предизвикана од различни фактори, вклучувајќи инфекции, алергии и структурни проблеми во носот.

Симптоми

Клиничката слика на синузитот се карактеризира со симптоми на акутен ринитис во комбинација со различен степен на главоболка која се засилува при наведнување на главата.Карактерот на болката варира и може да се движи од чуство на притисок, до перзистентни или рекурентни главоболки.

Многу пациенти исто така се жалат и на присуство на назофарингеална секреција (постназална секреција), а некои се жалат и на отежнато дишење на нос. Вообичаено болката е најинтензивна во пределот на зафатениите синуси.

• Болката кај максиларниот синузит е најинтензивна во пределот на максиларниот синус и соседната средна третина на лицето и слепоочниците.
• Болката кај етмоидалниот синузит е најинтензивна во пределот на коренот на носот и на внатрешниот дел на окото.
• Болката кај фронталниот синузит, во пределот на предниот ѕид и на подот на фронталниот синус, со болка која ирадира кон внатрешниот дел од окото.
• Болката кај сфеноидалниот синузитис е прилично неспецифична и е изразена како тап, болен и тегобен притисок лоциран во центарот на черепот, кој иридира кон тилот.

Дијагноза

• Се воспоставува врз база на клинички наоди.
• Риноскопија или ендоскопија на носот.
• Тестови за снимање : КТ или МРИ и РТГ.
• Некогаш можат да се направат и дополнителни испитување како што се: биопсија на синуси, назална цитологија, тестови за имунодефицитарност, цистична фиброза и сл.
• Тест за алергија

Терапија

Терапијата кај синузитот се состои од примарна цел дренирање на синусните празнини. Тоа може да се прави со: хирушки третман (пункција на синуси), и медикаментозен третман. Медикаментозниот третман се состои од:

1. Симптоматски

• Орални алфа-адренергични вазоконстриктори (pseudoefedrine и phenylephrine) 10-14 дена
• Локални вазоконстриктори (пр. oxymetazoline hydrochloride) 3 до 5 дена.

2. Емпириски

Антибиотски третман се вклучува при сомнение за бактериска синусна инфекција и трае 14 дена.

Антибиотици од прва линија се:

• Амоксицилин
• Кларитромицин
• Азитромицин

Антибиотици од втора линија се:

• Амоксицилин-клавулонска киселина
• Втора или трета генерација на цефалоспорини
• Флуорокинолони
• Клиндамицин

Како супортивна терапија на горенаведената може да се вклучи:

• Инхалации на пареа од камилица или жалфија
• терапија со топлина и топли облоги (Кварцна ламба, инфрацрвено светло)
• Прекин на пушењето.

Конвенционалните терапевтски модалитети, вклучително антимикробни агенси, гликокортикоиди и деконгестанти, често се ограничени од несакани ефекти и субоптимална ефикасност.

Во овој контекст, Serrapeptase (Serratiopeptidase), протеолитички ензим деривиран од бактеријата Serratia marcescens, се истакнува како ветувачка алтернатива. Овој ензим, со децении употребуван во Азија и Европа, нуди мултифакторско дејство: антиинфламаторно, мукорегулаторно и фибринолитичко, што го позиционира како идеален додаток за оптимизација на респираторното здравје.

Серапептазе е изолиран од микроорганизми кои се автохтони во дигестивниот систем на свилените буби и ензимот има многу силно дејство на разлагање на протеини. Всушност, овие микроорганизми го продуцираат овој ензим со кој се разградува листот на дудинка со која ларвите се хранат и потоа тие можат да ја изградат чаурата на свилената буба. Изолацијата на овој ензим била во 60-тите години на минатиот век се применува како анти-инфламаторно и анти-едематозно, како и аналгетско средство, ширум светот како средство- додаток при клиничката рехабилитација на пациентите.

Серапептазата функционира преку хидролиза на протеински депозити, мртви ткива и фибрин, со што се намалува воспалението и се олеснува елиминацијата на патолошки акумулации. Во контекстот на хроничен синузит, нејзините клучни терапевтски придобивки вклучуваат:

– Модулација на вискозноста на мукусот: Ензимот ја разградува густата мукузна секреција во синусите, промовирајќи подобрена дренажа и редукција на интрасинусниот притисок. Ова резултира со значително олеснување на назалниот проток и минимизација на конгестијата, овозможувајќи брзо враќање на нормалното дишење.

– Потентно антиинфламаторно дејство: Преку инхибиција на инфламаторни медијатори, серапептазата нуди ефекти слични на нестероидните антиинфламаторни лекови (НСАИЛ), но со супериорен профил на безбедност и помалку адверзни реакции. Ова доведува до редукција на едемот, болката и хиперемијата во синусните шуплини, подобрувајќи го квалитетот на животот на пациентите.

– Брзо симптоматско олеснување и превенција на компликации: Клинички студии индицираат дека серапептазата може да ги намали болката, назалните секрети и обструкцијата во рок од 3-4 дена.

Дополнително, нејзиното антибиофилмско дејство спречува формирање на бактериски колонии, што е критична етиолошка компонента во хроничните инфекции, со што се намалува ризикот од рецидиви и се промовира долгорочна респираторно благосостојба.

Емпириските докази за ефикасноста на серапептазата се базираат на ригорозни клинички истражувања, кои ја потврдуваат нејзината улога како високо-ефективен терапевтски агенс. Клучни публикации вклучуваат:

– Истражувањето на Nakamura et al. (2003) кај пациенти со хронични респираторни заболувања покажа намалување на волуменот на спутумот, вискозноста и неутрофилната инфилтрација по 4-неделна терапија, со импликации за слични бенефиции во синузитот поради заедничките патофизиолошки механизми

– Систематскиот преглед од Bhagat et al. (2013) анализира 17 клинички студии, потврдувајќи го антиинфламаторното, антиедематозното и фибринолитичкото дејство на серапептазата, со особени апликации во респираторните состојби како синузит

Овој преглед ја нагласува нејзината супериорност како безбедна алтернатива на конвенционалните лекови.

– Современ преглед од 2020 година ја потврдува ефикасноста на серапептазата во респираторното здравје, вклучително синузит, преку редукција на мукусот и воспалението, позиционирајќи ја како премиум опција за природна терапија,

Серапептазата е безбедна за краткотрајна употреба и нуди предност пред синтетичките лекови поради нејзиното природно потекло и намален ризик од интеракции, со минимални несакани ефекти како гастроинтестинални нарушувања или алергиски реакции.

Заклучок

Serrapeptase се етаблира како револуционерен, научно поддржан додаток кој нуди супериорно управување со хроничен синузит, комбинирајќи ефикасност, безбедност и природни бенефиции. Со нејзиното интегрирање во терапевтскиот режим, пациентите можат да очекуваат брзо олеснување и подобрен квалитет на живот. Пред употреба – консултирајте се со здравствен професионалец за персонализирана апликација и започнете го патот кон оптимално респираторно здравје.

The post Престојна сезона на настинки – дали Serrapeptase може да помогне кај хроничен синузит? appeared first on Аптеки PlusPharma.

Но, експертите велат дека креатинот може да стори многу повеќе од очекувањата на спортските фанатици. Оваа моќна супстанца, која инаку природно се складира во мускулите и во мозокот и е клучна за создавање клеточна енергија, носи бројни придобивки во области како што се когнитивното здравје, хормоналната рамнотежа и здравото стареење.

Дополнителното внесување креатин може да биде од корист за речиси секого, без разлика на полот. Многу малку луѓе внесуваат доволно креатин помалку од природните извори како што се црвеното месо, рибата и млечните производи, тврди нутриционистката и спортски тренер Дана Вајт од Конектикат, што е уште една причина плус да размислите за суплементација.

Па, дали треба да внесувате креатин, дури и кога немате навика да вежбате? Еве што сè може да направи овој додаток за вашето целокупно здравје.

Придобивки од креатинот за целокупното здравје

Го поддржува здравјето на мозокот

Креатинот може да помогне во функциите кои ги обавува фронталниот кортекс на мозокот, како когницијата, меморијата и вниманието. Исто така, тој го намалува менталниот замор кај здрави возрасни лица изложени на стресен тест за брзо пресметување, покажува едно истражување објавено во Neuroscience & Biobehavioral Review.

Дополнително, комбинацијата од креатин и физичка активност се покажала како ефективна во забавувањето на когнитивниот пад поврзан со стареењето, на сличен начин како што може да помогне во задржување на мускулната маса. Според Националниот институт за здравје, креатинот потенцијално може да биде корисен и при третман на когнитивен пад предизвикан од Алцхајмерова болест, како и при невродегенеративни заболувања како Паркинсонова и Хантингтонова болест.

Може да помогне во одржување на хормоналната рамнотежа

Во текот на менструалниот циклус, хормоните како естрогенот и прогестеронот значително се менуваат, што влијае на природното ниво на креатин во телото – понекогаш предизвикувајќи негово намалување. Дополнувањето со креатин може да помогне да се задржат тие нивоа постабилни низ целиот циклус.

Во постпородилниот период или во менопауза, жените исто така се соочуваат со променети нивоа на креатин под дејство на хормоните. Иако се чини дека суплементацијата може да биде од корист, сепак, потребни се повеќе истражувања во оваа област. Затоа, задолжително консултирајте се со лекар пред да почнете со креатин, особено ако сте бремени или планирате бременост.

Може да го зголеми енергетското ниво

Креатинот го зголемува производството на АТП – главната енергетска компонента која мускулите ја користат при движење. Тоа помага за снабдување со брз енергетски импулс за време на високоинтензивни вежби, како спринтови или кревање тежини, вели Никол Лунд, клинички нутриционист и личен тренер.

Сепак, не е целосно јасно дали оваа придобивка важи и за секојдневни активности како носење намирници од пазар, чистење низ дома, чување деца. Повеќето истражувања се фокусираат на вежбањето само по себе. Сепак, креатинот обезбедува мускулна енергија, а мускулите ги користиме и кога не вежбаме, па веројатно е добро да имате дополнителен извор на располагање.

Се истражува и како можен третман за ментално здравје

Ниските нивоа на креатин во мозокот можат да бидат поврзани со депресивни симптоми, се вели во истражувањето објавено во 2025 година во European Neuropsychopharmacology. Во истражувањето каде што една група добивала креатин заедно со когнитивно-бихејвиорална терапија, а друга добивала плацебо со иста терапија, двете групи покажале подобрување, но групата што земала креатин имала значително поголемо намалување на депресивните симптоми.

Ова подобрување може да се должи на способноста на креатинот да го зголеми енергетскиот метаболизам во мозокот, да ги модулира невротрансмитерите што го регулираат расположението и да делува како невропротективно средство. Истражување од 2024 година покажува дека ефектите се особено изразени кога се комбинира со антидепресиви во период од 2 до 8 недели.

Креатинот е важен за фронталниот кортекс, делот на мозокот поврзан со расположението, па резултатите имаат смисла, но потребни се уште податоци.

Како да внесувате креатин безбедно?

Изберете креатин монохидрат, најистражувана и најчесто препорачана форма. Препорачаната дневна доза за возрасни е од 3 до 5 грама дневно. Креатинот се пие секој ден, без оглед дали сте или не сте спортски активни.

Иако нема цврст заклучок кога е најдобро време за внесување, има некои докази дека е корисно да се зема пред или по вежбање. Може да се раствори во вода, сок или друг пијалак. Ако го внесувате заедно со јаглехидрати, креатинот подолго ќе се задржи во организмот.

The post Дали креатинот е само за спортисти? appeared first on Аптеки PlusPharma.

Таа се дели на:

Примарна дисменореа не е предизвикана од абнормалности или некоја гинеколошка болест. Обично започнува 3-4 години после добивање на прва менструација. Примарната дисменореа се јавува како резултат на хиперконтрактилност на матката под дејство на зголемено ослободување на простагландини и еден хемиски дисбаланс.

Токму тој дисбаланс води до зголемување на контракциите на матката, намалување на протокот на крв, зголемување на анаеробните метаболити кои ги стимулираат рецепторите за болка што крајно резултира со појава на менструални грчеви – дисменореа. Ризик фактори за појава на дисменореа се нулипаритет, пушење, слаба физичка активност, тешки и подолготрајни менструации, возраст <20 години итн.

Секундарна дисменореа се јавува како резултат на постоечка гинеколошка болест како аденомиоза, ендометриоза (најчесто), утерини фиброиди, воспалителна болест на карлицата и сл. Тука пристапот е лечење на основната болест.

Каква е болката?

Болката најчесто се јавува на почетокот на менструацијата и вообичаено траe 8-72 часа. Се опишува како остра болка (грчеви) во карлица, со ирадијација кон долниот дел од грбот и внатрешната страна на бутовите, чувство на притисок во стомакот и може да биде придружена со гадење, повраќање и течни столици.
Интензитетот може да биде толку голем, до степен на изнемоштеност, зголемен број на отсуства од работа, да има големо влијание врз секојдневните активности како и врз менталното здравје на жената. Постојат голем број на студии кои ја поврзуваат хроничната болка со појава на анксиозност и депресија.

Како се третира?

Фармаколошкиот третман на дисменореата во клиничката пракса се состои од употреба нестероидни антиинфламаторни лекови – НСАИД (ибупрофен, напроксен и сл.) кои го намалуваат создавањето на простагландините, како прва линија со докажана ефикасност и орални контрацептиви.

Нефармаколошки третман опфаќа блага масажа на стомакот, термофор со топла вода на стомакот, мирување во тие денови, акупунктура, јога, додатоци и суплементи како магнезиум, витамин Д, цинк, витамин Ц кои делуваат антиинфламаторно, промена на начин на исхрана (антиинфламаторна исхрана како ѓумбир, куркума,зелен чај, зеленчуци и сл), избегнување на алкохол и цигари итн.

Долготрајната употреба на НСАИД води до појава на несакани ефекти. Како најчести се гастроинтестинални нарушувања (пептичен улкус), со крвавења и последователна појава на анемија, зголемен ризик од кардиоваскуларни нарушувања и бубрежни оштетувања, додека пак несаканите ефекти на оралните контрацептиви како гадење, главоболки, зголемување на телесната маса (некои жени тешко ги толерираат), и исто така се несоодветни кај популацијата на жени што планира бременост.

Иако дисменореата е распространета и, често, исцрпувачка, ефикасните лекови за управување со симптомите се ретки. Управувањето со симптомите поврзани со менструацијата е сложено со оглед на варијабилноста на симптомите кај поединци кои имаат менструација. Како резултат на тоа, нивното управување често е фрустрирачко и за пациентите и за давателите на здравствена заштита. Токму поради овие причини науката
истражува и бара други решенија за ова нарушување.

Едно од нив со голем терапевтски потенцијал, што сеуште е во фаза на истражување е употребата на CBD (канабиноид). Тој стапува во интеракција со едноканабиноидниот систем, комплексна мрежа на рецептори и невротрансмитери кои се инволвирани во многубројни процеси во човечкиот организам како и во прецепцијата на болка.Токму поради таа интеракција постои причина за верување дека може да помогне во ослободување од болката и инфламацијата поврзана со дисменореата.

CBD заедно со THC се фитоканабиноиди изолирани од растението Canabis sativa. Една структурна разлика меѓу нив има големо влијание врз интеракцијата со ендоканабиноидните рецептори, а со тоа и нивните терапевтски дејства. Токму таа структурна разлика го диференцира CBD од THC кој е психоактивен и води до промена на расположение, еуфорија и општо познато „high” чувство и се злоупотребува како рекреативна супстанца.
Клинички испитувања и истражувања покажуваат позитивно влијание на користењето на CBD не само за ослободување од болката, туку и врз придружните симптоми како подобрување на расположението, намалување на анксиозноста, подобрување на спиењето и намалување на раздразливоста.

Иако има ограничени докази за ефективноста на CBD врз намалување на менструалните болки, истражувањата за неговите бенефитит се ветувачки. Досега се покажа дека тој има ефективни антиинфламаторни, миорелаксантни вли-
јанија и стабилизирачки ефекти врз расположението. Важно е да се напомене дека искуствата со CBD се различни кај секој човек, и други фактори како животниот стил, начинот на исхрана, справувањето со стресот исто така играат голема улога врз доживувањето на дисменореата.

The post Болна менструација – дисменореа appeared first on Аптеки PlusPharma.

Ако се препознавате, не сте единствени. Сè повеќе луѓе пријавуваат симптоми на анксиозност по консумирање кафе – чувство на немир, забрзано дишење, тешкотии со концентрацијата, па дури и панични напади.

Па, дали кафето навистина може да биде тригер за анксиозност? И ако е така – дали има начин да се ужива во него без несаканите ефекти? Што велат експертите?

Како кафето делува врз телото и мозокот?

Главната активна состојка во кафето е кофеин – стимуланс кој влијае врз централниот нервен систем. Но, покрај кофеинот, кафето содржи и над 1 000 други биоактивни соединенија, меѓу кои хлорогенски киселини, тригонелин, алкалоиди, како и терпенски соединенија. Овие компоненти придонесуваат не само за вкусот и за аромата, туку и за одредени здравствени бенефити – како подобрување на метаболизмот, антивоспалително дејство и поддршка на когнитивните функции.

Истражувања покажуваат дека умереното консумирање кафе може да биде дури и корисно: една студија објавена во European Heart Journal покажа дека луѓето кои пијат кафе наутро, имаат 16 % помала стапка на смртност и 31 % помала веројатност да починат од кардиоваскуларни заболувања.
Но, ефектите на кофеинот не се секогаш само позитивни.

Како кофеинот може да предизвика анксиозност?

Кофеинот делува така што ги блокира аденозинските рецептори – аденозинот е молекула која ги регулира спиењето, крвниот притисок и срцевиот ритам. Кога кофеинот ги блокира овие рецептори, телото реагира со зголемена будност, енергија и фокус.
Но, кај некои луѓе оваа реакција може да се манифестира и како:

• забрзано чукање на срцето
• забрзано дишење
• напнатост во мускулите
• немир или вознемиреност

Тоа се симптоми кои често се поврзуваат со анксиозност – па не е чудо што некои луѓе почнуваат да ја поврзуваат својата анксиозност токму со кафето.

Зошто некои луѓе се почувствителни на кафе?

Според невронаучниците, постојат неколку фактори:

1. Генетска предиспозиција
Некои луѓе имаат генетска варијација која го прави нивниот организам почувствителен на кофеинот – потешко го разградуваат, а телото посилно реагира на него. Оваа варијација е ретка и се појавува кај околу 5 % од популацијата, но може да објасни зошто некои луѓе чувствуваат анксиозност и по едно мало кафе.

2. Брзина на метаболизирање на кофеинот
На повеќето луѓе им се потребни 3 до 5 часа за да исфрлат половина од кофеинот од телото. Некои го метаболизираат побрзо, други побавно. Кај оние кои се бавни метаболизатори, кофеинот се задржува подолго во организмот, а секоја нова шолја го зголемува ризикот од несакани ефекти.

3. Количина и фреквенција на внесување
Колку повеќе кафе пиете, толку поголем е ризикот од анксиозност. Според препораките на Американската агенција за храна и лекови (FDA), возрасен човек не треба да надмине 400 милиграми кофеин дневно, односно околу 4 до 5 шолји кафе. Но, оваа граница може да биде прениска за некои, а превисока за други – затоа е важно секој индивидуално да си го открие својот праг.

Колку кофеин има во вообичаените пијалаци (за 350 ml):

• Безкофеинско кафе: 2 – 15 mg
• Зелен чај: 30 – 50 mg
• Газирани пијалаци: 23 – 83 mg
• Мача чај: 35 – 130 mg
• Црн чај: 25 – 48 mg
• Енергетски пијалаци: 80 – 200 mg
• Кафе (просечно): 113 – 247 mg

Затоа некогаш една шолја кафе може да ве вознемири, а шолја зелен чај не – разликата е во дозата на кофеинот, а не во самиот пијалак.

Може ли Л-теанинот да помогне?

Л-теанинот е аминокиселина која природно се наоѓа во зелениот чај и мачата, и е позната по тоа што има смирувачко дејство – без да предизвикува поспаност.
Некои луѓе користат Л-теанин во форма на додаток за да ги ублажат ефектите на кофеинот. Се предлага дури и додавање на Л-теанин во шолја кафе, со цел да се намали ризикот од нервоза или анксиозност.

Идејата е логична, но експертите предупредуваат дека сѐ уште нема доволно научни докази кои ја потврдуваат ефикасноста на оваа комбинација.
Тоа што чајот ве прави посмирени се должи на тоа што тој содржи двојно или тројно помалку кофеин од кафето. Па, наместо да додавате Л-теанин во кафе, подобро е да уживате во природни извори како чајот и мачата, кои веќе ја содржат оваа состојка.

Како да го намалите чувството на вознемиреност од кафе?

Ако чувствувате дека кофеинот ве прави нервозни, има неколку едноставни совети:

• Намалете ја количината – обидете се со една шолја на ден или преминете на кафе со помалку кофеин (на пример, сортата Арабика има помалку кофеин од Робуста).
• Избегнувајте кафе на празен стомак – храната го ублажува ефектот на кофеинот.
• Размислете за декаф или безкофеински кафиња – и понатаму ќе уживате во вкусот, но ќе ја прескокнете напнатоста.
• Искористете ја енергијата од кафето – кратка прошетка може да ви помогне да го согорите вишокот енергија и да ја намалите напнатоста.
• Размислете за зелен чај или мача –  природни алтернативи со многу помал ризик од анксиозност.

 Кафе – ритуал за сите сетила

За поголемиот дел од луѓето, кафето е уживање, навика и доза енергија. Но, ако забележувате дека ви предизвикува нервоза или несоница, послушајте ги алармите на вашето тело. Пронајдете го ритамот што најмногу ви одговара, можеби тоа е кафе со појадок, можеби е чај попладне или декаф во друштво навечер. Како и со многу нешта во животот, и овде мерката е клучна.

The post Дали кафето ви предизвикува вознемиреност? appeared first on Аптеки PlusPharma.

Зошто дијабетичарите често имаат суво око?

Хронично покачениот шеќер во крвта може да доведе до оштетување на нервите (што се нарекува дијабетична невропатија), вклучително и на оние кои ја контролираат продукцијата на солзи. Истовремено, намалената чувствителност на површината на окото го отежнува природниот одговор на солзната жлезда на сувост. Резултатот е нарушен солзен филм, што доведува до симптоми на суво око.

Како да ги препознаете симптомите на суво око?

Симптомите на суво око може да бидат суптилни и да се појавуваат постепено. Затоа е важно пациентите со дијабетес да знаат на што да внимаваат. Најчестите симптоми вклучуваат:

• Чувство на пецкање или жарење во очите
• Чувство како да имате песок или страно тело во окото
• Замаглен вид, кој се подобрува по трепкање
• Црвенило и иритација
• Чувствителност на светлина (фотофобија)
• Парадоксално, може да се јави и засилено солзење – како реакција на сувост
• Замор на очите при читање, работа на компјутер или гледање телевизија

Доколку пациентот примети еден или повеќе од овие симптоми, и особено ако траат подолго од неколку дена, потребно е да се побара мислење од офталмолог и да се ординира соодветна терапија.

Кога е потребен офталмолошки преглед?

Секој пациент со дијабетес треба барем еднаш годишно да посетува офталмолог за рутинска проверка, која вклучува преглед на видна острина, интраокуларен притисок, преглед на фундус во мидријаза (широка зеница).
Почести прегледи се препорачуваат кај пациентите кај кои веќе се дијагностицирани компликации на окото од дијабетесот, како и кај пациенти кои имаат акутни симптоми, како:

• Појава или влошување на симптомите на суво око (изразено грепкање, печење, црвенило и сл.)
• Нарушување на видот (намалување на видот или појава на мушички во видното поле)
• Ако претходно ви биле дадени вештачки солзи, но симптомите не се подобруваат

Раната дијагноза на синдромот на суво око, како и навремената интервенција се клучни за спречување на трајни оштетувања на површината на окото и подобрување на квалитетот на живот.

Превенција и секојдневна грижа

Синдромот на суво око може да се контролира и ублажи со неколку едноставни, но многу важни мерки:

• Контрола на шеќерот во крвта – Добро регулиран дијабетес значи помала веројатност за појава на компликации на очите
• Редовно користење на вештачки солзи – Добро е секој пациент со дијабетес во својот дом да има вештачки солзи кои ќе ги користи при појава на симптоми на суво око
• Избегнување на сув, загаден или климатизиран воздух
• Правење кратки паузи при долготрајна работа на компјутер и користење вештачки солзи во тек на работа
• Здрава исхрана, богата со витамини и минерали, како и доволен внес на вода

Сувото око е честа, но често занемарена состојба кај пациенти со дијабетес. Познавањето на симптомите и редовната офталмолошка грижа се клучни за навремено откривање и успешно лекување. Со соодветна нега и дисциплина, пациентите можат да одржат добар вид и здравје на очите долгорочно.

Др. Маја Иванова Цеков
Специјалист офталмолог , ПЗУ Систина Офталмологија

The post Дијабетес и суво око – Што треба да знае секој пациент? appeared first on Аптеки PlusPharma.

Гликемиските скокови се случуваат кога нивото на глукоза нагло расте по консумирање храна, особено јаглехидрати. Иако повремените осцилации се нормални, честите или екстремните флуктуации можат да доведат до хронични здравствени проблеми како што се инсулинска резистенција, дијабетес и кардиоваскуларни болести. Затоа, добро е да научите да ги контролирате пред тие да го заземат вашето здравје.

Што претставуваат гликемиските скокови?

Гликемиски скок настанува кога нивото на шеќер во крвта нагло се зголемува по консумација на храна богата со јаглехидрати, особено рафинирани шеќери и преработени зрнести производи.
Во нормални услови, телото го регулира нивото на шеќер преку инсулин – хормон што го лачи панкреасот и кој овозможува премин на глукозата од крвотокот во клетките за енергија или складирање. Сепак, кога внесот на шеќери е преголем и премногу брз, организмот не може ефикасно да одговори, што резултира со нагло зголемување на гликозата во крвта.

Честите гликемиски скокови можат да доведат до инсулинска резистенција, состојба во која клетките стануваат помалку осетливи на инсулинот. Со текот на времето, ова ја зголемува веројатноста за развој на метаболички нарушувања, вклучително и дијабетес тип 2.
Истражувањето објавено во The Journal of Clinical Endocrinology & Metabolism во 2021 година, покажа дека лицата со висока варијабилност на гликозата имаат поголем ризик од инсулинска резистенција и кардиоваскуларни заболувања.

Што ги предизвикува гликемиските скокови?

Неколку фактори можат да придонесат за нагли покачувања на нивото на шеќер во крвта:

• Храна со висок гликемиски индекс: Производи како бел леб, газирани пијалаци и преработени грицки брзо се разградуваат и се апсорбираат, што доведува до брзо зголемување на гликозата.
• Големи оброци: Прејадувањето, особено со оброци со јаглехидрати, може да го оптовари панкреасот дотолку што тој нема да може да излезе на краj со шеќерот.
• Недостаток на влакна, протеини и здрави масти: Овие нутриенти го забавуваат варењето и апсорпцијата на глукозата, спречувајќи нагли скокови.
• Недоволна физичка активност: Движењето помага во апсорпција на глукозата од страна на мускулите, така што недостатокот на активност по оброк може да доведе до повисоки нивоа на шеќер.
• Стрес и недостаток на сон: Хормоните како кортизолот можат да го нарушат дејството на инсулинот, а недоволниот сон е поврзан со зголемена инсулинска резистенција.

Симптоми на гликемиски скок

По наглиот скок на шеќерот во крвта, често следува брзо опаѓање, познато како реактивна хипогликемија, што може да предизвика:

• Замор – ненадејниот пад на шеќерот доведува до чувство на исцрпеност.
• Раздразливост и промени во расположението – флуктуациите во шеќерот влијаат врз функцијата на мозокот, што предизвикува нестабилност во расположението.
• Желба за благо и јаглехидрати – организмот бара нов извор на брза енергија за компензација на наглото опаѓање на шеќерот.
• Главоболки – ненадејните промени во нивото на шеќерот можат да бидат тригер за главоболки и мигрени.
• Ментална заматеност (brain fog) – тешкотии со концентрацијата и намалување на когнитивниот капацитет на мозокот.

Како да ги спречите гликемиските скокови?

Контролирањето на нивото на шеќер во крвта е клучно за спречување на долгорочни здравствени компликации. Еве неколку докажани стратегии за стабилизирање на глукозата:

1. Балансирани оброци
Комбинацијата на протеини, здрави масти, влакна и сложени јаглехидрати помага да се забави апсорпцијата на глукозата. Истражувањата покажуваат дека додавањето на протеини и масти во оброкот може да ги намали гликемиските скокови.
Совет: Белиот леб заменете го со авокадо или путер од јаткасти плодови за побавно апсорбирање на шеќерите.

2. Мени по правилен редослед
Истражување на Weill Cornell Medical College покажало дека консумацијата на влакна и протеини пред јаглехидрати значително ги намалува гликемиските скокови.
Совет: Започнете со салата или месо пред да јадете ориз или тестенини.

3. Храна со низок гликемиски индекс
Гликемискиот индекс претставува мерка за тоа колку брзо одредена храна го покачува нивото на шеќер во крвта. Намирниците со висок гликемиски индекс, како бел леб, газирани пијалаци и слатки производи, предизвикуваат нагли гликемиски скокови.
Истражувањето објавено во Diabetes Care во 2018 година покажа дека исхраната со низок гликемиски индекс ја подобрува осетливоста на инсулинот.

Најдобри избори:

• Цели зрна (киноа, кафен ориз, интегрален леб)
• Зеленчук богат со растителни влакна (брокула, спанаќ, кељ, леќа)
• Здрави масти (маслиново масло, јаткасти плодови, авокадо)
• Посни протеини (пилешко, риба, тофу)

4. Прошетка по јадење
Редовното вежбање го подобрува метаболизмот на глукозата и ја зголемува осетливоста на инсулинот. Истражувањето на American Journal of Clinical Nutrition од 2020 година, покажува дека дури и 10-минутна прошетка по оброк може да помогне во намалување на гликемиските скокови
Совет: Само 10-15 минути пешачење по оброк може да спречи нагли зголемувања на глукозата.

5. Доволен внес на вода
Дехидратацијата може да доведе до покачено ниво на шеќер во крвта, бидејќи телото не може ефикасно да го разградува вишокот шеќер. Истражување во Diabetes & Metabolism (2017) покажало дека лицата кои не внесуваат доволно течности во текот на денот имаат поголем ризик од хипергликемија.
Совет: Редовно пијте вода и избегнувајте засладени пијалаци.

6. Доволно сон
Недостатокот на сон ја намалува осетливоста на инсулинот. Според студија објавена во The Lancet Diabetes & Endocrinology (2019), лицата што спијат помалку од 6 часа во текот на ноќта имаат зголемен ризик од нарушувања на гликозниот метаболизам.
Цел: Обидете се да спиете од 7 до 9 часа секоја ноќ.

7. Управување со стресот
Хроничниот стрес предизвикува лачење на кортизол, хормон кој може да доведе до инсулинска резистенција и зголемено ниво на шеќер во крвта.
Совет: Медитација, јога или техники на длабоко дишење можат да помогнат во стабилизација на нивото на шеќер.

The post Глукозни скокови appeared first on Аптеки PlusPharma.

Инфекции, алергии и неалергиски ринитис се најчестите причини поради кои секоја ноќ вашиот затнат нос се бори за здив. Инфекциите како Ковид и обичната настинка се предизвикани од вируси или бактерии; алергиите најчесто се сезонски и се поврзани со вообичаени алергени како полен, прашина и животинска првут; неалергискиот ринитис, пак, се појавува како реакција на загадување и промени во температурата.

Ако се соочувате со симптоми како кивање, течење на носот, чешање и солзење на очите, веројатно затнатиот нос е резултат на алергии или неалергиски ринитис. Но, ако имате густ, жолт или зелен исцедок од носот, можно е да станува збор за инфекција.

Што предизвикува затнат нос?

Медицинскиот термин за затнат нос е ринитис, што значи воспаление на слузокожата (позната и како мукоза) во внатрешноста на носот, вели д-р Крег Полински, специјалист по интерна медицина во Baptist Health.

„Кога личноста ќе вдише алерген преку носната празнина, без разлика дали станува збор за вирус, бактерија или некој алерген, мастоцитите (вид имунолошки клетки) ослободуваат соединение наречено хистамин, што потоа предизвикува воспаление“, објаснува тој.

Можеби мислите дека слузта е виновна за непријатноста, но затнатоста најчесто се должи на отечени крвни садови во носот, вели д-р Крег.
„Многу луѓе постојано го дуваат носот обидувајќи се да ја исфрлат слузта, но вистинскиот проблем е отокот“, забележува тој. „Дувањето нос е корисно, но ако ништо не излегува, тоа генерално значи дека нема многу слуз“.

10 начини како да се ослободите од затнат нос

Користете солен раствор во вид на спреј

Стерилен раствор од солена вода може да се купи без рецепт, а делува така што извлекува вода од отечената слузокожа во носот, со што се намалува отокот на носното ткиво и се ублажува затнатоста.
Солениот спреј е безбеден за сите возрасти и може да се користи колку што е потребно за олеснување на симптомите, но пречестата употреба може да предизвика неконтролирано капење на носот.

Пробајте со испирање на носот со солен раствор

Испирањето на носот исто така се врши со солен раствор, но се применува поголемо шише за испирање или сад за таа намена. Растворот продира подлабоко во носната шуплина и излегува од другата страна. Овој метод може да биде поефикасен од обичниот спреј, бидејќи поголемата количина раствор покрива поширока област во носот, темелно чистејќи ја.

Испирањето на носот е безбедно за сите возрасти, но ако имате ослабен имунитет, консултирај се со лекар пред да го примените овој метод, бидејќи проблемите со носот може да укажуваат на посериозна состојба.

Земете антихистамини

Антихистамините можат да помогнат во намалување на затнатоста, бидејќи го блокираат создавањето на хистамин, кој е главен причинител за воспаление и за создавање слуз. Ако истовремено кивате и чувствувате притисок во синусите, тогаш антихистаминот е најдобро да се комбинира со спреј за нос.
Иако се безбедни за повеќето луѓе, сепак, подобро е да се консултирате со лекар пред да земете антихистамини, особено ако сте бремени или доите.

Користете лековити спрејови за нос

Делуваат за неколку минути така што ги стеснуваат крвните садови во слузокожата на носот, со што се намалува отокот и се отвораат носните дишни патишта. Иако се ефикасни, многу е важно да се користат само повремено и во краток временски период.
Кога се стеснуваат крвните садови во носот, ткивото добива помалку кислород, а при подолга употреба може да се оштети слузокожата. Како реакција на тоа оштетување, слузокожата уште повеќе отекува, што дополнително ја влошува затнатоста.

Затоа, најдобро е да се користи не повеќе од двапати дневно и не подолго од три последователни дена, потоа треба да се направи пауза од најмалку еден месец.
Истото важи и за кортикостероидните носни спрејови, кои исто така делуваат така што ја стеснуваат слузокожата во носот и го намалуваат воспалението. Една од предностите на кортикостероидните носни спрејови е што се лесно достапни, а лекот делува само во носната шуплина. Со други зборови, не предизвикуваат поспаност.

Користете еукалиптусово масло

Ако барате природен домашен лек, д-р Полински препорачува еукалиптусово масло. Истражувањата покажуваат дека може да делува како аналгетик и има антибактериски и антиинфламаторни својства, кои помагаат во намалување на слузта и на воспалението во носот.
„Еукалиптусовото масло може да се вдишува како пареа преку дифузер за да се намалат симптомите на затнат нос или со додавање неколку капки масло во сад со врела вода“, вели д-р Полински.

Иако е безбедно за вдишување, избегнувајте да го голтате или да го нанесувате директно на лицето. Чувајте го на ладно и суво место, бидејќи топлината и директната сончева светлина можат да ја променат неговата структура.

Вклучете навлажнувач на воздух

Навлажнувачите на воздух можат да ги намалат затнувањето на носот и болката во синусите преку водената пареа што ја ослободуваат, а која пак ја разредува слузта.
Навлажнувачот особено се препорачува да е вклучен во текот на ноќта, бидејќи премногу сувиот воздух може да ја иритира и да ја воспали слузокожата во носот.
Користете дестилирана вода во уредот и не заборавајте редовно да го празните и чистите, бидејќи бактериите можат да се размножат во застоена вода.

Користете ладна облога

Друго едноставно домашно средство за ублажување на затнат нос е мразот. Ставете ладна облога завиткана во тенка крпа на коренот на носот 10 до 15 минути. Студот помага да се стеснат отечените крвни садови и да се намали затнатоста.

Избегнувајте иританси

Трудете се да избегнувате иританси како чад, прав, парфеми, освежувачи на воздух или силни мириси. Зошто? Овие мириси и честички можат да влезат во носот и да предизвикаат дополнителна иритација и затнатост. Силните мириси, исто така, можат да предизвикаат кашлица, па дури и симптоми на астма.

Кога да се консултирате со лекар?

Ако затнатиот нос трае подолго од 10 дена или се влошува, време е да се обратите на лекар. Исто така, неопходно е да побарате лекарска помош ако конгестијата е проследена со симптоми како треска, болка во лицето, густа зелена слуз или тешкотии при дишењето.

Дополнително, ако имате здравствени состојби како астма или хронични алергии, разговарајте со лекар за да добиете совети за превентивни мерки.
Запомнете, лековите без рецепт не секогаш се наменети за долгорочна употреба, па ако тие не обезбедуваат олеснување, време е за нова мерка.

The post Затнат нос appeared first on Аптеки PlusPharma.

Фармацевтската индустија е доста развиена за таблетарни суплементи во соодветни дози да можат да ги задоволат специфичните потреби од дадени витамини и минерали кои истите не можат да се надополнат по пат на исхрана. Често се земаат сумплементи на своја рака, но треба да знаеме дека тоа некогаш знае да биде ризично доколку не се земаат во соодветни дози за оптимално функционирање на организмот. Колку и да се храниме здраво, често не се апсорбираат сите хранливи материи или тие се губат од различни причини.

Истражувањата покажуваат дека над 64 % од жените имаат недостаток на витамин Д, додека дефицитот на витамин Б2 изнесува 44,9 %, а железото недостига кај речиси 23,2 % од популацијата. Овие недостатоци можат да доведат до сериозни здравствени последици како слабеење на коските, замор, когнитивен пад и ослабен имунолошки систем.
Дополнително, кај жените над 50 години, намалувањето на хормоните (како естрогенот) дополнително влијае врз апсорпцијата на одредени хранливи материи, што ги прави суплементите важен дел од одржувањето на целокупното здравје. Еве ги клучните витамини и минерали кои се неопходни за оптимално функционирање.

Калциумот е синоним за здрави коски – Организмот на жените во постменопаузалниот период не ги апсорбира витамините и минералите како во пораната возраст. Посебен акцент е ставен на калциумот, бидејќи неговиот недостаток доведува до ризик од т.н. „кршливи коски“ и најчесто остеопороза. Според National Osteoporosis Foundation, една од две жени постари од 50 години има фрактура поради остеопороза. За машката возраст односот е 1 : 4.Тој однос е таков бидејќи во менопаузата има хормонални промени, односно намалување на нивото на хормонот естроген кој директно влијае на густината на коскеното ткиво.

Доколку не се внесува калциумот од млечни производи и друга храна богата со калциум, телото започнува да го извлекува калциумот од коските и на тој начин ги прави послаби и кршливи. Препорачаните дневни дози варираат од нивото на калциум во крвта, но кај возрасни личности потребно внесување на калциум е од 500-600мг дневно. Нивото на калциум потребно е да се следи бидејќи зголемено ниво на калциум може да предизвика проблем со бубрезите и со срцето. Хиперкалцемија вообичаено имаат пациентите со малигни заболувања или со примарен хиперпаратироидизам.

Витамин Д – стабилен имунитет, подобро расположение, здрави коски. Витаминот Д му помага на нашето тело за регулирање на количината на калциум и на фосфати во телото, но и овозможува зајакнување на имунитетот против борбата со бактерии и со вируси. Одредени студии покажуваат дека недотастокот на витамин Д е поврзан со депресија, демиелинизирачки заболувања, ревматолошки, дерматовенеролошки, како и автоимуни болести.

Кому му е најпотребен витаминот Д?

• На оние кои не внесуваат доволно од овој витамин преку храната и преку сончевата светлина;
• На лица постари од 50 години;
• На лица со остеопороза, како и со болестите Кронова болест и улцерозен колитис, каде е ограничена апсорпцијата на маст.

Според препораките, дневното внесување на витамин Д кај жените над 50 години е од 600IU до 1000IU, во зависност од нивото на витамин Д во крвта. Кај жените кои имаат дополнително други заболувања, дозите се повисоки.

Лутеин – заштитник на очите

Лутеинот спаѓа во хранливите материи кои се растворливи во масти, т.н. каротеноиди. Овој антиоксидант се концентрира во очите заштитувајќи ги од слободни радикали и од молекули кои може да направат оштетување на ДНК, липидите и протеините, предизвикувајќи дегенеративни промени во макулата кои се поврзани со стареењето. Исто така, претставува водечка причина за слепило кај повозрасната популација.

Ресвератрол – Природен антиоксидант кој се наоѓа во бројни растенија, како грозје, бобинки, сливи. Како антиоксидант, истражуван е за неговите ефекти во најголем број врз кардиоваскуларниот систем, како и карциномите. Ресвератролот има способност да го спречи губитокот на витамини кои се липосолубилни (витамин К, А, Д, Е), како и липидната пероксидација. Има студии кои тврдат дека ресвератролот има моќ да помогне во спречување на атеросклерозата и во намалување на агрегацијата на тромбоцитите, но и помага при справување со дијабетесот, заздравувањето на рани, како и во намалување на активностата на некои тумори.

Комбинацијата од витамините Б1, Б2, Б6, Б5, Б12 придонесува за нормално физиолошко функционирање на нервниот систем, особено за исхраната на миелинската обвивка на нервните клетки како учество во еритропоезата – создавање на црвени крвни зрнца (еритроцити). Учествува во метаболизмот на јаглехидратите, мастите и протеините. Најмногу се наоѓа во лушпите на интегралните житарки, во квасецот, млекото, месото, овошјето и зеленчукот, како и во јаткастите плодови. Недостатокот се манифестира преку нервоза, депресија, умор, проблеми со кожата и со косата, болки во мускулите и слично.

Јодот и селенот се непходни за тироидната жлезда. Низа истражувања покажуваат дека може да се предизвика нарушена функција на тироидната жлезда со тоа што се надополнува организмот со селен, а притоа има недостаток на јод.

Фруктоолигосахариди (ФОС) и галактоолигосахариди (ГОС) како пребиотици делуваат позитивно на цревната микрофлора, односно служат како храна на цревните бактерии.

Студиите покажуваат дека ГОС и ФОС не се само пребиотици кои помагаат во растот на цревните бактерии, туку имаат и други предности врз здравјето на коските и на срцето. Најголема улога имаат во функцијата на дигестивниот систем и како такви најголема примена имаат во констипациите, продолжените дијареи, синдромот на иритабилен колон, како и во интестиналната имуномодулација.

За среќа, денес постојат специјализирани формули кои овозможуваат внесување на сите овие витамини и минерали во оптимални дози. Една таква формула е на располагање и кај нас, создадена токму за поддршка на здравјето на жените 50+. Оваа формула содржи точно одредени витамини и минерали со дефинирани дози неопходни за овој период од животот кај секоја жена. Како и да е, пред употреба на кои било суплементи потребно е да се испита нивото на концентрација на витамини и на минерали во крвта, бидејќи како што кажавме погоре – создава ризик од преголема концентрација од истите.

Формулата е: Со употреба на само 1 таблета дневно, после појадок. Советот е да не се зема на празен стомак. Потребно е да се знае дека овој производ не е лек туку надополнување, односно суплементи за кои е потребна консултација со доктор или со фармацевт пред земање на препраратот.

The post Суплементација во женската 50+ популација appeared first on Аптеки PlusPharma.

И млади и стари, сите целат на оние 10 000 чекори на ден со цел да си ја смират совеста дека сториле нешто добро за своето здравје и тело. И трендот не е воопшто лош, но дали е доволен или можеби претеран?

Како почна сè?

Идејата за одење 10 илјади чекори дневно била измислена како дел од маркетинг кампања за еден од првите педометри, лансирана пред Олимписките игри во Токио во 1964 година. Јапонскиот карактер за бројот 10 000 наликува на човек што оди, па уредот бил наречен „Манпо-кеи“ или „метар за 10 000 чекори“.

Оваа генијална рекламна кампања поттикнала релативно произволна бројка да стане глобален стандард за следење чекори. Важно е да се запомни дека оваа бројка не важи за секого. Ако сте заинтересирани за следење на чекори, најдобро е да го откриете бројот што ви одговара и да го зголемувате за една до две илјади чекори дневно. Ако ви е премногу лесно, секогаш можете да додадете повеќе. Ако е премногу тешко, можете да го намалите бројот додека не ја подобрите вашата физичка кондиција.

Кои се здравствените придобивки од одење 10 000 чекори дневно?

Откако оваа јапонска маркетинг кампања беше лансирана во 1964 година, науката и медицината докажаа дека идеалниот број на чекори за намалување на тежината и ризикот од болести и состојби кои доаѓаат со килограмите, навистина се движи околу 10 илјади.

Што покажува науката?

• Истражувањата сугерираат дека одењето 9.800 чекори дневно е оптималната доза за намалување на ризикот од деменција за 50 %.
• Пешачењето надвор, додека ги правите вашите 10 000 чекори, може да помогне во ублажување на симптомите на анксиозност и депресија.
• 10 илјади чекори водат до намалување на болките во колената и зглобовите кај лица со артритис.
• Истражувањето објавено во JAMA Internal Medicine Journal го откри потенцијалот за намалување на ризикот од предвремена смрт со секои 2 000 чекори направени дневно.
• Студија во JAMA Neurology пронајде можна поврзаност помеѓу одењето 10 000 чекори дневно и намален ризик од развој на кардиоваскуларни болести, 13 видови рак, мозочен удар и срцева слабост.
• Истражувањата покажуваат поврзаност меѓу одењето и подобрената ментална јасност и креативниот тек на идеи.

Приспособување на вашите цели

Кога поставувате фитнес цел, потребно е да ги земете предвид вашите способности, возраст, искуство и вкупната физичка активност. Кога би пошле во теретана, сигурно нема да ги подигнете најтешките тегови што ќе ги најдете. Истото е и со чекорите.

Ако се обидете да поминете 7 000 чекори и ви се чини лесно, целта од 10 000 чекори дневно не би требало да биде премногу тешка. Ако се обидете да направите 5 000 чекори и тоа ви е тешко, попаметно е да започнете со 3 000 чекори.

Препорачани чекори дневно според возраст

Децата и адолесцентите обично се поподвижни. Научна статија од 2011 година открива дека лицата под 18 години во просек прават од 10 000 до 16 000 чекори дневно.
Бидејќи децата поретко поседуваат уред за следење на чекори, подобар начин за проценка на нивната активност е мерењето на времето што го поминуваат во физичка активност. Националната здравствена служба (NHS) препорачува децата на возраст од 5 до 18 години да изведуваат барем 60 минути аеробна активност секој ден.
За возрасните, 10 000 чекори дневно е најчесто препорачуваната бројка. Сепак, вашата работа, фитнес нивото и возраста ќе го одредат она што е реално за вас и што треба да ви биде цел.

Во просек, возрасен маж прави околу 5.340 чекори дневно, додека возрасна жена прави околу 4.912 чекори. Со оглед на овие просеци, постигнувањето на 10 000 чекори дневно значи двојно зголемување на дневниот број на чекори. Важно е да запомните дека оваа цел не е достижна за секого и не треба да се гледа како тест што мора да го положите. Мерењето на времето поминато во физичка активност може да биде исто толку вредно како и мерењето на бројот на направени чекори.

NHS препорачува возрасните на возраст од 19 до 64 години да прават најмалку 150 минути умерено интензивна физичка активност неделно. Додавањето 10 минути брзо одење дневно помага во воведување поинтензивна активност што го зголемува пулсот.

Ако мерењето време и растојание не функционира за вас, експертите советуваат да се фокусирате на интензитетот на одењето.
Постарите лица треба да бидат повнимателни при поставувањето цели. Ако сте загрижени за вашата мобилност или сакате да ги зголемите нивоата на активност, размислете за консултација со лекар пред да започнете. Сè повеќе истражувања укажуваат дека ризикот од предвремена смрт се стабилизира по достигнување на околу 6 000 до 8 000 чекори дневно кај лица на возраст од 60 и повеќе години.

Доколку имате хронична здравствена состојба што ја ограничува вашата мобилност или способност да одите удобно, Американскиот национален институт за здравје (NIH) препорачува да целите на околу 5.500 чекори дневно.

Како да направите повеќе чекори во денот?

Постојат многу креативни начини да го зголемите бројот на чекори што ги правите секој ден. Без разлика дали сте дома или на работа, воведете некои од овие совети во вашата рутина за да го подигнете нивото на активност:

• Прошетајте го кучето: Малку подолга утринска или вечерна прошетка со кучето е одличен начин да додадете неколку илјади чекори.
• Користете скали: Дали обично користите лифт? Наместо тоа, користете ги скалите. Иако оваа промена изгледа мала, ќе придонесе значително во текот на денот.
• Прошетајте за време на паузата: Наместо да седите на работната маса или каучот и да гледате во телефонот, ако времето е убаво, направете прошетка за да ги освежите умот и телото.
• Набавете подлога за одење: Ако сакате да ја подобрите вашата активност, малку движење за време на вечерниот одмор може многу да помогне. Подлогите за одење се како мали ленти за трчање кои можете лесно да ги користите дома пред телевизорот или на работа.
• Заборавете на автомобилот: Одењето до продавницата или пешачењето за кратки патувања е лесен начин да го зголемите бројот на чекори. Дополнителна предност е што ќе заштедите на гориво и ќе придонесете за заштита на планетата.
• Слезете порано: Ако имате време, слезете неколку станици порано од автобусот и прошетајте го остатокот од патот. Тамам ќе ја освежите мислата пред да започнете со работа.
• Внесете натпреварувачки дух: Натпреварувањето со пријатели или семејството може да помогне да останете мотивирани кога ќе посакате да се откажете од вашите цели. Малку пријателска конкуренција ќе го направи процесот повозбудлив.

Колку изнесуваат 10 000 чекори?

10 000 чекори се приближно еквивалентни на пешачење осум километри, во зависност од должината на чекорот, брзината на одење и висината.
Ако сакате да ги направите сите 10 000 чекори одеднаш, ќе ви треба околу еден час и четириесет минути пешачење.

The post 10 илјади чекори дневно appeared first on Аптеки PlusPharma.

Сенилната макуларна дегенерација е најчеста причина за губење на видот во индустријализираните земји. Претставува заболување кое го зафаќа центарот за јасен вид, односно макулата. Точните причини за нејзиното настанување сѐ уште не се разјаснети, но се одредени некои ризик-фактори кои влијаат врз нејзиното појавување, а тоа се: возраст (најчесто се јавува над 55 години), бела раса (кај луѓето со бела кожа се јавува многу почесто), наследност (доколку некој во семејството имал макуларна дегенерација, зголемена е веројатноста да се пренесе на децата), пушење (го зголемува ризикот за макуларна дегенерација за двапати), покачен крвен притисок (хипертензија), нездрава исхрана (висок внес на масти, а мал внес на зелени растенија, витамини и здрави масти), претходна хирургија на очите (катаракта и сл.), светла боја на очите (светлите очи се поосетливи на штетните зраци), долготрајна изложеност на сонце (луѓе кои работат во надворешни услови) и др.

Постои во две форми, сува и влажна форма, од кои првата се лекува со суплементи, а втората, која води до трајно оштетување на видот, се лекува со терапија, најчесто со интраокуларна апликација на лекови.

Дали може да се превенира?

Првично, добро е да се избегнуваат погоре наведените ризични фактори, а она што може да помогне во ублажување и спречување на прогресија на болеста е внесот на антиоксиданти.

Правени се студии (AREDS1 и AREDS2) кои укажуваат дека земањето високи дози антиоксиданти, како витамини и минерали, значајно го намалуваат ризикот за прогресија од сува во влажна форма, а со тоа и зачувување на видната острина. Препораката е сите луѓе над 55 години, особено оние со ризик-фактори, да имаат редовни офталмолошки прегледи и редовно да примаат суплементи.

Кои суплементи се важни за превенција на макуларна дегенерација?

Добро е да се земаат витамин Е, витамин Ц, цинк со бакар, витамин А и бета-каротен, но да се внимава на дозите, особено со цинкот и каротените. Понатаму, лутеин и зеаксентин, кои што за 26 % го намалуваат ризикот за појава на дегенерација, за разлика од пациентите кои немале доволен внес на овие суплементи.
Додавањето oмега-3 масни киселини уште повеќе го подобрува дејството. Омега-3 масните киселини, како што се EPA (Eicosapentaenoic acid) и DHA (Docosahexaenoic acid), имаат силни антиинфламаторни својства. Намалувањето на воспалението може да помогне во заштита на макулата од оштетување. DHA е особено важна за структурата на клетките во мрежницата.

Содржината на DHA во мрежницата помага во одржување на здравјето на видните клетки и може да ја подобри функцијата на видот. Неколку студии сугерираат дека луѓето кои консумираат поголеми количини омега-3 масни киселини имаат помал ризик од развој на старечка макуларна дегенерација. Исхраната богата со риба и со морски плодови е поврзана со подобри резултати во здравјето на очите.
Омега-3 масните киселини често се комбинираат со антиоксиданти (како витамините C и E) за да се зајакне заштитата од оксидативен стрес, кој е клучен фактор во развојот на AMD.

Чекори на превенција:

1. Здрава исхрана и внес на витамини, особено:

• Омега-3 масни киселини: Вклучете риба (особено масна риба) во вашата исхрана и витаминска суплементација
• Антиоксиданти: редовно консумирање на овошје и зеленчук, особено спанаќ, кељ и моркови
• Витамини и минерали: витамините C и E, цинк и лутеин/зеаксантин се важни за одржување на здравјето на очите.

2. Контрола на телесната тежина

• Одржувањето здрав индекс на телесна маса помага во намалување на ризикот од развој на AMD.

3. Редовни прегледи на очите

• Посетувајте офталмолог редовно, особено ако имате семејна историја на старечка дегенерација. Раното откривање е клучно.

4. Заштита од УВ-зрачење

• Носете очила за сонце со УВ-заштита за да ги заштитите очите од штетното УВ-зрачење.

5. Откажување од пушењето

• Пушењето е значаен ризик-фактор за AMD. Ризикот за појава на дегенерација кај пушачите е двапати поголем. Откажувањето од пушење може значително да го намали ризикот.

6. Физичка активност

• Редовната физичка активност помага во подобрување на циркулацијата и општото здравје, што може да придонесе за здравјето на очите.

7. Контрола на хипертензија и на дијабетес

• Контрола на хроничните состојби, како што се високиот крвен притисок и дијабетесот, е важна за здравјето на очите.

Може да се заклучи дека превенцијата на старечка макуларна дегенерација вклучува комбинација на здрави животни навики и редовно следење на состојбата на очите кај офталмолог. Кај постарите луѓе се препорачуваат редовни годишни прегледи, а кај пациентите со ризик двапати годишно.
д-р Маја Иванова Цеков
специјалист офталмолог во Европска очна болница

The post Како да го зачуваме видот со годините? appeared first on Аптеки PlusPharma.

Од цвет до масло во мало шишенце… КАКО?

Етеричните масла се добиваат со дестилација, а Индијците биле меѓу првите кои го користиле овој метод на одземање на „душата“ на растението – неговиот мирис и нектар. За да се добијат само неколку капки етерично масло, потребна е голема количина ливчиња, гранчиња, смола, па дури и корен од растението. Но, тие неколку капки не само што се решение за повеќе типови болка, туку со нивното разблажување (со неутрални масла како бадемово, сончогледово, маслиново) се добива вистински корисен лек.

Важно е да знаете дека маслото не смее да се користи неразредено, во спротивно ризикувате да се здобиете со изгореници, алергиски реакции, мачнина, вртоглавица, па дури и труење.

Етеричните масла стасуваат до органите преку крвотокот, враќајќи ја хармонијата во критичните точки. Основни трансмитери се носот и кожата. Но, маслото нема да има ефект доколку пациентот не ужива во неговиот мирис. Сепак, добро е што секогаш постои заменски мирис со истото дејство.

Етеричното масло можете да го купите готово, но можете и сами да го подготвите. Најпрво треба да откриете кои масла се наменети за вашиот проблем, а потоа можете сами да ја направите мирисната комбинација.

Во едно шишенце, со пипета, ќе капнете по 10 капки од секое масло. Обично не треба да се мешаат повеќе од 5 различни масла. Тие капки ќе ги помешате со базично масло што најмногу ви одговара. Ако имате нормална или сува кожа, послужете се со маслиново масло како основно; за оние со масна кожа е посоодветно сончогледовото. Ваквиот маслен раствор ќе ви служи навистина долг период, бидејќи при еден третман не смеете да користите повеќе од 10 капки, во спротивно ќе добиете главоболка.

Од масло до хармонија… КАКО?

Постојат 4 методи преку кои можете да уживате во благодатите од растенијата преточени во масло:

Ароматична купка

Се применува при болки во мускулите или зглобовите, пореметена циркулација, замор, несоница, стрес, депресија. Наполнете ја кадата со вода и капнете 10-тина капки од етеричното масло. Освен преку кожата, полезното дејство на маслото ќе го осетите и преку респираторниот систем. Ако сте во брзање и имате во план брз туш, капнете на сунѓерот 4-6 капки масло и тријте ги на кожата (не мора да користите сапун).

Аромакомпресија ( мирисни облоги)

Се применуваат при болки во мускулите и во зглобовите, при отоци и главоболки. Натопете чиста газа во ладна вода ако треба да третирате отоци, или топла вода за болки во мускули и коски, во која претходно ќе капнете 6 капки масло. Бидете трпеливи и оставете ги облогите да делуваат барем еден час.

Ароматични инхалции

Се применуваат при проблеми со дишењето, астма, затнат нос. Доволно е само да го отворите шишето и да вдишете од мирисот или да капнете неколку капки масло во распрскувач со вода и да ја освежите просторијата. Ароматичните масла се користат на ист принцип како кога правите инхалација со пареа од камилица.

Ароматична масажа

Се применува при депресија, тага, лошо расположение, а делува врз секоја болест од причина што продира длабоко во кожата и носи брзи резултати. Маслото за масажа се подготвува на тој начин што во 10 мл неутрално масло се капнуваат 5 капки од избраното етерично масло. Со нежни движења и повремен благ притисок на болното место, болката поминува.

Капка масло за секој дел од телото!

Мирисен лек против болки во мускулите и во зглобовите: бергамот, лаванда, ѓумбир, рузмарин, камилица.
Справете се со сезонските вируси и настинки со помош на масло од лимон, лаванда, гераниум, бибер, еукалиптус. Добро ќе им дојдат и на луѓето што патат од алергии.
Во случај кашлицата да не сака да си замине, наместо антибиотици, направете инхалација со сандалово масло, лаванда, темјан, бор, елка или гераниум.

Ароматичната купка треба да биде задолжителна за жените што често се изложени на вагинални инфекции. Камилицата, кедарот, чемпресот, темјанот, боровницата, рузмаринот, освен што се одлични диуретици, ги облажуваат циститисот и кандидата.

Променливото расположение често е резултат на хормоните, особено за време на ПМС. За да воспоставите хормонска рамнотежа, набавете масло од: нероли, чемпрес, лаванда, иванско цвеќе, лимон, бор, камилица.

Етеричното масло од босилок, рузмарин, мента и лимон ги подобрува мисловната активност и концентрацијата.

И при најмал стрес, први страдаат нервите. За нивно зајакнување одговорно е маслото од камилица, лаванда, мелиса, рузмарин.

За снижување на крвниот притисок дишете масло од лимон, лаванда, мајоран, иванско цвеќе.

Лошото варење е честа причина за вишокот килограми. Но, затоа тука се биберот, ѓумбирот, лавандата, лимонот, нането и боровницата.

Бактериостатски ефект имаат еукалиптус, боровница, лаванда, рузмарин.

Лузни, повреди, модрици, оток… облогите од камилица, лаванда, мирта и чајевац се докажан лек за заздравување на секаков тип рани.

По оперативен зафат, на ткивото му е потребно време за да се регенерира. Благата масажа со лаванда, мирта и темјан го забрзува ваквиот процес.

The post Лекувајте се со аромите на природата appeared first on Аптеки PlusPharma.

Распространетост: Овчите сипаници се широко распространети низ целиот свет и се една од најчестите детски болести. Се проценува дека пред воведувањето на вакцината, речиси секое дете ја имало оваа болест пред да наполни 15 години. Со воведувањето на вакцината, бројот на случаи значително се намали во многу земји. Најголем број на случаи се регистрирани во текот на зимските и пролетните месеци.

Симптоми на овчите сипаници

1. Почетна фаза: Блага температура, Течење на носот, Блага кашлица
2. Развој на осипот: Србежлив, пликовиден осип кој започнува на градите и лицето, а потоа се шири. Пликовите можат да се појават во бранови, со нови дамки кои се појавуваат додека старите преминуваат во красти. Во тешки случаи, пликовите можат да се појават во ушите, устата и на капаците
3. Фаза на красти

Пликовите преминуваат во красти и паѓаат за 10-14 дена.

Предупредувачки знаци за консултација со лекар:

• Температура која трае повеќе од 4 дена или се зголемува над 39°C
• Силна кашлица или тешкотии со дишењето
• Осип од кој тече гној или станува црвен, топол, отечен или болен
• Силна главоболка, необична поспаност, тешкотии со будење, чувствителност на светлина, тешкотии со одење, конфузија, силна болест, повраќање или крут врат

Заразност и јавни мерки за заштита

1. Училишта и градинки: Информирајте ги институциите и држете ги децата дома додека пликовите преминат во красти. Координирајте се со наставниците за секој поединечен случај
2. Јавни места: Избегнувајте игралишта, базени и јавни места за да спречите ширење на вирусот, особено кај бремени жени или луѓе со ослабен имунитет
3. Капење: Брзи туширања или бањи во млака вода можат да го олеснат србежот. Избегнувајте топла вода и долги бањи
4. Летање: Децата со овчи сипаници обично не се дозволени да летаат додека не се потполно закрепнати поради ризикот од ширење на вирусот преку вентилациските системи на авионите

Лекување и олеснување на симптомите

Потребна е изолација и мирување со спроведување на симптоматска, а по потреба и антибиотка терапија. Исхраната треба да биде млечна и вегетабилна, а се препорачува и внесување на пообилни количини на овошје и зеленчук со цел да се внесат поголем број на витамини во организмот. Да се започне со засилување на имунитетот со инозин, бетаглукани, пробиотици, цинк и високи дози витамини Ц, Д и Б.

• Kidnsner Пена за сипаници со ефект на ладење : Обезбедува ефикасно олеснување на сврбежот без иритација на пликовите. За подобар ефект на ладење, складирајте го во фрижидер пред употреба.

Дополнителни совети:

• Држете ги децата подалеку од сонце за да го намалите чешањето
• Кратете ги ноктите и покријте ги рацете и нозете преку ноќ за да спречите гребење
• Облекувајте ги децата во лесна, проветрена облека
• Обрнете посебно внимание на хигиената и обезбедете многу нега и љубов
• Избегнувајте употреба на НСАИЛ како ибупрофен а аспиринот исто така е контраиндициран кај деца до 18 години бидејќи е поврзан со ризик за развој на Рејев синдром (оштетување на мозокот и црниот дроб со висока стапка на морталитет)

  Др. Сандра Јовановска
  Доктор по општа медицина

The post Овчи сипаници appeared first on Аптеки PlusPharma.

Симптоми и третман

Грипот лесно се шири меѓу популацијата преку кaшлање или кивање. Симптомите на грип вклучуваат акутен почеток на треска, кашлица, болки во грлото, болки во телото и замор.
Третманот треба да има за цел да ги ублажи симптомите. Пациените заболени од грип треба да се одмораат и да пијат многу течности. Повеќето пациенти сами ќе закрепнат во рок од една недела. Медицинска нега може да биде потребна во тешки случаи и за пациентите со фактори на ризик.

Ризични групи

Популацијата со поголем ризик од потешки состојби или компликации кога се заразени со вирусот на грип се бремените жени, децата под 5-годишна возраст, постарите луѓе, лицата со хронични медицински состојби (како што се хронични срцеви, белодробни, бубрежни, метаболички, невропрогресирачки заболувања, заболувања на црниот дроб или хематолошки заболувања) и лица со имуносупресивни состојби/третмани (како што се ХИВ, кои примаат хемотерапија или стероиди или се заболени од малигни заболувања).
Лекарите и здравствените работници се изложени на висок ризик од инфекција со вирусот на грип поради зголемената изложеност на пациентите, но и за натамошно ширење, особено на ранливите поединци. Вакцинацијата може да ги заштити здравствените работници и лицата околу нив.

Епидемиите може да резултираат со голем број отсуства од работните места и од училиштата, а со тоа и губење на продуктивноста. Клиниките и болниците може да бидат преоптоварени во периодите на пик на болеста.

Превенција

Вакцинацијата е најдобриот начин за спречување на грип.

Безбедни и ефективни вакцини се користат повеќе од 60 години. Имунитетот од вакцинација исчезнува со текот на времето, затоа се препорачува годишна вакцинација за заштита од грип.

Вакцинацијата е особено важна за популацијата со висок ризик од компликации од грип и нивните здравствени работници.

Вашиот матичен лекар може да Ви даде повеќе информации и да Ви закаже термин за вакцинација.

Други начини за спречување на грип

Редовно мијте ги рацете, покријте ги устата и носот кога кашлате или кивате, правилно отстранете ги користените марамчиња, останете дома кога се чувствувате лошо, избегнувајте близок контакт со болни лица, избегнувајте да ги допирате очите, носот или устата.

The post Сезонски грип appeared first on Аптеки PlusPharma.

Во живописниот свет на овошјето и зеленчукот, виолетовата храна често се издвојува како визуелно впечатлива и хранлива. Од живописна виолетова зелка до богати боровинки и егзотични бобинки од акаи, овие намирници содржат моќни здравствени придобивки. Но, што ја прави виолетовата храна толку посебна?

Роберт Ортиз, главниот готвач во перуанскиот ресторан Lima (Централен Лондон) на своите гости им служи Chica Sours – темноцрвен коктел, богат со антоцијани, направен од виолетова пченка (chicha morada) која во неговиот роден Перу со векови се смета за исклучително здрав пијалак.

„Луѓето во Перу веруваат дека еден ваков коктел во денот е неопходен за крвниот притисок“, вели Ортиз. „Го контролира апетитот и содржи висок процент на антиоксиданти.“
Денес, овој готвач ја има и науката на своја страна за да го докаже она што години наназад го тврдат жителите на Перу: антоцијаните, компоненти кои им ја даваат живописната боја на црвените, сините и виолетови намирници, се дар од природата за целокупното здравје на човекот.

СРЕЌНО СРЦЕ

Студиите покажуваат дека антоцијаните имаат заштитна улога во однос на дијабетес тип 2, деменција и висок крвен притисок. Тоа се должи на антивоспалителните компоненти што ги ослободуваат антоцијаните и кои од своја страна ги одржуваат здрави крвните садови. Професорката Аедин Касиди, нутритивен истражувач од универзитетот East Anglia’s Norwich Medical School, покажа дека антоцијаните можат да го намалат ризикот од срцев удар за 32 %.
Во студијата која траела цели 24 години, таа заедно со колегите од „Харвард“ ги споредувале податоците на 93 600 жени на возраст помеѓу 25 и 42 години и дошле до заклучок дека оние кои консумираат три или повеќе оброци неделно во кои има вклучено боровинки и јаготки, значително го намалиле ризикот од удар.
„Антоцијаните го зголемуваат нивото на азот-оксид, кој ја одржува флексибилноста на крвните садови, а со тоа индиректно влијаат на циркулацијата“, објаснува професор Касиди.

ВИТКА ФИГУРА

Професорката Касиди ги објави резултатите од 24 годишниот проект во кој биле набљудувани 124 000 луѓе. Според заклучоците, оние што внесувале само неколку порции антоцијани во неделата, успеале да ја одржат, па дури и да ја намалат телесната тежина во однос на оние кои истото го практикувале само еднаш месечно и помалку, дури и факторите како диета и ниво на активност биле земени предвид.

„Во пораст се доказите дека антоцијаните влијаат на крвниот притисок и нивото на холестерол, но сѐ досега многу малку се знаеше за нивното влијание во однос на тежината“, вели професорката. Многу е тешко да се открие ефектот на компонентите, па сѐ уште не е јасно дали антоцијаните влијаат на апетитот или едноставно им алармираат на бактериите во стомакот. Но, сето она што е откриено, делува: консумирањето на само 10 милиграми антоцијани води до минус 7-100 килограми што би се стекнале во период од 4 години. Една порција боровинки содржи 121 милиграм антоцијани, 11 пати поголема количина во однос на онаа од истражувањето. Што значи консумирајте ги без граници! Професор Касиди и нејзиниот тим во моментов се обидуваат да го дефинираат оптималното ниво што би довело до намалување на тежината.

Нивната цел не е да пласираат нова диета со која ќе се опседнат луѓето ширум светот, туку да ги поттикнат да внесат барем една виолетова порција во денот без разлика на режимот. „Ова не е магична пилула, ако истовремено јадете многу боровинки, а при тоа не се откажете од благото, нема да го неутрализирате шеќерот“, предупредува таа.
„Од друга страна и понатаму треба да го земете предвид природниот шеќер“, предупредува диететичарот Сијан Портер од Британската асоцијација за диететика. Модрите сливи можеби не толку, но не смее да се потцени шеќерот што го содржи црното грозје.

Можете да го намалите гликемискиот индекс преку антоцијаните во зеленчукот, како модар патлиџан, виолетова брокула и виолетов кељ. Но, постојат неколку правила што мора да ги запазите кога готвите виолетова храна. Најважно од сѐ, не лупете го зеленчукот – антоцијаните генерално се присутни во лушпата. Исто така, не варете ги. Како витаминот Ц, овие хранливи материи се растворливи во вода.

Кога ќе ставите виолетова брокула да се вари, ќе забележите дека целата вода ќе се обои. Тоа е цела количина антоцијани потрошена залудно. Готвењето на пареа или печењето е подобра опција. Ако е неопходно да ги сварите, правете го тоа во што е можно помалку вода и на крај зачувајте ја за сос. Кога пазарите виолетови зеленчуци, бирајте ги најтемните, најбогати и најколоритни варијанти. Бојата е најдобриот показател при изборот.

ОСТАР ВИД

Антоцијаните помагаат да се заштитат очите од оксидативно оштетување предизвикано од слободните радикали и можат да го подобрат видот со поддршка на циркулацијата на крвта во мрежницата. Редовното консумирање на виолетова храна, како што се капини и боровинки, може да помогне да се намали ризикот од макуларна дегенерација и катаракта, поврзана со возраста.

МОЗОЧЕН ФОКУС

Истражувањата сугерираат дека антиоксидансите во виолетовата храна можат да помогнат во заштитата на мозокот и да ги подобрат меморијата и когнитивната функција. Откриено е дека антоцијаните ја подобруваат комуникацијата помеѓу мозочните клетки и штитат од невродегенеративни состојби.

ВИОЛЕТОВ АЛАРМ

Нека не ве залажува цвеклото. Иако е богато со низа други хранливи материи, неговата боја не се должи на антоцијаните.

The post Виолетова храна appeared first on Аптеки PlusPharma.

Стресот може да го дефинираме како една физичка, физиолошка и психолошка реакција на организмот која е резултат на одреден стресор (дразба) која може да биде од различно потекло. Стресорите најчесто се од психолошка природа и се непријатни како конфликти со други луѓе, промена на работно место, губење на блиска личност, финансиски проблеми, губење на работно место, болест и нарушено здравје, прекин на емоционална врска и др., но и пријатни настани кои се случуваат ненадејно и ја ставаат личноста во неизвесност и со неможност за соодветен одговор кон самата ситуација.

Човечкиот организам одговара на стресот со активација на автономниот нервен систем, оската хипоталамус-хипофиза-надбубрежна жлезда и лачење на стрес хормоните кортизол и адреналин кои се одговорни за бројните симптоми кои се појавуваат при стрес. Мал стрес може да биде корисен, подобрувајќи ги спортските перформанси, мотивацијата, побрзо мислење и решавање проблеми, реакциите на една личност кон настаните во околината. Но, долготрајната изложеност на стрес особено со зголемен интензитет може да доведе со сериозни здравствени проблеми како депресија, анкиозност, кардиоваскуларни, гастроинтестинални, мускулноскелетни, невролошки болести, сексуална дисфункција, менструални проблеми кои значително го нарушуваат квалитетот на животот на човекот.

Силната врска помеѓу нашиот ум и нашето тело може да ја увидиме токму преку влијанието на стресот врз нас.

Стресот има повеќе лица, многу е важно да направиме една дистинкција на симптомите, соодветна проценка дали стресот е одговорен за нивната појава или е нешто повеќе од тоа, бидејќи многу симптоми кои вообичаено се препишуваат на други состојби, можат да значат и некакви здравствени проблеми.
Физички: ицрпеност, главоболка, изнемоштеност, недостиг на енергија, мускулна вкочанетост и тензија, болки во грб, вознемирен стомак, тахикардија, замор, сува уста;
Емоционални и когнитивни: намалена концентрација, загрижност,лоши мисли, лошо расположение, иритабилност, несоница, неорганизираност,фрустрираност и демотивација;
Бихејвиорални: алкохолизам , употреба на дрога, социјална изолација, промена во апетитот, отсуства од работа и др.
Клучен елемент е личното доживување т.е интерпретацијата на стресогениот фактор и самиот стрес. Две различни индивидуи различно реагираат на еден ист стресоген фактор, кај некој може да доведе до бурна реакција, а кај друг нема да се појави ни загриженост.

Како да го менаџираме стресот?

Ефикасното справување со стресот води до поизбалансиран, попродуктивен и поздрав налин на живот и воспоставување на емоционална рамнотежа. Тоа може да се постигне преку идентификација на стресогените фактори, вежбање ( возење велоспиде, трчање, јога), здрава исхрана и редовни оброци, добри навики на спиење од 8 часа, добро менаџирање на времето и обврските, минување време со личности кои прават да се чувствувате пријатно и безбедно и сл.

Но, понекогаш сите овие техники не се доволни и организмот ги надминува своите капацитети и одбрамбени механизми за адаптација констресот. Во тие моменти е потребна фармаколошка терапија. Повеќето фармаколошки препарати било да се на природна основа, комбинации на витамини или лекови како анксиолитици и антидепресиви, вообичаено се фокусирани кон еден или неколку симптоми на пример само кон физичките симптоми или само кон психолошките симптоми. Еден идеален фармаколошки препарат би бил оној кој би имал двоен ефект како на физичките така и на психичките симптоми про стрест, би имал безбеден профил и без несакани ефекти. Препарат кој во својот состав има екстракт од растението Rodiola rosea, чија активна супстанца е salidrozide, кое делува како адаптоген, може да ги задоволи овие услови и за кој постојат бројни студии ,има способност да ги нормализира фукнциите во телото, да ги зајакне системите афектирани од стресот и да ја зголеми отпорноста на организмот кон стресот, исцрпеноста и слабоста. Тоа го прави преку нормализирање на синтезата на кортиозол.

Постојат бројни клинички студии во кои се покажала ефикасноста, добрата толеранција и безбедност на овој екстракт. Се покажало клинички значително подобрување на менталната способност, работните перформанси, вниманието, намалување на умерената аксиозност при терапевтскиот третман од 4 недели.

Со оглед на тоа што стресот е нашиот вечен сопатник, потребно е да направиме една добра комбинација на ‘терапија’еден траен начин за негова контрола преку промена на животните навики и употреба на фармаколошки третман доколку е потребно, се со цел да се избегне негативното влијание на стресот врз нашиот организам.

The post Стрес….стрес….стрес appeared first on Аптеки PlusPharma.

Есенцијалниот тремор (ЕТ) е чест клинички синдром кој се карактеризира со акциски тремор што ги зафаќа двата горни екстремитети, што може да го загрози извршувањето на рачните задачи и да ги наруши функционалните и социјалните перформанси.

Ендоканабиноидниот систем (ECS) контролира низа суштински физиолошки процеси, вклучувајќи ги моторните функции и движењето. Бидејќи треморите се мускулни движења кои вклучуваат ритмичко нишање напред-назад.

Научниците веќе подолго време ги испитуваат здравствените придобивки од CBD, со големи напори за истражување за тоа како CBD може да влијае на треморите.

Примарниот фармаколошки третман е симптоматски, но ефективни лекови се малку ограничени. Постои јасна потреба да се најдат нови ефективни терапии за третман на ЕТ. Канабидиолот (CBD) е модулатор на CB1 рецепторот и CB1 агонистите можат да го намалат треморот во експерименталните модели. Претпоставивме дека еден акутен внес на CBD ќе го намали треморот кај пациентите со ЕТ.

Вообичаени причини за тремор

Треморот може да биде предизвикан од различни фактори, од невродегенеративни болести до анксиозност, оштетување на мозокот, стареење и симптоми на повлекување од зависност.

Почесто треморите се предизвикани од невролошки нарушувања во мозочните региони кои го контролираат движењето. Условите кои ги уништуваат или деградираат мозочните клетки, како што се Алцхајмерова болест, Паркинсонова болест или мозочен удар, може да предизвикаат тремор.

Сепак, тие можат да се појават и како резултат на повлекување на лекот или како несакан ефект на одредени лекови. Тремор често се појавува за време на стресен настан кога лицето поминува низ анксиозност.

Привремените потреси не се алармантен знак, а хроничните епизоди може да укажуваат на сериозна болест која бара медицинска помош.

Ендоканабиноидниот систем (ECS) контролира низа суштински физиолошки процеси, вклучувајќи ги моторните функции и движењето. Бидејќи треморите се мускулни движења кои вклучуваат ритмичко нишање напред-назад.

За возврат, ова сугерира дека ECS може да биде терапевтска цел за луѓето кои бараат ефикасно управување со треморот.

Маслото CBD е модулатор на ECS, но дали може да помогне при тремор?

Оваа статија истражува како CBD влијае на треморите и што вели науката за нејзиниот терапевтски потенцијал во оваа тема.

Дали CBD маслото помага при треперење на рацете?

Како што споменавме, CBD комуницира со ECS, кој е широк систем на рецептори и невротрансмитери кои работат на одржување на хомеостазата помеѓу основните телесни функции – вклучувајќи го и движењето на мускулите.

Кога CBD ги регулира овие рецептори, произведува релаксирачки и антиспазмодични ефекти, а исто така може да го блокира ослободувањето на проинфламаторни протеини за кои е познато дека го оштетуваат нервниот систем. Преку овие патеки, CBD може да ги олесни симптомите на тремор и ефикасно да делува како невропротектор.

Една студија на глувци покажа дека CBD дава супериорни резултати во олеснување на тремор без да покаже никакви несакани ефекти опасни по живот или да предизвика оштетување. Авторите, исто така, одредуваат кои рецептори може да бидат вклучени во овие ефекти, сугерирајќи дека CBD се поврзува со рецепторот 5-HT1A за да спречи тремор преку активирање на рецепторот TRPV1.

Ефекти на CBD маслото врз треморите од Паркинсонова болест

Како што беше споменато претходно, треморите генерално произлегуваат од невродегенеративни болести, како што е Паркинсоновата болест (ПД). Ова неповратно нарушување на централниот нервен систем предизвикува луѓето да доживеат нарушено држење на телото, неконтролирани движења на мускулите, крути мускули и треперење.

Во моментов, најефективниот лек за справување со ПД е леводопа (l-DOPA). Сепак, долготрајната употреба на леводопа може да доведе до l-DOPA-индуцирани дискинезии (LIDs), кои се форма на неволни мускулни движења. Овие несакани ефекти ги поттикнаа истражувачите да истражуваат алтернативни стратегии за третман, а една ветувачка авенија е ендоканабиноидниот систем (ECS). ECS игра витална улога во невромодулацијата на базалните ганглии (BG), збир на субкортикални структури одговорни за регулирање на движењето. Дисфункцијата во БГ е клучна карактеристика на ПД и влијае на ГАБАергичните, глутаматергичните и допаминергичните нервни мрежи.

Во последниве години, канабидиолот (CBD), непсихотропен фитоканабиноид добиен од Cannabis sativa L., привлече значително внимание за неговите потенцијални терапевтски придобивки во управувањето со ПД. CBD е познат по своите компензаторни ефекти врз ECS и неговата улога како невромодулатор и невропротектор. Студиите покажаа дека CBD не ја влошува моторната функција и може да ги намали вкупните резултати на Унифицираната скала за рангирање на Паркинсоновата болест, вообичаена алатка за проценка на ПД. Покрај тоа, не беа забележани негативни ефекти за време на третманот со CBD, што е значајна предност во потрагата по подобрено управување со ПД.

Во 2015 година, Neurotherapeutics објави студија која ја испитуваше ефикасноста на медицинскиот канабис за симптоми на ПД, заклучувајќи дека поголемиот дел од испитаниците покажале значителни подобрувања на крајот од третманот.

Пациентите од Центарот за нарушување на движењето во Прага, исто така, пријавија подобрен квалитет на живот поради значително олеснување на симптомите по употреба на канабис.

Како што е кажано, медицинскиот канабис не е ист како маслото CBD добиено од коноп. Првиот може да содржи поголеми количини на THC на врвот на CBD и други канабиноиди, додека вториот доаѓа само со 0,3 % THC или помалку – што значи дека ефектите од CBD маслото добиено од канабис не може да се реплицираат со екстракти добиени од коноп.

CBD масло за тремор на постари лица

Потребни се повеќе студии за да се утврди дали CBD може да се користи како монотерапија за управување со тремор и други симптоми кај постарите лица и пациентите со ПД.
Сепак, некои невронаучници признаваат дека CBD може да дејствува како невропротектор кој помага при ПД. Една студија објавена во Британското фармаколошко друштво спомна дека CBD може да ја модулира невротрансмисијата и да ја поттикне неврогенезата (формирање нови мозочни клетки).
Овие ефекти беа тестирани како монотерапија и во комбинација со други канабиноиди кај пациенти со Хантингтонова болест, мултиплекс склероза и Паркинсонова болест.

Други видови тремор за кои може да помогне маслото CBD

Стареењето и невродегенеративните нарушувања се само две причини за тремор со кои CBD може да помогне. Но, дали може да ги ублажи и треморите предизвикани од стрес или повреди на мозокот?

CBD масло за тремор на анксиозност

Во една неодамнешна студија објавена од Журналот за психофармакологија, авторите откриле дека CBD ја намалува анксиозноста и амплитудата на тремор кај пациентите со ПД. Истражувачкиот тим користел доза од 300 mg CBD/ден, што обезбедило значителни придобивки за отчукувањата на срцето, крвниот притисок и зачестеноста на треморите кај испитаниците.

Научниците забележале и намалување на треморите поврзани со анксиозност за време на симулираниот тест за јавно говорење.
Други студии имплицираат дека CBD може да има терапевтски придобивки за луѓето со анксиозни нарушувања и невропсихијатриски состојби.

CBD масло наспроти тремор на оштетување на мозокот

Студија на животни од Pharmaceuticals покажа дека CBD може позитивно да влијае на регенерацијата на мозокот по повреда и исхемичен мозочен удар (предизвикан од блокирање на протокот на крв).

Студијата покажа дека CBD врши невропротективни дејства и помага во поправка на комуникацијата помеѓу невроните во мозокот. Истражувачите давале 3 mg/kg CBD дневно на глувци со церебрална исхемија – известувајќи за подобрена моторна координација и невролошки резултати.

Авторите заклучија дека повеќе истражувања ќе помогнат да се утврди клиничката вредност на CBD за повреди на мозокот и мозочен удар.
Научниците веќе подолго време ги испитуваат здравствените придобивки од CBD, со големи напори за истражување за тоа како CBD може да влијае на треморите.

The post CBD Масло, помош при тремор appeared first on Аптеки PlusPharma.

Нашата цел, како медицинари, а воедно и нашето внимание е насочено кон зачувување како на физичкото, така и на менталното здравје. Горенаведените фактори се одразуваат на квалитетот на животот на една индивидуа, па баш поради тоа нашиот фокус е да го подобриме, одржиме или продолжиме квалитетното живеење, а воедно да се посветиме и на концентрацијата и на памтењето како составен дел од дефиницијата за квалитетен живот. Во секојдневната практика, пациентите доаѓаат и бараат препарат кој ќе ги задоволи сите нивни потреби, од подобрување на когнитивните способности до подобрување на интелектуалните перформанси, а пред сѐ за подобрување на концентрацијата и меморијата.

Деменцијата, како една состојба поврзана со денешната тема, би ја дефинирала како сериозна загуба на способноста за осознавање на една претходно здрава личност. Оваа состојба не е единечна болест, туку претставува неспецифичен синдром (т.е. збир на знаци и симптоми) во кој оштетени делови од осознавањето може да бидат меморијата, вниманието, способноста за учење, размислувањето, задржување на сеќавањето или потсетување на некое искуство од минатото, како и промена на начинот на размислување, чувствување и работење. Функцијата на мозокот е доволно засегната за да влијае врз нормалниот општествен или работен живот на лицето. Обележје на деменцијата е неспособноста да се вршат секојдневните активности како последица на намалените спознајни способности.

Постојат неколку форми на деменцијa

Алцхајмерова болест, васкуларна деменција, фронтотемпорална деменција итн…Од основна важност е ова заболување да се утврди медицински во раната фаза, кога првпат ќе се појават знаците, а раното утврдување на заболувањето ќе значи и ран пристап до поддршка, информации и лекови. Има поголем број здравствени состојби што даваат симптоми слични на деменцијата. Тие состојби честопати може да се лекуваат или да се супримираат, со цел подобрување на општата здравствена состојба на пациентите. Засега нема лек за повеќето облици на деменција, меѓутоа установено е дека некои лекови може да ги намалат некои од знаците на болеста.

Smart plus на Advancis е препарат кој би го издвоила, како суплемент, за третман на овие состојби. Претставува засилена формула на база на
L-arginine, бакопа, омега-3 и витамини од групата Б. Тоник за мозокот, кој претставува значајна помош во периоди на висока интелектуална побарувачка и во зајакнување на когнитивната функција кај децата, возрасните и постарите лица.

Би посветила малку внимание на една состојка содржана во овој препарат. Тоа е бакопа (Bacopa monnieri), која во ајурведската традиционална медицина се користела како „тоник за мозокот“. Ова растение најчесто се користи во Индија. Помага во зачувување на меморијата и подобрување на когнитивната функција, помага при анксиозност, го намалува воспалението, содржи моќни антиоксиданси, помага да се намалат симптомите на АДХД (Attention-deficit/hyperactivity disorder – Нарушување на хиперактивност со дефицит на внимание), помага во намалување на крвниот притисок, и сл. Препарати од ова растение се користат за подобрување на когнитивните функции.

Претставува ефикасен препарат кој поддржува одржување на нормалната циркулација на крвта во мозокот, помага во подобрување на функцијата и преносот на сигналите низ невроните, подобрува ментални (когнитивни) перформанси, подобрува меморија, несоница, а делува и како анксиолитик. Конкретно екстрактот од бакопа го подобрува примањето на електрични импулси, односно сигнали со информации, и овозможува подобрен пристап до мемориските центри, поефикасно поврзување, преземање и обработување на складираните информации, што резултира со подобра меморија. Поради своите адаптивни и стимулативни регенеративни процеси, билката може да се користи како помошно средство за закрепнување. Го поддржува нервниот систем, ги намалува проблемите со спиењето, ги подджува меморијата и концентрацијата за време на умствениот напор, а се препорачува при несоници, главоболки, оштетување или губење на меморијата, при голем ментален стрес итн. За ординирање на оваа, и која било терапија, секако, е потребна консултација со вашиот лекар.

Покрај основната терапија кај пациентите со деменција, препарати на база на оваа билка можат да се користат како суплементарна терапија, за подобрување и намалување на симптомите. Воедно, поддршката е од особена важност за луѓето со деменција, а помошта од семејствата, пријателите и негувателите може да придонесе за полесно справување со оваа состојба.

The post Улогата на бакопа кај деменцијата appeared first on Аптеки PlusPharma.

Менопаузата е физиолошка промена не само на ендокриниот систем, туку и на целото тело на жената. Постои намалување на нивото на андрогени кај овие жени заедно со намалување на нивото на циркулирачкиот естроген. Ендогените нивоа на естроген се клучни за одржување на хомеостазата на окуларната површина кај жените во постменопауза. Суво око повеќе се јавува кај жените во постменопауза во споредба со мажите на таа возраст.

Површината на окото се состои од меѓусебно поврзани ткива со епителен континуитет. Се состои од рожницата, конјунктивата, солзната жлезда, помошните солзни жлезди, трепките, жлездите лоцирани во близина на трепките (Moll-ови и Zeis-ови), очните капаци вклучени во рефлексот на трепкање и назолакрималниот канал. Сите овие структури имаат континуиран епителен слој што се шири низ површините на рожницата, конјунктивата, жлездните структури и назолакрималниот канал. Овој епителен слој има единствено развојно потекло, а тоа е површинскиот ектодерм.

Окуларната површина работи како единствена функционална единица, со цел да овозможи мазна површина за оптимално функционирање на рожницата како рефрактивен интерфејс. Неколку хормони, вклучувајќи ги стероидите, тироидните хормони, витамин Д, пролактин, хормон за раст и многу други играат клучна улога во поддршката на морфологијата и функцијата на окуларната површина.

Ендокриниот систем влијае на сите ткива и клетки во човечкото тело. Окуларната површина е постојано изложена на циркулирачките хормони и ги експресира нивните специфични рецептори.

Андрогените имаат трофичен ефект врз растот и функцијата на Meibom-овите жлезди. Овие жлезди изразуваат mRNA на ензими одговорни за метаболизмот на тестостеронот до неговиот помоќен метаболит, дихидротестостерон. Андрогените ги стимулираат гените вклучени во производството, транспортот и лачењето на липидите во Meibom-овите жлезди. Недостатокот на андрогени има штетни ефекти врз морфологијата и функцијата на овие жлезди. Исто така, дефицитот на андрогени е посочен како важен етиолошки фактор во патогенезата на евапоративно суво око кај жени со Сјогренов синдром.

Лакрималната жлезда е егзокрина жлезда со примарна функција да лачи вода, протеини и електролити кои придонесуваат за водениот слој на солзниот филм. Ацинарните клетки на солзната жлезда изразуваат андроген-специфични рецептори со висок афинитет и споменатите ефекти врз генската експресија во солзните жлезди може да бидат посредувани преку овие рецептори. Ова влијание на андрогените врз солзните жлезди придонесува за многу од половите разлики во генската експресија на солзната жлезда. Тестостеронот обезбедува трофичка поддршка на солзните жлезди и го зголемува растот и активноста на ткивото на солзните жлезди. Хроничната изложеност на антагонисти на андрогени рецептори резултира со дегенеративни промени во солзните жлезди, како губење на жлездени елементи, намалување на големината на ацинарните клетки, намалување на волуменот на јадрото, промени во нивоата на протеини и промени во ензимската активност. Тестостеронот позитивно влијае на окуларната површина и имунолошките функции на солзните жлезди. Во една студија дури било докажано дека андрогените го зголемуваат производството на солзните жлезди и секрецијата на IgA.

Рецепторите на естроген и прогестерон се присутни во различни окуларни површински структури вклучувајќи ја рожницата, конјунктивата, Meibom-овите жлезди и лакрималната жлезда, како и многу структури на окуларната површина. Се чини дека естрогените имаат антагонизирачки ефекти врз физиологијата на Meibom-овите жлезди во споредба со андрогените. Природата на влијанието на естрогените врз лакрималната жлезда е поконтроверзна од онаа на андрогените. Неколку студии сугерираат дека естрогенот може да игра минимална улога во анатомијата и физиологијата на солзната жлезда. Но, други покажале дека естрогените имаат негативно влијание врз солзната жлезда, како што се поттикнување на регресија на жлездата, нарушување на ацинарните клетки и некроза. Постојат и други групи на извештаи кои го поддржуваат позитивното влијание на естрогените врз лакрималната жлезда. Намалувањето на функцијата на солзните жлезди кај жените во постменопауза со дефицит на естроген може да ја поддржи оваа теорија.

Сегашното разбирање на влијанијата на половите хормони врз имунолошкиот систем сугерира дека естрогенот може да модулира каскада од воспалителни настани, кои се во основата на сувото око. Интересно е да се забележи дека окуларната површина вклучувајќи ја и солзната жлезда е способна за локална синтеза на полови стероиди од нивните прекурсори.

Постојат три релевантни промени во системското ендокрино милје што треба да се има на ум кога се обидуваме да го разбереме концептот на суво око кај жените во постменопауза. Постои намалување на нивото на андрогени кај овие жени поврзано со стареењето, заедно со намалување на нивото на циркулирачкиот естроген и можно намалување на синтезата на естрогенот во окуларната површина од неговите прекурсори.

Затоа, од суштинско значење е да се разгледа можноста за хормонални нерамнотежи и нивното влијание додека се лекуваат пациенти со суво око. Хормоналните нарушувања, било физиолошки (менопауза, стареење) или патолошки, треба да се земат предвид за време на дијагнозата и планирањето на третманот на суво око.

The post СУВО ОКО ВО МЕНОПАУЗА: хормонални промени и окуларно здравје appeared first on Аптеки PlusPharma.

Долготрајното решение не се крие во шкафчето за лекови, туку во вашата кујна меѓу намирниците што можеби веќе ги имате дома!

Што преземате кога денот најавува главоболка? Или кога стомакот почнува гласно да се буни поради постојано лошиот избор на храна? Пиете апче, нели? И тоа е во ред! Но, што ако сте приморани секојдневно да пиете некаква таблета? Би прифатиле ли таков начин на живот без да им дадете шанса на природните алтернативи?
Дали знаете дека хранливите материи што ги внесувате преку исхраната можат да ги контролираат грчевите, нервозните црева, несоницата и многу други здравствени состојби?
„Намирниците кои содржат високи хранливи вредности се моќни да ги надоместат недостатоците поврзани со одредени симптоми или директно да ги намалат симптомите“, вели Ерин Скинер, специјалист диететичар.

Синдром на нервозни црева

Надуеност, абдоминални грчеви, констипација или дијареја. Ниту еден од овие симптоми не звучи пријатно, а сите се дел од синдромот на нервозни црева. Причинители за оваа состојба има безброј, вклучувајќи го и стресот. И храната е подеднакво опасна! Додека некои продукти делуваат како седативи за нервозните црева, други дополнително ги вознемируваат.

Дозволено: ПЕЧУРКИ
Печурките кои растат директно на сончева светлина содржат голема количина витамин Д. Најновите докази пристигнуваат од Универзитетот во Шефилд и истите наоѓаат висока корелација помеѓу синдромот на нервозни црева и недостатокот на витамин Д. Само три печурки дневно, но кои растеле под УВ-зраци, се доволни за да почувствувате разлика.

Забрането: ЈАГЛЕХИДРАТИ
Станува збор за кратки групации на јаглехидрати кои тенкото црево ги апсорбира тешко и во мали количини. Оние кои нема да ги апсорбира се пренесуваат во дебелото црево, а таму под дејство на бактериите почнуваат да ферментираат што резултира со гасови и надуеност. Едно австралиско истражување покажува дека 74 % од испитаниците, кај кои оваа прехранбена група била отстранета од исхраната, пројавила намалување на симптомите. Проблемот е тоа што листата на храна од оваа прехранбена група е огромна, но постојат многу мобилни апликации како Fodmap (IBS Tracker) кои ќе ви помогнат да не направите грешка.

Киселини

Она непријатно чувство во градите по оброкот е резултат на киселините кои го напуштаат желудникот и се качуваат низ хранопроводот. „Киселините може да настанат под дејство на каков било притисок на стомакот – од бременост, покачена тежина до стрес и анксиозност. Кај одредени луѓе состојбата е наследна“, вели гастроентеролошкиот хирург Маркус Реди.

Дозволено: ГУМИ ЗА ЏВАКАЊЕ БЕЗ ШЕЌЕР
„Се сеќавате кога родителите ве тераа да седите исправено на маса, да џвакате полека, да не јадете и пиете истовремено, да не јадете доцна? Изгледа дека овие правила се светост за оние кои често страдаат од желудочни киселини“, вели Реди. Но, кога веќе дошло до појава на киселина… „Џвакањето гума за џвакање предизвикува излачување алкална плунка што ја неутрализира киселината“, советува Реди.

Забрането: ЗАЧИНЕТА И КИСЕЛКАВА ХРАНА
Домати, портокали, сѐ што е минимално кисело ви е забрането. „Овие продукти не предизвикуваат киселина во стомакот сами по себе, но го иритираат воспаленото ткиво и само ги влошуваат симптомите“, вели Реди.

Забрането: ЧАЈ ОД ПЕПЕРМИНТ
„Пеперминтот го опушта таканаречениот вентил кој вообичаено би спречил киселината да го напушти стомакот“, вели д-р Крис Етриџ, специјалист по хербологија. Правете разлика, нането е добро да го смири стомакот, но не и желудочните киселини.

Постојано сте уморни?

На секое станување ви се заматува видот? Брзо се уморувате и како да ви недостасува воздух? „Ако се чувствувате константно летаргични, посетете го вашиот лекар. Ако не постои медицинска заднина, често станува збор за лош начин на исхрана. Баланисирана диета и добро снабдување со железо и витамин Б“, советува клиничкиот нутриционист Петар Кокс.

Дозволено: ШНИЦЛА
Ниското железо во крвта е честа причина за замор, особено во периоди на стрес. Црвеното месо е ваш најдобар избор на железо. „Го содржи и витаминот Б12 кој ќе ви ја врати енергијата. Правилото гласи: црвено месо 3 пати во неделата“, вели клиничкиот нутриционист Петар Кокс.

Дозволено: СОК ОД ЦВЕКЛО
Ако не сте љубители на месо, снабдете се со сок од цвекло. „Препорачувам чаша од 350 мл дневно за пациенти кои страдаат од анемија. Цвеклото е најбогатото растение со железо“, вели Кокс. Освен цвекло, резервите на железо можете да ги надополните ако секојдневно јадете грав, леќа или семки.

Забрането: ЕНЕРГЕТСКИ ПИЈАЛАЦИ
Да, можеби ќе ви ги наполнат батериите за многу кратко време, но истражувањата од Универзитетот „Лафборо“ откриваат дека еден час по консумирањето, испитаниците имале полоша концентрација од пред консумирањето на енергетскиот пијалак. „Енергетскиот пијалак предизвикува брзо покачување на нивото на инсулин, но потоа доаѓа до нагло опаѓање на енергетските нивоа“, објаснува Кокс.

Не можете да заспиете?

Со тешки маки, но успешно се откажавте од кафето во доцните ноќни часови, но пак сте будни и во 2 часот по полноќ? Истражувањата покажуваат дека и за оваа состојба храната може да игра улога.

Дозволено: СОК ОД ЦРЕШИ
Мелатонинот (хормонот кој го поттикнува спиењето) и сокот од цреша се исклучително компатибилни партнери. Истражување на Државниот универзитет во Луизијана покажува дека една чаша сок од цреши наутро и една чаша 2 часа пред спиење, го продолжуваат сонот за 90 минути во текот на ноќта.

Дозволено: ЛОСОС
Купете каква било помасна риба (лосос, туна, сардина) бидејќи содржи изобилство на омега-3 масни киселини. „Нашето истражување покажува дека структурната компонента ДХА која се наоѓа во составот на омега-3 масните киселини, може да влијае на излачувањето на мелатонинот или едноставно да ја намали анксиозноста и со тоа да го потпомогне спиењето“, вели професор Пол Монтгамери од Универзитетот „Оксфорд“.

Забрането: БРЗА ХРАНА
Експертите од Универзитетот во Колумбија велат дека на човекот му се потребни 12 минути повеќе да заспие ако во текот на денот изеде оброк кој во себе содржи малку хранливи влакна, а многу шеќери и масти. „Оваа комбинација прво ја намалува енергијата, но потоа поттикнува нагло покачување на нивото на глукоза во крвта и излачување на хормоните на стрес чие дејство трае со часови“, вели Ерин Скинер, специјалист диететичар.

Мигрена

Најлошиот облик на главоболка која најчесто настанува кога кај малите крвни садови ќе дојде до ненадејно проширување. Нередовната исхрана, дехидратацијата и намирниците како сирење, црвено вино, чоколада, се најчестите причинители, но листата не завршува тука!

Дозволено: ЈАТКИ, СЕМИЊА И ТЕМНОЗЕЛЕНИ ЛИСЈА
Лекарите најчесто ја поврзуваат мигрената со недостаток на магнезиум. „Обидете се да внесувате цела шака јатки или семки дневно, како и три шаки таканеречени зимски зелени лисја како спанаќ или кељ“, советува Скинер. Пробајте го овој рецепт: Измешајте спанаќ, ореви или бадеми, семки од тиква, половина авокадо и три лажици сварена леќа. Пропрскајте со маслиново масло и послужете со печен лосос. „Мастите од авокадото и лососот ќе му помогнат на организмот подобро да го апсорбира магнезиумот“, советува Скинер.

Забрането: СУВОМЕСНИ ПРОИЗВОДИ
Хистаминот кој е концентриран во ваквото месо во голема мера е поврзан со појавата на мигрена. „Се создава во храната кога бактериите ферментираат во неа“, објаснува Скинер. Сувомесните производи се веќе богати со хистамин, додека количеството хистамин во остатоците од пилешкото во ладилникот расте секојдневно.

Забрането: ЈОГУРТ, СИРЕЊЕ
И јогуртот е ферментиран производ кој за луѓето со проблематични црева е голема придобивка. За паталците од мигрена? Не баш! Истото важи и за тврдите сирења и кашкавалот.

The post Лек од фрижидер appeared first on Аптеки PlusPharma.

Нашата цел, како медицинари, а воедно, и нашето внимание, е насочено кон зачувување, како на физичкото, така и на менталнотоз дравје. Горе наведените фактори се одразуваат на квалитетот на животот на една индивидуа, па баш поради тоа, нашиот фокус е да го подобриме, одржиме или продолжиме квалитетното живеење, а воедно да се посветиме и на концентрацијата и памтењето, како составен дел од дефиницијата за квалитетен живот. Во секојдневна пракса, пациентите доаѓаат и бараат препарат, кој ќе ги задоволи сите нивни потреби, од подобрување на когнитивните способности, до подобрување на интелектуалните перформанси, а пред се подобрување на концентрацијата и меморијата.

Деменцијата, како една состојба поврзана со денешната тема, би ја дефинирала како сериозна загуба на способноста за осознавање на една претходно здрава личност. Оваа состојба не е единечна болест, туку претставува неспецифичен синдром (т.е.збир на знаци и симптоми) во кој оштетени делови од осознавањето може да бидат меморијата, вниманието, способноста за учење, размислување, задржување на сеќавањето или потсетување на некое искуство од минатото, како и промена на начинот на размислување, чувствување и работење. Функцијата на мозокот е доволно засегната за да влијае врз нормалниот општествен или работен живот на лицето. Обележје на деменцијата е неспособноста да се вршат секојдневните активности, како последица на намалените спознајни способности. Постојат неколку форми на деменцијата: Алцхајмерова болест, васкуларна деменција, фронтотемпорална деменција итн…Од основна важност е ова заболување да се утврди медицински, во раната фаза, кога прв пат ќе се појават знаците, а раното утврдување на заболувањето ќе значи и ран пристап до подршка, информациии лекови. Има поголем број на здравствени состојби што даваат симптоми слични на деменцијата. Тие состојби честопати може да се лекуваат или да се супримираат,со цел подобрување на општата здравствена состојба на пациентите. Засега нема лек за повеќето облици на деменција, меѓутоа установено е дека некои лекови може да намалат некои од знаците на болеста.

Smart extra strong на Advancis е препарат кој би го издвоила, како суплемент, за третман на овие состојби.Претставува засилена формула на база на L-arginine, бакопа, омега 3 и витамини од групата Б. Тоник за мозокот, кој претставува значајна помош, во периоди на висока интелектуална побарувачка и во зајакнување на когнитивната функција кај децата, возрасните и постарите лица.

Би посветила малку внимание на една состојка содржана во овој препарат. Тоа е бакопа(Bacopamonnieri), која во ајурведската традиционална медицина се користела како “тоник за мозокот”.Ова растение најчесто се користи во Индија. Помага во зачувување на меморијата и подобрување на когнитивната функција, помага при анксиозност, го намалува воспалението, содржи моќни антиоксиданси, помага да се намалат симптомите на АДХД(Attention-deficit/hyperactivitydisorder – Нарушувањена хиперактивност со дефицит на внимание), помага во намалување на крвниот притисок,и сл…Препарати од ова растение се користат за подобрување на когнитивните функции. Претставува ефикасен препарат кој подржува одржување на нормалната циркулација на крвта во мозокот, помага во подобрување на функцијата и преносот на сигналите низ невроните, подобрува ментални (когнитивни) перформанси, подобрува меморија, несоница, делува икако анксиолитик. Конкретно екстрактот од бакопа го подобрува примањето на електрични импулси, односно сигнали со информации, и овозможува подобрен пристап до мемориските центри, поефикасно поврзување, превземање и обработување на складираните информации, што резултира со подобра меморија. Поради своите адаптивни и стимулативни регенеративни процеси, билката може да се користи како помошно средство за закрепнување. Го подржува нервниот систем, ги намалува проблемите со спиењето, ја поджува меморијата и концентрацијата за време на умствениот напор, се препорачува при несоници, главоболки, оштетување или губење на меморијата, при голем ментален стрес итн. За ординирање на оваа, и било која терапија, секако, е потребна консултација со вашиот лекар.

Покрај основната терапија кај пациентите со деменција, препарати на база на оваа билка, можат да се користат како суплементарна терапија, за подобрување и намалување на симптомите, воедно поддршката е од особена важност за луѓето со деменција, а помошта од семејствата, пријателите и негователите може да придонесе до полесно справување со оваа состојба.

Ивана Димковска
доктор по општа медицина.

The post Улогата на бакопа кај деменцијата appeared first on Аптеки PlusPharma.

Со текот на стреењето, женските солзи стануваат вистинска реткост. Во менопаузата, кога повеќето органски системи страдаат поради падот на нивото на женските полови хормони, лакрималниот апарат е под стрес токму поради недостаток на машки полови хормони-андрогени . Имено, за време на менопаузата престанува не само производството на женски, туку и машки полови хормони, нормално присутни во телото на жената во репродуктивна возраст.

Производството на солзи се намалува со возраста , поради растечките воспалителни и стресни пореметувања на кои е изложен солзниот апарат , па ризикот од суво око се зголемува, особено кај популацијата постара од 55 години. Сепак, фрапантен е податокот дека е два до три пати почест кај жените. Истражувањата покажаа дека при ниско ниво на машки полови хормони, голем број на имунолошки компетентни клетки мигрираат во солзната жлезда, чиј број значително опаѓа штом ќе се намали нивото на андрогените . Имено, машките полови хормони ја инхибираат, иако не целосно, имунолошката и воспалителната реакција во организмот. Познавањето на сложената улога на андрогените хормони во солзниот апарат може да помогне да се расветли мистериозната природа на Сјгреновата болест, автоимуно нарушување кое ги зафаќа сите плунковни жлезди и мукозните жлезди на носната слузница и усната празнина покрај солзните жлезди. За таа цел во лаборатории сеуште се тестира локалната примена на препаратите на андрогени хормони, а првите резултати се охрабрувачки.
Сите жени во климактеричниот период имаат зголемен ризик од развој на синдром на суво око, вклучително и оние кои земаат само естрогени како хормонска заместителна терапија. Жените кои се подложени на хемотерапија, зрачење и пациентите кои страдаат од имунолошки нарушувања се особено ризична група.

Како да го препознаеме синдромот на суво око

Симптомите се крајно непријатни и постојани, а се манифестираат со постојано чувство на присуство на туѓо телои песок во окото, печење и болно чешање, чувство дека очните капаци се суви кога минуваат преку рожницата, иритација, тежина ,замор ,пецкање,црвенило и привремени пореметувања во визуелната острина. Кај хиперевапоративно око симптомите се изразени и поинтензивни наурро при будење а кај хипосекретерно суво око се вошуваат при крајот на денот

Третман?

Покрај медицинскиот третман, треба да се избегнува сув воздух во просторијата, силна топлина која го забрзува испарувањето на солзите, фен за коса, зачадени простории, ветровито време, агресивна шминка итн. Што се однесува до исхраната, се подразбира соодветна хидратација на организмот, а резултатите од некои прелиминарни студии покажаа дека почестото консумирање на масни риби, како туна и лосос, помага во ублажување на симптомите.

Дополнителни фактори на ризик

Меки контактни леќи – може да ја влошат непријатноста
ЛАСИК, хируршка процедура која ја корегира рефракцијата на окото – се претпоставува дека слоевиот рез на рожницата ги оштетува завршетоците на нервните влакна чиј интегритет е важен за физиологијата на рожницата и окото во целина.

Употребата на антихипертензиви, диуретици, кардиоваскуларни лекови и психофармацевтски препарати (вклучувајќи антидепресиви), антихистаминици и лекови против хипертрофија на простата исто така може да ги влошат симптомите.

Оштетување на видот? – При суво око солзниот филм е нерамномерно распореден на рожницата, така што светлината не може секогаш да се прекрши на правилен начин. Ова резултира со изобличувања и заматени слики.Нестбилен солзен филм резултира и со зголемен ризик од инфекција која може да предизвика штета во поголем обем.

. Кај жените во менопауза се јавува и синдромот на зголемена лакримација на окото. Не е невообичаено да имаат периоди на еден па последователно и на друг синдром. Тоа е парадоксално зголемено производство на солзи. Тоа е предизвикано од истите фактори кои се одговорни за развој на синдромот на суво око, а само на прв поглед изгледа нелогично. Тоа се објаснува со фактот дека иритираното суво око, т.е. рожницата, преку нервните завршетоци кои се надразнети , испраќа пораки до солзната жлезда за зголемено лачење на солзи . Овој одговор е еквивалентен на одговорот на присуството на туѓо тело во окото. Синдромот на зголемена лакримација на окото е почест во случаите кога испарувањето евапорацијата на солзите од површината на рожницата е патолошки забрзано. Значи пациентите имаат зголемен интензитет на солзење и тешко им е да поверуваат дека имаат суво око. Овој парадокс го објаснуваме со тоа што има зголемено производство на водената компонента на солзниот филм додека функцијата на другите два слоја е пореметена .

Фотофобија

Фотофобијата (фотофобија) една од честите очни непријатности кај жените во менопауза. Тоа подразбира нетолеранција на окото на светлина. Тоа е иницирано и со микрооштетување на површината на рожницата. Не треба да се заборави дека некои лекови предизвикуваат фотофобија со попречување на нормалното функционирање на мускулот кој го регулира отворот на зеницата-m sphincter pupilae, кој притоа пропушта голема количина светлина (амфетамини, антихистаминици, канабис и кокаин, атропин, скополамин,).

• Лекувањето на сувото око е скапо, бара мултидисциплинарен третман и послушност на пациентот и придржување кон третманот и советитие на лекарот
• Избегнувајте силно изложување на сонце и носете очила за сонце.
• Носете заштитни очила кога работите со хемикалии и алати,избегнувајте задимени простории
• Проверувајте го видот на секои две години ако носите очила, т.е. на секои пет години ако не ги носите.
• Избегнувајте неконтролирана употреба на капки за очи.
• несувајте орални антиоксиданти –омега3 и омега -6 Вит А ,Ц ,Е цинк и селен
• Користете вечтачки солзи секојдневно симптомите ке бидат секако намалени па дури и по некое време ке исчезнат

Вешташки солзи како прва линија на треман на суво око

Првата линија на третман се вештачки солзи без конзерванси, кои го зголемуваат волуменот на солзниот филм . Тие се состојат од вода, натриум хијалуронат, електролити и лубриканти, кои го имитираат природниот состав на солзите. Се препорачува да се нанесуваат овие капки колку што е можно повеќе пати на ден.. Локалната терапија со благи кортикостероиди може да го намали воспалението, а понекогаш се потребни и антибиотици со широк спектар за лекување на воспаление на рабовите на капакот-тетрациклински антибиотици . Се препорачува и хигиена на очните капаци со користење на стерилни марамчиња со активни состојки, наменети за секојдневна употреба и/или масажа со суви топли облоги. Муколитици , НСАИЛ ,бандажни терапевтски леќи се исто така тераписки избор за лекување на суво око Локална апликација на циклоспорин или автологен серум е индицирана кај потешки случаи на суво око како и тарзорафија .. Трансплантацијата на амнионската мембрана се изведува во најтешките форми на оштетување на рожницата предизвикано од суво око. Исто така, постои можност за поставување на солзни чепови во самите пункти на одводните солзни канали со цел да се забави истекувањето на солзите од окото оваа метода се користи кај тешки форми на суво око .

Д-р Бојана Георгиевска Димовска

The post Суво око во менеопауза – причини и решенија appeared first on Аптеки PlusPharma.

Сите сме ги преживеале оние 4-5 килограми плус кои доаѓаат во пакет со новото работно место. Штом помине првата година, или ќе се вратите во нормала или ќе продолжите да растете… во обем. За да не ви се случи тоа, неопходно е да ги лоцирате замките поради кои паѓате во искушение да јадете сè повеќе и повеќе додека сте на работа.

ВЛИЈАНИЕТО НА КОЛЕГИТЕ

Околу една третина од луѓето кои се обидуваат да ја вратат својата телесна тежина велат дека под влијание на нивните колеги не успеваат во планот, дури и се хранат нездраво. Од вашата десна страна е онаа колешка што секогаш ве нуди со благо, колегата спроти вас секогаш има нешто за грицкање, додека оној од соседната канцеларија секогаш предлага да нарачате храна за носење.

Научно е докажано дека јадеме двојно повеќе кога храната ни е пред очи. Затоа, седнете што е можно подалеку од чинијата со слатки или едноставно напуштете ја канцеларијата во кризните моменти. Добра идеја е секогаш на бирото да имате чаша вода или овошје, за да го смирите стомакот кога гласно се буни. Договорете појадок/ручек надвор од канцеларија во деновите кога колегите нарачуваат брза храна. Повремено почестете се себеси со некое забрането задоволство, наградете се за издржливоста и самосвесноста, бидејќи само така ќе создадете здрав однос со храната.

Дали знаете дека внесуваме околу 30 % повеќе храна кога јадеме во друштво?

И не само тоа, кога сме во друштво бираме висококалоричен оброк и многу лесно прифаќаме и десерт. Во меѓувреме, разговорот толку многу може да ни го одвлече вниманието, па да не забележиме дека продолжуваме да јадеме иако сме сити. Но, колку што друштвото поттикнува на грев, толку поттикнува и на дисциплина. На пример, многу ќе ви биде полесно да истраете со режимот доколку слабеете заедно со тимот или барем со еден од колегите. На тој начин, наместо да се храбрите едни со други дека ќе јадете по половина хамбургер, ќе се храбрите да останете доследни на вкусните и здрави оброци.

Последните истражувања покажуваат дека луѓето кои оброкот за на работа го подготвуваат од дома, јадат помали, но и поздрави работи, за разлика од оние кои се хранат од локалните ресторани или пекари. Направете план на исхрана со некој од колегите и уверете се дека е полесно во пар.

ВЛИЈАНИЕТО НА РАБОТНОТО ОПКРУЖУВАЊЕ

На една третина од луѓето, најчесто на жените, им е ладно во текот на работните часови. При вакви услови, телото реагира со складирање масти кои би ги користело како резерви. Научниците велат дека телото се активира да складира масти штом надворешната температура падне, а просечната температура во канцелариите изнесува 22 степени.
Нема да си помогнете ако се натрупате себеси со облека, помудро е да облечете топли, но и удобни парчиња. Имено, едно истражување покажува дека вработените кои носат лежерна облека прават 491 чекор повеќе и согоруваат 25 калории повеќе дневно за разлика од оние кои се облечени во тесна, неудобна облека и чевли. Со лежерна облека поголема е веројатноста да одлучите да се вратите дома пешки, а на тој начин уште толку ќе го одвратите телото од идејата да складира масти.

Еве уште една причина зошто да се преместите од темна канцеларија во канцеларија со големи прозорци – истражувањата покажуваат дека телесната тежина е тесно поврзана со изложеноста на сонце и дневна светлина во текот на денот, особено наутро. Витаминот Д е сојузник во топењето на мастите, а сонцето е неговиот главен извор. Постојаното седење во темна просторија, прoсечно, би ви донело околку половина килограм плус. Теоретски, утринската светлина го одржува апетитот во нормала, додека недостигот од светлина води до зголемување на апетитот и инсулински отпор (што прави да складирате повеќе шеќер отколку што можете да согорите).

Пешачете до работното место, паузата трошете ја на прошетка до најблискиот парк или јадете во локал кој има сончева тераса. Секоја активност што подразбира изложување најмалку 20 минути на сонце ќе направи голема промена.

ВЛИЈАНИЕТО НА НАБИЕНАТА АГЕНДА

Работата и стресот одат рака под рака. Стресот не влијае само на менталното здравје, бидејќи кога чувствувате дека сте под притисок телото лачи хормони кои го зголемуваат апетитот, но и желбата за масна храна и слатки.
Хормоните прават и штета плус, имено, го забавуваат метаболизмот кој е клучен за согорување на калориите. Уште полошо е тоа што овие промени не траат само во текот на 8-те работни часа, туку се селат и надвор од канцеларија. Истражувањето на Универзитетот во Охајо покажува дека кога ѝ бил даден оброк од 930 калории на една жена која 24 часа претходно имала стресен ден, таа потрошила 100 калории помалку од жената која го јадела истиот оброк, во истиот период, без да претрпе каков било сериозен стрес.

Психолозите велат дека 10-минутно медитирање или слушање релаксирачка музика помага да се одржи нормална психичка рамнотежа и да се закрепне од стресната ситуација. Само 2-3 минути посветени на слушање музика можат да направат огромна разлика, затоа, на секој час и половина направете мала пауза. Научниците велат дека ваквата практика води до полнење на енергетските нивоа, поголем фокус и помалку грижи и фрустрации. Ако и покрај сè имате силна потреба за слатка закуска, каснете коцка или две црна чоколада, бидејќи научно докажано го намалува хормонот на стрес – кортизол.

Долгите работни часови водат до помалку слободно време, а тоа пак наложува стрес. Еден од пет вработени договара состанок или извршува некоја ситна задача дури и за време на паузите; 45 % од вработените велат дека после работа се чувствуваат преморено за да вежбаат или да пешачат.

Во деновите кога знаете дека ве чека набиена агенда, стартувајте го утрото со здрав и обилен појадок. Една неодамнешна студија вели дека кога половината од дневно препорачаните калории ги внесувате преку појадокот, телото е подолго време сито. Аналогно на тоа, внесот на калории за време не ручекот ќе биде далеку помал. Како закуска, каснете некој протеински бар за да го одржите шеќерот во крвта стабилен.

The post Работата ви ја загрозува тежината? appeared first on Аптеки PlusPharma.

Тоа е неопходно за нашето физичко и ментално здравје. Како специјалист по семејна медицина кој работи како матичен лекар, сакам да ја истакнам важноста на квалитетниот сон за одржување здрав и урамнотежен живот.
Идеалната количина сон потребна за повеќето возрасни е помеѓу 7 и 9 часа.

Ако создадете дефицит на сон во текот на неделата, не можете да го достигнете викендот.

Недостатокот на сон може да доведе до:

• намален имунитет
• почести инфекции
• зголемување на болеста
• флуктуации на апетитот
• поголемо внесување калории
• зголемување на телесната тежина

Спиењето и хормоните

Различните функции на хормоните и нивното ослободување зависат од спиењето или деноноќниот ритам и обратно.

Доволното спиење е важно за регулирање на голем број хормони, вклучувајќи:

• кортизол
• естроген и прогестерон
• хормони на глад како инсулин, лептин и грелин
• мелатонин
• тироидни хормони
• хормони за раст

  На пример, мелатонинот ги контролира шемите на спиење и му кажува на вашето тело кога да одите во кревет. Човечкиот хормон за раст се ослободува за време на длабок сон, што е од витално значење за растот и поправката на клетките.

Другите хормони, како кортизолот, зависат од времето на спиење, времетраењето и квалитетот на нивното ослободување.

Хормони за глад

Спиењето е важен регулатор на метаболизмот, процес на хемиски реакции во телото што ја претвораат храната во енергија.

Нарушувањето на сонот или лошиот сон може директно да влијае на производството и нивото на хормоните за глад во телото. Ова може да ги наруши гладот, апетитот и внесот на храна, што може да доведе до зголемување на телесната тежина. Научниците докажале дека луѓето на кои им е нарушен сонот внесуваат од 300-500 калории повеќе.
Сонот влијае на секој сегмент од животот, а за тоа се спроведени многу истражувања.
Лицата на возраст меѓу 50 и 70 години кои преку ноќта спијат шест или помалку часови се поизложени на зголемување на ризик од развој на деменција, покажуваат резултатите од последната студија на речиси 8 000 возрасни Британци чиишто навики, хигиената на спиење, квалитетот на сонот и дневниот ритам се следени повеќе од 25 години.

Следните неколку совети ќе ви помогнат да си обезбедите квалитетен и здрав сон.

1. Направете си распоред. Најпрво одредете колку часа спиење ви се потребни за да се разбудите наспани и полни со енергија. Потоа во зависност од тоа кога треба да станете, пресметајте кога треба да си легнете. Секој ден следете го тој распоред. Легнувајте си и станувајте во исто време. Следете го распоредот дури и за викенд. Така ќе го привикнете вашето тело.
2. Користете го креветот само за спиење. Тоа е неговата намена. Ако го користите креветот за гледање телевизија, читање книга или јадење, кога ќе си легнете да спиете инстинктивно ќе сакате да пуштите телевизија или да продолжите со читање.
3. Кога не сте уморни – не легнувајте си. Ако поминале 15 минути и вие сè уште се обидувате да заспиете, тогаш најдобро е да станете. Започнете да правите нешто што ќе ви е досадно. Така сигурно ќе почнат да ви „паѓаат“ очите.
4. Избегнувајте го кофеинот. Внимавајте со вечерната употреба на пијалаци или јадења коишто содржат кофеин. Енергијата што ви ја дава кофеинот ќе ве држи будни или ќе ви го наруши длабокиот сон. Кафето не е единствениот пијалак што содржи кофеин. Кофеин има и во газираните пијалаци.
5. Опуштете се. Пред да си легнете да спиете, обидете се да се релаксирате. Така ќе се ослободите од стресот. Топлата бања, медитирањето или тивката музика ќе ви помогнат да го направите тоа.
6. Вежбајте. Вежбањето често ви дава енергија и ве држи будни. Но, ако вежбате 2 часа пред спиење тоа ќе ви помогне да заспиете побрзо и да спиете цврсто цела ноќ.
7. Спијте во темно. Човечкото тело е програмирано да се разбудува кога е светло и да заспива кога се затемнува. Најдобро е во вашата спална да биде темно додека спиете за да не ви се прекинува сонот.
8. Создајте си удобни услови во спалната. Температурата во спалната соба треба да биде умерена. Екстремните температури го нарушуваат спиењето. Душекот и перницата треба да ви бидат удобни и да го одржуваат вашето тело во што поприродна положба.

   Доколку овие совети не помогнат можат да се земат додатоци во исхраната кои помагаат за подобар сон:

• Bacopa monnieri
• Rhodiola rosea
• CBD масло
• Мелатонин
• Магнезиум

The post Моќта на сонот appeared first on Аптеки PlusPharma.

Функцијата на солзите ја надминува улогата на изразување на нашите емоции и се од суштинско значение за виталноста на нашите очи. Еве една анализа зошто солзите се императив за благосостојбата на нашите очи.

1. Емолиентна функција:

Солзите служат како природен омекнувач, кој се дистрибуира низ очната површина со секое трепкање. Ова подмачкување го ублажува триењето помеѓу рожницата и очниот капак, со што се гарантира беспрекорна и удобна окуларна подвижност.

2. Испорака на хранливи материи:

Солзите даваат клучни хранливи материи на окуларната површина, вклучувајќи протеини и електролити. Оваа храна го зајакнува здравјето на рожницата и конјунктивата.

3. Заштита од патогени:

Течноста од солза поседува антимикробни карактеристики, помагајќи да се отстранат инфекциите. Постоењето на лизозим, ензим во солзите, може да ја пробие клеточната структура на специфични бактерии, функционирајќи како природен заштитен механизам.

4. Одржување на видна острина:

Солзениот филм учествува во целокупната рефрактивна моќ на окото, така стабилниот филм е неопходен за јасна и стабилна оптичка површина на рожницата. Ова гарантира прецизно прекршување на влезната светлина, придонесувајќи за јасен вид. Нарушувањата во солзниот филм може да доведат до заматен или искривен вид.

5. Исфрлање на остатоци:

Солзите имаат витална функција во исфрлањето на остатоци, прашина и туѓи честички кои можат да дојдат во контакт со очите. Ова непрекинато дејство на плакнење ја одржува чистотата на очите и спречува иритација и оштетување на површините.

6. Емоционална манифестација:

Иако не се директно поврзани со физичкото здравје на очите, солзите исто така исполнуваат емоционална улога. Емоционалните солзи, поврзани со силни чувства, можат да дадат катарзичен ефект и да помогнат во ублажување на стресот. Плачењето исто така може да го стимулира производството на ендорфин, обезбедувајќи чувство на олеснување.

Разбирањето на разновидните улоги на солзите ја нагласува нивната важност за зачувување на оптималното здравје на очите. Без разлика дали ги навлажнуваат очите, штитат од инфекции или придонесуваат за јасен вид, солзите преземаат незаменлива улога во зачувувањето на здравјето и функционалноста на нашите очи.

Постојат бројни фактори кои придонесуваат за синдром на суво око, а фармацевтските препарати можат да бидат суштински виновник. За да разбереме како лековите го попречуваат производството на солзи, корисно е повторно да погледнете како вашите очи остануваат навлажнети, чие отсуство предизвикува симптоми на суво око.

Компонентата што ја изолира вашата рожница од отворената средина е солзниот филм. Тој се состои од 3 слоја.

Тоа се липидниот слој, водениот слој и слојот на муцин. Меибомските жлезди се задолжени за производство на липидниот слој, коњуктивалните пехарести клетки се задолжени за муцинскиот слој, додека солзната жлезда го генерира водениот слој.

Ако некој слој претрпи недоволно производство, тоа може да ја наруши рамнотежата на составот на солзениот филм, што кулминира со некоја форма на суво око. Сега ајде да истражуваме некои категории на лекови кои можат да ја нарушат оваа рамнотежа.

Оваа статија навлегува во врската помеѓу лековите и синдромот на суво око, нагласувајки ги фармацевтските препарати кои потенцијално можат да ја поттикнат или влошат оваа состојба.

Фармацевтски препарати кои можат да придонесат за синдром на суви очи:

Антихистаминици:

Антихистаминиците, кои обично се користат за ублажување на симптомите на алергија, исто така може да го намалат производството на солзи, што доведува до суви очи. Антихистаминиците ги попречуваат рецепторите на хистамин H1 на мастоцитите и третираат одредени симптоми на алергија. Додека постарите орални антихистаминици од прва генерација може да ги намалат симптомите, како што се насолзени очи и течење на носот, тие исто така може значително да го намалат волуменот на солзите како негативен ефект. Ова може да доведе до појава на суви очи или да ги влоши симптомите кај оние со синдром суво око. Ако забележите симптоми на суво око по давање антихистаминици, консултирајте се со вашиот лекар за алтернативни опции или дополнителни терапии за справување со алергиите.

Деконгестиви:

Одредени деконгестиви, како оние што се користат за ублажување на назална конгестија, може да предизвикаат суви очи како негативен ефект. Овие лекови го намалуваат протокот на крв во солзните жлезди, што резултира со намалено производство на солзи. Ако често користите деконгестиви и имате симптоми на суво око треба да се разгледаат можните алтернативи или да се вклучи додатна терапија за да се зголеми навлажнувањето.

Формулации на антидепресиви:

Специфични категории на антидепресиви, како што се селективни инхибитори за репреземањето на серотонин (SSRI) и трициклични антидепресиви (TCAs), се поврзани во синдромот на суво око. Овие лекови може да ја нарушат редовната работа на солзните жлезди, предизвикувајќи сувост и нелагодност. Користење антидепресиви и почуствувате манифестации на суво око, ангажирајте го вашиот лекар.

Лекови за хипертензија:

Одредени фармацевтски препарати кои се користат за регулирање на покачениот крвен притисок, вклучувајќи бета-блокатори, диуретици и АКЕ инхибитори, се поврзани со суво око. Овие лекови можат да бидат поврзани со секрецијата на солзи, што кулминира со сувост. Ако сте погодени од суви очи и исто така внесувате лекови за крвен притисок, разговарајте за вашите симптоми со вашиот здравствен работник за да ги испитате заменските терапевтски пристапи.

Хормонална заменска терапија:

За жените кои се во менопауза, терапијата за замена на хормони е доста распространета. Сепак, одредени препарати за хормонална заменска терапија, особено оние што содржат естроген, се поврзани со суво око. Ако сте подложени на хормонална заменска терапија и страдате од манифестации на суво око, ангажирајте го лекар специјалит да ги процени вашите алтернативи.

Справување со суво око при користење на лекови:

Ако наидете на манифестации на суво око додека внесувате фармацевтски производи, постојат мерки што можете да ги преземете за да ги ублажите непријатностите:

Комуницирајте со вашиот лекар и важиот офталмолог: известете го вашиот лекар за вашите манифестации на суво око. Тие можат да ги проценат лековите за замена или да ја модулираат дозата за да ги намалат негативните ефекти врз секрецијата на солзите.

Засилете ја влажноста: Зголемувањето на влажноста во вашата околина, особено во суви или климатизирани простори, може да помогне во намалувањето на манифестациите на суво око. Размислете за користење навлажнувач или поставување сад со вода во непосредна близина на системот за греење или ладење.

Правете чести паузи и трепкајте: Кога користите компјутери или други дигитални екрани на подолги периоди, правете редовни прекини. Дополнително, свесното трепкање почесто може да помогне да се распределат солзите низ очите, давајќи олеснување.

Користете вештачки солзи: Вештачките солзи се најдобриот и наједноставниот начин за справување со сувите очи. Вештачките солзи може да обезбедат привремена удобност со подмачкување на очите. Овие капки за очи можат да помогнат во ублажување на сувоста и нелагодноста поврзани со суво око. Денес постојат алтернативи без конзерванси кои ни овозможуваат продолжена употреба.

Додека фармацевтските препарати можат да бидат од суштинско значење за администрирање на различни здравствени состојби, од клучно значење е да се знае потенцијалниот несакан ефект на сувото око. Разберете ги лековите што ги внесувате и нивното можно влијание врз секрецијата на солзи. Ако наидете на манифестации на суво око, ангажирајте го лекар или офталмолог да истражи замена за фармацевтски производи или дополнителни стратегии за администрирање на суво око и за одржување на здравјето на очите.

Д-р. Душан Кемера
специјалист офталмолог и хирург

The post Лекови и суво око: разбирање на поврзаноста appeared first on Аптеки PlusPharma.

Синдромот на суво око се јавува кога очите не произведуваат доволна количина солзи или кога солзите премногу брзо испаруваат. Без солзите, кои се заштитниот слој на очите, доаѓа до неправилно навлажнување на површината на очите при што настанува поголемо триење со непријатност и болка, и потенцијално оштетување на очите.

Кои околности можат да бидат причина за оваа состојба?

• Продолжено време пред екраните: долготрајното гледање во екраните ја намалува фреквенцијата на трепкање, што доведува до сушење на окото и недоволно подмачкување на рожницата (површината на окото).
• Намалено трепкање: интензивното фокусирање во екранот често предизвикува нередовност на трепкање, што влијае на распределбата на солзите и доведува до сувост.
• Лоши услови на осветлување: недоволното или прекумерното осветлување може да ги напрегне очите, влошувајќи ги симптомите на суво око.
• Фактори на животната средина: сувиот воздух, како што е оној во климатизираните канцеларии, може да придонесе за испарување на солзите и суви очи.

Кои се симптомите кои можат да ве насочат кон сомнение дека можеби се работи за суви очи?

• Чувство на сувост или чувство дека нешто има во окото
• Иритација или гребење на окото при трепкање
• Чувство на печење, особено кога е изложено на надразувачки фактори
• Црвенило на очите
• Заматен вид при интензивна употреба
• Чувствителност на светлина
• Чувство на тежина во очите при продолжени периоди на визуелна концентрација

Важно е да се напомене дека симптомите варираат од личност до личност, а одредени поединци можат да искусат само неколку од симптомите, додека пак други можат да искусат повеќе симптоми истовремено.

Како да го спречите „Синдромот суво око“?

• Правете редовни паузи: Следете го правилото 20-20-20 – на секои 20 минути погледнете подалеку од екранот и фокусирајте се на нешто оддалечено 20 метри, најмалку 20 секунди. Ова ќе помогне да се релаксираат вашите очни мускули и да се намали напорот.
• Трепкајте често: Потсетете се да трепкате почесто додека работите. Трепкањето помага да се шират солзи низ површината на вашите очи, одржувајќи ги влажни и спречувајќи сувост.
• Прилагодете ги поставките на екранот: приспособете ги нивоата на осветленост и контраст на вашиот екран на удобно ниво. Намалувањето на осветленоста и користењето потопла температура на бојата може да го намали напрегањето на очите.
• Користете соодветно осветлување во просторијата во која престојувате: проверете дали осветлувањето на вашиот работен простор е соодветно. Избегнувајте отсјај од прозорците или надземните светла, бидејќи тоа може да го зголеми заморот на очите.
• Користете вештачки солзи: подмачкувачки капки за очи или вештачки солзи можат да помогнат во ублажување на сувоста и да обезбедат привремено олеснување. Користете капки без конзерванси и избегнувајте ги оние со состојки кои го намалуваат црвенилото.
• Одржувајте правилно држење на телото: Поставете го екранот на компјутерот на ниво на очите и одржувајте добро држење за да го минимизирате оптоварувањето на очите и на вратот.
• Користете навлажнувач: ако воздухот во вашиот работен простор е сув, користете навлажнувач за да додадете влага во воздухот, што може да помогне да се спречи сушење на очите.
• Останете хидрирани: Пијте многу вода во текот на денот за да ја одржите целокупната хидратација, што исто така може да ви помогне да ги задржите вашите очи влажни.

Што ако со овие мерки симптомите продолжат и понатаму?

Во тој случај барате стручна помош.
Ако симптомите продолжат или се влошат, консултирајте се со специјалист за очи за сеопфатна проценка и персонализиран совет. Специјалист за очи може да препорача дополнителни третмани, како што се капки за очи на рецепт, за да се ублажат симптомите на суво око.
Вештачките солзи се вообичаен и ефикасен третман за суви очи. Тие се подмачкувачки капки за очи кои помагаат да се навлажнат очите и да се ослободат од сувост, иритација и непријатност.

Кога да ги користите вештачките солзи?

• Сувост и непријатност: Вештачките солзи може да се користат секогаш кога ќе почувствувате симптоми како што се чувство на песок или чувство на печење, црвенило или прекумерно триење на очите.
• Продолжено време на екранот: Ако поминувате долги часови работејќи на компјутер или други дигитални уреди користејќи вештачки солзи пред, за време и по работните сесии, може да помогнат во спречување или ублажување на симптомите на суво око.
• Фактори на животната средина: Вештачките солзи се корисни во ситуации кога воздухот е сув, како на пример во климатизирани или загреани средини или во ветровити и суви клими.

А зошто да користите вештачки солзи?

• Подмачкување: Вештачките солзи помагаат при подмачкување на очите, обезбедувајќи ослободување од сувоста и од непријатноста предизвикани од недоволното производство на солзи или брзото испарување на солзите.
• Навлажнување: Тие додаваат влажност на очите, спречувајќи ги да станат суви или иритирани.
• Заштита: Вештачките солзи можат да помогнат да се заштити површината на очите од оштетување и да се намали ризикот од компликации поврзани со суви очи, како што се абразии (гребнатини) на рожницата или инфекции.
• Подобра удобност: со користење на вештачки солзи можете да доживеете зголемена удобност, намален напор на очите и подобрен вид, што на крајот ќе ја подобри вашата целокупна благосостојба и продуктивност.

Како се користат вештачките солзи?

• Изберете го вистинскиот тип: Достапни се различни видови вештачки солзи, вклучувајќи ги оние без конзерванси и оние со конзерванси. Капките без конзерванси се препорачуваат за лица со чувствителни очи или за оние кои треба често да ги користат капките.
• Следете ги упатствата: Прочитајте ги и следете ги упатствата дадени од производителот. Некои вештачки солзи може да бараат тресење пред употреба, додека други може да имаат специфични препораки за дозирање.
• Земете ги капките: навалете ја главата наназад, малку повлечете го долниот очен капак и стискајте го шишето за да испуштите една или две капки во просторот помеѓу долниот очен капак и окото. Избегнувајте да ги допирате очите или трепките со врвот на шишето.
• Трепкајте и затворете ги очите: Откако ќе ги впиете капките, нежно затворете ги очите и трепнете неколкупати за да се рашират солзите по површината на очите. Ова помага подмачкувањето да се дистрибуира рамномерно.
• Повторете по потреба: Можете да користите вештачки солзи онолку често колку што е потребно во текот на денот, во зависност од тежината на симптомите. Генерално е безбедно да ги користите повеќепати на ден, но секогаш е најдобро да се консултирате со специјалист за очи.

Кој тип вештачки солзи би го препорачале?

Најважно е да се напомене дека не се сите вештачки солзи исти, а вистинскиот тип за вас може да зависи од вашите специфични потреби. Поради тоа размислете за користење вештачки солзи без конзерванси, бидејќи тие се со помала веројатност да предизвикаат иритација и може да се користат почесто во текот на денот.
Сувите очи може значително да влијаат на благосостојбата и на продуктивноста на компјутерските професионалци. Со разбирање на причините и спроведување на превентивни мерки, компјутерските професионалци можат да ја минимизираат непријатноста поврзана со сувите очи. Редовните паузи, соодветното осветлување, вештачките солзи и одржувањето добра хигиена на очите се од суштинско значење за спречување и управување со симптомите на суво око. Давање приоритет на здравјето на очите не само што ќе ја подобри удобноста, туку и ќе ги подобри работната ефикасност и севкупниот квалитет на живот.

The post Професионална опасност: суво око кај компјутерски професионалци appeared first on Аптеки PlusPharma.

На постарите возрасни лица им треба приближно исто количество сон како и на помладите, од 7 до 8 часа сон во текот на ноќта, иако поголемиот дел од нив спијат помалку.
Староста носи потешкотии околу заспивањето! Студијата во која биле вклучени луѓе над 65-годишна возраст, покажа дека на 13 % од мажите и на 36 % од жените им требале повеќе од 30 минути за да заспијат.
Од друга страна, постарите лица имаат и потешкотии да потонат во длабок сон и почесто се будат во текот на ноќта, поради што имаат потреба да дремнат во текот на денот. Распоредот на спиење исто така се менува со текот на годините. Многу постари лица имаат тенденција да си легнуваат порано навечер и да го стартуваат денот рано наутро, уште во пет часот.
Постојат неколку толкувања за ваквите промени кои доаѓаат со возраста. Кај возрасните лица опаѓа продукцијата и излачувањето на мелатонинот, хормонот кој поттикнува сон. Сонот на возрасните исто така станува многу чувствителен, па се прекинува и при најмала врева.
Постарите лица може да имаат и други медицински и душевни проблеми кои може да влијаат на нивниот ноќен сон, бидејќи истражувањата покажале дека кога се здрави, возрасните лица имаат квалитетен сон.
Една од причините за влошениот ритам на спиење и квалитет на сонот се должи и на промената која се јавува во делот од мозокот задолжен за контролирање на циркадниот ритам (циклусот на будење и заспивање).
Стареењето влијае врз функцијата на овој дел од мозокот, нарушувајќи го циркадниот ритам и менувајќи ги навиките за спиење кај повозрасните.
Ваквиот ритам во голем дел зависи и од изложеноста на дневна светлина, а поголемиот дел од возрасните не поминуваат доволно време на отворено или комплетно се затвораат дома, а тоа се одразува на сонот. Сето ова влијае на продукцијата на кортизол и мелатонин, двата клучни хормони за ритамот на спиење.
Неспиењето е причина за низа проблеми. Слабиот сон води до депресија, проблеми со вниманието и меморијата, прекумерна дневна поспаност, зависност од лекови за спиење.

Слабиот сон подразбира живот со слаб квалитет.
Многу луѓе веруваат дека неквалитетниот сон е нормален дел од стареењето, што е погрешно. Шемите на спиење се менуваат како што старееме, но нарушениот сон и будењето уморни не се дел од нормалното стареење. Не прифаќајте живот без сон, сонот ве крепи и затоа обезбедете го по секоја цена.

Здрави навики за здрав сон

Однесувањето во текот на денот, а особено пред спиење, може да има големо влијание врз сонот. Тоа може да придонесе за здрав сон или за несоница.
Вашите дневни рутини, како што јадете и пиете, лековите што ги земате, како го поминувате денот, дали дремнувате напладне, како ги минувате вечерите, може значително да влијаат на квалитетот на сонот. Дури и неколку мали прилагодувања, во некои случаи, може да направат разлика помеѓу здрав сон и немирна ноќ.
Терминот „хигиена на спиење“ се однесува на низа зрави навики за спиење кои ќе ви го подобрат квалитетот на животот во целост.

• Одржувајте постојан распоред на спиење. Станувајте секој ден во исто време, дури и за време на викенд или одмор.
• Дефинирајте време за легнување кое е доволно рано за да спиете најмалку 7-8 часа.
• Не одете во кревет предвреме, освен ако не сте поспани.
• Ако после 20 минути не заспиете, станете од кревет. Појдете и направете некоја тивка активност, без многу изложување на светлина. Телефонот е најстрого забранет.
• Поставете релаксирачки ритуал пред спиење како топла бања, читање книга, масажа.
• Користете го креветот само за спиење.
• Спалната соба нека биде тивка, релаксирачка, удобна и малку поладна од другите простории.
• Ограничете ја изложеноста на сина светлина (ја емитуваат телефонот, компјутерот) навечер.
• Исклучете ги електронските уреди најмалку 30 минути пред спиење.
• Не прејадувајте се пред спиење. Ако сте гладни, каснете некоја лесна и здрава ужина.
• Вежбајте редовно и хранете се здраво колку што можете.
• Избегнувајте консумирање коефин попладне и навечер.
• Избегнувајте консумирање алкохол пред спиење.
• Намалете го внесот на течности пред спиење.

The post Зошто годините ни го крадат сонот? appeared first on Аптеки PlusPharma.

Некои нутритивни максими се флексибилни и лесно се вклопуваат во оброците, додека други ја губат нашата благонаклонетост под влијание на трендовите за исхрана и новите истражувања. Но, едно е сигурно – никогаш нема да се извлечеме од обврската да консумираме овошје и зеленчук. Причината? Поедноставна не може да биде – исхраната базирана на плодовите од природата обезбедува цела низа здравствени бенефиции.
Не зборуваме само за подобрена крвна слика или витко тело, туку години плус животен век. Земете го предвид следниот факт: ризикот од предвремена смрт предизвикана од која било причина паѓа за 10 проценти со секое зголемување на здравата храна за 2.5 порции, тврдат истражувачите кои разгледувале 95 глобални студии.
Колку точно и кој тип од сите достапни здрави намирници треба да консумирате е дебата што сѐ уште трае. Поддршка би добиле од оние што се на зелена диета, додека други ќе ве советуваат дека овошјето е полно шеќер и треба да го избегнувате.
Реално, нема причина да се опседнувате ако сте изеле некое зрно грозје повеќе или тоа што сте каснале банана пред легнување. Имајте на ум дека најголемите здравствени придобивки доаѓаат преку зголемено консумирање овошје и зеленчук од нула па до петпати дневно, затоа фокусирајте се да стасате дотаму. Со овие едноставни правила ќе ви биде уште полесно да го постигнете правилото 5 на ден и да го претворите во навика.

Правило број еден: Не робувајте им на правилата

Постојаното стоење пред полиците со свежа храна ве дели еден чекор од создавање нездрав однос со истата. Не е секогаш добро и возможно сѐ што јадете да биде во свеж облик. Боровинките во овесните снегулки кои киснат уште од ноќта или сечканите моркови и краставичките на бирото место грицки се одличен начин да ги пополните препорачаните порции. Но, ако не стасувате да ги приготвите, има опција и тоа здрава.
Каде ги купувате и како ги складирате здравите плодови е исто толку важно како и да ги изедете сите на број. Во суштина, замрзнатите варијанти ги победуваат свежите во однос на нутритивната количина на витамин Ц, бетакаротен и фолати, откри една студија. И ова не е единствена студија што го поддржува изборот на замрзната храна. Експертите од Универзитетот „Честер“ во Англија споредуваа нивоа на витамин Ц кај замрзнати намирници со нивоата кај свежите чувани во ладилник на 39 степени. Со исклучок на карфиолот, нивоата биле слични и кај двата типа. Но, после неколкудневното задржување на свежиот зеленчук во ладилникот, нивото на витамин Ц почнало да паѓа во однос на она кај замрзнатите плодови. Најголем пад бил забележан кај боровинките.
Многу нутриционисти велат дека замрзнатите варијатни се дури и поисплатливи. Тоа е исто како да купувате автомобил – штом новиот сјаен модел го напушти продажниот салон тој ја губи вредноста. Истото важи за свежо набраните зеленчуци и овошје. Освен што се губат дел од хранливите материи, многу од плодовите почнуваат да скапуваат уште пред да стасаат кај вас во кујна. Од друга страна, замрзнатите примероци се со врвен квалитет благодарение на ледот кој го продолжува и рокот на траење.
Генерален заклучок е дека зголемената консумација на овошје и зеленчук во каква било форма ќе има позитивен ефект за здравјето. Затоа, најдобро е да комбинирате по малку и од двете варијанти. На пример, ако правите салата од зеленчук, подобро е да користите свежи примероци. Ако правите супа, пржен зеленчук или овошен шејк, замрзнатите плодови се подобра опција.

Замрзнато или свежо?

Водете се според оваа листа при следното пазарување
СВЕЖИ: цреши, праски, јагоди, слатка пченка, брокола, боранија
ЗАМРЗНАТИ: боровинки, малини, капини, спанаќ, грашок, карфиол

Правило број два: Не фрлајте ги плодовите залудно

Ако не стасате да изедете сѐ, тоа не значи дека треба веднаш да ги фрлите намирниците. Однесувајте се рационално со храната!
Остаток од кромид
Ќе мириса ако го ставате во најлонска фолија, подобра опција е стаклен сад што херметички се затвора. Така ќе ја задржите свежината на кромидот, а ниту садот нема да замириса, што не е случај ако е пластичен. Или едноставно ставете го на чинија со пресечениот дел на долната страна.
Изртени компири
Сѐ уште се прифатливи за јадење ако никулците се долги помалку од еден сантиметар. Едноставно исечете ги заедно со зелените делови и продолжете со готвење.
Овенат спанаќ
За спанаќот да потрае подолго од вообичаено, измијте го темелно и исушете го, а потоа складирајте го во стаклен сад. Ако е веќе доцна и почнал да скапува, исушете го во тефлонска тава со капка масло и чувајте го во ладилникот уште максимум три дена.
Омекнато авокадо
Авокадото стана премногу кашесто? Совршено! Ваквата конзистенција е одлична за намаз: помешајте го со лук, лимон, босилек и намачкајте го врз лепче, а озгора додајте варено јајце.

Правило број 3: Набљудувајте ги боите

Чинија полна со бои изгледа убава на око, но не постои цврст доказ дека балансот на бои е еквивалент на балансот од хранливи материи. Познато е дека различната боја има варијабилно влијание врз ризикот од развивање болести. Зелките како карфиол се поврзуваат со намалени шанси за рак, додека цитрусните овошја и морковите штитат од срцеви заболувања. Наместо да се потресувате околу палетата што ја креирате во потрошната кошничка, едноставно фокусирајте се да изберете најмалку три различни бои и нијанси во денот (зелено јаболко, црвена пиперка, тиква) и ќе стасате до цел ранг нутритивни компоненти.

The post Денот не смее да помине без овошје и зеленчук appeared first on Аптеки PlusPharma.

Ние веруваме во моќта на зближување на луѓето и знаеме дека е толку важно да се има искрени, отворени дискусии за менталното здравје. Затоа сме горди што го славиме Movember, месецот на машкото здравје во кој се залагагаме за физичкото и менталното здравје на мажите.

Што е Movember?

Movember е најголемата светска добротворна организација за машко здравје, која се фокусира на менталното здравје и превенција од самоубиства, рак на простата и рак на тестисите.

Зошто треба да го почитуваме Movember?

Со оглед на тоа што на темата ментално здравје и треба повеќе внимание од кога било, ние треба да продолжиме директно да се залагаме. По „паузирањето“ на нашите вообичаени активности во последните неколку години, сепак да настојуваме да го задржиме наративот на пораката на Movember.

Не заборавајте да го започнете вашиот предизвик за Movember со избричено лице и да го споделите вашиот напредок со хаштагот #Movember на социјалните мрежи.

Аптеки PlusPharma
– Здравјето заслужува повеќе

The post Ноември – месец на машкото здравје! appeared first on Аптеки PlusPharma.

Не дишете со полн капацитет, бидејќи носот постојано ви е затнат? Имате чувство дека вашето сетило за мирис не е она што беше?
Главната причина за намалување на сетилото за мирис е оштетување на олфакторниот (сензорен) нерв и неговата мукоза под дејство на воспаление, а честа појава за време на коронавирусот.
Во тој случај е компромитирана комуникацијата помеѓу носот и мозокот, па мирисните дразби не стасуваат до центрите на мозокот.
Ако и после заздравување на нервот ситуацијата не се смени, тогаш најверојатно станува збор за полипи во носот – дијагноза што честопати се протнува под радарот на дијагностичарите.

Што се назални полипи?

Полипи се всушност оние месести, неканцерогени кожни израстоци кои растат во синусите или назалните патишта. Назалните полипи не се болни, па ако се мали, најверојатно нема ни да знаете дека ги имате.
Назалните полипи честопати се последица на хроничен риносинузитис, честа медицинска состојба која влијае на приближно 12 проценти од популацијата и се каректеризира со воспаление на синусите повеќе од три месеци. Состојбите како астма, алергии, нарушување на имунитетот, исто така водат до појава на назални полипи.

Симптоми

Вообичаено, тие се најавуваат со следните симптоми: затнат нос, капење од носот, притисок на челото, ’рчење, главоболка. Полипите исто така го намалуваат сетилото за мирис и вкус и може да предизвикаат забоболка. Симптомите потсетуваат на типична настинка, но се протегаат во подолг временски период.
Колку и да се непријатни, најмногу поради затнатиот нос, носните полипи се главно бенигни и повеќе се водат како тешка форма на воспаление отколку како израстоци. Полипите кои се формираат во други делови од телото, како дебелото црево и ректумот, можат да бидат малигни и да предизвикаат рак.

Дијагноза

За дијагностицирање на назалните полипи, лекарот може да направи назален ендоскоп (осветлена цевка опремена со камера) за да ја испита ситуацијата. Може да се примени и компјутерска томографија или скенирање на регијата со цел да се испита колку е сериозен синузитисот и каква шема има воспалението. Тестовите за алергија и микробиолошките култури може да помогнат во дијагностицирање на хроничното воспаление.

Лекување

Главната цел на третманот е да се контролираат симптомите на пациентот, со минимална изложеност на медицинска и хируршка терапија. Најчесто тоа подразбира смирување на воспалението и намножување на добрите бактерии во носната празнина.
Лекарот може да препише антибиотици со широк спектар, локален назален стероид спреј, плакнење со солен раствор и/или системски стероиди за лекување на синузитис и полипи, додека лековите за разредување на мукозните и назалните деконгестиви можат да помогнат во ублажувањето на запушувањето.
Во краен случај, кога лековите не делуваат, може да се примени ендоскопска хирургија за да се прошират природните синусни канали и да се отстранат сите попречни коски и воспалителни меки ткива.
Ендоскопската хирургија е амбулантска процедура која се изведува под општа анестезија. Болката вообичаено трае неколку дена, додека целосното закрепнување се јавува во текот на шест до осум недели. Во текот на заздравувањето, пациентот треба да користи физиолошки раствор за плакнење и лекови за да спречи можна инфекција.

Дали се станува зависен од спреј за нос?

Пред легнување, кога сте во природа, кога не можете да јадете на раат од што снемувате воздух, посегнувате по спрејот за нос? Голема е веројатноста за неколку дена да сфатите дека сте затнати многу повеќе од претходно. Како е можно?
Пречестото прскање назален спреј води до развој на ринитис медикаментоза или повратна конгестија. Овој маѓепсан круг на прекумерна употреба и зависност може да трае со месеци, па дури и со години. ОТЦ спрејовите е добро да се користат 4-5дена, но ако сте зависник од спреј за нос, спуштете го шишенцето.
Побарајте од вашиот доктор да ви препише орални стероиди за да се намалат воспалението и конгестијата додека вашите синуси заздравуваат. Користете средство за плакнење нос или солен раствор.

The post Назални полипи appeared first on Аптеки PlusPharma.

Поддржете го природниот одбранбен систем на вашето тело 

Силниот имунолошки систем е првата линија на одбрана од инфекции. Кога сте здрави  вашето тело прави подобра работа во борбата против штетните агенси.
Имајте редовен и доволно долг сон – За повеќето од нас тоа е околу седум до осум часа.
Менаџирање на стрес Учењето техники за релаксација, како што е контролираното дишење, и стратегии како што е  медитацијата, исто така може да ви помогнат подобро да се справите
Физичка активност  Практикувањето спортски активности 2-3 пати во неделата во траење од 45 минути до 1 час значително може да придонесе во намалувањето на секрецијата на хормонот на стрес
Јадете хранливи оброци со многу зеленчук, овошје, цели зрна и мешунки
Ако пушите, размислете да се откажете
Често миење раце со сапун и вода
Суплементи

Витамините и суплементите ја дополнуваат исхраната, но не ја заменуваат.
Честопати не добиваме доволно витамини преку нашата храна или нашето тело едноставно не произведува доволно од нив. Во овој случај, суплементите и витамините се одличен додаток на нашата исхрана. Специфични витамини, на пример мултивитамини, железо и магнезиум, треба да се земаат во текот на целата година. Сепак, постојат есенцијални витамини кои не можете да ги пропуштите додека одиме кон есенските и зимските месеци.

Есенцијални витамини и минерали кои придонесуват во полесна адаптација на организмот при промена на сезоната

Витамин Д
Бидејќи  сезонскиот премин од лето во есен ја намалува изложеноста на сончева светлина, започнувањето со суплементација на витаминот Д станува клучно. Статистиката открива дека во текот на есента многу региони доживуваат пад на сончевите часови до 50 %. Ова намалување може да доведе до недостаток на витамин Д, што влијае на 1 милијарда луѓе на глобално ниво. Соодветните нивоа на витамин Д ја зајакнуваат имунолошката функција и ја намалуваат подложноста на инфекции, особено кај пациенти со дијабет или хормонален дисбаланс. Затоа, навременото дополнување ја заштитува целокупната благосостојба бидејќи достапноста на сончевата светлина се намалува.

Витамин Ц 

Како што пристигнува есента, внесувањето витамин Ц во вашата рутина може да го зајакне имунитетот. Истражувањата покажуваат дека витаминот Ц ја подобрува функцијата на имунитетот, намалувајќи го ризикот од настинки и грип за време на сезонските транзиции. Студија на Hemilä et al. (2017) пријавила намалување од 14 % на веројатноста од настинка со редовно дополнување на витаминот Ц. Oва е една од проактивните мерки за заштита на здравјето како што се менуваат температурите, поддржувајќи ја целокупната благосостојба.

Б-комплекс

Земањето витамин Б-комплекс за време на годишните промени е од клучно значење поради неговата улога во поддршката на имунолошката функција и производството на енергија. Студијата на Даглас (2018) покажа дека индивидуите кои земале додатоци со витамин Б-комплекс имале 20 % намалување на симптомите на настинка и грип за време на сезонските транзиции. Витамин Б-комплекс помага во одржување на целокупната благосостојба и прилагодување на променливите услови на животната средина, помагајќи во дополнувањето на изгубената енергија. Дополнителен совет е да земете комбиниран препарат кој содржи Б-комплекс и пребиотици. Пребиотиците ja поддржуваат цревната флора и помагаат за подобро искористување на сите витамини и минерали, но и за создавање на витамините од групата Б.

 Цинк и селен  

Статистиката покажува дека дефицитот на цинк е чест, кој влијае дури на 17 % од светската популација. Оваа комбинација на цинк и селен е особено важна за пациентите кои имаат проблеми со тироидната жлезда, а поради тоа имаат проблем со адапатација на температурните промени. Исто така, не смееме да заборавиме дека цинкот и селенот се докажана антиоксидантска поддршка.

Омега-3 масни киселини  

Вклучете и омега-3 масни киселини во вашата рутина. Студиите покажуваат дека омега-3 масните киселини помагаат во ублажување на сезонското афективно нарушување (SAD), распространето во месеците без сонце, преку подобрување на производството на серотонин (хормонот на среќа). Освен тоа, омега-3 го намалуваат воспалението, придобивајќи го имунолошкиот систем, бидејќи се случуваат температурни промени.

Заклучок 

При адаптација на сезонските промени од лето во есен, вклучувањето на соодветни додатоци може да ја поддржи вашата благосостојба. Дајте приоритет на витаминот Д за одржување на здравјето на коските и намалување на стапката на инфекции, на витаминот Ц за поддршка на имунитетот и омега-3 масните киселини за контрола на воспалението. Запомнете, балансирана исхрана, хидратација и редовно вежбање се клучни. Консултирајте се со вашиот лекар или фармацевт за повеќе насоки.

д-р. Сандра Јовановска

доктор по општа медицина

The post Зајакнете го својот имунитет пред сезонските промени appeared first on Аптеки PlusPharma.

Летниот одмор помина, но вие воопшт не се чувствувате одморено? Напротив, наутро се борите да станете од кревет, напладне ви се слошува и ви паѓа шеќерот, а кога ќе земете да јадете ве мачи стомакот? Не сте единствени. Промената на клима, вода, храна, исцрпното патување и фактот дека треба да и се вратите на работата одново, лесно може да ве фрли во блага постодморна депресија. Во тој случај прв страда стомакот, а вие останувате без волја и енергија.

Но, со оваа храна ќе успеете да го вратите моралот и вистински ќе ги почувствувате бенефитите од одморот што помина. Ова еднодневно мени е дело на Медлин Шо, позната нутриционистка и авторка на велнес бестселерот „Get The Glow“. Менито има за цел да го прочисти телото од насобраните токсини, да го смири стомакот и да ви донесе енергија. Добро е да го практикувате барем еднаш месечно.

Солена вода пред легнување

Додајте мало количество морска сол (онолку колку што можете да задржите меѓу прстите) во чаша вода и полека испијте ја. Солена напивка пред легнување сигурно не звучи примамливо, но со сигурност функционира. Морската сол содржи околу 90 есенцијални минерали со кои ќе ги вратите нарушениот баланс во организмот и хидратацијата.

Комплетен појадок

Јајцата го детоксицираат црниот дроб и плус го снабдуваат организмот со протеини, аминокиселини и здрави масти за да имате енергија да го поднесете ритамот на денот. Каснете и парче леб што содржи квасец за да немате потешкотии со варењето на храната, особено ако и стомакот ви е чувствителен. Бананата и кокосовата вода се одлични извори на калум – електролит што лесно се надоместува.

Масен ручек

Почестете се со пржени компири, но подготвени дома, бидејќи во рестораните (особено во оние за брза храна) најчесто се користат смрзнати компири од кеса во кои речиси и да нема никакви хранливи материи. Уште подобар избор се слатките компири бидејќи не мора да ги пржите, едноставно исечкајте ги на коцки, пропрскајте ги со кокосово масло и морска сол и печете ги во загреана рерна на 180 степени околу 35 минути. Компирот слободно можете да го комбинирате со парче чисто месо за комплетно да го задоволите грелинот – хормон на гладот, што обично се лачи во големи дози при фази на исцрпеност.

Цреши за ужина

Ако цел ден се излежувате со цел да акумулирате што повеќе енергија и да си дојдете на себе, голема е веројатноста ноќта да се соочите со бран енергија. Од една страна тоа е добро, особено ако ги прескокнавте домашните обврски, но од друга страна е ризично за вашиот сон. Или ќе имате проблем да заспиете или ќе спиете со прекини. Затоа, каснете една рака цреши (во овој период може и замрзнати) или напијте се сок од цреши, бидејќи токму ова овошје ја поттикнува продукцијата на мелатонинот, хормон што ќе ви помогне де заспиете.

Специјална салата за вечера

Горчливиот зеленчуккако рукола, анасон, поточарка, се одлични за дигестивниот систем и плус ќе му помогнат на организмот да се ослободи од заостанатите токсини. Додајте и малку цвекло, свежо или од тегла, за комплетно да го дочистите црниот дроб. Следниот ден ќе бидете како нови, ќе се чувствувате свежо и енергично.

Најновиот фит пијалак

Ја гаси жедта во секое годишно доба! – Транспарентниот пијалак што освежува само додека го гледате, ќе ви стане нова опсесија. Станува збор за традиционален рецепт што го консумирале фармерите во време на жетва со цел да ја одржат хидратацијата. несекојдневен микс од ѓумбир, јаболков оцет, лимонов сок и јаворов сируп, спакуван со низа хранливи материи и природни електролити за комплетно закрепнување на исцрпениот и дехидриран организам.

Бенефити од пијалокот

Лимонов сок

И сами знаете дека лимоновиот сок изобилува со витамин Ц кој најверојатно го пиете само по потреба, кога сте болни. Колку за потсетување, 2 лажици лимонов сок содржат 14% од дневната препорачана доза витамин Ц. Витаминот Ц не само што ја подобрува кондицијата за спортување, туку истовремено е и одличен заштитник на кожата од сите надворешни фактори како УВ-зраци и загадувачи. Студиите покажуваат дека исхраната богата со витамин Ц неизбежно резултира со силен имунитет, но и затегната кожа без брчки.

Јаворов сируп

Спакуван со дузина компоненти кои го подобруваат здравјето, плус последните истражувања покажуваат дека сирупот може да ве заштити од Алцхајмерова болест. Но, нутриционистите предупредуваат во однос на следниот факт: 60 проценти од составот на јаворовиот сируп отпаѓа на шеќери, тоа значи дека само со еден грам сте внеле три калории. За максимум беенефити, водете се според бојата – потемниот јаворов сируп обично е побогат со хранливи материи и антиоксиданти.

Рендан корен од ѓумбир

Ѓумбирот е чудотворен зачин! Студиите го посочуваат како моќно превентивно оружје против канцер. Доколку одлучите да му се вратите на вежбањето, сега или зимоска, консумирајте го редовно за да ги ублажите болките во мускулите. Токму поради ѓумбирот, овој рецепт важи за одличен спортски пијалак. Содржи доволна количина натриум и калиум за да ја задоволи загубата на електролити што се случува при процесот на потење.

Јаболков оцет

Ќе издвојувате победа над мастите само ако почнете да внесувате помалку калории и ако успеете да го контролирате ефектот на јаглехидрати врз нивото на шеќер во крвта. За таа цел, добро е да го обновите пријателството со овој потценет производ. Новите студии покажуваат дека јаболковиот оцет ја подобрува инсулинската реакција, а на долг рок го намалува ризикот од дијабетес тип 2.

Рецептот

Исечкајте 250 грама ѓумбир, ставете го во 500 милилитри вода и варете го околу 2 минути, па оставете го 20 минути да стои настрана. Во бокал, сипете 3/4 шолја јаворов сируп (маџун или 1 лажица мед), 1/2 шолја јаболков оцет, 2/3 шолја лимонов сок. Во бокалот сипете ја и водата каде што се вареше ѓумбирот.

Послужете го пијалакот во тегла со коцки лед и декорирајте со свеж рендан ѓумбир, лимон и нане. Во зима, служете го топол

The post Што да јадете после одмор? appeared first on Аптеки PlusPharma.

Ние веруваме дека секој преземен чекор е чекор кон поздрав живот па затоа и оваа година даваме шанса на 20 поединци избрани по случаен избор, да го обезбедат своето место на настанот. Со покривање на котизациите за регистрација, ние ви гарантираме дека ќе имате и совршена опрема за трчање за да го направите вашето маратонско искуство исклучително.

Посветеноста кон здравјето е една од нашите најважни вредности, и сме подготвени да бидеме покрај вас во овој предизвик!

Да тргнеме по патеката напред, чекор по чекор и да создадеме незаборавни спомени на Скопскиот маратон 2023.

Настан: Виз Ер Скопски маратон 2023
Котизација: Аптеки PlusPharma
Понуда: 20 бесплатни пријави
Регистрирајте се: Линк за регистрација

Пријавите за учество се валидни најдоцна до 25.08.2023

The post Трчај со Аптеки PlusPharma – Скопски Маратон 2023 appeared first on Аптеки PlusPharma.

Имунитет

Во лето доминираат ентеровирусите кои поттикнуваат симптоми на обична настинка, но уште поактуелни се гастроинтестинални проблеми. Изобилството на свежо овошје и зеленчук се предност на летото што треба да ја искористите за да го одржите имунитетот стабилен. Но, има и голем број суплементи што можете да ги пиете за да бидете сигурни дека тој ќе функционира со полн капацитет и наесен.

На имунитетот неопходен му е витамин Ц во секое годишно доба. Во повисоки дози, витаминот Ц може да го намали времетраењето на настинката ако се разболите и покрај се. Слично дејство има и ехинацеата, билката која традиционално се користи за борба против инфекции, го забавува прогресот на симптомите поврзани со обичната настинка. Мултивитамините и минералите се погодна форма што ветува сигурен внес на соодветна количина хранливи материи, особено во текот на одморот кога правилната и балансирана исхрана е доведена во прашање. Преку редовен дотур на цинк и железо во организмот, мали се шансите имунитетот да ве издаде.

Поленска треска

Според СЗО, секое 5 лице ќе биде погодено од поленска треска (резултат на алергија на полен) во одреден период од својот живот. Летото се смета за високоризичен период во кој расте бројката на заболени. Поленската треска најчесто се третира со антихистамини, но во фазата кога симптомите се уште не настапиле или се благи, делуваат и природните додатоци. На оваа листа одново влегува витаминот Ц за кој се верува дека има моќни антихистамински својства. Хистаминот е соединение во телото кое го посредува алергискиот одговор и затоа витаминот Ц може да биде корисен.

Тука се и бета-глуканите, кои иако традиционално се користат за одржување на холестеролот на посакувано ниво, се смета дека имаат стимулирачки ефект врз имунолошкиот систем и можат да помогнат при алергиски состојби

Топлотен осип

Топлотниот осип е црвен осип на кожата што предизвикува чешање и чувство на пецкање. Може да се развие насекаде на телото, но најчесто ги зафаќа бутовите, грбот, вратот и лицето. Обично се јавува кај осетливи луѓе кога се потат повеќе од вообичаено, особено во топли и влажни услови. прво доаѓа до блокирање на потните канали, а тоа поттикнува воспаление кое резултира со карактеристичен осип. Бета каротенот ја штити кожата од оксидативно оштетување од слободните радикали, чие производство се зголемува како резултат на изложување на сонце. Се покажа дека суплементите на бета каротен значително ја зголемуваат толеранцијата на сонце кај фотосензитивни лица.

Иако научниците се уште се обидуваат да го идентификуваат точниот механизам со кој витаминот Б6 ја штити кожата, потврдено е дека неговото редовно консумирање ја намалува честотата на топлотен осип кај чувствителните лица. Поради неговата антихистаминска активност, витаминот Ц може да помогне во намалувањето на воспалението и чешањето кои се главните симптоми на топлотниот осип.

Задолжителни за на пат

Топ 3 додатоци кои заслужуваат место во вашата патна торба:

ПРОБИОТИЦИ – корисни бактерии кои придонесуваат за одржување на здрав дигестивен систем. Додатокот на пробиотик е неопходен за да го насели гастроинтестинален тракт со пријателски бактерии, така што ќе бидете подобро заштитени во случај кога ненамерно ќе наидете на непознати микроби.

Б КОМПЛЕКС – Б витамините извршуваат широк спектар на функции во телото и се важни хранливи материи за одржување на нивото на енергија и справување со стресот. Одредени Б витамини, исто така, имаат улога во имунолошкиот систем, а многу луѓе веруваат дека земањето витамин Б1 може да ги одврати комарците.

ЃУМБИР – Без разлика дали патувате со автомобил, автобус, авион или брод, пристигнувањето од точка А до точка Б може да претставува предизвик ако сте чувствителни на самото движење, нишање и кривини. Ѓумбирот е најпопуларниот природен лек за лошење при патување и со векови се користи за таа намена. Денес, постојат многу форми на додатоци со ѓумбир (без толку интензивен вкус) кои ја олеснуваат консумацијата.

The post Водич за суплементација во лето appeared first on Аптеки PlusPharma.

Diabetes mellitus – тоа е една хронична состојба која се карактеризира со високо ниво на глукоза во крвта. Според патогенетскиот механизам постојат повеќе типови, и тоа:
diabetes mellitus type 1 (каде постои недостаток на инсулин), diabetes mellitus type 2 (каде постои инсулинска резистенција), гестациски дијабетес (што се јавува при бременост).
Необјаснив губиток на телесна тежина, зголеменa жед и глад, зголемена фреквенција на мокрење (полиурија, полидипсија, полифагија – 3П), замаглен вид, слабост – имам ли „шеќерна болест“? Покрај карактеристичните симптоми што можат да се појават одеднаш или постепено со текот на времето, тестови кои се користат за да се дијагностицира оваа состојба се: утринска гликемија на гладно, орален гликоза толеранс тест и HbA1C (гликозилиран хемоглобин).

Запомни – не си сам!

Се претпоставува дека на светско ниво околу 246 милиони луѓе страдаат од оваа состојба. Она што е карактеристично е што здравствените проблеми и компликации како оштетување срцето (кардиоваскуларни заболувања), бубрезите (дијабетична нефропатија), очите (дијабетична ретинопатија) и стапалата (дијабетично стапало) преку оштетување на микроциркулацијата и неуропатијата, настануваат со текот на времето доколку нивото на гликоза во крвта не е соодветно контролирано. Но, сето тоа успешно може да се менаџира со што би се спречиле компликациите што можат да настанат.
Предизвик е да се живее со оваа доживотна состојба. Заедно со својот лекар може да се изработи план за успешно менаџирање на болеста преку промени во животните навики, воведување орални антидијабетични лекови или супституција на инсулин. Но, запомни – ескпертот за себеси си самиот ти!
Знај ги целните вредности на нивото на гликоза во крвта. HbA1C, крвниот притисок и нивото на холестерол кои треба да ги одржуваш. Добра алатка е водење свој сопствен дневник и внесување на измерените вредности на гликемијата. Запишувај ја секоја состојба која забележуваш дека има влијание врз нивото на гликоза како физичка активност, стрес, консумирање специфична храна за време на празници и слично. Запомни – нема „добри или лоши бројки“, туку само увид колку добро е контролирана вашата состојба и кои промени треба да ги преземете.

Храни се добро и здраво.

Имајќи ја оваа состојба не значи дека треба да се направи целосна елиминација на јаглехидратите од исхраната. Клучното е правилна распределба на порциите, што значи ½ зеленчук, ¼ протеини и ¼ јаглехидрати. Оброците треба да се базираат на храна богата со растителни влакна (интегрален леб, овошје, зеленчук, жито, мешункасти плодови); да се избегнуваат заситени масти (пржена храна, сувомесни производи, масно месо, чипс); да се избегнуваат артикли како бонбони, газирани пијалаци, чоколади, торти, бисквити); алкохолот да се избегнува или ограничи на 1-2 единици дневно (1 чаша пиво 285 мл, 1 чаша вино 120 мл, 1 чаша жесток алкохол 30мл); да се намалени внесот на сол и др.

Биди активен. Една од клучните начини за добра контрола на нивото на гликоза во крвта е физичката активност. Започни постепено пешачење, возење велосипед, пливање или која било друга физичка активност во склоп на можностите на личноста 3 пати неделно по најмалку 30 минути.

Бројот на луѓе на кои им е дијагностициран дијабетес мелитус и неговите компликации значително се зголемува ширум светот, што доведува до светска епидемија која ги опфаќа сите возрасни групи, од деца до постари возрасни лица. Патофизиолошки, дел од компликациите кај оваа болест се поврзани со промени во микроваскулатурата. Такви се дијабетичната ретинопатија и дијабетичната невропатија.
Дијабетичната невропатија е најчеста компликација на дијабетес. Се карактеризира со болка и чувство на печење во стапалата и рацете. Cè уште се смета дека е релативно рефрактерна на повеќето достапни третмани и лекови. Постои општ консензус дека строгата контрола на гликемијата може да го намали ризикот од развој на периферна невропатија, што сугерира дека превенцијата на дијабетична невропатија останува најдобрата стратегија. Сепак, идната цел во лекувањето на дијабетичната невропатија треба да биде не само спречување или одложување на болните невропатски симптоми, туку и целосно ублажување на болката и евентуално промовирање регенерација на дегенерираните нервни влакна по почетокот на патологијата. Меѓу новите супстанции кои се многу ефикасни против невропатска болка, канабиноидите се ветувачки аналгетик.
Канабидиолот (CBD) е еден од главните фитоканабиноиди добиени од растението Cannabis sativa L. Испитувано е дека канабисот има пожелни ефекти врз хипергликемијата преку неговите антиинфламаторни и антиоксидантни својства. Ендоканабиноидниот систем го модулира внесот на храна и енергетската хомеостаза преку активирање на канабиноидните рецептори. Модулацијата на овие рецептори со CBD има можност да ја намали телесната тежина и A1C кај луѓето со дијабетес.
CBD обезбедува витални медицински и терапевтски придобивки без да предизвика психоактивни ефекти (за разлика од THC), тој е нетоксичен, моќен додаток во исхраната и кога се користи правилно може да биде одличен додаток покрај стандардната терапија при широк спектар на акутни и хронични проблеми со здравјето во кои спаѓа и diabetes mellitus.

The post Живот со дијабетес appeared first on Аптеки PlusPharma.

Останатите се штитат несвесно, носејќи ги своите скапи очила за сонце со кои сакаат да го покажат својот статус. Целото подрачје (очите и околу очите) е подложно на УВ-зрачење. Офталмолозите потврдуваат се поголем број случаи на изгореници на очи предизвикани од сонце и се повеќе случаи на карцином на и околу очите.

Алармантни податоци

Американското здружение на канцер предвидува 2580 нови случаи на меланом на очите (кај поголемиот дел смртоносен), кои во голем процент се поврзуваат со обемно изложување на сонце. Додека 24 милиони луѓе, од кои 60 % жени, ќе завршат со катаракта која исто така може да биде поттикната од УВ. Но, гледајте на добрата страна: постојат многу работи што можат да се направат за да се заштитат очите и на долг и на краток рок. Вашиот план за заштита на видот започнува со осознавање на ризикот и усовршување на тактиката за блокирање на штетните зраци кои ги повредуваат очите Запознајте го ризикот и научете како да се заштитите од ултравиолетовото зрачење и зрачењето на сината светлина.

Најчести штети од УВ

Иако се толку малечки и не одземаат повеќе од 2-3 сантиметри од површината на лицето, само очите ви овозможуваат да ги видите убавините на овој свет и токму затоа го заслужуваат вашето внимание.

Очите можат да добијат удар под дејство на сонцето во форма на:

Пингвекула

Станува збор за трајна жолта наслага која се појавува на белката на окото и за која нема лек. Луѓето кои поминуваат многу време на отворен простор како градежни работници, на голема височина или на отворено море каде сонцето е појако, имаат поголем ризик да ја добијат оваа безопасна, но естетски непосакувана дамка.

Снежно слепило (фотокератитис)

Надворешната обвивка на очите акумулира до 99 % од ултравиолетовите зраци, па доколку не ја заштитите кога сте под јако сонце, таа може да изгори за помалку од еден час. Во прв момент веројатно нема да се почувствувате ништо, со неколку часа подоцна ќе се соочите со барем еден од следниве симптоми: иритација, чувство на сувост, интензивно црвенило, оток, болка, дури и моментално слепило. Во поблаг случај, окото само по себе ќе се исчисти и регенерира, но доколку симптомите траат повеќе од 24 часа, појдете на лекар.

Катаракта

Сонцето не е единствениот причинител за заматување на очната леќа, но дефинитвно може да ја забрза појавата на оваа болест. Постојаното изложување на УВ може да направи голема разлика во видот, особено во 60-тите години од животот кога очите сами по себе пропаѓаат.

Дегенерација на макулата

Долгото изложување на сонце може да предизвика оштетување на мрежницата, повреда со која стартува оваа болест. Бидете внимателни, може да доведе и до слепило.

Крацином

Премногу сонце не само што може да предизвика меланом на очите, туку и околу очите. Всушност 10 % од сите типови рак на кожа се појавуваат на очниот капак. Не заборавајте да ги заштитите очите пред да биде предоцна, бидејќи овој вид рак може да се пробие длабоко во очната шуплина и да стигне се до мозокот.

Телото, лицето, скалпот, стапалата, па дури и ушите се изложени на ризик од изгореници во летниот период. Крема со заштитен фактор, чадор, капа и уживањето на плажа може да помине во најдобар ред.

Мерки за заштита

Ризикот од штети од УВ вртоглаво паѓа доколку ги следите правилата за заштита!

Очила за сонце

Носете ги и на дожд и на сонце! Одберете модел на кој пишува УВ 400 или 100 % УВ блокада од УВА и УВБ. НЕ заморувајте се со оние модели кои промовираат заштита од УВЦ, бидејќи атмосферата ги апсорбира Ц-зраците пред да може да се инфилтрираат во очите. Во заблуда сте ако мислите дека колку е потемно стаклото, толку сте позаштитени. Секој модел е прифатлив доколку има филтер за заштита. Поларизираните стакла имаат филтер лус кој го намалува отсјајот, но тоа не е нешто пресудно. Не прескокнувајте ги сенките само затоа што носите леќи со заштита од УВ, тие сепак штитат само мал дел од вашето око.

Не заборавајте да носите капа

Само капа со раб од 7 сантиметри може да помогне во блокирање на штетните УВ-зраци во областа околу очите.

Внимавајте на часовникот

Сончевите зраци се најинтензивни во периодот од 10 часот наутро до 16 часот напладне, без разлика дали сте во град (зраците се одбиваат од бетонот) или на плажа (морето и песокот прават силна рефлексија).

Проверете ги лекарствата што ги пиете

Некои видови антибиотици или пилули за контрацепција може да ја зголемат чувствителноста на очите изложени на сонце, поттикнувајќи да горат многу побрзо и на пониско ниво на изложување. Доколку примате ваков вид лекарства, разговарајте со вашиот лекар дали и како влијаат на здравјето на очите. Бидете дополнително посветени во однос на горенаведените три правила за да бидете безбедни,

Суперхрана за видот

Нагостете ги очите со следните состојки: ЛУТЕИН И ЗЕАКСАНТИН.

Овие каротеноиди помагаат во филтрирањето на УВ-зраците, дејствуваат против оштетувањето од сонцето и ве чуваат далеку од катаракта и макуларна дегенерација. Овие магични состојки можете да ги најдете во само половина порција спанаќ или кељ дневно, а достапни се и во пченката, броколата, грашокот и зелената салата. Боровинките и вишните се силни антиоксиданти кои нудат природна заштита од слободните радикали кои ги емитуваат УВ-зраците. Овие овошки ги подобруваат циркулацијата и визуелната јаснина на очите.

The post И на очите им треба СПФ appeared first on Аптеки PlusPharma.

Мелатонинот се произведува од епифизата во мозокот и како се ослободува како одговор на темнината. Покрај неговите ефекти врз спиењето, мелатонинот има и неколку други придобивки.

Некои од придобивките на мелатонинг вклучуваат:

1. Регулирање на циклусите на спиење и на будење. Мелатонин помага во регулирањето на деноноќниот ритам, како внатрешен биолошки часовник кој контролира кога сме поспани или будни.
2. Намалување на честотата на несоница. Мелатотнин може да им помогне на луѓето кои имаат потешкотии со заспивање.
3. Борба со jet-lag. Мелатонинот може да помогне да се намалат последиците од патување со авион, како што се замор и тешкотии со спиењето.
4. Дејствува како антиоксидант. Мелатонинот им антиоксидантски својства, што значи дека може да помогне во заштитата на клетките од оштетување предизвикано од слободните радикали.
5. Поддршка на имунолошката функција. Се покажа дека мелатонинот има ефекти за зајакнување на имунитетот, што може да помогне во борбата против инфекции и болести.

Серотонинот е уште еден важен невротрансмитер во мозокот, кој често се поврзува со регулирање на расположението. Серотонинот, исто така, игра улога во регулирањето на спиењето, апетитот и варењето. Постои поврзаност помеѓу мелатонинот и серотонинот, бидејќи е под влијани на серотонинот. Серотониниот се претвора во мелатонин во епифизата, која е одговорна за производство и ослободување на мелатонин. Ова значи дека нивото на серотонин во мозокот може да влијае на производството на мелатонин. Покрај тоа, мелатонин може да влијае и на нивото на серотонин во мозокот.

Истражувањата сугерираат дека ниското ниво на серотонин може да биде поврзано со нарушувања на спиењето, депресија и анксиозност. Некои студии, исто така, сугерираат дека зголемувањето на нивото на серотонин преку лекови или други средства може да го подобри расположението и да ги намали симптомите на депресија и на анксиозност.

The post Мелатонин appeared first on Аптеки PlusPharma.

Оваа аминокиселина е уникатна поради фактот дека може да ја помине крвно-мозочната бариера и во мозокот да биде претворена во серотонин. Сумиран извештај од 17 студии објавени во американското списание за клиничка нутриција, пријавува значително подобрување на симптомите на депресија и анксиозност кај пациенти кои се соочувале со овие нарушувања. Исто така, студија објавена во медицинското списание за афективни нарушувања, бележи подобрен квалитет на сон и намалени симптоми на депресија кај пациенти со инсомнија, откако била започната суплементација со L-триптофан. Исот ова е малку позанто, L- триптофанот не е само прекурсор на серотонин, туку и на мелатонин и ниацин (витамин Б3)

На овој начин му помага на организмот преку:

• антиоксидантска поддршка
• регулација на сон и циркадијален ритам
• во борба против воспаленијата
• целосна регенерација и детокс

Некои од можните симптоми на недостаток на СЕРОТОНИН

• проблеми со помнењето
• дигестивни проблеми
• нервоза, страв, хиперактивност
• нарушен циркадијален ритам и проблеми со сонот
• намалено либидо

А како би изгледало доколку нивоата на серотонин се во нормала?

• добра меморија
• одлично варење (значителен дел од серотонинот се синтетизира и во цревата)
• ниско ниво на стрес, задоволство
• желба за социјализација и соработка
• регуларен циркадијален ритам и сон

Што знаеме за L-Триптофанот? – Одговорни за чувство на среќа и добро расположение

А за што всушност дополнително помагаат?

• за регулација сон
• за регулација на температура
• ја контролираат дигестијата (значителен процент од серотонинот се создава во цревата)
• ја подобрува меморијата
• го регулираат чувството на глад
• намалуваат нагони на агресија и ја подобрува социјалната соработка

Како да го подобрите нивото на серотонин?

Еден од најчестите совети кои ќе ги слушнете е да внесувате храна богата со триптофан. А тоа подразбира:

• банани
• јајца
• риба (туна)
• сирење
• семки (сончоглед, тиква)
• овес
• киви
• мисиркино месо
• бадеми

Но, не е доволно да се придржувате само на овој режим. Покрај квалитетните нутритивни извори вклучете и:

• вежбање
• изложеност на сонце
• оптимален сон
• позитивна визуелизација
• суплементи како што се: омега масни киселини, Магнезиум, Цинк, Витамин Д и Витамин Б6
• суплементи кои содржат Tryptophan, особено ако е во комбинација со горенаведените суплементи.

Интересен факт: Претворањето на триптофанот до серотонин е посредувано од присуството на витамин Б6 и Б3. Комбинациите на L-Триптофан со овие витамини и Магнезиум дополнително го зајакнуваат ефектот.

Екстра совет: Земете го вашиот суплемент кој содржи L-Триптофан на два часа растојание од оброк богат со протеини. На овој начин оваа аминокиселина ќе се искористи подобро, во спротивно ќе си пречи со другите аминокиселини од внесените протеини.

Предлог: Направете го вашиот тренинг, подгответе си високопротеински оброк и по истиот почекајте 2 часа за да го земете вашиот суплемент.

The post Суплемент на среќа appeared first on Аптеки PlusPharma.

Можеби сѐ започнува со кивавица, но за кратко сфаќате дека ве боли главата, ве гребе грлото и дека имате потешкотии со дишењето. Иако за некои луѓе алергиите се целогодишен предизвик, несомнено највисока концентрација на алергени во воздухот има во месец мај.
Неколку милиони возрасни секојдневно се борат со некаква алергија. Кај 10 милиони не станува збор само за една, туку во својот имунолошки куфер си носат и по 2-3. Симптомите вклучуваат црвенила и кожен осип, респираторни проблеми, повраќање и дијареа, па дури и анафилактичен шок кој може да го стави животот во опасност.
Алергиите може да бидат наследни, но тоа не значи дека она што ја поттикнало алергијата кај вашиот родител ќе биде причина и за вашата алергија. Алергијата може да се појави и во возрасното доба, ненадејно, без никакви претходни симптоми. Се појавуваат кога ќе реагирате на супстанца која вообичаено е безопасна. Вашиот имунолошки систем тогаш го преплавува телото со хистамини кои треба да ја отстранат заканата, предизвикувајќи класични алергиски симптоми.

Трева и цветен полен

Ако за некои луѓе кокичињата се знак за пролет, за останатите тоа е неконтролираното солзење и кивање. Многу често луѓето се во забуна, па алергискиот ринитис го третираат како летна настинка. Како да правите разлика помеѓу овие две? Проверете ја бојата на носната слуз. Зелената иницира настинка, а проѕирната алергија.
Подеднакво е важно времетраењето на симптомите. Поголемиот број настинки поминуваат за недела до две, додека алергијата трае цел месец. Уште еден фактор е количината на полен во воздухот. Кај некои луѓе алергијата се појавува само тогаш кога поленот во водухот ќе достигне одредено ниво.
Многу ќе си помогнете доколку ги затворите вратите и прозорците и доколку создадете навика да се пресоблекувате и да се туширате штом се приберете однадвор. Избегнувајте да ги сушите алиштата на отворено, особено во двор со трева и дрвја, и задолжително носете очила за сонце кога излегувате надвор.
Во аптеките можете да најдете и кремови и гелови за превенција, се нанесуваат под очите или на носната слузница со цел да спречат поленот да стигне до овие меки, осетливи ткива. Алтернативна терапија е и онаа со црвена светлина – ламба која испушта инфрацрвени зраци на синусите и носот. Ветува намалување на количината излачен хистамин.

Прашина

Микроскопските паразити кои живеат на облеката, мебелот и постелнината (повеќе од 10 милиони грини живеат во еден душек), се „олеснуваат“ барем по 20 пати дневно, а нивниот измет е причина за појава на астма, егзема и алергиски ринитис (кивање и чешање).
Неопходно е темелно чистење на домот за да се ослободите од паразитите, перење на чаршафите и постелата на 60 степени секоја недела, и заштитување на душекот и перниците со антиалергиски прекривки.
Редовното бришење на прашината и чистење на теписите со правосмукалка е исто така задолжително. Уште подобро, заменете ги теписите со дрвени подови.
Создадете навика да го прочистувате воздухот со порцелански сад со природни кристали. Користете го 15 до 20 минути дневно кога симптомите се влошени за да го намалите секретот и да ги исчистите дишните патишта. Функционира на сличен начин како терапија во солена соба, а целата идеја е поттикната од сознанието дека рударите кои работат во солени рудници немаат никакви респираторни проблеми во текот на работниот век.

Животински влакна и плунка

Животните се вториот најчест предизвикувач на алергии во домот токму поради митарењето или влакната кои животните ги оставаат зад себе. Чувствителните луѓе лесно можат да реагираат на потта, урината или плунката на домашниот миленик.
Не дозволувајте милениците да спијат во вашиот кревет, бидејќи тогаш проблемот најмногу се влошува. Антихистамините и капките за очи се само привремено решение, но тие нема да ве ослободат од алергијата.
Ако не сакате да се разделите од вашето милениче (што е сосема разбирливо), мијте ги рацете по секој контакт и редовно чистете го и дезинфицирајте го мебелот. Опција е користење на прочистувач на воздухот од алергени. Вообичаено влијае врз штетните честички, влакната од милениците, прашината и поленот.
Последниве неколку години особено актуелна е биоинформатиката (корекција на човечкиот софтвер), како еден од алтернативните методи за трајно решавање на алергиите.

Алергени во храната

„Алергичен сум на ореви и јатки“, „Не смеам да јадам јагоди“, „Мене ми е забранет глутенот“ – ова се само дел од оправданите изговори на луѓето кои се вечно скарани со одредени намирници. Но, експертите се едногласни дека модерниот начин на живот е причината за драстичното рапидно зголемување на алергиите на храна.
Истражувањата покажуваат дека најверојатно не сме изложени на толку бактерии колку што нашите црева имаат потреба од нив. Некои истражувања ги поврзуваат алергиите на храна со пестицидите кои се користат во агрикултурата.
Алергиите се многу почести од нетолеранцијата на храна, како онаа на лактоза или глутен. Нетолеранцијата не го вклучува имунолошкиот систем, а се случува кога организмот не може да ги обработи елементите во храната, па доаѓа до надуеност, грчеви, гасови, болки во желудникот. Строго избегнување на одредени типови храна на кои сте алергични е единствено ефикасно решение за овој проблем.

Мувла

Ако почнете да кивате во салата за вежбање или додека сте на базен, вината ќе ја барате во мешавината на пот, дезодоранс, хлор во очите, влага во просторот. Честичките мувла во атмосферата предизвикуваат состојба наречена хиперсензитивен пневмонит.
Мувлата се шири во топли влажни средини, како салата за вежбање, и често е скриена зад некакви површини или по ќошевите, па воопшто нема да забележите дека ја има. Честопати ќе ја најдете и во домовите, особено во претерано загреаните простории што ретко се проветруваат. Редовното вдушување мувла поттикнува проблеми со дишењето, кое лесно може да прогресира во егзема или астма.
Секој петти дом има мувла, а шансите за појава на астма се зголемуваат за 40 % ако тоа е случај со вашиот дом. Ослободете се од секаква мувла, во домот, зградата, канцеларијата. Чистете ја како што се појавува, при кондензација одржувајте го просторот што е можно посув и сведете ги собните растенија на минимум.

The post На што сте алергични вие? appeared first on Аптеки PlusPharma.

Дали навистина појадокот е најважниот оброк во денот или понекогаш е прифатливо да го пропуштиме? Не постои еден конечен одговор по ова прашање, се зависи од вашиот организам и целите што сакате да ги постигнете со тежината.

Појадувајте за мускули, прескокнете за минус килограми

Благодарение на целоноќното постење, нивото на гликоген во мускулите е на најниско ниво кога ќе се разбудите наутро. Најновите истражувања покажуваат дека посетата на сала за вежбање рано наутро (пред појадок) е одличен начин за да ги нападнете мастите неподготвени и полесно да ги стопите. Постои уште една научна студија која покажува дека испитаниците кои не појадувале, а вежбале во доцните часови, не покажувале значителни резултати во напредокот на мускулната маса. Заклучок? Доколку сакате да ја истакнете и да ја покачите мускулната маса, појадокот ќе ви служи како своевидно гориво за тренингот што следи. Доколку сакате ја намалите телесната тежина, одолејте на храната, прво појдете на тренинг.

Појадувајте за да не правите погрешни избори со храната остатокот од времето

Доколку го прескокнете појадокот, голема е веројатноста во текот на денот да испиете повеќе кафиња и да испушите повеќе цигари (доколку сте пушач), а исто така поголеми се шансите и да го пропуштите тренингот бидејќи ќе немате волја, покажува истражувањето направено на Универзитетот во Хелсинки. Но, врската помеѓу појадокот и одржување на формата е однеснувањето. Имено, они кои појадуваат најчесто имаат побалансирана исхрана. Започнете го денот со нешто полесно, како смуди, овес, салата и набрзо ќе ги увидите придобивките.

Појадувајте за да не ви се качи холестеролот во крвта

Научниците од магазинот за нутритивна наука, Journal of Nutritional Science, откриваат дека испитаниците со прекумерна тежина кои не појадуваат побрзо губат од телените масти, но покажуваат зголемено ниво на холестерол во споредба со они кои секој ден појадуваат житарки. Новите истражувања сугерираат дека шеќерот е огромен фактор кога се работи за срцеви заболувања, отколку холестеролот, што значи житарките кои се полни со шеќер и не се баш добра идеја.

Појадувајте оброк на база на протеини, минус шеќери

Идејата дека појадокот ќе ви го забрза метаболизмот е чиста претпоставка. Не, нема да симнете ниту грам ако секое утро се залажувате дека појадувате здраво, а всушност вашата порција житарки плива во шеќер. Квалитетот на калориите кои ги внесувате е она што е навистина важно. Затоа, доколку решите дека не можете без појадок, барем потрудете се да внесувате храна богата со протеини, како јајца, овес, јогурт. Истражувањето на Универзитетот во Мисури, Колумбија, покажа дека овие три производи го намалуваат таложењето масни наслаги.

Појадувајте рано наутро за да го намалите стресот

Само што отворивте очи сфативте дека пред вас ве чека еден долг и стресен ден. Затоа, подгответе се со појадок во 8 часот наутро. Тоа е периодот кога хормонот на стрес-кортизол почнува да се активира, а балансираниот појадок може да го врати во нормала. Освен тоа, истражувањето на Универзитетот во Мисури, Колумбија, покажува дека луѓето кои редовно го прескокнуваат појадокот имаат пониско ниво на допамин, што значи дека поголема е веројатноста во текот на денот да внесат поголема количина шеќер.

Појадувајте со сите сетила

Јадете разумно и сензорно за максимално да ги искористите бенефитите од појадокот. Првото подразбира да појадувате подалеку од компјутерот, ако сте на работа, или телевизорот, ако сте дома. Истражувањата на Универзитетот во Бирмингам покажуваат дека кога не сме фокусирани на храната што ја јадеме, внесуваме 25% поголема количина. Кога јадеме брзо или дозволуваме околината да ни го одвлече вниманието од храната, не му дозволуваме на центарот за апетит во мозокот да регистрира дека јадеме. Второто подразбира консумирање на храната со сите сетила – вкус, мирис, текстура, па дури и звукот на крцкање на храната меѓу забите, со цел да се заситиме побрзо и подолго.

The post Што кога ќе го пропуштите појадокот? appeared first on Аптеки PlusPharma.

Се сеќавате ли на времето кога храната беше уживање? Кога пазарувавте без да губите време во читање декларации? Денес доволно е да посакате да зготвите месо за да ве фати паника што да купите.

Да биде ослободено од хормони, антибиотик, нитрати и да доаѓа со специјална белешка дека кокошката е одгледувана во чиста средина ослободена од стрес. Во ред, барем некој бил ослбооден од стрес. Не сте ништо побезбедни ако се откажете од месо, бидејќи зеленчукот и овошјето се толку преплавени со пестициди, што слободно може да се декларираат како канцерогени бомби.

И сега како слободно да јадете омлет без да се заапрашате дали кокошката што ги снела јајцата била на пеницилинска терапија? Одамна квантитетот го надмина квалитетот, а прехранбената индустрија започна се повеќе да ни ги отежнува работите. Преплавени од разноразни ознаки, решивме да направиме мала поделба и да ви ги разјасниме работите.

Што значи органско?

Производството се смета за органско доколку производот е растен без конвенционални пестициди, синтетички или отпадни води и кое било друго вештачко ѓубриво. Спакуваната храна мора да содржи барем 95 проценти потврдени органски состојки кои не смеат да бидат процесирани со користење на лабараториски ламби, зрачења или со генетички инженеринг. Што се однесува на органското месо, животните мора да бидат хранети со органска храна, не смеат да примаат, антибиотици или хормони и мора да бидат одгледувани во природни услови за живот каде што ќе можат слободно да се движат и да пасат.

Органската храна звучи многу здраво, но колку е хранлива?

Универзитетот „Стенфорд“ направи анализа на 237 истражувања посветени на органската и вообичаената храна, и нивните резутлати покажаа дека нема никаква разлика во хранливата вредност, ниту во однос на ризиците по здравјето помеѓу овие две категории. Но, во British Journal of Nutrition излезе студија во која се вели дека органската храна содржи повисоко ниво на антиоксиданти. Заклучокот на студијата е дека човекот ќе успее да ги задоволи потребите од антиоксиданти само преку храната, но само ако истата е органска во целост. Истражувањето покажува и дека органската храна речиси и да не содржи пестициди.

Докажано е дека одредени пестициди се екстремно опасни за здравјето, поттикнуваат раст на канцерогените клетки, го ослабуваат имуниот систем, го зголемуваат ризикот од прекумерна тежина, дијабетес и деменција. Истото важи и за антибиотиците кои се даваат на животните, па со сигурност се знае дека нивното укинување ќе значи поткревање на квалитетот на здравјето кај човекот. Најголемо подобрување се прогнозира кај уринарните инфекции, чија резистентност на лековите често се поврзува со консумација на месо од животните кои се одгледуваат на фарма.

Можните здравствени ризици кои со себе ги носат пестицидите и антибиотиците се реалност, но исто така се познати и придобивките од овошјето, зеленчукот и чистите протеини без кои не би можеле да опстанеме. Секогаш кога сте во можност дајте и предност на органската храна, особено кога се работи за месо и млечни производи и намирници кои многу полесно ги апсорбираат штетните супстанци, а меѓу нив се: јаболка, грозје, праски, јагоди, пиперки, целер, домати, краставици, боранија и спанаќ.

Што значи природно?

Речиси 60^ од потрошувачите го бараат називот „природно“ на производите додека пазаруваат, тврди истражувањето на Consumer Reports. Од вкупниот број на оние кои се во потрага по оваа ознака, две третини мислат дека истото значи дека производот не содржи пестициди, вештачки додатоци или ГМО.

Со овој термин најчесто се означува храната која нема вештачки додатоци, вклучувајќи ги и конзервансите, но во секој случај изостанува официјален став за тоа дали оваа храна е добра или лоша за здравјето. Ниту на самата декларација не е означено каде и како е одгледувано животното од кое потекнува месото, со што се хранело и дали примало некакви антибиотици или ГМО состојки. Многу е важно терминот „природно“ да не се поистоветува со „здраво“. На пример, многу растенија содржат отрови кои се природни, но тоа не значи дека се добри за човекот. Многу попаметно е да обрнете внимание на составот на производот, отколку да робувате на ознаката „природно“, советуваат нутриционистите.

Трагајте по добри состојки како растителни влакна, протеини, витамини, минерали и што помалку лоши состојки како рафинирани шеќери или заситени масти или збунувачки состојки како натриум бензоат.

Што значи безглутенско?

Една третина од нацијатае заразена со безглутенска манија. Тоа се луѓе кои веруваат дека глутенот е виновен за нивниот константен умор, недостиг на енергија и вишок килограми.

Храната без глутен стана поим за храна која содржи многу малку јаглехидрати. Но, колку е тоа вистина?

Дел од експертите за храна се на ставот дека производите без глутен како колачите и лебот, содржат дополнителни количества масти и шеќери со цел да се надомести и недостатокот на вкус кој се губи при отстранување на глутенот.

Покрај ова, уште еден недостаток е високата цена на производите кои се означени како безглутенски. Потрошувачите се лесна мета за манипулација, па затоа поризоводителите многу често на своите производи  пишуваат дека се без глутен, иако истите по природа воопшто не содржат глутен (како оризови снегулки или пуканки) се со цел да ја покачат цената. Мал процент од населението страна од целијачна болест (автоимуно нарушување кое предизвикува симптоми на гадење, надуеност, болка, хронична дијареја или констипација секојпат кога во телот ќе внесат глутен). Во овој случај, исфрлањето на протеинот е задолжително.

Ако сте едни од 18-те милиони кои се чувствителни, но не и алергични на глутен, доволно е да го намалите внесот на глутен. Но, доколку единствено се обидувате да ја намалите телесната тежина, тогаш изберете храна што изобилува со хранливи материи и ќе добиете двојно повеќе, ем здравје, ем витка фигура. На следното пазарување, наместо со безглутенски, наполнете ја корпата со риба, пилешко, телешко, јогурт, производи кои само по себе не содржат глутен, а кои ќе ве заситат.

The post Органско, природно или безглутенско appeared first on Аптеки PlusPharma.

Секој од нас се нашол пред дилема околу тоа што е навистина здраво да се јаде, а што не. Во некои статии пишува дека сојата е канцерогена, а во други сосема спротивно, дека сојата штити од рак. Но, токму затоа постои науката за да ги негира тезите и да поставува нови. А вам ви останува да го слушате сопственото тело и да го храните онака како што ќе ви наложи. Имајте на ум дека балансот е се и кога станува збор за начинот на исхрана. Се што е премалку или премногу може да биде штетно.

Старо тврдење: Дресингот ја прави салатата висококалоричен оброк

Зеленчук, овошје и многу вода, заборавете на друго ако сакате да ја намалите тежината или да ја задржите линијата што ја имате. Јадете само сирова храна или потрудете се преливот да биде со ниска масленост и минимум калории – ова важеше некогаш!

Ново тврдење: Дресингот овозможува апсорпција на хранливите материи!

Салатите изобилуваат со витамини и минерали и затоа секогаш се добредојдени. Но, ако го прескокнете преливот или се потрудите да биде што подиетален, тогаш ги скратувате достапноста и апсорпцијата на добрите состојки. Како е тоа можно?

Една неодамнешна студија потврди дека мастите ја подобрува апсорпцијата на каротеноидите – компоненти на кои се должат живописните бои на плодовите. но, тоа не е нивната единствена функција. Студиите покажуваат дека каротеноидите го намалуваат ризикот од рак, кардиоваскуларни заболувања и го штитат видот. Истражувачите заклучија дека мононезаситените масти (во споредба со заситените) што можат да се најдат во дресингот, ја засилуваат апсорпцијата на каротеноидите. Ова не значи дека имате зелено светло да ставите премногу мајонез или сирење, но за маслиново масло немате никакво ограничување.

Старо тврдење: Расипаните заби го зголемвуаат ризикот од срцев удар

Долго време научниците ја проучуваа поврзаноста помеѓу кариесот и срцевите заболувања, за на крај да докажат дека не постои. Некогаш се веруваше дека бактериите кои се таложат помеѓу забите и кои предизвикуваат болести на непцата можат да преминат во крвотокот, да поттикнат воспаление на крвните садови, а со тоа да го зголемат ризикот од срцеви заболувања и мозочен удар.

Ново тврдење: Сите промени во усната шуплина и на забите остануваат токму таму!

Не постои цврсто издржан податок кој вели дека сиромашната орална хигиена го зголемува ризикот од срцево заболување, барем така вели Американската асоцијација за срце по анализата на 500 независни студии на темата. Она што тие успеале да заклучат е дека пушењето и дијабетесот можат да поттикнат и болест на непцата и болест на срцето, но тоа не значи дека едната состојба ја предизвикува другата. Одржувајте ја устата чиста, не само за доброто на срцето, туку за да ги сочувате природните заби.

Старо тврдење: Сојата е забранета за семејство со наследен рак на дојка

Бидејќи сојата содржи изофлавони, органска состојка која наликува на естрогенот, докторите со години беа загрижени дека консумирањето тофу сирење и млеко од соја го поттикнуваат развојот на рак. причината за ваквата загриженост потекнуваше од податокот дека поголемиот број од градните тумори се полни со естроген. Во 2006-тата година, истражувачите открија дека генистеинот, еден од видовите изофлавони присутни во сојата, го поттикнува растот на туморот кај експерименталните глувчиња.

Ново тврдење: Сојата е погодна за сите жени!

Не само што е погодна туку е препорачлива: Студијата во која биле вклучени околу 10 000 некогашни заболени жени од рак на дојка во САД и Кина, потврди дека жените кои консумирале повеќе од 10 милиграми сони озофлавони дневно (тоа е еднакво на полвина чаша соино млеко) имале значително помали шанси повторно да развијат рак. Сојата содржи антиоксиданти и витамини кои им се потребни на сите. Уште една добра вест доаѓа од студијата на The American Journal of Clinical Nutrition која вели дека консумирањето соја го намалува ризикот од рак на грлото. Сојата е добра како чоколадата и виното, неопходно е да ја консумирате во дефинирани количини или поточно 25 милиграми дневно.

The post Нови здравствени тврдења appeared first on Аптеки PlusPharma.

Не го цениме целосно природниот хормон естроген додека не го снема. Овој скромен хормон е од суштинско значење за одржување на здравјето низ целото женско тело. Постменопаузалните симптоми првенствено се припишуваат токму на намаленото ниво на циркулирачки естроген. Симптомите како иритабилност, промени во расположението, несоница, појава на „жешки бранови“, збунетост, уринарна инконтиненција, остеопенија и остеопороза, депресија, главоболки, вазомоторни симптоми и несоница се дел од синдромот познат како постменопаузален синдром.

Жените во перименопауза и постменопауза се озложени на посебен ризик од нарушувања на расположението. Околу 90% од нив страдаат од ментални нарушувања, кои се манифестираат како ненадејни промени во расположението, справување со проблеми со секојдневниот стрес, слаб дух, замор, нервоза, раздразливост, слаба концентрација, полоша меморија, соматски поплаки без одговор на третман и целосна депресија. Топлите бранови се главната причина зошто жените бараат нега во менопаузата. Урогениталната атрофија резултира со сувост на вагината и чешање, диспареунија, дизурија и уринарна итност.

Соодветна суплементација во текот на менопауза

Остеопорозата е системско заболување на скелетот, коешто се карактеризира со намалена коскена маса со консеквентно зголемување на коскената кршливост и подложност кон фрактури. Мускулно-скелетни симптоми коишто се карактеризираат со болки во грбот, фрактури при минимална траума, намалена висина и подвижност се чести поради остеопороза.

Нивото на елементите во трагови е исклучително важно за одржување на нормалното функционирање на човечкото тело. Ризикот од нарушување на нивната рамнотежа особено динамично се зголемува во периодот на менопаузата. Mg, Zn и Cu се суштински кофактори за ензимите вклучени во синтезата на различни состојки на коскениот матрикс и повеќе од 300 ензимски реакции што ги прави неопходни во коскениот метаболизам. Недостатокот на Mg и Zn кај жените во постемопауза води до појава на палпитации, треперење на раацете и нозете, парестезија, нарушувања на имунолошкиот систем, сува и груба кожа, губење на косата, апатија, меланхолија, проблеми со концетрацијата, како и оштетувања на видот, слухот, вкусот и мирисот.

Калциумот е од суштинско значење за различни функции на телото, како што се преносот на нервни импулси, мускулната контракција и згрутчување на крвта. Бидејќи внесот на калциум има тенденција да се намалува со возраста, суплементацијата на калциум е особено важна кај жените во постменопауза. Витаминот Д е исто така фундаментален за здравјето на коските, бидејќи е значаен за оптимална апсорпција на калциум. Производството на витамин Д од страна на кожата исто така се намалува со возраста. Истражувачите откриле дека додатоците на витамин Д имаат мал до умерен ефект врз симптомите на депресија кај возрасните.

Токму поради улогата што ја имаат овие микроелементи и витаминот Д за здравјето на постменопаузалните жени, најсоодветно е нивно земање во еден препарат во којшто би ги имало во доволни концетрации за препорачан дневен внес.

Едни од поважните состојби кои се јавуваат во постменопаузалниот период се остеопенија и остеопороза. Остеопенијата е дефинирата како минерална густина на коските помала од нормалната и е најзастапена кај жените во постменопауза. Остеопенијата често се нарекува „пред остеопороза“ бидејќи понекогаш води до остеопороза.

The post Постменопауза – неизбежен период од животот на секоја жена appeared first on Аптеки PlusPharma.

Уште помалку е јасно кога сме заразни, колку сме заразни, колку брзо можеме да се вратиме на работа и да излеземе во јавност и дали воопшто треба да носиме маски? Оваа статија ќе ве едуцира како се одвива преносот на нанстинките за да бидете подготвени за оние што ве чекаат напролет, но одговорноста за вашето здравје и здравјето на другите отсега целосно е во ваши раце.

Што точно претставува настинката?

Обичната настинка е прилично честа појава – возрасните во просек имаат две до три настинки годишно. Настинката е вирусна инфекција на горните дишни патишта која може да биде предизвикана од повеќе од 200 различни вируси. Со оглед на тоа што настинките се вирусни, единствениот начин за лекување е да се одморите многу, да останете хидрирани и да јадете храна што го поддржува имунолошкиот систем. Запомнете, антибиотиците не ја третираат настинката!

Во текот на настинката може да развиете болки во грлото, течење на носот, постназално капнување, блага кашлица, кивање, слабост, губење на апетит, болки во телото и неправилно мирисање или дегустација на храната. Сега ајде да навлеземе во спецификите за тоа како се шират настинките и колку долго треба да се држите подалеку од пријателите и семејството за да ги заштитите и обратно – да се заштитите себеси.

Период на инкубација на настинка

Не е потребно многу време за да почнете да се чувствувате болни откако ќе бидете изложени на вирус на настинка. Најчестите настинки имаат период на инкубација – времето по изложувањето и пред да се појават симптомите – од еден до три дена. Технички, вие сте заразени во овој момент, дури и ако не се чувствувате како да сте болни. Вирусот на настинка може да се шири овој период, пред лицето воопшто да знае дека е болно. Какви било симптоми на настинка – конгестија, течење на носот, болки во грлото, треска и кашлица – се показател дека можеби сте заразни.

Како точно се шири настинката?

Настинките се шират од човек на човек, преку мали капки во воздухот кога лицето кое го има вирусот кива или кашла. Може да се пренесе и со допирање на лицето, бришење на носот или кашлање во раце. Настинката може да се пренесе и преку близок контакт, особено додека зборувате. Кога зборувате, мукозата и плунката од задниот дел на грлото може да се исфрлат во воздухот.

Најсигурен начин да го спречите ширењето на настинката е да избегнувате контакт со други и често да ги миете рацете (треба да ги миете рацете со сапун и вода 20 секунди) бидејќи водата ги „влече“ вирусните честички од кожата. И, се разбира, носењето маски е исто така многу ефикасен начин за намалување на ризикот од ширење или заразување со настинка.

Колку долго треба да стоите настрана од болните?

Ако навистина не сакате да се разболите, неопходно е да избегнувате каков било контакт со болниот и тоа до последен ден. Настинатиот може да биде заразен додека има симптоми или севкупно од една до две недели. По оздравувањето или повлекувањето на симптомите, најдобро е да се почека најмалку 72 часа пред одново да ја стартувате комуникацијата. Ако пројавите какви било симптоми на настинка најдобро е да останете дома и да се одморите. Така ќе ги заштитите луѓето во вашата околина, но и ќе се поштедите себеси од потенцијално влошување на состојбата и развој на нови симптоми.

Постојат голем број лекови без рецепт за лекување на симптомите на настинка, но доколку имате други медицински состојби или земате лекови на рецепт, задолжително консултирајте се со вашиот лекар пред да купите лек за настинка. Домашните рецепти се подеднакво добар сојузник во борбата со настинките. Топли хербални напивки, свежо овошје, супи, топла купка и масажа се одлична поткрепа и утеха во деновите кога сте настинати.

The post Колку долго е заразна настинката? appeared first on Аптеки PlusPharma.

Што е во суштина суво око?

Според дефиницијата од Националниот институт за суво око, синдром на суво око претставува квантитативно или квалитативно нарушување на солзниот филм, кое резултира со нарушување на очната површина. Обично, кога ќе споменеме суво око, веднаш помислуваме на недостаток на солзи т.е квантитативно нарушување на солзниот филм, меѓутоа пореметувањето што многу почесто се јавува е, во суштина, квалитативно и е поврзано со зголемено испарување на солзите, односно евапорација.

Типови суво око

Синдромот на суво око настанува заради: намалено создавање солзи (квантитативно пореметување), зголемено испарување (квалитативно пореметување) или како комбинација на двата фактора (мешан тип). Квантитативниот тип на суво око, за среќа поредок, се обично болести поврзани со солзната жлезда. Тука спаѓаат Сјогреновиот синдром (автоимуно заболување), обструкција на каналот од солзната жлезда, внес на одредени лекови што го намалуваат лачењето на солзите и други.
За квалитативно нарушување (испарување) на солзниот филм се одговорни: внатрешни фактори, како нарушена функција на Мајбомови жлезди кои се одговорни за масниот (липидниот) слој на солзниот филм, абнормално затворање на капаците (после оперативен зафат на капаци), намалено трепкање и други. За абнормален солзен филм придонесуваат и какви било оперативни зафати на окото (ласерска корекција, операција на катаракта или глауком и др.) и одредени кожни заболувања (себореичен дерматит, розацеа и др.).

Надворешни фактори кои влијаат на нарушување на солзниот филм се: недостаток на витамин А, конзерванси од капки, носење контактни леќи, разни хемикалии и др.
Мешаниот тип, можеби и најтежок, е комбинација од двата фактора.

Солзниот филм со дебелина од само неколку микрони е прва линија на одбрана на окото

При излачување на солзите од солзната жлезда и помошните жлезди, течноста се распоредува рамномерно на површината на окото и се формира т.н солзен филм, кој се состои од три дела: воден дел, мукозен дел (слуз) и липиден (масен) дел, а дебелината на солзниот филм изнесува само неколку микрони.
Сигурно си мислите дека солзниот филм чија дебелина изнесува само неколку микрони (поточно 5-7 микрони) не игра никаква улога при заштита на очите, а уште помалку на вашиот вид.
Меѓутоа, не е така.
Солзниот филм со слоевите што ги споменавме претставува прва линија на одбрана на окото. Тоа значи дека какво било туѓо тело (прашина, хемикалија, бактерија, вирус итн.) прво се соочува со солзниот филм. Со самото трепкање солзите го испираат окото и поголем дел од страната содржина се истиснува во солзниот канал. А, од друга страна, солзите содржат природни антитела и ензими (лизозим) кои делуваат против надворешните бактерии и вируси.
Освен ваквата заштитна улога, солзите имаат и рефрактивна улога, односно улога во јасно формирање на сликата. Тоа го прават на начин што ја одржуваат рожницата глатка, мазна и сјајна, а со тоа прекршувањето на светлосните зраци е правилно. Доколку настане нарушување на кој било од слоевите или на сите, може да дојде до намалување на видот, односно заматување на сликата. Тоа се случува во суштина заради промена на рефрактивната (прекршувачка) моќ на рожницата, која има најголем удел во диоптриската моќ на окото.
Уште една улога, не помалку важна, е самото подмачкување на окото и одржување на влажноста, којашто е битна за рожницата, конјунктивата (сврзница) и за нормален акт на трепкање.
Напредниот стадиум на суво око може да доведе до оштетување на рожницата, промена на рефрактивната моќ, заматен вид, честа појава на инфекции на окото и последователно оштетување на видот.

Како да бидам сигурен/сигурна дека имам суво око?

Синдромот на суво око, според направените истражувања во Америка, се јавува кај 7 % од популацијата и се зголемува со возраста.
Симптомите кои укажуваат на суво око се: чувство на туѓо тело во очите, отежнато трепкање, пецкање, повремено заматување на видот кое се подобрува со трепкање, чувство на замор при подолго читање или работа на компјутер.
Доколку се пронајдовте во погоре наведените симптоми, тогаш е многу веројатно дека имате некаков степен на суво око.
Еден практичен тест којшто може да ви помогне за да го испитате квалитетот на солзниот филм е да се фокусирате на една точка или предмет и да измерите колку долго можете да издржите без трепкање. Нормално, распукувањето на солзниот филм настанува после 10 секунди. Доколку трепнавте порано веројатно имате некаков степен на нарушување на солзниот филм и можеби е време да размислите како да ги заштитите очите.
За конечно дефинирање на состојбата, секако, потребен е преглед од специјалист офталмолог, кој ќе ви направи неколку тестови за да ја потврди дијагнозата.

Кои се ризик-фактори?

Инциденцата на суво око е зголемена во последните години. Со развојот на технологијата и честото користење на компјутер (по неколку часа дневно), воздухот од клима уредот на работа, дома и во автомобил, нечистиот воздух, преголемата топлина, изложеноста на сонце, прашината и уште редица фактори, го зголемуваат испарувањето на солзите, а тоа води до синдромот на суво око. Правени се студии кои укажуваат на тоа дека при долготрајна работа на компјутер поретко трепкаме (нормалното трепкање изнесува 12-15 пати во минута), а истото се случува и при долготрајно читање, работа со документи или седење пред каков било екран.

Како да си помогнете?

Доколку имате симптоми слични на наведените, многу е веројатно дека имате некаква форма на суво око. Терапијата на суво око е различна, зависно од типот и степенот на развиеност. Меѓутоа, како прва линија на терапија се вештачките солзи. Постојат различни типови вештачки солзи кои заменуваат различни компоненти на солзниот филм и олеснуваат различни симптоми. Затоа, најдобро е пред да почнете да користите какви било вештачки солзи да се консултирате со лекар офталмолог.
Она што можете секако да го направите е да ја промените работната атмосфера. Како?
– доколку морате на работа или дома да седите со клима, избегнувајте да седите директно под неа;
– на паузите наместо да проверувате Фејсбук или Инстаграм, или да читате блогови и хороскоп, излезете надвор;
– правете паузи од компјутерот на секои два часа;
– пијте доволно течности, но не газирани сокови и какви било засладени пијалаци. Во текот на работниот ден треба да испиете најмалку 1,5 литри вода или чај без шеќер;
– избегнувајте долготрајно седење директно на сонце или ветер;
– носете со себе вештачки солзи и на секои 2-3 часа капнувајте си по една капка. Веднаш ќе забележите освежување на очите;
– внесувајте доволно витамини, особено витамин А, јадете овошје, зеленчук и риба.

Колку пати да капнувам во текот на денот, дали вештачките солзи може да ми наштетат?

Вештачките солзи може да се капнуваат неограничено, заради тоа што немаат несакани ефекти, освен ако не сте алергични на некоја компонента, а тоа е многу ретко. Препорачано е за луѓето кои долго користат компјутер (програмери, гејмери, сметководители итн.), дневно да капнуваат онолку пати колку што поминуваат часови пред екранот. Доволно би било и 3-4 пати дневно. Луѓето кои имаат развиен степен на суво око капнуваат и до 12 пати дневно, односно на секој час.

Вештачки солзи во секој дом?

Вештачките солзи се прва помош при каков било проблем со очите. Без разлика дали сте шетале или ви влегла прашина, дали очите ви се црвени, имате чешање или пецкање – капнувањето вештачки солзи може во истиот момент да ви го олесни дискомфорот и да ви купи време додека отидете на очен лекар.
На различни блогови ќе најдете најразлични совети за капнување и облоги од разни чаеви, млеко итн., кои често знаат да бидат токсични за окото и да го искомплицираат проблемот. Она што сигурно нема да ви наштети се вештачките солзи.

Дали вештачките солзи може да се користат превентивно?

Секако, да. Во секој проблем од медицината подобро е да спречите отколку да лечите.
Во денешно време најголем дел од професиите бараат работа на компјутер, изложени сме на воздух од клима уреди, парно греење, седиме дури по неколку часа на мобилните телефони, изложени сме на топол воздух, сонце, ветер итн.
Без разлика дали имате веќе некакви потешкотии или не, добро би било да почнете да ги заштитувате очите и да применувате дел од советите за заштита.
Не заборавајте, очите се прозорец кон светот, одржувајте го сјаен!

Д-р Маја Иванова

The post Дали можеби имате суво око и како да си помогнете? appeared first on Аптеки PlusPharma.

Спанаќ

Општо познат е фактот дека спанаќот е еден од најбогатите извори на железо. Но, малкумина знаат дека содржи и тилакоиди, состојки кои поттикнуваат лачење на хормонот за ситост. Колку повеќе спанаќ изедете, толку подоцна ќе ви се пријаде. Нов предлог да го внесете во исхраната: Комбинирајте свежи листови спанаќ со банана за утринско смуди или сварете го спанаќот и ставете во смеса за плескавици, палачинки или омлет.

Младо сирење

Младото бело сирење е извор на чисти протеини на пример, во количина од 245 грама или дури 28 грама чист протеин наречен касеин. Потребно е долго време за касеинот да се преработи, а тоа значи продолжено чувство на ситост. Нов предлог да го внесете во исхраната: Згмечете го сирењето, додадете лук во прав, лимон, пиперка и оригано и ќе добиете совршена закуска. Користете го и како замена за млеко во смуди – 125 гр младо бело сирење, 1 средна банана, 50 гр смрзнати јагоди, 1/4 лажичка екстракт од ванила и вода.

Јаболко

Јаболкото изобилува со растителни влакна кои даваат чувство на полност во стомакот. Едно истражување потврдува дека луѓето кои изеле јаболка 15 минути пред ручек, за време на оброкот внеле 200 калории помалку. Нов предлог да го внесете во исхраната: Свежо јаболко одлично оди во комбинација со зелена салата со рукола, мисиркино месо и суво грозје. Вклучете го во овесна каша со ореви или пржете го со малку цимет и додадете го во сендвичот со путер од кикирики.

Ореви

Јаткастите плодови изобилуваат со многу калории, па ако редовно се консумираат треба да се биде особено внимателен во однос на количината. Но, едно истражување покажува дека клеточните ѕидови на оредвот многу тешко се дигестираат, па затоа консумираме само една петиина од мастите што ги содржат. Уште при грицкањето на оревите во устата, телото почнува да се чувствува сито. Нов предлог да ги внесете во исхраната: Оревите се одличен прилог за сите варијанти на зелена салата со пилешко и одлично се вклопуваат во бурито.

Јајца

Ако барате 100% чист протеин, нема подобар извор од јајцата. Едно истражување споредувало две групи на луѓе од кои едната, секое утро за појадок појадувала две јајца и овошје. Истражувањето покажало дека токму таа група внесува 164 калории помалку за време на ручекот. Нов предлог да ги внесете во исхраната: Згуснувајте ги супите и чорбите со јајце, вклучувајќи го јајцето во тестенини или пица или во варена овесна каша.

Овесна каша

Целите зрна се во тренд и тоа со потполно право, бидејќи во комбинација со млеко, јогурт, па дури и вода, се добива вистинска енергетска бомба од хранливи влакна кои ја забавуваат дигестијата и го одложуваат гладот. Нов предлог да ја внесете во исхраната: Освен овесна каша, денес постојат безброј рецепти за овесни палачинки, мафини и здрави колачи со овесно брашно.

Малини

Во однос на растителните влакна, малините се на врвот на лситата меѓу овошките. Имаат повеќе влакна дури и од боровинките. толку се хранливи што едно истражување покажува дека околу 250 гр маалини (содржат 65 калории) во денот, поттикнуваат значително намалување на апетитот. Нов предлог да ги внесете во исхраната: Малините се одличен додаток во чиа пудинг, овесна каша или како прилог за палачинки. Комбинирајте ги со сечкан коријандер, лук, кромид и сок од зелен лимон за да направите прелив за риба или пилешко.

Црвен грав

Мешунка што е добро да ја внесувате барем еднаш во неделата, бидејќи изобилува со многу растителни влакна и протеини скоро колку месо. Нов предлог да го внесете во исхраната: Црвениот грав е одличен прилог за марула салата, но и за закуска – исцедете го гравот од конзерва, додадете му маслиново масло, црвена пиперка и лук и ставете го на хартија за печење. По 45 минути печење на 200 степени имате готова закуска.

Пуканки

Хранливите растителни влакна не се единствената тајна состојка на овие моќни зрна. Содржат само 100 калории, а бидејќи се волуменозни и подразбираат продолжено џвакање, за кусо време поттикнуваат ситост. Нов предлог да ги внесете во исхраната: Додадете ги во макароните со топен кашкавал или како совршен финиш на сладок колач.

`РЖ

Едно истражување покажува дека луѓето кои јаделе леб од рж, подолго време остануваат сити, дури 8 часа после оброкот. Причината за оваа појава се хранливите влакна на брашното од `рж  ко иимаат голема моќ врз метаболизмот. Нов предлог да го внесете во исхраната: Исечете парче ржано лепче, стоплете го со малку маслиново масло и лук во прав. Можете да купите и `ржани галети и да ги комбинирате со путер од јатки и банана.

Ви здодеаја дозволените намирници?

Секој нов начин на исхрана со текот на времето станува здодевен и логично е да немате ниту желба ниту волја да зготвите спанаќ по којзнае којпат. Во тие моменти, многу е веројатно да скршнете од патот на здравата храна. За да не ви се случи тоа, едноставно вклучете нови зачини во готвењето. Со вистинските зачини и наједноставното јадење станува деликатес. Но, најдоброто од се е тоа што зачините не дебелеат.

Циметот го потиснува апетитот, а истовремено го забрзува метаболизмот. Дејствува како инсулински стимуланс и овозможува поефикасно метболизирање на шеќерот.

Каенски пипер е лут зачин што желудникот лесно го поднесува, а тој пак го пролонгира чувството на ситост. Помага да се намали лошиот холестерол во крвта, а капсаициниот што го содржи го забрзува согорувањето на мастите.

Тилчецот содржи растителни влакна кои даваат чувство на полност во стомакот, заситуваат и спречуваат да се прејадете.

Кардамомот е диуретик и силен стимулатор на метаболизмот со чија помош се согоруваат мастите за многу брзо време.

The post Намирници – пријатели на секоја диета appeared first on Аптеки PlusPharma.

Не постои безбедно ниво на изложеност на пасивно пушење

Безбедна средина е средината во која не се пуши воопшто, а таква средина за непушачите единствено може да се обезбеди со закон. Пасивното пушење треба да биде право на избор исто како и активното пушење. „Пушењето е штетно за вас и за луѓето околу вас“ – пишува на амбалажите, но тоа е само излитена фраза што ретко кој ја сфаќа сериозно. Целиот чад од согорувањето на никотинските производи содржи штетни токсини. Дури и чадот што го издишува пушачот содржи токсични супстанци што лесно завршуваат во организмот на пасивниот пушач. Најштетен е чадот од крајот на цигарата, пурата или лулето, бидејќи е нефилтриран. Токму тој чад содржи највисока концентрација на штетни токсини, речиси двојно повеќе од чадот што некој го издишува.

Повеќе од 7.000 токсични материи се идентификувани во чадот од тутунот, како амонијак, бензен, кадмиум, цијанид, формалдехид.

Како пасивното пушење влијае на непушачите? – Пасивното пушење го оштетува телото на многу различни начини.

Возрасните изложени на пасивно ппушење може да се соочат со:

1. Кардиоваскуларни заболувања, висок крвен притисок, атеросклероза, срцев удар или мозочен удар.
2. Проблеми со белите дробови, како хронично опструктивно белодробно нарушување (ХОББ) и астма.
3. Зголемен ризик од рак на белите дробови и рак на мозокот, мочниот меур, желудникот, рак на дојка и многу повеќе.

Децата изложени на пасивно пушење е поверојатно да се соочат со:

1. Често кашлање, кивање, отежнато дишење или други проблеми со дишењето.
2. Чести инфекции на увото.
3. Чести и потешки напади на астма.
4. Респираторни инфекции, како бронхитис или пневмонија.
5. Оштетување на очите и расипување на забите.
6. Проблеми со учењето и однесувањето.
7. СИДС (Синдром на ненадејна смрт на доенче).

Штетните токсични материи од чадот се лепат на честичките прашина во домот или директно на самите површини. Малите деца имаат особено голем ризик од ваквата изложеност, поради нивниот чест контакт со површините низ домот.

Кога пасивното пушење станува штетно?

Истражувањата покажаа дека после 5 минути пасивно пушење се случуваат промеи.

По 5 минути: Артериите стануваат се помалку флексибилни, истото им се случува и на пушачите.

По 20-30 минути: Крвта почнува да се згрутчува, а масните наслаги во крвните садови го зголемуваат ризикот од срцев и мозочен удар.

По 2 часа: Срцето почнува неправилно да чука (аритмија) и може да предизвика срцев удар или други срцеви проблеми.

Како се дијагностицира изложеноста на пасивно пушење?

Ако редовно вдишувате туѓ чад и забележувате дека тоа се одразува на вашето дишење или срцева работа, можете да го проверите количеството на вдишан никотин преку плунката, урината или преку крвна слика. Единствен начин да го сочувате вашето здравје од штетниот чад од тутунот е да ги избегнувате задимените простории по секоја цена, дури и кога само една цигара чади и загадува.

The post Кои опасности ги предизвикува пасивното пушење? appeared first on Аптеки PlusPharma.

За појавата на дебелина главен виновник е исхраната, големиот внес на шеќери и масти од индустриски тип, како и седентарниот стил на живот, односно седење во поголемиот дел од времето без фичичка активност. Комплексна мешавина фактори може да го зголеми ризикот за дебелина кај една личност. При развојот на дебелината влијание има и генетската предиспозиција, но сепак најзначајниот фактор е прекумерното внесување храна.

Дебелината може да се подели на андоид тип (централен тип дебелина во кој масното ткиво се акумулира на стомакот и градите) и гинекоиден тип (во кој масното ткиов се акумулира во рацете и нозете). Андроид типот дебелина е значително поопасен по здравјето на луѓето од другиот тип. Дебелината се јавува и е тесно поврзана и со останати болести и синдроми, како што се хипотироидизам, Кушингов синдром, инсулином, синдром на полицистични јајници, Прадер-Вили синдром, употреба на орални контрацептиви, нарушувања во исхраната, хипогонадизам, псевдохипопаратироидизам итн.

Дебелината, еден од најважните јавно здравствени проблеми на денешното општество, глобално е прифатена како важен променлив ризик-фактор за хронични заболувања како во развиените, така и во неразвиентите земји. Статистиките покажуваат дека дебелината е се почеста појава во развиените земји, каде што процентите се високи – дури 35% од жените и 31% од мажите на возраст над 19 години се со прекумерна тежина или дебели. Дебелината ги погодува сите раси подеднакво, но има одредени етнички групи кои се почесто погодени од другите (припадници на црното и шпанското население, некои членови на индиските племиња во Северна Америка итн). Мажите се подеднакво погодени од дебелината како и жените.

Кој е изложен на ризик од дебелина?

Генетика

Некои луѓе имаат гени кои им го отежнуваат слабеењето. Како и кај другите хронични болести, дебелината произлегува од интеракцијата помеѓу генетската предиспозиција на поединецот за зголемување на телесната тежина и влијанијата од околината.

Животна средина и заедница

Вашата околина дома, на училиште и во вашата заедница може да влијае на тоа како и што јадете и колку сте активни.

Психолошки и други фактори

Депресијата понекогаш може да доведе до зголемување на телесната тежина, бидејќи некои луѓе може да се насочат кон храна за емоционална удобност. Одредени антидепресиви може да го зголемат и ризикот од зголемување на телесната тежина. Откажувањето од пушење е секогаш добра работа, но откажувањето може да доведе и до зголемување на телесната тежина. Кај некои луѓе тоа може да доведе до прекумерно зголемување на телесната тежина од доверлив извор. Од таа причина, важно е да се фокусирате на диета и вешбање додека се откажувате, барем по почетниот период на одвикнување. Лековите, како што се стероидите или апчињата за котрацепција, исто така може да го зголемат ризикот за зголемување на телесната тежина.

Што предизвикува дебелина и прекумерна тежина?

Основната причина за дебелина и прекумерна тежина е енергетскиот дисбаланс помеѓу внесените и потрошените калории. На голабно ниво, постојат следните причинители за дебелина и прекумерна тежина:

• зголемен внес на енергетски богата храна со масти и шеќери;
• зголемување на визичката неактивност поради се повеќе седечка природа на работните места, различни типови транспорт и зголемена урбанизација.

Како се манифестира дебелината?

Дебелината е обично многу очигледна, со евидентно присуство на масни наслаги на одредени делови од телото. Но, таа е моќен ризик-фактор за дијабетес тип 2 и дислипидемија, поттикнувајќи развој на инсулинска резистенција и инфламација, кои доведуваат до нарушување на глукозната регулација. Нарушената секреција на инсулин резултира со намалено ниво на инсулин. Намалената сигнализација во хипоталамусот, доведува до зголемување на внес на храна и зголемена телесна тежина, потоа кон намалена инхибиција на хепатална продукција на глукоза, намалено искористување на гликоза во мускулите и зголемена липолиза, што води до зголемено ослободување на незаситени масни киселини, глицерол, хормони, про-инфламаторни цитокини и други фактори за развој на инсулинска резистенција, дефицит на бета клетки и идијабетес мелитус тип 2.

Кај луѓето со прекумерна телесна тежина може да се јават зголемен крвен притисок (хипертензија), коронарна болест, артериосклероза со периферни манифестации, а често се јавува и цереброваскуларен инсулт (мозочен удар).

Други придружни можни заболувања се:

Холециститис (воспаление на жолчното кесе), холелитијаза (присуство на камења во жолчното кесе). Замастен црн дроб (хепатална стеатоза) и рефлуксен езофагитис. Опструктивната ноќна апнеја се јавува значително почесто кај дебели луѓе отколку кај луѓе со нормална тежина. Дебелината е често причинител и на депресија со несоодветна социјализација, потоа остеоартритис и дискус хернија, а неретко се јавуваат и ановулаторни циклуси, предвремен пубертет и неполодност, појава на оток на нозете со проширени вени.

Како се дијагностицира дебелината?

Доволна е анамнеза со детален нутриционистички прашалник и објективен преглед за да се утврди дијагнозата и со сигурност да се утврди причината за дебелината. За да може да се дефинира дебелината, се зема предвид индексот на телесна маса.

Вишокот телесна тежина од прв степен постои ако БМИ е 25-29.9 кг/м2. Вишокот телесна тежина од степен 2(дебелина) постои ако БМИ е 30-39.9 кг/м2. Вишокот телесна тежина од степен 3 (морбидна дебелина) постои ако БМИ е 40 кг/м2.

Како се лекува дебелината?

Пристапот кон третманот на дебелината е мултидисциплинарен. Треба да се напомене дека не се препорачува брзо губење на тежината (оптимално губење тежина е околу 1 кг неделно). Вообичаено, пристапот во третманот на дебелината е промена на навиките во исхраната, избегнување на внесот на индустриски шеќери и масти, и зголемување на внесот на намирници богати со влакна и зголемена физичка активност. Нарушувањата во исхраната бараат пристап од психолог и градење здрави навики во исхраната.

Лековите кои се користат во лекувањето на дебелината можат да дејствуваат на намалуњате на апетитот, на намалување на ресорпција на супстанциите во цревата или да влијаат на метаболизмот на супстанциите. Хируршкиот третман доаѓа во предвид во случаи на прекумерна дебелина од морбиден тип и појава на долготрајни компликации а вклучува гастричен бајпас и поставување констриктивен прстен околу желудникот, со што се намалува неговиот волумен. За жал, се поголем е бројот на млади лица со прекумерна телесна тежина и во нашата земја. Затоа, за решавање на овој голем проблем, треба да се вклучат и да имаат активно учество родителите, здравствените работници и наставниците преку едукација на децата за правилна исхрана и едукација за последиците од дебелината.

Со навремен пристап да се стремиме да имаме здрава популација

Препораки за намалување на прекумерната тежина и дебелината

Нема брз лек за дебелината. Програмите за слабеење бараат време и посветеност. Меѓутоа, прекумерната тежина и дебелината во голема мера може да се спречат.

Препораките се:

• ограничување на внесот на калории кои доаѓаат од вкупните масти и шеќери;
• зголемвуање на внесот на овошје и зеленчук, како и мешунки, цели зрна и јаткасти плодови;
• вклучување на редовна физичка активност (60 минути дневно за деца и 150 минути распоредени во текот на неделата за возрасни).

Запомнете дека дури и губењето на она што изгледа како мала количина тежина, како што е 3% или повеќе од вашата почетна телесна тежина, и одржувањето на тоа доживотно, може значително да го намали ризикот од развој на компликации поврзани со дебелината, како што се идјабетес и срцеви заболувања.

Дебелината може да се спречи

Корисни линкови:

WHO

CDC

NHLBI

The post Дебелина (obesitas) appeared first on Аптеки PlusPharma.

Сонот е императив за општото здравје на човекот, но залудно спиете осум часа ако за сето тоа време спиете со рацете под глава. Спиењето во погрешна позиција води до грчеви во мускулите, намалена циркулација, болки во коските, кошмари и низа други здравствени проблеми. Кога спиете доволно долго, на соодветен душек, чиста постела и во правилна поза, сонот делува терапевтски.

Ако имате …

Киселини во стомакот

Легнете на лева страна – „Според тоа како се распоредени органите, спиењето на лева страна значи помал притисок врз долниот сфинктер на хранопроводот“, вели специјалистот за спиење Пријанка Јадав од центарот „Спиј за живот“ во Њу Џерси. (Сфинктерот во суштина е вратата низ која поминува храната на патот до утробата. Кога е под стрес, стомачната киселина се качува нагоре иритирајќи го грлото.) Легнете на лева страна одморајќи со рацете испружени пред вас. Благо свиткајте ги колената и поткренете ги нозете кон трупот, во полуфетус. Ако премногу ве гори, легнете на грб и искористете неколку перници за да ги поткренете главата и градите. Или поткренете го душекот кај заглавјето неколку сантиметри со помош на перници или ќебе намотано во ролна.

Болки во грбот

Легнете настраната со потпора под нозете – Околу 40% од луѓето страдаат од проблеми на `рбетниот столб, а многу од нив потекнуваат или се влошуваат поради лошото позиционирање во текот на спиењето. Спиењето во искривена поза со часови може да ја загрози флексибилноста на `рбетот. Клучот е да го одржувате `рбетот во неутрална, природно извиткана поза. Легнете настрана и благо свиткајте ги колената, но ќе внимавате колковите да се во права линија еден врз друг (ако едниот колк или колено натежне врз другиот ќе дојде до ротација на лумбалниот пршлен и интензивирање на болката). Ставете една или две цврсти перници меѓу колената за да ги одвоите нозете во ширина на колковите. Рацете нека одмораат испурежни пред вас. Иако на почеток позата ќе делува непријатно, не откажувајте се! За спиење со потпора потребна е практика.

Синусна болка

Легнете настрана и поткренете ја главата – Секогаш кога сте затнати, дали како последица на алергија, синусна инфекција или поради обична настинка, избегнувајте да спиете на грб. При спиење на грб задолжително се затнуваат и двете ноздри. Несвесно ќе почнете да дишете на уста во текот на ноќта, а тоа ќе доведе до исушување и стврднување на слузта што ве држи затнати. затоа легнете на грб со екстра перница под глава и дозволете и на гравитацијата да ви помогне со дренажата. не заборавајте дека кога главата е поткачена на високо, на рацете ќе им треба дополнителна поддршка, затоа гушнете една перница. Наместете ги нозете во комфорна, благо извиткана поза.

Болки во рамена

Легнете настрана прегрнувајќи се – Болките во рамената се должат на многу причини, но најчесто настануваат како резултат на трнливо спиење настрана. Не е печатна грешка, добро читате, спиењето настрана може да предизвика и да ја елиминира болката во рамената. Секогаш кога долната рака ја ставате под глава грешите, бидејќи така го притискате снопот нерви што го контролира движењето на рамената, рацете и дланките. Тоа е како да спиете со тег од 4 килограми, тој секако ќе ги исцрпи нервите. Прво, не спијте на болната страна. Легнете на страната што помалку ве боли со нозете благо свиткани. Истегнете ја долната рака право, пред вас, ставете перница врз неа и гушнете ја со помош на другата рака лепејќи ја на гради. Ако имате болки и во грбот, трудете се нозете да ги држите точно една врз друга (за да спречите едната да натежна врз другата, ставете една перница помеѓу бутовите). Ако ве болат и двете рамена, легнете на грб и истегнете ги рацете на страна.

ПМС Болки

Легнете на грб – Ако легнете настрана, гравитацијата ќе делува како тежина врз и онака чувствителните гради, ако легнете на стомак вашата тежина ќе се одрази како притисок врз матката предизвикувајќи дополнителни грчеви. Затоа легнете на грб, ставете перница под колената за долниот дел од `рбетот да остане прав. Испружете ги рацете настрана. Ако болките не стивнуваат, ставете уште една перница под коената за да обезбедите подобра потпора за трупот.

Вкочанета вилица

Легнете на грб и држете ја главата право – Чкрипење со забите во текот на ноќта (бруксизам) е генетска состојба со која се соочуваат 8% од возрасните. ја поврзуваат со стрес, анксиозност или инсомнија. Покрај болките во вилицата, ронење на забите, бруксизмот може да го смени дури и обликот на лицето. Ако мислите дека чкрипите со забите навечер, легнете на грб со лицето насочено кон таванот. Така ќе овозможите долната вилица да падне во природна позиција, а фацијалните мускули ќе се опуштат. За да ги намалите шансите да се свртите настрана во текот на ноќта, држете ги рацете исправени покрај телото (луѓето честопати потсвесно се вртат кон свитканата рака).

Здрвен врат

Легнете на грб – Оние перници тенки како лист не ви се од корист, особено не во ваква ситуација. Перницата што ја позиционира главата во надолен или нагорен пад, ги притиска цервикалниот (вратен) `рбет и вратните мускучи, предизвикувајќи болка – особено ако лежите настрана или на стомак. Многу луѓесо вратна болка имаат корист од спиење на грб со вратот сместен во неутрална (читај: права) позиција, што значи потребна ви е перница што ќе ја обезбеди истата. Рацете нека бидат опуштени настрана, покрај телото, не дозволувајте им да завршат под глава. Ако се работи за сериозна болка или дискус хернија, воопшто не ви е потребна перница, туку тврд рамен душек за да го исправите вратот.

Болки во колковите

Легнете на грб – Спиењето настрана додава притисок врз колковите. Спиењето на грб значи одмор за колковите од константниот стрес како одење и седење. Ако се чувствувате убаво, ставете перница под колената како дополнителна потпора.

Вас не ве боли ништо?

Тогаш, спијте настрана!

Создајте навика да спиете настрана во поза на полуфетус:

• Изберете страна, свиткајте ги колената и кренете ги нозете на половина растојание од градите.
• Оставете перница помеѓу колената за дасе ослобидте од каков било притисок во грбот.
• Рацете се пред вас, благо свиткани во лактите. Ако не ви е удобно, во ред е да се вратите во вашата комфорна поза, само трудете се да ја избегнувате најпроблематичната: спиење на стомак.
• 22% од луѓето го фаворизираат спиењето на стомак, иако истото може да предизвика искривување на цервикалниот `рет и рамената.
• Плус, лицето потонато во перница цела ноќ е одлична подлога за појава на брчки и размножување акни.

The post Уморни сте и после спиење? Можеби спиете во погрешна поза appeared first on Аптеки PlusPharma.

Природна алтернатива на пероралните антиагрегациони лекови, антикоагуланси и фибринолитици.

➡Разградува крвни тромби и блокира слепување на тромбоцити

➡ Намалува степен на атеросклероза и крвен притисок

➡ Го штити нервниот систем

➡Безбеден за употреба, без несакани ефекти

Натокиназата за прв пат е добиена од варена соја, ферментирана со помош на бактеријата Bacillus subtilis, при што е откриено дека има директна фибринолитичка активност – разградување на крвните тромби и блокирање на слепувањето на тромбоцитите. Кога натокиназа ќе стапи во контакт со крвните тромби, делува на плазминогенскиот активаторски инхибитор 1 (PAI-1), со што го намалува ризикот од кардиоваскуларни настани.

Nattokinn® од INNventa Pharm содржи патентирана високо-потентна натокиназа NSK-SD® со јачина од 20.000 фибрински единици (FU) по грам (100 mg) заедно со 200 μg фолна киселина во облик на калциум-Л-метилфолат и треба да се зема 1-2 капсули дневно со 200 ml вода.

Повеќе информации за производот.

The post NATTOKINN – Прв природен перорален фибринолитик appeared first on Аптеки PlusPharma.

Една од најсериозните хронични микроваскуларни компликации на дијабетесот е дијабетична нефропатија. Промените во бубрежната функција кај дијабетесот се карактеризираат со подолг период на клиничка „тивка“ фаза за време на која се случуваат специфични промени во бубрежната структура, каде степенот на оштетување зависи од времетрањето на дијабетесот, контролата на гликемијата и генетските фактори. Откако ќе се развие дијабетична нефропатија, обично се потребни пет до десет години за да се разие хронична бубрежна инсуфициенција, а мерките за забавување на прогресијата на дијабетичната нефропатија се помалку ефикасни од превентивните мерки.

Како настанува оштетување на бубрезите при дијабетес?

Долготрајната озложеност на високи концетрации на шеќер во крвта кај пациенти со дијабетес доведува до хронично и трајно оштетување на бубрежното ткиво и крвните садови. Првичните промени се манифестираат со појава на протеини во урината, а подоцна доаѓа до зголемен крвен притисок, отекување на нозете и телото, како и симптоми на постепено, но прогресивно губење на функцијата на бубрезите, што на крајот доведува до крајна фаза на бубрежна болест.

Кое е значењето на дијабетична нефропатија?

Инциденцата на дијабетес се зголемува многу брзо ширум светот. Во 40-45% од случаите, дијабетесот е главната причина за новооткриената терминална бубрежна инсуфициенција. Раната дијагноза и третман можат да ја спречат прогресијата на оштетувањето на бубрезите кај дијабетичната нефропатија. Дополнително, кај пациентите со дијабетес и хронично оштетување на бубрезите, навремениот и адекватен третман може да ја одложи потребата за дијализа или трансплантација на бубрег. Пациентите со дијабетична нефропатија имаат зголемен ризик од смрт со кардиоваскуларни причини. Раната дијагноза на дијабетична нефропатија, поради сето ова, е од суштинско значење во третманот на пациентите со дијабетис.

Дијабетесот во моментов е најчеста причина за хронично оштетување на бубрезите.

Колкав процент од дијабетичарите ќе развијат дијабетична нефропатија?

Треба да се знае дека постојат 2 главни типа на дијабетес кои се разликуваат во однос на ризикот од развој на дијабетична нефропатија.

Дијабетес тип 1 (инслуин зависен дијабетес мелитус): обично се јавува на помлада возраст и веднаш бара инсулин за лекување и контрола на болеста. Дијабетична нефропатија се јавува кај околу 30-35% од овие пациенти.

Дијабетес тип 2 (дијабетес мелитус кој не е зависен од инсулин): обично се јавува на постара возраст и во повеќето случаи не бара инсулин (барем на почетокот) за лекување и контрола на болеста.

Дијабетична нефропатија се јавува кај околу 10-40% од овие пациенти. Сепак, поради големиот број постари пациенти со овој тип дијабетес, може да се каже дека дијабетес тип 2 е најчеста причина за хронично бубрежно оштетување и се наоѓа кај секој трет пациент со новодијагностицирана бубрежна болест во краен стадиум.

Како се развива дијабетичната нефропатија?

Во раната фаза не постојат симптоми кои би ги дефинирале бубрежните проблеми. Бубрежните проблеми почнуваат за отприлика 5-10 години од почетокот на болеста. Луѓето кои имаат долгогодишна нефропатија имаат симптоми како слабост, повраќање, главоболки, болки во грбот, слаб апетит.

Едно од најчестите заболувања на модерното време со тенденција на дополнително зголемување на зачестеноста.

Во развојот на нефропатија има пет фази и тоа:

1. Хиперфункција
2. Нормоалбуминурија
3. Микроалбуминурија
4. Манифестна Нефропатија
5. Уремија

Кои пациенти со дијабетес ќе развијат дијабетична нефропатија?

Сите фактори на ризик за дијабетична нефропатија може да се поделат на: непроменливи – оние на кои не можеме да влијаеме (генетски фактори, возраст, пол) и фактори кои можат да се модифицираат  – оние на кои можеме да влијаеме (хипергликемија, хипертензија, дислипидемија, пушење, хиперпротеинска исхрана). Бдидејќи хипергликемијата е главниот патогенетски факторво развојот на дијабетична нефропатија, неопходна е добра гликемиска контрола со редовно одредување на концетрацијата на гликоза во крвта и вредностите на гликозиран хемоглобин (HbA1c).

Утврдено е дека со намалување на HbA1c за 1% ризикот од микроваскуларни компликации се намалува за 30%. Друга важна мерка за спречување на дијабетична нефропатија е третманот на хипертензија и одржување на крвниот притисок по 130/80 mmHg. Бидејќи липидните нарушувања играат значајна улога во глмеруларното оштетување, неопходно е да се контролира липидниот статус, што вклучува одредување на концентрацијата на следните параметри: холестерол, ХДЛ-холестерол, ЛДЛ-холестерол и триглицериди.

Не е секогаш лесно да се предвиди кој пациент ќе развие дијабетична нефропатија, а кој не. Сепак, најважните фактори на ризик за развој на дијабетична нефропатија се:Дијабетес тип 1 кој започнал пред пациентот да наполни 20 години, Лошо контролира дијабетес со високи вредности на гликолизиран хемоглобин (HbA1c), недоволно добро третирана и контролирана хипертензија, семејна историја на дијабетес и дијабетична нефропатија, изразени промени во очит (дијабетична ретинопатија) и нервите (дијабетична невропатија) како дел од дијабетес, како и присуство на протеини во урината, дебелина, пушење и покачени масти во крвта.

Во светот дијабетесот е причина за терминална инсуфициенција кај секој трет пациент на дијализа.

Дијабетесот претставува здравствен, економски и социјален проблем со пандемски размери. Добрата гликорегулација ги намалува компликациите кои го загрозуваат здравјето на пациентите и ги намалуваат директните и индиректните трошоци на здравствениот систем.

Кои се симптомите и знаците укажуваат на појава на дијабетична нефропатија кај пациент со дијабетес?

Следниве симптоми може да укажуваат на појава на нефропатија кај дијабетичари:

• Пенеста урина и/или албумин/протеин во урината (ова се забележва во раните фази на болеста).
• Висок крвен притисок или вошување на постоечката хипертензија.
• Отекување на глуждовите, стапалата и лицето, намалување на дневната диуреза и/или брзо зголемување на телесната тежина.
• намалување на дневните потреби за инсулин и други антидијабетични лекови.
• Честа појава на хипогликемија или добра контрола на дијабетесот со антидијабетични лекови со кои контролата на шеќерот во крвта претходно не била задоволителна.
• Регулирање на шеќерот во крвта постигнато без антидијабетичните лекови (кои претходно беа неопходни) – пациентите може да бидат задоволни со таква состојба мислејќи дека дијабетесот се лекува.
• Симптоми на намалена бубрежна функција (нелаходност, замор, губење на апетит, гадење, повраќање, чешање на кожата, бледило, чувство на недостаток на воздух) – се забележуваат во напредната фаза на дијабетична нефропатија.
• Зголемени концетрации на уреа и креатинин во крвта.

Кога се појавува дијабетична нефропатија кај пациентите со шеќерна болест?

Важно е да се знае дека дијабетичната нефропатија се развива релативно бавно и се јавува многу ретко во текот на првите 10 години од почетокот на дијабетесот. Ако симптомите на оштетување на бубрезите не се појават во првите 25 години, ризикот од развој на дијабетичната нефропатија е помал.

Примариус д-р. Златко Савоски
Специјалист по интерна медицина

The post Дијабетична нефропатија – Примариус д-р. Златко Савоски appeared first on Аптеки PlusPharma.

Го прескокнувате петочното собирање во ресторан, вежбате трипати во неделата и освен овошен сладолед не се сеќавате кога последен пат каснавте десерт. Стомакот почна да се повлекува и вие бевте среќни и задоволни.
Одеднаш, преку ноќ, воспоставениот режим престана да функционира! Се прашувате зошто кога бевте крајно дисциплинирани?!

Науката вели дека телото се бори против промените и се труди на секаков начин да ги врати изгубените килограми. Истражувањето од Универзитетот во Мелбурн вели дека слабеењето предизвикува специфична хемиска промена поради која копнееме по храна. Таа може да се активира и откако ќе ја намалите тежината за 5 %.
Водачот на студијата, професорот Џозеф Пројето, вели дека доаѓа до промена кај хормоните кои го регулираат апетитот и истата може да биде присутна година дена. Токму поради оваа хормонска стапица на луѓето им оди тешко да ја одржат телесната тежина, а дел од нив стануваат и подебели после диета.

Грелин

Грелин или хормон на гладот е алармот што нѐ потсетува дека треба да јадеме. Неопходен е за да преживееме, но не е добредојден кога сме на диета. Токму тогаш се зголемува неговото излачување за 20 % и затоа сме гладни на секои 5 минути. За да се спасите од оваа стапица потрудете се појадокот да изобилува со јаглехидрати. Истражувањето од Универзитетот во Тел Авив во Израел потврди дека тие ја намалуваат продукцијата на грелинот во текот на денот. Денот започнете го со мешунки во комбинација со ’ржан леб. После појадокот помогнете им на јаглехидратите со протеини од јајце или месо. За ручек кафениот ориз заменете го со соја, бидејќи содржи повеќе протеини од некои житарки или каснете овошен јогурт за десерт. За вечера јадете суши или ровко пилешко месо, колку помалку го готвите месото толку повеќе протеини ќе задржите. Студијата на American Journal for Clinical Nutrition откри дека ако 60 % од чинијата се состои од високо протеински намирници, нивото на грелин ќе падне.

Лептин

Кога грелинот напаѓа, хормонската одбрана се повлекува. Студиите велат дека лептинот, хормон кој испраќа сигнал до мозокот дека телото примило доволно масти и дека сме сити, практично исчезнува. За да го вратите во игра лептинот неопходен ви е еден планиран калоричен оброк. Истражувањето од Универзитетот во Вашингтон откри дека откако ќе се вратиме на нормален начин на исхрана, по период на постење или воздржување од одредена храна, доаѓа до рестартирање на нивото на хормоните онака како што биле на почетокот. Риба и компир – одличен оброк за да ги измамите хормоните да се вратат на првичното ниво. Јаглехидратите во компирот ќе го поттикнат лептинот, додека студијата на клиниката „Мајо“ откри дека диетата на база на риба ја зголемува чувствителноста на лептин. Тоа значи дека вашето тело ги слуша пораките што му ги испраќате, поточно онаа што вели дека ви е доста од јадење. Ако сѐ уште сте загрижени дека ќе се изгуби пораката што ја праќа лептинот, прескокнете ја попладневната дремка. Студиите направени во Универзитетот во Чикаго открија дека лишувањето од сон може да го зголеми нивото на лептин за 20 %.

Допамин

Истражувањето што доаѓа од Универзитетот во Калифорнија вели дека во моментот кога каква било масна храна ќе го допре вашиот јазик, мозокот ви дава сигнал да јадете. И да јадете. И да јадете уште повеќе. Време е за нутритивно надмудрување. Како ќе го постигнете тоа? Неопходно е да го излажете мозокот дека храната од вашата диета е подеднакво вкусна како забранетата. Вашиот сојузник се вика тирозин, а го има во бананите, авокадото и бадемите. Тирозинот е невротрансмитер и аминокиселина, која ја поттикнува мозочната активност и помага да се поттикне производство на допамин. Допаминот ја контролира желбата за јадење во мозокот, па во моментот кога ќе внесеме тирозин се чувствуваме позадоволни од јадењето и повеќе не ни се јаде. Контролирајте го непромисленото јадење со промислен оброк. Додека јадете, концентрирајте се на сите аспекти на храната. Обрнете внимание на мирисот, вкусот, текстурата, изгледот на јадењето. Така ќе успеете да правите дистинкција помеѓу вистински глад и стрвност.

The post Стапици што ја саботираат витката фигура appeared first on Аптеки PlusPharma.

Ако сте биле на диета подолго време, метаболизмот драстично ќе забави. Голема е веројатноста да успеете да согорувате само 30 калории дневно. Ако вашата диета е базирана на пребројување на калориите, имајте на ум дека мускулите ќе треба напорно да работат за да си согорат. Но, колку ќе можат?

Се препорачуваат вежби со тегови бидејќи тие го забрзуваат метаболизмот на долгорочен план. Најмногу енергија (+25%) телото троши кога ртеба да согори протеини. Теоретски гледано, оброк кој содржи многу протеини повеќе го забрзува метаболизмот отколку оброк кој содржи јаглехидрати. Ова значи дека пред тренингот за секој килограм од вашата идеална тежина треба да обезбедите 1,5 грама протеини. Па ако вашата идеална тежина е 50 килограми, вам ви требаат 75 грама протеини.

Совети за побрз метаболизам

1. Кардио

Краток, интензивен тренинг. Спринт сесии на трева или патека. Загрејте се, па истрчајте 5 х 15 метри спринт потпирајќи се на 75% од снагата. По секој спринт пешачете назад до стартот и веднаш започнете со нов. Одморете 3 минути, па повторете.

2. Ладен туш

Капете се со млака вода, на моменти пуштете и поладна. Тоа ја подобрува циркулацијата, преку чие стимулирање ќе влијаете позитивно на брзината на метаболизмот.

3. Посни протеини

Една холандска студија покажала дека луѓето чиј оброк е составен од 30% протеини успеваат да го активираат метаболизмот и во текот на спиењето.

4. вежбање со товар

Истражувањата покажуваат дека вежбањето со товар може да го забрза основниот метаболизам за 15% во текот на 12 недели.

The post Како до побрз метаболизам? appeared first on Аптеки PlusPharma.

Страдате од болки во грбот? Не сте сами! 16 милиони возрасни лица (тоа се 8 % од сите возрасни лица во светот) страдаат од болки во грбот и ’рбетот. Тоа е двојно повеќе од бројот на лица кои страдаат од попреченост предизвикана од срцеви проблеми.

Болките во грбот влијаат на квалитетот на животот, но прашањето е како овој навидум решлив проблем станува хроничен?

Слаби или некоординирани мускули на јадрото

Старееме, стануваме сѐ помалку физички активни, а тоа води до слабеење на мускулите особено оние на јадрото и ’рбетниот столб.

Овие мускули се клучни, бидејќи од нив зависи правилното држење на телото. Тие служат како поддршка на ’рбетот, колковите и карлицата.

Штом овие мускули попуштат, ослабат и станат некоординирани како последица на слабите навики за вежбање или некоја повреда, целото тело станува неурамнотежено и склоно на болки во грбот.

Без силно и координирано јадро остатокот од телото трпи голем стрес и напор при секое движење, а тоа само ја зголемува болката во грбот и го зголемува ризикот од трајно искривување.

За да превенирате и да не дозволите болката во грбот да стане хронична, неопходно е да ги зајакнете мускулите на јадрото. Но, се чини дека уште поважно е да водите сметка тие да се активираат или контрахираат во вистинско време.

Да научите како да ги активирате мускулите на ’рбетот и јадрото во вистинско време е вештината што ви е потребна за да спречите болката во грбот да стане хронична.

Лошо држење на телото

Постојаното неправилно држење на телото значително придонесува за развој на болката во грбот. Начинот на кој го поставуваме нашето тело додека извршуваме различни задачи, на работа или дома, одредува која точка на грбот ќе стане најчувствителна.

На пример, кога работиме на биро, може да седиме спуштени на столот, свиткани нанапред, свиткани настрана… сите погрешни позиции подразбираат товар за меките ткива, лигаментите и мускулите на грбот.

Со текот на времето може да дојде до воспаление и хронична болка каде било на грбот.

Со правилно поставување на телото и негување на грбот преку масажи за релаксација и спортување се намалуваат штетите предизвикани од непотребното оптоварување.

Честопати луѓето кои страдаат од болки во грбот користат стратегии за справување кои само ги влошуваат нивните симптоми, како што се растегнување на мускулите или неправилно задржување на здивот.

Невропластичност

Најчеста причина поради која болките во грбот стануваат хронични, но истовремено и најчесто занемарена причина што го предизвикува проблемот.

Невропластичноста е способност на мозокот да се реорганизира преку формирање нови нервни врски во текот на животот.

Преку овој природен процес мозокот се приспособува на новите ситуации и учи нови вештини. Сепак, ваквиот мозочен капацитет може да предизвика хронична болка.

Кога нервниот систем ќе се соочи со повреда или некој друг вид оштетување, мозокот може да компензира со формирање нови врски.

Овие нови врски може да бидат абнормални, па мозокот да почне да испраќа сигнали за болка дури и кога изворот на болка повеќе не е присутен.

The post Болки во грбот appeared first on Аптеки PlusPharma.

„Преполовете ја телесната тежина за 30 дена без притоа да се откажете од вашите омилени јадења!“ – вака звучат сите оние реклами кои ветуваат брзо слабеење, без диета, без спорт.

Дали некогаш сте потклекнале на нив? Реалноста е дека не се ништо повеќе од празни ветувања.

Најголем доказ за тоа е начинот на кој функционира метаболизмот на човекот. Едноставно не постоjат чудотворно апче, чај или диета што може да го забрзаат.

Што е всушност метаболизмот?

Стапката на вашиот метаболизам е времето што му е потребно на телото да ја обработи и согори енергијата од храната што ја јадете.

Вашата базална стапка на метаболизам (БМР) е количината на енергија (калории) што му е потребна на вашето тело за одржување на основните функции додека сте во мирување. Тоа сочинува околу 70 % од вашата дневна потрошувачка на енергија.

Многу работи влијаат на вашиот БМР, вклучувајќи ги генетиката, возраста, полот, тежината, висината, колку сте активни и како се храните.

На вашиот метаболизам може да влијаат и лековите, климата, медицинските состојби, хормоните, половите хормони – поради нив на мажите им требаат двојно повеќе калории од жените за да ја задржат истата тежина.

Ако убаво размислите, од сите фактори кои влијаат на метаболизмот, вие сте во позиција да делувате само на два: храната и физичката активност. Ако се осмелите на тој чекор, резултатите нема да ве прескокнат.

Дали согорувачите на масти се ефикасни?

Производителите на суплементи тврдат дека одредени состојки како кофеинот, зелениот чај, капсаицинот, гама-линоленската киселина, се природни согорувачи на маснотиите во телото. Но, научниците велат дека овие состојки имаат незначителен ефект. Сепак, нема штета да ги консумирате особено ако прават да се чувствувате полесно и помалку подуено.

Зелениот чај важи за поттикнувач на метаболизмот, но истражувањата покажуваат дека ниту редовната консумација не резултира со губење на тежината. Истото важи и за кофеинот, за кој нутриционистите велат дека е меч со две острици: треба да го пиете во големи количини (незасладен) за да има ефект, а така ризикувате да станете вознемирени, нервозни, да ви падне шеќерот и да се прејадете.

Диетите имаат траен негативен ефект врз метаболизмот!

Кога телото е на диета, метаболизмот сам забавува? Зошто? Тоа е природен механизам на самоодбрана на телото од гладување. Тоа по секоја цена се обидува да остане на тежината што ја зацртал мозокот, иако вие сметате дека треба да сте послаби.

Ако ја одржувате тежината иста со години, телото станува пристрасно на неа и се труди да ја задржи бројката на килограми за да ве спаси од гладување.

Затоа, штом почнете да јадете помалку, метаболизмот забавува. Губењето на тежината е итен случај за мозокот, а тоа подразбира штедење на мастите, а со тоа и на енергијата.

Како точно делуваат диетите?

Кога телото е изгладнето, метаболизмот забавува, а истовремено се зголемува продукцијата на хормоните кои поттикнуваат глад. Телото на секој начин се обидува да ги сочува калориите со кои располага и плус се бори да дојде до нова количина калории.

Звучи неверојатно, но човечкиот мозок не еволуирал до степен да му помогне на телото да ги симне килограмите и тогаш кога се вишок и се штетни за срцето и здравјето.

Од друга страна, диетите го зголемуваат ризикот од дополнително дебелеење. Една студија вели дека жените кои биле неколкупати на диета, имаат 5 пати поголеми шанси да се соочат со дебелина.

Додека се на диета, луѓето не се свесни дека колку повеќе и колку побрзо губат килограми, толку побавен станува нивниот базален метаболизам.

На телото одеднаш му се потребни помалку калории, но после диетата луѓето продолжуваат со старите навики во исхраната и старата количина калории поради кои се дебелеат.

Забрзувањето на метаболизмот е тешка задача!

Нутриционистите велат дека обидот да го забрзате метаболизмот е како да се обидувате да станете повисоки. Тоа е борба со природата, со биологијата и мора паметно да играте.

Од друга страна, забавувањето на метаболизмот е природен процес и директна последица на слабеењето на мускулатурата кај човекот.

Својот пик метаболизмот го доживува во првата година од животот, бебињата ги согоруваат калориите 50 пати побрзо од возрасните. Потоа постепено се намалува, околу 3 % годишно, сѐ до 20-тата година од животот. Потоа се стабилизира, сѐ додека не навршиме 60 години кога почнува да опаѓа.

Постојат неколку промени во исхраната кои можат малку да го забрзаат метаболизмот:

ВЛАКНА

25-35 грама растителни влакна во денот е количината што ќе поттикне редовно празнење. Човекот едвај внесува половина од пропишаната доза.

ПРОТЕИНИ

Речиси 25-30 % од калориите треба да доаѓаат од протеините. Тоа е помеѓу 500 и 600 калории дневно за некој што вообичаено троши 2 000 калории дневно. Само 10 % од дневната потрошувачка треба да биде од протеини. Имајте на ум дека преголемите количини протеини можат да бидат штетни за здравјето, особено ако се од животинско потекло. За да ги намалите овие ризици, потрудете се да ги црпите протеините од јаткастите плодови и житарките.

МУСКУЛНА МАСА

Зголемувањето на мускулната маса го забрзува метаболизмот во мирување од причина што телото согорува многу повеќе енергија за одржување на мускулите отколку мастите. За да ја зголемите мускулната маса неопходно е да практикувате тренинг со тежок отпор. Многу е полесно да работите на одржување на мускулите во 30-тите и 40-тите, отколку да почнете да ги градите на 60. Тренингот со тежина има и низа други придобивки, вклучувајќи го намалувањето на ризикот од губење на коскената маса што е одличен мотив за кревање тегови 2-3 пати неделно.

ВОДА

Зголеменото количество вода во денот може малку да помогне. Во една студија, жените кои дополнително пиеле литар и половина вода во текот на денот, согорувале дополнителни 50 калории. Тоа нема многу да ја смени тежината, но секако нема штета за здравјето.

Возможно е да ја намалите тежината и во 60-тите!

Здравата храна и физичката активност се најсигурниот пат до здрава телесна тежина. Бидете трпеливи и тежината постепено ќе се симнува. Постепеното слабеење е трајно слабеење, бидејќи само така се воведуваат нови навики во начинот на исхрана, а само тоа може да го спречи враќањето на килограмите.

Најважно е да обрнувате внимание на сигналите што ви ги праќа телото и да го слушате кога е гладно, кога е сито, кога има потреба за одредена храна. Кога телото ја добива храната што навистина му е потребна, вие ќе постигнете здрава телесна тежина.

Емоцијалното јадење или јадењето под дејство на стрес е една од главните причини за високите бројки на вагата, поработете и на тоа. А ако веќе мора да се утешите некако, погрижете се во кујната да извираат само здрави намирници.

Редовното вежбање исто така ќе ви помогне да согорите повеќе енергија, но тоа не е замена за јадење во склад со сигналите на вашето тело. Запомнете, потребно е помалку време да јадете помалку, отколку да вежбате повеќе.

The post Побрз метаболизам за помалку килограми appeared first on Аптеки PlusPharma.

Кога жените се соочуваат со пад на хормоните, на сите им е дадено до знаење дека влегуваат во менопауза. Но, истото не важи за мажите! Машката менопауза или позната како андропауза е состојба која сосема тивко ги одминува мажите.

Мажите се таинствени кога станува збор за теми кои помалку или повеќе се поврзани со нивната сексуалност. Од друга страна, за разлика од женската, машката менопауза прогресира многу бавно, со години, а симптомите се суптилни или воопшто не се јавуваат.

Зошто се јавува машката менопауза?

Хормоналните промени се дел од стареењето, а терминот „машка менопауза“ се користи за да се опише намалувањето на тестостеронот кај мажите.

Хормонот тестостерон се произведува во тестисите на мажите. Освен што е одговорен за секусалниот нагон, тестостеронот е оној кој ги поттикнува промените кај мажот во текот на пубертетот, ги поттикнува физичката и менталната енергија, ја одржува мускулната маса и регулира низа други еволутивни карактеристики.

Нивото на тестостерон кај мажите опаѓа во просек за околу 1 % годишно и обично стартува по
30-тата година од животот.

Но, повеќето постари мажи сѐ уште имаат ниво на тестостерон во рамки на нормалниот опсег. Само 10 до 25 % од мажите се смета дека имаат сериозно ниско ниво.

Симптоми на машка менопауза

Машката менопауза поттикнува физички, сексуални и психолошки промени кај мажите. Како мажот старее, така симптомите се влошуваат, па мажите се соочуваат со:

• Пад на енергијата

• Депресија и тага

• Намалена мотивација

• Намалена самодоверба

• Тешкотии со концентрацијата

• Несоница или потешкотии со спиењето

• Зголемени телесни масти

• Намалување на мускулната маса и чувство на физичка слабост

• Изразување на градите

• Намалена минерална густина на коските

• Еректилна дисфункција

• Намалено либидо

• Неплодност

Дел од мажите се соочуваат со чувствителни и отечени гради, намалена големина на тестисите, губење на влакната на телото и топли бранови.

Дијагностицирање и третман на машката менопауза

Нивото на тестостерон може да се провери преку испитување на крвта, но тоа не е пракса колку што е исклучок.

Ако машката менопауза не предизвикува сериозни потешкотии, поголемиот број мажи успеваат да се справат со симптомите без третман.

Она што најмногу го загрозува успешното менаџирање на оваа состојба е молчеливоста на мажите за промените со кои се соочуваат. Мажите или се премногу исплашени или срамежливи да разговараат за сексуалноста, дури и со нивните лекари.

Практиката покажала дека обичниот разговор за темата и прибегнувањето кон поздрави животни навики (здрава исхрана, редовна физичка активност, доволно часови сон, антистрес хоби) можат драматично да ја подобрат целата состојба. За некои посериозни случаи, лекарите препишуваат и антидепресиви сѐ со цел да му се олесни на мажот полесно да премине во новото поглавје од својот живот.

Постои и опцијата да се примаат заменски хормони, но науката сѐ уште посочува на низа контроверзности околу земањето вештачки тестостерон.

Како стероидите за подобрување на физичкиот перформанс, така и синтетичкиот тестостерон може да има штетни несакани ефекти. На пример, забележано е дека овој тестостерон поттикнува раст на канцерогените клетки кај мажите кои боледуваат од рак на простата. Во секој случај, хормонската терапија се зема по препорака на лекар, по претходна анализа на позитивните и негативните страни.

Колку повеќе мажот го доживее падот на тестостеронот како нормална појава за која не се срами да разговара, толку тој полесно ќе се справи со промените. Од голема помош е поддршката и толеранцијата од партнерката и пријателите.

The post Андропауза appeared first on Аптеки PlusPharma.

Бројот на жените кои за првпат се реализираат како мајки после 30-тата година е во постојан пораст. Образованието, желбата за кариера, современиот животен стил, неможноста за забременување, се само дел од факторите поради кои жените ја одложуваат бременоста.

Се верува дека бројот на трудници во третата декада од животот во последните 20 години е двојно зголемен.

Помеѓу 20-тата и 25-тата година од животот, жената го достигнува врвот на својата плодност. По 30-тата година плодноста опаѓа, а расте ризикот од комплицирана бременост.

Мирно прифатете ги ризиците

Секоја идна мајка мора да биде свесна за ризиците кои ги носи бременоста после 30-тата, но истите не смее да ги доживее како сопствена вина. Не постои погрешно време за зачнување, особено ако идната трудница и целото семејство се потрудат да ги создадат сите неопходни услови за здрава и нормална бременост.

Промените со кои се соочува женското, но и машкото тело, се должат на годините. Но, со здрави навики и помош од медицината, може да се забави прогресот на овие промени.

1. ризик: Зачнувањето може да потрае

Жените се раѓаат со ограничен број јајце–клетки. Во доцните триесетти, јајце–клетките се намалуваат во квантитет и квалитет и сѐ потешко се оплодуваат. На жените кои се обидуваат да зачнат после 35-тата, им се препорачува да појдат на гинеколог доколку се соочуваат со неуспех 6 месеци во континуитет.

2. ризик: Зголемени шанси за близнаци

Многумина се радуваат на податокот дека со возраста се зголемуваат шансите за оплодување на две јајце–клетки. Под дејство на хормоните, во 30-тите често се исфрлуваат повеќе јајце–клетки во матката. Оваа промена се должи и на ин-витро фертилизацијата.

3. ризик: Гестациски дијабетес

Овој тип дијабетес се јавува само во текот на бременоста и е тесно поврзан со годините. Затоа, неопходно е строго следење на шеќерот во крвта и негово одржување преку строго селектирана храна и физички активности. Доколку не се третира, гестацискиот дијабетес води до абнормален раст на плодот, а тоа го зголемува ризикот од повреди при порoдување. Гестацискиот дијабетес го зголемува и ризикот од предвремено породување, води до висок крвен притисок и можни компликации во развојот на роденото дете.

4. ризик: Висок крвен притисок

Истражувањата тврдат дека постарите трудници се склони на покачување на притисокот во бременоста. Но, со редовен мониторинг и оваа состојба може да се контролира. Со цел да се избегнат евентуални компликации, се практикува породување пред терминот.

5. ризик: Предвремено породување

Повозрасните родилки имаат поголем ризик од предвремено породување и имаат поголеми шанси да родат бебенце со потпросечна родилна тежина – исходи што не се голем предизвик за современата медицина. Исто така, оваа категорија на трудници најчесто се породуваат со Царски рез со цел да се исклучат можните компликации. На пример, честопати се случува плацентата да го блокира грлото на матката и да мора да се примени Царски рез.

6. ризик: Хромозомски абнормалности

Бебињата родени од постари мајки имаат поголем ризик од одредени проблеми со хромозомите, како што е Дауновиот синдром. Затоа, на трудниците кои имаат полни 35 години, па и на помладите, им се препорачува НИФТИ – тест за детекција на фетални аномалии.

7. ризик: Спонтан абортус

Прекинот на бременоста како резултат на спонтан абортус или раѓање мртвороденче се зголемува како што жените стареат. Но, тоа најчесто се однесува на жените кои веќе имаат некакви медицински состојби или фетални хромозомски абнормалности.

Редовните гинеколошки посети и следењето на бебето во комбинација со здрава исхрана, физичка активност и исклучување на какво било ризично однесување од страна на мајката, е добра основа за здрава бременост и здраво бебе без оглед на возраста.

Уживајте во секој ден од бременоста!

Бебенцето не е единствениот позитивен исход од необичното 9-месечно патување наречено бременост. Бременоста го продолжува животниот век на жената, особено после 33-тата година.

Доцните родилки имаат двојно поголеми шанси да стасаат до 90-тите години од животот, за разлика од оние кои родиле во доцните дваесетти, потврдило истражувањето на американскиот Универзитетски медицински центар во Бостон, во кое учествувале 462 жени.

Но, ова се однесува само за жените кои забремениле по природен пат. Природната бременост води до забавено стареење на репродуктивниот систем, но и на целиот организам.

Бременоста го обновува и го зајакнува организамот и ја разубавува жената во секоја смисла на зборот.

The post Бременост после 30 appeared first on Аптеки PlusPharma.

За да памтите, за да останете фокусирани, за да резонирате и да ги совладувате и најкомплицираните задачи, подеднакво добро како и вашите помлади колеги, треба добро да се храните. Вистинските хранливи материи ги одржуваат сите функции на мозокот кои природно опаѓаат со годините. Од друга страна, мозочните болести толку многу земаат замав небаре се преносливи. И да не сте на листата дијагностицирани, со секоја дувната свеќичка дувате и во концентрацијата и меморијата со која располагате. Повеќе не!

Заштитени мозочни клетки

Компонентите познати како слободни радикали се во вечна војна со мозочните клетки и општо со сите клетки во телото. Но, со антиоксидансите ќе му помогнете на целото тело да ги победи. Најважната задача на антиоксидантите е да ги одбранат митохондриите, клеточните органели кои ја акумулираат енергијата што ви е потребна да резонирате (или да се движите, дишете), вели Д-р Паула Бикфорд професор по неврохирургија и мозочни болести на универзитетот Јужна Флорида. Истражувачите најмногу ги поврзуваат флавонидите, тип на антиоксиданти, со овие заштитни моќи: Во студијата објавена во Neurology се вели дека луѓето кои јаделе плус две порции храна богата со флавониди во денот, го подобриле менталниот фокус небаре се 5 години помлади. Според последната француска студија, луѓето чија храна изобилувала со каротеноиди, друг тип на антиоксиданти, забележале помало когнитивно влошување цели 13 години.

Храна за умни глави

Јаболка, кромид, агруми (флавониди); тиква, слатки компири, тиквички (каротеноиди); Листен зелен зеленчук како спанаќ, кељ, рукола, брокола (и двете).

Болки во грбот? Што беше тоа?

Како што старееме, мозочните клетки стануваат склони на воспаление што брзо се шири. Воспалението честопати е природен одговор на телото од повреда, но хроничното воспаление ги убива мозочните клетки и доведува до деменција, Паркинсонова и Алцхајмерова болест. Но, доколку интервенирате пред невроните да изумрат, можеби ќе успеете да ја задржите нивната функција. Куркумин, состојка која Индијците со години ја користат во алтернативната медицина, може да го смири и воспалението длабоко во мозочното ткиво. (Истражувачите веруваат дека поради високото количество на куркумин и кари што се консумира во Индија, стапката на Алцхајмерова болест е на најниско ниво во светот.) „Хранливата материја наречена катехин е одличен штит за мозочните клетки против воспаленијата и плус ја поттикнува мозочната активност,“ вели истражувачот за мозок Д-р Маид Фотухи, основач на NeurExpand клиника за неврологија во Мериленд. Оттука не е ни чудно што луѓето кои пијат чај, златниот рудник на катехинот, ги победиле другите (оние што не пијат чај) на тестовите по меморија. Компонентите делуваат антивоспалително и го задушуваат воспалението, но без несакани ефекти (и со подобар вкус!).

Храна за умни глави

Сенф, индиска кујна особено специјалитети со кари и куркумин; зелен и црн чај, плус рибизли, кајсии и јагоди (катехин.)

Поттикнување на крвотокот

На мозокот му е неопходен константен дотур на хранлива крв за да остане остроумен. Истражувањата покажуваат дека зголеменото количество крв е одлична почва за меморијата, процесот на учење и времето потребно за реакција, бидејќи го поттикнува растењето на хипокампусот. Чудотворната состојка ресвератрол може да го зголеми дотурот на крв во черепот за 30 проценти, покажуваат истражувањата изведени врз животни, така што артериските ѕидови се заштитени од опструктивните плочки. И мононезаситените масти (добрите масти) помагаат да се намали нивото на лоши масти и холестерол што завршуваат во крвта. Бонус: Студиите покажуваат дека мононезаситените масти го намалуваат крвниот притисок, го подобруваат нивото на холестерол во крвта и го намалуваат ризикот од мозочен и срцев удар.

Храна за умни глави

Црвено вино и сок од грозје (ресваратрол); авокадо, јатки и маслиново масло (мононезаситени масти).

Искра од нови неврони

Некои хранливи материи го поттикнуваат лачењето на протеинот наречен невротрофичен мозочен фактор. Поголемото присуство на протеинот не само што ќе ги избрише последиците од стареењето туку вистински ќе го подмлади мозокот со продукцијата на нови неврони. Иако истражувачите сѐ уште не се сигурни како функционира оваа верижна реакција, нивните очи се фокусирани на компонентата холин- градбена единица на критичниот невротрансмитер ацетилхолин – кој му помага на мозокот да пренесува пораки. Уште еден потенцијален поттикнувач на невротрофичен мозочен фактор е растителниот пигмент антоцијан. Една студија покажала дека консумацијата на сок од боровинки за само 12 недели довела до подобрен мемориски капацитет. И истражувањата врз животни ја подржуваат врската помеѓу антоцијаните и зголемената ментална острина.

Храна за умни глави

Жолчка од јајце, говедско месо, пилешко и џигер (холин); темно сино или виолетово овошје како рибизли, боровинки, модри сливи, цреши (антоцијан).

The post Одржи го мозокот во фит форма appeared first on Аптеки PlusPharma.

Зачинувајте ја храната

Прелијте го омлетот со лут сос од домат, пицата зачинете ја со оригано, босилек и чили пиперка. Kомбинацијата од вкусови, особено зачини, во суштина се многу попријатни и повеќе заситуваат за разлика од блуткавите вкусови, вели д-р Лоренс Чешкин, директор на Центарот за менаџмент на тежина во рамките на „Џон Хопкинс Блумберг“ училиштето за јавно здравје. „Концентрираниот наплив од вкусови ќе прати побрза и посилна порака за ситост до мозокот“, објаснува тој. За оние што не разбраа, Чешкин дозволува да си играте со зачини, не со кечап и мајонез.

Денот почнете го со јаболко

Ако денот го стартувате со јаболко, истражувачите велат дека многу помалку храна ќе изедете во текот на денот. Богатиот извор на растителни влакна (јаболко со средна големина содржи од четири до пет грама или грубо една петина од вашата дневна потреба) е главната причина за тоа. Одете на варијантата сирово, тврдо јаболко: Во студијата објавена во весникот „Appetite“, луѓето кои јаделе свежо јаболко 15 минути пред оброкот што се состоел од шпагети, консумирале 15 проценти помалку калории за разлика од оние кои јаделе каша од јаболко или се напиле сок од јаболко. Научниците велат дека волуменот на јаболкото, а и самиот чин на џвакање, е причината за полн стомак и продолжена дигестија.

Запрашајте се дали сте сити

Можеби вие сте најадени, но не сте свесни за тоа. Доколку успеете да сопрете со јадење штом стигнете до три четвртини ситост, секогаш ќе бидете во топ форма. На мозокот му треба време за да ја процесира пораката за ситост, затоа повремено преиспитувајте се до каде сте. Одвојте 20-тина минути за консумирање на секој оброк, така ќе ви биде полесно да сфатите кога треба да сопрете.

Малку шеќер не е излишен

Кога некој постојано се жали дека е гладен, првото нешто што треба да стори е да се ослободи од вештачките засладувачи. Истражувањата покажуваат дека интензивниот сладок вкус на лажниот шеќер нѐ тера да сакаме благо уште повеќе. Телото е свесно дека не го добило количеството шеќер за кое копнеело и тоа ќе го надомести со плус храна. Ако се обидувате да ги намалите апетитот и кризите за благо со диетална сода или десерт без шеќер, мала доза од нешто вистинско (да речеме една чаша овошен сок или мало колаче) во суштина е многу попаметен избор. Во студијата на „Државниот универзитет за агрикултура“ во Луизијана се вели дека луѓето кои јаделе бонбони или други десерти (со вистински шеќер) биле послаби од оние кои се воздржувале од истите.

Мудро бирајте ги мастите

Мастите го забавуваат варењето на храната, но кога станува збор за контролирање на нападите за грицкање, не сите масти се еднакви. Можеби мислите дека мастите од сочниот стек се далеку позначајни од оние во авокадото, но во суштина е обратно. Студијата објавена во „The American Journal of Clinical Nutrition“ покажа дека незаситените масти – масло од зеленчук и јатки – заситуваат повеќе за разлика од заситените масти (најчесто од животинско потекло и млечни производи). Друга студија покажала дека мафините направени со масло од канола многу повеќе ги заситиле консументите за разлика од оние направени со путер.

Додајте ЧИА секаде каде што може

Супите, салатите, смуди од овошје или зеленчук, зачинете ги со чиа семе, бидејќи истото ја апсорбира водата и набабрува во текот на дигестивниот процес. Илјада калории од чиа семе траат далеку повеќе, од перспектива на глад, во споредба со илјада калории од која било друга храна. Житарките од цело зрно и ленот во зрно исто така набабруваат во стомакот, што значи ќе ве држат сити.

Грицкајте здраво

Кога не можете да го заобиколите фактот дека ви се грицка, прифатете го фактот дека ви треба нешто волуменозно што нема да го изедете за две секунди. Но, одберете храна што нема да предизвика голема калориска штета. Во намирници што можете да ги грицкате по потреба и безгранично се оние што вклучуваат растителни влакна – сиров зеленчук, омлет од белки, пуканки.

Многу ЗДРАВИ оброци

Наместо џиновски сендвич, направете еден помал, вклучете салата на страна, парче овошје и шолја чај. Неколкуте оброци со двојно помалку калории делуваат како многу храна, па ќе го излажете мозокот дека сте сити.

Сипете малку меурчиња

Јаглеродниот диоксид во газираните пијалаци го прошируваат цревниот тракт и ви даваат чувство како утробата да ви е полна со храна. Ова не е дозвола за да пиете газирани сокови со шеќер, туку дозвола да пиете газирана вода од онаа без вештачки засладувачи. Можете да се напиете и шампањ, но само една чаша.

Не заборавајте ја витамин Д дозата

Кога нивото на витамин Д е ниско (жените се посклони на дефицит) истото има негативен ефект врз лептинот, хормонот што ви кажува дека доволно јадевте. Оттука е јасно зошто некои студии го поврзуваат витаминот Д со дебелината. Освен сонцето, природен извор на витамин Д е и рибата, а најмногу лососот.

The post Совети за скромен апетит appeared first on Аптеки PlusPharma.

Содржат бета-глукан за кој се верува дека го стимулира имуниот систем и се бори со инфекциите.

Ракчиња

Ракчињата, и поголемиот дел од морската храна, се богат извор на цинк – еден од најважните минерали за имунитетот. Вегетаријанците може да јадат семки од тиква, бидејќи и тие се богати со цинк.

Слатки компири

Богати се со бета-каротен, антиоксидант за кој се вели дека ја засилува функцијата на клетките и го поттикнува имунитетот.

Чај

Студијата на Универзитетот „Харвард“ откри дека луѓето кои пијат 5 шолји црн чај дневно, количина во рамките на пропишаниот кофеин во денот, за само две недели имале 10 пати повеќе интерферон (антивирусен протеин) во крвта.

Јогурт

Освен што ќе ве обезбеди со цинк и витамин Д, јогуртот содржи пробиотик кој се бори со бактериите. Студијата во „Annals Of Nutrition & Metabolism“ откри дека луѓето кои секојдневно пијат чаша јогурт имаат 25 % помали шанси да закачат настинка или грип.

Се прејадовте?

Родендени, празници, семејни ручеци во недела, куќни слави… се чини дека во зима има премногу мотиви за прејадување. Последиците на сите ни се познати: киселини во желудникот, подуеност, забавена дигестија. Еве го планот за спасување…

Тревките се вашите пријатели. Чајот од нане ги дисперзира гасовите, анасонот ја поттикнува дигестијата, ѓумбирот го стивнува гадењето.

Млекото е природен лек против киселини, јогуртот содржи пробиотик што ќе му помогне на дигестивниот систем да го врати балансот.

Хранете се едноставно. Одморете го желудникот така што 2-3 дена ќе јадете свеж зеленчук, житарки со цело зрно, посни протеини.

Во просек, од настинки се разболуваме од 2 до 5 пати годишно, со тоа што секоја настинка трае околу една недела. Тоа се 200 настинки и цели 3 години од животниот век потрошени во кивање и дување нос.

The post Топ 5 поттикнувачи на имунитетот appeared first on Аптеки PlusPharma.

Сезонскиот грип често предизвикува непријатност во период од неколку дена кај сите заразени лица со своите вообичаени симптоми, но лицата обично прилично брзо закрепнуваат. Сепак, за лица кои имаат широк спектар на здравствени проблеми, грипот може да биде сериозна, па дури и фатална болест.

Кои лица се изложени на ризик?

Оние кои се најмногу изложени на ризик од сериозни компликации од грип се возрасните над 65 години, бидејќи имунолошкиот систем слабее со текот на годините и станува помалку ефикасен во борбата против инфекциите, како на пример грипот. Исто така, доколку заболениот претходно  веќе имал проблеми со срцето, дијабетес, хронична црнодробна или бубрежна болест, или белодробно заболување, грипот може да ги влоши овие состојби и да биде смртоносен.

Светската здравствена организација (СЗО) им препорачува на лицата на возраст над 65 години и лицата со здравствени проблеми да се вакцинираат против грип секоја година. Вакцините против грип се безбедни, а несаканите реакции се мали, особено во споредба со многу поголемиот ризик од компликациите од грип.

Што препорачува СЗО?

СЗО им препорачува на бремените жени да се вакцинираат против грип бидејќи се повеќе склони на потешка форма на болест кога се заразени со грип, и тоа може да има негативни последици за фетусот. Што е уште поважно, вакцината против грип дадена за време на бременоста го штити и новороденчето во првите месеци од животот.

Исто така, здравствените работници се сметаат како ризична група со оглед на тоа што се повеќе изложени на различни вируси на дневна основа, вклучувајќи го и грипот, и треба да се заштитат.

Најдобар начин да се спречи инфекцијата од сезонскиот грип е вакцинацијата. Со оглед на тоа што вирусите на грип се менуваат, потребно е да се прими сезонска вакцина секоја година за да се остане во чекор со циркулирачките вируси. За превенција на ширење на грипот не треба да ги заборавиме и вообичаените хигиенски мерки како редовно миење на раце, редовно чистење на заеднички површини и проветрување на просториите, покривање при кивање и кашлање, отстранување на користените марамчиња. Во случај на појава на симптоми на грип посетете го вашиот матичен лекар и избегнувајте ги другите лица.

The post Сезонски грип appeared first on Аптеки PlusPharma.

Старо правило: Третирајте ги пријателите онака како што сакате да ве третираат

Ново правило: Пријателството е двонасочна улица

Великодушноста е одлична особина, но во денешно време и таа стана потрошен материјал. Ако се водите по златното правило за пријателството: безусловна поддршка и љубов, а за возврат не добивате ист третман, прашање на време е кога ќе почнете да се чувствувате искористено. Не постои таков човек што не пресметува што добива за возврат, дури и кога се во прашање емоции. Светот функционира по правило на реципроцитет. И кога вашиот статус на лојален пријател прави да се чувствувате безвредно, време е за промени. Кажете им НЕ на пријателите и свртете се да видите дали сѐ уште се тука.

Старо правило: Никогаш не озборувајте

Ново правило: Ако ви годи, слободно правете го тоа

И научниците препорачуваат да озборувате, бидејќи неодамна потврдија дека озборувањето ги усреќува луѓето и ја подобрува нивната општа здравствена состојба. Колку и да звучи неморална нашата препорака, фактот дека озборувањето го зацврстува пријателството останува непроменлив. Всушност, споделувањето на интригантните информации е она што прави разликата помеѓу пријателот и обичниот познаник. Од друга страна, кога озборувате телото лачи материја што ве ослободува од анксиозност и стрес. Е сега, пред да почнете да ширите невистини, запомнете дека ваквото полезно дејство се случува кога споделувате позитивна содржина, а не злобни гласини.

Старо правило: Бидете свои

Ново правило: Прифаќањето на некои од манирите на пријателите ќе ве зближат

Еве уште еден пример од оние чудни, но вистинити факти што ги откриваат научниците: Имитирањето на мимиките и потезите на соговорникот прави да го чувствувате поблизок. Држењето на телото, повторувањето на насмевката, употребата на рацете додека зборувате во негов стил е потврда за потсвесната конекција што ја имате со пријателот. Ова особено функционира кога сакате некого да импресионирате или да му се допаднете на првата средба. Ова не значи дека треба секогаш да се согласувате со пријателот, а уште помалку да ги преземете неговите карактерни особини, но прибирањето на ситните лични белези формира поцврста врска и непречена комуникација.

Старо правило: Што можете средете сами

Ново правило: Ситните услуги од пријателите создаваат вечна врска

Мислите дека сѐ можете сами? Најчесто луѓето што не сакаат да даваат помош, не ја ни бараат. Да се разбереме, пријателите и услугите одат рака под рака. Без разлика дали се работи за нешто големо (да помогнете околу реновирање на домот) или нешто безначајно како да му позајмите парче облека, убавината на пријателството ја дава можноста да дадете и да побарате помош во секое време. Најважно е да ја запазите границата, бидејќи преку ноќ можете да се претворите во пријателот кој постојано има некаква потреба или во оној што не може да крене глава задоволувајќи туѓи потреби.

Старо правило: Не прашувајте, чекајте да ви кажат

Ново правило: Тотално е во ред да прашате дали сѐ е ОК

Можеби не сте воспитани да бидете индискретни, но заборавете на тоа кога се во прашање проблемите на вашиот најдобар пријател. Вашиот молк во моментите кога тој очигледно е потиштен, лесно може да бидат интерпретирани како незаинтересираност и негрижа. Дури и тогаш кога одбива да зборува, немате право да се налутите дека ве игнорира, напротив должни сте да бидете толерантни и да му помогнете да се отвори.

Старо правило: Кажете си сѐ што ви лежи на душа

Ново правило: Научете кога да ја затворите устата!

Лажните насмевки и добрина се насекаде околу нас и токму затоа некој го измислил пријателот, личноста пред која не мора да глумите. Не ви е пријател оној што секогаш го кажува она што сакате да го чуете, напротив, оној што е смел да ви каже како реално стојат работите. Пријателот што во пристапот звучи како вашите родители, е оној вистинскиот. Но, ова не ви дава за право да му судите во секоја прилика, особено кога гледате дека е повреден. Секој човек е свесен за своите грешки, но функцијата на пријателите е да пружаат утеха, а не постојано да дотураат сол на раната посетувајќи на правилата.

The post Правила што е дозволено да ги пречкртате appeared first on Аптеки PlusPharma.

Од животинско потекло: Козјо млеко

Нутритивен состав: Млеко кои изобилува со витамини, минерали, аминокиселини, квалитетни протеини, а важи и за одличен извор на рибофлавини. Содржи доста калциум, неопходен минерал за одржување на цврстината и густината на коските и минералот калиум кој е одговорен за одржување на нормалниот крвен притисок.

Предности: Козјото млеко полесно се вари во желудникот, бидејќи неговите масти се составени од помали честички. Содржи калиум и хлориди повеќе од кое било млеко и повеќе есенцијални масни киселини во однос на кравјото. Неговите белковини се слични на белковините на мајчиното млеко.

Слабости: Во својот состав има помала процентуална застапеност на натриум, железо, фолати и витамин Д.

Од животинско потекло: Кравјо млеко

Нутритивен состав: Кравјото млеко е синоним за калциум, витамин Д и специфични протеини меѓу кои како најважни се вбројуваат се лактоглобулините, лакталбуминот, казеинот и кравјиот албумин. Ваквите состојки на млекото делуваат превентивно од дијабетес и остеопороза.

Предности: Луѓето кои редовно пијат кравјо млеко имаат 5 пати подобри резултати на тестовите за помнење за разлика од оние кои воопшто не консумираат, велат последните истражувања.

Слабости: Голем број луѓе не можат да поднесат да пијат млеко поради лактозата, а алергиска реакција на протеините на кравјото млеко се јавува кај 2,5 % од доенчињата и кај децата до втората година од животот.

Од растително потекло: Млеко од соја

Нутритивен состав: Млекото од соја е 100 % растителен производ, па затоа содржи помалку протеини од млекото од животинско потекло. Но, не содржи лактоза, холестерол, глутен, а изобилува со незаситени масни киселини, витамини и минерали.

Предности: Науката потврдила дека 2 чаши млеко од соја дневно ги намалуваат топлотните бранови својствени за менопаузата. Сојата содржи изофлавони, растителни хормони со естроген ефект.

Слабости: Во раната детска возраст млекото од соја не може да биде добра замена за кравјото млеко. Австралиските научници се на ставот дека млекото од соја предизвикува 6 пати повеќе киселина во усната шуплина која води до кариес.

Од растително потекло: Млеко од ориз

Нутритивен состав: Освен витамини и минерали, оризовото млеко во својот состав содржи есенцијални аминокиселини и бавно согорувачки шеќери. За разлика од кравјото млеко, не содржи холестерол и заситени масти, не содржи лактоза ниту глутен. Оризовите протеини се високо нутритивни и лесно сварливи.

Предности: Млекото од ориз е погодно за сите – лицата со лактозна интолеранција, за лица кои не поднесуваат глутен, за лактовегетаријанците, за оние кои имаат тешкотии си варењето или лица со високо ниво на холестерол.

Слабости: Оризовото млеко не може да се консумира како замена за кравјото, особено кај деца до 3–годишна возраст.

The post Здравје во чаша млеко appeared first on Аптеки PlusPharma.

Анти ПМС-салата

Потребни состојки:

• 250 г спанаќ

• 1 јајце

• ½ авокадо

• 25 г пармезан

• една рака ореви

• 5-6 ротквици

• 5-6 шери домати

• 1 млад кромид

• 1/2 лимон

• морска сол

• маслиново масло

Начин на приготвување:

1. Внимателно измијте го спанаќот и потопете го во студена вода да отстои 20 минути, а во меѓувреме варете го јајцето. Излупете го авокадото и изрендајте го на ситната страна од рендето. Исечкајте ги оревите и чери доматите на четвртинки. Ротквиците и младото кромитче исечкајте ги на тркалца, но заедно со перцата.

2. Во длабок стаклен сад искинете го спанаќот со раце за да го зачувате железото. Врз него распоредете го авокадото, па наредете ги доматите и јајцето пресечени на четвртинки. Озгора расфрлете ги ротквиците и младиот кромид. Исцедете го лимонот и прелијте ја салатата, додајте маслиново масло, сол по вкус и внимателно промешајте.

3. Озгора поросете ја салатата со малку ореви и ленти пармезан. Пријатен апетит и збогум ПМС!

Зошто токму овие состојки помагаат при ПМС?

СПАНАЌ… Контрола на стресот

Растение кое најмногу изобилува со магнезиум, минерал што докажано ги смирува ПМС- симптомите. Магнезиумот го намалува нивото на стрес и на тој начин ќе успее да го контролира вашето променливо расположение. Ефектот ќе биде уште поголем доколку го комбинирате со Б витамин. Недоволното консумирање на магнезиум е причината за појава на главоболки, сонливост и замор, особено во тие денови.

ЈАЈЦЕ… За грчевите да стивнат

Витаминот Б6 е причината поради која ќе додадете и јајце во салатата. Овој витамин ќе ви помогне да ги намалите грчевите во стомакот и да го контролирате душевното расположение. Јајцата се богати со холин од кој зависи не само развојот на мозокот, туку и неговото нормално функционирање. Две големи јајца содржат 252 милиграми холин, тоа е речиси половина од дневните потреби.

АВОКАДО… Против болки

Авокадото ќе ви помогне да внесете есенцијални масни киселини во телото и да ја намалите болката во стомакот. Тоа се истите оние масни киселини што ќе ги најдете и во маслиновото масло. Тие важат за најздравите масти познати на науката кои спречуваат рак на дојка и срцеви заболувања. Имате проблем со холестеролот? Не грижете се, авокадо е дозволено да јадете.

ПАРМЕЗАН… Лек за подуеност

Калциумот е најдобриот сојузник во борбата со ПМС, а него ќе го најдете во сите млечни производи. Истражувањата потврдија дека калциумот ја намалува подуеноста на стомакот, истовремено намалувајќи ги болките и грчевите. Калциумот ја контролира нагласената желба за грицки и брза храна за време на ПМС.

РОТКВИЦА… Против акни

Освен калциумот и магнезиумот, добро ќе ви дојдат и витаминот А и витаминот Д затоа што ќе помогнат за целосна апсорпција на калциумот и ќе спречат појава на акни. Ја избравме ротквицата бидејќи го подобрува лачењето на желудочните сокови, ја подобрува работата на цревата, што значи дополнителна помош за подуениот стомак.

The post Збогум ПМС-симптоми appeared first on Аптеки PlusPharma.

Црно грозје vs. бело грозје

Лушпата на црното грозје изобилува со феноли, антиоксиданти кои ги уништуваат штетните слободни радикали во организмот – предизвикувачи на тумор. Тие ги чуваат крвните садови од атеросклероза и на тој начин го намалуваат ризикот од срцеви заболувања. Белото грозје има многу слична енергетска вредност како и црното, но содржи помалку калиум и калциум и е посиромашно со феноли.

Безмасен јогурт vs. jогурт со висока масленост

И двата содржат калциум, витамин Д, витамин А кои ги одржуваат коските цврсти. Но, незаситените масти во обичниот јогурт во комбинација со друга масна храна може да доведат до запушување на артериите, покачување на телесната тежина и холестеролот. Три оброка на база на безмасен јогурт значи губење 25 % повеќе тежина и 60 % повеќе телесна маса. Лицата кои пијат јогурт губат 81 % повеќе масти од стомакот.

Бел леб vs. црн леб

Сите хранливи состојки во пченицата се наоѓаат во обвивката и во никулецот. Во белото брашно тие се отстранети и тоа го содржи само средишниот дел од зрното, односно само скробот, што не е случај со црното брашно. Црниот леб содржи повеќе растителни влакна, калциум, магнезиум за разлика од белиот. Влакната кои ги има во јачменот и зобот ја намалуваат количината на инсулин и лошиот холестерол.

Црни маслинки vs. зелени маслинки

Нутритивниот состав на зелените и црните маслинки е речиси идентичен, најголемата нутритивна разлика е во застапеноста на натриумот – зелените маслинки содржат скоро 2 пати повеќе натриум за разлика од црните. Пет црни маслинки содржат од 115 до 125 мг натриум или 8 % од препорачаната доза. Исто толку зелени маслинки содржат 218 до 360 мг натриум или 14 до 24 % од препорачаната доза.

Бел грав vs. црвен грав

Гравот е зеленчук со идеален нутритивен состав, бидејќи содржи белковини кои ги содржат сите потребни аминокиселини. Тој го намалува ризикот од појава на рак на дојка и го намалува растот на туморот. Делува лековито и при рак на дебело црево и рак на простата. Но, црвениот грав содржи речиси 10 пати повеќе железо, витамин Е и фолна киселина, 6 пати повеќе калиум и 4 пати повеќе калциум.

The post Која е разликата помеѓу… appeared first on Аптеки PlusPharma.

Што можете да направите за машкото здравје?

Запознавањето со причините за здравствените проблеми е првиот чекор во изнаоѓање начин да им се помогне на мажите да живеат подолго. Задолжително искористете го Моември како потсетник да ги охрабрите мажите во вашиот живот и заедницата да направат медицински преглед, како и да живеат здраво со правилен начин на исхрана и редовно вежбање.

На глобално ниво, мажите умираат во просек 5 години порано од жените. Причини кои во голема мера може да се спречат, на повеќе од 14 милиони мажи годишно им се дијагностицира рак на простата.

Простатата е жлезда со внатрешно лачење, карактеристична само за машката популација. Сместена е веднаш под мочниот меур и е со големина на костен. Простатата е од суштинско значење за плодноста на посилниот пол и придонесува за целосно психичко и физичко здравје кај мажите.

Здрави навики за здрава простата

Здравата простата бара движење. Забележано е дека проблемите со простатата се појавуваат кај мажите кои повеќе седат и слабо се движат, што е спротивно од начелата за совршена функционалност на организмот кој бара постојани форми на движење.

Кога малку се движиме, а многу седиме, крвотокот и циркулацијата се забавени, со што се зголемува концентрацијата на токсините и отпадните материи во секретот на простатата. Бидејќи простатата сама по себе е мускулен орган, треба да се вежба и да се зајакнува исто како што во теретана ги вежбаме нашите бицепси и трицепси. Со вежбање на тие мускули, се подобруваат крвотокот и исхраната на самата простата, а се спречува таложењето на токсините и се подобрува и фунционалноста на простатата.

Покрај физичката активност, мажите особено треба да водат сметка за начинот на исхрана. Задолжително е внесување доволни количини од витамини и минерали кои се од есенцијална важност за здрава простата.

Цинк – ги спречува промените на простатата. Најмногу цинк содржат морската риба и морските плодови, оревите, печурките, пивскиот квасец, семките од тиква, интегралните житарки и сл.

Бета каротен – моќен антиоксиданс кој ја штити простатата од дегенеративни процеси. Го има во овошјата и зеленчукот со портокалова боја.

Селен – уште еден значаен и моќен антиоксиданс неопходен за целосна функционалност на простатата. Делува противвоспалително и антиканцерогено. Како богат извор на селен се пивскиот квасец, жолчката од јајце, морските плодови, лукот, овесните никулци и семките од сончоглед.

Витамин Ц – делува на продукција и подвижност на сперматозоидите, а, секако, значајна улога има и во одржување на здрав и силен имунолошки систем.

Витамин Е – важен за севкупното репродуктивно здравје, вклучувајќи ја и простатата. Го има во ладно цедените растителни масла, јајцата, интегралните житарки, гравот, оревите, бадемите, семките и сл.

Затоа, мажи, искористете го месец ноември како време за да бидете проактивни за вашето здравје и да ги поттикнете другите да го сторат истото. И дами, не заборавајте да го поддржите вашиот маж, охрабрувајќи го да ги следи и неговите здравствени прегледи.

The post МОЕМВРИ | МАШКО ЗДРАВЈЕ appeared first on Аптеки PlusPharma.

За да го намалите холестеролот: ОРЕВИ

Редовното консумирање ореви го намалува холестеролот во просек за 0.3 единици (пример: од 5.5 до 5.2 mmol/l). Фактите се базирани врз 13 научни студии, вклучувајќи 365 испитаници. Неопходно е да консумирате 30 грама ореви дневно за да ги почувствувате бенефициите по еден месец.

За да го фатите уморот во костец: ИНДИСКИ ОРЕВИ

Индиските ореви имаат двојно повеќе железо од меленото говедско месо. Железото е есенцијален минерал за организмот, бидејќи има улога на разнесувач на кислородот до сите единици во телото. Неговиот недостаток резултира со екстремен умор и ниска концентрација.

За да ја намалите тежината: КИКИРИКИ

Изобилството на протеини, масти и растителни влакна дава чувство на ситост подолго време. Истражувањето на Универзитетот Харвард откри дека диетите во кои се вклучени кикирики и путер од кикирики се полесни за почитување и даваат посигурни резултати, за разлика од диетите базирани на производи со ниска масленост, а речиси ист број калории.

За да го намалите крвниот притисок: Ф’СТАЦИ

Во една рака ф’стаци има повеќе калиум од банана. Токму поради тоа важат за одлични регулатори на крвниот притисок со оглед на научните докази дека калиумот ги блокира ефектите од солта.

За да го намалите ризикот од рак: БРАЗИЛСКИ ОРЕВИ

Тие се најбогатиот извор на селен на планетава, нутритивна состојка што ги штити клетките. Високото ниво на селен во крвта се потврдило дека го намалува ризикот од одредени типови на рак (рак на простата и на мочен меур).

За да го намалите шеќерот во крвта: БАДЕМИ

Богати со растителни влакна и јаглехидрати, бадемите го снижуваат индексот на гликемија (нивото на шеќер што завршува во крвотокот) што би го внеле со оброкот. Исто така содржат висок процент на магнезиум што исто така учествува во регулирање на шеќерот. На дијабетичарите им се препорачува да јадат бадеми со секој оброк.

За општо подобрување на имунитетот: ЛЕШНИЦИ

Богати со монозаситени масти здрави за срцето и витамин Е кој важи за најголем заштитник на клетките. Не е за потценување ниту нивото на растителни влакна, калциум, магнезиум, цинк, фолна киселина, биотин. Здрава ужина за кој било дел од денот.

The post Јаткаски плодови – најздравата ужина за грицкање пред ТВ appeared first on Аптеки PlusPharma.

Уживањето во моментот овде и сега е навика што се стекнува со пракса.

Ако ја барате среќата утре, големи се шансите да го правите истото и кога ќе го достигнете сонот. Колку и да звучи чудно, но способноста да го цените она што е пред вас нема никаква врска со она што го поседувате. Повеќе се работи за тоа колку ги мерите добрите работи во животот, дадени во кое било време. Почнете да го сакате она што го имате за чувството да стане уште послатко кога, порано или подоцна, ќе го дофатите она што го посакувате.

Барањето причина да бидете среќни овде и сега ќе ви биде од корист во иднина.

Доктор Декер Калтнер од Универзитетот Калифорнија, вели дека може да ја предвиди иднината на луѓето според силината на нивната насмевка. Истражувачите набљудувале слики од алманах на 111 студентки направени помеѓу 1958-та и 1960-тата. Подоцнежните анализи откриле дека жените кои имале позитивен израз на фотографиите биле поуспешни, имале поголема самодоверба, па дури и посреќни бракови.

Насочувањето кон среќата ќе го подобри вашето здравје.

Здравјето луѓето го земаат здраво за готово сѐ додека не им е загрозено. Д-р Кристофер Петерсон од Универзитетот Мичиген, кој ја проучува поврзаноста помеѓу оптимизмот и здравјето преку 20 години, тврди дека оптимистите имаат појак имунитет за разлика од песимистите. Ова може да е само резултат на фактот дека оптимистите покажуваат поголема тенденција да се грижат за себеси, но во случајов важна е крајната последица. Одлучете да бидете среќни сега, само вие можете да се натерате на тоа, и ќе уживате во деновите во добро здравје.

Конзистентната и долгорочната среќа зависи од вашата способност да ги забележувате и да ги цените малите работи.

И тогаш кога ќе успеете да имате сѐ што сте посакале, вие и понатаму ќе продолжите да бидете животен пример за успеси и падови. Ако до сега не научивте да уживате во малите нешта, тогаш вашето расположение ќе биде оставено на милост и немилост на животните услови кои непрекинато се менуваат. Што значи, секој пат кога нештата нема да одат како подмачкани, вие ќе бидете длабоко несреќни и депресивни, а не само малку разочарани и одлучни дека ќе ги смените работите на подобро. Почнете да размислувате за нештата што знаат да изнудат насмевка на вашето лице и топлина во душата. Можеби се радувате кога сте во друштво на вашиот миленик, кога го слушате звукот на дождот што паѓа, кога трчате во парк. Без оглед на промените, единствено изборот на едноставни задоволства ќе ви помогнат цврсто да останете на земја.

Секој ден е нова шанса да станете подобри од она вчера.

Ваквото мото може да ви ја зголеми самодовербата, а тоа автоматски значи и вашата среќа. Ако сте опседнати да бидете совршени во она што го работите, во улогата што ја толкувате како родител, сопруг, пријател, никогаш нема да бидете среќни. Време е да почнете да гледате на нештата што ги правите, како шанса да станете подобри. Поставете си ситни цели, на пример ако до вчера успевавте да се видите само со пријателите, денес, обидете се да ги вклучите и родителите во плановите. Со фокусирањето на ситни унапредувања и мини цели, вие природно ќе почнете да се приближувате кон големите соништа. Грицкајте полека, залак по залак и ќе стигнете до срцевината на јаболкото.

Токму сега можете да бидете она што сакате, без разлика како изгледа ситуацијата.

Вие можете да се залажувате дека вашиот живот треба драматично да се смени за да станете личноста која ја посакувате. Дека не можете да им помагате на другите, бидејќи не заработувате многу. Дека не можете да бидете авантурист, освен ако не ја продадете куќата. Но, вистината е дека можете да бидете сѐ што ќе посакате во кое било време. Можеби немате пари, но на пријателите ќе им бидете од помош и само ако ги сослушате нивните проблеми. Можеби немате пари да се впуштите во некое авантуристичко патување, но возбудлива авантура се крие и во запознавањето на луѓето со кои секој ден ги шетате децата во истиот парк. Не барајте изговори, уште денес можете да станете човекот кој посакувате да сте, бидејќи среќата е состојба на умот.

Барањето среќа во сегашноста прави разлика во животот на другите луѓе.

Иако сите имаме различни цели и соништа, водечкиот идеал на фронтот наречен живот, треба да биде живот со смисла што позитивно влијае на светот. Среќата е моментален избор, кој на повеќето им е тешко да го направат. Но, ако вие со вашиот избор поттикнете барем еден да постапи како вас, ќе создадете океан од позитивни и среќни луѓе. Среќата не она што го имате, тоа се менува, никогаш не е трајно. Смислата на среќата ја дава вашата интерпретација на она што е пред вас. Колку сте горди на животот што го живеете сега, колку сте спремни да уживате во прости задоволства во овој совршено несовршен свет.

The post Прости мудрости за вашиот сложен живот appeared first on Аптеки PlusPharma.

Во продолжение, прочитајте ги дневниците на две жени (имињата се променети) и докторските забелешки, за да научите како да му пристапите на вашиот случај.

25 % од пациентите страдаат од мигрена со аура или симптоми кои настапуваат 15 до 60 минути пред мигрената: проблеми со видот, вкочанетост на телото, проблеми со говор, намалена рамнотежа и координација

Лора Сампедро, 35

Историја на болеста:Главоболките на Лора започнале пред 6 месеци. До сега имала 4, а секоја од нив траела 24 часа. Нејзината мајкае хроничен случај. Лаура сѐ уште не била на лекар, но почнала да запишува што се случува во текот на овие болни денови.

(Гените го зголемуваат ризикот од мигрена за 50 %)

90 % од пациентите својот 1 напад го доживуваат пред 40-тата

Ден: Недела Станав околу 6 часот наутро, после 6 и пол часа цврст сон. Се напив кафе и почнав да готвам, бидејќи вечерта ми доаѓаа гости. Со гостите јадевме салата со ракчиња, малку пилешко, чипс со топен кашкавал, испив и две чаши вино. Бев будна до 23:00 часот, средував по дома.

(Не е јасно зошто, но понекогаш кофеинот поттикнува мигрена, а некогаш ја лекува. Затоа, пијте по една шолја кафе дневно и тоа секогаш во истото време.)

(Повеќе од 20 % од пациентите се чувствителни на алкохол, најчесто на црвено вино или темни жестоки пијалаци кои се богати со состојки кои поттикнуваат мигрена како конгенери.)

Ден: Понеделник Цела ноќ се вртев во постелата, едвај поспав 4 часа. Станав околу 7 часот со главоболка, па се вратив во кревет да доспијам. До сега, мигрената ме напаѓа на првиот ден од мојот менструален циклус, но сега се случи една недела порано. На работа ми сметаше светлината, очните капаци ми тежеа. На ручек се напив аналгетик, но болката стана поинтензивна и фокусирана зад левото око.Со целата своја снага, мигрената ме нападна околу 15:30 часот. Ме болеше целото лице, дури и очилата ме стегаа. Штом дојдов дома, легнав да спијам во затемнета просторија.

(Падот на естрогенот што се случува околу менструацијата, може да поттикне напад.)

(Напијте се од вашиот проверен лек за мигрена во моментот штом почне главоболката, исходот ќе биде помалку болен.)

(Мигрените имаат тенденција да болат на една страна и може да траат од 4 до 72 часа.)

Ден: Вторник Се разбудив околу 8 часот со остаток од вчерашната мигрена. Испив едно големо шише вода и два ибупрофена и се вратив на спиење во скроз темна соба, се плашев дека не е готово. Конечно станав во 11 часот, но сѐ уште се чувствував исцрпено. Се средив и заминав на работа. Кога дојдов дома, продолжив да пијам вода и си легнав. Се надевам дека наскоро нема да ме боли глава, честопати имам главоболки, но мигрената ме посетува барем еднаш месечно.

(Мигрените се налик мамурлак, ден потоа ќе се чувствувате неспособни и замелушени. Обидете се да одмарате и да пиете течности додека конечно не ви помине.)

(Стравот од мигрена е сосем нормален, но грижата може да допринесе до додатна главоболка, а не би сакале да западнете во тој магичен круг.)

СЛЕДНИ ЧЕКОРИ: Дури и благите главоболки на Лора може да се вбројат како мигрена, а по дефиниција тоа се напади кои траат од 4 до 27 часа и имаат две од следните особини: еднострана локација, пулсирање, умерена до силна болка, влошување при физичка активност придружена со гадење и повраќање. Лора задолжително треба да посети невролог.

Од 25 до 40 години е возрасното доба кога најчесто напаѓа мигрената

Џули Ховард, 27

Историја на болеста:Пред една година, Џули почнала да се соочува со дневни, интензивни – 8 од 10 на скала на болка – мигрени. Нејзиниот доктор ѝ препишал антидепресиви и лекови за крвен притисок. Таа почнала да инјектира и ботоксво скалпот, вратот и рамената на секои 12 недели. 6 месеци подоцна, мигрената ѝ задава помала агонија, но сѐ уште е честа.

(Првите помагаат во одбрана од нападите така што го зголемуваат нивото на серотонин;вториот ги опушта крвните садови и на тој принцип ги редуцира главоболките.)

(Инјекциите чија намена е да ги бришат брчките, ги блокираат нервите кои ги пренесуваат болните пораки до мозокот. Особено им се од помош на пациентите кои имаат мигрена и 15 пати во месецот.)

Ден: Понеделник Станав во 6:30 часот и појадував житарки со грчки јогурт и малини. Во 7:45 излегов, надвор беше претопло. Почна да ме боли глава, да ми пука, особено левата слепоочница. Во 11:00 часот болката стивна сама по себе. До ручек, чувствував благ притисок на задниот дел од главата. Во 18:30 часот јадев пица со пршут,рукола и маслиново масло. Во 22:00 часот како и секоја вечер ги испив лековите и појдов во кревет.

(Малините соржат тирамин кој поттикнува главоболка, исто така присутен е во сувото овошје и зрееното сирење. Избегнувајте го и вештачкиот засладувач фенилаланин, натриум глутамат присутен во азиската храна и теобромин кој го има во чоколадата.)

(Покачените температури и влажноста знаат да предизвикаат главоболка, но тешко е да се делува на оваа болка, бидејќи со времето никогаш не се знае.)

(Избегнувајте процесирано месо, обично содржи материи кои ги прошируваат крвните садови.)

Ден: Вторник Станав во 6:30, главата ми пулсираше од горе па сѐ до рамената. Во 7:45 кога заминав на работа, забележав дека надвор е премногу светло. Во 10:00 часот главата немаше намера да стивне, па се напивибупрофенод 400 мг. Во 14:00 часот пулсирачката болка почна да попушта, а до крајот на денот сосем исчезна.

(Рецепторите во очите се директно поврзани со хипоталамусот, делот од мозокот за кој се верува дека е центар на мигренската болка. Очилата се особени корисни при чувствителност на светлина.)

(ОТЦ лековите може да поттикнат мозочни промени кои ќе ги влошат главоболките во иднина. Не пијте повеќе од 10 во месецот.)

Ден: Среда Во 07:00 часот брзав да го фатам авионот кој требаше да ме однесе на службено патување.11:00 конечно полетавме со задоцнување од цели 3 часа. Чудниот мирисво авионот ја влоши мојата тазе главоболка. Во 16:00 часот стасав во хотелот преморена и со посилна главоболка. Седев во собата и се обидував да се опуштам. Во 20:00 часот се напив 6 мг мелатонини појдов на спиење.

(Стресот и дехидратацијата се главни поттикнувачи на болката, затоа дишете длабоко и пијте многу вода.)

(Мирисите поттикнуваат моментална главоболка, бидејќи рецепторите во носот се директно поврзани со хипоталамусот.)

(Истражувањата покажуваат дека 3 мг мелатонин 1 час пред спиење ќе ги намали последиците од мигрената.)

Ден: Четврток Во 7:00 часот серазбудивпосле 11 часа сон со остра и тврдоглава болка. Од 8:30 до 17:00 бев постојано растрчана и под тензија. Главоболката траеше цел ден.

(Премногу или премалку сон може да предизвика хормонска флуктуација. Целете на постојани 7 или 8 часа сон.)

Ден: Петок Во 8:30 се вратив назад на работа, пред мене  беше уште цел еден работен ден. Во 15:00 се скарав со партнерот по телефон, а тоа дополнително ми донесе стрес. Главата ми се распаѓаше од болка. Во 19:00 часот појдов на вечера со клиент. Полека, но сигурно пулсирачките сензации попуштаа.

(Стресот е најчест причинител на мигрена, иако некои луѓе запаѓаат во неволја штом се обидат да се опуштат како резултат на падот на адреналин.)

СЛЕДНИ ЧЕКОРИ:Џули најверојатно се соочува со дневно тензична континуирана главоболка чиј почеток лесно може да се утврди, а не со мигрена. Овој тип на главоболка може да е симптом за низок крвен притисок или течности околу мозокот. Но, поради ограничените истражувања за овој тип на главоболка, таа се третира како мигрена.

3 пати повеќе жените страдаат од мигрена отколку мажите

МОЖНИ ТРЕТМАНИ

Секому му делува различен лек и додека го откриете вистинскиот, бидете подготвени за грешки.

Аналгетиците се најефикасни ако ги испиете на самиот старт на болката. Специјалните формули за мигрена се базираат на кофеин или калиум, состојки кои ги редуцираат нервните иритации.

Триптаноте најчесто употребуван лек против мигрена кој ги стеснува крвните садови и го одржува нивото на серотонин во мозокот.

Превентивните лековикакоантидепресивите и бета блокерите, јa редуцираат екситабилноста на центрите за болка во мозокот.

Стероидитекои ги блокираат нервите и кои се инјектираат во скалпот, ги скратуваат деновите поминати со болка.

Когнитивно – бихејвиоралната терапијаќе ве научи да се ослободите од стресните мисли штом симптомите нападнат; болкатаќе ја намалите за 50 %.

Медитација – во една студија, пациентите кои медитирале 30 минути дневно во период од 8 недели, успеале да ги скратат мигренските епизоди за 3 часа.

Техники за релаксација– одмор на тивко место, кесичка мраз на челото, истегнување на мускулите, масажа и болките ќе се намалат за 32 %.

70 % од случаите на мигрена се наследни

The post Мигрена – Болест со персонализиран профил appeared first on Аптеки PlusPharma.

Сонцето е водечка причина за рак на кожа, вклучувајќи ја и најсмртоносната варијанта, меланомот. Експертите велат дека и безбедното сончање не е доволно за да го намалите ризикот од меланом; неопходно е да не се сончате воопшто. Денешното сонце е штетно колку и цигарите, па дури и алкохолот. Но, додека од цигарите човекот нема никаква корист, од сонцето има! Проучувајќи ги неговите здравствени ефекти врз повеќе од 30.000 жени подолго од 20 години, институтот Каролинска од Шведска заклучил дека оние што се изложуваат на сонце живеат подолго. И покрај тоа што е водечка причина за меланом, обожавателите на сонцето имаат помал ризик од срцеви и други фатални болести, а своите конкуренти ги надживеале 2 години. Дури и непушачите кои го избегнувале сонцето имале ист животен век со пушачите кои редовно се изложувале на сонце. Дали ова значи дека избегнувањето на сонцето е штетно колку пушењето цигари? ДА! И не само тоа, оние кои повеќе се изложувале на сонце имале поголеми шанси да преживеат од рак на кожа за разлика од оние кои не поминувале многу време на сонце. Сонцето не е проблемот, туку начинот на кој го користиме и злоупотребуваме.

ФАКТОР Д

Витаминот Д телото сам го произведува. Тој  ги одржува коските здрави, есенцијален е за апсорпција на калциум, а преку тоа штити од остеопороза. Но, поновите студии покажуваат дека спречува и низа други болести. Доволните дози витамин Д го намалуваат ризикот од неколку типови рак – на дојки, дебело црево и јајчници. Истражувањето спроведено од медицинското училиште Сан Диего откри дека жените со рак на дојка, имаат поголеми шанси да преживеат доколку имаат доволно витамин Д во организмот. Научниците сѐ уште не можат целосно да разберат зошто е тоа така, но веруваат дека кога витаминотќе се врзе со витамин Д рецепторите во градното ткиво, може да предизвика онкогените (гените поврзани со рак) да умрат или да престанат да растат.

Витаминот Д ја подобрува плодноста: прелиминарните студии покажуваат дека витаминот Д поттикнува хормонски баланс и го подобрува исходот од ин витро благодарение на малите рецептори кои неодамна беа откриени во јајчниците и плацентата.

Во нашата земја, со витамин Д се снабдуваме по природен пат во лето, а резервите ги складираме во масното ткиво за во зимските месеци кога сонцето е послабо. Но, ако го избегнувате сонцето во лето, нивото на витамин Д може да е сериозно загрозен. Одредени типови храна како јајца и скуша се извори на витамин Д, но содржат многу мала количина. Друга опција се суплементите кои делуваат добро, но дали доволно добро е прашањето кое научниците сѐ уште се обидуваат да го одговорат.

ДОБРО, СОНЦЕ

Но, сонцето не е добро само поради витаминот Д. Скорешната студија на Универзитетот Единбург откри дека изложувањето на УВ зраци го намалува крвниот притисок. Волонтерите кои учествувале во студијата, седеле под ламба за сончање околу 20 минути, но кај една група УВ зраците биле блокирани, па тие ја чувствувале само топлината од ламбата. Оние кои биле изложени и на УВ зраци имале намален крвен притисок цел еден час по изложувањето; кај другата група немало никакви промени – ова покажува дека зраците од сонцето се оние кои ја направиле разликата.

Сонцето влијае на нивото на азотен оксид, преместувајќи мали дози од кожата во крвотокот. Азотниот оксид го намалува крвниот притисок така што ги охрабрува крвните садови да се прошират. Само да ве потсетиме, високиот крвен притисок е главна причина за срцев и мозочен удар, а редовното изложување на сонце може да е клучно за да го намалите ризикот. Сосем друга студија покажува дека честото изложување на сонце значително го намалува ризикот и од мозочен удар.

Да не заборавиме да го споменеме ефектот што сонцето го има врз менталното здравје. Сите се позитивни на топол сончев ден. Постои причина за тоа. Имено, сончевата светлина е поврзана со создавањето на невротрансмитерите на серотонинот. Одамна е познато дека сонцето влијае на расположението и дава енергија и плус го управува циклусот на спиење (уште една причина поради која се чувствувате летаргично во зима кога деновите се пократки и потемни), но неодамнешните истражувања од Белгија, покажаа што точно се случува. Научниците открија специјален фоторецептор во окото, кој апсорбира светлина и праќа сигнали до мозокот, а од тоа зависи колку енергично и мотивирано ќе се чувствувате. Времето поминато надвор е тесно поврзано со менталното здравје, со подобрена концентрација и помалку стрес.

Изненадувачки, но сонцето обезбедува и неколку бенефити за кожата. Она што е познато е дека УВБ, еден тип од УВ зраците ја олеснува псоријазата. Псоријазата е предизвикана од вишок воспалителни клетки на имунитетот, а истражувачите од Универзитетот Осло откри дека изложувањето на сонце може да го намали нивото на тие воспалителни клетки. Истражувањата велат дека сонцето ги убива бактериите кои предизвикуваат акни и дамки. Имајте на ум дека истражувања се изведени во строго контролирани услови каде не постои никаков ризик од изгореници. Во природа, сонцето е повеќе ризик за кожата отколку бенефит. Но, ако таму успеете да создадете правилно сончање, тогаш ќе имате корист.

НА СВЕТЛАТА СТРАНА

Дали ова значи дека можеме да го спакуваме куферот и да заминеме на некое топло местенце покрај вода? Не толку брзо! Ова е најголемата грешка што ја правиме – ја изложуваме нашата неподготвена и гладна кожа на преголема порција УВ зраци. Ако емисиите под сонцето биле куси, 10-дневниот одмор носи голем ризик од меланом, особено ако и генетиката не е на ваша страна. Ризикот  од рак е поголем доколку изгорите, а изгорениците кои се случиле во младоста го покачуваат ризикот од меланом за 80 %. Иако ризикот се зголемува со годините, меланомот е вториот најчест тип на рак помеѓу луѓето на возраст од 15 до 34 години.

Значи, неопходно е да ја подготвите кожата преку стратешко изложување на сонце пред да појдете на одмор. На пример, луѓето кои работат на отворено и редовно се изложени на сонце, речиси и да немаат шанси да заболат од меланом бидејќи се фототолернтни.

Затоа, кога сонцето е најинтензивно, излезете надвор и поседете 20 минути без СПФ фактор. Ако ве плаши фотостареењето, ставете капа за да го заштитите лицето и вратот и изложете ги рацете и нозете. Многу е важно да заклучите како вашата кожа реагира на сонцето за соодветно да го адаптирате изложувањето без СПФ. За црвенокосите со светол тен, доволни се само 10 минути, потемните можат и подолго без СПФ. Пресудете сами!

Никогаш, апсолутно никогаш не дозволувајте кожата да ви изгори, тоа е знак дека веќе штетата е направена. Остатокот од времето и кога сте на одмор, штитете се со капа и облека, СПФ 20 и СПФ 30 или 50 во лето и обрнете внимание млекото за сончање да штити и од УВА зраци – оние кои поттикнуваат стареење. Тенот секако ќе ви потемни, затоа не целете да го постигнете печејќи се. Што значи, заштитете ја кожата од сонцето, но не ставајте ги во сенка бенефитите.

The post Парадоксот околу сончањето appeared first on Аптеки PlusPharma.

Симптомите се непријатни и го зголемуваат ризикот од одредени заболувања, но преку исхраната може да го олесните периодот.

Кои промени се случуваат во менопаузата?

Намалување на нивото на естроген, а тоа негативно се одразува на метаболизмот зголемувајќи го потенцијалот за покачување на килограмите. Оваа промена влијае и на нивото на холестерол и на начинот на кој телото ги обработува јаглехидратите.

Многу жени доживуваат симптоми како топлотни бранови и несоници. Промените на хормоните водат до намалување на густината на коските, а тоа го зголемува ризикот од фрактури.

Што да јадете?

МЛЕЧНИ ПРОИЗВОДИ – Бидејќи ќе ги заштитат ослабените коски од фрактури. Млекото, јогуртот и сирењето, содржат калциум, фосфор, калиум, магнезиум и витамини Д и К – сите тие се неопходни за здравјето на коските.

Во една студија, скоро 750 жени во менопауза кои консумирале поголеми дози на млечни и животински протеини имале значително повисока густина на коските.

Млечните производи го подобуваат и сонот. Една студија открила дека храната богата со аминокиселината глицин – присутна во млекото и сирењето – поттикнала поцврст сон меѓу жените во менопауза.

Постојат низа докази кои укажуваат дека млечните производи го намалуваат ризикот од предвремена менопауза, која настапува пред 45 год. Во една студија, жените кои најмногу внесувале витамин Д и калциум, најприсутни во сирењето и млекото, имале 17 % помал ризик од предвремена менопауза.

ЗДРАВИ МАСТИ – Омега-3 масните киселини се од голема корист за жените во менопауза. Студијата во која биле вклучени 483 жени во менопауза, покажала дека омега-3 суплементите ја намалиле фрекфенцијата на жешките бранови и сериозноста на ноќните потења.

Јадете масна риба, како скуша, лосос и сардела, и семиња како семе од лен, семе од чиа и семе од коноп.

ЦЕЛИ ЗРНА – Изобилуваат со хранливи материи, влакна и Б витамини како тиамин, наицин, рибофлавин и пантотенска киселина. Целите зрна го намалуваат ризикот од срцеви заболувања, рак и предвремена смрт.

Луѓето кои консумираат 3 или повеќе порции цели зрна во денот имаат 20 до 30 % помал ризик да заболат од срце или дијабетес, во споредба со луѓето кои најчесто јадат рафинирани јаглехидрати.

Студијата во која биле вклучени 11.000 жени во менопауза,заклучила дека консумирањето 4.7 грама влакна од цело зрно на 2.000 калории дневно, го намалува ризикот од рана смрт за 17 %. Извори на овој тип влакна се кафениот ориз, лебот од цело зрно, киноата, јачменот.

ОВОШЈЕ И ЗЕЛЕНЧУК – Богати со витамини, минерали, влакна и антиоксиданти. Половина од чинијата треба да биде составена од овошје или зеленчук.

Во едногодишната студија на 17.000 жени во менопауза, било заклучено дека оние кои јаделе повеќе овошје, зеленчук, влакна и соја, искусиле намалување на топлите бранови за 19 %. Сепак, најмногу корист ќе имате од видовите зелки. Една студија потврдила дека броколата го намалува нивото на типот на естроген кој е поврзан со рак на дојка, додека го зголемува нивото на естрогенот кој штити од рак на дојка.

ХРАНА СО ФИТОЕСТРОГЕНИ – Фитоестрогените се компоненти во храната кои делуваат како слаби естрогени во организмот. Храната што природно содржи фитоестрогени вклучува соја, наут, кикирики, семе од лен, јачмен, грозје, бобинки, сливи, зелен и црн чај. Земајќи во предвид 15 студии во трајност од 3 до 12 месеци, било заклучено дека фитоестрогените вклучувајќиизофлавон од соја, ги изретчиле топлите бранови, при тоа не дошло до никакви несакани последици меѓу испитаничките.

КВАЛИТЕТЕН ПРОТЕИН – Падот на естрогенот во менопауза води до намалување на мускулната маса и јачина на коските. Поради ова, жените треба да го зголемат внесот на протеини. Препораката за жените над 50 гласи 0,45-0,55 гр протеини на килограм (1-1,2 гр на кг) телесна тежина дневно или 20-25 гр високо квалитетен протеин во оброк.

Во една поголема студија во која биле вклучени луѓе на возраст над 50, млечните протеини довеле до намалување на ризикот од фрактура на колк за 8 %, додека растителните протеини го намалиле истиот ризик за 12 %. Храната што изобилува со протеини вклучува јајца, месо, риба, зеленчук и млечни производи.

The post Менопауза: Храна за полесна промена appeared first on Аптеки PlusPharma.

„Потребата од жива уметност сега е поголема од било кога, сите ние имаме потреба од истото. Размена на енергии, емоции. Предвидувам дека следи златното доба на театарот“.

Некако полесно е да ги натажиш луѓето отколку да ги насмееш, па дали тој талент може да се совлада, научи или едноставно човек се раѓа со тоа?

Денес ако имаш некој да те насмееимаш сѐ. Мислам дека е потреба некого да насмееш, за да заборави бар накратко на сите проблеми.

Дали и во приватниот живот си одговорен за смеата во друштвото?

Кога не сум на сцена повеќе сакам да слушам разни приказни, да ми раскажуваат за секакви ситуации и карактери.

А што се случува кога се соочуваш со падови, дали и тогаш се криеш зад хуморот или им дозволуваш на луѓето да те видат тажен?

И кога сум тажен сум смешен. Најискрено мислам дека секогаш сум ставен во комичен контекст.

Како го помина карантинскиот период, што научи, што промени кај себе?

Театарското „овде и сега“ ми стана како животна филозофија. Нема калкулации со ништо, едноставно треба да се користи секоја можна креативност. Ете тоа го променив, почнав да реализирам работи за кои си викав: „Ај, премлад сум сега да го правам ова…“.

Дали принудната стагнација премногу го оштети театарот, каква иднина му предвидуваш?

Напротив, потребата од жива уметност сега е поголема од било кога, сите ние имаме потреба од истото. Размена на енергии, емоции. Предвидувам дека следи златното доба на театарот.

Мислиш ли дека во иднина ќе живне македонската филмска продукција? Што ти е тебе подраго?

Карантинот овозможи креативците да имаат повеќе време за создавање светови. Очекувам да има наплив од фантастични идеи на сите страни. Мислам дека ќе ги гледаме најдобрите филмови, ќе ги слушаме најдобрите концерти, во театрите ќе се прават најдобрите претстави…Можеби ова е мојата фантазија и сонување, но жедта за фасцинација сега е поголема од кога било. Меѓу театар и филм…Јас би сакал и во театар и на филм.

Дали твојата камелеонска убавина, што многу лесно се трансформира во ликовите што ги толкуваш, е предност или маана во актерскиот свет или, пак, сѐ се сведува на твојот талент?

Сѐ се сведува на тоа дали е добро или лошо изграден ликот. Лошо би било да ти кажат после претставата: „Еј, лошо го одглуми ликот ама бар добро изгледаше, костимот како ти стои…“

Колку улогата на татко и сопруг го менува животот на еден актер па и на еден маж? Се чувствуваш ли спремен за предизвиците кои повеќе ги носи изместеното општество отколку родителството само по себе?

Играта е најважна, тоа го сфатив. Сме заборавиле колку е интересно да си играш со кал, да собираш каменчиња, да ги раниш гулабите на прозор што доаѓаат, да се радуваш на тоа дека си се наспал…Тоа го научив од кога станав татко. Не се плашам од иднината, да се радуваме денес, утре секако е нов ден.

Мене лично како твој фан, многу ме фрустрира тоа што секогаш си во комбинација со Тино, дури и на обични телевизиски гостувања. Ако почнам да го анализирам твојот физички изглед кој стасал до некоја доза на зрелост и изграден стил, а на тоа ја додадам зрелоста на сцена (не сум те гледала одамна ама верувам дека паузата супер ти годела), некако како да си станавте вишок еден на друг. Како да си го загрозувате актерскиот идентитет еден со друг? Дали знае и тебе да ти засмета овој момент? Дали јас сум хејтер во моментов?

Секогаш си во друштво на твојот колега Тино не само на сцената туку и на телевизиски гостувања и настани. Дали почнавте да си го загрозувате актерскиот идентитет еден со друг? Се случило ли некогаш да ти засмета овој момент?

Не се согласувам! Тоа би било како на Питер Кук да му пречи Дадли Мур или на Џон Клиз да му смета Грахам Чепмен, Рики Жервејс и Стеафан Мерчант да не создаваат заедно или Дин Мартин и Џери Луис да се загрозуваат. Не велам дека ние сме легенди, едноставно постојат такви комбинации на актери кои одговараат заедно. Ние во нашево дуо не стагнираме заради тоа што сме заедно, баш напротив, мислам дека созреваме и работиме еден за друг да бидеме подобри. Секако не сме сѐ уште во шаблон како би играле само типизирани ликови туку постојано се менуваме и се ставаме во различни амбиенти. Ние живееме во континуиран скеч што би рекол Синиша Евтимов.

На кој начин водиш грижа за својот изглед, се храниш здраво, спортуваш, консумираш суплементи? Помагаш ли во домот?

Пробувам да живеам здраво.

Покрај сцената, имаш ли некој свој начин да избегаш од реалноста, а особено од социјалните медиуми?

Неизбежни се социјалните медиуми, сѐ се префрли таму. Театарот ќе остане како чувар на вистината и доживувањето на вистински луѓе да раскажуваат некаква приказна. „Бегство во реалноста“ ќе биде театарот. Социјалните мрежи се збир на лаги, фрустрации и незадоволство, тие станаа простор каде што неукиот човек за некоја област, тема или случување, може да го каже своето мислење и добива повеќе внимание од експертот. Што би рекол Рики Жервејс: „Кого го интересира тоа…?“ За жал повеќето.

По некое непишано правило, најголемите уметнички имиња се сосем народни луѓе; уметници се посебен тип на луѓе; оние на кои им лежи хуморот, приватно се доста интровертни. Што од ова важи за тебе? На што се должи твојата приземност и народност, ти некако не леташ во небо иако си млад?

Немам време да летам во облаци.

„Сме заборавиле колку е интересно да си играш со кал, да собираш каменчиња, да ги раниш гулабите на прозор што доаѓаат, да се радуваш на тоа дека си се наспал“.

The post Атанас Атанасовски – Актерот кој живее за да ги засмејува луѓето appeared first on Аптеки PlusPharma.

„Ич не си добра мајка“.

„Ни за работа не те бива“.

 „Колку лош другар си“.

„Повторно ги изневери сите“.

Вакви и други слични мисли се мотаат низ главата на секој од нас, секојдневно. Во просек, човекот изговара 16.000 зборови дневно, но внатрешниот глас учествува со десет пати поголема бројка. Нажалост, не сите зборови се позитивни, впрочем 60 % од луѓето размислуваат за себеси во негативна конотација барем еднаш неделно.

Постојаната грижа за сѐ и сешто е клучен фактор за цел ранг психолошки нарушувања како депресија, анорексија или консумација на штетни супстанци. Според истражувачите од Универзитетот Кембриџ, жените двојно повеќе страдаат оданксиозност во однос на мажите, бидејќи по природа дамите се погрижливи.

КАКО ПОЧНУВА СЀ?

Дали е возможно да се извлечеме од лошите мисли штом почнат да се нижат една по друга? Соред д-р Сузан Дејвид, психолог на универзитетот Харвард и автор на Emotional Agility, штотуку ја направивме првата грешка. Таа е против етикетирање на мислите како лоши или добри, бидејќи сите се нормални, природни и очекувани. Непосакуваните мисли нудат можност да одговориме соодветно и на крај да имаме корист во однос на здравјето и среќата.

„Уште од најмала возраст ве советуваа да не бидете тажни, да не се лутите“, објаснува д-р Дејвид. А последниот култ на позитивизам гласи: „Само бидете позитивни и сѐ ќе биде во ред“. Но, овие емоции не ви се непријатели, преку нив телото ве упатува на она што ви е важно.

Д-р Рита Сантос е когнитивен бихејвиорален терапевт чија специјалност е анксиозноста. Таа вели дека честопати мора да ги потсетува пациентите дека вознемиреноста не е нешто лошо што може да се излечи разменувајќи ги лошите мисли со добри. „Вознемиреноста, лутината, стравот, се легитимни колку среќата и возбудата“, вели д-р Сантос.

„Сите мисли се составен дел од вас, токму тие ве прават човек. Затоа не казнувајте се себеси со заклучоци дека сте премногу слаби“. Од вас се бара само да ги зграбите мислите, бидејќи ќе ви помогнат да сфатите што најмногу ви значи. Сепак, ако се чувствувате заглавени во мислите од причина што прекумерно размислувате, има начин како да ги надминете емотивните пречки и да станете малку пофлексибилни во однос на вашите чувства. „Чувајте ги пријателите блиску, а непријателите уште поблиску“ – оваа поговорка важи и за тешките емоции. „Првиот чекор е да се разоткриете. Да ги препознаете и да ги прифатите емоциите“, вели д-р Сузан Дејвид. „Имам волја за овие емоции и сакам да ги искусам“ кажете си. Ако наместо да ги рационализирате, вие ги премолчувате емоциите, несомнено ќе се почувствувате немоќни. Ова особено се однесува на оние кои редовно ги потиснуваат емоциите или насила ги менуваат негативните со позитивни. Без разлика што предизвикуваат немир во душата, д-р Дејвид вели дека колебањето, стравот и критиките нѐ одржале како вид на земјата. „Мозок го прави она за што е дизајниран: се обидува да ги предвиди и реши проблемите и да избегне потенцијални стапици. Едноставно обидете се да забележите кога процесот на негативно размислување станува проблем или можеби се врзавте за конкретно тврдење. „Не ме бидува со бројки“ – кога некоја фраза премногу се повторува, голема е веројатноста да ја примите како факт или вистина, а не како емоција. Мора да најдете начин да ги сопрете емоциите да ве водат, советува д-р Сантос. „Ќе го земеме за пример лицето кое се плаши да оди на интервјуа, бидејќи верува дека ќе каже нешто глупаво. Маскирајќи го својот страв со изговори, тоа лице ги напластува негативните емоции, па влошувањето на состојбата станува неизбежно. Не правете го ова! Едноставно запрашајте се: Што е најлошото и најдоброто што може да ми се случи? Форсирајте се себеси да размислувате на сите можни исходи, бидејќи само така ќе заклучите дека вашите стравови не се базираат на вистински докази“.

СКРШНЕТЕ ОД ПАТЕКАТА

Според Џулиан Хал, емотивен експерт и основач на Calm People(сервис кој им помага на луѓето да најдат здрав начин да ги изразат емоциите) ниската самодоверба честопати е причината поради која луѓето заглавуваат со лоши емоции. Но, решението е едноставно и подразбира доаѓање до нова перспектива. „За да ги препознаат вистинските емоции, ги тераме луѓето да напишат што е она што поттикнало лутина во нив или тага – можеби се работи за критика добиена на работа, од пријател или партнерот. Потоа одговараат на прашањето – што тоа значеше за мене? – набројувајќи ги сите мисли што им паднале напамет. Некаде при крај, скоро сите признаваат дека помислиле: Јас сум безвреден или Јас сум бескорисен“.

Препознавањето на ваквите мисли ќе ви помогне да разберете зошто кај вас поттикнуваат конкретна емотивна реакција. Истото ќе го постигнете ако ја етикетирате секоја емоција. Именувањето на емоциите е многу важно, бидејќи влијае на вашата реакција. Постои голема разлика помеѓу „Под стрес сум“, а всушност сакате да кажете „Тажен сум, бидејќи мислев дека досега ќе напредувам во кариерата“, објаснува д-р Дејвид. Вие можеби сте под стрес, бидејќи им велите не на можностите или премногу вложувате во работата, но ако се чувствувате деградирани на работа или истата не ви е предизвик, тогаш реагирате погрешно.

ФОКУСИРАЈТЕ СЕ НА НАГРАДАТА

Штом ги идентификувавте лошите мисли и ги крстивте, време е да ги искористите во своја корист. „Честопати чувствуваме страв, лутина или сомнеж, кога некоја од клучните вредности е под закана“, вели д-р Дејвид. „На пример, ако помислите дека сте ужасен пријател/партнер/син“, прифатете го заклучокот како таков, како потсетување дека пријателството и семејството се најважни. Или ако се чувствувате како измамник на работа и се плашите дека ќе ве откријат, можеби е тоа начин на кој вашето тело ве учи да бидете задоволен со себеси“. Ако сѐ уште не сте сигурни што е она што ви е најважно во животот, можеби е време да се впуштите во подлабоки аналитични разговори. Зборувајте со пријателите што е она што најмногу го ценат во однос на пријателството. Со партнерот дискутирајте го одност што го имате со родителите. Одговорите ќе ви донесат низа откритија од кои ќе се изненадите. Ако и ова не ви помогне, обидете се со онлајн вежбата на на д-р Дејвид (susandavid.com)во која од листа вредности– автономија, доверба, поседувања и други, ќе ги подвлечете зборовите што ви се најважни, а потоа ќе го идентификувате патот преку кој ќе ги вметнете во вашиот живот.

ЦЕЛЕТЕ НА ЗЛАТО

Штом заклучивте што е она што вам ви е важно, сѐ се сведува на малечки, целни промени во навиките со цел да ги усогласите со основните вредности. Луѓето кои имаат усвоено силни вредности, се заштитени од секакви транзиции и назадувања. Земете за пример еден атлетичар или гимнастичар: тие имаат силен рбетен столб, но се доволно флексибилни да се соочат со други физички предизвици. Истото можете да го постигнете на ментално ниво. Денот носи илјадници избори како да го изведете тоа. Овие се клучни времиња за да направите чекор кон или назад од основнте вредности. Обидете се да ги споите новите вредносни навики со нештата кои веќе ги правите. Ако здравата храна е вашата основна вредност, но секогаш јадете чоколада на пладне, ставете овошје на бирото. Или се чувствувате виновно што и после работа висите на телефонот? Скријте го во фиока тие часови од денот. Светот може и без вас!

Реалноста гласи дека животот честопати е исполнет со неуспеси, откажувања, одбивања, потешкотии. Но, ако имате доволно волја да ги осветлите емоциите и да заклучите што е значајно за вас, ќе стасате до ефективни одговори кои ќе ве приближат до човекот кој сакате да бидете. А тоа е одлична цел за која вреди да трчате.

67 % е бројот на жени кои постојано се грижат за тоа како изгледаат, во споредба со 53 % од мажите

The post Флексибилна емотивна агилност appeared first on Аптеки PlusPharma.

 Високо интензивниот тренинг е за победници!

Согорувањето на масти се одвива во петта брзина за екстра кусо време. Да, другиот ден сѐ ќе ве боли, но овде зборуваме за вистинско потење.

The post Високоинтензивен ТРЕНИНГ VS Нискоинтензивен ТРЕНИНГ appeared first on Аптеки PlusPharma.

Луѓето со пеги всушност имаат повеќе активен меланин во клетките на кожата, благодарение на родителите. Пегите се генетски наследни, но не се јавуваат од раѓање. Не постои бебе со пеги. Обично стануваат видливи во 2-рата година, а своето деби го имаат во 7-8-та година од животот. Бидејќи се појавуваат и се размножуваат под влијание на сонцето, порано беа доживувани како сончеви штети. Но, пеги имаат и најодговорните во однос на сонцето. Пегавото лице е всушност тип на кожа за која е неопходна посебна, но многу едноставна нега.

СПФ фактор – Пегите се неодоливи, но сончевите дамки не се! Здравите пеги се разликуваат од сончевите дамки по тоа што потемнуваат во лето, а се бледи во зима. Сончевите дамки се поголеми (ако пегите се точка нацртана со молив, сончевите дамки се гумичката за бришење на моливот), имаат јасно дефинирани граници и потемна боја која не се менува. Но, ако пегите многу се намножат и потемнат, тоа е знак дека сте претерале под сонцето. Имајте на ум дека луѓето со бел тен и пеги имаат поголем ризик да заболат од рак на кожа во однос на луѓето со ист тен, но без пеги. Пегавото лице има потреба од УВА/УВБСПФ 30 во текот на целата година. Факторот може да биде и повисок во летниот период и истиот се обновува на секои 90 минути, на плажа и почесто.

Ладење на лицето – За да го задржите здравиот и дефиниран изглед на пегите, неопходно е да спречите создавање нови. Пегите не настануваат само под дејство на сонцето туку и под дејство на топлина. Кога кожата е изложена на топлина од сонце, сауна, солариум, меланинот се активира резултирајќи со потемни и побројни пеги. Топлината е далеку поголем виновник за дисколорациите на кожата. За да не го прегреете лицето, а со тоа да го разбудите пигментот во клетките, повремено плакнете го лицето, ладете го со коцка лед, нанесете маска или спреј за разладување.

Витамин Ц – Ако треба да инвестирате во некоја состојка, нека биде тоа витаминот Ц. Добро формулираниот серум со витамин Ц ќе ви помогне да го сузбиете меланинот во клетките и на тој начин да одржите стабилна бројка на пеги. Антиоксидантите се клучни за пегавата кожа и треба да се нанесуваат секој ден, а во летните месеци и два пати дневно. Побарајте состојки како Л-аскорбинска киселина и етрахексилдецил аскорбат, двете се ефикасни форми на витамин Ц, кои комбинирани со СПФ, нудат двојна заштита од сонце.

Нежен пилинг – За да ја држите под контрола дисколорацијата, неопходно е да го ексфолирате лицето редовно. Мртвите клетки на површината на кожата складираат поголем дел од вишокот пигмент кој се наоѓа во клетките. Но, бидете внимателни, агресивниот пилинг на киселинска база, употребата на алатки како четки или ролер за лице со иглички, а најмногу салонскиот хемиски пилинг, ја прават кожата почувствителна на сонце. Побарајте нежен пилинг на база на овес, ориз, пченка.

The post Нега за пегаво лице – 4 чекори до здрави и слатки пеги appeared first on Аптеки PlusPharma.

Не постои начин порите да исчезнат, со нив сте заглавени доживотно, но можете да ги намалите во обем. Во просек, возрасниот човек има околу 20.000 пори на лицето кои служат како излезен канал за потта и вишокот себум. Генетиката, типот на кожа, изложувањето на сонце, се само дел од факторите кои влијаат на нивната големина. Колку се подлабоки, толку повеќе се полнат со бактерии, ѓубре и останати нечистотии зголемувајќи го ризикот од воспаленија на кожата. Па, како да ги смалите? Прво, чистете го лицето со маслен производ. Маслото привлекува масло, па себумот, кремот за сончање, пудрата и останатите нечистотии на лицето, полесно се разложуваат со чистач базиран на масло отколку на вода. Второ, ексфолирајте го лицето 1-2 пати неделно, бидејќи мртвите клетки можат да се заглават во тие мали дупчиња и да предизвикаат акни. Обидете се со салицилна киселина, бидејќи пенетрира длабоко во порите. Отстранувајќи ги грубите мртви клетки, кожата инстантно станува мазна. Пилингот на долг рок спречува продукција на масло меѓу густо населените пори. Постојат и производи за брза камуфлажа кои се нанесуваат под мејкапот како база и кои големите пори ги прават невидливи. Употребатс на СПФ важи и за порите, бидејќи УВ зраците можат да ја оштетат структурната поддршка околу аглите на секоја пора и во краен случај да ја растегнат.

The post Патот до потесни пори appeared first on Аптеки PlusPharma.

 Дали оризот треба да отстои во вода преку ноќ? Пожелно е, но не мора, сепак оризот не е наут. Но, според експертите од Универзитетот Квинс, оризот може да содржи арсен кој пак предизвикува низа срцеви заболувања, дијабетес и рак. Добрата вест е тоа што откако оризот ќе отстои во вода преку ноќ, нивото на овој штетен токсин паѓа за цели 80 %. Истиот ефект ќе го постигнете ако го варите оризот во повеќе вода – 5 шолји вода за 1 шолја ориз – за да ја преполовите количината арсен.

Дали кога сум на диета е подобро да пијам исклучиво црно кафе? Многу веруваат во заблудата дека црното или турско кафе е диетална варијанта во однос на другите кои содржат млеко. Млекото воопшто не поттикнува апетит ниту води до вишок килограми. Ако работата ви е стресна, поголема е веројатноста кафето (без разлика каков тип пиете) да ви донесе вишок, а не минус килограми. Зошто е тоа така? За сѐ е виновен стрес хормонот кортизол чие ниво расте под влијание на редовните дози кофеин. Друг момент е шеќерот во крвта кој се искачува, а потоа нагло паѓа поттикнувајќи ве да јадете и солено и благо во исто време. Ова не значи дека целосно треба да се откажете од кофеинот, но кога сте на диетален режим пијте го пред или веднаш после оброкот.

Вистина ли е дека препечениот сладок компир предизвикува рак? Одамна важи правилото дека храната не смее да се препекува, бидејќи онаа црна кора е канцерогена. Нутриционистите особено алармираат да внимаваме на тоа како ги готвиме скробните намирници. Тостираните и препечени компири, вклучувајќи го и слаткиот, го зголемуваат ризикот од рак поттикнат од компонентата позната како акриламид – се создава кога водата се губи од површината на плодот во текот на печењето. Сепак, не постои директен доказ дека акриламидот е канцероген за луѓето. Што значи, уживајте во печени компири, но  сепак гответе ги на најздравиот можен начин – крупни парчиња печени на пониска температура за пократко време.

Колку црвено месо е дозволено да се јаде? Црвеното месо го бие лош глас, особено меѓу возрасните. Но, последните студии велат дека три порции од 85 грама неделно, не го зголемуваат ризикот од кардиоваскуларни болести. Од друга страна, црвеното месо содржи витамин Б, цинк, селен и железо кое телото многу подобро го апсорбира во однос на железото од растително потекло.

Знајте го ова… Студијата објавена во магазинот Social Science and Medicine, откри дека секојдневното читање во траење од 30 минути го продолжува животот за цели 2 години. Читањето го ангажира мозокот на подлабоко ниво и води до подобрена емпатија, социјална перцепција и емотивна интелигенција – квалитети неопходни за подобро преживување. Еј, ова важи само за печатените книги, читањето на телефон не се важи.

Трчање кога надвор е загадено –  носи повеќе корист или штета? Изложувањето на загаден воздух е штетно без разлика дали пешачите или трчате. Но, при трчање човекот дише подлабоко полнејќи ги градите со 10 до 20 пати повеќе воздух. Ова автоматски значи дека вдишувате поголема количина од штетните честички кои предизвикуваат срцев или мозочен удар. Пред да се затворите дома, знајте го и ова: Истражувачите од Универзитетот Кембриџ потврдија дека бенефитите од спортувањето (вклучувајќи го и трчањето) дури и во земјите со високо загаден воздух, ги надминуваат ризиците. Па, по некоја логика добро е да трчате и кога е екстремно загадено, но трчајте во парк или шума место на асфалт.

The post Интересни Прашања Научни одговори appeared first on Аптеки PlusPharma.

Постојат низа ригорозни супстанци кои влијаат на ендокриниот систем, поточно ја загрозуваат работата на тироидната жлезда и хормоните,зголемувајќи го потенцијалот на низа хронични болести како дијабетес и срцеви заболувања.

Неодамнешната студија на Универзитетот Џорџ Вашингтон, САД, откри 45 различни токсични супстанци во вообичаената куќна прашина од кои најмалку 10 демнат во 90 % од домовите. Благодарение на модерното домаќинство и употребата на различни формули за одржување на чистотата, луѓето несвесно создаваат небезбеден дом. Решението не подразбира само ослободување од производите за чистење, бројот на токсините во домот ќе се намали ако разумно се храните, одбирате каква вода пиете и каков воздух дишете.

Бања

Многу од козметичките производи содржат високо ниво на фталати кои имаат негативен ефект на ендокриниот систем. Најчесто треба да се наведени меѓу листата состојки, но не бидете изненадени ако не се. Некои кармини на пример, имаат премногу олово. За да не заглавите читајќи етикети, користете 2-3 производи во текот на денот за да не ја преплавите кожата со безброј токсини. Денес е уште полесно, едноставно префрлете се на природни, органски алтернативи. И не заборавајте да ја фрлите онаа маска за лице што стои во бањата од 1999-та. Ако вашата бања сѐ уште ја красат завеси, имаме лоши вести. Пластичните завеси најчесто содржат ПВЦ (поливинилхлорид) кој служи да ја омекне пластиката, но истовремено емитува токсични супстаници вклучувајќи фталати и олово. Да, количините се ниски, но кога веќе има избор, набавете од оние што не содржат ПВЦ. Во пастата за заби или течноста за плакнење уста, може да најдете антибактерска состојка наречена триклосан. Неговата структура е толку слична со тироидните хормони, така што тој лесно се врзува за тироидната жлезда целосно загрозувајќи го целиот организам. Бели заби се возможни и без токсини, потребен ви е само флуорид без триклосан.

Дневна соба

Не треба да сте научник за да забележите дека телевизорот се загрева додека работи, истото се однесува и на компјутерот и телефонот. Скоро секој уред има забавувач на топлината кој сам се активира. Токму тој  е токсичен до степен да влијае на хормонскиот баланс. Премногу е да бараме да се откажете од овие гаџети, затоа едноставно исклучете ги во текот на ноќта за целосно да се оладат. Прескокнете ја опцијатаstandby или night mode, спасот е во power off. Исклучувањето прави голема разлика во нивото на овие штетни материи кои живеат во куќната прашина и воздухот. Идејата за уживање пред камин секому звучи добро, но последниве години сфативме колку штетно може да биде. Отворениот оган емитува двојно повеќе штетен чад и ситни саѓи за разлика од затворената печка чија емисија е повеќе штетна за надвор, отколку за домот. Имајте на ум дека сувите дрва чадат помалку, а тоа значи дека се помалку штетни од влажните и скапани трупци.

Колку и да е удобна, меката гарнитура е поштетна во однос на тврдата. Но, ова важи само ако содржиперфлуорирани алкилизирани супстанци (PFA), а повеќето содржат, чија цел е да го направат креветот водоотпорен и отпорен на дамки. Но, ваквиот „паметен“ кревет може да го потисне или да го наруши имунитетот. Софата изработена од кожа или памук е посигурна варијанта. Во случај веќе да заглавивте со штетникот од погоре, редовното чистење на креветот со правосмукалка може да помогне.

Спална соба

Речиси една четвртина од животниот век човекот го поминува во кревет што не е малку во однос на тоа колку се жалиме дека сме ненаспани. Но, причината за умор и неквалитетен сон многу веројатно се должи на несоодветната постелнина и лош душек.Сериозно се исплати да инвестирате во душек од органски латекс, полнењето на јорганот да биде од волна, а чаршафите и навлаките за перници да бидат од органски памук, во спротивно се изложувате на сериозна количина токсини кои ги апсорбирате преку кожата и грлото додека спиете. Освежувачите за воздух во облик на спреј и миризливите свеќи, честопати содржат лимонен кој го обезбедува оној цитрусен мирис. Ова не звучи воопшто страшно, но кога лимоненот ќе дојде во контакт со честичките во воздухот се трансформира во формалдехид кој е канцероген. Добрата вест е тоа што одредени растенија како бршленот, лавандата, папратот и гераниумот го апсорбираат формалдехидот од воздухот во домот. Се погриживте да го освежите ентериерот менувајќи ја бојата на ѕидовите, но дали се запрашавте колку безбедна боја користевте? Бојата содржи низа штетни материи кои испаруваат во воздухот и тоа на собна температура. И малото изложување на овие материи може да предизвика главоболка, вртоглавица и гадење. Следниот пат обрнете внимание на составот, ви треба боја што не содржи фталати.

Кујна

Сигурно се гордеете што вашата исхрана се темели на заленчук и овошје, но што ако ви кажеме дека истата може да биде поштетна и понечиста од месото купено во кебапчилница? Плодовите растат со помош на пестициди кои завршуваат во мијалникот, а оттаму лесно пак стасуваат до вас. Инаку, виновни се за остеопороза, хормонски дебаланс и клеточно оштетување. Немате доволно буџет за да купувате исклучиво органско? Обрнете внимание на 12-те плодови кои најмногу задржуваат пестициди: јагоди, спанаќ, нектарина, јаболка, праски, круши, цреши, грозје, целер, домат, сите видови пиперки и компири. За темелно да ги дезинфицирате, потопете ги во раствор од сода бикарбона и оцет, а потоа уште еднаш темелно измијте ги со чиста вода. Голем дел од храната спакована во плстична амбалажа или конзервираната, содржи високи дози на бисфенол А, состојка која ја поврзуваат со покачен ризик од гојазност, болести како дијабетес, а го забрзува и стареењето. Јадете почесто свежа храна, а она што ќе остане складирајте го во стаклени садови или пластика што не содржи BPA.

The post Дали вашиот дом е токсичен? appeared first on Аптеки PlusPharma.

 „Кариерата ја стартував со добар совет, а тоа е дека самоувереноста, љубезноста и насмевката разоружуваат.“

Благодарение на социјалните медиуми, денес и обичната жена сака да изгледа убаво, да има добра фигура. Но, малкумина се реални дека за тоа е потребен цврст сојуз меѓу здравата исхрана и спортувањето, па сѐ уште има жени кои губат време барајќи магични формули, напивки, чаеви. Ќе ја прифатиш или ќе ја отфрлиш тезата дека гените, особено после 30-тата и после породување, се само катализатори на она што е неопходно да го сработиме во сала, комбинирано со она што го консумираме? Всушност, кој режим е одговорен за твојот фит изглед?

Генетиката е виновна за мојот изглед пред сѐ. Бидејќи од својата 17-та година сум манекенка и фотомодел – кој мора да ги следи највисоките стандарди во модниот бизнис за висина, тежина и изглед воопшто – стекнав навики кои станаа дел од мојот животен стил. Не можам да генерализирамбидејќи моето тело и изглед се алатката во мојата професија и на тој начин ги третирам и во периодот на бременост, кога само ја менувам динамиката на вежбите, и по породувањето – кога многу суптилно се враќам во форма. Јадам сѐ што ќе посакам, но за среќа немам ниту малку потреба и желба за индустриска храна полна со шеќери и скриени масти. Медитеранската храна полна со хранлив зеленчук и овошје, месо на скара и јаткасти плодови е мојата комбинација. Задоволна сум што мојата професија, онаква каква што е, ме одржува во совршено добро здравје.

Има еден чуден парадокс кој им се случува на дел од жените штом станат мајки, некако забавуваат со животот. Не мислам само на физичкиот изглед, туку и на духот. Преголемо посветување на домот и семејството и речиси никаква желба за некогашните активности и навики. На што се должи ова? Дали сѐ уште имаме нерамноправна поделба на обврските во домот, ни недостасуваат пари или таков ни е менталитетот? Мојот впечаток за тебе е дека и покрај сите обврски, и покрај титулата мајка, го имаш задржано својот енергичен дух и дека сѐ уште имаш потреба да се дружиш. Лесно ли доаѓаш до време за себе и дали се наоѓаш во ситуации кога треба да се избориш за истото?

Сите карактеристики кои ги набројавте за некакво стереотипно однесување по породувањето мене не ми се познати. Јас, искрено, немам многу време да залегнам и да си дозволам комоција која можеби некои мајки си ја овозможуваат. Кај мене едноставно животот продолжува, а моите деца навистина имаат многу време да бидат со мене, бидејќи имам слободно време во паузите кога не снимам реклами и едиторијали. Јас потекнувам од спортско семејство каде многу прагматично се организира сѐ и нема време за многу емотивни драми околу некои настани и придавање огромна важност на промените кои ни се случуваат. Научени сме, јас и мојата сестра, да бидеме подготвени и за победа и за пораз, и да продолжиме понатаму исправени и моќни. Единствено нешто што е континуирано кај нас, во целото семејство, е безусловната љубов и поддршка. Тој е мојот начин на грижа и воспитување, а таков одговорен, грижлив и полн со љубов, е и таткото на моите деца со кого ги делиме обврските.

И додека во светот беснеат разноразни движења од типот #metoo, кај нас сѐ уште има луѓе кои твојата професија ја поврзуваат со сексуални злоупотреби, непристојни понуди и слично. Дали денес воопшто има простор за непристојни понуди? Се зголеми ли слободата на моделите, се слуша ли нивниот збор повеќе после овие промени?

Светското разоткривање на моќните мажи кои злоупотребувале или сексуално вознемирувале жени или млади девојки, колешки и актерки во филмската и модната индустрија, направи квалитетна промена која беше долгоочекувана. Во модниот свет за ова се зборува како за природна појава без да се знаат фактите. Имено, постојат разни типови агенции, оние врвните се постојано будни да не дозволат да се случи нешто на моделите кои ги застапуваат. Интересно е дека во оваа индустрија, за сексуално злоупотребувани, кренаа глас машки модели кои имале непријатни искуства со високопрофилирани фотографи кои важат за легенди во уметничката фотографија како Марио Тестино, Брус Вебер и други. Јас, лично, од старт влегов во врвот на оваа индустрија и околу мојата безбедност вистински се грижеа моите букери. Но, секако, во оваа професија не можеш ништо да направиш ако не си психички силен да ја издржиш, бидејќи модата зад кулисите е преполна со бездушност и ароганција кои произлегуваат од екстремните обврски на сите учесници во неа. Јас стартував со добар совет, а тоа е дека самоувереноста, љубезноста и насмевката, разоружуваат. Од мала си велев на кастинзи: Кики, главата горе! Кој и да е во таа просторија, ти си највисоката која влегува и, сепак, треба да го спуштиш погледот за да ги видиш. Среќна сум што досега немав непријатно искуство во мојата работа и им давам поддршка на сите жени кои имале лошо искуство, сеедно каде, да не молчат, бидејќи тие никогаш не се виновни. Никогаш!

Да расчистиме уште една заблуда: Моделите имаат ограничена кариера врзана со годините – дали ова важи само кај нас?! Илјадници жени стареат како виното и сѐ уште заработуваат милиони. Како ја замислуваш твојата кариера во иднина и дали размислуваш за споредна професионална ориентација? Бидејќи внимателно бираш со кого соработуваш, дали во моментов си задоволна од постигнатото или копнееш за повеќе, за странство?

Точно е дека има лимит во мојата професија, но тој лимит во денешниот моден свет е растеглив и зависи од изгледот и можностите на моделот. Јас, денес, по враќањето од Њујорк, сум исклучиво фотомодел и со комбинацијата на класичен и атлетски изглед сѐ уште добивам работа. Истата, поради родителството, е со намален интензитет, но и самата индустрија многу бргу се менува станувајќи дигитална и валоризирана од следбеници на Инстаграм. Бидејќи не се соочувам со притисокот со кои младите манекенки се соочуваат, работам, буквално, од силината на моето професионално искуство за кампањи каде е потребна таканаречена безвременска убавина и истата не подлегнува многу на трендовите и популарноста. Инаку, немам желба за бесконечно присуство така што не верувам дека за потребите на мојата работа во иднина ќе применувам пластична хирургија за да задржам некаков младешки изглед. Модната индустрија денес е фокусирана и на возрасните жени, и тие имаат огромна палета на модни брендови и козметика кои бараат класична убавина. Она од кое никогаш нема да се откажам е да ја искористам мојата појава за квалитетни промени во општеството и секогаш да бидам глас на оние кои, на каков било начин, се обесправени или загрозени. Сакам мојот син и ќерка да растат среќно, во средина каде ќе може да се изградат во убави личности полни со љубов, разбирање и толеранција. Не сакам моите деца да бидат оние кои ќе сонуваат да се иселат.

„Не сакам моите деца да бидат оние кои ќе сонуваат да се иселат.“

The post Катарина Ивановска appeared first on Аптеки PlusPharma.

Овошје

Јатки

VS

Консумирањето жолто или портокалово овошје секојдневно двојно го намалува ризикот од рак на мочниот меур, бидејќи тие значително го зголемуваат внесот на витамините А, Ц и Е.

Што вели науката?

Чинот на ослободување на плодот од јатките како ф’стаци го срушува безумното грицкање, редуцирајќи го внесот на калории за 59 %. Запомнете, најпожелни се суровите варијанти за да ја избегнете додадената сол.

Кога го консумираме цело, овошјето доаѓа спакувано со растителни влакна кои го забавуваат ослободувањето на шеќер во крвта и спречуваат скокови во нивоата – се поврзуваат со зголемување на ризикот од дијабетес тип 2.  

Доброто кај нив

Полинезаситените и монозаситените масти во јатките го намалуваат нивото на лошиот холестерол и на тој начин го штитат организмот од срцеви заболувања и мозочен удар.

Претпоставувате и сами, шеќерот е оној кој ги мати нештата. Овошје кое содржи најмногу шеќер со сигурност е јужното како банана, манго, ананас.  

Лошото кај нив

Јатките се консумираат еднаш дневно, ако се редовни на менито. Но, ако ги јадете четири пати во денот, сметајте дека сте внеле четири пати повеќе масти отколку што содржи еден хамбургер. Колку е премногу? 23 бадеми важат за една порција.

Во потрага сте по поттикнувач на среќа? Вашата потрага е завршена! Една овошна салата е доволна за да дојдете до чувство на задоволство.  

Нутритивност

Активирањето на јатките води до зајакнување на нивниот нутритивен профил. Затоа, покиснете ги преку ноќ во вода во која ќе ставите 1 кафена лажица сол, а потоа ставете ги во дехидратор или печете ги во рерна.

„Овошјето како портокалот и кивито се богати со витамин Ц, кој ги подобрува изгледот на кожата, имунитетот и плус ќе ве снабди со енергија. Антиоксидантите во поголемиот број овошја исто така позитивно влијаат на кожата, концентрацијата и меморијата и го одржуваат балансот на хормоните“, вели Alice Mackintosh, нутритивен терапевт.  

Експертско мислење

„Јатките изобилуваат со хранливи материи и витамини, како калциум и магнезиум, и се одлични за здравјето на мозокот и срцето. Дневната порција јатки важи за одличен штит од цел еден ранг состојби вклучувајќи и рак“, вели Laura Tilt, диететичар.

Јатките се во предност!

Одлични контролори на гладот, уште подобри поддржувачи на мускулниот раст и број еден штит на срцето.

The post Овошје VS Јатки appeared first on Аптеки PlusPharma.

Кога грижата е оправдана?

Најзагрижувачки аспект во целата ситуација? Многу од случаите се откриени во напредна фаза, бидејќи се погрешно или доцна дијагностицирани. „Доколку се открие рано, во првата фаза, 98 % од луѓето со сигурност ќе живеат пет години и повеќе“, вели Willie Hamilton,професор по примарна нега и дијагноза на „University of Exeter Medical School“ и медицински советник за социјалните случаи во рамки наорганизацијата „Beating Bowel Cancer“во Обединетото Кралство.

„Но, тажната вистина е дека многу млади луѓе имаат помали шанси да преживеат, бидејќи најчесто се соочуваат со доцна дијагноза. Тројца од пет дијагностицирани случаи под 50 години, се откриваат во трета или четврта фаза, а една третина од нив се итни.“ И додека експертите постојано работат на откривање на причинителите поради кои е зголемен бројот на пациентите, по сѐ изгледа дека недоследноста во здравите навики е главниот виновник.

Како изгледа тоа во реалниот живот? Па, вака некако: Во понеделник сте максимално посветени, сѐ што изедовте беше здраво, домашно приготвено и плус вежбавте. Но, како одминуваше неделата грешките се напластуваа една врз друга. Го прекршивте режимот со хамбургер, секако и со газиран сок, а за вежбањето смисливте навистина добри изговори. Ваквите осцилации во внесувањето на хранливи материи, буквално, значат грабеж на горивото кое му е потребно на дебелото цревото за да биде здраво и силно.

И вишокот килограми, исто така, носат неволја: „Речиси 11 % од случаите на рак на дебело црево биле поврзани со дебелината“, се вели во прегледот на „IARC Handbooks of Cancer Prevention“– независна агенција за канцер која е дел од СЗО.

„Моите пациенти признаваат дека не се хранат како што би сакале, бидејќи постојано се во трка со времето и во тој случај тешката и процесирана храна е добредојдено решение“, вели David McArthur, колоректален хирург во Spare Parkway болницата. „Храната, алкохолот и телесната тежина играат клучна улога при пресметувањето на ризикот од рак на дебело црево.“

Според извештајот на СЗО во 2015 година, најверојатно постои поврзаност помеѓу црвеното месо и ракот на дебело црево, особено ако месото е процесирано. Ништо не ве чини да ја намалите консумацијата, особено на процесираната месна понуда, со цел да го намалите ризикот. „Едноставно кажано, она што ќе го ставите во уста, секако ќе стигне и до дебелото црево“, вели Stephen Fenwick, консултант хепатобилијарен хирург во Aintree University болницата. „Ако има каков било канцероген елемент во она што го консумирате, тоа ќе дојде во директен контакт со дебелото црево.“

Погрешен ПР за болеста

Едноставно, ракот на дебело црево не е во фокусот на луѓето во нивните 20-ти или 30-ти. Свесноста е на многу ниско ниво, додека непријатноста котира високо. Се случува луѓето да премолчуваат дел од симптомите, бидејќи се крајно непријатни. „Луѓето се срамат од симптомите на оваа болест: ректално крвавење, дијареја, констипација, гасови, грчеви, чувство и желба за празнење“, вели McArthur.

Иако бројот на млади пациенти е во пораст, сѐ уште владее уверувањето дека не е наменет за нив и така успева да се протне без дијагноза. Од друга страна, овој тип рак е доста подмолен – типичните симптоми на рак на дебело црево се преклопуваат со многу полесни состојби кои се лекуваат.

„Не е за потценување бројот на луѓе кои укажувале на симптомите повеќе од две години, но биле испратени дома со дијагноза за хемороиди“, вели McArthur. Симптомите како болки во абдоменот и грчеви најчесто се мешаат со синдром на иритабилни црева. Како и да е, секое дијагностицирање на дигестивен проблем проследено со соодветен третман може да значи продолжување на животот.

Скринингот е најсигурната опција за да се окончаат сите сомнежи. Зборуваме за директен тест на дебелото црево – тенка цевка со камера на едниот крај се користи за да се проверат и отстранат евентуални полипи во цревото. Постои и опција за испитување во домашни услови, но истата не е конечна. Таа само сигнализира дали се неопходни дополнителни испитувања. Најдобриот совет за секој оној што се соочува со симптоми или се сомнева дека има рак на дебело црево поради семејна историја и ред други мотиви, треба да се упати на лекар и да направи колоноскопија.

Не дозволувајте да се протне

Кога станува збор за превенција, нема нешто што веќе не го знаете. Не пушете и бидете внимателни со количината на алкохол, бидејќи оние што редовно го консумираат се поранливи на болеста. Како што споменавме, исхраната игра голема улога, па неопходно е изобилство на растителни влакна – мешунки, житарки од цело зрно, зеленчук – за нештата да пловат како што треба. Еј, и полека со сланината!

Во пораст се доказите кои сугерираат дека здравјето на цревата и стомакот играат клучна улога. „Акутното воспаление го покачува ризикот од развој на рак“, вели McArthur.„Силниот цревен микробиом докажано го намалува воспалението, па оттука, многумина мислат дека го минимизира и ризикот од рак на дебело црево.“

Затоа намалете го ризикот консумирајќи природни поттикнувачи на добрите бактерии во стомакот како артичоки, јаболка, кисела зелка. Вежбањето само два и пол часа неделно, го намалува ризикот за 24 %, според студијата на British Journal Of Cancer.

Друга едноставна стратегија? Бидете проактивни, барајте и второ мислење ако вашата состојба упорно ја врзуваат со стрес, а вие посреќни не сте биле. Деталниот опис на симптомите, колку и да е непријатно, и инсистирањето на тест може да ви го спаси животот. Ако симптомите се упорни, бидете и вие со барањата. Без разлика што е во пораст, ракот на дебело црево има највисок рејтинг на преживување, но ако е откриен навреме и е третиран. Воспалителните гастроинтестинални нарушувања како улцеративен колитис или Кронова болест може да ви ги зголемат шансите за рак на дебело црево.

Да сумираме: Во 90 % од случаите, ракот на дебело црево може да има успешна завршница. Симптомите не треба да предизвикуваат паника, крв на тоалетната хартија не значи по автоматизам рак. Но, е доволно силен мотив за испитување и колоноскопија. Луѓето на која било возраст, со фамилијарна историја на болеста, други ризик фактори или симптоми веднаш треба да појдат на лекар. Уште поедноставно, зборувајте со вашиот човек од доверба. Ќе ви биде непријатно, но може да ви донесе плус години на контото наречено живот.

Научете да ги разликувате симптомите

Најверојатно сте добро

Светлоцрвена крв на тоалетната хартија после голема нужда – шансите се дека најверојатно имате малечка анална солза (пукнатина или безопасен хемороид).

Најверојатно не сте добро

Потемна крв или тромб. Бојата на крвта е индикатор за тоа колку долго била во дебелото цревo и од колку високо доаѓа. Ова е можен знак за крвавење на дебелото црево.

Најверојатно сте добро

Напрегнување или констипација во траење од една недела, па дури и две. Едноставно можеби сте дехидрирани.

Најверојатно не сте добро

Пролонгирана констипација во период од три недели или повеќе, проследено со тенки (наликуваат на молив) столици. Констипацијата е релативна состојба – фреквенцијата на потребата за голема нужда е различна за секого. Заклучете што е невообичаено за вас.

 Најверојатно сте добро

Грчеви или подуеност.

Најверојатно не сте добро

Редовна абдоминална болка која влијае на секојдневната рутина. Појдете на лекар!

Принципи на исхрана

Намалете со црвеното месо

Студијата објавена во The American Journal of Gastroenterologyоткри дека белото месо го намалува ризикот од дебело црево, додека други истражувања потенцираа дека ризикот се зголемува при редовна консумација на процесирано месо. СЗО советува не повеќе од 500 г црвено месо во неделата (распоредено во три оброци) и целосно отфрлање на процесирано месо.

Не прескокнувајте го зелениот зеленчук

Особено не броколата! Зеленчуците кои спаѓаат во групата зелки содржат огромни количини сулфорфан, супстанца која се бори со ракот на дебелото црево. Целете на млада брокола, ако сте во можност, бидејќи содржи педесет пати поголема количина сулфорфан за разлика од зрелите броколи.

Збогатете ги салатите со зрна калинка

Според University of Warwick, овие овошни семки содржат природни компоненти кои ја активираат аутофагијата (термин со кој се означува моќта на организмот да се ослободи од оштетените клетки). Црвено грозје, круши, печурки, леќа и грашок подеднакво ќе завршат работа.

Продолжете да пиете кафе

Според University of Southern California,две и пол шолји дневно може да го намалат ризикот од рак за 50 %. И бескофеинското кафе е опција.

Јатките се ваш сојузник

Јатките ослободуваат заштитни ензими кои го инхибираат растот на канцерогените клетки. Дополнително, истражувањата на American Society of Clinical Oncology открија дека луѓето кои неделно јадат 55 г лешници, бадеми, ореви имаат 42 % помал ризик за појава на рак.

Јадете леб од цело зрно и кафен ориз

Храната која содржи многу влакна, вклучувајќи го кафениот ориз барем еднаш неделно и три порции житарки со цело зрно, го намалува ризикот од рак на дебело црево за 40 % и 17 % соодветно.

The post Рак на дебело црево – Извртената вистина за болеста го зголемува бројот на пациентите appeared first on Аптеки PlusPharma.

Секој кој ја искусил оваа специфична ноќна мака може да ја посведочи моќта на потсвеста која нанесува терор, вознемиреност, страв, збунетост, срам, понижување. (Иако на јаве не излеговте од дома без долна облека, сонот беше толку реален што имате чувство како вистински да сте го доживеале.)Светлината на денот прави и највознемирувачките кошмари да изгледаат глупаво. Но, последните истражувања ги поврзуваат кошмарите (особено ако се чести) со менталната добросостојба, дали тоа значи дека соновите имаат темна страна?

Од каде доаѓаат кошмарите?

Не постои возрасен кој како дете не се плашел да заспие поради вештерки, чудовишта и останати фиктивни ликови. Денес, ваквиот страв кај децата е уште поголем, благодарение на YouTubeи достапноста на несоодветна содржина за возраста, но и живописните игрици исполнети со насилство. Дали е возможно ваквиот страв кој стартува во детството да остане заробен сѐ до возрасното доба? Дали проблемот е многу подлабок од хиперактивна имагинација?

Д-р Bryony Sheaves, истражувачки клинички психолог одинститутот „Sleep and Circadian Neuroscience“при Универзитетот „Оксфорд“, предводел студија во која ги анализирал психолошките и физиолошките фактори кои имаат потенцијал да предизвикаат кошмари. „Обично, кошмарите се поврзуваат со децата, бидејќи тие природно повеќе време поминуваат во РЕМ фазата (брзо движење на очите, фаза во која настапува сонот) во однос на возрасните, објаснува таа. Но, годините не се штит од кошмари, особено не ако сте жени.“

„Во литературите за сонот постои тврдење кое вели дека жените почесто имаат кошмари отколку мажите – интересно, но разликата во половите се јавува во адолесценцијата“, додава таа. „Првичните откритија сугерираат дека жените генерално повеќе ги запомнуваат соновите и затоа поверојатно е да ги задржат и да им се вратат. Од друга страна, жените се склони на чувствата како анксиозност и грижа, а грижењето е еден од најдобрите предвидувачи на кошмарите.“ Оттука, она што го сонуваме е директно поврзано со маките кои нѐ мачат додека сме будни.

Додека врската помеѓу кошмарите и стресот одамна е потврдена, голем број истражувања заговарат теорија дека зачестените кошмари се симптом за нешто повеќе. Кошмарите се вообичаен симптом на синдромот на пострауматски стрес (PTSD)– толку чест, што стануваат критериум за дијагноза. Во една од најобемните студии која ја проучува поврзаноста помеѓу кошмарите и менталното здравје, објавена во магазинот „Scientific Reports“, во 2017-та, психолозите од „University of Turku“ во Финска заклучија дека кошмарите треба да бидат сфатени како ран индикатор за кое било ментално растројство.

„Нашата група испитаници покажа дека луѓето кои често имаат вознемирувачки кошмари е поверојатно да развијат анксиозност, параноја, депресија и халуцинации“, додава д-р Sheaves. Ова не значи дека сите луѓе кои страдаат од кошмари имаат или ќе развијат ментални потешкотии, но шансите за истите се повисоки.

Губење на сонот

Последните истражувањаотворија клучно прашање: како да знаеме кога кошмарот е повеќе од кошмар? Прво, многу е важно да правите разлика помеѓу кошмар и други ноќни маки. „Кошмарите најчесто се дефинираат како интензивни негативни сонови кои се случуваат во последната третина од ноќта и предизвикуваат значителен стрес по будењето“, објаснува д-р Michelle Carr, истражувач во лабораторијата за сон при „University of Swansea“. „Тие се разликуваат од другите облици на препреки при спиењето, како ноќните терори или конфузните возбуди, по тоа што за кусо време сте будни и свесни и чувствувате одредени физички симптоми како срцебиење, потење и забрзано дишење.“

Ваквите интензивни симптоми го потенцираат стравот, а се должат на тоа што телото е многу поблиско до фазата будење кога настапува кошмарот што не е случај кога сонувате обичен сон. „Мускулната тензија е нагласена, човекот многу повеќе прета со нозете и срцевиот ритам е неправилен – со слични реакции би се соочиле доколку наидете на негативни емоции во реалниот живот“, додава д-р Carr.

Кошмар со отворени очи

Експертите се согласуваат дека повремените кошмари не се причина за грижа и дека треба да побарате помош штом нивната зачестеност влијае на редовното спиење – штом се соочите со несоници. Во моментов, истражувачите работат на терапија при која човекот треба да се потпре на својата имагинација и да напише позитивни алтернативни завршници на кошмарите. Засега, ефектите се позитивни, но потребно е време оваа терапија да влезе во практика.

Што се однесува до целокупното здравје, ментално и физичко, секој обид да го контролирате  расположението и нивото на стрес-хормоните е од помош. Од помош се и сите тактики за релаксирање пред легнување како медитација, јога вежби, топла бања или апликации со бели звуци. Ако кошмарите пак се појават, но се случуваат повремено, не кревајте паника. Во суштина, кошмарите се одлични алатки за да го препознаете стресот што ве напаѓа во вистинскиот живот, но кој потсвесно или свесно сте одлучиле да го потиснете. Работете на тоа да се ослободите од нервозите, а чудниот кошмар не е вреден за да ви го украде сонот.

Декодирање на соновите

Anna-Karin Bjorklund, советодавен психолог и автор, открива што всушност сигнализираат оние добропознати сонови.

ПАЃАТЕ

„Овие сонови се случуваат кога нештата не се одвиваат според планираното и промените се случуваат многу брзо. Ако паѓате и паднете, можеби ќе имате корист ако прифатите дека нештата не се по ваше. Ако се разбудите сред паѓање, тоа можеби е знак дека е време да ги свртите нештата во сосем друг правец.“

ГОЛИ СТЕ

„Дали имате чувство дека премногу се изложивте себеси? Можеби споделивте тајна или откривте нешто за себе поради што сега стравувате дека ќе бидете погрешно интерпретирани?“

ВЕ БРКААТ

„Бидејќи соновите се интерпретација на нешто што тлее или се развива во вас, ако сонувате како ве брка некој или нешто, запрашајте се дали има нешто во вас од кое бегате. Можеби се срамите или ви е неудобно од некои свои реакции?“

НАЗАД ВО УЧИЛИШТЕ

„Ако сонувате како одново сте ученик или полагате испит, голема е веројатноста да се соочувате со недостиг на самодоверба. Овој тип на сон е индикација дека е време да се фокусирате во животот и да истражите што е она што може да ви ја развие самодовербата.“

The post Науката зад кошмарите appeared first on Аптеки PlusPharma.

The post Цикорија appeared first on Аптеки PlusPharma.

На сите ни се има случено, денот да го поминеме пред компјутер, а ноќта да ја поминеме залудно броејќи овци. Несоницата е чест сопатник на преморот. Шансата да ја поправите штетата се крие во појадокот. Истражувањето објавено во весникот „Food“ откри дека каротеноидите (како лутеинот), присутни во жолчките, можат да го поправат квалитетот на сонот. Истовремено, тие го бришат уморот видлив на регијата околу очите и штитат од главоболка. Плус, штом ги проголтате, антиоксидантите се конвертираат во витамин А – клучен за долгорочно здравје на очите. Но, внимавајте на начинот на подготовка на јајцата, при пржење скоро се преполовуваат каротеноидите. Најдобрата опција е меко варено јајце.

Знајте го ова…

78 е процентот на учесници во една студија кои добиле изгореници од сонце, бидејќи користеле само чадор како заштита од УВ зраците. Од оние кои користеле СПФ, само 25 % се соочиле со изгореници, се вели во студијата објавена во весникот „Jama Dermatology“.

Дали е можно да имам киселини поради неправилно седење?

Пецкањето во грлото или народно кажано „киселини“, научно се нарекува Гастроезофагеална рефлуксна болест (ГЕРБ) која настанува кога желудочната киселина навлегува или се враќа во хранопроводот или во усната празнина. Алкохолот, зачинетата храна и кафето се топ три предизвикувачи на оваа состојба. Но, диететичарот Helen Barrеt тврди дека и самото држење на телото може да ја поттикне оваа состојба. „Ако постојано сте стуткани или згрбавени пред монитор и го потиснувате стомакот, киселините лесно ќе се качат до устата. Ваквиот проблем не смеете да го игнорирате во случај да зачести, бидејќи најлошото сценарио гласи: рак.“ 

Кое е најздраво масло за готвење?

Во однос на калории, маслата се слични – околу 120 калории во една супена лажица. Но, секое има свои особености, па добро е да ги ротирате во исхраната.

Маслиново масло– Ќе ви помогне да го намалите лошиот холестерол и крвниот притисок и да ги редуцирате воспаленијата. Екстра девственото маслиново масло е побогато со антиоксиданти и антивоспалителни хранливи материи.

Масло од грозје– Богато со витамин Ц и Е, бета-каротен, антиоксиданти кои штитат од слободни радикали.

Кокосово масло– Една супена лажица содржи околу 13.6 г масти, 12 г од нив се заситени. Но, некои од овие „лоши“ масти се тип лауринска киселина која го поттикнува имунитетот и ги убива лошите бактерии. Во суштина не е лош избор, но ако не го користите секојдневно.

Масло од авокадо– Содржи големи дози на витамин Е и е вистински благодат за здравјето на усната шуплина: докажано одлична превенција од парадентоза. 

Дали е подобро да вежбам сама или во група?

Една нова студија тврди дека вежбањето во група не само што ќе ви донесе поголеми и побрзи резултати, туку ќе ви ја поправи и психата. Во 12-неделната студија, која била спроведена меѓу студентите на „University of New England“во САД, се вели дека групните фитнес сесии во траење од 30 минути, за само една недела успеале да го намалат стресот меѓу испитаниците за 26 %. Учествувањето во редовни групни фитнес сесии води до значајно намалување на стресот и зголемување на физичкиот, ментален и емотивен квалитет на животот во споредба со вежбањето насамо или нередовно вежбање.

За најдобра превенција од брчки околу очи, дали треба да ги нанесувам кремите и наутро и навечер или доволно е само навечер?

Бидејќи кожата околу очите е тенка, а ги користиме фацијалните мускули цел ден (трепкаме, се смееме, замижуваме на сонце) добро е да нанесувате крем во неколку слоеви и тоа наутро и навечер. Одберете производи кои се наменети за вашиот конкретен проблем и нанесувајте ги според густината стартувајќи со најмалку густиот. За преку ден ви треба формула која содржи витамин Ц за да ве штити од слободните радикали и антиоксидант како витамин Е. За навечер, задолжително нанесете го кремот еден час пред спиење за да има доволно време да се апсорбира, одберете хидратантна формула на база на ретинол.

The post Интересни прашања – Научни одговори appeared first on Аптеки PlusPharma.

Како вежбањето може да биде проблем?

Сѐ се должи на едноставниот, но многу малку познат концепт наречен релативна енeргетска дефициенција во спортот – RED S.Жените се соочуваат со нерегуларен менстурален циклус или сосем го губат циклусот токму поради недостиг на енергија.

„RED S е нееднаквоста помеѓу внесот на храна (енергијата и микронутриентите што ги консумирате) и хранливите материи потребни за да дојдете до енергијата што, прво, ќе ги покрие  функциите на организмот, а потоа останатите домаќински, професионални задачи и спортски цели“, објаснува спортскиот ендокринолог д-р Nicky Keay. Како смартфон со 9 % батерија, за да не ви се исклучи, ја ставате батеријата на штедење при што автоматските функции – во случајот на жените тоа е месечниот циклус – се гасат.

Но, секоја жена е различна, а со тоа и размерот на последиците. Режимот на исхрана и нивото на мастите кај една жена можеби ќе успеат да го задржат редовниот менструален циклус, но кај друга може да го срушат целиот репродуктивен циклус.

„Кога сте фокусирани на значително намалување на вишоците, без разлика дали практикувате екстремен спортски режим и/или држите диета, телото согледува дека сте под стрес и одлучува дека не е време за репродукција“, вели д-р Meggie Smith, од „University of Southern California“.„Сигналите од мозокот до јајчниците, познати како оска на хипоталамус – хипофиза – јајчници, не функционираат. Лутеинизирачкиот хормон(кој ја поттикнува овулацијата) не се лачи, а пак јајчниците ниту исфрлаат јајце-клетка ниту пак создаваат естроген и прогестерон.“

И додека прекумерната телесна тежина и дебелината му сметаат на репродуктивниот систем, бидејќи во тој случај телото се соочува со преголеми дози естроген, овде станува збор за сосем спротивно сценарио кое во најлош случај може да го забрза настапувањето на менопаузата, предупредува д-р Smith.

Вистинскиот пат до посакуваното тело

Во минатото, ваквиот феномен беше својствен за професионалните спортистки (69 % од навивачките на колеџ и 65 % од маратонките имаат нередовен менструален циклус), но денес со достапноста на програмите за вежбање дури и на социјалните медиуми, на удар се и спортските лаици.

Приказната не завршува со менструалниот циклус, енергетскиот дефицит го забавува метаболизмот, го намалува имунитетот, го зголемува уморот, влијае на кардиоваскуларниот и на дигестивниот систем. „Според моето искуство, на најголем ризик се изложени жените во 20-тите за кои мајчинството сѐ уште е далечно, а добрата фигура посакувана“, вели Laura Clark, диететичар и спортски нутриционист. „На оваа возраст, девојките вежбаат секој ден, честопати и два пати дневно. Интензивниот тренинг е прифатлив, сѐ додека е поткрепен со храна која ќе ги задоволи енергетските потреби на сите нивоа.“ Што се однесува до дилемата, што е полошо, премногу вежбање или премалку храна, д-р Smithвели дека калориската рестрикција е многу поопасна отколку високо интензивните тренинзи.

Студијата „Neuroendocrinology of Nutritional Infertility“ откри дека е доволно само 1 месец без доволно енергија за да се загрози редовноста на менструалниот циклус. Во меѓувреме, можете да побарате и плус знаци дека сте тргнале по погрешен пат да слабеете. Опаѓање на косата, нови влакненца по телото, подуен стомак. Во суштина, ако целиот ваш живот е подреден на терминот за вежбање, запрашајте се дали има логика форсирањето. Запомнете, кога вежбате толку интензивно, вашиот мозок треба да биде насочен кон тоа што да додадете на менито, а не што да одземете.

Ако консумирате помалку од 2 000 калории, а практикувате вежби за издржливост, несомнено се изложувате на ризик од RED-S.

Не заменувајте ги јаглехидратите со протеини!

Доколку на телото му недостасува гориво (јаглехидрати), тогаш телото ќе почне да ги конвертира протеините наместо да ги користи како градбени единици за мускулите. Во деновите кога тренирате, јадете повеќе скроб и шеќер – овошје и зеленчук.

The post Како виткоста ја загрoзува плодноста? appeared first on Аптеки PlusPharma.

Не само што му помага на вашиот имунолошки систем во борбата со вирусните инфекции и бактериите, вежбањето ја намалува и можноста за развој на срцеви заболувања, остеопороза или карцином. Затоа, физичката активност мора да биде составен дел од животот.

Сè уште не се знае како точно вежбањето го зајакнуваа вашиот имунитет во борбата со болестите, но познато е дека: физичката активност може да помогне во исфрлањето на бактериите надвор од белите дробови, со што се намалува можноста да се развијат нас- тинка, грип или други заразни болести кои се пренесуваат со воздухот. Вежбањето, исто така, помага во исфрлањето на токсините од организмот преку урината и потта. Зголемената температура на телото за време на веж- бањето може да го намали растот на бактериите, со што му овозможува на организмот поефикасно да се бори со инфекциите. Сличен ефект се постиг- нува кога имаме треска. Стресот ја зголемува мож- носта за разболување, додека пак вежбањето го намалува ослободувањето на хормоните на стресот и со тоа ја намалува можноста да дојде до заболување.
Сепак, иако вежбањето му прави големо добро на организмот, внимавајте да не го практикувате преку- мерно. Луѓето кои вежбаат треба да знаат дека не е потребно да прават на- порни програми за веж- бање со надеж дека на тој начин уште повеќе ќе го зајакнат имунолошкиот систем. Тешките и долги тренинзи, како што се маратонското трчање или интензивните тренинзи во вежбалната, всушност можат да имаат спротивен ефект. Поточно, можат да предизвикаат намелен имунитетен одговор на организмот.

Истражувањата покажу- ваат дека најголема до- бивка од програмите за вежбање имаат оние кои преминуваат од „статичен” во умерен енергичен животен стил.

ЕДНА УМЕРЕНА ПРОГРАМА ЗА ВЕЖБАЊЕ МОЖЕ ДА БИДЕ:

• дневна прошетка од 20 до 30 минути;
• возење велосипед 2-4 пати неделно;
• вежбање во вежбална секој втор ден;
• рекреативно тренирање некој спорт до два пати неделно.

Вежбањето прави да се чувствуваме поенергично и поздраво. Затоа направете го првиот чекор, почнете да практикувате некој од советите што ви ги дадовме и верувајте, ќе се чувствувате подобро.

The post СО ВЕЖБАЊЕ до подобар ИМУНИТЕТ appeared first on Аптеки PlusPharma.

Современата медицина ја утврди и ја потврди вистината дека една од најго- лемите причини за болестите е хра- ната што ја јадеме или онаа што треба, а не ја јадеме.
Сè што внесуваме со храната, нè гради и нè менува и од тоа зависат нашата енергија, здравјето и животот.
Жива или сирова храна не е ништо друго туку консумирање природни прехранбени производи, во голема мера, исто онака како што доаѓаат од природата. Тоа под- разбира храната да не е термички обрабо- тена или да е обработувана краток временски период. Билната храна или жи- вата храна лесно се преработува и вари и е природен извор на енергија и хранливи ма- терии за нашиот организам. Го зголемува имунитетот, го поттикнува природниот про- цес на самоисцелување, го подобрува про- цесот на чистење на телото од наталожени отрови. Таа помага и при регулирање на те- лесната тежина и го регулира метаболиз- мот, обезбедува одлична размена на материите воспоставувајќи ментална и емотивна рамнотежа.
Кога започнуваме сè повеќе да се храниме со свежа природна храна, добиваме повеќе енергија, со што полесно и побрзо стануваме свесни за зголемувањето на нашата виталност. Сировата храна во најголема мера се состои од овошни и зеленчукови плодови, а важно место зе- маат и семињата и јаткастите плодови.
Храната е лек за организмот. Мора да се внимава во кое време се зема, во која коли- чина и со која содржина. Траба да имаме три главни оброци: појадок, ручек, ве- чера и две мали ужини. Исто така, важно е и количеството на оброкот. Не треба да се прејадуваме. Да започнеме постепено да ги менуваме нашите досегашни навики и да останеме витални и да дочекаме длабока старост. Нашето поднебје и природата ни ги подариле сите бои на виножитото, преточени во бои од зеленчук и овошје. Грев би било тој подарок да не го користиме во полза на нашето здравје. Да започ- неме со зеленолисниот зе- ленчук, кој е полн со хлорофил и се смета за елик- сир на животот, младоста и енергијата. Хлорофилот во себе носи големо количество кислород, којшто има ви- тално значење. Помага во превенција на генетските и канцерогените заболувања и кај болестите на црниот дроб. Исто така, ги спречува бакте- риските и вирусните инфек- ции, ја подобрува крвната слика и работата на срцето и позитивно влијае на крвниот притисок. Го зајакнува иму- нитетот на организмот и го забрзува метаболизмот. По- мага во лекувањето на аст- мата и на бронхитисот, им ги ублажува проблемите на дијабетичарите и го забрзува исфрлањето на токсините. За подобро искористување на хранливата вредност на зе- ленчукот најдобра е кратка термичка обработка, затоа што при долгата термичка об- работка доаѓа до губење на хлорофилот. Кога бојата на зготвениот зеленчук ќе се промени од зелена во темно- маслинеста, значи дека дошло до разградување на хлорофилот на помалку ак- тивни и корисни метаболити. За овој процес доволно е само неколку минути варење, затоа што по 20 минути се губат дури две третини од хлоро- филот. Природни извори на хлорофил се спанаќот, броку- лата, кељот, празот, грашокот, блитвата, зелената пиперка и зелената салата.

Јаболко – Кралица на овошјето, најдостапна, неоходна, а често занемарена
Благодарение на состојките што ги содржи, јаболкото е многу здраво овошје. Иако со него не можеме да излечиме болест, со само две јаболка секој ден можеме да спречиме појава на многу здравствени проблеми и заболувања. Јаболкото ги содржи витамините А, Е, Б1, Б2, Б6, Ц; минералите калиум, фосфор, магнезиум и железо; и бетакаротен. Содржи и многу пектин, кој ги впива водата и отровните материи во цре- вата и на тој начин ги тстранува од организмот. Исто така, позитивно влијае на работата на бубрезите, црниот дроб, жолчката. Комбинацијата на витамини и минерали во јаболкото го стомулира имунолош- киот одговор на организмот, па оттука е делотворно во борбата со вирусите, бак- териите и слободните радикали. Освен што го штити организмот од настинки, јаболкото го намалува и ризикот за појава на рак на дебелото црево.

Брокола
Броколата е одличен извор на витамин Ц и диететски влакна. Покрај нив таа содржи витамин А, кал- циум, калиум и селен. Претставува силен антиоксиданс кој има многу значајана улога во имунолош- киот одговор на организмот. Истражувањата покажуваат дека броколата во споредба со другите растенија е најсилна во превенцијата и лечењето на карциномот, благодарејќи на способноста да ги активира антитуморните ензими. За да ги почувствувајте овие бенефити од броколата, обидете се ја да конзумирате 2 пати во недела. Бидете внимателни како ја приготвувате! Преварената брокола сна- тува мека и кашеста, што е идикација дека ги загубила и хранливите состојки и вкусот. За правилно приготвување, надолжно исечете го цветот на броколата на помали парчиња и така оставете го 3-5 минути да отстои пред да го зготвите. Потоа во вода варете ја не повеќе од 5 минути.

Зимата не може да се замисли без агрумите, за кои се знае дека влијаат на подобрување на одбранбениот механизам на ор- ганизмот. Лимонот, портокалите, цитроните и мандарините се одличен извор на витамин Ц, но и на флавоноиди кои го забаву- ваат процесот на стареење. Како добра превентива во зим- скиот период лекарите препо- рачуваат во текот на денот да се пие сок од еден лимон и два портокали. Во исхраната никако не смееме да не ги испуштиме и јаткастите плодови: оревите, бадемите, лешниците, кикирит- ките, бразилските и индиските ореви. Се препорачува од нив да се јаде 30 грама дневно.

The post ЗДРАВАТА ХРАНА пат до блескаво телесно и духовно ЗДРАВЈЕ appeared first on Аптеки PlusPharma.

Македонските лековити билки се најста- рите лекови од античко време до денес за нашиот народ. Тие ги надживеаја веко- вите, опеани се во песните и во легендите, но и денес се најевтини и најдостапни при- родни суровини за производство на ле- кови. Од древни времиња, од почетокот на човечката цивилизација, луѓето барале начини да се спасат од тешките болести. Лековите ги барале во својата непосредна околина каде наоѓале лековитите расте- нија. Со векови се собирало огромно знаење за лековитите растенија. Тоа несе- бично се негувало и пренесувало за да им користи на идните поколенија. Благодаре- ние на растенијата и знаењето за нив, опс- тана човештвото, а нè има и нас денес. Современата медицина и наука денеска, исто така, ги цени и ги користи лековитите растенија. Голем процент лекови кои се наоѓаат во аптеките изработени во форма на сирупи, капсули, таблети, инјекции се добиваат од лековити растенија или во ос- нова имаат растително потекло. Најсил- ните лекови се добиваат од лековити растенија. Морфин и кодеин се добиваат од афион, лекот атропин се добива од татула и буника, ергометринот и уште десетина лекови се добиваат од ’ржената главница, дигиталисот е извор на најсилните лекови за срце… Во Република Македонија има над 3.000 растенија. Околу 1.000 од нив имаат лековити својства, а за 500 имаме научно потврдени докази дека делуваат и дека се лековити. Затоа, враќањето на нашите корени, каде ќе ја споиме традиционалната медицина, во чија основа се леко- витите растенија и нивните леко- вити својства, со современата медицина, е предуслов да го под- обриме здравјето на нашиот народ. Денес кога лековитите растенија повторно стануваат актуелни и се симбол за здрав начин на живот, веќе не се третираат како второсте- пени. Интересот на фармацевтската индустрија за лековитите растенија во Америка и Европа, но и во це- лиот свет, се зголемува. Билките се дел од светскиот тренд и движења кон поздрав и поприроден начин на живот. Почитувани чита- тели, растенијата се нашите најдобри пријатели, тие се пријатели на на- шето здравје. Преку зеле- ниот дел од листот ни ја прават дос- тапна сонче- вата енергија. Користејќи го јаглеродот, сон- чевата светлина, водата, водородот ни создаваат кисло- род без кој нема живот. Тие ја регулираат температурата на Земјата. Тие се нашите хемиски фабрики кои создаваат живот и се извор на добро здравје.

Во зимскиот период чести заболувања кај поголемиот дел од населението се заболувањата на дишните патишта. Тоа се сезонски заболувања како последица на намалениот имунитет и на ниските температури. Сигурно современата медицина открила нови лекови кои се наоѓаат во аптеките за лекување на заболувањата на дишните патишта, како антибиотици, лекови за кашлица, покачена температура, лекови за подобрување на дишењето. Сепак, факт е дека кога во прашање се вирусните заболувања, грипот, настинките, најефикасните лекови се наоѓаат во лековитите растенија. Всушност, секојдневното консумирање топли напивки, чаеви од липа, бозел, мајчина душица, жалфија, камилица и босилек со сигурност ќе придонесе да се подобри имунитетот. Да се зголеми отпорноста на организмот, да дојде до спречување на заболувањето и доколку се појави, да помине во поблага форма без последици.

ЛИПА
Од најстари времиња до денес липата е чај кој го чува здравјето. Делува превентивно и го зголемува имунитетот на организмот. Има неколку важни дејства. Чајот од липа предизвикува силно потење, ја намалува телесната температура и е ефикасен лек против настинки и грип. Липата е одличен лек за зголемување на мокрењето, а делува и противвоспалително на мочните патишта. Чајот од липа ги намалува стомачните болки. Делува и на дишните патишта и ја намалува сувата кашлица. Липата се користи за подобрување на имунитетот, против настинки и заболувања на дишните патишта кои се проследени со грозница. Дел од нив се воспаленијата на грлото, на крајниците, на синусите, бронхитот, пневмонијата кај сите пациенти, како кај децата така и кај постарите. Постојат докази дека секојдневното пиење чај од липа го спречува стареењето и лицата кои го користат чајот доживуваат длабока старост.
МАЈЧИНА ДУШИЦА
Мајчината душица е извонреден чај за секојдневна употреба и затоа во домашните аптеки треба да имаме доволни количини за да можеме во него да уживаме во текот на целата година. Се користи во народната и во научната медицина за лекување на градни болести како бронхит, емфизем, пневмонија и хронични проблеми со белите дробови. Ги шири белите дробови, го олеснува искашлувањето, а со тоа и дишењето. Влегува речиси во сите комбинирани медицински чаеви за градни болести. Исто така, го подобрува и имунитетот, особено во зимскиот период кога тој опаѓа. Се користи за лекување на заболување на усната шуплина, воспалени жлебини, слузокожа како и воспаление на грлото. Во форма на инхалации се користи за лекување на воспалени синуси. Содржи и етерично масло и ги уништува бактериите.
БОЗЕЛ
Бозелот се користи како силно антивирусно растение. Претставува силен лек и средство за предизвикување потење, ја намалува телесната температура, делува противвоспалително, го зголемува мокрењето и се користи како средство за слабеење. Бозелот е силен лек за лекување болести на респираторниот систем, како што се грипот, настинките, бронхитисот, пневмонијата. Тој се комбинира со комбинирани чаеви за лекување на респираторни заболувања. Помага и при воспаление на усната шуплина, а во форма на инхалации се користи при воспалени синуси. Бозелот може да се користи и во исхраната. Од цветовите на бозелот народот приготвува многу вкусен пијалак. Комбинации на чаеви од лековити растенија кои помагаат за подобрување на имунитетот и за лекување настинки и заболувања на дишните патишта. 

• Липа, бозел, жалфија 
• Липа, бозел, мајчина душица 
• Бозел, босилек, камилица 
• Липа, босилек, мајчина душица, тегавец 
• Липа, камилица, подбел

Децата го сакаат овој напиток
Половина литар пијалак се подготвува на следниов начин: 1 лажица бозел 2 лажици мајчина душица Се прелеваат со врела вода и се оставаат да отстојат 10 минути. Се процедуваат, а потоа се додава една лажица мед и сок од еден лимон (по потреба, колку што поднесува кисело детето). Се пие преку целиот ден.

The post Нашите лековити билки, нашето зелено злато appeared first on Аптеки PlusPharma.

Лековите и храната меѓу- себно можат значително да влијаат. Храната може да го промени дејството на лекот, и об- ратно, лекот може да го промени искористувањето на храната во организмот. Негативните ефекти кои најчесто можат да се појават при истовремената употреба на храната и лековите се намалу- вање на терапевтскиот ефект или зголемување на штетноста на лекот. Сепак, истовремената упот- реба на некои лекови со храна може да има и позитивно влијание. Таа може да ги намали несаканите дејства на лекот или да го подобри неговото делување. Прашањето кое најчесто му се поставува на фармацевтот е кога да се земе лекот, пред или по јадењето. Исто така, помалку е познато дека при земањето на некои ле- кови треба да се внимава на из- борот на храната.

ФАКТОРИ ОД КОИ ЗАВИСИ МЕЃУСЕБНОТО ДЕЈСТВО ЛЕК – ХРАНА
Ефектите од меѓусебните влијанија на храната и лековите можат да бидат различни. Тие зависат од многу фактори, а некои од нив се исхранетоста, возраста, полот, ге- нетските фактори, употребата на алкохол, пушењето. Меѓусебното влијание на леко- вите и храната е поизразено кај одредени групи пациенти: децата, младите, повозрасните, хронично болните, неисхранетите или кај лицата со прекумерна те- лесна тежина. Повозрасната популација е посебно загрозена, со оглед на тоа што не- ретко зема повеќе пропишани лекови, но и заради честото користење лекови кои можат да се издаваат и без рецепт. Последиците од ваквиот однос кон лековите можат да бидат намалена работа на црниот дроб и на бубрезите. Тоа пак предизви- кува и послаба елиминација на лековите од организмот. Затоа, ако ви е пропишана одредена терапија со лекови, внимавајте на изборот на храната и времето кога ќе го земате лекот.

Неупатеноста може да доведе до несакани последици
Земањето тетрациклински анти- биотици заедно со млеко и млечни производи кои содржат калциум може да предизвика компликации. Калциумот и анти- биотикот формираат комплексно соединение кое се таложи во кос- ките и во забите. Со тоа се губи и дејството на антибиотикот. Оваа појава може да се избегне ако ги земате лековите час-два пред и по земање на млеко и млечни про- изводи. Земањето цитрон или портокал истовремено со лекови за намалување на маснотиите во крвта (статини), предизвикува аку- мулирање на лекот во телото и тоа може да доведе до штетни по- следици по здравјето.
Терапевтското делување на лекот може да биде забавено или за- брзано во зависност од храната што сме ја консумирале.
Консумирањето зеленчук богат со растителни влакна го забавува де- лувањето на повеќето лекови, како што се пеницилинските анти- биотици, дигоксинот (еден од ле- ковите за срцеви болести) и ацетаминофенот (лек што се упот- ребува против болки и повишена температура).
Многу лекови можат да го нама- лат апетитот. Нивната долготрајна употреба може да биде причина за неисхранетост. Таков е случајот со некои антидепресиви. Од друга страна, лековите за спречување алергиски реакции (антихистаминици) и лековите против воспаленија (стероиди) го зголемуваат апетитот. Употребата на одредени лекови подолг пе- риод кај голем број пациенти може да предизвика зголемена телесна тежина.

Кога се земаат лековите?
За повеќето лекови се препора- чува да се земаат на празен сто- мак или меѓу оброци. Храната го забавува празнењето на желудни- кот. Затоа доаѓа до разлика во брзината на делување, интензите- тот и должината на траењето на терапевтскиот ефект.
Земањето лекови на празен же- лудник е важно кога е потребно да се постигне брз терапевтски ефект. Така, се земаат лековите против болка, главоболка, забо- болка, менструални болки, лекови за намалување на телесната тем- пература, лековите за ублажу- вање на симптомите на настинка и грип, лековите за ублажување на проблемите со повраќање, про- лив, запек, киселини. Јасно е дека овие лекови се земаат по потреба, односно толку долго колку што налагаат симптомите.
Некои лекови се препорачува да се земаат по јадење, зашто со тоа се зголемува нивната апсорпција или се постигнува подобра подносли- вост. Така се земаат лековите про- тив болки при мускулно-скелетни заболувања и други хронични сос- тојби на болка, некои лекови про- тив воспаленија, зашто тие предизвикуваат стомачни тегоби, го подигнуваат нивото на липиди во крвта, го стимулираат апетитот и можат да доведат до зголему- вање на телесната тежина.

Општи правила при земањето лекови
За да го постигнат потребниот ефект, лековите треба да се зе- маат редовно, на правилен начин и доволно долго, со соодветен режим на исхрана и здрав начин на живеење.
Кога треба да ги земате леко- вите на празен желудник, пра- вете го тоа еден час пред јадење или два часа по оброк, со полна чаша вода. Избегнувајте земање витамини или минерали во исто време кога го земате лекот. Не голтајте ги лековите со топол пијалак или помешани во него Не мешајте ги лековите со храна.
Не растворајте ги капсулите и не мешајте ја нивната содржина со храна или со пијалаци. Никогаш не земајте лекови со алкохолни пијалаци. Прочитајте ги сите упатства и предупредувања кои доаѓаат со лекот.
Кога земате средства за намалу- вање на температурата, важно е да пиете многу течности. Предност треба да се даде на млаките овошни чаеви, соковите и на ми- нералната вода. Доколку, пак, ви се препишани антибиотици за време на терапијата, а особено по завршување на терапијата, земете и пробиотици. Вашиот фармацевт најмногу може да ви помогне до- колку имате дилема дали при зе- мање на вашата терапија треба да внимавате на некоја храна.

The post Лекови и храна – Како правилно да ги консумирате? appeared first on Аптеки PlusPharma.

Стареењето е процес на кој подлежат сите живи орга- низми, органи, ткива и сите клетки во еден организам. На овој процес подлежи и кожата. Стареењето на кожата може да го поделиме на три видови: ге- нетско или хронолошко ста- реење, хормонско стареење и стареење предизвикано од око- лината. Генетското или поточно природното стареење е поврзано со годините и тоа не можеме да го избегнеме. Хормонското ста- реење се појавува во почетокот на менопаузата. Третиот вид ста- реење е она кое можеме да го избегнеме, а тоа е стареење на кожата поради изложувањето на сончевите зраци.

Природни препарати

Потребно е да се внесува витамините Е и Ц но и други антиоксиданси, со што ќе се заштити кожата од штетното дејство на слободните радикали.
Дневните креми секогаш треба да содржат УВ-заштита, која ја штити кожата не само од сончевите зраци, туку и од електричните уреди и од флуоресцентните светла. Затоа кремите кои ги користите треба да бидат богати со хранливи материи и да ја потхрануваат кожата.
Широк е спектарот на природни препарати за подмла- дување на кожата.
Тоникот од воден екстракт од рузмарин помешан со ал- кохол го зајакнува и освежува кожното ткиво.
Брз и при- роден лифтинг може да направите со маска од изгмечено грозје.
Исто така, богато може да го нахра- ните и освежите лицето со маска од ананас и маслиново масло. На крај, не заборавајте дека тешката шминка и користењето на многу пудра придонесува за брзо ста- реење на вашата кожа.

Првите брчки околу очите

Кога прогресивно старее, кожата станува потенка, ги губи цврстината и еластич- носта, станува сува и рапава. Во периодот помеѓу 35 и 45 години доаѓа до побавно обновување на клетките на кожата. Покрај тоа и епидермот станува потенок.
Поради намале- ната циркулација се нама- лува и дотокот на хранливи материи кои ја стимулираат синтезата на колагенот.
Тоа доведува до намалување на желатинозните супстан- ции кои го пополнуваат просторот помеѓу влакната и клетките, а со тоа и на нивните компоненти – хијалуронската киселина која ја врзува водата, што доведува до промена на хидратацијата. Како послед- ица на тоа се создаваат брчките.
Прво се појавуваат ситни брчки околу очите и тоа на кожата на долниот капак и во надворешниот агол на очите, потоа на че- лото, помеѓу носот и надво- решниот дел на усните. Можно е да се појават и проширени ситни капилари на носот и на образите.
Про- цесот на стареење на ко- жата подразбира и појава на пигментни точки.
Долго се сметало дека ста- реењето на кожата е ире- верзибилен процес и дека остарената кожа не може да го поврати првобитниот из- глед. Но, современата коз- метика не го признава тоа. Нашето знаење и правил- ната нега се одлучувачки фактор за нашиот изглед.
Важен фактор во обновата и заштитата на кожата е користењето биолошки активни елементи.
Благодарение на нив кожата се хидратизира, затегната и изгледа здраво.

The post НЕГА НА нејзината КОЖА appeared first on Аптеки PlusPharma.

Основната причина за тоа е активн оста на лојните жлезди до подоцнежната возраст, благодарение на машките хормони До неодамна се сме- таше дека негата и козметиката се исклу- чиво само за женската попу- лација.
Но, современите мажи знаат дека не е до- волно само да се искапат и да избричат за да изгледаат убаво и негувано.
Има многу здравствени и естетски причини поради кои мажите треба да посве- тат повеќе внимание за нега и за заштита на својата кожа. Кожата на мажите значително се разликува од кожата на жените, а осн о в- ната разлика e во дебели- ната на епидермот.
Таа е подебела и помалку осет- лива, прекриена е со густи дебели влакна, со што до- полнително е заштитена од сонцето и неговото штетно дејство. Кожата кај мажите е и многу позатегната во спо- редба со кожата кај жените, па затоа многу подоцна вле- гува во процесот на ста- реење. Основната причина за тоа е активноста на лојните жлезди до подоц- нежната возраст, благодаре- ние на машките хормони. Машките хормони делуваат и на количеството на кола- ген и на тој начин се зголе- мува цврстината на кожата.

Бричењето е одличен пилинг
Уште еден значаен фактор во спречувањето на стареењето на кожата на мажите е бричењето. Тоа е одличен пилинг кој ги от- странува мртвите клетки од површината на кожата. Со ваков секојдневен пилинг се забрзува создавањето нов епидерм и се обновуваат клетките. Но, со бричењето се уништува т.н. заштитен филм (хидролипиден филм), па може да дојде до појава на црвенило, пецкање и иритација на кожата. Затоа е потребно веднаш по бричењето лицето да се измие со што пос- тудена вода. Со правилна нега и исхрана на кожата мажите можат многу полесно да го за- чуваат младиот изглед на ко- жата и да ја спречат појавата на брчки. Првиот чекор за пра- вилно негување на кожата е да се одреди нејзиниот тип. Да се утврди дали е сува или мрсна е многу едноставно. Потребно е лицето да се измие и нежно да се избрише со крпа. Доколку ве затега кожата по сушењето, вие имате сува кожа. Доколку пак лицето ви е сјајно доцна поп- ладне, тогаш треба да бидете сигурни дека имате мрсна кожа. Доколку имате сува кожа, тогаш треба да користите хид- ратантни креми и лосиони и пена за бричење на база на алое. За оние со мрсна кожа пак, се препорачува почесто бричење и употреба на гелови кои содржат етерични масла и прополис.

ПРЕПОРАКИ ЗА ПРАВИЛНА НЕГА НА КОЖАТА 

• Бричете се секојдневно за да се обновува кожата. 
• Задолжително корис- тете пена или гел за бри- чење, а по бричењето лосион за да ја заштитите кожата и да ја спречите иритацијата. 
• За да ја нахраните и за да и дадете свежина на ко- жата, користете регенера- тивни креми. 
• За да ги спречите тем- ните кругови околу очите, користете препарати за нега на подочниците.

Сепак, за да потврдат дека се грижат за себе, освен на лицето, мажите треба да им посветат внимание и на стапалата, колената и лак- тите. Токму грижата за овие делови на телото ни збо- рува за тоа колку еден маж го негува своето тело. По секое туширање истријте ги овие делови на телото со груба крпа и намачкајте ги со хранлива крема. Од- лично би било доколку имате можност барем еднаш во неделата да ги намачкате со мешавина од глицерин и лимон.

The post НЕГА НА МАШКАТА КОЖА appeared first on Аптеки PlusPharma.

Покрај сето ова дебелите деца често имаат и психички проблеми, поради тоа што имаат неубава слика за сопст- веното тело и изгледот, поре- метување на спиењето, мрзеливи се или тажни без причина, агресивни. Исто така, често постигнуваат и послаб успех во училиште, што, исто така, е реакција на односот на околината кон нивниот изглед.

Едни од најчестите причини зошто се децата дебели се неправилната исхрана, лошите навики во исхраната и недо- волната физичка активност. С повеќе време поминуваат пред компјутер или телевизор, при што задолжително консу- мираат биолошки празна храна, таканаречена нездрава храна (чипс, слатки или солени грицки и сл.).

Проблемот кај децата е мо- тивацијата, бидејќи најчесто семејството не е подготвено да прифати да го промени начи- нот на исхрана. Потребно е постојано да им се укажува на децата за сите ризици од де- белина дури и на оние кои ќе следат подоцна. Најдобриот диететски пристап е енергетс- киот внес на хранливи сос- тојки.

СОВЕТ: Бидете креативни. Наместо индустриски обработени и не здрави грицки понудете им на своите деца моркови и краставички сечкани по должина и сервирани

The post ДЕБЕЛИНАТА пандемија кај младите appeared first on Аптеки PlusPharma.

The post КОПРИВА (Urtica dioica) appeared first on Аптеки PlusPharma.

Клиничка слика
Знаци кои укажуваат на оваа болест се болки во долниот дел од грбот, губење на висината и подгрбавеност. Некогаш остеопорозата се от- крива многу драма- тично, односно со кршење на пршлен или на колк.

Калциум.
Млекото и млечните производи често се истакнуваат како најдобри извори на овој минерал, иако во природата постојат многу други подобри извори. Како пример може да го земеме сусамот, кој содржи седум пати повеќе калциум од млекото. Исто така, калциумот во поголеми количини го има во смоквите, темнозелениот лиснат зеленчук, бадемите, оревите, леблебијата, кикириките, кељот, броколата, сардините, семето од сончоглед и глуварчето. Суровата храна најмногу помага при остеопороза.

Остеопорозата може да биде примарна (кога се јавува кај же- ните по менопаузата), секундарна (како по- следица при корис- тење на лекови кои предизвикуваат де- минерализација на коските) и сенилна (кај жените и мажите по 70 години).

Превенција
Остеопорозата може да се спречи или барем да се забави со правилни животни навики. Треба да се почне со оптимална физичка актив- ност и со правилна исхрана од раното детство. Вежбањето може да помогне во изградувањето на цврсти коски и да се забави губењето на коскеното ткиво. Со вежбањето не работат само мускулите туку и коските кои почнуваат повторно да се зацвр- стуваат.
Пушењето го зголемува губењето на коскеното ткиво, бидејќи делува на намалување на апсорпцијата на калциумот од цревата.
Исто такво негативно дејство имаат алкохолот и кафето (повеќе од два фил- џани дневно). Затоа, треба да се избегнува пушењето, да се на- мали внесот на алкохол, сол и кофеин. За лекување на остеопо- розата нај ва жна е здравата храна, богата со супстанции кои ја зголемуваат густината и квалитетот на коските, што значително го намалува ризикот од фрактура на кос- ките.
Калциумот е есенцијален градежен елемент за добро здравје на коските. За да биде дејството на калциумот комплетно, потребно е да се внесува витамин Д, кој го стимулира апсорбирањето на калциумот од цревата и така го зголемува неговото иско- ристување. Исто така, на калциумот му пома- гаат магнезиумот, ви- таминот К и лизинот.
Најдобар начин за внесување на овие елементи е преку балансирана и разновидна храна.

The post Остепороза appeared first on Аптеки PlusPharma.

Дали бебето го црпе калциумот од забите на мајката?
Ако земеме предвид дека дневните потреби од калциум, кои се движат од 1000 до 1200 mg, ги задоволуваме само со консумирање половина литар јогурт дневно, одговорот на ова прашање е НЕ. Покрај млечните производи, за кои сите знаеме дека содржат калциум, во големи количини калциумот е присутен и во житарките, сојата, тофуто, овошјето и зеленчукот, што кажува дека и оние трудници кои не внесуваат производи од животинско потекло ја задоволуваат дневната доза од калциум. Совет: Балансирана исхрана.

Зошто на трудниците често им се расипуваат забите?
Бременоста е период со голем емотивен набој, во кој трудницата е опседната со раѓањето на новиот живот и често станува невнимателна во одржувањето на оралната хигиена. Во овој период се менуваат и прехранбените навики на трудниците. Тие често поткаснуваат дури и во текот на ноќта и потоа, без повторно да ги измијат забите, заспиваат. Исто така, утринската мачнина и честите повраќања придонесуваат за кисела средина во устата, а поради хормонските промени кои се случуваат во бременоста се менува и pH-нивото на плунката. Сите овие фактори создаваат идеални услови за деминерализација на глеќта и создавање на кариес.

Совет: Забите мијте ги најмалку два пати дневно. По ноќните поткаснувања секогаш измијте ги забите. Често консумирајте вода, бидејќи таа ја неутрализира киселоста во устата. Избегнувајте леплива и слатка храна која долго се распаѓа во устата. Користете пасти за заби кои содржат аминфлуориди. Редовни прегледи, санација на постоечките проблеми и флуорирање на забите со флуоридни лајнери кај вашиот стоматолог се повеќе од препорачливи.

Зошто на трудниците им крварат непцата?
Крварење од непцата е прв знак на нивно вос- паление, односно гин- гивитис. Под влијание на зголе меното ниво на хормони, непцата на трудниците отекуваат и се почувствителни на влијанието на бакте- риите кои се наоѓаат во наслагите околу за- бите. Како резултат на тоа непцата се воспа- луваат и крварат. Гингивитисот не е ни- малку наивен и кога тој не се лекува, води кон парадо нтопатија.

Совет:
Високо ниво на орална хигиена. Ко- ристете конец за заби (без восок) еднаш дневно, препорачливо е навечер по миењето на забите. Плакнете ја устата со чај од жал- фија секојдневно. За- бите мијте ги подолго со мека четка, така ја поттикнувате циркула- цијата во непцата и со тоа ја зголемувате нивната одбранбена моќ. Посетете стома- толог и отстранете го забниот камен, од- носно направете ара- донтален третман.

Дали за време на бременоста се дозволени стоматолошки интервенции?
Бременоста е една при- чина повеќе зошто треба да посетите сто- матолог. Стоматолош- ките интервенции не се штетни, напротив, нужни се за општото здравје на трудницата, што ќе обезбеди не- пречен развој на пло- дот. Анестезијата што се користи во стомато- логијата (лидокаин) е локална, се дава во многу мали количини и не ја преминува барие- рата на плацентата, што укажува дека не е штетна. Доко лку на трудницата и е пот- ребна антибиотска заштита, се даваат антибиотици кои исто така не ја преминуваат плацентата и со тоа не му штетат на плодот. Рендгенските зрачења за стоматолошки пот- реби се исклучиво ниски. Сепак, доколку не е нужно, подобро е да се избегнуваат рен- дгенските снимања барем во првиот триместар од бременоста.

Ана Кртолица-Георгиев,
д-р дент. мед.

The post Дали секоја бременост носи барем еден изгубен заб appeared first on Аптеки PlusPharma.

Рафинираниот шеќер и сите негови деривати
Тој е најлош, бидејќи не содржи белко- вини, масти, витамини и минерали. Содржи само рафинирани јаглехидрати, кои се штетни за панкреасот. pH-вред- носта на рафинираниот шеќер е 2.1 (многу кисела).

Месо
Сите видови

Производи од животинско потекло
Млеко и млечни производи 

Рафинирана сол

Рафинирано брашно 

Леб

Маргарин

Кофеин 

Газирани пијалаци

Вежбите ја подобруваат базноста на организмот, бидејќи му даваат кислород на целото тело. Седењето го уништува животот. Здравите клетки живеат во базна средина, полна со кислород, која овозможува нивно нормално функционирање. Туморните клетки живеат во кисела средина, сиромашна со кислород.

The post ПРОИЗВОДИ КОИ ГО ЗАКИСЕЛУВААТ ОРГАНИЗМОТ appeared first on Аптеки PlusPharma.

Лосион против вошки
Вошките најефикасно се отстрануваат доколку се уништат нивните јајца, кои се залепени на косата. Тоа може да се постигне со рузмарин и лаванда, додека пак јаболковиот оцет ги испира од влакната. Лосионот треба да се употреби веднаш по употребата на шампонот. Подготовка: 6 капки етерично масло од рузмарин 6 капки етерично масло од лаванда 50 ml јаболков оцет 50 ml топла вода Употреба: Етеричните масла од рузмарин и лаванда се мешаат со јаболковиот оцет и топлата вода. Со лосионот се испираат косата и кожата на главата, по што се става капа за капење и се остава да отстои 15 минути. По третманот исчешлајте ја косата, па добро измијте ја со топла вода.

Масло против вошки
Етеричните масла од рузмарин (Rosmarinus Offcinalis) и лаванда (Lavandula Officinalis) ги уништуваат вошките кои најчесто се појавуваат кај децата во пролет и во есен.

Подготовка: 10 капки етерично масло од рузмарин 10 капки етерично масло од лаванда 30 ml маслиново масло

Употреба: Етеричните масла се мешаат со маслиновото масло. Смесата се нанесува на мокра коса и кожа на главата со нежна масажа. Потоа, на главата се става капа за капење и се остава смесата да делува околу еден час. По овој третман потребно е косата да се измие со шампон, па потоа да се измие со лосион против вошки.

The post Билките против вошки во косата appeared first on Аптеки PlusPharma.

The post ПОДБЕЛ (Tussilago farfara) appeared first on Аптеки PlusPharma.

Меѓу позначајните докажани лековити дејства на глуварчето се:
Го подобрува варењето на храната и е добар лек за пациенти кои страдаат од желудечни и тегоби во цревата.

Докажан и ефикасен лек за заболувања на црниот дроб како што се :
жолтица, цироза, камен во жолчка и воспаленија на жолчното ќесе.

Ја прочистува крвта и го намалува нивото на “лошиот” холестерол
Ги ублажува ревматските болки
Ги прочистува мокраќните патишта па заради тоа има благопријатно дејство на мочниот меур и бубрезите.

ЧАЈ ОД ГЛУВАРЧЕ
Чај од корен се приготвува на тој начин што една кафена лажичка сув иситнет корен се става во половина литар вода да проврие 10 минути. Чајот се пие 4 пати по поливина чаша. Од надземниот дел чајот се подготвува како инфуз, односно една супена лажица листови и цветови се прелеваат со чаша врела вода, се остава да искисне 10-15 минити, се процедува, се засладува со мед и се пие 4 пати дневно по 100 ml.

САЛАТА ОД ЛИСТОВИ ОД ГЛУВАРЧЕ
Подготовка: За салата се потребни свежи млади листови (набрани пред да процвета растението). Насецкајте ги листовите, прелијте со маслиново масло, додајте сол по желба и лимон. Може да се комбинира и со други салати по желба.

МЕД ОД ГЛУВАРЧЕ – ПРИРОДЕН ЛЕК ПРОТИВ КАШЛИЦА
Медот од глуварче е едноставен за подготовка и можете сами да го приготвите. За негова подготовка потребно е: 200 свежо набрани цветови од глуварче 2 килограми нерафиниран шеќер 2 литри вода 2 лимона Подготовка Свежите цветови измијте ги со ладна вода, исцедете ги и во погоден сад прелејте ги со 2 литри вода. Ставете ги на оган да зовријат и варете ги 20 минути. Смесата се трга од оган, се процедува и се додаваат 2 kg шеќер. Сорджината се вари сè додека количината не се преполови. Потоа со постојано мешање во содржината додадете 2 лимона исечкани на коцки и продолжете со варењето сè додека не добиете смеса слична на мед. Потоа смесата сè уште топла ја ставате во стерлизирани тегли, кои цврсто се затвораат и се чуваат на темно и ладно место. Се употребува еднаш до два пати на ден по 1 кафено лажиче додека не се ослободите од симптомите на кашлица. Напомена: овој природен лек не треба да го употребуваат дијабетичари.

The post ГЛУВАРЧЕ (Taraxacum officinalе) appeared first on Аптеки PlusPharma.

Зеленчук
Јадете: зелка, целер, морков, краставица, домат, цвекло, брокола, грав, кромид, лук, спанаќ, зелена салата, боранија, грашок… 

Овошје
Јадете: јаболко, кајсија, капини, малини, вишни, круши, праски, лимони, портокали, банани, лубеница, ананас, грозје, смокви, урми.. 

Бадеми
Ја зголемуваат базноста на организмот 

Мед

Пијте по 2 литри вода на ден. Најдобро би било кога ќе станете наутро да испиете чаша-две млака вода. Потоа помеѓу појадокот и ручекот испијте уште 2 чаши, па две чаши попладне. Значи дневно испијте вкупно шест чаши и по можност уште две чаши цеден сок.

The post ПРОИЗВОДИ КОИ ЈА ЗГОЛЕМУВАAT БАЗНОСТА НА ОРГАНИЗМОТ appeared first on Аптеки PlusPharma.

Слободен влез за многу болести ШТО ЗНАЧИ ПОИМОТ КИСЕЛОСТ НА ОРГАНИЗМОТ? Киселост на организмот е pH-ниво во нашето тело кое варира во зависност од она што јадеме, но и од начинот на кој живееме. За одредување на pH-состојбата во организмот се тестираат урината, крвта и плунката. Оптимална pH-вредност наутро за урината и плунката изнесува 6-7, додека за крвта е 7,3-7,4.

Слободен влез за многу болести

ШТО ЗНАЧИ ПОИМОТ КИСЕЛОСТ НА ОРГАНИЗМОТ?
Киселост на организмот е pH-ниво во нашето тело кое варира во зависност од она што јадеме, но и од начинот на кој живееме. За одредување на pH-состојбата во организмот се тестираат урината, крвта и плунката. Оптимална pH-вредност наутро за урината и плунката изнесува 6-7, додека за крвта е 7,3-7,4.

ЗОШТО Е ВАЖНО КОЛКАВА Е PH-ВРЕДНОСТА НА ВАШИОТ ОРГАНИЗАМ?
Истражувањата покажуваат дека сè додека pH-вредноста во организмот не премине во благо алкална, организмот нема способност за самолекување. Можете да одберете најразлични методи на чување на вашето здравје, но сè ќе биде без ефект додека не воспоста- вите pH-рамно- тежата во организмот. Кога pH-вредноста на вашиот организам не е во рамно- тежа, тогаш не може ефективно да ги апсорбира ви- тамините, минера- лите и хранливите материи. Исто така,се намалува производст- вото на енергија во клетките и се намалува спос обноста да се реге- нерираат оштетените клетки. Со еден збор, pH-вредноста на вашиот организам влијае на сè.

ШТО ВЛИЈАЕ НА PH-НИВОТО НА НАШИОТ ОРГАНИЗАМ?
Сè што ќе изедеме во текот на денот влијае на состојбата на нашето тело, па затоа pH-ни- вото се менува од час во час. Некои производи ја намалу- ваат pH-вредноста, други, пак, ја зголему- ваат, што укажува на тоа дека не е сеедно со што се храниме. Во ид- нина може да очеку- ваме од аспект на ацидобазната рамно- тежа во организмот, исхраната да добива сè поголемо значење во преве нтивата од болес- тите на денешното време.

КАКО ДА СЕ ОБЕЗБЕДИ ИДЕАЛНАТА PH-РАМНОТЕЖА ВО ОРГАНИЗМОТ?
Во последно време сè повеќе се истакнува важноста на pH-рамнотежата во телото како прва линија на одбрана на ор- ганизмот од болес- тите. Секоја хранлива состојка внесена во организмот со помош на раз- лични ензими со-горува и создава кисела или базна реакција. На тој начин некои сос- тојки влијаат на создавањето на кисела или базна средина, а при тоа истите состојки во природата може да имаат спротивни pH-вредности. Едноста- вен пример за тоа е лимонот, кој припаѓа на групата на многу кисели овошја, а во организмот станува многу базен (ал- кален).

The post Закиселен организам appeared first on Аптеки PlusPharma.

Општи карактерискити и начин на употреба:
Пчелите како најорганизирана заедница го собираат најубавиот и најкорисниот дел од растенијата, поточно нектарот, поленовиот прав и други материи, кој тие со својата работа и своите ензими ги претвараат во совршен производ – мед. За да соберат пчелите односно да создадат 1 кг. мед една пчела треба да помине од 360.000 до 400.000 км одејќи од цвет на цвет.
Медот се зема со дрвено или пластично лажиче, никако со метално. Најдобро е да се раствори во 300 милилитри млака вода, но никако не потопла од 45 степени, бидејќи на повисока температура се разградуваат ензимите и некои други материи со што медот ги губи лековитите особини. Се пие на празен стомак. Доколку медот се зема директно треба малку да се  задржи во устата бидејќи на тој начин преку слузокожата директно оди во крвотокот(крвта).

Состав
Медот ги содржи:

• Сите есенцијални аминокиселини
• Витамини: Б1, Б2, Б3, Б5, Б6, Б 12 и витамин Ц
• Минерали: содржи калциум, цинк, калиум, магнезиум, селен, хром, фосфор, манган, железо и др.
• Органски килесини, рибонуклеинкса, фолна, лимонска, јаболкова и др.
• Биогени стимулатори, билни антибиотици, фитохормони и многу антиоксиданси.

Видови мед
Според видовите на растенија од кои се добива, медот се дели на монофлорен( се добива од еден вид на растенија, багрем, липа) и полифлорен( се добива од неколку видови на растенија, ливадски, шумски и др.)

Лековити дејства на медот
Различни типови на мед, делуваат на различни здравствени проблеми.

•  Мед од лаванда се користи против науедност и грчеви, ја регулира работата на срцето, помага кај чир на желудник и делува против напнатост и мигрена.
• Темен мед од костен ја поттикнува циркулацијата, ја регулира работата на органите(желуднук, црева, црниот дроб и жолчката), ја лечи анемијата, го намалува заморот и го зајакнува имунитетот.
• Мед од Багрем се користи при проблеми со крвоносниот систем, кај опстипација(запек), а помага и за смирување(несоница, нервоза и напнатост).
• Ливадски(цветен) мед се препорачува кај алергии и за зајакнување на имунитетот.

Рецепти:

Мед и коприва одличен рецепт за лекување на анемија.
Припрема:
100гр смелени суви листови од коприва во форма на ситен прашок се меша со 1кг ливадски мед, за подобрување на вкусот може да се додаде свежо исцеден сок од лимон и сето тоа се меша во еднолична смеса. Користето го  три пати на ден по една лажица, на гладно.  Лекот е добар за сите оние кои имаат слабокрвност од најмалите деца, бремените жени до највозрасните.

Мед и цимет, оваа мешавина одамна се сметала за елксир на малдоста која обезбедува енергија и виталност. Бројни научни истражувања покажале дека комбинацијата од мед и цимет или силни лековити својства, ги регенерира ткивата, го зајакнува имунитетот, ги чисти артериите и ги уништува слободните радикали. Утврдено е дека овој написток е одличен пртив вишокот на килограми.
Припрема:
Една лажичка цимет се прелева со шоља врела вода , се поклопува и се остава да одстои 30 минути. Кога ќе се олади се додава една лажица мед. Половина шоља се пие пред спиење, а другата полови се става во фрижидер и се пие утрото на празен стомак. Не смее да се подграва, па доколку ви смета ладен пијалок, оставете го на собна температура да се згрее.

Со медот може да се направат и други производи со екстракти од други растенија или смелени делови од растенијата за други заболувања во однос на фармаколошкиот профил на секое растение.

The post ПЧЕЛИНИТЕ ПРОИЗВОДИ ХРАНА И ЛЕК appeared first on Аптеки PlusPharma.

Лековит дел: Покрај плодовите, за лечење може да се користат, коренот и листовите од јагодата. Содржи голема кочичина на витамин Ц, витамин А, влакна, железо и фолна киселина која е покрај другото, неопходна кај трудниците или жените кои планираат да раѓаат.

Лековити својства: Лековити својства на јагодата се познати уште од антички времиња. Чај од листовите на јагодата со столетија се користи против опстипација(запек), воспаление во грлото, грип и настинка. Јагодата може да помогне при опоравување по болест, зајакнување на имунитетот, кај болни од жолтица, како превенција од желудочни заболувања, кај артиритис и реума, камен во бубрег и покачен холестерол во крвта. Исто така јагодата може да се користи и како средство за нега на кожа, што се должи на витаминот Ц и витаминот А кои ја одржуваат кожата нежна и оптегната. Се препорачува еднаш употреба на маска за лицед приготвена од јагоди исечкани на кругови или во форма на каша. Потоа измијте го лицето прво со млака, па со ладна вода.

Начини на користење:
Чај:Земете две полни лажици суви листови од јагода и прелијте ги со 250 мЛ врела вода. По 15 минути процедете го чајот и пијте го три пати на ден по една шоља по јадење. Чајот може да го употребувате и за гаргара.
За чистење на организмот: Доколку сакате да го прочистие организмот, се препорачува навечер да се почастите со порција јагоди(без шеќер или шлаг) и утрото ќе се пробудите свежи, одморени и полни со енергија.
Против болки: Јагодата содржи природни салицилати и затоа има анелгетски својства, па доколку ве боли глава изедете една здела со свежи јагоди. Исто така таа има и антипиретски и антибактериски својства и може да се користи за ублажување на воспалителните процеси, за симнување на температурата и против мускулни болки. Претставува одлично средство против изгореници.
Целулит: Благодарение на Витаминот А и витаминот Ц, јагодите помагаат во борбата со целулитот. Овие витамини имаат антиоксидативни својства кој го забавуаат стареењето но и губењето на елестачноста на ткивата, а воедно ги уништуваат штетните радикали. Редовното конзумирање на јагоди ја забрзува циркулацијата и помага во борбата против целулитот.
Дебелина: Доколку имате проблеми со вишокот на килограми, јагодата е одличен оброк бидејќи содржи малку калории, а го забрзува метаболизмот и го намалува аптетитот.

The post ЈАГОДИ appeared first on Аптеки PlusPharma.

Што се алергиите?
Алергиите настануваат кога организмот погрешно ќе препознае безопасни материи од околината, како голема опаснот при што иницира невообичаено силна одбрамбена реакција. Материите кои предизвикуваат алергиски реакции се нарекуваат алергени инајпознати пролетни алергени се поленот од дрвјата, тревата и мувлата. Од нив најчест предизвикувач на пролетни алергии е поленот. Тој е составен од многу мали зрнца кои во периодот на оплодување на растенијата се ослободуваат во воздухот. Луѓето кои се склони кон алергии кога ќе ги вдишат ситните зрнца од поленот, нивниот имуниот систем започнува да произведува антитела кои се спремини за борба со алергенот. Во таа борба се слободуваат бројни хемиски супстанци, како што се хистамините кои се одговорни за интензивирање на алергиските симптоми.

Симптоми
Симптомите на алергиските реакции кои се предизвикани од поленот од дрвата, тревата или мувлата може да бидат:

•  Ринитис – затнат или растечен нос, кивање
•  Конјуктивитис – чешење, солзење или црвенило во очите
•  Уртикарија – контактен дерматит, црвенило на кожа
• Астма – отежнато дишење, снемување здив и кашлање

Како да ги одбегнете предизвикувачите на пролетните алергии
Алергените може да навлезат во вашиот дом преку миленичињата, децата па дури и преку вашите чевли. Откако ќе навлезат во вашиот дом тие најчесто  се задржуваат на килимите и завесите. Затоа обидете се со следниве препораки за да ги избегнете алергените:

• Топлото, сувото и ветровитото време е период кога количината на алергени во воздухот е најголем. Затоа обидете се прошетките во природа да ги практикувате кога времето е постудено и не многу ветровито. Најпогодно време за излегување надвор е веднаш по дождот.
• Количината на полен е највисока во утринските часови, затоа доколку е возможно планирајте ги вашите активности во втората половина од денот
• Избегнувајте косење трева, а доколку морате тогаш задолжително користете затитна маска и очила.
• После надворешните активности веднаш исперете ја облеката, истуширајте се и измијте ја косата.
• Намалете го бројот на килими и завеси во вашиот дом

Природни рецепти против сезонските алергии:

•  Д-р Генадија Малахова препорачува: Во чаша топло млеко додајте една лажица мед и пола лажица рендан ѓумбир. Добро измешајте го и пијте го навечер пред спиење. Овој рецепт помага против алергиите на полен и ги одстранува токсините од организмот.
• Д-р Ханин препорачува: Исцедете сок од свеж корен од целер. Пијте по една до две лажици сок дневно, пола час пред јадење. Можете да припремите и чај: две лажици сомелен корен ставете го два часа во чаша со ладна вода, процедете го и пијте по 1/3 чаша по три пати на ден пред јадење. Овој рецепт особено е делотворен кај уртикарија.
• Четири лажици сушени листови од коприва се прелеваат со литар врела вода и се оставаат поклопени да одстојат половина час. Се цедат и се пијат 3-4 шољи чај дневно, секогаш со свежо цеден сок од лимон или витамин Ц. Се пие 3 дена, па се прави пауза од 4 дена. Се повторува еден месец. Овој чај е одличен против поленската треска.

The post ПРОЛЕТНИ АЛЕРГИИ appeared first on Аптеки PlusPharma.

Најчести фактори кои што го предизвикуваат синдромот на суво око се фактори кои се поврзани со начинот на живот на луѓето како долготрајна работа на компјутер, гледање на телевизија, читање, возење на автомобил, носење на контакни леќи,  потоа фактори кои се поврзани со средината во која живееме како сув воздух (климатизирани простории, радијатори), провев, атмосферско загадување. Исто така може да има и физиолошка етиологија како хормонални промени како менопауза, дијабет, ревматоиден артритис, процес на природно стареење и многу други. Операциите на очите се исто така често поврзани со појава на овој синдром.

Во целост општите симптоми на суво око се уморни очи, црвенило на очите, очна непријатност, чувство на песок во очите, понекогаш болка при отварање на очните наутро, нетолеранција на контактни леки, остри болки на очната површина, повремено заматен вид, кое повремено се подобрува со агресивно трепкање со очите, понекогаш и чешање. Третманот на синдромот на суво око е неопходно  најмногу за да се подобри очната удобност. Хроничната очна неудобност води до нервоза кај пациентите и намалување на квалитетот на живот. Тешките состојби на сувост  се одразуваат значително врз здравјето на очната површина, водат до повреда на епителот на рожницата и до влошување на видот.

Третманотот  на синдромот на суво око се спроведува со помош на капки, наречени вештачки солзи. Се препорачуваат вештачки солзи со способност за подмачкување, кои даваат можност за ефикасно и брзо ослободување од симптомите. Најважно е да сватите  дека суво око може да биде причина за многу непријатни субјективни чуства во очите и наместо да се трауматизирате , посетете очен доктор и започнете итен третман со вештачки солзи, кои веднаш ке ги ублажи проблемите и ќе ви овозможи очна и психичка удобност.

The post СУВО ОКО – заболување на современиот човек appeared first on Аптеки PlusPharma.

Земањето на витамини и минерали преку исхраната како таква, преку збогатената храна со витамини и минерали и, особено преку разни препарати и додатоци на исхраната предизвикува се поголем интерс на корисниците и медицинските работници. Во последните децении претставува цел на повеќе научни и стручни истражувања, кои треба да одговорат на најчесто поставуваните прашања:

• Дали исхраната ги задоволува потребите на организмот од витамини и минерали?
• Дали и кога треба да се земаат во форма на лековити препарати или додатоци на исхраната?
• Колку и како влијаат врз правилниот раст и развој на организмот?
• Дали влијаат на подобрувањето на состојбата при некои заболувања или состојби?
• Како да ја утврдиме потребата од земање на додатни витамини и минерали?
• Во која доза и колку често да се земаат?
• Дали прекумерното земање доведува до штетни последици и како се манифестираат?

Недостатокот од витамини и минерали често доведува до болест, но и прекумерното нивно внесување може да има негативен ефект.

Што претставуваат витамините и минералите?

Витамините и минералите се неопходни за здраво функционирање на организмот бидејќи учествуваат во различни биохемиски процеси. Организмот не може да ги синтетизира (освен Витаминот D )и затоа мора да ги внесуваме преку исхраната или како додатоци во форма на лековити препарати или додатоци на исхраната.
Нашиот организам најдобро може да ги искористи витамините и минералите од храната, односно од природните извори. Со разновидна исхрана се обезбедува внесување на сите неопходни витамини и минерали за нормален раст и развој на организмот.
Во случај на неправилна исхрана, како и при одредени заболувања или состојби при кои е попречена нормалната исхрана или постои зголемена потреба од витамини и минерали, се препорачува нивно внесување преку препарати и додатоци на исхраната, за да се задоволат потребите на организмот.

Својата функција во биохемиските процеси во организмот витамините ја извршуваат заедно со минералите, и недостатокот на било кој од неопходните витамини и минерали задолжително влијае и врз искористувањето и остварувањето на функцијата на постоечките.

Некои диети може да доведат до недостаток од поедини витамини и олигоелементи. Така, диетата богата со протеини, а сиромашна со јаглени хидрати доведува до недостаток на витамин А, С, железо и калциум, а некои пак до недостаток на витамини од В комплексот и калциум.

Витамини

Витамините  (на латински vita=живот) претставуваат комплексни органски супстанции кои природно се наоѓаат во растителниот и животинскиот свет и се неопходни во мали количини за метаболичките процеси во организмот.

Човечкиот организам не може да синтетизира ниеден витамин(освен витаминот D), така да е неопходно да се внесуваат преку исхарната за негово правилно функционирање

Витамините се делат во две групи:
1.     Витамини растворливи во масти (A, D, E и K витамин)  – можат подолго да се задржат и да се акумулираат во организмот, заради што треба внимателно да се земаат препарати со овие витамини за да не дојде до хипервитаминоза
2.     Витамини растворливи во вода (витамин С, групата на витамини В, фолната киселина) – брзо се излачуваат од организмот и пократко се задржуваат во него, заради што треба да се внесуваат секојдневно со исхраната.
Витамините исклучително важни за функциите на организмот и за некои групи на пациенти е неопходно нивно вклучување како додатоци на исхраната.Такви се децата, повозрасните луѓе, лицата кои се на некоја диета, спортистите и лицата што се занимаваат со тешка физичка работа.
Така, кај бебињата се вклучуваат витамините А – за видот и D – за коските. Недостатокот од витамин D кај децата може да предизвика рахитис, а кај возрасните остеопороза. Витаминот В₁₂ е важен за стварањето на еритроцитите и неговиот недостаток може да доведе до анемија. Витамините од В комплексот се добри за кожата, косата, ноктите, како и за периферниот и централниот нервен систем. На нашите простори ретко се јавува недостаток од овие витамини заради начинот на исхрана, но често се неопходни како додатоци на исхраната кај лица кои од некоја причина не ги примаат во доволни количини или имаат зголемена потреба од истите.

Mинерали

Минералите се носители на важни животни функции – од одржување на електролитниот баланс, до учество во биохемиските процеси. Некои од нив се потребни во позначајни количини (натриум, калиум, калциум и други), а некои во микро количини, скоро во трагови (селен, цинк, кобалт, бакар и други олигоелементи). Земањето на поголеми количини може значително да го наруши балансот во организмот и/или може да доведе до труње.
Функционираат заедно со витамините и најдобро се искористуваат земени преку исхраната. Во додатоците на исхрана се содржат во избалансирани количини согласно потребите на организмот.

Кога и колку се потребни додатни витамини и минерали?

Витамините и другите додатоци во никој случај не се форма или облик за замена на здрава исхрана. Секојдневното јадење брза храна нема да го надоместите земајќи додатни витамини и минерали. Добро балансирана исхрана и додатни витамини и минерали ќе ви помогнат да постигнете и одржите здрав начин на живот.
Прекумерната употреба на витамински и минерални додатоци во исхраната кај лица кои немаат недостаток може да има штетни ефекти. Заради тоа, на конзумирањето на витамински и минерални додатоци треба сепак да се гледа внимателно и да се следат советите на лекарот и фармацевтот.

Како ќе ви помогне фармацевтот?

Пациентите понекогаш земаат повеќе витамини и минерали од што им се навистина потребни, најчесто заради незнаење и неупатеност. Се случува да бараат повеќе препарати со ист или сличен состав и доколку ги употребуваат истовремено би земале преголема доза.
Тука е клучна улогата на фармацевтот кој е должен да ги запознае пациентите со составот, да ги предупреди за можната предозираност, да им советува кој од бараните препарати е најсоодветен за нивната состојба и детално да им го појасни начинот на употреба.
При искажаната потреба од земање на такви додатоци на исхраната, неопходно е лицата да се советуваат со лекарот и/или фармацевтот, при тоа јасно наведувајќи ги лековите кои веќе ги примаат.

Проф.Д-р Бистра Ангеловска

The post ВИТАМИНИ И МИНЕРАЛИ appeared first on Аптеки PlusPharma.

За повраќањата во бременоста не постојат докажани причини. Според некои истражувања причина може да биде наглиот пораст на естрадиолот или хориогонадотропинот, хормон (познат како  HCG). Имено HCGе еден од најважните хормони во бременоста кој својот пик го достигнува помеѓу петата и четринаесетата гестациска недела и кој преку дејство на хипоталмусот (еден дел од мозокот) предизвикува мачнина и следствено на тоа, повраќње. Според други повраќањето има психоматско потекло. Всушност психоаналитичарите укажуваат дека стравот од сопствена неподобностт и емоционалните конфликти доведуваат до фигуративно – симболично отфрлање на бременоста, што се манифестира со повраќање. Се потенцира дека тешкотиите се поизразени доколку жената неможе да се адаптира на социјалните и сексуалните ограничувања до кои доведува самата бременост.

Секоја личност има индивидуален прагна дразбата за повраќање, што ќе се манифестира со индивидуални варијации во манифестацијата на повраќањето и тежината на клиничката слика. Мачнината и  повраќањето се јавуваат главно наутро, по будењето, со што го уништуваат апетитот и потребата за било каква храна. Најчесто започнуваат од 5 и 6.гестциска недела и траат, во најголем број случаи, до 16. гестациска недела, кога се губат. Во многу ретки случаи може да продолжи во текот на целата бременост.
Во почетниот стадиум, покрај субјективните потешкотии, нема манифестен нутритивен дефицит. Со влошувањето на клиничката слика, доаѓа до денутриција. Поради губењето на апетитот и појавата на одбивност кон храната, жената нагло слабее, поткожното масно ткиво се топи и се намалува мускулната маса. Кај тешките форми, трудницата може да изгуби до една третина од првобитната тежина. Како резултат на изречената дехидратација, усните се испукани и суви, јазикот е сув, обложен и разранет, а здивот мириса на ацетон. Лабораториските анализи покажуваат хемоконцентрација и присуство на кетонски тела (ацетон) во урината. Кај потешките форми на болеста доаѓа до појава на иктерус (жолтица), како резултат на оштетување на црниот дроб, како и нарушен електролитен статус и хемостаза.

На почетокот лекувањето е амбулантско, со давање подршка на пациентката и нејзино ослободување од стравот и конфликтите од бременоста. Се препорачуваат мирување, благи седативи, антиеметици (лекови против повраќање) и витамини. Многу е важно хигиено – диететскиот режим со исклучување на лошите навики во исхраната, како што е консумирањето на многу мрсна храна. Треба да се консумира лесна храна, која содржи белковини и јаглехидрати. Да се избегнуваат мрсната храна (путер, полномасно млеко, павлака …) , зачинети (пипер,цимет лук …), запршките, намирниците со киселкаст вкус и чоколадата. Трудницата треба да ги избегнува газираните пијалаци, а треба да пие обична вода повеќепати во текот на денот, но во помали количини. Таа треба да престане да пуши цигари и да консумира алкохол. Ако повраќањето се јавува во потешка форма, трудницата треба да се хоспитализира и се третира со инфузиона терапија.
Доктор Ѓорги Николов
Специјалист гинеколог-акушер
Гинеколошко акушерска ординација: Genesis

The post ПОВРАЌАЊЕ ВО БРЕМЕНОСТА appeared first on Аптеки PlusPharma.

Бесплатен природен терапевт
Старите Грци први го забележале лековитото дејство на морето. Хипократ прв открил дека морската вода го забрзува заздравувањето на раните, ги спречува инфекциите и ја намалува болката. „Виновникот“ за моќта на морската вода е нејзиниот комплексен состав кој, меѓу другото, изобилува со присуство на животоважни елементи како: натриум, калиум, калциум, јод, силициум, па дури и сребро и злато. Морската вода длабоко влегува во кожата со што се овозможува делување на минералите и елементите во трагови (магнезиум, кобалт, манган). Морето исто така содржи алги кои изобилуваат со минерални состојки и одамна се сметаат за извор на убавина и здравје.
Општо познати се и ефектите во ублажување или отстранување на симптоми на астма, одредени видови алергии, воспаленија на синуси, артритис, болки во грбот и мускулите и генерално позитивно влијание врз општото телесно и ментално здравје.

Со пливањето во морската вода се отвораат порите на кожата  што овозможува апсорпција на минералите во нашето тело. Истовремено, преку отворените пори се излачуваат отровите од организмот. Воедно, морската вода помага во лекување на кожни заболувања како што се егзем, атопичен дерматитис и одредени габични заболувања. 

Запрете го стареењето
Покрај директните благодати на морската вода, пливањето во морските води како физичка активност ни носи дополнителни здравствени бенефиции.
Доколку треба да се бира кој е најдобар спорт за целокупната состојба на човечкиот организам, сигурно, прво место би земало пливањето. Со пливањето се активираат сите мускули во телото, се јакне кардиоваскуларниот систем, се продлабочува дишењето, се зголемува капацитетот на белите дробови, а исто така делува позитивно и на нашата психа.
Ова се само некои од благодатите на пливањето што се смета за еден од најтемелните облици на вежбање и тоа за целото тело: рацете, рамената, грбот, градниот кош, нозете и задницата. На овој начин, телото станува поиздржливо, со што и неговото стареење забавува

Воздушна „витаминска терапија“
Во комплексот од природни „морски терапевти“, морскиот воздух несебично ја надополнува морската вода. Чистиот морски воздух изобилува со огромна концентрација на негативни јони и ароматични состојки како производ на одредени морски алги. Овие елементи, а пред сѐ негативните јони со кои е богат морскиот воздух, поволно влијаат во јакнење на имунолошкиот систем, ја зголемуваат виталноста и менталната енергија, а позитивно влијаат и во ослободување од акумулираниот стрес.
Морето е лековито доколку и само седите или шетате по крајбрежјето.
Дишењето на чистиот морски воздух ќе ви помогне многу подобро да заспиете навечер.

Поттикнете ја креативноста и наполнете ги батериите
Морето, и генерално водата како елемент, отсекогаш се поврзани со нашата креативност и чувствата.
Престојот покрај море може да ги допре нашите емоции и интуиција и да ја разбуди нашата фантазија и креативноста.

Докажано е…
Со научни студии е утврдено дека луѓето кои живеат до еден километар од морското крајбрежје, имаат помалку здравствени проблеми т.е. живеат поздраво од континенталните жители.

Лековити облоги
Облогите од комбинација на морска кал и алги содржат голема количина минерали и позитивно делуваат за ревматизам и остеоартритис и ја подобруваат циркулацијата.

The post СИТЕ БЛАГОДАТИ НА МОРЕТО appeared first on Аптеки PlusPharma.

Состав за почит
Малината е богата со антиоксиданси. 100 грама малинов плод содржи 44% од препорачаната дневна доза на витамин Ц. Богата е со растителни влакна, фолна киселина, витамин К, витамин Е, манган, магнезиум, бакар, калиум и Омега 3 масни киселини. Ваквиот состав надополнет со резвератол и елагинска киселина, претставува идеална комбинација со моќно антиоксидантно дејство, го неутрализира штетното влијание на слободните радикали и има докажано антиканцерогено дејство.

Редовното консумирање на малината го разубавува тенот, ја зајакнува косата, го подобрува здравјето на кардиоваскуларниот систем и органите за варење, го зајакнува имунитетот и штити од воспаленија.
Најдобро е да се консумира во свежа состојба, но секако консумирана и во   форма на сок, компот или чај има благопријатни и лековити ефекти.

За здрави и за болни
Поради богатството со елагинската киселина  во семките на малината, сè почести се препораките за употреба на малината во превенција на развој на малигни заболувања.
За да се постигне превентивна заштита, добро е секојдневно да се внесуваат по 130 грама малини.

Највисок природен заштитен фактор
Поради специфичниот и богат состав со Омега 3, Омега 6 масни киселини и витамин Е, маслото од семки од малина претставува „совршен“ природен производ за сончање со висок фактор на заштита.
Благодарение на ова, одлично ја заштитува кожата од јакото сонце. Проценето е дека заштитниот фактор на ова масло е помеѓу 28 и 50, зависно од условите во кои се одгледува. Може да се користи не само како заштита од сонце туку и за третман на брчки, стрии, егземи, дерматитис и, воопшто, на воспаленија на кожата.

Лековитост на листот од малина
Плодовите на малината се многу вкусни и здрави, но исто така е значајна и лековитоста на листовите.
Малината ја нарекуваат женско растение бидејќи лекува голем број проблеми со женските органи. Чајот од листовите помага при менструални грчеви и јаки крвавења. Може да се пие пред, за време и по породувањето. Редовното консумирање на чај од листови на малина по две шолјички на ден во текот на бременоста (по третиот месец), ги зајакнува и тонизира ѕидовите на матката, спречува абортус, помага во текот на породувањето и го намалува крвавењето по породувањето.
По породувањето го забрзува заздравувањето на матката и ја поттикнува лактацијата.
Чајот се користи и за зајакнување на непцата, дезинфекција на крајниците и за спречување пролив.

Приготвување на чајот:
1 лажиче сушени листови од малина се преливаат со 200 мл врела вода. Се пие топло!
Предупредување:
Чајот од лист од малина не се препорачува во случај на абортус во претходна бременост.

ОЦЕТ ОД МАЛИНА ПРОТИВ ВИСОКА ТЕМПЕРАТУРА
Измешајте еден литар јаболков оцет со 500 грама пасирана малина. Оставете да отстои десет дена на топло и процедете.
Во случаи на треска и покачена телесна температура, пијте по 2 лажици од растворот разреден во чаша вода неколку пати на ден.

Смути од малина
Состојки:
•                     60 грама малини
•                     чаша цеден сок од портокал
•                     неколку листови спанаќ
•                     1 банана
•                     десетина коцки лед

Измешајте ги сите состојки во миксер и уживајте во овој летен освежителен пијалак.

The post МАЛИНА – ВОЛШЕБЕН ВКУС ПОЛН СО ЗДРАВЈЕ appeared first on Аптеки PlusPharma.

Матичниот млеч има сложен хемиски состав

• има над 150 биолошки активни состојки
• 69% вода
• 19% белковини  (есенцијални аминокиселини)
• сите витамини (А, Б, Ц…)
• 1-5,5% масти 
• ХОРМОНИ!!! СТИМУЛИРАЧКИ СУПСТАНЦИИ
• ензими

Има висока концентрација на белковини, особено оние што ги содржат сите есенцијални аминокиселини. Значајна е и извонредно високата концентрација на витамини од групата на Б комплекс, посебно витамин Б и витамин Б6. Содржи голема концентрација на минерали, и тоа: калиум, калциум, натриум, цинк, железо, бакар, манган, како и биостимулатори.

Фармаколошки ефекти на матичниот млеч
Во 1924 година, научно е потврдена лековитоста на матичниот млеч и оттогаш се користи како силен имуностимулатор. Ги зголемува и ги зајакнува одбранбените способности на организмот, го зајакнува имунитетот и делува како силен биостимулатор, отстранува замор, исцрпеност, ја зголемува физичката сила, но и менталната кондиција.
Матичниот млеч ги чисти крвните садови, го намалува холестеролот во крвта, со што ја подобрува циркулацијата и може превентивно да се користи против ангина пекторис, инфаркт, мозочни удари. Поволно влијание има и врз нервниот систем, се подобрува концентрацијата, помнењето, волјата кај луѓето и истовремено се намалува нервозата, депресијата, се отстрануваат стравот и несоницата. Со еден збор, матичниот млеч го јакне нервниот систем и го подобрува емотивното здравје.
Поседува антибактериски и антивирусни својства, помага при грип, но и при хепатит А, Б, Ц. Ја подобрува крвната слика, а во ревматологијата успешно се користи како антиревматик против артритис, артроза, дископатија и силна главоболка. Посебно значење матичниот млеч има со неговото силно дејство врз хормоналниот профил кај мажите и жените, односно ја зголемува плодноста, а жените во текот на климактериумот полесно ја поднесуваат оваа фаза од нивниот живот. Го подобрува апетитот, помага при гастритис, катар, чир на желудник и на дванаесетпалечно црево, како и при ублажување на симптомите кај пациенти кои имаат проблем со дебелото црево, односно, кои имаат хроничен колитис.
Матичниот млеч е силен противотров. Го чисти телото подобрувајќи ја функцијата на црниот дроб и бубрезите, ја зголемува детоксикацијата за 40%.

Доказ за силниот фармаколошки профил на матичниот млеч е самата матица која се храни исклучиво со матичен млеч. Таа живее 7 години, а обичната пчела живее 30 дена. Исто така, матицата дневно снесува од 2 000 до 3 000 јајца, што е десетици пати повеќе од нејзината тежина.

The post МАТИЧЕН МЛЕЧ appeared first on Аптеки PlusPharma.

Внимавајте! И краткотрајното изложување на прејако сонце може неповолно да делува на нашата кожа, косата и очите.

УВ светлината е составена од три вида зраци: УВА, УВБ и УВЦ и тие се разликуваат меѓу себе според степенот со кој можат да продрат во различните слоеви на кожата.
УВА зраците во целост допираат на површината на земјата во текот на целата година независно од временските околности. Имаат способност да продираат преку водни и стаклени бариери и навлегуваат подлабоко во кожата.

УВА зраците се одговорни за губење на еластичноста на кожата, предизвикуваат појава на брчки и предвремено стареење на кожата.

УВБ зраците се високоенергетски зраци кои допираат со само 5% на површината на земјата.
УВБ зраците се главниот причинител за појава на црвенила, исипување и изгореници, а се одговорни и за посериозни и долготрајни оштетувања на кожата, како и ризик-фактор за појава на канцер.

УВЦ зраците се со најкратка бранова должина и се најопасниот вид УВ радијација. За среќа, целосно се задржуваат од озонската обвивка и не допираат до лицето на земјата.

Што претставува УВ индекс и на што треба да внимаваме?
УВ индексот е дефинирана нумерација на скала од 1-11, што ја одредува способноста на УВ зраците да продрат и да ја оштетат нашата кожа. УВ зрачењето со индекс над 6 (портокалова зона) е особено опасно за човековото здравје.
За време на летните горештини, кога УВ индексот е високо на скалата, планирајте ги своите активности без непотребно да се изложувате на сонце.

КАКО СОНЦЕТО ДА СТАНЕ ВАШ ПРИЈАТЕЛ?
Одржете ја вашата кожа свежа и здрава, а воедно постигнете го и посакуваниот тен!

Умереното изложување на сонце во кратки временски интервали природно ја зголемува отпорноста кон УВ зраците доколку постепено се приспособувате.
Практикувајте утринско сончање.

Забелешка: Изложеноста на сонце без заштитен фактор треба да биде исклучиво во утринските часови од 7-10 часот, во краткотрајни интервали максимум 10-15 минути.
По постигнувањето на 15-минутното дневно сончање, задолжително е користење на заштитен фактор со минимум СПФ 30.

Практични совети:
·                     Најпрво се употребуваат препаратите со највисок заштитен фактор, а потоа факторот се намалува.
·                     Препаратот за заштита од сонце секогаш се нанесува 30 минути пред изложување на сонце.
·                     По сончањето, користете млеко по сончање за хидратирање и враќање на виталноста на кожата.
·                     Нанесувањето на фотозаштитни препарати не значи дека може да останете на сонце долго време.
·                     За време на облачен ден, 30-50% од УВ зраците допираат до вашата кожа, па сепак е возможно да изгорите.
·                     Употребувајте соодветна облека за заштита од сонцето (капа, очила за сонце, лесна и светла облека од природни материјали – памук или лен).
·                     Избегнувајте изложување на сонце од 10-17 часот.
·                      Внесувајте што е можно повеќе вода и природни сокови.

ВАЖНО: КОРИСТЕТЕ КВАЛИТЕТНИ И ПРОВЕРЕНИ ФОТОЗАШТИТНИ ПРЕПАРАТИ КОИ ВО СВОЈОТ СОСТАВ ТРЕБА ДА СОДРЖАТ УВБ И УВА ФИЛТРИ ЗА ЗАШТИТА НА КОЖАТА
Сепак, ниедна козметичка линија нема целосно да ја заштити вашата кожа, доколку не ѝобезбедите дополнителна поддршка преку соодветна исхрана.

Затоа, збогатете ја исхраната со витамини и минерали и станете пријатели со сонцето!

The post КАКО СОНЦЕТО ДА СТАНЕ ВАШ ПРИЈАТЕЛ? appeared first on Аптеки PlusPharma.

Домат:
Доматот слободно можеме да го наречеме и природен крем за сончање што го „мачкаме“однатре.
Доматот е намирница богата со антиоксидансот ликопен кој докажано го намалува штетното влијание на УВ зраците.

Морков:
Позитивната страна на морковот не е само во неговата улога за заштита од штетните ефекти на сончевите зрачења туку и способноста благодатите од нив да ги сврти во наша полза

Сладок компир:
Во последно време, оваа намирница сѐ почесто е дел и од нашето мени и е неизоставен дел од понудата на нашите пазари и супермаркети. Користете го на ист начин како и обичниот компир.

Зелен зеленчук:
Сигурно знаете дека тајната на здравата исхрана се крие во шаренилото од бои. Многу е важно во вашата чинија да се најдат намирници од сите бои, а меѓу нив не смеете да ја одминете зелената, особено доколку сакате да се заштитите од штетните влијанија на сонцето. Едно непишано правило вели: „што потемна зелена боја, толку повеќе хранливи компоненти“. Затоа, бирајте заленчук со темнозелена боја, како што се:кељ, брокола, блитва, спанаќ…

Лубеница:
Омилено летно овошје богато со ликопен кој го смалува ризикот да добиете црвенило и изгореници. Консумирајте ја секогаш кога сте во можност бидејќи помага и за хидратација на организмот, што е многу важно за летниот период.

Јагоди, киви, портокал:
Овие три овошја се особено богати со витамин Ц. Витаминот Ц многу ефикасно ги неутрализира слободните радикали, настанати како резултат на предолгата изложеност на штетните сончеви зрачења.

Бадеми и семки од сончоглед:
Богати со високи концентрации на витамин Е, уште еден многу моќен антиоксиданс кој успешно го штити организмот од штетното влијание на УВ зрачењето.
Покрај сите гореспоменати прехранбени производи за потполн ефект и за подобра заштита од сонцето, во летниот период пијте и зелен чај, јадете свежи јаболка (по можност со кора) и повремено почестете се со коцка темна чоколада.

The post СО ХРАНА ПРОТИВ ШТЕТНИТЕ СОНЧЕВИ ВЛИЈАНИЈА appeared first on Аптеки PlusPharma.

Прополисот е заедничко име за мешавина на смолести супстанции кои пчелата ги собира од различни видови билки.
За лековитите својства на прополисот знаеле уште старите Египќани пред околу 3000 години.  Низ вековите науката само ги има утврдено, откриено нови,но не и докрај испитано сите моќи на оваа природна компонента.

Хемиски состав
Во поглед на хемискиот состав, прополисот е многу комплексна материја. Составот може да варира во зависност од билките од кои се собира, како и од годишното време. Претставува мешавина од восок, смола, етерични маслаи цветен прав, а висок процент на составот припаѓа и на присуството на повеќе видови на флавоноиди.Составот е надополнет и со значајна содржина на минерали и витамини и преку 50-тина останати материи кои имаат директно влијание во биолошките процеси во организмот.

Симбол на снага
Прополисот е еден од лепезата на „мудри лекови“ на природата и „борец“ кој се справува со сѐ што претставува закана за организмот. Истовремено го чува здравото ткиво и помага во лекување на заболеното.
Биолошките својства и дејствата на прополисот се широкоспектaрни. Не случајно го носи епитетот на лек на 21 век. Примарно и научно е докажано неговото антимикробно, антивирусно, антигабично и биостимулаторно дејство поради што листата на заболувања и здравствени проблеми кај кои успешно се применува прoполисот е прилично голема.

Употреба
Како врвен и активен биостимулатор, прополисот придонесува за подобрување на општата состојба на организмот и за придвижување и активирање на природните механизми за самолекување. Докажано и ефикасно се употребува во лекување, пред сѐ, на респираторни инфекции, инфекции на усна шуплина, уринарен тракт, заболувања на црн дроб и инфекции на органи за варење, без опасност од резистенција и појава на несакани ефекти.
Во случаи на тешка дијареја, онаму каде што имаат потфрлено многу класични лекарства, прополисот се има покажано како ефикасно средство.
Благодарение на палетата на флавоноиди во составот, прополисот манифестира силно антиоксидантно својство, па успешно се применува во борбата против слободните радикали, и во заштита на клеточните структури од процес на предвремено стареење.
Моќно антивирусно средство, докажано во ефикасен третман на херпес на усните. Ефикасноста е дотолку подобра ако употребата се започне уште при првите симптоми на појава на херпес.
Успешно се употребува и во лекување на рани, изгореници, кожни заболувања (псоријаза, себореја, габични инфекции).
Забележана е и широка примена во разни козметички препарати токму поради изразеното антимикробно, антигабично и антоиксидантно дејство.
Во поново време се вршат многубројни студии каде се докажува и моќта на прополисот во спречување на развојот на канцерогени клетки (цитостатско дејство) и лекување на одредени видови тумори.
Меѓу останатото, познати се ефектите и во лекување или ублажување на симптоми кај:хемороиди, афти, косопад, воспаленија на непца, кашлица, кариес, артритис, воспаленија на уво, настинка, ослободување од напнатост и несоница. Списокот на подрачја на ефикасна примена е дотолку поголем ако се земе предвид и широката примена во разни облици во народната медицина.

Најчести форми на употреба
Прополисот најчесто се употребува во форма на раствор и тоа алкохолен раствор во неколку концентрации (10%, 20%…), маслени капки, спрејови за нос и усна шуплина, масти и кремови, таблети и капсули. Може да се најде во чиста форма или во комбинација со други хербални компоненти со слично синергистичко дејство. Најчесто употребувана форма е во облик на капки кои можат де се употребат директно или пак да се растворат на коцка шеќер.

Најделотворно е капките да се земат во комбинација со мед. Смесата подгответе ја на следниот начин: во шолја помешајте лажица мед и 5-10 капки прополис.
Во народната медицина постојат разни рецептури за подготовка и употреба на прополисот.
Прополисот е стабилен производ, но се препорачува да се чува во темни садови, на суво и ладно место.

Препорака
Како за сите пчелни производи, така и за прополисот, препорачливо е да се употребува најмалку 1 час пред или 2 часа по јадење. Најдобро е да се задржи што подолго време во устата. Зошто? Усната шуплина е богата со сплет од крвни садови што овозможува брза ресорпција на прополисот во крвотокот.

Напомена
Кај многу мал процент од луѓето можна е појава на алергиска реакција. Во ваков случај треба веднаш да се запре употребата сѐ додека не се утврди вистинската причина.
Прва помош при крвавења
Крвавења предизвикани од повреди и исеченици, запрете ги брзо и едноставно со помош на газа натопена во раствор од прополис.

The post ПРОПОЛИС appeared first on Аптеки PlusPharma.

Лековити особини
Капината е добар антиоксиданс. Содржи витамини и минерали, од кои особено се истакнуваат витаминот Ц и железото.
Плодот е богат со растителни влакна и со корисни есенцијални киселини. Добар е за намалување на холестеролот.
Освен што е важна во исхраната,како и секое овошје, капината се покажала како моќно средство за подобрување на крвната слика.
Со повеќедневна употреба на капината, се зголемува нивото на железото и хемоглобинот, а со тоа и црвените крвни зрнца (еритроцити). Ова е многу важно кај лицата со анемија. Во бременоста, може да дојде до намалување  на железото, при што капината може многу да помогне оваа појава да се ублажи.
Листовите од капина се исто така многу лековити и може да се користат за приготвување чај. Овој чај е одличен против дијареја, а делува и како диуретик. Исто така,чајот од листови од капина може да се  употребува за гаргара (плакнење) на устата во случај на парадентоза и ранички во устата, како и за зајакнување на непцето. За приготвување на чајот се препорачуваат млади листови од дива капина.
Најдобро е капината да се јаде свежа, но исто така е добра и смрзната, која е достапна во текот на целата година.
Капината се користи како суровина во прехранбената индустрија за правење џем, слатко, сок и капиново вино.

Капиново вино
Капиновото вино е одличен производ кој се препорачува за консумирање наоние лица кои имаат проблеми со холестерол и анемија.
Се препорачува за здраво срце и крвни садови, па дури и како превенција и намалување на ризик од настанување на некои видовирак.
Капиновото вино може да се купи или да се направи во домашни услови.

Рецепт за капиново вино
2 кг капини,
500 г кафеав шеќер.
Во поголем стаклен сад (тегла) се ставаат претходно малку изгмечените капини и шеќерот,и добро се промешува. Теглата се полни до 2/3, за да може смесата непречено да врие и се покрива со чиниче или газа. Смесата се чува 20 дена на топло место. Секој втор ден смесата треба да се промеша.
По 20 дена, капиновото вино се процедува и се полни во чисти стаклени шишиња.  Покриени со газа, шишињата треба да отстојат уште 7 дена. Потоа шишињата добро се затвораат и се чуваат на ладно место.
Се препорачува дневно да се пие 50 до100 г од капиновото вино, еден месец.

The post КАПИНА – борец против анемија appeared first on Аптеки PlusPharma.

Што е најдобро?
Со оглед на тоа дека станува збор за еден нов период од животот на вашето дете, исполнет со нови, пред сè, ментални активности, правилната и избалансирана исхрана ќе помогне кон полесна адаптација и секако правилен развој на вашето дете. Идеален оброк можеби и не постои, но тој треба да биде доволно хранлив и со доволно калории да го „нахрани“ мозокот и да овозможи извршување на моторните активности на детето за време на престојот во училиште, но тој не треба да биде премногу калоричен за да не предизвика поспаност или пак да предизвика хиперактивно однесување.

Полни со енергија веќе по првиот оброк
„Кралот на оброците“ – појадокот е најважниот оброк. Многу често децата го прескокнуваат појадокот, што има низа на несакани последици по здравјето и однесувањето на детето. Најчесто овие деца се поспани, отежнато ја следат наставата и имаат помалку концентрација.
Најдобро е денот да се започне со чаша природно исцеден сок од овошје и зеленчук или пак со свежо и разновидно сезонско овошје. Со ова сигурно нема да погрешите.
Појадокот нека биде комбинација од житарки и суво овошје со јогурт или млеко, или пак едноставно понудете му парче интегрален леб со путер или со домашен џем. Но во НИКОЈ случај појадокот не треба да бидат конзервирани и концентрирани продукти како паштети, виршли, маргарин, мајонез, слатки кремови, пржени јајца и сл. Појадокот треба да биде немасна и непржена храна, богата со јаглехидрати.

Што за ручек?
Според  македонската кујна и традиција, ручекот се смета за главен оброк.
Детската кујна не треба да изобилува со пржени работи, брза храна и многу зачинети манџи. Научете ги децата да јадат свежи, домашно подготвени супи. Секако, на менито треба да бидат застапени риба, квалитетно месо, печурки, леќа, грав, грашок, ориз, компир, просо… Каков и да е ручекот, секогаш на менитоимајте свежо приготвена салата. Салатите нека бидат што побогати и поразновидни. Не изоставувајте ги корењата кои се извор на живот и енергија. Учете ги децата да јадат целер, цвекло, морков, пашканат – сèшто е корен. Не секогаш салатата треба да е од домат, пиперка и краставица.
Не мора да се придржувате кон традиционалните концепти на ручекот дефинирани како предјадење, главно јадење и десерт. Не наградувајте ги децата по ручекот со торта, колач, сладолед и сл. Ако оброкот бил соодветен и добро искомбиниран, нема потреба од десерт. Десертот може да биде чаша свежо цеден сок или некој друга ваша комбинација и замисла.
Секако, добро е кон ручекот да се додаде и парче леб, само доколку има потреба од тоа. Добро е лебот да е интегрален и тоа во соодветна комбинација со храна богата со јаглехидрати (грав, грашок, боранија), но не и со храна богата со протеини (месо, риба, јајца).

Ужинка, грицки или нешто трето
Ужината треба да е составен дел од дневното мени на вашиот ученик. Како најздрава алтернатива препорачуваме тоа да биде овошје, во прв ред домашно јаболко.
Учете ги децата наместо да грицкаат смоки или чипс, да грицкаат свежи бадеми, ореви, семки од тиква, сончоглед и сл.

Здрава вечера
Вечерата секогаш треба да биде лесна и различна од ручекот. Потрудете се да му дадете нутритиви кои ќе му овозможат мирен сон на вашето дете. Никогаш не давајте ја храната пред спиење. Нека бидат тоа лесно сварливи намирници на база на млеко и млечни производи, зеленчук без целулоза, умерени количини леб и печиво. Храната во вечерните часови никако не треба да е пржена, силно зачинета и пресолена.
Јадете заедно и научете храната да ви биде задоволство и уживање, а не опсесија и оптоварување.

Јадење пред телевизор или компјутер???
Јадењето пред телевизор го одвлекува вниманието и така помалку внимание обрнуваме на тоа дали сме сити или не. Јадењето станува несвесно, а тоа лесно може да доведе до прејадување. Докажано е дека децата внесуваат многу повеќе калории од потребните кога нивното внимание е одвлечено од телевизиската програма.
Ограничете ги местата во домот на кои е дозволено да се јаде, на пример масата во трпезаријата или во кујната. Оброците треба да бидат време за семејството. Исто така, децата се посклони да прават подобар избор на храна кога јадат на иста маса со целото семејство.

Здравите навики почнуваат во кујната
„Излегувај, само ми правиш неред во кујната“, „Бегај, ќе се изгориш“, „Не допирај го ножот, ќе се пресечеш“… Звучи познато? Да, кујната е опасно место за малите деца, но тактиката да не му дозволувате на вашето малечко да учествува во приготвувањето на оброците е погрешна.
Всушност, поверојатно е вашето малечко да јаде одредено јадење или да прифати да вкуси нова храна доколку ви помогнало да ја приготвите. Пазарете со вашето дете, вклучете го при избирањето намирници, а потоа вклучете го во готвењето, дури и по цена да треба да чистите поголем неред.

The post ИСХРАНА КАЈ ДЕЦАТА НА УЧИЛИШНА ВОЗРАСТ appeared first on Аптеки PlusPharma.

Рбетот е стожер на целото тело
Децата на училишна возраст нагло растат во висина, а со самото тоа добиваат и во тежина. За растот во висина се одговорни коските, а мускулите растат побавно и со тоа се јавува релативна слабост на мускулатурата за да ја издржи тежината на детето, ако таа не се зајакнува постојано со физичка активност. Од друга страна, и коските треба постојано да ја одржуваат својата цврстина за да ги издржат истите оптоварувања.
Ако дојде до дисбаланс на растењето, зајакнувањето на мускулатурата и зацврстувањето на коските, можно е да дојде и до искривување на ’рбетниот столб.
Нормалниот ’рбет има облик на двојна, издолжена буква „С“,. При одредени промени ’рбетот може да биде искривен странично (кон лево или кон десно). Овие промени на ’рбетот ги нарекуваме сколиоза. Кога искривувањата на ’рбетот се кон напред или кон назад, зборуваме за кифоза.

Дали тешката училишна чанта е преголем дополнителен товар за првачињата и колку седењето со часови пред компјутер е „здраво“ за коските и муслулите на ’рбетниот столб?
Постојат повеќе причини за искривување на ’рбетот – вродени или стекнати болести на ’рбетниот столб, повреди, тумори, невролошки заболувања, инфекции и метаболни заболувања. За разлика од овие, функционалната сколиоза е многу побројна и најчесто е последица на лошо држење на телото или заземање принудна положба на телото поради болки во ’рбетот.
Сколиозата е двапати почеста кај девојчињата отколку кај машките. Многу често е поврзана со наглиот и брз раст во висина во периодот од 8-16 години. Околу 4% од децата од оваа група имаат видливо искривување на ’рбетот. Прогнозата зависи од повеќе фактори, но важи правилото: доколку се јави на подоцнежна возраст и на понизок сегмент на ’рбетот, дотолку прогнозата е подобра. Но, за жал, важи и обратното – ако се јави во раната возраст и на повисок сегмент од ’рбетот, прогнозата на сколиозата е потешка.
Кифоза е термин кој се употребува за искривување на ’рбетот кон назад, кога пациентот се гледа од страна. Во градниот дел од ’рбетот и нормално постои вакво искривување, но за кифоза зборуваме кога тоа е значително нагласено.
Најчесто кифозата се јавува како последица на лошо држење на телото. Кај момчињата и девојчињата во период на адолесценција, подвижноста на ’рбетниот столб не е нарушена и кифозата лесно се коригира со поправање на држењето на телото, со физичка активност.
За секое искривување на ’рбетот неопходен е лекарски специјалистички преглед. Многу од случаите се решаваат едноставно со следење и со физикална терапија.

Но, запомнете: најважна е превенцијата од искривувања на ’рбетниот столб.
Редовната физичка активност, правилниот став во однос на држењето на телото, особено во периодот на брз раст и развој, се клучни во спречувањето на кифозата и сколиозата. Најранлива популација, секако, се децата на училишна возраст и адолесцентите. За здрав и цврст ’рбет се препорачуваат спортски активности што го јакнат ’рбетот – пливање, гимнастика, балет, како и витаминско-минерален додаток во исхраната со калциум и витамин Д.

Лекување
Најчесто, поради рана детекција на сколиотичните држења, кај децата на училишна возраст со неправилна постура (став, држење) се применуваат кинезитераписки процедури кои се придружна терапија и кај деформитети кои се со конзервативен третман на лекување. Преземањето на превентивни мерки за спречување на деформитетот на ’рбетот е од суштинско значење, особено во период на забрзан скелетен раст (адолесценција) со редовно следење од страна на ортопед и специјалист по физикална медицина и рехабилитација, со укажување корективни навики во секојдневните активности и изготвување поединечни вежби за зајакнување на ослабената мускулатура при мускулниот дисбаланс.
Кинезитерапевтските третмани покажуваат дека е можно постигнување на позитивен баланс на мускулатурата преку одредување индивидуални вежби за дишење и корекција на ставот во стоење, седење, создавање навики за истегнување на скратените мускули, вежби за јакнење на одделни групи мускули, со посебни програми за вежби во вода и пливање. Вежбите се одредуваат во зависност од возраста на пациентот, неговата кондициона подготвеност и, се разбира, од степенот на сколиоза.

Спортувањето – прва превентива.
Според досегашните искуства, спортувањето и практикувањето на вежби се со неспорна медицинска вредност. Спортувањето е метод на избор кон кој треба да насочуваат и родителите, од рана возраст кај децата, со цел да се превенираат состојби со искривување на рбетот. Особено што на училишна возраст постои висок процент на застапеност на сколиоза и сколиотични држења поради инактивитетни навики, долготрајно седење во училишната клупа и зголемена употреба на домашниот компјутер, што го пасивизира детето во седечка положба со консеквентен дисбаланс на мускулатурата од грбот.
Долгото седење во училишните клупи, долготрајната употреба на компјутер и други инактивитетни навики кои го пасивизираат детето, ги прават децата од училишна возраст особено изложени на деформитети на ’рбетот.

д-р Горан Видоевски, ортопед, ПЗУ ОРТОМЕДИКА

The post СКОЛИОЗА И КИФОЗА appeared first on Аптеки PlusPharma.

Светска здравствена организација (СЗО) за дијабетес
СЗО има цел да се поттикне и да се поддржи усвојувањето на ефикасни мерки за надзор, превенција и контрола на дијабетесот, како и за компликации од дијабетесот, преку пристап до примарната здравствена заштита, особено во земјите со низок и со среден приход.
За таа цел:

• Обезбедува научни упатства за спречување на дијабетесот;
• Развива норми и стандарди за дијагноза и нега на дијабетесот;
• Ја гради свеста за глобалната епидемија на дијабетесот; обележување на Светскиот ден на дијабетес – 14-ти ноември;
• Врши надзор на дијабетесот и на неговите ризик-фактори.

Глобалната стратегија на СЗО за исхрана, физичка активност и за здравје е насочена кон граѓаните и има цел да изврши широка промоција на здравата исхрана и редовната физичка активност, а со тоа и намалување на растечкиот глобален проблем со прекумерната тежина и дебелината, како главни ризик-фактори за појава на дијабетесот тип 2 и можните компликации.

Проф. д-р Бистра Ангеловска

The post ДИЈАБЕТЕС И КОМПЛИКАЦИИ appeared first on Аптеки PlusPharma.

Здравјето на дланка
Природата е чудотворна и претставува извор на повеќе од 1200 растенија за кои се смета дека имаат антидијабетично дејство.
Која билка да се одбере и каков ќе биде нејзиниот ефект зависи од повеќе фактори како што се климатските услови, поднебјето и квалитетот на почвата, а дополнително влијание има и периодот во кој билките се обработуваат или берат.

Нашето поднебје е богат расадник на билки и вегетација кои активно се применуваат во третманот и  регулацијата на шеќерната болест.
Многу од нив активно се применуваат во народната и алтернативна медицина, а неретко се препорачани и од лекарите како дополнение на стандардната медикаментозна терапија.

Боровинки

Благодарение на својот богат флавоноиден и антицијанидински состав, боровинките овозможуваат нормализирање на крвниот шеќер, намалување на рецепторната нечувствителност кон инсулин и подобрување на срцевата и мозочната активност. Покрај ова, имаат ефекти во намалувањето на телесната тежина, а го регулираат и  нивото на вкупниот и „лошиот“ холестерол во крвта (ЛДЛ). Од друга страна, ја зголемуваат концентрацијата на ХДЛ или народно познат како „добар“ холестерол.

Плодовите на шумските боровинки содржат преку 7% танини, 20-30% шеќери, пектини, витамин А, Б и Ц, како и состојки кои го намалуваат нивото на шеќер во крвта. Како најважна лековита состојка на боровинките се издвојува миртилинот на кој денес со право му е доделено името РАСТИТЕЛЕН ИНСУЛИН. Овој гликозид се наоѓа во листовите на боровинките, а за лекување на дијабетес потребно е листовите да се соберат пред цветање. По цветањето миртилинот преминува во плодовите.
За третман на шеќерната болест се користат и плодовите и листовите. Боровинките можете да ги консумирате како чај од боровинки или свежи, 20-30 бобинки секое утро.

СОВЕТ:
Доколку сте во можност, редовно секој ден употребувајте сок од боровинки и тоа по една голема лажица, половина час пред јадење.

Цимет

Карактеристичната егзотична арома на циметот делува како магнет кој магично ги привлекува своите консументи. Освен што шармира, циметот со својата сладникава миризба и силен вкус, со години наназад се користи и како природен лек и заштитник на здравјето. Традиционално се употребува за олеснување на симптомите на ревматизам, главоболки, настинки и низа други заболувања.
Достапен е во текот на целата година, но најпримамлив е во текот на студените денови. Може да се најде во форма на стапчиња и во форма на прав.
Денешните податоци покажуваат дека циметот го намалува нивото на шеќер во крвта преку намалување на инсулинската нечувствителност на рецепторите. Циметот помага и во намалување на триглицеридите и нивото на ЛДЛ (лошиот холестерол). Се смета дека фенолните компоненти, присутни кај циметот, се одговорни за антидијабетичната активност.

СОВЕТ:
Се препорачува консумирањето на цимет да не трае подолго од 6 недели, а потоа се препорачува пауза од 1 недела, или пак 5 дена јадете цимет, а два дена паузирајте.
Употребете го секаде каде што го задоволува вашиот вкус. Во цералиите за време на вашиот појадок, во вашиот десерт, во благи печива и напивки.

Претпазливост:
Не е препорачливо циметот да се консумира во големи количини. Избегнувајте да внесувате повеќе од 4 грама цимет дневно.

Цикорија

Уште пред неколку децении се приготвувала напивка од цикорија која има вкус сличен на кафето. Ова претставувало одлична напивка бидејќи цикоријата е особено здрава и не содржи кофеин.
Лековити делови на цикоријата се: коренот, листот и цветот. Најчесто, како лек, се користи коренот од цикоријата. Тој се копа во есен, кога е најдебел и има најмногу лековити состојки. Поретко се користи надземната билка, која се бере за време на цветањето. Коренот се копа од втората половина на март до крај на мај, а листовите и цветовите се берат во време на цветањето на билката.
Лековитите својства на цикоријата се многукратни. Нејзината лековитост се должи на богатиот состав, а пред сé на високата концентрација на инулини, кои играат значајна улога во исхраната на дијабетичарите. Инулините претставуваат лесно растворливи диететски влакна кои во високи концентрации ги има токму во коренот од цикорија. Коренот не содржи скроб, што го прави идеална храна за дијабетичари бидејќи не влијае на покачување на нивото на шеќер во крвта. Инулинот, исто така, е корисен во намалувањето на телесната тежина, прочистувањето на крвта и црниот дроб.

Всушност, коренот од цикорија го забрзува метаболизмот, а воедно има и хипогликемиски удел со што двојно е корисен кај луѓе со благо покачување на шеќерот во крвта.
Коренот од цикорија може да биде и идеален диететски оброк приготвен во облик на салата. За ова е потребно коренот добро да се исчисти, како би се неутрализирал изразениот горчлив вкус.

„Кафе“ од цикорија
Коренот може да се испече и сомеле, и да се користи за подготвување на топла напивка. Цикоријата може да се користи како замена за кафе или чај, но за разлика од обичното кафе или чај, цикоријата не содржи кофеин. Оваа напивка се прави од испржен и сомелен корен од култивирана цикорија со крупен месест корен, богат со инулин.

Чај од цикорија
Чајот од корен од цикорија се приготвува со преливање на половина кафена лажичка сув корен со 200 мл ладна вода и се остава да проврие на тивок оган 5-8 минути. Се остава да отстои 15 минути и потоа се процедува. Консумирајте 3-4 чаши чај во текот на денот.

The post МОЌТА НА БИЛКИТЕ – во третманот на шеќерната болест appeared first on Аптеки PlusPharma.

Артритисот е воспаление на зглобовите проследено со болка, вкочанетост, отоци и црвенило на зглобовите, неретко проширено и на околните ткива и мускули. Постојат повеќе видови  артритис, а како најзастапени форми се ревматоиден артритис и остеоартритис.

Ревматоиден артритис најчесто се појавува кај луѓе на возраст над 40 години, и тоа двапати почесто кај жените отколку кај мажите. Но неретко може да се појави и кај децата. Го карактеризираат воспаление и болки во дланките, зглобовите на прстите, рацете, нозете и стапалата. Симпатологијата продолжува со општ замор и несоница. Прогресивно заболувањето може да предизвика оштетување на други делови на телото, вклучувајќи го срцето, белите дробови, очите, нервите и мускулите. Мачнината од ревматоидниот артритис може да се развива со недели или со месеци, и вообичаено е најсилна по будењето.

Остеоартритис или дегенеративна болест на зглобовите се однесува на болка или воспаление што може да биде последица на систематско губење на коскеното ткиво во зглобовите. Ова е и најчестиот облик на артритис, особено кај повозрасните. Иако механизмот за настанување на остеоартритисот е непознат, изгледа дека некои луѓе се генетски попредодредени на дегенеративни промени на коските.

Врските помеѓу промената на временските услови и артритисот
Иако, научно, сéуште не се утврдени врската и механизмот на влијанието на временските промени врз болните со артритис, сепак утврдено е дека одредени временски фактори можат да провоцираат или да ја зголемат артритичната болка. Наглите промени на атмосферскиот притисок можат да влијаат на зголемување на болката, додека пак ниските температури на  зголемена вкочанетост, како на зглобовите така и околните лигаменти и мускули.
Токму поради ова, на лицата со артритис најмногу им одговара сува и топла клима.
Од друга страна, лицата кои живеат во предели со променлива клима се добри метеопрогнозери кога станува збор за најава на промени на времето.

„Ме болат зглобовите, сигурно ќе врне“ е честа изрека и добра најава дека ќе следат промени во временските услови.

Има ли лек?
Сéуште не е пронајден лек со кој може да се излекува артритисот, но секако, современата фармакотерапија располага со широка палета на лекови за ублажување на симптомите и, секако, за забавување на прогресијата на болеста.

Како да си помогнеме?
Во насока на подобрување и олеснување на симптомите кои се иницирани од промените на времето, можеме да преземеме низа активности и промени во животните навики:

• Редовно движењеи лесни форми на вежбање,дури и кога времетоелошо,со цел да се одржува тонусот на мускулатурата која ги поддржува коските. Покрај ова, ќе се намали чувството на болкаи вкочанетост и ќе се сочува подвижноста на зглобовите.
• Пливање или друг облик на телесни вежби во вода, по можност во загреан базен, овозможува да се движат болните зглобови и да се јакнат мускулите, а водата помага да се држи телото и да се смалува гравитациското оптоварување.
• Консумирање здрава исхрана богата со омега-3 масни киселини(риба, масло од ленено семе, брокули).
• Намалување на телесната тежина со целда се намали притисокот врз коските и зглобовите.
• Употребана растителни препаратии чаевикои содржат ѓумбир и куркума. Ѓумбирот, освен на ублажување на воспалителниот процес , делува и на намалување на мачнината.

Куркумата и ѓумбирот имаат силни антифламаторни својства и значително помагаат во олеснување на симптомите на ревматоидниот и на остеоартритисот.

The post АРТРИТИС appeared first on Аптеки PlusPharma.

Тиквата (Cucurbita pepo) е едногодишно зелјесто растение познато во културите на сите земји со потопли климатски услови. Потекнува од Централна Америка, а во Европа е донесена во XVI век. Во исхраната се користат плодот, семките и маслото.

Изобилство од хранливи компоненти

Тиквата е драгоцено депо на низа лековити компоненти. Покрај мали количини на белковини, јаглехидрати и масти, содржи богатство од витамини (А, Ц, Е и витамини од групата Б) и минерали (калиум, калциум, фосфор, железо, бакар, манган и цинк). Составот е надополнет со олигоелементи и микроелементи, пектин, целулоза и други билни влакна.
Со редовно присуство на тиквата во нашето мени му овозможуваме на организмот заштита од штетното дејство на слободните радикали, што пак директно влијае на забавување на процесот на стареење на организмот.

Лековити својства

Тиквата е идеален диуретик. Се препорачува на лица со ревматски тегоби, воспаленија на уринарни патишта, жолчка и бубрези. Познати се и ефектите во намалување на нивото на холестерол во крвта.
Покрај ова, штити од кардиоваскуларни заболувања, дегенерација на клетките во очите и го намалува  процесот на појава на катаракта.
Присуството на пектини и целулоза ја прави тиквата одличен избор за лица кои имаат проблеми поврзани со чувствителен желудник.
Секако, тиквата е задолжителна и во менито на дијабетичарите, бидејќи поволно влијае и во намалувањето на шеќерот во крвта.

Идеална за вита линија

Тиквата е нискокалорична намирница и во 100г од овој производ содржани се само 26 калории со отсуство на незаситени масти и холестерол.
Токму поради ова, тиквата претставува идеален избор на храна за сите оние што сакаат вита линија, без притоа да бидат ускратени од внес на есенцијални минерали и витамини.

Семки – скриеното богатство на тиквата

Добро испечена и слатка тиква во есенскиот период од годината е одличен десерт или ужина, но семките од овој есенски дар се вистинско скриено богатство.

• Природен лек за простата

Заради богатството со омега-3 масни киселини и фитохемикалии, семките од тиква докажано помагаат во лекување на зголемена  простата (хиперплазија) и со редовна употреба превентивно делуваат во спречувањeна нејзина појава.

• Оптимално количество магнезиум

Една рака семки од тиква содржи 92% од дневните потреби на магнезиум, минерал важен за релаксирање на нервите и мускулите, за зацврстување на коските и за подобрување на циркулацијата.

• Богати се со цинк

Високата вредност на цинк која овие семки ја содржат дава безброј придобивки. Го подобрува имуниот систем и зараснувањето на раните, превенира остеопороза кај возрасните, а кај децата помага во правилно развивање на сетилата за вкус и мирис.

• Штитат од срцеви заболувања

Семките од тиква изобилуваат со фитостероли кои помагаат во балансирањето на крвниот холестерол и превенираат коронарни заболувања.

• Го подобруваат расположението!

Иако есента и зимата знаат да бидат многу депресивни, семките од тиква се богати со аминокиселината L-триптофан, одговорна за зголемување на нивото на серотонинот во мозокот кој делува антидепресивно и го подобрува нашето расположение!
Повеќе семки за повеќе насмевки.

Важно:
За целосни придобивки најдобро е да се консумираат сурови семки. Можат да се употребат самостојно во мелена форма или помешани со јогурт или кисело млеко во комбинација на семки од лен, сусам и сончоглед.

Подготовка на мешавина од семки

Подгответе хомогена смеса од еднаква количина на свежо мелени семки од тиква, лен, сончоглед и сусам (на пример по 100 г). По 2 лажици од оваа смеса секоја вечер додадете во шолја кисело млеко или јогурт. Смесата оставете ја да отстои преку ноќта и консумирајте ја рано изутрина. Остатокот од мешавината чувајте го во стаклена тегла во фрижидер.

Совет:
При лупењето на семките да се внимава да не се излупи и сребрено-зелената обвивка, бидејќи во неа се наоѓаат најважните лековити компоненти.

Масло од семки

Се добива со екстракција од семките од тиква. Изобилува со многу корисни компоненти како омега-3 и омега-6 масни киселини, аминокиселини, цинк, како и пристојни количини витамин А, Ц и Е.
Маслото се има докажано како добра храна за превенција и лекување на одредени заболувања. Делува позитивно на репродуктивните органи, ја подобрува мозочната функција и помнењето, го подобрува расположението и има докажани ефекти во подобрување на видот.
Содржано е во голем број козметички линии и креми за подмладување и одржување на здрав и убав изглед на кожата.

Чорба од тиква

Потребни состојки:

• 1 главица кромид
• 250г тиква
• 1 поголем компир
• 700мл вода
• 1 лист лорбер
•  ½ лажиче куркума и лимонов сок, по желба
•  сол, бибер, магдонос

На малку зејтин се пропржува кромидот. Тиквата и компирот се рендаат и се додаваат во пропржениот кромид, заедно со водата, и се вари 10 минути. Се трга од оган и се блендира со рачен блендер. По добивање на хомогена смеса, се додаваат зачините и сечканиот магдонос и се враќа на оган уште 1 минута.

Задолжително пробајте го овој вкусен и хранлив оброк!

Печена тиква – десерт за целото семејство
Тиквата исечете ја на парчиња и наредете ја во плех обложен со хартија за печење. Во претходно загреана рерна на 170˚ тиквата се пече непокриена 45-60 минути.

Совет:
Со цел да се користат придобивките на тиквата во текот на целата година, тиквата може да се чува во замрзнувач во период до 10 месеци.

The post ТИКВА – есенска кралица appeared first on Аптеки PlusPharma.

Покрај зачин, за куркумата се верува дека е еден од најмоќните природни лекови, а токму овие лековити својства се препишуваат на активната супстанција наречена куркумин.

Медицинските ефекти се познати уште одамна и на куркумата ѝ биле препишувани бројни тераписки дејства на цела низа болести.
Научните истражувања од поново време само ги потврдиле нејзините позитивни својства и докажале дека е вистинско чудо на природата.

Има изразено силно антиоксидантско, противвоспалително, антивирусно, антибактериско, антимикотично и антиканцерогено дејство, што ја прави куркумата  делотворна во лекување и превенција на дијабетес, артритис, алергии, малигни и други хронични заболувања. Куркумата е призната и докажана како традиционално средство во лекување на Алцхајмерова болест.

Според својата нутритивна вредност, куркумата е одличен извор на железо, манган, калиум, витамин Б6 и на диететски влакна.

Причини повеќе да ја воведете куркумата во вашето секојдневно мени
Покрај зачин кој на вашите јадења ќе им даде специфични и карактеристични вкус и мирис, сметајте и на следните придобивки:

• природен лек против болки
• лек против артритис
• го подобрува метаболизмот и варењето на храната
• спречува и забавува раст на метастази кај многу видови канцер
• помага во лекување на псоријаза и други воспаленија на кожа
• на природен начин го чисти црниот дроб
• одличен лек против депресија

Совет
Доколку на деклариран состав на некој прехранбен производ ја забележите ознаката Е100, бидете безгрижни. Станува збор за ознака за природната жолта боја од куркумата.

The post КУРКУМА appeared first on Аптеки PlusPharma.

Поради својот карактер на хронично и прогресивно заболување и поради епидемиските размери, дијабетесот претставува не само здравствен, туку и социјален и економски проблем. Се смета дека во светот има над 250 милиони лица заболени од дијабетес со дополнително висок процент на потенцијално заболени лица.

Во Македонија има околу 120 000 до 150 000 лица со дијабетес, од кои само околу 1-3%  се со тип 1, а другите му припаѓаат на типот 2.

The post ДИЈАБЕТЕС – шеќерна болест appeared first on Аптеки PlusPharma.

Усната хигиена е есенцијален дел од доброто здравје. Пациентите кои имаат дијабетес многу почесто имаат проблеми во усната шуплина, во споредба со останатите пациенти. Затоа, доколку имате дијабетес и сакате да ги избегнете компликациите во усната шуплина кои тој ги предизвикува, грижата за усното здравје е исклучително важна. За почеток морате да го известите вашиот стоматолог дека имате дијабетес, бидејќи е потребно третманите да бидат приспособени на вашата состојба и, секако, потребно е вашиот доктор да ве едуцира како најдобро да ги избегнете компликациите од дијабетесот.

Кои промени се случуваат во усната шуплина кај пациентите со дијабетес?

Дијабетесот е системска болест која е проследена со покачено ниво на шеќер во крвта. Доколку дијабетесот не е лекуван, односно доколку количината на шеќер во крвта не е контролирана, се појавуваат промени во органските системи, па дури и во усната шуплина. Една од главните промени е намалување на количината на плунка во устата, што води до ксеростомија или сува уста. Количината на шеќер во плунката е зголемена, pH нивото на плунката е намалено, а количината на калциум во неа е зголемена. Сите овие промени предизвикуваат проблеми во усната шуплина.

Зошто кај пациентите со дијабетес е зачестена појавата на кариес?

Намалената количина на плунка кај овие пациенти оневозможува самочистење на забите. Храната подолго се задржува во устата, каде започнува да се распаѓа и со тоа создава уште покисела средина. Јаглехидратите се исто така храна за бактериите кои со нивна помош растат и се размножуваат, а киселината која ја создаваат ја деминерализира глеѓта и со тоа го создава кариесот. Во прилог на сето ова е и зголемената количина на шеќер во плунката кој исто така е храна за кариогените бактерии и намаленото pH ниво на плунката. Тоа значи дека пациентите со дијабетес во голема мера се повеќе подложни на кариес. Затоа овие пациенти мораат да бидат свесни за својата состојба и да водат уште повеќе грижа за усното здравје. Забите треба да ги мијат по секој оброк. Треба секојдневно да употребуваат конец за заби. Исхраната треба да биде приспособена и треба да избегнуваат слатка храна и пијалаци. Устата често треба да ја плакнат со вода. Посетите на стоматолог треба да се почести од вообичаено, односно барем еднаш на шест месеци, со тоа ќе се избегнат секакви поголеми интервенции и кариозните лезии ќе бидат санирани во рана фаза.

Зошто кај пациентите со дијабетес се појавува непријатен здив?

Најчеста причина за непријатниот здив или халитоза е лошата усна хигиена, пародонтопатијата и болестите на непцата, кариозните и гангренозни заби. Меѓутоа, кај пациентите со дијабетес постои и системски причинител на непријатниот здив. Бидејќи организмот на овие пациенти има проблем да создава енергија од јаглехидратите, наместо нив ги претвора мастите во енергија. Во овој процес како нуспродукт се ослободуваат кетони, поради кои дијабетичарите понекогаш имаат здив кој мириса на ацетон. За да ја избегнат оваа непријатна состојба на лош здив, пациентите со дијабетес треба да се погрижат, пред сé, да имаат контролирано ниво на шеќер во крвта, да избегнуваат слатка храна и засладени пијалаци и, секако, бескомпромисно да одржуваат добра усна хигиена.

Што е со габичните инфекции кај пациентите со дијабетес?

Зголеменото ниво на шеќер во крвта и во плунката, намалениот имунски систем и сувата уста кај пациентите со дијабетес се идеални услови за развој на кандидијаза. Тоа е габична инфекција предизвикана од габата Candida Albicans. Инаку, таа е жител на сите слузници во човековото тело, меѓутоа кога премногу ќе се размножи ја нарушува рамнотежата на нормалната флора и предизвикува инфекција. Кандидијазата се појавува како бели островца на јазикот и слузниците кои не можеме да ги отстраниме. Доколку се обидеме да ги отстраниме, слузницата под белите наслаги може да закрвави. Неретко пациентите се жалат на непријатниот и горчлив вкус во устата. Често кандидијазата е проследена и со црвени испукани агли на устата – хелитис. Ова е уште една причина зошто пациентите со дијабетес мораат да имаат одлична усна хигиена. Препорачливо е миење на забите по секој оброк. Доколку пациентот има протетички надоместоци, протези, потребно е тие темелно да ги измие по секој оброк. Потребно е често навлажнување на устата и плакнење со вода. Корисни се и усните води кои не содржат алкохол бидејќи тој дополнително ја иритира слузницата. И секако, чести посети на стоматолог. Во случај кога кандидијазата веќе настанала, терапијата е со антимикотици.

Каква е поврзаноста на пародонтопатијата и дијабетесот?

Зголеменото ниво на бактерии кај пациентите со дијабетес и зголемената акумулација на наслаги на забите, предизвикани поради зголеменото ниво на шеќер и сувата уста, се главната причина за воспаление на непцата. Доколку пациентите немаат одлична хигиена, овие наслаги полни со бактерии кои најпрво се меки, преоѓаат во тврди забни наслаги или забен камен. Како реакција на бактериите и нивните продукти, доаѓа до воспаление на непцата – гингивитис. Непцата отекуваат, крвават при миење и при чистење со конец. Кога воспалението перзистира подолг период, коската од вилицата во која се всадени забите започнува да се топи, како резултат на киселиот pH и воспалителните медијатори. На таков начин настанува пародонтопатијата. Покрај ова, пациентите со дијабетес имаат и намален имунски систем и намалена циркулација, што дополнително ги ослабнува непцата во борбата со бактериите. А воспалителните продукти кои настануваат во пародонтопатијата, пак, го зголемуваат нивото на шеќер во крвта и со тоа ја намалуваат можноста за контрола на дијабетесот. Затоа пациентите со дијабетес мораат да имаат посебен мониторинг на пародонталниот статус кај својот стоматолог. Отстранување на меките и тврди забни наслаги, лупење и загладување на корените на забите и отстранување на воспалителното ткиво се дел од пародонталниот третман кој треба да го прават пациентите со дијабетес барем двапати во годината. Секако, пациентите треба секојдневно да одржуваат одлична усна хигиена и да користат усна вода која содржи хлорхексидин.

Ана Кртолица-Георгиев,
д-р дент. мед.

The post ДИЈАБЕТЕС и проблеми во усната шуплина appeared first on Аптеки PlusPharma.

Празот е многу старо култивирано растение кое е во најблиско сродство со кромидот и лукот, но со поблаг вкус и мирис. Неправедно спаѓа во намирници кои само повремено се користат во исхраната како додаток, иако може самостојно да се користи во многу јадења.

Богат нутритивен состав

Нутритивниот состав на празот е „за почит“, па, меѓу другото, на листата од неговата содржина се наоѓаат: витамин Ц, Б6, каротин, витамин Е, а од минерали празот е богат со: манган, фолна киселина, железо, магнезиум, фосфор, калиум и калциум.
Една од главните компоненти што го прават празот посебен, а и близок до лукот, е алицинот. Токму оваа компонента го става празот во редот на зеленчуци со докажано антибиотичко дејство.
Покрај ова, празот е богат и со етерични масла, кои го зголемуваат лачењето на дигестивните сокови и со тоа го подобруваат варењето на храната.

Благодат за организмот
Бидејќи содржи доста калиум (во 100 г има 300 мг), а малку натриум (сол), празот е силен природен диуретик. Благодарение на диуретичкиот ефект, празот е одличен чистач на организмот од токсини. Затоа, често празот им се препорачува на лицата со бубрежни и кардиоваскуларни заболувања, осебно за намалување на отоците.
Празот, во споредба со сите зимски зеленчуци, содржи најмногу каротин, витамин Ц и Е. Ваквиот распоред и ваквите концентрации на активни компоненти го прават празот супер храна во борбата против настинките, инфекциите и во подобрување на општата состојба на организмот преку директно јакнење на имуниот систем.
Содржината на моќни антиоксиданси го штити организмот од штетното делување на слободните радикали, а во продолжение на тоа и од многу хронични заболувања, вклучувајќи го и ракот. Со право, празот се смета за природен антиканцероген кој помага во превенција од малигни заболувања.

Мевлем и за кожата
Празот ја негува и кожата. Супата од праз го осветлува тенот. Содржината од витамин Е и каротин, се важни фактори за здрава, еластична и нежна кожа.

Празот ги „топи“ килограмите
Празот е нискокалорична билка. Содржи 86% вода, а во 100 г праз има само 35 калории. Содржи многу малку масти и шеќери, а доста целулоза, која брзо дава чувство на ситост. Пектинот од празот прави заштитен филм на слузокожата од желудникот. Вклучен во избалансирана исхрана, празот е идеален за одржување на нормалната телесна тежина. Многу често празот како намирница се вклучува во разни диететски комбинации.

Што почесто и повеќе на вашата трпеза
Леснотијата во чувањето на празот во суров облик преку зима дава одлична предност за неговата употреба. Празот може да се употребува во комбинација со други зеленчуци и е одличен додаток на разни супи и макала. Ако сакаме на организмот да му дадеме најмногу што можеме, разновидната исхрана, секако, подразбира и редовно внесување зеленчуци во оброците. Ова значи и почесто вклучување и на празот и тоа по можност во свежа форма.

Совет
Со готвењето на празот се нарушува витаминско-минералниот состав, па затоа најдобро е да се јаде свеж или како додаток во комбинирани салати и макала. Не се препорачува празот да се замрзнува. Во фрижидер, незамрзнат, може да се чува до 10 дена.

The post ПРАЗ – чистач на организмот appeared first on Аптеки PlusPharma.

Разбудете ја внатрешната сила и разберете ја својата вистинска природа!

КОГА ДА СЕ ПОЧНЕ СО ЈОГА ВЕЖБИ?
Се препорачува започнување на јога вежби по третиот месец од бременоста. Така, трудницата ќе има време да научи како да се релаксира, како да го контролира и продлабочи дишењето и како да ја насочи енергијата за да може тоа искуство да го примени во текот на породувањето.

Јога во бременоста од лично искуство
Подготовките за пристигнување на моето бебе започнаа уште за време на бременоста. Тогаш активно ги практикував јога вежбите (асани) во консултација со јога инструктор. Тие ми помогнаа бременоста да ја поминам безбедно, без компликации и во позитивна психичка состојба. Така, со чиста љубов и потполно прифаќање го дочекав своето новороденче. Смирувачките јога вежби за дишење и за релаксација, а најверојатно и самата посебна состојба, спонтано ми помoгнаа да немам никакви негативни мисли. 
На часовите ТЕЛЕСНИТЕ ВЕЖБИ беа приспособени за периодот на бременоста. Со вежбите се постигнува поголема еластичност и цврстина на мускулатурата, се зголемува подвижноста на карлицата и се отстрануваат или ублажуваат болките во грбот и во половината. Вежбите не се напорни, не исцрпуваат, напротив, освежуваат и го враќаат доброто расположение. 

– Став (асана) пеперутка

Помага да се олабават мускулите на колковите и препоните.

 
Став (asana) мачка

Оваа вежба се фокусира на мускулите на вратот, рамената и ’рбетот . Тоа помага за полесно движење без тегоби.

Составен и неизбежен дел од часовите беа ДЛАБОКО И РИТМИЧНО ДИШЕЊЕ, преку кое се обезбедува повеќе кислород и повеќе витална енергија. Техниките на дишење ме релаксираа и ми помогнаа да ја сочувам позитивната енергија.

* Mаксимата дека во текот на бременоста треба да јадете за двајца не важи, но е точно дека треба да дишете за двајца.

РЕЛАКСАЦИЈАТА беше неизбежна за ослободување на акомулираната напнатост. Техниките на дишење и на релаксација ми беа од голема корист за свесно опуштање помеѓу контракциите во текот на породувањето и побрза ревитализација и ментална свежина по породувањето.

ШТО СЕ ПОСТИГНУВА?

– Со јога вежбите жената учи да се релаксира, да го контролира дишењето, да ги негува позитивните мисли и на тој начин ја обновува својата енергија.

– Полесно да се соочи со емотивните промени карактеристични за овој период, како и со постпородилната депресија кога се јавува.

– Да ја одржи внатрешната смиреност и хармонија, што се пренесува и на бебето за време на бременоста. Истражувањата покажуваат дека бебето во утробата е под влијание на севкупниот начин на живеење на мајката. Внатрешниот мир, стекнат преку практикувањето на јогата, надополнет со мајчината љубов е од голема важност за хармоничен развој на новороденчето.

Се овозможува телото и духот брзо да се вратат во претходната состојба.

The post ЈОГА ВО БРЕМЕНОСТА appeared first on Аптеки PlusPharma.

Слободни радикали

Слободните радикали не се нешто невообичаено. Тие се во постојан циклус на создавање и неутрализирање во организмот преку еден сложен метаболистички и хемиски процес. „Проблемот“ настанува кога циклусот на создавање на слободни радикали е побрз и поголем од способноста на организмот да ја „заврши работата“ на неутрализација. На овој начин во организмот се јавуваат „вишок“ слободни радикали. Ова посебно се истакнува кога организмот е во состојба на континуиран или силен стрес, зголемена физичка активност, неправилна исхрана и специфични надворешни влијанија (изложеност на дејство од пестициди, издувни гасови, загаден воздух и сл.).
Во состојба на вишокот слободни радикали, во организмот се создаваат услови за оштетување на телесните клетки, па дури и нивно пропаѓање и изумирање, што води кон развој на посериозни заболувања. Така, многу заболувања на крвните садови, нервите, срцето, па и развојот на малигни заболувања директно се поврзува со активноста на слободните радикали.

Клеточните структури први на удар

Слободните радикали преку сложен процес вршат оштетување на целата клеточна градба, но главниот проблем настанува кога разорното дејство на слободните радикали го оштетува генетскиот материјал односно ДНК структурата. Овие промени во генетската градба водат кон натамошна мутација на клетките и развој на малигни клетки и ткива.
Преку овој процес на пропаѓање и изумирање на клеточните структури, слободните радикали директно се поврзуваат и со процесот на стареење на организмот.
Влијанието на слободните радикали е особено изразено при хронични заболувања кога од примарно значење е нивното „држење под контрола“ со цел да се спречи евентуалното оштетување на здравите клетки.

Потенцијални извори

• загаден воздух                                                 
• цигари
• радијација
• предолга изложеност на штетно сончево зрачење
• хербициди и пестициди
• некои видови храна
• адитиви и конзерванси во исхраната
• лекови и дрога

Како да се справиме?

Делото на „мајката природа“ во борбата против слободните радикали е отсликано во создавањето илјадници различни супстанции кои се нарекуваат антиоксиданси и чија примарна улога е да нè заштитат од штетното влијание на слободните радикали!

Антиоксидансите во организмот делуваат на неколку начини:

• оневозможуваат создавање нови слободни радикали, односно го одржуваат балансот

• го уништуваат вишокот создадени слободни радикали

• ги регенерираат оштетените клетки настанати од ефектите на слободните радикали.